အက်ရှင်ကားများ

အတိတ်က လုပ်ခဲ့မိတဲ့အရာတွေအတွက် အပြစ်ရှိစိတ်နဲ့ နေနေရတဲ့ စီအိုင်အေအေးဂျင့်ဟောင်း ဂျက်ဘီဂိုစီယန်ဟာ အလုပ်ကနေ အနားယူထားပါတယ်။ လက်ရှိမှာ ရေဒီယိုနိုင်ငံရေးစကားဝိုင်း အစီအစဉ်မှူးလုပ်ရင်း မိသားစုနဲ့ အေးအေးချမ်းချမ်း ဘဝဖြတ်သန်းနိုင်ဖို့ ကြိုးစားနေသူပါ။ ဒါပေမယ့် ကလီယာဘက်ခ်ရေကုမ္ပဏီရဲ့ ထိပ်တန်းရှယ်ယာရှင်တစ်ယောက်က အလုပ်တစ်ခု လာအပ်တဲ့အခါ သူရှောင်ထားတဲ့အရာတွေနဲ့ ပြန်ရင်ဆိုင်ရတော့တယ်။ ကုမ္ပဏီရဲ့ လောဘကြောင့် အီကွေဒေါနိုင်ငံမှာ ဖြစ်ပွားခဲ့တဲ့ ဆိုးရွားတဲ့ဖြစ်ရပ်တွေကို သွားရောက်စုံစမ်းပေးဖို့ပါ။ ဂျက်ဟာ အဲဒီဖြစ်ရပ်တွေရဲ့ နောက်ကွယ်က အမှန်တရားကို လိုက်ရှာရင်း အတားအဆီးတွေနဲ့ ရင်ဆိုင်လာရပါတယ်။ မိသားစုနဲ့ ဘဝသစ်စဖို့ ကြိုးစားနေတဲ့ အေးဂျင့်ဟောင်းတစ်ယောက်က ဒီအမှုကို ဘယ်အထိ ဖော်ထုတ်နိုင်မလဲဆိုတဲ့ အက်ရှင်နဲ့ သည်းထိတ်ရင်ဖိုဇာတ်လမ်းပါ။

မဝေးတော့တဲ့ အနာဂတ်မှာ လူသားတွေဟာ လူ့အဖွဲ့အစည်း လည်ပတ်နိုင်ဖို့ စက်ရုပ်တွေကို မှီခိုနေကြပါတယ်။ လူနဲ့စွမ်းဆောင်ရည်တူအောင် ဖန်တီးထားတဲ့ ဆိုက်ဘော့တွေမှာတော့ သက်တမ်း သုံးနှစ်ပဲရှိပြီး အချိန်ပြည့်တာနဲ့ ဖျက်ဆီးစွန့်ပစ်ခံရမှာပါ။ လူသားနဲ့ ဆိုက်ဘော့တို့ရဲ့ စိတ်ဝိညာဉ်ကို ပေါင်းစည်းနိုင်တဲ့ လုပ်ငန်းစဉ်တစ်ခု ပေါ်လာတဲ့အခါ တင်းကျပ်စွာ ခွဲခြားထားတဲ့ လူ့အဖွဲ့အစည်းမှာ ပြဿနာတွေ စတင်ဖြစ်လာတယ်။ တိုက်ခိုက်ရေးဆိုက်ဘော့တွေက သူတို့ရဲ့ သက်တမ်းကို ဆွဲဆန့်နိုင်မယ်လို့ ယူဆရတဲ့ DNA နမူနာကို ရှာဖို့ ပင်မဓာတ်ခွဲခန်းကို ဝင်စီးကြပါတယ်။ ဒီပုန်ကန်မှုကို နှိမ်နင်းဖို့ ရဲအရာရှိ R နဲ့ Noma တို့ တာဝန်ယူရတော့မှာပါ။ သက်တမ်းပြည့်ရင် ဖျက်ဆီးခံရမယ့် ဆိုက်ဘော့တွေနဲ့ သူတို့ကို ထိန်းချုပ်ဖို့ ကြိုးစားနေတဲ့ လူသားတွေကြားက ပဋိပက္ခကို အခြေခံထားတဲ့ သိပ္ပံစိတ်ကူးယဉ်အက်ရှင်ကား ဖြစ်ပါတယ်။

