လူကြည့်များသော ရုပ်ရှင်များ

Faultline 2024 ဟာ ပဟေဠိဆန်တဲ့thrillerဇာတ်ကားမျိုးပဲဖြစ်ပါတယ် ပိတ်ဂျ်တန်းနန်လို့ခေါ်တဲ့ ဥပဒေအကြံပေးရှေ့နေတစ်ယောက်ဟာ သဘောတူညီချက်တစ်ခုလုပ်ဆောင်ဖို့ သူမမရောက်တာအနှစ်၂၀လောက်ကြာနေပြီဖြစ်တဲ့ သူမရဲ့မွေးရပ်မြို့ကိုပြန်လည်ရောက်ရှိပြီး လွန်ခဲ့တဲ့အနှစ်၂၀ထဲက ဖြစ်ပေါ်ခဲ့တဲ့သူမအမေရဲ သေဆုံးမှုနောက်ကွယ်ကအချက်အလက်တစ်ခုကိုသတိထားမိရာက ရှုပ်ထွေးလှတဲ့ အမှန်တရားကိုဘယ်လိုဖော်ထုတ်သွားမလဲဆိုတာကို စိတ်ဝင်စားဖွယ်ကြည့်ရှုရမှာပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Leslie ဖြစ်ပါတယ်

မကြာသေးခင်ကမှ အသစ်စက်စက်ထွက်ရှိထားတဲ့ အိန္ဒိယ ဟာသအက်ရှင်ဇာတ်လမ်းကောင်းလေးနဲ့ မိတ်ဆက်ပေးချင်ပါတယ်။ မိန်းကလေးတွေအားလုံးရဲ့အားကိုးရာ ရုပ်ဆိုးသူကိုတောင်လှပအောင် ပြင်ပေးနိုင်တဲ့ ရွှေလက်ပိုင်ရှင် ဆိုနုနဲ့ ဆိုနုဆိုင်ကို အမြဲတမ်းအားပေးနေကြတဲ့ တစ်မြို့လုံးကမိန်းကလေးတွေ ဒီလိုမျိုးမိန်းကလေးတွေရဲ့ ချစ်ခင်မှုအားကိုးမှုကိုခံထားရတဲ့ဆိုနုဟာ ယောကျာ်းသားတွေ အတွက်တော့မျက်စိစပါးမွှေးစူးစရာဖြစ်နေခဲ့ပါတယ်။ တစ်ဖက်မှာတော့ သားဖြစ်သူ ရစ်သမ်အတွက် မင်းသမီးနဲ့တူတဲ့ချွေးမလောင်းကိုရှာပေးချင်တဲ့ ဖခင်က သူ့ဆီကိုရောက်လာသမျှ မိန်းကလေးတွေကို သဘောမတွေ့ခဲ့ပါဘူး။ ရစ်သမ်က ဆိုနုဆိုင်ရဲ့နာမည်ကြီးမှုကြောင့်ရောက်လာရင်း မိတ်ကပ်ပြင်ထားတဲ့မိန်းကလေးကိုတွေ့လိုက်ချိန်မှာ တကယ့်မင်းသမီးအလားထင်မှားပြီး လက်ထပ်ခဲ့ပေမဲ့ မနက်လင်းတဲ့အခါမှာ မိန်းကလေးရဲ့မူလရုပ်ရည်ကိုမြင်လိုက်တဲ့အခါမှာ‌တော့ဘာတွေဆက်ဖြစ်မလဲ။ တစ်ကားလုံးမပျင်းရတဲ့ ဟာသတွေနဲ့တစ်ဟီးဟီးရယ်နေရမှာသေချာတာမို့ စောင့်ကြည့်ပေးဖို့တိုက်တွန်းလိုက်ပါရစေ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

ဂျိုဆွန်းခေတ်ကို အခြေခံထားပြီး ချစ်မှုချစ်ရာ လိင်ကာမရောယှက်ခန်းတွေ တသီကြီးပါတဲ့ ခပ်ကြမ်းကြမ်း ရုပ်ရှင်တစ်ကားဖြစ်ပါတယ်။ ဇာတ်လမ်းကိုလဲ စလာကတည်းက ဂျန်ဝန်းနဲ့ချွဲမင် သူငယ်ချင်းနှစ်ယောက် မုဆိုးမယူကို ဘယ်သူအရင်ခြေတော်တင်နိုင်မလဲဆိုပြီး လောင်းကြေးထပ်ရာကနေ စထားပါတယ်။ ချွဲမင်က သူ့မိန်းမအပါအဝင် သူပိုင်သမျှနဲ့ လောင်းကြေးထပ်ပြီး ဂျန်ဝန်းကတော့ သူ့အသက်နဲ့ လောင်းကြေးထပ်တဲ့အထိကို သူငယ်ချင်းနှစ်ယောက် အနိုင်ယူလိုစိတ်ပြင်းထန်နေတာပေါ့။ တစ်ကားလုံး ဒီအကြောင်းချည်းပဲလားဆိုရင်တော့ မဟုတ်ပါဘူး၊ ယူတတ်ရင် သင်ခန်းစာချည်းပဲဆိုတဲ့အတိုင်း သိမ်ငယ်စိတ်အမြဲဝင်နေတဲ့ ချွဲမင်ရဲ့စကားတွေ၊ အပြုအမူတွေက ဘယ်လိုရလဒ်အထိ ဖြစ်စေမှာလဲဆိုတာကိုပါ သေချာကြည့်ပြီး သုံးသပ်နိုင်ပါသေးတယ်။ ခင်ပွန်းဆုံးတာ သုံးနှစ်ရှိသွားပေမဲ့ သစ္စာတရားကိုသာ စောင့်ထိန်းထားတဲ့ မုဆိုးမယူကို ဘယ်သူက တကယ်ချစ်သွားမှာလဲ၊ အမှန်တကယ် အနိုင်ရလိုက်သူက ဂျန်ဝန်းလား ချွဲမင်လားဆိုတာကလဲ စိတ်ဝင်စားစရာပါပဲ။ ချစ်ခန်းကြိုက်ခန်းကို ခပ်ကြမ်းကြမ်း ရိုက်ကူးထားတဲ့ ရုပ်ရှင်ဖြစ်တာနဲ့အညီ လိင်ကာမကြည်နူးခန်းတွေ အကွက်စုံပါတဲ့အတွက် ၁၈ ယောက်အထက်စုပြီး ကြည့်ဖို့ အထူးသတိပေးပါရစေရှင်။ အညွှန်းနှင့် ဘာသာပြန် - ခန့်ကြော့ဇင်

