Zhou Yiwei ပါဝင်သော ဇာတ်ကားများ

သမိုင်းစာမျက်နှာတွေမှာ သူရဲကောင်းတွေအဖြစ် မှတ်တမ်းတင်ခံရသူတွေ ရှိသလို ဘယ်သူမှ သတိမထားမိခဲ့တဲ့ သာမန်လူတွေရဲ့ စွန့်စားမှုတွေကြောင့်လည်း သမိုင်းတစ်ခု ပြောင်းလဲသွားတတ်ပါတယ်…ကိုယ့်မြို့ ကိုယ့်လူမျိုးနဲ့ ကိုယ့်ရဲ့မျှော်လင့်ချက်တွေအတွက် အသက်ကိုပါ ရင်းနှီးပြီး ခရီးရှည်ကြီးတစ်ခုကို ဖြတ်သန်းခဲ့ကြတဲ့ လူတစ်စုရဲ့အကြောင်းကို ဒီတစ်ခေါက်မှာ တင်ဆက်ပေးချင်ပါတယ်…ထန်မင်းဆက်ခေတ်က သဲကန္တာရကြီးရဲ့ အလယ်မှာ ဖြစ်ပွားခဲ့တဲ့ ဒီဇာတ်လမ်းဟာ သမိုင်းနောက်ခံ စစ်ပွဲတွေနဲ့ မမျှော်လင့်ထားတဲ့ စွန့်စားခန်းတွေကို ပေါင်းစပ်ထားတဲ့ Dunhuang Warriors ဆိုတဲ့ ဇာတ်ကားလေးပဲ ဖြစ်ပါတယ် ဒီဇာတ်ကားကို ဒါရိုက်တာ Cao Dun က ရိုက်ကူးထားပြီး ဇာတ်ညွှန်းကို Ma Boyong က ရေးသားထားပါတယ်..သမိုင်းဖြစ်ရပ်မှန်တွေကို အခြေခံထားပေမဲ့ ဇာတ်လမ်းထဲမှာတော့ အမည်နဲ့ ဇာတ်ကောင်တချို့ကို ပြောင်းလဲဖန်တီးထားပြီး သာမန်လူတစ်စုရဲ့ ကယ်ဆယ်ရေးခရီးစဉ်ကို အဓိကထား တင်ဆက်ထားပါတယ် ဒီဇာတ်ကားလေးဟာ သဲကန္တာရရဲ့ သဘာဝအလှအပ ရှေးခေတ်စစ်ဝတ်စုံနဲ့ လက်နက်ပစ္စည်းတွေ ဓားလှံတိုက်ပွဲတွေကို စိတ်ဝင်စားသူတွေအတွက် ကြည့်ရှုသင့်တဲ့ ဇာတ်ကားတစ်ကား ဖြစ်ပါတယ် တစ်ချိန်က ထန်မင်းဆက်ရဲ့ အုပ်ချုပ်မှုအောက်မှာရှိခဲ့တဲ့ ရှားကျိုးမြို့ဟာ တိဗက်တပ်တွေရဲ့ သိမ်းပိုက်ခြင်းကို ခံခဲ့ရပြီး နှစ်ပေါင်း ၆၀ ကျော်ကြာ အမိတိုင်းပြည်နဲ့ အဆက်အသွယ်ပြတ်တောက်ခဲ့ရပါတယ် နောက်ဆုံးမှာ Zhang Yi Chao ရဲ့ ဦးဆောင်မှုနဲ့အတူ မြို့သူမြို့သားတွေဟာ ထန်မင်းဆက်လက်အောက် ပြန်လည်ဝင်ရောက်နိုင်ဖို့ တော်လှန်ရေးစတင်ခဲ့ကြပါတယ်…ဒါပေမဲ့ ရန်သူအင်အားက အဆမတန်သာလွန်နေတဲ့အတွက် အကူအညီရဖို့ အရေးတကြီးလိုအပ်လာခဲ့ပါတယ်…ဒီလိုနဲ့ သူခိုး Wolf Yao Zi၊ တပ်ပြေး Nuo Ci နဲ့ Zhang Yue Ya၊ Cao Guang Zong တို့ပါဝင်တဲ့ အဖွဲ့ငယ်လေးဟာ သဲကန္တာရကြီးကို ဖြတ်ကျော်ပြီး စစ်ကူရှာဖွေရေးခရီးစဉ်ကို စတင်ခဲ့ကြပါတယ် သူတို့ရဲ့ခရီးဟာ အန္တရာယ်တွေပြည့်နှက်နေပြီး ရှားကျိုးပြည်သူတွေရဲ့ နောက်ဆုံးမျှော်လင့်ချက်ကိုပါ ပခုံးပေါ်ထမ်းထားရပါတော့တယ်…သာမန်လူတစ်စုရဲ့ ဒီခရီးစဉ်က ရှားကျိုးရဲ့ ကံကြမ္မာကို ပြောင်းလဲပေးနိုင်ပါ့မလား…အင်အားမမျှတဲ့ ရန်သူတွေကြားမှာ သူတို့ရဲ့ နောက်ဆုံးမျှော်လင့်ချက်ကို အကောင်အထည်ဖော်နိုင်ပါ့မလား…ဆိုတာ ဒီဇာတ်ကားလေးထဲမှာ ဆက်လက်ကြည့်ရှုခံစားလိုက်ကြရအောင် Filesize : 1.64 GB / 940 MB Quality : WEB-DL 1080p HEVC , 720p HEVC Format : mp4 Genres : Action and History Runtime : 2h 3 min Subtitle : Myanmar Subtitle ( Hardsub )

