Oliver Jackson-Cohen ပါဝင်သော ဇာတ်ကားများ

Season 1 အပိုင်း ( ၁ မှ ၃ ) အထိ စ / ဆုံး လူသတ်မှုခင်းစုံထောက်ဇာတ်ကားတွေတော်တော်များများက အစမှာကတည်းက လူသတ်မှုဖြစ်ပြီး လူသတ်သမားကိုရှာတဲ့ ပုံစံမျိုးဖြစ်ကြပေမဲ့ အခုတင်ဆက်ပေးမဲ့ ဗြိတိသျှ Series မှာတော့ နာမည်က Towards Zero ဆိုတဲ့အတိုင်း စမှတ်ကနေ ဦးတည်ပြီး တဖြည်းဖြည်းနဲ့ ဇာတ်ရှိန်မြင့်တက်လာအောင်ဆွဲ ခေါ်သွားမဲ့ပုံစံမျိုး ရိုက်ကူးထားတာဖြစ်ပါတယ်။ Mini Series ဖြစ်တဲ့အတွက် ၃ ပိုင်းတည်းသာပါဝင်ပြီး IMDb Rating 6.2 အထိရရှိထားတဲ့အတွက် လိုရင်းတိုရှင်း Series ကောင်းတစ်ခုလို့ပြောရင်လည်းမှားမယ်မထင်ပါဘူး။ ဇာတ်လမ်းဇာတ်ကွက်ကိုတော့ စာရေးဆရာမ အဂါသာခရစ္စတီးရဲ့ Towards Zero ဆိုတဲ့ ၀တ္ထုကိုပဲပြန်ယူပြီး မျက်စိထဲမှာ ရှင်းရှင်းလင်းလင်း ထင်သာမြင်သာအောင် အနည်းငယ်ပြုပြင် ပြီးတင်ဆက်ထားတာဖြစ်ပါတယ်။ ဒီ Series ရဲ့ အဓိကဇာတ်ကောင်တွေကတော့ စထရိန်းလင်မယား ဖြစ်ပြီး လင်ဖြစ်သူက နဗယ်လ်စထရိန်း မယားဖြစ်သူကတော့ အော်ဒရီစထရိန်းပဲဖြစ်ပါတယ်။စစချင်းကတည်းက သူတို့ လင်မယားက တရားရုံးတက်နေရတာကိုမြင်ရမှာဖြစ်ပြီး အကြောင်းအရင်းကတော့ ခင်ပွန်းဖြစ်သူ နဗယ်လ်ဖောက်ပြန်တဲ့ အတွက် ကွာရှင်းခွင့်ပေးဖို့ အော်ဒရီဖက်က တရားစွဲဆိုတာပဲ ဖြစ်ပါတယ်။ ဒီလိုနဲ့ငြင်းမရတော့တဲ့ နဗယ်လ်လည်း ကေအဲလိယက်လို့ခေါ်တဲ့ အမျိုးသမီးနဲ့ဖောက်ပြန်နေကြောင်းဝန်ခံလိုက်ပြီး ကွာရှင်းဖြစ်ခဲ့ ကြပါတော့တယ်။ဒီလိုနဲ့ နဗယ်လ်နဲ့ ကေတို့ ဟန်းနီးမွန်းကို နဗယ်လ်ကြီးပြင်းခဲ့တဲ့ အဒေါ်ဖြစ်သူရဲ့အိမ်မှာသွားကုန်ဆုံးဖို့ ဆုံးဖြတ်ခဲ့ပါတော့တယ်။ဖြစ်ချင်တော့ သူ့ဇနီးဟောင်း အော်ဒရီ ကလည်း အဲ့ဒီမှာပဲသူနဲ့အတူတူကြီးပြင်းလာတဲ့အတွက် အဲ့ဒီကို အလည်လာဖြစ်ခဲ့ပြီး ဒီလို ၃ ပွင့်ဆိုင်အချစ်နဲ့ တခြားသောသူတွေ သွားရောက်ဆုံစည်းဖြစ်ခဲ့တဲ့အရာမှာတော့ ဘယ်အရာကနေ စတင်ပြီး ဘယ်သူတွေ ဘယ်အကြောင်းကြောင့် အသတ်ခံရမလဲ ဆိုတာကို ရှုစားရမဲ့ ထူးထူးခြားခြား မှုခင်းစုံထောက် Series လေးပဲဖြစ်ပါတယ်။ File Size –591 MB  / 251 MB Quality –WEB-DL 1080p HEVC / 720p Episodes -  3 Eps Duration -  56 min Subtitle – Myanmar Hardsub Format – mkv /mp4 Genre :  Crime , Thriller Translator – Saw Lay & Austin Encoder – Min Wai

ဒီဇာတ်ကားလေးကတော့ ၂၀၂၅ ခုနှစ်ထွက် ဒုတိယကမ္ဘာစစ် နောက်ခံ သမိုင်းဇာတ်ကားလေးဖြစ်ပါတယ်။ နာဇီဂျာမဏီတွေဟာ ပိုလန်နိုင်ငံကို ကျူးကျော်သိမ်းပိုက် အပြီးမှာ ဂျူးလူမျိုးတွေအပေါ် ဖိနှိပ်ချုပ်ချယ်မှုတွေ စတင် လုပ်ဆောင်လာခဲ့ပါတယ်။ မီခေး၊ ဝုဖ် နဲ့ ရှောလမွန်တို့ ဟာ နာဇီအလုပ်စခန်းမှာ အလုပ်လုပ်ရမယ်လို့ လိမ်ညာခေါ်ဆောင်ခံခဲ့ရပြီး တကယ်တမ်း ရောက်သွားတဲ့အချိန်မှ အလုပ်စခန်းမဟုတ်ဘဲ လူသတ် စခန်းဖြစ်နေမှန်းသိခဲ့ရပါတယ်။ ဒီလိုနဲ့ သေမထူးနေမထူး ဘဝတွေမို့ ထွက်ပြေးဖို့ ကြိုးစားပါတော့တယ်။ ထွက်ပြေးတယ်ဆိုတာလည်း အပြောကသာ လွယ်ပေမဲ့ နာဇီတွေပတ်လည်ဝိုင်းနေတဲ့ နယ်မြေမှာ ထွက်ပြေးဖို့ဟာ ဘယ်လိုမှ မဖြစ်နိုင်တဲ့အခြေအနေပါ။ ဒီလိုနဲ့ သူတို့တွေ ဘယ်လို လွတ်မြောက်အောင် ကြိုးစား ကြမလဲ။ အသည်းတအေးအေးနဲ့ စိတ်ဝင်စားဖွယ်ပါပဲ။ ဒီရုပ်ရှင်လေးမှာတော့ သမိုင်းအဖြစ်အပျက်တွေကို လက်တွေ့ကျကျတင်ဆက်ပြသထားတာမို့ ဒုတိယကမ္ဘာစစ် အတွင်းက ပိုလန်နိုင်ငံ ဂျူးလူမျိုးတွေရဲ့ ဘဝကို ပြန်လည် မြင်‌ယောင်ခံစားမိစေမှာပါ။ ဖြစ်ရပ်မှန်ကို အခြေခံပြီးရိုက်ကူးထားတာမို့ စိတ်ဝင်စားဖို့ လည်းကောင်းပြီး ကြည့်ရတာ နောင်တမရစေမဲ့ ဇာတ်ကားလေး တစ်ကား ဖြစ်ပါကြောင်း ... File size… (1.68 GB) / (978 MB) Quality… WEB-DL 1080p HEVC / 720p Format…mkv / mp4 Duration….1h 49m Genre …..Drama , History , War Subtitle….Myanmar Subtitle (Hard Sub) Encoder….Min Wai Translated by Wil