ယုနဲ့ ဟာရူတို့ဟာ ငယ်သူငယ်ချင်းတွေ ဖြစ်ကြပါတယ်။ ဟာရူ့မှာ ကိုတိုနာဆိုတဲ့ ကောင်မလေးရှိပါတယ်။ ယုကတော့ ခြေထောက် မသန်စွမ်းသူပါ။ ပြီးတော့ ကိုတိုနာကိုလည်း ကြိတ်သဘောကျနေမိသူပါ။ တစ်နေ့မှာ ကိုတိုနာ ဓားထိုးခံရပြီး ယုနဲ့ ဟာရူတို့ ကိုတိုနာဆီ အပြေးသွားကြရမှာ ဓားထိုးဒဏ်ရာနဲ့ လဲကျနေတဲ့ ကိုတိုနာကို တွေ့လိုက်ရပါတယ်။ ဒီလိုနဲ့ ကိုတိုနာကို ဆေးရုံဆီ ပို့ဖို့ လုပ်ရင်း ယုနဲ့ ဟာရူတို့ ရုတ်တရတ် အခြားကမ္ဘာကို ရောက်သွားပါတယ်။ အခြားကမ္ဘာမှာ ယုနဲ့ ဟာရူတို့ဟာ ကိုတိုနာကို လိုက်ရှာရင်း သူတို့ကမ္ဘာနဲ့ အခြားကမ္ဘာကြားက ဆက်နွှယ်မှုတွေကို တဖြည်းဖြည်း အဖြေရှာသိရှိလာပါတော့တယ်။ ဒီဇာတ်လမ်းလေးမှာ ယုနဲ့ ဟာရူတို့ ကိုတိုနာကို ကယ်နိုင်မှာလား။ ဒီကမ္ဘာနဲ့ အခြားကမ္ဘာက ဘယ်လိုချိတ်ဆက်နေမှာလဲ စတာတွေကို စိတ်ဝင်စားဖွယ် ကြည့်ရှုရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ taku-chan ဖြစ်ပါတယ်

ဂင်ဆွန်းဟွာဆိုတဲ့မိန်းကလေးဟာ ခုံတန်းပေါ်မှာထိုင်ရင်း ရည်းစားဖြစ်သူအလာကိုစောင့်နေခဲ့ပါတယ်။ သူ့ဘေးမှာတော့ ဘယ်ကမှန်းမသိတဲ့လူတစ်ယောက်က သူ့ကိုလာထိုင်ကြည့်နေတာမလို့ စိတ်မသန့်ဘဲ ထသွားခဲ့ပါတယ်။ ဒီလိုနဲ့ ရည်းစားဖြစ်သူရောက်လာတာမလို့ စကားပြောနေတုန်းမှာပဲ ခုနကလူက ဆွန်းဟွာကို အတင်းကာရောလာနမ်းပါတော့တယ်။ ဘေးနားကစစ်သားတွေက အတင်းထိုးကြိတ်ပြီး တောင်းပန်ခိုင်းပေမဲ့ မတောင်းပန်တာမလို့ ဆွန်းဟွာက သူ့ကို တံတွေးထွေးပစ်ခဲ့ပါတယ်။ သိပ်မကြာခင်မှာပဲ ဆွန်းဟွာတစ်ယောက် ဆပ်ရမဲ့အကြွေးကိုမဆပ်နိုင်လို့ ခန္ဓာကိုယ်ရောင်းစားရတဲ့ဘဝကို ရောက်ရှိသွားချိန်မှာ ဘာတွေဆက်ကြုံတွေ့ရမလဲဆိုတာ... သူ့ကိုလိုက်နှောင့်ယှက်နေတဲ့လူကရော ဘယ်သူဖြစ်မလဲဆိုတာ.. ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

လတ်တလောထွက်သမျှတွေထဲမှာ Best of the best လို့ညွှန်းရလောက်တဲ့ Indian movie တစ်ခုနဲ့ မိတ်ဆက်ပေးပါရ‌စေ ဇာတ်လမ်းကိုမပြောခင် ဇာတ်ဝင်ခန်းသီချင်းကိုက Indian movie ကြည့်လေ့မရှိတဲ့သူတွေကြားထဲအထိ နာမည်ကြီးနေတာပါ ဒါ့အပြင် ဒေါက်တာမလေးလို့လူသိများတဲ့ Sai Pallavi ရဲ့ဇာတ်ကားအသစ်ဆိုတော့ မကြည့်ချင်သူရှားပါတယ် ဒါကတော့ " Thandel" ပါ ဇာတ်ကားမထွက်ခင် စောင့်ဆိုင်းနေသူတွေတောင်ရှိတာမို့ အများကြီးညွှန်းစရာမလိုပါဘူး "Thandel" ဆိုတဲ့အတိုင်း တံငါရွာလေးရဲ့ခေါင်းဆောင်တစ်ယောက်အကြောင်း ရိုက်ကူးထားပါတယ် "ခေါင်းဆောင်ကောင်း"ဆိုတာဘာလဲ? သူ့ရဲ့ရွေးချယ်ရပ်တည်မှုကရော ဘယ်လိုလဲ? ဇာတ်ညွှန်းဇာတ်ကွက်အရမ်းကောင်းပြီး Romance နဲ့ Real Life ကိုသေချာရိုက်ကူးထားတဲ့အပြင် ဖြစ်ရပ်မှန်ဇာတ်လမ်းတစ်ပုဒ်ဖြစ်တာကြောင့် ကြည့်ရတာတန်မယ်လို့ အာမခံပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

