Mohanlal ပါဝင်သော ဇာတ်ကားများ

"ကလဲ့စား" IMDb - 6.6/10 မလေယာလမ်းမင်းသား ပရီသ်ဗီရာ့ဂ်ျဆူကူးမာရန်ရဲ့ ရူပီးသန်းငါးရာကျော် ရုံတင်ငွေရခဲ့တဲ့ အက်ရှင်ဇာတ်ကြမ်း ရုံတင်ကားကြီးကို တင်ဆက်ပေးလိုက်ပါတယ်။ မိဘနှစ်ပါးရယ် ချစ်ဇနီးရယ်နဲ့အတူ အေးချမ်းပျော်ရွှင်တဲ့ဘ၀လေးကို နေထိုင်ရင်း အထည်ဆိုင်ကို ဦးစီးနေတဲ့ အာလီ။ ဒါပေမဲ့လည်း အစိုးရကန်ထရိုက်တာအဖြစ်လုပ်ကိုင်နေတဲ့ အာလီရဲ့ဖခင်ကို ရွှေမှောင်ခိုမှုနဲ့ ပတ်သက်ပြီး မတရားဖမ်းဆီးတာ ခံလိုက်ရပါတယ်။ ဖခင်ဖြစ်သူ လွတ်မြောက်ဖို့အရေး ကြိုးစားရင်း အာလီတစ်ယောက် ရွှေမှောင်ခိုလောကထဲကို ခြေကျွံမိပြီး ပြန်နုတ်ဖို့ခက်လာတဲ့အပြင် ဆရာတစ်ဆူဖြစ်လာတဲ့အခါမှာတော့...။ File size… 9 GB / 2.4 GB / 1.5 GB Quality…WEB DL 4k HEVC / 1080p HEVC/ 720p Format…mkv/ mp4 Duration…. 2h 37m Subtitle….Myanmar Subtitle (Hard Sub)

Thudakkam (2026) အမှောင်ထုရဲ့ အစ IMDb (6.1/10) Survival Action ဇာတ်ကားကိုမှကြိုက်တဲ့သူတွေအတွက် မင်းသမီး Vismaya Mohanlal က ခေါင်းဆောင်မင်းသမီးအဖြစ် ပါဝင်ထားပြီး ဒါရိုက်တာ Jude Anthany Joseph ရဲ့ လက်ရာဖြစ်တာမို့ အမျိုးသမီး အက်ရှင်ဇာတ်ကားတွေနဲ့ ကြိုက်သူတွေအတွက်တော့ အကြိုက်တွေ့စေမယ့် ဇာတ်ကားတစ်ကားပါ။Drishyam မင်းသားကြီး Mohanlal ကိုယ်တိုင်လည်း Special Cameo အဖြစ် အထူးပါဝင်ပေးထားပါ‌သေးတယ်။ ဇာတ်လမ်းကတော့ မီနူး ဆိုတဲ့ ကောင်မလေးတစ်ယောက် အိမ်ပြန်တဲ့ လမ်းခုလတ်မှာ ရုတ်တရက် ပျောက်ဆုံးသွားခဲ့ပါတယ်။စစချင်းမှာတော့ ရဲတွေက ရိုးရိုးပျောက်ဆုံးမှုတစ်ခုလို လိုက်လံစုံစမ်းရာကနေ အမှုက တဖြည်းဖြည်းနဲ့ ပိုပြီးနက်နဲလာခဲ့ပါတယ်။မီနူးဟာ ရိုးရိုးပျောက်သွားတာမဟုတ်ဘဲ ရက်စက်တဲ့ ကြေးစားလူသ_တ်သမားတစ်ယောက်ရဲ့ ပစ်မှတ်ဖြစ်သွားပြီး လမ်းခုလတ်မှာ အမဲလိုက်ခံရသလို လိုက်လံတိုက်ခိုက်ခံရတာပါ။မီနူး တစ်ယောက် ဒီအန္တရာယ်ကနေ လွတ်မြောက်နိုင်ပါ့မလား ဆိုတာကို ရင်တမမနဲ့ကြည့်ရှုရမှာပဲဖြစ်ပါတယ်။ File size… 4.6 GB / 1.7 GB / 1 GB Quality…WEB DL 4k HEVC / 1080p HEVC/ 720p Format…mkv/ mp4 Duration…. 2h 17m Subtitle….Myanmar Subtitle (Hard Sub)

Drishyam 3 2026 ၄တန်းအောင်အခန်းဆက် ၃ IMDb 7/10 ကဲ ထွေထူးပြီး ညွှန်းနေစရာမလိုတဲ့ ‌'၄တန်းအောင်' လို့ နာမည်ကြီးတဲ့ Drishyam ကတော့ ထပ်မံထွက်ရှိလာခဲ့ပါပြီ ရုံတင်ပြီး ၁၂ ရက်အတွင်းမှာကို ၂၄၁ ကုဋေရရှိထားတဲ့ ဝက်ဝက်ကွဲအောင်မြင်နေတဲ့ရုံတင်ကားကြီးကို ကြည့်လိုက်ရအောင် Drishyam 2 အပြီး ၅နှစ်အကြာမှာတော့ ဂျော့ဂ်ျကူတီတို့မိသားစုလေး ပြန်ပြီး အခြေကျသွားခဲ့တယ် ဂျော့ဂ်ျက သူ့ဘဝဖြစ်စဉ်ကို စာအုပ်ရေးထားရာကနေ ရုပ်ရှင်ရိုက်ဖြစ်သွားပါတယ် ဝက်ဝက်ကွဲအောင်မြင်မှုနဲ့အတူ ဂျော့ဂ်ျမိသားစုလည်း နာမည်ကြီးလာတာပေါ့ နောက်ကြောင်းဖော်တဲ့လူကဖော် အင်တာဗျူးတဲ့လူကဗျူးနဲ့ ဂျော့ဂ်ျတစ်ယောက် အလုပ်များနေလေရဲ့ တစ်ဖက်မှာလည်း ဒီမြို့ထဲ သူတို့သတင်းကို မသိသူမရှိဆိုတော့ သမီးအာနူးကို ယောကျာ်းပေးစားဖို့ အခက်အခဲရှိနေခဲ့တယ် သမီးအတွက်လည်း ယောကျာ်းရှာရင်း မိသားစုကိုလည်း စီမံရင်းနဲ့ သူ့ဘဝထဲရောက်လာတဲ့အပြောင်းအလဲက ဂျိုဆေး ဂျိုဆေးဆိုတာ ဂျော့ဂ်ျတစ်ယောက် ရဲစခန်းအောက် အလောင်းဖွက်တာကိုမြင်ပြီး သတင်းပို့ခဲ့တဲ့လူ။ ဒီလူကို ခန့်မှန်းလို့မရတဲ့ဂျော့ဂ်ျက သနားလို့ဆိုပြီး အလုပ်ပေးလိုက်ရာကနေ ဘယ်လိုကိစ္စတွေ ဖြစ်လာမလဲဆိုတာကိုတော့....။ File size… 8 GB / 1.97 GB / 1 GB Quality…WEB DL 4k HEVC / 1080p HEVC/ 720p Format…mkv/ mp4 Duration….2h 37m Subtitle….Myanmar Subtitle (Hard Sub)

Patriot (2026) မျိုးချစ် သူရဲကောင်း IMDb (6.6/10) ဒါရိုက်တာ Mahesh Narayanan ရိုက်ကူးပြီး ၂၀၂၆ ခုနှစ် မေလမှာ ရုံတင်ပြသခဲ့တဲ့ Patriot ဟာ အိန္ဒိယရဲ့ ထိပ်တန်းမင်းသားကြီးနှစ်လက်ဖြစ်တဲ့ Mammootty နဲ့ Mohanlal တို့ကို ၁၇ နှစ်အကြာမှာ တစ်ကျော့ပြန် အတူတူမြင်တွေ့ရမယ့် မလေးယာလမ် နိုင်ငံရေးနဲ့ သူလျှိုအက်ရှင် ကားပဲ ဖြစ်ပါတယ်။ ဒါ့အပြင် နာမည်ကြီးမင်းသား Fahadh Faasil လည်း အဓိကဗီလိန်နေရာကနေ ပါဝင်အားဖြည့်ထားပါတယ်။အိန္ဒိယ ကာကွယ်ရေးသုတေသနအဖွဲ့ (Defence Research Wing) က ပညာရှင် ဒေါက်တာဒန်နီရယ် ဂျိမ်းစ် ကို ဝန်ကြီးချုပ်ဟောင်း နာလီနီ က အရပ်သားတွေအပေါ် တရားမဝင် အသုံးချနေတဲ့ "Periscope" စောင့်ကြည့်ရေးဆော့ဖ်ဝဲအကြောင်း လျှို့ဝှက်စုံစမ်းဖို့ တာဝန်ပေးအပ်ခဲ့ပါတယ်။ ဒီဆော့ဖ်ဝဲကို ပြည်ထောင်စုဝန်ကြီး JP ဆန်ဒရမ် နဲ့ သူ့ရဲ့သားဖြစ်သူ နည်းပညာလုပ်ငန်းရှင် ရှက်တီ တို့က ပူးပေါင်းပြီး နိုင်ငံရေးအမြတ်ထုတ်ဖို့ ကြိုးပမ်းနေကြတာပါ။ ဒါပေမဲ့ စုံစမ်းစစ်ဆေးမှု မပြီးခင်မှာပဲ ဝန်ကြီးချုပ်ဟောင်း လုပ်ကြံခံလိုက်ရပြီး ဒန်နီရယ် ကိုယ်တိုင်လည်း အစိုးရရဲ့ လိုက်လံဖမ်းဆီးခြင်းကို ခံရပါတော့တယ်။ သူဟာ ယူကေ (UK) ကို ထွက်ပြေးတိမ်းရှောင်ခဲ့ရပြီး အဲဒီနေရာကနေ ဗီမာသန် ဆိုတဲ့ အမည်ဝှက်နဲ့ Vlog တစ်ခုဖွင့်ကာ အစိုးရရဲ့ လျှို့ဝှက်ချက်တွေကို ဖော်ထုတ်ဖို့ ကြိုးစားပါတော့တယ်။ အစိုးရက သူ့ကို တိုင်းပြည်သစ္စာဖောက်အဖြစ် သတ်မှတ်ပြီး နည်းလမ်းမျိုးစုံနဲ့ လိုက်လံနှိမ်နင်းချိန်မှာပဲ သူ့ရဲ့သူငယ်ချင်းဟောင်းကြီး ရာဟင်မ် က ဒန်နီရယ်ဘက်ကနေ မမျှော်လင့်ဘဲ ပါဝင်ကူညီပေးလာပြီး သတင်းအချက်အလက် နည်းပညာအင်ပါယာကြီးကို အတူတူ တိုက်ဖျက်ကြတဲ့အခါ.....။ဒီဇာတ်ကားဟာ ရိုးရိုးရှင်းရှင်း ရိုက်ကူးထားတဲ့ မဆလာအက်ရှင်ကားမျိုး မဟုတ်ဘဲ လက်ရှိခေတ်ကာလရဲ့ ဒီဂျစ်တယ်လုံခြုံရေး ပြဿနာတွေကို ထိထိမိမိ မီးမောင်းထိုးပြထားတဲ့ ကားကောင်းတစ်ကား ဖြစ်ပါတယ်။ ဇာတ်လမ်းအသားပေး စပိုင် thriller ဇာတ်ကားတွေကို သဘောကျတဲ့သူတွေအတွက် လက်မလွှတ်တမ်း ကြည့်ရှုသင့်တဲ့ ကားတစ်ကား ဖြစ်လို့ကြည့်ရှုခံစားလိုက်ကြပါဦး။ File size… 6.2 GB / 2.41 GB / 1.29 GB Quality…WEB DL 4K / 1080p HEVC/ 720p Format…mkv/ mp4 Duration….2h 57m Subtitle….Myanmar Subtitle (Hard Sub)

