Choi Ji-woo ပါဝင်သော ဇာတ်ကားများ

100 Days of Deception (2026) အပိုင်းသစ် (8) ဂျပန်ကိုလိုနီခေတ် ဂယောင်းဆောင်းမြို့ကြီးမှာ အသက်ရှင်ဖို့အတွက် လမ်းဘေးခါးပိုက်နှိုက်၊ လူလိမ်မလေးအဖြစ်ကျင်လည်နေရတဲ့ “အီဂါဂယောင်း” (Kim Yoo Jung) ဆိုတဲ့ ကောင်မလေးတစ်ယောက် ရှိပါတယ်။ သူ့ရဲ့တစ်သက်တာရည်မှန်းချက်ကတော့ ပိုက်ဆံရှာပြီး ဒီဒုက္ခတွင်းထဲကနေ အဝေးဆုံးကိုထွက်ပြေးဖို့ပါပဲ။ ဒါပေမဲ့ ကံကြမ္မာရဲ့ဖန်တီးမှုကြောင့် လွတ်လပ်ရေးလှုပ်ရှားမှုအဖွဲ့နဲ့ သဘောတူညီချက်တစ်ခုယူလိုက်ရပြီး ကိုရီးယား ဂျပန်ဘုရင်ခံချုပ်ရုံးကြီးထဲမှာ ဝန်ထမ်းအဖြစ်ဟန်ဆောင်ပြီး ရက်ပေါင်း ၁၀၀ တိတိ အယောင်ဆောင်သူလျှိုအဖြစ်အလုပ်လုပ်ဖို့ ဖြစ်လာခဲ့ပါတယ်။ အသက်ရှင်သန်ရေးသက်သက်အတွက်နဲ့စတင်ခဲ့တဲ့ ဒီဟန်ဆောင်ကစားပွဲဟာ အချိန်ကြာလာတာနဲ့အမျှ သူ့ကို နိုင်ငံရေးအရှုပ်အထွေးတွေ သစ္စာစောင့်သိမှုတွေနဲ့ ယုံကြည်ချက်တွေကြားဗျာများရတဲ့ စစ်မှန်တဲ့သတင်းပေးတစ်ယောက်အဖြစ် ဖြည်းဖြည်းချင်းတွန်းပို့ပေးပါတော့တယ်။ ဒီလိုအန္တရာယ်များတဲ့ မျက်နှာနှစ်ဖက်နဲ့ဘဝကိုဖြတ်သန်းနေရချိန်မှာပဲ “ဂါဂယောင်း” ဟာ ဘုရင်ခံချုပ်ရုံးရဲ့ ဩဇာကြီးမားတဲ့ဂျပန်အရာရှိကြီး ဆာတိုရှင်းအိချိရဲ့မွေးစားသားဖြစ်ပြီး နှစ်ပေါင်းများစွာကြာမှ တိုင်းပြည်ကိုပြန်ရောက်လာတဲ့ ထူးချွန်တဲ့စကားပြန် “ဂင်ထယ်အွန်း” (Park Jin Young) နဲ့ ဆုံတွေ့ပါတော့တယ်။ အဆောက်အဦတစ်ခုတည်းမှာ အတူတာဝန်ထမ်းဆောင်ကြရင်း ကိုယ်စီလျှို့ဝှက်ချက်တွေ၊ အလိမ်အညာတွေနဲ့အစပြုခဲ့တဲ့ သူတို့နှစ်ယောက်ရဲ့ဆက်ဆံရေးဟာ မယုံသင်္ကာမှုတွေကြားကနေ တဖြည်းဖြည်းနဲ့ ရင်ခုန်စရာသံယောဇဉ်အဖြစ် အသွင်ပြောင်းလာခဲ့ပါတော့တယ်။ အန္တရာယ်ကြီးမားတဲ့ ကိုလိုနီခေတ် နိုင်ငံရေးတင်းမာမှုတွေကြားမှာ ဒီဖြစ်နိုင်ခြေမရှိတဲ့ချစ်ခြင်းမေတ္တာလေးက တိတ်တဆိတ်ပေါက်ဖွားရှင်သန်လာတာကို ရင်တထိတ်ထိတ်နဲ့ရှုစားရမှာပါ။ ဒီဇာတ်လမ်းတွဲမှာ မင်းသမီး Kim Yoo Jung က လမ်းဘေးခါးပိုက်နှိုက်ဘဝကနေ သူလျှိုမလေးအဖြစ်ပြောင်းလဲလာမဲ့ “ဂါဂယောင်း” အဖြစ် သရုပ်ဆောင်ထားပြီး မင်းသား Park Jin Young ကတော့ လျှို့ဝှက်ချက်များတဲ့စကားပြန် “ဂင်ထယ်အွန်း” အဖြစ်ပါဝင်ထားပါတယ်။ သူတို့နှစ်ယောက်ရဲ့အတွဲညီညီသရုပ်ဆောင်မှုအပြင် ကလဲ့စားချေဖို့ လက်ဖြောင့်သေနတ်သမားအဖြစ်ပြန်ရောက်လာတဲ့ မင်းသမီးကြီး Kim Hyun Joo၊ သတင်းထောက်အဖြစ်ဟန်ဆောင်ထားတဲ့ လွတ်လပ်ရေးအဖွဲ့ဝင်အဖြစ် မင်းသား Lee Moo Saeng နဲ့ ဗီလိန်ကြီးအဖြစ် မင်းသား Jin Seon Kyu