Johnny Cheung Wa ပါဝင်သော ဇာတ်ကားများ

ဒီဇာတ်ကားလေးကတော့ ဆိုက်ဘာပြစ်မှုကျူးလွန်မှုကားတွေကြိုက်တတ်တဲ့ ပရိသတ်ကြီးအတွက် အကြိုက်တွေ့စေမဲ့ဇာတ်ကားကောင်းလေးပဲဖြစ်ပါတယ် ။ အထဲမှာ fight scene တွေ action ခန်းတွေကလည်းရှယ်ဆိုတော့ ကြည့်ကိုကြည့်သင့်နေပါပြီ ။ ‌ICU ( အင်တာနက်ဆိုက်ဘာကျူးလွန်မှုများအားဖမ်းစီးရေး) အဖွဲ့ရဲ့ စုံစမ်းချက်တွေအရ ၂၀၂၃ ခုနှစ်မှာ အင်တာနက်မှာ မှောင်ခိုဝက်ဘ်ဆိုက်တွေထောင်ပြီး မူးယစ်ဆေးရောင်းဝယ်ဖောက်ကားနေမှုတွေအများကြီးရှိလာပါတယ် ။ ခန့်မှန်းချေ မူးယစ်ဆေး ၇တန်ကျော် ၊ အမေရိကန်ဒေါ်လာ ၂ သန်းကျော်ဖိုးနဲ့ Web ပေါင်း ၇သိန်းကျော်ထိရှိလာခဲ့တာပါ ။ အဲဒီမှောင်လိုဝက်ဘ်ဆိုက်တွေက တစ်ကမ္ဘာလုံးကိုပြစ်မှတ်ထားတာဖြစ်ပြီး အာရှတိုက်တစ်ခုလုံးကိုပါ ပျံ့နှံ့လာခဲ့ပါတယ် ။ မူယစ်ရာဇာတွေကို တစ်ယောက်ယောက်ပြီးတစ်ယောက်ဖမ်းမိခဲ့ပါတယ် ။ ဒါပေမဲ့ လက်ရှိစုံစမ်းစစ်ဆေးချက်တွေအရ အာရှတိုက်မှာနာမည်ကြီးနေတဲ့ မှောင်ခိုဝက်ဘ်ဆိုက်ရဲ့ founder "လောင်ပန်" အမည်ရှိသူကိုတော့ဖမ်းလို့မမိသေးပါဘူး ။ ICU ရဲ့စုံစမ်းချက်အရ လောင်ပန်ရဲ့နောက်လာမဲ့ပစ်မှတ်က ဟောင်ကောင်ဖြစ်နေချိန်မှာတော့... ဟောင်ကောင်က ဆိုက်ဘာပြစ်မှုစုံစမ်ူရေးရဲတွေရယ် ၊ အတွင်းသူလျိုတွေရယ်ပေါင်းပြီး လောင်ပန်ကိုဘယ်လိုဖော်ထုတ်သွားမလဲ ? ဘယ်လိုအမှုမျိုးတွေကိုဖမ်းဆီးသွားမလဲဆိုတာကို စိတ်ဝင်စားဖွယ်ကြည့်ရှုရမှာဖြစ်လို့ ကြည့်ဖြစ်အောင်ကြည့်ဖို့တိုက်တွန်းလိုက်ပါရစေ Quality : WEB-DL 1080p , 720p Format : mp4 Genres : Action , Crime , Drama Runtime : 1h 55 min Subtitle : Myanmar Subtitle ( Hardsub ) Translated by CM Team Reviewed By Kay Thwe Phyoe Encoded by LK

အားလော့ဟာ တရားမဝင်အဖွဲ့အစည်းတစ်ခုထဲမှာ သတင်းပေးလုပ်နေသူပါ။ သူ့ရည်ရွယ်ချက်က နောက်ကွယ်က ကြိုးကိုင်နေသူတွေကို ဖော်ထုတ်ဖို့ဖြစ်ပေမယ့် အဖွဲ့ထဲမှာ နေရင်းနဲ့ အဖွဲ့သားတွေနဲ့ တဖြည်းဖြည်း ရင်းနှီးလာခဲ့တယ်။ အဲဒီနောက် အဖွဲ့ခေါင်းဆောင်အဖြစ် လျာထားခံရသူတွေထဲ သူပါဝင်လာတဲ့အခါ ရွေးချယ်ရခက်တဲ့ အခြေအနေကို ရောက်လာပါတယ်။ ကိုယ်ဖော်ထုတ်ချင်နေတဲ့ နောက်ကွယ်ကလူတွေနဲ့ အခုတော့ ကိုယ်တိုင် ပူးပေါင်းလုပ်ကိုင်ရတော့မယ့် အနေအထားပါ။ သာမန်ပြည်သူတစ်ယောက်အနေနဲ့ ပြည်သူ့အတွက် လုပ်တာပါလို့ ပြောရင်း စွန့်စားလာတဲ့ အားလော့ဟာ ဒီအဖွဲ့အစည်းကို ဘယ်လို ကိုင်တွယ်မလဲ။ ဟောင်ကောင်အစိုးရအဖွဲ့ရဲ့ နောက်ကွယ်က အကြောင်းတွေကိုပါ ထည့်သွင်းထားတဲ့ မှုခင်းအက်ရှင်ဇာတ်ကား ဖြစ်ပါတယ်။

ဒီကားလေးဟာ Imdb6.1ရရှိထားပြီး မင်းသားကြီး Nick Cheungနဲ ့ Richie Jenတို့ အဓိကပါဝင်သရုပ်ဆောင်ထားတဲ့၂၀၁၉ထွက် Action,Crime,Mystery အမျိုးအစားဇာတ်လမ်းကောင်းလေးတစ်ပုဒ်ဖြစ်ပါတယ်.. ဇာတ်လမ်းအကျဉ်းကတော့ မှုခင်းဆရာဝန်နဲ့ သူ့ရဲ့ လက်ထောက်တို့ဟာ ခရစ်စမတ်ညတစ်ညမှာ အလောင်းတွေကို ခွဲစိတ်ပြီးသေဆုံးရတဲ့အကြောင်းရင်းကိုရှာနေတုန်းမှာ မျက်နှာဖုံးစွပ်ထားတဲ့လူသုံးဦးရဲ့ ဝင်ရောက်တိုက်ခိုက်တာခံလိုက်ရပါတယ်..မျက်နှာဖုံးလူသုံးယောက် အလောင်းတွေကိုခွဲစိတ်ပြီးသေဆုံးရက်သေခံကျည်ဆန်တောင့်ကို ခြိမ်းခြောက်ပြီးထုတ်စေတဲ့အခါ ဘယ်လိုတွေဆက်ဖြစ်လာမှာလဲ.. ဒီမိန်းမအလောင်းရဲ့နောက်ကွယ်မှာ ဘယ်လိုအဖြစ်အပျက်တွေရှိနေတာလဲ.. မျက်နှာဖုံးလူသုံးယောက်ကဘယ်သူတွေလဲ... မှုခင်းဆရာဝန်နဲ့ သူ့လက်ထောက်တို့က လွတ်မြောက်နိုင်ပါ့မလား ဇာတ်လမ်းတစ်ခုလုံးကို စိတ်လှုပ်ရှားဖွယ်ကြည့်ရှုရမှာပါ.. Translated & Review By Phyo Zaw Encoded By LK

ဝါရင့်ဟောင်ကောင်ရဲတစ်ယောက်ဖြစ်တဲ့ ဘန်နီချန်းဟာ အရင်းနှီးဆုံးသူငယ်ချင်းဖြစ်သလိုပါတနာလည်းဖြစ်တဲ့ ယန်းရဲ့ သေဆုံးမှုကိုအခုတိုင်မေ့မရသေးပါဘူး။ယန်းရဲ့သမီးငယ် ဆမန်သာကို သမီးရင်းလိုစောင့်ရှောက်ရင်း တစ်ဖက်ကလည်း မက်တဒေါ်ဆိုတဲ့ ရာဇဝတ်ဂိုဏ်းခေါင်းဆောင်ကိုဖော်ထုတ်ဖို့ကြိုးစားနေခဲ့ပါတယ်။ တစ်နေ့တော့ သူ့သမီးလိုစောင့်ရှောက်ထားတဲ့ ဆမန်သာဟာ ကတ်စီနိုပိုင်ရှင်လူဆိုးတွေနဲ့ပြဿနာတစ်ခုထဲမှာ ဝင်ပါမိပြီး အဲဒီပြဿနာအတွက် အမေရိကန်လောင်းကစားသမားတစ်ယောက်ဖြစ်တဲ့ ကွန်နာဝပ်ကိုချန်းကလိုက်ရှာပေးဖို့ဖြစ်လာပါတယ်။ကွန်နာဝပ်ကိုယ်တိုင်ကလည်း ရုရှားမာဖီးယားတွေနဲ့အကြီးအကျယ်ရန်စရှိနေတဲ့သူပါ။ အဲဒီလိုနဲ့ ဘန်နီချန်းနဲ့ကွန်နာဝပ်တို့နှစ်ယောက် ဟောင်ကောင်အပြန်လမ်းမှာ ရုရှားမာဖီးယားတွေ၊ဟောင်ကောင်ဂန်းစတားတွေနဲ့အပြိုင်စွန့်စားခန်းတွေဖွင့်ရပါတော့တယ်။ ဂျက်ကီရဲ့ Shanghai noon တို့ Rush Hour တို့လိုပဲ အရွှန်းဖောက်ထားတဲ့ အက်ရှင်ပြကွက်တွေ သွက်လက်တဲ့ဇာတ်အိမ်တို့နဲ့ ပေါ့ပေါ့ပါးပါးကြည့်ရမယ့် Buddy cop action comedy တစ်ကားပါပဲ။ File size…(2.6 GB)/(1.4 GB) Quality….Blu-Ray 1080p / 720p Format…mp4 Duration….01:47:00 Genre... Action, Adventure, Comedy Subtitle….Myanmar Subtitle (Hardsub) Encoder….Garfield Translated by Alias

