လူကြည့်များသော ရုပ်ရှင်များ

ဟောင်ကောင်နာမည်ကြီးလူလိမ်တစ်ယောက်ဖြစ်တဲ့ Wong Seung-chinရဲ့လက်အောက်မှာ Snake Wai, Yam Sai-sung နဲ့ Yip Mei-mei ဆိုတဲ့ တပည့်၃ယောက်ရှိပြီး ဇာတ်ကားနာမည်အတိုင်း လိမ်တဲ့နေရာမှာတစ်ဖက်ကမ်းခပ်ကြတဲ့ လူလိမ်အုပ်စုပေါ့နော်။ ဒီအချိန်မှာ စင်္ကါပူကနေ ဟောင်ကောင်ကိုပြောင်းလာတဲ့ ငွေကြေးချမ်းသာတဲ့ ပူပူနွေးနွေးမုဆိုးမ Susan ဟာ သူတို့အဖွဲ့ရဲ့ပစ်မှတ်ဖြစ်လာခဲ့ပါတယ်။ ဒါပေမဲ့လည်း Susanကလည်း လူလိမ်တစ်ယောက်ဖြစ်နေတဲ့အခါ မြွေမြွေချင်းခြေမြင် ဆိုသလို အလိမ်ပေါ်သွားပါတယ်။ ဒီလိုကနေ လူလိမ်အချင်းချင်းပေါင်းမိသွားပြီး တခြားချမ်းသာပြီး လောဘဇောကြီးနေတဲ့သူတွေကို လိမ်ဖို့ပေါင်းပြီးစီစဉ်ကြပါတော့တယ်။ လိမ်တယ်ဆိုပေမဲ့လည်း လှူမယ်ဆိုတဲ့ခေါင်းစဉ်အောက်မှာ မကောင်းတဲ့လူတွေဆီကနေလိမ်ကြတဲ့ လူလိမ်ကောင်းလေးတွေပေါ့နော်။ ဇာတ်လမ်းလေးက ရယ်စရာကောင်းပြီး ပေါ့ပေါ့ပါးပါးကြည့်ရှုခံစားကြရမှာပါ။ ဒီဇာတ်လမ်းရဲ့ အညွှန်းနဲ့ ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

ကောင်းကင်ဘုံနဲ့ ငရဲဘုံကြားက စစ်ပွဲတွေဟာ အချိန်အကြာကြီး ဖြစ်နေခဲ့တယ်။ ငရဲဘုံနဲ့အပေးအယူလုပ်ထားပြီး ကမ္ဘာကြီးကို အုပ်စိုးချင်တဲ့ ဝန်ရဲ့လက်အောက်မှာ အယ်လ်ဆိုင်မွန်ဆိုတဲ့ အတော်ဆုံးလုပ်ကြံရေးသမား တစ်ယောက်ရှိတယ်။ ဒါပေမဲ့ ဆိုင်မွန်ကိုယ်တိုင်လည်း မီးရှို့ပြီးလုပ်ကြံသတ်ဖြတ်ခံရလိုက်တယ်။ အဲဒီနောက်သူဟာ ငရဲပြည်ရောက်သွားပြီး ငရဲစွမ်းအားတွေရရှိပြီး Spawn အဖြစ် မွေးဖွားလာပါတယ်။ တကယ်တော့ ဆိုင်မွန်ဟာ ကမ္ဘာကြီးကိုဖျက်ဆီးမယ့် ငရဲစစ်တပ်ကို ဦးဆောင်မယ့်သူ အဖြစ်မွေးဖွားလာတာပါ။ ဒါပေမဲ့ သူကိုယ်တိုင် အဖြစ်မှန်တွေကို သိပြီးနောက်မှာ... ကမ္ဘာကြီးကို ဖျက်ဆီးမလား ကာကွယ်မလားဆိုတာကို စိတ်ဝင်တစားကြည့်ရမယ့် ဇာတ်ကားကောင်းတစ်ခုပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Marip Pan ဖြစ်ပါတယ်

ဘောလုံးအသင်းဖြစ်စေ ဘတ်စ်ကတ်ဘောအသင်းဖြစ်စေ နိုင်ငံအရပ်ရပ်က အရည်အချင်းရှိတဲ့ ကစားသမားကောင်းတွေကို ရှာဖွေဖို့၊ အသင်းအတွက် အကျိုးပြုလာနိုင်မယ့် ကစားသမားတွေကို အသင်းဆီခေါ်လာနိုင်ဖို့အတွက် အသင်းတိုင်းမှာ ကင်းထောက်တွေရှိတတ်ပါတယ်။ ဒီဇာတ်ကားထဲမှာတော့ ဘတ်စ်ကတ်ဘောအသင်းတစ်သင်းရဲ့ ကင်းထောက်တစ်ဦးဖြစ်တဲ့ စတန်လေအကြောင်းကို ရိုက်ကူးပြထားတာပါ အသင်းအတွက် လိုအပ်နေတဲ့နေရာကိုဖြည့်ဖို့ တစ်ကမ္ဘာလုံးကို ခရီးတွေထွက်ရင်း ကစားသမားတိုင်းကို စောင့်ကြည့်ရတဲ့ စတန်လေတစ်ယောက် တစ်နေ့မှာတော့ စပိန်နိုင်ငံမှာ ဘိုခရုဇ်ဆိုတဲ့ ကောင်လေးတစ်ယောက်ကို သွားတွေ့ပါတယ်။ အရည်အချင်းလည်းရှိ အသက်အရွယ်အရလည်း အဆင်ပြေတဲ့ကစားသမားကို အသင်းကိုခေါ်ယူနိုင်ဖို့ စတန်လေတစ်ယောက် အခက်အခဲတွေကြားက ကြိုးစားရပုံတွေ၊ ဘတ်စ်ကတ်ဘောအားကစားအကြောင်းတွေကို သေချာလေးရိုက်ပြထားတဲ့ဇာတ်ကားပါ ဒါ့အပြင် တကယ့်ဘတ်စ်ကတ်ဘောကစားသမားများစွာကလည်း ဒီဇာတ်ကားလေးမှာ Cameoအဖြစ် အားဖြည့်သရုပ်ဆောင်ပေးထားကြပါသေးတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zac ဖြစ်ပါတယ်

