လူကြည့်များသော ရုပ်ရှင်များ

မင်းပေါင်းစုံညီတဲ့ G20 ညီလာခံမှာ အကြမ်းဖက်သမားတွေ ဝင်စီးတာကို အမေရိကန်သမ္မတက စွန့်စွန့်စားစားကယ်တဲ့ Action, Thriller အမျိုးအစား စိတ်ဝင်စားဖွယ်ရုပ်ရှင်ဖြစ်ပါတယ်။ လူမည်းအမျိုးသမီး သမ္မတဒယ်နီရယ်ဟာ ကမ္ဘာ့ထိပ်သီးနိုင်ငံ 20နဲ့ G20 ညီလာခံမှာ တောင်အာဖရိကက လယ်သမားတွေအကျိုးပြု ငွေကြေးစနစ်အသစ် အဆိုပြုဖို့ အပတ်တကုပ်ကြိုးစားနေပါတယ်။ သူ့မှာ သားနဲ့သမီးရှိပြီး 18နှစ်ပြည့်တော့မယ့် သမီးဖြစ်သူ ဆရီနာဟာ အမေဖြစ်သူကို ချုပ်ချယ်လွန်းတယ်ထင်ပြီး အိမ်တော်ကနေ အမြဲခိုးထွက်လေ့ရှိပါတယ်။ နည်းပညာပိုင်းလည်း ကျွမ်းကျင်တာကြောင့် အမြဲတစ်ပန်းသာပြီး ပြည်သူလူထုအမြင်မှာ သမ္မတကို မေးခွန်းထုတ်စရာဖြစ်နေပါတယ်။ မကြာခင် G20ညီလာခံလုပ်တဲ့အချိန် ကိုယ်ကျိုးရှာတဲ့ အကြမ်းဖက်အုပ်စု ဝင်စီးပြီး ကမ္ဘာ့ခေါင်းဆောင်တွေကို ဓားစာခံလုပ်ထားတဲ့အချိန် ဒယ်နီရယ်က အစွမ်းပြပြီး မိသားစုနဲ့ ခေါင်းဆောင်တွေကို ကယ်တင်မှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ထောင်မှူးရှန်တရမ်က ထောင်တစ်ခုမှာစမ်းသပ်မှုတစ်ခုလုပ်တယ်။ အဲဒါကထောင်သားတွေကလည်း တစ်ချိန်ကျလူကောင်းတွေဖြစ်လာနိုင်တယ်ဆိုတာကို သက်သေပြချင်လို့ပါ။ အဲဒါနဲ့ထောင်ထဲက ပြစ်မှုကြီးတဲ့ထောင်သားတွေကိုခေါ်ထုတ်ပြီး ရွာတစ်ရွာမှာလယ်စိုက်ခိုင်းရင်း သူတို့ရဲ့ဒေါတွေကိုထိန်းချုပ်နိုင်လား ပိုတိုးတက်လာတဲ့လူတွေဖြစ်မလား စမ်းသပ်ရင်းစောင့်ကြည့်ပါတယ်။ တကယ်လို့ဒီစမ်းသပ်ချက်ကျရှုံးခဲ့ရင် ထောင်မှူးရှန်တရမ်လည်း အရှက်တကွဲအကျိုးနဲ့ဖြစ်မယ့်အပြင် ထောင်တစ်သက်တစ်ကျွန်းကျမှာဆိုတော့ ထောင်မှူးလည်းသူ့စမ်းသပ်ချက်မကျရှုံးအောင် ထောင်သားတွေလည်းလူကောင်းဖြစ်လာနိုင်တယ်ဆိုတာကို ပြဖို့ အစွမ်းကုန်ကြိုးစားပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

ဆိုဆူကီဆိုတဲ့ ကောင်လေးဟာ ကမ်းခြေမှာ ရွှေငါးလေးတစ်ကောင်ကို ကယ်တင်ခဲ့ပြီး ပွန်ယိုလို့ နာမည်ပေးခဲ့ပါတယ်။ ပွန်ယို့အဖေဟာလည်း သမီးဖြစ်သူကို အပူတပြင်း လိုက်ရှာနေပါတယ်။ ပွန်ယိုဟာ ဆိုဆီကီရဲ့ဒဏ်ရာက သွေးတစ်စက်ကို လျက်လိုက်မိပြီး လူသားအဖြစ် ပြောင်းလဲသွားပါတော့တယ်။ အဖေဖြစ်သူ ဖူဂျီမိုတိုဟာ ပွန်ယို့ကို ပြန်ခေါ်ဖို့ ကြိုးစားပေမယ့် သမီးဖြစ်သူကတော့ လူသားပဲ ဖြစ်ချင်ပါတယ်။ ပွန်ယိုအနေနဲ့ လူသားဖြစ်ဖို့ဆိုရင် အချစ်စစ်လိုအပ်ပြီး သူ့မှော်စွမ်းအားတွေကိုရော စွန့်လွှတ်ရမှာပါ။ ဒီတော့ ဆိုဆူကီနဲ့ ပွန်ယိုကြားက အချစ်စစ်ရဲ့စွမ်းအားနဲ့ ဘယ်လိုအရာတွေကို အောင်မြင်ကျော်လွှားနိုင်မလဲ ပွန်ယိုရဲ့ မှော်စွမ်းအားကြောင့် ဖြစ်တဲ့ ပင်လယ်ရေမျက်နှာပြင် မြင့်တက်လာပြီး ရေလွှမ်းမိုးမှုတွေနဲ့ ဖြစ်နေတဲ့ သဘာဝမျှခြေကိုရော ပြန်လည်ထိန်းသိမ်းနိုင်မလားဆိုတာ စိတ်လှုပ်ရှားစွာကြည့်ရမယ့် ဇာတ်လမ်းကောင်းလေးတစ်ပုဒ်ပဲ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ taku-chan ဖြစ်ပါတယ်

