လူကြည့်များသော ရုပ်ရှင်များ

‌Anim‌e လောကမှာနာမည်ကြီးဖြစ်တဲ့ My Neighbor Totoro တို့ Spirited Away တို့ Castle in the Sky တို့လိုရုပ်ရှင်တွေကိုထုတ်လုပ်ခဲ့တဲ့ Studio Ghibli ကနေထပ်မံတင်ဆက်လိုက်တဲ့ Anime Fan တွေကြားဖူးနေလောက်ပြီဖြစ်တဲ့ The Boy and the Heron ဆိုတဲ့ Animatio ဇာတ်ကားအသစ်လေးကိုတင်ဆက်ပေးလိုက်ပါတယ်။Studio Ghibli က Spirited Away နဲ့ပထမဆုံးအော်စကာဆုရခဲ့ပြီး ဒီ The Boy and the Heron တဲ့ဇာတ်ကားလေးနဲ့ဒုတိယမြောက်အော်စကာဆိုကိုဆွတ်ခူးသွားခဲ့တာပဲဖြစ်ပါတယ်။ကောင်းရောကောင်းပါ့မလား အချိန်ပေးကြည့်ရတာရောတန်ပါ့မလားဆိုပြီးစိတ်ပူနေတဲ့သူတွေအတွက် IMDb Rating 7.6 , Rotten Tomatoes 97% တို့အပြင်ထုတ်တဲ့ Studio နဲ့ရထားတဲ့ဆုတွေကိုကြည့်ပြီးရဲရဲကြီးသာကြည့်လိုက်ပါလို့ပြောချင်ပါတယ်။ဒီဇာတ်ကားလေးမှာ စွန့်စားခန်း စိတ်ကူးယဉ် ဒရာမာအစရှိသဖြင့်ရသပေါင်းစုံပါဝင်နေပြီးထုံးစံအတိုင်း Animation လှလှလေးတွေ ရှုခင်းလှလှလေးတွေနဲ့စိတ်ဝင်တစားကြည့်ရှုရမဲ့ဇာတ်ကားလေးပဲဖြစ်ပါတယ်။မဟိတိုဆိုတဲ့ကောင်လေးတစ်ယောက်ကိုအခြေခံဇာတ်အိမ်တည်ထားတာဖြစ်ပါတယ်။သူ ၁၂ သားအရွယ်မှာမိခင်ဖြစ်သူကိုဆုံးရှုံးလိုက်ရပြီး ဖခင်ဖြစ်သူနဲ့အတူတူတိုကျိုမြို့ကိုပြောင်းရွှေ့ကာမိထွေးဖြစ်သူနဲ့အတူတူ ၃ ယောက်သားနေထိုင်ခဲ့ပါတော့တယ်။ဒီလိုနဲ့တိုကျိုမြို့ကသူနေထိုင်တဲ့ကိုရောက်တဲ့အခါမှာဗျိုင်းအောက်ငှက်လေးတစ်ကောင်ပေါ်လာခဲ့ပြီးမဟိတိုရဲ့အမေအသက်ရှင်နေသေးကြောင်းကိုမဟိတိုကိုလာပြောခဲ့ပါတော့တယ်။အဲ့ဒီနောက်မှာတော

ဇာတ်လမ်းအစမှာတော့ ဂင်ဗြောင်ဂုဆိုတဲ့မန်နေဂျာဟာ ရုံးကနေ​ သူ့အိမ်ကိုပြန်လာပြီး ထမင်းစားပြီးနောက် အိမ်က တူကိုထုတ်လာပြီး မိန်းမ သားနဲ့အမေဖြစ်သူကိုရိုက်သတ်ပြီး ဝရမ်းပြေးဖြစ်သွားခဲ့ပါတယ်။ စုံထောက်ကတော့ သူ့ရဲ့ရုံးမှာ သွားစုံစမ်းခဲ့ပေမဲ့ တစ်ရုံးလုံးဆီကနေ ဂင်ဗြောင်ဂုက ရိုးသားတာမလို့ ဒီလိုလုပ်စရာအကြောင်းမရှိဘူး ဆိုတာချည်းပဲ ကြားလာရလို့ အကျပ်တွေ့နေခဲ့ပါတယ်။ ဒီလိုနဲ့ ရုံးက အလုပ်သင်ဝန်ထမ်း လီမီရယ်ကိုတွေ့ပြီး ဂင်ဗြောင်ဂုနဲ့ပတ်သက်တဲ့တစ်ခုခုများသိရမလားဆိုပြီး စကားနှိုက်ကြည့်ပေမဲ့ ဘာကိုမှမသိခဲ့ရပါဘူး။ တကယ်တော့ ဂင်ဗြောင်ဂုက မန်နေဂျာပေမဲ့ ရုံးကသူ့ကို ပစ်ပယ်ထားကြတာပါ။ ရုံးက ဒါရိုက်တာနဲ့ လက်ထောက်ဒါရိုက်တာတို့ကတော့ ဂင်ဗြောင်ဂုနဲ့ပတ်သက်ပြီး တစ်ခုခုဖုံးကွယ်ထားတာမလို့ အဲဒီအကြောင်းကိုထပ်စုံစမ်းရင်း ဘာတွေတွေ့လာရမလဲ? ဂင်ဗြောင်ဂုက ဘာလို့အိမ်ကလူတွေကိုသတ်သွားခဲ့တာဖြစ်မလဲ? ဝရမ်းပြေးဂင်ဗြောင်ဂုက ဘယ်လိုတွေထပ်မွှေသွားမလဲ ? ဆိုတာ စိတ်ဝင်စားဖွယ်ကြည့်ရှုကြရမှာပါ။ ဒီကားလေးမှာတော့ ရုံးတွင်းဖြစ်လေ့ဖြစ်ထရှိတဲ့ ကြီးနိုင်ငယ်ညှင်းဖြစ်ရပ်ကိုပါ ထည့်သွင်းရိုက်ကူးထားပါတယ်။ ဒီကားကိုအညွှန်းနဲ့ ဘာသာပြန်ဆိုသူကတော့ Huihui ဖြစ်ပါတယ်။

မုဆိုးကနေ သားကောင်ဖြစ်သွားသူများ။ ဂိုဏ်းကနေတာ၀န်ပေးရင် ပြီး‌မြောက်အောင်လုပ်ရမယ် ကျရှုံးရင် မှားတယ်လို့ ယူဆထားတဲ့ ဂန်းစတားကြီးတစ်ယောက်ဟာ ဂိုဏ်းတွင်းပဋိပက္ခကို ဖြေ‌ရှင်းပေးဖို့ တာ၀န်ကျလာတေ့ာ သူ့လူတွေနဲ့ အတူလုပ်မယ်ဆိုပြီး မိတ်ဆွေဟောင်းတွေကို တစ်ယောက် ပြီးတစ်ယောက်ပြန်လည်စည်းရုံခဲ့တယ်။ စတင်လှုပ်ရှားကြချိန်မှာ သူ့ကို ပေးထားတဲ့တာ၀န်က တစ်ခုခုမှားနေတာကို သိလိုက်ရတယ်။ ဂိုဏ်းရဲ့ကစားပွဲမှာ ဘာတစ်ခုမှရေရေရာရာ မသိရဘဲ တာ၀န်ကျေိအောင်ကြိုးစားနေတဲ့ လူခြောက်ယောက်ဟာ အသက်လုရင်းနဲ့ပဲ အဖြစ်မှန်ကို ဖော်ထုတ်ရဖို့ ဖြစ်လာခဲ့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

