Michelle Yeoh ပါဝင်သော ဇာတ်ကားများ

Oscar ဆုရှင်မင်းသမီးကြီး Michelle Yeoh နဲ့ မင်းသားချောလေး Liu Hao Ranတို့ရဲ့ စိတ်ဝင်စားစရာကောင်းတဲ့ ဖြစ်ရပ်မှန်အခြေခံပြီးရိုက်ကူးပုံဖော်ထားတဲ့ ရုဘစ်ကုဗတုံးအားကစားပြိုင်ပွဲမှာ အသက်အရွယ်ဟာကိန်းဂဏန်းတစ်ခုသာဖြစ်တယ်ဆိုတဲ့အကြောင်း ပြသသွားတဲ့ ရုပ်ရှင်ဇာတ်ကားကြီးပဲဖြစ်ပါတယ်။ အသက်(၇၀)အရွယ် အသက်ကြီးလာပြီဆိုပေမယ့် လူငယ်ထပ်တောင် သန်တုန်းမြန်တုန်းဖြစ်တဲ့ ထစ်ကနဲရှိဒေါသထွက်တတ်တဲ့ ဆတ်ဆတ်ကျဲ အဘွားကျောက်ယန့်ဟုန်ဟာ မတရားမှုကိုခေါင်းငုံ့မခံတတ် ဘယ်တော့မှအရှုံးမပေးတဲ့ ခေါင်းမာတဲ့သူတစ်ယောက်ဖြစ်ပါတယ်။ ဘိုးဘွားရိပ်သာမှာနေထိုင်ရင်း ငြီးငွေ့စရာကောင်းတဲ့ဘဝမှာ အမြဲဆန်းသစ်တဲ့အရာတွေကိုလုပ်ဆောင်လိုတဲ့ စိတ်ဓာတ်ရှိသူတစ်ယောက်ဖြစ်ပါတယ်။ အသက်(၂၅)နှစ်အရွယ် ပါရမီရှင်ရုဘစ် ကုဗတုံးပြိုင်ပွဲချန်ပီယံ ဝူယိုဝေကတော့ ဘဝကိုအရက်နဲ့မျှောရင်း ပေါ့ပေါ့ဆဆနေတတ်သူတစ်ယောက်ဖြစ်ပါတယ်။ဆန့်ကျင်ဘက်ဖြစ်တဲ့သူတို့နှစ်ယောက် မထင်မှတ်ပဲဆုံမိတဲ့အခါမှာတော့ ဆရာတပည့်အဖြစ်ပေါင်းစည်းသွားခဲ့ပါတယ်။ ရောင်စုံရုဘစ်တုံးအပေါ်စွဲလမ်းသွားတဲ့ အဘွားကျောက်ယန့်ဟုန်ဟာ ဆရာဖြစ်သူ သူငယ်ချင်းနဲ့ မိသားစုရဲ့အားပေးမှုနဲ့အတူ ကမ္ဘာ့ရုဘစ်ပြိုင်ပွဲစင်မြင့်ကို တက်လှမ်းဖို့ကြိုးစားပါတော့တယ်။ တလွဲပြိုင်ဖက်တွေ ရယ်မောဖွယ်ရာအလွဲအမှားတွေကြုံတွေ့ရင်း ရုဘစ်ကုဗတုံးလေးတစ်တုံးမှနေတစ်ဆင့် ကိုယ့်ဘဝရဲ့ အတားအဆီးတွေကိုဖယ်ရှားရင်း အိပ်မက်နဲ့ဘဝဖြစ်နိုင်ချေတွေကို ပြန်လည်ပုံဖော်သွားမယ့် ခွန်အားဖြည့်ရုပ်ရှင်ကားကောင်းပဲဖြစ်ပါတယ်။ Filesize : 1.69 GB / 938 MB Quality : WEB-DL 1080p HEVC , 720p HEVC Format : mp4 Genres : Comedy and Drama Runtime : 1h 47 min Subtitle : Myanmar Subtitle ( Hardsub )

2024 တုန်းက Wicked ဆိုတဲ့ အမည်နဲ့ Musical/Fantasy ထွက်ရှိခဲ့ပြီး အတော်လေးအောင်မြင်ခဲ့တဲ့ မူဗီဖြစ်ပါတယ်။သရုပ်ဆောင် မင်းသားမင်းသမီးတွေဆိုရင်လည်း Michelle Yeoh, Jeff Goldblum တို့လို ဝါရင့်သမာရင့်ကြီးတွေအပြင် အသံပါဝါသိပ်ကိုကောင်းကြတဲ့ Cynthia Erivo တို့ Ariana Grande အပြင် မင်းသားချော Jonathan Bailey အစရှိတဲ့ နာမည်ကျော်များစွာ ပါဝင်အားဖြည့်ထားတဲ့ ဇာတ်လမ်းပါ။ [ပထမကား မကြည့်ရသေးရင် စပွိုင်လာဖြစ်နိုင်လို့ အညွှန်းဆက်မဖတ်သင့်ပါ] ပထမကားမှာတုန်းက အယ်လ်ဖီဟာ Oz တိုင်းသူပြည်သားတွေရဲ့ အထင်လွဲမှုကို ခံခဲ့ရပြီး သူ့ကို ဆိုးသွမ်းသူစုန်းမကြီးအဖြစ် အားလုံးက သတ်မှတ်လိုက်ကြပါတယ်။ အယ်လ်ဖီက နာမည်ဆိုးကြောင့် တောထဲ ပုန်းရှောင်နေချိန်မှာ ဂလင်ဒါကတော့ ကျော်ကြားမှုတွေ အများချစ်ခင်လေးစားမှုတွေ ရရှိလာပါတယ်။ အများက ဘယ်လောက်ပဲ ပစ်ပယ်ထားပါစေ သူ့အတွက် သူငယ်ချင်းကောင်းဖြစ်တဲ့ အယ်လ်ဖီကို ဂလင်ဒါက မှော်ဆရာကြီးနဲ့ ပြန်အဆင်ပြေအောင် လုပ်ပေးဖို့ ကြိုးပမ်းခဲ့ပါတယ်။ ဒါပေမဲ့လည်း အခြေအနေတွေက ကမောက်ကမတွေ ထပ်ဖြစ်ကုန်ပြီး ပြဿနာတွေပဲ ထပ်ဆင့်ပေါ်လာပါတော့တယ်။ File size…(2.6 GB)/(1 GB) Quality….Webrip 1080p / 720p Duration…. 02:0117:00

Startrek Franchise ထဲက ကားကောင်းတစ်ကားထွက်လာပါတယ် မင်းသမီး မီချဲရို ဦးဆောင်ပါ၀င်ထားတဲ့ ဒီကားဟာ Star trekအကြောင်းကို သေချာနားမလည်လဲကြည့်လို့ရတဲ့အထဲမှာပါတယ် .. ဖက်ဒရေးရှင်းရဲ့ အသေခံကြေးစားအဖွဲ့လို့သတ်မှတ်လို့ရတဲ့ Section 31 အဖွဲ့ဟာ ဖက်ဒရေးရှင်း နယ်စပ်နားမှာရောက်နေတဲ့ အင်ပါယာသခင်မ ဖီလစ်ပါဂျော်ဂျာက်ုဖမ်းဆီးပြီး သူ့ဆီက စကြ၀ဠာဖျက်လက်နက်ကို အရယူဖို့ တာ၀န်ပေးလိုက်တယ် ဒါပေမယ့် ဒီအရာကိုစိတ်၀င်စားနေတာ သူတို့ချည်းမဟုတ်ဘဲ ဗော်ကန်နဲ့ တစ်ခြား ဂြိုလ်သားတွေနဲ့ပါထိပ်တိုက် ရင်ဆိုင်ဖို့ဖြစ်လာတဲ့အခါမှာတော့ Noo stop action ကြည့်ရမယ့် ကားကောင်းတစ်ကားဖြစ်ပါတယ်။ File size… (5.32GB) / (1.70GB) / (930MB) Quality… WEB-DL 1080p HEVC / 720p Format…mkv / mp4 Duration….1h 35m Genre ….. Action , Adventure , Drama , Sci-Fi Subtitle….Myanmar Subtitle (Hard Sub) Encoder….Min Wai Translated by Thiha Yan Naing

The Brothers Sun (2024) နက်ဖလစ်ရဲ့ အက်ရှင်ဟာသကား ဇာတ်လမ်းတွဲအသစ်တစ်ခု လာပါပြီ။ အပိုင်းရှစ်ပိုင်းပါဝင်ပြီး မင်းသမီး မစ်ရှဲယိုပါဝင်ထား ပါတယ်။ ဇာတ်လမ်းရော အက်ရှင်ရော မိုက်တာမို့ မလွတ်တမ်း ကြည့်ရမဲ့ စီးရီးပါပဲ။ ဇာတ်လမ်းအကျဉ်း - ထိုင်ဝမ်ရဲ့ အကြီးဆုံး ထရိုင်းရက် တရုတ်ရာဇဝတ်ဂိုဏ်းခေါင်း ဆောင် အစ်ကိုကြီးစွန်းမှာ မိန်းမတစ်ယောက်နဲ့ သားနှစ်ယောက် ရှိတယ်။ သားအကြီး ချားစ် က သူ့လက်ရုံးနေနဲ့ လူမိုက်ခေါင်း ဆောင်ဖြစ်လာတယ်။ သားအငယ် ဘရုစ်နဲ့ သူ့မိန်းမက လော့စ် အန်ဂျလိမှာ သာမန်လူတွေအနေနဲ့ ဇာတ်မြှပ်နေတယ်။ ဘရုစ်က သူ့အဖေနဲ့အစ်ကိုဟာ လူဆိုးဂိုဏ်းခေါင်းဆောင်ကြီးတွေမှန်းမ သိပါဘူး။ တစ်နေ့မှာ အစ်ကိုကြီးစွန်း လုပ်ကြံခံရပြီး ကိုမာဝင် သွားတယ်။ ချားစ်က သူ့အမေနဲ့သူ့ညီကို ကာကွယ်ဖို့ လော့စ်အန် ဂျလိကို တက်လာချိန်မှာပဲလုပ်ကြံတဲ့သူတွေဆက်တိုက်လိုက် လာပြီး မိသားစုသုံးယောက် ရင်ဆိုင်ရပါတော့တယ်။ ဘရုစ်လည်း သူ့အမေနဲ့သူ့အစ်ကို ပွဲကြမ်းနေတာတွေနောက်ကို အူကြောင် ကြောင်လိုက်ရင်း ဘာဆက်ဖြစ်မလဲဆိုတာ ကြည့်ရမှာပါ။ (ဒီစီးရီးရဲ့ အညွှန်းကို Mr Anderson မှရေးသားပေးပြီး၊ ဘာသာပြန် ရေးသားပေး သူများကတော့ Mr.Anderson, Garfield, Thiha Yan Naing, Act Molemy တို့ ဖြစ်ပါတယ်။) File Size.............(300 Mb) Quality...............WEB-DL 720p / 1080p Duration............50Mins(@Episode) Subtitle..............Myanmar Hardsub Format...............MP4 Genre.................Action, Comedy, Drama Translator..........Mr.Anderson, Garfield, Thiha Yan Naing, Act Molemy Encoder..............SWM

ဒီရုပ်ရှင်ကတော့ ကမ္ဘာကျော် ဂီတပြဇာတ်ကြီး Wicked ကို ရုပ်ရှင်အဖြစ် ပြန်အသက်သွင်းထားတာပါပဲ။ စကာတင်ဆု ၁၅၀ နီးပါးနဲ့ ဆုပေါင်း ၃၆ ခု ရရှိထားပါတယ်။ သေချာပေါက် အော်စကာမှာ ဆုတွေလုမဲ့ ရုပ်ရှင်ပါပဲ။ ဒါရိုက်တာJon M. Chu ရိုက်ကူးထားပြီး Cynthia Erivo, Ariana Grande နဲ့ Michelle Yeoh တို့ ပါဝင်ထားပါတယ်။ ဒီဂီတဇာတ်လမ်းကို တေးရေးဆရာ Stephen Schwartz က စာရေးဆရာ Gregory Maguire ရဲ့ The Life and Times of the Wicked Witch of the West စာအုပ်ကို အခြေခံပြီးရေးသားခဲ့တာပါ။ ၂၀၀၃ ခုနှစ်မှာ ပြဇာတ်စတင်ခဲ့ပြီး ၁၆ နိုင်ငံ မြို့ပေါင်း ၁၀၀ လောက်မှ ကပြခဲ့ရပါတယ်။ လူပေါင်း ၆၅ သန်းခန့် ကြည့်ရှုအားပေးပြီးဖြစ်ပါတယ်။ မူလ Classic ရုပ်ရှင်ဖြစ်တဲ့ ၁၉၃၉ The Wizard of Oz ကားထဲက Dorathy Oz တိုင်းပြည်မရောက်ခင် Timeline ကိုအခြေခံထားတယ်.. The Wizard of Oz ထဲက wicked of the west စုန်းမဖြစ်တဲ့ အယ်ဖာဘာရဲ့ မူလ အော်ရယ်ဂျင်နောက်ခံ ဇာတ်ကြောင်းနဲ့ ဗီလိန်တစ်ယောက် ဘယ်လိုဖြစ်လာလဲဆိုတာကို Prequel Film အနေနဲ့ မူလကားရဲ့ Refrence တွေကို ယူထားပေမယ့် Musical အနေနဲ့ ရိုက်ပြထားတာက ဒီကားကို နာမည်ကြီးစေတာလို့ပြောလို့ရတယ် အားလုံး လူဆိုးလို့ထင်နေကြတဲ့ အစိမ်းရောင်စုန်းမကြီးက လူ ကောင်းစင်စစ်ဖြစ်နေပါလားဆိုတာကို လက်ခံသွားအောင် ရိုက်ပြထားပြီး သုံးသွားတဲ့ အပြင်အဆင်တွေနဲ့ Cast တွေကလည်း အပိုအလိုမရှိဘဲ လက်ခံပေးလို့ရတယ် ဒီရုပ်ရှင်အကျဉ်းကတော့ လူတွေအထင်လွဲပြီး ကြောက်ကြတဲ့ အစိမ်းရောင် မှော်ဆရာမလေး အယ်ဖာဘာ နဲ့ လူတိုင်းချစ်ကြတဲ့ ကောင်မလေး ဂလင်ဒါတို့ မှော်ကျောင်းကြီးမှာ သူငယ်ချင်းဖြစ်သွားကြပါတယ်။ သူတို့နှစ်ယောက်ဟာ အော့ဇ်တိုင်းပြည်ရဲ့ မှော်ဆရာကြီးနဲ့ တွေ့ဖို့ သွားကြရင်း မထင်ထားတဲ့ စွန့်စားခန်းတွေ ဖြစ်ပေါ်လာပုံနဲ့ ကြောက်စရာစုန်းမဆိုးကြီး ပေါ်ပေါက်လာပုံကို ပြသထားတာပဲဖြစ်ပါတယ်။ သေချာပေါက် ကြည့်သင့်တဲ့ ရုပ်ရှင်တစ်ကားပါပဲ။ File size…    8 GB /  3.5 GB / 1.5 GB Quality… Web-DL 1080p / 720p Format… mp4 , MKV Audio... AAC , E-AC-3 Duration…. 2h 40m Genre ..... Fantasy/Musical Subtitle…. Myanmar Subtitle (Hard Sub) Encoder…. Thit San Khant Translated by Mr.Anderson , Thiha Yan Naing

