Ruth Wilson ပါဝင်သော ဇာတ်ကားများ

Family (2026) ဂျိုဟန်နာ ဆိုတဲ့ ၁၀ နှစ်အရွယ် ကလေးမလေးက သီးခြားပဲ နေတတ်တဲ့ စိတ်ဓာတ်နုနယ်သူလေးပါ။ တစ်နေ့တော့ အိမ်ထဲမှာ ထူးထူးဆန်းဆန်းတွေ ဖြစ်လာတာကို သူ စသတိထားမိလိုက်တယ်။ အဲဒီနောက်မှာတော့ သူ အကြောက်လွန်ပြီး ဘာထင်သွားလဲဆိုရင် အဖေနဲ့ အမေအရင်းတွေကပဲ သူ့ကို ရက်ရက်စက်စက် သတ်ပစ်ဖို့ တိတ်တဆိတ် ကြံစည်နေကြတယ်လို့ ယုံသွားတာပါ။ အပြောအဆို၊ အမူအရာကအစ အကြည့်တွေပါ စိမ်းကားပြောင်းလဲသွားတဲ့ မိဘနှစ်ပါးကြားထဲမှာ ဂျိုဟန်နာတစ်ယောက် ကြောက်လန့်တကြားနဲ့ လွတ်မြောက်အောင် ရုန်းကန်ရတော့တာပေါ့။ တကယ်ပဲ မိဘတွေက သူ့ကို သတ်ဖို့ ကြံနေကြတာလား၊ ဒါမှမဟုတ် ဂျိုဟန်နာရဲ့ စိတ်ကူးထဲက အကြောက်လွန်မှုတွေပဲလား ဆိုတာကိုတော့ ရင်တထိတ်ထိတ်နဲ့ စောင့်ကြည့်ရမှာ ဖြစ်ပါတယ်.... File Size - 1.9 GB/ 484 MB Quality - WEB-DL 1080p/ 720p Duration - 1h 33m Format - mp4 Genre - Drama, Horror Subtitle - Myanmar Subtitle (Hard Sub)

Down Cemetery Road (2025) Season 01 (စ/ဆုံး) IMDb Rating (7.2) / Rotten Tomatoes (81%) Down Cemetery Road ကတော့ ၂၀၂၅ ခုနှစ်မှာထွက်ရှိထားတဲ့ thriller , drama , mystery ဇာတ်လမ်းအမျိုးအစားဖြစ်ပြီး IMDb rating 7.2 ရရှိထားတဲ့ mini series တစ်ကားပဲဖြစ်ပါတယ်။ ဇာတ်လမ်းအကျဉ်းလေးကတော့ ဆာရာထရာဖို့လို့ခေါ်တဲ့ အမျိုးသမီးတစ်ဦးရဲ့ အိမ်နားက နေအိမ်တစ်လုံးဟာ ကြီးမားတဲ့ပေါက်ကွဲမှုတစ်ခုဖြစ်ခဲ့ပြီး ကလေးငယ်လေးတစ်ဦးသာအသက်ရှင်ကျန်ခဲ့ပါတယ်။ ဒီပေါက်ကွဲမှုဟာ ဂက်စ်လိုင်းအမှားအယွင်းကြောင့်လို့ရဲတွေကခေါင်းစဉ်တပ်ခဲ့ပေမယ့် အသက်ရှင်ကျန်ခဲ့တဲ့ ကလေးမလေးနဲ့ပတ်သတ်တဲ့သတင်းအချက်အလက်တွေကိုပါ အစဖျောက်နေတာကိုသတိထားလိုက်မိပါတယ်။ ဆာရာဟာ ကလေးမလေးကိုရှာဖွေကယ်တယ်ဖို့လိုက်လံကြိုးပမ်းရာကနေ ဒီကိစ္စဟာသူမထင်ထားတာထက် အများကြီးပိုနက်နဲရှုပ်ထွေးနေတာကိုသိလိုက်ရပြီးနောက် ဒီအန္တရာယ်တောကြီးထဲက သူမဘယ်လိုရုန်းထွက်ပြီး ကလေးကိုကယ်တင်ဖို့ကြိုးစားမလဲ? ဒီပေါက်ကွဲမှုရဲ့နောက်ကွယ်မှာဘယ်သူတွေရှိနေသလဲဆိုတာကို ဇာတ်လမ်းလေးထဲမှာ စိတ်ဝင်စားဖွယ်ဆက်လက်ကြည့်ရှုခံစားကြည့်လိုက်ပါဦး။ File size… (1.4 GB) / (500 MB) Quality…. WEB-DL 1080p HEVC / 720p Format…. mkv/mp4 Genre…. Crime, Drama, Mystery Duration…. 50min Subtitle…. Myanmar Subtitle (Hardsub)

Urchin (2025) IMDb Rating (6.8) / Rotten Tomatoes (96%) ဆင်းရဲမွဲတေမှုနဲ့ မူးယစ်ဆေးရဲ့သားကောင်ဖြစ်နေခဲ့တဲ့ အိမ်ခြေရာမဲ့လူငယ် မိုက်ခ်။ မိုက်ခ်တစ်ယောက် သူငယ်ချင်းဖြစ်သူနဲ့ ပိုက်ဆံကိစ္စစကားများနေတုန်း လာဖြန်ဖြေပေးတဲ့အပြင်စားစရာဝယ်ကျွေးတဲ့လူကိုမှ ရိုက်နှက်လုယူမိရာက ထောင်ကျသွားခဲ့တယ်။ ပြန်လွတ်လာချိန်မှာတော့ အစိုးရက ယာယီထောက်ပံ့ပေးထားတဲ့ အဆောင်မှာနေရင်းအလုပ်ရှာပြီး သာမန်ဘ၀တစ်ခုရဖို့ ကြိုးစားနေခဲ့တယ်။ ဒါပေမဲ့ သူ ရိုက်နှက်လုယက်လွှတ်လိုက်တဲ့လူနဲ့ တွေ့ပြီးစကားပြောဖို့ တရားရုံးအမိန့်ရှိတာကြောင့်တွေ့ဆုံပြီးချိန်မှာ အပြစ်ရှိစိတ်က သူ့ကိုလွှမ်းမိုးလာခဲ့တယ်။ ရှင်သန်နေရတဲ့ဘ၀က ဘာအတွက်လဲဆိုတာကို မေးခွန်းထုတ်ရင်းနဲ့ မိုက်ခ်တစ်ယောက်ရုန်းကန်ရှင်သန်ရပုံကို ခံစားကြည့်ရှုကြရမှာပါ။ File size… (1.5 GB) / (780 MB) Quality…. WEB-DL 1080p HEVC / 720p Format…. mkv/mp4 Genre…. Drama Duration…. 01:40:03 Subtitle…. Myanmar Subtitle (Hardsub)