လွတ်လပ်စွာပြောဆိုခွင့်ရဖို့အတွက် ချက်ကိုဆလိုဗားကီးယားရဲ့ သတင်းထောက်တွေ ဘယ်လိုမျိုးကြိုးစားရုန်းကန်ခဲ့ရလဲဆိုတာကို ရိုက်ကူးပြသထားတဲ့ Historical Thriller Drama ဇာတ်ကားကောင်းတစ်ခုကို တင်ဆက်ပေးချင်ပါတယ်။ IMDb ကလည်း 8.2 လောက်ရထားပြီး လက်ရှိမှာ ချက်ရုပ်ရှင်လောကရဲ့ ဒုတိယမြောက်ဝင်ငွေအကောင်းဆုံးရုပ်ရှင်ကားဆိုလည်းမမှားပါဘူး။ ဇာတ်လမ်းကတော့ သောမတ်စ်နဲ့ ပါဝယ်ဆိုတဲ့ ညီအစ်ကိုနှစ်ယောက်ကိုဦးတည်ထားတယ်။ ပါဝယ်က ကျောင်းသားအရွယ်ဖြစ်တဲ့အတွက် ပရာ့ဂ်နွေဦးမှာ တက်တက်ကြွကြွနဲ့ ပါဝင်သူတစ်ယောက်ပေါ့။ သောမတ်စ်ကတော့ နိုင်ငံရေးနဲ့ကင်းကင်းရှင်းရှင်းနေချင်ပါတယ်ဆိုမှ လွတ်လပ်စွာပြောဆိုခွင့်အတွက် တိုက်ပွဲဝင်နေတဲ့ တကယ့်နာမည်ကျော် မီလန်ဝိုင်နာ (သတင်းထောက်) ရဲ့ သတင်းဌာနမှာ အလုပ်ရသွားတော့တယ်။ တကယ်တော့ သူ့ကိုထောက်လှမ်းရေးက ညီလုပ်သူရဲ့ ပြစ်မှုတွေနဲ့ အကြပ်ကိုင်ပြီး ဝိုင်နာအနားကပ် သတင်းနှိုက်ခိုင်းတာ။ အစပိုင်းတော့ သူလည်းခိုင်းသမျှလုပ်ပေးပေမယ့် ပြောင်းလဲလာတဲ့ ပရာ့ဂ်ကို ညတွင်းချင်း ဆိုဗီယက်ယူနီယံနဲ့ ဝါဆောစာချုပ်ပါ စစ်တပ်တွေက ကျူးကျော်လာတဲ့အခါ... လက်နက်မဲ့ပြည်သူတွေ၊ ကျောင်းသားတွေကတောင် တင့်ကားတွေရှေ့မှာတန်းစီရပ်၊ အသက်ကိုရင်းပြီး ကာကွယ်ပေးနေတဲ့ သတင်းဌာနကြီးက သူ့လုပ်ဖော်ကိုင်ဖက်တွေကို သူသစ္စာဖောက်မလား.... သူ့ရဲ့ ရွေးချယ်မှုကဘယ်လိုဖြစ်မလဲ။ အညွှန်းနဲ့ ဘာသာပြန်ကတော့ Leon K Zaw ဖြစ်ပါတယ်။

Revenge/Action အမျိုးအစားဖြစ်ပြီး မတရားအသတ်ခံရတဲ့ ဖခင်အတွက် ကလဲ့စားချေဖို့ စိတ်ပိုင်းဖြတ်ထားတဲ့ သားဖြစ်သူ စူကီရဲ့ခရီးစဉ်ကို မြင်ရမှာပါ။ စူကီရဲ့အဖေဟာ တရားမဝင်လက်ဝှေ့သမားဖြစ်ပြီး ကလေးဖြစ်တဲ့ စူကီ့ရှေ့တင် ပြိုင်ဘက်ကယုတ်မာပြီး ဓားနဲ့ထိုးသွားလို့ ပွဲချင်းပြီးသေသွားပါတယ်။ စူကီကလည်း ဆယ်ကျော်သက်အရွယ်မှာ ထောင်ထဲရောက်သွားပြီး ဒီလူကို တစ်နေ့ကျရင် ယှဉ်ထိုးပြီးသတ်ဖို့ ရည်ရွယ်ချက်တစ်ခုတည်းနဲ့ ထောင်ထဲမှာ လက်ဝှေ့ပညာကို သင်ယူခဲ့ပါတယ်။ အဲဒီထောင်မှာ ထောင်သားတွေကို လောင်းကြေးနဲ့ ယှဉ်ထိုးခိုင်းပြီး အားအကြီးဆုံးလူက လွတ်မြောက်ခွင့်ရမယ်လို့ ကြေညာထားတာရှိပါတယ်။ ဖခင်အတွက် ကလဲ့စားချေဖို့နဲ့ လွတ်မြောက်ဖို့ မျှော်လင့်ထားတဲ့ စူကီရဲ့ ခရီးကြမ်းမှာ ဘယ်လိုအတိုက်အခိုက် အတားအဆီးတွေနဲ့ ကြုံရဦးမလဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒီဇာတ်ကားလေးကတော့ ဂျာမန်ဒဏ္ဍာရီသမိုင်းထဲက သူရဲကောင်းဖြစ်တဲ့ ဟာဂန်ရဲ့ ဘဝနဲ့ သူ့ရဲ့ အချစ်ဇာတ်လမ်းအကြောင်းကို စိတ်ကူးယဉ်ပုံဖော် ရိုက်ကူးထားတာ ဖြစ်ပါတယ် ဟာဂန်ဟာ ဂျာမန်ရဲ့ ဒဏ္ဍာရီဝင် သူရဲကောင်းကြီး ဖြစ်ပြီး မြောက်ဥရောပသမိုင်းမှာ မပါမဖြစ် ပုဂ္ဂိုလ်ပဲ ဖြစ်ပါတယ် ဒီဇာတ်ကားလေးထဲမှာတော့ သူသစ္စာခံတဲ့ တိုင်းပြည်ဖြစ်တဲ့ ဘာဂွန်ဒီတိုင်းပြည်မှာ ဖြစ်နေတဲ့ စစ်ပွဲတွေအကြောင်းကို ရိုက်ကူးထားပြီး သူသိပ်ချစ်ရတဲ့ သူ့အတွက် သူ့ရဲ့ အနစ်နာခံမှုတွေကိုလည်း ပေါ်လွင်အောင် ရိုက်ကူးထားပါတယ် ဒီဇာတ်လမ်းလေးကတော့ ဒဏ္ဍာရီဆန်တဲ့ အချစ်ဇာတ်လမ်းလေး တစ်ပုဒ်လို့လည်း ဆိုရပါမယ် ရှေးယခင်က ဒဏ္ဍာရီစိတ်ကူးယဉ်ဇာတ်လမ်းတွေ ကြိုက်နှစ်သက်သူအတွက် ကြည့်သင့်တဲ့ ဇာတ်ကားလေးပဲ ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Henny ဖြစ်ပါတယ်