The Tiger's Apprentice (2024) ~ IMDb - 7.2/10, Rotten Tomatoes - 59% ~ EEAaO နဲ့ အော်စကာရခဲ့တဲ့ မလေးရှားလူမျိုး တရုတ်မင်းသမီး Michelle Yeoh, ချားလိစ်အိန်ဂျယ်နဲ့ လူသိကြတဲ့ တရုတ်နွယ်ဖွား အမေရိကန်သရုပ်ဆောင် Lucy Liu, အခုနောက်ပိုင်းတော်တော်နေရာရလာတဲ့ ကိုရီးယားနွယ်ဖွား အမေရိကန်သရုပ်ဆောင် Sandra Oh, မလေးရှားလူမျိုး အမေရိကန်သရုပ်ဆောင် Henry Golding, တရုတ်နွယ်ဖွား အမေရိကန်သရုပ်ဆောင် Brandon Soo Hoo တို့လို နာမည်ကျော် အာရှသွေးနှော အမေရိကန်သရုပ်ဆောင်တွေ စုပြုံပြီး အသံသရုပ်ဆောင်ပေးထားတဲ့ အမေရိကန်ရောက် တရုတ်ဇာတ်လမ်းနဲ့ အမေရိကန် ကာတွန်းရုပ်ရှင်ပါ။ ၂၀၀၃မှာ ထွက်ခဲ့တဲ့ Laurence Yep ရဲ့ နာမည်တူဝတ္တုကိုပဲ အခြေခံထားပြီး Monster Hunt ကိုရိုက်ခဲ့တဲ့ ဟောင်ကောင် အန်နီမိတ်တာ Raman Huiက ရိုက်ထားတယ်။ ပါရာမောင့်က ထုတ်လုပ်ဖြန့်ချီပေးထားပါတယ်။ နူဝါဆိုတဲ့ တရုတ်နတ်ဘုရားမက ဇာမဏီငှက်ရဲ့စွမ်းအားကိုသုံးပြီး လူသားတွေကို ဖန်ဆင်းခဲ့တယ်။ အဲဒီဇာမဏီရဲ့ စွမ်းအားဟာ ကောင်းတဲ့လူလက်ထဲရောက်ရင် ဖန်တီးနိုင်စွမ်းရှိပေမဲ့ မကောင်းတဲ့လူလက်ထဲရောက်ရင် ဖျက်ဆီးနိုင်စွမ်းကြီးတယ်။ အဲဒီဇာမဏီက ကျောက်တုံးတစ်ခုထဲရှိနေတယ်။ အဲဒီကျောက်တုံးကို အစောင့်အရှောက်လို့ခေါ်တဲ့လူက ကာကွယ်ရတယ်။ အဲဒီအစောင့်အရှောက်ကို ရာသီခွင်အကောင် ဆယ့်နှစ်ကောင်က ပြန်ကူညီပေးတယ်။ အဲဒီကျောက်ကိုလိုချင်နေတဲ့ မိစ္ဆာမကြီးက အစောင့်အရှောက်အဘွားကြီးနဲ့သူ့မြေးနောက် တစ်ချိန်လုံးလိုက်နေခဲ့တယ်။ ရာသီခွင်၁၂ကောင်ကလည်း သူတို့မြေးအဘွားကို ကာကွယ်ပေးခဲ့တယ်။ ကလေးကို စိတ်ပူတာမို့ သူတို့တွေ ဇာတ်မြုပ်ပြီး နေနေကြတယ်။ တစ်နေ့မှာ ကလေးက သွေးထဲကပါလာတဲ့ အစွမ်းကို ထုတ်သုံးလိုက်လို့ အဲဒီအစွမ်းကို အနံ့ခံမိသွားတဲ့ မိစ္ဆာမကြီးက သူတို့ဆီဆိုက်ရောက်လာခဲ့တယ်။ အရမ်းအကောင်းကြီးတော့ မဟုတ်ပေမဲ့ အက်ရှင်ကားတစ်ကား ကာတွန်းကားတစ်ကားအနေနဲ့တော့ မဆိုးပါဘူး။ တချို့နေရာတွေမှာ ပွိုင့်နည်းနည်းချော်နေတာကလွဲ ကြည့်လို့ကောင်း ရယ်လည်းရယ်ရပါလိမ့်မယ်။ အစွမ်းတွေ မြိုင်မြိုင်ဆိုင်ဆိုင်နဲ့ဆိုတော့ စူပါဟီးရိုးကားလိုလိုပါပဲ။ ငယ်ငယ်က ကြိုးကြာတို့ မြွေတို့ အရုပ်တွေနဲ့ အဲဒီအကောင်တွေရဲ့အစွမ်းရှိတဲ့လူက မြို့ပေါ်က ကောင်မလေးကိုလာကယ်တာလား ဘာလား အဲဒီလိုကားတစ်ကား ကြည့်ဖူးကြမယ်ထင်တာပဲ။ အဲဒီကားနဲ့ခပ်ဆင်ဆင်ပါပဲ။ အန်နီမိတ်တက် အက်ရှင်ကားတစ်ကားအနေနဲ့တော့ ကြည့်ကောင်းကြမှာပါ။ (ဒီဇာတ်ကားနဲ့အညွှန်းကို W မှ ပြန်ဆို ရေးသားထားပါတယ်) Size - 2.85GB, 1.4GB, 820MB Quality - 4K HEVC, 1080p, 720p IMDb Rating - 7.2/10 Format - mp4 Duration - 1H 24Min Genre - Action, Adventure, Animation Subtitle - Myanmar Subtitle (Hardsub) Translated by W Encoded by Y

ဒီစီးရီးကိုတော့ အတော်များများ မျှော်နေကြတာပါ။ ဒစ္စနေးကနေ မင်းသမီးကြီး မီရှဲယိုနဲ့ ရိုက်ကူးထားတဲ့ စိတ်ကူးယဉ်မှော်စီးရီးပါပဲ။ အမေရိကန်နိုင်ငံနဲ့ တရုတ်ကောင်းကင်ဘုံကို အခြေခံထားပါတယ်။ ကောင်းကင်ဘုံမှာ မိုးနတ်မင်းဟာ အေးချမ်းစွာ အုပ်စိုးနေပေမဲ့ နွားမိစ္ဆာဟာ ပုန်ကန်ဖို့ အင်အားစုနေပါပြီ။ နွားမိစ္ဆာကိုတားနိုင်ဖို့ကလည်း မျောက်မင်းစွန်းဝူခုန်းရဲ့ သံတောင်ဝှေးရှိမှဖြစ်မှာဆိုပေမဲ့ သံတောင်ဝှေးကို စွန်းဝူခုန်းရဲ့ သား စွန်းဝေ့ချန်က ခိုးပြီးထွက်ပြေးသွားပါတယ်။ ခိုးပြီးတော့ အမေရိကန်က ကျောင်းတစ်ကျောင်းမှာ ကျောင်းသားအဖြစ်ဟန်ဆောင်ပြီးပုန်းနေခဲ့တာပါ။ အဲဒီမှာပဲ စွန်းဝေ့ချန်နဲ့ တရုတ်လေး ကျင်းဝမ်တို့ သူငယ်ချင်းဖြစ်လာပါတယ်။ အဲဒီတောင်ဝှေးကို ပြန်ရဖို့ လိုက်ယူတဲ့ ဝူခုန်း၊ နွားမိစ္ဆာတို့အဖွဲ့နဲ့ စွန်းဝေ့ချန်ကိုကူညီမယ့် ကွမ်ယင်မယ်တော်တို့ ဘာဆက်ဖြစ်ကြမလဲဆိုတာ.... File size…(1.1 GB)/(600 MB) Quality….Webrip 1080p / 720p Format…mp4 Duration….35:00 Genre...Drama Horror Thriller Episode... 8 Subtitle….Myanmar Subtitle (Hardsub) Encoder….Mr. Aderson Translated by CM Team

( စုံထောက်ကြီး ဟာကျူလီ ပွာရိုး နဲ့ ဝိညာဉ်လူသတ်သမား ) ဒီရုပ်ရှင်ကတော့ အဝေးပြေးရထားလူသတ်မှု၊ နိုင်းမြစ်လူသတ်မှု ရုပ်ရှင်တွေအပြီးမှာ ထပ်မံထွက်ရှိလာတဲ့ စုံထောက်ရုပ်ရှင်ပဲ ဖြစ်ပါတယ်။ အရင်ရုပ်ရှင်တွေလိုပဲ ကောင်းပါတယ်။ အပြင်လူမလာနိုင်တဲ့ ပိတ်မိနေတဲ့နေရာတစ်ခုမှာ သံသယရှိသူတွေကို တစ်ယောက်ချင်း စုံစမ်းရပြီး အဖြေရတာမျိုးပါပဲ။ ဒီရုပ်ရှင်ထဲမှာတော့ စုံထောက်ကြီး ပွာရိုးဟာ စုံထောက်အလုပ်ကနေအငြိမ်းစားယူပြီး ဗင်းနစ်မှာ အနားယူနေပါပြီ။ သူ့ဆီကို အမှုလာအပ်တဲ့သူတွေနဲ့အတွေ့မခံချင်လို့ သက်တော်စောင့်တစ်ယောက်တောင် ငှားထားရပါတယ်။ ဒါပေမဲ့ တစ်နေ့မှာတော့ မိတ်ဆွေဟောင်း နာမည်ကျော် စာရေးဆရာမ ရောက်လာပြီး အကူအညီတစ်ခု တောင်းလာပါတော့။ အဲဒါကတော့ နာမည်ကျော် ဝိညာဉ်ဟောဆရာမ (မီရှဲယို) တစ်ယောက်ရဲ့ သရဲခြောက်တဲ့အိမ်ကြီးထဲက ဝိညာဉ်ခေါ်ပွဲကို တက်ပေးဖို့ပါပဲ။ အဲဒီဝိညာဉ်ဟောဆရာမ လုပ်ပြနေတာတွေကို စာရေးဆရာမက ဘယ်လိုမှ လိမ်နေကြောင်းသက်သေမပြနိုင်တာမို့ စုံထောက်ကြီးက ဖော်ထုတ်ပေးဖို့ လာအကူအညီ တောင်းတာပါ။ ဒါပေမဲ့ စုံထောက်ကြီးကိုယ်တိုင် သရဲခြောက်တဲ့အိမ်ကြီးထဲမှာ ပိတ်မိနေပြီး လူသတ်မှုတွေ ဖြစ်ပေါ်လာပါတယ်။ ဖြစ်လာသမျှလူသတ်မှုတွေရဲ့ သက်သေတွေကရဲ့ ဝိညာဉ်၊ သရဲလက်ချက်လို့ပဲ အဖြေထွက်နေတဲ့အခါ... File size… 3.3GB/1.67GB / 652MB Quality…WEB-D 4K, 1080P 5.1CH / 720p Format…mp4 Duration….1h 43m Genre ….. Crime , Drama , Horror Subtitle….Myanmar Subtitle (Hard Sub) Encoder….Min Wai Translated by Mr. Anderson

ထရန်စဖော်မာရုပ်ရှင်တွေရဲ့ ခုနစ်ကားမြောက်ဖြစ်တဲ့ ဒီကားမှာ သားရဲပုံစံတွေကို အများဆုံး ပြောင်းတတ်တဲ့ မက်စီမယ်မျိုးနွယ်စု ပါလာပါတယ်။ ဒီတစ်ခေါက် အော်တိုဘော့တွေ ရင်ဆိုင်ရမှာက ဒီဆက်တီကွန်တွေ မဟုတ်ဘဲ ဂြိုလ်တွေကို တစ်လုံးလုံး ဝါးမျိုနိုင်တဲ့ ယူနီခရွန်နဲ့ သူ့တပ်ဖွဲ့တွေပါ။ ယူနီခရွန်ဟာ မက်စီမယ်တွေရဲ့ ဂြိုလ်ကို ဖျက်ဆီးပြီး သူတို့လက်ထဲက ထရန်စဝါ့သော့ကို လုယူဖို့ ကြိုးစားတယ်။ ဒီသော့က စကြဝဠာတွေထဲ ခရီးသွားနိုင်မယ့် ပေါ်တယ်တံခါးတွေကို ဖွင့်ပေးနိုင်တာကြောင့် ယူနီခရွန်အတွက် နောက်ထပ်ဂြိုလ်တွေကို ရောက်ပြီး ဝါးမျိုနိုင်မယ့်နည်းလမ်း ဖြစ်နေတာပါ။ ယူနီခရွန်၊ သူ့လက်အောက်က တယ်ရာကွန်တွေနဲ့ သူတို့ခေါင်းဆောင် စကာ့ဂျ်ကို မယှဉ်နိုင်တဲ့ မက်စီမယ်တွေဟာ သော့ကိုယူပြီး ကမ္ဘာပေါ်မှာ ပုန်းနေကြရပါတယ်။ ဒါပေမယ့် စကာ့ဂျ်က ခြေရာခံလိုက်လာပြီး သော့ကို လုဖို့ ကြိုးစားလာတယ်။ အဲဒီအခါ ဆိုက်ဘာထရွန်စစ်ပွဲကို ရှောင်တိမ်းလာတဲ့ အော့တိမတ်ပရိုင်းရဲ့ အော်တိုဘော့တွေနဲ့ အော့တိမတ်ပရိုင်မယ်ရဲ့ မက်စီမယ်တွေ ပူးပေါင်းပြီး ယူနီခရွန်ရဲ့တပ်ဖွဲ့တွေကို တားဆီးရပါတော့တယ်။

