လူကြည့်များသော ရုပ်ရှင်များ

ရိုးရိုးတန်းတန်းကိုယ့်အဖွဲ့နဲ့ကိုယ်ဘဏ်ဓားပြတိုက်ဖို့အစီအစဉ်ချ သေနတ်တွေနဲ့ဝုန်းဒိုင်းကြဲဝင်ပြီးဓားပြတိုက် ပစ္စည်းတွေဝင်ခိုး ပိုက်ဆံတွေခိုးတဲ့ဇာတ်ကားတွေကရိုးအီနေပါပြီ။ဒါပေမယ့်ဒီဇာတ်ကားကတော့အဲ့ဒီလိုရိုးအီနေတဲ့ဇာတ်ကားပုံစံတွေထဲကခွဲထွက်ပြလိုက်တာပဲဖြစ်ပါတယ်။မထင်မှတ်ထားတဲ့ဇာတ်လမ်းလှည့်ကွက်ပေါင်းများစွာနဲ့အတူဟာခနဲဟင်ခနဲဖြစ်သွားစေမဲ့ဇာတ်ကွက်တွေကိုထည့်သွင်းရိုက်ကူးထားတာပဲဖြစ်ပါတယ်။ဇာတ်လမ်းအကျဉ်းချုပ်ကတော့ဂျယ်ရမီဆိုတဲ့လူတစ်ယောက်ကသူလုပ်ခဲ့တဲ့ပြစ်မှုကြောင့်မကြာခင်အဖမ်းခံရတော့မှာဖြစ်ပြီးအဖမ်းမခံရအောင်တိမ်းရှောင်နေသူပဲဖြစ်ပါတယ်။သူ့အစ်ကိုဖြစ်သူရဲ့ဈာပနကိုသွားတက်ရောက်တဲ့အချိန်မှာတူဖြစ်သူနဲ့တွေ့ခဲ့ရပါတယ်။တူဖြစ်သူကဘဏ်ကနေငွေချေးဖို့အတွက်ငွေရေးကြေးရေးကျွမ်းကျင်တဲ့သူ့ဦးလေးကိုဘဏ်မှာအလုပ်လုပ်နေတဲ့သူ့သူငယ်ချင်းတွေဆီမှာပြောပေးဖို့အကူအညီတောင်းပါတော့တယ်။သူ့တူရဲ့သူငယ်ချင်းတွေကချီကာဂိုရဲ့အကြီးမားဆုံးဘဏ်ကြီးတစ်ခုမှာအလုပ်လုပ်နေကြသူတွေဖြစ်ပါတယ်။ဒီလိုနဲ့ဂျယ်ရမီလဲဉာဏ်ကောင်းသူပီပီအဲ့ဒီဘဏ်ရဲ့ပိုက်ဆံတွေကိုခိုးယူဖို့အတွက်စီစဉ်ခဲ့ပြီးသူ့တူနဲ့သူငယ်ချင်းဖြစ်သူတွေကိုသိမ်းသွင်းခဲ့ပါတော့တယ်။ဒီလိုနဲ့အတွေ့အကြုံရှိပြီးဒီလိုရာဇဝတ်မှုကိုကျူးလွန်ဖူးတဲ့ဉာဏ်ကြီးရှင်ရာဇဝတ်သားတစ်ယောက်နဲ့ဘဝကိုခက်ခက်ခဲခဲရုန်းကန်နေကြတဲ့လူငယ်လေးတွေပူးပေါင်းပြီးတော့ဘဏ်ကနေပိုက်ဆံခိုးဖို့ကြိုးစားကြပုံတွေနဲ့နောက်ဆုံးမှာအောင်မြင်သွားကြပါ့မလားဆိုတာကိုစိတ်ဝင်စားစရ

အိမ်ခြံမြေအကျိုးဆောင်အမျိုးသမီးတစ်ယောက် နေအိမ်ထဲမှာ ရက်ရက်စက်စက် အသတ်ခံရတာကနေပြီး ဒီဇာတ်အရှုပ်အထွေးစခဲ့တာပါ။ ဆမ်းမားနဲ့ ဝဲလ်တို့လင်မယား အိမ်သစ်ကိုပြောင်းလာပြီး တစ်ရက်မှာ ဆမ်းမားက ဓားနဲ့အချက်ပေါင်းများစွာအထိုးခံရပြီး သေသွားပါတယ်။ စုံထောက်တွေ ရဲတွေ ဒီအမှုကို လိုက်စုံစမ်းရာက အရှုပ်တွေပါလာတာပါ။ စုံထောက်တွမ်က သူ့အဖွဲ့သားတွေနဲ့ မသင်္ကာစရာလူတွေကို စုံစမ်းမေးမြန်းရင်း ဆမ်းမားရဲ့ ယောကျာ်းဟောင်းနဲ့ အရှုပ်အရှင်းတွေ အိမ်ခြံမြေရောင်းတဲ့ ကိစ္စ‌ တွေပါ သံသယဖြစ်စရာ တွေ့ရပါတယ်။ ဆမ်းမားရဲ့ လက်ရှိအမျိုးသား ဝဲလ်ကလည်း ထူးဆန်းနေခဲ့ပါတယ်။ အစပိုင်းမှာ လူသတ်တရားခံကို မိပြီ‌ထင်ပေမယ့် ဒါက အစပဲရှိပြီး ဆေးအရောင်းအ၀ယ်ကိစ္စတွေပါ ပါလာပြီး အမှုက ပိုရှုပ်လာတဲ့အခါ... ရဲအလုပ်ကိုချစ်တဲ့ တွမ်တစ်ယောက် အမှန်တရားနဲ့ နောက်ကွယ်က ကြိုးကိုင်သူတွေ ပတ်သက်နေသူတွေကို သိလိုက်ရတဲ့အခါ ဘယ်လို ဇာတ်သိမ်းမလဲ။ ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်။

Games of Thrones စီးရီးထဲမှာ Littlefinger ဆိုပြီး ခေါ်ကြတဲ့ Lord Baelish အဖြစ်အပိုင်နိုင်ဆုံးသရုပ်ဆောင်ခဲ့တဲ့ မင်းသား Aidan Gillen ပါဝင်သရုပ်ဆောင်ထားတဲ့မှုခင်းစုံထောက်ကားတစ်ကား စက်တင်ဘာလ ၂၂ ရက်နေ့ကမှ ထွက်ရှိလာပါတယ်။ ဗဲလ်ဘာဘာဆိုတဲ့ အလွတ်စုံထောက်တစ်ယောက်ကို ချမ်းသာတဲ့ မုဆိုးမကြီးတစ်ဦးက သူ့မြေးမလေး ပျောက်သွားတဲ့အတွက် ငှားရမ်းခဲ့ပါတယ်။ လူပျောက်မှုနောက်ကို လိုက်ရင်းကနေသာမန်ပျောက်ဆုံးတာ မဟုတ်ပဲ ချစားနေတဲ့ ရဲတွေ၊ ခရိုနီတွေ၊နိုင်ငံရေးသမားတွေနဲ့ လိင်ကိစ္စအရှုပ်အထွေးတွေကို သိလာရတဲ့အခါ ဗဲလ်ဘာဘာတစ်ယောက် အမှုကို ဘယ်လိုကိုင်တွယ်ဖြေရှင်းသွားမလဲဆိုတာကို စိတ်ဝင်စားဖွယ် ကြည့်ရမှာပါ။ ဇာတ်ကားအညွှန်းနဲ့ ဘာသာပြန်သူကတော့ Masuji Ono ဖြစ်ပါတယ်။

