Tyler Perry ပါဝင်သော ဇာတ်ကားများ

Joe's College Road Trip (2025) IMDb Rating (5.3) / Rotten Tomatoes (36%) Tyler Perry ရဲ့ Madea ဇာတ်ကောင်ဟာ Eddie Murphy ရဲ့နာမည်ကျော်ဖြစ်တဲ့ Norbit ထဲက Rasputia လိုပဲသူကိုယ်တိုင်ဖန်တီးပြီး သူကိုယ်တိုင်သရုပ်ဆောင်ထားတဲ့ နာမည်ကျော်ဇာတ်ကောင်တစ်ခုဖြစ်သလို ဒီဇာတ်ကောင်ကိုအခြေခံပြီး ဇာတ်ကားတွေအများကြီးထွက်ရှိခဲ့ပါတယ်။ အခုအသစ်ထွက်လာတဲ့ Netflix spinoff မှာတော့ Madea ရဲ့အစ်ကိုဂျိုးကို အဓိကဇာတ်ကောင်အဖြစ်တွေ့မြင်ရမှာဖြစ်ပါတယ်။ ဘရိုင်ယန်(Tyler Perry) က သူ့သားဖြစ်တဲ့ BJ ကိုတရားလွန်အလိုလိုက်ပြီး သူတို့လူမည်းတွေကြုံခဲ့ရတဲ့ဒုက္ခသုက္ခသမိုင်းကြောင်းတွေတစ်ခုနဲ့မှမထိတွေ့ရအောင်ဘာတစ်ခုမှကွဲပြားမှုရှိမနေတဲ့လူငယ်တစ်ယောက်အဖြစ်ပုံသွင်းထားမိရာကနေ အရွယ်ရောက်လာတဲ့သူ့သားရဲ့ခံယူချက်နဲ့အမြင်တွေကိုသိလိုက်ရတဲ့အချိန်မှာတော့ စိုးရိမ်ပူပန်ပြီး အဒေါ်ဖြစ်သူ မာဒီယာ(Typer Perry) နဲ့ ဖခင်ဖြစ်သူ ဂျိုး (Tyler Perry)တို့နဲ့သွားပြီးတိုင်ပင်ဖြစ်ခဲ့ပါတယ်။ အဘိုးကြီးအဘွားကြီးမောင်နှမရဲ့စရိုက်တွေကိုမကြိုက်လို့ ခပ်တန်းတန်းနေခဲ့သူပီပီ ခဏနဲ့စကားများရန်ဖြစ်ပြီးထပြန်လာခဲ့ပေမယ့် သူ့ပတ်ဝန်းကျင်ကလူဖြူတစ်ချို့ရဲ့ သူတို့အပေါ်ခံယူချက်ကိုမြင်လိုက်ရချိန်မှာတော့ ဖခင်နဲ့အဒေါ်ဖြစ်သူရဲ့အကြံကိုမဖြစ်မနေလက်ခံလိုက်ရပါတော့တယ်။ အဲ့ဒါကတော့ သူ့သားဖြစ်သူ ကောလိပ်သွားကြည့်မယ့် ခရီးကို အဘိုးဖြစ်တဲ့ ဂျိုးကကားမောင်းလိုက်ပို့ရင်း လူမည်းတွေဖြတ်သန်းခဲ့ရတဲ့ နောက်ခံသမိုင်းတွေ၊ အနစ်နာခံခဲ့မှုတွေ ပေးဆပ်မှုတွေကိုသင်ကြားပေးဖို့ပါပဲ။ Tyler Perry ရဲ့ထုံးစံ မိသားစုပြဿနာတွေ ခွင့်လွှတ်ခြင်းတွေ လူမည်းတွေရဲ့သမိုင်းကြောင်းတွေကို ပိုပိုသာသာထည့်သွင်းထားပေမယ့်တစ်ဖက်ကကြည့်ရင်တော့ မျိုးဆက်နှစ်ခုကြားက ကွာခြားနေတဲ့၊ ခံယူချက်၊ အသိပညာ၊ ဦးစားပေးမှုတွေကို ဟာသနှောပြီးသရော်ထားတာအတော်ရယ်ရသလို တွေးစရာတွေလည်းပေးပါတယ်။ ဂျိုးဆိုတဲ့အဘိုးကြီးဟာ ခေတ်မကောင်းစဉ်က ခေါင်းဖြစ်ခဲ့ဖူးသလို စရိုက်ကြမ်းတမ်းအဆဲသန်လွန်းတာတွေကြောင့် တစ်ကားလုံးဆဲခန်းဆိုခန်းနဲ့ ဝတ်လစ်စလစ်ခန်းတစ်ချို့တော့ပါရှိပါတယ်။ File size… (5.2 GB) / (2.2 GB) / (1.2 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Comedy Duration…. 01:51:53 Subtitle…. Myanmar Subtitle (Hardsub)

Madea's Destination Wedding (2025) ၂၀၂၅ ခုနစ်ထွက် အသစ်စက်စက် Netflix ရဲ့ Madea's Destination Wedding ဆိုတဲ့ ဟာသကားလေး တင်ဆက်ပေးလိုက်ပါတယ်။ Destination Wedding ဆိုတာ ပုံမှန်ရိုးရိုးမင်္ဂလာဆောင်မျိုးမဟုတ်ပဲ လှပတဲ့ကမ်းခြေလိုနေရာမျိုး ကိုယ့်ဇာတိကမဟုတ်တဲ့ တခြားတစ်နေရာကိုသွားပြီး မိဘဆွေမျိုးမိတ်ဆွေတွေကိုဖိတ်ပြီး ကုန်ကျစရိတ်ခံပြီးတော့ ဆောင်တဲ့မင်္ဂလာဆောင်မျိုးပါ။ အတော်ကိုငွေကုန်ကြေးကျများတဲ့မင်္ဂလာဆောင်မျိူးပေါ့။ ဇာတ်လမ်းအကျဉ်းလေးကတော့ ဘရိုင်ယန်က မိန်းမဖြစ်သူနဲ့ကွဲပြီး သမီးနဲ့သားဖြစ်သူကို Single Father အဖြစ်နဲ့ပြုစုပျိုးထောင်လာခဲ့သူပါ။ ဒါပေမဲ့ မိခင်ဖြစ်သူက သူဌေးတစ်ယောက်နဲ့အိမ်ထောင်ကျပြီး သူတို့ဘဝထဲကိုပြန်ဝင်ဖို့ကြိုးစားနေတာပေါ့။ မုန့်ဖိုးတွေလက်ဆောင်တွေပေးပြီး သူ့သားသမီးရဲ့လက်ခံမှုကို