IMDb Rating – 7.2 /10, Rotten Tomatoes 82% ဒီတစ်ခါတင်ဆက်ပေးမယ့် Historical drama ကတော့ ၂၀၁၉ ခုနှစ်မှာ BBC ရဲ့ နာမည်ကျော်ဂျာနယ်လစ် Emily Maitlis က Prince Andrew ရဲ့ scandal နဲ့ပတ်သက်ပြီး သူမရဲ့ နယူးစ်နိုက်ဆိုတဲ့ ပရိုဂရမ်မှာ တော်ဝင်မင်းသားကို ၁ နာရီကြာ အင်တာဗျူးခဲ့တဲ့အကြောင်း ဖြစ်ပါတယ်။ Mini-series ဖြစ်တဲ့အတွက် အပိုင်း ၃ ပိုင်းပဲပါရှိမှာ ဖြစ်ပြီး ဒီ scandal ဟာဆိုရင် ဘက်ကင်ဟမ်နန်းတော်ဘက်က ကောင်းကောင်းမကိုင်တွယ်လိုက်နိုင်တဲ့ ဒုတိယမြောက် scandal လို့တောင်ခေါ်ဆိုလို့ရပါတယ်။ ပထမမြောက်ကတော့ အားလုံးသိကြတဲ့အတိုင်း မင်းသမီးဒိုင်ယာနာရဲ့ scandal ပါ။ Prince Andrew က ‘ဂီလိန်းမက်စ်ဝဲလ်’ဆိုတဲ့သူငယ်ချင်းကနေတဆင့် အမေရိကန်လူမျိုး မီလျံနာငွေရှင် ‘ဂျက်ဖရီအပ်စတင်း’ဆိုသူနဲ့ ၁၉၉၉ ခုနှစ်မှာ စတင်သိကျွမ်းပြီး ခင်မင်ရင်းနှီးခဲ့ပါတယ်။ ၂၀၁၉ ခုနှစ်မှာတော့ အပ်စတင်းက အသက်မပြည့်သေးတဲ့ မိန်းကလေးငယ်တွေကို လိင်ပိုင်းဆိုင်ရာမှောင်ခိုကူးမှုနဲ့ ဖမ်းခံလိုက်ရတဲ့အခါ...... မက်စ်ဝဲလ်နဲ့ အပ်စတင်းတို့က မိတ်ဆက်ပေးခဲ့တဲ့ ‘ဗာဂျီနီယာဂျူဖရေး’ဆိုတဲ့ ၁၇ နှစ်အရွယ်မိန်းကလေးက သူမကို တော်ဝင်မင်းသားက အလိုမတူဘဲ သားမယားပြုကျင့်ခဲ့ပါတယ်ဆိုပြီး မီဒီယာတွေကို ထုတ်ပြောခဲ့တာ အတော်လေးကြာခဲ့ပေမယ့် နန်းတော်ဘက်က တောက်လျှောက်ဆိုသလိုငြင်းဆိုချက်ထုတ်ခဲ့ပေမယ့်..... အပ်စတင်းက အမေရိကန်က ထောင်ထဲမှာပဲ ကိုယ့်ကိုယ်ကိုယ်အဆုံးစီရင်သွားပြီးနောက် ဘီဘီစီက အဲ့ဒီသတင်းနောက်ကို လိုက်လာတဲ့အကြောင်း ကြည့်ရှုရမှာပါ။ ဖြစ်ရပ်မှန် Historical Drama တွေကို ကြိုက်နှစ်သက်သူတွေအဖို့ ဒီစီးရီးကလည်း နောက်ထပ် အကြိုက်တွေ့စရာစီးရီးတစ်ခု ဖြစ်လိမ့်မယ်လို့ပဲ ညွှန်းဆိုလိုက်ပါရစေ။ Emily Maitlis အဖြစ် မင်းသမီး Ruth Wilson နဲ့ Prince Andrew နေရာမှာတော့ မင်းသား Michael Sheen တို့ကပါဝင်သရုပ်ဆောင်ထားပါတယ်။ File size…(339 MB) Quality…. 720p Format…mp4 Duration….00:52:00 Genre...Drama  Subtitle….Myanmar Subtitle (Hardsub) Encoder….Swan Min Htet Translated by Matteo

~ IMDb rating - 7.1/10 ~ ၁၈ ရာစုကနေ ၂၀ ရာစု (၁၇၅၈-၁၉၉၆) အထိ ရာစုနှစ်နှစ်ခုစာ ကမ္ဘာ့နိုင်ငံကြီးတချို့မှာ ရှိခဲ့ဖူးတဲ့ အမျိုးသမီးသီးသန့် ဘာသာရေး အကျဥ်းထောင်အကြောင်းကို ကြားဖူးကြလား။ ဘာသာရေး အကျဉ်းထောင်ဆိုတဲ့ စကားလုံးက ထူးဆန်းနေမှာပေါ့။ ဒါပေမဲ့လည်း ကမ္ဘာ့အရှည်ကြာဆုံးစစ်ပွဲတွေထဲက တစ်ခုဖြစ်တဲ့ Crusade စစ်ပွဲကလည်း ရာစုနှစ်နှစ်စုစာ ကြာခဲ့တာပဲမဟုတ်လား။ ဒီအမျိုးသမီး အကျဥ်းထောင်တွေကတော့ Magdalene Asylums (မန်ဒလင်း စိတ်ရောဂါကုဆေးရုံ) သို့မဟုတ် Magdalene Laundries (မန်ဒလင်း အဝတ်လျှော်ရုံ) တွေပဲ ဖြစ်ကြပါတယ်။ မန်ဒလင်းဆိုတဲ့နာမည်က ယေရှုခရစ်တော်ရဲ့ လက်ဝါးကပ်တိုင်မှာ ချိတ်ဆွဲခံရခြင်းနဲ့ ပြန်လည်ထမြောက်ခြင်းကို မျက်မြင်တွေ့ခဲ့တဲ့ အမျိုးသမီး သာဝကဖြစ်သူ မေရီမန်ဒလင်းရဲ့ နာမည်ကို အစွဲပြုပြီး မှည့်ခေါ်ထားတာပါ။ ဒီ မန်ဒလင်းအဝတ်လျှော်ရုံတွေကို စတင်တည်ထောင်တုန်းက Fallen Women လို့ခေါ်တဲ့ အပြစ်သား အမျိုးသမီးများကို ပြုပြင်၊ စောင့်ရှောက်လိုတဲ့ သဘောနဲ့ စတင်ခဲ့တာဖြစ်ပါတယ်။ အစောပိုင်းမှာတော့ ပရိုတက်စတင့်ဘာသာဝင်တွေကိုပဲ လက်ခံပြီး နောက်ပိုင်းမှာ ရိုမန်ကတ်သလစ်ဘာသာဝင်တွေကိုလည်း လက်ခံလာပါတယ်။ စင်ကြယ်မှုပျက်ပြားသွားသူ အမျိုးသမီးများ ဖြစ်တဲ့ Fallen Women လို့သတ်မှတ်ထားတဲ့သူတွေကတော့ ကမ္ဘာ့ရှေးအကျဆုံး အသက်မွေးဝမ်းကြောင်းနဲ့ အသက်မွေးနေသူတွေ၊ ဖခင်မရှိဘဲ ကိုယ်ဝန်ရတဲ့ အမျိုးသမီးတွေ၊ အမျိုးသမီးလေးတွေ၊ လက်ထပ်ထိမ်းမြားမှုမရှိဘဲ ကာမစပ်ယှက်ခြင်းအမှုကို ပြုတဲ့သူတွေ အဓိကပါပါတယ်။ မိသားစုအထောက်အပံ့ကို မရနိုင်တဲ့ အမျိုးသမီးလေးတွေလည်းခေါ်ယူ ထိန်းသိမ်းစောင့်ရှောက်ပါတယ်။ ပညာသင်ပေးပါတယ်။ မန်ဒလင်းအဝတ်လျှော်ရုံ ဆိုတဲ့အတိုင်း ခေါ်ယူစောင့်ရှောက်ထားတဲ့ အမျိုးသမီးလေးတွေကို အဝတ်လျှော်တဲ့အလုပ်ကို လုပ်ခိုင်းပါတယ်။ အဲဒီကရတဲ့ပိုက်ဆံနဲ့ ဒီနေရာကြီးကို ပြန်လည်ပတ်ဖို့ပေါ့။ လမ်းပေါ်မှာ ပြည့်တန်ဆာတွေ ပပျောက်လုနီးနီးဖြစ်သွားတယ်။ အဖေမပေါ်ဘဲ မွေးတဲ့ ကလေးနဲ့ အမေတွေကို စောင့်ရှောက်နိုင်သွားတယ်။ မိဘမဲ့ဆင်းရဲသူမလေးတွေကို ထောက်ပံ့ပေးထားနိုင်တယ်ဆိုတော့ အစိုးရဖက်ကလည်း သူတို့အလုပ်တစ်စိတ်တစ်ပိုင်းကို လုပ်ပေးနေပြီး ပြဿနာလည်း ဘာမှမတက်တော့ ပျော်တဆုံးဆုံးပေါ့။ ဒီအထိကတော့ အဆင်ပြေနေပါသေးတယ်။ ဒါပေမဲ့ နောက်ပိုင်းမှာတော့ ဒီနေရာတွေမှာ ပြင်ပက အထောက်အပံ့တွေကို မလိုသလောက် အခြေအနေဖြစ်လာတော့ အဝတ်လျှော်လုပ်ငန်းက ရတဲ့ ငွေတွေက ပိုလာပြီး အရင်းအနှီးမရှိသလောက်နီးနီး စီးပွားရေးလုပ်ငန်းလိုဖြစ်လာပါတယ်။ အဝတ်လျှော်ရုံကို ဦးစီးသူတဲ့သူတွေက ထိန်းသိမ်းစောင့်ရှောက်ပေးရမယ့် ချို့တဲ့သူတွေ၊ ကလေးတွေလို့ မမြင်တော့ဘဲ အလကားခိုင်းလို့ရတဲ့ အလုပ်သမားတွေ​ ကျွန်တွေလိုသဘောထားလာတယ်။ နေရာကို ရောက်တာနဲ့ မိဘတွေအပါအဝင် အပြင်လောကနဲ့ အဆက်အသွယ်ဖြတ်ပါတယ်။ ဆံပင်တွေဖြတ်ပစ်ပြီး၊ တူညီဝတ်စုံထုတ်ပေးတယ်။ အချင်းချင်း မိတ်ဆွေဖွဲ့ခွင့်ကိုပါ ပိတ်ပင်ထားပါသေးတယ်။ အသက် ၁၃ နှစ်၊ ၁၄ နှစ် ကလေးမလေးတွေအပါအဝင် ခိုလှုံသူတွေကို တစ်နေ့ကို ၁၂ နာရီ အလုပ်ကြမ်း လုပ်ခိုင်းပါတယ်။ ဒီအလုပ်တွေအတွက် လုပ်တဲ့သူတွေက ငွေတစ်ပြားတစ်ချပ်မှမရပါဘူး။ အလုပ်လုပ်ဖို့ ငြင်းတဲ့သူတွေကိုလည်း စားစရာမပေးတာ၊ အခန်းထဲမှာ သီးခြားပိတ်ထားတာ၊ ရုပ်ပိုင်းဆိုင်ရာ အကြမ်းဖက်မှုပြုတာ၊ အချိန်အကြာကြီး ဒူးထောက်ခိုင်းတာ၊ လူအများရှေ့မှာ အရှက်ရစရာတွေလုပ်တာ၊ ခေါင်းတုံးတုံးတာ စတဲ့ အပြစ်ပေးတာတွေလုပ်ပါတယ်။ ဒီလိုနှိပ်စက်မှုတွေကြောင့်လားဆိုတော့ ရေရေရာရာမသိရပေမဲ့ အဝတ်လျှော်ရုံတိုင်းမှာ သီးသန့်သင်္ချိုင်းတွေရှိပြီး နာမည်ကမ္မည်းတိုင်မရှိဘဲ မြှုပ်နှံခံထားရသူတွေ အမြောက်အများရှိပါတယ်။ ဘယ်အချိန်မှာ ပြန်လွှတ်ပေးမယ်ဆိုတာလည်း ရေရေရာရာမသိကြရပါဘူး။ ဒီနေရာက လွှတ်ပေးလိုက်တဲ့သူတွေကိုလည်း အဝတ်တစ်ထည် ကိုယ်တစ်ခုနဲ့ ပြန်လွှတ်ပေးပြီး သူတို့ရဲ့ စောင့်ကြည့်မှုအောက်မှာ ရှိတဲ့နေရာတွေမှာ အလုပ်ပြန်ဝင်ခိုင်းပါတယ်။ ဘာသံမှထွက်လို့မရပါဘူး။ အစပိုင်းက ပညာသင်ပေးမယ်ဆိုတဲ့ ရည်ရွယ်ချက်ကလည်း ကြက်ပျောက်ငှက်ပျောက်ပျောက်သွားပါတယ်။ အစိုးရကလည်း အဲဒီထဲမှာ ဘာတွေဖြစ်ပျက်နေတယ်ဆိုတာ ရိပ်စားမိပေမဲ့ နားလည်မှုတွေရနေလို့လား၊ ဘာပြဿနာမှ အကြီးအကျယ်မဖြစ်လို့လားတော့မသိ မသိမသာ မျက်နှာလွှဲထားတယ်။ တချို့တလေလွတ်လာတဲ့သူတွေရှိရင်လည်း ရဲတွေနဲ့ သက်ဆိုင်ရာအဖွဲ့အစည်းတွေနဲ့ ပူးပေါင်းပြီး ပြန်ဖမ်းခေါ်ထားတာတွေလည်း ရှိပါတယ်။ (နောက်ပိုင်းမှာတော့ ဒီကိစ္စနဲ့ပတ်သက်ပြီး နိုင်ငံအစိုးရတွေနဲ့ ဒီနေရာတွေကို အုပ်ချုပ်နေတဲ့သူတွေနဲ့ ဆက်စပ်နေတဲ့ ဘာသာရေးအကြီးအကဲတွေက ဘာမှမဆိုင်ပါဘူးလို့ ငြင်းချက်ထုတ်သွားပါတယ်။ ပြစ်ဒဏ်ချခံရတာ၊ အရေးယူခံရတာ ဘယ်သူမှမရှိပါဘူး။) အခုအချိန်မှာတော့ Magdalene Laundries လို့ခေါ်တဲ့ အမျိုးသမီး ဘာသာရေးအကျဉ်းထောင်တွေ မရှိတော့ပါဘူး။ အောက်တိုဘာ ၂၆ ရက် ၁၉၉၆ ခုနှစ်မှာ အိုင်ယာလန်နိုင်ငံက နောက်ဆုံး အဝတ်လျှော်ရုံကို ပိတ်ချနိုင်လိုက်ပါတယ်။ အသက်ရှင်ကျန်ရစ်သူတွေကိုလည်း အစိုးရတွေက နစ်နာကြေးပေးကြပါတယ်။ ဘာပဲဖြစ်ဖြစ် ရည်ရွယ်ချက်ကောင်းတွေနဲ့ တည်ထောင်ခဲ့တဲ့ Magdalene Laundries တွေက ခရစ်ယာန်ဘာသာရေးအဖွဲ့အစည်းတွေကြားမှာ အမည်းစက်တစ်ခုအနေနဲ့ ကျန်ခဲ့ပါတယ်။ ဒါတွေကို