Vinay Rai ပါဝင်သော ဇာတ်ကားများ

GDN (2026) အိန္ဒိယရဲ့ အက်ဒီဆင် (Edison of India) လို့ တင်စားခေါ်ဝေါ်ကြတဲ့ တီထွင်သူကြီး G.D. Naidu ရဲ့ အကြောင်းကို ရိုက်ကူးထားတဲ့ မင်းသားကြီး အာရ်မာဒေဗန်းရဲ့ ဖြစ်ရပ်မှန် ဇာတ်ကားလေးတစ်ကားကိုတင်ဆက်ပေးပါရစေ။ G.D. Naidu ဟာသာမန်မိသားစုကနေ ဆင်းသက်လာပြီး ကိုယ်ပိုင်ဉာဏ်စွမ်း၊ ကြိုးစားအားထုတ်မှုတွေနဲ့ပဲ လျှပ်စစ်ပစ္စည်းတွေ၊ စက်မှုလက်မှုပိုင်းဆိုင်ရာ တီထွင်မှုများစွာကို အောင်မြင်အောင် လုပ်ပြနိုင်ခဲ့တဲ့ ပါရမီရှင်တစ်ယောက်ပါ။ သူ့ရဲ့ တီထွင်ဆန်းသစ်မှုတွေဟာ လူထုအတွက် အများကြီး အကျိုးရှိခဲ့ပေမဲ့လည်း စနစ်ဟောင်းကို ဆုပ်ကိုင်ထားတဲ့ အခွန်ဌာနတွေနဲ့ ဗြိတိသျှခေတ်ကတည်းက စတင်ခဲ့တဲ့ နိုင်ငံရေး အသိုင်းအဝိုင်းရဲ့ ဖိနှိပ်တားဆီးမှုတွေကို ခါးစည်းပြီး ရင်ဆိုင်ခဲ့ရပါတယ်။ သူ့ရဲ့ တီထွင်မှုတွေကို အသိအမှတ်မပြုဘဲ ပိတ်ပင်ဖို့ ကြိုးစားလာတဲ့အခါ နည်းလမ်းမျိုးစုံ ယှဉ်ပြိုင်တိုက်ပွဲဝင်ရင်း အိန္ဒိယနိုင်ငံရဲ့ စက်မှုနည်းပညာအနာဂတ်ကို ပုံဖော်ဖို့ ကြိုးစားခဲ့ပုံတွေကို စိတ်လှုပ်ရှားဖွယ် ရိုက်ကူးတင်ဆက်ထားတာပဲ ဖြစ်လို့ကြည့်ဖြစ်အောင် ကြည့်သင့်တဲ့ ဇာတ်ကားကောင်းတစ်ကားပဲဖြစ်ပါတယ်။ File size… 8GB / 2 GB / 1.3 GB Quality…WEB DL 4k HEVC 1080p HEVC/ 720p Format…mkv/ mp4 Duration…. 2h 26m Subtitle….Myanmar Subtitle (Hard Sub)

Diesel 2025 ဒီဇယ် IMDB -6.5/10 ရေနံစိမ်းဟာ နိုင်ငံအတွက် ရတနာဆိုပေမဲ့ ရေနံထုတ်ယူရာဒေသက တံငါသည်တွေအတွက် ရေနံပိုက်လိုင်းကြီးဟာ အိပ်မက်ဆိုးတစ်ခုပေါ့။ တစ်နိုင်ငံလုံးက ဒီရေနံကနေ အကျိုးကျေးဇူးရခဲ့သမျှ ရေနံပိုက်လိုင်းရှိရာနေရာက တံငါရွာလေးတွေကတော့ ဖြစ်လာသမျှအကုန် ရင်စည်းခံရရှာတာပါ။ ဒီလိုနဲ့ ‌ဗာဆူရဲ့အဖေက ဒီတံငါရွာကို ဒုက္ခပေးနေတဲ့ ပိုက်လိုင်းကနေ သုခရှာဖို့ ကြံစည်ပါတော့တယ်။ အဲဒါကတော့ ဒီပိုက်လိုင်းကြီးကနေ ရေနံခိုးဖို့ပါပဲ။ ဒီလိုရေနံခိုးလာခဲ့ပြီး တံငါရွာကလူတွေအတွက် နောက်ကွယ်ကနေ အကျိုးပြုလာခဲ့တာ သားဖြစ်သူ ဗာဆူလက်ထက်အထိပါပဲ။ ဒါပေမဲ့ ဗာဆူအများအကျိုးဆောင်နေတာကို ဖျက်လိုဖျက်ဆီးလုပ်ချင်တဲ့ လောဘသားတွေက မျက်စိကျလာချိန်မှာတော့... File size… 2.4 GB / 1.2 GB Quality…WEB DL 1080p HEVC/ 720p Format…mkv/ mp4 Duration….2h 24m Subtitle….Myanmar Subtitle (Hard Sub)