မိသားစုထဲမှာစိတ်ပျက်မှုတွေ အားငယ်မှုတွေ အဆင်မပြေမှုတွေ ဝမ်းနည်းမှုတွေကိုကြုံတွေ့နေရပါသလား။အဲ့ဒီအရာတွေအားလုံးကိုဖြေရှင်းနိုင်မဲ့ဖြေရှင်းနည်းရှိပါတယ်။အဲ့ဒီနည်းလမ်းလေးကိုသိချင်ရင်တော့ ဒီ My Big Fat Greek Wedding ဆိုတဲ့မိသားစုဇာတ်လမ်းလေးကိုကြည့်သင့်ပါတယ်။အခုကားလေးကတော့သုံးကားမြောက်ထွက်ရှိထားတာဖြစ်ပြီးတော့ရှေ့မှာနှစ်ကားထွက်ရှိထားပါတယ်။ဇာတ်လမ်းအကျဉ်းချုပ်ကတော့မကြာသေးခင်ကမှဖခင်ဖြစ်သူသေဆုံးသွားတဲ့အတွက်တူလာကအဖေ့ရဲ့နောက်ဆုံးဆန္ဒဖြစ်တဲ့သူ့ရဲ့မှတ်စုစာအုပ်ကို အဖေ့ရဲ့မွေးရပ်မြေကသူငယ်ချင်းတွေဆီကိုပြန်ပေးဖို့အတွက်ဂရိကိုသွားဖို့လုပ်ခဲ့ပါတော့တယ်။ဒါပေမယ့်တစ်ယောက်တည်းသွားတာမဟုတ်ပဲနဲ့မိသားစုတွေအားလုံးကိုခေါ်ပြီးတော့အတူတူအပန်းဖြေခရီးအနေနဲ့သွားကြမှာဖြစ်ပါတယ်။ဒီလိုနဲ့မတွေ့တာကြာတဲ့မိသားစုတွေလဲအတူတူပြန်လည်ဆုံစည်းပြီးတော့ခရီးထွက်တဲ့အခါပျော်ရွှင်မှုတွေကိုပြန်ခံစားလာရပါတော့တယ်။အချစ်ဇာတ်ကားဆိုတာမျိုးကိုကြည့်ပြီးပဲပြုံးရတာမဟုတ်ပါဘူး။ဒီလိုမိသားစုတွေကြားထဲကချစ်ခင်မှုတွေကိုကြည့်ရှုရင်းနဲ့လဲကိုယ့်ကိုပြုံးပျော်စေနိုင်ပါတယ်။ဒီကားလေးကိုကြည့်ခြင်းအားဖြင့်ကိုယ့်မှာရှိနေသေးတဲ့မိသားစုဝင်တွေကိုတန်ဖိုးထားချစ်ခင်တတ်လာပြီးပျော်ရွှင်စရာကောင်းတဲ့ဘဝလေးကိုပိုင်ဆိုင်လာနိုင်မှာပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်။

ခရစ်မှာ သိပ်ချစ်ရတဲ့ ရို့စ်ဆိုတဲ့လူဖြူကောင်မလေးရှိတယ်။ သူတို့နှစ်ယောက်လုံး တစ်ယောက်ကိုတစ်ယောက် သိပ်ချစ်ကြတယ်။ ဒါပေမဲ့ သူတို့နှစ်ယောက်က လူဖြူနဲ့လူမည်းဖြစ်နေတော့ မိဘတွေ သဘောမကျမှာကို ခရစ်က စိတ်ပူနေတယ်။ ဒါကြောင့် ရို့စ်က ဒီပိတ်ရက်မှာ ခရစ်ကို သူ့မိဘတွေနဲ့တွေ့ပေးဖို့ သူ့တို့မိဘအိမ်ကိုအလည်ခေါ်သွားခဲ့တယ်။ ရို့စ်တို့မိဘတွေက ခရစ်ကို ဖော်ဖော်ရွေရွေနဲ့ ကောင်းကောင်းမွန်ဆက်ဆံကြတယ်။ ဒါပေမဲ့ အဲဒီအိမ်မှာ ရှိတဲ့လူမည်းတွေက ထူးဆန်းနေတာကို ခရစ်တစ်ယောက်သတိထားမိသွားတဲ့အခါ......။ ဇာတ်လမ်းအညွှန်းနဲ့ ဘာသာပြန်သူကတော့ marip pan ဖြစ်ပါတယ်။

ဒီဇာတ်ကားလေးဟာ ကားပြိုင်ဂိမ်းသမားအဖြစ်ကနေ ကမ္ဘာ့အဆင့်ပြိုင်ကားသမားဖြစ်လာသူယန်းမာဒန်ဘိုရော့ရဲ့အကြောင်း ဖြစ်ရပ်မှန် ရုပ်ရှင်ဖြစ်ပါတယ်။ ဇာတ်လမ်းအကျဉ်းကတော့ ယန်းဟာ ငယ်ငယ်လေးကတည်း ကားပြိုင်တာကို အရမ်းဝါသနာပါပြီး သူ့ရဲ့အိပ်မက်ကတော့ ပြိုင်ကားမောင်းသမားဖြစ်ချင်တာပါ။ ဒါပေမဲ့ သူ့ရဲ့အိပ်မက်ကို သူ့မိဘတွေက အားမပေးခဲ့ပါဘူး။ ယန်းဟာ ဂရမ်းတာရစ်စမိုဆိုတဲ့ ကားပြိုင်ဂိမ်းကို အရမ်းနှစ်ခြိုက်ပြီးနေ့စဉ်နေတိုင်း ဆော့လာခဲ့ရာက တစ်နေ့မှာတော့ နစ်ဆန်ကားကုမ္ပဏီက ကားပြိုင်ဂိမ်းသမားတွေကို တကယ့်လက်တွေ့ဘဝမှာ ပြိုင်ကားမောင်းသင်ပေးပြီး ပြိုင်ပွဲမှာ အနိုင်ရရှိသူကို ဆုချီးမြင့်မယ့်အပြင် နစ်ဆန်အဖွဲ့ကိုပါ ဝင်ခွင့်ပေးမယ်လို့ ကားပြိုင်ဂိမ်းသမားတွေဆီ သတင်းစကားပေးလိုက်ပါတယ်။ အဲဒီတော့ ယန်းဟာ သူ့ရဲ့အိပ်မက်ကို အကောင်အထည်ဖော်ဖို့ ဒီအခွင့်အရေးကို အမိအရဆုပ်ကိုင်ပြီး အစွမ်းကုန်ကြိုးစားပါတော့တယ်။ ရည်မှန်းချက်ကြီးသူတစ်ယောက်ရဲ့ခံယူချက်တွေ၊ မိဘနဲ့သားသမီးကြားကနားလည်မှု၊ကားပြိုင်ပွဲပေါင်းများစွာကိုပါ တစ်ပါတည်းကြည့်ရှုခံရမယ့် ဇာတ်ကားကောင်လေးတစ်ကားဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ MCEC ဖြစ်ပါတယ်။