IMDb 6.9 နဲ့ Rotten Tomatoes 80% ရထားတဲ့ ဒရမ်မာကားကောင်းတစ်ခုတင်ဆက်ပေးချင်ပါတယ်။ အဓိကဇာတ်ဆောင် မင်းသားကတော့ မာဗယ်ရဲ့ Kang the Conqueror အဖြစ်သရုပ်ဆောင်ဖူးသူ Jonathan Majors ပါ။ ကီလီယန်က ကာယဗလလေ့ကျင့်တာနဲ့ပတ်သက်လို့ အတော်လေးရူးသွပ်တဲ့လူဖြစ်ပြီး မစ္စတာအိုလံပီယာဆိုတဲ့ ချန်ပီယံဆုကို ရဖို့အတွက် အချိန်နဲ့အမျှ ကြိုးစားနေရှာသူပါ။ ကြွက်သားတွေအတွက် စတီးရွိုက်တွေထိုး၊ မတော်တဆမှုဖြစ်လာတော့ ဆရာဝန်တွေက သူ့ကို ခွဲစိတ်ရမယ်ဆိုတာကိုတောင် ကာယဗလမောင်တစ်ယောက်မှာ အမာရွတ်မရှိရဘူးဆိုတဲ့ အချက်နဲ့ ခွဲစိတ်မှုကို မခံယူတဲ့အထိ ရူးသွပ်တဲ့သူပေါ့။ အဲ့လိုမျိုးမခွဲစိတ်ဖို့ကို ဆုံးဖြတ်တတ်ပေမယ့် ကိုယ့်ဘက်က အေးဆေးနေလားဆိုတော့လည်း ထစ်ခနဲဆို တုတ်ဆွဲဓားဆွဲနဲ့ပါရယ်။ ကာယဗလမောင်တစ်ယောက်ရဲ့ လေ့ကျင့်မှုတွေ အများကြီးထည့်သွင်းပြထားတာမျိုး မဟုတ်ဘဲ သူ့ရဲ့စိတ်ပိုင်းဆိုင်ရာ အခြေအနေကို အဓိကမီးမောင်းထိုးရိုက်ပြထားတာ ဖြစ်တယ်။ ဒီတော့ ကီလီယန်တစ်ယောက် သူ့အိပ်မက်ဖြစ်တဲ့ ချန်ပီယံဆုရ မဂ္ဂဇင်းကာဗာ ကာယဗလမောင်တစ်ယောက် ဖြစ်လာမလားဆိုတာကိုတော့....။ အညွှန်းနဲ့ ဘာသာပြန်ကတော့ LYKZ ဖြစ်ပါတယ်။

ဂျန်နီက နာမည်ကြီးဒါရိုက်တာတစ်ယောက်ဖြစ်ပြီး အလုပ်ကနေနားထားတဲ့သူတစ်ယောက်ပါ တစ်နေ့မှာ သူမချစ်ရတဲ့ဆရာဖြစ်သူ ဆုံးပါးသွားပြီး ဆရာကြီးရဲ့နောက်ဆုံးဆန္ဒအရ Salome ဆိုတဲ့ ပြဇာတ်တစ်ပုဒ်ရဲ့ ဒါရိုက်တာလုပ်ဖို့ဖြစ်လာပါတယ် သူမမှာ အဖေနဲ့ပက်သက်တဲ့ ငယ်ဘဝစိတ်ဒဏ်ရာနဲ့ကြီးပြင်းလာခဲ့ပြီး ဖြစ်ချင်တော့ အဲဒီပြဇာတ်က သူမရဲ့အတိတ်အကြောင်းနဲ့ဆက်စပ်နေတာပါ သူမရဲ့အဖေက ဗီဒီယိုရိုက်ရတာကို စွဲလမ်းနေတဲ့သူဖြစ်ပြီး ချစ်ဖို့ကောင်းတဲ့သူမကို တောအုပ်ထဲခေါ်သွားပြီး ထူးဆန်းတဲ့ဗီဒီယိုရိုက်ခဲ့တာပါ "Salome" ပြဇာတ်မှာလည်း ဆာလိုမီက ဗတ္တိဇံဆရာယောဟန်ကို သဘောကျပေမယ့် သူမကို လုံးဝလှည့်မကြည့်ခဲ့ပါဘူး ဆာလိုမီက သူမရဲ့ပထွေး ဟေရုဒ်မင်းကြီးကိုအမှီပြုပြီး ဆရာယောဟန်ကို ဘယ်လိုရအောင်ယူခဲ့လဲ ဂျန်နီရဲ့ငယ်ဘဝနဲ့ ပြဇာတ်က ဘယ်လိုဆက်စပ်နေလဲဆိုတာ ကြည့်လိုက်ရ‌အောင်နော် အညွှန်းနဲ့ ဘာသာပြန်ကတော့ Yuri ဖြစ်ပါတယ်။

ဒီတစ်ခါတော့ ‌ရှည်ရှည်ဝေးဝေးညွှန်းစရာမလိုတဲ့ Sport Drama ကောင်းတစ်ပုဒ်ဆိုတာပြောထားပါရစေ 2025မှာ အသစ်စက်စက်ထွက်ရှိထားတဲ့ "Test" ဆိုတဲ့ဇာတ်ကားပါ အိန္ဒိယရဲ့ National Sport လို့တောင် တင်စားရလောက်တဲ့ Cricket ကစားနည်းကိုအခြေခံပြီးရိုက်ကူးထားပါတယ် ဇာတ်လမ်းက ပုံမှန် Sport Drama တွေလိုမဟုတ်ဘဲ အားကစားပွဲတစ်ခုရဲ့နောက်ဘက်မှာ ဖြစ်ပျက်နေတဲ့ ‌လူတွေရဲ့မ‌တော်လောဘတွေ၊ အားကစားသမားကောင်းတစ်ယောက်ရဲ့စိတ်ဓာတ်နဲ့ မိသားစုဘဝကိုပါ အကွက်ကျကျထည့်သွင်းဖော်ပြထားပါတယ် စိတ်အားထက်သန်စရာ ပြိုင်ပွဲအချိန်တွေ၊ စိတ်လှုပ်ရှားစရာ ဘဝအဖြစ်အပျက်တွေကို ရသစုံစွာကြည့်ရှုရမှာဖြစ်တဲ့အတွက် အရွေးမမှားမယ့်ဇာတ်လမ်းကောင်းတစ်ပုဒ်ပါပဲ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ကာသော်လို့နာမည်ရတဲ့ ရှေးဟောင်းရွာလေးနဲ့ အဲဒီရွာအနားက တောကြီးထဲမှာရှိတဲ့ ရေကန်တစ်ကန်၊ ရေကန်ထဲကို လပြည့်ညတိုင်း စုန်းမခုနှစ်ယောက်က ရေလာချိုးကြတယ်ဆိုတဲ့ ဒဏ္ဍာရီလာ ဇာတ်လမ်းပုံပြင်ကို လက်တွေ့မှာ မှတ်တမ်းရုပ်ရှင်ရိုက်ဖို့အတွက် မာဗင်တို့ အဖွဲ့ကသွားရောက်ခဲ့ကြပါတယ်။ တောထဲကို မရောက်ခင် ကာသော်ရွာမှာတင် ဒေသခံတွေကို မေးမြန်းကြည့်တော့ ဒီတောထဲကို ဝင်သွားတဲ့သူမှန်သမျှ အသက်ပြန်ရှက်လျှက်ထွက်မလာနိုင်တဲ့အတွက် မသွားဖို့ရာတားခဲ့ကြပါတယ်။ အဲဒါအပြင် ကာသော်ရွာလေးမှာလည်း စုန်းမနဲ့ပတ်သက်ပြီး ယုံတမ်းပုံပြင်တွေ ရှိနေတဲ့ကိုယ်တွေ့အဖြစ်အပျက်တွေ ရှိနေတာကိုသိခဲ့ရပါတယ်။ မာဗင်တို့သူငယ်ချင်းလေးယောက်က ‌တောထဲကိုဝင်သွားပြီး စုန်းမတွေရေချိုးတာကို လက်တွေ့ရိုက်ကူးမှုလုပ်နိုင်ခဲ့သလား။ ဘယ်သူတွေကတောထဲကနေ အသက်ရှင်လျှက်ပြန်ထွက်လာနိုင်မလဲဆိုတာကို ထိတ်လန့်ခြောက်ခြားဖွယ်ကြည်ရှုရမယ့် ထိတ်လန့်ကြောက်ရွံစရာအပြည့်နဲ့ အိန္ဒိယသရဲကားလေးကို တင်ဆက်ပေးလိုက်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

ပုံတူမျိုးပွားမှုသီအိုရီကို အတည်ပြုချင်နေတဲ့ သိပ္ပံပညာရှင်တစ်ယောက်။ ကမ္ဘာပေါ်မှာ အင်အားအကြီးဆုံး ပိုကီမွန်တစ်ကောင်ကို လိုချင်နေတဲ့ လူချမ်းသာတစ်ယောက်။ တနေ့ သူတို့ ကမ္ဘာပေါ်မှာ အင်အားအကြီးဆုံး သမိုင်းတွင်ခဲ့တဲ့ပိုကီမွန် Mew ရဲ့ကျောက်ဖြစ်ရုပ်ကြွင်းကို ရှာတွေ့သွားတဲ့အခါ အဲဒီကနေ ပိုကီမွန်တစ်ကောင် ကော်ပီပွားလိုက်ပါတယ်။ ဒါပေမဲ့ ပွားလာတဲ့ ပိုကီမွန်က စွမ်းအားကြီးလွန်းလို့ ထိန်းချုပ်ကြိုးကိုင်ဖို့ ကြိုးစားခဲ့ကြပေမဲ့လည်း မအောင်မြင်ခဲ့ပါဘူး။ သူဟာ အစမ်းသပ်ခံအကောင်အဖြစ် ဖန်တီးခံခဲ့ရတာကို မုန်းတီးမိတဲ့ Mewtwo ဟာ လက်ရှိကမ္ဘာကြီးကို ဖျက်ဆီးပြီး ကမ္ဘာအသစ်တစ်ခု တည်ထောင်ဖို့ ရည်မှန်းချက် ထားလာခဲ့ပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Pan ဖြစ်ပါတယ်

