Ahn Sang-woo ပါဝင်သော ဇာတ်ကားများ

Love in Disguise (2026) အပိုင်းသစ် (၆) ဒီတစ်ခါမှာတော့ အမွေဆက်ခံသူ သူဌေးသားလေးနဲ့ ယောက်ျားလေးဟန်ဆောင်ထားတဲ့ အထူးတပ်ဖွဲ့ဝင်ဟောင်း ရဲမေလေးတို့ကြားက အလွဲပေါင်းများစွာကို ရိုက်ကူးတင်ဆက်ထားတဲ့ Rom-com ကားသစ်လေးနဲ့ မိတ်ဆက်ပေးချင်ပါတယ်။ ဒီကားလေးက "Why You Don't Know It's a Girl?" ဆိုတဲ့ Web Novel ကို ရိုက်ကူးပုံဖော်ထားပြီး အဓိက သရုပ်ဆောင်တွေအနေနဲ့ Squid Game၊ Summer Strike ထဲက အားလုံးရင်းနှီးပြီးသား မင်းသား Yim Si Wan နဲ့ Twinkling Watermelon၊ Bussiness Proposal တို့ထဲက မင်းသမီး Seol In-ah အပြင် တခြားလူသိများတဲ့သရုပ်ဆောင်တွေလည်း ပါဝင်အားဖြည့်ထားပါတယ်။ ဇာတ်လမ်းအညွှန်း တတိယမျိုးဆက်သူဌေးသား‌အဖြစ် ဘဝကို အေးအေးချမ်းချမ်းဖြတ်သန်းနေတဲ့ ယွန်းအီဂျွန်း (Yim Si Wan)ဟာ တစ်နေ့မှာ ကုမ္ပဏီတွင်း ဖြစ်ပွားခဲ့တဲ့ .. အတွင်းရေးမှူး လုပ်ကြံခံရမှုကြောင့် အဓိက သံသယရှိသူ ဖြစ်လာခဲ့ပါတယ်။ တစ်ဖက်မှာကတော့ အထူးတပ်ဖွဲ့ဝင်ဟောင်းဖြစ်တဲ့ ဂန်ဂျယ်ဟီး (Seol In-ah)ဟာ အမှုရဲ့ တရားခံကို စုံစမ်းဖို့ ယွန်းအီဂျွန်းရဲ့ အနားကို ယောက်ျားလေးအသွင် ပြောင်းလဲပြီး အတွင်းရေးမှူးအနေနဲ့ရော အနီးကပ်သက်တော်စောင့်အနေနဲ့ပါ လျှို့ဝှက်တာဝန်ထမ်းဆောင်ဖို့ ရောက်လာခဲ့ပါတယ်။ ယွန်းအီဂျွန်းအနေနဲ့ သူ့ရဲ့ အတွင်းရေးမှူးအသစ်ဟာ မိန်းကလေးတစ်ယောက်ဖြစ်ကြောင်း လုံးဝမသိဘဲ ယောက်ျားလေးနှစ်ယောက်ကြားထဲက ခင်မင်ရင်းနှီးမှုထက် ပိုလွန်တဲ့ ရင်ခုန်သံတွေကို စတင်ခံစားလာရတဲ့အခါမှာတော့… အန္တရာယ်များတဲ့ လျှို့ဝှက်စုံစမ်းရေးတွေကြား ရုံးတွင်းအချစ်ဇာတ်လမ်းလေးက ဘယ်လိုဆက်ဖြစ်လာမလဲ ... မင်းသား Yim Si-wan နဲ့ မင်းသမီး Seol In-ah တို့ရဲ့ ချစ်စရာကောင်းတဲ့ Chemistry နဲ့အတူ အချစ်ဟာသနဲ့ စုံစမ်းထောက်လှမ်းရေး အငွေ့အသက်တွေ ပေါင်းစပ်ထားတဲ့ ဒီဇာတ်လမ်းလေးကို အပတ်စဉ် တနင်္လာ၊အင်္ဂါနေ့တိုင်း လိုက်ပါစီးမျောနိုင်စေဖို့ တင်ဆက်ပေးသွားမှာပဲ ဖြစ်ပါတယ်။ Episodes: 12 Aired: Oct 19, 2026 - Nov 24, 2026 Aired On: Monday, Tuesday Original Network: tvN, Prime Genres: Thriller, Mystery, Comedy, Romance