အသဲအသန်ပြန်ရှာနေတဲ့သူ။ အဲ့မှာပဲ ဘရိုင်ယန်နဲ့သူ့မိန်းမဟောင်း တွေ့တာနဲ့ကမ္ဘာရန်ဖြစ်လာကြပါရော။ တစ်နေ့သူ့သမီးဖြစ်သူက ဘယ်ကကောင်မှန်းမသိတဲ့သူတစ်ယောက်နဲ့ လက်ထပ်တော့မယ်ဆိုပြီးလာပြောတော့ ဘရိုင်ယန်တစ်ယောက် ကြံရာမရပဲ ဘာလုပ်လို့ဘာကိုင်ရမှန်းမသိဖြစ်နေရာမှ သူ့အဖေဆီပြန်သွားပြီးအကူညီတောင်းပါတော့တယ်။ ဒါပေမဲ့အဲ့ကအဘိုးကြီးနဲ့အဘွားကြီးက တကယ့်အရှုပ်တွေ။ Shot Gun တစ်လက်ကိုင်ပြီး အိမ်ပြင်မှာထိုင်တွေ့တဲ့သူနဲ့ဘုကလန့်ပြော။ အဘိုးကြီးကလောင်းကစားနဲ့ဖွန်သမား အဘွားကြီးက အလကားရအကုန်ယူမယ်ဆိုတဲ့သူမျိုး။ နောက်ဆုံးတော့ ဘရိုင်ယန်တစ်ယောက်လက်လျော့လိုက်ရပြီး သူ့သမီးလိုချင်တဲ့ Destination Wedding ပွဲကိုစီစဉ်ပေးပြီး အဘိုးကြီးအဘွားကြီးတွေကို ခေါ်လာခဲ့ရာမှ ဘယ်လိုတွေငါးပါးမှောက်မယ်ဆိုတာ ဆက်လက်ကြည့်ရှုလိုက်ကြပါဦး .... P.S ရိုင်းစိုင်းသည့်စကားလုံးအသုံးနှုန်းများအနည်းငယ်ပါဝင်ပါသည် ဇာတ်လမ်းအရမူရင်းအတိုင်းထည့်ထားသည်များရှိပါသည်။ File size…2.4 GB / 1.1 GB Quality…WEB DL 1080p HEVC/ 720p Format…mkv/ mp4 Duration….1h 42m Subtitle….Myanmar Subtitle (Hard Sub) Translated by K.Z.Hein

Paw Patrol : The Movie (2021) IMDb - 6.4/10 CM Fanများအတွက် Paw Patrol : The Movieဆိုတဲ့ ဒီ​နေ့ထွက် animation ကားသစ်​လေးကို တင်ဆက်​ပေးလိုက်ပါတယ်။ အသစ်ထွက်တဲ့ရုပ်ရှင်တိုင်း action, horror, drama​တွေပဲ ဖြစ်​​နေလို့ ငြီး​ငွေ့​နေကြတဲ့ ပရိတ်သတ်တို့အတွက် အချိန်တစ်နာရီခွဲလောက် စိတ်ကြည်နူး​ပျော်ရွှင်​စေနိုင်မယ့် animation​လေးဖြစ်မှာ ​အ​သေအချာပါပဲ ဇာတ်လမ်းအကျဥ်းက​တော့ Paw Patrol​လေးတို့ရဲ့ ရန်သူ​​​တော်ကြီး Humdingerတစ်​​​ယောက် Adventure Cityဆိုတဲ့မြို့​လေးမှာ မြို့​တော်ဝန်သွားလုပ်ပြီး ဒီကမ္ဘာကြီးကိုအန္တရာယ်ကျ​ရောက်​စေမယ့် စမ်းသပ်မှုတစ်ခုကို လုပ်ဖို့ ကြိုးစားလာပါတယ် ရန်သူ​တော်ကြီးရဲ့အဖျက်လုပ်ငန်းကို ​အဖွဲ့ခေါင်း​ဆောင် Ryderနဲ့ သူ့ရဲ့အဖွဲ့ဝင် ပါပီ​လေးတို့တသိုက် ဘယ်လို​ခေတ်မှီနည်းပညာ​တွေ၊ စက်ပစ္စည်း​တွေနဲ့ ရ​အောင်တားကြမလဲ? အဖွဲ့ဝင်ပါပီ​လေးတစ်​ကောင်ရဲ့ အတိတ်​ဇာတ်ကြောင်းက​နေ ..... အဖွဲ့အ​ပေါ် ဘယ်​လောက်ထိရိုက်ခတ်မှုရှိမလဲ? Patrol အဖွဲ့ဝင်အသစ်​လေးက ဘယ်သူဖြစ်မလဲဆိုတာကို... ချစ်စရာ​ကောင်းတဲ့ ကာတွန်းဇာတ်​ကောင်လေး​တွေနဲ့ ရယ်စရာ၊​ပျော်စရာ၊ သနားစရာ ရသမျိုးစုံကိုခံစားရင်း ကြည့်ရှုရမှာပါ။ Animationဇာတ်​ကား​လေးဖြစ်တာမို့ ကိုယ့်မိသားစုနဲ့၊ သားသားမီးမီးတို့နဲ့တူတူ ကြည့်ဖို့အတွက်လည်း အဆင်​ပြေပါတယ်။ ချစ်ရတဲ့မိသားစုနဲ့အတူ ​ပျော်ရွှင်ကြည်နူးစရာအချိန်တစ်နာရီခွဲခန့်ကို ဒီ Animationကား​လေးနဲ့ တူတူကုန်ဆုံးလိုက်ပါ Review - Jimx File size…1.7GB and 1Gb and 400MB Quality….1080p WEB-DL and 720p and 480p Format…mp4 Duration….1h 28min Subtitle….Myanmar Subtitle (Hardsub) Translator ..... JimX, Deer, Kim Khin Hana Encoder ..... August