၂၀၂၅ ခုနှစ်အတွင်းမှာ အသစ်စက်စက်ထွက်ရှိထားပြီး Rating 7.1/10 အထိရရှိထားတဲ့လက်စားချေအက်ရှင်ထိတ်လန့်သည်းဖို ဇာတ်ကားကောင်းတစ်ကားပဲဖြစ်ပါတယ်။ ခေတ်နဲ့အညီ အွန်လိုင်းလိမ်လည်မှုတွေနဲ့ ချေးငွေ အက်ပ်အတုကနေတစ်ဆင့် ငွေချေးပြီးအတိုးများစွာတောင်းရင်း ရွာသားတွေကိုဒုက္ခပေးနေတဲ့ ဆိုက်ဘာရာဇဝတ်မှုအများအပြားကိုကျူးလွန်နေတဲ့ အွန်လိုင်းရာဇဝတ်ကောင်အဖွဲ့အစည်းကို ဘယ်လိုနှိမ်နှင်းကြမလဲ ။ အလိမ် ချေးငွေတွေကနေတစ်ဆင့်အသက်သေဆုံးကြရတဲ့ လူပေါင်းများစွာနဲ့ တစ်ကြိမ်ထဲမှာပဲ အကောင့်တွေထဲက ငွေတွေအမြောက်အမြားကို ဟက်နိုင်တဲ့ဆိုက်ဘာ ရာဇဝတ်မှုကျူးလွန်သူအဖွဲ့အစည်းထဲမှာ နောက်ကွယ်ကနေ ကြိုးကိုင်နေကြသူများကရော ပြင်ပလူ့အဖွဲ့အစည်းမှာ ဘယ်လောက်အထိအရေးပါတဲ့လူတွေဖြစ်နေကြသလဲ။ ဒီလိုအရိုးစွဲပြီးအမြစ်တွယ်နေတဲ့ အကြီးစားအဖွဲ့အစည်းကြီးကို ဘယ်လိုအမြစ်ပြတ်ချေမှုန်းမလဲဆိုတာကို အသည်းတယားယားကြည့်ရှုရမယ့်ဇာတ်လမ်းကောင်းတစ်ကားပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

ရှန်းဟိုင်းမှာ အာဏာအရ‌ှိဆုံး မူးယစ်ဆေးရောင်း၀ယ်ဖောက်ကားတဲ့ဂိုဏ်းကြီး ၂ ဂိုဏ်းရှိတယ်။ ချင်းလုံဂိုဏ်းနဲ့တစ္ဆေဂိုဏ်း။ ဂူတစ်ဂူထဲ ကျား ၂ ကောင်အောင်းလို့မရဆိုတဲ့အတိုင်း သူတို့ ၂ ဂိုဏ်းကလည်း တစ်ယောက်ကိုတစ်ယောက် အခွင့်သာတာနဲ့ ရှင်းထုတ်ပစ်ဖို့ပဲ တွေးနေကြပြီး မူးယစ်ဆေးကို အမြစ်ဖြုတ်ချင်နေတဲ့ ရဲသားကြီးတစ်ယောက်လည်းရှိနေတယ်။ ရဲသားကြီးက ဂိုဏ်းတွေကြားထဲကို သူလျှိုတစ်ယောက်ထည့်ပေးခဲ့ပြီး ထိုသူလျှိုဟာ တစ္ဆေဂိုဏ်းသား၀င်ဖြစ်နေပေမဲ့ သူချစ်ရတဲ့သူက ချင်းလုံဂိုဏ်းချုပ်ရဲ့ညီမဖြစ်နေသောအခါ ဂိုဏ်း ၂ ဂိုဏ်းနဲ့ ရဲတပ်ဖွဲ့ကြားက သူလျှိုတစ်ယောက် ဘယ်လိုမျိုး ဖြေရှင်းသွားမှာလဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ရှေ့နေမလေးလင်းဟာ သူ့အမေကို ပြန်ခေါ်ဖို့မွေးရပ်မြေကို ပြန်လာခဲ့ပါတယ်။ လင်းအမေဟာ လူကြီးရောဂါခံစားနေရပြီး သူတို့ရွာက ဘိုးဘွားရိပ်သာမှာ ဆေးကုသမှုခံယူရင်း နေထိုင်နေခဲ့ရတာပါ။ လင်းအနေနဲ့ အမေဖြစ်သူကို ကွာလာလမ်ပူကို ခေါ်ဖို့အကြိမ်ကြိမ်ကြိုးစားပေမယ့် လင်းအမေက မွေးရပ်မြေကနေ ထွက်မသွားချင်လို့ မတတ်သာပဲ ထားခဲ့ရတာပါ။ ဒီတစ်ခေါက် လင်းမွေးရပ်မြေကို ပြန်ရောက်တဲ့အချိန်မှာ လင်းအမေနဲ့ပတ်သက်ပြီး ထူးခြားမှုတွေကို ကြုံတွေ့လာရပါတော့တယ်။ လင်းတို့မိသားစုကို ခေတ်အဆက်ဆက်လိုက်ဒုက္ခပေးနေတဲ့ မကောင်းဆိုးဝါးသရဲမပါ။ ဒီသရဲမနဲ့ပတ်သက်ပြီး ဘယ်လိုခြောက်ခြားမှုတွေ ကြုံတွေ့ရမလဲ၊ လင်းအမေကို အဲဒီသရဲမလက်ကနေ လွတ်မြောက်အောင် ကယ်တင်ပေးနိုင်မလားဆိုတာကို ခံစားကြည့်ရှုရမယ့် မလေးရှား ဟော်ရာကားလေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဒုသမ္မတကြီးနဲ့ အခြားနိုင်ငံရေးသမားတွေရောလာမယ့် ဟော်ကီ ကစားပွဲတစ်ခုမှာ မီးစောင့်ကြည့်ဖို တာဝန်ပေးခံထားရတဲ့ တာဝန်ရပ်နားမီးသတ်သမားတစ်ယောက် မီးသတ်သမားဟောင်းလေးဟာ သူ့သားနဲ့သမီးကိုလည်း ကစားပွဲကြည့်ဖိုခေါ်လာခဲ့ပါတယ် ထိုအချိန်မှာပဲ လျှိဝှက်အေးဂျင့်တွေ ပူးပေါင်းပြီး ဒုသမ္မတကြီးနဲ့ နိုင်ငံရေးသမားတွေကိုပြန်ပေးဆွဲခဲ့ပါတယ် နိုင်ငံ့ရဲ့ စာရင်းသေ‌ငွေတွေပေးရင်ပေး မပေးရင် အားကစားခန်းမတစ်ခုလုံးကို ဖောက်ခွဲပစ်ကြမယ်လို ခြိမ်းခြောက်ကြပါတယ် မီးသတ်သမားဟောင်းလေးရဲ့ သမီးဟာ မတော်တဆ ပြန်ပေးဆွဲခံရတဲ့ထဲကိုပါသွားခဲ့ပါတယ် သူလည်းသူ့သမီးကိုလိုက်ရှာရင်းနဲ့ ဖြစ်ကြောင်းကုန်စင်ကိုသိသွားပါတော့တယ် ဒါနဲ့ပဲ နိုင်ငံရေးသမားတွေနဲ့သူ့သမီးကိုကယ်ဖိုကြိုးစားပါတော့မယ် ဇာတ်အလှည့်အပြောင်းအကြီးကြီးတစ်ခုလည်းးပါပါသေးတယ် rating အနေနဲ့လည်း 5.9/10 ရရှိထားတဲ့ဇာတ်ကားတစ်ခုဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Mango ဖြစ်ပါတယ်