ဒီဇာတ်ကားလေးဟာ ကားပြိုင်ဂိမ်းသမားအဖြစ်ကနေ ကမ္ဘာ့အဆင့်ပြိုင်ကားသမားဖြစ်လာသူယန်းမာဒန်ဘိုရော့ရဲ့အကြောင်း ဖြစ်ရပ်မှန် ရုပ်ရှင်ဖြစ်ပါတယ်။ ဇာတ်လမ်းအကျဉ်းကတော့ ယန်းဟာ ငယ်ငယ်လေးကတည်း ကားပြိုင်တာကို အရမ်းဝါသနာပါပြီး သူ့ရဲ့အိပ်မက်ကတော့ ပြိုင်ကားမောင်းသမားဖြစ်ချင်တာပါ။ ဒါပေမဲ့ သူ့ရဲ့အိပ်မက်ကို သူ့မိဘတွေက အားမပေးခဲ့ပါဘူး။ ယန်းဟာ ဂရမ်းတာရစ်စမိုဆိုတဲ့ ကားပြိုင်ဂိမ်းကို အရမ်းနှစ်ခြိုက်ပြီးနေ့စဉ်နေတိုင်း ဆော့လာခဲ့ရာက တစ်နေ့မှာတော့ နစ်ဆန်ကားကုမ္ပဏီက ကားပြိုင်ဂိမ်းသမားတွေကို တကယ့်လက်တွေ့ဘဝမှာ ပြိုင်ကားမောင်းသင်ပေးပြီး ပြိုင်ပွဲမှာ အနိုင်ရရှိသူကို ဆုချီးမြင့်မယ့်အပြင် နစ်ဆန်အဖွဲ့ကိုပါ ဝင်ခွင့်ပေးမယ်လို့ ကားပြိုင်ဂိမ်းသမားတွေဆီ သတင်းစကားပေးလိုက်ပါတယ်။ အဲဒီတော့ ယန်းဟာ သူ့ရဲ့အိပ်မက်ကို အကောင်အထည်ဖော်ဖို့ ဒီအခွင့်အရေးကို အမိအရဆုပ်ကိုင်ပြီး အစွမ်းကုန်ကြိုးစားပါတော့တယ်။ ရည်မှန်းချက်ကြီးသူတစ်ယောက်ရဲ့ခံယူချက်တွေ၊ မိဘနဲ့သားသမီးကြားကနားလည်မှု၊ကားပြိုင်ပွဲပေါင်းများစွာကိုပါ တစ်ပါတည်းကြည့်ရှုခံရမယ့် ဇာတ်ကားကောင်လေးတစ်ကားဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ MCEC ဖြစ်ပါတယ်။

ဖြစ်ရပ်မှန်ဇာတ်လမ်းတစ်ပုဒ်ကိုမှပုံမှန်မြင်တွေ့နေကျပုံစံမျိုးနဲ့မဟုတ်ပဲထူးထူးဆန်းဆန်း Story Telling ပုံစံလေးနဲ့ရိုက်ကူးထားတဲ့စိတ်ဝင်စားစရာကောင်းတဲ့ The Wonderful Story Of Henry Sugar ဆိုတဲ့ဇာတ်ကားလေးကိုတင်ဆက်ပေးလိုက်ပါတယ်။Doctor Strange , Sherlock Holmes တို့လိုနာမည်ကြီးဇာတ်ကောင်တွေနေရာမှာသရုပ်ဆောင်ခဲ့တဲ့ Benedict Cumberbatch ကအဓိကသရုပ်ဆောင်ထားပါတယ်။ဇာတ်ကားလေးရဲ့နာမည်အတိုင်းပဲဟန်နရီရှူးဂါးဆိုတဲ့လူတစ်ယောက်ရဲ့အံ့သြဖွယ်ရာဇာတ်လမ်းတစ်ပုဒ်ကိုမြင်တွေ့ရမှာပဲဖြစ်ပါတယ်။ဇာတ်လမ်းအကျဉ်းချုပ်လေးကတော့ဟန်နရီရှူးဂါးဆိုတဲ့သူဌေးတစ်ယောက်ကကွယ်လွန်သွားတဲ့အဖေဖြစ်သူရဲ့စည်းစိမ်တွေနဲ့ချမ်းသာနေတဲ့လူတစ်ယောက်ပဲဖြစ်ပါတယ်။ဒါပေမယ့်တခြားသူဌေးတွေထုံးစံအတိုင်းရလေလိုလေအိုတစ္ဆေဆိုသလိုသူ့ရဲ့ပိုက်ဆံတွေပိုပိုရချင်စိတ်ကထိန်းသိမ်းလို့မရနိုင်ပါဘူး။ဒီလိုနဲ့တစ်နေ့မှာတော့မိတ်ဆွေတစ်ယောက်အိမ်သွားလည်ရင်းစိတ်ဝင်စားစရာစာအုပ်လေးတစ်အုပ်ကိုတွေ့ခဲ့ရပါတယ်။အဲ့ဒီစာအုပ်ထဲမှာလဲနောက်ထပ်စိတ်ဝင်စားစရာအကြောင်းအရာတွေရှိနေပြီးအဲ့ဒီစာအုပ်ကိုဖတ်ပြီးတဲ့အချိန်မှာသူ့ဘဝပြောင်းလဲသွားခဲ့ပုံတွေကိုပြန်လည်ရိုက်ကူးထားတာပဲဖြစ်ပါတယ်။ကိုယ်တိုင်ပဲစီးမျောကြည့်ရှုမှကောင်းမဲ့ဇာတ်လမ်းလေးဖြစ်တာမို့ကြည့်ဖြစ်အောင်ကြည့်သင့်တဲ့ဇာတ်ကားလေးတစ်ကားဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်။

တရုတ်နန်းတွင်းသိုင်းကားတွေကြိုက်နှစ်သက်တဲ့သူတွေအတွက် Creation of the Gods I: Kingdom of Storms ဆိုတဲ့ IMDB မှာ Rating 7.4 တောင်ရထားတဲ့ဇာတ်ကားကိုတင်ဆက်ပေးလိုက်ပါတယ်။ဇာတ်လမ်းအမျိုးအစားကတော့စိတ်ကူးယဉ် ဒရာမာအမျိုးအစားပဲဖြစ်ပါတယ်။ဇာတ်ကားနာမည်အတိုင်းမိုးနတ်မင်းကြီးတွေကကမ္ဘာပေါ်မှာအကျင့်ဖောက်ပြားတဲ့ဘုရင်တစ်ယောက်အုပ်စိုးနေတဲ့အတွက် သဘာဝဘေးအန္တရာယ်တွေကပ်ဆိုးတွေကိုဖန်တီးထားပါတယ်။ဒီလိုကပ်ဆိုးတွေကိုဖယ်ရှားဖို့အတွက်နတ်ကျမ်းစာကိုကမ္ဘာကြီးရဲ့စစ်မှန်တဲ့အုပ်ချုပ်သူကသာဖွင့်ပြီးတော့ဖယ်ရှားရမှာဖြစ်ပါတယ်။ဒီလိုပျက်စီးနေတဲ့ကမ္ဘာကြီးမှာအဲ့လိုစစ်မှန်တဲ့အုပ်ချုပ်သူတစ်ယောက်ကိုရှာတွေ့ဖို့ဆိုတာကခက်ခဲပါတယ်။နောက်ပိုင်းမှာလဲနတ်ဆိုးတွေပါပါဝင်လာပြီးနတ်ကျင့်စဉ်ကျင့်တဲ့သူတွေနဲ့စစ်တပ်တွေကြားတိုက်ခိုက်ပုံတွေနဲ့တိုင်းပြည်ကိုသာယာဝပြောအောင်ပြန်လုပ်ပုံတွေကိုစိတ်ဝင်တစားကြည့်ရှုရမဲ့ဇာတ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်။