Kadhalikka Neramillai 2025 (ပျောက်ဆုံးနေသောအချစ် ) ယိုဂီဘာဘူပါဝင်သရုပ်ဆောင်ထားတဲ့ ဒရာမာဇာတ်ကားအသစ်လေး ထွက်ရှိလို့လာပါပြီ။ ဒရာမာဆိုပေမဲ့ ယိုဂီဘာဘူရဲ့ ထုံးစံအတိုင်းပဲ ဟာသလေးတွေနှောပြီး ကြည့်ရှုရမဲ့ ဇာတ်ကားကောင်းလေးတစ်ပုဒ်ဖြစ်ပါတယ်။ ရှရီယာဆိုတဲ့ကောင်မလေးဟာ ကလေးအရမ်းလိုချင်နေတဲ့သူဖြစ်ပြီးတော့ သူ့ကောင်လေးနဲ့ မင်္ဂလာဆောင်ပြီးတာနဲ့ တန်းပြီးတော့ ကလေးယူဖို့အတွက် ဆုံးဖြတ်ထားတဲ့သူတစ်ယောက်ပေါ့။ ဒါပေမဲ့လည်း အသက်အရွယ်ကြောင့်ရော သူ့ရောဂါအခြေအနေကြောင့်ပါ သူဟာ IVF (ခန္ဓာကိုယ်ပြင်ပတွင် သန္ဓေတည်စေခြင်း) ပြုလုပ်ဖို့အတွက် ဒေါက်တာက အကြံပြုတဲ့အတိုင်းပဲ IVFနည်းနဲ့ ကလေးယူဖို့ ကြိုးစားနေသူတစ်ယောက်ပါ။ ဆစ်ဒ်ဆိုတဲ့ကောင်လေးကတော့ ဒီလောကကြီးက လူသားတွေဟာ ကမ္ဘာဂြိုဟ်ကြီးအတွက် ဝန်ထုပ်ဝန်ပိုးဖြစ်တယ်လို့ ထင်နေပြီး ကလေးမလိုချင်တဲ့သူတစ်ယောက်ပေါ့။ သူဟာလည်း ချစ်ရသူရှိပေမဲ့ ချစ်သူရဲ့ ဆန္ဒအတိုင်း စေ့စပ်ဖို့ စီစဉ်လိုက်ပေမဲ့ လက်ထပ်တာတွေ ကလေးယူတာမျိုးတွေကို မလုပ်ချင်သူတစ်ယောက်ပါ။ ဆစ်ဒ်မှာ ငယ်ငယ်လေးကတည်းက ဆိုးတူကောင်းဖက်ပေါင်းဖက်လာခဲ့တဲ့ သူငယ်ချင်းနှစ်ယောက်ရှိပါတယ်၊ ဂိုဒါနဲ့ စီသူလို့ ခေါ်ပါတယ်။ စီသူဟာ ဂေးတစ်ယောက်ဖြစ်ပြီး ကလေးမွေးချင်နေရာကနေ သုက်ပိုးကို အေးခဲထားဖို့အတွက် အကြံပေါ်လာခဲ့ပါတော့တယ်။ ဒီမှာပဲ ငယ်ငယ်လေးကတည်းက ဘာမဆို အတူတူလုပ်ခဲ့ကြတဲ့သူငယ်ချင်းတွေပီပီ စီသူဟာ သူသုက်ပိုးအေးခဲမဲ့ကိစ္စကို ဂိုဒါနဲ့ ဆစ်ဒ်ကိုပါ အပါခေါ်ပါတော့တယ်။ ဒီလိုနဲ့ ကလေးမလိုချင်တဲ့ ဆစ်ဒ်ရဲ့ အေးခဲထားတဲ့ သုက်ပိုးကနေ မျိုးပွားလာမှာလား ........ ရှရီယာတစ်ယောက်ရော IVF ကုထုံးနဲ့အတူ သူလိုချင်တဲ့ ကလေးလေး ရရှိလာမှာလား ... ရှရီယာနဲ့ ဆစ်ဒ်တို့ကရော ဘယ်လို ဆက်စပ်မှုတွေ ရှိနေလဲ .... ဆိုတာကို ကြည့်ရှုရမဲ့ ဇာတ်ကားလေးဖြစ်ပါတယ်။ (အညွှန်းနဲ့ ဘာသာပြန်ကတော့ ToMo~ ZweYan ~ V ~ Star တို့ဖြစ်ပါတယ်) File size… 2.5 GB / 1.2 GB Quality…WEB DL 1080p HEVC/ 720p Format…mkv/ mp4 Duration….2h 20min Subtitle….Myanmar Subtitle (Hard Sub) Encoder….YK Translated by ToMo~ ZweYan ~ V ~ Star