Adele : One Night Only (2021) 25 album ထွက်ရှိပြီးနောက် ခြောက်နှစ်အကြာမှာ Grammy ဆုကြီးကို 15 ကြိမ်တိတိဆွတ်ခူးထားတဲ့ Adele ဟာ လေးခုမြောက် စတူဒီယို album 30နဲ့အတူ ပရိသတ်ကြီးရှေ့ကို နောက်တစ်ကြိမ် ထပ်မံရောက်ရှိလို့ လာပါပြီ။ ဒီ Concert Movie လေးမှာ Adele ရဲ့ အကျော်ကြားဆုံး သီချင်းဟောင်းမြောက်များစွာအပြင် နိုဝင်ဘာ ၁၉ ရက်နေ့မှာမှ ထွက်ရှိလာမဲ့ 30album ထဲက သီချင်းတွေကိုလည်း ဖျော်ဖြေပေးထားပါတယ်။ ဒါပေမဲ့ ထူးခြားချက်တစ်ခုကတော့ သီချင်းတွေကြီး သီဆိုသွားတာမျိုး မဟုတ်ဘဲ 30album မြစ်ဖျားခံရာ အကြောင်းအရင်းများစွာကိုပါ အင်တာဗျူးလုပ်ရင်း ဖြေကြားပေးခဲ့ပါတယ်။ ပရိသတ်ကြီးတို့ သိကြတဲ့အတိုင်းပဲ Adele ဟာ အင်တာဂရမ် Live လုပ်ရင်း 30 Album ဟာ ကွာရှင်းမှုနဲ့ပတ်သက်ပြီး ရေးစပ်ခဲ့တဲ့အကြောင်းအရာတွေဖြစ်ကြောင်း ဖြေကြားခဲ့တာပါ။ ဒီ Album ကနေ တဆင့် မအောင်မြင်ခဲ့တဲ့ အိမ်ထောင်ရေးဘဝ၊ သားလေး Angelo အပေါ်ထားတဲ့ မိခင်မေတ္တာစိတ် ပြီးတော့ ဘယ်လိုအကြောင်းတရားတွေကြောင့်များ Adele တစ်ယောက် ဒီလောက်ထိပြောင်းလဲသွားခဲ့လဲဆိုတာကို ချက်ကျလက်ကျသိရမှာပါ။ One Night Only ဖျော်ဖြေပွဲလေးကို ဂန္တဝင်သီချင်းတစ်ပုဒ်ဖြစ်တဲ့ "Hello" နဲ့ စတင်ဖွင့်လှစ်ခဲ့ပြီး နောက်ဆုံးထွက်ရှိထားတဲ့ Single ဖြစ်တဲ့ "Easy On Me" ၊ James Bond ဇာတ်ဝင်တေးဖြစ်တဲ့ "Skyfall" ၊ 30 album ထဲက သီချင်းဖြစ်တဲ့ "I Dink Wine"၊ Hit Song တစ်ပုဒ်ဖြစ်ခဲ့တဲ့ "Someone Like You" စတဲ့သီချင်းတွေအပြင် အနုပညာလက်ရာပြောင်မြောက်တဲ့ သီချင်းပေါင်းများစွာကိုလည်း သီဆိုဖျော်ဖြေပေးခဲ့ပါတယ်။ ဖျော်ဖြေပွဲကို နာမည်ကြီး Celebrity များဖြစ်တဲ့ Drake, Selena Gomez, Lizzo, Leonardo Dicaprio, Ellen DeGeneres, James Corden စတဲ့ အနုပညာရှင်ပေါင်းများစွာက တက်ရောက်ချီးမြှင့်ခဲ့ကြတာမို့ CM ပရိသတ်ကြီးများအတွက်လည်း ဖန်သားပြင်ကတဆင့် နားသောတဆင်နိုင်ဖို့ အမြန်ဆုံးတင်ဆက်ပေးလိုက်ပါတယ်။ အညွှန်းကိုThet Hnin Hsu မှ ရေးသားပေးထားပြီး MTA , Thet Hnin Hsu တို့က ဘာသာပြန်ဆိုပေးထားပါတယ်။ File size…1.4GB  / 700Mb Quality…1080p / 720p  Format…Mp4 Duration….2h  Subtitle….Myanmar Subtitle (Hard Sub) Encoder….YK Translated by Thet Hnin Hsu & May Thu Aung

ဒီရုပ်ရှင်မှာတော့ အန်ဂျလီနာ ဂျိုလီက ဦးဆောင်ပါဝင်ထားပါတယ်။ ကျန်တဲ့သရုပ်ဆောင်တွေကိုလည်း ရင်းနှီးထားတဲ့သူ များမှာပါ။ Game of Thrones ထဲက လက်သန်း ရယ် Marvel's Punisher ကြီးရယ် ပါပါသေးတယ်။ ဇာတ်လမ်းကတော့ action thriller ပါပဲ။ ဂျိုလီကတော့ မီးသတ်အဖွဲ့ခေါင်းဆောင်ပေါ့။ တစ်နေ့မှာ သူနဲ့သူအဖွဲ့ တောမီးကို ငြိှမ်းနေတုန်းမှာ လေကြောင်းတွက်ဆမှု မှားယွင်းခဲ့လို့ လူ ၃ ယောက် အသက်ဆုံးခဲ့ရပါတယ်။ အဲဒီ စိတ်ဒဏ်ရာတွေနဲ့ ပေပေတေတေ နေထိုင်နေတုန်းမှာ သူ့ဆီကို ကောင်လေးတစ်ယောက် လူသတ်သမားတွေလက်က ထွက်ပြေးပြီး ရောက်လာပါတယ်။ ကောင်လေးကို လိုက်သတ်တဲ့လူတွေလက်က ကယ်ပြီး လျို့ဝှက်ချက်တွေကို ဖွင့်ချနိုင်ဖို့ တောမီးကြီးတစ်ခုကိုပါ အံတုပြီး ပြေးကြရပါတော့တယ်.... File size…(1.7 GB) and (1 GB) Quality….BluRay 1080p and 720p Format…mp4 Duration….01:40:00 Subtitle….Myanmar Subtitle (Hardsub) Encoder…. Mr. Anderson Translator... Mr. Anderson