တို့လို ဝါရင့်သရုပ်ဆောင်တွေ အပြိုင်ကြဲထားတာမို့ သရုပ်ဆောင်ပိုင်းအနေနဲ့လည်းပြောစရာမလိုအောင် မြိုင်ဆိုင်နေမဲ့ကားကောင်းလေးပါ။ tvN ရဲ့ အနှစ် ၂၀ ပြည့် အထူးပရောဂျက်အနေနဲ့ရိုက်ကူးထားတဲ့ဒီဇာတ်လမ်းလေးဟာ လွတ်လပ်ရေးကြိုးပမ်းမှုသမိုင်းနောက်ခံနဲ့ စပိုင်ဇာတ်လမ်းတွေကိုမှ ချစ်ခြင်း၊ ကလဲ့စားချေခြင်း၊ လှည့်စားခြင်းတွေပေါင်းစပ်ထားတာကြိုက်တဲ့သူတွေအတွက်တော့ လုံးဝလက်မလွှတ်သင့်တဲ့ ဇာတ်လမ်းတွဲအသစ်လေးဖြစ်တာမို့ အပတ်စဥ် စနေ၊ တနင်္ဂနွေတိုင်း တင်ဆက်ပေးသွားမှာပဲဖြစ်ပါတယ်။ Episodes: 16 Aired: Oct 10, 2026 - Nov 29, 2026 Aired On: Saturday, Sunday Original Network: tvN Duration: 1h 10m Genres: Action, Thriller, Historical, Romance Subtitle: Myanmar Subtitle (Hardsub)

Sugar (2026) IMDb Rating (6.0) ဒီတစ်ခေါက်မှာတော့ အချစ်လှေကားထစ်လေးများထဲက မင်းသမီး Choi Ji-Woo ရဲ့ မိခင်မေတ္တာဖွဲ့ ရုပ်ရှင်သစ်လေးကို တင်ဆက်ပေးလိုက်ပါတယ်။ - ဇာတ်လမ်းအကျဉ်း - Software Engineer ဖြစ်တဲ့ ဂင်မီရာ (Choi Ji-Woo) ဟာ သူ့ရဲ့ အသက် ၁၂ နှစ်အရွယ် သားလေး ဒုံမြောင်းမှာ အမျိုးအစား (၁) ဆီးချိုရောဂါရှိနေကြောင်း သိရှိလိုက်ရတဲ့အခါ... သူ့ရဲ့ အင်ဂျင်နီယာပညာကို အသုံးချပြီး ပြည်တွင်းမှာ ရောင်းချခွင့် မရရှိသေးတဲ့ အဆက်မပြတ် သွေးတွင်းသကြားဓာတ်တိုင်း ကိရိယာလေးကို တိုက်ရိုက်တင်သွင်းပြီးတော့ ဒုံမြောင်းရဲ့ ကိုယ်မှာ တပ်ဆင်ပေးပြီး အဝေးက စောင့်ကြည့်တဲ့ စနစ်နဲ့ပါ ချိတ်ဆက်ပေးလိုက်ပါတော့တယ်။ ဒီသတင်းကို ကြားပြီး တခြား ဆီးချိုဝေဒနာသည် ကလေးတွေရဲ့ မိဘတွေကပါ အကူအညီ တောင်းလာတဲ့အခါ မီရာလည်း ကိုယ်ချင်းစာစိတ်နဲ့ ကူညီဝယ်ယူပေးဖြစ်သွားတာပေါ့။ ဒါပေမဲ့ အချိန်ကြာလာတာနဲ့အမျှ သားလေး ဒုံမြောင်းထက် တခြားကလေးတွေရဲ့ အရေးကို ပိုအာရုံစိုက်ပေးသလို ဖြစ်လာပြီး သားအမိဆက်ဆံရေးမှာ အဖုအထစ်လေးတွေ ဖြစ်လာပါတော့တယ်။ တစ်ဖက်မှာလည်း တရားမဝင် ဆေးဘက်ဆိုင်ရာ စက်ပစ္စည်းကို အခွန်ရှောင်ပြီး တင်သွင်းမှုနဲ့ တိုင်ကြားခံလိုက်ရတဲ့အခါမှာ... မီရာက ဒီပြဿနာကို ဘယ်လို ရင်ဆိုင်ဖြေရှင်းသွားမလဲ.... သားလေး ဒုံမြောင်းနဲ့ရော နားလည်မှုပြန်ယူနိုင်ပါ့မလားဆိုတာကို ဇာတ်လမ်းလေးထဲမှာ ဆက်လက် ကြည့်ရှုပေးပါဦးနော်။ File Size : 1.48GB/ 720MB Quality : WEB-DL 1080p/ 720p Format : mp4 Duration : 1hr 46m Genre : Life, Drama Subtitle : Myanmar Subtitle (Hard Sub)