ရင်ထိတ်သည်းဖို တွေကို ကြိုက်တယ်ဆိုရင် ဒီကားလေးကိုကြည့်သင့်ပါတယ်နော် အထက်တန်းကျောင်းသားတွေ field trip ထွက်ရာကနေ လူမသိတဲ့ တောထဲကိုရောက်သွားပြီး ဇွန်ဘီးတွေနဲ့ တွေ့ခဲ့ရတယ် ..နောက်တော့ ထွက်ပေါက်ပိတ်ပြီး ပြေးဖို့လမ်းရှာရင်း ဇွန်ဘီးတွေရဲ့ အဖြစ်မှန်ကို သိသွားခဲ့တယ် .. သူငယ်ချင်းတွေကို ကယ်ရင်း ကျောင်းမှာ အနိုင်ကျင့်ဗိုလ်ကျတဲ့သူ မာနကြီးတဲ့သူတွေက အရင်လို မဆိုးတော့ဘဲ သူငယ်ချင်းတွေနဲ့ တစ်သားထဲ ဖြစ်သွားခဲ့တာတွေကို ရိုက်ပြထားတယ် အရေးကြုံလာခဲ့ရင် ကိုယ့်သူငယ်ချင်းကို ယုံကြည်ပေးသင့်တယ်ဆိုတဲ့ message လေးကိုလည်း ပေးထားတဲ့ကားဖို့ ရင်တထိတ်ထိတ်နဲ့ ကြည့်ပေးပါဦးနော် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yue Liang ဖြစ်ပါတယ်

မက်ဂီကသမီးလေးနဲ့ နှစ်ယောက်တည်း ဘဝကို ကြိုးစားရုန်းကန်နေတဲ့သူတစ်ယောက်ပါ။ သူက ပစ္စည်းသိုလှောင်ရုံမှာ အလုပ်လုပ်တယ်။ သူ့သူဌေးက ဘယ်လိုပစ္စည်းကိုမဆို အခကြေးငွေယူပြီး သိမ်းထားပေးတယ်။ တညမှာတော့ လူနှစ်ယောက်ရောက်လာပြီး သူတို့အပ်ထားတဲ့ စိန်တွေကို ပြန်လာယူတယ်။ ဒါပေမဲ့ သူဌေးလီက အသာတကြည် မထုတ်ပေးလို့ အသတ်ခံလိုက်ရတယ်။ အဲဒီအချိန်မှာ မက်ဂီတို့သားအမိလည်း အဲဒီနေရာမှာရှိနေခဲ့တယ်။ မက်ဂီတို့ကို လူသတ်သမားတွေမြင်သွားတဲ့အခါ လူသတ်သမားနှစ်ယောက်လက်က သူတို့သားအမိ လွတ်နိုင်ပါ့မလား....... ဒီဇာတ်ကားရဲ့အညွှန်းနဲ့ဘာသာပြန်တင်ဆက်သူကတော့ Marip Pan ဖြစ်ပါတယ်။

ဒီတစ်ခါကတော့ သာမန်ဇာတ်ကားတွေနဲ့မတူဘဲ တမူထူးခြားတဲ့ စူပါစစ်သားဇာတ်ကားလေးပါ အာဂျွန်က စစ်ဆင်ရေးတွေတိုင်းမှာ အောင်မြင်တဲ့ တပ်ကြပ်ကြီးပါ လေယာဉ်မယ်လေးတစ်ယောက်နဲ့ ချစ်ကြိုက်မိပြီး တစ်နေ့ အဲဒီလေယာဉ်မယ်လေးဆီသွားတွေ့ဖို့ လေယာဉ်ကွင်းကို အလာမှာ အကြမ်းဖက်သမားတွေရဲ့ ဗုံးဖောက်ခွဲမှုကြောင့် အာဂျွန်ရဲ့ကောင်မလေး အိုင်ရှားလည်းသေ သူလည်း အကြောသေပြီး ဘဝကရှင်လျက်သေသွားတာပါ အဲဒီအချိန် အကြောင်းအမျိုးမျိုးနဲ့ အာဂျွန်ကို စူပါစစ်သားလုပ်ဖို့ လာကမ်းလှမ်းတော့ chip လေးထည့်ရုံနဲ့ သေနေတဲ့အကြောတွေအကောင်းပြန်ဖြစ်မှာမလို့ သဘောတူလိုက်ပါတယ် အဲဒီနောက်ပိုင်း သူ့ကောင်မလေးအိုင်ရှားကို သေစေခဲ့ပြီး သူ့ကိုလည်း အကြောသေ‌စေခဲ့တဲ့ အကြမ်းဖက်သမားနဲ့ ဘယ်လိုထိတ်တိုက်ရင်ဆိုင်မလဲ အဲဒီသူထဲကိုထည့်ထားတဲ့ chip နဲ့ရော သူအဆင်ပြေပါ့မလားဆိုတာ ဒီဇာတ်လမ်းလေးမှာကြည့်ရှုရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

ငယ်စဉ်တည်းက အနိုင်ကျင့်ခံခဲ့ရတဲ့ Vova ဟာ ကြီးပျင်းလာတဲ့ အထိ အနိုင်ကျင့်ခံနေရတုန်းပါပဲ ။ ဒီလို အနိုင်ကျင့်ခံနေရတဲ့ အဆုံး နောက်ပိုင်းမှာ သူဟာ သူငယ်ချင်းတွေ အချိတ်အဆက်နဲ့ ရာဇဝတ်ဂိုဏ်းတစ်ခုတည်း ဝင်လိုက်ချိန်မှာတော့ သူ့ရဲ့ ဘဝဟာ တစ်ဆစ်ချိုး ပြောင်းလဲသွားခဲ့ပါတယ်။ Rhino ( ကြံ ) လို့ nickname ယူထားပြီး အကြွေးလိုက်တောင်းရင်း ရာဇဝတ်မှုတွေကို လုပ်ကိုင်ရင်းနဲ့ နောက်ပိုင်း သူဟာ ရတဲ့ဘဝမှာ မနေတတ်ဘဲ ဆိုးသွမ်းနေခဲ့ပါတယ်။ ဒီလိုအခြေအနေတွေကနေ သူ ရုန်းထွက်နိုင်ပါ့မလား ။ သူ့ရဲ့ ဘဝဟာ ဒီလို ရာဇဝတ်လောကထဲ ဘယ်လို လည်ပတ်နေမလဲဆိုတာကို ကြည့်ရှုရမယ့် ယူကရိန်း ဇာတ်ကားကောင်းတစ်ကားဖြစ်ပါတယ်။ ဇာတ်လမ်းထဲ Rated scene တွေ ပါဝင်တာကြောင့် မိသားစုနဲ့‌ ကြည့်ရှုရန်တော့ မသင့်တော်ပါဘူး ။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