ပြောနေရတာ ဇာတ်ဆောင်အမျိုးသမီးက အဲဒီနေရာကို ရောက်သွားခဲ့ပြီး စိတ်ဒဏ်ရာတွေရခဲ့အကြောင်း ပိုပြီးလေးနက်စေချင်လို့ပါ။ အဝတ်လျှော်ရုံနဲ့ အပေါ်မှာ ပြောထားတဲ့ အဖြစ်အပျက်တွေက တကယ်ရှိပေမဲ့ ဒီထဲက ဇာတ်ကောင်တွေနဲ့ ဇာတ်လမ်းကတော့ စိတ်ကူးယဉ်သက်သက်ပါ။ မင်းသမီးက ဆယ်ကျော်သက်ဘဝမှာ လင်ကောင်မပေါ်ဘဲ ကိုယ်ဝန်ရလာတယ်။ အဲဒီတော့ ဘာသာရေးကိုင်းရှိုင်းတဲ့ သူ့အမေနဲ့အဖေက ကောင်းစေချင်တဲ့ ဆန္ဒကြီးနဲ့ Magdalene Laundries ဆိုတဲ့ထောင်ထဲ ပို့လိုက်ကြတာပေါ့။ ကလေးမွေးမွေးပြီးချင်း သီလရှင်တွေက ခေါ်သွားတယ်။ ဘယ်ရောက်တယ်ဆိုတာကို မသိရဘူး။ နောက်တော့ အဲဒီကနေ လွတ်လာပြီး စိတ်ဒဏ်ရာအကြီးအကျယ်ရထားတော့ အိပ်နေရင်း လမ်းလျှောက်တာဖြစ်တယ်။ သူ့ရဲ့ အိပ်နေရင်းလမ်းလျှောက်တဲ့ပုံစံက တစ်မျိုး။ စိတ်နှစ်ခွဖြစ်နေတာနဲ့ ပိုတူတယ်။ ပုံမှန်စိတ်က အိပ်သွားပြီဆိုရင် ကြမ်းတမ်းတဲ့ စိတ်နဲ့သူက နိုးလာပြီး ခံစားချက်တွေကို ဖွင့်ထုတ်တာပေါ့။ တစ်နေ့ကျတော့ သူ့ကို အဝတ်လျှော်ရုံကို ပို့ပေးတဲ့ ဖာသာက အသတ်ခံလိုက်ရပါတယ်။ ပြီးတော့ တိုက်တိုက်ဆိုင်ဆိုင် နောက်နေ့မှာ အဝတ်လျှော်ရုံမှာ ဖြစ်ခဲ့တဲ့ သူ့အကြောင်းတွေကို သိတဲ့သူက ဆက်သွယ်လာပါတယ်။ သူတို့မတွေ့ခင်အချိန်လေးမှာ ပုံမှန်စိတ်က အိပ်ပျော်သွားပြီး နိုးလာတော့ သူသွားတွေ့တဲ့သူရဲ့ အလောင်းကို သူ့အခန်းထဲမှာ တွေ့လိုက်ရတဲ့အချိန်မှာတော့... The Woman in the Wall က Psychological Thriller အမျိုးအစားဖြစ်ပေမဲ့ ဇာတ်လမ်းက သွက်သလို စိတ်ဝင်စားဖို့လည်း ကောင်းပါတယ်။ BBC ကလို ထုတ်သမျှတိုင်းကောင်းတဲ့ဆီကနေ ထုတ်ထားလို့ ကြည့်သင့်တဲ့ Series တစ်ခုပါပဲ။ (ဒီစီးရီးအတွက် အညွှန်းရေးသား ဘာသာပြန်ပေးသူကတော့ 666 ပဲဖြစ်ပါတယ်) Size ~ 600MB+ Total - 6 Episodes Quality – 1080p Duration ~ 50min (@Episode) Subtitle – Myanmar Hardsub Format – Mp4 Genre : Thriller Source : AMZN.Web-dl.1080p Translator – 666 Encoder – Y

လန်ဒန်က ပြဇာတ်ရုံကြီးတစ်ခုမှာ အက်ဂ်သာခရစ္စတင်းရဲ့ ကြွက်ထောင်ချောက်ဆိုတဲ့ လူသတ်ပဟေဠိပြဇာတ်ကို ကပြနေပါတယ်။ ပြဇာတ်က အောင်မြင်လွန်းလို့ အကြိမ်တစ်ရာလောက် ပြန်လည်ကပြထားရတဲ့အထိပါပဲ။ အဲဒီပြဇာတ်ကို ရုပ်ရှင်အဖြစ် ရိုက်ကူးချင်တဲ့ အမေရိကန်ဒါရိုက်တာတစ်ယောက်နဲ့ ပရိုဂျူဆာတစ်ယောက်လည်း ပြဇာတ်ရုံကို ရောက်လာကြပါတယ်။ ပြဇာတ်စာရေးဆရာမ၊ ဇာတ်ညွှန်းဆရာ၊ မင်းသားနဲ့ လူမျိုးစုံ ရှိနေချိန်မှာ သူတို့ထဲက တစ်ယောက် အသတ်ခံလိုက်ရတယ်။ ဒီအမှုကို စုံထောက်ကြီး စတော့ပတ်နဲ့ ရဲမေ ကော့တာတို့ လာရောက်စုံစမ်းကြပါတယ်။ သံသယရှိသူတွေကြား လူသတ်သမားကို ရှာဖွေရင်း သူတို့နှစ်ယောက် ဘယ်လိုအလွဲတွေ ကြုံရဦးမလဲ။ လူသတ်ပဟေဠိထဲမှာ ဗြိတိန်ဟာသတွေ ရောစပ်ထားပြီး ဇာတ်ကောင်တွေရဲ့ ဗြိတိန်လေသံကိုလည်း ကြားရမယ့်ကားပါ။

HBO ကတော့ သမိုင်းနောက်ခံ ဒရာမာတစ်ခု အချိန်ကိုက် ပြသလိုက်ပါတယ်။ နာမည်ကျော် အစ္စရေး နဲ့ ပါလက်စတိုင်းတို့ရဲ့ တိုက်ပွဲတွေကို ကြားဖူးကြမှာပါ။ ဒီရုူပ်ရှင်ကတော့ ၁၉၉၃ တုန်းက နော်ဝေးနိုင်ငံ အော့စ်လိုမြို့မှာ အစ္စရေး နဲ့ ပါလက်စတိုင်း ငြိမ်းချမ်းရေးယူဖို့ လျို့ဝျက်ညှိနှိုင်းကြတဲ့ ဖြစ်ရပ်မှန်ကို ဖော်ပြထားတာဖြစ်ပါတယ်။ ဘာလို့ လျို့ဝှက်ညှိနှိုင်းရလဲဆိုတော့ အဲဒီတုန်းက အစ္စရေးနဲ့ ပါလက်စတိုင်း စစ်ဖြစ်နေတာ ၄ နှစ်လောက်ရှိပါပြီ။ သူတို့အချင်းချင်း ညှိနှိုင်းမှုလည်းမရှိပါဘူး။ အစ္စရေးရဲ့ ပေါ်လစီအရ ဘယ် ပါလက်စတိုင်း ကိုယ်စားလှယ်နဲ့မှ တရားဝင်တွေ့ဆုံညှိနှှိုင်းခြင်းမလုပ်ဘူးဆိုပြီး ပိတ်ချထားတာ ဖြစ်လို့ပါပဲ။ ညှိနှိုင်းရေးတွေကို အမေရိကန်အပါအဝင် ကြားခံနိုင်ငံတွေက ဝင်ရောက်ညှိနှှိုင်းနေရတာ ဖြစ်ပြီ ကာယကံရှင်နှစ်ယောက်လုံး တေ့တေ့ဆိုင်ဆိုင်မဟုတ်တဲ့အတွက် ဘာအဖြေမှ ဖြစ်မလာခဲ့တာပါ။ ဒီရုပ်ရှင်မှာတော့ နော်ဝေးနိုင်ငံရဲ့ လင်မယားနှစ်ယောက်က အော့စ်လိုမှာ နှစ်ဖက်နိုင်ငံကိုယ်စားလှယ်တွေကို လျို့ဝှက်တွေ့ဆုံနိုင်အောင် စီစဉ်ပြီး အော့စ်လို သဘောတူညီချက်ကို ရအောင်ကူညီခဲ့တဲ့အကြောင်းကို ရိုက်ကူးထားတာပါ။ ဒီနှစ်နိုင်ငံဟာ နှစ်ပေါင်းများစွာ တိုက်ခိုက်လာခဲ့ပြီး အချင်းချင်း မယုံကြည်မှုတွေ၊ အငြိုးတွေတွေ ဘယ်လိုမှ ညှိမရတဲ့ နိုင်ငံဖြစ်လို့ ကြားဝင်နိုင်ငံတွေကလည်း စိတ်ကုန်ပြီး မသိမသာပစ်ထားခဲ့တဲ့သဘောပါပဲ။ ဒီအော့စ်လိုသဘောတူညီချက်ကို ခက်ခက်ခဲခဲ လုပ်ခဲ့ပေမယ့် တကယ်တမ်း ကြေညာချိန်မှာတော့ ပါလက်စတိုင်းတွေအများကြီး သဘောမတူကြသလို၊ အစ္စရေး ဝန်ကြီးချုပ် ရစ်ဇက်ရာဘင်ဆိုရင်အစ္စရေး အစွန်းရောက်တစ်ယောက်ရဲ့ လုပ်ကြံသတ်ဖြတ်တာကိုပဲ ခံခဲ့ရတာပါ။ ဒီတော့ ဒီ စပိုင်ဆန်ဆန် သမိုင်းဒရာမာကောင်းကောင်းမျိုး ကြည့်ရအောင် ဘာသာပြန် တင်ဆက်ပေးထားလိုက်ပါတယ်။ File size…(1,5 GB) and (1 GB) Quality….Webrip 1080p and 720p Format…mp4 Duration….01:58:00 Subtitle….Myanmar Subtitle (Hardsub) Encoder….Mr.Anderson Translated by Mr.Andreson

His Dark Materials ဆိုတဲ့ series ကတော့ ကျွန်တော်တို့ ငယ်ငယ်ကကြည့်ခဲ့ဖူးတဲ့ ၀က်ဝံနှစ်ကောင်ဖိုက်ကြတဲ့ the golden compass ဆိုတဲ့ကားရဲ့ extended series ပေါ့ ဒီဇာတ်လမ်းအခြေတည်ထားတဲ့ Universe ကိုကအဆန်း လူတွေက ရုပ်နဲ့ နာမ် ပေါင်းစည်းနေရမဲ့အစား သူတို့ နာမ် တနည်းအားဖြင့် soul က တိရစ္ဆာန်တွေအဖြစ်တည်ရှိနေတယ် လူတိုင်းမှာ soul creature တစ်​ကောင်စီရှိကြတယ် အဲ့ soul creature ကို daemon လို့ခေါ်တယ် daemon တွေဟာ သူ့ခန္တာပိုင်ရှင် စိတ်နေသဘောထားအတိုင်း form အမျိုးမျိုးလိုက်ပြောင်းကြတယ် ခန္တာပိုင်ရှင် အရွယ်ရောက်သွားမှ သူတို့နောက်ဆုံး form မှာပဲအနည်ထိုင်သွားကြတယ် ဇာတ်လမ်းအစမှာကတည်းက လိုင်ရာဆိုတဲ့ကောင်မလေးနဲ့ သူ့ daemon ကိုတွေ့ရမှာပါ series ဖြစ်တဲ့အတွက် plot ပိုင်းတော့သိပ်မပြောတော့ဘူး extraordinary ဖြစ်တဲ့ story ကိုမှကြည့်ချင်သူတွေအတွက်တော့ရှယ်ပဲ တစ်ကားလုံးအဆန်းတွေကြီး harry potter တို့လိုမဟုတ်ပဲ other universe တစ်ခုကိုရောက်သွားတဲ့ feel မျိုးရစေမှာပါ rating ကလဲ IMDb မှာ 8.7 rotten tomatoes မှာ 83% လတ်လတ်ဆတ်ဆတ်ကြီးဆိုတော့ ကြည့်သင့်တဲ့ series တစ်ခုလို့တော့ထင်မိပါတယ် Translated By : Hein Thet Naing & August , JimX , Thar Htet , Thet Hnin Hsu , Yoon Sandi Aung Encoded By : XCode & August

ဒီတစ်ခါမှာတော့ How to Talk to Girls at Parties ဆိုတဲ့ဇာတ်ကားကောင်းလေးကို တင်ဆက်ပေးလိုက်ပါတယ်။ ဒီဇာတ်ကားမှာတော့ အားလုံးရဲ့အချစ်တော် မင်းသမီးချောလေး Elle Fanning နာမည်ကျော်မင်းသမီးကြီး Nicole Kidman အပြင် မင်းသား Alex Sharp တို့ပါဝင်သရုပ်ဆောင်ထားပါတယ်။ Enn တို့သူငယ်ချင်းတစ်သိုက်ဟာ ထိုအချိန်က ခေတ်စားနေတဲ့ ပန့်ဂီတနဲ့ ယဉ်ကျေးမှုကို ရူးသွပ်ကြတဲ့သူတွေဖြစ်ပါတယ်။ တစ်ရက် ပန့်ဂီတပွဲကိုသွားပြီးအပြန်မှာထူးဆန်းတဲ့ ဂီတသံတွေကြားတာကြောင့် လိုက်လံစပ်စုရာမှ ထူးဆန်းတဲ့လူတွေ နေထိုင်တဲ့ အိမ်ကြီးတစ်အိမ်ဆီကိုရောက်ရှိသွားပါတယ်။ တကယ်တော့ အဲဒီလူတွေဟာ လူအစစ်မဟုတ်ဘဲ ကမ္ဘာမြေကို မကြာသေးခင်ကမှရောက်ရှိလာတဲ့ ဂြိုလ်သားတွေပဲဖြစ်ပါတယ်။ အဲဒီလို Enn တို့သူငယ်ချင်းတွေ ထိုအိမ်ကြီးကိုရောက်ရှိသွားရာက ဂြိုလ်သားမလေးZen နဲ့ တွေ့ဆုံခဲ့ရပါတယ်။ ကမ္ဘာမြေနဲ့လူတွေအကြောင်းကို အရမ်းစိတ်ဝင်စားတဲ့ ဂြိုလ်သားမလေး Zen ဟာ အတွေ့အကြုံအသစ်တွေကို ရှာဖွေချင်တာကြောင့် သူတို့ဂြိုလ်သားမျိုးရိုးတွေဆီကနေ ထွက်ပြေးပြီး Enn နောက်ကိုကောက်ကောက်ပါအောင် လိုက်သွားပါတော့တယ်။ အဲဒီလိုနဲ့သူတို့နှစ်ယောက်သား ချစ်ကျွမ်းဝင်သွားတဲ့ အခါမှာတော့......