Salma Hayek Pinault ပါဝင်သော ဇာတ်ကားများ

Sacrifice (2026) (4K ကိုတော့ 3ရက်လောက်နေမှရပါမယ်။) IMDb Rating (5.1) / Rotten Tomatoes (36%) Sacrifice (၂၀၂၆) ရုပ်ရှင်ကတော့ ဒါရိုက်တာ Romain Gavras ရိုက်ကူးထားပြီး ကပ္ပတိန်အမေရိကမင်းသားတို့ အန်ညာတေလာဂျွိုင်းတို့လို နာမည်ကျော် သရုပ်ဆောင်တွေ အများကြီးပါဝင်တဲ့ Action-adventure comedy-drama (Satire/Thriller) ဇာတ်ကား ဖြစ်ပါတယ်။ ဒီဇာတ်ကားကို ၂၀၂၅ တိုရွန်တို နိုင်ငံတကာ ရုပ်ရှင်ပွဲတော် (TIFF) မှာ စတင်ပြသခဲ့ပြီး Netflix ကနေ ၂၀၂၆ ခုနှစ်၊ အောက်တိုဘာလ ၁၆ ရက်နေ့မှာ ထုတ်လွှင့်ပြသသွားမှာပါ။ ဇာတ်လမ်းအကျဉ်း နာမည်ကျော်ပြီး မကြာသေးခင်ကမှ လူမြင်ကွင်းမှာ ပြဿနာတက်ထားတဲ့ အက်ရှင်မင်းသားကြီး Mike Tyler (Chris Evans) ဟာ သူ့ရဲ့ နာမည်ကို ပြန်လည်ဆယ်ယူဖို့ ကြိုးစားနေပါတယ်။ အဲဒီအချိန်မှာ ဂရိနိုင်ငံက မီးတောင်ကျွန်းလေးတစ်ခုပေါ်မှာ ကျင်းပတဲ့ သဘာဝပတ်ဝန်းကျင် ထိန်းသိမ်းရေး ရန်ပုံငွေပွဲ (Charity Gala) တစ်ခုကို သူတက်ရောက်ခဲ့ပါတယ်။ အဲဒီပွဲမှာ Mike အပြင် ကမ္ဘာ့အချမ်းသာဆုံး ဘီလျံနာ Ben Bracken (Vincent Cassel) နဲ့ သူ့မိန်းမ ပေါ့ပ်ကြယ်ပွင့် Gloria Bracken (Salma Hayek) တို့လို အထက်တန်းလွှာ နာမည်ကြီးတွေ အများကြီး ရှိနေပါတယ်။ ဒါပေမဲ့ ဒီပွဲကို Joan (Anya Taylor-Joy) ခေါင်းဆောင်တဲ့ အစွန်းရောက် လူတစ်စုက ရုတ်တရက် ဝင်ရောက်စီးနင်းပြီး အဓိက ဧည့်သည် ၃ ယောက်ကို ဓားစာခံအဖြစ် ဖမ်းဆီးသွားတဲ့အခါ ဇာတ်လမ်းက စိတ်ဝင်စားစရာ ဖြစ်လာပါတယ်။ Joan တို့အဖွဲ့ရဲ့ ယုံကြည်ချက်ကတော့ မီးတောင်ရှင်ထဲကို လူ ၃ ယောက် ယဇ်ပူဇော်မှသာ ကမ္ဘာကြီး ပျက်စီးမယ့်အရေးကနေ ကယ်တင်နိုင်မယ်ဆိုတဲ့ ယုံကြည်ချက်ပါ။ ဒါကြောင့် အတိတ်က အက်ရှင်မင်းသားဖြစ်ခဲ့ဖူးတဲ့ Mike တစ်ယောက် သေဘေးကနေ လွတ်မြောက်ဖို့နဲ့ သူ့ရဲ့ ကျဆင်းနေတဲ့ နာမည်ကို ပြန်ဆယ်ဖို့ ဘယ်လိုတွေ ကြိုးစားရမလဲ၊ Joan ကရော သူ့ရဲ့ ယုံကြည်ချက်အတိုင်း အဆုံးထိ လုပ်သွားမလားဆိုတာကို အလှည့်အပြောင်းတွေနဲ့ ကြည့်ရှုရမယ့် ဇာတ်ကားပါ။ File size… (1.2 GB) / (790 MB) Quality…. WEB-Rip 1080p HEVC / 720p Format…. mkv/mp4 Genre…. Action,Adventure,Comedy Duration…. 01:40:50 Subtitle…. Myanmar Subtitle (Hardsub)

ဘွတ်ဖိနပ်စီးကြောင်ကြီးမှာ ကြောင်ပီပီ အသက်ကိုးချောင်းရှိခဲ့ပေမယ့် မဆင်မခြင်လုပ်ရင်း အသက်တွေ ဆုံးရှုံးခဲ့တာ နောက်ဆုံးတစ်ချောင်းပဲ ကျန်ပါတော့တယ်။ အရင်လို အသက်ကိုးချောင်း ပြန်ရဖို့ဆိုပြီး ဆုတောင်းတစ်ခု ဖြည့်ပေးနိုင်တဲ့ ကြယ်တစ်လုံးကို ရှာဖို့ ထွက်လာခဲ့တယ်။ အဲဒီကြယ်က မှော်ဝင်တောအုပ်ကြီးထဲမှာ ရှိနေပြီး လူဆိုးပေါင်းစုံကလည်း လိုက်ရှာနေကြတာပါ။ ဒီခရီးမှာ ရန်သူတွေ၊ မိတ်ဆွေတွေနဲ့ မိသားစုတွေကို ဘယ်လိုတွေ့ကြုံပြီး ရင်ဆိုင်သွားရမလဲဆိုတာကို ဆက်ပြထားပါတယ်။ ၂၀၁၁ ခုနှစ်က Puss in Boots ရဲ့ အဆက်ဖြစ်ပြီး ဒီတစ်ခါမှာ ဒါရိုက်တာ Joel Crawford က ရိုက်ကူးထားပါတယ်။ အဓိကအသံသရုပ်ဆောင်ကတော့ Antonio Banderas ပဲဖြစ်ပြီး ဂိုဒီ့အဖြစ် Florence Pugh၊ ဝက်ဝံအမေအဖြစ် Olivia Colman တို့လည်း ပါဝင်ထားတယ်။ ပုံဆွဲဟန်က အရင်ကားနဲ့ မတူတော့ဘဲ Spider-Man: Into the Spider-Verse နဲ့ The Bad Guys တို့ကို အမှတ်ရစေတဲ့ ဒီဇိုင်းမျိုး ပြောင်းထားတဲ့ ဟာသစွန့်စားခန်း ကာတွန်းရုပ်ရှင်ပါ။

(IMDb 5.3) ဇတ်လမ်းအညွှန်း Bliss ဇာတ်ကားလေးက ၂၀၂၁ မှာထွက်ရှိထားတဲ့ ကားသစ်လေး ဖြစ်ပါတယ် IMDbမှာ rating 5.3 ရရှိထားပြီး နာမည်ကြီးမင်းသား Owen Wilson ပါဝင်ထားတဲ့ အချစ် Drama ဇာတ်ကားလေးပဲဖြစ်ပါတယ် Bliss ဇာတ်လမ်း ကတော့ ကွာရှင်းထားခံရပြီး ဂရတ်ဟာ သူတစ်ခါမှ မရောက်ဖူးတဲ့ နေရာတွေကို အတွေးထဲမှာ အမြဲပေါ်နေတတ်ပြီး ရင်းနှီးနေသလို ခံစားနေရတယ်.. လုပ်သမျှ အဆင်မပြေဖြစ်ကာ အလုပ်ကနေအထုပ်ခံလိုက်ရတဲ့အချိန်မှာ လမ်းပေါ်မှာနေပြီး ထူးဆန်းတဲ့ အမျိုးသမီး တစ်ယောက်နဲ့ တွေ့ဆုံမိခဲ့တယ်... သူမ နာမည်က အစ်စဘဲလ် အစ်စဲဘဲလ်နဲ့ တွေ့ဆုံရပြီး သူမသိရသေးတဲ့ အကြောင်းအရာတွေ သူနေထိုင်ရာ ကမ္ဘာကြီးရဲ့ လှို့ဝှက်ဆန်းကျယ်မှုတွေကို သိလိုက်ရတယ် ဒါပေမဲ့ အစ်စဲဘဲလ် ပြောပြတာကကော တကယ်လား... လမ်းဘေးမှာနေတဲ့ အစ်စဲဘဲလ်ရဲ့ စကားတွေကြောင့် မရှိတာကို ရှိတယ်လို့ ထင်နေမိမလား... တကယ်သူတို့နေတဲ့ ကမ္ဘာကြီးကကော ဘယ်မှာရှိတာလဲ ... ဒီဇာတ်လမ်းထဲလေးက လောကကြီးမှာ တစ်ချိန်တည်းမှာ နောက်ကမ္ဘာကြီးကို ခံစားနိုင်တဲ့ ဖန်တီးသူ ၂ ယောက်ရဲ့ အချစ်ဇာတ်လမ်းလေးကို အခြေခံပြီး ရိုက်ကူးထားတာ ဖြစ်ပါတယ် ဘာသာပြန်ဆိုသူ Theint Theint ဖြစ်ပါတယ် File Size : (1.46 GB) (937MB) Quality : 1080p.WEBRip and 720p Format…mp4 Duration…1h 43min Genre : Drama, Romance, Si-Fi Subtitle : Myanmar Subtitle (Hard Sub) Translated by Theint Theint Encoded by Myoko

Hitman's Wife's Bodyguard (2021) IMDb Rating (6.9) ရုံတင်တုန်းက မပါတဲ့အခန်းတွေကို ပြန်ထည့်ပေးထားတဲ့ BluRay Extended Version နဲ့ ပြန်လည်တင်ဆက်လိုက်ပါတယ်။ ဒီကားကတော့ မြေနိုးကြီးရဲ့သက်တော်စောင့် ဇာတ်လမ်း အပိုင်း ၂ ဖြစ်ပါတယ်။ ရှေ့မှာထွက်ထားတဲ့ အပိုင်း ၁ ရုပ်ရှင်ကား The Hitman’s Bodyguard (2017)  ကိုကြည့်ထားရင်တော့ ပိုချိတ်ဆက်မိပါမယ်။ ဒီအပိုင်းမှာတော့ ကင်ကိတ်ကြီးက ထောင်ကထွက်ပြေးပြီး မိန်းမနဲ့အကြည်ဆိုက်နေချိန်၊ သက်တော်စောင့် လိုင်စင် မရှိတော့တဲ့ ဘရိုက်စ်က တိုင်ပတ်နေပါတယ်။ ဒါနဲ့ စိတ်ပြေလက်ပျောက် အနားယူဖို့ ထွက်လာချိန်မှာပဲ ကင်ကိတ်ကြီးကိုမာဖီးယားတွေဖမ်းထားတယ်ဆိုပြီး သူ့မိန်းမ ဆိုညာက လာခေါ်တဲ့အချိန်မှာ လူသတ်သမား၊ သက်တော်စောင့်၊ လူလိမ်မ သုံးယောက်တွဲပြီး ပေါက်ကရတွေလုပ်ရင်းနဲ့ ကမ္ဘာကြီးကို ကယ်တင်ရမယ့် လမ်းစပေါ် ရောက်သွားပြန်ပါတော့တယ်။ ပထမကားက သရုပ်ဆောင်တွေဖြစ်တဲ့ Ryan Reynolds နဲ့ မားသားဖက်ခါ Samuel L. Jackson နဲ့ Salma Hayek တို့အဓိကပါဝင်ထားပြီး ဒီကားမှာတော့ Morgan Freeman လဲအားဖြည့်ထားပါသေးတယ်။ ဝါရင့်တွေချည်း အခွီတွေထိုင်လုပ်နေတာမလို့ ကြည့်ရတာ လုံးဝမိုက်တဲ့ အက်ရှင်ဟာသကားကြီးပါပဲ။ File size…(7 GB)/ (2.1 GB )/(1.3 GB) Quality…BluRay Extended 4K HEVC/ 1080p HEVC / 720p Format…mkv/mp4 Duration….01:58:00 Subtitle….Myanmar Subtitle (Hardsub) Encoder….Ka Naung Translated by Mr.Anderson & Arr Khun Winchestar