Identity (2025) ဖြစ်တည်မှု CM Bollywood ပရိသတ်ကြီးအတွက် ဇာတ်လမ်းဆန်းဆန်း rating ကောင်းကောင်းနဲ့ မလေယာလမ်းစကားပြော အိန္ဒိယကားသစ်လေးနဲ့ မိတ်ဆက်ပေးချင်ပါတယ်။ ဇာတ်လမ်းလေးရဲ့အစမှာတော့ အိမ်ထောင်ကွဲလို့ အမေတစ်ယောက်အဖေတစ်ယောက် အုပ်ထိန်းခွင့်ယူကြတဲ့အခါမှာ အဖေ့ဘက်လိုက်နေရတဲ့ ဟာရန်လေးဟာ ဖခင်အရက်သမားရဲမှူးရဲ့သင်တန်းကျောင်းနေရသလို ထိန်းကျောင်းပုံကြောင့် ငယ်ငယ်ရွယ်ရွယ်နဲ့ ထရော်မာဝင်ပြီး ဘာမဆိုပြည့်စုံမှကြိုက်တဲ့ စိတ်ရောဂါရသွားပါတယ်…. နှစ်တွေကြာပြီးနောက် စတိုးဆိုင်တစ်ခုက အဝတ်လဲခန်းမှာ ကင်မရာခိုးထားပြီး ကောင်မလေးတွေကို ဗီဒီယိုရိုက်ငွေညှစ်လုပ်စားနေတဲ့ အမာရ်ဆိုတဲ့ လူယုတ်မာတစ်ကောင်ရှိပါတယ်။ တစ်နေ့မှာတော့ ခွင်ဖန်နေတုန်း ချောင်းရိုက်ကောင်ကို ဘယ်ကမှန်းမသိတဲ့ဘဲတစ်ပွေက အရှင်လတ်လတ်မီးရှို့ပြီး အလောင်းကိုချောင်းထဲပစ်ချလိုက်ပါတယ် ဒီအမှုကို ရဲတွေကလည်း ကြိုးစားပမ်းစားစစ်ဆေးဖို့ ကြိုးစားကြရင်း ဘယ်သူတွေနဲ့ဘယ်လိုပတ်သက်ဆက်နွယ်နေမလဲဆိုတာ ပိတ်သားပြင်ထက်မှာပဲ ဆက်လက်ရှုစားနိုင်ဖို့ မနှေးလေးတင်ဆက်ပေးပါရစေ။ အညွှန်းနဲ့ဘာသာပြန်ကတော့ CM Bollywood Team ကပဲ ဖြစ်ပါတယ် File size… 3.64 GB / 1.7 GB / 900 MB Quality…4k HEVC / WEB DL 1080p HEVC/ 720p Format…mkv/ mp4 Duration….2h 37m Subtitle….Myanmar Subtitle (Hard Sub) Encoder….YK Translated by CM Bollywood Team

Hanu-man (2024) Imdb8.4/10 Rtscore 86% လက်ရှိမှာ ဟင်ဒီအသံဖြင့်သာ အကြည်ထွက်ရှိလာသေးတာမလို့ ဟင်ဒီအကြည်ဗားရှင်းဖြင့်သာ တင်ဆက်ပေးထားပါတယ် စူပါမျောက်မင်း ဟာနုမန် ဒီတစ်ခါ CM ပရိသတ်ကြီးကိုတင်ဆက်ပေးချင်တဲ့ဇာတ်ကားလေးကတော့ တီလဂူလ်စူပါဟီးရိုးကားလေးပဲ ဖြစ်ပါတယ် အမြတ်ငွေလည်း ၃၅၀ ကုဋေလောက်ရရှိခဲ့ပြီး 2024 မှာ ဒုတိယရုံဝင်ငွေအကောင်းဆုံးကားဖြစ်ပါတယ် ဇာတ်လမ်းလေးကို ပြောရရင် rating တွေ ကြည့်ရုံနဲ့ မခေလှတာကိုတော့ တွေ့မှာပါပဲ အထူးပြုလုပ်ချက်ဘာညာကလည်း ရိုးရာလဲမပျက် ခေတ်လဲမှီတဲ့ပုံစံလေးမို့ မဆိုးဘူးလို့ပဲ မှတ်ချက်ပေးရမှာပါ တစ်ခုပြောပြရမှာကတော့ ဗီလိန်ကတော့ ဆရာဘတ်နဲ့အဲဖရက်ကို Ref ယူထားတာပါ ဆရာဘတ်လိုမိဘတွေသေမှ စူပါဟီးရိုးဖြစ်မှာဆိုပြီး ကိုယ့်မိဘကိုယ်ပြန်သတ်တဲ့ ဆရာဘတ်အဇာတသတ် ဗားရှင်းကဗီလိန်ကြီးပါ အဲ့ချိန်မှာ မင်းသားတို့ရဲ့ရွာလေးမှာလည်း ရွာကိုအနိုင်ကျင့်စားနေတဲ့ လူမိုက်ခေါင်းဆောင်နဲ့ သူ့တပည့်တွေရှိပါတယ် အဲ့ကောင်တွေက မင်းသားရဲ့ကောင်မလေးနဲ့ ပြသနာဖြစ်လို့ အဲ့ကောင်မလေးကို သတ်ဖို့လုပ်တာကို မင်းသားကအချစ်စွမ်းအားနဲ့ ကြားကဝင်တားတာ ဟိုကောင်တွေက ချောက်ထဲကိုကန်ချလိုက်ပါတယ် ချောက်ထဲပြုတ်ကျပြီး သိုင်းကျမ်းမရပဲ အစွမ်းရသွားတဲ့ စူပါဟာနုမန်နဲ့ စူပါဟီးရိုးဖြစ်ချင်လှတဲ့ ဆရာဘတ်အတုတို့ ရင်ဆိုင်ကြရတဲ့အခါမှာတော့..... ပရိသတ်ကြီးပဲ အာရှစူပါဟီးရိုးကားလေးကို အားပေးကြပါဦး အခြေအနေကောင်းရင် စူပါဒဿဂီရိတွေ ထပ်ထွက်လာနိုင်ပါသေးတယ်... အညွှန်းနဲ့ဘာသာပြန်ကတော့ Saii ~ BpL ~ V ~ Thaik San တို့ပဲ ဖြစ်ပါတယ် File size…1.5GB Quality…WEB DL 1080p / 720p Format…mp4 Duration….2h 38m Subtitle….Myanmar Subtitle (Hard Sub) Encoder….YK Translated by Saii ~ BpL ~ V ~ Thaik San

Gandeevadhari Arjuna (2023) IMDb-7.7/10 Missionတွေလုပ်ရတဲ့ Agent movieတွေကို နှစ်သက်သူတို့အကြိုက်တွေ့မယ် IMDb 7.7 ရထားတဲ့ ရုပ်ရှင်ကားလေးတစ်ကားကို တင်ဆက်ပေးမှာပါ။ ဒီကားထဲမှာတော့ မင်းသားချော Varun Tej ကို အရည်အချင်းမှာ သူမတူအောင်ထက်မြက်ပေမဲ့ အမိန့်မနာခံဘဲ ထင်ရာလုပ်တတ်တဲ့အေးဂျင့်အနေနဲ့ မြင်တွေ့ရမှာပါ။ ဇာတ်လမ်းအကျဉ်း ရာသီဥတုဆိုးရွားစွာပြောင်းလဲမှုဒဏ်ကို ကမ္ဘာနဲ့အဝှမ်းခံစားလာရတဲ့အတွက် အမြဲအိပ်ပျော်နေတတ်တဲ့ UNကြီးလည်းနိုးထလာပြီး ရာသီဥတုပြောင်းလဲမှုအတွက် အဓိကကျတဲ့ နိုင်ငံ ၂၅ နိုင်ငံမှာ စောင့်ကြည့်သူတွေခန့်အပ်ဖို့ အဆိုတင်သွင်းလာပါတယ်။ အိန္ဒိယနိုင်ငံအတွက် စောင့်ကြည့်သူအဖြစ် လျာထားခံရသူကတော့ သစ်တောဝန်ကြီးအာဒီသရာပါ။ စက်ရုံစွန့်ပစ်ပစ္စည်းတွေရဲ့ စွန့်ပစ်မှုကိုကြည့်ရှုစစ်ဆေးအရေးယူရမယ့်သူအဖြစ် ခန့်အပ်ခံရခြင်းနဲ့အတူ မသမာတဲ့လုပ်ငန်းရှင်တစ်စုရဲ့ မဟာရန်သူတော်ကြီးဖြစ်လာတဲ့ဝန်ကြီးအာဒီသရာ၊ သူ့ကို ကာကွယ်ပေးနေတဲ့ ဆရာဖြစ်သူ‌ဗီဂျေးက ဒဏ်ရာရသွားတဲ့နေရာ အာဂျွန်က ဆရာ့ကိုယ်စား ဝန်ကြီးကိုကာကွယ်ဖို့ဖြစ်လာတဲ့အခါ... ဝန်ကြီးရဲ့ကိုယ်ရေးအရာရှိဖြစ်တဲ့အိုင်ရာနဲ့ တစ်ချိန်ကဇာတ်လမ်းလေးကလည်းရှိနေတော့ အာဂျွန်တစ်ယောက် နောက်ဆံတင်းနေပေမဲ့ ဆရာကလည်း အကူအညီတောင်းတာဖြစ်ပြန်၊ တစ်ဖက်မှာလည်း အမေ့ရဲ့ဆေးကုစရိတ်ကြောင့် ငွေလိုနေတဲ့အခါ အလုပ်ကိုလက်ခံပြီး ဝန်ကြီးကိုကာကွယ်ဖို့ ဖိုင်တွဲနံပါတ် ၁၃ ကိုအရယူဖို့ အာဂျွန်တစ်ယောက် ဘယ်လိုကြိုးစားသွားမလဲဆိုတာ ကြည့်ရှုလိုက်ရအောင်ပါ။ အညွှန်းနှင့်ဘာသာပြန်သူတွေကတော့ Alex ~ Dee ~ YH ~ ToMo~KKKZ တို့ပဲဖြစ်ပါတယ် File size…2.5GB/ 1.12GB Quality…1080p NF WEB DL /720p Format…mp4 Duration…2h 17m Subtitle….Myanmar Subtitle (Hard Sub) Encoder….YK Translated by Alex ~ Dee ~ YH ~ ToMo~KKKZ

Christopher 2023 (IMDb 6.8/10) အိန္ဒိယရဲကားကောင်းကောင်းလေးကိုမျှော်နေကြတဲ့ ပရိသတ်ကြီးအတွက် မင်းသားကြီးမမ်မွတ်တီးရဲ့ နောက်ဆုံးထွက် ရဲကားအလန်းလေးနဲ့ မိတ်ဆက်ပေးပါရစေ အိန္ဒိယနိုင်ငံမှာ သိတဲ့အတိုင်း ဘာအမှုပဲဖြစ်ဖြစ် မုဒိမ်းကျင့်လူသတ်ရင်တောင် ငွေနဲ့မီးငြိမ်းသလို အမှုတွေပျောက်သွားအောင် လူအားငွေအားနဲ့ လုပ်နိုင်တာကို သိကြမှာပါ ဒီကိစ္စကို ရဲမှူးခရစ္စတိုဖာဖြေရှင်းတဲ့နည်းလမ်းကတော့ ရိုးရှင်းပါတယ် ဘယ်တရားရုံးမှပို့မနေပဲနဲ့ တရားခံတွေကို သူ့သေနတ်နဲ့ပဲ ကိစ္စတုံးပေးတာပါ ဆိုရှယ်မီဒီယာ ပြည်သူလူထုအားလုံးအတွက် ခရစ္စတိုဖာက ဟီးရိုးပါ ဒါပေမဲ့ မျှတတဲ့ဒီမိုကရေစီစစနစ်တစ်ခုမှာ တရားစီရင်ရေးမဏ္ဍိုင်ဆိုတာ မရှိလို့မရပါဘူး အဲ့ဒါကြောင့် အထက်ဌာနကနေ ခရစ္စတိုဖာကို စုံစမ်းစစ်ဆေးဖို့အတွက် အမျိုးသမီးအရာရှိတစ်ဦးကို တာဝန်ပေးအပ်လိုက်ပါတော့တယ် ခရစ္စတိုဖာရဲ့ မီးစတစ်ဖက်ရေမှုတ်တစ်ဖက် မှန်ကန်မျှတပေမဲ့ မညှာတာတတ်တဲ့ စရိုက်ကို အတိတ်ကစတူးဖော်ကြည့်မိတဲ့အခါ........ ဒီဇာတ်ကားလေးဟာ ဇာတ်လမ်းလေးက မြင်နေကျဆိုပေမဲ့ ဆက်ပြီးကြည့်ချင်လောက်အောင် လှည့်ကွက်လေးတွေကို သူ့နေရာနဲ့သူပါထားပြီး မင်းသားကြီးမမ်မွတ်တီးရဲ့ အိုဗာတွေသိပ်မပါ ရင့်ကျက်တဲ့ပုံစံနဲ့မို့ ကြည့်ရရှုရတာ စိတ်ဝင်စားဖို့ကောင်းပြီး မှုခင်းဒရာမာ ရဲအက်ရှင်ကြည့်ချင်တဲ့သူတွေအတွက် ဇာတ်အိမ်ကောင်းကောင်း သရုပ်ဆောင်ကောင်းကောင်း ဒီကားလေးကို လက်မလွှတ်ကြဖို့ လက်တို့ပေးပါရစေ File size…2.25GB / 1.1GB Quality…1080p True WEB DL /720p Format…mp4 Duration….2h 30m Subtitle….Myanmar Subtitle (Hard Sub) Encoder….YK Translated by Sai Thu Rein~ Zwe Yan Paing~ Khin Khin

ရှေ့နေကန်နာဘီရန်ရဲ့ မိဘတွေက သားဖြစ်သူ လမ်းမှားမလျှောက်ဘူးလို့ အမြဲယုံကြည်ထားကြသူတွေပါ။ သားသဘောကျတဲ့ ကောင်မလေးကို တင်တောင်းလို့မရရင် ခိုးပြေးဖို့တောင် ဝိုင်းမြှောက်ပေးကြလို့ ဒီမိသားစုရဲ့အဖြစ်တွေက အလွဲအချော်တွေနဲ့ ရယ်စရာဖြစ်နေတတ်တယ်။ ဒါပေမယ့် ခိုးပြေးဖို့ စီစဉ်ထားတဲ့နေ့မှာ မထင်မှတ်တဲ့ကိစ္စတစ်ခု ပေါ်လာပါတယ်။ သူနဲ့ ခိုးပြေးမယ့်မိန်းကလေးရဲ့ သူငယ်ချင်း အန္တရာယ်ကြုံနေရတယ်ဆိုတဲ့ သတင်းရလာလို့ ကန်နာဘီရန်က သွားကယ်တင်ပါတယ်။ အဲဒီကနေ သိလာရတဲ့ အမှန်တရားတွေနောက်မှာ တစ်မြို့လုံးက မိန်းကလေးတွေကို အသုံးချပြီး အကျပ်ကိုင်ခြိမ်းခြောက်တဲ့ ကိစ္စအထိ ရောက်လာတယ်။ နောက်ကွယ်က အကျပ်ကိုင်နေသူဟာ သူအလွယ်တကူ ရင်ဆိုင်နိုင်တဲ့လူ မဟုတ်တဲ့အခါ ကန်နာဘီရန် ဘယ်လိုလှည့်ကွက်တွေနဲ့ တုံ့ပြန်မလဲဆိုတာ ဆက်တွေ့ရမှာပါ။