Bha Bha Ba (2025) အရူးများကမ္ဘာမှကြိုဆိုပါ၏ IMDb (6.3) လူ‌တွေအားလုံးကတစ်ယောက်တစ်မျိုးနဲ့ ရူးနေကြတဲ့ အရူးတွေပါ။ ဒါပေမဲ့ ကိုယ့်ထက်ပိုရူးတဲ့ သူနဲ့တွေ့တဲ့အခါမှာတော့ကြောက်လန့် သွားတတ်ကြပါတယ်။ ဒီဇာတ်လမ်းမှာ အမည်မသိ လူစိမ်းတစ်ယောက်က ကီရာလာပြည်နယ်ရဲ့ ဝန်ကြီးချုပ်ဖြစ်သူ စီကေ ဂျိုးဆက် ကို လူထု ဟောပြောပွဲတစ်ခုအတွင်းမှာ ရဲရဲဝံ့ဝံ့ ပြန်ပေးဆွဲသွားခဲ့ပါတယ်။ ဝန်ကြီးချုပ်ရဲ့သားဖြစ်သူ အထူးစုံစမ်းစစ်ဆေးရေးအရာရှိက ဒီအမှုကို လိုက်လံဖြေရှင်း ရပါတော့တယ်။ပြန်ပေးဆွဲသူဟာ ဝန်ကြီးချုပ်ကို ဘာကြောင့်ဖမ်းဆီးရတာလဲ၊ သူ့ရဲ့ နောက်ကြောင်းရာဇဝင်က ဘာလဲဆိုတာကို ဟာသနှောပြီး တဖြည်းဖြည်းချင်း ဖော်ထုတ်ပြသသွားမှာဖြစ်ပါတယ်။ File size… 2.5GB / 1.3 GB Quality…WEB DL 1080p HEVC/ 720p Format…mkv/ mp4 Duration….2hr 24mins Subtitle….Myanmar Subtitle (Hard Sub)

Hridayapoorvam (2025) "နှလုံးသားနှင့်အစပြုခဲ့သော ချစ်ခြင်း" IMDb - 7.5 / 10 ဒီတစ်ခေါက်မှာတော့ မလေယာလမ်းမင်းသားကြီး မိုဟန်လယ်ပါဝင်ရိုက်ကူးထားတဲ့နာမည်ကြီးရုံတင်ကားတစ်ကားဖြစ်ပြီး ရုံတင်ဝင်ငွေသန်း ၁၀၀ ကျော်ထိရရှိထားတဲ့ ရုံတင်ကားကြီးနဲ့မိတ်ဆက်ပေးချင်ပါတယ် ။ ဒီဇာတ်လမ်းထဲမှာ မိသားစုမေတ္တာဇာတ်လမ်းကို ဟာသနှောပြီး ခံစားရမှာဖြစ်ပါတယ်။ စိတ်နှလုံးကောင်းလွန်းသူ ဆန်ဒိပ့်တစ်ယောက် ကျန်းမာရေးဆိုင်ရာပြဿနာကြုံတွေ့ရပြီး နှလုံးအစားထိုးဖိုဖြစ်လာခဲ့ပါတယ် ။ မိသားစုဆိုလို အစ်မလင်မယားသာရှိတဲ့ ဆန်ဒိပ့်မှာ တစ်ခြားအားကိုးစရာမရှိပေမဲ့ စိတ်ထားကောင်းသူမို ကံကောင်းခြင်းတွေနဲ့ပြည့်နေတတ်သူတစ်ယောက်ဖြစ်ပါတယ်။ နှလုံးအစားထိုးပြီးနောက်ပိုင်း ဆန်ဒိပ့်ရဲ့စိတ်ပိုင်းဆိုင်ရာ ပြောင်းလဲမှုတစ်ချိုကိုလည်း ဒီဇာတ်လမ်းမှာ တွေ့ရမှာဖြစ်ပါတယ် ။ ဆန်ဒိပ့် အကောင်းဘက်ကိုပဲပြောင်းလဲသွားတာလား ၊ ဘယ်လိုပုံစံမျိုးပြောင်းလဲသွားလဲဆိုတာကို ဒီဇာတ်လမ်းမှာကြည့်ရှုရမဲ့အပြင် သူ့ကိုနှလုံးအစားထိုးပေးခဲ့တဲ့ သူရဲ့သမီးနဲ့ အသက်ကြီးမှ မင်္ဂလာဆောင်ဖိုဖြစ်လာတဲ့အခါ ဘာတွေဆက်ဖြစ်မလဲဆိုတာ ဒီဇာတ်လမ်းမှာ ကြည့်ရှုခံစားပေးပါဦး ။ File size… 3 GB / 1.2 GB Quality…WEB DL 1080p HEVC/ 720p Format…mkv/ mp4 Duration….2h 32m Subtitle….Myanmar Subtitle (Hard Sub)

Kannappa (2025) IMDb - 4/10 ဘာဟုဘာလီမင်းသား ပရာဘာ့စ်ရဲ့ ရုံတင်ကားသစ်ကြီး ကြည်တောက်ရှင်းထွက်ရှိလာတာမို့ တင်ဆက်ပေးလိုက်ပါတယ်။ မင်းသားကြီး အရှေးကူးမား ပါဝင်အားဖြည့်ပေးထားပြီး တက်သစ်စမင်းသမီးချောလေး ပရီတီးမူခွန်ဒန်ရဲ့ အကအလှတွေကိုပါ ရှုမြင်ခံစားကြရမှာပါ။ ရွာမှာဖြစ်နေတဲ့ကပ်ဘေးကြီး အဆုံးသတ်စေဖို့ ဘုရားဆိုတဲ့နာမည် အသုံးချပြီး ရွာရဲ့နတ်ဆရာမက သီနာဒူရဲ့သူငယ်ချင်းဖြစ်သူကို ယဇ်ပူဇော်လိုက်ပါတယ်။ အဲဒီကစလို့ သီနာဒူတစ်ယောက် ဘုရားဆိုတာကို ကျောက်တုံးကြီးတစ်တုံးကလွဲရင် ဘာမှကောင်းကျိုးမပေးတဲ့အရာဆိုပြီး အမုန်းတရားကြီးထွားခဲ့ပါတယ်။ အရာအားလုံးကို သိမြင်တော်မူတဲ့ အရှင်သိဝက သီနာဒူ ကလေးဘ၀ကတည်းက စောင့်ကြည့်နေပြီး တစ်နေ့ကျရင် သူ့အပေါ် စစ်မှန်တဲ့ကိုးကွယ်ယုံကြည်သူဖြစ်လာမယ်ဆိုတာ သိနေခဲ့တာပေါ့။ ဘုရားမယုံကြည်တဲ့ မုဆိုးကြီးသီနာဒူ ဘုရားကို စစ်မှန်စွာသက်ဝင်ယုံကြည်လာပြီး စရီကာလာဟာသ်စတီဗိမာန်တော်ကြီးပါ တည်ဆောက်ကိုးကွယ်ခဲ့ပုံကို မြင်တွေ့ရမဲ့ စိတ်ဝင်စားစရာ သမိုင်းဝင်ဘာသာရေးဇာတ်ကားတစ်ကားပဲဖြစ်ပါတယ်။ (*ဘာသာရေးကားဖြစ်တာမို့ မြန်မာဘာသာပြန်တာမှာ အခေါ်အဝေါ်တွေ အမည်တွေလွဲမှားခဲ့ပါက အနူးအညွတ်တောင်းပန်အပ်ပါတယ်။*) (ဘာသာပြန်ကတော့ B-Teamဖြစ်ပါတယ်) File size… 3.6 GB / 2 GB Quality… WEB DL 1080p HEVC/ 720p Format…mkv/ mp4 Duration….3h 3min Subtitle….Myanmar Subtitle (Hard Sub) Encoder….B Coder Translated by B Team

Thudarum 2025 (သူဒါရမ်) မင်းသားကြီးမိုဟန်လယ်ပါဝင်တင်ဆက်ထားပြီး ရိတ်တင်လဲကောင်း ရုံတင်ငွေလဲကောင်းလှတဲ့  ရုပ်ရှင်ကားသစ်တကားနဲ့မိတ်ဆက်ပေးချင်ပါတယ် ဇာတ်လမ်လေးကတော့ ဘန့်ဇ်ဆိုတဲ့ တက္ကစီသမားတစ်ယောက်ရဲ့ဘဝကို အခြေခံပြီး တင်ဆက်ထားတဲ့ မှုခင်းဒရာမာဇာတ်ကားကောင်းလေးဖြစ်ပါတယ်။ ဘန့်ဇ်တစ်ယောက်ဟာ မိန်းမရယ် သားရယ် သမီးရယ်နဲ့အတူတူ တက္ကစီကားလေးမောင်းရင်း အေးချမ်းတဲ့ဘဝလေးမှာ နေထိုင်နေသူတစ်ယောက်ပေါ့။ တစ်နေ့မှာတော့ ဘန့်ဇ်သားရဲ့ သူငယ်ချင်းတွေဟာ အိမ်ကိုလာလည်ခဲ့ကြရင်းနဲ့ ဘန့်ဇ် တက္ကစီဆွဲနေတဲ့ ကားကို မတော်တဆ ထိခိုက်မိအောင်လုပ်မိသွားပါတော့တယ်၊။ ဒီလိုနဲ့ ဘန့်ဇ်တစ်ယောက် ကားကို ပြင်ဖို့အတွက် သူ့သူငယ်ချင်းဆီကို ပို့လိုက်ပါတော့တယ်။ သူ့သူငယ်ချင်းဟာလည်း သူငယ်ချင်းကောင်းပီသစွာနဲ့ပဲ သူ့ကားကို မူးယစ်ဆေးသယ်ဖို့အတွက် အသုံးပြုခဲ့ပါတော့တယ်။ အဲဒီအချိန်မှာပဲ ဘန့်ဇ်ရဲ့ကားကို မူးယစ်မှောင်ခိုမှုနဲ့ ရဲတွေသိမ်းတာ ခံလိုက်ရပါတော့တယ်။ ဒီအချိန်မှာပဲ ဘန့်ဇ်ရဲ့ ဘဝဟာ ပြောင်းလဲသွားခဲ့ရပါတော့တယ်။ ဘန့်ဇ်တစ်ယောက် သူမလုပ်ထားတဲ့ ပြစ်မှုတွေကြားထဲ ဝင်ရောက်သွားခဲ့ရပြီး အာဏာရှိလူတစ်စုရဲ့ အသုံးချခံဖြစ်လာခဲ့တဲ့အချိန်မှာတော့ ........ ဘာတွေ ဘယ်လိုဆက်ဖြစ်မလဲဆိုတာကို ရင်ခုန်စိတ်လှုပ်ရှားဖွယ် ဆက်လက်ကြည့်ရှုပေးကြပါဦး (အညွှန်းနဲ့ ဘာသာပြန်ကတော့ ToMo~ Cym~ KKKZ~ Zwe Yan ~ Yunni တို့ပဲဖြစ်ပါတယ်) File size… 9.3 GB  /3.3 GB / 1.5 GB Quality…WEB DL 4k HEVC /  1080p / 720p Format…mkv/ mp4 Duration….2h 43mins Subtitle….Myanmar Subtitle (Hard Sub) Encoder….YK Translated by ToMo~ Cym~ KKKZ~ Zwe Yan ~ Yunni