အခုတစ်ခေါက် တင်ဆက်ပေးချင်တဲ့ ဇာတ်ကားလေးကတော့ ၂၀၂၄ ခုနှစ်ထွက်တမီးလ်ဘာသာစကားပြော မှုခင်းဒရာမာ ဇာတ်လမ်းလေးပဲဖြစ်ပါတယ် IMDb rating 6.2 အထိသာ ရရှိထားပေမဲ့လည်း တကယ််ကြည့်မယ်ဆိုရင်တော့ စိတ်ဝင်စားဖို့ ကောင်းတဲ့ ဇာတ်ကားလေးပဲဖြစ်ပါတယ် ဒီကားလေးကိုတော့ Malhotra P. Siddharth ရိုက်ကူးပေးထားပြီးတော့ Sharvari Wagh, Jaideep Ahlawat, Shalini Pandey တို့က ပါဝင်သရုပ်ဆောင်ပေးထားပါတယ် ဒီဇာတ်ကားလေးကတော့ ၁၈၆၀ ခုနှစ်ဝန်းကျင်က အမှန်တကယ်ဖြစ်ပျက်ခဲ့တဲ့ အမှုကို အခြေခံပြီး ရိုက်ကူးထားတဲ့ ဇာတ်ကားလေးပဲ ဖြစ်ပါတယ် ဇာတ်လမ်းအကျဉ်းကို ပြောပြရမယ်ဆိုရင်တော့ ပြုပြင်ရေးဝါဒီသမား ကာရ်ဆန်ဒါ့စ်ဟာ ဟိုလီပွဲတော်မှာ ပါဝင်ဆင်နွှဲရင်း သူရဲ့ဇနီးလောင်းလေး ကီရှိုရီဟာ ယာဒူနာ့သ် မဟာရာ့ဂျ် ခေါ် ဂျေဂျေဆိုတဲ့ လူကြီးနဲ့ ရိုးရာဓလေ့ပြုလုပ်တယ်ဆိုပြီး အြမတ်ထုတ်ခံလိုက်ရပါတယ် တကယ်တော့ ယာဒူနာ့သ်ဟာ ဘာသာရေးကို အကြောင်းပြပြီး အပျိုစင်မိန်းကလေးတွေကို အြမတ်ထုတ်နေတဲ့လူတစ်ယောက်ပဲ ဖြစ်ပါတယ် ဒီကိစ္စကြောင့် ကာရ်ဆန်ဟာ ကီရှိုရီနဲ့ စေ့စပ်ကြောင်းလမ်းမှုကို ဖျက်သိမ်းလိုက်သလို ကီရှိုရီတစ်ယောက် မဟာရာ့ဂျ်ရဲ့ တကယ့်အမှန်တရားကို သိလိုက်ရတဲ့ အချိန်မှာ အရှက်ကြီးရှက်ပြီး အရှက်နဲ့ အသက်ကို လဲရင်း ကိုယ့်ကိုယ်ကိုယ် သတ်သေသွားပါတော့တယ် ကီရှိုရီရဲ့ သေဆုံးရတာကို တရားမျှတမှု ရှာပေးချင်တဲ့ ကာရန်ဆန်တစ်ယောက် မဟာရာ့ဂျ်အကြောင်း ဆောင်းပါးတွေ‌ရေးရင်း အသရေဖျက်မှုနဲ့ ရင်ဆိုင်လာရတဲ့အ

App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ I Am Wrath လေးကိုဘာသာပြန်တင်ဆက်ပေးလိုက်ပါတယ် ကိုယ်ကျိုးပဲကြည့်ပြီး အမြတ်ထုတ်တဲ့ အစိုးရပိုင်းနဲ့ အကျင့်ပျက်နေတဲ့ ရဲတွေ...သူတို့နဲ့ နှစ်ဦးနှစ်ဖက်အကျိုးတူပူးပေါင်းထားတဲ့ drug dealerတွေကို ကလဲ့စားချေတဲ့ အက်ရှင်ဇာတ်လမ်းလို့ ပြောချင်ပါတယ်။ ဟိးအရင်တုန်းက operative တစ်ယောက်ဖြစ်ခဲ့တဲ့ စတန်က လက်ရှိမှာ စက်ရုံမန်နေဂျာဖြစ်ပြီး အိမ်ပြန်လာတုန်း လေဆိပ်မှာလာကြိုတဲ့ ဇနီးဖြစ်သူ ဗီဗီရန်အသတ်ခံရပါတယ်။ သတ်သွားတဲ့သူတွေက ဆေးသမားတွေဖြစ်ပြီး စတန်ကမှတ်မိနေလို့ ဖမ်းမိသွားပေမယ့် ရဲဘက်က လူသတ်သမားကို လွှတ်ပေးလိုက်တဲ့အတွက် တရားမျှတမှုရှာဖို့ သူ့ယခင်ပါတနာဟောင်းနဲ့အတူ အစီအစဉ်ဆွဲပါတော့တယ်။ စတန်ရဲ့ဇနီးအသတ်ခံရမှုက ဆေးသမားတွေရဲ့ရူးကြောင်ကြောင်လုပ်ရပ်သပ်သပ်မဟုတ်ဘဲ နောက်ကွယ်မှာ ဘယ်သူတွေ ကြိုးကိုင်နေတာလဲ...ဘာကြောင့် အသတ်ခံရတာလဲဆိုတာ ဖော်ထုတ်တဲ့ ကလဲ့စားချေပွဲကို အက်ရှင်အပြည့်နဲ့ ကြည့်နိုင်ပါပြီ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ Wild လေးကိုဘာသာပြန်တင်ဆက်ပေးလိုက်ပါတယ် သူမဘဝမှာ အချစ်ဆုံးနဲ့အရာရာဖြစ်တဲ့ အမေဖြစ်သူကိုဆုံးရှုံးပြီးနောက်ပိုင်း ဝမ်းနည်းပူဆွေးကာ ကိုယ့်ကိုကိုယ်စတင်ဖျက်ဆီးပြီး ဆေးစွဲ အိမ်ထောင်ရေးပါပျက်ရတဲ့အထိဖြစ်ပါတော့တယ် အမှန်တရားကိုသိရှိပြီးနောက်မှာ သူမ ကိုယ့်ကိုကိုယ်ပြုပြင်ပြောင်းလဲဖို့အတွက် မိုင်ပေါင်းထောင်ချီတဲ့ ခရီးကြမ်းကိုစိန်ခေါ်ပြီး လျှောက်လမ်းပ‌ါတော့တယ် တစ်ခါမှအတွေ့အကြုံမရှိတဲ့သူမ ဘယ်လိုအခက်အခဲတွေနဲ့ကြုံမလဲ လမ်းတစ်လျှောက်ဘယ်လိုလူတွေနဲ့တွေ့ရမလဲဆိုတာ တကယ့်ဖြစ်ရပ်မှန်ကို ရိုက်ကူးထားတဲ့ဇာတ်လမ်းလေးမလို့ မဖြစ်မနေကြည့်ရှူသင့်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