Hitman 2 (2025) Hitman 1 တုန်းကလိုပဲ ဝက်ဝက်ကွဲ ရယ်ရဦးမဲ့ Hit Man 2 ထွက်ရှိလို့လာပါပြီ။ သရုပ်ဆောင်တွေအနေနဲ့ S1 တုန်းကအတိုင်း Kwon Sang Woo, Jung Joon Ho, Lee Yi Kyung, Kim Sung Oh, Hwang Woo Seul Hye, Han Ji Eun တို့က အဓိက ပြန်လည်ပါဝင် သရုပ်ဆောင်ထားပါတယ်။ S1 တုန်းကလို ကာတွန်း ရေးရတာကို ဝါသနာပါတဲ့ ဂင်ဘုံဂျွန်ဟာ သူ့ဘဝဇာတ်ကြောင်းကို အခြေခံပြီး ရေးသားထားတဲ့ "လုပ်ကြံရေးသမားဂျွန်" ဆိုတဲ့ Webtoonကို အတွဲ၂ ထွက်ရှိဖို့ ကြိုးစားခဲ့ပေမဲ့ သူ ထင်ထားသလို မ‌အောင်မြင်တဲ့အပြင် အပျက်သဘောဆောင်တဲ့ မှတ်ချက်တွေနဲ့ပါ တိုက်ခိုက်ခံလာရပြီး နာမည်ပျက်ဖို့ လမ်းစပြုလာခဲ့ပါတယ်။ အဲဒီအချိန်မှာပဲ အကြမ်းဖက်သမား အစစ်တွေ ကိုရီးယားကို ရောက်ရှိလာပြီး ဂင်ဘုံဂျွန်ကို လုပ်ကြံဖို့အတွက် အကြမ်းဖက် လုပ်ရပ်တွေကို စတင် ပြုလုပ်လာပါတော့တယ်။ ဒါပေမဲ့လည်း အဲဒီ အကြမ်းဖက် လုပ်ရပ်တွေက ဂင်ဘုံဂျွန်ရဲ့ ဇာတ်လမ်းထဲကအတိုင်းတစ်ထပ်တည်း ဖြစ်နေခဲ့တာကြောင့် ဂင်ဘုံဂျွန်ဟာ သံသယရှိတဲ့ တရားခံအနေနဲ့ သတ်မှတ်ခံလိုက်ရပြန်ပါတော့တယ်။ အဲဒီ အခြေအနေကို ဂင်ဘုံဂျွန် တစ်ယောက် ဘယ်လို ရင်ဆိုင်ဖြေရှင်းမလဲ.. ဘယ်လိုအလွဲတွေနဲ့ ကြုံတွေ့ရမလဲဆိုတာတော့ ဇာတ်လမ်းထဲမှာပဲ ဆက်လက် ရှုစားပေးကြပါဦးနော်။ (ဇာတ်လမ်းအညွှန်းကိုတော့ Treasure Htet မှ ‌ရေးသားထားပါတယ်။) File Size : 1.70GB/ 790MB Quality : WEB_DL 1080p/ 720p Format…mp4 Duration…01:54:00 Genre : Action, Adventure, Thriller, Comedy Subtitle : Myanmar Subtitle (Hard Sub) Translated by Treasure Htet, Miri, Stary & Hnin Wai Oo Encoded by Tiff

New Normal (2023) ပုံမှန်မြင်တွေ့နေကျ K Drama တွေနဲ့မတူဘဲ တမူထူးခြားတဲ့ ဇာတ်လမ်းပုံစံလေးနဲ့ New Normal (2023) ကတော့ ၂၀၂၂ ခုနှစ်အတွင်း ဆိုးလ်မြို့ရဲ့ နေ့ရက် ၄ ရက်အကြောင်းကို ရိုက်ကူးထားတာဖြစ်ပါတယ်။ ဒီ ၄ ရက်တာကို အပိုင်းလေးတွေခွဲထားပြီး တစ်ပိုင်းနဲ့တစ်ပိုင်းဟာလည်း အနည်းအကျဉ်းစီ ဆက်စပ်နေကြပါတယ်။ တစ်ပိုင်းချင်းစီမှာ ကိုယ့်အနေနဲ့ တစ်ခါမှကြုံတွေ့ဖူးမှာမဟုတ်တဲ့ အံ့အားသင့်ထိတ်လန့်စရာ နေ့ရက်တစ်ရက်စီကို ရိုက်ကူးပြထားပြီး နေ့စဉ်ဘဝမှာ ကိုယ်မျှော်လင့်မထားမိတဲ့ အန္တရာယ်နဲ့အကြောက်တရားတွေအကြောင်း သရုပ်ဖော်ပြထားတာပါ။ SHINee’s Minho, Strong Girl Gang Nam Soon ထဲက Lee Yoo Mi တို့အပြင် Choi Ji Woo တို့လို မင်းသမီးကြီးတွေပါ ပါဝင်ထားတာမို့ ကြည့်ရတန်စေမယ်လို့ ထင်ပါတယ်နော်။ အညွှန်း နဲ့ ဘာသာပြန်ကတော့ Hmwe ပဲ ဖြစ်ပါတယ်။ Genre..... Comedy, Horro, Thriller Quality…. 1080p | 720p File size…1.1GB | 441MB Format… mp4 Duration…. 1h 52min Subtitle…. Myanmar Subtitle (Hardsub) Translator ..... Hmwe Encoder ..... Aaron