L2: Empuraan (2025) "နတ်ဆိုး" IMDb - 6.4/10 နာမည်ကျော် တောင်ပိုင်းမင်းသားကြီးမိုဟန်လာလ် ပါဝင်ထားပြီး မလေယာလမ်ရုပ်ရှင်သမိုင်းမှာ ဝင်ငွေအကောင်းဆုံးရုပ်ရှင်ဖြစ်နေတဲ့အပြင် 2025ခုနှစ် အိန္ဒိယရုပ်ရှင်တွေထဲမှာ ကမ္ဘာတလွှားရုံတင်တင်ချင်း ဝင်ငွေအများဆုံးရခဲ့တဲ့ ရုံတင်ကားကြီးကို တင်ဆက်ပေးလိုက်ပါတယ်။ ၂၀၁၉ကထွက်ရှိထားပြီး လူကြိုက်များခဲ့တဲ့ Lucifer(2019)ရဲ့ နောက်ဆက်တွဲဇာတ်လမ်းဖြစ်ပါတယ်။ နိုင်ငံရေးအရှုပ်၊ နိုင်ငံရေးမသမာမှုတွေကြားက လူမျိုးရေးရန်ပွဲတွေ အာဏာလုယူမှုတွေနဲ့ စခဲ့တဲ့ဇာတ်လမ်း။ ရုပ်ရှင်ထဲက အဘွားအိုရဲ့စကားအတိုင်းဆို ငါတို့နိုင်ငံရဲ့ နိုင်ငံရေးဆိုတာက စီးပွားရေးခွင်တစ်ခု၊ အဲဒီနိုင်ငံရေးက ဟိန္ဒူလဲမသိဘူး မွတ်ဆလင်လည်းမသိဘူး၊ ယောကျ်ားမိန်းမတွေ စိတ်ဓာတ်တွေကိုယ်ကျင့်သိက္ခာတွေ မသိဘူးတဲ့။ နိုင်ငံရေးဆိုတာ ကစားပွဲတစ်ခု၊ အရာရာတိုင်းကိုရောင်းစားပစ်တဲ့ အရာတစ်ခုပဲတဲ့။ နိုင်ငံရေးကို ဘာသာတရားနဲ့တွဲလိုက်ရင် ယမ်းပုံပေါ် မီးချလိုက်သလိုပဲ၊ မီးတောက်က အကုန်ဝါးမျိုသွားတော့တာတဲ့။ ဒီရုပ်ရှင်မှာလည်း ၂၀၀၂ခုနှစ် ဂူဂျာရတ်မှာဖြစ်ခဲ့တဲ့ ဘာသာရေးအဓိကရုဏ်းကို အခြေခံထားခဲ့ပါသေးတယ်။ ရှုပ်ထွေးပွေလီလှတဲ့ နိုင်ငံရေး၊ အုတ်အော်သောင်းနင်းဖြစ်ခဲ့တဲ့ ဘာသာရေးအဓိကရုဏ်းတွေကြားမှာ စတီဖန်တစ်ယောက် ဘယ်လိုဆက်ပြီး အကွက်ရွှေ့မလဲဆိုတာ ကြည့်ရှုကြပါဦး။ (အညွှန်းနဲ့ ဘာသာပြန်ကတော့ CM Bollywood Teamဖြစ်ပါတယ်) File size… 3.4 GB / 1.5 GB Quality…WEB DL 1080p HEVC/ 720p Format…mkv/ mp4 Duration….2h 59m Subtitle….Myanmar Subtitle (Hard Sub) Encoder….YK Translated by CM Bollywood Team

Barroz (2024) "ရတနာသိုက်စောင့် သရဲကြီး ဘာရိုဇ်" ပုံပြင်ဆန်ဆန်နဲ့ စိတ်၀င်စားစရာကြည့်ရမဲ့ မလေယာလမ်စကားပြော အိန္ဒိယရုပ်ရှင်တစ်ပုဒ်နဲ့ မိတ်ဆက်ပေးချင်ပါတယ်။ ငယ်ဘ၀က က‌လေးဘ၀ပုံပြင်တွေထဲမှာ ဘာရိုဇ်ဆိုတဲ့ ရတနာသိုက်စောင့်သရဲကြီးအကြောင်း တချို့လည်း ကြားဖူးကြမယ်ထင်ပါတယ်။ သူဟာ အရှင်ဒဂါးမားရဲ့ ရတနာသိုက်ကို စောင့်ပေးနေရတဲ့ အိန္ဒိယရောက် သစ္စာရှိ ပေါ်တူဂီသရဲကြီးပါ။ ဘာရိုဇ်ဟာ ကျမ်းဂန်အလိုအတိုင်း ရတနာသိုက်ကိုစောင့်ရှောက်ရင်း အမွေဆက်ခံမဲ့သူကို စောင့်နေခဲ့တာပါ။ လက်ရှိ ဒီဘက်ခေတ်မှာတော့ အိန္ဒိယနိုင်ငံ ဂိုအာမှာ လေလံပွဲကြီးတစ်ခု ကျင်းပနေပါတယ်။ ဂိုအာမှာလည်း ကာစီနိုမဖွင့်ရေးအတွက် ဆန္ဒပြနေသူတွေကတစ်မျိုး၊ လေလံပွဲအတွက် နိုင်ငံတကာကရောက်နေတဲ့ လုပ်ငန်းရှင်တွေကတစ်ဖုံနဲ့ စည်ကားလို့နေပါတယ်။ အဲဒီလေလံပွဲကို လုပ်ငန်းရှင်တစ်ဦးဖြစ်တဲ့ ရွန်နဲ့ သူ့ရဲ့မိတဆိုးသမီးလေးအီဆာတို့လည်း ရောက်ရှိလာပါတယ်။ အီဆာဟာ ပြောမရဆိုမရ ဂျစ်တိုက်တတ်တဲ့ ဆယ်ကျော်သက်ကောင်မလေးတစ်ယောက်ပါ။ အဲဒီကို အီဆာရောက်လာတာနဲ့အတူ ရတနာသိုက်မှာလည်း ထူးခြားမှုတွေဖြစ်ပေါ်လာပါတော့တယ်။ ဒီလိုနဲ့ ဂျစ်တူးမလေးအီဆာတစ်ယောက် ရောက်ရာနေရာမှာ ဘယ်လိုတွေမွှေဦးမလဲ၊ ရတနာသိုက်နဲ့အီဆာတို့ ဘယ်လိုပတ်သက်နေမလဲ၊ အီဆာနဲ့ ဘာရိုဇ်တွေ့ကြတဲ့အခါ ဘာတွေဆက်ဖြစ်လာမလဲဆိုတာကို ဆက်လက်ကြည့်ရှုလိုက်ကြပါဦး...။ (ဒီဇာတ်လမ်းအတွက် အညွှန်းနဲ့ဘာသာပြန်ကတော့ Cym~ToMo~KKKZ~V~Star ဖြစ်ပါတယ်။) File size… 13 GB / 4.9 GB / 2.2 GB Quality…4k HEVC WEB DL  /  WEB DL 1080p HEVC/ 720p Format…mkv/ mp4 Duration….2h 35m Subtitle….Myanmar Subtitle (Hard Sub) Encoder….YK Translated by Cym~ToMo~KKKZ~V~Star

A.R.M (2024) "အာဂျာယန်ရဲ့ ဒုတိယမြောက်ခိုးယူမှု" IMDb - 7.6/10 ဒီနေ့တော့ အိန္ဒိယရုပ်ရှင်ချစ်ပရိသတ်အပေါင်းတို့ ရေငတ်တုန်းရေတွင်းထဲကျဆိုသလို ရသမျိုးစုံနဲ့ အိန္ဒိယရုပ်ရှင်တွေထွက်ရှိလာတဲ့နေ့တစ်နေ့ပါပဲ။ အခုတဖန်တင်ဆက်ပေးမှာက အလန်းစား မလေယာလမ်းရုပ်ရှင်ကားကြီး။ ဟိုးရှေးရှေးတုန်းက ရွာတစ်ရွာမှာ ကြယ်တစ်စင်းကြွေသတဲ့ကွယ်။ ဘုရင်ကြီးက ဒီအကြောင်းကိုကြားလေတော့ ကြယ်အကြွေကိုသိမ်းယူပြီး နာမည်ကြီးပန်းပဲဆရာကြီးဆီမှာ မီးအိမ်တစ်လုံး သွန်းလုပ်စေခဲ့တာပေါ့။ ဒီမီးအိမ်လေးကြောင့် တိုင်းပြည်ဟာ ကြွယ်၀ချမ်းသာတယ်လို့ တစ်ယောက်စကားတစ်ယောက်နား ပြောကြသတဲ့ကွယ်။ တစ်နေ့ ဘုရင်ကြီးမှာ ဒုက္ခကြုံလာရတော့ ကြယ်ကြွေခဲ့တဲ့ရွာက သူရဲကောင်းကြီးတစ်ဦး ဖြေရှင်းပေးခဲ့ပါလေရော။ ဒီလိုနဲ့ ဘုရင်ကြီးက လိုရာဆုလာဘ်တောင်းစေတဲ့အခါ မီးအိမ်ကိုပဲ သူတို့ရွာမှာ ပြန်လည်ထိမ်းသိမ်းထားချင်ပါတယ်လို့ ဆိုသတဲ့ကွယ်။ ဒါက သူရဲကောင်းကြီးရဲ့ဇာတ်လမ်း။ ဒီရုပ်ရှင်ကတော့ အာဂျာယန်ရဲ့ဇာတ်လမ်း။ တစ်ရွာလုံးကို ဒုက္ခပေးတဲ့ ဘဲလ်သံတချွင်ချွင်နဲ့ သူခိုးကြီးရဲ့ မြေးဖြစ်သူပေါ့။ အဘိုးဖြစ်သူသမိုင်းကြောင်းကြောင့် အနှိမ်ခံခဲ့ရတဲ့ကောင်လေးတစ်ယောက်။ ဒီကောင်လေး ဘယ်လိုဖြစ်လာမလဲ၊ သူ့ကိုအနိုင်ကျင့်လှောင်ပြောင်တဲ့ တစ်ရွာလုံးကို သူ ဘယ်လိုတုံ့ပြန်မှာလဲ။ ခံစားကြည့်ရှုပေးကြပါဦး (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) File size… 2.2 GB / 1.1 GB Quality…WEB DL 1080p HEVC/ 720p Format…mkv/ mp4 Duration….2h 30m Subtitle….Myanmar Subtitle (Hard Sub) Encoder….YK Translated by CM Bollywood Team

Malaikottai Vaaliban (2024) "ဒဏ္ဍာရီလာ သူရဲကောင်းတစ်ဦး" IMDb - 7/10 Drishyamမလေယာလမ်းရုပ်ရှင်တွေနဲ့ မကြာသေးခင်ကမှ တင်ဆက်ပေးခဲ့တဲ့ Neru(2023)မှာ ရှေ့နေအဖြစ်သရုပ်ဆောင်ထားတဲ့ မင်းသားကြီး Mohanlalရဲ့ အသစ်ထွက်ရှိလာတဲ့ နန်းတွင်းရုပ်ရှင်ဇာတ်ကားကြီးကို တင်ဆက်ပေးလိုက်ပါတယ်။ ဒဏ္ဍာရီလာလူသားတစ်ယောက်ရဲ့ ရုန်းကန်ကြိုးစားရပုံနဲ့ အောင်ပွဲတွေကိုတွေ့မြင်ကြရမှာပါ။ သားအဖနှစ်ယောက်နဲ့အတူ လှည်းတစ်စီးနဲ့ နယ်တကာလှည့်ပြီး ပြိုင်ဘက်မရှိသူရဲကောင်းဆိုသူတွေကို လိုက်ပြီးယှဉ်ပြိုင်တိုက်ခိုက်အနိုင်ယူနေခဲ့တဲ့ မာလာကိုတိုင်ဗာလီဘန်။ မိန်းမပျိုလေးတစ်ဦးနဲ့ ချစ်ကျွမ်းဝင်ပြီး သူ့ရဲ့ခရီးစဉ်မှာ အတူခေါ်ဆောင်ခဲ့ကာ သူရဲကောင်းဆိုသူတွေနဲ့ ဆက်လက်ယှဉ်ပြိုင် တိုက်ခိုက်နေခဲ့ပါတယ်။ ဒီမှာပဲ ချာမာသာကန်ဆိုတဲ့ သူရဲကောင်းတစ်ယောက်နဲ့ ယှဉ်ပြိုင်တိုက်ခိုက်ခဲ့ရာမှာ သူအနိုင်ရရှိခဲ့ပြီထင်ပေမဲ့ ချာမာသာကန်ရဲ့ ကောက်ကျစ်စဉ်းလဲမှုတွေနဲ့ ရင်ဆိုင်ရတဲ့အခါမှာတော့...။ အိန္ဒိယခေတ်လွန်နဲ့ ခေတ်ပေါ်ရုပ်ရှင်တွေကို ငြီးငွေ့နေသူတွေအတွက် အလှည့်အပြောင်းလေးဖြစ်အောင် အိန္ဒိယနန်းတွင်းရုပ်ရှင်ကားကြီးကို ခံစားကြည့်ရှုလိုက်ကြပါဦးဗျ။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size…2.8GB / 1.3GB  Quality…WEB DL 1080p /720p Format…mp4 Duration….2h 36m Subtitle….Myanmar Subtitle (Hard Sub) Encoder….YK Translated by CM Bollywood Team