အမျိုးသမီးတစ်ယောက် လက်ထပ်လက်စွပ် ရွေးဝယ်နေချိန်မှာ သူနဲ့မလှမ်းမကမ်းက လမ်းမပေါ်မှာ ဘဏ်လုံခြုံရေးထရပ်ကားတစ်စီး ယာဉ်ကြောပိတ်လို့ ရပ်နေပါတယ်။ သိပ်မကြာခင် လူတစ်ယောက် ရောက်လာပြီး ကားမှာ ဗုံးတစ်လုံး ကပ်လိုက်တယ်။ ကားရှေ့နဲ့နောက်မှာလည်း ဗုံးတွေ ထပ်ကပ်လိုက်ပြီးနောက် ပေါက်ကွဲမှု ဖြစ်သွားပါတော့တယ်။ ဒီပေါက်ကွဲမှုကြောင့် လက်စွပ်ကြည့်နေတဲ့ အမျိုးသမီးအပါအဝင် လူတချို့ သေဆုံးသွားကြတယ်။ အဲဒီအမျိုးသမီးဟာ ရဲအရာရှိ ချန်ကျွမ်ရဲ့ ဇနီးလောင်းဖြစ်နေပါတယ်။ သူ့ဇနီးလောင်းကို ဆုံးရှုံးလိုက်ရတဲ့ အဖြစ်ကနေ ဇာတ်လမ်းဆက်သွားတဲ့ ဟောင်ကောင် အက်ရှင်နဲ့ သည်းထိတ်ရင်ဖိုဇာတ်ကားဖြစ်ပြီး Jaycee Chan၊ Nicholas Tse နဲ့ Wu Jing တို့ ပါဝင်သရုပ်ဆောင်ထားပါတယ်။

IMDb 6.6 ရထားတဲ့ ဂျက်ကီချန်း ဟာသကားဟောင်းလေးတစ်ကား တင်ဆက်ပေးလိုက်ပါတယ် ဒီကားဟာ ဂျက်ကီချန်းနဲ့ ဒါရိုက်တာ ဘန်နီချန်းတို့ရဲ့ Who Am I? နဲ့ New Police Story တို့နောက်ပိုင်း တတိယမြောက် လက်တွဲရိုက်ကူးခဲ့တာ ဖြစ်ပါတယ် ဇာတ်လမ်းအကျဥ်းကတော့ ထောန် နဲ့ ရေဘဝဲတို့သူငယ်ချင်းနှစ်ယောက်က သူခိုးတွေဖြစ်ပြီး သူတို့ဆရာ Landlord နဲ့အတူတူ ဖောက်ထွင်းမှုတွေ လုပ်ကြတာ ဖြစ်ပါတယ် ထောန်က လောင်းကစားဝါသနာပါပြီး ရေဘဝဲကတော့ သူ့ဇနီးကွယ်ရာမှာ ချမ်းသာတဲ့ မိန်းမတွေနဲ့ ဖောက်ပြန်တတ်သူ ဖြစ်ပါတယ် တစ်နေ့ သော့ဝိဇ္ဇာ Landlord ကိုယ်တိုင် အိမ်မှာစုဆောင်းထားသမျှ ပိုက်ဆံတွေ အခိုးခံလိုက်ရတဲ့ နောက်မှာတော့ ဒေါ်လာ ၇ သန်းတန် မစ်ရှင်တစ်ခုကို လုပ်ဖို့ ထောန်နဲ့ ရေဘဝဲကို စည်းရုံးရပါတော့တယ် အဲဒီမစ်ရှင်က မာဖီးယားခေါင်းဆောင်တစ်ယောက်ရဲ့ မြေးဖြစ်သူ ယူဆရတဲ့ "မွေးကင်းစကလေး" တစ်ယောက်ကို ပြန်ပေးဆွဲပြီး မာဖီးယားခေါင်းဆောင်ဆီ သွေးစစ်ဖို့ ပို့ဆောင်ပေးရမှာပါ ဒီကနေ ထောန်နဲ့ ရေဘဝဲတို့က ကလေးကို ပြုစုစောင့်ရှောက်ရင်း မေတ္တာသက်ဝင်သွားတဲ့အခါမှာ ကလေးလေးကို ဘယ်လိုအဆုံးထိ နှစ်ယောက်သား ကာကွယ်သွားကြမလဲဆိုတာကိုတော့ ... အရွှန်းလည်း ဖောက် ဒရာမာလည်းပါပြီး အက်ရှင်ကားစစ်စစ်မဟုတ်တဲ့ ဟာသ ဒရာမာ အက်ရှင်ကားလေးထဲမှာ ရသစုံ ခံစားလိုက်ကြပါဦး File size…(2.4GB)/(1.6 GB) Quality….Blu-Ray 1080p / 720p Format…mp4 Duration….02:16:00 Genre...Action, Adventure, Comedy Subtitle….Myanmar Subtitle (Hardsub) Encoder….Garfield Translated by Access

My Wife Is a Gangster 3 (2006) မှာတော့ ရှေ့ကထွက်ရှိခဲ့တဲ့ ကိုရီးယားမင်းသမီး Eun-Kyung Shin ရဲ့ ဇာတ်ကားတွေနဲ့ မဆက်စပ်တော့ပါဘူး။ ဒီတစ်ခါ ဂိုဏ်းစတားမလေးကတော့ တရုတ်မင်းသမီးလေး ရှုကြည် Shu Qi ပါ။ မင်းသားကတော့ ကိုရီးယားက တလွဲကောင်ဖြစ်ပြီး သူ့ရဲ့လက်ထောက် လူမိုက်တလွဲကောင်တွေနဲ့ ရှယ်ရီနေရပါတယ်။ မင်းသမီးရှုကြည်က တရုတ်လိုပဲရတော့ တရုတ်-ကိုရီးယား ဘာသာပြန်ငှားရပြီး ငှားလိုက်တဲ့ ဘာသာပြန်ကလဲ တကယ့်ထွန်းထွန်းပေါက်ပေါက်မလို့ အလွဲလွဲအချော်ချော်တွေနဲ့ mission တွေကို ချီတက်ကြမှာပါ။ ဒီဇာတ်ကားက My Wife is a Gangster ဇာတ်ကားတွေထဲမှာ အရယ်ရဆုံးဇာတ်ကားဖြစ်ပြီး ဒရမ်မာဖက်မှာတော့ ရှေ့ကကားတွေလောက် မဖိစီးထားပါဘူး...အက်ရှင်ဟာသဖက်ပိုသွားပါတယ်။ Sequel အဖြစ်ထွက်ရှိခဲ့ပေမယ့် မတူကွဲပြားတဲ့တင်ဆက်မှုတွေကြောင့် IMDb Rating (6.4) ထိ ရရှိအောင်မြင်ခဲ့ပါတယ်။ ****My Wife is a Gangster ရုပ်ရှင်ကားတွေက ၃ ကားထွက်ရှိထားပြီး  https://channelmyanmar.org/?s=my+wife+is+a+gangster မှာကြည့်ရှုနိုင်ပါတယ်။*** File size…(3.5 GB)/(1.5 GB) Quality….BluRay 1080p /720p Format…mp4 Duration….01:56:09 Subtitle….Myanmar Subtitle(Hardsub) Encoder….Ka Naung Translated by Missy Win

Police Story ဆိုတာနဲ့ မင်းသားကြီး ဂျက်ကီချန်းဇာတ်ကားတွေမှန်း သိပြီးသားဖြစ်မှာပါ။ Police Story နာမည်နဲ့ ဂျက်ကီချန်းဇာတ်ကား ၆ ကားထွက်ပါတယ်။ ကျွန်တော်အစဉ်လိုက်ဖြစ်အောင် တင်ဆက်သွားပါ့မယ်။ ဒီဇာတ်ကားကတော့....Police Story ထဲမှာအကောင်းဆုံးဇာတ်ကားလို့ သတ်မှတ်ထားကြတာနဲ့အညီ IMDb Rating (7/10)ထိရရှိထားပါတယ်။ Encoded By : Xcode