ပြိုင်ပွဲတိုင်းမှာ ပထမဆုရလေ့ရှိတဲ့ ခွေးသင်တန်းကျောင်းတစ်ခုက မျိုးကောင်းမျိုးသန့်ခွေးတွေကိုပဲ မွေးမြူထားပါတယ်။ တစ်နေ့မှာတော့ အဲဒီကျောင်းက Husky ခွေးမလေးတစ်ကောင် သားပေါက်ရာမှာ မျက်စိမမြင်တဲ့ ခွေးလေးတစ်ကောင် ပါလာတယ်။ အသုံးမဝင်တဲ့ခွေးတွေကို သတ်ပစ်ဖို့ အထက်က အမိန့်ပေးထားတာကြောင့် ခွေးလေးကို တောထဲခေါ်သွားကြပေမယ့် သတ်ဖို့လုပ်နေတုန်း လွတ်မြောက်သွားပါတယ်။ အဲဒီခွေးလေး ဆင်းမ်ဘာဟာ အာဂျွန်ဆိုတဲ့ ကလေးတစ်ယောက်နဲ့ ဆုံမိတယ်။ မျက်စိမမြင်ပေမယ့် အနံ့ခံအာရုံကောင်းတဲ့ ဆင်းမ်ဘာက အာဂျွန်ရဲ့အနံ့ကိုခံပြီး အိမ်အထိ လိုက်လာရာက သူ့ရဲ့ပြုစုစောင့်ရှောက်မှုအောက်မှာ ကြီးပြင်းလာပါတယ်။ ဒါပေမယ့် ဆင်းမ်ဘာကို သတ်ဖို့လိုက်ရှာနေတဲ့ လူနှစ်ယောက်ကတော့ လက်မလျှော့ကြသေးဘူး။ သူတို့ ဆင်းမ်ဘာရဲ့သတင်းကို ရသွားတဲ့နောက် ဘာတွေဆက်ဖြစ်လာမလဲ။ တစ်ဖက်မှာလည်း နှစ်စဉ်ကျင်းပတဲ့ ခွေးပြိုင်ပွဲထဲ ဆင်းမ်ဘာကို ဝင်ပြိုင်စေချင်ကြတော့ မျက်စိမမြင်တဲ့ခွေးလေးကို ဘယ်လိုလေ့ကျင့်ပေးပြီး ဝင်ယှဉ်ပြိုင်ကြမလဲ။

တကယ်လည်း ကြမ်း၊ သည်းထိပ်ရင်ဖိုစရာလည်း ​ကောင်း၊ ရုံတင်တုန်းကလဲ အတော်လေးရေပန်းစား ပေါက်ခဲ့ပြီး ရုံတင်ရက်၂၅ရက်အကြာမှာ အိန္ဒိယရူပီ ၁၀၀Crsထိ ရထားတဲ့ နာနီရဲ့ ဒီရုပ်ရှင်ကားကတော့ ရုပ်တည်ကြီးနဲ့ တကယ်ခွီရတဲ့ ​Tamil Action - Comedy ကားသစ်တစ်ကားကို တင်ဆက်​ပေးလိုက်ပါတယ် MDb rating 8.5ရ​တာနဲ့တန်​အောင် တကယ်ကြည့်​ပျော်ပြီး ဇာတ်အစအဆုံး အချိန်၂နာရီခွဲကုန်မှန်းမသိ ကုန်​စေမယ့်ကားလို့ ညွှန်းဆိုပါ​ရ​စေ အညွှန်း စစ်တပ်ဆရာဝန်တစ်​ဦးဖြစ်တဲ့ ဗာရွန်ဟာ ဘုကလန့်လည်းကျ၊ စကားကို တည့်တိုးပဲ​ပြောတတ်ပြီး စိတ်ပိုင်းဆိုင်ရာထက် လက်​တွေ့ပိုင်းကို ပိုဦးစား​ပေးလို့ Emotional Dead manရယ်လို့ အမည်​​ပေးခံရသူရယ်ပါ ဒီလူဂွစာကြီးဟာ လူတကာကိုဘု​တော​ပေမဲ့ ဇနီး​လောင်းကို​တော့ သည်းသည်းလှုပ် ချစ်ရှာပါတယ်၊ သူချစ်ရတာနဲ့ တန်​အောင်ကို သူ့ရဲ့ဇတ်ဇတ်ကြဲဇနီး​လောင်း​လေး ပတ်မီနီကလည်း တင်​တောင်းတဲ့​​ နေ့မှာတင် ငြင်းလွှတ်လိုက်ပါတယ် ဗာရွန်ခမျာ ရည်းစားငြင်းခံရလို့မှ မပြီး​သေးခင် ခယ်မလောင်းလျာ ပြန်​ပေးဆွဲခံရတဲ့ကိစ္စကြောင့် မ​တော်လိုက်ရတဲ့ ဇနီးသည်မိသားစုနဲ့ အတူ ပြန်​ပေးဆွဲသူ​တွေကို