Neru (2023) "အမှန်တရား" IMDb - 7.8/10 လေးတန်းတောင်မအောင်ဘဲ မိသားစုကိုစော်ကားဖို့ကြံတဲ့သူရဲ့အလောင်းကို ဖျောက်ပြခဲ့တဲ့ မူရင်းမလေယာလမ်းရုပ်ရှင်ထဲက မင်းသားကြီး Mohanlal Viswanathanရဲ့ ရုံတင်ဇာတ်လမ်းကို တင်ဆက်ပေးလိုက်ပါတယ်။ ဒီရုပ်ရှင်ကို အမေရိကန်ဒေါ်လာ တစ်သန်းကျော်အသုံးပြုရိုက်ကူးခဲ့ပြီး ဆယ်ဆကျော် ပြန်လည်ရရှိခဲ့တာပါ။ Jawan (2023)ရုပ်ရှင်ထဲမှာပါခဲ့တဲ့ မင်းသမီးချောလေး ပါရီယာမာနီလည်း ပါဝင်ထားပါသေးတယ်။ ပန်းပုပညာရှင် မျက်မမြင်အမျိုးသမီးလေးရဲ့ ပုံဖော်မှုကြောင့် မုဒိမ်းသမားကို ဖမ်းဆီးနိုင်ခဲ့ပေမဲ့ သက်သေမခိုင်လုံတာကြောင့် မုဒိမ်းကောင်က အာမခံနဲ့ လွတ်သွားခဲ့ပါတယ်။ မုဒိမ်းကောင်မိသားစုက အင်မတန်ချမ်းသာတဲ့မိသားစု ဖြစ်တာရော သူတို့အမှုကို လိုက်ပေးတဲ့ရှေ့နေရဲ့ ဂုဏ်သတင်းကျော်ဇောမှု ဩဇာညောင်းမှုတွေကြောင့်ရောနဲ့ ကျူးလွန်ခံရတဲ့ အမျိုးသမီးငယ်ဘက်ကနေ လိုက်ပေးမဲ့ ရှေ့နေကို ရှာဖို့ရာမလွယ်ကူခဲ့။ ဒီမှာပဲ ကျွန်တော်တို့ရဲ့ လေးတန်းမအောင်တဲ့ဇာတ်လိုက်ကျော်ကြီးက အဓိကနေရာကိုရောက်လာပါတော့တယ်။ တရားကိုစောင့်ပါတယ်ဆိုတဲ့ နတ်က တကယ်ပဲရှိတာလားဆိုတာ ကြည့်ရှုသူအပေါင်းတို့ကပဲ ဝေဖန်သုံးသပ်ကြပါဦးတော့။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…2.16GB / 918MB Quality…WEB DL 1080p / 720p Format…mp4 Duration….2h 30m Subtitle….Myanmar Subtitle (Hard Sub) Encoder….YK Translated by CM Bollywood Team

IMDb - 6.6/10 အင်္ဂလိပ်တွေ အုပ်စိုးတဲ့ခတ်တုန်းက ခိုသာဆိုတဲ့ မြို့လေးဟာ ရာဇဝတ်ကာင်တွေကို သေဒဏ်ပေးပြီးရင် မြေမြှုပ်ပစ်တဲ့ နေရာတစ်ခုဖြစ်ပါတယ် ခေတ်အဆက်‌‌ဆက်ပြောင်းလာပြီးတဲ့နောက်မှာတော့ ခိုသာဆိုတဲ့နေရာဟာ မြို့သေးသေးလေးဖြစ်လာခဲ့ပါတယ် ခိုသာဆိုတဲ့မြို့လေးမှာတော့ အရမ်းကို တော်ပါတယ်ဆိုတဲ့ ရဲတွေ အရာရှိတွေတောင်မှ ပြန်ပြေးရလောက်အောင်အထိကို အင်အားကြီးမားတဲ့ ဂိုဏ်းတစ်ခု ရှိနေပါတယ် အဲဒီဂိုဏ်းရဲ့ ခေါင်းဆောင်ဖြစ်သူကတော့ ကန်နန်လို့ ခေါ်ပါတယ် ။ ကန်နန်တို့ဂိုဏ်းဟာ လူငယ်တွေကို လမ်းမှား မရောက်ရောက်အောင်လုပ်ဖို့အတွက် မူးယစ်ဆေးတွေကိုလည်း ရောင်းဝယ်နေကြပြီး အဲဒီမြို့မှာ ရှိတဲ့ ရဲဝန်ထမ်းတွေကိုလည်း သူတို့ရဲ့ အားနည်းချက်ကို သုံးပြီး ချုပ်ကိုင်ထားပါတယ် ဒီဂိုဏ်းကို နှိမ်နင်းဖို့အတွက် အင်စပက်တာ ရှာဟူး ကို ခိုသာမြို့ကို စေလွှတ်လိုက်တဲ့နောက်မှာတော့ အင်စပက်တာကြီးက ဒီဂိုဏ်းကို ဖြိုခွင်းဖို့အတွက် ဘယ်လိုနည်းလမ်းတွေ သုံးမလဲ..... ဇာတ်လမ်းရဲ့ နာမည်အရ King of Kotha ဆိုတဲ့ နေရာကိုရော ဘယ်သူက ပိုင်ဆိုင်သွားမလဲဆိုတာကို ကြမ်းကြမ်းတမ်းတမ်းဇာတ်ဝင်ခန်းတွေနဲ့အတူ ကြည့်ရှုရမှာပဲ ဖြစ်ပါတယ် (ဒီဇာတ်လမ်းရဲ့ အညွှန်းနဲ့ ဘာသာပြန်က‌တော့ ToMo, Zwe, Alex, BpL, Dee တို့ပဲ ဖြစ်ပါတယ်) File size…7.4GB / 3.03GB / 1.29GB Quality…4k SDR HEVC  / 1080p WEB DL / 720p Format…mp4 Duration….2h 54m Subtitle….Myanmar Subtitle (Hard Sub) Encoder….YK Translated by ToMo, Zwe, Alex, BpL, Dee

IMDb-7.5/10 ရူပီသန်းပေါင်း၂၄၀ဝန်းကျင် အသုံးပြုရိုက်ကူးထားပြီး ရူပီ၆၃၅သန်းပြန်လည်ရရှိခဲ့တဲ့ မင်းသားကြီးရာဂျ်နီကန့်သ်ရဲ့ ရုပ်ရှင်ကားကြီးကိုတင်ဆက်ပေးလိုက်ပါတယ်။ဟာသမင်းသားကြီး ရိုဂီဘာဘူလည်း ပါဝင်အားဖြည့်ထားပါတယ်။ အကြည်ဗားရှင်းထွက်တာ အချိန်တစ်ခုကြာပြီဖြစ်ပေမယ့် ရုပ်သံစာတန်းထိုးမှန်အောင်စောင့်ဆိုင်းနေခဲ့တဲ့အတွက် စီအမ်ဘောလိဝုဒ်ပရိသတ်ကြီးကိုအနူးအညွတ်တောင်းပန်အပ်ပါတယ်။ ဖြောင့်မတ်မှန်ကန်တဲ့အရာရှိတစ်ယောက်ဆိုတာ နာမည်တစ်ခုတင်ကျန်ရစ်တတ်ပေမယ့် အတိုက်ခိုက်ခံရ ပေးဆပ်လိုက်ရတာတွေကတော့ ရှိနေတတ်တာဓမ္မတာပါပဲ။ မင်းသားကြီးရာဂျ်နီကန့်သ်က ဇနီးဖြစ်သူရယ် သားရယ် ချွေးမရယ် မြေးလေးရယ်နဲ့ အငြိမ်းစားထောင်မှူးကြီးဘ၀ကို ငြိမ်းချမ်းစွာဖြတ်သန်းနေသူတစ်ယောက်။ သားဖြစ်သူကိုလည်း ဖြောင့်မတ်မှန်ကန်တဲ့အရာရှိတစ်ယောက်ဖြစ်အောင် ပြုစုပျိုးထောင်ခဲ့သူ။ တစ်ရက်မှာတော့ ဘုရားကျောင်းရုပ်တုတွေပျောက်ဆုံးမှုကို စုံစမ်းဖော်ထုတ်နေတဲ့ သားဖြစ်သူ ပျောက်ချင်းမလှပျောက်သွားရာကစ အသတ်ခံလိုက်ရတာကိုသိလိုက်ရပါတယ်။ အဲဒီမှာပဲ အေးချမ်းတဲ့ဘ၀လေးကနေ သားကိုသတ်ခဲ့တယ်လို့သိရတဲ့ လူဆိုးဂိုဏ်းကို လက်စားချေအမြစ်ဖြတ်သုတ်သင်ဖို့ကြိုးစားတဲ့နောက်မှာတော့ ထင်မှတ်မထားတဲ့အမှန်တရားတွေ အသတ်အဖြတ်ကြမ်းကြမ်းရမ်းရမ်းတွေကို ကြည့်ရှုခံစားကြရမှာပါ။ (အညွှန်းနဲ့ဘာသာပြန်သူတွေကတော့ Yunni~V~YH~Cherry~Zwe Yan~BpLတို့ပဲဖြစ်ပါတယ်) File size…9.4GB/ 3.16GB / 1.2GB Quality…WEB-DL 4K HEVC/1080p/ 720p Format…mp4 Duration….2h 48m Subtitle….Myanmar Subtitle (Hard Sub) Encoder….YK Translated by Yunni~V~YH~Cherry~Zwe Yan~BpL

Bro Daddy (2022) ————————————- ဒီကားလေးကတော့ Disney+က ရိုက်ကူးထားပြီး နာမည်ကြီးမင်းသားနှစ်ယောက်ဖြစ်တဲ့ မင်းသားကြီး Mohanlal နဲ့ Prithviraj တို့ နှစ်ယောက်တွေ့ဆုံကြမယ့် ဇာတ်ကားပဲဖြစ်ပါတယ် မိသားစုချင်းအရမ်းရင်းနှီးကြပြီး ကာယကံရှင်ချင်းလည်း ရင်းနှီးကြတဲ့ သားဖြစ်သူနဲ့ သမီးဖြစ်သူတို့ကို လက်ထပ်ပေးဖို့ မိဘတွေက စိတ်အားထက်သန်နေကြပေမယ့် ကာယကံရှင်နှစ်ယောက်သားက ဘာလို့များအပြင်းအထန်ကန့်ကွက်နေကြတာလဲ… မမျှော်လင့်ထားပဲ ကိုယ်ဝန်ရခဲ့ပြီး မိသားစုဘဝကို စတင်လိုက်ကြရတဲ့ ရယ်စရာ ပျော်စရာမိသားစုဘဝလေးကို ဒါရိုက်တာက ပေါ်ပေါ်လွင်လွင် သရုပ်ဖော်ထားပြီး Cast တွေကလည်း အမိုက်စားပါပဲ ဇာတ်အေးခန်းတွေမှာတောင် အဖေနဲ့သားနေရာမှာ သရုပ်ဆောင်ထားတဲ့ မင်းသားနှစ်ယောက်ရဲ့ chemistry မိလှတဲ့ bromance ကြောင့် ဇာတ်ကားကို ဇာတ်ရှိန်မကျစေဘဲ ပရိသတ်အာရုံကို ဆွဲခေါ်နိုင်တဲ့ ကားကောင်းလေး ဖြစ်တာကြောင့် ဒီကားလေးကိုလည်း မလွတ်တမ်း ကြည့်ရှုလိုက်ကြပါဦးနော် File size…2.64GB / 1.3GB Quality…1080p WEBDL AAC 5.1CH / 720p Format…mp4 Duration….2h 39mins Subtitle….Myanmar Subtitle (Hard Sub) Encoder….YK Translated by Haruko & HM & Yate & Poe &  Go-O