မော်တိုခရော့ ဆိုင်ကယ်ချန်ပီယံဟောင်းဖြစ်သလို စစ်မှုထမ်းဟောင်းဖြစ်တဲ့ Jack Dawson ဟာ သူ့မိခင်သေဆုံးပြီးနောက်မှာ သူ့ညီအရင်းကို ပြုစုစောင့်ရှောက်ဖို့ သူ့ရဲ့ဇာတိမြို့ကို ပြန်လည် ရောက်ရှိလာခဲ့ပါတယ်။ ဘဝသစ်ကိုစတင်ဖို့မျှော်လင့်ရင်း ကျောင်းနေဘက် သူငယ်ချင်းဟောင်းတစ်ယောက်ဖြစ်တဲ့ Silas ဆီကနေ ဘဝတဆစ်ချိုးပြောင်းလဲနိုင်တဲ့ အလုပ်တစ်ခုကို လက်ခံခဲ့ပါတယ်။ မြောက်ပင်လယ်မှာရှိတဲ့ လျှို့ဝှက်အထုပ်တစ်ထုပ်ကို ယူပေးဖို့ပါ။ ဒါပေမဲ့‌ Jackdaw ဟာ ဒေသခံမူးယစ်ဂိုဏ်း၊ ဒုစရိုက်သမား ဖြစ်တဲ့ Silas ရဲ့သစ္စာဖောက်ခံရပြီး Jackdaw ရဲ့ ညီဟာလည်း ပြန်ပေးဆွဲခံခဲ့ရပါတယ်။ ဒီနောက်မှာတော့ Jackdaw အတွက် အိပ်မက်ဆိုးတွေ ဝင်ရောက်လာခဲ့ပြီး အဖြစ်မှန်ကိုရှာဖွေဖို့ တိုက်ပွဲဝင် ရပါတော့တယ်။ Jackdaw တယောက် ရောဂါသည် ညီဖြစ်သူကို ရှာတွေ့နိုင်မလား။ တညတာရဲ့ကြမ်းတမ်းတဲ့ ခရီးမှာ မိတ်ဆွေဟောင်းမိတ်ဆွေဟောင်း၊ မိတ်ဆွေသစ်တွေ ရန်သူသစ်တွေနဲ့ ဘယ်လိုတွေ့ဆုံရမလဲဆိုတာကို ကြည့်ရှုခံစားရမယ့် သည်းထိတ်ရင်ဖို အက်ရှင်ဇာတ်ကား ဖြစ်ပါတယ်။ File size…2.14GB / 707MB Quality…Blu-Ray 1080p 5.1CH / 720p Format…mp4 Duration….1h 37m Genre ….. Action , Thriller Subtitle….Myanmar Subtitle (Hard Sub) Encoder….Min Wai Translated by Zaw Myint

IMDb 6.3 ထိရရှိထားတဲ့ ထွက်ရှိနေဆဲ Drama & thriller အမျိုးအစားဇာတ်လမ်းတွဲဖြစ်ပြီး ထင်မှတ်မထားတဲ့ plot twist တွေနဲ့အချစ်ဇာတ်လမ်းတစ်ပုဒ်ကိုကြည့်ရှုရမှာပါ ပုံပြင်တွေထဲမှာလို "တစ်သက်လုံးပျော်ရွှင်စွာနေထိုင်သွားကြလေသည်" ဆိုတဲ့အဆုံးသတ်မျိုးကိုတော့ ဘယ်သူကမလိုချင်ဘဲနေပါ့မလဲ အိုလီဗီယာ(လိဗ်) နဲ့ဝီလီယမ် (ဝီလ်) တို့အတွဲကလည်း လှပတဲ့အချစ်ဇာတ်လမ်းကိုပိုင်ဆိုင်ထားကြတဲ့ ကြင်စဦးမောင်နှံလေးဖြစ်ပြီး သူတို့ရဲ့ပုံပြင်က ဇာတ်သိမ်းလှလှ‌လေးနဲ့ပဲအဆုံးသတ်မယ်လို့ ထင်ထားခဲ့ပေမဲ့ အမျိုးသားဖြစ်သူဖောက်ပြန်နေတာကိုသိသွားတဲ့အခါမှာတော့... စိတ်ကူးယဉ်အိပ်မက်လေးကနေ အိပ်မက်ဆိုးကြီးအဖြစ် ပြောင်းလဲသွားပါတော့တယ် လိဗ်တစ်ယောက် အချစ်ကြီးလို့အမျက်ကြီးရာကနေ ‌ဖောက်ပြားတတ်တဲ့‌ယောက်ျားကို သွေးအေးအေးနဲ့ ဘယ်လိုနည်းလမ်းတွေသုံးပြီးကလဲ့စားချေမလဲ ဆိုတာကိုကြည့်ရှုရမှာပါ.. File size…(890 MB)/(392 MB) Quality….Webrip 1080p / 720p Format…mp4 Duration….00:52:00 Genre...Drama, Mystery Subtitle….Myanmar Subtitle (Hardsub) Encoder….Mr. Anderson Translated by Khunn

2022 က စတင်ထွက်ရှိခဲ့တဲ့ Surface ဟာ အခုတော့ Season 2 ကို စတင်လာခဲ့ပါပြီDrama Mystery အမျိုးအစားဖြစ်ပြီး IMDb 6.4 ရရှိထားခဲ့ပါတယ် Season 1 Surface (2022) ၂၀၂၂ မှ Apple Tv ကနေ လက်တလောပူပူနွေးနွေးထွက်ရှိလာတဲ့ Thriller စီးရီးအသစ်လေး တင်ဆက်ပေးချင်ပါတယ်။ ဆိုဖီ ဟာ ခေါင်းကို ထိခိုက်မိပြီးတော့ အတိတ်မေ့ရောဂါဖြစ်နေတဲ့သူပါ။ သူဟာ လှေပေါ်ကနေ ပင်လယ်ထဲခုန်ချပြီး သတ်သေဖို့လုပ်ခဲ့ပေမယ့် ကံကောင်းထောက်မစွာပဲ မသေခဲ့ဘဲ ခေါင်းကို ခိုက်မိသွားပြီး အတိတ်မေ့သွားခဲ့တာပါ။ ဆိုဖီရဲ့ ခင်ပွန်းဖြစ်သူ ဂျိမ်းကတော့ သူ့ကို စောင့်ရှောက်ပေးနေပါတော့တယ်။ တစ်နေ့မှာတော့ လူတစ်ယောက် ပေါ်လာပြီး သူဖြစ်ခဲ့တဲ့ ကိစ္စဟာ ကိုယ့်ကိုယ်ကိုယ် သတ်သေဖို့ လုပ်တာမဟုတ်ဘူးဆိုပြီး ပြောလာပါတော့တယ်။ ဆိုဖီလည်း သံသယဝင်လာခဲ့ပြီး ပျောက်ဆုံးသွားတဲ့ မှတ်ဉာဏ်တွေကို လိုက်လံရှာဖွေဖို့ ကြိုးစားလာပါတော့တယ်။ ထိုလူကရော ဘယ်သူလဲ၊ ဆိုဖီနဲ့ ဘယ်လိုပတ်သက်နေလဲ။ ဆိုဖီသတ်သေဖို့ ကြိုးစားတာကရော သူ့ခင်ပွန်းနဲ့ ပတ်သက်နေလားဆိုတာ စိတ်ဝင်စားဖွယ်ကြည့်ရှု့ရမယ် စီးရီးကောင်းလေးတစ်ခုဖြစ်ပါတယ်။ စုစုပေါင်း ၈ ပိုင်းရှိပြီး အပတ်စဉ် သောကြာနေ့တိုင်း ပုံမှန်တင်ဆက်ပေးသွားမှာမို့ စောင့်မျှော်အားပေးကြပါဦး။ အညွှန်း နဲ့ ဘာသာပြန်ကတော့ Leonard Lin ပဲ ဖြစ်ပါတယ်။ Genre..... Drama, Thriller Quality…. 