အပိုင်း(၁ မှ ၁၆) ထိ စ/ဆုံး ဂျန်ရှင်းယူ ( Rowoon ) က​တော့ ထက်မြက်ပြီး ကြည့်လို့​ကောင်းတဲ့ ပြိုင်စံရှား ​ ရှေ့​နေတစ်​ယောက်ပါ။ ဘယ်​နေရာ​ရောက်​ရောက် ထင်​ပေါ်​နေတဲ့သူဆိုလည်း မမှားဘူး​ပေါ့။ ဒါ​ပေမဲ့ ရှင်းယူတို့ရဲ့ မိသားစုက နှစ်ပေါင်း ၃၀၀ ကျော်ကြာ ကျိန်စာသင့်နေတဲ့မိသားစုလေး။ ရှင်းယူကလည်း အဲဒီကျိန်စာ​ကြောင့် ကုလို့မရ၊ရှင်းပြလို့မရတဲ့ ​​ရောဂါတစ်ခုကို ခံစား​နေရပြီး တစ်​နေ့ပြီးတစ်​နေ့ ပိုဆိုးဝါးလာ​​တော့တယ်။အဲဒီကျိန်စာကို " သစ်သားသေတ္တာပိုင်ရှင်" က ဖယ်ရှားပစ်နိုင်မှာမို့ သေတ္တာပိုင်ရှင်ကို လိုက်ရှာနေတော့တယ်။ အီဟုန်းဂျူ ( Jo Boah) က အလုပ်ကို အမြဲတမ်းအ​ကောင်းဆုံးကြိုးစားတဲ့ ပြည်သူဝန်ထမ်း​ကောင်မ​လေးတစ်​ယောက်ပါ။ သူမအလုပ်ကို လုပ်နေရင်းနဲ့ တစ်​နေ့မှာ သူမဆီကို သစ်သားသေတ္တာ ဟောင်းလေး ​ရောက်ရှိလာခဲ့တယ်။ အဲဒီထဲမှာ လွန်ခဲ့တဲ့ နှစ်​ပေါင်း ၃၀၀​ လောက်က ကျိန်စာ​တွေကို ဖယ်ဖျက်ပစ်နိုင်တဲ့ လျှို့ဝှက်ချက်​တွေ ပါတဲ့ တားမြစ်ခံထားရတဲ့ စာအုပ်​လေး ပါလာတာကိုတော့ မသိခဲ့ဘူးပေါ့။ ရှင်းယူကလည်း သေတ္တာပိုင်ရှင်ပေါ်လာပြီမို့ သူ့မိသားစု ကျိန်စာကို ဖယ်ရှားပစ်နိုင်ဖို့ ဟုန်းဂျူနဲ့ နီးကပ်ဖို့ ကြိုးစားပါတော့တယ်။ ကျိန်စာသင့်​နေတဲ့ ​ကောင်​လေးနဲ့ ကျိန်စာ​တွေကို ဖယ်ရှားနိုင်တဲ့ လျှို့ဝှက်ချက်​​တွေကို သိတဲ့ ​ကောင်မ​လေးတို့ သူတို့နှစ်​ယောက်ကြား ဘယ်လို​တွေဆက်ဖြစ်လာမလဲ ၊ အချစ်​တွေက​ရော ဘယ်လို​တွေ ​ပေါက်ဖွားလာမလဲဆိုတာကို အတိတ်ဘဝနဲ့ ​ပေါင်းစပ်ပြီး ​ ခေတ်  ၂ ခေတ်ကို ကြည့်ရှု့လို့ရမယ့် အချစ်ဇာတ်လမ်း​လေးမို့ စောင့်​မျှော်ကြည့်ရှု့အား​ပေးကြပါဦး​နော်။ File Size –  1GB  & 400MB Quality  – WEB-DL.NF.1080P,720p Duration – 1 hr 10 Min  (@Episode) Total Episodes: 16Eps Subtitle – Myanmar Hardsub Format – Mp4 Genre :  Law, Romance, Drama, Fantasy Translator – Chuu ,  Htoo Htoo Aung ,  Hana , Hnin Wai Oo &  AHtet Encoder – Phyo Pyae

Racket Boys (2021) Reply 1994, Prison Playbook တို့ရဲ့ ဇာတ်ညွှန်းရေးဆရာ ဂျောင်ဘိုဟွန်း ရဲ့ လက်ရာမွန် နောက်တစ်တွဲ ထွက်ရှိလာပြန်ပါပြီ။ ဒီတစ်ခါတော့ ကြက်တောင်ကစားကြတဲ့ အလယ်တန်းကျောင်းသားလူငယ်လေးများအကြောင်းပါ။ ကြက်တောင် အားကစားကို ဝါသနာပါတဲ့လူတွေအတွက်တော့ အတော်လေး ချဉ်းကပ်မိဦးမယ့်ကားပါ။ ၁၆ နှစ် အရွယ် Generation Z လူငယ်မောင်မယ်များရဲ့ စည်းလုံးမှု၊ ညီညွတ်မှုတွေကို မြင်ရမှာပဲ ဖြစ်ပါတယ်။ ဇာတ်လမ်းအကျဉ်းကတော့ ...... ယွန်းဟွန်းဂျုံး က အတော်ဆုံး ကြက်တောင်ရိုက်ကစားသမား တစ်ဦး ဖြစ်ခဲ့ပြီးတော့ လက်ရှိအချိန်မှာ ဟယ်နမ် က အလယ်တန်းကျောင်းတစ်ခုရဲ့ ယောကျာ်းလေး ကြက်တောင်အသင်းမှာ နည်းပြလုပ်ဖို့အသစ်ရောက်လာတဲ့သူဖြစ်ပါတယ် လစာသုံးလစာကြိုထုတ်လို့ရလို့ ပျော်နေတဲ့ ဟွန်းဂျုံတစ်ယောက် အသင်းက နောက်ထပ်ပြိုင်ပွဲမဝင်နိုင်တဲ့အခါ .... ထောက်ပံ့ငွေရပ်တန့်ပြီးတော့ လစာမရတော့ဘူးဆိုတဲ့အကြောင်းပါသိလိုက်ရတယ် လစာရဖို့အတွက် အသင်းကိုလူပြည့်အောင်စုနိုင်ပြန်တော့လည်း ကျောင်းသားတွေနေစရာမရှိလို့ အဖွဲ့ကွဲမလိုဖြစ်ပြန် ..... နောက်ဆုံးတော့ သူအိမ်ကိုပဲ ခေါ်လာလိုက်ရပါတော့တယ် ကိုယ့်ဟာကိုယ်တောင် အနိုင်နိုင်ဖြစ်နေတဲ့ ဟွန်းဂျုံတစ်ယောက် ဒီကြက်တောင်အသင်းကို စုစည်းနိုင်ပါ့မလား????? လစာပြန်ရဖို့အတွက် ပြိုင်ပွဲဝင်နိုင်အောင် အသင်းသားတွေကို သင်ကြားပေးနိုင်မလား???? သားဖြစ်သူကို ဘေ့စ်ဘောကစားတာ တားမြစ်ထားရတဲ့ အကြောင်းကရော ဘာဖြစ်မလဲ???? အဓိကအနေနဲ့ ကလေးသရုပ်ဆောင်တွေ ပါဝင်ထားတာမို့ ထုတ်လွှင့်ဆဲ ဇာတ်လမ်းတွဲတွေထဲမှာ အတော်လေးထူးခြားတဲ့ ဇာတ်ကားလည်း ဖြစ်ပါတယ်။ Move to Heaven ဇာတ်လမ်းတွဲထဲက အဓိက ဇာတ်လိုက်ကလေး၊ Mouse ဇာတ်လမ်းတွဲထဲက ဂျောင်ဘာရွန်း အငယ်ကလေး စသဖြင့် နာမည်ရ ကလေးသရုပ်ဆောင်တွေ ပါဝင်ထားတဲ့ ဇာတ်ကားမို့ တစ်မျိုးတစ်ဖုံး ထူးခြားနေပါလိမ့်မယ်။ အပိုင်း (၁၆) ပိုင်း ထုတ်လွှင့်မှာ ဖြစ်ပြီးတော့ အပတ်စဉ် တနင်္လာနေ့ နဲ့ အင်္ဂါနေ့များမှာ ထုတ်လွှင့်သွားမှာပဲ ဖြစ်ပါတယ်။ Translators: Jerrica, Shwe Pyae, Amelia, Thet Hnin Hsu Encoder: August Drama: Racket Boys Country: South Korea Episodes: 16 Aired: May 31, 2021 - Jul 20, 2021 Aired On: Monday, Tuesday Original Network: SBS, Netflix, Netflix, Netflix, Netflix Duration: 1 hr. 30 min. Size: 600 MB and  1GB Quality: 720p and 1080p

Melancholia (2021)ဇာတ်လမ်းတွဲအညွှန်း အပိုင်းသစ် (၁ မှ ၁၆ )ထိ စ/ဆုံး သင်္ချာကိုချစ်မြတ်နိုးတဲ့ ဆရာမနဲ့ကျောင်းသားလေးတို့ကြားက ရိုမန့်တစ် ဆန်ဆန် အချစ်ဇာတ်လမ်းလေးလာပါပြီ မနဲ့မောင် ဇာတ်လမ်းလေးဆိုတော့ ပိုတောင်ရင်ဖိုဖို့ကောင်းသေး Pirvate အထက်တန်းကျောင်းတစ်ခုမှာ သင်္ချာဆရာမ အဖြစ်အလုပ်ဝင်နေတဲ့ Ji Yoon Su ဟာ စိတ်ထားကောင်းမွန်ပြီး သင်္ချာပညာရပ်ကို အလွန်ကိုစိတ်ဝင်စားတဲ့ သူတစ်ဦးဖြစ်ပါတယ် ကျောင်းသားတွေကိုလည်း အမြဲမေးခွန်းမေးရတာ ကြိုက်ပြီး (ကိုယ်တွေနဲ့တော့ အဆင်မပြေလောက် 😝) စိတ်ပိုင်းဖြတ်လိုက်ပြီဆို ဘာမဆိုဖြစ်အောင်လုပ်တဲ့ ထူးချွန်ထက်မြက်တဲ့ အမျိုးသမီးတစ်ဦးပေါ့ အဲလိုအမျိုးသမီးလေးက သူ့လိုပဲ သင်္ချာကိုစိတ်ဝင်စားပြီး ထူးချွန်တဲ့ ကျောင်းသားလေးတစ်ဦးအပေါ် စိတ်ယိုင်သွားတဲ့အခါမှာတော့.... Baek