1998ခုနှစ်မှာ IMFကြောင့် တောင်ကိုရီးယားဟာ စီးပွားရေးကျပ်တည်းလာခဲ့ပါတယ်။ ငါးဖမ်းသင်္ဘောခေါင်းဆောင် ချောဂျူတို့အဖွဲ့ဟာလည်း ငါးသိပ်ရှာမရတော့ဘဲ အခြေအနေခက်ခဲလာလို့ သင်္ဘောပါ ဘဏ်ကိုပြန်သွင်းရတော့မဲ့ အခြေအနေရောက်လာပါတယ်။ ဒီလိုနဲ့ကြံရာမရဖြစ်ရင်း သူ့သင်္ဘောကိုပိုင်ရှင်ဆီကပြန်ဝယ်ဖို့အတွက် လူမှောင်ခိုကူးတဲ့အလုပ်ကို စပြီးလုပ်ကိုင်ခဲ့ပါတယ်။ ပင်လယ်ပြင်မှာ တရုတ်ဘက်က လူလာပို့တဲ့သင်္ဘောနဲ့တွေ့ပြီး သူတို့တွေကို သယ်ပြီးအိမ်ပြန်လာခဲ့ပါတယ်။ သမုဒ္ဒရာထဲမှာ နိုင်ငံတကာရေပိုင်နက်ထဲရောက်သွားရင်း စစ်ဆေးရေးတွေက သယ်လာတဲ့လူတွေကိုတွေ့မှာစိုးလို့ သူတို့ကို ငါးကန်ထဲထည့်ဖွက်ပြီး စစ်ဆေးရေးဘက်ကနဲ့ အချင်းစများခဲ့ပါတော့တယ်။ သူတို့ရဲ့ပထမဆုံးလူမှောင်ခိုခရီးစဉ်က အဆင်ပြေပြေပြီးဆုံးသွားပါ့မလားဆိုတာကို ဒီကားလေးမှာ ကြည့်ရှုကြရမှာပါ။ Crime Thriller movieမလို့ သွေးထွက်သံယိုတွေ အနည်းငယ်ပါတာကို သတိချပ်စေချင်ပါတယ်။ ဒီကားကိုအညွှန်းနဲ့ ဘာသာပြန်ဆိုသူကတော့ Huihui ဖြစ်ပါတယ်။

တစ်ခါ တင်ဆက်ပေးချင်တဲ့ ဇာတ်ကားလေးကတော့ 2010 တုန်းက ထွက်ရှိထားတဲ့ Love Sex Aur Dokha ဇာတ်ကားလေးရဲ့ ဒုတိယကားဖြစ်တဲ့ Love Sex Aur Dokha 2 လေးပဲ ဖြစ်ပါတယ် ဒီဇာတ်ကားကိုတော့ Dibakar Banerjee က ရိုက်ကူးပေးထားပြီးတော့ သရုပ်ဆောင်ပေါင်းများစွာလည်း ပါဝင်ပါတယ် အဲဒီထဲကမှ Naagin ဇာတ်ကားထဲမှာ မြွေမင်းသမီးလေး ရှီဗန်ညာအဖြစ် ပါဝင်သရုပ်ဆောင်ခဲ့ဖူးတဲ့ မင်းသမီးချောလေး Mouni Roy လည်း ပါဝင်တာမလို့ သူ့ရဲ့ပရိသတ်တွေကတော့ လက်မလွတ်တမ်း ကြည့်ရှု့သင့်တယ်နော် ဒီဇာတ်လမ်းထဲမှာဆိုရင် ခေတ်သစ်ဆက်ဆံရေးအရှုပ်‌အထွေးတွေ ခေတ်မီနည်းပညာတိုးတက်လာမှုတွေပါဝင်ပါတယ် ဇာတ်လမ်းအကျဉ်းအနေနဲ့ကတော့ လျှို့ဝှက်ကင်မရာတွေနဲ့ မတူညီတဲ့ဇာတ်လမ်းသုံးခုကို အခြေခံထားသလို ခေတ်မီချစ်ခြင်းမေတ္တာ၊ ခင်မင်ရင်းနှီးမှုနှင့် မိမိကိုယ်ကိုရှာဖွေတွေ့ရှိမှုတို့၏ ရှုပ်ထွေးမှုတွေကို ကိုင်တွယ်ဖြေရှင်းရာမှာ လူတစ်ဦးတစ်ယောက်ချင်းစီရဲ့ ဘဝကို သရုပ်ဖော်ရိုက်ကူးထားတာမလို့ ဘာတွေများ စိတ်ဝင်စားစရာကောင်းစွာနဲ့ မြင်တွေ့ရမလဲဆိုတာ ဒီဇာတ်လမ်းလေးထဲမှာ စောင့်မျှော်ကြည့်ရှု့အားပေးကြပါဦးရှင့် အညွှန်းနဲ့ ဘာသာပြန်ကတော့ Kaelyn ဖြစ်ပါတယ်ရှင်

ဂန်ဆွန်းဝူဆိုတဲ့ရဲဟာ အိမ်ထောင်ရှိရက်နဲ့ အထက်လူကြီးရဲ့မိန်းမနဲ့ဖောက်ပြန်ပါတယ်ဆိုပြီး ရာထူးဆိုင်းငံ့ခံရပါတယ်။ အလုပ်နားနေတုန်းမှာ အခကြေးငွေယူပြီး အိမ်ထောင်ရေးဖောက်ပြန်မှုလိုက်ဖမ်းတဲ့ အေဂျင်စီကို ဖွန်း ဆိုတဲ့လက်ထောက်နဲ့ အလုပ်လုပ်နေခဲ့ပါတယ်။ တစ်ရက်ကျအလုပ်လာအပ်တဲ့ ဂင်ဆူဂျင်း ဆိုတဲ့အမျိုးသမီးရဲ့ယောက်ျားကို ဖောက်ပြန်တာဖမ်းဖို့ဆိုပြီး သူတို့တည်းနေတဲ့အခန်းရဲ့ဘေးခန်းမှာ သွားနေနေခဲ့ပါတယ်။ ဂင်ဆူဂျင်းက မဖမ်းရဲတော့ဘူး ဆိုပြီး ဘီယာတစ်ဘူးသောက်ရင်း သူ့ကိုပါ ဘီယာတိုက်လာပါတယ်။ ဘီယာသောက်ပြီး ရီဝေနေတုန်းမှာ ဂင်ဆူဂျင်းက နမ်းလာပေမဲ့ သူကတော့ မူးလဲပြီး ဘာမှမမှတ်မိတော့ပါဘူး။ နိုးလာတဲ့အချိန်မှာ ဘေးမှာ ဂင်ဆူဂျင်းအိပ်နေတယ်ထင်ပြီး စကားတွေပြောရင်း သွေးတွေစမ်းမိမှ သေနေတဲ့ ဂင်ဆူဂျင်းကိုမြင်ပြီး သွေးပျက်သွားပါတော့တယ်။ အော်သံကြားလို့ တစ်ဖက်ခန်းကိုသွားကြည့်ချိန်မှာလည်း ဖောက်ပြန်တဲ့လူက ကုတင်ပေါ်မှာသေနေခဲ့ပါပြီ။ အော်နေတဲ့မိန်းမကို မေးကြည့်တဲ့အခါမှာတော့ သူ့နာမည်ကလည်း ဂင်ဆူဂျင်း ဖြစ်နေပြီး သေသွားတဲ့လူက သူ့အမျိုးသားပါတဲ့။ ဂန်ဆွန်းဝူနဲ့ ဂင်ဆူဂျင်းတို့ ဘယ်သူသတ်သွားမှန်းမသိတဲ့ အလောင်း၂လောင်းကို ဘယ်လိုရှင်းကြမလဲ? အလောင်း၂လောင်းကိုသတ်တာကရော ဘယ်သူဖြစ်နေမလဲ ? ဆိုတာကြည့်ရှုကြရမှာပါ။ ဒီကားလေးမှာ လီဂွမ်ဆူက ဖွန်းအဖြစ်သရုပ်ဆောင်ထားပါတယ်။ Thriller comedyကားလေးမလို့ ကြည့်ရတာရသတစ်မျိုးရစေမှာပါ။ ဒီကားကိုအညွှန်းနဲ့ဘာသာပြန်ဆိုသူကတ