မမ Zhao Li Ying ရဲ့ဇာတ်ကားသစ်လေးကိုCMကနေတင်ဆက်ပေးလိုက်ပါပြီ။ ဇာတ်လမ်းဇာတ်ကွက်ကောင်းတွေနဲ့ပရိသတ်တွေကိုအမြဲစိတ်မပြတ်ရအောင် တင်ဆက်ပေးသွားတဲ့မမZhao Li Ying တစ်ယောက်ဘယ်လိုအသစ်အဆန်းတွေ ချပြသွားဦးမလဲဆိုတာ စိတ်ဝင်စားစရာပါပဲ။ ဇာတ်လမ်းအကျဉ်းကတော့ ရွှီထျန်း( Yin Fang)ဆိုတဲ့ကောင်လေးတစ်ယောက်ဟာ အွန်လိုင်းအငှားကားမောင်းရင် ကျာရှောင်သော်( Zhao Li Ying)ကိုကြိုက်ခဲ့ပါတယ်။ တစ်နေ့မှာတော့ သူတို့နှစ်ယောက်အတူ ပုံရိပ်ယောင်ကမ္ဘာ(Virtual World) ထဲကို ဝင်ရောက်သွားပြီးတော့ စိတ်ဝိညာဉ်ခရီးတစ်ခုစတင်လိုက်ကြပါတယ်။ ဒီခရီးကာလထဲမှာ အခက်အခဲတွေအများကြီးကြုံတွေ့ခဲ့ကြပြီးတော့ လူငယ်အမျိုးမျိုးကိုတွေ့ခဲ့ကြတယ်။ သူတို့အားလုံးဟာကိုယ့်အခက်အခဲကိုယ်စီနဲ့ကိုရှိကြပေမယ့် အချင်းချင်းရဲ့ဖေးမမှုအောက်မှာ အချုပ်အနှောင်တွေကနေရုန်းထွက်လာနိုင်ကြပြီးတော့ အတားအဆီးတွေကိုကျော်ဖြတ်လာကြတဲ့ စိတ်ဝိညာဉ်ကိုကုသတဲ့ဇာတ်လမ်းလေးပဲဖြစ်ပါတယ်။ Quality : WEB-DL 1080p, 720p Total Episodes : 8 Format : mp4 Genres : Mystery, Drama Runtime : 45 min Subtitle : Myanmar Subtitle ( Hardsub ) Translated by CM Team Reviewed By Nu Mon Encoded by LK

CM Chinese ကနေ C drama lover တွေအတွက် ရေမရောတဲ့ C drama စီးရီးကောင်းလေးတစ်ပုဒ်ကို ဘာသာပြန်တင်ဆက်ပေးဖို ယူဆောင်လာပါပြီ။ မြောက်ပိုင်းစုန့်မင်းဆက်ခေတ်ကို အခြေတည်ရိုက်ကူးထားတဲ့ တရုတ်ရိုးရာဇာတ်လမ်းတွဲတစ်ပုဒ်ဆိုရင်လဲ မမှားပါဘူး။ တရုတ်သမိုင်းနောက်ခံဇာတ်ကားတွေမှာပါဝင်နေကျဖြစ်တဲ့ မင်းသား ကျန်းစုန့်ဝမ်၊ မင်းသမီး ပိုင်ပိုင်ဟယ်တို က ခေါင်းဆောင်တွေအဖြစ်ပါဝင်သရုပ်ဆောင်ထားတဲ့ "Riverside Code at Qingming Festival" (ချင်းမင်မှလျှိဝှက်ပုစ္ဆာ) ဆိုတဲ့ C drama ကောင်းလေးနဲ့ မိတ်ဆက်ပေးချင်ပါတယ်။ ကျောက်မိသားစုမှာ မိသားစုဝင်ငါးယောက်ရှိပြီး မိသားစုဝင်တိုင်းက သူ့နည်းသူဟန်နဲ့ကွဲထွက်နေကြပါတယ်။ အဲလိုမတူတာတွေကို တူအောင်လိုက်ညှိရင်းနေထိုင်နေကြတဲ့ မိသားစုလေးဟာ Mei Ship (သင်္ဘော မေ့) ဆိုတဲ့ အမှုကိစ္စထဲမှာ တစ်နည်းမဟုတ်တစ်နည်း ပါဝင်ပတ်သက်မိသွားကြပါတော့တယ်။ နဂိုကတည်းက မတူတူတာကို မနည်းညှိနေကြရတဲ့အထဲ ဆန်းကြယ်ပြီးထူးဆန်းတဲ့အမှုကိစ္စထဲကို ပါဝင်သွားတဲ့အခါမှာတော့ မိသားစုဝင်ငါးယောက်လုံးရဲ့မတူညီတဲ့အမူအကျင့်တွေက ထိရှပွန်းပဲ့တာလေးတွေ ဖြစ်လာပါတော့တယ်။ အားလုံးရဲ့ဘဝတွေဟာ ဒရမ်မာဆန်ဆန် တစ်ဆစ်ပြီးတစ်ဆစ်‌ပြောင်းလဲလာပါတော့တယ်။ ဒီလိုလျှိဝှက်ဆန်းကြယ်တဲ့ပုစ္ဆာကို ကျောက်မိသားစုတို ဖြေရှင်းနိုင်ပါ့မလား? အမြဲတမ်းမတူညီခဲ့တဲ့သူတွေက အဆုံးသတ်မှာ ပုစ္ဆာရဲ့အဖြေကိုရဖို ဘယ်လိုတွေပူးပေါင်းစည်းလုံးသွားမှာလဲ။ အမှုကိစ္စကရော သူတိုတွေနဲ့ဘာကြောင့်ပတ်သက်နေရတာလဲဆိုတာကို သိချင်ရင်တော့ CM Chinese နဲ့အတူ ရင်တမမ ကြည့်ရှုအဖြေရှာလိုက်ရအောင်ဗျာ...