လူအတော်များများမျှော်နေတဲ့ကားလေး လာပါပြီ။ ကမ္ဘာကျော် ဘရန်းတစ်ခုဖြစ်တဲ့ ဂူချီရဲ့ မူလအစမိသားစုအကြောင်းပါပဲ။ ဖြစ်ရပ်မှန်ကို ကြားဖူးဖတ်ဖူးပြီးသားလူတွေကတော့ သိနှင့်မှာပါ။ မသိသေးတဲ့လူတွေအတွက်တော့ ကြည့်လို့ပိုကောင်းနေမှာပါပဲ။ ရှုပ်ထွေးတဲ့ လိမ်လည်မှုတွေ မှုခင်းတွေနဲ့ စိတ်ဝင်စားစရာဇာတ်လမ်းပါပဲ။ သရုပ်ဆောင်တွေကလည်း အဒမ်ဒရိုင်ဗာ၊ လေဒီဂါဂါ၊ အယ်ပါချီနို၊ ဂျားရတ်လယ်တို တို့ဖြစ်လို့ All Stars လို့ပဲ ပြောရမှာပါပဲ။ အားရပါးရကြည့်နိုင်ပါပြီ File size…(3.8 Gb)/(2.8 Gb)/(1 GB)/(700 Mb) Quality….Webrip 4K / 1080p / 720p / 480p Format…mp4 Duration….02:38:00 Genre...Drama, Crime, Biography Subtitle….Myanmar Subtitle (Hardsub) Encoder….Mr. Anderson Translated by Mr. Anderson

စကြဝဠာကြီး မဖန်ဆင်းရသေးခင်ကတည်းက ဖန်ဆင်းရှင်တွေ ရှိနေခဲ့ပါတယ်။ မဟာဖန်ဆင်းရှင် အာရစ်ရှမ်က ပထမဆုံးနေကို ဖန်ဆင်းပြီး စကြဝဠာကို အလင်းပေးခဲ့ရာက သက်ရှိတွေ စတင်ပေါ်ပေါက်လာကြတယ်။ အစပိုင်းမှာတော့ အရာအားလုံး ဟန်ချက်ညီညီနဲ့ သာယာနေခဲ့ပါတယ်။ ဒါပေမဲ့ အာကာသရဲ့ နက်ရှိုင်းတဲ့နေရာတွေမှာ ဒီးဗီးယန့်ဆိုတဲ့ မျိုးစိတ်တွေ ပေါ်လာပြီး အသိဉာဏ်ရှိတဲ့ သက်ရှိတွေကို စားသုံးလာကြတယ်။ စကြဝဠာထဲမှာ ကစဉ့်ကလျားဖြစ်လာတဲ့အခါ အာရစ်ရှမ်က အိုလမ်ပီယာဂြိုဟ်က မသေမျိုးသူရဲကောင်း အီတာနယ်တွေကို စေလွှတ်ပြီး ဒီးဗီးယန့်တွေကို ရှင်းလင်းခိုင်းခဲ့ပါတယ်။ အာဂျက်ဦးဆောင်တဲ့ အီတာနယ်တွေဟာ အာရစ်ရှမ်အပေါ် အမြဲသစ္စာရှိခဲ့ကြသူတွေပါ။ ဒါပေမဲ့ တာဝန်တစ်ခုနဲ့ ကြုံလာရတဲ့အခါ သူတို့အတွက် အရာရာ ပြောင်းလဲလာပါတော့တယ်။

The Hitman's Bodyguard (2017) IMDb Rating (6.9) 2017 ရဲ့ အကောင်းဆုံး Action Comedy တွေထဲက တစ်ခုပါ။ IMDb 6.9 နဲ့ Box Office မှာ ထိပ်ဆုံးရောက်နေပါတယ်။ ဇာတ်လမ်းအကျဉ်းကတော့ ဘီလာရု သမ္မတဟောင်း ဗလာဒီဆလက် ဒူကိုဗစ်ချ်ကို နိုင်ငံတကာရာဇဝတ်မှုတရားရုံးက တရားစွဲထားချိန်မှာ သူ့ကို အပြစ်ရှိကြောင်း သက်သေထွက်ဆိုမယ့်သူ မရှိပါဘူး။ ဒူကိုဗစ်ချ်ရဲ့လူတွေက သက်သေမှန်သမျှကို လိုက်ပြီး နှုတ်ပိတ်နေလို့ပါ။ ဝါရင့်ကြေးစားလူသတ်သမားကြီး ဒဲရီးယပ် ကင်ကိတ်ကတော့ နောက်ဆုံးမှာ အပေးအယူလုပ်ပြီး သက်သေထွက်ဖို့ သဘောတူလိုက်ပါတော့တယ်။ အဲဒီအတွက် သူ့ကိုကာကွယ်ပေးဖို့ အေသုံးလုံးအဆင့် အထူးသက်တော်စောင့် မိုက်ကယ် ဘရိုက်စ်ကို အကူအညီတောင်းရတဲ့အခါမှာ လူသတ်သမားနဲ့သက်တော်စောင့် ရန်သူဟောင်းကြီး နှစ်ယောက် အတူလက်တွဲရပါတော့တယ်။ သူတို့အတိတ်မှာ ပြဿနာခဏဏတက်ထားတာမို့  လုံးဝမတည့်ပဲ ရန်တစောင်စောင်နဲ့ ထောင်ကနေ တရားရုံးခရီးကို ဒူကိုဗစ်ချ်ရဲ့ လူသတ်သမားများစွာကို ဖြတ်ကျော်ပြီး အရောက်သွားရတဲ့အခါ...... သက်တော်စောင့်ဘရိုက်စ်ဟာ အရာရာကို တွက်ဆပြီး ပြင်ဆင်လုပ်တတ်သူ၊ ကင်ကိတ်ကတော့ တုံးတိုက်တိုက် ကျားကိုက်ကိုက်နည်းလမ်းက ပိုကောင်းတယ်ယူဆသူ၊ သူတို့ နှစ်ယောက်ရဲ့ အလွဲတွေ ဟာသတွေနဲ့ အက်ရှင်ခပ်ကြမ်းကြမ်းတွေကို တစ်ကားလုံး အလန်းစား သရုပ်ဖော်ထားတာမို့ အရမ်းကောင်းတယ်လို့ပဲ ညွှန်းချင်ပါတယ်။ File size…(8.1 GB )/(2.2 GB)/ (1.3 GB) Quality….BluRay 4K HEVC/ 1080p HEVC / 720p Format…mkv/mp4 Duration….01:58:22 Subtitle….Myanmar Subtitle (Hardsub) Encoder….Ka Naung Translated by Littleneo

စူပါမားကတ်ထဲက စားစရာတွေဟာ လူသားတွေကို သူတို့ရဲ့ဘုရားသခင်တွေလို့ ယုံကြည်ထားကြပါတယ်။ ဆိုင်ထဲမှာ ပုပ်သိုးသွားမယ့်ဘေးကနေ ကယ်တင်ပေးမယ့်သူတွေလို့ ထင်ထားကြလို့ နေ့တိုင်း ဝယ်သူတွေရဲ့ ရွေးချယ်ခြင်းခံရဖို့ အပြိုင်ဆုတောင်းနေကြတယ်။ မရောင်းရဘဲ သက်တမ်းကုန်သွားရင်တော့ သူတို့ အကြောက်ဆုံးဖြစ်တဲ့ မှောင်မည်းနေတဲ့ အမှိုက်ပုံးထဲကို ရောက်သွားရမှာပါ။ ဖရန့်၊ ကားလ်နဲ့ ဘယ်ရီတို့က ခြောက်ချောင်းပါတဲ့ ဝက်အူချောင်းထုပ်တစ်ထုပ်ထဲက သူငယ်ချင်းတွေပါ။ သူတို့ဘေးမှာတော့ ဘရန်ဒါတို့ ဟော့ဒေါ့ပေါင်မုန့်မလေးတွေရှိပြီး သူတို့လည်း တစ်ထုပ်မှာ ခြောက်ခုစီ နေကြတယ်။ အနီးကပ်နေရင်း ဖရန့်နဲ့ ဘရန်ဒါတို့ ချစ်မိသွားကြပြီး တစ်ယောက်တည်းက သူတို့နှစ်ထုပ်လုံးကို ဝယ်သွားဖို့ မျှော်လင့်နေကြပါတယ်။ တစ်ရက်မှာတော့ သူတို့ဆုတောင်းတဲ့အတိုင်း နှစ်ထုပ်လုံး အဝယ်ခံလိုက်ရတယ်။ ဒါပေမဲ့ ပျားရည်မုန်ညင်းဘူးတစ်ဘူးက ကိုယ့်ကိုယ်ကိုယ် သတ်သေဖို့ ကြိုးစားရာက မတော်တဆမှုဖြစ်ပြီး ဖရန့်နဲ့ ဘရန်ဒါတို့ ဝယ်သူဆီကနေ ပြုတ်ကျကျန်ခဲ့ကြပါတယ်။ သူငယ်ချင်းတွေနဲ့ ပြန်ဆုံပြီး ဝယ်သူဆီ ပြန်ရောက်ဖို့ လမ်းရှာနေကြရင်း သူတို့ဘုရားသခင်လို့ ယုံကြည်ထားတဲ့ လူသားတွေဟာ ကြင်နာစောင့်ရှောက်ဖို့ ဝယ်သွားတာမဟုတ်ဘဲ စားပစ်ဖို့သာ ဝယ်ကြတာကို သိလာရတော့တယ်။

Tale of tales (2015) IMDb - 6.4/10, Rotten Tomatoes - 83% ဒီကားလေးကတော့ ၂၀၁၅ခုနှစ်ထွက် horror/fantasyအမျိုးအစားလေးပဲဖြစ်ပါတယ်။ ဇာတ်ကားနာမည်‌အတိုင်းပဲ မတူညီတဲ့ ပုံပြင်သုံးပုဒ်အကြောင်းကို ကြည့်ရမှာပါ။ ရာပန်ဇယ်တို့ စင်ဒရဲလားတို့ကိုရေးခဲ့တဲ့ အီတလီစာရေးဆရာGiambattista Basileရဲ့ ပုံပြင်တွေအပေါ် အခြေခံထားပြီး ရိုက်ကူးထားတာဖြစ်ပါတယ်။ အိမ်နီးချင်းနိုင်ငံသုံးနိုင်ငံရှိပြီး တစ်နိုင်ငံစီရဲ့အရှင်သခင်တိုင်းက သူ့စွဲလမ်းမှုနဲ့သူပါ။ ပထမပုံပြင်က ကလေးလိုချင်နေတဲ့ဘုရင်မကြီးအကြောင်းဖြစ်ပြီး ဒုတိယကတော့ ဘုရင်ကြီးက အထင်မှားပြီးစိတ်၀င်စားခံရတဲ့အဖွားကြီးတစ်ယောက်အကြောင်းဖြစ်ပါတယ်။ တတိယပုံပြင်ကတော့ သန်းအမွေးကောင်းလို့ သမီးတော်ကိုဆုံးရှုံးလိုက်ရတဲ့ဘုရင်ကြီးအကြောင်းဖြစ်ပါတယ်။ တစ်ပုဒ်ချင်းစီရဲ့ မတူညီတဲ့ဇာတ်ကြောင်းတွေကို horror themeဖက်နွယ်ပြီး ဆန္ဒတစ်ခု တပ်မက်စိတ်တစ်ခုကြောင့် ဘယ်လိုအဆုံးသတ်သွားရလဲ စိတ်၀င်တစားကြည့်ရှုရမှာပါ။ ( ဘာသာပြန်ပြီး အညွှန်း‌ရေးသားထားသူကတော့ Soe Thiri Swe ပါ ) File size_(2.4GB)/(1.2GB) Quality_Blu-Ray 1080p / 720p Format_mp4 Duration_02:14:00 Genre_Drama, Fantasy, Horror Subtitle_Myanmar Subtitle (Hardsub) Encoder_a hao Translated by Soe Thiri Swe