Carry on Jatta Season 1,3 ကိုတင်ဆက်ပေးထားပြီး အခုတစ်ခေါက်ကတော့ 2018ကထွက်ရှိခဲ့တဲ့ Season 2 လေးကို ခံစားရမှာပါ။ ဘဝအမောတွေကို ပြေပျောက်စေပြီး ဟားတိုက်ရယ်မောရမယ့် ဇာတ်လမ်းလေးဖြစ်တဲ့အတွက်ဟာသဇာတ်လမ်းတွဲကြိုက်တဲ့သူတွေအတွက် အဆင်ပြေစေမဲ့ ဇာတ်လမ်းလေးပဲ ဖြစ်ပါတယ်။ ဇာတ်လမ်းအကျဉ်းလေးကတော့ ရွတ်နောက်နောက် ‌သုံးယောက်ပေါင်းလောင်းကျော်အဖွဲ့ ဂျက်စ်, ဂိုဒီနဲ့ ဟန်နီ.... ဂျက်စ်ရဲ့ ကနေဒါကို သွားချင်တဲ့အိပ်မက်တွေလက်တွေ့ဖြစ်လာဖို့ ကနေဒါသူလေးကို ရှာပြီး လက်ထပ်ဖို့ ကြံနေတဲ့ ဂျက်စ်။ တစ်နေ့မှာတော့ ကနေဒါသူလေးနဲ့ ရည်စားဖြစ်ဖို့အတွက် တစ်ကောင်ကြွက်ဘဝကနေ ဆွေးမျိုးအသိုင်းအဝန်းများတဲ့သူအဖြစ်ဟန်ဆောင်ခဲ့ပါတယ်။ ဒီကနေ လက်ထပ်ဖို့ အဆင့်တက်လာတော့ သူငယ်ချင်းဂိုဒီနဲ့ မိသားစုတွေနဲ့ သွားရှုပ်မိတဲ့အခါမှာတော့..... ဒီကနေ ကနေဒါသူလေးကို လက်လွှတ်လိုက်ရမလား ဘယ်လိုမျိုး မနိုင်စိန်အကွက်တွေကို ဖန်တီးကြဦးမလဲဆိုတာကို ကြည့်ရှုလိုက်ကြရအောင်ပါ။ ဒီဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

ပီဂျေနဲ့ ဂျိုဇီဆိုတဲ့ အချစ်ဆုံးသူငယ်ချင်းနှစ်ယောက်ဟာ Queer တွေ ဖြစ်ကြပြီးတော့ ကျောင်းမှာ အနှိမ်ခံ၊ အပယ်ခံတွေ ဖြစ်ကြပါတယ်။ ဘယ်ပွဲကိုမှမတက်ပဲ ရှောင်ခဲ့တဲ့ သူတို့နှစ်ယောက်ဟာတစ်ရက်မှာတော့ ကျောင်းပွဲတစ်ခုကို သွားတက်ဖြစ်ကြရင်းက သူတို့ကျောင်းရဲ့ အချစ်တော် နာမည်ကြီးဘောလုံးကစားသမားကို ဒဏ်ရာရသွားအောင် မတော်တဆ ကားနဲ့တိုက်မိလိုက်ကြပါတော့တယ်။ အကြောင်းကြောင်းကြောင့် အဖွဲ့တစ်ခု ကို ထောင်မိလိုက်ရာကနေ ကျောင်းမှာလူသိမများတဲ့ သူတို့နှစ်ယောက် ဟာ နေ့ချင်းညချင်း ဆယ်လီတွေ ဖြစ်လာ ကြပါတော့တယ်။ အဖွဲ့ထောင်တဲ့ ရည်ရွယ်ချက်ကလည်း သူတို့နှစ်ယောက်ရဲ့ အပျိုရည်ကို သူတို့ Crush နေတဲ့ ပန်းပွှားအကမယ်တွေဆီမှာပေးဆပ်ချင်လို့ပါတဲ့။ သူတို့ရည်ရွယ်ချက် အောင်မြင်ပါ့မလားဆိုတာကိုတော့..... 2023 March ကမှ ထွက်ရှိထားတဲ့ ဒီ အမေရိကန် ဟာသကားကတော့ IMDB Rating 7.2ထိရရှိထားတာပါ။ ဇာတ်ကားအညွှန်းနဲ့ ဘာသာပြန်သူကတော့ Masuji Ono ဖြစ်ပါတယ်။

နိုင်ဂျီးရီးယားက မင်းမဲ့ဆန်ဆန် အာဏာရှင်တွေကြောင့် သားဖြစ်သူဆုံးရှုံးလိုက်ရတဲ့ သင်းအုပ်ဆရာအကြောင်းကို ဆို့နင့်ဖွယ် ခံစားရမယ့် အက်ရှင်ကားကောင်းပါ။ ပေါဟာ အတိတ်က သူကျူးလွန်ခဲ့တဲ့အပြစ်တွေအတွက် သင်းအုပ်ဆရာလုပ်နေပြီး သားဖြစ်သူနဲ့အတူ အေးအေးချမ်းချမ်းနေခဲ့ပါတယ်။ ဒါမယ့်သားဖြစ်သူက ပြန်ပေးဆွဲမှုတစ်ခုကို ကြိုးကိုင်တယ်လို့ ထောင်ချောက်ဆင်ခံရပြီး ရဲတွေသတ်တာခံလိုက်ရပါတယ်။ သားအတွက်တရားမျှတမှုယူပေးဖို့ ပေါက သူ့အတိတ်ကိုပြန်လှန်ပြီး ကြိုးပမ်းပါတော့တယ်။ ပေါဖုံးကွယ်ထားတဲ့ သူ့အတိတ်ဘ၀က ဘယ်လိုမျိုးလဲ ဘယ်လိုအပြစ်တွေ သူကျူးလွန်ခဲ့တာလဲ သူမှတ်တမ်းလုပ်ခဲ့တဲ့ The Black Book မှာရော ဘယ်လို အဖြစ်မှန်တွေပါတာလဲ... အတိတ်က အပြစ်တွေက ပ္ပစ္စုပန်က ပေါကို ဘယ်လိုသက်ရောက်စေမလဲဆိုတာ.... ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်။