နာမည်ကျော် The Witcher စီးရီးကြီးရဲ့ မူလအစအကြောင်းကို လေးပိုင်းပါဝင်တဲ့ စီးရီးတစ်ခုအနေနဲ့ နက်ဖလစ်က တင်ဆက်လိုက်ပါပြီ။ ဒီစီးရီးမှာတော့ ကမ္ဘာပေါ်ကို လူသားတွေ မိစ္ဆာတွေမရောက်သေးခင် နတ်သူငယ်တွေရဲ့ခေတ်ကို အခြေခံထားပါတယ်။ နတ်သူငယ်အင်ပါယာကြီးရဲ့ အင်အားကြီးကို စစ်သည်တော် ၇ ယောက်က အံတုတိုက်ခိုက်ရင်း ပထမဆုံးသော ဝစ်ချာ ပေါ်ပေါ်လာပုံကို အခြေခံထားတာပဲ ဖြစ်ပါတယ်။ ဝစ်ချာစီးရီးရဲ့ ဝိသေသအတိုင်း သတ်တာဖြတ်တာကြမ်းကြမ်းတွေ၊ မျိုးနွယ်စုတွေ၊ မှော်တွေ၊ သတ္တဝါတွေ အဆဲအဆိုတွေနဲ့ ဝေဝေဆာဆာကြည့်ရမှာပဲ ဖြစ်ပါတယ်။ ခေတ်မတူတာကြောင့် ဂဲရော့ကြီး မပါဝင်ပေမဲ့ မင်းသမီးကြီး မီရှဲယိုက ဓားသမားအဖြစ် ပါဝင်ထားပါတယ်။ ခံစားကြည့်လိုက်ပါဦး။ File size… 1Gb / 500 Mb Quality….Webrip 1080p / 720p  Format…mp4 Duration….50 Min Genre...Fantasy, Adventure Subtitle….Myanmar Subtitle (Hardsub) Encoder….Thit San Khant Translated by Mr. Anderson

Swiss Army Man လို ငစားကားတွေ ရိုက်ခဲ့တဲ့ Dan Kwa နဲ့ Daniel Scheinert တို့ ဒါရိုက်တာအတွဲရဲ့ နောက်ထပ် ပြောင်မြောက်တဲ့ ရုပ်ရှင်ကြီးလာပါပြီ။ ခေါင်းစားမလားဆိုတော့ စားလည်းစားပါတယ်၊ မစားလည်းမစားပါဘူး။ သိပ္ပံစိတ်ကူးယဉ် အပြိုင်စကြဝဠာတွေအကြောင်းကို ဟာသတွေ ကွန်ဖူးတွေနဲ့ အခြေခံထားတဲ့ မိသားစုဇာတ်လမ်းလေးပါ။ အက်ဒ်မင်တော့ အတော်ကြိုက်ပါတယ်။ ဒီရုပ်ရှင်ထဲမှာလည်း အနန္တစကြဝဠာပါပဲ။ အပြိုင်စကြဝဠာတွေ အများကြီးရှိပါတယ်။ Quantum superposition ဆိုတဲ့သဘောတရားလိုပဲ ဒြပ်မှုန်တွေဟာ ဖြစ်တည်မှုအခြေအနေမျိုးစုံမှာတပြိုင်တည်းရှိနေတဲ့သဘောပါ။ မာဗယ်ရဲ့ Multiverse တွေလိုပဲ လူတစ်ယောက်ရဲ့ ရွေးချယ်မှုကနေ အပြိုင်စကြဝဠာတွေ အဆုံးမရှိအောင်ခွဲထွက်သွားတာပဲ။ ဒီရုပ်ရှင်ထဲမှာတော့ လူတစ်ယောက်ရဲ့ ရွေးချယ်မှု သေးသေးလေးတွေကအစ အပြိုင်စကြဝဠာတစ်ခု ရှိသွားနိုင်ပါတယ်။ အဓိကမင်းသမီးကြီးဖြစ်တဲ့ မီရှဲယိုကတော့ စကြဝဠာတစ်ခုထဲက အက်ဗလင်း ဆိုတဲ့ နာမည်နဲ့ ပင်မင်းဆိုင်ပိုင်ရှင်လေးပေါ့။ အရမ်းရိုးအေးတဲ့ ယောကျာ်းတစ်ယောက်ရယ် မိန်းကလေးချင်း ချစ်ကြိုက်နေတဲ့ သမီးတစ်ယောက်ရယ်ရှိတယ်။ ဒါပေမဲ့ အခြားစကြဝဠာက မီရှဲယိုကတော့ ဆရာမကြီးပါ။ အပြိုင်စကြဝဠာတွေကို ဖျက်မယ့် မိစ္ဆာကြီးကို ရင်ဆိုင်ရင် သေသွားခဲ့တာပါ။ ဒီတော့ အဲဒီမိစ္ဆာကို ယှဉ်နိုင်လောက်မယ့် အက်ဗလင်းကို အက်ဗလင်းပေါင်းထောင်ပေါင်းများစွာထဲက လိုက်ရှာနေခဲ့ကြတာပါ။ ဒါပေမဲ့ ပင်မင်းဆိုင်ပိုင်ရှင် ရိုးရိုးအေးအေးကြီး အက်ဗလင်းကမှ ဘာလို့ Matrix ထဲကလို The One ဖြစ်လာပြီး အပြိုင်စကြဝဠာတွေကို ကယ်တင်မလဲဆိုတာ... ပွင့်ပွင့်လင်းလင်းပြောရရင်တော့ Doctor Strange Multiverse of Madness ထဲ ပိုကြိုက်ပါတယ်။ IMDb 8.7 ရထားပါပြီ။ မယုံရင်ကြည့်လိုက်ပါလို့ပဲ ပြောချင်ပါတယ်။ File size…(5.4 GB)/(2.7GB)/(1.29GB) Quality…. WEB-DL 4K HEVC/1080p/720p Format…mp4 Duration….02:19:00 Genre...Action /Aventure/ comedy Subtitle….Myanmar Subtitle (Hardsub) Encoder….Mr. Anderson Translated by....Mr. Anderson

ကြောင်အမတ်ကြီး အစ်ကချူဟာ ရှိုးဂန်းကြောင်ကြီးကို မျက်နှာလုပ်ဖို့ နန်းတော်ကြီးတစ်ခု ဆောက်နေပါတယ်။ ဒါပေမယ့် နန်းတော်ကနေ မြင်ရမယ့် ရှုခင်းကို ရှေးဟောင်းကြောင်မြို့လေး ကာကာမူချိုက ပိတ်နေတယ်။ ဒါကြောင့် မြို့ကို ရှင်းပစ်ဖို့ ကြောင်နင်ဂျာတွေကို တိတ်တဆိတ် လွှတ်ပြီး ဖျက်ဆီးခိုင်းလိုက်ပါတယ်။ မြို့သားတွေက သူတို့ကို ကာကွယ်ပေးမယ့် ဆာမူရိုင်းတစ်ယောက် ပို့ပေးဖို့ ရှိုးဂန်းဆီမှာ တောင်းဆိုကြတယ်။ ရှိုးဂန်းက အဲဒီတာဝန်ကို အစ်ကချူဆီပဲ ပြန်အပ်လိုက်တဲ့အခါ သူ့အတွက် အခက်တွေ့သွားပါတယ်။ ဒါပေမယ့် အစ်ကချူက အကြံတစ်ခု ထုတ်လိုက်တယ်။ ဆာမူရိုင်းဖြစ်ချင်လွန်းလို့ ကြောင်တိုင်းပြည်ထဲ ခိုးဝင်လာရာက အဖမ်းခံထားရတဲ့ ခွေး ဟန့်ခ်ကို လွှတ်ပေးပြီး ဆာမူရိုင်းဘွဲ့ပေးကာ ကာကာမူချိုကို စောင့်ရှောက်ဖို့ လွှတ်လိုက်ပါတယ်။ သူ့အကြံက ခွေးမုန်းတဲ့ မြို့သားကြောင်တွေ ဟန့်ခ်ကို သတ်လိုက်ရင် အဲဒါကို အကြောင်းပြပြီး မြို့ကို အရေးယူဖို့ပါ။ ဒါပေမယ့် ကြောင်တွေနဲ့ ခွေးဆာမူရိုင်းက အတွဲညီသွားပြီး သူ့နင်ဂျာတွေကို ပြန်တိုက်ခိုက်လာကြတဲ့အခါ အစ်ကချူရဲ့ အကြံအတိုင်း ဖြစ်မလာတော့ဘူး။ ဒီအက်ရှင်ဟာသကာတွန်းမှာ ဆမ်မြူရယ် ဂျက်ဆန်က ဆာမူရိုင်းတစ်ယောက်အဖြစ် အသံသရုပ်ဆောင်ထားပါတယ်။

မီနီယံတွေဟာ ကမ္ဘာဦးကတည်းက အကြမ်းဆုံးဗီလိန်ကို ရှာလာကြတာပါ။ တွေ့သမျှဘော့စ်တွေကို ဒုက္ခပေးမိရင်း နောက်ဆုံးမှာတော့ ဂရူပေါက်စလေးနဲ့ ဆုံလာကြပါတယ်။ ဂရူကလည်း ကမ္ဘာ့အကောင်းဆုံးဗီလိန်အဖွဲ့ဖြစ်တဲ့ လူမိုက်ကြီးခြောက်ယောက်အဖွဲ့ထဲ ဝင်ဖို့ ကြိုးစားနေချိန်ပါ။ ဗီလိန်ဖြစ်ချင်တဲ့ ဂရူလေးနဲ့ မီနီယံတွေ ဆုံမိကြတော့ ဘယ်လိုအလွဲတွေ လုပ်မိကြဦးမလဲဆိုတာကို ဟာသစွန့်စားခန်းအဖြစ် ဆက်ပြထားပါတယ်။

ဟိုးရှေးရှေး ပုံပြင်ကမ္ဘာထဲမှာ အစွမ်းထက်တဲ့ ညီအစ်ကိုနှစ်ယောက်က သူတော်ကောင်းနဲ့ မိစ္ဆာကြား ဟန်ချက်ညီနေစေဖို့ မှော်ကျောင်းတစ်ကျောင်း တည်ထောင်ခဲ့ကြပါတယ်။ နှစ်တွေကြာလာတော့ မိစ္ဆာဘက်က ညီဖြစ်သူဟာ စွမ်းအားအားလုံးကို သိမ်းယူချင်လာပြီး အစ်ကိုကို သတ်ဖို့ ကြိုးစားခဲ့တယ်။ ဒါပေမယ့် မအောင်မြင်ဘဲ သူကိုယ်တိုင် သေဆုံးသွားခဲ့ပါတယ်။ အဲဒီနောက် ကျောင်းမှာ သူတော်ကောင်းဘက်ကပဲ အရေးသာလာခဲ့တာ နှစ် ၂၀၀ လောက် ရှိနေပါပြီ။ ဒီကျောင်းရဲ့ မိစ္ဆာဘက်မှာ ပုံပြင်ထဲက နာမည်ကြီးလူဆိုးတွေရဲ့ သားသမီးတွေ တက်ကြသလို သူတော်ကောင်းဘက်မှာလည်း ဘုရင်အာသာရဲ့သား၊ စနှိုးဝိုက်ရဲ့သမီးတို့လို ပုံပြင်ဇာတ်လိုက်တွေရဲ့ မျိုးဆက်တွေ တက်နေကြပါတယ်။ ပုံပြင်မျိုးရိုးထဲက မဟုတ်တဲ့ အပြင်လောကသားတွေလည်း တစ်ခါတလေ တက်ခွင့်ရပြီး သူတို့ကိုတော့ စာဖတ်သူတွေလို့ ခေါ်ကြတယ်။ တစ်နေ့မှာ စိတ်ထားကောင်းတဲ့ ဆိုဖီနဲ့ ဂျစ်ကန်ကန်နိုင်တဲ့ အက်ဂ်သာတို့ ဒီကျောင်းဆီ စာဖတ်သူတွေအဖြစ် ရောက်လာကြပါတယ်။ သူတို့နှစ်ယောက် ရောက်လာပြီးနောက် သူတော်ကောင်းနဲ့ မိစ္ဆာတို့ရဲ့ အားပြိုင်မှု ဘယ်လိုပြောင်းသွားမလဲဆိုတာကို ဆက်ပြထားတဲ့ Netflix ရဲ့ မှော်စိတ်ကူးယဉ်ရုပ်ရှင်ဖြစ်ပြီး ကြာချိန် နှစ်နာရီခွဲခန့် ရှိပါတယ်။

IMDb - 5.2/10 Gunpowder Milkshake (2021) ဒီကားကတော့ ဂျွန်ဝစ် မိန်းမ ဗားရှင်းပဲ ပြောရမှာပါပဲ။ ဂိမ်းအော့သရုန်းရဲ့ မင်းသမီးကြီးနဲ့ မစ်ချဲယိုတို့ပါဝင်ထားပြီး အဓိက မင်းသမီးကတော့ မာဗယ်ရဲ့ နီဗြူလာလေး ဖြစ်တဲ့ ကာရမ်ဂယ်လန် ပါပဲ။ ဒီထဲမှာတော့ ဆမ် လို့ ခေါ်တဲ့ လူသတ်သမားလေးပေါ့။ သူ့အမေက လူဆိုးဂိုဏ်းနဲ့ ပြဿနာဖြစ်ပြီး ခြေရာဖျောက်နေတဲ့ လူသတ်သမားမကြီးပါ။ တစ်နေ့တော့ သူ့အလုပ်ကနေ ကလေးမလေးတစ်ယောက်ထဲ ကျန်နေတာကို သနားလို့ ကယ်လာတယ်။ လူဆိုးခေါင်းဆောင်ရဲ့ သားကိုလည်း သတ်မိတယ်၊ ဒီတော့ အုပ်လိုက်ကြီးနောက်ကလိုက်သတ်တယ်၊ သူ့အမေနဲ့ပေါင်းပြီး ပြန်သမတယ်ပေါ့... အက်ရှင်ကြမ်းကြမ်းကောင်းကောင်းလေးပါပဲ..... ကြိုက်ကြမှာပါ... အညွှန်းနဲ့ ဘာသာပြန်ကတော့ Mr.Anderson ပဲ ဖြစ်ပါတယ်။ File size....2 GB Quality….WEB-DL 1080p Format…mp4 Duration….1h 54min Subtitle….Myanmar Subtitle (Hardsub) Translator ..... Mr.Anderson Encoder ..... August