အခုတင်ဆက်ပေးမယ့်ဇာတ်လမ်းလေးကတော့ သိပ္ပံလွန်ဇာတ်လမ်းလေးတွေကြိုက်တဲ့ပရိတ်သတ်တွေအကြိုက် အချိန်ခရီးသွားဇာတ်လမ်းလေးဖြစ်ပါတယ် သိပ္ပံပညာရှင်တွေက အချိန်ခရီးသွားခြင်းကိုတီထွင်နိုင်ခဲ့ပြီးနောက် အစိုးရနဲ့ ပိုက်ဆံရှိအသိုင်းအဝိုင်းတွေက ဒီစက်ကိုအသုံးပြုပြီး မသမာမှုတွေပြုလုပ်ဖို့ကြိုးစားလာပါတော့တယ် အဲ့နောက်အစိုးရက အချိန်ခရီးသွားပြီးအခြေအနေပြောင်းလဲမှုကိုတားဆီးဖို့ အေဂျင်စီတစ်ခုထောင်ပြီး ရဲတွေခန့်ထားခဲ့ပါတယ် အဲ့ထဲမှာဝေါ့ကာဆိုတဲ့ရဲက လွန်ခဲ့တဲ့နှစ်တွေက ရန်ငြိုးမရှိမိန်းမကိုလုပ်ကြံခံလိုက်ရလို့ အဖြေရှာနေတဲ့တစ်ဦးပေါ့ သူအဖြေရှာရင်း အချိန်ခရီးသွားပြီး ပြောင်းလဲမှုတွေကိုဘယ်လိုကာကွယ်မလဲဆိုတာ သည်းထိတ်ရင်ဖိုကြည့်ရှုရမယ့်ဇာတ်ကားလေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

အဲလက်စ်နဲ့ တာတီယာနာတို့စုံတွဲက တစ်ရက်သူတို့စံအိမ်ကြီးမှာပဲ ပါတီပေးကြတယ်။ အဲ့ကို အဲလက်စ်ရဲ့ သူငယ်ချင်းတွေဖြစ်တဲ့ ဒလိုင်လာနဲ့ ပက်ထရီရှာဆိုတဲ့ ကောင်မလေး ၂ ယောက်ကလည်း လာကြတယ်။ တာတီယာနာက မြွေမြွေချင်းခြေမြင်တယ်ပြောရမလား ဒလိုင်လာရဲ့ ညုတုတုလေသံတွေနဲ့ ကြာပစ်တဲ့အကြည့်တွေကိုသတိထားမိတယ်။ အဲလက်စ်ကို ပြောပြပြန်တော့လည်း ဟိုက “သူငယ်ချင်းဖြစ်တာဖြင့် နှစ်ချီနေပြီ မင်းကိုက လျှောက်တွေးနေတာ ဘလာ ဘလာ” ဆိုပြန်ပြောတာပေါ့။ ဒီလိုနဲ့ ပါတီကိုလာတဲ့ ဧည့်သည်တွေပြန်သွားအပြီး စံအိမ်ကြီးမှာ ညဘက် သူတို့လေးယောက်ပဲကျန်တဲ့အချိန် တာတီယာနာကရေကူး၊ ဟိုသူငယ်ချင်းမ နှစ်ယောက်က အတင်းတုပ်နေချိန်.... ကောင်းကင်ကနေ အလင်းတန်းကြီးတစ်ခု ကျရောက်လာပြီး တာတီယာနာကို ခေါ်ဆောင်သွားတော့တယ်။ ဖြူစင်တဲ့ချစ်ခြင်းတွေနဲ့ သူငယ်ချင်းအုပ်စုလေး တာတီယာနာရဲ့ ပျောက်ဆုံးမှုကို လိုက်လံစုံစမ်းရင်း အန္တရာယ်တောထဲ ဝင်တိုးမိတဲ့အခါမှာတော့...။ ရုပ်ရှင်အမျိုးအစားကတော့ Sci-fi/ Horror ဖြစ်ပါတယ်။ အညွှန်းနဲ့ ဘာသာပြန်ကိုတော့ Leon K Zaw ကတင်ဆက်ထားပါတယ်။