နတ်သူငယ်တွေ လူပုတွေ မှော်ဆရာတွေ ဘီလူးတွေပါဝင်တဲ့ Lord Of The Rings လိုစိတ်ကူးယဉ်ရုပ်ရှင်တွေထဲမှာ Hobbit ကလဲအကောင်းဆုံးရုပ်ရှင်တွေထဲမှာပါပါတယ်ပြီးတော့အဲ့ဒီရုပ်ရှင်နှစ်ခုကလဲစစချင်းတုန်းမှာသိပ်မဆက်နွယ်ပေမဲ့နောက်ပိုင်းမှာဆက်နွယ်လာကြပါတယ်။အခုတင်ဆက်ပေးမဲ့ကားလေးကလဲ Hobbit ရဲ့သုံးကားမြောက်ဖြစ်တဲ့ The Hobbit: The Battle of the Five Armies ပဲဖြစ်ပါတယ်။ဇာတ်လမ်းအကျဉ်းချုပ်ကတော့အယ်ရီဘော်လို့ခေါ်တဲ့ရွှေတွေအကန့်အသတ်မရှိတည်ရှိနေတဲ့တောင်ကြီးမှာစမောက်လို့ခေါ်တဲ့နဂါးကြီးကကြီးစိုးနေပါတယ်။အဲ့ဒီနဂါးကြီးကိုလူပုတွေကပိုင်ဆိုင်ခဲ့တာဖြစ်ပြီးနဂါးကြီးလက်ထဲကပြန်လည်သိမ်းယူဖို့ကြိုးစားခဲ့ပါတယ်။ဒီလိုနဲ့ရေကန်မြို့နေလူသားတစ်ယောက်ဖြစ်တဲ့ဘာ့ဒ်ကနဂါးကြီးကိုနှိမ်နှင်းပြီးတဲ့နောက်မှာလူပုတွေကလဲတောင်ကြီးမှာပြန်စိုးစံနေကြပါတော့တယ်။ဒါပေမယ့်အဲ့ဒီတောင်ကလူပုတွေရဲ့ခေါင်းဆောင်ဖြစ်တဲ့သော်ရင်းကသူတို့ကိုဆုလာဘ်ပေးမယ်လို့ကတိပေးခဲ့ပြီးမှရွှေငွေစည်းစိမ်တွေကြောင့်ယစ်မူးသွားပြီးကတိဖျက်ခဲ့ပါတော့တယ်။အဲ့ဒီအချိန်မှာနတ်သူငယ်ဘုရင်ကလဲအဲ့ဒီရတနာတွေထဲမှသူပိုင်ဆိုင်တဲ့ရတနာတွေကိုပြန်ယူဖို့လာခဲ့ပါတော့တယ်။ဒီလိုနဲ့စစ်တွေဖြစ်ကုန်ကြပြီးတခြားအဲ့ဒီရတနာတွေကိုလိုချင်နေပေမဲ့နဂါးရှိနေလို့မလာရဲတဲ့စစ်တပ်တွေကပါလာကြပါတော့တယ်။ဒီလိုနဲ့စစ်တပ်ငါးခုဆုံမိသွားကြပြီးတော့တောင်ကြီးကိုနောက်ဆုံးမှာဘယ်သူကသိမ်းပိုက်နိုင်သွားမလဲဆိုတာကိုစိတ်ဝင်စားစွာကြည့်ရှုရမှာပဲဖြစ်ပါတယ်။ ဒီဇာ

Hobbit 2 မှာကတော့ တောင်အောက်ဘုရင် သရိန်းရဲ့သားတော် သော်ရင်းက သူတို့တိုင်းပြည်ကို ခိုးယူသွားတဲ့နဂါးကြီးဆီကနေ သူတို့တိုင်းပြည်ကို ပြန်ပြီးအရယူဖို့ကြိုးစားမှာဖြစ်ပါတယ်။ ဘယ်သူမှအနိုင်မယူနိုင်တဲ့ နဂါးကြီးကို အနိုင်တိုက်ဖို့ သော်ရင်းရယ် ဟော့ဘစ်ရယ် လူပုအဖွဲ့ရယ် မှော်ဆရာဂန်းဒပ်ဖ်တို့ ဘယ်လိုစွန့်စားပြီး ဘယ်လောက်ကြီးမားတဲ့အန္တရာယ်တွေကို ရင်ဆိုင်ရမလဲဆိုတာကို ကြည့်ရှုခံစားကြည့်လိုက်ပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Marip Pan ဖြစ်ပါတယ်

တစ်ချိန်တုန်းက လူကြိုက်များခဲ့တဲ့ Hobbit ရဲ့ ပထမဆုံးဇာတ်ကားလေးနဲ့ မိတ်ဆက်ပေးချင်ပါတယ်။ ဇာတ်လမ်းအကျဉ်းကတော့ အထီးကျန်တောင်ကြီးမှာရှိတဲ့ အဲရစ်ဘော်ဆိုတဲ့တိုင်းပြည်ကို လူပုဘုရင်ကြီးသရောကအုပ်စိုးနေပါတယ်။ သူတို့ရဲ့မြို့အောက်မှာ အဖိုးထိုက်တန်လှတဲ့ ရွှေသတ္တုကျောကြီးတွေနဲ့ ကျောက်သံပတ္တမြားတွေကြောင့် အကြွယ်ဝဆုံးတိုင်းပြည်တစ်ခု ဖြစ်နေခဲ့ပြီး တခြားမျိုးနွယ်စုတွေရဲ့ခေါင်းဆောင်တွေက နှစ်စဉ်နှစ်တိုင်း လက်ဆောင် ပဏ္ဍာတွေဆက်သရနေရတဲ့ တိုင်းပြည်ကြီးတစ်ခုပေါ့။ ဒါပေမဲ့ အဲဒီကြွယ်ဝမှုကပဲ အဲရစ်ဘော်မြို့လေးကို အဆုံးသတ်စေခဲ့ပါတယ်။ အကြောင်းအရင်းကတော့ ဘုရင်ကြီးသရောဟာ ရွှေတွေအပေါ်အရမ်းစွဲလမ်းတက်မက်နေခဲ့ပြီး စိတ်လွှတ်သွားကာ ရတနာပစ္စည်းတွေကြောင့် တခြားမျိုးနွယ်စုတွေနဲ့ မိတ်ပျက်သွားခဲ့ပါတယ်။ တစ်နေ့မှာတော့ စမာ့ဂ်နဂါးကြီးဟာ အဲရစ်ဘော်မြို့ကိုတိုက်ခိုက်ခဲ့ပြီး ကြွယ်ဝမှုတွေအားလုံးကို အပိုင်စီးသွားပါတော့တယ်။ လူပုတွေဟာ နဂါးကြီးကို မတွန်းလှန်နိုင်တဲ့အတွက် မြို့ကိုစွန့်ခွာထွက်ပြေးခဲ့ရသလို မိတ်ဖက်မျိုးနွယ်စုတွေဆီကလည်း ဘာအကူအညီမှ မရခဲ့ပါဘူး။ ဒီလိုနဲ့ နှစ်ပေါင်း၆၀ကြာပြီးနောက်မှာ ဘုရင်ကြီးသရောရဲ့သားတော် သောရင်အော်ကန်ရှီးဟာ အဲရစ်ဘော်မြို့ကို ဟော့ဘစ်တစ်ယောက်ရဲ့အကူအညီနဲ့ ပြန်လည်သိမ်းပိုက်ဖို့ စွန့်စားခရီးတစ်ခုကို စတင်ခဲ့ပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ MCEC ဖြစ်ပါတယ်