ဒီဇာတ်ကားလေးက အဓ္ဓမကျင့်ခံရလို့ စိတ်မှာအနာတရဖြစ်သွားတဲ့ ကောင်မလေးအကြောင်း ကို ဦးစားပေးရိုက်ကူးထားတာပါ ။ Angelaဆိုတဲ့ ငယ်ရွယ်ပြီးလှပတဲ့ ကောင်မလေးဟာ အဓ္ဓမအကြိမ်ကြိမ်ပြုကျင့် ခံရပြီး စိတ်ထဲနာကျင်နေကာ လူတွေကို မယုံကြည်နိုင် ယောင်္ကျားတွေလည်း မယုံကြည်နိုင်ဘဲ ဘဝကိူရှင်သန်လာခဲ့ပါတယ်။ အဲ့လိုနဲ့တစ်ရက်တော့ ရင်ဖွင့်ရာစကားဝိုင်းလေးကို ကြော်ငြာစာရွက်ကနေတဆင့်တွေ့ခဲ့ပြီး အဲ့အဖွဲ့လေးဆီသို့ သူအဖွဲ့ဝင်အဖြစ်ပါဝင်ခဲ့ပါတယ် ။ အဲ့မှာ Elm ဆိုတဲ့ ကောင်မလေးနဲ့ သူငယ်ချင်းဖြစ်ခဲ့ကာ သူစတင်ပြီးပေါပေါ့ပါးပါးလေး နေလာနိုင်ခဲ့ပါတယ်။ သူ့သူငယ်ချင်း Elm ဟာ တစ်ရက်မှာ အသတ်ခံခဲ့ရပါတယ် ...အဲ့အချိန်ကစပြီး သူ ဟာ သွေးအေးအေးနဲ့ လက်စားချေ ပြီး လူတွေကို သတ်ခဲ့ပါတယ် ။ သူလူတွေကို ဘယ်လိုသတ်မလဲ ? ရဲတွေကို ဘယ်လိုလှည့်စားမလဲ ဆိုတာကို ဇာတ်ကားထဲမှာ ဆက်ကြည့်ပေးပါရှင် .... **ကိုယ့်တစ်ယောက်ထဲအမြင်အရတော့ ခပ်ကြမ်းကြမ်းဇာတ်ဝင်ခန်းလေးတွေပါတာမို့ ၁၈နှစ်အထက်လေးတွေပဲ ကြည်ဖို့ အကြံပေးချင်ပါတယ်*** ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yue Liang ဖြစ်ပါတယ်

ခွန်လဲ နဲ့ရှန်းတိုက တက္ကသိုလ်ကျောင်းကသူငယ်ချင်းတွေပါ။ ရှန်းကလူမဲဖြစ်တာကြောင့် လူဖြူတွေမဟုတ်တာပြောရင်မခံနိုင်ဖြစ်ပြီး ခွန်လဲကတော့ အကောင်းမြင်စိတ်ကြီးလွန်းသူပါ။ သူတိုနှစ်ယောက်ဟာ ကျောင်းရဲ့ လူမဲကျောင်သားသမဂ္ဂကပြုလုပ်ထားတဲ့ ပထမဆုံးလူများဟောခန်းထဲမှာ ဂုဏ်ပြုခံရဖို တစ်ညလုံး ပါတီ၇ခုကိုသွားပြီး သမိုင်းဝင်လျှောက်သွားခြင်းကို ပြုလုပ်ဖိုအစီအစဉ်ဆွဲခဲ့ကြပါတယ်။ ခွန်လဲက ပညာတတ်အသိုင်းအဝိုင်းကလာတဲ့လူမဲပါ။ ရှန်းကတော့ ပုံမှန်လူမဲအသိုင်းအဝိုင်းကပေါ့။ ခွန်လဲက သူလုပ်စရာရှိတာကိုအရင်လုပ်ချင်ပေမဲ့ ရှန်းကအတင်းခေါ်တာကြောင့် လိုက်သွားဖိုလုပ်ခဲ့ပါတယ်။ အဲ့ဒီနောက်လမ်းတစ်ဝက်မှာ ခွန်လဲ့ဟာသူ့ပစ္စည်းတွေကိုလော့ချခဲ့ဖိုမေ့သွားတာကြောင့် ပြန်သွားပိတ်ဖိုပြန်လာခဲ့ပြီး အိမ်အပြင် အင်္ကျီဝင်လဲရမှာ သူတိုအိမ်ထဲ မိန်းကလေးတစ်ယောက်မူးပြီးလှဲနေတာကိုတွေ့ခဲ့ရပါတယ်။ အဲ့နောက် ကားလိုစ် ရှန်းနဲ့ ခွန်လဲတို၃ယောက်သား ဒီကောင်မလေးရဲ့ပြဿနာကိုစတင်ဖြေရှင်းဖိုဖြစ်လာရင်းတစ်ညလုံးဖြစ်ပျက်ခဲ့သမျှကို လူငယ်ဆန်ဆန်ရိုက်ကူးထားတဲ့ ရုပ်ရှင်ကားလေးတစ်ကားဖြစ်ပါတယ်။ ဒီဇာတ်ကားကို အညွန်းနဲ့ဘာသာပြန်ပေးသူကတော့ Zane ဖြစ်ပါတယ်