ဇာတ်လမ်းက အရမ်းကောင်းတယ်ဗျာ။ သရုပ်ဆောင်ကတော့ All Stars လို့ ပြောရမှာပဲ။ လီယိုနာဒို၊ ဂျနီဖာလောရန့်၊ မရဲ စထရိ၊ ကိတ် ဘလန့်ချက်၊ တင်မိုးသီး၊ မာ့ရိုင်လန့်၊ အာရီရာနာ ဂရန်ဒေ၊ ဘန်နီဒစ် ဒရက်စ် စသဖြင့် အများကြီးပဲ။ ဇာတ်လမ်းအကျဉ်း။ ပါမောက္ခ မင်ဒီ နဲ့ ပါရဂူကျောင်းသူ ကိတ်တို့ မတော်တဆ ဥက္ကာခဲကြီးတစ်ခုကို တွေ့သွားတယ်။ အရွယ်အစားက ၁၀ ကီလိုမီတာလောက်ရှိပြီး ကမ္ဘာကြီးဆီကို တည့်တည့်ကြီး ပျံလာနေတာ။ ဝင်တိုက်မိရင် ကမ္ဘာပျက်ပြီ။ အဲဒါကို နာဆာကိုအကြောင်းကြား သမ္မတကိုလည်း သွားတွေ့တယ်။ ခက်တာက သမ္မတက စောင်ပေါ။ နာဆာညွှန်ချုပ်က သမ္မတရဲ့ စပွန်ဆာ မေ့ဆေးဆရာဝန်ဆိုတော့ ဘာမှနားမလည်ဘူး။ သမ္မတ လက်ထောက်က သမ္မတရဲ့ သားကို ပြန်ခန့်ထားတာ။ အဲဒီမှာ သူပြောတာကို မယုံကြတော့ ဒေါက်တာ မင်ဒီလည်း မီဒီယာတွေကနေ ကမ္ဘာပျက်တော့မယ်ဆိုတာ ယုံအောင်ကြိုးစားရတော့တာပေါ့။ ဆိုရှယ်မီဒီယာ အကြောင်းတွေ နိုင်ငံရေးအကြောင်းတွေကို ထိုင်လှောင်ထားတာ။ အူနာနေအောင်ကို ရယ်ရမယ့် ဟာသကားမျိုးပဲ။ ကြည့်လိုက်ကြပါ။ အညွှန်း နဲ့ ဘာသာပြန်ကတော့ Mr.Anderson နဲ့ Thiha Yan Naing ပဲ ဖြစ်ပါတယ်။ Genre.....Comedy, Sci-fi, Drama Quality….WEB-DL 1080p and 720p and 360p File size…1.8GB and 1.1GB and 330 MB Format…mp4 Duration….2h 23min Subtitle….Myanmar Subtitle (Hardsub) Translator ..... Mr.Anderson and Thiha Yan Naing Encoder .....August

Love on the rise (2020) တောင်ကာရိုလိုင်းနားပြည်နယ်ရဲ့ ပင်လယ်ကမ်းစပ်ကမြို့ကလေးဟာ သဘာဝရှုခင်းတွေနဲ့ သာယာလှပနေပါတယ် အဲ့မြို့လေးမှာ ဗစ်တိုးရီးယား(တိုရီ)ဆိုတဲ့ မုန့်ဖုတ်သမလေးက သူ့လုပ်ငန်းကိုကြိုးစားလုပ်ကိုင်ရင်း "ကိတ်နတ်သမီး" ဆိုပြီး နာမည်ရစပြုလာတဲ့မိန်းမငယ်လေးတစ်ယောက်ပေါ့ တစ်နေ့တော့ မင်္ဂလာဆောင်တစ်ခုကို ကိတ်မုန့်သွားပို့တဲ့အခါ ဂျိတ် ဆိုတဲ့ကောင်လေးနဲ့ သွားဆုံပါလေရော ဒါပေမယ့် တိုရီဟာ ဂျိတ်ကို သူတို့မြို့က အထင်ကရစီးပွားရေးလုပ်ငန်းရှင်ရဲ့သားအနေနဲ့ မသိခဲ့ဘဲ စားပွဲထိုးကောင်လေးအနေနဲ့ပဲ သိခဲ့ပါတယ် ကံဆိုးချင်တော့ တိုရီတို့ငှားထားတဲ့ဆိုင်ခန်းတွေနေရာမှာ ကွန်ဒိုအသစ်တွေဆောက်ဖို့အကြောင်းဖန်လာပါတယ် ဒီကိစ္စကို တိုရီတို့ငှားရမ်းသူတွေက သိသွားပြီး ကန့်ကွက်ကြောင်း ဆန္ဒပြကြတဲ့အခါ ဘာတွေဆက်ဖြစ်လာကြမလဲ????? ဂျိတ်ရဲ့ဘ၀မှန်ကို သိသွားတဲ့အခါမှာ သူတို့နှစ်ယောက် ဘာတွေဆက်ဖြစ်လာကြမလဲ????? ဇာတ်လမ်းလေးက သမားရိုးကျအတိုင်းသွားပေမယ့် ပင်လယ်ကမ်းစပ်အလှတွေ စားချင်စရာကိတ်တွေကိုကြည့်ရင်း အချစ်ပုံပြင်လေးတစ်ပုဒ်ကို သီချင်းမြူးမြူးလေးနဲ့ခံစားချင်ရင်တော့..... Review နဲ့ ဘာသာပြန်ကတော့ Thwal Yadi ပဲ ဖြစ်ပါတယ်။ File size… 1.2GB and  581MB Quality….WEB-Rip 1080p and 720p Format…mp4 Duration…. 1hr 26min Subtitle….Myanmar Subtitle (Hardsub) Translator ..... Thwal Yadi Encoder ..... August