Like for Likes (2016) IMDb... 6.8 ခေတ်သစ်လူမှုဘဝမှာ ဆိုရှယ်မီဒီယာကို အခြေခံပြီး ချစ်ခြင်းမေတ္တာကို ဖော်ကျူးကြတဲ့ စုံတွဲသုံးတွဲအကြောင်းကို ရိုက်ကူးထားတဲ့ အချစ်ဟာသဇာတ်ကားကောင်းလေး တစ်ကားကို တင်ဆက်ပေးလိုက်ပါတယ်။ ဒီဇာတ်ကားလေးထဲမှာတော့ ဆုံးပါးသွားပြီဖြစ်တဲ့ မင်းသားကြီး Kim Joo-hyeokနဲ့အတူ နာမည်ကြီးသရုပ်ဆောင်တွေဖြစ်ကြတဲ့ Yoo Ah-in, Kang Ha-neul, Choi Ji-woo, Lee Mi-yeon, Esom တို့က အဓိက ပါဝင်သရုပ်ဆောင်ထားပါတယ်။ ဇာတ်လမ်းအညွှန်း နိုဂျင်အူ (Yoo Ah-in)ဟာ စစ်မှုထမ်းပြီးတာ မကြာသေးတဲ့ နာမည်ကြီးသရုပ်ဆောင် တစ်ယောက်ဖြစ်ပြီး ဂျိုဂယောင်းအာ (Lee Mi-yeon) ကတော့ ဇာတ်လမ်းတွဲတွေရေးတဲ့ ဇာတ်ညွှန်းရေးဆရာမတစ်ယောက်ဖြစ်ပါတယ်။ ဂယောင်းအာက သူ့ရဲ့ဇာတ်လမ်းတွဲအသစ်ထဲမှာ ပါဝင်ဖို့ နိုဂျင်အူကို ကမ်းလှမ်းခဲ့ပေမဲ့ နိုဂျင်အူကတော့ ငြင်းပယ်ခဲ့ပါတယ်။ တစ်နေ့မှာတော့ မင်္ဂလာဆောင်တစ်ခုမှာ နိုဂျင်အူဟာ ဂယောင်းအာရဲ့သားလေး ဘုမ်းလေး ကို ရုတ်တရက် တွေ့လိုက်ရပြီးတဲ့နောက်မှာ အတိတ်က ဇာတ်လမ်းတစ်ခုကြောင့် ဘုမ်းလေးက သူ့ကလေးများဖြစ်နေမလားဆိုတဲ့ သံသယတွေ ဝင်လာခဲ့ပါတော့တယ်။ ဂျောင်ဆောင်ချန်း (Kim Joo-hyuk) ကတော့ ဂျပန်စားသောက်ဆိုင်လေးတစ်ဆိုင်ဖွင့်ထားတဲ့ သူတစ်ယောက်ဖြစ်ပြီး ချစ်သူနဲ့ လက်ထပ်ပြီးရင် အတူနေဖို့အတွက် တိုက်ခန်းလေး တစ်ခန်း ငှားရမ်းဖို့လိုက်ရှာရင်းကနေ လေယာဥ်မယ်လေး ဟမ်ဂျူရန် (Choi Ji-woo) ဆီကနေ အခန်းငှားရမ်းဖြစ်သွားခဲ့ပါတယ်။ ဒါပေမဲ့ ကံအကြောင်းမလှချင်တော့ ဆောင်ချန်းဟာ ချစ်သူရဲ့ လမ်းခွဲခြင်းကို ခံလိုက်ရပြီးနောက် တစ်ချိန်တည်းမှာပဲ ဂျူရန်ကလည်း ရင်းနှီးမြှုပ်နှံမှုတစ်ခုလုပ်ရာကနေ ပိုက်ဆံအလိမ်ခံလိုက်ရပြီး ခိုကိုးရာမဲ့နေချိန်မှာ ဆောင်ချန်းက သူငှားထားတဲ့ တိုက်ခန်းမှာ ဂျူရန်နဲ့ အတူနေထိုင်ဖို့ လမ်းလှမ်းဖြစ်ခဲ့ပါတယ်။ အီဆူဟို (Kang Ha-neul) ကတော့ သီချင်းရေးဆရာတစ်ဦးဖြစ်ပြီး အထက်တန်းကျောင်းသားဘဝတုန်းက ကားမတော်တဆမှုကြောင့် အကြားအာရုံချို့ယွင်းခဲ့ရသူပါ။ သူဟာ ဆောင်ချန်းရဲ့စားသောက်ဆိုင်က ပုံမှန်ဖောက်သည်တစ်ဦးဖြစ်ပြီး တစ်နေ့မှာတော့ စားသောက်ဆိုင်ထိုင်နေရင်း ဇာတ်လမ်းတွဲ ထုတ်လုပ်သူတစ်ဦးဖြစ်တဲ့ ဂျန်နာယွန်း (Esom) နဲ့ တွေ့ဆုံခဲ့ရာကနေ နှစ်ဦးသား ရင်းနှီးသွားကြပါတော့တယ်။ အဲဒီနောက်မှာ facebookကနေတစ်ဆင့် မက်ဆေ့ချ်တွေ အပြန်အလှန် ပို့ခဲ့ကြပြီး နှစ်ဦးသား ဒိတ်တွေလည်း လုပ်ခဲ့ကြပေမဲ့ ဆူဟိုဟာ သူ့ရဲ့ အကြားအာရုံချို့ယွင်းမှုအကြောင်းကို နာယွန်းကို ဖွင့်မပြောနိုင်ဘဲ ဖြစ်နေခဲ့ရပါတယ်။ ဒီစုံတွဲလေး သုံးတွဲရဲ့ အချစ်ဇာတ်လမ်းလေး သုံးပုဒ်ဟာ နောက်ဆုံးမှာ ပျော်ရွှင်ဖွယ်အဆုံးသတ်လေးဖြစ်သွားနိုင်မလား…. ဆိုရှယ်မီဒီယာကို အသုံးပြုပြီး သူတို့ရဲ့ အချစ်တွေကို ဘယ်လိုဖော်ကျူးသွားမှာလဲ....ဆိုတာကိုတော့ ဇာတ်လမ်းလေးထဲမှာ ဆက်လက်ကြည့်ရှုပေးပါဦးနော်။ (ဇာတ်လမ်းအညွှန်းနဲ့ ဘာသာပြန်ဆိုသူကတော့ Phyo ပဲ ဖြစ်ပါတယ်။) File Size : 1.75GB/ 850MB Quality : WEB-DL 1080p 5.1CH/ 720p Format…mp4 Duration…01:49:00 Genre : Comedy, Romance, Drama Subtitle : Myanmar Subtitle (Hard Sub) Translated by Phyo Encoded by Tiff

Temptation (2014) အပိုင်း (1 မှ 20) စ/ဆုံး ဒီတစ်ခါမှာတော့ တစ်ခေတ်တစ်ခါတုန်းက ထိပ်ထိပ်ကြဲတွေဖြစ်တဲ့ မင်းသမီးကြီး Choi Ji Wooနဲ့ မင်းသားကြီး Kwon Sang Woo တို့ အဓိကပါဝင်ထားတဲ့ အိမ်ထောင်ရေးကားလေးကို တင်ဆက်ပေးလိုက်ပါတယ်။ ဇာတ်လမ်းအကျဥ်း... လုပ်ငန်းကျရှုံးပြီး အကြွေးပိနေတဲ့ ချာဆော့ဟွန်းနဲ့ နာဟုန်းဂျူတို့ ဇနီးမောင်နှံနှစ်ယောက်ဟာ ဟောင်ကောင်မှာ ထက်မြက်တဲ့ စီးပွားရေးလုပ်ငန်းရှင်တစ်ဖြစ်လည်း အချစ်ရေးရာကို စိတ်ဝင်စားမှုမရှိတဲ့ ယွန်းဆယ်ယောင်းနဲ့ အမှတ်မထင်ဆုံတွေ့ခဲ့ပြီး "ဆော့ဟွန်းရဲ့ အကြွေးတွေအတွက် ဖြေရှင်းပေးမယ်" "ဆော့ဟွန်းကို ၃ရက်တာ ဝယ်မယ်" ဆိုတဲ့ ကမ်းလှမ်းမှုလုပ်လာပါတော့တယ်။ အဲဒီကမ်းလှမ်းမှုက ဇနီးမောင်နှံ နှစ်ယောက်ရဲ့ ဆက်ဆံရေးကို ဘယ်လိုတွေပြောင်းလဲစေမှာလဲ... ဆယ်ယောင်းနဲ့ ဆော့ဟွန်းတို့ကြားမှာရော အတိတ်က ဘယ်လိုဇာတ်လမ်းတွေ ရှိခဲ့သေးသလဲ... ဆိုတာတွေကိုတော့ ဇာတ်လမ်းထဲမှာ ကြည့်ရှုလိုက်ကြရအောင်နော်။ (အညွှန်းကိုတော့ Lia Fay မှ ရေးသားထားပါတယ်။) Genres: Romance, Drama, Melodrama Episodes: 20 Aired: Jul 14, 2014 - Sep 16, 2014 Aired On: Monday, Tuesday Original Network: SBS Duration: 60 mins Translated by Lia Fay, Thte Hnin Hsu, Hsu Pyae, Wutyi & Khin Ni Encoded by Tiff