ဒီဇာတ်ကား​လေးက​တော့ အင်ဒိုနီးရှားဒဏ္ဍာရီလာ ဝီဝီဂွန်ဘယ်ဆိုတဲ့ က​​လေးဖမ်းစားတတ်တဲ့နတ်ဆိုးကို အ​ခြေခံပြီးရိုက်ကူးထားတဲ့ ​ဟော်ရာကား​လေးဖြစ်ပါတယ်။ ဝီဝီဂွန်ဘယ်ဆိုတာ ​နေဝင်ချိန်အပြင်ဘက်မှာ ကစား​နေတဲ့က​လေး​တွေ ဖမ်း​ခေါ်သွားတတ်တယ်ဆိုတဲ့ ဒဏ္ဍာရီပုံပြင်​​တွေရှိပါတယ်။ ဒီဇာတ်လမ်း​လေးထဲမှာ​​တော့ ခင်ပွန်းဖြစ်သူဆုံးပါးသွားပြီး သားသမီးနှစ်​​ယောက်နဲ့ရုန်းကန်​နေရတဲ့မိသားစုတစ်စုကို ပုံ​ဖော်ထားပါတယ်။ ရာမန်နဲ့ဆာရီဆိုပြီး သားသမီးနှစ်​ယောက်ရှိ​ပေမယ့် အိမ်​ထောင်ဦးစီးတာဝန်ကို ယူထားရတဲ့ရာမန်တို့မိခင်ဟာ သားသမီးနှစ်​ယောက်ကို ​နွေး​နွေး​ထွေး​ထွေးမဆက်ဆံ​ပေးနိုင်ခဲ့ပါဘူး။ ရာမန်က ​ကောလိပ်​​ကျောင်းသားအရွယ်ဖြစ်ပြီး ဆာရီက​တော့ မူလတန်း​ကျောင်းသူဖြစ်ပါတယ်။ တစ်​နေ့မှာ ဆာရီတို့သူငယ်ချင်းတစ်စု တူတူပုန်းတမ်းကစားရင်းက​နေ ဆာရီတစ်​ယောက်​ပျောက်ချင်းမလှ ​ပျောက်ဆုံးသွားခဲ့ပါတယ်။ ဆာရီ့ကို လိုက်ရှာဖို့ ရာမန်တို့သူငယ်ချင်း​တွေကြိုးစားကြပုံ၊ ဆာရီ​ပျောက်ဆုံးသွားတယ်လို့ ယူဆရတဲ့ သရဲ​​ခြောက်တယ်ဆိုတဲ့ အိမ်ကြီးထဲမှာ လိုက်ရှာကြပုံနဲ့ ဝီဝီဂွန်ဘယ်နတ်ဆိုးနဲ့ ဘယ်လိုရင်ဆိုင်တိုက်ခိုက်ကြမလဲ၊ ဆာရီ့ကို ​​ဘေးကင်းကင်းနဲ့ရှာ​တွေ့နိုင်ပါမလားဆိုတာကို ရင်ခုန်စိတ်လှုပ်ရှားစွာခံစားကြည့်ရှုရမယ့် အင်ဒို​ဟော်ရာဇာတ်ကား​ကောင်း​လေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဒီကားလေးကတော့ IMDb 7.1အထိ ရထားတဲ့ ဇာတ်ကားကောင်းလေးတစ်ကားပါ။ ချာဟျွန်းအူဆိုတဲ့ကောင်လေးဟာ လူငယ်ထိန်းသိမ်းရေးစခန်းကနေထွက်လာပြီး မီဆူပေါင်မုန့်ဆိုင်ဆီဝင်ပြီး အဆိုးတွေပြေအောင် တို့ဟူးဖြစ်ဖြစ် ပဲဖြစ်ဖြစ် ဝယ်ဖို့ ဝင်ခဲ့ပါတယ်။ ဒါပေမဲ့ မီဆူတို့ဆီမှာမရှိတာမလို့ မျက်စောင်းထိုးဆိုင်လေးကိုပဲ ညွန်ပေးလိုက်ပါတယ်။ မီဆူတို့ဆိုင်မှာ မီဆူနဲ့ သူ့အမေရဲ့မွေးစားသမီး သူ့ရဲ့အစ်မတို့ ပေါင်မုန့်လုပ်ရောင်းကြတာပါ။ ဆိုင်မှာလူရှာနေတဲ့စာရွက်ကို ကပ်ထားတာမလို့ ဟျွန်းအူက ဝင်လုပ်မယ်ဆိုပြီး အလုပ်ဝင်ခဲ့ပါတယ်။ စစချင်း ပေါင်းသင်းရခက်ပေမဲ့ နောက်ပိုင်းမှာ ပြောရဆိုရအဆင်ပြေလာပြီး မီဆူနဲ့ ဟျွန်းအူတို့ သံယောဇဉ်ဖြစ်လာခဲ့ပါတယ်။ တစ်ရက်ကျ ဟျွန်းအူရဲ့ သူငယ်ချင်းဟောင်းတွေက ဟျွန်းအူဆီရောက်လာပြီး ဆိုင်မှာ အော်ကျယ်အော်ကျယ်နဲ့ သောင်းကျန်းကြပါတယ်။ ဟျွန်းအူကတော့ ဘာမှသိပ်မပြောဆိုနိုင်ဘဲ သူ့သူငယ်ချင်းဆိုတဲ့သူတွေက သူ့ရဲ့နိုင်ကွက်တစ်ခုခုကို ကိုင်ထားသလို ဖြစ်နေခဲ့ပါတယ်။ ဟျွန်းအူဖုံးကွယ်ထားခဲ့တဲ့ လျှို့ဝှက်ချက်က ဘာဖြစ်မလဲ? သူထောင်ကျခဲ့ရတဲ့အကြောင်းအရင်းတွေကို မီဆူတို့သိသွားချိန် ဘာတွေဆက်ကြုံလာရမလဲဆိုတာ... ဒီကားကိုအညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

ကာရီနဲ့လာ့ကျောင်းတို့နှစ်ယောက်ဟာ အရမ်းကို အတွဲညီပြီး တည့်ကြတဲ့ရဲနှစ်ယောက်ဆိုပေမဲ့ တစ်ခါမှ လူဆိုးတွေကို ဖမ်းမရခဲ့ကြပါဘူး။ အတူနေ၊ အတူစား၊ ပြောမနာဆိုမနာနေလာခဲ့ပေမဲ့ ရဲတွေအကြောင်းကို တီဗီမှာလွှင့်ဖို့အတွက် ရဲစခန်းမှာ လူလာရှာတဲ့ သတင်းထောက်မလေးတစ်ယောက်ကို နှစ်ယောက်လုံးက သဘောကျမိကြတော့တယ်။ အမြဲတမ်းတလွဲတွေလုပ်တတ်ကြတဲ့ သူတို့နှစ်ယောက်က လက်နက်ကြီးတွေအရောင်းအ၀ယ်လုပ်မယ့် အမှုကြီးတစ်ခုကို သတင်းရသွားတော့ ဘယ်လိုတွေဆက်လုပ်ကြမလဲ။ Jacky Cheung နဲ့ Stephen Chow တို့အတွဲတွဲညီညီ သရုပ်ဆောင်ထားကြတဲ့ ဟာသအက်ရှင်ကားလေးပါ။ ဒီဇာတ်ကားကိုအညွန်းနဲ့ဘာသာပြန်ပေးသူ Su ဖြစ်ပါတယ်

ကလေးဘဝကထဲက ခင်မင်ရင်းနှီးခဲ့တဲ့သူငယ်ချင်းသုံးယောက်ဟာ ရဲအရာရှိများဖြစ်လာကြပါတယ်။ ဝရမ်းပြေးလူဆိုးကို ဖမ်းဖို့အတွက်ကြံစည်လိုက်တိုင်းမှာ ဝရမ်းပြေးနာမည်ကျော် လူဆိုးက ထွက်ပြေးလွတ်မြောက်သွားပြီး စခန်းမှာရှိတဲ့ ရဲများသာဒဏ်ရာရ အသက်ဆုံးရှုံးကြရတဲ့အခါမှာ ရဲဌာနအတွင်းမှာ လူဆိုးကိုသတင်းပေးနေတဲ့ သစ္စာဖောက်တစ်ဦးရှိမယ်လို့ ယူဆလိုက်ကြပါတယ်။ သူငယ်ချင်းသုံးယောက်က သစ္စာဖောက်သတင်းပေးကိုဘယ်လိုရှာဖွေကြမလဲ။ ထင်မှတ်မထားတဲ့ သတင်းပေးကရော ဘယ်သူဖြစ်နေမလဲ။ ရဲအရာရှိတစ်ဦး အသတ်ခံရမှုကနေပတ်သက်ပြီး စုံစမ်းစစ်ဆေးရာကနေ လိမ်လည်မှု သစ္စာဖောက်မှုများကို ရှာဖွေတွေ့ရှိရမယ့် Rating 7/10အထိ ရရှိထားတဲ့ အိန္ဒိယ အက်ရှင်သည်းထိတ်ရင်ဖိုဇာတ်ကားကောင်းတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