Time Loop ကားကောင်းကောင်းလေးတွေ ကြည့်ချင်လို့စောင့်မျှော်နေတဲ့ CM ပရိတ်သတ်ကြီးအတွက် ကားကောင်းကောင်းလေးကိုတင်ဆက်ပေးလိုက်ရပါတယ်။ Boss Level(2020)ပါ။ ဇာတ်လမ်းအကျဥ်းလေးကတော့ ရွိုင်ဆိုတာကတော့ တစ်နေ့တည်းကိုပဲထပ်ကာထပ်ကာနိုးထနေရတဲ့ စစ်သားတစ်ဦးပါ။ထူးဆန်းတာက သူနိုးလာတာနဲ့ သူ့ကိုအသေအကြေသတ်မယ့်လူတွေက ဆီးကြိုနေတာပါပဲ။တစ်ယောက်လက်ကလွတ်ရင် တစ်ယောက်က ထပ်ပြီးတော့ သတ်ဖို့ကြိုးစားနေတဲ့ ဒီဘ၀ကြီးမှာ သူကလည်း ကြိုးစားရှင်သန်နေထိုင်ပေမယ့် အချိန်တန်ရင် အသတ်ခံရတာပါပဲ။ဒီလိုနဲ့ရက်ပေါင်းများစွာ ကြာလာခဲ့ချိန်မှာတော့ သူချစ်ရတဲ့အမျိုးသမီးအသတ်ခံလိုက်ရကြောင်း သူသိလိုက်ရပါတော့တယ်။သူကိုယ်တိုင်ကလည်း ရန်သူတွေပတ်လည်၀ိုင်းနေချိန် ဇနီးသည်ချန်ထားခဲ့တဲ့ သဲလွန်စလေးတွေနောက်ကိုလိုက်ရင်း လက်စားချေဖို့ကြိုးစားပါတော့တယ်။ အထပ်ထပ်၀ိုင်းနေတဲ့ လုပ်ကြံသူတွေလက်ကဘယ်လိုပြေးပြီး ဒီပိတ်မိနေတဲ့အချိန်ထဲကနေ ဘယ်လိုလွတ်အောင်ကြိုးစားမလဲ? လွတ်မြောက်ဖို့ရောဖြစ်နိုင်မှာလား?ဆိုတာ အရမ်းကိုစိတ်၀င်တစားနဲ့ကြည့်ရှုရမှာပါ။ ရိုးတာနေတဲ့ Time loop movie လမ်းကြောင်းကနေခွဲထွက်ခဲ့တဲ့ ဒီကားလေးနာမည်ကတော့ Boss Level(2020)ပါ။ Channel Myanmar ပရိတ်သတ်ကြီးအတွက် တင်ဆက်ပေးလိုက်ရပါတယ်။ File size… 1.4 Gb / 700 Mb Quality… webrip 1080p Format…mp4 Duration….01:41:00 Genre … Action, Sci-fi, Thriller Subtitle….Myanmar Subtitle (Hardsub) Translated by Aye Mon Kyaw

အားလုံးစောင့်နေကြမယ့် ရှမ်းကြီးလာပါပြီ။ ဒီရုပ်ရှင်ဇာတ်လမ်းကတော့ End Game အပြီး လူတွေ ကမ္ဘာပေါ်ကို ပြန်ရောက်ရှိနေတဲ့ ကာလမှာ အခြေတည်ထားတာပဲဖြစ်ပါတယ်။ အဓိကဗီလိန်ကတော့ The Mandarine ပါ။ အိုင်ရွန်မန်း-၃ မှာတုန်းက မန်ဒရင်းအတုနဲ့တွေ့ခဲ့ကြတာ မှတ်မိကြဦးမှာပါ။ ဒီတစ်ခါတော့ မန်ဒရင်းအစစ်လာပါပြီ။ စူပါပါဝါတွေရယ် မသေမျိုးအဖြစ်ရယ်ကို ပေးနိုင်စွမ်းရှိတဲ့ ဒဏ္ဍာရီလာ ကွင်းဆယ်ကွင်းကို ပိုင်ဆိုင်ထားပြီး လျို့ဝှက် အဖွဲ့ကြီးတစ်ခုရဲ့ ခေါင်းဆောင်လည်းဖြစ်ပါတယ်။ ရှန်းချီကတော့ သူ့အဖေခိုင်းတာတွေကို မလုပ်ချင်တော့လို့ ငယ်ငယ် ကတည်းက အိမ်ကထွက်ပြေးပြီး ဇာတ်မြှပ်နေခဲ့တဲ့ သိုင်းသမားလေးပဲဖြစ်ပါတယ်။ ရှမ်းချီဇာတ်ကောင်ဟာ မာဗယ် ဟီးရိုးတွေထဲက သိုင်းအတော်ဆုံးဇာတ်ကောင်ဖြစ်ပြီး Iron Fist နဲ့ လက်ရည်တူလောက်ရှိပါတယ်။ ကပ္ပတိန်တို့ စပိုက်ဒီတို့ကိုတောင် သိုင်းသင်ပေးဖူးပါသေးတယ်။ ဒီရုပ်ရှင်အဆုံးမှာတော့ ထုံးစံအတိုင်း post-credit scene နှစ်ခု ပါတာမို့ ရှာကြည့်ဖို့ မမေ့ပါနဲ့ဦးနော်။ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ Mr.Anderson ပဲဖြစ်ပါတယ်။) File Size - (6.7 GB)&(2.59 GB)&(1.57 GB )&(700 MB) Quality –Blu-Ray 4K (IMAX) HEVC , 1080p , 720p, 480p Duration - 2hr 12min Subtitle – Myanmar Hardsub Format – MKV / MP4 Genre : Action, Adventure, Fantasy Translator – Mr.Anderson Encoder – San Win Maung, Phyo Pyae

ကတ်ထရီးနား၊ ကိတ်လို့လည်း ခေါ်ကြတဲ့ မိန်းကလေးဟာ အမေနဲ့ရော အစ်မနဲ့ပါ အဆင်မပြေတဲ့ ဂျစ်ကန်ကန်မိန်းကလေးတစ်ယောက်ပါ။ အရက်တွေ၊ ယောက်ျားတွေနဲ့ပဲ ဘဝကို ဖြစ်သလို ဖြတ်သန်းနေတယ်။ တစ်နေ့မှာတော့ ထူးဆန်းပေမယ့် လူတွေကို ကူညီတတ်တဲ့ တွမ်ဆိုတဲ့ ကောင်လေးနဲ့ စတွေ့မိပါတယ်။ Last Christmas သီချင်းကို အဓိကအခြေခံပြီး ဇာတ်အိမ်တည်ထားတဲ့ အချစ်ဇာတ်ကားဖြစ်ပြီး အမ်မလီယာကလာ့ခ် ပါဝင်သရုပ်ဆောင်ထားပါတယ်။ မစ်ချဲယိုကလည်း ဇာတ်ပို့အဖြစ် ပါဝင်ထားပြီး နောက်ခံသီချင်းတွေနဲ့အတူ ပျော်ရွှင်စရာအခိုက်အတန့်တွေနဲ့ မထင်မှတ်ထားတဲ့ အလှည့်အပြောင်းတွေကို ထည့်သွင်းထားပါတယ်။

IP Man 3 ပြီးတဲ့အနောက်က Timeline ကိုဆက်လက် ရိုက်ကူးတင်ဆက်ထားတဲ့ဇာတ်လမ်းပဲဖြစ်ပါတယ် ထုံးစံအတိုင်း ဝင်ချွန်းသိုင်းပညာကိုဦးတည်ပြီး ရိုက်ကူးထားတဲ့ ဇာတ်လမ်းဖြစ်သလို သိုင်းကွက်..ချကွက်..ကြမ်းချက်တွေကတော့ အရင် IP Man ဇာတ်ကားတွေလို ခပ်ကြမ်းကြမ်းပါပဲ.. ဒီကားရဲ့ IMDb Rate ကတော့ 7.2 ဖြစ်ပါတယ် ဝင်ချွန်း သိုင်းပညာရှင် ကျန်းကျစ်ယိဟာ ယိမန်နဲ့ယှဉ်ပြိုင်လို့ ရံှုးနိမ့်ပြီးတဲ့နောက်မှာ သိုင်းလောကကနေ တိတ်တဆိတ်ထွက်ခွာလာခဲ့တယ် သာမာန်လူတစ်ယောက်အနေနဲ့ဖြတ်သန်းလာခဲ့တဲ့သူ့ဘဝထဲမှာ သူများကိုကူညီရင်းနဲ့ပဲ မှောင်ခိုဂိုဏ်းတခုနဲ့ငြိမိပြီးဘယ်လိုအရှုပ်တွေ ဝင်လာမှာလဲ..ဘာတွေဆက်ဖြစ်မှာလဲ ဝင်ချွန်းသိုင်းကွက်ကိုမသုံးတော့ဖို့ဆုံးဖြတ်ထားခဲ့တဲ့ သူတစ်ယောက်က ဘယ်လိုမျိုးများဖြေရှင်းနိုင်မှာလဲဆိုတာဆက်လက်စောင့်ကြည့်ရမှာဖြစ်ပါတယ် Quality : WEB-DL 720p Subtitle : Myanmar Subtitle ( Hardsub ) Running Time : 1 Hour 47 Min Translated By : PZ Subtitle & Encoded By : PhoeNix

ရေချယ်ချုဟာ နယူး ယောက်တက္ကသိုလ်က စီးပွား ရေးပါမောက္ခတစ်ယောက်ဖြစ်ပြီး သူ့မှာ နစ်ခ်ရန်းဆိုတဲ့ ချစ်သူတစ်ယောက်ရှိပါတယ်။ တစ်ရက်မှာတော့ နစ်ခ်က သူ့အခင်ဆုံးသူငယ်ချင်း ကောလင်းရဲ့ မင်္ဂလာပွဲမှာ လူပျိုရံလုပ်ဖို့ရှိတဲ့အတွက်ရယ်၊ သူ့မိသားစုနဲ့ မိတ်ဆက်ပေးဖို့အ တွက်ရယ်ဆိုပြီး ရေချယ်ကိုသူနဲ့ အတူ စင်ကာပူကို လိုက်ခဲ့ဖို့ ခေါ် ခဲ့ပါတယ်။ အထက်တန်းလွှာတွေစီးတဲ့ လေယာဉ်လက်မှတ်ဝယ်ထား တာကို တွေ့လိုက် တာ နဲ့ ရေချယ်တစ်ယောက် နစ်ခ်ဟာ ချမ်းသာတဲ့မိသားစုကလာတာလားလို့မေး ပေမယ့် နစ်ခ်ကတော့ သိပ်ထူး ဆန်းဟန်မပြဘဲ မိသားစုက အိမ် ခြံမြေလုပ်ငန်းလုပ်တယ်လောက်ပဲ ပြောပြခဲ့ပါတယ်။ စင်ကာပူကိုရောက်တဲ့အခါ မှာ ရေချယ်ဟာ နစ်ခ်ရဲ့ သူငယ်ချင်းကောလင်းနဲ့ သူ့ချစ်သူအရာ မင်တာလီတို့ စုံတွဲနဲ့ခင်မင်ခဲ့ပြီးနစ်ခ်တို့မိသားစုနဲ့တွေ့ဖို့အတွက်စိတ်မပူဖို့ ရေချယ်ကိုအားပေးခဲ့ ကြပါတယ်။ ရေချယ်ကလည်း စင်ကာပူကိုရောက်တုန်းရောက်ခိုက် ကောလိပ်တုန်းက သူ့အခန်းဖော် ဂိုပိတ်လင်နဲ့ဆုံဖို့စီစဉ်ခဲ့ပါတယ်။ ပိတ်လင်နဲ့ ဆုံတဲ့အခါမှာ တော့ ပိတ်လင်ဟာအရမ်းကို ချမ်းသာသူတစ်ယောက်ဖြစ်ပြီး ရွှေနဲ့ တည်ဆောက်ထားတဲ့ အိမ်ကြီးရခိုင်မှာ နေတယ်ဆိုတာသိလိုက်ရ လို့ အရမ်းကိုအံ့အားသင့်ခဲ့ရပါ တယ်။ ရေချယ်က ပိတ်လင်ရဲ့ မိသားစုနဲ့ စကားပြောဆိုရင်း သူသွားတွေ့ရမယ့် သူ့ချစ်သူနစ်ခ် ရန်းရဲ့ မိသားစုဟာ ဂိုမိသားစုထက်အဆပေါင်း များစွာချမ်းသာ သလို သြဇာလည်းကြီးတဲ့မိသားစု ဆိုတာ ရုတ်တရက်သိခဲ့ရတဲ့အ တွက် စိုးရွံ့သွားခဲ့ပါတယ်။ ရေချယ်ဟာ ကြီးကျယ်ခမ်း နားတဲ့ ပါတီကြီးတစ်ခုဆီကိုနစ်ခ် နဲ့ လိုက်သွားခဲ့ရပြီး သူကသာအခြေအနေအရပ်ရပ်ကိုမသိ ပေမယ့် သူ့ကိုတော့ လူတွေကသိနေပြီး သတိထားကြည့်နေခဲ့ကြပါ တယ်။ နစ်ခ်တို့အိမ်ကအထိန်းကို နစ်ခ်ရဲ့ အဘွားထင်ပြီး မှားနှုတ် ဆက်ခဲ့သလို နစ်ခ်ပေါ်ကိုလည်း ဝိုင်ခွက်မှောက်အောင်လုပ်မိတဲ့ ရေချယ်တစ်ယောက် သတိထား ကြည့်ခံနေရပါတယ်ဆိုမှ တလွဲ တွေချည်းလုပ်မိခဲ့ပါတယ်။ ရေချယ်ကို နစ်ခ်ရဲ့အမေအယ်လီနောက သဘောမကျတဲ့ပုံစံပြခဲ့ပေမယ့် နစ်ခ်အဘွားက တော့ ရေချယ်ကို အိမ်ကိုလာလည်ဖို့ဖိတ်ခဲ့ပါတယ်။ နစ်ခ်ကိုလိုချင် နေတဲ့ အမန်ဒါဆိုတဲ့မိန်းကလေး ကလည်း သူနဲ့ နစ်ခ်က လက်တွဲ တော့မှာလိုလို ရေချယ်သိအောင် လုပ်ပြခဲ့ပါတယ်။ တစ်ဖက်အသိုင်းအဝိုင်းက လူတွေက ရေချယ့်ကို ငွေကြောင့်နစ်ခ်ကို အပိုင်ကြံသလိုလို စကားတွေ၊ အပြုအမူတွေနဲ့ ထိုးနှက်ကြပေမယ့် သနားစရာရေချယ်က တော့ နစ်ခ်နဲ့ပတ်သက်လို့ ဘာဆိုဘာမှသိမထားဘဲ ရုတ်တရက်ကြုံရတဲ့ဒဏ်ကို အလူးအလဲခံခဲ့ရ ပါတယ်။ ရေချယ်တစ်ယောက် ကြီးကျယ်ခမ်းနားလွန်းတဲ့ မိသားစုထဲကို ဝင်မှာလား၊ နစ်ခ်ကကောရေချယ့်အပေါ် ဘယ်လိုသဘော ထားတာလဲ၊ အလွှာမတူတဲ့ချစ် သူနှစ်ဦးရဲ့ အချစ်ခရီးလမ်းက ဘယ်လိုဇာတ်သိမ်းမလဲဆိုတာ တော့ ဆက်ကြည့်လိုက်ဦးနော်။ ဒီဇာတ်ကားမှာ Constance Wu , Henry Golding , Michelle Yeoh,Gemma Chan , Lisa Lu၊ Nico Santos, Ronny Chieng စတဲ့သရုပ်ဆောင်တွေ ပါဝင်ပါ တယ်။ (ဇာတ်လမ်းအညွှန်းကိုတော့ 7daydaily Website မှကူးယူဖော်ပြထားတာဖြစ်ပြီး ဘာသာပြန်ပေးထားသူကတော့ မေသရဖီလွင်ပါ) ***သတိပေးချင်တာက အချို.ဇာတ်ဝင်ခန်း ၂ ခန်းလောက်က တရုတ်လိုပြောတဲ့အတွက် စာတန်းထိုးဖိုင်မှာ ပါမလာပါဘူး မူဗီမှာတော့ Eng sub ပါပါတယ်။စကားပြောလွယ်တာရယ် မအားလပ်တာရယ်ကြောင့် ထိုအခန်းတွေကို စာမဖြည့်ထားပါဘူး*** File Size : (950 MB) Quality : Blu-Ray 720p Running Time : 2h 00min Format : Mp4 Genre : Comedy , Romance Subtitle : Myanmar Subtitle (Hard Sub) Source : 720p.BluRay.x264.DTS-HDC Translated by May Tharaphi Lwin Encoded by Thanhtike Zaw