ကောလိပ်ကျောင်းသားဘဝကတည်းက ခင်မင်လာကြတဲ့ သူငယ်ချင်း ၁၁ ယောက်ဟာ ဘဝကိုယ်စီနဲ့ နေထိုင်နေကြပေမယ့် အဆက်အသွယ်မပြတ်ဘဲ စည်းစည်းလုံးလုံး ရှိနေကြပါတယ်။ တစ်နေ့တော့ အဖွဲ့ထဲက သူငယ်ချင်းတစ်ယောက်ရဲ့ လူပျိုပါတီအတွက် အပန်းဖြေခြံတစ်ခုမှာ ပြန်ဆုံကြတယ်။ အဲဒီမှာ ဆော့ကစားနေကြရင်း ချန်ဒရာဆီလ်ဆိုတဲ့ အရက်သမားတစ်ယောက်နဲ့ တွေ့ပြီး ကတောက်ကဆ ဖြစ်ခဲ့ကြပါတယ်။ ညဘက် ပါတီလုပ်ကြတဲ့အခါ လျှို့ဝှက်ချက်ဖော်တဲ့ဂိမ်းတစ်ခု ကစားဖို့ စိတ်ကူးရသွားကြတယ်။ ဒါပေမယ့် တစ်ယောက်ရဲ့လျှို့ဝှက်ချက်ကို တစ်ယောက် သိလာကြတဲ့နောက် ပျော်စရာကနေ ရန်ပွဲဖြစ်သွားပြီး ကိုယ့်အခန်းကိုယ် ပြန်သွားကြပါတယ်။ အဲဒီညမှာပဲ သူငယ်ချင်း ၁၁ ယောက်ထဲက မိန်းကလေးတစ်ယောက် အသတ်ခံလိုက်ရတယ်။ ကျန်သူတွေက ချန်ဒရာဆီလ်ကို လူသတ်သမားလို့ ယုံကြည်နေကြပေမယ့် ဒီအမှုမှာ မပေါ်သေးတဲ့အကြောင်းတွေ ရှိနေပါသေးတယ်။ ချန်ဒရာဆီလ်ရဲ့ နောက်ကြောင်းအမှန်က ဘာလဲ၊ လူသတ်သမားက သူငယ်ချင်းအဖွဲ့ထဲကပဲ ဖြစ်နေမလားဆိုတာ ဆက်စုံစမ်းရတော့မှာပါ။ မိုဟမ်လယ် အဓိကပါဝင်သရုပ်ဆောင်ထားတဲ့ မာလာယာလမ်းရုပ်ရှင် ဖြစ်ပါတယ်။

မူသာလက်ကိုတာရွာမှာ မာသာရီပိုင်တဲ့ ရေဖုံးနေတဲ့မြေတစ်ကွက်ကို အစိုးရက စိုက်ပျိုးရေးလုပ်ဖို့ ညွှန်ကြားထားပါတယ်။ မာသာရီကတော့ ဒီမြေကနေ အကျိုးအမြတ်ရချင်တာကြောင့် မြေဖို့ပေးဖို့ နေရန်တင် ကာရာဂိုပန်ဆိုတဲ့လူကို ငှားလိုက်တယ်။ ရွာမှာ မြေနေရာတစ်ခု ငှားရမ်းထားတဲ့ ဂိုပန်က စီးပွားရေးသမားတစ်ယောက်ဖြစ်ပြီး သူ့အလုပ်ဖြစ်ဖို့ဆို ဘယ်သူ့မျက်နှာကိုမှ ငဲ့တတ်သူမဟုတ်ဘူး။ သူက အဲဒီမြေကို ငါးမွေးမြူရေးလုပ်ဖို့ အခွန်ဦးစီးဌာနမှူးဆီမှာ တောင်းဆိုလာပါတယ်။ ရွာရေကြီးတုန်းက ကူညီဖို့ရောက်လာတဲ့ အကြီးအကဲတစ်ယောက်နဲ့ တခြားလူလေးယောက်လည်း ဒီဇာတ်လမ်းမှာ ပါဝင်ပတ်သက်နေကြတယ်။ ငွေရှင်တွေနဲ့ စီးပွားရေးသမားတွေကြား တင်းမာမှုတွေဖြစ်လာတဲ့အခါ ကိုယ့်အကျိုးစီးပွားကိုပဲ ကြည့်သူတွေကြားမှာ ရိုးသားတဲ့ရွာသူရွာသားတွေ ဘယ်လောက်အထိ တောင့်ခံနိုင်ကြမလဲ။ ဂိုပန် ဒီရွာကိုရောက်လာတာကလည်း သာမန်ကိစ္စတစ်ခုကြောင့်ပဲလား၊ သူဖုံးကွယ်ထားတဲ့ အတိတ်တစ်ခုခု ရှိနေသလားဆိုတာ မေးစရာဖြစ်လာပါတယ်။ ဒီကားကို ဒါရိုက်တာ B. Unnikrishnan က ရိုက်ကူးထားပြီး ၂၀၂၂ ခုနှစ်မှာ ထွက်ရှိခဲ့ပါတယ်။

လပ်ကီးဆင်းဟာ တိုက်ခန်းအရောင်းအဝယ်ကိစ္စတစ်ခုအတွက် နိုင်ငံခြားကနေ အိန္ဒိယကို ပြန်လာသူပါ။ သူ့ကို လေဆိပ်မှာ သွားကြိုရတာက တက္ကစီဝန်ဆောင်မှုလုပ်ငန်းမှာ ဒရိုင်ဘာလုပ်နေတဲ့ ဘာမီနီဖြစ်ပါတယ်။ ခရီးတစ်လျှောက် လပ်ကီးဆင်းက စကားတွေ မပြတ်ပြောပြီး ပျော်ပျော်ရွှင်ရွှင် နေတတ်သူတစ်ယောက်လို ပြုမူနေတယ်။ ဘာမီနီအပေါ်လည်း ခင်မင်နှစ်သက်ပုံပြလို့ အပြင်ပန်းကြည့်ရင် စကားရွှင်တဲ့ ကိုလူပျော်တစ်ယောက်လို့ပဲ ထင်ရပါတယ်။ အဲဒီလိုနဲ့ ဘာမီနီတို့ လင်မယားရဲ့ မင်္ဂလာနှစ်ပတ်လည်ပွဲကို သူလည်း လာမယ်ဆိုပြီး မရမက ပြောလာတယ်။ ပွဲကို ရောက်လာချိန်မှာတော့ ဘယ်လိုမှ မမျှော်လင့်ထားတဲ့ လုပ်ရပ်တစ်ခုကို လုပ်လိုက်ပါတယ်။ သူ ဘာလုပ်လိုက်တာလဲ၊ ဘာကြောင့် ဒီလိုလုပ်တာလဲ၊ ဘာမီနီကို ချဉ်းကပ်လာကတည်းက ဘယ်လိုအကြံအစည်တွေ ရှိနေတာလဲဆိုတဲ့ မေးခွန်းတွေ ပေါ်လာတော့တာပါ။ Malayalam မှုခင်းဇာတ်ကား Monster မှာ လပ်ကီးဆင်းအဖြစ် Mohanlal က သရုပ်ဆောင်ထားပါတယ်။

IMDb-8/10 ဒီဇာတ်ကားလေးကတော့ 19ရာစုနှစ်ကအဖြစ်အပျက်တွေကို အခြေတည်ထားတဲ့ ဇာတ်ကားလေးပါ အာရတုပူဂါဗေလာယုဒပါနီကာဟာ စစ်သည်တော်တစ်ယောက်ဖြစ်ပြီး ထကာဗန်ကိုးနိုင်ငံရဲ့ ဇာတ်နိမ့်ကိုယ်ခံပညာရှင်တစ်ယောက်အဖြစ်နဲ့ မွေးဖွားလာခဲ့ရတာပါ... တစ်ချိန်တည်းမှာပဲ နန်ဂီလီဆိုတဲ့ဆင်းရဲတဲ့ဇာတ်နိမ့်မိသားစုက မိန်းကလေးတစ်ယောက်ဟာ လူကုံထံတွေရဲ့အနိုင်ကျင့်မှု လူမျိုးခွဲခြားမှုတွေကို ရင်ဆိုင်ဆန့်ကျင်နေတဲ့သူပေါ့... ဇာတ်မြင့်ဇာတ်နိမ်တွေခွဲခြားခံရပေမယ့် မဟုတ်ရင်မခံတဲ့စိတ်ကြောင့် ချီကာဗာဟာ လူကုံထံတွေရဲ့ချောက်ချမှုကြောင့်အကျဥ်းထောင်သွင်းခံခဲ့ရပါတယ်.. ဒါပေမယ့် ဘုရင်မကြီးရဲ့အကူအညီနဲ့လွတ်မြောက်ခဲ့ရပြီး သူ့ကိုဘုရင်မကြီးက ဘယ်လိုတာဝန်တွေပေးခဲ့လဲ.... နန်ဂီလီကရော...ဇာတ်နိမ့်မိသားစုတွေအတွက် ဘယ်လိုရဲရဲဝံ့ဝံ့ရင်ဆိုင်ပေးဆပ်သလဲဆိုတာ... စောင့်မျှော်ကြည့်ရှုအားပေးကြပါဦး.... File size…8.74GB / 2.89GB  / 1.59GB Quality…4k HEVC/  1080p HQ HD RIP / 720p Format…mp4 Duration….2h 38m Subtitle….Myanmar Subtitle (Hard Sub) Encoder….YK Translated by Taylor ~ BpL ~ Thet Ko ~ Poe

