Show Hayami ပါဝင်သော ဇာတ်ကားများ

အသစ်ထွက်ရှိလာတဲ့ စိတ်ကူးယဉ် Sci-fi Anime ရုပ်ရှင်လေး ဖြစ်ပါတယ်။ Shiori ဆိုတဲ့ အထက်တန်းကျောင်းသူကောင်မလေးက လိုင်းပေါ်မှာ ဆယ်လီလေးတစ်ယောက် ဖြစ်ချင်ပေမဲ့လည်း အရှက်အကြောက်ကြီးလွန်းတာကြောင့် အာရုံစိုက်ခံရခြင်း မရှိသူလေးပါ။ ဆန့်ကျင်ဖက်အနေနဲ့ သူ့ဘော်ဒါကောင်မလေးကတော့ ပေါ်ပင်လေးပေါ့လေ။ တစ်ရက် နှစ်ဦးသားလေ့ကျင့်နေကြတုန်း Shiori တစ်ယောက် လှေကားပေါ်ကနေ အရှက်တကွဲ ပြုတ်ကျပါလေရော။ ပြုတ်ကျတာက အရေးမကြီးပေမဲ့ အဲဒီ ဗီဒီယိုကြီးက လိုင်းပေါ်ရောက်သွားပြီး ပေါက်သွားတဲ့အခါကျ လူတွေကြားထဲ အရှက်ကွဲပြီး နေရခက်လာတဲ့ Shiori တစ်ယောက် မည်သို့မည်ပုံရယ်မသိပဲ ထူးဆန်းစွာနဲ့ စမတ်ဖုန်းကမ္ဘာထဲမှာ ရောက်ပြီး ပိတ်မိသွားပါတော့တယ်။ အဲဒီအချိန်မှာ သူ့နေရာကိုလည်း သူနဲ့ တစ်ပုံစံတည်းတူတဲ့ Shiori ဆိုတာက ဝင်နေရာယူထားပြီး မွှေနေတဲ့အချိန် စမတ်ဖုန်းကမ္ဘာထဲက Shiori တစ်ယောက် အဲဒီမှာ Emoji Sticker လေးတစ်ကောင်နဲ့ ခင်မင်ပြီး လက်တွေ့လောကထဲကို ဘယ်လိုပြန်ရောက်အောင် ကြိုးပမ်းသွားမလဲ၊ ဒီစမတ်ဖုန်းကမ္ဘာဆိုတာကလည်း တကယ်တမ်း ဘာကြီးလဲ စသဖြင့် စိတ်ဝင်စားစရာလေးတွေနဲ့ တင်ဆက်ဖော်ကျူးထားတဲ့ Anime ကားလေး ဖြစ်တာမို့ အားပေးလိုက်ဖို့ ဖိတ်ခေါ်လိုက်ပါရစေဗျာ...။ File size… 1.8 GB / 1 GB Quality… Web-DL 1080p / 720p Format… mp4 Duration…. 1h 55m Genre ..... Anime, Fantasy, Sci-fi Subtitle…. Myanmar Subtitle (Hard Sub)

Crayon Shin-chan the Movie Super Hot! The Spicy Kasukabe Dancers (2025) IMDB - 6.6/10 အပန်းလည်းပြေရသလို ရယ်လည်းရယ်မောရမယ့် Shin-chan တို့ရဲ့ ရုပ်ရှင်အသစ်လေး ထွက်ရှိလို့လာခဲ့ပါပြီ။ ကာဆူကာဘဲ ကာကွယ်ရေးတပ်ဖွဲ့ ဘယ်လိုတွေသောင်းကျန်းကြဦးမလဲ မြင်ရပါဦးမယ်။ ဒီဇာတ်ကားလေးထဲမှာတော့ Shin-chan တို့ မူကြိုကလေးတစ်သိုက် အုပ်စုလိုက်အကတွေ လေ့ကျင့်ပြီး အိန္ဒိယနိုင်ငံမှာ အကပြိုင်ပွဲ ဝင်ပြိုင်ဖို့ ဖြစ်လာပါတော့တယ်။ ဒီတော့ Shin-chan ရဲ့ မိဘတွေရယ် ကျောင်းအုပ်ကြီးရယ် ကလေးတစ်သိုက်ရယ် အိန္ဒိယနိုင်ငံ ရောက်လာပြီး ပြိုင်ပွဲပြိုင်ရမယ့်မြို့ကို သွားတော့မယ့်အချိန်မှာ ထုံးစံအတိုင်း Shin-chan နဲ့ သူ့ဘော်ဒါတစ်ကောင်က ရှေးဟောင်းပစ္စည်းဆိုင်ကနေ ထူးဆန်းတဲ့ နှာခေါင်းပုံသဏ္ဍာန်အိတ်ကြီးကို အောက်ကြေးနှိုက်ပြီး ဝယ်လာခဲ့ရာကနေ ပြဿနာတွေ တက်ပါတော့တယ်။ ဒီ ထူးဆန်းတဲ့အိတ်ကြီးမှာ ဘယ်လိုလျှို့ဝှက်ဆန်းကြယ် စွမ်းအားတွေရှိနေမလဲ နောက်ကလိုက်ရှာနေတဲ့ အိန္ဒိယလူကြီး ၂ ယောက်ကရော ဘာတွေလဲ နောက်ပြီး ပိုက်ဆံအာဏာပါဝါအပြင် နည်းပညာတွေကြွယ်ဝတဲ့ လူထူးလူဆန်းတစ်ယောက်ကလည်း လိုက်ရှာနေရာကနေ ဘာတွေဆက်ဖြစ်ကြမလဲဆိုတာကို ပေါ့ပေါ့ပါးပါး ကြည့်ရှုခံစားရမှာပဲ ဖြစ်ပါတယ်ဗျာ...။

Detective Conan: One-Eyed Flashback (2025) IMDB - 6.7/10, MyAnimeList - 7.6/10 Conan ရဲ့ နောက်ဆုံးထွက် ၂၈ ကားမြောက် One-Eyed Flashback ရုပ်ရှင်ပဲ ဖြစ်ပါတယ်။ Detective Conan ဆိုရင် တကူးတက မိတ်ဆက်ပေးစရာမလိုအောင် Crime Mystery Anime Genre ထဲမှာ နာမည်အကြီးဆုံး စုံထောက် Anime တစ်ခုဖြစ်ပါတယ်။ Gosho Aoyama (1963~) ရေးပြီး ၁၉၉၄ ခုနှစ်မှာ စတင်ထုတ်ဝေခဲ့တဲ့ Meitantei Conan (Detective Conan aka Case Closed) Manga ဟာ အခုဒီစာကိုရေးနေတဲ့အချိန်အထိ ဇာတ်မသိမ်းတဲ့အပြင် ဇာတ်ကောင်ဖြစ်သူ ကိုနန်လည်း ကလေးဖြစ်လိုက်၊ လူကြီးဖြစ်လိုက်နဲ့ မှုခင်းမျိုးစုံ၊ ပြဿနာမျိုးစုံ၊ နေရာမျိုးစုံ၊ လူမျိုးစုံ၊ အဖွဲ့မျိုးစုံ အစရှိသဖြင့် ကျင်လည်ကျက်စား၊ ရင်ဆိုင်ဖြေရှင်းရတာက ဇာတ်လမ်းထဲမှာတော့ နှစ်ဝက်လောက်ပဲရှိဦးမယ်ဆိုပေမဲ့ အပြင်မှာတော့ ဒီနှစ် (၂၀၂၄) ထဲဆိုရင် နှစ်ပေါင်း ၃၀ ရှိနေပါပြီ။ Manga အနေနဲ့ ၁၉၉၄ ခုနှစ်မှာစတင်ခဲ့ပြီး လက်ရှိအထိ Chapter ပေါင်း ၁၁၃၆ ခု နဲ့ Volume ပေါင်း ၁၀၆ တွဲ ထွက်ရှိထားပါတယ်။ Anime အနေနဲ့ ၁၉၉၆ ခုနှစ်မှာ စတင်ပြသခဲ့တာက လက်ရှိအထိ စုစုပေါင်း ၁၁၄၅ ပိုင်းထွက်ရှိထားပါတယ်။ Manga Canon Episodes တွေနဲ့ Filler Episodes (TV Original Episodes) တွေပေါင်းထားတဲ့ အပိုင်းပေါင်း ၁၁၄၅ ပိုင်းတွေထဲမှာ ငါးရာကျော်လောက်က Filler Episodes တွေဖြစ်ပါတယ်။ Movie တွေအနေနဲ့ ၁၉၉၇ ခုနှစ်ကနေ တစ်နှစ်တစ်ကားထုတ်လာခဲ့တာက ဒီနှစ်အထိဆိုရင် စုစုပေါင်း ၂၈ ကားရှိနေပါပြီ။ ဇာတ်လမ်းအကျဉ်းကတော့ အင်စပတ်တာ ယာမာတိုရဲ့ မျက်နှာပေါ်က မျက်လုံးဒဏ်ရာကိစ္စကို မိုရီရဲ့ မိတ်ဆွေဟောင်းက ပြန်လှန်လှောပြီး အမှုကို စုံစမ်းရာကနေ ဇာတ်လမ်းတွေ ဖြစ်ပေါ်လာပါတယ်။ ဒီတစ်ခါမှာဆိုရင် နာဂါနိုရဲဌာနတွေတင်မကပဲ Tokyo MPD, CSICE နဲ့ PSB တို့လည်း ကိုနန်နဲ့အတူ ပါဝင်ဖော်ထုတ်သွားကြမှာ ဖြစ်ပါတယ်။ အမှုကတော့ နာဂါနိုရဲ့ အေးစက်တဲ့ဆောင်းတွင်းမှာ ဓားပြတိုက်တဲ့ တရားခံနှစ်ယောက်နဲ့ လိုက်လံဖမ်းဆီးသူတွေ၊ ဒီအမှုဟာ အင်စပတ်တာ ယာမာတိုရဲ့အမာရွတ်ကို ဘယ်လိုဖြစ်ပေါ်လာစေသလဲဆိုတာတွေကို စုံစမ်းထောက်လှမ်းဖော်ထုတ်ဖို့ ဖြစ်လာတဲ့ ပဟေဠိဇာတ်လမ်းလေးပါပဲ။ အတိတ်တုန်းက ဘာတွေဖြစ်ပျက်ခဲ့ပြီး ဘယ်လိုဆက်နွယ်နေမလဲဆိုတာကိုတော့ အဆုံးသတ်ထိ စောင့်စားကြည့်ရှုသွားရမှာပဲ ဖြစ်ပါတယ်။

Bloody Escape: Bats out of Hell (2024) ယခုတစ်ခေါက်တင်ဆက်ပေးမယ့် ဇာတ်ကားလေးကတော့ Anime ကိုမှ Sci-fi ဆန်ဆန်ကြည့်ချင်တဲ့သူတွေအတွက် အကြိုက်တွေ့စေမယ့် Bloody escape ဆိုတဲ့ဇာတ်ကားလေးဖြစ်ပါတယ်။ ဇာတ်ကားလေးရဲ့အကျဉ်းချုပ်ကတော့ အနာဂတ်မှာ လူသားမျိုးနွယ်တွေဟာ ရှင်သန်နိုင်ဖို့ခဲယဉ်းလာပါတယ် ဒါကြောင့်မို့ လူသားတွေ ရှင်သန်နိုင်ဖို့ နေထိုင်မှုပုံစံတွေကို ပြောင်းလဲရင်း ပုံပန်းသဏ္ဍာန်တွေပါ ပြောင်းလဲလာပြီး အစုအဝေးဆိုတဲ့နေရာတွေတည်ထောင်ပြီး နေထိုင်လာကြပါတယ် အဲ့မှာ Kisaragi ဆိုတဲ့သူဟာ တိုကျိုအစုအဝေးမှာ ယာကူဇာတစ်ယောက်ကို သတ်လိုက်မိတဲ့အတွက် သွေးစုပ်ဖုတ်ကောင်မျိုးနွယ်တွေဆီ ပြေးလာရပြီး သွေးစုပ်ဖုတ်ကောင်တစ်ပိုင်း စက်ရုပ်တစ်ပိုင်းဖြစ်သွားပါတော့တယ် ဒါပေမယ့် သူ့သွေးဟာ သွေးစုပ်ဖုတ်ကောင်တွေကို သေစေနိုင်တဲ့အစွမ်းရရှိသွားတဲ့အပြင် သွေးစုပ်ဖုတ်ကောင်မျိုးနွယ်ဟာလည်း သူ့ကို ခြိမ်းခြောက်မှုလို့မြင်လာတဲ့အတွက် အဲ့ကနေ ထွက်ပြေးပြီး တိုကျိုအဖွဲ့အစည်းဆီပြန်ရောက်လာတဲ့အခါမှာတော့ သူ အရင်ကသတ်ခဲ့တဲ့ယာကူဇာဂိုဏ်းက သူ့ကို ပြန်လက်စားချေဖို့ကြိုးစားပါတော့ပါတယ်။ အစုအဝေးတွေကို ထိန်းချုပ်ထားတဲ့ Oodeo ရဲတိုက်ကလည်း သွေးစုပ်ဖုတ်ကောင်တွေရဲ့အားနည်းချက်ဖြစ်တဲ့ Kisaragi ကို အလိုရှိနေပါတယ် သွေးစုပ်ဖုတ်ကောင်မျိုးနွယ်ကလည်း အဲ့အားနည်းချက် ရန်သူတွေဆီ မပါသွားဖို့အတွက် တိုကျိုအစုအဝေးကို လာရောက်တိုက်ခိုက်ဖို့ပြင်ပါတော့တယ်။ ဒီလိုနဲ့ Kisaragi တစ်ယောက် ဒီလိုအခြေအနေတွေကလည်း ဘယ်လိုလွတ်မြောက်အောင်လုပ်မလဲ အတိတ်က ကျူးလွန်ခဲ့မိတဲ့ လူသတ်မှုတွေရဲ့အကြောင်းရင်းကရောဘာလဲ တိုကျိုမှာကော သူ့ရဲ့အတိတ်က ပေါင်းခဲ့တဲ့သူငယ်ချင်းနဲ့ပြန်တွေ့ပြီး ဘာတွေဖြစ်မလဲ စတာတွေကို သိပ္ပံကားကိုမှ စိတ်ကူးယဉ်ဆန်ဆန် ကြည့်ရှုရမယ့်ဇာတ်ကားလေးတစ်ကားဖြစ်ပါတယ်။ ဇာတ်ကားလေးက ဇာတ်လမ်းဇာတ်ကွက်တွေကို မစဉ်းစားချင်သူတွေအတွက်တောင် သိပ္ပံဇာတ်လမ်းဖြစ်တဲ့အတွက် အတိုက်အခိုက်တွေကို ကြည့်ရတာနဲ့တင် အရသာရှိနေမယ့်ဇာတ်ကာားလေးမို့ ကြည့်ရှုလိုက်ဖို့ တိုက်တွန်းလိုက်ပါတယ်...။

One Summer Story (2021) IMDb... 6.9 မီနာမီဟာ အထက်တန်းကျောင်း ဒုတိယနှစ်ရဲ့ ရေကူးအသင်းဝင်တစ်ယောက်ဖြစ်ပါတယ်။ အနှစ်သက်ဆုံး Anime ကတော့ Buffalo Plaster ခိုတဲခိုဖြစ်ပြီး တစ်နေ့တော့ ကျောင်းမှာ သူနဲ့အကြိုက်တူ ခိုတဲခို mateကိုရှာတွေ့သွားပါတယ်။ သူတို့နှစ်ယောက် ခိုတဲခိုနဲ့ ပတ်သက်ပြီး ရင်းနှီးသွားရာမှ မီနာမီဟာ အဆောင်လက်ဖွဲ့ကနေတစ်ဆင့် ဖခင်အရင်းကို လိုက်ရှာနေတာကို မိုဂျိက သတိထားမိသွားပါတယ်။ မိုဂျိကလည်း သူ့ရဲ့အစ်ကိုဖြစ်သူကို မီနာမီရဲ့ အဖေအကြောင်း စုံစမ်းပေးဖို့ အကူအညီတောင်းရာကနေတစ်ဆင့် ဖခင်ဖြစ်သူနဲ့ အဆက်အသွယ်ရသွားပေမဲ့လည်း မီနာမီရဲ့ အဖေဟာ ဘာသာရေးအသင်းတစ်ခုရဲ့ ခေါင်းဆောင်ဖြစ်နေတာကြောင့်  သူငယ်ချင်းများက စိုးရိမ်စိတ်နဲ့ ဖခင်ဖြစ်သူကို သွားမတွေ့ဖို့ ဟန့်တားခဲ့ပေမဲ့ မီနာမီကတော့ သိချင်စိတ်ပြင်းပြကာ အိမ်ကခိုးထွက်ပြီး ဖခင်အရင်းကို သွားတွေ့ပါတော့တယ်။ ဖခင်ဖြစ်သူနဲ့ မီနာမီတို့ တွေ့ဆုံရာကနေ သူငယ်ချင်းတွေ တွေးထားသလို မီနာမီကို ဘာသာရေးဂိုဏ်းထဲ သွင်းမလား... ဘာတွေ ဆက်ဖြစ်ကြမလဲ.... ဆိုတာကို စိတ်ဝင်စားဖွယ်ကြည့်ရှုရမဲ့ ဇာတ်ကားကောင်းလေးတစ်ပုဒ်ဖြစ်ပါတယ်။ (ဇာတ်လမ်းအညွှန်းနဲ့ ဘာသာပြန်ဆိုသူကတော့ Nisarh ပဲ ဖြစ်ပါတယ်။) File Size : 2.98GB/ 1.35GB Quality : WEB-DL 1080p/ 720p Format…mp4 Duration…2hr19m Genre : Youth, Drama Subtitle : Myanmar Subtitle (Hard Sub) Translated by Nisarh Encoded by Tiff