အီရန်နိုင်ငံကို Revolutionary Guards လို့အမည်ရတဲ့ အစ္စလမ်မစ်အစွန်းရောက်ဝါဒီတွေ သိမ်းပိုက်လိုက်တဲ့အတွက် ယခင်အစိုးရနဲ့အဆက်အစပ်ရှိတဲ့သူတွေကို ပစ်မှတ်ထားပြီး လိုက်လံဖမ်းဆီးနေပါတယ်။နိုင်ငံအနှံ့မှာ ဆူပူသောင်းကျန်းမှုတွေဖြစ်နေကြပြီး ထင်ရာစိုင်းတဲ့ အစွန်းရောက်အဖွဲ့ရဲ့ဒဏ်ကိုအလူးအလဲခံစားရနေရတယ်။ အစ်ဇက်တို့မိသားစုဟာ ကျောက်မျက်ရတနာလုပ်ငန်းလုပ်ကြပြီး ကြွယ်ဝချမ်းသာတဲ့မိသားစုဖြစ်ပါတယ်။ တစ်နေ့ အစ်ဇက်အလုပ်လုပ်နေတုန်းမှာ Revolutionary Guards ကလာဖမ်းသွားပါတယ်။ ခင်ပွန်းဖြစ်သူနဲ့‌တွေ့ရဖို့အတွက် ဖာနက်ဇ်မှာ နည်းမျိုးစုံနဲ့ကြိုးစားပေမယ့်မအောင်မြင်ပါဘူး။ နီးစပ်တဲ့သူတွေနဲ့ ဆွေးမျိုးရင်းခြားတွေကလည်းလိုက်ဖမ်းလို့ထွက်ပြေးရတဲ့ အတွက် ဘယ်သူ့မှ အကူအညီမပေးနိုင်ပါဘူး။ ဒီလိုအသည်းအသန်ကြိုးစားနေချိန်မှာ ခင်ပွန်းဖြစ်သူရဲ့ လုပ်ငန်းကို လူယုံက အပိုင်သိမ်းသွားတယ်။ ထောင်ထဲမှာ အကျဉ်းသားတွေကို နည်းမျိုးစုံနဲ့နှိပ်စက်မေးမြန်းဒဏ်ကိုမခံနိုင်တဲ့အဆုံးမှာ အစ်ဇက်ဟာ ပိုင်ဆိုင်တာအကုန်ပေးမယ် သူ့ကိုလွတ်ပေးပါလို့ကမ်းလှမ်းတယ်။ ဒီကမ်းလှမ်းချက်ကိုတစ်ဖက်ကလည်းလက်ခံခဲ့တယ်။ အကျဉ်းထောင်ကနေလွတ်လာတဲ့ အစ်ဇက်ဟာ တစ်ချိန်မှာသူ့ကိုပြန်လာဖမ်းနိုင်တာကိုသိတဲ့အတွက် နိုင်ငံကနေထွက်ပြေးဖို့ ကြိုးစားပါတော့တယ်။ File size…1.75 GB/ 703MB Quality…Blu-Ray 1080p 5.1 CH/ 720p Format…mp4 Duration….1h 50m Genre …..  Thriller Subtitle….Myanmar Subtitle (Hard Sub) Encoder….Min Wai Translated by Tin Myo Lwin

ဒီGrown ups 2 2013 ကားလေးကတော့ဟာသ မင်းသားကြီးAdam Sandlerရဲ့ 2010ကGrown ups ကားလေးရဲ့အဆက်ပါ Adam Sandlerဆိုရင်တော့ ဟာသကြိုက်ပရိသတ်ကြီးတို့မသိဘဲနေမှာမဟုတ်ပါဘူး နာမည်မသိရင်တောင်မှသူ့ကားတွေကိုတော့ရင်းရင်းနှီးနှီး တွေ့ဖူးမှာပါ ကဲအညွှန်းလေးကိုဆက်သွားရအောင် ဒီကားလေးမှာတော့Adam Sandlerဖြစ်တဲ့လန်နီဟာ သူရဲ့ဇာတိမြို့လေးမှာပြန်ပြီးနေထိုင်နေပါတယ် Grown Ups 1 မှာအသက်ကြီးကြီးအဘွားကြီးနဲ့ ယူထားတဲ့ရော့ကတော့ဒီကားမှာ သူ့မိန်းမနဲ့ကွဲပြီး ကျောင်းကားမောင်းနေပါတယ် ရော့ကို ဒီ2မှာတော့ အခန်းနည်းနည်းပဲတွေ့ရမှာပါ တခြားသူငယ်ချင်းတွေ ဖြစ်တဲ့ လန်မွန်ဆော့နဲ့မက်ကင်ဇီတို့ကလည်းကလေးတွေ လည်းကြီးပြင်းလာပြီးတော့ ဟစ်ဂင်ကတော့သူ့ရဲ့သား ဆိုပြီးတော့ ရထားနဲ့ရောက်လာခဲ့ပါတယ် တစ်နေ့မှာ လန်မွန်ဆော့ကို သူတို့ငယ်ငယ်ကခုန်ချနေကျ ချောက်ကမ်းပါးမှာခုန်ချခိုင်းဖို့သွားရင်းနဲ့ Twilightထဲက ဝံပုလွေမင်းသားဂျက်ကော့ ဖြစ်တဲ့ဲ့အန်ဒီတို့အဖွဲ့နဲ့တွေ့ပြီးအရှက်တွေကွဲခဲ့ရပါတယ် ဂျက်ကော့ Taylor Launterကိုတော့ဒီထဲမှာ ပေါတော တော ကောလိပ်ကျောင်းသားအဖြစ်တွေ့ရမှာပါ အန်ဒီတို့အဖွဲ့ကိုဟစ်ဂင်ရဲ့သားဖြစ်သူကမကျေနပ် ဘဲအန်ဒီတို့နေတဲ့နေရာကိုဖျက်ဆီးခဲ့ပါတယ် အန်ဒီတို့ကလန်နီတို့လုပ်တယ်ထင်ပြီး လန်နီတို့ပါတီကို လာရောက်ဖျက်ဆီးပြီး နှစ်ဖွဲ့ချကြပုံများကို ပရိသတ်ကြီး သွားမစိဘဲကြည့်ရမှာပါ လန်နီအတွက် သတင်းဆိုးလား သတင်းကောင်းလားလို့ ပြောရမဲ့နေ့ရောက်လာပါတယ် သူ့မိန်းမမှာကိုယ်ဝန်ရှိနေ တာပဲဖြစ်ပါတယ် လန်နီကအစမှာတော့ဒီကလေးကိုမလိုချင်ပါဘူး နောက်ပိုင်းမှာတော့သူလည်းကိုယ်တိုင်ဒီကလေးကို လိုလိုချင်ချင်နဲ့ကြည်နူးစရာဇာတ်သိမ်းထားပါတယ် Quality…..BluRay 1080p Duration…..01:41:00 Format…Mp4 File Size…(724 MB ) Encoder…..Moe Myint Lwin Translator…..Yair Yint Kyaw

အို၊ ဘန်နဲ့ ချောင်တို့ဟာ အတူနေကြတဲ့ ချစ်သူသုံးယောက်ပါ။ အိုက ဘန်နဲ့ရော ချောင်နဲ့ပါ ချစ်သူတွေဖြစ်နေပြီး သုံးယောက်ကြားမှာ အချစ်ကို အပြိုင်လုနေကြတာမျိုး မရှိဘူး။ သူတို့ရဲ့ အဓိကစီးပွားရေးက အရည်အသွေးကောင်းတဲ့ ဆေးခြောက်တွေ စိုက်ပျိုးရောင်းချတာပါ။ ဘန်က ရုက္ခဗေဒနဲ့ စီးပွားရေးပညာ တတ်ထားသူဖြစ်ပြီး ချောင်ကတော့ အမေရိကန်အထူးတပ်သားဟောင်းတစ်ယောက် ဖြစ်ပါတယ်။ သူတို့ရဲ့ အေးအေးဆေးဆေးဘဝထဲကို ဘာဟာဆိုတဲ့ မက္ကဆီကိုမူးယစ်ဂိုဏ်းကြီး ဝင်လာတဲ့အခါ အခြေအနေတွေ ပြောင်းသွားတယ်။ ဂိုဏ်းက သူတို့ရဲ့ ဆေးခြောက်ထုတ်လုပ်ပုံကို သဘောကျပြီး ဒီပညာကို သိမ်းပိုက်ချင်နေတာပါ။ ညှိနှိုင်းဖို့ ကမ်းလှမ်းရာမှာတောင် လူခုနစ်ယောက်ကို ခေါင်းဖြတ်ထားတဲ့ ဗီဒီယိုနဲ့ ခြိမ်းခြောက်လာတယ်။ ဘန်တို့ဘက်က တတ်နိုင်သလောက် ညှိကြပေမယ့် အဆင်မပြေတဲ့အဆုံး ဂိုဏ်းက အိုကို ပြန်ပေးဆွဲပြီး အကျပ်ကိုင်လိုက်ပါတယ်။ ပညာရှင်ဘန်နဲ့ စစ်ပြန်ချောင်တို့က အတွေ့အကြုံရင့်တဲ့ မူးယစ်ဂိုဏ်းကြီးကို ဘယ်လိုရင်ဆိုင်ကြမလဲ၊ လက်ဦးမှုယူနိုင်ကြမလားဆိုတာ ဆက်ကြည့်ရမှာပါ။ မူးယစ်ဆေးဝါးတွေ ဘာကြောင့် မပပျောက်နိုင်သလဲ၊ နှိမ်နင်းဖို့ တာဝန်ရှိတဲ့ ရဲတွေကရော ဘာလုပ်နေကြသလဲဆိုတဲ့ မေးခွန်းတွေကိုလည်း ဇာတ်လမ်းထဲမှာ ထည့်ထားပါတယ်။