။ ဒီဇာတ်ကားမှာ ပန့်ယဉ်ကျေးမှု ဂီတတွေအပြင် ဂြိုလ်သားတွေပါ ပါဝင်နေတာကြောင့် ကြည့်တဲ့သူတွေအဖို့တော့ နည်းနည်းကြောင်တောင်တောင် နိုင်နေပါလိမ့်မယ်။ သို့ပေမယ့် ကျွန်တော့်လို့ Elle Fanning မျက်နှာကိုမြင်နေရရုံနဲ့ ကျေနပ်နေတဲ့သူအဖို့တော့ သိပ်ပြီးပြဿနာမဟုတ်ခဲ့ပါဘူး။ Elle Fanning ရဲ့ပရိသတ်ဆိုရင်တော့ လက်လွှတ်မခံသင့်ပါဘူး၊ သူ့ကြည့်ရတာနဲ့ တန်နေပါပြီ။ (ဇာတ်လမ်းအညွှန်းနဲ့ဘာသာပြန်သူကတော့ ကိုမျိုးသန့်ပါ) File Size : (850 MB) and (350 MB) Quality : Blu-Ray 720p Running Time : 1hr 42Min Format : Mp4 Genre : Comedy, Music, Romance Subtitle : Myanmar Subtitle (Hard Sub) Source : 720p.BluRay.x264.DTS-HDC Translated by Myo Thant Kyaw Encoded by Thanhtike Zaw

Suite Française ဟာ စစ်အတွင်းမှာ ရန်သူဘက်အသီးသီးက ဖြစ်နေကြပြီး တာဝန်ဝတ္တရားတွေကြား ခြားနားနေတဲ့ ချစ်သူနှစ်ဦးအကြောင်းကို ရိုက်ကူးထားတဲ့ အချစ်စစ်ကားပါ။ အချစ်နဲ့အမုန်း ရောထွေးနေတဲ့ကြားက တစ်ယောက်အပေါ်တစ်ယောက် စိတ်တိမ်းညွှတ်လာမှုတွေကို အခြေခံထားပါတယ်။ ဒီရုပ်ရှင်ဖြစ်လာဖို့ မူရင်းဝတ္ထု ဖြတ်သန်းခဲ့ရတဲ့ခရီးကလည်း ရှည်လျားခဲ့တယ်။ စာရေးဆရာမ Irène Némirovsky ဟာ ဒုတိယကမ္ဘာစစ်အတွင်း ဒီဝတ္ထုကို ရေးသားခဲ့ပေမဲ့ ၂၀၀၄ ခုနှစ်ရောက်မှ ထုတ်ဝေနိုင်ခဲ့တာပါ။ ဂျူးလူမျိုးဖြစ်တဲ့ သူမကို ၁၉၄၂ ခုနှစ်မှာ ဂျာမန်တပ်တွေက ဖမ်းဆီးခဲ့ပြီး Auschwitz ချွေးတပ်စခန်းမှာ တခြားဂျူးလူမျိုးတွေနဲ့အတူ သတ်ဖြတ်ခဲ့ကြပါတယ်။ နှစ်ပေါင်း ၆၀ လောက်ကြာမှ သမီးဖြစ်သူက မိခင်ရဲ့မှတ်စုစာအုပ်ထဲမှာ ရေးထားတဲ့ ဝတ္ထုနှစ်ပုဒ်ကို တွေ့ရှိခဲ့တယ်။ အဲဒီနှစ်ပုဒ်ကို ပေါင်းစည်းရာက Suite Française ဆိုတဲ့ ဝတ္ထုဖြစ်လာပြီး နောက်ပိုင်းမှာ ရုပ်ရှင်အဖြစ် ရိုက်ကူးခဲ့တာပါ။ စာရေးဆရာမက မူလမှာ အပိုင်းငါးပိုင်းအဖြစ် ရေးဖို့ မှတ်စုတွေ ပြုစုထားခဲ့ပေမဲ့ နှစ်ပိုင်းကိုသာ အချောသတ်နိုင်ခဲ့တယ်။ ကျန်သုံးပိုင်းကတော့ သူမရဲ့မှတ်စုစာအုပ်ထဲက မှတ်တမ်းတွေအဖြစ်ပဲ ကျန်ရစ်ခဲ့ပါတယ်။

အိုင်ဗန်လော့ခ်ဟာ အောင်မြင်တဲ့ ဆောက်လုပ်ရေးမန်နေဂျာတစ်ယောက်ဖြစ်ပြီး ကက်ထရီနာ၊ အက်ဒီ၊ ရှောင်တို့နဲ့ ပျော်ရွှင်တဲ့ မိသားစုဘဝကို တည်ဆောက်ထားသူပါ။ အရာရာအဆင်ပြေနေတဲ့ သူ့ဆီကို တစ်နေ့မှာ ဗေသန်မက်ဂွားယားဆိုတဲ့ အမျိုးသမီးဆီက ဖုန်းဝင်လာပါတယ်။ ဗေသန်က သူနဲ့ တစ်ညတာ အတူနေခဲ့ဖူးသူဖြစ်ပြီး အခု အိုင်ဗန်နဲ့ရတဲ့ကလေးကို မွေးဖို့ သားဖွားခန်းထဲ ရောက်နေပြီလို့ ပြောလာတာပါ။ အိုင်ဗန်မှာ သူမွေးလာပြီးနောက် စွန့်ပစ်သွားခဲ့တဲ့ အဖေအပေါ် နာကျည်းချက်တွေ ရှိနေတယ်။ ဒါကြောင့် အဖေ့လိုအမှားမျိုး မကျူးလွန်မိဖို့ ဗေသန်ရဲ့ကိုယ်ဝန်ကို တာဝန်ယူမလား၊ လက်ရှိမိသားစုနဲ့ ဗေသန်ကြားမှာ ဘယ်လိုရွေးချယ်မလဲဆိုတဲ့ အခြေအနေကို ရောက်လာပါတယ်။ ကိုယ်ရေးကိုယ်တာပြဿနာတွေ တက်နေတုန်း အလုပ်မှာပါ ပြဿနာပေါ်လာတော့ မိသားစုအရေး၊ မွေးလာမယ့်ကလေးအရေးနဲ့ အလုပ်အရေးတွေကို တစ်ပြိုင်တည်း ကိုင်တွယ်ရတော့တယ်။ Tom Hardy၊ Tom Holland နဲ့ Olivia Colman တို့ ပါဝင်ထားတဲ့ ဒရာမာ၊ သည်းထိတ်ရင်ဖိုဇာတ်ကားဖြစ်ပြီး အမှားတစ်ခုကနေ ဘဝရဲ့အခြားကိစ္စတွေအထိ ဘယ်လိုသက်ရောက်သွားနိုင်သလဲဆိုတာကို အိုင်ဗန်ရဲ့အဖြစ်နဲ့ ရိုက်ပြထားပါတယ်။