။ Quality : WEB-DL 1080p, 720p Total Episodes : 26 Format : mp4 Genres : Thriller, Historical, Mystery Runtime : 45 min Subtitle : Myanmar Subtitle ( Hardsub ) Translated by CM Team Reviewed By Eris Encoded by LK

ဂျပန်ဆန့်ကျင်ရေးကာလက ဇာတ်လမ်းတွဲတွေကို နှစ်သက်တဲ့ ပရိသတ်တွေအတွက် Lost Identity ပြီးသွားတဲ့နောက် Zeng Shunxi ရဲ့ ကားသစ်လေးထွက်လာပါပြီနော် ဇာတ်လမ်းအညွှန်း 1941 ခုနှစ် စူးကျိုးမှာ ဖြစ်ပွားခဲ့တဲ့ ဂျပန်ဆန့်ကျင်ရေးစစ်မက်ကာလတွေကို ဇာတ်အိမ်တည်ထားတဲ့ ဒီကားလေးမှာတော့ ပြည်ပကပြန်လာတဲ့ ဗိသုကာပညာရှင် Gu Yizhong (Zeng Shunxi) နဲ့ ချစ်သူမိန်းကလေး Xiao Ruotong (Wang Yuwen) တို့ဟာ ဂျပန်ဆန့်ကျင်ရေးစစ်ပွဲတွေ ဖြစ်ပွားလာတဲ့အခါ ကွန်မြူနစ်ပါတီရဲ့ မြေအောက်အဖွဲ့အစည်းအဖွဲ့အဝင်တွေ ဖြစ်လာခဲ့ပါတယ် အရှုပ်အထွေးတွေကြားထဲမှာ Gu Yizhong တစ်ယောက် ပါတီရဲ့ သစ္စာဖောက်အဖြစ် စွပ်စွဲခံရပြီးနောက်မှာတော့ စူးကျိုးအထူးတပ်ဖွဲ့ရဲ့ ဂျပန်ဘက်ကို စစ်ရေးသတင်းစုံစမ်းဖို့ လွှတ်ထားခဲ့တဲ့ သူလျှိုတစ်ယောက်ဖြစ်လာခဲ့ပါတယ်။ အဲဒီနောက်မှာတော့ Gu Yizhong ဟာ အခက်အခဲနဲ့ ဖိအားပေါင်းများစွာကြားမှာ ဝမ်းရုပ်သေးအစိုးရထောက်လှမ်းရေးစခန်းရဲ့ တာဝန်ခံ Zhou Zhifei, ဂျပန်စစ်‌ရေးအကြံပေးအရာရှိ Jinteng Linan တို့နဲ့ ယှဥ်ပြိုင်လှုပ်ရှားရင်း တကယ့်သစ္စာဖောက် ဟေးပါးကို ဖော်ထုတ်ပြီးရှင်းပစ်ဖို့ တစ်ကိုယ်တော် ဘယ်လိုကြိုးစားသွားမလဲဆိုတာ ဒီဇာတ်လမ်းတွဲလေးမှာ အားပေးကြပါဦး Quality : WEB-DL 720p, 1080p Total Episodes : 36 Format : mp4 Genres : Thriller, Historical, Mystery, War Runtime : 45 min Subtitle : Myanmar Subtitle ( Hardsub ) Translated by CM Team Reviewed By MeeMee JueJue Encoded by LK

အသစ်ထွက်ရှိလာတဲ့ The Legend of Heroes (2024) သိုင်းကားစစ်စစ်ဖြစ်ပါတယ် ဂန္ဓာဝင်စာရေးဆရာကြီး ကျင်းယုံရဲ့ လက်ရာဖြစ်တဲ့ Condor Trilogy ထဲက ပထမဆုံး စာအုပ်ကို ပြန်လည်ဆန်းသစ်ရိုက်ကူးတင်ဆက်ထားခြင်းဖြစ်ပါတယ် သိုင်းကားစစ်စစ် ငတ်နေကြတဲ့ သိုင်းပရိသတ်တွေအတွက်တော့ မျှော်လင့်ထားရမယ့် စီးရီးတွဲတခုဖြစ်ပါတယ် 2020 နောက်ပိုင်း ဆရာကြီးကျင်းယုံရဲ့ Novel တွေကို ပြန်ရိုက်သမျှ Remake တွေလိုပဲ အစဉ်အလာမပျက် Fail ဦးမလား ဒါမှမဟုတ် အောင်မြင်မှာလားဆိုတာတော့ ကျွန်တော်တိုဆက်လက်ရှုစားကြရအောင်ပါ ရိုက်ကူးရေးမှာတော့ Director ၅ ယောက် နဲ့ Screen Writer ၅ ယောက် ပါဝင်ထားပါတယ် Part တွေခွဲပြီးရိုက်ကူးသွားကြမှာဖြစ်ပြီး Shen Li ရဲ့ ဒါရိုက်တာ အပြင် Legend Of Zhuo Hua ရဲ့ ဒါရိုက်တာလဲပါဝင်ကြောင်းသိရပါတယ် ဇာတ်လမ်းကောင်းတွေကိုရိုက်ကူးခဲ့တဲ့ ဒါရိုက်တာတွေလဲ ပါဝင်ကြတာဖြစ်တဲ့အတွက် မျှော်လင့်ဖိုထိုက်တန်တဲ့ Drama လေးတခုအဖြစ် သိုင်းပရိသတ်တွေရင်ခုန်နေမှာအမှန်ပါပဲ ဒီဇာတ်လမ်းရဲ့ မူရင်းဝတ္ထုဖြစ်တဲ့ The Legend of the Condor Heroes (射鵰英雄傳) ကို ၁၉၅၇ ခုနှစ်မှာ ပထမဆုံးအကြိမ် စတင်ထုတ်ဝေခဲ့ပါတယ် အခု ထွက်လာမဲ့ Drama မှာတော့ Part 5 ခုခွဲပြီး ရိုက်ကူးတင်ဆက်သွားမယ်လို သိရပြီး စုစုပေါင်းအပိုင်း ၆၀ ပါဝင်မှာပါ အရှေ့မက်မွန်ကျွန်းသခင်၊ အနောက်အဆိပ်၊ တောင်ပိုင်းဘုန်းကြီး၊ မြောက်ပိုင်း သူဖုန်းစားနဲ့ အလယ်ပိုင်း သူတော်စင်တိုအကြောင်းကိုလဲ အကျယ်တဝံ့ရိုက်ကူးတင်ဆက်မယ့်အခန်းတွေလဲပါပါတယ် ဒီဇာတ်လမ်းရဲ့ ခေတ်ကိုတော့ စုန့်မင်းဆက်မှာ အခြေခံထားပါတယ်။ ကာလကတော့ ကျင်းလူမျိုးတွေ အင်အားကြီးမားနေချိန်၊ မွန်ဂိုတွေက သဲကန္တာရကို စိုးမိုးနေချိန်ပဲ ဖြစ်ပါတယ်။ စုန့်ဘုရင်ကလည်း စာပေအနုပညာကလွဲပြီး တိုင်းရေးပြည်ရေးကို စိတ်မဝင်စားတော့ပါဘူး။ သူ့ရဲ့ အမတ်ချုပ်ကြီး ကျင့်ဟိုင်က သစ္စာရှိအမတ်တွေကို ရှင်းထုတ်ရင်း နန်းတွင်းမှာ အုပ်စိုးနေပါတော့တယ်။ စစ်သူကြီးယွဲဖေးကို သတ်ဖြတ်ခဲ့ပြီး ကျင်းလူမျိုးတွေနဲ့ စစ်ပြေငြိမ်းထားပါတယ်။ နေရာအနှံမှာလည်း အမတ်တွေ အကျင့်ပျက်ပြီး ပြည်သူတွေကို ဖိနှိပ်နေချိန်ပါ။ ဒါကြောင့် သိုင်းလောကသားတွေ ဒီအတိုင်း ကြည့်မနေနိုင်တော့ဘဲ နေရာအနှံမှာ အကျင့်ပျက်အမတ်တွေကို သုတ်သင်ရင်း တိုက်ပွဲတွေ ဖြစ်လာပါတော့တယ်။ ဒီတိုက်ပွဲတွေကြားထဲမှာ ညပ်ပြီး ဒုက္ခရောက်သွားတဲ့ ကောမိသားစုနဲ့ ယန်မိသားစု၊ သူတိုရဲ့ သားတွေဖြစ်တဲ့ ကောကျင့် နဲ့ ယန်ခန်းတိုက အဓိက ဇာတ်ကောင်တွေဖြစ်လာပါတယ်။ သိုင်းလောကထဲမှာတော့ ဒီကာလမှာ ထိပ်သီးကြီး ၅ ဦးပေါ်ပေါက်လာပါတော့တယ်။ အရှေ့မက်မွန်ကျွန်းသခင်၊ အနောက်အဆိပ်၊ တောင်ပိုင်းဘုန်းကြီး၊ မြောက်ပိုင်း သူဖုန်းစားနဲ့ အလယ်ပိုင်း သူတော်စင်တိုပါပဲ။ ဒီဇာတ်လမ်းဟာ သိုင်းလောက နဲ့ နိုင်ငံရေးစစ်ရေးတွေကို ဟာကွက်မရှိအောင် ရေးသားထားတဲ့ ဂန္ဓာဝင်ဝတ္ထုကြီးကို ပြန်လည်ရိုက်ကူးထားတာပြီး အခု ဒီ Remake ဟာ Hit ဖြစ်လာမလား Fail သွားမလားဆိုတာကိုတော့ ပရိသတ်ကပဲ ဆုံးဖြတ်သွားမှာ ဖြစ်ပါတယ် Quality : WEB-DL 720p, 1080p Total Episodes : 60 Format : mp4 Genres : Drama, Romance, Historical Runtime : 45 min Subtitle : Myanmar Subtitle ( Hardsub ) Translated by CM Team Reviewed By LK Encoded by LK