IMDb....7.2,,,,Rotten....66% ((Blu-Ray 10805.1ch နဲ့ 720pတို့ဖြင့်ပြန်လည် Updateပေးထားပါသည်..)) ဒီဇာတ်ကားက  Makeup and Hairstyling အတွက်အော်စကာဆုရခဲ့သလို   ထရန်စဖော်မာ မင်းသားကြီးလို့တင်စားရတဲ့ Christian Bale နဲ့ မင်းသမီးAmy Adams တို့ အော်စကာဆန်ကာတင်စာရင်း ဝင်ခဲ့တာ အတော်များများလည်း သိကြမယ်ထင်ပါတယ်... ၂၁ ရာစုအစပိုင်းကာလ အမေရိကန်သမိုင်းကို တစေ့တစောင်း သိစေနိုင်မယ့် ဒုသမ္မတတစ်ဦးရဲ့ အကြောင်းကိုပြန်လည်ရိုက်ကူးထားတဲ့ ရုပ်ရှင်ဇာတ်ကားကြီးပဲဖြစ်ပါတယ်.... D ick Cheney ဟာ ငယ်ဘဝက ဘယ်လောက်တောင်ဆိုးခဲ့လဲဆိုတော့ မူးရူးသောာင်းကျန်းလွန်းလို့ တက္ကသိုလ်ကတောင်ကျောင်းထုတ်ခံရတဲ့အထိပါပဲ... သို့ပေမယ့် အဲ့ဒီဘဝကနေ  အမေရိကန်သမိုင်းမှာ အထင်ကရဖြစ်စေခဲ့တဲ့ ဒုသမ္မတတစ်ယောက်ဖြစ်လာအောင် သူကြိုးစားခဲ့တယ်.. သူဘယ်လိုတွေကြိုးစားခဲ့လဲ? ဒုသမ္မတဖြစ်လာချိန်မှာပဲ သူမတူတဲ့အရည်အချင်းတွေကြောင့် သမ္မတအပေါ် ဘယ်လိုလွှမ်းမိုးမှုတွေရှိနေသလဲဆိုတာပါ ခင်ဗျားတို့တွေ့ရလိမ့်မယ်... ဒါ့အပြင်  အမေရိကန်သမိုင်းကို   သူ့စိတ်တိုင်းကျ အမျိုးမျိုး ပုံဖော်ခဲ့သူ… ၂၀ ရာစုနှောင်းပိုင်းနဲ့ ၂၁ ရာစုအစပိုင်းမှာ ဖြစ်ပျက်ခဲ့တဲ့ အားလုံးမှတ်မိကြလောက်တဲ့ 9/11 ဖြစ်ရပ်အပေါ်မှာ ဒုသမ္မတရဲ့ တုံ့ပြန်လုပ်ဆောင်အကွက်ချမှုတွေ… ဒီဇာတ်ကားကိုကြည့်ရင်းနဲ့ အမေရိကန်သမိုင်းအပြင် ကမ္ဘာ့သမိုင်းကိုပါ တစေ့တစောင်းလေ့လာနိုင်မှာဖြစ်ပါတယ်… Dick Cheney အဖြစ် သရုပ်ဆောင်ထားတဲ့ Christian Bale ရဲ့ သူ့ရဲ့သရုပ်ဆောင်ပီပြင်မှုဟာလည်း ဘယ်လောက်တောင်ကောင်းလဲဆိုရင် ရွှေကမ္ဘာလုံးဆုကိုပါ ဆွတ်ခူးသွားနိုင်တဲ့အထိပါပဲ… အသက်ငယ်ရွယ်တဲ့နဂိုပုံစံကနေ အိုမင်းတဲ့အထိ အဆင့်ဆင့် သရုပ်ဆောင်နိုင်ဖို့ ကိုယ်အလေးချိန်တွေ တိုးအောင် တမင်လုပ်ခဲ့ရတယ်ဆိုတော့ သူ့အနေနဲ့ ဒီလို သမိုင်းဝင်ဇာတ်ကားကို ဘယ်လောက်ထိ အာရုံစိုက်ထားခဲ့လဲဆိုတာ သိနိုင်မှာပါ….. တကယ့်ပြင်ပလောကထဲက သူတို့မိသားစုဟာ အားကျစရာအပြည့်.. လိင်တူချစ်တတ်တဲ့ သမီးကိုလည်း လိင်တူလက်ထပ်ခွင့်ဥပဒေကို ဖန်တီးပေးခဲ့တဲ့ အဖေ... ဒီကားက Biography ဖြစ်တဲ့အပြင် နိုင်ငံရေးကားဖြစ်လို့ ပျင်းစရာကြီးလို့ထင်မသွားလိုက်နဲ့.... ငယ်ဘဝတစ်လှည့် ...ဒုသမ္မတလုပ်ခဲ့စဉ် အခက်အခဲမျိုးစုံတလှည့်ကိုရသမြောက်အောင်ပြသွားနိုင်လို့ film Editing အတွက် အော်စကာဆန်ကာတင်စာရင်းတောင်ဝင်ခဲ့ပါသေးတယ်...ခံစားကြည့်လိုက်ဦး... ဒေါင်းပြီးသိမ်းထားသင့်တဲ့ကားဖြစ်ကြောင်းပြောပါရစေ... ဇာတ်လမ်းအညွှန်းနဲ့ ဘာသာပြန်သူကတော့ Crystal Win ပဲဖြစ်ပါတယ်.... File Size : (4.8GB) and (816MB) Quality : BLU-RAY.1080P5.1Ch,720P Format…mp4 Duration…02:12:00 Genre : Biography, Comedy, Drama Subtitle : Myanmar Subtitle (Hard Sub) Translated by Crystal Win Encoded by Phyo Pyae

Teenage Mutant Ninja Turtles မြန်မာစာတန်းထိုးနဲ့ အကြည်ရပါပြီ။ ဒီ နံပါတ်၂ လိပ်နင်ဂျာကားမှာတော့ နံပါတ်၁ မှာ သူတို့ဖမ်းပေးလိုက်တဲ့ ဗီလိန်ကြီး ရှရက်ဒါ ပြန်လွှတ်လာပြီး အခြားကမ္ဘာတစ်ခုက ဂြိုလ်သားနဲ့ ပူးပေါင်းပြီး ကမ္ဘာကိုသိမ်းပိုက်မယ့် အန္တရာယ်ကို ညီအစ်ကို ၄ ယောက်တွန်းလှန်ကြတာပါပဲ။ ဒီအပိုင်းမှာ ဇာတ်ကောင်အသစ်ကေစီဂျုန်းအဖြစ် အဲရိုးမင်းသား စတက်ဖန် အမ်းမဲလ် သရုပ်ဆောင်ထားပါတယ်။ အက်ရှင်ကားကောင်းတစ်ကားအဖြစ် ပိုင်ပိုင်နိုင်နိုင် ရိုက်ကူးထားသလို လုံးဝစရိုက်မတူညီတဲ့ ညီအစ်ကိုတွေ ဘယ်လိုနားလည်မှုနဲ့ အဖွဲ့တစ်ခုအဖြစ်လှုပ်ရှားနိုင်ခဲ့လည်း ဆိုတာကိုလဲ သရုပ်ဖော်ပြထားပါတယ်။ တခါတလေ ခက်ခဲတဲ့ရွေးချယ်မှုတွေ ကြုံလာတဲ့အခါ တစ်ယောက်တည်းရဲ့ အမြင်နဲ့ဆုံးဖြတ်ချက်ဟာ ဘယ်လောက်စေတနာပါပါ အမြဲမမှန်နိုင်တာမို့ အဖွဲတစ်ခုရဲ့ စဉ်းစားဉာဏ်နဲ့ အင်အားဆိုတာ အမြဲထည့်တွက်ရမယ့်အရာဆိုတာ လိပ်ညီအစ်ကိုတွေကနေ သင်ခန်းစာယူရင်း ဟာသနဲ့အက်ရှင်ကောင်းတွေ ခံစားနိုင်ကြပါစေ။ (ဇာတ်လမ်း အညွန်းနဲ. ဘာသာပြန်သူကတော. Moe Myint Lwin ပဲဖြစ်ပါတယ်) File size…(982 MB) Quality… WEB.DL 720p Format…mp4 Duration….01:52:00 Subtitle….Myanmar Subtitle (Hardsub) Translator....Moe Myint Lwin Encoder…Thanhtike Zaw