အမိုက်စားအက်ရှင်ခန်းတွေကို သဘောကျတဲ့ရုပ်ရှင်ချစ်ပရိသတ်တို့ အကြိုက်တွေ့စေမဲ့အက်ရှင်ဇာတ်လမ်းကောင်းတစ်ကားဖြစ်ပါတယ်။ဇာတ်လမ်းအကျဥ်းကတော့ ရတ်နမ်ဟာ မိခင်ဖြစ်သူကို ကလေးဘ၀ကတည်းက ဆုံးရှုံးလိုက်ရပြီးတော့ လမ်းဘေးမှာရှင်သန်လာခဲ့ရတယ်။သူအသက်၁၂နှစ်အရွယ်မှာ MLAပန်နာလ်ရဲ့အသက်ကို ကယ်တင်ပေးခဲ့တာမို့ MLAပန်နာလ်က သူ့ကိုယုံကြည်အားကိုးတဲ့အတွက် ရတ်နမ်က MLAပန်နာလ်ရဲ့ လူမိုက်တစ်ယောက်ဖြစ်လာခဲ့တယ်။ဒါပေမဲ့ပန်နာလ်က ဖြောင့်မတ်တဲ့လူဖြစ်တဲ့အပြင် ရတ်နမ်ကိုလဲ တူတစ်ယောက်လိုဘဲ စောင့်ရှောက်ပေးခဲ့တယ်။တစ်နေ့မှာတော့ ရတ်နမ်တစ်‌ယောက် သူ့အမေနဲ့ရုပ်ချင်းအရမ်းဆင်တဲ့မိန်းမလှလေးမဲလ်လီဂါနဲ့ တွေ့ဆုံခဲ့တယ်။ရတ်နမ်ဟာ သူ့အမေကြုံတွေ့ခဲ့ရတဲ့အဖြစ်ဆိုးတွေကြောင့် အမြဲခံစားနေခဲ့ရတဲ့အတွက် မဲလ်လီဂါကို လူမိုက်တွေက တိုက်ခိုက်လာတဲ့အခါမှာ ၀င်ရောက်ကာကွယ်ပေးခဲ့တယ်။အဲ့အချိန်ကစပြီးတော့ မဲလ်လီဂါကို ရန်ညိုးထားနေတဲ့ လူမိုက်တွေရန်ကနေ ရတ်နမ်တစ်ယောက် ကာကွယ်ပေးရပါတော့တယ်။မဲလ်လီဂါကို လူမိုက်တွေက ဘာလို့သတ်ဖို့ကြိုးစားနေရတာလဲ။ရတ်နမ်ကရော သူ့အမေနဲ့တူတဲ့မဲလ်လီဂါကို ကာကွယ်ပေးနိုင်မလားဆိုတာကို ကြည့်ရှူပေးကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

ဘတ်ဟျိုဂျူ ဆိုတဲ့ဆရာမဟာ ယာယီဝန်ထမ်းအနေနဲ့ ကျောင်းကစာချုပ်သက်တမ်းတိုးတာကို စောင့်နေရတဲ့ဆရာမပါ။ သူ့ရဲ့လုပ်ဖော်ကိုင်ဖက်ဆရာမဟာ မီးဖွားခွင့်နဲ့မလို့ အဲဒီဆရာမရဲ့အတန်းမှာ အတန်းပိုင်အဖြစ်ကိုင်ရပါတယ်။ အဲဒီလိုနဲ့ အတန်းထဲက ရှင်းဂျယ်ဟာဆိုတဲ့ ကောင်လေးက ဘဲလေးအကဝါသနာပါတဲ့သူမလို့ သတိထားမိသွားပါတယ်။ သူအမြဲတမ်းဝန်ထမ်းမဖြစ်ခင်မှာပဲ လွတ်နေတဲ့နေရာကို ချူဟယ်ယောင်း ဆိုတဲ့ဘုတ်အဖွဲ့ဝင် ဥက္ကဋ္ဌကြီးရဲ့သမီးက ဝင်ယူသွားတာမလို့ စပြီးအမြင်ကတ်ပါတော့တယ်။ ချူဟယ်ယောင်းက သူ့ကိုခင်လို့ ကပ်ပေမဲ့ သူကတော့ မနာလိုနေခဲ့ပါဘူး။ ဒီလိုနဲ့ ညဘက်အတန်းတွေစတဲ့အချိန် အားကစားခန်းမှာ တီးလုံးသံကြားတာမလို့ တိတ်တိတ်လေးသွားကြည့်ရင်း ချူဟယ်ယောင်းနဲ့ ကျောင်းသားရှင်းဂျယ်ဟာတို့ ဘာလိုလိုဖြစ်နေတာကို တွေ့ခဲ့ရပါတော့တယ်။ အစကတည်းက အမြင်မကြည်နေတဲ့ ဘတ်ဟျိုဂျူဟာ အဲဒီကိစ္စကိုဖော်ပစ်မယ်ဆိုပြီး ချူဟယ်ယောင်းကိုခြိမ်းခြောက်ပြီး ရှင်းဂျယ်ဟာ ဆိုတဲ့ကောင်လေးကိုစပြီး ချဉ်းကပ်ပါတော့တယ်။ ဒီလိုနဲ့သူတို့၃ယောက်ကြား ၃ပွင့်ဆိုင်ဇာတ်လမ်းတွေဘယ်လိုဆက်သွားမလဲဆိုတာရယ် မနာလိုစိတ်ရဲ့ကြောက်စရာကောင်းပုံတွေကိုစိတ်ဝင်စားဖွယ်ကြည့်ရှုကြရမှာပါ။ ဒီကားလေးကိုအညွှန်းနဲ့ဘာသာပြန်ဆိုသူကတော့ Huihui ဖြစ်ပါတယ်။