စကော့ပတ်ဆိုတဲ့ ဒီဂျေတစ်ယောက်က နာမည်ကြီးမှုမရှိတော့ဘဲ သူ့အခွေတွေကိုတောင် ဆိုင်တွေမှာ ဈေးပေါပေါရောင်းချနေရတဲ့အထိ အောင်မြင်မှုကျဆင်းနေတဲ့လူပါ သူ့ကိုယ်သူတော့ မအောင်မြင်တော့တာလက်မခံနိုင်သူတစ်ဦးပေါ့ တစ်နေ့ ရဲမေတစ်ယောက်က သူ့ကိုဖမ်းခေါ်ပြီး သူ့မိတ်ဆွေဒီဂျေတစ်ဦးဖြစ်တဲ့ ဗက်စတက်နောက်နဲ့ မူးယစ်ဂိုဏ်းတစ်ဂိုဏ်းကိုဖော်ထုတ်ချင်တာကြောင့် စကော့ပတ်ကို လျှို့ဝှက်အေးဂျင့်လုပ်ပေးဖို့ တောင်းဆိုလာပါတော့တယ်။ အဲ့ဒီအခွင့်အရေးကိုအသုံးချကာ သူ့အောင်မြင်မှုကိုပြန်ရယူဖို့ရော မူးယစ်ဂိုဏ်းကိုရောဘယ်လိုဖမ်းမလဲဆိုတာရော ကြည့်ရှုရမယ့် ပြင်သစ်ဟာသကားသစ်လေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

ဒီဇာတ်ကား​လေးက​တော့ မကြာ​သေးခင်ကမှ ထွက်လာတဲ့ အင်ဒိုဇာတ်ကား​လေးပါ။ နီယာလာလို့​ခေါ်တဲ့ ဆရာဝန်မ​လေးရဲ့ဘဝဇာတ်​ကြောင်းကို ပုံ​​​ဖော်ထားတဲ့ မိသားစုဒရမ်မာကား​လေးဖြစ်ပါတယ်။ တံငါရွာ​လေးတစ်ရွာမှာ​​နေထိုင်တဲ့ နီယာလာဟာ ငယ်စဥ်ကတည်းက ဆရာဝန်ဖြစ်ဖို့အိမ်မက်မက်ခဲ့သူတစ်​ယောက်ပါ။ မိခင်ဖြစ်သူ ​သေဆုံးသွားပြီးတဲ့​နောက် ငယ်သူငယ်ချင်းဖြစ်သူ ဖိုင်အီတို့မိသားစုနဲ့အတူ ပညာသင်ဖို့ ဂျာကာတာကို လိုက်သွားခဲ့ပါတယ်။ အချိန်​တွေကုန်လွန်လာပြီးတဲ့​နောက် နီယာလာတစ်​ယောက် ဆရာဝန်ဖြစ်လာခဲ့ပြီး ရွာကိုပြန်​ရောက်လာခဲ့ပါတယ်။ အထူးကုဖြစ်ဖို့ ရည်မှန်းချက်ရှိတဲ့ နီယာလာ့အတွက် မိသားစုအ​ကြွေးများကို ​ပြန်ဆပ်ဖို့ လုပ်ငန်းရှင် မစ္စတာ​ကော့စ်မက်ရဲ့ သား ​ရော်ဂျာနဲ့ လက်ထပ်ဖို့ဖြစ်လာရပါတယ်။ ​ ရော်ဂျာက နီယာလာ့ကို တကယ်မြတ်မြတ်နိုးနိုးချစ်ပါ့မလား၊ ငယ်သူငယ်ချင်းလည်းဖြစ် ​​ဘေးနားက အစ်ကိုလို​စောင့်​ရှောက်​ပေး​နေတဲ့ ဖိုင်အီနဲ့​ရော ဘယ်လို​တွေဆက်ဖြစ်ကြမလဲ၊ နီယာလာရဲ့ဘဝ​လေး ​အေးချမ်းနိုင်ပါ့မလားဆိုတာကို ဇာတ်လမ်းအလှည့်အ​ပြောင်း​လေး​တွေနဲ့ ကြည့်ရှုရမယ့် အင်ဒိုဇာတ်ကား​ကောင်း​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

Psychological Thriller ကိုမှ cult အယူအဆကိုးကွယ်မှုတွေ အစွန်းရောက်သဘောတရားတွေ ထည့်ထားတဲ့ ရုပ်ရှင်ဖြစ်ပါတယ်။ အေရီယယ်က အောင်မြင်တဲ့စာရေးဆရာဖြစ်ဖို့ ကြိုးစားနေတဲ့ လူငယ်စာရေးဆရာမလေး...အထက်လူကြီးက ဦးနှောက်ဖောက်စားတာခံနေရတဲ့သူ...အဲဒီအချိန်မှာပဲ အနှစ် 30လောက်ပျောက်သွားတဲ့ တစ်ချိန်က နာမည်ကျော် pop အဆိုတော်ကြီး မိုရက်တီက အယ်လ်ဘမ်အသစ်ထွက်မယ်လို့ သတင်းလွှင့်လိုက်တဲ့အတွက် သူ့ပရိသတ်တွေရော မီဒီယာလောကမှာပါ အုတ်အော်သောင်းနင်းဖြစ်သွားတာပေါ့။ မိုရက်တီကလည်း အေရီယယ်အပါအဝင် ဂျာနယ်လစ်တွေကို သူ့ရဲ့သီးသန့်ခြံထဲမှာ ပွဲတက်ဖို့ ဖိတ်ထားတယ်။ အေရီယယ်ကတော့ စရောက်တုန်းက ဂုဏ်ယူဝမ်းသာနေပေမယ့် မိုရက်တီရဲ့အစေအပါးတွေနဲ့ ထူးဆန်းတဲ့ လုပ်ရပ်တွေကြောင့် မသိုးမသန့်ဖြစ်လာပါတယ်။ သူတို့အတူလာတဲ့လူတွေထဲကပါ တစ်ယောက်စနှစ်ယောက်စ ပျောက်သွားတဲ့အခါမှတော့ မိုရက်တီရဲ့ ရည်ရွယ်ချက်အစစ်က ဘာလဲ...ဒီတွေ့ဆုံပွဲနောက်ကွယ်မှာ ဘယ်လိုအကြံအစည်တွေရှိနေတာလဲဆိုတာ လက်တွေ့ရင်ဆိုင်ရပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

အသက်ရှင်ဖို့ရက်သိပ်မကျန်တော့တဲ့လူတစ်ယောက်ရဲ့ ဘဝမှာ အမှတ်တရတွေကို ဘယ်လိုယူဆောင်ပြီးပုံဖော်သွားမလဲ ။ ကင်ဆာရောဂါရဲ့နောက်ဆုံးအဆင့်ကိုခံစားနေရဲ့ တဲ့ ဂျိုရီတာနဲ့ သူ့အနားက တစ်ဖဝါးမှမခွာပဲ ပြုစုကုသပေးခဲ့တဲ့ ခင်ပွန်းဖြစ်သူအမ်မာ။ဘဝတစ်လျှောက်မှာ အတူတူဖြတ်သန်းခဲ့ဖူးတဲ့အမှတ်တရတွေကို မမေ့မလျော့ပြန်လည်တမ်းတအောင့်မေ့ကြရင်းနဲ့ မပြောဖြစ်ခဲ့တဲ့ လျို့ဝှက်ထားတဲ့ ကိစ္စ‌ကိုလည်း ထုတ်ပြောဖြစ်ခဲ့ကြပါတယ်။ Rating 7.8/10 အထိရရှိထားပြီး ဇနီးမောင်နှံနှစ်ဦးကြားက ချစ်ခင်ကြည်နူးမှုများကို ရသမြောက်အောင်ပုံဖော်ထားပေးပြီး ဘဝရဲ့နောက်ဆုံးနေဝင်ချိန်ကိုရောက်ခါနီးတဲ့ဇနီးတစ်ယောက်နဲ့ ခင်ပွန်းဖြစ်သူရဲ့ အနစ်နာခံပေးမှူတွေကို ဖော်ကြူးပြသထားတဲ့ အိန္ဒိယအချစ်ဒရမ်မာ ဇာတ်လမ်းကောင်းလေးပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

ဒီဇာတ်ကား​လေးက​တော့ မ​ကောင်းမှုဆိုတာ ဆိတ်ကွယ်ရာမရှိဆိုတဲ့အတိုင်း အပြစ်လုပ်ခဲ့ရင် ပြန်လည်​ပေးဆပ်ရ​ကြောင်းကို ပညာ​ပေးအ​နေနဲ့ ရိုက်ကူးထားတဲ့ အင်ဒို​ဟော်ရာကား​လေးဖြစ်ပါတယ်။ ဂျာဗားအလယ်ပိုင်း ​ဝေးလံ​ခေါင်သီတဲ့​နေရာမှာ မန်ဂွန်ဆာရီဆိုတဲ့​ကျေးရွာ​လေး ရှိပါတယ်။ ​လျှပ်စစ်မီးမရှိတဲ့ ဒီရွာ​လေးကို ​သု​တေသနစာတမ်းပ​ရောဂျက်အ​​နေနဲ့ ​လေအားလျှပ်စစ်ထုတ်​ပေးနိုင်ဖို့ ကျောင်းသား ၄ ​ယောက် လက်​တွေ့လာဆင်းခဲ့ပါတယ်။ တစ်ရွာလုံးကလည်း ​ကျေးရွာတိုးတက်​ရေးအတွက် ကူညီ​ပေးကြတဲ့ ​သူတို့ ၄ ​ယောက်ကို ​မော်ကွန်းကမ္ပည်းထိုးပြီး မှတ်တမ်းတင်ထားခဲ့ကြပါတယ်။ သူတို့ကို ​​ဖျော်​ဖြေ​ပေးဖို့ ရွာရဲ့မိန်းမ​လှလေး ရွန်ဂိန်က​ချေသည် ဆူလက်စ်တရီက တာဝန်ယူထားပါတယ်။ သူတို့ကိုဂုဏ်ပြု​ပေးတဲ့ အဲဒီညမှာပဲ မ​​တော်တဆမှုဖြစ်ပွားပြီး ဆူလက်စ်တရီနဲ့ အီမန်တို့ချစ်သူနှစ်ဦး အသတ်ခံလိုက်ရပါတယ်။ ​ ကျောင်းသား ၄ ​ယောက်ထဲက ဘယ်သူသတ်ခဲ့တာဖြစ်မလဲ၊ ဆူလက်စ်တရီတစ်​ယောက် သူ့ကိုသတ်သွားတဲ့သူကို ဘယ်လိုလက်စား​ချေမလဲဆိုတာကို သည်းထိတ်ရင်ဖိုဇာတ်ဝင်ခန်းများစွာနဲ့ ခံစားကြည့်ရှုရမယ့် အင်ဒို​ဟော်ရာဇာတ်ကား​ကောင်း​​လေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးတာကတော့ Brandon ဖြစ်ပါတယ်