ဒီဇာတ်ကားလေးကတော့ ၁၉၇၁ အိန္ဒိယနဲ့ပါကစ္စတန်စစ်ပွဲကို ကျောခံပြီး ရိုက်ကူးထားတာပါ အဲဒီခေတ်က တစ်နိုင်ငံနဲ့တစ်နိုင်ငံ သူလျှိုပို့တာတွေ အရမ်းများပါတယ် အဲဒီမှာ ဟီဒါရက်ဆိုတဲ့သူက ပါကစ္စတန်ကို သတင်းပေးနေတဲ့လူအဖြစ်ဟန်ဆောင်နေတဲ့ ပါကစ္စတန်ဘက်က သတင်းတွေကို စုံစမ်းနေတဲ့ အိန္ဒိယသူလျှိုပါ တစ်နေ့သူက အဆုတ်မှာအကြိတ်တွေ့လို့ လေးလပဲအချိန်ကျန်တော့တာကို သိသွားတော့ သူ့အလုပ်ကို သူ့သမီးဆဲမတ်ကို မဖြစ်မနေလုပ်ခိုင်းရ‌ပါတော့မယ် ဆဲမတ်က သာမန်တက္ကသိုလ်ကျောင်းသူလေးဖြစ်ပြီး သွေးမြင်ရင်တောင် မကြည့်ရဲတဲ့သူပါ သူ့အဖေရဲ့ ‌မသေခင်တောင်းဆိုမှုကြောင့်နဲ့ နိုင်ငံကိုချစ်စိတ်ကြောင့် ပါကစ္စတန်ကို သွားပြီး ပါကစ္စတန်က ဗိုလ်ချုပ်တစ်ယောက်ရဲ့သားနဲ့ လက်ထပ်ဖို့ကို သဘောတူလိုက်ပါတော့တယ် အဲဒီနောက် သူ့ရဲ့စုံစမ်းမှုက ဘယ်လိုတွေဖြစ်မလဲ မိန်းကလေးတစ်ယောက်အနေနဲ့ ဒီလိုအလုပ်ကို သူ ဘယ်လို လုပ်ဆောင်ပြီး တိုင်းပြည်ကို ကယ်တင်သွားမလဲဆိုတာ ဒီဇာတ်‌လမ်းလေးမှာ ကြည့်ရှုရမှာဖြစ်ပါတယ် rating 100 အပြည့်ရထားတဲ့ ဇာတ်ကားကောင်းလေးမလို့ ကြည့်ရှုဖို့အကြံပြုပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

အခုတစ်ခေါက် မိတ်ဆက်ပေးချင်တာကတော့ Jackass 4.5ပဲဖြစ်ပါတယ်။ ဒီကားလေးမှာတော့ ရှေ့ကထွက်ထားတဲ့ Jackass Foreverရဲ့ behind the sceneတွေအများကြီးအပြင် တခြား စတန့်အသစ်တွေကို ကြည့်ရှုနိုင်မှာဖြစ်ပါတယ်။ လူသစ်တွေလည်း ပါဝင်လာပေမယ့် ထုံးစံအတိုင်း အန္တရာယ်ရှိပြီး ကြမ်းတမ်းတဲ့ စတန့်တွေပါတာမို့လို့ ရင်တထိတ်ထိတ်နဲ့ ကြည့်ရမှာဖြစ်ပြီး အသက်မပြည့်သေးရင် မကြည့်ကြဖို့နဲ့ လိုက်မစမ်းကြည့်ကြဖို့ သတိပေးလိုက်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ Maria ဖြစ်ပါတယ်။

ဒီကားလေးက တရုတ်နိုင်ငံမှာ ပထမဆုံးပြသခဲ့သော Finnish ကားလေးဖြစ်ပါတယ်.. ဒီကားလေးက လက်မှတ်ပေါင်း ၇၉၀၅၀ တောင် ရောင်းချခဲ့ရသော ဇာတ်လမ်းကောင်းလေး ဖြစ်ပါတယ်လို့ အရင်ပြောပြချင်ပါတယ်။ ဇာတ်လမ်း အစမှာ Kai ကို သူ့ချစ်သူကောင်မလေး Ronjaက ထားသွားခဲ့တယ် ။ အဲ့အချိန်မှာ Ronja က သူ့ကောင်လေးရဲ့ ပစ္စည်းတွေကို ရှေးဟောင်းပစ္စည်းဆိုင်မှာ အပြီးတိုင်ရှင်းထုတ်ပစ်ဖို့အတွက် သွားခဲ့ပါတယ်။ အဲ့အခါမှာ ဆိုင်ရှင်က သူ့ကောင်လေးနဲ့သွားတွေ့ပြီး Kai ရဲ့ လက်သည်းတွ ဆံပငတွေကို သွားယူခဲ့ပြီး Kai ရဲ့ အကြောင်းသိခဲ့ရပြီး Kai ကို Smith ရဲ့ သားမှန်းသိသွားခဲ့ပြီး သူ့ဆီမှာရှိနေတဲ့ ရှေးဟောင်းသေတ္တာနဲ့ Kai တို့ရဲ့ ပတ်သက်မှုကို ဖော်ထုတ်နိုင်ခဲ့ပါတယ်။ Smith ဆိုတာကရော ဘယ်သူလဲ ? ဒီရှေးဟောင်းသေတ္တာထဲမှာရော ဘာတွေရှိနေမလဲဆိုတာကို Jade Warrior ကားလေးထဲမှာ ဆက်ပြီးတော့ ကြည့်ရှူပေးပါနော်..... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yue Liang ဖြစ်ပါတယ်

အ​မေရိကန်အစိုးရက နိုင်ငံသားတွေ ရာဇဝတ်မှုကျူးလွန်ခံရတာကို ကာကွယ်ဖို့အတွက် စောင့်ကြည့်ရေးကင်မရာ eyeborgs ကို တီထွင်ခဲ့တယ်။တချို့ကတော့ အဲဒီစောင့်ကြည့်ရေးကင်မရာကြောင့် လွတ်လပ်မှုတွေ ဆုံးရှုံးကုန်လို့ သဘောမကျကြပါဘူး။ တကယ်တမ်းမှာလည်း အမှုအခင်းတချို့က တကယ့်အဖြစ်အပျက် နဲ့ စောင့်ကြည့်ရေးကင်မရာက မှတ်တမ်းတွေက ကွာခြားနေပြီး လူတွေကိုကာကွယ်ဖို့တီထွင်ထားတဲ့ eyeborgs တွေကပဲ နောက်ကွယ်မှာလူတွေကို သတ်နေတဲ့အခါ........။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Marip Pan ဖြစ်ပါတယ်

MLဆော့ဖူးတဲ့သူတွေဆို Zilongကို ရင်းနှီးလောက်ကြရောပေါ့။ အဲ့ဒီ Zilongရဲ့ဇာတ်ကားပဲလို့လည်း ပြောလို့ရပါတယ်။ ရွာလေးတစ်ရွာက အညတရစစ်သည်လေးတစ်ယောက်ဟာ တစ်နေ့မှာ သူကလွဲရင် တစ်ရွာလုံးအသတ်ခံလိုက်ရပါတယ်။ အဲ့ဒါကို လက်စားချေဖို့ လက်တုံ့ပြန်ဖို့ကြိုးစားရင်း ဧကရာဇ်ဖြစ်ဖို့ နယ်မြေတွေကို အသည်းအသန်လိုက်သိမ်းပိုက်နေတဲ့ စစ်သူရဲကြီးနဲ့ ရင်ဆိုင်ကြတာပါ။ တရုတ်နန်းတွင်းကားတွေ ကြိုက်တတ်သူများအတွက်တော့ အဆင်ပြေမယ့်ကားကောင်းပါပဲလို့ ညွှန်းပေးချင်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zac ဖြစ်ပါတယ်