၂၀၁၅ ခုနှစ်ကထွက်ရှိခဲ့တဲ့ Crime, Drama အမျိုးအစား မှုခင်းစုံထောက်ဇာတ်ကားလေးနဲ့မိတ်ဆက်ပေးချင်ပါတယ်။ ဇာတ်လမ်းအကျဉ်းကတော့ မကြာခင်လက်ထပ်တော့မယ့် ချစ်သူစုံတွဲတစ်တွဲဟာ အဝေးပြေးလမ်းပေါ်မှာ ကားမောင်းရင်းစကားများရန်ဖြစ်ပြီး ကောင်မလေးက ကားပေါ်ကနေဆင်းသွားခဲ့သလို ကောင်လေးကလည်း စိတ်ဆိုးပြီး ကားမောင်းထွက်သွားခဲ့ပါတယ်။ ဒါပေမဲ့ ကောင်လေးက ပြန်လာရှာတဲ့အချိန်မှာ ကောင်မလေးကိုရှာမတွေ့တော့ပါဘူး။ တကယ်တော့ စိတ်ဆိုးပြီးတစ်ယောက်တည်း လမ်းလျှောက်ထွက်လာခဲ့တဲ့ကောင်မလေးကိုလူသတ်သမားတစ်ယောက်က သတ်ပစ်လိုက်တာပါ။ ကောင်လေးက သူ့ကောင်မလေးဒီလိုအဖြစ်ဆိုးနဲ့ကြုံရတာ သူ့ကြောင့်ဆိုပြီး လူသတ်သမားကိုလည်း လုံးဝအခဲမကြေခဲ့ပါဘူး။ ၁၀နှစ်ကြာပြီးနောက်မှာ လူသတ်သမားရဲ့သမီးဖြစ်သူက သူ့ရဲ့အတန်းကို ကျောင်းသူအနေနဲ့ရောက်လာခဲ့ပါတယ်။ အဲဒီတော့ သူ ၁၀နှစ်လုံးလုံးခံစားခဲ့ရတဲ့စိတ်ဒဏ်ရာတွေနဲ့ လူသတ်သမားရဲ့သမီးကို ဘယ်လိုလက်စားပြန်ချေမလဲဆိုတာ စိတ်ဝင်တစားကြည့်ရှုခံစားရမယ့် ဇာတ်ကားလေးဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ MCEC ဖြစ်ပါတယ်။

မင်းသားကြီး Nicolas Cage ပုဂ္ဂလိကစုံထောက်တွမ်ဝဲလ်စ်အဖြစ် ပါဝင်ထားတဲ့ မှုခင်းကားဖြစ်ပါတယ်။ တွမ်မှာ ဇနီးနဲ့သမီးလေးရှိပြီး စုံထောက်အလုပ်နဲ့ ပျော်ရွှင်ဖွယ်ဘ၀ကို ပိုင်ဆိုင်ထားပါတယ်။ ဂုဏ်သိက္ခာရှိတဲ့ အိမ်တော်က မစ်စ်ခရစ်ရှန်က သူ့ခင်ပွန်းဆုံးသွားပြီးတော့ လျှို့ဝှက်ပစ္စည်းတွေ ရှာကြည့်ရာကနေ ကြောက်စရာ snuff film ကားတစ်ကားကို ကြည့်မိသွားပါတယ်။ ရုပ်ရှင်က မိန်းကလေးတစ်ယောက်ကို ရက်ရက်စက်စက်လှီးဖြတ်သတ်ပစ်တဲ့ sex tape လိုကားပါ။ ဇာတ်ကားက အရမ်းလက်တွေ့မှာဖြစ်နေသလိုခံစားရတဲ့အတွက် ဒီရုပ်ရှင်က အပြင်မှာဖြစ်ခဲ့တာ ဟုတ်မဟုတ် တွမ်ကို စုံထောက်ခိုင်းဖို့ ငှားလိုက်တဲ့အခါ.... ရုပ်ရှင်ထဲက မိန်းကလေး ဘယ်သူလဲ ဆိုတာသိရဖို့ ပျောက်သွားတဲ့မိန်းကလေးတွေ စုံစမ်းရင်း ရုပ်ရှင်ရိုက်ခဲ့တဲ့သူတွေ အထဲမှာပါတဲ့သူတွေကိုပါ သိရဖို့ Porn လောကထဲ snuff film လောကထဲ ၀င်စုံစမ်းရတဲ့အခါ.... ဒီရုပ်ရှင်ကို ဖန်တီးခဲ့တဲ့သူတွေ က ဘယ်သူ‌တွေလဲ သေသွားတဲ့ မစ်စတာခရစ်ရှန်က ဒီရုပ်ရှင်နဲ့ ဘယ်လိုပတ်သက်နေတာလဲ...သေသွားတဲ့မိန်းကလေးအတွက် တရားမျှတမှုပြန်ယူပေးနိုင်ပါ့မလားဆိုတာ... လိင်စိတ်ပြင်းပြတဲ့ လူယုတ်မာနှာဘူးတွေရဲ့ ထူးထူးဆန်းဆန်းအာသာဖြေပုံတွေကို စက်ဆုပ်ဖွယ် သိရမှာပါ။ ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်။

အမေရိကန်မှာ ဆေးလွန်ပြီးသေတဲ့သူအရည်အတွက်က တစ်နှစ်ကိုအယောက်တစ်သိန်းကျော်လောက်ရှိပါတယ်။ အဲဒီထဲမှာမှ ၆၅% က ဖန်တနိုင်းဆိုတဲ့ဆေးကြောင့် သေကြတာပါ။ အရင့်အရင်ကမကြားစဖူး အလယ်တန်းအရွယ် ကျောင်းသားငယ်ငယ်လေးတွေ သေတာလည်း ဒီနှစ်ထဲမှာမနည်းမနှောပါ။ ဒီဖြစ်ရပ်တွေပေါ် အခြေခံပြီး နှစ်နှစ်လောက်ပျောက်နေတဲ့ အကယ်ဒမီနှစ်ဆုရှင်မင်းသမီးကြီး Hilary Swank ကို ပြန်မြင်လိုက်ရတဲ့ ရုပ်ရှင်ပါပဲ။ လာမယ့် ၂၀၂၄ ဖေဖော်ဝါရီမှာလည်းတစ်ကားထပ်ထွက်ဖို့ ရှိသေးတယ်လို့ သိရပါတယ်။ အခု ၂၀၂၃ မှာ ထွက်ရှိလာတဲ့ The Good Mother ဇာတ်ကားကတော့ Crime, Drama, Mystery ဇာတ်ကားအမျိုးအစားဖြစ်ပါတယ်။ နယူးယောက်ပြည်နယ်ထဲက မြို့ငယ်လေးတစ်မြို့မှာ ရှိတဲ့ သတင်းစာဆရာမတစ်ဦးဖြစ်သူ မာရစ်ဆာ ဟာ သူမနဲ့ သိပ်မနေမနှီးတဲ့ သားတစ်ယောက်ကို ဆုံးရှူံးလိုက်ရပါတယ်။ သားရဲ့ရည်းစားဖြစ်သူ ပေ့ဂျ်ဆိုတဲ့ ကောင်မလေးနဲ့ မာရစ်ဆာတို့ဟာ တစ်ဦးကိုတစ်ဦး မနှစ်သက်ကြပေမယ့် ဆုံးသွားတဲ့သူကို သတ်သွားတာ ဘယ်သူလဲဆိုတာကို ဖော်ထုတ်ဖို့အတွက်ယာယီလက်တွဲလိုက်ပါတယ်။ ပေ့ဂျ်က ဆုံးသွားတဲ့ သားရဲ့ ကိုယ်ဝန်ကို လွယ်ထားရတာပါ။ တွေ့ရှိတဲ့သဲလွန်စနောက်ကို လိုက်ရင်းနဲ့ သူတို့နှစ်ယောက်ဟာ အမှန်တရားနဲ့ နီးကပ်လာလေလေ ပိုပြီးနက်ရှိုင်းတဲ့လျို့ဝှက်ချက်တွေကို သိလာလေလေ ဖြစ်လာပါတော့တယ်။ မူးယစ်ဆေးဝါးတွေ ချစားမှုတွေနဲ့ ရှုပ်ထွေးပွေလှီနေတဲ့ မြေအောက် လောကထဲမှာ သူတို့ လူသတ်တရားခံအစစ်ကိုရှာတွေ့ပါ့မလားဆိုတာကို ရင်မောဖွယ်ကြည့်ရှုရမ

