လူကြည့်များသော Series များ

လူမှုကွန်ရက်ပေါ်မှာ လွှမ်းမိုးမှုရှိလာတဲ့ ဆယ်လီတစ်ယောက်ရဲ့ဘဝက အပြင်ကမြင်ရသလိုပဲလား။ Celebrity က ကိုရီးယားဆယ်လီတွေရဲ့ နေထိုင်ပုံနဲ့ အဲဒီနေရာကို ရောက်အောင် ကြိုးစားခဲ့ကြပုံကို ပြထားတဲ့ စီးရီးပါ။ နာမည်ရလာတဲ့အခါ ကြုံရတဲ့ အလွဲတွေနဲ့ ပြဿနာတွေကိုလည်း ဆက်ပြထားတယ်။ ကြော်ငြာနဲ့ ဈေးကွက်မှာ သူတို့ရဲ့ အရှိန်အဝါကို အသုံးချနေကြတဲ့ ကုမ္ပဏီတွေရဲ့ လှုပ်ရှားမှု၊ လူထုရဲ့ တုံ့ပြန်မှုတွေကြားမှာ လူသတ်မှုတွေပါ ပါဝင်လာပါတယ်။ ကျော်ကြားမှုနောက်က လူမှုဆက်ဆံရေးနဲ့ အကျိုးစီးပွားတွေကို တွဲဖက်ထားတဲ့ ဆယ့်နှစ်ပိုင်းစီးရီးပါ။

King Hotel ပိုင်ရှင်ရဲ့သား ဂူဝန်ဟာ လုပ်ငန်းဆက်ခံဖို့ ပြင်ဆင်ရင်း ဟိုတယ်မှာ အလုပ်သင်ဝင်လုပ်ပါတယ်။ ဂုဏ်အရှိန်အဝါကြီးပြီး အပြုအမူကလည်း တခြားသူတွေနဲ့ မတူတဲ့သူပါ။ ဆာရန်းကတော့ သွက်လက်ထက်မြက်ပြီး ပျော်ပျော်နေတတ်သလို ကိုယ့်ကို ထိလာရင်လည်း ပြန်ပြောတတ်တဲ့ ကောင်မလေးတစ်ယောက် ဖြစ်ပါတယ်။ ဟိုတယ်ဝန်ထမ်းဖြစ်ချင်တဲ့ ဆာရန်းဟာ King Hotel မှာ အလုပ်ရသွားရာက သူတို့နှစ်ယောက် စတွေ့ကြတော့တယ်။ ခပ်ဂျစ်ဂျစ်သူဌေးသားနဲ့ ခပ်စွာစွာဝန်ထမ်းမလေးကြားမှာ ကတောက်ကဆတွေ ဖြစ်ရာက အချစ်ရေး ဘယ်လိုဆက်လာမလဲဆိုတဲ့ ဟာသအချစ်စီးရီးပါ။ Lee Jun Ho နဲ့ Yoona တို့ အဓိကပါဝင်ထားပြီး စုစုပေါင်း ဆယ့်ခြောက်ပိုင်းရှိပါတယ်။

မြန်မာနဲ့ ဘင်္ဂလားဒေ့ရှ်နယ်စပ်မှာ လူမျိုးရေးပဋိပက္ခတွေ ဖြစ်နေချိန်၊ လူတစ်စုက အဲဒီအခြေအနေကို အမြတ်ထုတ်ဖို့ ကြံနေကြပါတယ်။ ရှုပ်ထွေးနေတဲ့ ဒေသအခြေအနေကြားမှာ လက်နက်မှောင်ခိုလုပ်ငန်း လုပ်ဖို့ စီစဉ်ကြရာက နောက်ဆက်တွဲ ဆိုးကျိုးတွေ ပေါ်လာတယ်။ ပဋိပက္ခနဲ့ လက်နက်မှောင်ခိုသမားတွေရဲ့ အကျိုးစီးပွား ဆက်နွယ်နေပုံကို ပြထားတဲ့ မှုခင်းဒရာမာစီးရီးပါ။ အာဒစ်သယားရွိုင်းကပူး၊ အနီလ်ကပူးနဲ့ ဆိုဘီသားဒူလီပါလားတို့ အဓိကပါဝင်ထားကြပါတယ်။