ဗင့်ဆင့်ဆာရာဟာ အဲပါဆိုရဲတပ်ဖွဲမှာအလုပ်လုပ်နေတဲ့ အေဂျင့်တစ်ယောက်ဖြစ်ပြီး လင်ဒါအမစ်စတစ်နဲ့ အလုပ်တွဲလုပ်ပါတယ်။ ဟူဂိုမားကစ်ကတော့ မက္ကဆီကိုကလာတဲ့စုံထောက်တစ်ယောက်ပါ သူက ဆာရာတိုနဲ့အတူအလုပ်တွဲလုပ်ပါတယ်။ ဒါဗာနာဆေးလ်မန်းဟာ လူသတ်ပေးဖိုအတွက် ကြေးစားတွေငှါးခဲ့ပါတယ်။ အဲလက်စ်လူးဝစ်ဟာ ဒါဗာနာငှါးခဲ့ကြေးစားပါ။ သူဟာ ကလေးတစ်ယောက်ကို သတ်ခိုင်းတာကိုသိခဲ့ရတဲ့အချိန်မှာ ဆက်မလုပ်နိုင်တော့ပဲ ဒါဗာနာမိသားစုရဲ့ လူကုန်ကူးမှုတွေ ကလေးသူငယ်ညှင်းပန်းနှိပ်စက်မှုတွေကိုဖော်ထုတ်ပစ်ဖိုစတင်ကြိုးစားပါတော့တယ်။ လူးဝစ်ဟာ တစ်ကိုယ်တော် လိုက်လဲဖြေရှင်းခဲ့ပေမယ့်နောက်ပိုင်းမှာ ဆာရာတိုနဲ့ ပေါင်းပြီးဖော်ထုတ်ဖိုကြိုးစားခဲ့ပါတယ်။ ဒီကားလေးထဲမှာ စိတ်ဝင်စားစရာ ဇာတ်ညွှန်းတွေနဲ့ ဇာတ်ကွက်တွေကို အကွက်ကျကျ ပုံဖော်ရိုက်ကူးထားပါတယ်။ မင်းသား Liam Neeson ရဲ့ဇာတ်ကားကောင်းတစ်ကားလဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zane ဖြစ်ပါတယ်

ဒီကားလေးကတော့ အမေရိကန် Sci-fi သည်းထိတ်ရင်ဖိုကားကောင်းလေးတစ်ကားဖြစ်ပါတယ်။ ဇာတ်လိုက်ဖြစ်တဲ့ဆာရာဟာ တစ်နေ့မှာ မနက်နိုးလာတဲ့အချိန် သူ့အိပ်ရာခင်းပေါ်မှာ သွေးတွေအများကြီးပေနေတာကိုတွေ့လိုက်ရပါတယ်။ အဲဒါကြောင့် ဆရာဝန် သွားပြတဲ့အခါ သူ့မှာ အကြောင်းရင်းရှာမရတဲ့ ရောဂါတစ်ခုရှိနေပြီး အဲဒီ ကုသနည်းလည်းမရှိတဲ့ရောဂါကြောင့် မကြာခင် သေရတော့မယ်ဆိုတာကို သိလိုက်ရပါတယ်။ ဆေးခန်းက ဆရာဝန်ရဲ့ ညွှန်ကြားချက်ကြောင့် ဆာရာဟာ သေခါနီးလူနာတွေကို ပုံတူကူးပြီး မိမိရဲ့ကိုယ်ပွားအဖြစ် ချန်ထားခဲ့နိုင်တဲ့ အစီအစဉ်တစ်ခုရှိကြောင်း သိလိုက်ရပါတယ်။ တစ်ဦးတည်းသောသမီးဖြစ်တဲ့ဆာရာဟာ သူ့အမေနဲ့ ချစ်သူကို ဝမ်းမနည်းစေချင်တဲ့စိတ်နဲ့ အဲဒီအစီအစဉ်မှာပါဝင်ပြီး ကိုယ်ပွားတစ်ယောက်ကို ဖန်တီးဖို့ ဆုံးဖြတ်လိုက်ပါတယ်။ ဒါပေမယ့် ရုတ်တရက်ကြီး ရောဂါကနေ ပြန်ကောင်းသွားပြီလို့ ဆရာဝန်က ဆာရာ့ကို အသိပေးလာပါတော့တယ်။ အဲဒီအခါ ဆာရာက သူ့ရဲ့ကိုယ်ပွားကို ဖျက်ဆီးပစ်ဖို့ကြိုးစားပေမယ့် မအောင်မြင်ခဲ့ပါဘူး။ နိုင်ငံရဲ့ဥပဒေအရ ဆာရာနဲ့ သူ့ရဲ့ကိုယ်ပွားတို့ထဲက တစ်ယောက်ပဲ အသက်ရှင်ခွင့်ရှိပြီး အဲဒါကိုဆုံးဖြတ်ဖို့အတွက် ပြိုင်ပွဲတစ်ခုကို ပြိုင်ရမှာဖြစ်ပါတယ်။ အဲဒီပြိုင်ပွဲအတွက် တိုက်ခိုက်ရေးလေ့ကျင့်ဖို့ အချိန်တစ်နှစ်အတွင်းမှာ ဆာရာဟာ ဘယ်လိုတွေလေ့ကျင့်ပြီး ပြိုင်ပွဲကို ဘယ်လိုသွားပြိုင်မလဲ၊ နောက်ဆုံးမှာ အနိုင်ရသွားမယ့်သူက ဘယ်သူလဲဆိုတာကိုတော့ ဒီကားလေးမှာ ဆက်လက်ကြည့်ရှုပေးကြပါ။ ဒီဇာ