ဟောင်ကောင်မင်းသားကြီး Louis Koo ရဲ့ Storm movie series ထဲက တစ်ကားဖြစ်တဲ့ S.Storm ဇာတ်ကားထဲမှာဆိုရင် လာဘ်ပေးလာဘ်ယူမှုကို လိုက်စုံစမ်းနေတဲ့ ICAC က Principle Investigator ဖြစ်တဲ့ Williams Luk ဟာ အမှုကို စုံစမ်းနေရင်း သံယရှိသူ အသတ်ခံရမှုမှာ ကိုယ်တိုင် မျက်မြင်သက်သေဖြစ်သွားပြီး လောင်းကစားကြွေးကြောင့် နာမည်ပျက်နေတဲ့ Inspector Lau Po Keung နဲ့ဆုံခဲ့ရတယ်။ လူသတ်မှုကို လိုက်နေတဲ့ရဲတွေနဲ့ ခြစားမှုကို လိုက်နေတဲ့ ICAC တို့ ပူးပေါင်းပြီး အမှုမှန်ကို ဖော်ထုတ်သွားကြမှာ ဖြစ်ပါတယ်။ Crime - Thriller သဘောကျ‌သူတွေ အကြိုက်တွေ့စေမယ့် ဇာတ်ကားတစ်ကားပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ထောင်ချောက်တွေအပြည့်နဲ့ ကြိုတင်စီစဉ်ထားပြီး ရက်ရက်စက်စက်သတ်တာမျိုး ကြိုက်ရင် ဒီကားကြည့်ပါ။ တစ်ကားလုံးနီးပါး သွေးထွက်သံယိုတွေချည်းပါပဲ။ ဇာတ်လမ်းအကျဉ်းပြောရရင် အာကင်မှာ ဇနီးနဲ့သမီးရှိပြီး လူသူမနီးတဲ့တောထဲက သူ့အလုပ်ရှင်ဆီမှာ အိမ်ပြင်ပေးနေရတာပါ။ အဲ့သူဌေးမိသားစုက အဲ့အိမ်ကိုပြောင်းလာတာ မကြာသေးပါဘူး။ အိမ်ရှင်မိုက်ကယ်မှာက ဇနီးရယ် ဆယ်ကျော်သက်အရွယ်သမီးရယ် အာကင့်သမီးနဲ့ရွယ်တူကလေးမလေးတစ်ယောက်ရယ် ရှိပါတယ်။ အာကင်ရဲ့ဇနီးက ကြေးစားတွေဆီ အကြွေးတင်နေပြီး ငွေအပူတပြင်းလိုနေတဲ့အခါ အာကင်က သူ့မိန်းမကိုကယ်ဖို့ အရင်ကလုပ်ဖူးတဲ့ အလုပ်ကို ပြန်လုပ်ရပါတော့တယ်။ အိမ်ရှင်မိုက်ကယ်တို့မိသားစုတွေ ခရီးထွက်နေတုန်း မီးခံသေတ္တာဖောက်ဖို့ ကြံစည်ထားတဲ့အာကင်က ညဘက်မှာ အိမ်ထဲဝင်လာပါတယ်။ ဒါမဲ့ အိမ်ထဲမှာ ထောင်ချောက်တွေအပြည့်ဖြစ်နေပြီး အိမ်ရှင်မိသားစုကို သတ်ဖို့ အာကင်ထက်အရင်ရောက်နေတဲ့သူရှိ‌တဲ့ခါ...နောက်ဆုံးမှာ အာကင်ပါ အိမ်ရှင်မိသားစုနဲ့အတူ ကံဆိုးမလား လွတ်မြောက်သွားမလား ဆက်လက်ရှုစားနိုင်ပါပြီ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဘယ်နိုင်ငံမှာဖြစ်ဖြစ်ကမ္ဘာတစ်ဝှမ်းကကလေးတိုင်းရဲ့ငယ်ဘ၀တွေမှာ စိတ်ကူးယဉ်သူငယ်ချင်းတစ်ယောက်စီတော့ရှိတတ်ကြပါတယ်။စိတ်ကူးယဉ်သူငယ်ချင်းဆိုတာသရဲကားတွေထဲကလိုမျိုးကြောက်စရာကောင်းတဲ့သူငယ်ချင်းမျိုးတွေမဟုတ်ဘဲ ကိုယ်ဝမ်းနည်းနေတဲ့အချိန် အားငယ်နေတဲ့အချိန်ကိုယ့်ကိုဖေးမအားပေးမဲ့ ကိုယ့်ရဲ့ငယ်ဘ၀တွေကိုအတူတူမျှဝေနိုင်မဲ့ချစ်စရာကောင်းတဲ့သူငယ်ချင်းမျိုးတွေကိုပြောချင်တာပါ။အခုတင်ဆက်ပေးမဲ့ နာမည်ကြီးမင်းသားကြီး Ryan Reynolds ပါဝင်သရုပ်ဆောင်ထားတဲ့ Poster မှာချစ်စရာခရမ်းရောင်အကောင်အကြီးကြီးပါဝင်တဲ့ IF ဆိုတဲ့ ဇာတ်ကားလေးကလည်းအဲ့လိုချစ်စရာကောင်းတဲ့ကိုယ့်ရဲ့ငယ်ဘ၀စိတ်ကူးယဉ်သူငယ်ချင်းတွေကိုပြန်အမှတ်ရသွားစေမဲ့ခံစားချက်မျိုးတွေကိုပေးစွမ်းနိုင်အောင်ရိုက်ကူးထားတာပဲဖြစ်ပါတယ်။IMDb Rating ကလည်း 6.7 အထိရရှိထားတဲ့အတွက်ကြည့်လို့ကောင်းပြီးရင်ထဲမှာတစ်ခုခုထင်ကျန်နေစေခဲ့မှာတော့အသေအချာပါပဲ။ ဘီးဆိုတဲ့ကောင်မလေးကသူ့အမေဆုံးပါးသွားပြီးမကြာခင်မှာတင်အဖေဖြစ်သူဆေးရုံတက်နေရတဲ့အဖွားဖြစ်သူနဲ့အတူတူသူ့ငယ်ဘ၀ကအိမ်လေးမှာခဏပြန်နေရပါတော့တယ်။အသက် ၁၂ နှစ်ပဲရှိသေးတဲ့အပြင်အမေကိုဆုံးရှုံးထားရတဲ့စိတ်ကြောင့်အဖေကိုပါဆုံးရှုံးရမှာအရမ်းကြောက်နေခဲ့ပါတော့တယ်။ကလေးတစ်ယောက်ဖြစ်နေပေမဲ့လည်းအဲ့လိုများပြားလှတဲ့စိတ်ဖိအားတွေကြောင့်မပြုံးနိုင် မပျော်နိုင် တမှိုင်မှိုင်ဖြစ်နေခဲ့ရပါတော့တယ်။ဒါပေမယ့်တစ်ညမှာတော့အဲ့ဒီစိုးရိမ်ပူပန်မှုတွေကပျောက်ကွယ်သွားခဲ့ပါတော့တယ်။အဲ့ဒါကတော့