စုံထောက်ကြီးဒီး၏အမှုမှတ်တမ်းများ ဒီနာမည်လေးကိုကြားလိုက်တာနဲ့ CM ပရိသတ်တွေ အကုန်သိကြတဲ့နာမည်လေးတစ်ခုဆိုလည်းမမှားပါဘူး။ ဒီတစ်ခါမှာတော့ဝတ္ထုကိုအခြေခံပြီး ဇာတ်လမ်းတွဲအဖြစ်ရိုက်ကူးထားတဲ့ စုံထောက်ကြီးဒီး၏အမှုမှတ်တမ်းများ ဆိုတဲ့ ဇာတ်လမ်းတွဲလေးဖြစ်ပါတယ်။ ဒီဇာတ်ကြောင်းကတော့ ထန်ခေတ်အစောပိုင်း မိဖုရားခေါင်ကြီးရဲ့လုပ်ပိုင်ခွင့် အာဏာရှိတဲ့ တံဆိပ်တော်ဇာမဏီတံဆိပ်တော်ပျောက်ဆုံးမှုဖြစ်ပွားခဲ့ပြီး နန်းတော်မင်းမူးမတ်ရာတွေ သတ်ဖြတ်ခံရတဲ့အမှုတွေနဲ့ ပြည့်နှက်နေတာပေါ။ ဒီလိုတံဆိပ်တော်ပျောက်ဆုံးမှုက နန်းတော်ကြီးကို မူမမှန်တာတွေ အုပ်ချုပ်မှုမငြိမ်မသက်ဖြစ်နေတာတွေ ဖြစ်ပေါ်စေခဲ့တယ်။ဒီအချိန်မှာပဲ နန်းတွင်းမင်းမှူထမ်းစာမေးပွဲကို အောင်သွားတဲ့ ဒီးရန်ကျယ်က အမှတ်မထင်ပဲထူးဆန်းတဲ့လူသတ်မှုထဲပါဝင်ပတ်သက်သွားခဲ့တယ်။ ဒီလိုနဲ့ဒီးရန်ကျယ်က လူသတ်မှုနဲ့တံဆိပ်တော်ပျောက်ဆုံးမှု ပတ်သက်မှုရှိနေတာကို သိသွားတာကနေစပြီး လျှို့ဝှက်ဆန်းကြယ်တဲ့ အမှုတွေကိုစုံစမ်းဖော်ထုတ်အဖြေရှာပြီးတော့ ပြည်သူတွေကိုကူညီပေးခဲ့တယ်။ဒီဇာတ်လမ်းလေးကတော့ အရင်ဒီးရန်ကျယ်ဇာတ်ကားတွေထဲက ဒီးရန်ကျယ်မူမပျက်အောင်အမှုတွေကိုဖော်ထုတ်သွားပြီးတော့ ဒီးရန်ကျယ်ပီသစွာပဲ အမှုတွေကိုပညာသားပါးပါးဖြေရှင်းထားတဲ့ဇာတ်လမ်းလေးတစ်ပုဒ်ဖြစ်တာကြောင့် လက်မလွတ်တမ်းကြည့်ရူလိုက်ရအောင် ~ Quality : WEB-DL 1080p , 720p Total Episodes : 32 Format : mp4 Genres : Crime, Mystery, Adventure Runtime : 45 min Subtitle : Myanmar Subtitle ( Hardsub ) Translated by CM Team Reviewed By Ann Chi Encoded by LK

တရုတ်နိုင်ငံမှာ အောင်မြင်နေတဲ့ သရုပ်ဆောင်တွေအားလုံးကို ခေါ်ရိုက်ထားသလားထင်ရအောင် နာမည်ကြီးသရုပ်ဆောင်တွေစုပေါင်းအားဖြည့်ထားတဲ့ ရုပ်ရှင်ပဲ ဖြစ်ပါတယ်။ TF boys အဖွဲ့ဝင် Karry Wang က ခေါင်းဆောင်သရုပ်ဆောင်ထားတဲ့ သိပ္ပံအက်ရှင်စွန့်စားခန်းရုပ်ရှင်လေးကို ဘာသာပြန် တင်ဆက်လိုက်ပါတယ်။ အနာဂတ်ခေတ်မှာ ကမ္ဘာပေါ်မှာ အမည်မသိသက်ရှိတွေ ထွက်ပေါ်လာတဲ့အတွက် ၇၄၉ သက်ရှိသုတေသနစခန်းကို ဖွဲ့စည်းခဲ့ပါတယ်။ ဟုန်ခွမ့်သတ္တုတွင်းပြိုကျပြီးနောက် သတ္တုတွင်းတစ်ဝိုက်မှာ မြူငွေတွေ ထွက်ပေါ်လာပါတယ်။ အဲဒီမြူငွေ့တွေက လူတွေအတွက် အန္တရာယ်မရှိပေမဲ့ တဖြည်းဖြည်းပိုပြီး သိပ်သည်းလာပါတယ်။ ဟုန်ခွမ့်သတ္တုတွင်းထဲမှာလည်း ထူးဆန်းတဲ့ သက်ရှိတစ်မျိုးကို တွေ့ခဲ့ပြီး အဲဒီသက်ရှိဟာ သတ္တုရော ပရိုတင်းဓာတ်ကိုရော စုပ်ယူဝါးမြိုနိုင်ပြီး အဲဒီအကောင်ကို