Seung Yoo ကတော့ ငယ်ငယ်လေးတည်းက သင်္ချာဉာဏ်ကြီးရှင်လို့ နာမည်ကြီးပြီး ၅ နှစ်အရွယ်နဲ့ တက္ကသိုလ်အဆင့်ရှိတဲ့ သင်္ချာမေးခွန်းတွေကို ဖြေနိုင်သူတစ်ဦးဖြစ်ပါတယ် အသက် ၁၀ နှစ်နဲ့ MIT ကိုဝင်ခွင့်ရခဲ့ပြီး ၁၂ နှစ်မှာပြုတ်သွားကာ ရုတ်တရက် ဘယ်သူမှမသိတဲ့ အကြောင်းတစ်ခုနဲ့ အစအနပျောက်သွားခဲ့ပါတယ် အဲလိုမျိုး ဝါသနာတူ အကြိုက်တူတဲ့လူနှစ်ဦး ဘယ်လိုများ ရင်ခုန်သံစည်းချက်တွေညီမလဲဆိုတာရယ် မင်းသားနဲ့မင်းသမီးက အားလုံးနဲ့မစိမ်းတဲ့လူတွေဆိုတော့ Melodrama ကောင်းကောင်းလေး ကြည့်ချင်သူများ စောင့်ကြည့်သင့်တဲ့ဇာတ်ကားလေးပါ ။ ( အညွှန်းရေးသားထားသူကတော့ Shoon ပါ ) Native Title: 멜랑꼴리아 Episodes: 16 Aired: Nov 10, 2021 - Dec 30, 2021 Aired On: Wednesday, Thursday Original Network: tvN Duration: 1 hr. 10 min Translated by Shoon Thu Thu Chain, Lwinlwin Aung, Ei Phyu Khin, Hnin Pale Encoded by Naing Aung Latt

Forest (2020) အပိုင်း (၁ မှ ၁၆) စ/ဆုံး  ဒီတစ်ခေါက်မှာတော့ စိမ်းစိုနေတဲ့ တောအုပ်အလှတွေကို တစ်ဝကြီးခံစားရင်း ငြိမ့်ငြိမ့်အေးအေးလေး ကြည့်ရှုရမဲ့ Park Hae-Jin နဲ့ Cho Bo-Ah တို့ရဲ့ Healing Romance ဇာတ်ကားဟောင်းလေးကို ပြန်လည်တင်ဆက်ပေးလိုက်ပါတယ် ။ - ဇာတ်လမ်းအကျဉ်း - ဂန်ဆန်းဟျော့ (Park Hae-Jin) ဟာဆိုရင် ရင်းနှီးမြှုပ်နှံမှုကုမ္ပဏီ RLI ရဲ့ မန်နေဂျာချုပ်ပါ ဆန်းဟျော့က ငယ်စဥ်က စိတ်ဒဏ်ရာ‌ကြောင့် ဆယ်နှစ်မတိုင်ခင်က ကိစ္စတွေကို မမှတ်မိပါဘူး ။ တစ်နေ့မှာ အရေးကြီးပရောဂျက်နဲ့ပတ်သက်ပြီး ဆွေးနွေးနေကြတုန်းမှာပဲ ဆန်းဟျော့တစ်ယောက် မူးလဲသွားပါတော့တယ် ။ ဆန်းဟျော့လည်း ဆေးရုံတင်လိုက်ရပြီး အဲဒီဆေးရုံမှာ ခွဲစိတ်ဆရာဝန်မလေး ဂျောင်ယောင်းဂျယ် (Cho Bo-Ah) တွေ့ဆုံခဲ့ရပါတယ် နှစ်ယောက်ရဲ့ ဆုံစည်းမှုကတော့ မပြေလည်မှုပေါင်းများစွာနဲ့ပဲ လမ်းခွဲဖြစ်ခဲ့ကြတာပေါ့ .. ။ ဆန်းဟျော့ ဆေးရုံကဆင်းတဲ့နောက်မှာ သူ့ရဲ့ပရောဂျက်ကို တခြားဌာနက လုသွားပြီဖြစ်လို့ ပရောဂျက်အကြောင်း ‌အသေးစိတ် လိုက်စုံစမ်းရင်း မီယောင်းတောအုပ်နဲ့ ပတ်သက်ပြီး မသင်္ကာစရာအချက်ကို တွေ့ရှိလိုက်ရပါတယ် .. ။ ဒါ‌ကြောင့် ဆန်းဟျော့လည်း မီယောင်းတောအုပ်အကြောင်း စုံစမ်းဖို့အတွက် အထူးကယ်ဆယ်ရေး အဖွဲ့ထဲကို အယောင်ဆောင်ပြီး အလုပ်ဝင်လိုက်ပါတော့တယ် .. ။ တစ်ဖက်မှာလည်း ဂျောင်ယောင်းဂျယ်က မတော်တဆဖြစ်ရပ်တစ်ခုကြောင့် နယ်က ဆေးရုံခွဲဆီ တာဝန်ရွှေ့ပြောင်းချထားခံလိုက်ရပါတယ် .. ။ ဒီလိုနဲ့ ယောင်းဂျယ်လည်း မီယောင်းတောအုပ်ထဲကို အရေးပေါ်ဆေးကုသဖို့ စေလွှတ်ခံရပြီး ဆန်းဟျော့နဲ့ ပြန်လည်ဆုံစည်းဖို့ အကြောင်းဖန်လာတဲ့အခါမှာတော့... ဆန်းဟျော့တစ်ယောက် ယောင်းဂျယ်ကိုရော ကယ်ဆယ်ရေးအဖွဲ့ကိုပါ အဆုံးအထိ လျှို့ဝှက်ထားပြီး သူ့ရဲ့ပရောဂျက်ကို ပြန်လည်ရယူသွားနိုင်မလား .. ဆန်းဟျော့နဲ့ ယောင်းဂျယ်တို့ မကြာခင် သိရှိသွားမဲ့ မီယောင်းတောအုပ်ရဲ့ လျှို့ဝှက်ချက်ကရော ဘာများဖြစ်နေမလဲဆိုတာကိုတော့ ဒရမ်မာလေးထဲမှာပဲ ပဟေဠိဆန်‌ဆန် ဆက်လက်ကြည့်ရှုလိုက်ကြစို့နော် .. (အညွှန်းကို Hnin Wai Oo မှ ရေးသားပေးထားပါတယ်) Episodes: 16 Aired: Jan 29, 2020 - Mar 19, 2020 Aired On: Wednesday, Thursday Original Network: KBS2 Genres: Business, Psychological, Romance, Medical Translated by Hnin Wai Oo, Su Sandi, Nyein Sandi, Htoo Pyae, M & Hazelle  Encoded by AHtet

True Beauty (2020) အပိုင်း (1 မှ 16) စ/ဆုံး မိန်းကလေးဆိုတဲ့အမျိုးက ကလေးဘဝကထဲက အလှအပကိုစိတ်ဝင်စားသလို လှပအောင်လည်း ကြိုးစားနေထိုင်တတ်ကြတယ်... မှန်လေးကြည့်လိုက်လို့ သူတို့ရုပ်ရည်လေးအဆင်ပြေနေမှ ကိုယ့်ကိုယ်ကိုယ် ယုံကြည်ချက်လည်းရှိကြတာကိုး... ဒါ့ကြောင့် Selfie ဆွဲလို့ ပိုလှတဲ့ ဖုန်းတွေရောင်းကောင်းကြတာမဟုတ်လား... ဒီအထဲက ကောင်မလေးတစ်ယောက်လည်း အဲဒီလိုပါပဲ... သူ့ရုပ်ရည်အပေါ် ယုံကြည်ချက်မရှိလို့ make-up tutorial တစ်ခုကို ကြိုးစားပန်းစားပြင်လိုက်မှ မဟာသရဲမကြီးနဲ့တူပြီး ကြိုက်တဲ့ကောင်လေးဆီက ငြင်းတာခံလိုက်ရလို့ ကိုယ့်ကိုယ်ကိုယ် သတ်သေဖို့အထိတောင်ဖြစ်သွားရတယ်... ဒီလိုသတ်သေတဲ့အချိန် ကောင်လေးတစ်ယောက် တားဆီးလိုက်လို့ အသက်မသေခဲ့တာ ကံကောင်းတယ်ပြောရမှာပါ... အဲဒီနောက်တော့ ကျောင်းပြောင်းရတဲ့ အနေအထားဖြစ်တော့ သူမအတွက် အနည်းငယ်ခံသာသလိုဖြစ်သွားတယ်... ကျောင်းအသစ်မှာ မိတ်ကပ်ပြင်နည်းတွေ အမှန်အကန် ကြိုးစားပြီး ကျောင်းတက်တဲ့ အခါမှာတော့ အရင်တုန်းက ခပ်ဆိုးဆိုးရင်ဆိုင်ရဲ့တဲ့ အနေအထားတွေဟာ ရုတ်ချဉ်းပြောင်းလဲသွားပါတော့တယ်... ဘာတွေဆက်ဖြစ်မလဲဆိုတာကိုတော့ ခံစားကြည့်ကြပါဉီး.. ဒီစီးရီးက ဆယ်ကျော်သက်ကျောင်းသား ကျောင်းသူဘဝကို အဓိက ကျောရိုးပြုရိုက်ကူးထားတာဖြစ်ပြီး ပေါ့ပေါ့ပါးပါး ဟာသလေးတွေနဲ့မို့ ကြည့်ရအတော်ကောင်းပါတယ်... လှတပတလေးတွေနဲ့ မျက်စိအပန်းပြေသလို ကောင်လေးတွေရော ကောင်မလေးတွေပါ အလှအပရေးရာနဲ့ ပတ်သက်ပြီး ပညာရစေတဲ့ကားလေးဆိုလည်းမမှားပါဘူး... Aired: Dec 9, 2020 - Feb 4, 2021 Aired On: Wednesday, Thursday Genres: Comedy, Romance, Youth, Drama Episodes: 16 Original Network: tvN