1080p | 720p File size… 600MB | 300MB Format… mp4 Duration…. 49 min Subtitle…. Myanmar Subtitle (Hardsub) Translator ..... Leonard Lin Encoder ..... August ဇာတ်လမ်းကတော့... မတော်တဆမှုတစ်ခုကနေ သေကံမရောက် သက်မပျောက်ခဲ့တဲ့ ဆိုဖီ တစ်ယောက် မှတ်ဉာဏ်တွေကိုပျောက်ဆုံးသွားတဲ့အခါ အခက်အခဲပေါင်းစုံကိုရင်ဆိုင်ရပါတော့တယ်သူလက်ထပ်ထားတဲ့သူ က အစသူ့နာမည် အဆုံး အားလုံး ဟာ သူထင်ထားသလိုမဟုတ်ဘဲ မြှုပ်ကွက် လှည့်ကွက်တွေအပြည့်ဖြစ်နေခဲ့တာပါ Season 1 အပြီးမှာတော့ ဘဝအမှန်ကို အတော်အသင့် နားလည်ရိပ်မိခဲ့တဲ့ ဆိုဖီ ဟာ သူ့ခင်ပွန်းကိုထားခဲ့ပြီး ငယ်ဘဝနေထိုင်ခဲ့တဲ့ UK ကို ပြန်လည်ထွက်ခွာလာခဲ့ပါတယ်Season 2 မှာတော့ မှတ်ဉာဏ်အကုန်ပြန်မရသေးတဲ့ ဆိုဖီတစ်ယောက် ဘာတွေကိုထပ်မံရင်ဆိုင်ရဦးမလဲဘာတွေကို ထပ်ပြီး ရှာဖွေတွေ့ရှိသွားဦးမလဲဆိုတာ တွေကို စောင့်မျှော်ကြည့်ရှူရမှာဖြစ်ပါတယ် File size…(643 MB)/(341 MB) Quality….Webrip 1080p HEVC / 720p Format…mkv/mp4 Duration….00:22:00 Genre...Drama, Mystery  Subtitle….Myanmar Subtitle (Hardsub) Encoder….Swan Min Htet Translated by Min Thway

၁၈၁၈ ခုနှစ် အင်္ဂလန်မှာ ရုပ်ရည်ချောမောပြီး ငွေကြေးပြည့်စုံတဲ့ လူပျိုတစ်ယောက်ကို အမျိုးသမီးတွေက သဘောကျနေကြပါတယ်။ သူကလည်း အိမ်ထောင်ဖက် မရှာချင်တာတော့ မဟုတ်ဘူး။ ဒါပေမဲ့ သူလက်ထပ်မယ့်သူမှာ ရှိရမယ့်အရည်အချင်းတွေကို စာရင်းလုပ်ထားပြီး အဲဒီစာရင်းနဲ့ ကိုက်မှပဲ လက်ခံချင်နေတာပါ။ ရုပ်ချောရမယ်၊ ဉာဏ်ကောင်းရမယ်၊ မျိုးရိုးကောင်းရမယ်ဆိုတာတွေအပြင် မျက်စမပစ်ရဘူးဆိုတဲ့ အသေးစိတ်အချက်တွေအထိ ထည့်ထားပါတယ်။ သူ့ရဲ့ငြင်းပယ်မှုကို ခံလိုက်ရတဲ့ မိန်းကလေးတစ်ယောက်ကတော့ ဒီအတိုင်း မကျေနပ်နိုင်ဘဲ လက်စားချေဖို့ စီစဉ်ပါတော့တယ်။ သူ့သူငယ်ချင်းကို