Marvel Cinematic Universe: Phase Three ကတော့ MCU ရဲ့ အကောင်းဆုံးအစိတ်အပိုင်းလို့ဆိုရတဲ့အထိ လူကြိုက်များပြီး ထောင့်စေ့ခဲ့ပါတယ်။Phase 3 မှာတော့ Infinity Stone ခေါ် စကြာဝဠာကျောက်တုံး(၆) တုံးနဲ့ စကြာဝဠာလူကြမ်းကြီး သားနို့စ်နဲ့ မျက်နှာချင်းဆိုင်ဖိုက်ကြတဲ့အထိ ကြမ်းကုန်ကြပါပြီ။ MCU Phase 1/2/3 ကို The Infinity Saga လို့ပေါင်းခေါ်ပြီးတော့ MCU Phase 4/5/6 ကိုတော့ The Multiverse Saga လို့ ပေါင်းခေါ်ကြပါတယ်။ Phase 3 မှာတော့ ရုပ်ရှင် ၁၁ ကားရှိပြီး အောက်ပါအတိုင်း အစဉ်လိုက် ကြည့်ရှုကြရမှာပါ။ Captain America: Civil War (2016) Doctor Strange (2016) Guardians of the Galaxy Vol. 2 (2017) Spider-Man: Homecoming (2017) Thor: Ragnarok (2017) Black Panther (2018) Avengers: Infinity War (2018) Ant-Man and the Wasp (2018) Captain Marvel (2019) Avengers: Endgame (2019) Spider-Man: Far From Home (2019) Marvel Cinematic Universe ဇာတ်ကားအားလုံးကို CM App>>>https://www.cmapp.tv/?share=15957066C1681DF နဲ့  https://www.channelmyanmar.to/category/special-package/mcu/ ဒီလင့်တွေမှာ ကြည့်လို့ရပါတယ်။ ++++++++++++++ Guardians of the Galaxy Vol. 2 (2017) IMDb Rating (7.6 ) / Rotten Tomatoes (85 %) "Guardians of the Galaxy Vol. 2" သည် MCU Phase 3 ၏ စတုတ္ထမြောက် ဇာတ်ကားဖြစ်ပြီး၊ ပထမဇာတ်ကားရဲ့ အောင်မြင်မှုကို အခြေခံကာ MCU အတွင်း ဆက်စပ်နေတဲ့ ဇာတ်ကောင်တွေရဲ့ ပတ်သက်မှုတွေနဲ့ Infinity Saga အတွက် အရေးပါတဲ့ အချက်အလက်တွေကို ထည့်သွင်းထားပါတယ်..အထူးသဖြင့် Yondu-Quill, Gamora-Nebula, Ego-Quill တို့ကြားကမိသားစုပြသနာတွေနဲ့ Drax၊ Rocket နဲ့ Baby Groot တို့ရဲ့ကြည်နူးပျော်ရွှင်စရာလေးတွေနဲ့ Thanos ရဲ့ ကြီးမားတဲ့ခြိမ်းခြောက်မှုတွေကို ထည့်သွင်းတင်ဆက်ထားပါတယ်။ Budget $200 million ကုန်ကျခဲ့ပြီး Box office ဝင်ငွေ $869 million ထိပြန်လည်ရရှိခဲ့ပါတယ်။ File size…(6.3 GB)/ (2.7 GB )/(1.5 GB) Quality…BluRay IMAX  4K HEVC/1080p HEVC / 720p Format…mkv/mp4 Duration….01:55:00 Subtitle….Myanmar Subtitle (Hardsub) Encoder….Ka Naung Translated by Tarip L Walker

မော်ဂန်ဆိုတဲ့ကလေးမလေးဟာ လူသားမိဘများက မွေးဖွားလာတာမဟုတ်ဘဲ သိပ္ပံပညာရှင်တွေဖန်တီးထားတဲ့ မျိုးစပ်သက်ရှိလူသားအတုပဲဖြစ်ပါတယ်.. သူဟာသိပ္ပံပညာ​ရှင်တွေရဲ့သုံးကြိမ်မြောက်ဖန်တီးမှုဖြစ်ပြီး ရှေ့နှစ်ခေါက်ကအမှားတွေကို သင်ခန်းစာယူပြီးဖန်တီး ထားတာဖြစ်တဲ့အတွက် ဉာဏ်​ရည်ဉာဏ်သွေးကော ကြီးထွားမှုနှုန်းကောကသာမန်လူတွေထက်ကို သိသိသာသာ ကောင်းမွန်တဲ့သူတစ်ယောက်ပေါ့.. တစ်နေ့မှာ​တော့​မော်ဂန်လေးဟာ စိတ်ခံစားချက်ကိုမထိန်းချုပ်နိုင်ဘဲ သူ့ကိုဖန်းတီးခဲ့တဲ့ သူတွေထဲကတစ်ယောက်ကိုတိုက်ခိုက်လိုက်မိပါတယ် ဒါကြောင့်သူ့ကိုစစ်ဆေးဖို့ရုံးချုပ်ကလူနှစ်ယောက်ကို လွှတ်လိုက်ပါတော့တယ် မော်ဂန်လေးဆက်ပြီးအသက်ရှင်မလား အဆုံးသတ်ခံရမှာလားဆိုတာက အဲဒီလူနှစ်ယောက်ရဲ့ အစီအရင်ခံစာအပေါ်မူတည်နေပါတယ် ဆိုတော့​ အသက်5နှစ် အရွယ်ကလေးတစ်ယောက်ရဲ့ စိတ်ခံစားချက်ရှိပြီး တစ်ချိန်တည်းမှာပဲ အဲဒီအသက်နဲ့မလိုက်တဲ့ ဉာဏ်ရည်နဲ့ကိုယ်ခန္ဓာကိုပိုင်ဆိုင်ထားတဲ့ မော်ဂန်တစ်ယောက် ဘယ်လိုတွေအစစ်ခံရမလဲ.... အသက်ရှင်ခွင့်ရမလား​ အဆုံးသတ်ခံရမလားဆိုတာကိုတော့ ဆက်ပြီးတော့ကြည့်လိုက်ရအောင်ဗျာ......... File size…1.30GB / 611MB Quality…Blu-Ray 1080p   / 720p Format…mp4 Duration….1h 32m Genre ….. Action , Horror , Sci-Fi Subtitle….Myanmar Subtitle (Hard Sub) Encoder….Min Wai Translated by Thura Mg Mg

ဂန္တဝင်သိုင်းရုပ်ရှင်ကြီးဖြစ်တဲ့ Crouching Tiger, Hidden Dragonရဲ့ ၁၆နှစ်ကြာမှာထွက်လာတဲ့ နောက်ဆက်တွဲ ဒုတိယပိုင်းဖြစ်ပါတယ်။ ယွီရှို့လျန်နေရာမှာ Michelle Yeoh ကပဲ ပြန်သရုပ်ဆောင်ထားပြီးတော့ Donnie Yenက တစ်ကိုယ်တော်ဝံပုလွေဆိုတဲ့ ဇာတ်ကောင်နဲ့ပါဝင်လာပါတယ်။ ချစ်ရတဲ့လီမုပိုင်သေသွားပြီးနောက်မှာ ယွီရှို့လျန်ကလဲ သိုင်းလောကရဲ့အဝေးမှာ ဇာတ်မြှုပ်ပြီးနေနေခဲ့ပါတယ်။ နှစ် ၂၀ကြာပြီးနောက်မှာတော့ ချင်းမင်ဓားကိုထိန်းသိမ်းပေးနေတဲ့ သခင်ကြီးထျယ်သေသွားတဲ့အခါမှာ သိုင်းလောကရဲ့ထိပ်ခေါင်ဖြစ်ဖို့ ဒီရတနာဓားကို သိုင်းလောကသားတွေက အသက်နဲ့ရင်းပြီးမက်မောကြတဲ့အတွက် အေးချမ်းနေတဲ့သိုင်းလောကကြီး တစ်ဖန်ပြန်ပြီး သွေးမုန်တိုင်းထန်လာပါတယ်။ အဲဒီထဲမှာ အနောက်ပိုင်းဒေသက ရှီးလျန်ဂိုဏ်းဟာ အင်အားအကြီးဆုံးဖြစ်ပြီး ရတနာဓားကိုရဖို့အတွက် နည်းမျိုးစုံသုံးပြီး ရက်ရက်စက်စက်တိုက်ခိုက်လာခဲ့ပါတယ်။ သိုင်းလောကအတွက် လီမုပိုင်မြတ်နိုးတဲ့အေးချမ်းမှုအတွက် ယွီရှို့လျန်ဟာ ချင်းမင်ဓားကိုကာကွယ်ဖို့ ပေကျင်းက ထျယ်အိမ်တော်ကိုတစ်ဖန်ပြန်ရောက်လာခဲ့ပြီး ရန်သူတွေရဲ့အင်အားများလွန်တာကြောင့် သိုင်းလောကရဲ့သစ္စာရှိသူရဲကောင်းတွေကိုပါ ဆင့်ခေါ်ပြီးအကူအညီတောင်းလိုက်ရပါတယ်။ သိုင်းလောကကြီးလှုပ်ခတ်လာတဲ့အချိန်မှာတော့ တစ်ကိုယ်တော်ဝံပုလွေလို့ အမည်ရတဲ့ ရှို့လျန်ရဲ့စေ့စပ်ထားသူ မုံ့စီးကျောင်းဟာ သေရာကပြန်ပေါ်လာပြီး သူ့ဘဝနဲ့ဖြည့်ဆည်းပေးခဲ့ရတဲ့မိန်းကလေးကို တစ်ဖန်ထပ်ပြီးဖြည့်ဆည်းပေးဖို့ ပြန်ရောက်လာပြီး ယွီရှို့လျန်နဲ့အတူ သိုင်းလောကရဲ့မုန်တိုင်းကြားထဲကိုဝင်ရောက်သွားပါတော့တယ် Filesize : 1.40 GB / 735 MB Quality : WEB-DL 1080p HEVC , 720p HEVC Format : mp4 Genres : Action, Adventure, and Drama Runtime : 1h 40 min Subtitle : Myanmar Subtitle ( Hardsub )