IMDb - 6.4/10 Pirates of the Caribbean ဇာတ်ကား ဖန်တီးရှင် ထုတ်လုပ်သူ Jerry Bruckheimer နဲ့ ဒါရိုက်တာ Gore Verbinski တို့ရဲ့ လက်ရာ ဖြစ်ပြီး Tonto အဖြစ် မင်းသား Johnny Depp ၊ Lone Ranger ခေါ် John Reid အဖြစ် Armie Hammer ၊ Latham Cole အဖြစ် Tom Wilkinson Butch Cavendish အဖြစ် William Fichtner ၊ Red Harrington အဖြစ် Helena Bonham Carter ၊ Dan Reid အဖြစ် James Badge Dale နဲ့ Rebecca အဖြစ် Ruth Wilson တို့ ပါဝင်ထားတဲ့ ဇာတ်ကားပါ………ဇာတ်လမ်းကတော့….. ၁၉၃၃ ခုနှစ် ကာနေဗယ်တော် ကျင်းပနေသည့် ရက်တွင် ဖြစ်သည်။ ဆန်ဖရန်စစ္စကိုတွင် Golden Gate တံတားကြီး စတင်ဆောက်လုပ်နေဆဲ ကာလဖြစ်သဖြင့် ထိုနေရာတွင် လူစည်ကားနေသည်။ Will ဟု အမည်ရသော ချာတိတ်တစ်ယောက်က က ရာဇဝင်ထဲက လူစွမ်းကောင်း Lone Ranger (တစ်ကိုယ်တော် လူစွမ်းကောင်း) ပုံစံ ကောင်းဘွိုင်ဝတ်စုံ ဝတ်ဆင်ပြီး ကာနေဗယ်ပွဲတော်ကျင်းပရာ နေရာကို လှည့်လည် ကြည့်ရှုနေသည်။ ထိုနေရာတွင် Tonto ဟု အမည်ရသော ကိုမန်ချီ အင်ဒီယန်းလူမျိုး တစ်ဦးနှင့် တွေ့ဆုံမိသည်။ Will သတိရလိုက်သည်က Lone Ranger ရဲ့ မိတ်ဆွေ Tonto ကလည်း ကိုမန်ချီ အင်ဒီယန်းဖြစ်သည် ဆိုတာကိုပင်။Tonto က သူနဲ့ Lone Ranger တို့ အနောက်ခြမ်းက ကန္တာရမှာ စွန့်စားခဲ့ကြောင်း၊ မျက်နှာဖုံးစွပ် Lone Range နဲ့ သူနဲ့ နှစ်ယောက်အတူ ဘဏ်ကို ဓားပြတိုက်ခဲ့ကြောင်း ပြောပြသည်။ သို့သော် Will လက်မခံနိုင်။ သူသိထားသည့် Lone Ranger က တရားဥပဒေ စိုးမိုးရေး စွမ်းဆောင်ခဲ့သည့် သူရဲကောင်း၊ ဘဏ် ဓားပြမဟုတ်……….. အဲဒီတော့မှ Tonto က ၁၈၆၉ ခုနှစ်မှာ သူနဲ့ အတူတူ တက္ကဆပ်ပြည်နယ် ကော်ဘီမှာ သောင်းကျန်းခဲ့ဖူးသည့် လူတစ်ယောက်အကြောင်း ပြန်ပြောပြသည်။ ၁၈၇၉ တွင် အမေရိကန်နိုင်ငံရဲ့ အရှေ့ဖက်နဲ့ အနောက်ဖက်ကို ဆက်သွယ်ဖို့ ပြည်နယ်အများအပြားကို ဖြတ်ပြီး ရထားလမ်းဖောက်လုပ်နေသည်။ ရထားလမ်းကို Latham Cole ဆိုသည့် သူဌေးတစ်ဦးက ထိန်းချုပ်ထားသည်။ John Reid ဆိုသည့် လူငယ်လေးက ဒီရထားကို စီးပြီး ဇာတိသို့ ပြန်လာသည်။ John Reid စီးတဲ့ ရထားပေါ်မှာ Texas Ranger တစ်ဦးဖြစ်တဲ့ သူ့အစ်ကို Dan Reid ဖမ်းလာသည့် လူဆိုးကြီး Butch Cavendish လည်း ပါလာသည်။ Tonto ကလည်း အဲဒီရထားကိုပဲ စီးလာသည်ပေါ့………..သို့ပေမယ့် အခြေအနေက အစိုးမရသည်မို့ Butch လွတ်သွားပြီး သူ့ကို ဖမ်းလာသည့် Texas Ranger တွေ အသတ်ခံရသည်။ Tonto က ဒီလူသတ်မှုမှာ ကြားက ဓားစာခံဖြစ်ပြီး ရထားကို အပိုင်စီးခံရသည်။ ဒါပေမယ့် John နဲ့ Dan တို့က ပြန်လည်တိုက်ခိုက်ပြီး Tonto ကို Butch ရဲ့ အဖွဲ့ကလို့ ထင်သွားကြသည်။ အကျိုးဆက်အနေနဲ့ Tonto ကို Dan က ဖမ်းဆီးထားလိုက်ပြီး Butch ကတော့ လွတ်မြောက်သွားသည်။Dan က John ကို Texas Ranger တွေနဲ့အတူ Butch ကို လိုက်လံဖမ်းဆီးဖို့ အကူအညီတောင်းသည်။ တောင်ကြားတစ်ခုတွင် Dan ၊ John နဲ့ Ranger တွေ ပိတ်မိနေစဉ် Ranger တွေ အကုန်အသတ်ခံရပြီး Butch က John ရဲ့ ရှေ့မှာတင် Dan ရဲ့ နှလုံးကို ထုတ်ပြီး စားပြသည်။ John လည်း ဒဏ်ရာကြောင့် မျောသွားပြီး ကိုမန်ချီအင်ဒီယန်းတွေ ယုံကြည်ကြတဲ့ Silver အမည်ရှိ ဝိဉာဏ်မြင်းတစ်ကောင်က သူ့ကို ပြန်အသက်သွင်းပေးလိုက်သည်။ ထောင်က ထွက်ပြေးလာတဲ့ Tonto က ဒီအကြောင်းကို ပြောပြပြီး John တစ်ယောက် တိုက်ပွဲမှာ သူများသတ်လို့ မသေနိုင်တော့ဟု ရှင်းပြသည်။ဒါ့အပြင် တိုက်ပွဲမဖြစ်ခင် ပျောက်ဆုံးသွားသည့် Collins အမည်ရှိ Ranger က သစ္စာဖောက်လို့ Dan သေဆုံးရတာ ဖြစ်ကြောင်း Tonto က သတင်းပေးသည်။ Collins မကြာခင်ကမှ ရောက်ခဲ့သည့် ပြည့်တန်ဆာအိမ်သို့ သွားရှာကြရင်း Red Harrington နဲ့ တွေ့ဆုံမိပြီး Dan နဲ့ Collins တို့ ရန်ဖြစ်သည့်အကြောင်းကို