ဒီတစ်ခေါက်တင်ဆက်ပေးမှာကတော့ Catch The Ghost ဆိုတဲ့ဇာတ်ကားလေးဖြစ်ပါတယ် ဒီဇာတ်ကားလေးကို tvN ရုပ်သံလိုင်းကနေ အပတ်စဥ် တနင်္လာ အင်္ဂါ ၂ ရက် ကိုရီးယား စံတော်ချိန် 21:30 မှာ ထုတ်လွှင့်ပြသသွားမှာဖြစ်ပြီး အပိုင်း ၁၆ ပိုင်း ပါ၀င်မှာဖြစ်ပါတယ် ယူယောင်းဟာ ခေါင်းမာတဲ့ ရဲမေလေး တစ်ယောက်ဖြစ်ပါတယ် သူ့မှာ Autism ဖြစ်နေတဲ့ အမွှာညီမတစ်ယောက်ရှိပြီး ညီမဖြစ်သူဟာ မြေအောက်ရထား ဘူတာမှာ ပျောက်ဆုံးသွားခဲ့ပါတယ် ညီမပျောက်ဆုံးမှုကို မြေအောက်ရထား ကွင်းဆက်လူသတ်သမားရဲ့ လက်ချက်လို့ သူမကယူဆထားပေမယ့် အလောင်းမတွေ့ရတာကြောင့် ရဲတွေက မစုံစမ်းပေးခဲ့ပါဘူး ဒါကြောင့် သူမကိုယ်တိုင်စုံစမ်းဖို့ မြေအောက်ရထားရဲဌာနကို ၀င်ခဲ့ပါတယ် ဂိုဂျီဆော့ဟာ မြေအောက်ရထားရဲဌာန ၀မ်ဆူရီဘူတာရဲ့ ရဲမှူးတစ်ယောက်ဖြစ်ပြီး ပြဿနာကြီးလာမယ့်ကိစ္စတွေကိုတော့ အမြဲလက်ရှောင်ပြီး အေးဆေးနေဖို့ကြိုးစားသူပါ ဒါပေမယ့် ယူယောင်းရောက်လာပြီးနောက်ပိုင်းမှာ တရားမျှတမှုကို လိုချင်လွန်းတဲ့ ယူယောင်း​ရဲ့ စည်းဘောင်အပြင်ကျော်ပြီး လုပ်လိုက်တဲ့ ပြသနာတွေကိုပဲ အမြဲလိုက် ရှင်းရပါတော့တယ် ဂျီဆော့နဲ့ယူယောင်း တို့ ကွင်းဆက်လူသတ်မှုနဲ့ အခြားသော မြေအောက်ရထားဘူတာက အမှူတွေကို ဘယ်လိုဖြေရှင်းမလဲ ယူယောင်းရဲ့အမွှာပျောက်ဆုံးမှုကရော တကယ်ပဲ ကွင်းဆက်လူသတ်သမားနဲ့ ပက်သက်နေလားဆိုတာကို ဒီဇာတ်ကားလေးမှာ ဆက်လက်ကြည့်ရှူပါနော်

Where Stars Land (2018) IMDb Rating - 7.1/10 အင်ချွန်းအပြည်ပြည်ဆိုင်ရာလေဆိပ်က ဝန်ထမ်းတွေကြားက အချစ်ဇာတ်လမ်းလေးကို ရိုက်ကူးပြသထားတဲ့ romance melodrama လေးနဲ့မိတ်ဆက်ပေးပါရစေ။ "အဖေကပြောဖူးတယ် လောကကြီးမှာတိုက်ဆိုင်မှုဆိုတာမရှိဘူး။ ဘဝမှာ အရာအားလုံးက အကြောင်းရှိလို့ဖြစ်ရတာချည်းပဲ" ဆိုပြီး ဇာတ်ကားလေးကိုဖွင့်ထားပါတယ်။ ဇာတ်လမ်းအကျဉ်းကတော့ ဒီလိုပါ . . . အီဆူယွန်းက ကိုရီးယားနိုင်ငံရဲ့ အဆင့်မြင့်တက္ကသိုလ် Kaist ကနေ ဘွဲ့ရထားတဲ့ ခရီးသည် ဝန်ဆောင်မှုဌာနက ဝန်ထမ်းတစ်ယောက်ပါ။ အရည်အချင်းလည်းရှိပြီး ရုပ်တည်ကြီးနဲ့နေတတ်လွန်းလို့ အခုမှသုံးလအစမ်းခန့်ကာလပြီးထားတဲ့ ဝန်ထမ်းသစ်‌လို့ မထင်ရအောင်ပါပဲ။ ဘယ်သူနဲ့မှ ရောရောနှောနှောနေလေ့မရှိတဲ့အတွက် သူ့အကြောင်း အတင်းအဖျင်း‌၊ ကောလာဟလတွေလည်း အများကြီးရှိတဲ့ နားလည်ရခက်တဲ့လူမျိုး‌ပေါ့နော်။ ဟန်ယောရမ်ကတော့ အင်ချွန်းလေဆိပ်မှာအလုပ်လုပ်တာ တစ်နှစ်ရှိပြီဖြစ်ပေမယ့် စိတ်ဆတ်လွယ်ပြီး ရမ်းကားတဲ့ခရီးသည်တွေအပေါ် ကြမ်းကြမ်း တမ်းတမ်းပြောဆိုပြုမူမှုတွေကြောင့် ခရီးသည်ဝန်ဆောင်မှုဌာနကို ပြောင်းရွှေ့ခံလိုက်ရတဲ့ ရှပ်ပြာမလေးပါ။ အဲဒီလိုမဟုတ်မခံမလေးကို သူ့ထက် နောက်ကျပြီးမှ အလုပ်ဝင်တဲ့ အီဆူယွန်းက ဆရာအဖြစ်ကြီးကြပ်ရတဲ့အခါ ဘယ်လိုတွေခရီးဆက်ကြမလဲ။ အီဆူယွန်းနဲ့ပတ်သက်တဲ့ ကောလာဟလဆိုတာတွေကရော အမှန်တွေလား ဆိုတာကတော့ မကြာမီလာမည် မျှော်ပေါ့နော်။ အီဆူယွန်းအဖြစ် Architecture 101 ဇာတ်ကားနဲ့လူသိများလာတဲ့ မင်းသား Lee Je Hoon နဲ့ ဟန်ယောရမ်အဖြစ် I'm not a robot ထဲက မင်းသမီးချောလေး Chae Soo Bin က ပါဝင်သရုပ်ဆောင်ထားပါတယ်။ ဒါ့အပြင် မင်းသမီးရဲ့သူငယ်ချင်းအဖြစ် The King's Affection ထဲက တော်ဝင်မင်းဆရာဂျောင်လေး Rowoon က ပါဝင်ထားပါတယ်။ အတိတ်မြှုပ်ကွက်လေးတွေကိုပြန်ပြတဲ့ flashback scene လေးတွေလည်းပါပြီး ငြိမ့်ငြိမ့်ညောင်းညောင်းလေးနဲ့ ကြည့်လို့‌ကောင်းတဲ့ ဇာတ်ကားမျိုးလေးမို့ ကြည့်ရှုလိုက်ကြပါဦး။ (ဒီဇာတ်လမ်းရဲ့အညွှန်းကို MTA မှရေးသားပေးပြီး၊ ဘာသာပြန်ရေးသားပေးသူများကတော့ Shwe Pyae, MTA, Amelia, Thet Hnin Hsu, Shwe Pwint တို့ပဲ ဖြစ်ပါတယ်။) File Size - (480 MB) Quality – WEBDL 720p Duration - 30 mins (@Episode) Subtitle – Myanmar Hardsub Format – MP4 Genre : Drama, Romance Translator – Shwe Pyae, MTA, Amelia, Thet Hnin Hsu, Shwe Pwint Encoder – SWM

The Last Princess (2016) IMDb 7.1/10 ဒီတစ်ခေါက်မှာတော့ ကိုရီးယားရဲ့ နောက်ဆုံး တော်ဝင်မင်းသမီး ဒေါ့ဟယ် အကြောင်းကို ရိုက်ကူးထားပြီး ဆုပေါင်းများစွာ သိမ်းပိုက်ထားတဲ့ ဇာတ်ကားကောင်းလေးကို ပရိသတ်တို့အတွက် တင်ဆက်ပေးလိုက်ပါတယ်။ Cast တွေအနေနဲ့ကတော့ မင်းသမီး ဒေါ့ဟယ် အဖြစ်မမ Son Ye-Jin မှ အဓိကသရုပ်ဆောင်ထားပြီး Park Hae-Il ၊ Ra Mi-Ran ၊ Yoon Je-Moon တို့အပြင် မင်းသမီးလေး Kim So-Hyun ၊ Kim Jae-Wook ၊ Ko Soo တို့ပါ ပါဝင်အားဖြည့်ထားတာဖြစ်လို့ Cast တွေနဲ့တင် လက်လွတ်မခံသင့်တဲ့ ဇာတ်ကားကောင်းလေး ဖြစ်ပါတယ်။ ဇာတ်လမ်းအညွှန်း ~ ဂိုဂျုံးဧကရာဇ်ရဲ့ တစ်ဦးတည်းသော သမီးတော်ဖြစ်တဲ့ မင်းသမီး ဒေါ့ဟယ်ဟာ ကိုရီးယားဧကရာဇ်နိုင်ငံတော်ရဲ့ အချစ်တော်မင်းသမီးလေး တစ်ပါး ဖြစ်ပါတယ်။ ဒီလိုမျိုး လိုလေသေးမရှိ ပျော်ပျော်ရွှင်ရွှင်နေခဲ့ရတဲ့ မင်းသမီးငယ်လေးဟာ အသက် ၁၃ နှစ်အရွယ်မှာ ဂျပန်ကိုလိုနီစည်းမျဥ်းကြောင့် အမိမြေကို စွန့်ခွာပြီး