ဟောင်ကောင်ရဲတပ်ဖွဲ့ဟာ မြို့တွင်းက နာမည်ကြီး လူမိုက်ဂိုဏ်းတွေကို နှိမ်နင်းဖို့အတွက် စည်းကမ်းမလိုက်နာဘဲ ပြဿနာရှာတတ်တဲ့ ရဲသင်တန်းသား လူငယ် ၃ ဦးဖြစ်တဲ့ ဂျက်ခ်၊ မက်ခ်ျ နဲ့ အာလီ တို့ကို ရွေးချယ်ပြီး လျှို့ဝှက်အေးဂျင့် အဖြစ် တာဝန်ပေးလိုက်ပါတယ်။ သူတို့ရဲ့ တာဝန်ကတော့ အန္တရာယ်များလှတဲ့ လက်နက်မှောင်ခိုဂိုဏ်းထဲကို ထိုးဖောက်ဝင်ရောက်ဖို့ပါပဲ။ ဒီလူငယ် ၃ ဦးဟာ ဂိုဏ်းထဲကို ရောက်သွားတဲ့အခါမှာတော့ ဂျပန်လူမိုက်တွေနဲ့ ပတ်သက်နေတဲ့ ကြီးမားတဲ့ အကြံအစည်ကြီးတစ်ခုကို သိရှိသွားပါတော့တယ်။ အတွေ့အကြုံမရှိသေးတဲ့ ဒီရဲလူငယ်တွေဟာ ရဲတပ်ဖွဲရဲ့ အကူအညီမပါဘဲ သူတို့ရဲ့ ကိုယ်ပိုင်အရည်အချင်းတွေနဲ့ ရန်သူတွေကို ဘယ်လိုရင်ဆိုင်သွားမလဲ?အန္တရာယ်ကြားမှာ သူတို့ ၃ ယောက်ရဲ့ သူငယ်ချင်းသံယောဇဉ်ကရော ဘယ်လောက်အထိ ခိုင်မြဲမလဲ? ဟောင်ကောင်မြိုကြီးကို အကြီးအကျယ် ပျက်စီးစေမယ့် အကြံအစည်ဆိုးကြီးကိုရော တားဆီးနိုင်ပါ့မလား? ဆိုတာကိုတော့ အခုပဲ ကြည့်လိုက်ရအောင်ပါ

Knock Off (1998) အက်ရှင်မင်းသား Van Damme နဲ့ Rob Schneider တို့အဓိက ပါဝင်သရုပ်ဆောင်ထားပါတယ်။ ဟောင်ကောင်မှာ ပစ္စည်းအတုတွေ ထုတ်လုပ်တဲ့ ကုမ္ပဏီတစ်ခုရဲ့ ပိုင်ရှင်ဖြစ်တဲ့ Ray.. သူ့ရဲ့လုပ်ဖော်ကိုင်ဖက် Tommy နဲ့အတူတူ အထည်အတုတွေနောက်ကွယ်က ပုန်းကွယ်နေတဲ့ ကြီးမားတဲ့လျှို့ဝှက်ချက်တစ်ခုကို ဖော်ထုတ်ဖို့ဖြစ်လာပါတော့တယ်။ ထင်မှတ်မထားတဲ့ plot twist တွေ၊ နောက်ကွယ်ကသရုပ်မှန်တွေနဲ့ သူငယ်ချင်းမိတ်ဆွေ သံယောဇဉ်တွေကိုလည်း အသေအချာထည့်သွင်းသရုပ်ဖော်ထားတာကိုတွေ့မြင်ရမှာဖြစ်ပါတယ်။ သူတို့တွေ့သွားတဲ့လျှို့ဝှက်ချက်က ဘာဖြစ်မလဲ ? ပါဝင်ပတ်သက်နေကြသူတွေရဲ့ တကယ့်မျက်နှာအစစ်ကရော ဘာတွေလဲ ? ဇာတ်လမ်းနာမည်အတိုင်းပဲ တစ်ကားလုံးမှာ အတုအယောင်တွေနဲ့ ပြည့်နှက်နေတာကို ခံစားရမှာဖြစ်ပါတယ်။ ဟောင်ကောင်အက်ရှင်ကား ကြိုက်နှစ်သက်သူတွေအတွက်တော့ ကြည့်ပျော်တဲ့ဇာတ်ကားတစ်ကားဖြစ်မယ်လို့ ညွှန်းပေးချင်ပါတယ်။ (အညွှန်းနဲ့ဘာသာပြန်ကတော့ Theint Waddy Lynn ဖြစ်ပါတယ်။) File size… (5 GB) / (1.6 GB) Quality…. Blu-Ray 1080p / 720p Format…. mp4 Genre…. Action ,Crime, Thriller Duration…. 01:30:50 Subtitle…. Myanmar Subtitle (Hardsub) Encoder…. Benjamin Translated by Theint Waddy Lynn

အနုမြူဗုံး ပေါက်ကွဲပြီးနောက် အရာရာ ပျက်စီးနေတဲ့အချိန်မှာ ပြည်သူတွေအတွက် မရှိမဖြစ်လိုအပ်တဲ့ ရေအရင်းအမြစ်တွေပါ ညစ်ညမ်းသွားပါတယ်။ သန့်စင်တဲ့ရေ ရှာပေးနိုင်တဲ့ အဖြူရောင်သူရိယအဖွဲ့ကို လူထုက အားပေးထောက်ခံလာကြတဲ့အခါ စစ်တပ်ဘက်မှာ တုန်လှုပ်လာတယ်။ အဲဒီနောက် အဖြူရောင်သူရိယအဖွဲ့ခေါင်းဆောင်ကို လုပ်ကြံလိုက်ကြပြီး သမ္မတကိုလည်း စွမ်းဆောင်ရည်မရှိဘူးဆိုတဲ့ အကြောင်းပြချက်နဲ့ ဖြုတ်ချကာ စစ်အာဏာသိမ်းဖို့ ပြင်ဆင်လာပါတယ်။ ရေသန့်ကိစ္စကြောင့် အဓိကရုဏ်းတွေ ဖြစ်လာပြီး အာဏာအတွက် အသက်ဆုံးရှုံးရသူတွေ များလာချိန်မှာ ဇာတ်လိုက်အမျိုးသမီးသုံးယောက်က ဒီအခြေအနေကို ဘယ်လို ရင်ဆိုင်ဖြေရှင်းကြမလဲဆိုတာ ဆက်ပြထားပါတယ်။ မီရှယ်ယို၊ မက်ဂီချောင်နဲ့ အန်နီတာမွိုင်တို့ ပါဝင်တဲ့ The Heroic Trio ရဲ့ ဒုတိယဇာတ်ကားပါ။ ပထမကားမှာ သုံးယောက် ဘယ်လိုဆုံပြီး ပူးပေါင်းမိကြသလဲဆိုတာကို အသားပေးခဲ့ပြီး ဒီတစ်ကားမှာတော့ ပိုခိုင်မာလာတဲ့ သူငယ်ချင်းသံယောဇဉ်နဲ့ တာဝန်ဝတ္တရားတွေကို အလေးပေးထားပါတယ်။ နှစ်ကားဆက်ကြည့်လို့ရသလို တစ်ကားချင်း ခွဲကြည့်လည်း နားလည်နိုင်ပါတယ်။

1992 ခုနှစ်ကထွက်ရှိခဲ့တဲ့ မင်းသားကြီး ဂျက်ကီချန်းရဲ့ ၂ကိုယ်ခွဲကားလေးကို တင်ဆက်ပေးလိုက်ပါတယ် ဇာတ်ကားလေးကတော့ ဟာသ အက်ရှင်ကားလေးဖြစ်ပြီးတော့ ဒီကားထဲမှာတော့ ဂျက်ကီချန်းက အမွှာအဖြစ် သရုပ်ဆောင်ထားတာဖြစ်ပါတယ် ဇာတ်လမ်းလေးကိုတော့ ဂျက်ကီချန်းပရိတ်သတ်တော်တေ်ာများများက ရင်းနှီးနေမှာဖြစ်ပြီးတော့ ပြန်လည်ခံစားချင်တဲ့သူတွေ ပြန်လည်ခံစားဖို့အတွက် တင်ဆက်ပေးလိုက်ပါတယ် ဇာတ်ကားအကျဉ်းလေးကတော့ နာမည်ကြီး ပီယာနိုပညာရှင်ကြီး မစ္စတာဂျက်မားရဲ့ မိန်းမဟာ ဆေးရုံတစ်ခုမှာ မီးဖွားနေပါတယ် ဒီအချိန်မှာပဲ ဗုံးခွဲသမားလူဆိုးတစ်ယောက်က ဆေးရုံကိုဆိုက်ဆိုက်မြိုက်မြိုက် ရောက်လာပြီး မစ္စမား ရဲ့ အမွှာသားလေး ၂ယောက်ထဲက တစ်ယောက်ကို ပြန်ပေးဆွဲသွားခဲ့ပါတယ် ဒီလိုနဲ့ ပြန်ပေးသမားက ပြေးရင်းလွှားရင်းနဲ့  ကလေးကို ဘယ်လို ပစ်ထားခဲ့လဲ ညီအစ်ကို ၂ယောက်ကွဲသွားပြီး ပြန်လည်ဆုံတွေ့တဲ့ အခါမှာကော ဘယ်လိုတွေဖြစ်ကြမလဲဆိုတာကိုတော့ ပရိတ်သတ်ကြီးက ဆက်လက်ကြည့်ကြရမှာပါ Qty - 720p Bluray Duration - 1hr 44min Gern - Action / Comedy Translator - Real YNWA Encoder - Kyaw Ye Aung