ဒီကားက တော့ Liam Neeson ကို Action မင်းသားအဖြစ် ကမ္ဘာကျော်စေခဲ့တဲ့ Taken ဇာတ်ကား ရဲ့ တတိယမြောက်နဲ့ နောက်ဆုံးကားဖြစ်ပါတယ်။ Taken ရဲ့နောက်ဆုံးဇာတ်ကားကိုတော့ ကျွန်တော်အညွှန်းမပေးတော့ပါဘူး။ ဇာတ်လမ်းက Taken ရဲ့ကျောရိုးကနေ ကွဲထွက်နေတယ်လို့ယူဆလို့ပါ။ အကြိုက်မတွေ့ဆုံးအချက်ကတော့ Lenny ရဲ့ ယောက်ျား Stuart ကိုဒီဇာတ်ကားမှာ သရုပ်ဆောင် ပြောင်းထားပြီး Stuart အဖြစ် စကော့တလန် လူမျိုုး သရုပ်ဆောင် ဖြစ်တဲ့ Dougray Scott ကို သရုပ်ဆောင်ခိုင်းထားတဲ့အချက်ပါပဲ။ Action ဇာတ်ကားအဖြစ်သာ ကြည့်ရင်တော့ အကြိုက်တွေ့ကြမှာပါ။

Taken 1(2008) ကိုကြည့်ပြီးဒီဇာတ်ကားကိုကြည့်မှ အရသာရှိမှာပါ… Taken (1) မှာဖြစ်ပျက်ခဲ့တာတွေအတွက် Taken (2) မှာ စာရင်းရှင်းကြမှာပါ… ဖခင်တစ်ယောက်ရဲ့ မေတ္တာနဲ့ Agent တစ်ယောက်ရဲ့ စနစ်ကျနသေသပ်မှုကို အကောင်းဆုံးပေါင်းစပ်ထားတဲ့ ဇာတ်ကားပါ…။

မင်းသားက အရင်တုန်းက CIA ကစုံထောက်၊ ၁ရနှစ်အရွယ် သမီးလေးတစ်ယောက်ရှိပါတယ်။ Liam Neeson က သူသျှို၊စုံထောက်ဆိုတော့ မိသားစုအတွက် အချိန်မပေးနိုင်လို့ မိန်းမနဲ့ကွာရှင်းပြီးနောက် သမီးလေးကိုပါ မိန်းမလက်ထဲထည့်ပေးလိုက်ရပါတယ်။ သူက သူ့သမီးလေးကိုအရမ်းချစ်တော့ CIA ကနေ အနားယူပြီး သမီးလေးနားမှာနေနိုင်အောင် ကြိုးစားနေတဲ့ အဖေနေရာက သရုပ်ဆောင်တာပါ။ Bryan (Liam Neeson ရဲ့ဇာတ်ကောင်) ရဲ့သမီး Kim (Maggie Grace ရဲ့ဇာတ်ကောင်) က တစ်နေ့မှာ သူငယ်ချင်းရယ် ပြင်သစ်နိုင်ငံ ပဲရစ်မြို့ကိုသွားလည်ဖို့ ဖခင်ကိုတောင်းဆိုပါတယ်။ (အမေရိကားမှာ ၁၈နှစ်အောက်ကလေးတွေက ပြည်ပခရီးသွားချင်ရင် မိဘခွင့်ပြု့တဲ့လက်မှတ်ပါမှ သွားလို့ရပါတယ်)။ သူ့အဖေက မသွားစေချင်ပေမယ့် နောက်ဆုံးမှာ မတတ်သာလို့ခွင့်ပြုလိုက်ရပါတယ်။ ပဲရစ်ကိုရောက်ရောက်ချင်းမှာပဲ Kim နဲ့သူ့သူငယ်ချင်း က ကောင်လေးတစ်ယောက်နဲ့တွေ့ပြီး ကားအတူငှားစီးမိရာကနေ Albanian တွေရဲ့ ဖမ်းဆီးခြင်းခံရပါတယ်။ Albanian တွေက အဖော်မပါပဲ ခရီးထွက်လာတဲ့ မိန်းမပျိုလေးများကို ဖမ်းပြီး ပြည့်တန်ဆာလုပ်ငန်း လုပ်နေသူတွေဖြစ်ပါတယ်။ ဒါကို Bryan အနေနဲ့ သူရဲ့ စုံထောက်ဘဝအတွေ့အကြုံတွေ၊ ပညာတွေသုံးပြီး သူ့သမီးကို ပြန်လိုက်ရှာရမှာပါ။ သူ့သမီးကိုရှာဖို့ ၇၂ နာရီသာ အချိန်ရပြီး ၇၂ နာရီကျော်သွားတာနဲ့ သေရင်သေ မသေရင် တခြားလူတွေလက်ထဲရောက်သွားပြီး ရှာတွေ့ဖို့ လမ်းစပျောက်သွားမှာဖြစ်ပါတယ်။ ဒီဇာတ်လမ်းက စ၊လယ်၊ဆုံး မနားတမ်း Action Sce

အာဂျွန်ဟာ သရဲတွေ ၀ိဉာဥ်တွေကို မယုံကြည်သူတစ်ယောက်ဖြစ်ပြီး သရဲခြောက်တဲ့နေရာတွေကိုသွားကာ အမှုတွေကို စုံစမ်းဖော်ထုတ်နေသူဖြစ်တယ်။တစ်နေ့တော့ သူငယ်ချင်းဖြစ်သူပါရာသတ်က ဒီဗာလ်ရာဗာလ်သီဆိုတဲ့မိန်းမလှလေးတစ်ယောက်ဟာ သတ်သေသွားပြီးတော့ သရဲဖြစ်သွားတယ်ဆိုတဲ့ဇာတ်လမ်းတစ်ပုဒ်ကို အာဂျွန်ဆီကိုယူလာခဲ့တယ်။ဒီဗာလ်ရာဗာလ်သီဟာ သူကိုမြင်သွားတဲ့လူတိုင်းကို သတ်ပစ်တယ်လို့ လူတွေကြားမှာ ကောလဟာလတွေပြန့်နေတာကြောင့် အာဂျွန်ဟာ ဒီဗာလ်ရာဗာလ်သီသတ်သေသွားတဲ့တိုက်ခန်းကိုသွားရောက်စုံစမ်းခဲ့တယ်။ အာဂျွန်တစ်ယောက် ဒီဗာလ်ရာဗာလ်သီကို တိုက်ခန်းမှာမြင်ခဲ့ပြီးတော့ ဒီဗာလ်ရာဗာလ်သီကို မြင်မြင်ချင်းချစ်မိသွားခဲ့တယ်။လူတိုင်းက အာဂျွန်ကို သရဲတစ်ကောင်နဲ့ချစ်မိနေတာလို့ ထင်နေကြပေမဲ့ အာဂျွန်ကတော့ သူချစ်မိနေတဲ့ဒီဗာလ်ရာဗာလ်သီက မသေသေးဘူးလို့ ယုံကြည်နေတာကြောင့် ဒီဗာလ်ရာဗာလ်သီကိုလိုက်ရှာပါတော့တယ်။အာဂျွန်ထင်နေသလို ဒီဗာလ်ရာဗာလ်သီက မသေသေးတာလား။အာဂျွန်တစ်ယောက် သူချစ်နေတဲ့ဒီဗာလ်ရာဗာလ်သီကို ရှာတွေ့ပါ့မလားဆိုတာကို ကြည့်ရှူပေးကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