သိရသည်။ အဲဒီအချိန်မှာ ကိုမန်ချီ အင်ဒီယန်းယောင်ဆောင်ထားသည့် Butch ရဲ့ အဖွဲ့ဝင်တွေက ကိုမန်ချီနဲ့ အမေရိကန်တွေရဲ့ နယ်စပ်ကို ဝင်ရောက်တိုက်ခိုက်ကြသည်။ဒီလို ဝင်ရောက်တိုက်ခိုက်တာကြောင့် Dan ရဲ့ မိန်းမ Rebecca နဲ့ သား Danny တို့ ပိတ်မိသွားကြသည်။ သို့သော် မီးရထားလမ်းပိုင်ရှင် Latham Cole က ဝင်ရောက်ကယ်ဆယ်ပြီး Collins ကို ပစ်သတ်လိုက်သည်။ ဒါ့အပြင် ရထားလမ်း ဆက်လက်ဖောက်လုပ်ဖို့နဲ့ ကိုမန်ချီအင်ဒီယန်းတွေကို တိုက်ခိုက်ဖို့ အမေရိကန် မြင်းတပ်ဗိုလ်ကြီး Jay Fullerကို အကူအညီတောင်းသည်။တကယ်တော့ Cole ရော Butch ကပါ ကိုမန်ချီ တွေ ပိုင်ဆိုင်တဲ့ ငွေသတ္ထုတွင်းကို လိုချင်လို့ ဒီဒေသကို ထိုးဖောက်ဝင်ရောက်လာခြင်း ဖြစ်သည်။ ဒီအကြောင်းကို သိသွားရတဲ့ တရားခံဟာ အင်ဒီယန်းကြီး Tonto ဖြစ်သည့်အကြောင်း John သိသွားသည့်အခါ …… File Size : 1 GB Quality : HD 1080p Running Time : 2h 30min Format : Mp4 Genre : Action, Adventure, Western Subtitle : mmsubtitle Encoder : Tariq L Walker

Anna Karenina (2012) IMDb Rating - 6.6/10 အချစ်မှာ "ဘာလို့လဲ" ဆိုတာ မရှိဘူးတဲ့..... တစ်ဦးက ဂုဏ်သိက္ခာ တစ်ဦးက ချစ်မေတ္တာ တစ်ဦးက ရမ္မက် ကွဲပြားတဲ့ ကိုယ်စီအလေးထားမှုတွေနဲ့ လူသုံးယောက်ရဲ့ အရှုပ်တော်ပုံလို့ပဲ တင်စားလိုက်ပါရစေ။ အထူးသဖြင့် အန်နာ ကရီနီနာဆိုတဲ့ သားတစ်ယောက်မိခင် အိမ်ထောင်ရှင် အမျိုးသမီးတစ်ယောက်ရဲ့ ရင်နင့်ဖွယ် ဇာတ်လမ်းလေး တစ်ပုဒ်ပေါ့။ အဖြစ်အပျက်တွေ အားလုံးရဲ့ မြစ်ဖျားခံရာကတော့ အစ်ကိုဖြစ်သူရဲ့ အိမ်ထောင်ရေး အခြေအနေ အဆင်မပြေမှုအတွက် ဖြောင်းဖျဖို့ သွားခဲ့ရာ မော်စကိုမြို့လေးပါပဲ..... ဗရွန်စကီဆိုတဲ့ ချောမောခန့်ညားတဲ့ အသက်ငယ်ငယ် မြို့စားတစ်ယောက်နဲ့ သူဆုံဆည်းခဲ့ပုံကလည်း ရထားလေးပေါ်မှာ အမှုမဲ့အမှတ်မဲ့ပါပဲ..... သို့ပေမဲ့ အမှတ်တမဲ့မှ အမှတ်တရတွေ ဖြစ်ခဲ့ကြသည်ပေါ့ မပြတ်နိုင်တဲ့ သံယောဇဉ်တွေကြောင့် ရပ်တန့်ဖို့ ကြိုးစားချိန်မှာ အရမ်း နောက်ကျသွားခဲ့ပြီ..... ပြင်ဆင်ဖို့ နောက်ကျခဲ့ခြင်းကြောင့် ရေပြင်လို တည်ငြိမ်အေးချမ်းနေတဲ့ အိမ်ထောင်တစ်ခုဟာ ဘောင်ဘင်ရိုက်ခတ်ခဲ့ရပါပြီ .... နာမည်ကြီး ရုရှား စာရေးဆရာကြီး Leo Tolstoy ရဲ့ ၀တ္ထုကို အခြေခံရိုက်ကူးထားတဲ့ masterpiece ဇာတ်လမ်းကောင်းပါ ဇာတ်လမ်းတစ်လျှောက်လုံးမှာ Cinematography , music တွေကလည်း အံ၀င်ဂွင်ကျတယ် ဒါရိုက်တာကြီးကလည်း နယ်နယ်ရရမဟုတ်ပါဘူး Pride & Prejudice, Atonement စတဲ့ masterpiece တွေကို ရိုက်ကူးသူ ဒါရိုက်တာကြီး Joe Wright ဖြစ်ပါတယ် Cast တွေကလည်း ကျရာဇာတ်ရုပ်ကို အပီအပြင် သရုပ်ဆောင်ပြနိုင်ကြတော့ Runtime 130 mins ရှိတဲ့ ဇာတ်လမ်းတစ်ပုဒ်ဟာ ပြီးလို့ ပြီးသွားမှန်းတောင် သိလိုက်ရမှာမဟုတ်ပါဘူးခင်ဗျာ ဒါ့အပြင် ဒီဇာတ်လမ်းမှာ မင်းသမီး Keira Knightley ရဲ့လှပမှုတွေ Jude Law ရဲ့ တည်ကြည်မှုတွေ နဲ့ Aaron Taylor Johnson ရဲ့ ချောမောမှုတွေကို တွေ့မြင်နိုင်မှာပါ မိန်းမတွေအတွက် ဆုံးဖြတ်ပိုင်ခွင့်နည်းပြီး နေတတ်ထိုင်တတ်မှ လူရာ၀င်တဲ့ ၁၈ ရာစုနှစ်လောက်က ဆန္ဒကို ဦးစားပေးတတ်တဲ့ အမျိုးသမီးတစ်ယောက်ရဲ့ဘ၀ကို ကွင်းကွင်းကွက်ကွက် စိတ်၀င်စားဖွယ် ရိုက်ကူးတင်ဆက်ထားပါတယ်။ (ဒီဇာတ်လမ်းရဲ့ အညွှန်းကိုနဲ့ဘာသာပြန်ရေးသားပေးသူကတော့ Yoon Sandi Aung ဖြစ်ပါတယ်။ ) File Size - (2.39 GB / 1.21 GB / 680 MB) Quality – BluRay 5.1 CH 1080p, 720p, 480p Duration - 2hrs 09min Subtitle – Myanmar Hardsub Format – MP4 Genre : Drama, Romanc3 Translator – Yoon Sandi Aung Encoder – San Win Maung