Drishyam 2 (2021) မနေ့က ထွက်ရှိလာတဲ့ မာလာယာလမ်းစကားပြော အိန္ဒိယတောင်ပိုင်းရုပ်ရှင်တစ်ခုကို တင်ဆက်ပေးလိုက်ပါရစေ...။ ဒီဇာတ်ကားဟာ ၂၀၁၃ ခုနှစ်က ထွက်ခဲ့တဲ့ Drishyam မူရင်းဇာတ်ကားရဲ့ အဆက်ဖြစ်ပြီး ၊ ပထမကားဟာ Kannada, Tekugu,Tamil,Hindi,Simhalese,Chinese စတဲ့ ဘာသာစကားပေါင်းများစွာနဲ့ Remake များစွာရိုက်ကူးခဲ့ရတဲ့အထိ အောင်မြင်ခဲ့ပြီး ၊ သူတို့ရဲ့ ကာရယ်လာပြည်နယ်ကပေးအပ်တဲ့ Best FIlm Award တွေပါ ရရှိခဲ့တဲ့အပြင် ၊ ၄၅ကြိမ်မြောက်ကျင်းပတဲ့ နိုင်ငံတကာအိန္ဒိယရုပ်ရှင်ပွဲတော်မှာလည်း ပြသခဲ့ရပါသေးတယ်။ မြန်မာပြည်မှာတော့ Ajay Devgn ပြန်လည်ရိုက်ကူးထားတဲ့ Drishyam (2015) ရုပ်ရှင်ကို လူတွေ ပိုသိကြပါတယ်။ အထူးပြောလိုတာကတော့ Ajay Devgn ရဲ့ဇာတ်ကားကို ကြည့်ဖူးတဲ့သူဖြစ်ဖြစ် ၊ ဒီဇာတ်ကားရဲ့ မူရင်းဇာတ်ကားကိုပဲ ကြည့်ဖူးတဲ့သူဖြစ်ဖြစ် ယခုထွက်လာတဲ့ Drishyam 2 ရုပ်ရှင်ကို နားလည်မှာပါ။ (ဘယ်ဇာတ်ကားကိုမှ မကြည့်ဖူးရင်တော့ ပထမထွက်တဲ့ဇာတ်ကားကို အရင်ကြည့်ဖို့ တိုက်တွန်းပါရစေ) ဇာတ်လမ်းအကျဉ်းကို နည်းနည်းပြောပြပါရစေ...။ ပထမရုပ်ရှင်မှာပြသွားခဲ့တဲ့ ဇာတ်သိမ်းပိုင်းကနေ ဒီဇာတ်လမ်းကို အစပြန်ကောက်ထားတဲ့အတွက် ဒီရုပ်ရှင်မှာတော့ ဂျော့ဂျူတီ(GeorgeKutty) ဟာ ၊ ဗာရွန်းအမှုပြီးတဲ့နောက်မှာ ကေဘယ်တီဗီလုပ်ငန်းအပြင် ရုပ်ရှင်ရုံတစ်ခုပါ တည်ထောင်လိုက်ပြီး ၊ ရုပ်ရှင်လောကကို ဝင်ဖို့လည်း ဆုံးဖြတ်လိုက်ပါတယ်။ အရင်လို အလုပ်မှာပဲ စိတ်နှစ်မထားဘဲ မိသားစုကို အနီးကပ်စောင့်ရှောက်ရင်း လိုအပ်နေတဲ့ နွေးထွေးမှုတွေပေးနေရင်း ဘ၀ကို အေးအေးဆေးဆေး ဖြတ်သန်းနေပါပြီ။ ဗာရွန်းအမှုမှာ လက်သည်မပေါ်တဲ့အတွက် ၊ တရားခံဟာ သူတို့မိသားစုဖြစ်ကြောင်းသိပေမယ့် တရားဥပဒေရဲ့ ဟာကွက်တွေကြောင့် လူတိုင်းက အပြစ်မရှိကြောင်း လက်ခံပြီး ၊ ဒီအမှုကိုလိုက်တဲ့ ရဲဌာနဟာလည်း လူပုံအလယ်မှာ ပြက်ရယ်ပြုစရာ ဖြစ်နေခဲ့ပါတယ်။ ပထမရုပ်ရှင်ထဲမှာ ဒီအမှုကိုဦးစီးကိုင်တွယ်ခဲ့တဲ့ အရာရှိတွေဖြစ်တဲ့ ဗာရွန်းရဲ့မိခင် ဂီသာပရာဘာကားဟာ အလုပ်ကနေ အငြိမ်းစားယူလိုက်ရပြီး ၊ အရာရှိဆဟာဒေဝမ်ဟာလည်း နယ်ပြောင်းခံလိုက်ရပါတယ်။ အရာရာပြောင်းလဲသွားခဲ့ပေမယ့် ကာယကံရှင်မိသားစုနှစ်ခုကတော့ ဒီအတိတ်ဆိုးကြီးရဲ့ ခြောက်လှန့်မှုကို ခံနေရဆဲပါပဲ ။ ဗာရွန်းရဲ့မိဘနှစ်ပါးအနေနဲ့သားပျောက်သွားတဲ့အတွက် နိစ္စဓူ၀သောကရောက်နေခဲ့ရသလို ၊ ဂျော့ဂျူတီမိသားစုဟာလည်း ဘယ်အချိန်မှာ ရဲလာဖမ်းမလဲဆိုတာကို ရင်တထိတ်ထိတ်နဲ့ စိုးရိမ်နေရတယ်။ ဒီလိုနဲ့ ဒီအမှုဖြစ်ပြီးတဲ့ ၆နှစ်အကြာမှာတော့ သူတို့မြို့ကို အရာရှိအသစ်တစ်ယောက် ရောက်ရှိလာပြီး ဂျော့ဂျူတီနဲ့ သူ့မိသားစုရဲ့ ပတ်ဝန်းကျင်မှာ အသွင်ယူထားတဲ့ ရဲအရာရှိတွေကို တာဝန်ပေးပြီး တိတ်တဆိတ်စုံစမ်းပါတော့တယ်။ ဒီအချိန်မှာပဲ ဗာရွန်းသေပြီးနောက်ပိုင်းမှာ အမေရိကားကို ထွက်သွားခဲ့တဲ့ ဗာရွန်းရဲ့မိဘတွေ ဒီမြို့ကို အလည်တစ်ခေါက်ပြန်ရောက်လာတဲ့အခါမှာတော့.....။ ဇာတ်လမ်းကို အများကြီးကောက်နှုတ်မပြတာဟာ ဒီဇာတ်လမ်းရဲ့အရသာကို ပေါ့သွားစေမှာစိုးလို့ ဖြစ်ပြီး ၊ တရားခွင်မှာသုံးနှုန်းတဲ့ စကားလုံးတွေရဲ့ အဓိပ္ပာယ်တွေ လွဲမှားခဲ့သည်ရှိသော် ကျွန်တော်တို့ ဘာသာပြန်သူတွေရဲ့ ညံ့ဖျင်းမှုသာ ဖြစ်လို့ သည်းခံနားလည်ပေးစေလိုပါကြောင်း...။ File size… 2.7GB and 885MB Quality….WEB-DL 1080p 5.1CH and 720p Format…mp4 Duration…. 2hr 32min Subtitle….Myanmar Subtitle (Hardsub) Translator ..... Myint Thu & Nyi Nyi Koe Encoder ..... August

ဒီတစ်ခေါက်မှာတော့ အိန္ဒိယနိုင်ငံရဲ့ဒဏ္ဏရီလာသူရဲကောင်း Kunjali Marakkar IV ရဲ့ အိန္ဒိယနဲ့ပေါ်တူဂီကြား စစ်ပွဲ အကြောင်းရိုက်ကူးထားတာဖြစ်ပါတယ် IMDB Rating 6.8 နဲ့ Facebook Rating 4.6/5 တောင်ရထားပြီးတော့ ကုဋေပေါင်း 80-100ထိ အကုန်ကျခံရိုက်ကူးထားတဲ့အပြင် ရုံတင်ပြီး ၁၀ရက်အတွင်းကို ကုဋေ ၅၀ လောက်ထိ ပြန်ရထားတဲ့ ဇာတ်ကားကောင်းဖြစ်ပါတယ် ဇာတ်လမ်းအကျဉ်း ပေါ်တူဂီနယ်ချဲ့တွေကို မျိုးရိုးစဥ်ဆက်လိုက် ရွပ်ရွပ်ချွံချွံတိုက်ခိုက်ခဲ့တဲ့ Kunjali Marakkar မိသားစုဟာ အနိုင်ရရှိမှုနောက်ကွယ်မှာ သားဖြစ်သူကို စတေးခဲ့ရတာတွေရှိပါတယ် သားဖြစ်သူရဲ့သွေးအိုင်ကို မျက်မြင်တွေ့လိုက်ရပြီးနောက်မှာ သာမန်ကုန်သည် ဘဝအဖြစ်သာနေထိုင်ကြပေမယ့်လည်း ပေါ်တူဂီဆိုရင် ဘယ်လောက်ပေးပေးပစ္စည်းမရောင်း အခြားနိုင်ငံကိုသာ စိုက်ပျိုးတဲ့ပစ္စည်းရောင်းချတဲ့အထိ စိတ်ဓာတ်ခိုင်မာတဲ့ မာရတ်ကာမိသားစု မနာလိုသူတွေမနှစ်သက်သူတွေနဲ့တွေ့ချိန်မှာဘာတွေဆက်ဖြစ်မှာလဲ ကျူးကျော်သူတွေကိုရော တိုက်ထုတ်နိုင်မှာလား ဆိုတာကိုတော့ ဇာတ်လမ်းထဲမှာ ဆက်လက်ကြည့်ရှုကြပါ။ တော်လှန်ရေးအတွက် မိုတီဗိတ် လုပ်တဲ့စကားတွေက တကယ်ကိုပြောင်မြောက်လွန်းလှပါတယ်။ ဇာတ်အိမ်နဲ့ခေတ်ဟောင်းကားကြိုက်တဲ့သူတွေကျေနပ်ရမှာအမှန်ပါပဲ အညွှန်းကိုတော့ Lwin Htoo Aung ရေးသားထားပြီးတော့ Lwin htoo aung, honeyey,Shwe Pyae နှင့် Thet Hnin Hsu တို့မှဘာသာပြန်ဆိုထားပါတယ် File size…748MB  / 1.37GB / 3.3GB Quality…720p HEVC Small Size / 720p / 1080p[ HEVC AAC 5.1CH Format…mkv / mp4 Duration….3h 1m Subtitle….Myanmar Subtitle (Hard Sub) Encoder….YK Translated by Lwin Htoo Aung ~ Honeyey ~ Shwe Pyae  ~ Thet Hnin Hsu

Big Brother (2020) မင်းသားကြီး Mohanlal ကိုတော့  ပရိတ်သတ်ကြီးတွေ အားလုံးသိကြမှာပါနော် Mohanlal ပါဝင်ထားတဲ့ Drishyam (2013) က IMDB 8.3 ထိရရှိခဲ့ပြီးပြန်လည်ရိုက်ကူးထားတဲ့ Drishyam 2 (2021) မှာတောင် IMDB 8.6 ထိတောင်ရထားခဲ့တာဖြစ်ပါတယ် ဒီတစ်ခါတင်ဆက်ပေးမယ့်ကားကလည်း Mohanlal ကိုယ်တိုင်ပါ၀င်ရိုက်ကူးထားတဲ့ကားလေးဖြစ်တဲ့ မြှုပ်ကွက်ပေါင်းစုံနဲ့ ကြည့်ရှုသူတွေကိုလှည့်စားမယ့် အက်ရှင်ကားတစ်ကားဖြစ်ပါတယ် လူသတ်မှုနဲ့ထောင်ကျနေတဲ့ Sachidanandan က တိုက်ရည်ခိုက်ရည်‌ရှိပြီး ဗျူဟာကောင်းတွေထုတ်နိုင်တဲ့ အရည်အချင်းရှိသူတစ်ဦးဖြစ်ပါတယ်။ အဲဒါကြောင့် ထောင်ကျနေစဉ်အတွင်းမှာ ကွန်မန်ဒိုတပ်ဖွဲ့၀င်အဖြစ် လေ့ကျင့်ခံခဲ့ရပြီး အန္တရာယ်များတဲ့မစ်ရှင်တွေကိုလုပ်ခဲ့ရတဲ့သူတစ်ယောက်ပါ။ ငယ်ကတည်းကထောင်ကျခဲ့တာကြောင့် ၂၄ နှစ်အကြာ ပြန်လွတ်လာတဲ့အချိန်မှာတော့ မိသားစုဝင်တွေနဲ့ အေးအေးချမ်းချမ်းပဲ ဘဝကိုဖြတ်သန်းချင်သူဖြစ်ပါတယ် ဒါပေမယ့်လည်း လွတ်‌မြောက်လာပြီးချက်ချင်းပဲ သူ့မိသားစုကိုအန္တရာယ်ပြုတဲ့ ဖြစ်ရပ်ကြီးကြုံလိုက်ရတော့ Sachi တစ်ယောက်အတော်လေး တုန်လှုပ်သွားခဲ့ရပြီးမိသားစုကိုကာကွယ်နိုင်ဖို့ရာ အင်အားကြီး မူးယစ်ဆေးဒုစရိုက်သမားကြီးတစ်ဦးကို ဆန့်ကျင်တိုက်ခိုက်နိုင်ဖို့အကြောင်းဖန်လာတော့ Sachi က ဘယ်လိုဗျူဟာတွေထုတ်ပြီး ဘယ်လိုလှည့်ကွက်တွေသုံးမလဲဆိုတာ စိတ်ဝင်တစားကြည့်ရမယ့်ကားလေးဖြစ်တာကြောင့် ပရိတ်သတ်တွေ လက်မလွတ်သင့်တဲ့ကားဖြစ်ပါတယ်နော် File size…2.5GB / 1.3GB  / 615MB Quality…1080p TRUE HD AAC 5.1CH / 720p / 480p Format…Mp4 Duration….2h 45m Subtitle….Myanmar Subtitle (Hard Sub) Encoder….YK Translated by Allena & HM & Go-O