ထရိုင်ယက်ခေါင်းဆောင် ဟုန်ဟာ လူဆိုးဂိုဏ်းလောကကနေ ထွက်ဖို့ စဉ်းစားနေချိန်မှာ ဂိုဏ်းလောကအတွင်း ရက်စက်တဲ့ စစ်ပွဲတစ်ခု စတင်လာပါတယ်။ တစ်ချိန်တည်းမှာပဲ ဟုန်နဲ့ သူ့ရဲ့ အဓိကလက်ရုံး လက်ဖ်ဟန်းတို့ကြားမှာလည်း အတွင်းရေးပဋိပက္ခတစ်ခု ပေါ်လာတယ်။

ရှင်းလော်နိုင်ငံမှာ ဒဏ္ဍာရီလာ ဆင်မျိုးနွယ်တစ်စု ရှိပါတယ်။ မင်းသမီးစင်သီယာရဲ့ဖခင်ဖြစ်တဲ့ မျိုးနွယ်ခေါင်းဆောင်ဟာ ယဇ်ဆရာ ဆာဖော့်ခွမ်းရဲ့ သွေးဆောင်မှုကြောင့် အစီအရင်လုပ်ထားတဲ့ ဆေးတစ်မျိုးကို သောက်မိသွားတယ်။ စင်သီယာက ဖခင်ဖြစ်သူနဲ့ပတ်သက်တဲ့ အမှန်တရားကို ဖော်ထုတ်ဖို့ ကြိုးစားနေစဉ်မှာပဲ နောက်ထပ်ပြဿနာတစ်ခု ပေါ်လာပါတယ်။ ယွင်ချင်ဘုရင်နဲ့ လက်ဆက်ဖို့ စေလွှတ်လိုက်တဲ့ မင်းသမီးဟာ ရုတ်တရက် ပျောက်ဆုံးသွားတာပါ။ တစ်ဖက်မှာ ဟုန်လူစုသတ်ဖြတ်မှုကြောင့် မိသားစုဝင် ဆုံးရှုံးထားရတဲ့ ဟုန်ရှီးကွမ်းက ရန်သူကို လက်စားချေဖို့ လုပ်နေတယ်။ အကျိုးတူအလဲအလှယ်တစ်ခုကြောင့် သူလည်း မင်းသမီးပျောက်ဆုံးမှုကို ဝင်ရှာရဖို့ ဖြစ်လာပါတယ်။ စင်သီယာရှာနေတဲ့ အမှန်တရားနဲ့ ဟုန်ရှီးကွမ်းရဲ့ လက်စားချေလိုစိတ်တို့ ဘယ်လိုဆက်စပ်လာမလဲဆိုတာကို အက်ရှင်နဲ့ စိတ်ကူးယဉ်လျှို့ဝှက်ဆန်းကြယ်မှုတွေ ရောပြီး တင်ဆက်ထားပါတယ်။

စုံထောက်မာဆော့ဒိုဟာ အထူးစုံစမ်းစစ်ဆေးရေးဌာနကို ပြောင်းရွှေ့ပြီး အမှုသစ်တွေကို ကိုင်တွယ်နေပါပြီ။ ဌာနကို ရောက်လာတဲ့ အမှုတစ်ခုက အစပိုင်းမှာ သာမန်လူသတ်မှုလို့ ထင်ရပေမယ့် လိုက်စုံစမ်းရင်း မူးယစ်ဆေးဝါးဂိုဏ်းကြီးတစ်ခုနဲ့ ဆက်စပ်နေမှန်း သိလာရတယ်။ လက်သီးနဲ့ ဖြေရှင်းတတ်တဲ့ မာဆော့ဒိုအတွက် ဒီတစ်ခါမှာတော့ အင်အားအပြင် ဉာဏ်လည်း သုံးရတော့မှာပါ။ မာဒုံဆော့ရဲ့ ဟာသနှောတဲ့ အက်ရှင်ပုံစံကို ဆက်တွေ့ရမယ့် The Roundup ရဲ့ အဆက်ဖြစ်ပြီး ဒီတစ်ခေါက် ဗီလိန်နေရာမှာ Lee Joon Hyuk ပါဝင်ထားပါတယ်။