ဘစ်ရှော့ပ်ဟာ သူလုပ်ကြံခဲ့တဲ့သူတွေကို လူသတ်ခံရတာလို့တောင် မထင်ရဘဲ မတော်တဆသေဆုံးသွားသလို ဖြစ်အောင် ဖန်တီးနိုင်တဲ့ လုပ်ကြံရေးသမားပါ။ တည်ငြိမ်ပြီး သွေးအေးသလို အလုပ်လုပ်ရာမှာလည်း တိကျရက်စက်တဲ့သူဖြစ်ပါတယ်။ အခုတော့ အဲဒီဘဝကနေ အနားယူပြီး ဘရာဇီးမှာ ကိုယ့်အကြောင်းကို ဖုံးကွယ်နေထိုင်နေတယ်။ ဒါပေမဲ့ သူ့ဆီ မိန်းကလေးတစ်ယောက် ရောက်လာပြီး သူ့အကြောင်းကို ဖော်ထုတ်သွားတဲ့အခါ ပုန်းရှောင်နေတဲ့ဘဝက အဆုံးသတ်သွားပါတယ်။ သူ့ကို ပြန်အသုံးချချင်နေတာက ငယ်ငယ်ကတည်းက ရန်စရှိခဲ့တဲ့ ခရိန်းပါ။ ခရိန်းက ဘစ်ရှော့ပ်ရဲ့ လုပ်ကြံရေးအရည်အချင်းကို သုံးပြီး သူ့ရန်သူတွေကို ရှင်းပစ်ချင်သလို အရင်က ရန်ငြိုးအတွက်လည်း လက်စားချေချင်နေတယ်။ ဒီနှစ်ယောက်ကြား ဘာမှမဆိုင်တဲ့ ဂျီနာပါ ညပ်ပါလာရာက တစ်ယောက်အကွက်ကို တစ်ယောက်ကျော်ဖို့ ဉာဏ်ချင်းပြိုင်ကြရပါတယ်။ The Mechanic (2011) ရဲ့ အဆက်ဖြစ်ပြီး ဘစ်ရှော့ပ်အဖြစ် Jason Statham သရုပ်ဆောင်ထားပါတယ်။ Jessica Alba နဲ့ Michelle Yeoh တို့လည်း ပါဝင်ထားကြပါတယ်။

ဒီတစ်ခါတော့ သမိုင်းကြောင်းတွေထဲမှာ နာမည်ကြီးတဲ့ မာကိုပိုလိုကားလေးကို တင်ဆက်ပေးလိုက်ပါတယ် အဲဒါအပြင် အာရှရဲ့ နာမည်ကြီး အင်ပါယာ မွန်ဂိုလီယား အကြောင်းပါ ပါနေတော့ တကယ့်ကိုကြည့်လို့ကောင်းမဲ့ ကားကောင်းလေး တစ်ကားပါပဲ ဇာတ်လမ်းတွဲလေးဆိုတော့ ပိုပြီးတော့ ပြည့်ပြည့်စုံစုံလေးသိရမှာပါ ဇာတ်လမ်းအကျဉ်း မာကိုပိုလိုရဲ့ အဖေက မာကိုပိုလိုမွေးတဲ့အချိန်မှာရှိမနေခဲ့သလို သူ့ကိုမွေးထားမှန်းလည်း မသိခဲ့ပါဘူး သူက စွန့်စွန့်စားစားနဲ့ ခရီးတွေထွက်ပြီး ကုန်သွယ်ဖို့ကိုပဲ အာရုံထားတဲ့တစ်ယောက်ပေါ့ မာကိုပိုလိုရဲ့ အမေကလည်း သူအသက်၆နှစ်သားကတည်းက ဆုံးသွားခဲ့ရာကနေ သူ့အဖေနဲ့ပြန်တွေ့ပြီး သူ့အဖေထွက်မဲ့ ခရီးကို လိုက်ခဲ့ပါတော့တယ် သူတို့သွားတဲ့ ခရီးကလည်း စစ်ပွဲတွေပြင်းထန်နေတဲ့ မွန်ဂိုလီယား နိုင်ငံပါ အဲဒီအချိန်မှာ မွန်းဂိုအင်ပါယာကြီးကို အုပ်ချုပ်နေတဲ့သူကတော့ ကူဘလိုင်ခန် ပါ သူက ခရစ်ယာန်ဘုန်းတော်ကြီးတွေကို တောင်းဆိုလိုက်ပေမဲ့ မာကိုပိုလိုတို့က ခေါ်မလာပေးနိုင်တာကြောင့် သူ့ကို တသက်တာနယ်နှင်ဒဏ်ပေးလိုက်တဲ့အချိန်မှာပဲ မာကိုပိုလို အဖေက သူ့သားကို ကုန်သွယ်ခွင့်ရဖို့အတွက်နဲ့ မွန်ဂိုဘုရင်ဆီမှာ အစေခံအဖြစ်ထားခဲ့ရာကနေ ဘာတွေဆက်ဖြစ်မှာလဲဆိုတာကို စိတ်ဝင်တစားနဲ့ ဆက်လက်ရှုစားလိုက်ကြပါဦး သိုင်းချ၊လူချ၊ ဟိုလိုချ ဒီလိုချတွေ အရမ်းများလို့ မိသားစုနဲ့မကြည့်သင့်ပါကြောင်း။ File size…500MB Quality….Webrip 720 Format…mp4 Duration….1 hour Genre...Action, Adventure, Drama Subtitle….Myanmar Subtitle (Hardsub) Encoder….Mr. Anderson Translated by Garfield

Kung Fu Panda 2 မှာတော့ ‘ပို’ ရဲ့ ဘဝဇာတ်ကြောင်းကို ကြည့်ရှုရမှာပါ…. ‘ပို’ ရဲ့အဖေဖြစ်သူဟာ မွေးစားအဖေဖြစ်နေပါတယ်… ‘ပို’ လသားအရွယ်မှာ သူတို့ရဲ့ရွာလေးကို တပ်ဖွဲ့တစ်ခုက ဝင်ရောက်တိုက်ခိုက်ဖျက်စီးတာကို ခံလိုက်ရပါတယ်… ပို ရဲ့မိဘတွေဟာ ထွက်ပြေးရင်းနဲ့ ပို့ ကို စွန့်ပစ်ခဲ့ရပါတော့တယ်… ဒါက ပို ရဲ့ ဘသ ဇာတ်ကြောင်းပါ… အခုချိန်မှာတော့ ဒေါင်းမင်းသားတစ်ယောက်ဟာ လက်နက်ဆန်းတစ်ခုကို တီထွင်ပြီးတော့ တရုတ်ပြည်ကြီးကို သိမ်းပိုက်ဖို့ ကြံစည်နေပါပြီ… ဒါကို ပို နဲ့ သူ့အဖွဲ့က တားဆီးဖို့အတွက် တာဝန်ကျလာပါပြီ… ဒီတော့ ပို တို့တွေ ဒေါင်းမင်းသားကို ဘယ်လိုတားဆီးကြမှာလဲ ဘာတွေဆက်ဖြစ်ကြဦးမလဲ ဆိုတာကိုတော့ ထုံးစံအတိုင်း ကြည့်ရှုခံစားပေးကြပါဦး ဒီဇာတ်ကားဟာလည်း ပထမကားလိုပဲ rating ကောင်းကောင်းရထားတဲ့ကားတစ်ကားဖြစ်ပါတယ် File size…   4 GB / 1.5 GB / 913 MB Quality… WEB-DL 4K HEVC 1080p / 720p Format… mp4 & mkv Audio ... AAC Duration…. 1h 30m Genre ..... Adventure, Animation, Comedy Subtitle…. Myanmar Subtitle (Hard Sub) Encoder…. Thit San Khant Translated by Min Thway

ရုပ်ရှင်ဝါသနာရှင်အချင်းချင်း ကျွန်တော့်ကို ဘယ်သိုင်းကားအကြိုက်ဆုံးလဲလို့ မေးရင် အမြဲတမ်း စပြောမိတာက အခုတင်ပေးထားတဲ့ Reign of Assassins ပါပဲ။ အခုနောက်ပိုင်း ထွက်နေတဲ့ အထူးကွန်ပြူတာဖန်တီးမှုလှိုင်လှိုင်နဲ့ ကနွဲ့ကလျ သိုင်းသမားကားတွေနဲ့ တခြားစီပါပဲ။ ဇာတ်လမ်း ဒိုင်ယာလော့ တိုက်ခိုက်ခန်းတွ အားလုံးပြည့်စုံပါတယ်။ အချိန်တိုအတွင်းမှာ ထူးခြားတဲ့ ဇာတ်ကောင်တွေနဲ့ မတူညီတဲ့ သိုင်းတွေကို လှလှပပ ရိုက်ပြသွားတာပါ။ ကျွန်တော်ကိုယ်တိုင် အနည်းဆုံး ၅ ခေါက်လောက်တော့ ပြန်ကြည့်မိပါသေးတယ်။ ဇာတ်လမ်းအကျဉ်း ပြောပြပါ့မယ်။ သိုင်းလောကမှာ သတင်းတစ်ခုရှိပါတယ်။ ဗောဓိဆရာတော်ရဲ့ ရုပ်အလောင်းကို ရရင် သိုင်းလောကတစ်ခုလုံးကို အုပ်စိုးနိုင်မယ် ရောဂါအားလုံးလည်း ပျောက်ကင်းနိုင်မယ်ပေါ့။ အဲဒီအလောင်းကိုရဖို့ အားလုံးတိုက်ခိုက်နေကြချိန်မှာ အလွန်အစွမ်းထက်တဲ့ လျို့ဝှက် လူသတ်သမားအဖွဲ့ ကျောက်မည်းဂိုဏ်းပါ ပါဝင်လာပါတယ်။ အဲဒီဂိုဏ်းရဲ့ နာမည်ကြီး လူသတ်သမား မိုးဖွဲ(မစ်ချဲယို) ဟာ အလောင်းတစ်ဝက်ကို ရသွားပြီး အကြောင်းတစ်ခုနဲ့ ဇာတ်မြှပ်သွားပါတယ်၊ အိမ်ထောင်ပြုပြီး သာမန်အိမ်ရှင်မ ဘဝနဲ့နေထိုင်နေပါတော့တယ်။ ဒါပေမယ့် သူ့ရဲ့ အတိတ်က ကျောက်မည်းဂိုဏ်းသားတွေက အလောင်းနဲ့ မိုးဖွဲ့နောက်ကို အဆက်မပြတ်လိုက်နေကြဆဲပါပဲ။ တစ်နေ့မှာတော့ သူ့ခင်ပွန်းကို ကယ်ဖို့ ဝှက်ထားတဲ့ သိုင်းပညာကို ထုတ်သုံးလိုက်ချိန်မှာ ကျောက်မည်းဂိုဏ်းက ခြေရာခံမိပြီး မိတ်ဆွေဟောင်း တစ်ဖြစ်လဲ ရန်သူတွေနဲ့ ရင်ဆိုင်ရပါတော့တယ်။ (ရုပ်ရှင်အညွှန်းနဲ့ ဘာသာပြန်သူကတော့ Little Neo ပါ။) File size…(999 MB) and (400 MB) Quality…Blu-Ray Rip 720p Format…mp4 Duration….02:01:00 Subtitle….Myanmar Subtitle (Hardsub) Encoder….Nyeinsaeya Aung Translated by Little Neo

[IMDb 6.4 ရထားပြီး တိုက်ခိုက်ခန်းတွေ များများပါတဲ့ ဇာတ်ကားတစ်ကားကို သိုင်းကားကြိုက်ပရိတ်သတ်ကြီး အတွက်တင်ဆက်ပေးလိုက်ပါရစေ ပါဝင်သရုပ်ဆောင်ထားတဲ့ မင်းသားမင်းသမီးတွေက ပရိတ်သတ်ကြီး နဲ့ သိပ်မစိမ်းလှတဲ့ မင်းသားမင်းသမီးတွေဖြစ်ပြီး အဓိက ဇာတ်ဆောင်မင်းသားကြီးကတော့ သိုင်းလောကမုန်တိုင်း ဇာတ်လမ်းတွဲထဲက မင်းသားကြီး ယွဲ့ဖုန်း ဖြစ်ပါတယ် သိုင်းလောက မုန်တိုင်းဇာတ်ကားထဲကလိုပဲ ဒီကားထဲမှာလဲ ပီပီပြင်ပြင်နဲ့ သရုပ်ဆောင်သွားနိုင်တာကို ပရိတ်သတ်ကြီးက ခံစားကြည့်ရှူရမှာပါ ဒီဇာတ်လမ်းလေးထဲမှာတော့ အတ္တတွေ မာန်မာနတွေနဲ့ လက်စားချေခြင်းရဲ့ ပူလောင်ခြင်းသဘောတရားတွေသာမကပဲ လူ့လောက မှာ နေ့စဉ်ကြုံတွေ့နေရတဲ့ လူတွေရဲ့ သဘောသဘာဝတွေကိုပါ မီးမောင်းထိုးပြထားပြီး အတ္တကြီးပြီး စိတ်ဖောက်ပြန်တတ်ပုံကိုလည်း ပီပီပြင်ရိုက်ကူးပြထားတာကိုတွေ့ရပါတယ် ဇာတ်လမ်း အကျဉ်းလေးကတော့ ဗိုလ်မှူး စုဟာ သူ့စစ်တပ်ကနေ အနားယူပြီး မိန်းမဖြစ်သူနဲ့ အတူ ဘဝကို ရိုးရှင်းစွာ ဖြတ်သန်းနေသူတစ်ဦးပါ စု ရဲ့ ယောက္ဖ နဲ့ မိန်းမကို စုရဲ့ အဖေကပဲ မွေးစားပြီး ကျွေးမွေးစောင့်ရှောက်ခဲ့ပါတယ်  ဒီလို ကျွေးမွေးစောင့်ရှောက်ခဲ့တယ်ဆိုတာကလည်း စု ရဲ့ အဖေဟာ လူအများ အကျိုးအတွက် စု ယောက္မကြီးကို သတ်ခဲ့လို့လည်းဖြစ်ပါတယ် ဒီလို နဲ့ အုပ်ချုပ်ရေးမှူးဖြစ်လာတဲ့ စုရဲ့ ယောက္ဖဟာ တစ်နေ့မှာ အိမ်ပြန်လာပြီး မွေးအဖေရဲ့ သွေးကြွေးကလဲ့စားကို လှလှပပကြီး ဆပ်လိုက်တဲ့ အခါမှာတော့ ကဲ ပရိတ်သတ်ကြီးကပဲ ဆက်လက် ကြည့်ရှူလိုက်ပါတော့နော် ဒီဇာတ်ကားကို ဘာသာပြန်ပေးတဲ့သူကတော့ Kyaw Myo Thu ပဲဖြစ်ပါတယ်ဗျ]