စတီဖင်ချောင်ရဲ့ ဒီဇာတ်ကားကတော့ IMDb Rating (6.7) ထိရရှိထားတဲ့ Action/Comedy အမျိုးအစားဇာတ်ကားဖြစ်ပါတယ်။ ဒီကားကတော့ ရှေ့ကဇာတ်ကား Fight Back to School (1) နဲ့ချိတ်ဆက်ထားပါတယ်။ စတီဖင်ချောင်နဲ့ဦးလေးတက်တို့နှစ်ယောက် ပစ္စတိုပျောက်ဆုံးမှုကိုဖြေရှင်းပြီးတော့ အခုဒုတိယကားမှာ ဦးလေးတက်ရဲ့ကောင်းမှုနဲ့ စတီဖင်ချောင်တစ်ယောက် ရာထူးကျသွားပါတယ်.. ရာထူးချခံရပြီးနောက် အဆင်မပြေမှုတွေနဲ့ အလုပ်ထွက်ရသည့်အထိ ဖြစ်ခဲ့ပါတယ်။ ဒါပေမယ်လို့.. ဗြိတိန်အကြမ်းဖက်သမားများက ဟောင်ကောင်ရှိကျောင်းများကို အကြမ်းဖက်ဖောက်ခွဲမယ်လို့ သိရတဲ့အခါ... စတီဖင်ချောင်တစ်ယောက် အရပ်သားအနေနဲ့ အကြမ်းဖက်မှုတွေကို ဘယ်လိုတားဆီးဖော်ထုတ်မယ်ဆိုတာ…။ +++++++++++++++++ ကျွန်တော့် Idol ကြီး စတီဖင်ချောင်ရဲ့ ဇာတ်ကားအကုန်လုံးကို 1080p BluRay Quality နဲ့ တတ်နိုင်သမျှ ပြန်လည်စုစည်းတင်ဆက်မှာ ဖြစ်ပါတယ်။ File size…(2.2 GB) and (1.1 GB) Quality….BluRay 1080p 5.1CH and 720p Format…mkv Duration….01:46:00 Subtitle….Myanmar Subtitle (Hardsub) Encoder….Nyeinsaeya Aung Translated by Lyric Lynn Khant

စတီဖင်ချောင်ရဲ့ ဒီဇာတ်ကားကတော့ IMDb Rating (7.2) ထိရရှိထားတဲ့ Action/Comedy အမျိုးအစားဇာတ်ကားဖြစ်ပါတယ်။ စတီဖင်ချောင်က ဒီဇာတ်လမ်းတွေထဲမှာ ရဲစုံထောက်။ Fight Back to School ဇာတ်လမ်းတွေက အမှုအထူးအဆန်းတွေကို စုံစမ်း ဖြေရှင်းရတာ။ ဒီလိုဖြေရှင်းတဲ့နေရာမယ် စတီဖင်ချောင်နဲ့သူ့တွဲဖက်နဲ့ ရဲညီနောင်တွေ တက်ညီလက်ညီ တလွဲတွေလုပ်ပုံကို သွက်သွက်လက်လက်တင်ဆက်ထားတာပါ။ ဒီပထမဇာတ်ကားထဲမှာတော့ အမှုက ထူးဆန်းပါတယ်…ရဲမှူးကြီးရဲ့ ပစ္စတိုပျောက်သွားတာပါ (:P) သံသယရှိတဲ့နေရာက စာသင်ကျောင်းထဲဖြစ်နေတော့ နာမည်ကျော်စုံထောက် စတီဖင်ချောင်ကို သွားစုံစမ်းခိုင်းပါတယ်။ စာမသင်ချင်လို့ ရဲထဲဝင်လာတဲ့ စတီဖင်ချောင်တစ်ယောက် အထက်တန်းကျောင်းထဲ စာသွားသင်ရင်း ဘယ်လိုတွေစုံစမ်းမယ်ဆိုတာ…။ +++++++++++++++++ ကျွန်တော့် Idol ကြီး စတီဖင်ချောင်ရဲ့ ဇာတ်ကားအကုန်လုံးကို 1080p BluRay Quality နဲ့ တတ်နိုင်သမျှ ပြန်လည်စုစည်းတင်ဆက်မှာ ဖြစ်ပါတယ်။ File size…(2.2 GB) and (1.1 GB) Quality….BluRay 1080p 5.1CH and 720p Format…mkv Duration….01:41:00 Subtitle….Myanmar Subtitle (Hardsub) Encoder….Nyeinsaeya Aung Translated by Hlaine Ei Phyu

မင်းသားကြီးဂျက်ကီချန်း နုစဉ်အခါက ဇာတ်ကားပါ။ ဂျက်ကီချန်းရဲ့ အငွေ့အသက်ကို အကုန်နီးပါးပြန်ခံစားနိုင်မယ့်ဇာတ်ကားပါ။ Action,Comedy,Crime,Drama အမျိုးအစားဖြစ်ပြီး ပုံမှန်ကားလေးတွေနဲ့ နည်းနည်းလေးကွဲထွက်နေတဲ့ကားလေးတစ်ကားပါပဲ..... File size…(1.7 GB)/(1 GB) Quality….Webrip 1080p / 720p Format…mp4 Duration….02:19:00 Genre...Action, Comedy, Crime Subtitle….Myanmar Subtitle (Hardsub) Encoder….Garfield Translated by Missy Win

ဒီဇာတ်ကားဟာ စတီဖင်ချောင် ဆက်ရိုက်ကူးမယ့် God of Gamblers ဇာတ်ကားတွေရဲ့ အစပထမဇာတ်ကားပါ။ ဒီဇာတ်ကားထဲမှာ စတီဖင်ချောင်မပါသေးပါဘူး။ ချောင်ယွန်ဖက်ကို အဓိကဇာတ်ဆောင်အဖြစ် လောင်းကစားဘုရင်အနေနဲ့မြင်တွေ့ရမှာပါ။ Andy Lau လဲပါဝင်ထားပြီး  Action,Comedy,Drama အမျိုးအစားဇာတ်ကားပါ။ God of Gamblers ဇာတ်ကား (၃) ကားလုံးကို https://channelmyanmar.org/?s=god+of+gamblers မှာရှာပါ။   File Size...(950MB) and (440MB) Quality...BluRay Rip 720p Format...mp4 Duration...02:06:00 Subtitle...Myanmar Subtitle(Hardsub) Encoder...Nyeinsaeya Aung Translated by Missy Win