လိုက်လံရှာ​ဖွေရင်း လူကုန်ကူးနဲ့ ကိုယ်အင်္ဂါရောင်းဝယ်​ရေး ကွန်ယက်ကြီးထဲ ပတ်သတ်မိသွားတဲ့အခါ ဘုကလန့်ဗာရွန်နဲ့ ဇတ်ဇတ်ကြဲ ပတ်မီနီတို့နှစ်​ယောက် ဘယ်လို အလွဲ​တွေဖြစ်ကြမလဲ၊ ညီမဖြစ်သူကို​ရော ပြန်ရှာ​တွေ့ပါမလား၊ သူတို့ရင်ဆိုင်​နေရတဲ့ ဂိုဏ်း​တွေက ဘယ်​လောက်​တောင်များလဲ ဆိုတာကို အတည်​ပေါက်နဲ့ ရယ်လည်းရယ်ရ၊ စိတ်လှုပ်ရှားဖို့လည်း ကောင်း​အောင် ရိုက်ကူးတင်ဆက်​ပေးထားတဲ့ Tamilကား​ကောင်း တစ်ကားပဲဖြစ်ပါတယ် File size…1.34GB / 2.4GB Quality… 720p WEB DL / 1080p HEVC AAC 5.1 Format…Mp4 Duration….2h 28min Subtitle….Myanmar Subtitle (Hard Sub) Encoder….YK Translated by JimX & Lai Laii

Thupparivaalan (2017) Imdb Ratings : 7.8 ဒီကားလေးက ကြည့်ဖူးနေကျ တေလဂူကားတွေနဲ့ လုံး၀ကွဲထွက်နေတဲ့ မင်းသားချော Vishal ရဲ့ Mysteryဆန်တဲ့ကားလေး စုံထောက်ကြီးရှားလော့ဟုမ်းကို ကြိုက်ခဲ့လို့လား မသိ တေလဂူ စုံထောက်ကားကို အရသာတွေ့နေမိပါတယ် ညွှန်းတယ်လို့ပဲ ဆိုဆို ဒီကားက တေလဂူ(ကောလိဝုဒ်)မဆန်တဲ့ကား လို့ ပြောပါရစေ တေလဂူမဆန်ဘူးဆိုတာ့တစ်ခြားပြောတာ မဟုတ်ပါ သီချင်းတွေလုံး၀မပါတာ၊ စကားတွေအများကြီး မပြောတာ ဇာတ်လမ်း အရမ်းကြီးမရှည်တာတွေကို ပြောတာပါ မင်းသားကလည်း နာမည်ကြီး မင်းသား အရင်ဇာတ်ရုပ်တွေနဲ့လုံး၀ကို မတူပဲ တစ်ခေတ်ဆန်းထားတဲ့ကားလို့ပဲ ဆိုချင်တယ် ဇာတ်ကြောင်းက... အလွတ်စုံထောက်တစ်ယောက် အမှုလိုက်စရာမရှိလို့ ငြီးတွားနေရာက စပါတယ် လာအပ်တဲ့အမှုတွေကလည်း သာမာန်အမှုတွေမို့သူ့အတွက် ပျင်းဖို့ကောင်းနေတာပေါ့ ပျင်းရင် စောင်ခြုံအိပ်လိုက် စာအုပ်တွေဖတ်လိုက်နဲ့ မာနကြီးပြီး စကားတွေအများကြီးမပြောတတ်တဲ့ ဂွတီးဂွကျ စုံထောက်ပေါ့ (Sherlock charactorကို မှီငြမ်းထားတာကိုး) အမှုမရှိချင်နေ..ပိုက်ဆံတွေ ဘယ်လောက်ပုံပေးပါစေ သူစိတ်မပါရင် ဘယ်အမှုကိုမှ လက်မခံတတ်တဲ့ ခေါင်းမာတဲ့စုံထောက်နာမည်က ကာနီယန်းတဲ့ တစ်နေ့တော့ သူတို့မြို့လေးရဲ့ ပင်လယ်ကမ်းခြေနားမှာနေတဲ့ကောင်လေး တစ်ယောက် သူ့ဆီကို အမှုတစ်ခုလာအပ်တယ် အမှုက အဲ့ဒီကောင်လေး မွေးထားတဲ့ခွေးလေး ပျောက်ဆုံးတဲ့အမှု ကောင်လေးနာမည်က နာဗီးတဲ့ အမှုကိုကြားလိုက်တာနဲ့ရယ်ချင်စရာကောင်းပေမယ့် အကြောင်းစုံသိလိုက်ရတဲ့အခါ ဆန်းကြယ်တဲ့အမှုတစ်ခု ဖြစ်နေမှန်း သိလိုက်ရတယ် ဒါနဲ့အဲ့ဒီခွေးပျောက်တဲ့အမှုကို လက်ခံပြီး စစုံစမ်းတော့ မထင်မှတ်တာတွေ ထူးဆန်းတဲ့ သဲလွန်စတွေကို