အနိုင်ယူနိုင်တဲ့အရာမရှိ ဖြစ်နေပါတယ်။ အဲဒီသက်ရှိကို အမှတ်သုညသက်ရှိအဖြစ် နာမည်ပေးခဲ့ပါတယ်။ အမှတ်သုညသက်ရှိက ကြီးလာတာနဲ့အမျှ လူတွေအတွက် အန္တရာယ်ရှိလာခဲ့ပါတယ်။ သတ္တုတွင်းထဲက ပြဿနာကို ဖြေရှင်းဖို့ သာမန်ကောင်လေးတစ်ယောက်အဖြစ် ဘဝကို အေးချမ်းစွာဖြတ်သန်းနေတဲ့ မာရှန်းကို ၇၄၉ စခန်းက လိုအပ်လာတဲ့အတွက် မာရှန်းရဲ့ဘဝဟာ စတင်ပြောင်းလဲရပါတော့တယ်။ မာရှန်းရဲ့ လျှို့ဝှက်ချက်က ဘာလဲ...... သတ္တုတွင်းထဲက သက်ရှိကိုရော ဘယ်လို အနိုင်ယူရမလဲ...... ၇၄၉ စခန်းက ဒီအန္တရာယ်ဘေးက ကျော်ဖြတ်နိုင်မလား...... ဆိုတာကို ဆက်လက်ကြည့်ရှုလိုက်ရအောင်နော်။ Filesize : 7.70 GB / 2.23 GB / 1.26 GB Quality : WEB-DL 4K HEVC , 1080p HEVC , 720p HEVC Format : mkv Genres : Action , Adventure , Science Fiction Runtime : 2h 3 min Subtitle : Myanmar Subtitle ( Hardsub ) Translated by CM Team Reviewed By Moon Encoded by LK

တက္ကသိုလ်ကျောင်းသူ ကျောက်ရွှယ်နင်ဟာ ချေးငွေကိစ္စတစ်ခုနဲ့ ပတ်သက်ပြီး အာမခံကုမ္ပဏီရဲ့ အပေါ်ဆုံးထပ်ကနေ ခုန်ချသွားပါတယ်။ ဝမ်းဟိုင်မြို့မှာ တာဝန်ကျတာ မကြာသေးတဲ့ မှုခင်းရဲအရာရှိ ချန်ရွေ့က ဒီအမှုကို လက်ခံစုံစမ်းရင်း ကိုယ့်ကိုယ်ကိုယ် အဆုံးစီရင်မှုမဟုတ်ဘဲ လူသတ်မှု ဖြစ်နိုင်တယ်လို့ သံသယဝင်လာတယ်။ အထက်အရာရှိ စခန်းမှူးတုကလည်း အမှုကို အမြန်ဆုံး ဖော်ထုတ်ဖို့ ညွှန်ကြားလာပါတယ်။ ချန်ရွေ့ အမှုရဲ့အစအနတွေကို လိုက်ရှာလေလေ ထင်ထားတာထက် ပိုရှုပ်ထွေးနေမှန်း သိလာရလေလေပါပဲ။ အာမခံကုမ္ပဏီတင်မက မြို့ရဲ့ မျက်နှာဖုံးစီးပွားရေးသမား အန်းယိမင်နဲ့ သူ့ဇနီး ကျိုးထုံတို့ပါ ပတ်သက်နေကြောင်း တွေ့လာရတယ်။ ငွေကြေးခဝါချမှုနဲ့ တရားမဝင်ငွေချေးမှုတွေအကြောင်းကို ရိုက်ထားတဲ့ ဒီဇာတ်လမ်းမှာ အမှုတွေရဲ့နောက်ကွယ်မှာ ဘယ်လိုအကြံအစည်တွေ ရှိနေမလဲ၊ ဝမ်းဟိုင်မြို့ရဲ့ မကောင်းမှုပပျောက်ရေးလှုပ်ရှားမှုကို ဘယ်လို ပြီးမြောက်အောင် ဆောင်ရွက်ကြမလဲဆိုတာ ဆက်တွေ့ရမှာပါ။

၂၀၁၈ခုနှစ်ကရုံတင်ခဲ့ပြီး IMDb 7.8 နဲ့ Rotten Tomatoes 86% ရခဲ့တဲ့ ဇာတ်ကားကောင်းလေးကိုပြန်တင်ပေးလိုက်ပါတယ်။ ၂၀၀၄ခုနှစ်လောက်မှာ တရုတ်ပြည်မှာတကယ်ကိုလှုပ်ခတ်သွားခဲ့တဲ့ လုယုံဆိုတဲ့သူရဲ့ဖြစ်ရပ်မှန်ကိုအခြေခံပြီးရိုက်ထားတာပါ။ လူ့လောကမှာအဆိုးဆုံးရောဂါကဘာလဲဆိုတော့ ဆင်းရဲတဲ့ရောဂါတဲ့..... ငွေမရှိလို့သေလူတွေဖြစ်ရတော့မယ့် သွေးကင်ဆာရောဂါသည်တွေကြားမှာ ချန်ယုံကမထင်မှတ်ပဲ ကယ်တင်ရှင်တစ်ယောက်ဖြစ်လာခဲ့ပါတယ်။ သူသွင်းပေးတဲ့ဆေးတွေက ဥပဒေအရတရားတော့မဝင်ပါဘူး ဒါပေမယ့် လူနာတွေအတွက်ကတော့ အသက်ဆက်ဖို့မျှော်လင့်ချက်အလင်းရောင်လေးပါပဲ တရုတ်ပြည်တွင်းမှာ အနောက်တိုင်းဆေးကုမ္ပဏီတွေကသွင်းတဲ့ တရားဝင်ဆေးတွေကစျေးကြီးလွန်းလို့ သွေးကင်ဆာလူနာတွေက အိမ်ခြံမြေတွေရောင်းပြီးဆေးဖိုးပေးရတဲ့အထိ ဘဝပျက်ခဲ့ကြရပါတယ်။ ချန်ယုံဟာ အိန္ဒိယကနေစျေးအဆမတန်သက်သာတဲ့ဆေးတွေကို မှောင်ခိုသွင်းပြီး အသက်သာဆုံးစျေးနဲ့ပြန်ရောင်းပေးခဲ့ပါတယ်။ ချန်ယုံကလူနာတွေအတွက် ကယ်တင်ရှင်တစ်ယောက်ဖြစ်လာပေမယ့် အရင်းရှင်ဆေးကုမ္ပဏီကြီးအတွက် ဆူးတစ်ခုဖြစ်လာပြီး ဥပဒေအရ တရားဥပဒေချိုးဖောက်သူတစ်ယောက်ဖြစ်လာတဲ့အခါ ရဲတွေရဲ့အပြင်းအထန်စုံစမ်းဖမ်းဆီးတာကိုခံရပါတော့တယ်။ ချန်ယုံတစ်ယောက် အန္တရာယ်တွေကြားကနေလူနာတွေအတွက် ဆက်ရပ်တည်ပေးသွားမလား ကိုယ်လွတ်ရုန်းဖို့အတွက်ပဲ ရွေးချယ်ရမလားဆိုတာ ရင်နင့်စရာရွေးချယ်မှုတွေနဲ့ရင်ဆိုင်လာရပါတော့တယ် Filesize : 1.93 GB / 1.06 GB Quality : WEB-DL 1080p HEVC , 720p HEVC Format : mp4 Genres : Drama and Comedy Runtime : 1h 57 min Subtitle : Myanmar Subtitle ( Hardsub )

လွန်ခဲ့တဲ့ နှစ်ပေါင်းများစွာက လူသားမျိုးနွယ်နဲ့ တောင်ပံလူသားမျိုးနွယ်တို့ စစ်ပွဲတွေဆင်နွှဲခဲ့ကြပါတယ်။ ဒီလိုအငြိုးအတေးတွေနဲ့တိုက်ခိုက်မှုတွေရှိခဲ့ဲတဲ့အတွက်ကြောင့်တောင်ပံလူသားတွေဟာ သူတို့ရဲ့ အသက်ဖြစ်တဲ့ ကြယ်ကြွေပန်းကို ဆုံးရှူံးခဲ့ရပြီး မပျံသန်းနိုင်တော့တဲ့အထိဖြစ်ခဲ့ရပါတယ်။ အဲ့ဒါကြောင့် တောင်ပံလူသားတစ်ဦးဖြစ်တဲ့ရွှယ်လျဲ့ဟာနာကြည်းမုန်တီးမှုရန်ငြိုးတွေကြောင့်ငါးမန်းပုလဲကို ရယူပြီး လူသားတွေရဲ့ ကမ္ဘာကို ပျက်စီးအောင် ကြိုးစားပါတော့တယ်။ အဲ့ဒါတွေကို ဓားပြကြီးနီခုံးခုံး၊ မိန်းမလှလေးတောင်ပံမည်းနဲ့ ဘုရင့်သားတော်ဟော့လိတို့စုပေါင်းပြီးတားဆီးရွယ်လျဲ့ကိုတားဆီးဖို့ကြိုးစားကြမှာပါ။ ဘယ်လိုတားဆီးကြမလဲဆိုတဲ့ ဇာတ်လမ်းဇာတ်ကွက်တွေကိုတော့ပရိသတ်တွေရင်သတ်ရှုမောစိတ်ဝင်စားဖွယ်ကြည့်ရှုရမှာပဲဖြစ်ပါတယ်။ အချစ်ရသအနေနဲ့ကတော့ဓားပြကြီးနီခုံးခုံးနဲ့ မိန်းမလှလေးတောင်ပံမည်းတို့ရဲ့ မေတ္တာရေးဇာတ်လမ်းကိုလည်းရိုမတ်တစ်ဆန်ဆန်လေးခံစားကြရမှာပါ။ သူတို့ရဲ့တိုက်ပွဲကဘယ်လိုတွေတောင်ပြင်းထန်သွားမလဲ ဆိုတဲ့Action တွေ အချစ်ရေးဖြစ်တဲ့ Drama တွေကကောဘယ်လိုတွေရင်ခုန်မျှော်လင့်ကြရမလဲဆိုတာကတော့...... Translated By Lina Encoded By LK