မင်းသားကြီး Van Damme ဟာဆိုရင် ကျွန်တော့်တို့ ငယ်ငယ်တည်းက အရမ်းကြိုက်ခဲ့ရတဲ့ မင်းသားကြီးလို့ ပြောရင် မှားမယ်မထင်ပါဘူး သူ့ရဲ့ကားတွေ တော်တော်များများက အောင်မြင်တဲ့ကားကောင်းတွေချည်းပါပဲ ဒီထဲကမှ ၁၉၈၈ လောက်ကရိုက်ထားတဲ့ ဒီကားလေးနဲ့မိတ်ဆက်ပေးပါရစေ ဒီဇာတ်ကားထွက်တဲ့အချိန် ကျွန်တော် မမွေးသေးပါဘူး ဒီလောက်ကြာပြီဖြစ်တဲ့ကားဖြစ်တာတောင် ဘယ်အချိန်ပြန်ကြည့်ကြည့် ကောင်းနေဆဲပါပဲ ရုပ်ရှင်ဆိုတာ ဒါမျိုးကိုခေါ်တာပါ ဇာတ်လမ်းအကြောင်းပြောရမယ်ဆိုရင် Van Damme က ဒီဇာတ်လမ်းမှာ တပ်ပြေးတစ်ယောက်ပါ ငယ်ငယ်တည်းကသူ့ကို အဖေအရင်းတစ်ယောက်လို ကိုယ်ခံပညာတွေသင်ပေးခဲ့တဲ့ သူ့ဆရာ ရှီဒိုးရှီ ကို ဂုဏ်ယူစေချင်တဲ့အတွက်ကြောင့် ဟောင်ကောင်မှာ ကျင်းပမယ့် ကိုယ်ခံပညာပေါင်းစုံပြိုင်ပွဲ ကူမစ်တီ မှာ ဝင်ရောက်ယှဉ်ပြိုင်ဖို့ဆုံးဖြတ်ခဲ့ပါတယ် တပ်ပြေးတစ်ယောက်အနေနဲ့ ဒီပြိုင်ပွဲကို ဝင်ပြိုင်ဖို့မလွယ်ကူလှပါဘူး ဘာကြောင့်ဆို သူ့ကို ပင်ရင်းတပ်ဆီပြန်ခေါ်လာဖို့ အမိန့်ထုတ်ထားတာကြောင့် ဟောင်ကောင်ရဲတွေနဲ့ သူ့အထက်အရာရှိရဲနှစ်ယောက်က တစ်မြို့လုံးကို လိုက်လံရှာဖွေနေတာပါ ဒီထဲမှာတော့ တော်တော်များများ ဘရုစလီကား Enter the dragon မှာ လူသိများပြီး ကျွဲကြီး လို့ခေါ်ကြတဲ့ Bolo Yeung ကိုရက်စက်ပြီး ကူမစ်တီပွဲမှာ ၃နှစ်ဆက်တိုက် ချန်ပီယံဆွဲထားတဲ့ ချောင်လီ အဖြစ်မြင်တွေ့ရမှာဦးမှာပါ ဒီဇာတ်ကားထဲမှာပြောသွားတဲ့ Very good... but brick not hit back ဆိုတဲ့ စကားကလည်း လူအများကြားတော်တော်ခေတ်ထသွားပါသေးတယ် ကဲ အများကြီးဆက်မညွှန်းနေတော့ပါဘူး ဘယ်လိုကောင်းလဲသိချင်ရင်တော့ ဇာတ်လမ်းထဲမှာဆက်ကြည့်လိုက်ပါတော့...။ ( အညွှန်းရေးသားထားသူကတော့ Naing Aung Latt ပါ ) File size…(6 GB)/(3 GB)/(1.2 GB) Quality….4K HEVC/ Blu-Ray 1080p / 720p Format… mp4 Duration…. 01:32:00 Genre... Action, Biography, Drama, Sport Subtitle….Myanmar Subtitle (Hardsub) Encoder….Garfield Translated by Hnin Yu Aung

ဂျက်ကီလောင် (ဂျက်ကီချန်း) ဟာ အရည်အချင်းရှိတဲ့ရှေ့နေတစ်ယောက်ဖြစ်ပါတယ်။ တနေ့မှာတော့ ဓာတုဆေးဝါးထုတ်လုပ်တဲ့ကုမ္မဏီဘက်က ရှေ့နေလိုက်ပေးဖို့ဖြစ်လာပါတယ်။ ဝါကုမ္မဏီက စွန့်ပစ်တဲ့ ဓာတုအကြွင်းအကျန်တွေက ရေထဲစီးဆင်းလာပြီး ငါးမွေးမြူရေးလုပ်ငန်းလုပ်ကိုင်နေတဲ့ မစ္စရီတို့အတွက် အကြီးအကျယ်ထိခိုက်စေပြီး ငါးတွေအမြောက်အမြားသေဆုံးရတဲ့အတွက် မစ္စရီတို့ ညီအစ်မက ဝါဓာတုဆေးဝါးကုမ္မဏီကို တရားစွဲပါတော့တယ်။ ဒီအချိန်မှာ ဂျက်ကီက ဓာတုဆေးဝါကုမ္မဏီဘက်က ရှေ့နေလိုက်ပေးပြီး မစ္စရီရဲ့ ဝမ်းကွဲညီမ တဖြစ်လည်း ငါးလုပ်ငန်းဘက်ကရှေ့နေဖြစ်တဲ့ ဝမ်မေလင်းကို သဘောကျသွားပါတော့တယ်။ ဒီလိုနဲ့ တရားလိုရှေ့နေနှင့် တရားပြိုင်ရှေ့နေဖြစ်တဲ့ သူတို့နှစ်ယောက် ချစ်မိသွားကြမလား ဘယ်ဘက်က တရားနိုင်သွားမလဲ ဓာတုဆေးဝါးကုမ္မဏီနောက်ကွယ်မှာရော ဘာလျှို့ဝှက်ချက်တွေရှိနေမလဲဆိုတာ ဂျက်ကီချန်းကားသဘာဝအတိုင်း ပေါ့ပေါ့ပါးပါး ရယ်ရယ်မောမော ကြည့်ရမယ့် ဟောင်ကောင်ဇာတ်မြူးလေးတစ်ပုဒ်ဖြစ်ပါတယ်။ ဘာသာပြန်ဆိုသူကတော့ Matteo ဖြစ်ပါတယ်။ File size…(4.8 GB)/(1.5 GB) Quality….Webrip 1080p / 720p Format…mp4 Duration….01:41:00 Genre...Action, Comedy, Romance Subtitle….Myanmar Subtitle (Hardsub) Encoder….Garfield Translated by Matteo

Police Story ဆိုတာနဲ့ မင်းသားကြီး ဂျက်ကီချန်းဇာတ်ကားတွေမှန်း သိပြီးသားဖြစ်မှာပါ။ Police Story နာမည်နဲ့ ဂျက်ကီချန်းဇာတ်ကား ၆ ကားထွက်ပါတယ်။ ဒါကတော့ ဒုတိယမြောက်ကားလေးပါ..... ဒီဇာတ်ကားလေးထဲမှာတော့ ပထမကားရဲ့ အမှုနဲ့ချိတ်ဆက်ထားပြီးနောက်ထပ် ဘာတွေထပ်ဖြစ်ဦးမလဲ.....ဘယ်လို ဖိုက်တင်ကောင်းကောင်းလေးတွေကို ဟာသနှောပြီးကြည့်ရဦးမလဲ ဆိုတာ ဆက်လက်ကြည့်ရှုခံစားလိုက်ပါဦး..... File size…(2.3 GB)/(1 GB) Quality….Webrip 1080p / 720p Format…mp4 Duration….01:41:00 Genre...Action, Comedy, Crime Subtitle….Myanmar Subtitle (Hardsub) Encoder….Garfield

ဂျက်ကီချန်းရဲ့ နာမည်ကျော် Project A ဇာတ်ကားရဲ့အဆက်ဖြစ်ပါတယ်။ ပထမကားက အခဲမကြေဖြစ်နေကြတဲ့ ရန်သူတွေအပြင် ချောက်တွန်းအကွက်ချနေတဲ့ အတွင်းရန်သူတွေကိုပါ တပြိုင်နက်ဖြေရှင်းရမယ့်ဇာတ်ကားပါ။ ဒီဇာတ်ကားမှာလဲ Action ခန်းတွေက တစ်သက်လုံးအမှတ်ရနေမိမယ့် အခန်းတွေချည်းပါပဲ။ ဟာသရသလဲမြောက်ပြီး သရုပ်ဆောင်တွေပီပြင်မှုကြောင့် နစ်မြောပျော်ရွှင်စွာ ကြည့်ရှုရမယ့်ဇာတ်ကားပါ။ (Nan Ko Ko Oo  မှဘာသာပြန်တင်ဆက်ထားတာပါ။) File size…(2.4 GB)/(1.3 GB) Quality….Webrip 1080p / 720p Format…mp4 Duration….01:41:00 Genre...Action, Comedy, Crime Subtitle….Myanmar Subtitle (Hardsub) Encoder….Garfield Translated by Nan Ko Ko Oo