old but gold ကာတွန်းကားလေးတွေထဲမှာ အတော်နှစ်သက်မိတဲ့ movie တစ်ခုပြောပြမယ် ဒီထဲမှာ voice actor တွေအနေနဲ့ Antonio Banderas က Puss အဖစ် Salma Hayek က Kitty Softpaws အဖစ် Zach Galifianakis က Humpty Alexander Dumpty အဖစ် Billy Bob Thornton က Jack အဖစ် Amy Sedaris က Jill အဖစ်နဲ့ Sanricardo ဆိုတဲ့ မြို့တစ်ခုပေါ်မှာ ပုံဖော်ထားတာပါ type ကတော့ Action, Adventure ပေါ့ ဘွတ်ဖိနပ်နဲ့ကြောင်တစ်ကောင်ဆို လူတိုင်းသိကြမယ်ထင်တယ် Sherk ကားထဲမှာလဲပါတယ်လေ Sherk 4 မှာလားမသိဘူး ကာတွန်းကားဆိုပင်မဲ့ ဇာတ်အိမ်ခိုင်တယ် ဒိုင်ယာလော့တွေမိုက်တယ် ပီးတော့ mature ဖစ်တယ်လို့ဆိုရမယ် 2011 ထွက်ဆိုပင်မဲ့ animation ပိုင်းကိုသိပ်စိတ်မပူပါနဲ့ လန်းတယ် ဂျွတ်နေတုန်းပဲ အညွှန်း ပြောရမယ်ဆို Puss ကဝရမ်းပြေး အတိတ်ရဲ့အရိပ်မဲတစ်ခုကြောင့် လက်ရှိအနေအထားမှာ နာမည်မျိုးစုံနဲ့ wanted ထုတ်ခံထားရတဲ့ ဝရမ်းပြေးတစ်ယောက်ပေါ့ အတိတ်မှာ စွန်းထေးနေတဲ့ သူ့နာမည်ကို ပြန်လည်သန့်စင်အောင် မွန်းမံချင်နေတဲ့ လည်သာဘွတ်ဖိနပ်နဲ့ကြောင်တစ်ကောင်ဆိုလဲ မမှားပါဘူး အဲ့ဒိခေတ်ကာလမှာ ဒဏ္ဍာရီလိုလို ပုံပြင်လိုလိုနဲ့ လူပြောများနေတဲ့ rumor တစ်ခုက ​မှော်ပဲစေ့ပဲ (ခင်များတို့လဲကြားဖူးကြမယ်ထင်တယ် ​မှော်ပဲစေ့လေးတွေကနေ မြင့်မားတဲ့အပင်အကြီးတွေပေါက်လာပီး အဲ့အပေါ်မှာ ရဲတိုက်ကြီးတွေ ဘီလူးကြီးတွေ ရွှေငွေဘာညာ ရှိတဲ့အကြောင်းပေါ့ ရုပ်ရှင်လဲတော်တော်များများပြန်ရိုက်ထားကြတယ်) Puss ရဲ့နာကျင်စရာ အတိတ်ဆိုးဟာလည်း အဲ့ပဲစေ့လေးတွေနဲ့သက်ဆိုင်နေပြန်ရော သူ့ဘဝတစ်လျှောက်လုံးရှာဖွေခဲ့တဲ့ ပဲစေ့တွေက ဒဏ္ဍာရီတစ်ခုသာသာလို့ ထင်ခဲ့တာ တကယ်တမ်းကျ Jack နဲ့ Jill ဆိုတဲ့ လင်မယားနှစ်ယောက်မှာ သွားရှိနေတယ် Puss ကအဲ့ rumor ကို Bar တစ်ခုမှာရရှိခဲ့ပီး Jack နဲ့ Jill ဆီကခိုးဖို့ကြံရွယ်တယ်ပေါ့ သွားခိုးရာကနေသူ့လိုပဲ ကြောင်နက်လေးတစ်ကောင်ကလည်း ပဲစေ့တွေကိုလာခိုးတယ် အဲ့ကြောင်နက်လေးက Kitty Softpaws ပေါ့ အဲ့မှာ နှစ်ကောင်သားစုံမိပီး အချင်းချင်းရန်ဖစ်နေရင်းနဲ့ Jack နဲ့ Jill ကသိသွားတော့လိုက်ဆော်ပါလေရော လင်မယားနှစ်ယောက်ရဲ့လက်က ပြေးရာကနေ Puss က Kitty ကို သူ့အကြံဖျက်ဆီးတယ် ဘာညာဆိုပီး Kitty နောက်လိုက်တယ် (အဲ့မှာ Puss နဲ့ Kitty ရဲ့ Tuesday dance fight ကလည်း ကျနော့်တွက် နှစ်လိုဖွယ် sence တစ်ခု) တိုက်ကြခိုက်ကြအပီး Puss ရဲ့ အတိတ်ဆိုးအရိပ်မဲထဲက လူတစ်ယောက်ပြန်ပေါ်လာခဲ့တယ် လူလို့တော့ပြောမရဘူး ဘယ်လိုခေါ်မလဲ breakfast ပေါ့ နာမည်က Humpty Alexander Dumpty သူကရော Puss နဲ့ဘယ်လိုပတ်သတ်နေမလဲ အတိတ်ကအရိပ်မဲဟာ ဘယ်လိုတွေလာပြန်လည်ချည်နှောင်လာအုံးမလဲ အညစ်အကြေးတွေပေစွန်းနေတဲ့ သူ့နာမည်ကိုရော ပြန်သန့်စင်နိုင်သွားမလား မှော်ပဲစေ့တွေကရော တကယ်လား ပုံပြင်သက်သက်ပဲလားဆိုတာ ကို့လူတို့ကိုယ်တိုင်ပဲခံစားကြည့်လိုက်ပါ '' what can i say, i was a bad kitty '' (ရုပ်ရှင်အညွှန်းကို Setmin Khant Fb မှ ကူးယူဖော်ပြပါသည်။) File size…(3.5 GB)/(1.2 GB) Quality…BluRay 4K HEVC/1080p HEVC / 720p Format…mkv/mp4 Duration….01:30:35 Subtitle….Myanmar Subtitle (Hardsub) Encoder….Nyeinsaeya Aung

Grown Ups ဆိုတဲ့ကား​လေးက ၂၀၁၀ ခုနှစ်​က ထွက်​ခဲ့တဲ့ အ​မေရိကန်​ comedy ရုပ်​ရှင်​ကား​လေးတစ်​ကားဖြစ်​ပါတယ်​။ ဇာတ်​လမ်​းအညွှန်​းအ​နေနဲ့က​တော့ အလယ်​တန်​းတုန်​းက အတူ​ဘတ်​စကတ်​​ဘောကစားခဲ့ကြတဲ့ သူငယ်​ချင်​း ၅ ​ယောက်​ သူတို့ရဲ့ နည်​းပြဖြစ်​သူ ဆုံးသွား​ကြောင်​းကို ကြားသိပြီး​နောက်​ ပြန်​လည်​ဆုံစည်​းဖြစ်​ခဲ့ကြပုံ​လေးပါ။ သူငယ်​ချင်​း ၅ ​ယောက်​ဆို​ပေမယ်​့ မတူကွဲပြားတဲ့ စရိုက်​ကိုယ်​စီ ရှိကြသူ​တွေဖြစ်​ပြီး လက်​ရှိမှာလည်​း ကိုယ်​ပိုင်​ မတူညီတဲ့ ဘဝအသီးသီးကို ပိုင်​ဆိုင်​ထားကြပါတယ်​။ ဒါ​ပေမယ်​့ဒီလိုစရိုက်​မတူသူ ၅ ဦးကပဲ ​ငယ်​စဉ်​က ကျောင်​းဘတ်​စကတ်​​ဘော ပြိုင်​ပွဲမှာ ချန်​ပီယံဆုကို ရရှိိခဲ့ကြသူ​တွေ ဖြစ်​ကြပါတယ်​။ ဘတ်​စကတ်​​ဘောလို အားကစားတစ်​ခုကစားရာမှာ တစ်​ဦးတစ်​​ယောက်​တည်​း ​ကောင်​း​နေရုံနဲ့ နိုင်​ဖို့ဆိုတာ မဖြစ်​နိုင်​ပါဘူး။ တစ်​သင်​းလုံး တက်​ညီလက်​ညီ စိတ်​တူကိုယ်​တူနဲ့ အ​ပေးအယူမျှမျှှ ကစားရတာမျိုး ဖြစ်​ပါတယ်​။ ဒါ​ပေမယ်​့ဒီလို စရိုက်​ချင်​းမတူညီကြတဲ့ သူငယ်​ချင်​း ၅ ​ယောက်​က​ရော ဘယ်​လို​ကြောင်​့ ပြိုင်​ပွဲမှာအနိုင်​ရရှိခဲ့ကြတာလဲ? သူတို့ ၅ ​ယောက်​ရဲ့ တူညီတဲ့ အချက်​က​ရော ဘာဖြစ်​နိုင်​မလဲ? နှစ်​​​တွေအကြာကြီး ​ကွဲကွာ​နေတဲ့ ငယ်​သူငယ်​ချင်​း​တွေ ပြန်​​တွေ့တဲ့အခါမှာ​ရော သူငယ်​ချင်​းသံ​ယောဇဉ်​က အရင်​အတိုင်​းပဲလား ​ပြောင်​းလဲသွားမှာလား ဆိုတာက​တော့ ဇာတ်​လမ်​း​လေးကိုပဲ ဆက်​လက်​ ကြည်​့ရှုလိုက်​ကြပါ​နော်​ ရုပ်ရှင်အညွှန်းကို Megumi မှ ရေးပေးထားပါတယ် (ဘာသာပြန်သူကတော့ May Myat Thu ပါ) File Size : (800 MB) Quality : Blu-Ray 720p Running Time : 1hr 42min Format : Mp4 Genre : Comedy Subtitle : Myanmar Subtitle (Hard Sub) Source : 1080p.BluRay.x264-REFiNED Translated by May Myat Thu Encoded by Thanhtike Zaw

ဒယ်ရန်နဲ့ စတိဗ်က ငယ်သူငယ်ချင်းတွေဖြစ်ပေမယ့် နေထိုင်ပုံရော ဝါသနာပါရာပါ မတူကြပါဘူး။ ဒယ်ရန်က မိဘစကားနားထောင်ပြီး ကျောင်းစာမှာလည်း ထူးချွန်တဲ့ ကောင်လေးပါ။ စတိဗ်ကတော့ မိဘမေတ္တာငတ်နေပြီး ခပ်ဆိုးဆိုးနေတတ်သူတစ်ယောက် ဖြစ်ပါတယ်။ ဒယ်ရန်က ပင့်ကူတွေကို စွဲလမ်းသလောက် စတိဗ်က ဗန်ပိုင်းယားတွေအကြောင်း အလွန်စိတ်ဝင်စားပါတယ်။ တစ်နေ့ သူတို့မြို့ကို နှစ်ငါးရာသက်တမ်းရှိတဲ့ လူထူးဆန်းတွေရဲ့ ဆပ်ကပ်အဖွဲ့ ရောက်လာတော့ နှစ်ယောက်သား စိတ်ဝင်တစား သွားကြည့်ကြတယ်။ အဲဒီဆပ်ကပ်အဖွဲ့ထဲမှာ ဗန်ပိုင်းယားတစ်ယောက်လည်း ပါနေပါတယ်။ ပင့်ကူတွေကို သဘောကျတဲ့ ဒယ်ရန်က အဲဒီဗန်ပိုင်းယားရဲ့ ပင့်ကူလေးကို မျက်စိကျသွားတဲ့အခါ သူတို့ရဲ့ ဆပ်ကပ်ကြည့်ခရီးကနေ ဘာတွေ ဆက်ဖြစ်လာမလဲ။

ဒီတခေါက်တင်ဆက်ပေးမှာကတော့ The Beatles အဖွဲ့ရဲ့ သီချင်းတွေကို အခြေပြုပြီးရိုက်ကူးထားတဲ့ Across the Universe ဆိုတဲ့ Musical/Romance အမျိုးအစား ကားလေးပါ ဇာတ်ကားနာမည်ကိုကပဲ The Beatles အဖွဲ့ရဲ့သီချင်း John Lennon နဲ့ Paul McCartney တို့ ရေးထားတာကို ယူထားတာပါ တကားလုံးရဲ့ ဇာတ်လမ်းအပြ ဇာတ်ကောင်တွေရဲ့ ခံစားချက်ကို The Beatles သီချင်းတွေနဲ့ ဖော်ကြူးသွားမဲ့ Musical film ငြိမ့်ငြိမ့်လေးပါ The Beatles အဖွဲ့ကျော်ကြားခဲ့စဉ်အခါက ခေတ်ကာလ ၁၉၆၀ ကျော် ခုနှစ်တွေကို တည်ထားပါတယ် ၁၉၆၀ ကျော်ဝန်းကျင်ဆိုတော့ အမေရိကန်က ဗီယက်နမ်စစ်ပွဲတိုက်နေတဲ့အချိန်ကာလ၊ အဲ့ကာလရဲ့ ပြည်သူလူထုတွေရဲ့ သဘောထား အခြေအနေကိုလည်း ထင်ဟပ်ထားပါတယ် The Beatles ရဲ့ဖန်တွေဆိုရင် ဇာတ်ကားနဲ့ relate နိုင်ပြီး သီချင်းတွေကို ခံစားစီးမျောနိုင်မှာပါ IMDB rating ကလည်း 7.3 တောင် ရထားတာမို့ ကြည့်ရှုကြည့်စေချင်ပါတယ် ဇာတ်လမ်းအကျဉ်းလေးကတော့ ... လီဗာပူးမြို့က ဆင်းရဲသားကောင်လေးတယောက်ဟာ သူ့နေ့စဉ်လုပ်နေကျ သင်္ဘောဝင်းထဲ ကျောက်မီးသွေးကော်ရတဲ့အလုပ်ကို စိတ်ကုန်လာပြီး စိတ်အနားပေးချင်တဲ့အတွက် သူ့အဖေကို ရှာဖို့ဆိုပြီး အမေရိကန်ကို သင်္ဘောနဲ့ တရားမဝင်ခိုးလိုက်လာခဲ့ပါတယ် ဟိုရောက်တော့ သူ့အဖေကိုရှာရင်း တက္ကသိုလ်ကျောင်းသားတယောက်နဲ့ သိရာကနေ ဘော်ဒါတွေဖြစ်သွားကြပြီး သူ့ညီမဖြစ်သူ Lucy နဲ့တွေ့ပါတယ် ဒီကောင်မလေးကို သူသဘောကျမိသွားပြီး အမေရိကန်မှာပဲ ဆက်နေဖြစ်ရင်း သူတို့တတွေ ဘယ်လိုကျော်ဖြတ်ကြသလဲ ဆိုတာကို The Beatles ရဲ့ တေးသီချင်းတွေနဲ့အတူ ခံစားကြည့်ရှုလိုက်ကြပါဦးခင်ဗျ File size…    6.4 GB / 2.9 GB / 1.5 GB Quality… BluRay  4K / 1080p / 720p Format… mp4 Duration…. 2h 13m Genre ..... Music/Drama Subtitle…. Myanmar Subtitle (Hard Sub) Encoder…. Thit San Khant Translated by Fio