ဇာတ်ကားလေးက Comedy, Mystery အမျိုးအစားဖြစ်ပြီး ၁၉၃၁ခုနှစ်တုန်းက မန်ကျွန်းမှာဖြစ်ပျက်ခဲ့တဲ့ ဖြစ်ရပ်မှန်ကိုအခြေခံပြီး ရိုက်ကူးတင်ဆက်ထားတာပါ။ ဇာတ်လမ်းအကျဉ်းကတော့ ဒေါက်တာဖိုဒိုဟာ သဘာဝလွန်စိတ်ပညာရှင်တစ်ယောက် ဖြစ်ပါတယ်။ သူဟာ ဖြေရှင်းလို့မရတဲ့သဘာဝလွန်အဖြစ်အပျက်တွေကို စုံစမ်းဖော်ထုတ်ပြီး သိပ္ပံနည်းကျဖြေရှင်းချက်ပေးနိုင်အောင် အမြဲကြိုးစားနေတဲ့သူပေါ့။ တစ်နေ့မှာတော့ သူ့ဆီကို ထူးဆန်းတဲ့စာတစ်စောင် ရောက်လာခဲ့ပါတယ်။ စာထဲမှာပါတဲ့အကြောင်းအရာကတော့ အာဗင်းလို့ခေါ်တဲ့လယ်သမားဆီမှာ လူလိုစကားပြောတတ်တဲ့ ဂက်ဖ်လို့ခေါ်တဲ့မြွေပါလေးရှိနေဆိုတာပါပဲ။ ဒီလိုနဲ့ ဒေါက်တာဖိုဒိုက အဲဒီကိစ္စကို အရမ်းစိတ်ဝင်စားသွားပြီး အာဗင်းမိသားစုနေထိုင်ရာမန်ကျွန်းကို သူ့ရဲ့လက်ထောက်နဲ့အတူသွားဖို့ ဆုံးဖြတ်လိုက်ပါတော့တယ်။ အဲဒီတော့ ဒေါက်တာဖိုဒိုဟာ စကားပြောတတ်တဲ့မြွေပါလေးကိစ္စကို ဘယ်လိုစုံစမ်းစစ်ဆေးပြီးသိပ္ပံနည်းကျ ဘယ်လိုဖြေရှာမလဲဆိုတာကို စိတ်ဝင်တစားကြည့်ရှုခံစားရမယ့် ဇာတ်ကားလေးဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ MCEC ဖြစ်ပါတယ်။

ဂျော့ရှ်နဲ့ အမ်မာဆိုတဲ့ လင်မယားနှစ်ယောက်ရှိတယ်။ သူတို့မှာ သမီးလေးနှစ်ယောက်လည်း ရှိတယ်ပေါ့။ သူတို့နှစ်ယောက်က ငယ်လင်ငယ်မယားတွေ။ သူငယ်ချင်းဘဝကတည်းကနေ ချစ်ပြီးကြိုက်ပြီး အိမ်ထောင်ကျ၊ ကလေးတွေ ဘာတွေ ရလာခဲ့တာ။ အိမ်ထောင်သက်တမ်း ၁၀ နှစ်ကျော်ထိ အသက် အရွယ်တစ်ခုကိုတူတူကြီးပျင်းဖြတ်သန်းခဲ့ကြပြီးတဲ့နောက်မှာတော့ မိဘအဖြစ်နဲ့ ပျိုးထောင်ပြုစုရတာရဲ့ ပင်ပန်းမှုတွေ၊ အသက်အရွယ်အရ အရင်လို မနုပျိုမလန်းဆန်းနိုင်တော့တာတွေကနေ စိတ်ဖိစီးမှုတွေဝင်ပြီးလိင်မှုဘဝတွေကိုပါ ထိခိုက်လာပါတော့တယ်။ သမီးလေးနှစ်ယောက်ကို တစ်ပတ်တိတိ ညအိပ်စခန်းချအစီအစဉ်တစ်ခုကိုပို့လိုက်ရတဲ့အပတ်မှာတော့ သူတို့နှစ်ယောက်လုံး စိတ်လွတ်လူလွတ်လို ဖြစ်သွားကြတာပေါ့။ တစ်စတစ်စ ပျက်ဆီးယိုယွင်းလာတဲ့ သူတို့ရဲ့ အိမ်ထောင်သည်ဘဝဆက်ဆံရေးကိုပြန်လည်တည်ဆောက်နိုင်ဖို့အတွက် တစ်ပတ်တိတိ အချိန်အတွင်းမှာ အားထုတ်ကြိုးပမ်း ကြရင်းနဲ့ သူတို့အကြားမှာ အချစ်တွေ ရပ်တန့်သွားပြီလားလို့ ထင်လာမိကြတယ်။ သူတို့မှာ အချစ်တွေရော ရှိသေးရဲ့လား၊ သူတို့အကြားဆက်ဆံရေးကို ဘယ်လို အကောင်းဆုံးပြန်လည်ကြိုးစား တည်ဆောက်ကြမှာလဲ။ 2022 ခုနှစ်ကထွက်ရှိထားတဲ့ Romance, Comedy, Drama အမျိုးအစား ဒီဇာတ်ကားဟာ ဘဝရဲ့ စိတ်ဖိစီးမှုတွေကြားက ဖြစ်တတ်တဲ့ အကြောင်းတွေကို ရယ်စရာလေးနှောပြီး တင်ပြထားတာ ဖြစ်ပါတယ်။ အိမ်ထောင်သည်တွေရဲ့ လိင်မှုဘဝဆက်ဆံရေးအကြောင်း ပြဿနာတွေကို တင်ပြထားတာမို့ အသက်အရွယ် သတ်မှတ်ချက် သတိပြု ကြည့်ရှုအာ