ဒီတစ်ကားမှာတော့ မာဆယ် (ဂျက်ကီချန်း) နှင့် ရစ်ကီတို့ဟာ ရဲဌာနက သိမ်းဆည်းရမိတဲ့လက်ဝတ်ရတနာတွေကို ခိုးထုတ်ပြီးတော့ သစ္စာဖောက်ပြီး ဂျပန်ကိုရှောင်ပြေးသွားတဲ့ စုံထောက်တစ်ယောက်ကို ဂျပန်ထိ လိုက်ဖမ်းရပါတော့တယ်။ ဒါပေမဲ့ ဒီသစ္စာဖောက်စုံထောက်ဟာ ဂျပန်က စာခြောက်ရုပ်ဂိုဏ်းကို ဝင်ရောက်ခိုလှုံသွားတဲ့အတွက် သူတို့နှစ်ယောက်သား ဒီဂိုဏ်းနဲ့ ပတ်သက်ရပြီး ရစ်ကီတစ်ယောက်အဖမ်းခံရတဲ့အတွက် မာဆယ် (ဂျက်ကီချန်း) တစ်ယောက် ဟောင်ကောင်အထူးရဲတပ်ဖွဲ့ကို တပ်ကူတောင်းရပါတော့တယ်။ မာဆယ်က ရဲမှန်းမသိသာဘဲ စိတ်ချယုံကြည်ရမယ့် သူ့ဘော်ဒါဖြစ်တဲ့ တုတ်ကြီးကို လွှတ်ပေးဖို့ အကူအညီတောင်းပါတယ်။ ဒီအချိန်မှာ တုတ်ကြီးက မာဆယ်သတင်းပေးလို့ ထောင်ကျနေတာဖြစ်လို့ မာဆယ်က တုတ်ကြီးကို တစ်ဖက်လှည့်နဲ့ ပြန်လွှတ်စေချင်တာပါ။ ဒီလိုနဲ့ တုတ်ကြီးကို လွှတ်ငြိမ်းခွင့်ပေးပြီး ဂျပန်သွားခိုင်းပါတော့တယ်။ ဒါနဲ့ တုတ်ကြီးကလည်း သူ့ဘော်ဒါရင်းတွေဖြစ်တဲ့ ပြောင်ကြီး၊ ဆန်ဒီ၊ ဂင်ရှင်း၊ ရာဝစ်တို့ကိုပါ ခေါ်သွားချင်တဲ့အတွက် ကြီးကြပ်ရေးမှူးလည်း ခွင့်ပြုလိုက်ပေမယ့် သူ့လက်ထောက်ကောင်မလေးပါထည့်လိုက်ပြီး တစ်ပြုံတမကြီး ဂျပန်လစ်ပါတော့တယ်။ ဒီအချိန်မှာ တုတ်ကြီးတို့အဖွဲ့ ဘယ်လိုနှာဘူးကျဦးမလဲ၊ တလွဲတွေလုပ်ကြဦးမလဲ၊ လွဲရင်း လွဲရင်းနဲ့ မစ်ရှင်ကို ဘယ်လိုအောင်မြင်အောင် ဆောင်ရွက်ကြမလဲဆိုတာ အူတက်အောင်ရယ်ရင်း ကြည့်ရှုရမှာဖြစ်ပါတယ်။ စိတ်ညစ်စရာတွေပျောက်သွားအောင် အူတက်ပြီး ရယ်ရတဲ့ဇာတ်ကားမျိုးကို ရှာနေတယ်ဆိုရင်တော့ ဒီကားသာ ကြည့်လိုက်ဖို့ တိုက်တွန်းလိုပါတယ်ခင်ဗျာ။ File size…1GB Quality….Webrip 1080p Format…mp4 Duration….01:36:00 Genre...Action, Comedy, Crime Subtitle….Myanmar Subtitle (Hardsub) Encoder….Garfield Translated by Matteo

ကယ်ဗင် တဖြစ်လည်း ဂျက်ကီချမ်း ဟာ အထူးရဲဌာနမှာ တာဝန်ထမ်းဆောင်နေတဲ့ ရဲဘော်တစ်ယောက်ပါ။ တစ်နေ့မှာ သူတို့ဟာ မူးယစ်ဆေးကုန်သည်အကောင်ကြီးဖြစ်တဲ့ ချူထောင်ကို ဖမ်းဆီးဖို့ စစ်ဆင်ရေးစကြပါတယ်။ စစ်ဆင်ရေး အောင်မြင်ပြီး ကယ်ဗင်တစ်ယောက် ချူထောင်ကို ဖမ်းမိလိုက်နိုင်ပေမယ့် သူ့ကိုထောင်ချဖို့အထိ သက်သေမလုံလောက်တဲ့အတွက် ချူထောင်ရဲ့အတွင်းရေးမှူးဖြစ်တဲ့ မစ္စဖောင်ကို အမှုကကွင်းလုံးကျွတ်လွှတ်ပေးမည် ဖြစ်ပြီး တရားခွင်မှာ မျက်မြင်သက်သေအဖြစ် ချူထောင်ရဲ့ဒုစရိုက်မှုတွေကို ဝန်ခံထုတ်ပြောစေဖို့ ရဲဌာနဘက်က ကမ်းလှမ်းခဲ့ပါတယ်။ ကမ်းလှမ်းချက်ကိုလက်ခံလိုက်တဲ့ မျက်မြင်သက်သေမစ္စဖောင်ကို ကာကွယ်ဖို့အတွက် ကယ်ဗင်ကို တာဝန်ပေးလိုက်ပါတော့တယ်။ ချူထောင်ဟာ တရားခွင်မှာ မစ္စဖောင်တစ်ယောက် ဝန်ခံထုတ်ပြောမှာစိုးတဲ့အတွက် မစ္စဖောင်ကိုရော ကယ်ဗင်ကိုပါ နှုတ်ပိတ်ပစ်ဖို့အတွက် သူ့လူတွေကို စေခိုင်းလိုက်ပါတော့တယ်။ ချူထောင်ဟာ ရဲဌာနအတွင်းမှာပါ သူလျှိုတွေထည့်ထားတဲ့အတွက် ကယ်ဗင့်ခမျာ သူ့အားသူကိုးပြီး မစ္စဖောင်ကို ဘယ်လိုကာကွယ်မလဲ၊ ချူထောင်ကို ထောင်ထဲထည့်နိုင်ဖို့အရေးကို ဘယ်လိုကြိုးပမ်းမလဲဆိုတာကို ထုံးစံအတိုင်း တမိုးအောက်ဂျက်ကီချန်း ဖြစ်တဲ့အတွက် တိုက်ရည်ခိုက်ရည် အက်ရှင်ခန်းကောင်းကောင်းနဲ့ ဟာသလေးနှောပြီး ကြည့်ရှုရမှာဖြစ်ပါတယ်။ File size…(1.8 GB)/(940 Mb) Quality….Webrip 1080p / 720p Format…mp4 Duration….01:40:00 Genre...Action, Comedy, Crime Subtitle….Myanmar Subtitle (Hardsub) Encoder….Garfield Translated by Matteo

မြန်မာပြည်မှာ ဟောင်ကောင်ဂျက်မလို့ လူသိများကြတဲ့ ဇာတ်ကားတွေကို ပြန်လည်တင်ဆက်သွားပါ့မယ်... ဟောင်ကောင်ဂျက်မဆိုတာက အဲ့ချိန်တုန်းကမြင်ရခဲတဲ့ ဆံပင်တိုတိုနဲ့ ဟောင်ကောင်ရဲမေစုံထောက် ကွန်ဖူးဖိုက်တာတွေကို ဆိုလိုတာပါ... ဇာတ်ကားအများစုကို မီရှဲယိုနဲ့ Cynthia Khan တို့အဓိက သရုပ်ဆောင်ခဲ့ကြပါတယ်။ ဂျက်မ Franchise အဖြစ် နာမည်ကြီးကြတာတော့ In The Line of Duty ဆိုတဲ့ဇာတ်ကားတွေပါပဲ။ ဟောင်ကောင်ရဲ့ ရုပ်ရှင်ရွှေခေတ်မှာ နာမည်ကြီးခဲ့ကြတဲ့ မင်းသားမင်းသမီးအကုန်နီးပါး ဒီ Franchise ဇာတ်ကားတွေမှာ သရုပ်ဆောင်ခဲ့ကြပါတယ်။ ၁၉၉၀ ခုနှစ်လောက်က ဇာတ်ကားတွေဆိုပေမယ့် အခုချိန်ထိ ခေတ်မီနေပြီး သွက်လက်တဲ့ Action တွေကို ခံစားရမှာပါ။ ဂျက်ကီချန်းရဲ့ဇာတ်ကားတွေလိုပဲ Action,Comedy,Drama Theme တွေကို လှလှပပ ကူးသန်းချိတ်ဆက်ထားပါတယ်။ ခုပထမဆုံးတင်ဆက်လိုက်တဲ့ Yes, Madam! (1985) ဇာတ်ကားကတော့ In The Line of Duty-2 သို့မဟုတ် Police Assassins 2 အဖြစ်လဲ ခေါ်ဆိုကြပါတယ်။ မင်းသမီးမီရှဲယိုနဲ့ အမေရိကန်မင်းသမီး Cynthia Rothrock တို့ အဓိကပါဝင်ထားပြီး ဇာတ်ရံတွေကလဲ ဟောင်ကောင်ရဲ့နာမည်ကြီးတွေသရုပ်ဆောင်တွေပါပဲ။ Action ပရိတ်သတ်တွေ လက်လွတ်မခံသင့်ကြောင်း ညွှန်းဆိုပါရစေ။ ဟောင်ကောင်ဂျက်မဇာတ်ကားတွေကို ဒီမှာ https://channelmyanmar.org/?s=in+the+line+of+duty  ကြည့်လို့ရပါတယ်။ File size…(2.1 GB)/(950 MB) Quality….BluRay 1080p/720p Format…mp4 Duration….01:33:00 Subtitle….Myanmar Subtitle (Hardsub) Encoder….Nyeinsaeya Aung Translated by Murphy