ဂျပန်ကို အပန်းဖြေခရီးထွက်လာတဲ့ သားအစ်မိသုံးယောက်က မထင်ထားတဲ့ ခြောက်ခြားစရာတွေ ကြုံရပြီး အဝေးရောက်ဖခင်နဲ့ ဖြေရှင်းတဲ့ Horror ဇာတ်လမ်းတစ်ပုဒ်ပါ။ တူရကီမှာ တာဝန်ကျနေတဲ့ ဆာဂျင်ဂျက်နဲ့ သူ့ဇနီးဟန်နာတို့မှာ သားနှစ်ယောက်ရှိပြီး တတိယမြောက်သမီးလေးက မွေးပြီးချင်းချင်းဆုံးသွားပါတယ်။ ဒါနဲ့ပဲ ဟန်နာနဲ့သားနှစ်ယောက်က တိုကျိုကို စိတ်ပြေလက်ပျောက် အပန်းဖြေခရီးထွက်ခဲ့ပါတယ်။ အစပိုင်းမှာ သာယာနေပေမယ့် သားငယ်‌ဖြစ်တဲ့ ခိုင်လ်က ရေကန်ထဲမှာ ကစားရင်း ရေနစ်မလိုဖြစ်တဲ့အခါ အိပ်မက်ဆိုးတွေ စတင်တော့တာပါပဲ။ ဂျက်ကလည်း ခွင့်ယူပြီး လိုက်သွားချင်ပေမယ့် ခွင့်မရလို့ အင်တာနက်ကတစ်ဆင့်ပဲ သူ့မိသားစုနဲ့ ဆက်သွယ်နိုင်ပါတယ်။ ရေနစ်ပြီးနောက်ပိုင်း ခိုင်လ်က အရင်လိုမဟုတ်တော့ဘဲ ရန်လိုနေပြီး ထူးထူးဆန်းဆန်းတွေ လုပ်လာတဲ့အခါ...ကလေးတစ်ယောက်ကို ဆုံးရှုံးထားရလို့ panic ဖြစ်နေတဲ့ဟန်နာနဲ့ အဝေးကနေပဲ ကြည့်နေနိုင်တဲ့ဂျက်တို့လင်မယား ထိတ်လန့်စရာတွေကို ကျော်လွှားနိုင်ပါ့မလား။ ‌ရိုက်ကူးပုံ‌‌ရော ဇာတ်လမ်းရော မကောင်းဘူးလို့ ဝေဖန်နေကြလို့ ကိုယ်တိုင်ကြည့်ပြီး သုံးသပ်ကြည့်ကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ထူးခြားဆန်းပြားတဲ့အမှုတွေကို ဖော်ထုတ်ရတာကြိုက်ကြတဲ့ ပရိသတ်တွေက စုံထောက်တီးရန်ကျယ်ကား‌ေတွကို ကြည့်ဖူးပြီး သဘောကျကြမှာ အသေအချာပါပဲ။ လင်အန်းမြို့မှာ ထူးဆန်းတဲ့ဘုရားကျောင်းတွေပေါများလာကာ နတ်ဘုရားအသစ်တစ်ပါးကို ကိုးကွယ်သူတွေ များလာနေတယ်။ အ‌မျိုးသမီးငယ်လေးတွေ ပျောက်သွားတတ်တာကို တိုင်ကြားပေမဲ့ အရာရှိမင်းက အရေးမစိုက်တော့ လင်အန်းမြို့ဟာ အရင်ကလို စည်ကားပျော်စရာကောင်းမနေတော့။ တီးရန်ကျယ်တို့ ဆရာတပည့် ၃ ယောက်ဟာ လင်အန်းမြို့က ထူးဆန်းတဲ့ဘုရားကျောင်းတွေအကြောင်းကို မင်းကြီးရဲ့အမိန့်နဲ့ လာရောက်စုံစမ်းကြတာဆိုတော့ အမှန်တရားက ဘယ်လိုမျိုးဖြစ်နေမလဲဆိုတာက စိတ်၀င်စားစရာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

အိန္ဒိယထိတ်လန့်သည်းဖို ဒရမ်မာဇာတ်လမ်းကောင်းလေးပဲဖြစ်ပါတယ်။ ခံပြင်းနာကျည်းစရာများနဲ့ ရက်ရက်စက်စက်အသတ်ခံရပြီး အသက်ဆုံးရှုံးသွားရတဲ့လူတစ်ယောက်ရဲ့ဝိဉာဉ်က အလွယ်တကူ တစ်ခြားဘဝကို ကူးပြောင်းနိုင်မယ်လို့မထင်ပါဘူး။ သူ့သေဆုံးရတဲ့ အမှန်တရားကိုဖော်ထုတ်ပေးဖို့အတွက် ဝိဉာဉ်ဘဝနဲ့တစ်ခြားသူများကိုခြောက်လန့် နှောက်ယှက်နေတဲ့သနားစရာ ဝိဉာဉ်နဲ့ သူ့ခြောက်လန့်နှောက်ယှက်တာကို ခံနေကြရတဲ့ အလောင်း ခွဲစိတ် ဆရာဝန်အာမန်တို့မိသားစုရဲ့ အိမ်မက်ဆိုး အမွေတွေလိုချင်တာကြောင့် အစ်ကိုဖြစ်သူကိုရက်ရက်စက်စက်သတ်ခဲ့ပြီး အမှုမှန်ပေါ်မှာစိုးရိမ်အတွက် မျိုးစုံသောမကောင်းမှုတွေကို ဆက်လက်ကျူးလွန်နေတဲ့ဗီကာရမ်။ အငြိုးအပြည့်နဲ့ သေဆုံးခဲ့ရတဲ့ ဝိဉာဉ်က သူ့အတွက်တရားမျှတမှုကို မဖော်ထုတ်ပေးမချင်း ပတ်သက်ဆက်နွယ်သူများကို ဘယ်လိုတွေခြောက်လှန့်မလဲဆိုတာကို အသည်းတယားယားရင်တလှပ်လှပ်နဲ့ ကြည့်ရှုရမယ်ထိတ်လန့်သည်းဖိုသရဲကားလေးပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