စပိန်လို 'အမျိုးသမီးရာဇဝတ်ကောင်များ' လို့အဓိပ္ပါယ်ရပါတယ်။ မက္ကဆီကိုမှာ ဇာတ်အိမ်တည်ထားတဲ့ ဇာတ်ကားလေးပါ။ မင်းသမီးတွေကတော့ စပိန်မင်းသမီးချော Penélope Cruz နဲ့ မက္ကဆီကိုမင်းသမီး Salma Hayek တို့ပါ။ မင်းသမီးတွေရဲ့ဇာတ်လမ်းဆို ပိုမှန်ပါမယ်။ ချမ်းသာပြီး လိုတရဘဝနဲ့ ဥရောပမှာ ကျောင်းတတ်လာခဲ့တဲ့ မက္ကဆီကိုဘဏ်သူဌေးသမီး ဆယ်လ်ဗာဒို အဖြစ် Salma Hayek ဆင်းရဲတဲ့လယ်သမားသမီးဖြစ်ပေမယ့် ပွင့်လင်းရဲရင့်တဲ့ တောသူမလေး မာရီယာအဖြစ် Penélope Cruz တို့က ပိုင်နိုင်စွာသရုပ်ဆောင်ထားပါတယ် ဆယ်လ်ဗာဒိုရဲ့အဖေနဲ့လာပြီးအလုပ်လုပ်တဲ့ အမေရိကန်ဘဏ်ကကိုယ်စားလှယ် တေလာဂျက်ဆင် (Dwight Yoakam) ဟာ ရထားလမ်းဖောက်ဖို့ အတွက် ဆင်းရဲတဲ့မက္ကဆီကိုလယ်သမားတွေကို သတ်ပြီး သူတို့မြေတွေကို တစ်ပီဆိုတည်းနဲ့ရောင်းခဲ့ပါတယ်လို့ စာချုပ်အတုတွေလုပ်ပါတယ်။ နောက်ဆုံး ဆယ်လ်ဗာဒိုရဲ့အဖေကိုပါ သတ်ပြီး သူ့အဖေပိုင်ဆိုင်တဲ့ဘဏ်တွေကိုပါ သိမ်းယူခဲ့ပါတယ်။ ဂျက်ဆင်သတ်တဲ့လယ်သမားတွေထဲမှာ မာရီယာရဲ့အဖေလည်းပါဝင်ခဲ့ပါတယ်။ ဒါကြောင့် ဆယ်လ်ဗာဒိုနဲ့မာရီယာတို့ပေါင်းပြီး မစ္စတာဂျက်ဆင်ကို လက်စားချေတဲ့အနေနဲ့ ဘဏ်တွေကို ဓါးမြတိုက်ပါတော့တယ်။ သူတို့ကို ဖမ်းဖို့ သိပ္ပံနည်းကျမှုခင်းဖော်ထုတ်တဲ့စုံထောက် ကွမ်တင်ကွက်ခ် (Steve Zahn) ကို နယူယော့ခ်က စေလွှတ်ခဲ့ပါတယ်။ ဒါပေမယ့် ကွမ်တင်က ဂျက်ဆင်ရဲ့ယုတ် မာမှုကို သိသွားပြီး မာရီယာတို့နဲ့ပူးပေါင်းကာ ဂျက်ဆင်ကို နှိမ်နင်းတဲ့ဇာတ်ကားလေးဖြစ်ပါတယ်။ ( ဒီဇာတ်ကားအတွက် အညွန်းနဲ့ ဘာသာပြန်သူကတော့ Channel Myanmarပရိသတ်ဖြစ်တဲ့ ကို Nyi Nyi Kyaw Myintပဲဖြစ်ပါတယ်) @joker

ဒီဇာတ်လမ်းကတော့ သူကြိုက်နေတဲ့ ကောင်မလေးကိုမှ စတွေ့ကတည်းက မချေမငံပြောပြီး စော်ကားတတ်တဲ့ မိန်းမတွေအကြောင်းနားမလည်တဲ့ စာရေးဆရာ Arturo Bandini နဲ့ သတ္တိရှိတဲ့ ခပ်စွာစွာ စားပွဲထိုးမလေး Camilla ရဲ့ အချစ်ဇာတ်လမ်းလေးပါ ။ Arturo က Colorado ကနေ LA ကို ဝတ္ထုရေးဖို့ပြောင်းလာတဲ့ အီတလီလူမျိုးစာရေးဆရာဖြစ်ပြီး ဘားတစ်ခုက စားပွဲထိုး မက္ကဆီကန်မလေး Camilla ကို မြင်မြင်ချင်းချစ်မိသွားပါတယ်။ ဒါပေမဲ့ သူချစ်တာက အဆန်းသား။ Camilla ကို ကော်ဖီသောက်မကောင်းလို့ ရန်တွေ့ပြီး ကော်ဖီကိုသွန်ပစ်ပြီး ထွက်သွားခဲ့တယ်။ ဆင်းရဲတဲ့စာရေးဆရာဖြစ်တဲ့ Arturo နဲ့ ချမ်းသာတဲ့သူကိုမှလက်ထပ်ချင်နေတဲ့ Camilla တို့ နှစ်ယောက် တွေ့တိုင်းရန်ဖြစ်နေရာက တဖြည်းဖြည်း ခံစားချက်တွေပေါက်ဖွားလာရာမှာတော့ နဂိုရှုပ်ပြီးသား သူတို့အချစ်ရေးက လူမျိုးရေးခွဲခြားတတ်တဲ့ခေတ်ရဲ့ ပြဿနာတွေကြောင့် ဘယ်လိုအခက်အခဲတွေ ဆက်ပြီးရင်ဆိုင်ရမလဲဆိုတာကို စိတ်ဝင်စားစွာကြည့်ရှုရမဲ့ Romance ကားကောင်းတစ်ပုဒ်ပဲ ဖြစ်ပါတယ်။ ( ဘာသာပြန်ပြီး အညွှန်းရေးသားထားသူကတော Thwal Htoo Zin ပါ ) File size_(2.7GB)/(1.3GB) Quality_Blu-Ray 1080p / 720p Format_mp4 Duration_01:50:00 Genre_Drama, Romance Subtitle_Myanmar Subtitle (Hardsub) Encoder_a hao Translated by Thwal Htoo Zin

After the Sunset (2004) အလစ်သုတ်ရာမှာ ကျွမ်းကျင်လှပါတယ်ဆိုတဲ့ မက်စ် နဲ့ လိုလာတို့ဟာ တစ်​နေ့မှာ​တော့ FBI ​အေးဂျင့် စတန်လေ ကိုယ်တိုင် ​စောင့်​ရှောက်​နေတဲ့ ကြားက​နေ စိန်တုံးတစ်တုံးကို ခိုးယူသွားခဲ့ပါတယ်။ အဲဒီစိန်တုံးက နပိုလီယံ ပိုင်ဆိုင်ခဲ့တဲ့ စိန်တုံး သုံးတုံး ထဲက ဒုတိယ​မြောက် အတုံးဖြစ်ပါတယ်။ ဒီကိစ္စ ပြီးတဲ့​နောက်မှာ​တော့ မက်စ်နဲ့ လိုလာတို့ဟာ သူခိုး​လောကက​နေ အနားယူခဲ့ပြီး Bahamas နိုင်ငံက Paradiseကျွန်း​ပေါ်မှာ အပန်း​​ဖြေ​နေခဲ့ကြပါတယ်။ ဖြစ်ချင်​တော့ နပိုလီယံရဲ့ တတိယ​​မြောက် စိန်တုံးဟာ တ​နေ့မှာ Paradiseကျွန်း​ပေါ်ကို ဆိုက်ဆိုက်​​မြောက်​မြောက် ​ရောက်လာပါ​တော့တယ်။ ဒီ​နောက်မှာ​တော့ ဘာ​တွေဆက်ဖြစ်ကြမလဲ။ မက်စ်နဲ့ လိုလာတို့ဟာ တကယ်ပဲအနားယူသွားတာလား။ တတိယ​မြောက် စိန်တုံးကို ထပ်အလစ်သုတ်ဦးမလား။ FBI​အေးဂျင့် စတန်​လေ က​ရော ဒီတ​ခေါက် ဘာအကြံအစည်​တွေများ ရှိ​နေဦးမလဲ။ သူတို့​တွေရဲ့ အားပြိုင်မှု ကြားထဲ Paradise ကျွန်း​ပေါ်က ​ဒေသခံ ဂိုဏ်း​တစ်ခုကပါ ပါ၀င်လာတဲ့ အချိန်မှာ​တော့...... IMDb rating 6.2 ရရှိထားပြီး ကြာမြင့်ချိန် ၁နာရီ ၄၀မိနစ် ရှိတဲ့ ဒီကားဟာ Comedy, Actionနဲ့ Crime တို့ ​ပေါင်းစပ်ထားတဲ့ ဇာတ်ကား​ကောင်း​လေးဖြစ်ပါတယ်။ မင်းသားကြီး Pierce Brosnan၊ Woody Harrelsonနဲ့ မင်းသမီး Salma Hayekတို့က အဓိက သရုပ်​ဆောင်ထားကြပြီး မလွတ်တမ်း ကြည့်ရှုသင့်တဲ့ ဇာတ်ကား​ကောင်း တစ်ကား ဖြစ်ပါတယ်။ File Size : (1.92GB) and (884 MB) Quality : Blu-Ray 1080p 5.1 CH, Blu-Ray 720p Format…mp4 Duration…01:37:00 Genre : Action , Comedy , Crime Subtitle : Myanmar Subtitle (Hard Sub) Translated by K Encoded by AHtet

ဘယ်လူမိုက်ကိုမှ အထာမထားဘဲ သမတတ်တဲ့ ဂီတာအိတ်ကြီးလွယ်ထားတဲ့သားသတ်သမား လူထွားကောင်ကြီး ဇာတ်လမ်းတွေကို ကြည့်ဖူးကြမှာပါ။ ဟုတ်ပါတယ်....အဲ့ဒီရုပ်ရှင်တွေကတော့... Mexico Trilogy ဆိုပြီး နာမည်ကျော်ကြားတဲ့ ဒါရိုက်တာ Robert Rodriguez ရဲ့ El Mariachi (1992), Desperado (1995), Once Upon a Time in Mexico (2003) ရုပ်ရှင် ၃ ကားပဲဖြစ်ပါတယ်။ ပထမဆုံးရုပ်ရှင် El Mariachi (1992)ဇာတ်ကားဆိုရင် ဘတ်ဂျတ် ဒေါ်လာ ၇၀၀၀ လောက်သာစရင်းပြီး ဒေါ်လာ ၂သန်းလောက်ထိပြန်လည်ရရှိခဲ့တာကြောင့် အားလုံးရဲ့ချီးကျူးမှုကိုရရှိခဲ့ပါတယ်။ ဒါရိုက်တာကြီး Quentin Tarantino က ဒီရုပ်ရှင်ကို ကြွေလွန်းလို့ ဒုတိယရုပ်ရှင် Desperado (1995) မှာ ကိုယ်တိုင်ပါဝင်သရုပ်ဆောင်ခဲ့ပြီး Trilogy ဖြစ်အောင် Once Upon a Time in Mexico (2003) ကိုပါဆက်ရိုက်ဖို့ မြှောက်ပေးခဲ့ပါတယ်။ ၃ ကားလုံးကို CM App နဲ့ Website  https://www.channelmyanmar.to/?s=Mexico+Trilogy  မှာ ကြည့်လို့ရပါတယ်။ ++++++++++++++++ Once Upon a Time in Mexico (2003) IMDb Rating (6.6) / Rotten Tomatoes (63%) ဒီဇာတ်ကားကတော့ Mexico Trilogy ရဲ့ နောက်ဆုံးဇာတ်ကားပါ။ မင်းသားကြီး Johnny Depp , Antonio Banderas တို့အပြင် မင်းသမီးတွေဖြစ်တဲ့ Salma Hayek နဲ့ Eva Mendes တို့လို နာမည်ကျော်တွေနဲ့အပြင်းစားရိုက်ကူးထားတာပါ။ ဒီခါတော့ CIA တွေရော မက္ကဆီကိုရဲ့နိုင်ငံရေးတွေရောစတဲ့ ကိစ္စအကြီးကြီးတွေကိုပါ ပေါ်တင်ဒဲ့ရှင်းကြမှာမလို့ Cast အမိုက်စားတွေနဲ့ အက်ရှင်အလန်းတွေကြည့်ရမှာပါ။ File size…(3.8 GB )/(1.3 GB) Quality….BluRay 1080p HEVC / 720p Format…mkv/mp4 Duration….01:41:42 Subtitle….Myanmar Subtitle (Hardsub) Encoder….Ka Naung Translated by May Thu