တိုင်းတပါးနိုင်ငံဖြစ်တဲ့ ဂျပန်ကို ပညာတော်သင်သွားဖို့ အတင်းဖိအားပေး စေလွှတ်ခံခဲ့ရပါတော့တယ်။ နေ့တိုင်းလိုလို အမိမြေကို လွမ်းဆွတ်ရင်း နေထိုင်လာခဲ့တဲ့ မင်းသမီးလေးဟာ တစ်နေ့မှာတော့ ငယ်ချစ်ဦး ဂင်ဂျန်ဟန်နဲ့ ပြန်ဆုံတွေ့ခဲ့ပြီးနောက် ဂင်ဂျန်ဟန်ရဲ့ အကြံပေးမှုအတိုင်း အစ်ကိုတော်ဖြစ်တဲ့ အိမ်ရှေ့စံမင်းသားယောင်းနဲ့အတူ ဂျပန်ကနေ ရှန်ဟိုင်းကို ထွက်ပြေးခိုလှုံဖို့ ကြိုးပမ်းပါတော့တယ် ။ ဒီကြိုးပမ်းမှုက အရာထင်သွားပြီး ရန်သူ့မြေကနေ လွတ်မြောက်သွားပြီး မိခင်မြေကို ပြန်ရောက်လာနိုင်မလား .... ကိုရီးယား တော်ဝင်မျိုးနွယ်တွေရဲ့ ဇာတ်သိမ်းက လှပပါ့မလားဆိုတာကိုတော့ .... ရင်ထဲထိစေပြီး လွမ်းမောဖွယ် ကြည့်ရှုရမဲ့ ဇာတ်ကားကောင်းလေး ဖြစ်လို့ ကိုယ်တိုင် ခံစားကြည့်လိုက်ပါဦးနော် .. File size…1.88GB / 890MB Quality… WEB-DL 1080p/ 720p Format…mp4 Duration….2 hr. 7 min. Genre ….. Historical, Drama , Melodrama Subtitle….Myanmar Subtitle (Hard Sub)

The Tiger (2015) Old Boy က မင်းသားကြီး Choi Man Sik အပြင် နာမည်ကြီး ဇာတ်ပို့ဇာတ်ရံတွေ များစွာပါဝင်တဲ့ The Tiger ဆိုတဲ့ ကားလေးကတော့ ဂျပန်လက်အောက်ရောက်နေတဲ့ ဂျိုဆွန်းပြည်ကို နောက်ခံထားရိုက်ထားတဲ့ ရုပ်ရှင်ပဲဖြစ်ပါတယ်။ ၁၉၂၅ ခုနှစ် ဂျပန်တွေက ဂျိုဆွန်းကို နယ်ချဲ့ထားခဲ့စဉ် အမဲလိုက်သမားတွေကိုလည်း လွတ်လွတ်လပ်လပ် အမဲလိုက်ခွင့် မပေးဘဲ သူတို့ ညွှန်ကြားချက်ရမှသာ အမဲလိုက်စေတယ်။ သားကောင်တွေ ပေါများပြီး အမဲလိုက်သမားတို့ ကျက်စားရာဖြစ်တဲ့ ဂျီရီတောင်ကို ဂျပန်တွေ မျက်စိကျလာပြီး ‌ဂျီရီတောင်က တောင်အရှင် တောဘုရင်ကျားကြီးကို ဖမ်းဆီးချင်လာကြတယ်။ ဒါပေမဲ့ ဂျပန်တပ်သားတွေနဲ့ ဂျိုဆွန်းအမဲလိုက်သမားတွေ ပူးပေါင်းပြီး ဖမ်းတာတောင်မှ ဘယ်လိုမှ မဖမ်းဆီးနိုင်ခဲ့တဲ့အပြင် အတုံးအရုံး သေကြေလာကြရတဲ့အခါ ဘုရင်ခံက အမဲလိုက်ဘုရင် ချွန်းမန်ဒုကို တောင်အရှင်ကျားကြီးကို ဖမ်းဆီးပေးဖို့ တွန်းအားပေးလာပါတော့တယ်။ တောင်အရှင်ကျားကြီးနဲ့ အမဲလိုက်ဘုရင်ချွန်းမန်ဒုတို့ ထိပ်တိုက်တွေ့ကြရာမှာ ဘယ်သူနိုင်သွားမလဲ ဆိုတာကို ဇာတ်လမ်းလေးထဲမှာပဲ ကြည့်ရှုအားပေးကြပါဦးနော်။ (အညွှန်း နဲ့ ရုပ်ရှင်ကားကိုတော့ Miri မှ ဘာသာပြန်ရေးသားထားပါတယ်။) File size…3.2GB / 1.6GB Quality…BluRay 1080p/ 720p Format…mp4 Duration….1h 40m Genre ….. Thriller, Mystery, Crime Subtitle….Myanmar Subtitle (Hard Sub) Encoder….Tiff Translated by Miri