၂၀၁၉ ထွက်India ဇာတ်ကား Lucifer နဲ့မိတ်ဆက်ပေးပါရစေ။ ဒီဇာတ်ကားက Box Office မှာ အောင်မြင်မှု အတော်ရထားတဲ့ ဇာတ်ကားလေးပါ။ Original Songtrack အလန်းစားတွေလည်းပါပါတယ်။ ဇာတ်လမ်းကတော့ Kerala ဆိုတဲ့ ပြည်နယ်ဝန်ကြီးချုပ် P.K.Ramdas သေဆုံးသွားတာကစပါတယ်။ သူတို့စကားအတိုင်းပြောရမယ်ဆိုရင် အဲဒီနယ်ရဲ့ ဘုရားသခင်ပေါ့။ အဲဒီ ဘုရားသခင်မှာ သားသမီးနှစ်ယောက်ရှိတယ်။ စစ်တပ်တစ်တပ်ရှိတယ်။ သူ့ရဲ့ ဂုဏ်ကိုမြှင့်ပေးမယ့် တမာန်တော်တွေလည်းရှိတာပေါ့။ ဘုရားသခင်ရဲ့ နိုင်ငံက ကြီးလွန်းတော့ သူခိုးတွေက တမာန်တော်ဟန်ဆောင်ပြီး ဝင်လာကြတယ်။ တစ်နေ့မှာတော့ အဲဒီ ဘုရားသခင်သေဆုံးသွားခဲ့ပါတယ်။ အဲဒီအချိန်မှာ တမာန်တော်ဟန်ဆောင်နေတဲ့ သူခိုးတွေက နိုင်ငံကိုသိမ်းပိုက်ဖို့ ကြိုးစားကြပါတော့တယ်။ အဲဒီလို ဝရုန်းသုန်းကားဖြစ်နေတဲ့ အခြေအနေကို ထိန်းသိမ်းနိုင်တဲ့သူကတော့ တစ်ယောက်ပဲရှိပါတယ်။ သူ့ကို ဟိန္ဒူမှာဆို မဟီရာဝဏ၊ အစ္စလာမ်မှာဆိုရင်တော့ အစ်ဘလီ၊ ခရစ်ယာန်မှာဆိုရင် Lucifer လို့ တင်စားပြောလို့ရတဲ့ Stephen Nedumpally ပါပဲ။ သူတို့ရဲ့တိုက်ပွဲကတော့ အကောင်းနဲ့အဆိုးကြားက တိုက်ပွဲမဟုတ်ဘဲ အဆိုးနဲ့အဆိုးကြားကတိုက်ပွဲလို့ပြောလို့ရပါတယ်။ နိုင်ငံရေးအရှုပ်အရှင်းတွေနဲ့ မသမာမှုတွေကြားက ဇာတ်လမ်းကောင်း အက်ရှင်ကောင်းကောင်း ကြည့်ရမယ့် ဇာတ်ကားလို့ပြောချင်ပါတယ်။ (အာသာပြန်ကတော့ Sane Khet ပါ) File Size :(1.30 GB ) and (650 MB) Quality : AMZN WEB-DL 720p Running Time : 2h 55min Format : Mp4 Genre : Action, Crime, Drama Subtitle : Myanmar Subtitle (Hard Sub) Source : 1080p.AMZN.WEB-DL.DDP.5.1.H.264-JME Translated by Sane Khet Encoded by THZ

Tiyaan (2017)"ဗျာဒိတ်" ၂၀၁၇ ခုနှစ်က ထွက်ရှိခဲ့တဲ့ မာလျာလမ်စကားပြော ဘာသာရေး လျှို့ဝှက်သည်းဖို အက်ရှင်ရုပ်ရှင်တစ်ခုကို ပရိသတ်တွေအတွက် ရှာဖွေတင်ဆက်ပေးလိုက်ပါတယ်။ ဒီရုပ်ရှင်ထဲမှာ နာမည်ကြီး မာလျာလမ်မင်းသားတွေဖြစ်ကြတဲ့ အင်ဒရာဂျိသ်ဆူကူမာရန်နဲ့ ပရီသ်ဗီရာ့ဂျ်ဆူကူမာရန်တို့အပြင် မင်းသားကြီး မိုဟန်လာလ်ကလည်း နောက်ခံစကားပြောသူအနေနဲ့ ပါဝင်ထားပါသေးတယ်။ ဇာတ်လမ်းကတော့ အေဒီ ၉ ရာစုလောက်တုန်းက တောင်တန်းတွေပေါ်မှာ တရားကျင့်နေတဲ့ ဂုရုကြီးတွေရဲ့ ဂုရုကြီးက သူသိထားတဲ့တရားတွေဟောဖို့ အိန္ဒိယမြောက်ပိုင်းလွင်ပြင် ကန္တာရထဲကို ဆင်းလာတယ်။ အဲဒီကန္တာရထဲမှာ သူ့အဆုံးအမကိုလိုက်နာတဲ့သူတွေရဲ့ မျိုးနွယ်တွေ နေထိုင်ကြတယ်။ ဂီရီကတော့ အဲဒီမျိုးနွယ်ထဲကဆင်းသက်လာတဲ့ ကျမ်းတတ်ပုဂ္ဂိုလ်တစ်ယောက်၊ သူ့ကို တစ်ရွာလုံးက လေးစားကြတယ်။ ဘာသာပေါင်းစုံ အတူတူနေကြတဲ့ သူတို့ရွာလေးကို မဟာရှေဆိုတဲ့ဘုရားကို ကိုးကွယ်တဲ့ လူကုန်ထံတစ်ယောက်က ဘုရားကျောင်းဆောက်ဖို့အတွက်ဆိုပြီး လူမိုက်တွေနဲ့ တစ်ရွာလုံးကို ရွှေ့ခိုင်းတယ်။ ဂီရီက အဲဒီပြဿနာကို ဖြေရှင်းဖို့ကြိုးစားရင်းနဲ့ မိုဟာမက်ဆိုတဲ့ မူဆလင်လူငယ်တစ်ယောက်နဲ့အတူ ဘာသာရေးအဓိကရုဏ်းတစ်ခုထဲ အတူပိတ်မိသွားပြီး လွတ်မြောက်ဖို့ ကြိုးစားကြရပုံတွေကို ဒီရုပ်ရှင်ထဲမှာ မြင်ကြရမှာဖြစ်ပါတယ်...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size…2.4 GB/ 1.4 GB Quality…WEB DL 1080p HEVC/ 720p Format…mkv/ mp4 Duration….2h 48m Subtitle….Myanmar Subtitle (Hard Sub) Encoder….YK Translated by CM Bollywood Team

Picket 43 (2015) - ခြံစည်းရိုးအမှတ် ၄၃ IMDb-7.2/10 ဒီတစ်ခါမှာတော့ အကြမ်းဖက်နှိမ်နင်း‌ရေးကွန်မန်ဒိုအငြိမ်းစားအရာရှိကြီးကနေ ရုပ်ရှင်လောကကိုကူးပြောင်းလာတဲ့ Major Ravi ကိုယ်တိုင် ဇာတ်ညွှန်းရေးရိုက်ကူးထားတဲ့ ခြံစည်းရိုးအမှတ် ၄၃ က ရုံတင်ငွေလည်း ၅.၇ ကုဋေထိ ရခဲ့ပြီး ပရိသတ်တွေအကြိုက်တွေ့ခဲ့တဲ့ ဇာတ်‌လမ်းကောင်းတစ်ပုဒ်ဖြစ်တာမို့ တင်ဆက်ပေးလိုက်ပါတယ် တစ်ဖက်နဲ့တစ်ဖက် လူနှစ်ယောက်ပဲအစောင့်ချထားတဲ့ အိန္ဒိယ-ပါကစ္စတန် နယ်စပ်တစ်နေရာ ခြံစည်းရိုးအမှတ် ၄၃ ၊ ဇာတိပြန် မင်္ဂလာဆောင်ဖို့ ခွင့်ရက်တင်ပြီးခါမှ ခြံစည်းရိုးအမှတ် ၄၃ မှာ တာဝန်ကျလာတဲ့ဟာရီ ၊ ဘာကာဒီဆိုတဲ့ ခွေးလိမ္မာလေးနဲ့အတူ နယ်စပ်ခြံစည်းရိုးမှာအစောင့်ကျတဲ့ဟာရီတစ်ယောက် ပါကစ္စတန်ဘက်က နေ့ညမနားတရစပ်ပစ်ခတ်‌နေတဲ့ကျည်ဆံတွေကြား ခက်ခက်ခဲခဲရှင်သန်ရတာပေါ့ တစ်နေ့ ခြံစည်းရိုးတစ်ဖက်က ပါကစ္စတန်အစောင့်စစ်သားနေရာမှာ တာဝန်ကျလူသစ်ရောက်လာတယ် အရင်လူတွေနဲ့လုံးဝမတူကွဲပြားနေတဲ့သူတစ်ယောက်.. တရစပ်ပစ်ခတ်နေတဲ့ ကျည်ဆံတွေချက်ချင်းရပ် သူကိုယ်တိုင်လည်း ပုန်းကွယ်မနေဘဲလွတ်လွတ်လပ်လပ်သွားလာနေတယ် လူအားလုံးအရာအားလုံးနဲ့ဝေးကွာပြီး စာတွေကိုပဲအဖော်ပြုနေရတဲ့ဟာရီ့ဆီ စာတွေလည်းထပ်ရောက်မလာချိန်မှာ သူရယ် ခွေးလိမ္မာလေးဟာရီရယ် စာတွေဖတ်ရင်းပေါ်လာတဲ့ အတိတ်နေ့စွဲတွေရယ် ခြံစည်းရိုးတစ်ဖက်ကရန်သူတော်လူထူးဆန်းရယ် ဘယ်လိုတွေဆက်ဖြစ်ကြမလဲဆိုတာတော့.... အညွှန်းနှင့် ဘာသာပြန်သူတွေကတော့ BpL ~ V ~ Yunni တို့ပဲဖြစ်ပါတယ် ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size… 2.24GB / 913MB Quality…WEB DL 1080p /720p Format…mp4 Duration….1h 44m Subtitle….Myanmar Subtitle (Hard Sub) Encoder….YK Translated by CM Bollywood Team