IMDB – 8.5/10, MyAnimeList – 9/10 Gintama တို့ Anime စီးရီးမှာ ဇာတ်သိမ်းသွားတဲ့အခန်းကနေ ပြန်ဆက်ပေးထားတဲ့ တကယ့်နောက်ဆုံးအပိတ် Movie ဖြစ်ပါတယ်။ Edo ကြီးကို Tendoshuu တွေ ဝင်တိုက်ခိုက်တာကို ပြန်ခုခံအပြီး ကြုံရာကျပန်းအဖွဲ့သားတွေ ကိုယ်စီလမ်းခွဲခဲ့ကြတယ်။ Utsuro ပြန်လာမှာကို ကြိုမြင်နေတဲ့ Gin တစ်ယောက် စုံစမ်းစရာရှိတာတွေကို ထွက်စုံစမ်းနေတဲ့အချိန် မသေခြင်းတရားကို လိုချင်နေကြတဲ့ Tendoshuu တွေ Edo မှာ နောက်တစ်ခါ ပြဿနာလာရှာနေတာမို့ ဆရာ Shoyo ရဲ့ တပည့်ကျော် ၃ ယောက်သား ပြန်စည်းလုံးပြီး အသေဖြုတ်ကြမှာပဲ ဖြစ်ပါတယ်။ ဒီလောက်များတဲ့လူတွေကို မနိုင်တော့ ထုံးစံအတိုင်း Gintama အဖွဲ့သားတွေလည်း ကိုယ်စီဆေးစက်ကျရာကနေ အုပ်လိုက်ကြီးနဲ့ ရုပ်ရှင်တစ်ကားစာ ထိုင်ချကြတာကို အားရပါးရ ကြည့်ရမှာပဲ ဖြစ်ပါတယ်။ Gintama ထုံးစံအတိုင်း ဟာသအဖောက်တွေ တခြား Anime တွေကို Reference ယူပြီး ပြောင်တာတွေ 4th Wall Breaking တွေကတော့ တောက်လျှောက်ပါနေမှာ ဖြစ်လို့ အပျင်းတွေလည်း ပြေရပါသေးတယ်။ Gintama ပရိသတ်တွေအတွက်တော့ ဒါဟာ တကယ့်နောက်ဆုံး ရုပ်ရှင်ဖြစ်တာကြောင့် မကြည့်ရသေးရင် ကြည့်သင့်ပြီး ကြည့်ပြီးသားဆိုလည်း ထပ်ကြည့်ကြဖို့ တိုက်တွန်းလိုက်ပါရစေဗျာ။ File Size :  1.8 GB, 862 MB Quality : WEB-DL 1080p / 720p Running Time : 1hr 50min Format : Mp4 Genre : Action, Animation, Comedy Subtitle : Myanmar Subtitle (Hard Sub) Translated by : Thura Aung Encode by : Thit San Khant

Jujutsu Kaisen စီးရီးထဲက အဖြစ်အပျက်တွေ မတိုင်ခင်ကို ပြန်သွားထားတဲ့ ဒီရုပ်ရှင်က Yuta မှော်ဆရာတစ်ယောက် ဖြစ်လာခဲ့ပုံကို ပြောပြထားပါတယ်။ ငယ်ကျွမ်းဆွေ ကောင်လေးနဲ့ ကောင်မလေးနှစ်ယောက်ဟာ တစ်ယောက်ကိုတစ်ယောက် သိပ်ချစ်ကြတယ်။ အသက်ငယ်သေးပေမယ့် အရွယ်ရောက်လာရင် လက်ထပ်ကြမယ်လို့ စေ့စပ်လက်စွပ်လေး ဝတ်ပြီး ကတိပေးထားကြတာပါ။ ဒါပေမယ့် အဲဒီနောက်မှာ ကောင်မလေးက ဆိုးဆိုးရွားရွား ကားတိုက်ခံရပြီး ဆုံးသွားတယ်။ သေဆုံးသွားပေမယ့် သူတို့ကြားက အချစ်ကြောင့် ကောင်မလေးဟာ ကျိန်စာသင့်တစ္ဆေအဖြစ် ပြန်ပေါ်လာပါတော့တယ်။