Chain of Fools (2000) IMDB: 6 Rotten Tomatoes: 40% Genre: Comedy/Crime Chain of Fools (2000) ကတော့ ဘယ်လိုပြောရမလဲ အတော်လေးသဘောကျဖို့ကောင်းတဲ့ ဟာသကားတစ်ကားလို့ပဲပြောချင်ပါတယ်။ မင်းသား၊ မင်းသမီးတွေကလည်းပရိသတ်နဲ့မစိမ်းတဲ့လူတွေဖြစ်တာကြောင့် ကြည့်ရတာ တန်တဲ့ ရုပ်ရှင်ကားကောင်းတစ်ကားလည်းဖြစ်ပါတယ်။ ဇာတ်ညွှန်း၊ Kresk ဆိုတာကတော့ ဘဝကို အောင်မြင်မှုဆိုတာဘာမှန်းမသိပဲ ဖြတ်သန်းနေတဲ့လူတစ်ယောက်ဖြစ်ပါတယ်။ ဆံသဆရာဆိုပေမယ့် မိန်းမကလည်းကွာရှင်းတော့မယ် ဝင်ငွေကလည်းမကောင်း ဘဝကြီးကို ယက်ကန်၊ ယက်ကန် ပတ်လက်လေး ဖြတ်သန်းနေတဲ့ လူတစ်ယောက်ဖြစ်ပါတယ်။ တစ်ရက်မှာတော့ Avnet ဆိုတဲ့လူတစ်ယောက် Kresk ရဲ့ ဆိုင်ထဲကိုတည့်တည့်မတ်မတ်ဝင်လာပြီး ဆံပင်ညှပ်ခဲ့ပါတယ်။ Kresk မသိခဲ့တာက Avnetဟာ လက်ရှိနာမည်ကြီးနေတဲ့ တန်ကြေးမြင့် တရုတ်ဒင်္ဂါးပြားတွေကို ဓားပြတိုက်သွားတဲ့ လူတစ်ယောက်ဖြစ်လာပါတော့တယ်။ ဖြစ်ချင်တော့ ကတ်ကြေးနဲ့ Avent ရဲ့လည်မြိုကိုစိုက်မိပြီး Avent တစ်ယောက် ခန့်ခန့်ကြီးနဲ့ ဆန့်ဆန့်ကြီးလျှောသွားပါတော့တယ်။ ဒင်္ဂါးတွေဟာလည်း Kresk ရဲ့လက်ထဲကိုရောက်လာခဲ့ပါတယ်။ ဒါပေမယ့် ထင်သလောက်မရိုးရှင်းပဲ လုပ်ကြံရေးသမား Mikey နဲ့ ရဲတပ်ကြပ်ကြီး Kolko တို့ပါပါလာခဲ့ပါတယ်။ ကဲဘယ်လိုများ အရှုပ်ထုပ်တွေဖြစ်လာမှာလဲ ဆိုတာကိုတော့ကြည့်လိုက်ကြပါ။ Kolko အဖြစ်မင်းသမီး Salma Hayek Avnet အဖြစ်မင်းသား Jeff Goldblum Mikey အဖြစ်မင်းသား Elijah Wood Kresk အဖြစ်မင်းသား Steve Zahn တို့က ပါဝင်သရုပ်ဆောင်ထားပါတယ်။ File size…    1.3 GB /  600 MB Quality… Web-DL 1080p / 720p Format… mp4 Duration…. 1h 38m Genre ..... Comedy/Crime Subtitle…. Myanmar Subtitle (Hard Sub) Encoder…. Thit San Khant Translated by Lucifer Maximoff

Traffic (2000) IMDb Rating (7.6) / Rotten Tomatoes (93%) ဒီတစ်ခေါက်တင်ဆက်ပေးမယ့်ဇာတ်လမ်းလေးကတော့ အော်စကာဆု ၄ခုရရှိထားတဲ့ Traffic ဆိုတဲ့ မှုခင်းဇာတ်လမ်းလေးပဲဖြစ်ပါတယ်။ ဒီဇာတ်ကားလေးမှာတော့ မူးယစ်ဆေးဝါးကို မှောင်ခိုရောင်းဝယ်နေကြတဲ့ ကုန်အဖွဲ့ကြီးတွေ မူးယစ်ဆေးဝါးဖြန့်ဖြူးရောင်းချသူတွေနဲ့ မူးယစ်ဆေးဝါး ကူးသန်းရောင်းဝယ်မှုကို တိုက်ဖျက်ဖို့ကြိုးစားနေသူတွေကြားက မူးယစ်ဆေးဝါးတိုက်ပွဲကို စိတ်ဝင်စားဖွယ်တွေ့မြင်ရမှာပါ။ ဒီဇာတ်ကားလေးထဲမှာတော့ မူးယစ်ဆေးဝါးဂိုဏ်းတွေကို ဖမ်းဆီးဖို့ကြိုးစားရင်း အထက်လူကြီးတစ်ဦးရဲ့ တားဆီးမှုကိုခံရပြီးနောက် နောက်ကွယ်ကဖြစ်ရပ်တွေကိုသိ ရှိသွားတဲ့ မက်ဆီကိုနိုင်ငံမှ ရဲအရာရှိ Javier အမျိုးသားမူးယစ်ဆေးထိန်းချုပ်ရေးအဖွဲ့မှာ ခန့်ထားခံရပြီး မူးယစ်ဆေးဝါးကုန်သွယ်နေတဲ့ ဂိုဏ်းကြီးတွေကို နှိမ်နင်းဖို့ ကြိုးစားနေတဲ့ တရားသူကြီး Robert Wakefield ကျောင်းမှာ စာသာမက ဘက်စုံတော်တဲ့ ကျောင်းသူတစ်ဦးဖြစ်ပေမယ့် မူးယစ်သားကောင်ဖြစ်နေတဲ့ Caroline မူးယစ် ဆေးဝါးဖြန့်ဖြူးသူအဖြစ် တရားစွဲခံထားရသူ ခင်ပွန်းသည်ကို အမှုမှလွတ်ဖို့ နည်းမျိုးစုံနဲ့ ကြိုးစားနေတဲ့ Helena မူးယစ်ဂိုဏ်းကိုတရားဥပဒေအရ အပြစ်ပေးခံရဖို့ ကြိုးစားနေရင်း မိတ်ဆွေရဲဘော်ကိုဆုံးရှုံးလိုက်ရတဲ့ အမေရိကန်ရဲအရာရှိ Moty စတဲ့ဇာတ်ကောင်တွေရဲ့ မတူညီတဲ့ရုန်းကန်မှုတွေကို တွေ့ရမှာပဲဖြစ်ပါတယ်။ မူးယစ်ကုန်သည်ဂိုဏ်းကြီးတွေနဲ့ မူးယစ်ဆေးဝါးကိုတိုက်ထုတ်ဖို့ကြိုးစားနေတဲ့ သူတို့အကြား အစိုးရဘက်ကပဲ မူးယစ်ဂိုဏ်းတွေကိုအနိုင်ရသွားမလား မူးယစ်ဆေးဝါး ကုန်သည်တွေကို တရားဥပဒေအတိုင်းအပြစ်ပေးသွားနိုင်မလား တိုင်းပြည်အတွင်း မူးယစ်ဆေးဝါးသုံးစွဲမှုလျော့ကျအောင် တိုက်ပွဲဝင်နေတဲ့ Wakefield တစ်ယောက် သမီးဖြစ်သူရဲ့ဘဝကိုရော ကယ်တင်ပေးနိုင်ပါ့မလား ဆိုတာကို စိတ်ဝင်စားဖွယ်မြင်တွေ့ရမယ့် ဇာတ်ကားလေးမို့ ကြည့်ရှုကြဖို့ ညွှန်းဆိုလိုက်ပါတယ်။ (အညွှန်းနဲ့ဘာသာပြန်ကတော့ Lwin Lwin Aung ဖြစ်ပါတယ်။) File size…(6.1GB) / (3 GB) Quality….Blu-Ray 1080p HEVC /720p Format…. mkv/mp4 Genre….Crime,Drama,Thriller Duration….02:28:18 Subtitle….Myanmar Subtitle (Hardsub) Encoder….Double K Translated by Lwin Lwin Aung