ပါမောက္ခအီဂျောင်အင်နဲ့ သူ့ဇနီးသည်တို့ဟာ အလုပ်ကနေအနားယူပြီး အနားယူဖို့အတွက် နယ်ဘက်က တိတ်ဆိတ်အေးချမ်းတဲ့အိမ်လေးကိုဝယ်ယူလိုက်ကြပါတယ်။ စစချင်းတော့ အဆင်ပြေနေခဲ့ပေမဲ့ သူတို့ဘေးကအိမ်မှာ ဆရာဝန်လင်မယားနေတယ်ဆိုတာ သိကြပြီး တစ်ခါမှ မမြင်ရတာမလို့ ထူးဆန်းနေခဲ့ပါတယ်။ သူတို့အနေနဲ့လည်း ဒီတိုင်း အိမ်အလည်သွားရင် မယဉ်ကျေးရာကျမှာစိုးပြီး စာလေးတစ်စောင်ပို့ပြီး အိမ်လာလည်ဖို့ ဖိတ်ခဲ့ပါတော့တယ်။ နောက်ရက်ကျ ညနေ ၄နာရီအချိန်မှာ သူတို့ဆီကို ဘေးအိမ်က ဆရာဝန်ဆိုတဲ့လူကြီး ရောက်လာခဲ့ပါတော့တယ်။ ၄နာရီကနေ ၆နာရီထိုးတဲ့အထိ ဘာစကားတစ်ခွန်းမှမပြောဘဲ တိုက်တဲ့လက်ဖက်ရည်သောက်ပြီး မေးသလောက်ပဲဖြေပြီး ပြန်သွားခဲ့ပါတယ်။ နောက်နေ့တွေမှာလည်း ၄နာရီထိုးပြီဆို အဲဒီဆရာဝန်ရောက်လာတတ်ပြီး တံခါးမဖွင့်ရင်လည်း တဒုံးဒုံး ထုရိုက်နေတတ်ပါတယ်။ ဘာမေးမေး "ဟုတ်တယ် မဟုတ်ဘူး" ပဲ ဖြေတဲ့လူမလို့ သူတို့အနေနဲ့လည်း ကြာလာတော့ စိတ်ကျဉ်းကျပ်လာခဲ့ပေမဲ့ ဧည့်ဝတ်မကျေမှာစိုးပြီး သည်းခံလာခဲ့ပါတယ်။ တဖြည်းဖြည်းနဲ့ စိတ်ကျဉ်းကျပ်လာတာမလို့ ဘယ်လိုဖြေရှင်းရမလဲဆိုတာစဉ်းစားရင်း ဘာတွေကြုံတွေ့လာရမလဲဆိုတာ... ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

ပုံမှန်နဲ့မတူတင်ဆက်ပုံထူးခြားတဲ့ အိန္ဒိယဒရမ်မာအချစ်ဇာတ်လမ်းကောင်းလေးပဲဖြစ်ပါတယ်။ ကာသစ်ဆိုတဲ့ကောင်လေးက သူရည်ရွယ်ထားသူကောင်မလေးရဲ့ ပြဿနာများစွာကို အကူအညီပေးခဲ့ပြီးတဲ့နောက်မှာ ချစ်ခွင့်ပန်ဖို့စဉ်းစားနေတဲ့အချိန် သူ့ကောင်မလေးမှာ ကောင်လေးရှိနေတယ်လို့အထင်မှားသွားပါတယ်။ စိတ်ညစ်ညစ်နဲ့တစ်နေရာမှာ သူ့အဘိုးဖြစ်သူ သိမ်းဆည်းထားတဲ့ အချိန်ရွေ့လျားစက်ကိုတွေ့လိုက်ရပြီးတဲ့နောက် သူ့ချစ်တဲ့သူတွေ သူ့အနားကထွက်မသွားစေဖို့ အချိန်ရွေ့လျားစက်ကိုသုံးပြီး အတိတ်ကိုအချိန်ခရီးသွားချိန်မှာတော့ သူပြောင်းလဲချင်တဲ့အတိုင်း ကံကြမ္မာကိုပြောင်းလဲနိုင်မှာလား။ အချိန်ခရီးသွားရင်းနဲ့ သူတွေ့ခဲ့တဲ့ချစ်သူကရော လက်ရှိချစ်မိတဲ့မိန်းကလေးနဲ့အတူတူပဲလား။ အချိန်ခရီးသွားပြီးတော့ လက်ရှိကမ္ဘာကိုရော ပြန်ရောက်လာနိုင်ပါ့မလားဆိုတာကို စိတ်ဝင်တစားကြည့်ရှုရမယ့် အိန္ဒိယဇာတ်ကားကောင်းလေးပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