Jilla (2014) "ဂျီလ်လာ" IMDb 6.2 တမီးလ်မင်းသား Vijay နဲ့ မင်းသမီးချော Kajal Aggarwal တို့ ပါဝင်ထားတဲ့ အက်ရှင်ဇာတ်လမ်းဟောင်းလေးကို ပြန်လည်တင်ဆက်လိုက်ပါတယ် ရုံတင်ငွေ ရူပီး ၈၅ ကုဋေရရှိတဲ့ ဒီရုပ်ရှင်လေးမှာ ဇာတ်လမ်းအကျဉ်းကို ပြောရမယ်ဆိုရင်တော့ ရှန်သီက လူမိုက်ခေါင်းဆောင်တစ်ယောက်ရဲ့ ညာလက်ရုံးမွေးစားသားတစ်ယောက် ငယ်ငယ်က သူ့အဖေကို ရဲတစ်ယောက်က သတ်သွားလို့ ရဲဆိုရင်ဇွတ်မုန်းနေပြီး အိန္ဒိယရဲတွေဝတ်တဲ့ ကာကီရောင်ဝတ်လာတဲ့ လုံခြုံရေးကို ရန်လုပ်လို့လုပ် ရဲသားကြီးဖြစ်ချင်တယ်လို့ ထဖြေတဲ့ ကျောင်းသားတစ်ယောက်ကိုလည်း ထောက်ချွန်နဲ့သွားထိုးတဲ့ အထိပါပဲ ဒါပေမဲ့ သူ့မွေးစားအဖေ လူမိုက်ခေါင်းဆောင်က သူအကာအကွယ်ရဖို့ ရှန်သီ့ကို ရဲတပ်ဖွဲ့ထဲ ဝင်ခိုင်းတဲ့အခါမှာတော့ ဘယ်လိုအလှည့်အပြောင်းတွေဆက်ဖြစ်ဦးမလဲ ဆက်လက်ကြည့်ရှုခံစားလိုက်ပါဦး အညွှန်းနဲ့ ဘာသာပြန်ကတော့ KKKZ ~ ToMo ~ Bluri ~ Kyaw Htay ~ Yunni တို့မှ ဖြစ်ပါတယ် File size… 3.24 GB / 1.45 GB Quality…WEB DL 1080p / 720p Format…mkv/ mp4 Duration….3h 5m Subtitle….Myanmar Subtitle (Hard Sub) Encoder….YK Translated by KKKZ ~ ToMo ~ Bluri ~ Kyaw Htay ~ Yunni

ဒီတစ်ခေါက်ဇာတ်ကားလေးကတော့ ၂၀၁၃တုန်းက ထွက်ခဲ့တဲ့ နာမည်ကြီး ဇာတ်ကားပါ IMDb လည်း 8.3 ရရှိထားပါတယ် တော်တော်များများတော့ ကြည့်ဖူးလောက်ပါတယ် ဒီဇာတ်ကားလေးရဲ့ ဇာတ်အိမ်တို့ ဇာတ်လမ်းအလယ်ကနေ အဆုံးထိ ဇာတ်ကွက်လေးတွေက တကယ်ကို အလန်းဇယားဆိုတာ ကြည့်ဖူးတဲ့လူတိုင်းသိကြမှာပါ ဒီကားလေးကို ကြည့်ပြီးတဲ့လူတွေလည်း နောက်တစ်ခေါက်ပြန်ကြည့်ရအောင် မကြည့်ရသေးတဲ့လူတွေလည်း ကြည့်ရအောင် တင်ဆက်ပေးလိုက်ပါတယ် ဇာတ်လမ်းလေးကတော့.... လေးတန်းပဲအောင်တဲ့ ဂျော့်ခူတီဆိုတဲ့လူက ပျော်ရွှင်စရာမိသားစုလေးကို ပိုင်ဆိုင်ထားတာပါ ဂျော့်ခူတီက ရုပ်ရှင်ကြည့်ရတာကို အရမ်းစွဲလမ်းနှစ်သက်ပါတယ် သူ့ရဲ့ဗဟုသုတတွေက ရုပ်ရှင်ကနေ ရတာပါ တစ်နေ့မှာတော့ သူတို့ရဲ့အေးချမ်းတဲ့ ဘဝထဲကို မဖိတ်ခေါ်တဲ့ ဧည့်သည် တစ်ယောက်ဝင်ရောက်လာပြီး မတော်တဆမှုတစ်ခုဖြစ်သွားပါတယ် အဲ့ဒီနောက် ဂျော့်ခူတီအနေနဲ့ မိသားစုသာ သူ့ဘ၀ သူ့အရာရာအားလုံးကို ရုပ်ရှင်ထဲက ဗဟုသုတတွေကို သုံးပြီး ဘယ်လို လှည့်ကွက်တွေနဲ့ မိသားစုကို ကာကွယ်မလဲဆိုတာ ဆက်လက်ကြည့်ရှုလိုက်ကြရအောင်... Quality__720p Web-Dl Fize Size-- 1.1GB Translated & Review By Yamin Ei Encoded By LK

Unnaipol Oruvan 2009 Imdb 8/10 တောင်းဆိုမှုတွေကြောင့်အဟောင်းထဲက ရွှေကားလေးတင်ဆက်ပေးချင်ပါတယ် နာမည်ကြီးမင်းသားတွေဖြစ်တဲ့ ကာမယ်ဟာဆန်နဲ့ မိုဟန်လယ်တိုလည်းပါဝင်ထားတဲ့ကားကောင်းတစ်ကားပဲဖြစ်ပါတယ် ဇာတ်လမ်းအစမှာတော့ ကမ်းခြေတစ်ခုမှ လူတစ်ယောက်ရပ်နေပါတယ် သူ့ဘေးမှာလည်း သူ့အဖော်ခွေးလေးတစ်ကောင်နဲ့ပေါ့ ဒီလူရဲ့အတိတ်ကတော့ သူမကျူးလွန်ထားတဲ့မှုခင်းတစ်ခုကို အပြစ်ပေးခံခဲ့ရပါတယ်တဲ့ ဘယ်ကိစ္စတွေကိုများပတ်သက်မိလို ဒီလိုဖြစ်လာတာဖြစ်မလဲ သူကတော့တခြားမဟုတ် တရားနည်းလမ်းတကျ သမာသမတ်ကျကျနဲ့ ဖြေရှင်းတတ်တဲ့ ရဲတစ်ယောက်ပါပဲ အတိတ်ကိုပြန်သွားကြည့်မယ်ဆိုရင် မွမ်ဘိုင်းမြိုအတွင်း ဗုံးပေါက်မှုဖြစ်ခဲ့တယ် ပါကစ္စတန်တွေပတ်သက်နေတဲ့ကိစ္စလို သံသယရှိပေမဲ့ သက်သေကမရှိဘူးပေါ့ မင်းသားအကြောင်းထပ်ပြောရမယ်ဆိုရင် ရဲမင်းကြီးရဲ့လက်ရုံးတော် ရဲတပ်ဖွဲရဲ့အတော်ဆုံးလူတစ်ယောက် သူ့ရှေ့မှာ လာဘ်စားတဲ့ရဲတွေမြင်ရင်တောင် ပိုက်ဆံကိုပြန်ပေးခိုင်းတဲ့အပြင် လာဘ်စားတဲ့ရဲအိတ်ထဲကပိုက်ဆံပါ ထုတ်ပေးအောင်လုပ်တဲ့လူတစ်ယောက်ပေါ့ တစ်နေ့.. ရထားဗုံးပေါက်ကွဲမှုကြောင့် အပြစ်မဲ့ပြည်သူတွေ အများအပြားသေဆုံးကြရတယ် ဒါက အကြမ်းဖက်သမားတွေရဲ့လက်စားချေမှုကြောင့်လိုယူဆပြီး အမှုကိုကိုင်တွယ်ဖို သူ့ကိုတာဝန်ပေးခဲ့လိုက်ပါတယ် ဒီတာဝန်ကို သူအောင်မြင်သွားမလား ကျရှုးသွားမလားဆိုတာကို စိတ်ဝင်တစားကြည့်ရှုရမှာပဲဖြစ်ပါတယ် ( အညွှန်းနဲ့ ဘာသာပြန်တွေကတော့ CM Bollywood Team ပဲဖြစ်ပါတယ် ) File size…2.5 GB / 960 MB Quality…WEB DL 1080p HEVC / 720p Format…mkv/mp4 Duration….1h 42m Subtitle….Myanmar Subtitle (Hard Sub) Encoder….YK Translated by CM Bollywood Team

အလုပ်ပြုတ်လာတဲ့ သူငယ်ချင်းနှစ်ယောက် ဟီရိုနဲ့ ရာ့ဂ်ျတို့ဟာ မွန်ဘိုင်းကို ရောက်လာကြပါတယ်။ ရရာအလုပ် ဝင်လုပ်ရင်း ဒုစရိုက်ဂိုဏ်းတစ်ခုနဲ့ ချိတ်ဆက်မိသွားတဲ့နောက် သူတို့နှစ်ယောက် ရဲတွေနဲ့ ပူးပေါင်းပြီး လူဆိုးတွေကို နှိမ်နင်းဖို့ ဖြစ်လာတယ်။ ဘာ့ဘန်းကတော့ ဒီဇာတ်လမ်းရဲ့ အဓိကလူဆိုးပါ။ ဒုစရိုက်မှုတွေ၊ တိုက်ခိုက်မှုတွေအပြင် သူငယ်ချင်းနှစ်ယောက်ရဲ့ အချစ်ရေးနဲ့ အကခန်းတွေလည်း ပါပါတယ်။ အပြင်ပန်းမှာ ဘယ်လောက်ကြမ်းတမ်းနေပါစေ လူတိုင်းရဲ့အတွင်းမှာ ချစ်တတ်တဲ့စိတ် ရှိတယ်ဆိုတဲ့ အမြင်ကိုလည်း ဇာတ်လမ်းထဲမှာ ထည့်ပြထားပါတယ်။

ချန်ဒူတို့အဖွဲ့ဟာ ဈေးလမ်းထဲက သာမန်လူမိုက်တွေဖြစ်ပေမယ့် ရည်မှန်းချက်တော့ ကြီးကြပါတယ်။ ဒီထက်ပိုပြီး နေရာရချင်ကြတဲ့ သူတို့ဟာ မွန်ဘိုင်းမြို့ရဲ့ အကြီးဆုံးဂိုဏ်းတွေထဲက တစ်ခုကို ဦးဆောင်နေတဲ့ မာလစ်ခ်ဘာဟီဆီမှာ အလုပ်လုပ်ဖို့ ရောက်လာကြတယ်။ နှစ်ပေါင်းများစွာ ဒုစရိုက်လောကမှာ ကျင်လည်လာတဲ့ မာလစ်ခ်ကလည်း အလုပ်ကို စေ့စေ့စပ်စပ်လုပ်ပြီး သတ္တိရှိတဲ့ ချန်ဒူကို တခြားသူတွေထက် မျက်နှာသာပေးလာပါတယ်။ အချိန်ကြာလာတာနဲ့ သူတို့နှစ်ယောက်ဟာ ညီအစ်ကိုရင်းတွေလို ရင်းနှီးသွားကြတယ်။ နဂိုကတည်းက နာမည်ရှိပြီးသား မာလစ်ခ်တို့ဂိုဏ်းဟာ အရည်အချင်းရှိပြီး သစ္စာစောင့်သိတဲ့ ချန်ဒူ ရောက်လာတဲ့နောက် ပိုပြီး အင်အားကောင်းလာပါတယ်။ တစ်နယ်လုံးမှာ ယှဉ်နိုင်တဲ့သူ ရှားလာပေမယ့် မွန်ဘိုင်းဒုစရိုက်လောကထဲက အတိုက်အခိုက်တွေကိုတော့ ဆက်ဖြေရှင်းနေရဆဲပါ။ အဲဒီအချိန်မှာပဲ တာဝန်ကျတဲ့နေရာတိုင်း ရာဇဝတ်မှုဖြစ်ပွားနှုန်း ကျသွားတယ်လို့ နာမည်ကြီးတဲ့ ဉာဏ်ကောင်းကောင်းနဲ့ ရဲမှူးကြီးတစ်ယောက် မွန်ဘိုင်းကို ရောက်လာတယ်။ သူ့ရဲ့ရည်ရွယ်ချက်က မာလစ်ခ်တို့အဖွဲ့ကို ထောင်ထဲရောက်အောင် ပို့ဖို့ပါပဲ။