IMDB Rating - 7.3/10 ၁၉၉၉ ခုနှစ်​က ထွက်ရှိ​ခဲ့တဲ့​ ဒီရုပ်ရှင်ဟာ ခရစ်ယာန်​သာသနာ အထူးသဖြင့်​ ကတ်​သလစ်ကျောင်းတော်ရဲ့ တရားသေ အယူအဆ​တွေ​ သမ္မာကျမ်းစာလာ ဒေသနာ​တွေနဲ့ ဘာသာရေး​အင်​စတီကျူးရှင်းတွေရဲ့ အကျင့်​ပျက်​မှုတွေကို​ ပြောင်​ပြောင်​တင်းသရော်​ထား​တဲ့အတွက်​ အနောက်​နိုင်ငံတွေ​က ကတ်​သလစ်အသိုင်းအဝိုင်းတွေကို ပွက်​လော​ရိုက်​သွား​စေခဲ့ပါတယ်။ ဒါရိုက်တာ​ဖြစ်သူ​လည်း အီးမေးလ်ကနေ ဆဲဆိုစာတွေ၊ ခြိမ်း​ခြောက်​စာတွေ ထောင်​နဲ့ချီ ရရှိ​ခဲ့တယ်လို့ ဆိုပါတယ်။ ဥပမာ​ပြောရရင်​ ဒီရုပ်ရှင်​ထဲမှာ​ ဘုရား​သခင်​ကို အမျိုး​သမီး​အဖြစ်​ ပုံ​ဖော်​ထားတာတွေ၊ ခရစ်တော်​ရဲ့ Apostle ဆယ့်နှစ်ပါးအပြင် ၁၃ ပါးမြောက် Apostle လည်း​ရှိခဲ့ပြီး အဲဒီ​ နောက်​ဆုံး Apostle က လူမည်း​ဖြစ်နေ​လို့ သမ္မာကျမ်းထဲမှာ ချန်​လှပ်​ခဲ့တယ်​ဆိုတာ​တွေ၊ လူလူချင်း ကျွန်​ပြုရောင်းဝယ်တဲ့ခေတ်နဲ့ ဂျူး​တွေရဲ့ ဟိုလိုကော့စ်ဖြစ်ရပ်တွေမှာ ကတ်သလစ်ကျောင်းတော်က လက်​ပိုက်​ကြည့်နေခဲ့တဲ့အကြောင်းတွေ စသဖြင့် ကျောင်း​တော်​ရဲ့ တရား​သေ အယူအဆ​တွေကို သရော်​လှောင်​ပြောင်​ထားတဲ့​ ဒိုင်​ယာ​လော့​တွေ အများကြီး​ပါဝင်​ပါတယ်​။ ရုပ်ရှင်​ထဲမှာ Ben​ Affleck, Matt Damon, Linda Florentino, Salma Hayek နဲ့ Chris Rock လို နာမည်ကြီး​သရုပ်ဆောင်​များ ပါဝင်​ထား​တဲ့အပြင်​ ၂၀၀၀ ဝန်းကျင်က နာမည်ကြီး​အဆိုတော်​ Alanis Morissette​ ကလည်း ဘုရား​သခင်​အဖြစ်​ ပါဝင်​ထားပါသေးတယ်။ ဒါရိုက်တာ​ကတော့ Kevin Smith ဖြစ်​ပြီး ဒီရုပ်ရှင်ထဲမှာပဲ Silent Bob ဆို​တဲ့ ဇာတ်​ကောင်​အဖြစ်​ ပါဝင်​အားဖြည့်​ထား​ပါသေးတယ်။ ဇာတ်လမ်း​အကျဥ်း​ကတော့​ Bartleby နဲ့ Loki တို့ဟာ တမန်​တော်​နှစ်​ပါးဖြစ်ပြီး ဘုရား​သခင်​က အပြစ်​ပေးထားတာကြောင့် လူ့ပြည်က ဝစ္စကွန်ဆင်ပြည်နယ်မှာ နေထိုင်​နေကြ​ပါတယ်​။ တစ်​နေ့မှာ​ သူတို့ရဲ့အပြစ်တွေကို ချေဖျက်​ပြီး ကောင်း​ကင်ဘုံ​ကို တစ်ဖန်ပြန်ဝင်နိုင်မဲ့ ယိုပေါက်​တစ်ခုကို တွေ့ရှိ​ခဲ့ပါတယ်။ ဒါကတော့​ ကတ်​သလစ်သာသနာရဲ့ တရား​သေ ယုံကြည်မှု​တစ်​ခုဖြစ်တဲ့ Planery Indulgence ဖြစ်​ပြီး​ နယူး​ဂျာစီက ဘုရား​ကျောင်း​တစ်ခု​ထဲက မုခ်​ဦး​တစ်ခုကို​ ဖြတ်​လျှောက်​လိုက်​ရုံနဲ့ ဘုရား​သခင်​က သူတို့​နှစ်ဦး​ကို ခွင့်​လွှတ်​ရမှာ ဖြစ်​တယ်​လို့ဆိုပါတယ်။ ဒါပေမဲ့​ ဒီကိစ္စ​က ​ထင်ထားတာထက် နက်​နဲပြီး သူတို့နှစ်ဦး​ မုခ်​ဦး​ကိုဖြတ်လိုက်တာနဲ့ တစ်လောကလုံးရဲ့ ဖြစ်​တည်​မှုကို ပြောင်းပြန်လှန်သလိုဖြစ်ပြီး အရာအားလုံး​ ပျက်​သုဉ်း​သွားမှာပါ။ ဒီတော့ ဘုရား​သခင်​ရဲ့ အသံတော်ဖြစ်တဲ့ Metatron ကနေ ဦး​ဆောင်​ပြီး အဖွဲ့တစ်ခု ဖွဲ့စည်း​ကာ တမန်​တော်​နှစ်​ပါး​ကို တားဆီး​ဖို့ ပြင်ဆင်​ရပါ​တော့တယ်။ အဖွဲ့​ထဲမှာ The Last Scion ဖြစ်​တဲ့ မိန်းကလေး​တစ်ဦး၊ ခရစ်​တော်​ရဲ့ ၁၃ ပါးမြောက်​ Apostle​ နဲ့ Muse နတ်သမီး​တစ်ပါး၊ ဆေးသမား ​ဂျလေဘီနှစ်ယောက်​ ပါဝင်​ကြပါ​တယ်။ ဇာတ်လမ်း​အမျိုး​အစား​က Satire/Comedy အမျိုး​အစား​ဖြစ်​ပြီး​ ဒီရုပ်ရှင်ကို မုန်း​တီး​ကြသူတွေရှိသလို ​ယုံကြည်​မှု​နဲ့ဆိုင်တဲ့ လေးနက်​တဲ့ အကြောင်း​အရာ​တွေ​ကို ဟာသဆန်​တဲ့ ဒိုင်​ယာ​လော့တွေနဲ့ အနား​သတ်​ထား​ပုံ​တွေ၊ ရဲဝံ့ပြောင်မြောက်တဲ့ မေး​ခွန်း​ထုတ်​သရော်​ထားမှုတွေကြောင့်လည်း လူကြိုက်များတဲ့ cult- classic ရုပ်​ရှင်​လို့လည်း သတ်မှတ်​နိုင်​ပါတယ်။ ရိုင်း​ပျပြင်းထန်တဲ့ စကားလုံး​တွေ၊ ပြကွက်တွေ ပါဝင်​တာကြောင့်​ R-rated သတ်မှတ်​ထား​ပြီး၊ ဘာသာ​ရေး​အရ ထိရှ​လွယ်​သူတွေ ကြည့်​ရှု​ဖို့​မသင့်ပါဘူး။ File size…(1.6 GB)/(897 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Fantasy, Comedy, Adventure  Subtitle….Myanmar Subtitle (Hardsub) Encoder….Swan Min Htet Translated by Wolfenheim

ဗိုလ်ကြီး Jim West(Will Smith)ဟာ အမေရိကန်ပြည်တွင်းစစ်ပွဲတစ်ခုက ဗိုလ်ကြီးဟောင်းတစ်ယောက်ပါ Artemus Gordon(Kevin Kline)ကတော့ ရုပ်ဖျက်တဲ့နေရာမှာကျွမ်းကျင်လွန်းပြီး ဆရာလုပ်လွန်းတဲ့ အမေရိကန်ထိပ်တန်းရဲအရာရှိတစ်ဦးဖြစ်ပါတယ် တစ်နေ့မှာ General MacGrath(Salma Hayek)ဆိုသူက အမေရိကန်နိုင်ငံနိုင်ငံရဲ့ ထိပ်တန်းသိပ္ပံပညာရှင်တွေကို ပြန်ပေးဆွဲခဲ့တယ် ဒီပြန်ပေးဆွဲတဲ့အမှုကိုလိုက်ဖို့ ဌာနအသီးသီးက ခေါင်းဆောင်တွေက Jim West နဲ့ Atemus Gordonကို တာဝန်ပေးအပ်ခဲ့ပါတယ် ဒါ့အပြင် Dr.Arliss Loveless(Kenneth Brangah)အမည်နဲ့ ဆိုက်ကိုကောင်တစ်ကောင်က အမေရိကန်နိုင်ငံကို လက်နက်ချဖို့အတွက် ထူးဆန်းတဲ့လက်နက်တွေတီထွင်ထားပြီး သမ္မတကြီးကို ခြိမ်းခြောက်ခဲ့တယ် ဒီအတွက် သမ္မတကြီးက အမေရိကန်နိုင်ငံကို ကယ်တင်နိုင်ဖို့အတွက် ဒီလူစွမ်းကောင်းနှစ်ယောက်ကို ခေါ်လိုက်ရပါတော့တယ် အဲ့ဒီနောက်မှာတော့ သေနတ်တရမ်းရမ်းလုပ်နေတတ်တဲ့ Jim West နဲ့ Artemus Gordon တို့နှစ်ယောက်ဆုံတဲ့အခါမှာတော့ ဖြစ်လာတဲ့တလွဲတွေကို ရယ်စရာအဖြစ်မြင်တွေ့ခံစားရမှာပါ General MacGrathကရော ဘာအတွက်သိပ္ပံပညာရှင်တွေကို ပြန်ပေးဆွဲခဲ့တာလဲ Dr.Arliss Lovelessနဲ့ရော ဘယ်လိုပတ်သတ်ဆက်နွှယ်နေပြီး အပေးအယူ အကြံအစည်တွေရှိနေသလဲဆိုတာကို ရင်တထိတ်ထိတ်နဲ့ ခံစားကြည့်ရှုရမယ့် ရုပ်ရှင်ဇာတ်ကားကောင်းတစ်ကားဖြစ်ပါတယ် Translated by Yuki Aurora Encoded by sithu

Sci-Fi / Horror ပရိတ်သတ်တွေ အကြိုက်တွေ့မယ့် ရုပ်ရှင်ဟောင်းလေးတင်ဆက်လိုက်ပါတယ်။ The Lord of the rings ဇာတ်ကားမှာ လူပုလေးဖရိုဒိုနေရာကနေဝင်သရုပ်ဆောင်ထားတဲ့ မင်းသား Elijah Wood ပါဝင်သရုပ်ဆောင်ထားတဲ့ကားကောင်းလေးလည်းဖြစ်သလို ဇာတ်လမ်းဇာတ်ကွက်အပြင် ဇာတ်ပျိုး၊ဇာတ်လယ်၊ဇာတ်တက်၊ဇာတ်ဆင်း ရှယ်ကြမ်း ရှယ်ကောင်းတဲ့ science-fiction တစ်ဖြစ်လဲ horror ကားကောင်းလေးလည်းဖြစ်ပါတယ်။ ဇာတ်ကားနာမည်လေးကတော့ The Faculty (1998) ဖြစ်ပြီး IMDb အနေနဲ့ 6.5 ရရှိထားပါတယ်။ ဇာတ်လမ်းကတော့ ပြောပြနေတာထက် ကြည့်လိုက်တာက ပိုကောင်းတာမို့ မညွှန်းတော့ပါဘူးနော်။ File size…(1.8 GB)/ (1 GB) Quality….BluRay 1080p / 720p Format…mp4 Duration….01:44:11 Subtitle….Myanmar Subtitle (Hardsub) Encoder….Nyeinsaeya Aung Translated by San Thu Aung

၁၉၉၆ က Action,Crime,Horror ဇာတ်ကားလေးတစ်ကားပါ။ IMDB Rating 7.3 ရရှိထားပြီး Rotten Tomatoes 63%ရရှိထားပါတယ်။ မင်းသားကြီး Gorge Clooney ပါဝင်သရုပ်ဆောင်ထားပြီးစိတ်ဝင်စားစရာကောင်းတဲ့ဇာတ်ကားလေးပါ။ ရိုးရိုး Action ကားပုံစံကနေ Horror ပုံစံကိုချိုးချပြောင်းလဲသွားတာကလည်းတစ်မျိုးလေးစွဲဆောင်မှုရှိစေပါတယ်။ လူသတ်မှုပေါင်းများစွာကိုကျူးလွန်ထားတဲ့ဘဏ်ဓားပြညီအစ်ကိုနှစ်ယောက်၊ စိတ်ပုံမှန်မဟုတ်တဲ့ညီကြောင့်ကျင့်ဝတ်စောင့်ထိန်းတတ်တဲ့ သူခိုးတစ်ယောက် ပြဿနာတွေတက်နေတဲ့ကြားကယုံကြည်ချက်ပျောက်ဆုံးနေတဲ့ တရားဟောဆရာတစ်ယောက်နဲ့သူ့ရဲ့ မိသားစုအကူအညီကိုယူပြီး နိုင်ငံထဲကထွက်ပြေးလွတ်မြောက်သွားပေမယ့်သူတို့နောက်ထပ်ရင်ဆိုင်ရမယ့်သဘာဝလွန်ဖြစ်ရပ်တွေကတော့... အရင်ကဇာတ်ကားဆိုတော့ Effect တွေကသိပ်မကောင်းပေမယ့်ဇာတ်လမ်းလေးကလှပြီး Country သီချင်းလှလှလေးတွေအများကြီးပါပြီးတော့ကျွန်တော်အကြိုက်ဆုံးဇာတ်ဝင်ခန်းလေးကတော့အမျိုးသမီးတစ်ယောက်မြွေနဲ့ ကတဲ့အခန်းပါ။ တကယ်ကိုရင်သပ်ရှုမောစရာပါပဲဗျာ။ File size…(900MB) and (380MB) Quality…BR-Rip 1080p Format…mp4 Duration….01:47:50 Subtitle….Myanmar Subtitle (Hardsub) Translated by d3mon Encoded by Naing Aung Latt