ဒီကားလေးဟာ အမေရိကန်ပြည်တွင်းစစ်၊ တတိယကမ္ဘာစစ်နဲ့ အီရတ်နိုင်ငံက စစ်ပွဲတစ်ခုမှာ ပါဝင်တိုက်ခိုက်ကြတဲ့ စစ်သားငါးယောက်အကြောင်း အပိုင်းသုံးပိုင်းခွဲပြီး ရိုက်ပြထားတာဖြစ်ပါတယ်။ မတူညီတဲ့အချိန်ကာလတွေ မတူညီတဲ့ စစ်ပွဲတွေမှာ တိုက်ခိုက်နေကြတဲ့ စစ်သားတွေရဲ့ ခံယူချက်တွေ ကျင့်ဝတ်တွေကို အခြေခံပြီး ကျရောက်လာတဲ့အန္တရာယ်တွေကို ကျော်လွှားကြပုံကို ရိုက်ကူးထားတဲ့ဇာတ်ကားကောင်းလေးလည်းဖြစ်ပါတယ်။ အချိန်ကိုလိုက်ပြီး ပြောင်းလဲနေတဲ့ စစ်ပွဲရဲ့သဘောထားကို ဇာတ်လမ်းသုံးမျိုးနဲ့ ရိုက်ပြထားပြီး အက်ရှင်ခန်းတွေလည်းပါတာကြောင့် ပျင်းစရာကောင်းမှာတော့ မဟုတ်ပါဘူး။ သေရေးရှင်ရေးဖြစ်နေတဲ့ စစ်ပွဲအတွင်းမှာ မိမိကိုယ်တိုင်ရေး ရဲဘော်ရဲဘက်တွေအတွက်ပါ အရေးကြီးတဲ့ စွန့်စားမှုတွေ လုပ်လာရတဲ့အခါ ဘယ်လိုရွေးချယ်ကြမလဲဆိုတာကိုလည်း စိတ်လှုပ်ရှားဖွယ် ရှုစားနိုင်မှာဖြစ်ပါတယ်။ ဇာတ်လမ်းသုံးခုစလုံးမှာ သရုပ်ဆောင်တွေကို အတူတူသုံးထားပြီး နာမည်တွေကလည်း အတူတူပဲဆိုပေမယ့် ဇာတ်လမ်းသုံးခုဟာ သပ်သပ်စီမို့လို့ ရောမသွားဖို့ ကြိုတင်ပြောပြလိုက်ပါတယ်။ တခြားစစ်ကားတွေလို အတိုက်အခိုက်တွေပဲ ရိုက်ပြထားတာမဟုတ်ဘဲ စိတ်ဝင်စားစရာကောင်းပြီး ရုပ်ရှင်အပြီးမှာ စဉ်းစားစရာတွေကိုလည်း ချန်ထားခဲ့တာမို့လို့ ကြည့်ရှုသင့်တဲ့ကားလေးဖြစ်တယ်လို့ တိုက်တွန်းလိုက်ရပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Maria ဖြစ်ပါတယ်

ဒီကားလေးကတော့ Marvelဇာတ်ကောင်တစ်ကောင်ဖြစ်တဲ့ မောဘီးယပ်စ်ရဲ့အကြောင်းကို ရိုက်ပြထားတာဖြစ်ပါတယ်။ ဇီဝဓာတုပညာရှင်တစ်ဦးဖြစ်တဲ့ မိုက်ကယ် မောဘီးယပ်စ်ဟာ သူ့မှာရှိနေတဲ့ ရှားပါးတဲ့ သွေးရောဂါတစ်မျိုးကို ကုသဖို့ ငယ်ငယ်လေးတည်းက ဆေးရုံလို အဆောင်တစ်ခုမှာ နေနေရပါတယ်။ အဲဒီဆေးရုံကို ဦးစီးနေတဲ့ နစ်ကိုးလက်စ်က မိုက်ကယ်ရဲ့ ဉာဏ်ပညာကို သတိထားမိပြီး နယူးရော့က ကျောင်းတစ်ကျောင်းမှာ ပညာသင်ဖို့ လွှတ်ခဲ့ပါတယ်။ မိုက်ကယ်ကတော့ ဆေးရုံမှာတုန်းက ခင်ခဲ့ရတဲ့ သူ့သူငယ်ချင်းမိုင်လိုကိုထားခဲ့ပြီး ပညာသွားသင်ရင်း သုတေသနပညာရှင် ဆရာဝန်တစ်ဦးဖြစ်လာပါတော့တယ်။ မိုက်ကယ်က သူကိုယ်တိုင်နဲ့ မိုင်လိုမှာရှိတဲ့ သွေးရောဂါကိုကုဖို့ ကုထုံးရှာရင်း ဗန်ပိုင်းယားလင်းနို့တွေကို ဖမ်းပြီး စမ်းသပ်ကြည့်ဖို့ အကြံရလာပါတယ်။ အဲဒီဗန်ပိုင်းယားလင်းနို့တွေရဲ့ ဒီအန်အေထဲက အချို့အစိတ်အပိုင်းတွေကို လူ့ဒီအန်အေနဲ့ ပေါင်းစပ်ကြည့်ခဲ့ပြီး လူသားစမ်းသပ်မှုအနေနဲ့ သူ့ခန္ဓာကိုယ်မှာ စမ်းသပ်ခဲ့ပါတယ်။ စမ်းသပ်မှုအောင်မြင်သွားလို့ သူ့ရဲ့သွေးရောဂါ ပျောက်သွားခဲ့ပြီး မိုက်ကယ့်မှာ သာမန်လူတွေနဲ့မတူတဲ့အစွမ်းတွေ ရလာပါတယ်။ အဲဒီအစွမ်းတွေအပြင် သူရလိုက်တဲ့ ဘေးထွက်ဆိုးကျိုးကတော့ သွေးဆာတာပါပဲ။ မိုက်ကယ်က သွေးဆာလောင်မှုကို ကြောက်လာတဲ့အခါ ဘယ်လိုဖြေရှင်းဖို့ကြိုးစားမလဲ၊ မိုင်လိုကိုရော သူ့လိုဖြစ်အောင်လုပ်ပေးဦးမှာလားဆိုတာတွေကိုတော့ ဒီကားလေးမှာ ကြည့်ရှုနိုင်မှာဖြစ်ပြီး Marvelဇာတ်ကားပီပီ အက်ရှင်