Babylon A.D. (2008) မင်းသားကြီး Vin Diesel ရယ်၊ တရုတ်မင်းသမီး Michelle Yeoh ရယ်၊ 20th Century Fox production ရယ်နဲ့တင် ဒီဇာတ်ကားက ကြည့်ဖို့ ထိုက်တန်နေပါပြီ။ rating နည်းပေမယ့်လို့ တစ်ခါတစ်လေမှာ ကျွန်တော်တို့ရင်ဘတ်နဲ့ rating နဲ့ သိပ်မကိုက်ညီတာမျိုးတွေလည်း ရှိတတ်ပါတယ်။ ခေတ်လွန်နှောင်းပိုင်းအခြေ‌အနေတွေမှာ လူတွေရဲ့ ရှင်သန်ရပ်တည်ပုံတွေ နည်းပညာတွေကို ခပ်ပါးပါးလေး ပြထားတဲ့ဇာတ်ကားပါ။ 2008 ခုနှစ်က ထွက်ခဲ့ပြီး ကားဟောင်းတစ်ကားဖြစ်ပေမယ်လို့ ပြန်ကြည့်ထိုက်တဲ့ ဇာတ်ကားပါပဲ။ ဒီဇာတ်ကားမှာ ကြေးစားစစ်သားတစ်ယောက်ရဲ့ ရုန်းကန်ရှင်သန်ရပ်တည်မှု၊ ဘာသာရေးခုတုံးလုပ်ပြီး အကျိုးရှာချင်တဲ့ ခေါင်းဆောင်တစ်ယောက်၊ ဓာတ်ခွဲခန်းထဲက ဘဝစခဲ့ရတဲ့ လူတစ်ယောက်ရဲ့ ခံစားချက်နဲ့ စတေးခံရမှုတွေအကြောင်း ထူထူမပုတ်ဘဲ ပါးပါးလျပ်လျပ်ပဲ ပြသွားတာမလို့ သေချာအာရုံစိုက် ဆွဲထုတ်ဖို့တော့ လိုမယ်ထင်ပါတယ်။ မင်းသားကြီး Vin Diesel ဒီဇာတ်ကားထဲမှာ ကြမ်းပြ ရမ်းပြနေရတာထက် မျက်လုံးတစ်ပေါက်နဲ့ သရုပ်ဆောင်ပြနေ‌လို့ ကြွေရတဲ့ ဇာတ်ကားပါပဲ။ မင်းသမီးကြီး Michelle Yeoh ကလည်း သိပ်ပြီး တိုက်ပြခိုက်ပြမနေဘဲ လိုအပ်သလောက်ပဲ ပေါ်လွင်အောင် ပြသွားတာမလို့ တစ်မျိုးခံစားရပြန်ပါတယ်။ ကျန်တာကိုတော့ ခင်ဗျားတို့ပြောဖို့ပဲ ချန်ထားလိုက်ပါတော့မယ်ဗျာ... ကိုယ်တိုင်သာ ခံစားကြည့်ရှူလိုက်ကြပါ... (ဇာတ်ကားနဲ့ အညွှန်းကို Arr Khun Winchester မှ ပြန်ဆိုရေးသားထားပါတယ်) Size - 1.7GB, 1.1GB Quality - 1080p, 720p IMDb Rating - 5.6/10 Format - mp4 Duration - 1H 41Min Type - SciFi, Action Subtitle - Myanmar Subtitle (Hardsub) Translated by Arr Khun Winchester Encoded by Y

လွန်ခဲ့တဲ့ နှစ်ပေါင်းနှစ်ထောင်ဝန်းကျင်က တရုတ်နိုင်ငံမှာ ရက်စက်ကြမ်းကြုတ်တဲ့ ဟန်ဘုရင်ဟာ တိုင်းပြည်ကို စုစည်းပြီး နဂါးဧကရာဇ်အဖြစ် တစ်ကမ္ဘာလုံးကို သိမ်းပိုက်ဖို့ ပြင်ဆင်ခဲ့ပါတယ်။ ဒါပေမဲ့ မှော်ဆရာမတစ်ဦးရဲ့ ကျိန်စာကြောင့် သူနဲ့ သူ့တပ်တစ်ခုလုံး ရွှံ့ရုပ်တုတွေ ဖြစ်သွားပြီး အဲဒီရည်မှန်းချက်လည်း မြေအောက်မှာပဲ ပျောက်ကွယ်ခဲ့ရတယ်။ အိုကော်နယ်ကတော့ မြေအောက်မှာ ပျောက်နေတဲ့ ဒီအန္တရာယ်ကို မမျှော်လင့်ဘဲ ပြန်ဖော်မိပါတော့တယ်။ ဒီတစ်ခါ သူနဲ့အတူ သားဖြစ်သူ အဲ့လက်စ်လည်း ပါလာပါတယ်။ ဟန်ဘုရင် ဘယ်လိုပြန်အသက်ဝင်လာမလဲ၊ မပြီးမြောက်ခဲ့တဲ့ သူ့ရည်မှန်းချက်ကို ပြန်အကောင်အထည်ဖော်ဦးမလားဆိုတာ ဆက်တွေ့ရမှာပါ။ ရှေ့က Mummy နှစ်ကားရဲ့ အဆက်ဖြစ်ပြီး ဂျက်လီနဲ့ မီရှဲယိုတို့လည်း ပါဝင်သရုပ်ဆောင်ထားပါတယ်။

Sunshine (2007) အာကာသခရီးသွား ဇာတ်လမ်းတစ်ပုဒ်ဖြစ်ပြီး ရုပ်ရှင်ဒါရိုက်တာကို ရှာကြည့်တဲ့အခါမှာ 28 Days Later, Slumdog Millionaire, Yesterday စသဖြင့် ပရိသတ်ကြိုက်ကားတွေကို ရိုက်ဖူးတဲ့ Danny Boyle ဆိုသူ ဖြစ်နေတယ့်အပြင် သရုပ်ဆောင်တွေအနေနဲ့လည်း လက်ရှိအော်စကာရထားတဲ့ Cillian Murphy အပါအဝင် မြန်မာနိုင်ငံသားတိုင်းသိကြတဲ့ The Lady က မီရှဲလ်ယို၊ Chris Evans, Benedict Wong စသဖြင့် စုံစုံလင်လင် အားဖြည့်ထားတာကို တွေ့ရပါတယ် ဇာတ်လမ်းကို ၂၀၅၇ မှာ တည်ထားပြီး နေမင်းဟာ ပျက်စီးလုဆဲဆဲ ကမ္ဘာမြေအေးခဲပြီး လူသားမျိုးနွယ်ပျက်သုဥ်းမယ့် အရေးကို ကြုံနေရပါတယ် သိပ္ပံပညာရှင်တစ်သိုက်က Icarus 1 ကို မောင်းနှင်ပြီး နေကို အနုမြူဗုံးဖောက်ခွဲ အသက်သွင်းဖို့ လုပ်ဆောင်ခဲ့ပေမယ့် မအောင်မြင်ခဲ့လို့ ၇ နှစ်အကြာမှာ အဖွဲ့ဝင် ၈ ယောက်ပါ Icarus အမှတ် 2 နဲ့ နောက်တစ်ကြိမ် နေကို အသက်သွင်းဖို့ ကြိုးစားကြပါတယ် အာကာသကားဆိုတော့ ထုံးစံအတိုင်း ခရီးစဥ်မှာ မမျှော်လင့်ထားတဲ့ အန္တရာယ်တွေ၊ စွန့်လွှတ်အနစ်နာခံရမှုတွေ၊ ပဋိပက္ခတွေ စသဖြင့် ကြုံရတာပေါ့ဗျာ သိပ္ပံဇာတ်လမ်းချည်းမဟုတ်ပဲ Drama ပိုင်းကိုလည်း သေချာ လေးနက်အောင် ရိုက်ကူးထားတဲ့ ကားလေးမို့ ဒေါင်းကြည့်လိုက်ပါဦး

တရုတ်ပြည်ရဲ့ဝူရှူးကို တစ်ကမ္ဘာလုံးသိအောင် အသက်သွင်းခဲ့ပေးတဲ့ ဟို့ရွမ်ကျားရဲ့ဖြစ်ရပ်မှန်ဇာတ်လမ်းကို ဟို့ရွမ်ကျားနေရာမှာ ဂျက်လီကပြန်ပြီးသရုပ်ဆောင်ထားတဲ့ဇာတ်ကားဖြစ်ပါတယ်။ ဟို့ရွမ်ကျားရဲ့ဘဝဇာတ်လမ်းကို ပီပီပြင်ပြင်နဲ့ ဟာကွက်မရှိဖော်ပြနိုင်ခဲ့သလို တရုတ်သိုင်းကားတွေရဲ့ထုံးစံအတိုင်း fight scene တွေပါပြောစရာမရှိအောင် မိုက်တာမို့ ဝမ်းနည်းပူဆွေးနဲ့အံ့ဩမင်သက်မှုရောထွေးပြီး ကြည့်ရလို့ ဘာသာပြန်သူပါနှစ်ခါပြန်ကြည့်မိတဲ့ ဇာတ်ကားလည်းဖြစ်ပါတယ်ဗျ။ File size…2.55GB / 1.32GB Quality…Blu-Ray 1080p 5.1CH / 720p Format…mp4 Duration….1h 44m Genre ..... Aciton , Biography , Drama Subtitle….Myanmar Subtitle (Hard Sub) Encoder….Min Wai Translated by Kasaahi