ဘယ်လူမိုက်ကိုမှ အထာမထားဘဲ သမတတ်တဲ့ ဂီတာအိတ်ကြီးလွယ်ထားတဲ့သားသတ်သမား လူထွားကောင်ကြီး ဇာတ်လမ်းတွေကို ကြည့်ဖူးကြမှာပါ။ ဟုတ်ပါတယ်....အဲ့ဒီရုပ်ရှင်တွေကတော့... Mexico Trilogy ဆိုပြီး နာမည်ကျော်ကြားတဲ့ ဒါရိုက်တာ Robert Rodriguez ရဲ့ El Mariachi (1992), Desperado (1995), Once Upon a Time in Mexico (2003) ရုပ်ရှင် ၃ ကားပဲဖြစ်ပါတယ်။ ပထမဆုံးရုပ်ရှင် El Mariachi (1992)ဇာတ်ကားဆိုရင် ဘတ်ဂျတ် ဒေါ်လာ ၇၀၀၀ လောက်သာစရင်းပြီး ဒေါ်လာ ၂သန်းလောက်ထိပြန်လည်ရရှိခဲ့တာကြောင့် အားလုံးရဲ့ချီးကျူးမှုကိုရရှိခဲ့ပါတယ်။ ဒါရိုက်တာကြီး Quentin Tarantino က ဒီရုပ်ရှင်ကို ကြွေလွန်းလို့ ဒုတိယရုပ်ရှင် Desperado (1995) မှာ ကိုယ်တိုင်ပါဝင်သရုပ်ဆောင်ခဲ့ပြီး Trilogy ဖြစ်အောင် Once Upon a Time in Mexico (2003) ကိုပါဆက်ရိုက်ဖို့ မြှောက်ပေးခဲ့ပါတယ်။ ၃ ကားလုံးကို CM App နဲ့ Website  https://www.channelmyanmar.to/?s=Mexico+Trilogy  မှာ ကြည့်လို့ရပါတယ်။ ++++++++++++++++ Desperado (1995) IMDb Rating (7.1) / Rotten Tomatoes (70%) ဒီရုပ်ရှင်က တစ်ကားလုံး ချတာမှမြင်ချင်တဲ့လူတွေအတွက် ရုပ်ရှင်ပါ။ ၈၀% လောက်က ဝုန်းဒိုင်းကြဲနေတာကို တွေ့လိမ့်မယ်။ ဂန်းတွေပစ်မယ်။ သွေးတွေအလိမ်းလိမ်းနဲ့ ကြမ်းပေ့ဆိုတဲ့ အက်ရှင်ကားမျိုးပေါ့။ ဒီရုပ်ရှင်က ရုပ်ရှင်လောကထဲ အန်တိုနီယို ဘန်းဒရက်စ် ခပ်ကြမ်းကြမ်း ဝင်လာတဲ့ရုပ်ရှင်တစ်ခုဆိုရင်လည်းဟုတ်တယ်။ ဒီရုပ်ရှင်ရှေ့မှာ ဒါရိုက်တာ ရောဘတ်ရိုဒရီဂူးဇ်က El Mariachi ဆိုတဲ့ ရုပ်ရှင်တစ်ခုရိုက်ခဲ့ဖူးတယ်။ ဘတ်ဂျက်ကို ဒေါ်လာ ၇၀၀၀ ပဲ သုံးပြီး သန်းနဲ့ချီ ပြန်အမြတ်ထွက်တဲ့အတွက် တော်တော် ချီးကျူးခံခဲ့ရတဲ့ရုပ်ရှင်ပေါ့။ ဒီကားက El Mariachi ကို အမေရိကန်အထာ ဘတ်ဂျက် ၇ သန်းသုံးပြီး ပြန်ရိုက်ထားတဲ့ကားပါ။ ဒီရုပ်ရှင်ကလည်း ၁၀ဆ နီးပါး ပြန်အမြတ်ထွက်ခဲ့တယ်။ ဇာတ်လမ်းက သူ့မိန်းမကို သတ်ခဲ့တဲ့လူကို ပြန်လက်စားချေတဲ့ Miriachi မက္ကဆီကန် ဂီတသမားအပေါ် တည်ထားတယ်။ သူ့မိန်းမကို သတ်သွားတဲ့ မူးယစ်ရာဇာတွေကို လက်စားချေဖို့ ဘဝတစ်ခုလုံးကို ရင်းထားတဲ့လူပေါ့။ ဂီတာသေတ္တာကြီးတစ်လုံးကို ဆွဲပြီး သူလက်စားချေချင်တဲ့ မူးယစ်ရာဇာကို တစ်မြို့ဝင် တစ်မြို့ထွက် လိုက်ရှာတယ်။ သူ့ရဲ့ ဂီတာသေတ္တာထဲက သေနတ်ကြီးကို ထုတ်ပြီး လူဆိုးတွေကို ဘယ်လိုသတ်ကြောင်း ဇာတ်လမ်းက ဂိုဏ်းတွေကြားမှာပါ ဒဏ္ဍာရီတစ်ပုဒ်အနေနဲ့ ပျံ့နေတယ်။ တစ်နေ့‌တော့ မက္ကဆီကို မြို့ငယ်လေးကို သူရောက်လာတယ်။ အဲဒီမြို့မှာ သူလက်စားချေချင်တဲ့ မူးယစ်ရာဇာလည်း ရောက်နေတယ်။ အဲဒီမှာ စာအုပ်ဆိုင်ကကောင်မလေး (Salma Hayek) နဲ့ တွေ့ပြီး ချစ်သွားကြတယ်။ ဒါပေမဲ့ ဒီရုပ်ရှင်က အက်ရှင်ကိုအသားပေးတဲ့အတွက် ချစ်ခန်း ကြိုက်ခန်းတွေ သိပ်တော့မပါဘူး။ ‌ဇာတ်လမ်းထဲမှာ သူ့ရဲ့ ဆုံးဖြတ်ချက်တွေကို သံသယဝင်ရက်စရာတွေ ပါတယ်။ လက်စားချေဖို့အတွက် သူ့ဘဝတစ်ခုလုံးကိုရင်းထားတာ တန်ရဲ့လားပေါ့။ ဇာတ်လမ်းကတော့ အပစ်အခတ်တွေနဲ့ လက်စားချေတဲ့ ဇာတ်ကြောင်းတစ်ခုပဲ။ Plot Twist ကတော့ ဇာတ်လမ်းပြီးခါနီးမှလာတယ်။ ဒီရုပ်ရှင်မှာ အန်တိုနီယိုဘန်းဒရက်စ်ရဲ့နာမည်ကို မပြောသွားဘူး။ Manito (ကောင်လေး) နဲ့ Miriachi (ဂီတသမား) လို့ပဲသုံးသွားတယ်။ အဲဒီလို နာမည်မပြောသွားတာက တမင်လုပ်ထားတဲ့သဘောပဲ။ သူ့ရဲ့ Mysterious ဆန်ဆန် အငွေ့အသက်ကို တတ်နိုင်သမျှ ထိန်းချင်တဲ့ ဒါရိုက်တာရဲ့ စိတ်ကူးပဲဖြစ်လိမ့်မယ်။ Cast တွေကလည်း တော်တော်ကောင်းတယ်။ ထိပ်တန်းသရုပ်ဆောင်တွေကို သူတို့ရဲ့ အရှိန်အတက်ဆုံးအချိန်မှာ သုံးလိုက်တာပဲ။ Antonio Banderas က ဒီရုပ်ရှင်မထွက်ခင်ကတည်းက စပိန်မှာ နာမည်တော်တော်ရနေပြီ။ Desperado မှာ သူ့ရဲ့ performance ကြောင့် ဟောလိဝုဒ်အက်ရှင်လောကမှာ ခြေဆန့်ဖို့ အရှိန်တော်တော်ရသွားတယ်။ Salma Hayek ကတော့ ဘာပြောကောင်းမလဲ ဟော့လိုက်တာမှ အရမ်းပဲ။ Quentin Tarantino လဲ Cameo ပါထားပါတယ်။ ဒီရုပ်ရှင်က အကောင်းရော၊ အဆိုးရော ဝေဖန်ခံခဲ့ရတဲ့ရုပ်ရှင်ပါ။ Cinematography ပိုင်းနဲ့ သရုပ်ဆောင်ပိုင်းမှာ ချီးကျူးခံရသလို ဇာတ်လမ်းသွက်တဲ့အပေါ်လည်း ဝေဖန်ခံခဲ့ရတယ်။ ဘယ်လိုပဲဖြစ်ဖြစ် ခုနောက်ပိုင်း ဖောဖောသီသီထွက်နေတဲ့ မရယ်ရတဲ့ဟာသတွေနဲ့ အက်ရှင်ကားတွေထက်စာရင်တော့ ဇာတ်လမ်းပိုင်း၊ စတန့်ပိုင်း နဲ့ Cinematography ပိုင်းမှာ သာတဲ့ ရုပ်ရှင်တစ်ခုပါပဲ။ (ရုပ်ရှင်အညွှန်းနဲ့ဘာသာပြန်ကို Min Thant Bo မှ တင်ဆက်ထားပါတယ်။) File size…(15 GB) /(3.9 GB )/ (1.9 GB) Quality….BluRay 4K HEVC/ 1080p HEVC / 720p Format…mkv/mp4 Duration….01:44:28 Subtitle….Myanmar Subtitle (Hardsub) Encoder….Ka Naung Translated by Min Thant Bo

ဒီဇာတ်ကားလေးက ဟိုတယ်ဧည့်ကြိုကောင်လေး Ted တယောက်ရဲ့ နှစ်သစ်ကူးညမှာကြုံတွေ့ခဲ့ရတဲ့ အဖြစ်အပျက်တွေကို ဟာသနှောပြီးရိုက်ကူးထားတာပါ၊ ထူးခြားတာက ဒီဇာတ်ကားကို ဒါရိုက်တာ ၄ ယောက်ကရိုက်ကူးခဲ့တာဖြစ်ပြီး ဟိုတယ်အခန်း ၄ ခန်းမှာ Ted တယောက်ကြုံတွေ့ခဲ့ရတာတွေကို ပုံဖော်ထားတာပါ၊ ပထမအခန်းကတော့ နတ်ဘုရားတယောက်ကို အသက်ပြန်သွင်းဖို့ ကြိုးစားနေတဲ့ စုန်းမတွေနဲ့ Ted တယောက်တွေ့ခဲ့ရတာပါ၊ အသက်ပြန်သွင်းဖို့အစီအရင်မှာ ပစ္စည်းတခုလိုအပ်နေခဲ့ပြီး ဒါကိုလည်း Ted ကဖြည့်ဆည်းပေးခဲ့ရပါတယ်၊ ဒုတိယအခန်းကတော့ ရန်ဖြစ်နေတဲ့လင်မယား၂ယောက်အခန်းပါ၊ Ted တယောက် ဒီရန်ပွဲထဲမှာ ကြားညှပ်ခဲ့ရပါတယ်၊ နောက်တခန်းကတော့ ဂန်းစတားတယောက်ရဲ့အခန်းဖြစ်ပြီး ဂန်းစတားရဲ့ သားနဲ့သမီးကို ထိန်းဖို့ဖြစ်လာရကနေ အခက်အခဲပေါင်းများစွာကို Ted တယောက်ထပ်ပြီးကြုံတွေခဲ့ရပါတယ်၊ နောက်ဆုံးအခန်းကတော့ ဟောလိဝုဒ်နာမည်ကြီးတယောက်ရဲ့ အခန်းဖြစ်တာမို့ Ted တယောက်သက်သာရာရပြီထင်ခဲ့ပေမယ့် နှစ်သစ်ကူးညကြုံတွေ့ရသမျှထဲမှာ အဆိုးဆုံးနဲ့ကြောင်တောင်တောင်အနိုင်ဆုံးကိစ္စကို ကြုံတွေ့ခဲ့ရပြန်ပါတယ်၊ဒီဇာတ်ကား‌က ဟိုတယ်တခုထဲမှာပဲ ဖြစ်ခဲ့တဲ့ မတူညီဖြစ်ရပ်တွေကို ဟာသဆန်ဆန်ရိုက်ကူးထားတာဖြစ်ပြီး တကယ်လည်းရယ်ရတဲ့ကားလေးပါ၊ File size…(1.7 GB)/(860 Mb) Quality….Blu-Ray 1080p / 720p Format… mp4 Duration…. 01:38:00 Genre... Comedy Subtitle….Myanmar Subtitle (Hardsub) Encoder….Garfield Translated by Myat Kyaw