ဂျက်ကီချမ်း သရုပ်ဆောင်ထားတဲ့ တရုတ်လူမျိုးရဲက အမေရိကန်မှာ အခြေချနေတာ ဆယ်နှစ်ရှိပါပြီ။ သူနဲ့ သူ့တွဲဖက်ရဲက ကိုယ်လုပ်ချင်သလို လုပ်တတ်ကြသူတွေပါ။ တစ်နေ့ လူအများရှေ့မှာ ဂုဏ်သရေရှိသူတစ်ယောက်အဖြစ် နေထိုင်နေတဲ့ နာမည်ကြီးလူဆိုးတစ်ဦးရဲ့ ပါတီပွဲကို သွားတက်ကြရင်း အဲဒီလူရဲ့သမီး သူတို့ရှေ့မှာတင် ပြန်ပေးဆွဲခံလိုက်ရပါတယ်။ အမှုကို စုံစမ်းကြည့်တော့ ဟောင်ကောင်က လူဆိုးဂိုဏ်းတစ်ခုနဲ့ ဆက်နွှယ်နေတာကို သိရတယ်။ ဒါကြောင့် ရဲနှစ်ယောက်လည်း ဟောင်ကောင်အထိ လိုက်လာကြပြီး အဲဒီတစ်မြို့လုံးအပေါ် ဩဇာညောင်းတဲ့ ဂိုဏ်းခေါင်းဆောင်ကို ရင်ဆိုင်ရဖို့ ဖြစ်လာပါတယ်။ ဒီကားက ဂျက်ကီချမ်း ဟောလိဝုဒ်မှာ စတင်အခြေချစဉ်က ရိုက်ခဲ့တဲ့ ကားဟောင်းတစ်ကားဖြစ်ပြီး အမေရိကန်ဒါရိုက်တာ ရိုက်ကူးထားတာပါ။ သူနဲ့ တွဲဖက်သရုပ်ဆောင်သူကလည်း The Godfather Part II၊ Once Upon a Time in America နဲ့ Leon: The Professional တို့မှာ ပါဝင်ဖူးတဲ့ အမေရိကန်မင်းသားတစ်ယောက် ဖြစ်ပါတယ်။ ဂျက်ကီချမ်းရဲ့ အက်ရှင်ခန်းတွေနဲ့ ဟာသတွေကို တွဲဖက်ထားပါတယ်။

ဂျက်ကီချန်းရဲ့ နာမည်ကျော်ဇာတ်ကားဖြစ်ပါတယ်။ Non-stop Action တွေမို့လို့ ကြည့်ရတာ လုံးဝတန်မှာပါ။ Action အတော်များများကို Special Effect တွေမသုံးဘဲ လူကိုယ်တိုင်ရိုက်ကူးထားပါတယ်။ ဟာသဆန်ပြီး သွက်လက်လွန်းတာကြောင့် ဇာတ်လမ်းလေးတိုလွန်းတယ်လို့ မချင့်မရဲဖြစ်မိပါတယ်။ (Sher Lock Aye Nyein မှဘာသာပြန်တင်ဆက်ထားတာပါ။) File size…(4 GB)/(1.3 GB) Quality….Webrip 1080p / 720p Format…mp4 Duration….01:45:00 Genre...Action, Advanture, Comedy Subtitle….Myanmar Subtitle (Hardsub) Encoder….Nyeinsaeya Aung Translated by Sher Lock Aye Nyein

ပေါကားမဟုတ်တဲ့ ဟောင်ကောင်အက်ရှင်ဇာတ်ကားလေးတွေပြန်တင်ပေးလိုက်ပါတယ် 5 lucky stars seriesထဲက ပထမဆုံးကားလေးဖြစ်တဲ့ Winners and Sinners ပါ။ အဓိကသရုပ်ဆောင်အဖြစ် ကျွန်တော်တို့အကြိုက်ဇာတ်လိုက်မင်းသားကြီး Jackie Chan ကတော့သူ့ရဲ့ပုံစံအတိုင်းပဲလုပ်သမျှအလွဲတွေကြည့်ဖြစ်နေတတ်တဲ့ရဲတစ်ယောက် အဖြစ်ပါဝင်သရုပ်ဆောင်ထားပါတယ် ဇာတ်လမ်းအကျဉ်းလေးဟာဆိုရင်တော့ဖြင့် ခိုးမှု , လုယက်မှု , ပြည့်တန်ဆာခေါင်းလုပ်မှု စသဖြင့် ရာဇတ်မှု အမျိုးမျိုးနဲ့ထောင်ကျသွားတဲ့၅ယောက်ထောင်ထဲမှာတွေ့ကြပါတယ်တကယ်တော့သူတို့ကလည်းပေါတောတော အူတူတူတွေကြည့်စုထားပြီးမမိုက်ရဲ မိုက်ရဲနဲ့၅ယောက်ပေါင်းလောင်းကျော်နေတဲ့သူတွေပါ တစ်ခုရှိတာက သူတို့ထောင်ကလွတ်တဲ့အချိန်မှာသူတို့၅ယောက်နဲ့တစ်ချိန်တည်းလွတ်သွားတဲ့သူတစ်ယောက်ရှိပါတယ်သူကတော့ဖိုက်တာလိုလို ဘာလိုလိုညာလိုလိုနဲ့အထာပေးကြမ်းတဲ့ဘဲကြီးတစ်ကောင်လည်းရက်စေ့ပြီးလွတ်သွားပါတယ်။ ဟို ၅ ယောက်ကရော ထောင်ကလွတ်ပြီးဘယ်တွေသွားကြမလဲ ဘာတွေလုပ်ကြမလဲ ပြီးတော့စီအိုင်ဒီကအလွဲတွေကြည့်လုပ်တတ်တဲ့ စုံထောက်ကျော်ကြီးကိုဂျက်ကီရယ် ၅ယောက်ပေါင်းလောင်းကျော်နေတဲ့ အူတိအူကြောင်ကောင်တွေရယ် ပိုက်ဆံအတုတွေထုတ်ပြီး ဘာညာသာဒကာ လျှောက်လုပ်နေတဲ့ဘဲကြီးရယ်ဘာတွေဆက်ဖြစ်ကြမလဲ ကြည့်ကြပါစို့ဗျာ ဇာတ်လမ်း အညွန်းကိုတော့ Pyae Xein Sett ကရေးသားပေးတာပါ File size…(2.5 GB)/(1.6 GB) Quality….Webrip 1080p / 720p Format…mp4 Duration….01:48:00 Genre...Action, Comedy, Crime Subtitle….Myanmar Subtitle (Hardsub) Encoder….Nyeinsaeya Aung Translated by Shoon Thu Thu Chain

Bruce Lee fan တိုင်းကြည့်သင့်တဲ့ ဇာတ်ကားလေးတစ်ကားနဲ့မိတ်ဆက်ပေးပါရစေ။ ဒီဇာတ်ကားမှာ Bruce Lee ဟာ ဘီလီလိုဆိုတဲ့ ဇာတ်ရုပ်နဲ့ပါ၀င်သရုပ်ဆောင်ထားပြီး မိတ်ဆွေတစ်ယောက်ရဲ့ ထူးဆန်းတဲ့သေဆုံးမှုကို လိုက်စုံစမ်းနေတဲ့သူဖြစ်ပါတယ်။ ဒါပေမယ့် သူဟာလည်း အသတ်ခံလိုက်ရပြီးနောက်မှာ သူ့ရဲ့ညီက သူ့အတွက်ကလဲ့စားချေတဲ့ပုံစံကိုတွေမြင်ရမှာပါ။ ဇာတ်လမ်းလေးကဒါပါပဲ။ Bruce Lee ပါတာမှ နည်းနည်းလေး။ ဒါဆိုဘာလို့ Burce Lee fan တိုင်းကြည့်သင့်တယ်လို့ပြောတာလဲ။ ဘာလို့ဆို ဒီဇာတ်ကားက သူနောက်ဆုံးရိုက်ခဲ့တဲ့ဇာတ်ကားမလို့ပါ။ ပြီးတော့ သူအသတ်ခံလိုက်ရတဲ့အခန်းဟာ အပြင်မှာလည်း တကယ်သေသွားခဲ့တာပါ။ ထူးခြားဆန်းကြယ်တဲ့ Bruce ရဲ့သေဆုံးမှုကို မျက်မြင်ခံစားရမှာပါ။ ပြီးတော့ ဒီရုပ်ရှင်မှာ သူ့ရဲ့စည်ကားသိုက်မြိုက်ပြီးခမ်းနားတဲ့ တကယ့်အသုဘအခမ်းအနားက ပုံရိပ်တွေကိုထည့်သွင်းအသုံးပြုထားတဲ့အတွက် Burce ဟာ ဘယ်လိုလူလဲဆိုတာ လူတွေသူ့ကိုဘယ်လောက်လေးစားကြတယ် ချစ်ခင်ကြတယ်ဆိုတာ နားလည်လာပါလိမ့်မယ်။ ကဲအားလုံးပဲ။ ကြီးကျယ်ခမ်းနားတဲ့အက်ရှင်မင်းသားကြီးအတွက် အလွမ်းပြေလေး ကြည့်ရှုခံစားလိုက်ကြပါဦး။ File Size -  1.1 gb, 481mb Quality - 1080p and 720p Subtitle -  burmese Translator - Nay Myo Thu Encoder - Thit San Khant