အမှတ်မထင် တွေ့လာတော့တယ် ခွေးဟာ ရိုးရိုးပျောက်တာ မဟုတ် သေနတ်မှန်လို့သေသွားတာ ခွေးရဲ့အစာအိမ်ထဲမှာ ကျန်ခဲ့တဲ့ သေနတ်ကျည်ဆန်ကို သုံးပြီး အမှုကို ဆက်တိုက်လိုက်ကြည့်တဲ့အခါ ဒီကျည်ဆန်ရဲ့နောက်ကွယ်မှာ နိုင်ငံဖြတ်ကျော် ကြေးစား လူသတ်မှုတွေ ဒုဒရိုက်လောကနဲ့ဆက်နွယ်နေတဲ့ လာဘ်စားတဲ့ ရဲ၀န်ထမ်းတွေပါ ပါနေတယ်ဆိုတာ တဖြည်းဖြည်း သိလာတဲ့အခါ.. တဖြည်းဖြည်းချင်း အသက်ရှူမှားအောင် ဆွဲခေါ်သွားမယ် ကြည့်ရှုသူကို အလကားထိုင်မနေစေဘဲ ဘာဆက်ဖြစ်မလဲဆိုပြီး ပရိတ်သတ်ကို မေးခွန်းပြန်ထုတ်တဲ့ကား ကျွန်တော်ဆက်ပြောနေရင် Spoil သလိုဖြစ်နေမှာစိုးလို့ ကိုယ်တိုင်ပဲ ဒေါင်းပြီး ကြည့်လိုက်ပါတော့လို့... ကျေးဇူးတင်ပါတယ် ..... Review & Translated By Myint Thu(ငှက်ကလေး-နည်းပညာ) File Size: 1.2 GB and 2.1GB Quality: 720p and 1080p Genre : Action,Crime,Mystery Run Time : 151 mins Language : Telugu,English Release Date : 13th Sep 2017 Encoder: August

Aranmanai (2014) "ကျိန်စာသင့်ကလဲ့စား" IMDb 5.3 ရုံတင်ငွေ သန်း ၂၂၀ ရခဲ့တဲ့ နာမည်ကြီး တမီးလ် ဟာသသရဲကား လေးကားမှ ပထမဆုံးရုပ်ရှင်ကို ပရိသတ်ကြီးအတွက် တင်ဆက်ပေးလိုက်ပါတယ် မြို့စွန်တစ်နေရာက ခမ်းနားလှတဲ့ ဘိုးဘွားပိုင်စံအိမ်ကြီးတစ်လုံးရှိတယ် ဘယ်သူမှမနေတာကြာပြီဖြစ်တဲ့ ဒီအိမ်ကြီးကို အိုက်ယာနာ ဆိုသူက ဝယ်ဖို့လုပ်လာတော့ စံအိမ်ကြီးရဲ့ အမွေခံသားသမီးသုံးယောက်ရဲ့ သဘောတူလက်မှတ်ရဖို့ လူလိုက်စုရတယ် တစ်ချိန်က မခေါ်မပြောတဲ့ မောင်နှမတွေလည်း အိမ်ကြီးကို ပြန်လာရတာရှိသလို ဘယ်ကမှန်းမသိတဲ့ စံအိမ်ပိုင်ရှင်အဘိုးကြီးရဲ့ မယားငယ်ရဲ့ မြေးဆိုသူကလည်း ပေါ်လာပါလေရော အမျိုးတွေစုံစုံလင်လင် စုဝေးနေတဲ့ အိမ်ကြီးမှာ ထူးဆန်းတဲ့ သဘာဝလွန်ခြောက်လှန့်မှုတွေ ဆက်တိုက် ကြုံလာရတဲ့အခါမှာ အိမ်ကိုရောင်းဖို့အရေး တစ္ဆေမရဲ့ အတိတ်ဇာတ်လမ်းကို အားလုံးပြန်လည်တူးဖော်ဖို့လုပ်ရင်းက … ဘယ်လိုတွေဆက်ဖြစ်မှာလဲ တမီးလ်သရဲကားတို့ရဲ့ ထုံးစံအတိုင်း အကြောက်တစ်ခါ အဖောက်တစ်လှည့်တင်ဆက်ထားတဲ့ ဇာတ်လမ်းလေးကို အားပေးကြပါဦး အညွှန်းနဲ့ ဘာသာပြန်ကတော့ V ~ ToMo ~ Yunni ~ Zwe Yan ~ KKKZ တို့ ဖြစ်ပါတယ် File size… 4.74GB / 2.23GB Quality…WEB DL 1080p / 720p Format…mp4 Duration….2h 40m Subtitle….Myanmar Subtitle (Hard Sub) Encoder….YK Translated by V ~ ToMo ~ Yunni ~ Zwe Yan ~ KKK