နစ်ဒန်းအတွက် အဲဒီနေ့ဟာ သာမန်မနက်ခင်းတစ်ခုလိုပဲ စခဲ့ပါတယ်။ အိမ်ရှေ့မှာ အမှိုက်ပုံးထုတ်ထားပြီး သူ့ညီမနဲ့အတူ ဖွင့်ထားတဲ့ The Bar ဆီ သွားတယ်။ အဲဒီနေ့က သူနဲ့ဇနီးအေမီတို့ရဲ့ ငါးနှစ်ပြည့် မင်္ဂလာနှစ်ပတ်လည်နေ့ပါ။ အေမီက ပဟေဠိတွေဖြေပြီး လိုက်ရှာမှရမယ့် လက်ဆောင်တစ်ခု ပြင်ဆင်ထားတဲ့အကြောင်း ညီမနဲ့ စကားပြောပြီး နစ် အိမ်ပြန်လာခဲ့ပါတယ်။ အိမ်ထဲရောက်တော့ တိတ်ဆိတ်နေပြီး ဧည့်ခန်းက မှန်စားပွဲဟာ ကွဲလျက် လဲနေတယ်။ ကျန်တဲ့နေရာတွေက သပ်သပ်ရပ်ရပ်ရှိပေမယ့် တစ်အိမ်လုံး လိုက်ရှာတာတောင် အေမီကို မတွေ့ပါဘူး။ နစ်က ရဲကို အကြောင်းကြားလိုက်ပြီး စုံထောက်အမျိုးသမီးတစ်ယောက်နဲ့ သူ့တွဲဖက်တို့ ရောက်လာကြပါတယ်။ သွေးစ၊ မှန်ကွဲစတွေနဲ့ တိုက်လက်စမီးပူ၊ အဝတ်အစားတွေကို စစ်ဆေးရင်း အေမီပျောက်ဆုံးမှုကို စတင်စုံစမ်းကြတော့တယ်။ နစ်ကတော့ အစပိုင်းမှာ အခြေအနေကို ပေါ့ပေါ့ပါးပါးပဲ သဘောထားနေသေးတယ်။ ရဲစခန်းမှာတောင် Law & Order ထဲက ဇာတ်ဝင်ခန်းနဲ့တူတယ်ဆိုပြီး နောက်ပြောင်လိုက်သေးတာပါ။ ဒါပေမယ့် အေမီမှာ သူငယ်ချင်းဘယ်နှစ်ယောက်ရှိလဲ၊ နေ့တိုင်း ဘာလုပ်လဲ၊ သွေးအုပ်စုက ဘာလဲဆိုတဲ့ မေးခွန်းတွေကို သူမဖြေနိုင်ပါဘူး။ ဇနီးပျောက်နေတဲ့အကြောင်း ယောက္ခမတွေကိုတောင် အကြောင်းမကြားရသေးလို့ ရဲစခန်းရောက်မှ ဖုန်းခေါ်ပြောဖြစ်ပါတယ်။ နောက်တစ်နေ့မှာ သတင်းစာရှင်းလင်းပွဲ လုပ်ရမယ်ဆိုတော့ အမှုက ဒီလောက်အထိ ကြီးသွားမယ်လို့ မထင်ထားတဲ့ နစ် အံ့ဩသွားတယ်။ အဲဒီအချိန် ရဲစခန်းအပြင်မှာ အသံကြားလို့ ထွက်ကြည့်ရာက သူငယ်ပြန်နေတဲ့ သူ့အဖေကို တွေ့ပြီး အိမ်လိုက်ပို့ပေးခဲ့ရပါသေးတယ်။ အဲဒီနောက် အေမီရဲ့ အဝတ်ဗီရိုခန်းထဲမှာ သဲလွန်စနံပါတ်တစ်ဆိုတဲ့ စာကို နစ် တွေ့လာတယ်။ ပဟေဠိကို ဖြေကြည့်တော့ သူ့ကျောင်းက ရုံးခန်းကို ညွှန်နေပြီး အဲဒီမှာ လိုက်ရှာရာက ဖိုင်တွေကြားထဲမှာ အနီရောင် အမျိုးသမီးအတွင်းခံတစ်ထည်ကို တွေ့ရပါတယ်။ အဲဒီကနေ နောက်ထပ်သဲလွန်စတွေ တစ်ခုပြီးတစ်ခု ဆက်ပေါ်လာတယ်။ ရဲဘက်က စုံစမ်းမှုတွေ ဆက်လုပ်နေသလို အေမီချန်ခဲ့တဲ့ ပဟေဠိတွေကလည်း နစ်ကို နောက်တစ်နေရာဆီ ခေါ်သွားနေပါတယ်။ အေမီရဲ့ နာကျင်မှုနဲ့ ကြောက်ရွံ့မှုတွေ တဖြည်းဖြည်း ပေါ်လာချိန်မှာ လိမ်ညာခံနေရတာ အေမီလား၊ လိမ်ညာနေတာကပဲ အေမီလားဆိုတာ မေးခွန်းဖြစ်လာတယ်။ အေမီက နစ်ကို ချစ်သေးလား၊ နစ်ကရော အေမီကို ချစ်သလားဆိုတာလည်း မေးစရာကျန်နေပါတယ်။