ဒီဇာတ်ကားကတော့ တရုတ် ချင်မင်းဆက်ခေတ်က လျှို့ဝှက် လုပ်ကြံသတ်ဖြတ်ရေး အဖွဲ့တစ်ဖွဲ့ရဲ့ ဇာတ်လမ်းကို ရင်ခုန်စရာကောင်းအောင် ရိုက်ပြထားတာကို ဘာသာပြန်တင်ဆက်ပေးလိုက်ပါတယ်...သူတို့ ဘယ်သူတွေလဲဆိုတော့... ချင်မင်းဆက် အစောပိုင်းကာလမှာ နန်းတွင်းကို ဆန္ဒပြတဲ့ ပုန်ကန်မှုတွေကို ဖျက်ဆီးဖို့အတွက် အရှင်မင်းကြီးက လျှို့ဝှက် စစ်ဆင်ရေးအဖွဲ့တစ်ခုကို ဖန်တီးခဲ့တယ် သူတို့ကို "ခေါင်းဖြတ်စက်အဖွဲ့" လို့ ခေါ်တယ် သူတို့အားလုံးက မန်ချူးလူမျိုးတွေ ဖြစ်ကြပြီး အပြင်ပန်းမှာတော့ နန်းတော်ရဲ့ မြေထိန်းသိမ်းသူတွေအဖြစ် ဟန်ဆောင်ထားပေမဲ့ တကယ့်တကယ်တော့ ကျွမ်းကျင်တဲ့ လုပ်ကြံသတ်ဖြတ်သူတွေပါပဲ သူတို့ရဲ့ သစ္စာရှိမှုကို ထိန်းသိမ်းဖို့အတွက် စာပေသင်ကြားခြင်းကိုတောင် တားမြစ်ထားခဲ့တယ် သူတို့ရဲ့ လက်နက်ကတော့... အရမ်းကို ထူးဆန်းပြီး ကြောက်စရာကောင်းတဲ့ ခေါင်းစွပ်ထားတဲ့ ကိရိယာဖြစ်ပြီး ခလုတ်နှိပ်လိုက်တာနဲ့ ဆုတ်ခွာနိုင်တဲ့ ဓားသွားတွေက အသက်ဝင်ပြီး သားကောင်ရဲ့ ခေါင်းကို ဖြတ်ပစ်တယ် သေနတ်တွေ မပေါ်ခင်က အသေအလဲ အပြစ်ပေးတဲ့ လက်နက်အဖြစ် နာမည်ကြီးခဲ့တာပေါ့ အဓိက တာဝန် အနေနဲ့၊ ခေါင်းဖြတ်စက်အဖွဲ့ဟာ ချန်လုံဘုရင်ကို ဆန့်ကျင်ဖို့ မြို့တော်မှာ စုဝေးမယ့် "သိုးကျောင်းသား" လို့ ခေါ်တဲ့ ပုန်ကန်သူအဖွဲ့နဲ့ သူတို့ရဲ့ ခေါင်းဆောင် ထျန်းလျန်ကို ဖယ်ရှားဖို့ အမိန့်ရခဲ့တယ် အဲဒီနောက်မှာ လျန်နဲ့ ပုန်ကန်သူခေါင်းဆောင် ထျန်းလျန်တို့ကြားမှာ စကားစစ်ထိုးမှုတစ်ခု ဖြစ်လာတယ် ထျန်းလျန်က ကိုယ့်ကိုယ်ကို အိန္ဒိယလူမျိုးလို့ ပြောပေမဲ့ တကယ်တော့ သူက ဟန်လူမျိုးပဲ ထျန်းလျန်ဟာ သူ့ကိုသတ်မယ့်သူရဲ့ မျက်နှာကို အိပ်မက်မက်ခဲ့ဖူးပြီး အဲဒီသူက လျန် ဖြစ်နေတယ်လို့ ပြောခဲ့တာ နောက်ဆုံးမှာတော့ ပုန်ကန်သူတွေကို ဈေးထဲမှာ လူပုံအလယ် ကွပ်မျက်လိုက်တယ် ဒီလို အကြပ်အတည်းတွေကြားမှာပဲ ခေါင်းဖြတ်စက်အဖွဲ့ကို ဖျက်သိမ်းဖို့ လုပ်လာပုံရပြီး၊ အဖွဲ့ခေါင်းဆောင်က "ဒီနေ့ကစပြီး ငါ့သမီး မုစန်းကို သေပြီလို့ သတ်မှတ်တယ်" လို့ ကြေညာပြီး ထျန်းလျန်ကို လိုက်ရှာဖို့ ခွင့်ပြုခဲ့တယ် နောက်ပိုင်းမှာတော့ လျန်ဟာ ခေါင်းဖြတ်စက်အဖွဲ့ကို ဖျက်သိမ်းပြီးတဲ့နောက် "နောက်ဆုံး ကျန်ရစ်တဲ့ အမည်းစက်" အဖြစ် သူ့ကိုယ်သူ သတ်မှတ်ပြီး အသက်ကို အဆုံးသတ်ဖို့အထိ ကြိုးစားခဲ့ရတယ် ပြောရရင်... ဒီဇာတ်ကားဟာ ရည်ရွယ်ချက်ကောင်းနဲ့ ဖန်တီးခဲ့ပေမဲ့ နောက်ဆုံးမှာ ကိုယ့်အဖွဲ့အစည်းကိုယ်တိုင် သုတ်သင်ခံရတဲ့ လျှို့ဝှက် လုပ်ကြံသတ်ဖြတ်သူတွေရဲ့ ကံကြမ္မာနဲ့ သစ္စာရှိမှု၊ သတ်မှတ်ခံထားရတဲ့ အခန်းကဏ္ဍကနေ ရုန်းထွက်ဖို့ ကြိုးစားတဲ့ သူရဲကောင်းတစ်ဦးရဲ့ သမိုင်းကို ပုံဖော်ထားတဲ့ ဇာတ်ကားကောင်းလေးဖို့ ကြည့်ဖြစ်အောင် ကြည့်ဖို့ ဖိတ်ခေါ်လိုက်ပါတယ်... Filesize : 2.57 GB / 1.17 GB Quality : WEB-DL 1080p HEVC , 720p HEVC Format : mp4 Genres : Action, History, Adventure, and Drama Runtime : 1h 53 min Subtitle : Myanmar Subtitle ( Hardsub )