ဒီတစ်ခေါက် ဇာတ်ကားလေးကတော့ 2020မှာ ထွက်ရှိခဲ့တဲ့ romance action ကိုရီးယားဇာတ်ကားကောင်းလေးပဲ ဖြစ်ပါတယ်။ ချစ်သူကို ဆုံးရှုံးခဲ့ရလို့ စိတ်ခံစားချက်တွေရှိနေတဲ့ ဟန်ဆူဝမ်က တစ်နေ့မှာ အဖေ့ရဲ့ လုပ်ငန်းစုကို သူများလက်ထဲ မပါအောင် ကြိုးစားနေတဲ့ လီရယ်ဂျင်း ကို ကူညီကယ်တင်ပေးရင်း တွေ့ဆုံခဲ့ပါတယ်။ လီရယ်ဂျင်းကို ကာကွယ်စောင့်ရှောက်ပေးရင်း ထယ်ဂျင်းလုပ်ငန်းစုကို သူများလက်ထဲမပါသွားအောင် ကာကွယ်နိုင်မလား‌ဆိုတာ ဒီဇာတ်ကားလေးမှာ ကြည့်ရှုရမှာပဲ ဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

အခုတစ်ခေါက်မှာတော့ လိင်အင်္ဂါပြောင်းမိန်းမလျာတစ်ယောက်ရဲ့ အက်ရှင်တွေကို ကြည့်ရှူရမှာပဲ ဖြစ်ပါတယ်။ အလောင်းတွေ‌ ပျောက်ဆုံးမှုနဲ့အတူ ရဲတွေရဲ့ရုတ်တရက်ဝင်ရောက်စစ်ဆေးခြင်းတွေ ရှိလာတဲ့ အခါမှာ ဒေလီမြို့ကို ပြောင်းရွှေ့လာခဲ့တဲ့ Haddi.... နျူကလီးယားဗုံးပေါက်ရင်တောင် ပိုးဟတ်တွေပဲ အသက်ရှင်နိုင်လို့ ပိုးဟပ်လို့ တင်စားခြင်းခံရတဲ့ မသေမျိုးHaddi .... ဒေလီက နာမည်ကြီးလူတစ်စုနဲ့ ပတ်သက်ဖို့အတွက် အတင်းကြိုးစားနေတဲ့ အဲဒီ Haddi ရဲ့ ဦးတည်ချက်နဲ့ အကြောင်းရင်းက ဘာတွေဖြစ်မလဲ ... ဒါ့အပြင် အလောင်းပျောက်ဆုံးမှုကနေဘယ်လိုထူးဆန်းတဲ့ပြစ်မှုတွေကို သယ်ဆောင်လာမလဲဆိုတာတွေကို စိတ်ဝင်စားစွာ ကြည့်ရှုခံစားလိုက်ပါစို့... ဒီဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

ဒီတစ်ခေါက်မှတော့ တအားရယ်ရတဲ့ဟာသဇာတ်မြူးကားလေးဖြစ်တဲ့ "Carry on Jatta"ဆိုတဲ့ကားလေးကို တင်ဆက်ပေးလိုက်ပါတယ် ဂျက်စ်ဆိုတဲ့ကောင်လေးဟာ သူငယ်ချင်းဖြစ်သူရဲ့မင်္ဂလာဆောင်ကိုလာရင်း မာဟီဆိုတဲ့မိန်းမပျိုလေးကိုမြင်မြင်ချင်း ချစ်မိသွားပါလေတယ် သို့ပေမဲ့ မိသားစုမရှိတဲ့ကောင်လေးကိုပဲ လက်ထပ်မယ်ဆိုတဲ့မာဟီ့စကားကြောင့် သူ့မှာတော့အသက်ရှင်လျက်ရှိနေတဲ့ အဖေ အစ်ကိုနဲ့ မရီးတို့ကိုဖုံးကွယ်ကာ သူ့ကိုယ်သူတစ်ကောင်ကြွက်ယောင်ဆောင်ကာ မာဟီနဲ့လက်ထပ်ခဲ့ပါတော့တယ် လက်ထပ်ပြီးကာမှမာဟီတစ်ယောက် အိမ်ရှာရင်းဂျက်စ်မိသားစုငှားဖို့ကြော်ငြာထားတဲ့ အခန်းကိုမှရွေးချယ်ငှားရမ်းခဲ့မိရာကနေ တစ်အိမ်တည်းမှာမိသားစုနဲ့ဇနီးဖြစ်သူကြား လိမ်ထားတာမပေါက်ကြားစေဖို့ သူငယ်ချင်းဖြစ်သူနဲ့ပေါင်းကာ တစ်လိမ်ပေါ်တစ်လိမ်ဆင့်ရင်း ဖြစ်ပေါ်လာမယ့်ဇာတ်ကွက်တွေကို ဟာသဆန်ဆန်ပေါ့ပါးစွာ ကြည့်ရှု့ရမှာဖြစ်ပါတယ်.. အညွှန်းနဲ့ဘာသာပြန်သူကတော့ Khin Khin ဖြစ်ပါတယ် ...

ဆားဘီးယားနိုင်ငံရဲ့ မြို့တော် ဘယ်အိုဂရဒ်မြို့မှာ စစ်ရာဇဝတ်ကောင်တစ်ဖြစ်လဲ မူးယစ်ရာဇာကြီးကို ဗြိတိသျှထောက်လှမ်းရေးအဖွဲ့က နိုလန်နဲ့ နိုင်ငံတကာရဲတွေက ဖမ်းဆီးနိုင်လိုက်ပါတယ်။ သူ့ကို နယ်သာလန်နိုင်ငံ ဒဟိဂ်မြို့ကို ပို့ပြီး ခုံရုံးတင် စစ်ဆေးဖို့ လုပ်ချိန်မှာ သူက ကြေးစားလူသတ်သမားတစ်ယောက်ကို ငှားပြီး သက်သေတွေကို ဖျောက်ဖျက်ပစ်ဖို့လုပ်ပါတော့တယ်။ သက်သေတွေထဲက တစ်ယောက်ဖြစ်တဲ့ ကောင်လေးဟာ သူ့မွေးစားအဖေနဲ့အတူ အမေရိကန်ကတောတစ်ခုမှာ အမဲလိုက်ထွက်နေရာကနေ သူတို့ကို လူသတ်သမားတွေက ပြန်အမဲလိုက်တာကို ခံရပါတော့တယ်။ မမျှော်လင့်ဘဲ တောထဲမှာ သူတို့ကို လာကယ်တဲ့ သူစိမ်းတစ်ချို့နဲ့ ဆုံလိုက်တဲ့အခါ ကောင်လေးရဲ့ အဖေအရင်းအကြောင်း သိလိုက်ရပါတော့တယ်။ တောထဲမှာ ကြေးစားလူသတ်သမားတွေ အမဲလိုက်ခံရတဲ့အဖြစ်ကနေ သူတို့ အသက်ရှင်လွတ်မြောက်နိုင်မှာလား၊ စစ်ရာဇ ဝတ်ကောင် မူးယစ်ရာဇာကြီးက ကောင်လေးကိုသတ်ဖို့ဘာလို့ ကြေးစားလူသတ်သမားတွေကို ငှားရမ်းခဲ့တာလည်းဆိုတာကို စိတ်ဝင်စားဖွယ်ကြည့်ရှုရင်း မိဘနဲ့ သားသမီးကြားထဲက ချစ်မေတ္တာဆိုတာကိုလည်း ခံစားကြရမှာပါ။ ဇာတ်ကားကတော့ Action, Drama, Thriller အမျိုးအစားဖြစ်ပြီး ၂၀၂၀ တုန်းက ထွက်ရှိခဲ့တာပါ။ ဇာတ်လမ်းအညွှန်းနဲ့ ဘာသာပြန်သူကတော့ Masuji Ono ဖြစ်ပါတယ်။