ပြည့်သူ့၀န်ထမ်းအငြိမ်းစားအရာရှိကြီး Ding Hu(Sammo Hung) ရဲ့ဘ၀သက်တမ်းတစ်လျှောက်လုံးမှာ သဲအိတ်တွေ၊သေနတ်တွေ၊ဓါးတွေနဲ့ အဖော်ပြုပြီး VIP တွေကို ကာကွယ်ပေးလာခဲ့ပေမယ့် သူအချစ်ရဆုံးသူကိုတော့ မစောင့်ရှောက်နိုင်ခဲ့ဘူး။ သူ့ရဲ့တစ်ဦးတည်းသော မြေးမလေးကို သူ့မျက်စေ့အောက်မှာတင် ပျောက်သွားခဲ့ပြီး လုံး၀ပြန်ရှာမတွေ့ခဲ့လို့ ကိုယ့်ကိုကိုယ် ခွင့်မလွှတ်နိုင်ဘဲ ဘေကျင်းကို စွန့်ခွာကာ မွေးရပ်မြေ တရုတ်-ရုရှားနယ်စပ်မြို့လေးကို ပြန်လာခဲ့တယ်။ သူပြန်ရောက်ပြီး ခြောက်လအကြာမှာ လူသတ်မှုတစ်ခုမှာ မျက်မြင်သက်သေဖြစ်ခဲ့ပေမယ့် Dementia ရောဂါရှိနေလို့ တရားခံကို မမှတ်မိခဲ့ဘူး။ သူ့အိမ်ဘေးမှာတော့ ဆံပင်ကေကလွဲရင် ဘယ်နေရာမှ သုံးစားမရတဲ့ လောင်းကစားရူး ဆန်ကုန်မြေလေး Li Zhang Jiu(Andy Lau) နဲ့ သူ့သမီးလေး Li Chun Hua တို့နေကြတယ်။ အဖိုးကြီးDing နဲ့ Li တို့နှစ်ယောက် သွားပြီးပတ်သတ်မိတာကတာ့ လူဆိုးဂိုဏ်းတစ်ဂိုဏ်းဖြစ်နေတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

Vekhi Ja Chhedi Naဇာတ်ကားမှာတော့ ကာလ်မာနဲ့အာလ်မန်တို့ဟာ လက်မထပ်ရသေးတဲ့ ညီအကို၂ယောက်ဖြစ်ပြီးတော့ အဖွားဖြစ်သူရဲ့ဆန္ဒကတော့ သူမသေခင်မှာ မြေးဖြစ်သူ၂ယောက်လက်ထပ်သွားတာကို မမြင်ရဖို့ဘဲဖြစ်တယ်။အာလ်မန်က ရုပ်ရည်ချောမောပြီး ငယ်ရွယ်သေးတာကြောင့် လက်ထပ်ဖို့ကမ်းလှမ်းသူတွေ အရမ်းများနေပေမဲ့ အကိုဖြစ်သူကာလ်မာကတော့ ရိုးရိုးအေးအေးအကျင့်စရိုက်ကြောင့် သူနဲ့လက်ထပ်ဖို့လာတဲ့ သတို့သမီးတွေအားလုံးက ညီဖြစ်သူအာလ်မန်ကိုဘဲ သဘောကျသွားကြတယ်။ကာလ်မာတစ်ယောက် လက်ထပ်ဖို့အရွယ်လွန်နေပြီဖြစ်တာကြောင့် အဖွားလုပ်သူက မြေးကြီးအတွက် သတို့သမီးလောင်းကို အမြန်လိုက်ရှာနေခဲ့တယ်။ဒါပေမဲ့ရှာသမျှသတို့သမီးလောင်းတိုင်းက အာလ်မန်ကိုဘဲ သဘောကျနေတာကြောင့် အဖွားဖြစ်သူဟာ စိတ်ဖိစီးပြီး နှလုံးရှော့ရသွားတော့တယ်။အဖွားလုပ်သူရဲ့ သေခံနီးဆန္ဒကြောင့် ကာလ်မာတစ်ယောက် ညီဖြစ်သူအာလ်မန်ရဲ့ရည်းစားနစ်ကီလ်နဲ့ လက်ထပ်ဖို့ဖြစ်လာရတဲ့အချိန်မှာတော့ အာလ်မန်တစ်ယောက်ကရော လက်ခံနိုင်ပါ့မလား။အဖွားအတွက်နဲ့ နှလုံးသားကိုစတေးပြီး ချစ်သူမိန်းကလေးနစ်ကီလ်ကို လက်လျှော့လိုက်မှာလားဆိုတာကို ကြည့်ရှူပေးကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

Detective Dee ငယ်ရွယ်စဉ် တပ်သားဘ၀တုန်းက တိုင်းတပါးရန်သူတွေကိုနှိမ်နှင်းဖို့ဆိုပြီး ယောင်မင်းမြို့ကို သွားဖို့ အမိန့်ကျလာခဲ့တယ်။ ယောင်မင်းမြို့ကို ရောက်သွားတော့ ရန်သူတွေရှိမနေခဲ့ဘဲ အလောင်း ၁၆ လောင်းကိုသာ တွေ့ခဲ့ရတယ်။ ခဏအကြာမှာ လူသေကောင်တစ်ယောက်က အသက်ပြန်ရှင်လာပြီး Dee တို့တပ်ဖွဲ့ကို တိုက်ခိုက်ရာ နောက်ဆုံးမှာတော့ Dee တစ်‌ယောက်ပဲ အသက်ရှင် လွတ်မြောက်ခဲ့တယ်။ နောက် ၁၅ နှစ်ကြာပြီး‌ချိန် ဖန်းကျိုးမှာ တစ်ရွာလုံး ညတွင်းချင်းအသတ်ခံလိုက်ရပြီး သေပြီးသားသူတွေက အသက်ပြန်ရှင်လာတဲ့အမှုက ဘုရင်မကြီးဆီပါ ပေါက်ကြားသွားခဲ့‌ေလ‌‌ေတာ့ ထိုအမှုကို ဘုရင်မကြီးရဲ့မွေးနေ့ပွဲတော် မတိုင်မှီ အမြန်ဆုံး အမှန်တရားဖော်ထုတ်ဖို့ Detective Dee ကို အမိန့်ပေးလိုက်တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