ဆန်းမန်လို့ခေါ်တဲ့သူဟာ ငယ်ငယ်လေးကတည်းက မိဘမဲ့ တစ်ယောက်တည်းသမားဖြစ်ပြီး ဘဝမှာ အထီးကျန်နေတဲ့သူပါ။ ဒီလိုနဲ့ အဆင်မပြေတာတွေများလာတဲ့‌တစ်နေ့ကျ ကိုယ့်ဘဝကိုအဆုံးသတ်လိုက်ဖို့ ကြိုးစားပါတော့‌တယ်။ ဒီဇာတ်ကားလေးကတော့ မင်းသားကြီးဘတ်ချမ်းရဲ့ ပညာပေး ဇာတ်လမ်းလေးပါ အိန္ဒိယနိုင်ငံက ဆင်းရဲသားရပ်ကွက်ထဲက လူငယ်လေးတွေက အိမ်ကငွေကြေးမတက်နိုင်တော့ ကျောင်းကလည်းမတက်နိုင် အပြင်ထွက်ကြုံရာကျပန်းတွေလုပ်ရာကနေ ခိုးဆိုးလုယက် အရက်တွေသောက် ဆေးတွေသုံးတဲ့အခြေအနေအနေထိပါ ရောက်သွားကြပါတယ် အဲဒီလူငယ်လေးတွေကို ကျောင်းကအားကစားဆရာဗီချန်းဆိုတဲ့ ဆရာတစ်ယောက်ကတွေ့သွားပြီး သူတို့ဘဝကို ပြန်လည်တည့်မတ်ပေးဖို့ သူတက်နိုင်တဲ့ အားကစားဘက်ကနေ ကြိုးစားပေးပါတော့တယ် ပညာမတက်၊ဆင်းရဲနွမ်းပါးရင် လူရာမဝင်ဘူးလို့သတ်မှတ်တဲ့ လောကကြီးမှာ ဆရာဗီဂျေးက သူတို့ဘဝက အဖိုးတန်ကြောင်း ပြသပေးတော့ သူတို့ဘဝ ပြန်တည့်မတ်သွားကြမလား အရင်လိုပဲပြန်ဖြစ်မလားဆိုတာ ဒီဇာတ်ကားလေးမှာကြည့်ရှုရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

ဒီကားလေးကတော့ ၂၀၀၅ ခုနှစ်တုန်းက ထွက်ရှိထားတဲ့ တရုတ်ဒဏ္ဏာရီလေးတစ်ခုဖြစ်တဲ့ ဝူခုန်းဇာတ်တော်ကို ပုံစံတစ်မျိုးနဲ့ ဟာဟနှောပြီး ရိုက်ကူးထားတဲ့ဇာတ်ကားလေးပဲဖြစ်ပါတယ်.... ဒီကားထဲမှာကတော့ ဝူခုန်းရဲ့အကြောင်းထက် ဆရာဝောာ်ရဲ့အချစ်အကြောင်းကို ပုံဖော်ထားပါတယ်... ဝူခုန်းကားတွေထဲမှာ ပါတဲ့ မြင်းဖြူလေးကို သိကြမှာပါ...ဒီထဲမှာ အဲ့ဒီမြင်းဖြူလေးက ဘယ်ကနေ ဘယ်လိုဖြစ်သွားတယ်ဆိုတာပါပါတယ်.... ဝူခုန်းဆိုရင် လူတိုင်းသိကြလို့ အများကြီးမိတ်ဆက်ပေးစရာမလိုတော့ဘူးထင်ပါတယ်... ဆက်လက်ကြည့်ရှုအားပေးကြပါဦးလို့.... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Hein Htet Naing ဖြစ်ပါတယ်

Coldwar အပြီးကို နောက်ခံထားပြီးတော့ စပိုင်ဝတ္ထုတွေရေးလေ့ရှိတဲ့ Tom Clancy ရဲ့ နာမည်ကြီးစာအုပ်ကို အခြေခံပြီး ရိုက်ကူးထားတာပဲဖြစ်ပါတယ်။ Without Remorse ဟာဆိုရင် Tom Clancy ရဲ့ ဝတ္ထုတွေကို အခြေခံပြီးရိုက်ကူးတဲ့ Jack Ryan Film series ရဲ့ Spin-off တစ်ခုလည်းဖြစ်ပါတယ်။ Spin-off ဆိုတော့ ရှေ့က Jack Ryan ကားတွေကို မကြည့်လည်း ကြည့်ရအဆင်ပြေပါတယ်။ Navy SEALs အဖွဲ့ဝင်တစ်ယောက်ဖြစ်တဲ့ John ဟာ မိသားစုအတွက် အချိန်ပေးနိုင်ဖို့ ရာထူးကနေအနားယူလိုက်ပါတယ်။ မွေးလာမယ့်သမီးလေးအတွက် သာမန်ဘဝတစ်ခုမှာပဲ အသက်အန္တရာယ်မစိုးရိမ်ရတဲ့ အလုပ်တွေကို လုပ်ကိုင်ပြီး ပျော်ပျော်ရွှင်ရွှင်နေတော့မယ့် John တစ်ယောက်အတွက် ကံကြမ္မာက မျက်နှာသာမပေးခဲ့ပါဘူး။ နောက်ဆုံးအနေနဲ့ ပါဝင်ခဲ့တဲ့ စစ်ဆင်ရေးက ရန်ငြိုးရန်စတွေက John တို့ တစ်ဖွဲ့လုံးကို ရိုက်ခတ်လာပါတော့တယ်။ ကျန်တာကတော့ ပြောလို့မကောင်းတော့လို့ ကိုယ့်ဘာသာပဲဆက်ကြည့်လိုက်ကြပါ။ မင်းသားကတော့ ပရိသတ်တွေနဲ့သိပ်မစိမ်းတဲ့ Michael B. Jordan ဆိုတော့ သိပ်ပြီးထွေထွေထူးထူးပြောစရာမလိုတော့ပါဘူး။ ဆိုတော့ Tom Clancy ပရိသတ်တွေအတွက် လက်မလွှတ်လိုက်ဖို့ပဲ အကြံပေးလိုက်ပါတယ်။ Credit Review ဒီဇာတ်ကားကိုဘာသာပြန်ပေးသူကတော့ Myat Eaindray Khaing ဖြစ်ပါတယ်