တရုတ်ရိုးရာ ခြင်္သေ့အကနဲ့ အစပြုတဲ့ ဇာတ်လမ်းမှာ ပြဿနာတွေ ပေါ်လာပြီး ဆရာနဲ့ အစ်ကိုဖြစ်သူတို့ အချင်းများကြပါတယ်။ အစ်ကို ထွက်သွားတဲ့နောက် ဂျက်ကီချမ်း သရုပ်ဆောင်ထားတဲ့ ဇာတ်ကောင်က ပြန်ခေါ်ဖို့ လိုက်သွားတယ်။ အစ်ကို့နောက်လိုက်တဲ့ ခရီးကနေ အလွဲတွေနဲ့ ဟာသတွေ ဆက်တိုက်ကြုံရပြီး တိုက်ခိုက်ရတဲ့အခန်းတွေမှာလည်း ဟာသကို တွဲဖက်ထားပါတယ်။ The Young Master ကို ဂျက်ကီချမ်းကိုယ်တိုင် ဒါရိုက်တာလုပ်၊ ဇာတ်ညွှန်းကူရေးပြီး သရုပ်ဆောင်ထားတာပါ။ The Fearless Hyena ပြီးနောက် သူဒါရိုက်တာလုပ်တဲ့ ဒုတိယမြောက်ရုပ်ရှင်ဖြစ်ပြီး သူ့အစောပိုင်း အက်ရှင်ဟာသဟန်ကို တွေ့ရပါတယ်။ အမျိုးသမီးဇာတ်ဆောင်ရဲ့ သိုင်းကွက်တွေနဲ့ သရုပ်ဆောင်ဟန်ကလည်း ခေတ်ဟောင်းဟောင်ကောင်သိုင်းကားတွေရဲ့ အရသာကို ရစေပါတယ်။

ဒီဇာတ်ကားလေးကလည်း ဟောင်ကောင်မင်းသားကြီးတစ်လက်လည်းဖြစ်သလို နာမည်ကြီးဒါရိုက်တာတစ်ယောက်လည်းဖြစ်တဲ့ Sammo Hung ရဲ့ လက်ရာကောင်းတစ်ပုဒ်ပဲဖြစ်ပါတယ် ။ ဇာတ်လမ်းအညွှန်းအနေနဲ့ကတော့ Ah lung လို့ခေါ်တဲ့ ဝက်‌မွေးမြူ‌ရေးလုပ်တဲ့ လူငယ်လေးက ဘရုစ်လီကိုအရမ်းကြိုက်ပြီး ငယ်ငယ်ကတည်းက ဘရုစ်လီလိုဖြစ်ရမယ်ဆိုပြီး ခြေလှမ်းကွက်တွေလက်သီးသိုင်းတွေကို ကြိုးစားပြီးလေ့ကျင့်နေတဲ့သူပါ။ ဒါပေမဲ့ သူကိုယ်တိုင်ကညဝတုတ်လေးဖြစ်နေတော့ လေ့ကျင့်နေသမျှက ရယ်စရာတစ်ခုလိုဖြစ်နေပါတော့တယ် ။ ဒီလိုနဲ့ သူမြို့ကစားသောက်ဆိုင်တစ်ခုမှာ အလုပ်လုပ်ဖို့ထွက်လာတုန်း စားသောက်ဆိုင်မှာ လူရမ်းကားတစ်စုပြဿနာရှာနေတာနဲ့တိုးပါတော့တယ် ။ သူလည်းသူ့ကိုယ်သူသက်သေပြတဲ့အနေနဲ့ လူရမ်းကားတွေကိုတိုက်ထုတ်ပြီး စားသောက်ဆိုင်ကိုကယ်တင်ခဲ့ပါတယ် ။ အဲဒီအငြိုးကြောင့် မကျေနပ်တဲ့ လူရမ်းကားတွေဟာ သူ့ရဲ့အလုပ်ဖော်ကောင်မလေးကို ပြန်ပေးဆွဲသွားချိန်မှာ‌တော့... Ah lung တစ်ယောက် လူရမ်းကားတွေကိုနိုင်ပါ့မလား ? ထင်ထားသလိုရော သူ့ရဲ့သိုင်းပညာက မြင့်မားပါ့မလားဆိုတာကို စိတ်ဝင်စားဖွယ်စောင့်ကြည့်ရမှာဖြစ်လို့ အခုပဲကြည့်ရှုလိုက်ဖို့တိုက်တွန်းပါရစေ Quality : WEB-DL 1080p , 720p Format : mp4 Genres : Action , Comedy  Runtime : 1h 43 min Subtitle : Myanmar Subtitle ( Hardsub ) Reviewed By Kay Thwe Phyoe Encoded by LK

IMDb Rating - 7.6/10 ဟိုအရင်က ရှောင်လင်သိုင်းကားဆိုပြီး ရုပ်ရှင်ပရိသတ်တွေကြား တော်တော် နာမည်ကြီးခဲ့တာ အားလုံးသိကြမှာပါ။ အဲဒီတစ်ခေတ်တစ်ခါက ထွက်ခဲ့တဲ့ ရှောင်လင်ကားတစ်ကားနဲ့ မိတ်ဆက်ပေးပါမယ်။ ဇာတ်ကားနာမည်ကတော့ The 36th chamber of Shaolin ဖြစ်ပြီးတော့ ၁၉၇၈ ခုနှစ်ကထွက်ရှိခဲ့တဲ့ ဟောင်ကောင်ကွန်ဖူးကား ဖြစ်ပါတယ်။ အင်္ဂလိပ်, ပြင်သစ်, ကွမ်းတုံနဲ့ တရုတ် ဘာသာစကား ၄ မျိုးနဲ့ ထွက်ရှိထားပါတယ်။ ဇာတ်လမ်းအကျဉ်းပြောပြရရင်တော့ မန်ချူးလူမျိုးစုတွေက ကွမ်းကျိုးမြို့ကို အပိုင်သိမ်းထားရာကနေ စတင်ပါတယ်။ သူတို့က မြို့နေပြည်သူတွေကို နိုင်လို မင်းထက်ပြုမူပြီးတော့ သူတို့ကို မထောက်ခံသူမှန်သမျှကို သူပုန်လို့သတ်မှတ်ပြီး သတ်ပစ်ပါတယ်။ ပြည်သူပိုင်ပစ္စည်းတွေကိုလည်း ဖျက်စီးလို့စီးနဲ့ ထင်ရာစိုင်း ကြတာပါ။ မန်ချူးခေါင်းဆောင် ထျန်းသာ့စစ်သူကြီးကို လုပ်ကြံဖို့ ကြိုးစားခဲ့သူက လူလယ်ခေါင်မှာ အသတ်ခံခဲ့ရပါတယ်။ ဒီကိစ္စကို ချုံးဝမ်းကျောင်းတော်က ဆရာ ကြီးဟော့နဲ့ ကျောင်းသားတွေက မကျေနပ်ကြပါဘူး။ ဒါကြောင့် သူတို့က မန်ချူး တွေကို ဆန့်ကျင်ဖို့လုပ်ပါတယ်။ ဒါပေမဲ့ ဘာသိုင်းပညာမှ မတတ်တာမလို့ ကျောင်း တော်အပါအဝင် ကျောင်းသားတွေလည်း သေကြေပျက်စီးကြရတယ်။ အဲဒီထဲကမှ လျိုယွိထယ်ဆိုတဲ့ ကျောင်းသားလေးက မန်ချူးတွေကို ဆန့်ကျင်ဖို့ ရှောင်လင်ကျောင်းမှာ သိုင်းပညာသွားသင်ယူဖို့ ဆုံးဖြတ်လိုက်ပါတယ်။ လျိုယွိထယ် အနေနဲ့ မန်ချူးတွေလက်ကနေ ရှောင်လင်ကျောင်းဆီရောက်အောင် ဘယ်လိုသွား မလဲ၊ ရှောင်လင်သိုင်းပညာဆိုတာမှာရော ဘာတွေပါဝင်လဲ၊ မန်ချူးတွေကိုရော ပြန် လည်တိုက်ထုတ်နိုင်မလား၊ ဘယ်လိုတွေတိုက်ထုတ်မလဲဆိုတာကို ဇာတ်ကားထဲမှာ ကိုယ်တိုင်ပဲ ကြည့်ရှုလိုက်ပါ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Elizabeth Khant ဖြစ်ပါတယ်) File Size..........(2.4 GB) / (1.08 GB) Quality............BLU-RAY 1080p / 720p Duration.........1Hr 56Min Subtitle...........Myanmar Hardsub Format............MP4 Genre..............Action, Adventure, Drama Translator.......Elizabeth Khant Encoder..........SWM