ဒေါက်တာ Alex Cross ဟာ စိတ်ပညာရှင်တစ်ယောက်ဖြစ်သလို ရဲစုံထောက်တစ်ယောက်လည်း ဖြစ်ပါတယ်။ ကိုယ်ဝန်ရှိနေတဲ့ ဇနီး မာရီယာနဲ့အတူ ဒီထရွိုက်မြို့မှာ နေထိုင်နေတဲ့သူ့ကို အက်ဖ်ဘီအိုင်က ဝါရှင်တန်ဒီစီ ဌာနချုပ်မှာ တာဝန်ထမ်းဆောင်ဖို့ ကမ်းလှမ်းလာတယ်။ ဒီကမ်းလှမ်းချက်ကို လက်ခံသင့်မသင့် စဉ်းစားနေတုန်း လူချမ်းသာအမျိုးသမီးတစ်ဦး နှိပ်စက်သတ်ဖြတ်ခံရတဲ့အမှု ပေါ်လာပါတယ်။ လူသတ်သမားက အမျိုးသမီးကိုသာမက သက်တော်စောင့်တွေကိုပါ တစ်ယောက်တည်း သတ်ဖြတ်သွားပြီး အခင်းဖြစ်ရာနေရာမှာ ပန်းချီတစ်ပုံ ရေးဆွဲချန်ထားခဲ့တယ်။ ဒီလူဟာ နောက်ထပ် ကွင်းဆက်လူသတ်မှုတွေ ကျူးလွန်ဖို့ ရှိနေကြောင်း Alex သိလာတဲ့အခါ နှစ်ယောက်ကြား အားပြိုင်မှု စတင်လာပါတယ်။ လူသတ်သမားက သူ့မိသားစုကိုပါ ထိပါးဖို့ ကြိုးစားလာတော့ Alex အနေနဲ့ ဘယ်လိုတုံ့ပြန်မလဲ၊ စနစ်တကျ လေ့ကျင့်ထားတဲ့ ဒီလူကို ရင်ဆိုင်နိုင်ပါ့မလား။ ဂျိမ်းစ်ပီတာဆင်ရဲ့ Cross ဝတ္ထုတွေကို အခြေခံရိုက်ကူးထားတဲ့ အက်ရှင်သည်းထိတ်ရင်ဖိုဇာတ်ကားဖြစ်ပြီး Alex Cross ဇာတ်ကောင်ကို Morgan Freeman ကလည်း သရုပ်ဆောင်ဖူးပါတယ်။

Star Trek (2009) IMDb - 7.9/10 Rotten - 94% Won 1 Oscar. Another 24 wins & 93 nominations နှစ်ပေါင်းများစွာတိုင်အောင် ပရိသတ်တွေကို စွဲဆောင်ခဲ့တဲ့ "Star Trek" စီးရီးရဲ့ မူလ ဇာတ်လမ်းကို အသစ်တစ်ဖန် အသက်သွင်းလိုက်တဲ့ ဒီ ၂၀၀၉ ခုနှစ် ရုပ်ရှင်ဟာ သိပ္ပံစိတ်ကူးယဉ် ရုပ်ရှင်လောကမှာ မှတ်တိုင်တစ်ခု ဖြစ်ခဲ့ပါတယ်။ အနာဂတ်ရဲ့ အကြီးကျယ်ဆုံး သူရဲကောင်း နှစ်ဦးဖြစ်တဲ့ ဂျိမ်းစ် တီ. ကာ့ခ် နဲ့ စပေ့ါခ် တို့ရဲ့ ငယ်ဘဝနဲ့ စတင်တွေ့ဆုံမှုတွေကို ပိုင်နိုင်စွာ ပုံဖော်ထားတာဟာ ဒီဇာတ်ကားရဲ့ အနှစ်သာရပါပဲ။ ဂျိမ်းစ် တီ. ကာ့ခ်ဟာ စည်းကမ်းမလိုက်နာတတ်တဲ့ ရဲစွမ်းသတ္တိရှိသူ လူငယ်တစ်ဦးဖြစ်ပြီး၊ စပေ့ါခ်ကတော့ စိတ်ခံစားမှုတွေကို ထိန်းချုပ်ကာ အမြဲတမ်း ဆင်ခြင်တုံတရားနဲ့ ဆုံးဖြတ်တတ်တဲ့ ဗာလ်ကန် လူမျိုးတစ်ပိုင်း၊ လူသားတစ်ပိုင်း သိပ္ပံပညာရှင်တစ်ဦး ဖြစ်ပါတယ်။ ဒီလို စရိုက်ချင်း ကွာခြားလွန်းလှတဲ့ လူငယ်နှစ်ဦးဟာ ကြယ်တာရာ ပျံသန်းရေး အဖွဲ့ စတားဖလီးလ် ရဲ့ သင်တန်းကျောင်းမှာ စတင် ဆုံစည်းခဲ့ကြပြီး မကြာခင်မှာပဲ ဂန္တဝင် အာကာသယာဉ် ယူအက်စ်အက်စ် အင်တာပရိုက်စ် ပေါ်မှာ အတူတကွ တာဝန်ထမ်းဆောင်ရမယ့် အဖွဲ့သားတွေ ဖြစ်လာပါတော့တယ်။ သူတို့ရဲ့ ပထမဆုံး မစ်ရှင်ဟာ ရိုးရှင်းတဲ့ အာကာသ ခရီးစဉ်တစ်ခု မဟုတ်ဘဲ၊ စကြဝဠာ တစ်ခုလုံးရဲ့ အနာဂတ်ကို ခြိမ်းခြောက်နေတဲ့ အန္တရာယ်ကြီးတစ်ခု ဖြစ်ပါတယ်။ အချိန် ခရီးသွားလာမှုကြောင့် အတိတ်ကို ရောက်ရှိလာတဲ့ နီရို လို့ခေါ်တဲ့ ရိုမြူလန် လူမျိုး ဗီလိန်ဟာ သူ့ရဲ့ လက်စားချေလိုစိတ်နဲ့ စကြဝဠာကို ဖျက်ဆီးဖို့ ကြိုးစားနေပါတယ်။ ကာ့ခ်၊ စပေ့ါခ်နဲ့ အင်တာပရိုက်စ် အဖွဲ့သားအားလုံးဟာ အန္တရာယ်၊ သစ္စာဖောက်မှု၊ မထင်မှတ်ထားတဲ့ အလှည့်အပြောင်းတွေနဲ့ ပြည့်နှက်နေတဲ့ စွန့်စားခန်းကို ရင်ဆိုင်ရင်း သူတို့ရဲ့ စစ်မှန်တဲ့ ခေါင်းဆောင်မှု စွမ်းရည်တွေကို ထုတ်ဖော်ပြသရမှာ ကို စိတ်ဝင်စားဖွယ်ကြည့်ရှုရမှာဖြစ်ပါတယ်။ File Size : 2.38 GB, 938 MB Quality : Blu-Ray 1080p, 720p Running Time : 2hr 7min Format : Mp4 Genre :Action, Adventure, Sci-Fi Subtitle : Myanmar Subtitle (Hard Sub)