"အပူချိန် တစ်ဒီဂရီတိုင်းက အရေးပါတယ်" ဂျန်နာ၊ ရန်နေး၊ အင်းန်နဲ့ မိုက်ကယ်ဆိုတဲ့ သူငယ်ချင်းလေးယောက်ဟာ အင်းန်ရဲ့ဦး‌ေလး ဝိတ်ပိုင်ဆိုင်တဲ့ ရေကန်ဘေးကသစ်သားအိမ်မှာ ပိတ်ရက်အပန်းဖြေဖိုဆိုတဲ့ရည်ရွယ်ချက်နဲ့ရောက်လာကြပါတယ်။ ဒါပေမဲ့ အဲဒီအထဲက သုံးယောက်က ချွေးထုတ်ခန်းထဲမှာပိတ်မိသွားပြီး အစကတော့ မိုက်ကယ်က စနေတာလိုပဲထင်လိုက်ကြတယ်။ တကယ့်တကယ် မိုက်ကယ်ကစနေတာ မဟုတ်မှန်းသိသွားကြတဲ့အခါ အခန်းထဲကနေလွတ်မြောက်အောင်ကြိုးစားရင်းနဲ့ပဲ အပူချိန်တွေကလည်း တဖြည်းဖြည်းတိုးလာပါ‌ေတာ့တယ်။ နောက်ဆုံးမှာ သူတိုလွတ်လမ်းကိုရှာနိုင်သွားမလား၊ တစ်ယောက်ယောက်ကပြန်လာကယ်နိုင်မလားဆိုတာကိုတော့ ဒီဇာတ်ကားထဲမှာ စိတ်လှုပ်ရှားစွာနဲ့ ကြည့်ရှုရမှာဖြစ်ပါတယ်။ သရုပ်ဆောင်တွေအနေနဲ့ ဂျန်နာအဖြစ် Scout Taylor, ရန်နေးအဖြစ် Christina Ulloa, အင်းန်အဖြစ် Travis Van Winkle နဲ့ မိုက်ကယ်အဖြစ် Michael Coponတိုက အဓိကပါဝင်ထားပါတယ်။ ဒီဇာတ်လမ်းက Georgia မှာဖြစ်ခဲ့တဲ့ တကယ့်အဖြစ်အပျက်ကို အခြေခံရိုက်ကူးထားတာလည်းဖြစ်လို ကြည့်ရှုသူပရိသတ်တွေပိုပြီးစိတ်ဝင်စားမယ်လို ယုံကြည်ပါတယ်။

အထက်လူကြီးရဲ့မျက်မုန်းကျိုးတာခံနေရတဲ့ ရဲတစ်ယောက်ဟာ တစ်ညမှာ ကားသူခိုးလေးတစ်ယောက်ကို ဖမ်းခေါ်လာခဲ့ပါတယ်။ ထိုညမှာပဲ လောင်းကစားဝိုင်းတစ်ခုမှာ ဓားပြတိုက်မှုဖြစ်ခဲ့ပြီး လူ ၂ ယောက်ကို သတ်သွားခဲ့ပါတယ်။ အခင်းဖြစ်တဲ့နေရာမှာ ကျန်ခဲ့တဲ့ကားဟာ အဖမ်းခေါ်ခံလာရတဲ့ ကားသူခိုးလေး ခိုးထားတဲ့ဖြစ်နေတော့ ကားသူခိုးလေးဟာ ကားခိုးမှု၊ ဓားပြတိုက်မှု၊ လူသတ်‌မှုတွေမှာ ပါ၀င်ပတ်သတ်ကြောင်း စွပ်စွဲခံရတော့ အမှုမှန်ပေါ်ကာ ကောင်းလေးအတွက် တရားမျှတမှုကိုရစေဖို့ ရဲသားကြီးနဲ့ ကားသူခိုးလေးတို့ ၂ ယောက် ကိုယ်အားကိုယ်ကိုးကာ ဖော်ထုတ်ရပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

Mimang ဆိုတဲ့စကားလေးရဲ့ အဓိပ္ပာယ်က ကိုရီးယားဘာသာစကားမှာ အဓိပ္ပာယ်အများကြီးရှိနေပြီး အဲဒီထဲကမှ အဓိပ္ပာယ်၃ခုနဲ့အတူ အဲဒီအဓိပ္ပာယ်တွေနဲ့ကိုက်ညီတဲ့ အချိန်၊ နေရာ၊ ဇာတ်ကောင်ပြောင်းလဲမှုတွေအပြင် ဆိုးလ်ရဲ့အထင်ကရ သမိုင်းဝင်နေရာရဲ့ အယူအဆတွေကိုပါ ထည့်သွင်းရိုက်ကူးထားတဲ့ ဇာတ်ကားလေးတစ်ကားပဲဖြစ်ပါတယ်။ ဒီကားလေးကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

ဒီဇာတ်လမ်းလေးကတော့ IMDb Rate 5.8 ရရှိထားပြီး တိုင်းပြည်ပျက်ကိန်းဆိုက်ရင် ငွေတုဖြန့်တဲ့သူ ပိုပေါလာတာ ဒီခေတ်မှာမှ မဟုတ်ဘဲ ဂျိုဆွန်းခေတ်မှာကတည်းက ရှိကြောင်းကို ဖော်ပြထားတဲ့ 2005ခုနှစ်ထွက် ရုပ်ရှင်ဇာတ်လမ်းတစ်ပုဒ်ဖြစ်ပါတယ်။ ရဲမက်လေး နမ်ဆွန်း(Ha Ji Won)ဟာ သူ့ဆရာ(Ahn Sung Ki)နဲ့အတူ ငွေတုဖမ်းဆီးရေးအတွက် လိုက်လံစုံစမ်းကြတဲ့အခါမှာ ထိပ်သီးအရာရှိတစ်ဦး ပါဝင်ပတ်သက်ကြောင်း သိလိုက်ရပါတယ်။ လူ့စိတ်ဆိုတာ မှန်းရခက်တယ်ဆိုတဲ့အတိုင်း နမ်ဆွန်းတစ်ယောက် ထိပ်သီးအရာရှိကြီးရဲ့လက်အောက်က အဆွေးမျက်လုံးဆိုတဲ့ နာမည်ဝှက်ပိုင်ရှင် တိုက်ခိုက်ရေးသမား(Gang Dong Won)နဲ့မှ နှလုံးသားချင်း နီးစပ်သွားပါလေရော။ ကျားကျားလျားလျား ရဲမက်လေးနဲ့ မိန်းမချောချောတဲ့ အဆွေးမျက်လုံးတို့နှစ်ယောက် နှလုံးသားအရှုပ်အထွေးနဲ့ တာဝန်ကြားမှာ လွန်ဆွဲရင်း နောက်ဆုံး ဘယ်လိုဖြစ်သွားမှာလဲဆိုတာကို သိချင်ရင်တော့ ဒီဇာတ်ကားလေးကို အဆုံးအထိ ကြည့်လိုက်တော့နော်။ ဘာသာပြန်နှင့် အညွှန်းတင်ဆက်သူ - ခန့်ကြော့ဇင်

ဒီဇာတ်လမ်းလေးကတော့ ၁၉၈၉ ခုနှစ်မှာ ထွက်ရှိခဲ့တဲ့ အက်ရှင်ကား တစ်ကားဖစ်ပါတယ်။ ကမ္ဘာအနှံ့ ကပ်ရောဂါဆိုး တစ်မျိုး စွဲကပ်လာတဲ့အခါ လူအမြောက်အများသကျေ ပျက်စီးပြီးကမ္ဘာကြီးဟာ ပျက်လုနီးပါးဖစ်လာပါတယ်။နာက်ဆုံးကျန်တဲ့ အတ္တလန်တာမှ သိပ္ပံပညာရှင် အုပ်စုက‌ရောဂါပျောက်စေမယ့်ဆးကို ကြိုးစားဖာ်စပ်ရပါတော့တယ်။ ထိုဆေးဖာ်ဖို့အတွက်နယူးယောက်မှာရှိတဲ့ ကွန်ပျူတာထဲကဒတာတွေကို ထုတ်ယူရမှာဖစ်တာမို့ ထိုမစ်ရှင်ကို ထမ်းဆောင်ဖို့လူလိုလာပါတယ် သတ်မှတ်ချက်နဲ့ပည့်မီတဲ့ ပုလဲဆိုသူ မိန်းကလေးက သူ့ဆန္ဒအရ စက်ရုပ်လူသားအဖြစ်ကိုယ့်ကိုယ်ကိုယ်ပာင်းလဲခံပြီးဒတာ သွားယူခဲ့ပါတယ်။ဒတာ ယူလာအပြီး လမ်းခုလတ်မှာ ဖန်ဒါင့် ဓားပြအုပ်စုက ဝင်လုပါတော့တယ်။ဆးကို လက်ဝါးကြီးအုပ်ချင်တဲ့ ဖန်ဒါ လက်ထဲကလွတ်မြောက်ဖို့ ပုလဲဟာကြးစား လက်နက်ကိုင် ဂစ်ဆင်၏ အကူအညီကို ယူရပါတော့တယ်။ဂစ်ဆင်လည်း ဖန်ဒါနဲ့ ရန်ငြိုးရှိသည့်အတွက် ကလဲ့စားချေလိုသည့်စိတ်ဖြင့် ပုလဲအား ကူညီပေးခဲ့ပါတယ်။ပုလဲတစ်ယောက် ဂစ်ဆင်၏ အကူအညီဖြင့် ဖန်ဒါတို့အုပ်စုရဲ့ လက်ထဲက လွတ်ပြီး အတ္တလန်တာဆီအချက်အလက်တွေ ပို့ပေးနိုင်မလား လမ်းခုလတ်မှာ ဘယ်လို စိန်ခေါ်မှုတွေ ရှိလာနိုင်မလဲဆိုတာတွေကို ၁၉၈၀ပည့်လွန်နှစ်ရဲ့ အက်ရှင် အမွေကို ခံစားလိုသူတိုင်း မဖြစ်မနေ ကြည့်ရှုသင့်တဲ့ဇာတ်ကားကောင်း ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Poe Yin Thar ဖြစ်ပါတယ်

အပစ်အခတ်အက်ရှင်ဇာတ်လမ်းမျိုးကြိုက်တဲ့သူတွေအတွက်မက္ကဆီကန်အက်ရှင်ဇာတ်လမ်းလေးလာပါပြီ ဇာတ်လမ်းအကျဉ်း- ခွင့်ရက်ရလာလို့ အပြင်ကိုထွက်လည်ကြတဲ့ အထူးစစ်ဆင်ရေးစစ်သားတွေဟာလမ်းမှာရုတ်တရက်တိုက်ခိုက်ခံရပါတယ် တိုက်ခိုက်တဲ့သူတွေကလည်းတခြားသူတွေမဟုတ်ပဲ အထူးစစ်ဆင်ရေးစစ်သားတွေဖမ်းဆီးဖို့ကြိုးစားနေတဲ့မူးယစ်ဆေးကုန်သည်ဟိုဆေးဖိုရဲ့လူတွေဖြစ်နေပါတယ် အထူးစစ်ဆင်ရေးစစ်သားတွေဟာ ဟိုဆေးဖိုကိုဘာကြောင့်ဖမ်းဆီးဖို့လုပ်ဆောင်နေကြတာလဲ ဟိုဆေးဖိုကရော အထူးစစ်ဆင်ရေးစစ်သားတွေကိုလက်ဦးမှုရယူပြီး သုတ်သင်နိုင်မှာလား ဘယ်သူတွေကအနိုင်ရသွားမလဲဆိုတာရှုစားလိုက်ကြပါအုံးခင်ဗျာ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Klay ဖြစ်ပါတယ်