၁၉၆၈နောက်ပိုင်း Bpအော်စကာရတဲ့ တစ်ကားတည်းသော မြူဇစ်ကယ်ကားဖြစ်ခဲ့တဲ့ Chicagoကို ရိုက်ခဲ့တဲ့ Rob Marshallက ချီကာဂိုအပြီးမှာ Arthur Goldenရေးတဲ့ Memoirs of a Geishaဝတ္တုကို ရိုက်ခဲ့တယ်။ ဂျပန်ဂေးရှားမယ်တွေအကြောင်းကို အမေရိကန်စာရေးဆရာက ရေးထားတာကို အမေရိကန်ဒါရိုက်တာက ရိုက်ထားတဲ့ ရုပ်ရှင်ပေါ့။ စားတာက ဒါတင်ပဲမဟုတ်ဘူး။ ဂေးရှားဇာတ်ဆိုတော့ မင်းသမီးက အဓိကဆိုတာ သိသာနေပြီ ဒါကို သုံးထားတဲ့ အဓိက မင်းသမီးသုံးယောက်စလုံးက တရုတ်မင်းသမီးတွေဖြစ်နေတယ်။ Steven Spielbergကတော့ ပရိုဂျူဆာလုပ်ထားပေးတယ်။ အော်စကာ ခြောက်ဆုဆန်ခါတင်ဝင်ခဲ့ပြီး Best Art Direction, Best Cinematography, Best Costume Design ၃ဆုကိုတော့ ရခဲ့တယ်။ ၁၉၂၉မှာ ချိရိုဆိုတဲ့ကောင်မလေး ဂေးရှားဂေဟာကို အရောင်းခံလိုက်ရတာကနေ စပြီး ဇာတ်အိမ်တည်ထားတယ်။ သူ့အစ်မရော သူရော နှစ်ယောက်စလုံးမတူတဲ့ဂေဟာတွေကို အရောင်းခံလိုက်ရတယ်။ ဂေးရှားအဖြစ် ပုံသွင်းခံခဲ့ရတယ်။ နည်းနည်းကြာတော့ သူ့အစ်မနဲ့သူပြန်တွေ့ပြီး ထွက်ပြေးဖို့လုပ်တယ်။ ထွက်ပြေးဖို့လုပ်ရာကနေ မိသွားပြီး သူ့အစ်မနဲ့ တစ်သက်လုံးကွဲသွားခဲ့တယ်။ ဂေဟာကလည်း သူ့ကို ဂေးရှားမယ်အဖြစ် လက်မခံတော့ဘဲ အိမ်စေအဖြစ်သာ အကြွေးမကျေမချင်းခိုင်းဖို့လုပ်ထားခဲ့တယ်။ တစ်နေ့မှာ သူ့ကံကြမ္မာအလှည့်အပြောင်းဖြစ်လာရာကနေ ကျွန်အဖြစ်ကနေ ဂေးရှားဖြစ်ဖို့လမ်းစပွင့်လာပြီး သူဖြတ်သန်းခဲ့ရတဲ့ ဂေးရှားဘဝ, သူဖြတ်သန်းခဲ့ရတဲ့ခေတ်နဲ့ သူမြိုသိပ်ခဲ့ရတဲ့အချစ်ကို ပြထားခဲ့တယ်။ ဒီရုပ်ရှင်မှာ နာမည်ကျော်ဂေးရှားသုံးယောက်အဖြစ်သရုပ်ဆောင်ထားတဲ့ မင်းသမီးသုံးယောက်စလုံးက ဒိတ်ဒိတ်ကြဲတရုတ်မင်းသမီးတွေချည်းပဲ။ ကျန်းကျိရီ, ဂေါင်လီ နောက် မစ်ချဲလ်ယိုကလည်း ဟောင်ကောင်ကားတွေချည်း ရိုက်ခဲ့တာဆိုတော့ တရုတ်မင်းသမီးလို့ပဲပြောရမှာပဲ။ ဒိတ်ဒိတ်ကြဲဆိုတာထက် အဲဒီခေတ်ရဲ့ထိပ်ဆုံး၃ယောက်လို့တောင် ပြောလို့ရတယ်။ မင်းသားတွေကလည်း ဟောလိဝုဒ်မှာ တော်တော်ပေါက်ရောက်တဲ့ ဂျပန်မင်းသား Ken Watanabe နဲ့ စရိုက်ကတည်းက ကားအလန်းစားတွေချည်းပဲရိုက်ခဲ့သလို လက်ရှိမှာလည်း ဂျပန်ရဲ့အကောင်းဆုံးသရုပ်ဆောင်ဖြစ်နေသေးတဲ့ Kōji Yakushoတို့ကိုသုံးထားတယ်။ စတားပါဝါကတော့ အာရှတစ်ခွင် ရိုက်သတ်လို့ရပေမဲ့ တရုတ်မှာအပိတ်ခံခဲ့ရပြီး ဂျပန်မှာတော့ အဆဲခံခဲ့ရတယ်။ တရုတ်ကတော့ တရုတ်မင်းသမီးတွေက ဂျပန်ဂေးရှားအဖြစ်သွားသရုပ်ဆောင်လို့ရော လိင်မှုအသားပေးခန်းတွေကြောင့်ရောပိတ်ခဲ့တာပေမဲ့ ဂျပန်ကတော့ ဂေးရှားတွေကို သေချာနားမလည်ဘဲ ပုံဖော်ထားလို့ ဝေဖန်ခဲ့တယ်။ ပထမတစ်ချက်အနေနဲ့တော့ တရုတ်မင်းသမီးသုံးတာက အမှားလို့တော့ မမြင်ဘူး။ အင်္ဂလိပ်စာရေးဆရာကရေးထားတဲ့ ဒီဇာတ်ရဲ့ ဇာတ်ကြောင်းနဲ့ ဒီဇာတ်ကောင်ပုံစံတွေနဲ့ဆို ဂျပန်မင်းသမီးတွေနဲ့ အံကိုက်လှမယ်မဟုတ်ဘူး။ ကျန်တာတွေထက်တော့ ဂေါင်လီသရုပ်ဆောင်ခဲ့တဲ့ မနာလိုစိတ်များတဲ့ ဟာဆုမိုမိုဇာတ်ကောင်ကို ဂျပန်မင်းသမီးနဲ့ပုံဖော်ဖို့ တော်တော်ခက်မယ်။ ဂေါင်လီမလို့သာ ဒီလောက်အသက်ဝင်နေတာပါပဲ။ ကျန်းကျိရီနဲ့ မစ်ချဲလ်ယိုနေရာကတော့ ဂျပန်မင်းသမီး သုံးလို့ရကောင်းရနိုင်တယ်။ ဒါပေမဲ့ သူ့ဇာတ်ကောင်နဲ့တော့ အံဝင်ခွင်ကျဖြစ်နေတော့ ဒီအချက်ကတော့ မမှားဘူးလို့ပြောရမယ်။ ဂျပန်မှာအဆဲခံရတဲ့ ဂေးရှားတွေကို ပုံဖော်မှု မပြည့်စုံဘဲ အပျက်ဘက်ပိုဆောင်နေတဲ့အချက်ကတော့ မှန်တယ်ပြောရမှာပဲ။ Hirokazu Kore-edaကိုယ်တိုင်ရေးသားရိုက်ကူးခဲ့တဲ့ The Makanai: Cooking for the Maiko Houseဇာတ်လမ်းတွဲကို ကြည့်ရင် ဂေးရှားဆိုတာ ဘယ်လောက်အနုပညာမြောက်လဲ Kore-eda အသေးစိတ်ပုံဖော်ပြထားတာကို မြင်ရလိမ့်မယ်။ အဲဒီဇာတ်လမ်းတွဲနဲ့တွဲကြည့်ရင်တော့ အဆင်ပြေတယ်။ ဒီတိုင်းဆိုရင်တော့ ဂေးရှားဆိုတဲ့ဖြစ်တည်မှုကို အောက်ကိုဆွဲချလိုက်သလိုတော့ ဖြစ်သွားမယ်။ တမင်လည်း အောက်ကိုဆွဲချထားတာပါပဲ။ ဒီအချက်က ဂျပန်တွေအတွက်တော့ ဆဲချင်စရာကောင်းနေတာ မဆန်းဘူး။ ပြောရရင် ဒီရုပ်ရှင်က တော်တော်ကြည့်ကောင်းတဲ့ရုပ်ရှင်ပါပဲ။ ဒါပေမဲ့ ဂျပန်ယဉ်ကျေးမှုထဲက ဂေးရှားယဉ်ကျေးမှုကို ဒီကားကြည့်ပြီးအကဲဖြတ်ဖို့ ဒီကားကြည့်ပြီး တီးမိခေါက်မိရှိဖို့တော့ မဖြစ်နိုင်ဘူး။ ဇာတ်ကိုပဲယူပြီး အထဲက အင်္ဂလိပ်အမြင်နဲ့ပုံဖော်ထားတဲ့ ဂေးရှားအပိုင်းကို မမှတ်ယူဘဲကြည့်ဖို့တော့လိုမယ်။ ဒါကလည်း သူတို့ အင်္ဂလိပ်အမြင်နဲ့မြင်တာက မှားတယ်မှန်တယ်ဆိုတာထက် ယဉ်ကျေးမှုတစ်ခုကို တီးမိခေါက်မိရှိဖို့က သူ့နိုင်ငံက သူ့ယဉ်ကျေးမှုကို သူပြောပြတာက ပိုဖြစ်သင့်လို့ပါပဲ။ အာရှအကြောင်းပုံဖော်ထားတဲ့ အမေရိကန်ရုပ်ရှင်တွေထဲက အကောင်းဆုံးတွေထဲတော့ပါပေမဲ့ ယဉ်ကျေးမှုတစ်ခုကို ကျောရိုးတည်ပြီး ရိုက်ပြတဲ့ ရုပ်ရှင်မှာ အဲဒီယဉ်ကျေးမှုက သူ့နိုင်ငံကလက်ခံထားသလိုမဖြစ်ဘဲ အနောက်တိုင်းအမြင်အရမ်းလွှမ်းသွားတာကတော့ အမေရိကန်စာရေးဆရာရေးပြီး အမေရိကန်ဒါရိုက်တာရိုက်တဲ့ သူ့အခြေအနေတွေအရတော့ အပြစ်ဆိုမရပေမဲ့ အဲဒီလိုမဟုတ်ခဲ့ရင်တော့ ခြောက်ပြစ်ကင်းသွားမယ့်ရုပ်ရှင်ပါပဲ။ ဘာပဲဖြစ်ဖြစ် BPအော်စကာရထားတဲ့ ဒါရိုက်တာရိုက်တဲ့ အော်စကာ၃ဆုရထားတဲ့ဒီရုပ်ရှင်ကို ပြည်မ ဟောင်ကောင်နဲ့ ဂျပန်က ဒိတ်ဒိတ်ကြဲမင်းသားမင်းသမီးတွေနဲ့ ကြည့်ရမှာဆိုတော့ ကြည့်ကိုကြည့်သင့်တဲ့ရုပ်ရှင်ပါပဲ။ File Size :  2.2 GB, 1 GB Quality : Blu-Ray  1080p / 720p Running Time : 2hr 25min Format : Mp4 Genre : Drama, Romance Subtitle : Myanmar Subtitle (Hard Sub) Translated by : Wira Aung Encode by : Thit San Khant

အော်စကာလိုဆုကြီးကိုပါ သိမ်းပိုက်ခဲ့တဲ့ ဒါရိုက်တာကြီး Ang Lee ရဲ့ ၂၀၀၀ပြည့်နှစ်ကရုံတင်ခဲ့တဲ့ ဂန္တဝင်မြောက်တရုတ်သိုင်းရုပ်ရှင်ကြီးပဲဖြစ်ပါတယ်။ Chow Yun-fat，Michelle Yeohနဲ့ Zhang Ziyi တို့ရဲ့အနုပညာကိုကမ္ဘာကသိစေခဲ့တဲ့ဇာတ်ကားကြီးလဲဖြစ်ပါတယ်။ ဒီဇာတ်ကားကနေပြီးတော့ သိုင်းပညာရဲ့အနုပညာကိုခံစားရရုံတင်မကပဲ ရယူခြင်းမဟုတ်တဲ့အချစ်ရဲ့ ခမ်းနားပုံကိုလဲ ခံစားကြည့်ရှုရမှာဖြစ်ပါတယ်။သိုင်းလောကရဲ့ထိပ်တန်းဓားသမားကြီးတစ်ယောက်ဖြစ်တဲ့ လီမုပိုင်ဟာ နှစ်ပေါင်းများစွာ သိုင်လောကပဋိပက္ခတွေကြားကျင်လည်ခဲ့ပြီး သွေးစွန်းတဲ့သိုင်းလောကကိုငြီးငွေ့လာတာကြောင့် သူ့ရဲ့ရတနာဓားဖြစ်တဲ့ ချင်းမင်ဓားကို သခင်ကြီးထျယ်ဆီကိုအပ်ဖို့ဆုံးဖြတ်လိုက်ပါတယ်။ ဒီဓားကိုပို့ပေးဖို့ သူ့ရဲ့ထုတ်မပြောရက်ပဲ ရင်ထဲကချစ်ရတဲ့ ယွီရှို့လျန်ကိုအကူအညီတောင်းခဲ့ပါတယ်။ ဒါပေမယ့် ဒီရတနာဓားက မြို့တော်ကိုရောက်တဲ့ညမှာပဲ မျက်နှာဖုံးစွပ်ထားတဲ့သူခိုးတစ်ယောက်ခိုးသွားတာကိုခံလိုက်ရပါတယ်။ တကယ်တော့ ဒီသူခိုးလေးက အထက်တန်းစား အရာရှိသမီးတစ်ယောက်ဖြစ်ပြီးတော့ လှောင်အိမ်ထဲမှာငှက်ကလေးလိုနေရမယ့်ဘဝကိုမုန်းတီးပြီး သိုင်းလောကမှာလွတ်လွတ်လပ်လပ် ပျံသန်းချင်နေတဲ့ သခင်မလေး ယွိကျောင်းလုံဖြစ်နေပါတယ်။ ချင်းမင်ဓားပျောက်ဆုံးမှုနောက်ကွယ်က သဲလွန်စတွေကို ယွီရှို့လျန်ကရိပ်မိသွားတဲ့အခါမှာတော့ ဆရာဖြစ်သူအတွက် ကလဲ့စားချေဖို့ရောက်လာတဲ့ လီမုပိုင်နဲ့အတူ သူတို့အားလုံးရဲ့ကံကြမ္မာဟာလဲ ရှုပ်ထွေးလှတဲ့ သိုင်းလောကရဲ့ရေစီးကြောင်းထဲကိုပြန်နစ်မြုပ်သွားပါတော့တယ်။ သိုင်းလောကရဲ့အိပ်မက်တွေကို တရုတ်ပြည်ရဲ့တောတောင်အလှအပတွေကြားမှာ လွင့်မြောရင်း ကဗျာဆန်တဲ့ သိုင်းလောကရဲ့ဂန္တဝင်လက်ရာတစ်ခုကို ပြန်ခံစားလိုက်ကြပါဦးနော် Filesize : 1.60 GB / 809 MB Quality : WEB-DL 1080p HEVC , 720p HEVC Format : mp4 Genres : Adventure, Drama, Action, and Romance Runtime : 2h Subtitle : Myanmar Subtitle ( Hardsub )

ဒီ ဇာတ်ကားကတော့ မင်းသား Pierce Brosnan ရဲ့ ဒုတိယမြောက်ဘွန်းဇာတ်ကားဖြစ်ပါတယ်.. Pierce Brosnan ရဲ့ဘွန်းဇာတ်ကောင်ကို ပရိတ်သတ်တော်တော်များများနှစ်သက်ကြောင်းတွေ့ရပါတယ်... ကြင်အင်လက္ခဏာ...တည်ငြိမ်မှု..ဝတ်စားဆင်ယင်မှု..သရုပ်ဆောင်မှုတွေအရ Pierce Brosnan နဲ့ ဘွန်းကို တစ်ထပ်တည်းကိုက်ညီစေတဲ့ ရသကို ပေးစွမ်းနိုင်ခဲ့တာပါ.... နောက်တစ်ချက်က သူ့ရဲ့ဇာတ်ကားတွေမှာ Action ပိုင်း အတော်လေး ပြည့်စုံတာကို တွေ့ရမှာပါ.. ဒီဇာတ်ကားမှာတော့ အရှေ့တိုင်းရဲ့ နာမည်ကျော် မင်းသမီး မီရှဲယိုလဲပါဝင်ထားပါတယ်... IMDb Rating (6.5/10) ရရှိထားပါတယ်...။ File size…(2.6 GB) and (1.4 GB) Quality….BluRay 1080p and 720p (HEVC Encode) Format…mkv Duration….02:00:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias

ကလေးဘဝတုန်းကအရမ်းသဘောကျခဲ့ရတဲ့ ဘယ်အချိန်ကြည့်ကြည့်မရိုးနိုင်တဲ့ ရှောင်လင်ကိုယ်တော်လေးနှစ်ယောက်ကို တင်ဆက်ပေးလိုက်ပါတယ်။ စုစုပေါင်းသုံးကားရှိပြီး ပထမကားကိုတင်ဆက်ပေးပြီးဖြစ်ပါတယ် Shaolin Popey 2 က Shaolin Popey 1 နဲ့ အဓိက သရုပ်ဆောင်တွေတူပေမယ့် ဇာတ်လမ်းကတော့အဆက်အစပ်မရှိပါဘူး။ 2 မှာ ရှောင်လုံနဲ့ရှောင်ဝိန်တို့ဟာ ဝူးလုံကျောင်းကကိုယ်တော်လေးတွေပဲဖြစ်ကြတယ်။ သူတို့ဟာ နေ့ဓဒူဝ ကျောင်းတော်မှာ ကွန်ဖူးလေ့ကျင့်ရင် ဝေရာဝစ္စတွေလုပ်ရင်းနေလာခဲ့ကြတယ်။ တစ်နေ့မှာတော့ ရှောင်လင်ကျောင်းနဲ့မိစ္ဆာဂိုဏ်းကြားက ရန်ငြိုးကြောင့် မိစ္ဆာဂိုဏ်းကလူသတ်သမားတစ်ယောက်ဟာ ဝူးလုံကျောင်းကိုလာပြီးလုပ်ကြံခဲ့တယ်။ လုပ်ကြံတာမအောင်မြင်တော့ မိန်းမလှလေးတစ်ယောက်ကို လွှတ်ပြီး ဟန်ဆောင်မြူစွယ်သိမ်းသွင်းဖို့ကြိုးစားလာခဲ့တယ်။ ကိုယ်တော်လေးရဲ့ကွန်ဖူးအစွမ်းနဲ့ မိစ္ဆာဂိုဏ်းရန်ကို ဘယ်လိုရှင်းကြမလဲဆိုတာ ကြည့်ရမှာပဲဖြစ်ပါတယ်။ စုစုပေါင်းသုံးကားရှိပါတယ် 2 ကားတင်ဆက်ပြီးပြီဖြစ်လို့ နောက်ဆုံးပိုင်းကိုမကြာခင်တင်ဆက်ပေးသွားမှာပဲဖြစ်ပါတယ် Quality : WEB-DL 1080p , 720p Format : mp4 Genres : Action , Comedy Runtime : 1h 30 min Subtitle : Myanmar Subtitle ( Hardsub ) Translated by Nu Mon Reviewed By Nu Mon Encoded by LK