Air City (2007) လေကြောင်းမြို့တော် ဒီလအတွက်တော့ "လေကြောင်းမြို့တော်"ဆိုပြီး မြန်မာပရိသတ်တွေ သိခဲ့ကြတဲ့ အချစ်၊အလွမ်း၊ဟာသ၊အက်ရှင် ရသမျိုးစုံကို ခံစားနိုင်မယ့် ဇာတ်လမ်း‌တွဲလေးနဲ့ မိတ်ဆက်ပေးချင်ပါတယ်။ Squid Game ဇာတ်လမ်းတွဲထဲက မင်းသားကြီး Lee Jung Jaeနဲ့ Stairway to Heaven (အချစ်လှေကားဓာတ်လေးများ)ဇာတ်လမ်းတွဲထဲက မင်းသမီးကြီး Choi Ji Wooတို့ အဓိကပါဝင်ထားပါတယ်။ NISရဲ့ အေးဂျင့်ဖြစ်တဲ့ ဂင်ဂျီဆောင်းကတော့ တိုင်းပြည်လုံခြုံရေးအတွက်ဆိုရင် ချမှတ်ထားတဲ့ စည်းမျည်း စည်းကမ်းတွေကို ချိုးဖောက်သင့်ရင်ချိုးဖောက်ပြီး ရာဇဝတ်ကောင်နောက်ကို ကျားကုတ်ကျားခဲလိုက်တတ်တဲ့‌ အေးဂျင့်တစ်ယောက်ပါ။ တစ်ဖက်မှာတော့ Incheonအပြည်ပြည်ဆိုင်ရာလေဆိပ်ရဲ့ မန်နေဂျာဖြစ်တဲ့ ဟန်ဒိုဂယောင်းဟာ အသက်ငယ်ပေမဲ့ အဆိပ်ပြင်းသူတစ်ယောက်ဖြစ်ပြီး ကျိုးကြောင်းဆီလျော်အောင် ဆင်ခြင်တွေးခေါ်တတ်သူပေါ့။ စရိုက်မတူသူ နှစ်ဦးကြား ကတောက်ကဆ ဖြစ်ပေါ်တတ်တာ သဘာဝဆိုသလိုပဲ NISအေးဂျင့် ဂင်ဂျီဆောင်းနဲ့ Incheon လေဆိပ်ရဲ့ မန်နေဂျာ ဟန်ဒိုဂယောင်းတို့ ရာဇဝတ်မှုတွေကို ဖြေရှင်းဖို့အတွက် ပူးပေါင်းလုပ်‌ဆောင်ကြတဲ့အချိန်မှာ အမြီးအမောက် မတည့်ဖြစ်တာမျိုးတွေ ရှိလာပါတယ်။ ကတောက်ကဆတွေကြားကနေ ရာဇဝတ်မှုတွေ ဘယ်လိုပူးပေါင်းဖြေရှင်းသွားကြမလဲဆိုတာကိုတော့ Air City ဇာတ်လမ်းတွဲထဲမှာ ကြည့်ရှူခံစားနိုင်ပါပြီ။ ဇာတ်လမ်းအညွှန်းကိုတော့ Treasure Htet မှ ရေးသားပေးထားပါတယ် Aired: May 19 2007 - July 8 2007 Genres: Action, Romance, Drama. Country: South Korea Duration: 60 mins Episodes: 16 Original Network: MBC Translated by Treasure Htet, Ahtet, Htoo Htoo Aung, Tiff, May Thu, Stary and Zuri Htoo Encoded by Heather Oo

Everybody Has a Little Secret (2004) IMDb Rating (6.0) အခုချိန်အထိ အောင်မြင်ကျော်ကြားနေဆဲ ဖြစ်တဲ့ မင်းသားကြီး Lee Byung Heon နဲ့ မင်းသမီးကြီး Choi Ji Woo၊ Chu San Mi၊ Kim Hyo Jin တို့ အဓိက ပါဝင်ထားတဲ့ တစ်ချိန်ကား နာမည်ကြီး ဟာသရိုမန့်ဇာတ်ကားဟောင်းလေးနဲ့ မိတ်ဆက်ပေးလိုက်ပါတယ်။ မိန်းကလေးတွေရဲ့ နှလုံးသားကို ဘယ်လိုပုံစံမျိုးနဲ့ အပိုင်သိမ်းယူရမလဲဆိုတာကို သိထားတဲ့ ဆူဟျွန်း(Lee Byung Heon)ကတော့ အပြောချိုချိုလေးတွေနဲ့ မိန်းကလေးတွေကို ပြုစားတဲ့ နေရာမှာ ဆရာတစ်ဆူပါပဲ။ တစ်ဖက်မှာတော့ ဟန်ဂျင်း‌ယောင်း၊ ဟန်ဆွန်းယောင်းနဲ့ ‌‌ဟန်မီယောင်း လိုခေါ်တဲ့ ညီအစ်မ သုံးဖော် ရှိကြပြီးတော့ အငယ်ဆုံး ညီမ ဟန်မီယောင်းနဲ့ မိန်းမကျမ်းကျေသူ ဆူဟျွန်းတို့က ချစ်ကြိုက်နေကြတဲ့ ဆက်ဆံရေးပါ။ ဒါပေမဲ့ တစ်ခုလပ် ဖြစ်နေတဲ့ ဟန်ဂျင်း‌ယောင်းနဲ့ ဝတ္ထုထဲက အချစ်ဇာတ်လမ်းတွေကို နှစ်သက်တဲ့ဟန်ဆွန်းယောင်းတို့ဟာ ဆူဟျွန်းရဲ့ စကားလုံးတွေထဲမှာ မျောပါပြီး ဆွဲဆောင်ခံလိုက်ရပါတော့တယ်။ စကားလုံးတွေနဲ့ ပြုစားတတ်တဲ့ ဆူဟျွန်းနဲ့ "ဟန်"ညီအစ်မ သုံးယောက်ရဲ့ အချစ်ဇာတ်လမ်းကို ဟာသလေးနှောပြီး ရိုက်ကူးပြသထားတာမို့လို့ ဘာတွေဆက်ဖြစ်ကြမလဲဆိုတာကို ဇာတ်လမ်းထဲမှာ ကြည့်ရှုခံစားဖို ညွှန်းပေးလိုက်ရပါတယ်။ (ရုပ်ရှင်အညွှန်းကို Treasure Htet မှရေးသားပြီး Esth, Treasure Htet & Kyoun တို့မှ ဘာသာပြန်တင်ဆက်ထားပါတယ်။) File size…(3.9 GB )/(1.1 GB) Quality…WEB-DL 1080p HEVC / 720p Format…mkv/mp4 Duration….01:41:06 Subtitle….Myanmar Subtitle (Hardsub) Encoder….Ka Naung Translated by Esth, Treasure Htet & Kyoun

Stairway to Heaven (2003)(အညွှန်း) လွန်ခဲ့တဲ့ 2000 ခုနှစ်အကျော်ပိုင်းအချိန်တွေတုန်းက ..... အခုလိုမျိုး ည ၈ နာရီသတင်းအပြီးလာမယ့် ကိုရီးယားဇာတ်လမ်းတွဲကို စောင့်ကြည့်ခဲ့ရတဲ့အချိန်တွေကလည်း ဘာပဲဖြစ်ဖြစ်လွမ်းမောစရာပါပဲ။ အဲဒီထဲကမှ “အချစ်လှေကားထစ်လေးများ” ရဲ့ “ဆုန်ဂျူး အိုပါး” ကိုငမ်းခဲ့ရတဲ့အချိန်တွေကတော့ အကောင်းတကာ့အကောင်းဆုံးပေါ့ 🤭 ဝါရင့်ကေဒွမ်မာဖန်တော်တော်များများ အလွတ်ရမတတ်ကြည့်ထားကြလောက်မယ့်ကားလေးဖြစ်တာမို့ ဇာတ်လမ်းကတော့ အထွေအထူးပြောဖို့မလိုတော့ပါဘူး။ အိုင်ကတော့ ဒီကားကို စင်ဒရဲလား ကိုရီးယားဗားရှင်းလို့ပဲညွှန်းချင်ပါတယ် 🫠 အမိမဲ့ဖြစ်နေရရှာတာလေးကလွဲလို့ ရုပ်ရည်၊ စည်းစိမ်ဥစ္စာ၊ ပညာအရည်အချင်း အားလုံးပြီးပြည့်စုံနေတဲ့အပြင် အစစအရာအရာပြီးပြည့်စုံပြီး သူ့ကိုလည်းအရမ်းကိုဂရုစိုက်ပေးတဲ့ “ဆုန်ဂျူး အိုပါး” ပါရှိနေသေးပြန်တဲ့ “ဂျောင်ဆော” ရဲ့ဘဝကြီးက မိထွေးတော်နဲ့သူ့သမီးရောက်လာကာမှ အကုန်ရုန်းရင်းဆန်ခတ်တွေဖြစ်ခဲ့ရတာမို့ပါ။ ငယ်စဉ်တည်းကချစ်ခဲ့ရတဲ့ ငယ်ချစ်ဦးနဲ့ပေါင်းဖက်ဖို့အရေးအခက်အခဲတွေအများကြီးရင်ဆိုင်ခဲ့ရပြီး တကယ်တမ်းပေါင်းဖက်ခဲ့ရပြီးကာမှ ဘယ်တော့မှပြန်မဆုံစည်းနိုင်တော့တဲ့ ခွဲခွါခြင်းနဲ့ခွဲခွါခဲ့ရရှာတဲ့ “ဆုန်ဂျူး နဲ့ ဂျောင်ဆော” ရဲ့ love story ကိုကြည့်တိုင်း အိုင်ကတော့ ခုထိကို မျက်ရည်နဲ့မျက်ခွက်ပါပဲ:’) အဆုံးသတ်ကိုကြိုသိထားပေမယ့်လည်း ကမ္ဘာကျော် Titanic ဇာတ်ကားကြီးလို ပြန်ကြည့်တိုင်းဘယ်တော့မရိုးနိုင်တဲ့အပြင် Kwong Sang Woo, Choi Ji Woo, Lee Wan, Shin Hyun Joon, Kim Tae Hee, Park Shin Hye, Baek Sung Hyun, Lee Wan တို့ရဲ့ တစ်ချိန်ကပုံရိပ်တွေ နဲ့ သရုပ်ဆောင်စွမ်းရည်တွေကိုပါ ပြန်ခံစားနိုင်အောင်လို့တင်ဆက်ပေးလိုက်ရပါတယ်။ အညွှန်းကို‌တော့ Lai Laii က ရေးထားပေးပြီးတော့ ဘာသာပြန်ထားတာကတော့ Lai Laii, Hmwe, Lao Qui, Milkeux တို့ပဲ ဖြစ်ပါတယ်။ Genre..... Drama Quality…. 