လူရယ်လို့ဖြစ်လာပြီဆိုရင်ဘ၀မှာကြုံရဆုံရမဲ့လူတွေကအမျိုးမျိုးအဖုံဖုံပါပဲ။အဲ့ဒီလူတွေထဲကမှအချစ်ဆုံးသူငယ်ချင်းဆိုတာတော့ကိုယ့်ဘ၀သက်တမ်းတစ်လျှောက်မှာအရေးအကြီးဆုံးအခန်းကဏ္ဍတစ်ခုထဲမှာပါဝင်နေပါတယ်။အဲ့လိုအချစ်ဆုံးသူငယ်ချင်းတွေနဲ့ပျော်ရွှင်မှုတွေကြုံခဲ့ရသလို ဝမ်းနည်းခဲ့ရတဲ့အချိန်တွေလည်းရှိခဲ့ဖူးကြမှာပါ။အဲ့လိုအမှတ်တရတွေကိုပြန်လည်သတိရသွားစေမဲ့ဇာတ်ကားလေးတစ်ကားကိုတင်ဆက်ပေးချင်ပါတယ်။ဇာတ်ကားလေးရဲ့နာမည်ကတော့ Am I Ok? ဖြစ်ပြီးတော့ IMDb Rating 6.1 အထိရရှိထားပါတယ်။အဲ့ဒီအပြင်ကိုမှဒီကားထဲကသူငယ်ချင်းနှစ်ယောက်ထဲကတစ်ယောက်က Fifty Shades Of Grey မင်းသမီးဖြစ်တဲ့ Dakota Johnson ဖြစ်တဲ့အတွက်ဇာတ်ကားလေးကတော့ပိုကောင်းမှာအသေအချာပါပဲ။ဇာတ်လမ်းအကျဉ်းလေးကတော့လူစီနဲ့ဂျိန်းဆိုတဲ့သူငယ်ချင်းနှစ်ယောက်ကငယ်ငယ်ကတည်းကအရမ်းချစ်ခဲ့ကြတဲ့သူငယ်ချင်းတွေဖြစ်ပြီး လက်ရှိအချိန်မှာလည်းအရမ်းချစ်နေတုန်းပဲဖြစ်ပြီး သွားအတူလာအတူစားအတူပါပဲ။ဒါပေမယ့်တစ်နေ့မှာတော့ဂျိန်းရဲ့အလုပ်ကသူ့ကိုရာထူးတိုးပေးပြီး လန်ဒန်ကိုသွားဖို့ဖြစ်လာတဲ့အခါမှာတော့လူစီ့ခမျာငယ်ငယ်ကတည်းကသူငယ်ချင်းဖြစ်သူနဲ့တစ်ခါမှအကြာကြီးမခွဲဖူးတဲ့အတွက်ယူကြုံးမရအပူလုံးကြွတွေဖြစ်ကုန်ပါတော့တယ်။အဲ့ဒီအပြင်ကိုသူကမိန်းကလေးချင်းသဘောကျနေတဲ့သူဖြစ်ကြောင်းသူငယ်ချင်းဖြစ်သူကိုရင်ဖွင့်လိုက်တဲ့အခါမှာတော့လန်ဒန်မသွားရခင်လေးမှာတင်နှစ်ယောက်သားရန်တွေထဖြစ်ကုန်ကြတော့ပါတယ်။ဒီလိုနဲ့သူတို့သူငယ်ချင်းနှစ်ယောက်ကြားမှာဘယ်လိုတွ

ဆရာဝန်တွေမဖြစ်နိုင်တာကိုဖြစ်အောင်လုပ်မယ်ဆိုတဲ့စိတ်ကူးနဲ့ ဒေါက်တာရှရတ်ဒါရဲ့ရှုထောင့်ကနေရိုက်ကူးထားတဲ့ဇာတ်လမ်းလေးဖြစ်ပါတယ်။ သူမအဖေရဲ့ရုတ်တရက်ခွဲခွာမှုကြောင့် စိတ်အကြီးအကျယ်ထိခိုက်ရတဲ့ဒေါက်တာရှရတ်ဒါက O2‌ဆေးကိုသုံးပြီး နှလုံးခုန်ရပ်သွားတဲ့လူနာကိုပြန်ကယ်ဖို့ကာလကို ဆွဲဆန့်ချင်ခဲ့ပါတယ်။ ကလေးဘဝ စိတ်ဒဏ်ရာအရိပ်များနှင့် စိုးရိမ်သောကတွေကြောင့် အချစ်ကနေဝေးဝေးနေတဲ့သူမ ဆေးကောင်စီမှ လူသားစစ်ဆေးမှုအတွက် ခွင့်ပြုချက် ငြင်းပယ်ခံရသောအခါ မမျှော်လင့်ထားသော အတားအဆီးတစ်ခုနှင့် ရင်ဆိုင်ရလိုက်လေတယ်။ ရှရတ်ဒါတယောက် ကိုယ်ရေးကိုယ်တာဖိအားများနှင့် ပရော်ဖက်ရှင်နယ် ကန့်သတ်ချက်များကို ကျော်လွှားပြီး ထူးထူးခြားခြား သိပ္ပံပညာဆိုင်ရာ တိုးတက်မှုကို သတ္တိရှိရှိ လိုက်စားပြီး ဆေးဘက်ဆိုင်ရာ အောင်မြင်မှု ရသွားမလား။ ဒါမှမဟုတ် သူမ၏ဆန္ဒက သူမရဲ့ဂုဏ်သိက္ခာကိုညိုးနွမ်းစေမလား ၊ သူမအောင်မြင်လိုသော မှတ်တိုင်ကို နှုတ်ဆက်သွားရမလား...။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Honey ဖြစ်ပါတယ်

ဇာတ်လမ်းလေးကတော့ ဘတ်ဘို့ဆွန်းဆိုတဲ့ ကောင်မလေးဟာ ငယ်ငယ်ကတည်းက သင်ယူရနှေးကွေးတဲ့ကောင်မလေးပါ။ အဘွားဖြစ်သူဆုံးသွားပြီးကတည်းက ညီမဖြစ်သူကို ဈေးရောင်းကျွေးလာခဲ့တာပါ။ ဒီလိုနဲ့ သူတို့ရဲ့အိမ်ကို နာရီ ဆိုတဲ့ကလေးမလေးရောက်လာပြီးနောက်မှာ နာရီနောက်ကိုလိုက်နေတဲ့ ထယ်ဆူ ဆိုတဲ့လူက သူတို့အသက်အန္တရာယ်ကို ခြိမ်းခြောက်လာခဲ့ပါတယ်။ ဘတ်ဘို့ဆွန်းတစ်ယောက် ဖြစ်လာမဲ့ဘေးကိုပြေးတွေ့ခဲ့တဲ့အချိန်မှာ ဘာတွေဆက်ဖြစ်လာမလဲ? ထယ်ဆူက ပုံမှန်စိတ်အခြေအနေရှိတဲ့လူမဟုတ်ဘဲ သွေးအေးအေးနဲ့ လူသတ်တတ်တဲ့လူဖြစ်နေတော့ အဲဒီလူလက်ထဲကနေ ဘတ်ဘို့ဆွန်းတို့ ဘယ်လိုရုန်းကန်ကြရမလဲဆိုတာကို ဒီကားလေးမှာ ကြည့်ရှုကြပါဦးနော်။ ဒီကားလေးမှာတော့ မင်းသား Lee Min Kiနဲ့ မင်းသမီး Kim Go Eunက ပါဝင်သရုပ်ဆောင်ထားကြပါတယ်။ ထုံးစံအတိုင်း Kim Go Eunဆိုမှတော့ သရုပ်ဆောင်ချက်တွေကတော့ ပြောစရာမလိုလောက်ဘူးထင်ပါတယ်နော်။ ဒီကားလေးကိုအညွှန်းနဲ့ ဘာသာပြန်ဆိုသူကတော့ Huihui ဖြစ်ပါတယ်။