Why Did I Get Married? ဇာတ်ကား နာမည်ကိုက စိတ်ဝင်စားစရာ မေးခွန်းလေးပါ။ ငါ ဘာလို့ အိမ်ထောင်ပြုတာလဲ တဲ့။ စုံတွဲတွေရော အိမ်ထောင်သည်တွေရော FA တွေရော ကြည့်ကို ကြည့်သင့်တဲ့ ဇာတ်ကားလို့ ပြောရင် မှားမဖြစ်ပါဘူး။ ကြည့်သင့်တဲ့ အချက်တွေထဲက အရေးကြီးဆုံး တစ်ချက်က စုံတွဲတွေကြားမှာ ဖြစ်လေ့ရှိတဲ့၊ စုံတွဲမဖြစ်သေးတဲ့ လူတွေလည်း စိတ်ပူလေ့ရှိတဲ့၊ ကွဲသွားတဲ့ လူတွေလည်း မေးခွန်းထုတ်မိတတ်တဲ့၊ ကွဲမလို ဖြစ်နေတတ်တဲ့ လူတွေလည်း အဖြေထုတ်ချင်တတ်တဲ့ မဟာမေးခွန်းကြီးဖြစ်တဲ့ “သူက Right Person လား” ဆိုတဲ့ မေးခွန်းအတွက် ဘယ်လို အဖြေထုတ်ရမလဲ ဆိုတာ သိရတာပါ။ တကယ့်ကိုလက်တွေ့ကျတဲ့ နည်းလမ်းကို ပြောပြထားတာပါ။ သိပြီးသားဆိုလည်း ဟုတ်မဟုတ်တိုက်ကြည့်ပါဦး။ သူငယ်ချင်း ရှစ်ယောက်/အိမ်ထောင်သည် စုံတွဲ ၄ တွဲရယ်၊ နောက်ထပ် သူတို့နဲ့ ဆက်နွယ်လာတဲ့လူတွေရယ်နဲ့၊ သူတို့တွေ အားလုံးရဲ့ကြားက အချစ် အမုန်း နားလည်မှု သစ္စာတရားအိမ်ထောင်ရေးနဲ့ ပတ်သတ်တဲ့ အယူအဆတွေနဲ့ ဆောင်ရန် ရှောင်ရန်တွေကို အံဝင်ခွင်ကျ ထည့်ပြောပြသွားတဲ့ စိတ်ဝင်စားစရာ ဇာတ်လမ်းလေးပါ။ သစ္စာမရှိ ဖောက်ပြန်လို့ ကွဲသွားရတဲ့ စုံတွဲ အကြောင်းလည်း ပါတယ်။ ပို စိတ်ဝင်စားစရာကောင်းတာက အဲ့လို ဖောက်ပြန်တဲ့လူတွေ အကြောင်းနဲ့ ဆက်စပ်ပြီး တော်တော်ကောင်းတဲ့ ၈၀/၂၀ အချိုး ဆိုတာလေး ပြောပြထားတယ်။ အဲ့ဒီ အချိုးအကြောင်း သေချာပေါက်ရှာကြည့်လိုက်ပါ။ ဖောက်ပြန်တဲ့လူတွေ ဘာဖြစ်သွားလဲလည်း ပါတယ်။ ဖောက်ပြန်ခံရတဲ့လူတွေ ဘယ်လိုကျော်ဖြတ်ကြလဲ ဆိုတာလည်း သင်ယူစရာတွေ ပါတယ်။ ကိုယ့်ကို တန်ဖိုးမထားတဲ့လူနဲ့ဆက်ဆံရေးတစ်ခု တည်ဆောက်ထားတာက ဘယ်လောက်ဆိုးလဲ ဆိုတာလည်း ပါတယ်။ အဲ့လိုကနေ ရုန်းထွက်နိုင်ရင် ဘာတွေရလာနိုင်လဲ ဆိုတာလည်း ပါတယ်။ ပြီးတော့ တကျက်ကျက် ရန်ဖြစ်နေတတ်တဲ့ စုံတွဲတွေနဲ့ သူတို့ သဘောသဘာဝ တွေလည်းပါတာပဲ။ ဘယ်လိုဆိုးကျိုးတွေ ရှိလဲ၊ ဘာတွေတော့ ကောင်းလဲ ဆိုတာလည်း သိရမယ်။ ဘာမှ မပြောဘဲ စိတ်ထဲ ထားတတ်တဲ့ စုံတွဲတွေ ဆိုရင်ရော။သူတို့ ဘာတွေ ကြုံရတတ်လဲလည်းထည့်ပြောထားသေးတာပါပဲ။ ဆိုးဝါးတဲ့ နာကျင်စရာတွေကို တစ်ယောက်ကို တစ်ယောက် ညှာပြီး မပြောမိရာကကနေ ဘာတွေ ဖြစ်လာတတ်သလဲ ဘယ်လို ဖြေရှင်းလို့ ရသလဲတွေထည့်ရိုက်ထားတာပါ။ ပြီးတော့ အလုပ်ပဲ ကြည့်တတ်တဲ့ သားသမီးရတနာ ယူရေး/မယူရေးတွေနဲ့ မပြေလည်မှုတွေရှိလာတဲ့ စုံတွဲအကြောင်းလည်း ပါတယ်။ သူတို့တွေ နောက်ထပ် ထပ်တွဲဖြစ်သွားကြတဲ့ လူတွေအကြောင်းလည်း ပါပါသေးတယ်။ ပိုကောင်းတဲ့ ဆက်ဆံရေးတွေ၊ လက်တွဲဖော်တွေကို ရသွားကြတာလား၊ ထားခဲ့ကြရတာလား ဆိုတာလည်း သိရမှာပါ။ Rating တွေ သိချင်ရင်တော့ Rotten TomatoRating က 48 ဆိုပေမယ့် ပရိတ်သတ်ကတော့ 78မှတ်တောင် ပေးထားတဲ့ ဇာတ်ကားပါ။ IMDb က 5.9ပါတဲ့။ သရုပ်ဆောင်တွေကတော့ Janet Jackson က စလို့ Tyler Perry ထိ ပါ ပါတယ်။ အရမ်းမရင်းနှီးတဲ့ သရုပ်ဆောင်တွေက ပိုများနေတောင် ကြည့်ကြည့်လိုက်ရင် သဘာဝကျလွန်းနေတာ တွေ့ရမှာပါ။ မသိတဲ့ သရုပ်ဆောင် ပိုများတော့ ဇာတ်ကားဆိုတာ မေ့သလိုလို ပိုဖြစ်တာလည်း ပါဦးမှာပါ။ ဇာတ်ကားရဲ့ ဒါရိုက်တာနဲ့ စာရေးဆရာက ဒီဇာတ်ကားထဲကတယ်ရီဆိုတဲ့ ဘဲကြီးပါပဲတဲ့။ ကြည့်လိုက်ရင်တော့ လူတိုင်း တနည်းမဟုတ် တနည်းတွေ့ရရတတ်တဲ့ လူတွေကြားကဆက်ဆံရေးတွေအကြောင်း အများကြီး သိရ၊ ချိန်ညှိကြည့်လို့ရ၊ အဖြေထုတ်လို့ရဖြစ်သွားမှာပါ။ It’s worth it ပါ။ File size…    2.4 GB/  1.1 GB Quality… BluRay 1080p / 720p Format… mp4 Duration…. 1h 53m Genre .....  Drama, Comedy Subtitle…. Myanmar Subtitle (Hard Sub) Encoder…. Thit San Khant Translated by Kaung Myat Thu