1080p | 720p File size… 1.5GB | 500MB Format… mp4 Duration…. 60min Subtitle…. Myanmar Subtitle (Hardsub) Translator ..... Lai Laii, Hmwe, Lao Qui, Milkeux Encoder ..... August

Hallelujah (1997) လိမ်ညာပြီး ငွေရှာတတ်တဲ့သူတစ်ယောက်ကို သင်းအုပ်ဆရာအဖြစ် ဟန်ဆောင်ခိုင်းလိုက်ရင် ဘယ်လောက်တောင် ရှုပ်ထွေးတဲ့အခြေအနေတွေ ဖြစ်လာမလဲ။ ထောင်ကထွက်လာခါစ ယန်းဒုဂွန်းကတော့ သူ့ဘဝကို အရင်အတိုင်းပဲ လိမ်ညာမှုတွေနဲ့ ဆက်ဖြတ်သန်းဖို့ ကြံစည်နေသူပါ။ တစ်နေ့မှာ မတော်တဆကြုံတွေ့မှုတစ်ခုကနေ သင်းအုပ်ဆရာတစ်ယောက်နဲ့ ပတ်သက်တဲ့ စာတစ်စောင်ကို ရရှိလာပြီး အဲဒီစာထဲမှာ ဘုရားကျောင်းဖွံ့ဖြိုးရေးအတွက် လှူဒါန်းမယ့် ဝမ်သန်း ၁၀၀ အကြောင်း ပါဝင်နေတာကို သိလိုက်ရပါတယ်။ ငွေသန်း ၁၀၀ ဆိုတဲ့ ပမာဏကို ကြားလိုက်ရတဲ့ ယန်းဒုဂွန်းတစ်ယောက် ဒီအခွင့်အရေးကို လက်လွတ်မခံဘဲ သတိလစ်နေတဲ့ သင်းအုပ်ဆရာရဲ့ နေရာမှာ ဝင်ဟန်ဆောင်ပြီး ဘုရားကျောင်းကို ရောက်သွားခဲ့ပါတော့တယ်။ ဒါပေမဲ့ ငွေ သန်း ၁၀၀ ရဖို့က ထင်သလောက် လွယ်ကူမနေခဲ့ပါဘူး။ ဘုရားကျောင်းမှာ နှစ်ပတ်ကြာ နေရမယ့်အပြင် သင်းအုပ်ဆရာတစ်ယောက်လိုလည်း ပြုမူနေရတာကြောင့် သူ့ရဲ့လိမ်ညာမှုတွေကို ဖုံးကွယ်ဖို့ ပိုပိုပြီး ခက်ခဲလာပါတယ်။ အစက ငွေရဖို့တစ်ခုတည်းကိုပဲ စဉ်းစားခဲ့တဲ့သူဟာ ဘုရားကျောင်းက လူတွေနဲ့ နီးကပ်လာတဲ့အခါ ကိုယ်တိုင်တောင် မမျှော်လင့်ထားတဲ့ အခြေအနေတွေနဲ့ ရင်ဆိုင်လာရပါတော့တယ်။ ငွေသန်း ၁၀၀ ရဖို့ စခဲ့တဲ့ လိမ်ညာမှုတစ်ခုက ယန်းဒုဂွန်းရဲ့ဘဝကို ဘယ်လိုပြောင်းလဲသွားစေမလဲ။ သူ့ရဲ့ဟန်ဆောင်မှုတွေကို လူတွေသိသွားကြမလား၊ ဒါမှမဟုတ် သူကိုယ်တိုင်တောင် မထင်ထားတဲ့ အပြောင်းအလဲတစ်ခု ဖြစ်လာမလားဆိုတာ ရယ်စရာအလွဲတွေကြားကနေ ဆက်လက်ကြည့်ရှုရမှာပါနော်။ လူလိမ်တစ်ယောက်ရဲ့ ဟန်ဆောင်မှုတွေ၊ ဘုရားကျောင်းထဲက မထင်မှတ်ထားတဲ့ အဖြစ်အပျက်တွေနဲ့ ရယ်စရာကောင်းသလို တွေးစရာလည်း ပေးနိုင်တဲ့ ကိုရီးယားဟာသကားဟောင်းလေးတစ်ကားမို့ ကြည့်ရှုခံစားလိုက်ကြပါဦးနော်။ File Size - 1.9 GB/ 783 MB Quality - WEB-DL 1080p/ 720p Duration - 1h 38m Format - mp4 Genre - Comedy Subtitle - Myanmar Subtitle (Hard Sub)