လက်နက်စက်ရုံတစ်ခုမှာ ကောင်မလေးတစ်ယောက်ဟာ လူတွေအလယ်မှာ ဒူးထောက်ကာ သူမလုပ်ခဲ့ဘူးလို့ဆိုကာ သူ့နားထင်ကိုသူ သေနတ်နဲ့ ပစ်ပြီး ‌သတ်သေသွား‌ခဲ့တယ် ။ နောက်တော့ စက်ရုံမှာ "တစ္ဆေကျည်ဆန်က နင်တို့အားလုံးကို သတ်မှာ" ဆိုပြီး ကျိန်စာတစ်ခုအကြောင်း လူပြောများလာပြီး စက်ရုံကလူတွေလည်း တစ်ယောက်ပြီးတစ်ယောက် အသတ်ခံလာရတယ်။ အသတ်ခံရသူတွေဟာ သေနတ်နဲ့အပစ်ခံရတာ ဖြစ်ပေမဲ့ ကျည်ဆန်ကို ခန္ဓာကိုယ်ထဲလည်းရှာမတွေ့ အခင်းဖြစ်တဲ့နေရာမှာလည်း ရှာမတွေ့ဘဲ ပျောက်ခြင်းမလှပျောက်နေတာကို ရဲအရာရှိ ၃ ယောက်က အမှု‌ကိုစုံစမ်းဖော်ထုတ်ကြမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ဒီဇာတ်ကားလေးကတော့ အစ္စလာမ်မိန်းကလေးဘော်ဒါကျောင်းတစ်ခုမှာ ဖြစ်ပျက်ခဲ့တဲ့စိတ်​​ခြောက်ခြားစရာဇာတ်လမ်းလေးဖြစ်ပါတယ်။ ဟယ်လီနာဆိုသူ ကျောင်းသူသစ်လေးဟာ အာရာဟီမူမိန်းက​လေးဘော်ဒါဆောင်ကို တက်ရောက်ခဲ့ပါတယ်။ သူဟာ ကျောင်းနဲ့အသားမကျသေးတာမို့ ကျောင်းစည်းကမ်းကိုလိုက်နာဖို့ အခက်အခဲဖြစ်နေခဲ့တာပါ။ ဘုရားဝတ်ပြုဖို့ အာရုံတက်အချိန် အိပ်ရာထရတာကိုလည်း အသားမကျဖြစ်ခဲ့ရပါတယ်။ ဒီလိုနဲ့ တစ်တန်းလုံးအပြစ်ပေးခံခဲ့ရပါတယ်။ ဒါကို မကျေ​န​ပ်တဲ့ အိုဘီတို့သူငယ်ချင်းအဖွဲ့ဟာ ဟယ်လီနာအပေါ် အငြိုးထားပြီး ရန်ရှာပါတော့တယ်။ ဒီကိုရန်ရှာရင်းက လက်လွန်သွားပြီး ဟယ်လီနာတစ်ယောက် ကားတိုက်ခံလိုက်ရပါတော့တယ်။ ဆေးရုံပေါ်ကပြန်ဆင်းလာတဲ့အချိန်မှာ ဟယ်လီနာတစ်ယောက် အရင်ပုံစံနဲ့မတူပဲ အမူအရာတွေ ပြောင်းလဲနေခဲ့ပါတယ်။ ကျောင်းကို ပြန်ရောက်လာတဲ့ဟယ်လီနာက တကယ့်ဟယ်လီနာအစစ်လား နတ်ဆိုးလား သူက ဘယ်လို​ခြောက်လှန့်ဦးမှာလဲဆိုတာကို ထိတ်လန့်ဖွယ်ဇာတ်ဝင်ခန်းများစွာနဲ့ ကြည့်ရှုရမယ့် အင်ဒိုဟော်ရာကားလေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဒီရုပ်ရှင်ကတော့ တေလေဂူးစကားပြော နိုင်ငံရေးမှုခင်းသည်းထိပ်ရင်ဖိုဇာတ်ကားဖြစ်ပြီး တကယ့်အပြင်ကနာမည်ကြီးနိုင်ငံရေးသမား YS Vivekananda Reddy အသတ်ခံရမှုအပေါ်အခြေခံရိုက်ကူးထားတဲ့ ဖြစ်ရပ်မှန်ဇာတ်လမ်းပဲဖြစ်ပါတယ်။ ဒါယာနန်ဒါရက်ဒီက နိုင်ငံရေးလောကမှာနာမည်ပျက်မရှိသလို အကူညီလာတောင်းတဲ့သူတိုင်းကိုလည်း သေချာကူညီပေးတတ်လို့ လူချစ်လူခင်ပေါပြီး နာမည်နဲ့ဩဇာအရမ်းလွှမ်းမိုးမှုရှိပါတယ်။ ဒါပေမဲ့တစ်နေ့မှာတော့ ဒါယာရန်ဒါတစ်ယောက် သူ့အိပ်ခန်းထဲမှာတင် ရက်ရက်စက်စက်အသတ်ခံလိုက်ရပါတယ်။ အဲဒါနဲ့ဒီအမှုကိုဖြေရှင်းဖို့ ဝန်ကြီးချုပ်က အကြောက်တရားကင်းမဲ့တဲ့ရဲမေဆူဒါကို တာဝန်ပေးပြီး ထောက်လှမ်းရေးဌာနရဲ့ခေါင်းဆောင်အဖြစ်ပါခန့်အပ်လိုက်ပါတယ်။ ဆူဒါလည်း အမှုကိုတောက်လျှောက်စုံစမ်းလာရင်း ဘယ်လိုအခက်ခဲတွေ၊ အလိမ်ညာတွေ၊ နိုင်ငံရေးကစားကွက်တွေ၊ အရှုပ်တော်ပုံတွေကိုမြင်ရမလဲဆိုတာ ဒီကားထဲမှာစောင့်ကြည့်နိုင်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

ဒီကားလေးက ၂၀၂၄ မှာထွက်လာတဲ့ နာမည်ကြီး Attack On Titan ရဲ့ နောက်ဆုံးတိုက်ပွဲကို ဇာတ်ကားပြန်ရိုက်ထားတာလေးပါ။ Armin တို့တပ်ဖွဲ့က Eren ရဲ့ RUMBLING ကို ဘယ်လိုတားကြမလဲဆိုတဲ့အကြောင်းပါ။ နောက်ဆုံးတိုက်ပွဲအကြောင်း ပြောထားတာမို့ အရှေ့က anime season ၄ ပိုင်းကို မကြည့်ထားရင် နည်းနည်းတော့ ကွင်းဆက်မမိပေမဲ့ ဒါလေးကိုကြည့်ရင် အရှေ့က season တွေကိုပါ ကြည့်ချင်လာပါလိမ့်မယ်။ season တွေကြည့်ထားတဲ့သူတွေအတွက်လည်း ဒါက recap တစ်ခုဆိုတာထက်ကို ပိုပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Pan ဖြစ်ပါတယ်

ကျူးလစ်ပန်းတွေပြည့်နေတဲ့ ဟော်လန်ဆိုတဲ့မြို့လေးကို ပြောင်းလာတဲ့ဆရာဝန်မိသားစုမှာ ဖရက်၊ နန်စီနဲ့ သားလေးဟယ်ရီတို့ ပါဝင်ပါတယ်။ ဆရာဝန်ဖြစ်တဲ့ ဖရက်က ဟော်လန်မြို့လေးမှာ နာမည်ကျော် ဂုဏ်သတင်းနဲ့ လူသိများတဲ့ပုဂ္ဂိုလ်ဖြစ်ပြီး နန်စီက ဒီမြို့လေးမှာ သူတို့ဘဝက ပြီးပြည့်စုံပြီး လုံခြုံပျော်ရွှင်ရတယ်လို့ မှတ်ယူထားတာပေါ့။ ဒါမဲ့ မထင်မှတ်ဘဲ ဖရက်က တခြားမြို့ကမိန်းမနဲ့ ဖောက်ပြန်နေတယ်ဆိုပြီး သံသယဝင်လာတဲ့ နန်စီက သူ့လုပ်ဖော်ကိုင်ဖက် ဒေ့ဖ်နဲ့အတူ ဒါကိုဖော်ထုတ်ဖို့ ကြိုးပမ်းရင်း ဒေ့ဖ်နဲ့ပါ ငြိသွားပါတယ်။ စုံစမ်းကောင်းပြီး ဖရက်ရဲ့သရုပ်မှန်နဲ့ အတိတ်ကိုပါ သိသွားတဲ့အခါမှာတော့ နန်စီထင်ထားတဲ့ perfect life ရဲ့ဇာတ်သိမ်းက ဘယ်လိုဖြစ်မလဲဆိုတာ ရှုစားရမှာဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်