၂၀၂၂ခုနှစ် ဖေဖော်ဝါရီ ၂၁ရက်နေ့ကထွက်ရှိထားတဲ့ Turning Red ဆိုတဲ့ Comedy animated movie လေးတစ်ခုနဲ့မိတ်ဆက်ပေးချင်ပါတယ်။ Animated Movie ဆိုလို့ကလေးတွေ၊ ဆယ်ကျော်သက်အတွက်ပဲဖန်တီးထားတဲ့ ဇာတ်ကားမဟုတ်ဘဲ မိဘနဲ့သားသမီးအတူကြည့်သင့်တဲ့ ဇာတ်ကားလေးတစ်ကားဆိုရင်လည်းမမှားပါဘူး။ ဘာကြောင့်လဲဆိုတော့ အရှေ့တိုင်းမိဘတွေနဲ့ ဆယ်ကျော်သက်သားသမီးတွေကြားမှာဖြစ်လေ့ရှိတဲ့ သဘောထားကွဲလွဲမှုပြဿနာမျိုးတွေကို Turning Red ဇာတ်ကားထဲမှာ အမေရိကန်နိုင်ငံမှာနေထိုင်တဲ့ တရုတ်မိသားစုလေးတစ်စုအဖြစ်ပုံဖော်ရိုက်ကူးထားတာကြောင့်ပါ။ ဒီဇာတ်ကားလေးကိုကြည့်ပြီးရင် ခေတ်လူငယ်သားသမီးတွေရဲ့သဘောထားနဲ့ ခံစားမှုတွေကို မိဘတွေဘက်ကလည်း နားလည်လက်ခံပေးနိုင်သလို သားသမီးတွေကလည်း မိဘတွေရင်ထဲကမေတ္တာကိုမြင်အောင် ကြည့်တတ်လာနိုင်မယ်လို့ယုံကြည်ပါတယ်။ မေလင်းလီဟာ အသက်၁၃နှစ်အရွယ်ရှိတဲ့ကောင်မလေးတစ်ယောက်ပါ။ သူဟာမျိုးရိုးဂုဏ်သိက္ခာမညှိုးနွမ်းစေရအောင် မိခင်စိတ်ကြိုက်ဘက်စုံထူးချွန်တဲ့ ကျောင်းသူလေးတစ်ယောက်အဖြစ်ရပ်တည်နေသူပါ။ မေဟာ မိခင်သဘောကျကျောင်းမှာလည်းကျောင်းအလျောက်၊ အိမ်မှာလည်းအိမ်အလျောက် လိမ္မာတဲ့သမီးကောင်းလေးဖြစ်အောင် အစွမ်းကုန်ကြိုးစားနေပေမယ့် လူငယ်ပီပီပျော်ပါးချင်တဲ့စိတ်ကလေးလည်းရှိသလို သွက်လက်တဲ့သူငယ်ချင်းတွေနဲ့အတူ လူငယ်ကောင်လေးတွေစုစည်းထားတဲ့ဂီတအဖွဲ့ 4-Town ရဲ့အမာခံပရိသက်တစ်ယောက်လည်းဖြစ်ပါတယ်။ ဒါပေမယ့် ရှေးရိုးစွဲတရုတ်မိခင်ဖြစ်သူမသိအောင်တော့ဒီအကြောင်းတွ

အင်္ဂလန်က The Rowကနေ Leonardဆိုတဲ့ အပ်ချုပ်သမားတစ်ယောက်က Roy Boyleဆိုတဲ့ လူဆိုးဂိုဏ်းခေါင်းဆောင် လက်ဝါးကြီးအုပ်ထားတဲ့ ချီကာဂိုက ပတ်ဝန်းကျင်တစ်ခုကို ပြောင်းပြီး အပ်ချုပ်ဆိုင်ဖွင့်လာပါတယ်။ Royရဲ့သားဖြစ်တဲ့ Richieနဲ့ Francisကတော့ Leonardရဲ့ ဖောက်သည်တွေပေါ့။ ဒီလိုနဲ့တစ်ညမှာ Richieက သူတို့ရဲ့ ပြိုင်ဘက်ဖြစ်တဲ့ La Fontaineတွေကြောင့် ဗိုက်ကို သေနတ်မှန်ပြီး Francisနဲ့အတူ အပ်ချုပ်ဆိုင်ကို ရောက်လာပါတယ်။ Leonardလည်း တတ်နိုင်သလောက် ပြန်ချုပ်ပေးလိုက်ပါတယ်။ Royကလည်း သူ့သားကို လာကြည့်မယ်ဆိုပြီး အပ်ချုပ်ဆိုင်ကိုလာတယ်။ Francisကတော့ သူတို့အဖွဲ့ထဲက သတင်းပေးကိုရှာမယ်ဆိုပြီး ထွက်သွားပါတော့တယ်။ သတင်းပေးက ဘယ်သူဖြစ်မလဲ၊ Richieကရော ဒဏ်ရာသက်သာနိုင်ပါ့မလား၊ လူဆိုးဂိုဏ်းတွေကြားထဲက ဖြစ်လေ့ဖြစ်ထရှိတဲ့ ရန်ပွဲတွေအကြောင်းနဲ့ plot twistတွေအများကြီး ပါတာမို့လို့ အဆုံးထိ တစ်ကားလုံး စိတ်ဝင်စားစရာကောင်းပြီး တအံ့တဩနဲ့ကြည့်နေရမဲ့ကားလေးပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Maria ဖြစ်ပါတယ်

animation အလန်းစား တစ်ကား ရပါပြီ။ ရယ်လည်းရရယ်တယ် ကြည့်လို့လည်းကောင်းတယ်၊ သီချင်းတွေလည်းကောင်းတယ်။ ဇာတ်လမ်းကတော့ မစ်ချဲမိသားစုဆိုတာ အူကြောင်ကြောင် မိသားစုတစ်ခုရှိတယ်၊ အဖေက ဘာနည်းပညာမှ စိတ်မဝင်စားတဲ့ သဘာဝသမား၊ သမီးက ရုပ်ရှင်ဝါသနာအိုး၊ ဒါရိုက်တာရူး၊ သားက ဒိုင်နိုဆော ဝါသနာအိုး စသည်ဖြင့် တစ်ယောက်တစ်ပေါက်တွေပေါ့။ ဒါပေမယ့် တစ်နေ့မှာတော့ တစ်ကမ္ဘာလုံးက စက်ရုပ်တွေက အကြောင်းတစ်ခုကြောင့် ပုန်ကန်ပြီး လူသားတွေအားလုံးကို ဖမ်းဆီးလိုက်ပါတယ်။ အဲဒီမှာ ကပ်ခါသီခါ လွတ်ပြီး ကျန်ခဲ့တဲ့ မိသားစုဟာအလွဲခွဲအချော်ချော်တွေလုပ်ပြီး ကမ္ဘာကြီးကို ကယ်တင်ဖို့ ကြိုးစားရတာကို တွေ့မြင်ရမှာပါ။ Credit Review ဒီဇာတ်ကားကိုဘာသာပြန်ပေးသူကတော့ May Chit ဖြစ်ပါတယ်