အဲဒီလူပျိုကြီး သဘောကျလောက်မယ့်ပုံစံဖြစ်အောင် ပြုပြင်ပေးပြီး ချဉ်းကပ်စေပါတယ်။ အစီအစဉ်အတိုင်းပဲ လူပျိုကြီးက သူ့သူငယ်ချင်းကို သဘောကျသွားတဲ့အခါ သုံးယောက်ကြားက အခြေအနေတွေ ဘယ်လိုဆက်ဖြစ်လာမလဲဆိုတာကို ဟာသ၊ အချစ်ဇာတ်လမ်းနဲ့ တွဲတင်ဆက်ထားပါတယ်။ Zawe Ashton က အဓိကဇာတ်ကောင်တစ်ယောက်အဖြစ် ပါဝင်သရုပ်ဆောင်ထားပါတယ်။

အမ်မလီဘရွန်တီရဲ့ Wuthering Heights ကို မြန်မာစာဖတ်သူတွေက “လေထန်ကုန်း” ဆိုတဲ့အမည်နဲ့ ရင်းနှီးကြပါတယ်။ ၁၈၄၇ ခုနှစ်မှာ ပုံနှိပ်ခဲ့တဲ့ ဒီဝတ္ထုကို ကျော်လှိုင်ဦးက “လေထန်ကုန်း” လို့ အမည်ပေးပြီး ပြန်ဆိုခဲ့တာပါ။ ဒီအမည်ဟာ မြန်မာစာရေးဆရာတွေ ဆုံဖြစ်ကြတဲ့ လက်ဖက်ရည်ဆိုင်တစ်ဆိုင်ရဲ့ အမည်လည်း ဖြစ်နေပါတယ်။ ကျော်လှိုင်ဦးမတိုင်ခင် ဒဂုန်ခင်ခင်လေးက “ဂုဏ်မြင့်သူ” ဆိုပြီး ဝတ္ထုကို တစ်စိတ်တစ်ဒေသ မှီငြမ်းရေးသားခဲ့ဖူးတယ်။ အမ်မလီရဲ့ ကဗျာကိုလည်း တက္ကသိုလ်ဘုန်းနိုင်က “တမ်းတမိခြင်း” အမည်နဲ့ ပြန်ဆိုခဲ့ဖူးပါတယ်။ Emily ကတော့ အဲဒီစာရေးဆရာမရဲ့ ငယ်ဘဝကနေ စပြီး ဇာတ်ကြောင်းပြောထားတဲ့ ရုပ်ရှင်ပါ။ အမ်မလီတို့ ညီအစ်မသုံးယောက်စလုံးဟာ အနုပညာသမားတွေဖြစ်ကြပြီး ဇာတ်လမ်းတွေ စိတ်ကူးယဉ်ရေးတတ်တဲ့ ကောင်မလေးတစ်ယောက်ကနေ လူသိများတဲ့ စာရေးဆရာမတစ်ယောက် ဖြစ်လာတဲ့အထိ သူ့ဘဝကို ပုံဖော်ထားပါတယ်။ သူ့ဘဝဖြစ်ရပ်တွေကို အတိအကျ ပြန်ရိုက်ထားတာတော့ မဟုတ်ပါဘူး။ ငယ်ဘဝအတွေ့အကြုံတွေ၊ စာရေးသူတစ်ယောက်အဖြစ် ဖြတ်သန်းလာပုံတွေနဲ့အတူ သူ့ရဲ့ ရင်နင့်စရာ အချစ်ဇာတ်လမ်းကိုပါ ဖြည်းဖြည်းချင်း ဆက်ပြထားပါတယ်။

ကြည့်ပြီးရင် မိသားစုတစ်ခုတည်ဆောက်ဖို့အကြောင်း တာဝန်ဝတ္တရားတွေကို လေးလေးနက်နက်တွေးမိစေမှာဖြစ်ပေမဲ့ မိသားစုတွေနဲ့အတူတော့ မကြည့်သင့်တဲ့ရုပ်ရှင်မျိုး..။ လိင်ပိုင်းဆိုင်ရာပြကွက်တွေက အထွဋ်အထိပ်ရောက်စေတဲ့အထိတော့ စိတ်ကျေနပ်စေမှာ မဟုတ်ပေမဲ့လို့ ကိုယ့်ဟာကို တစ်ယောက်တည်းကြည့်နေတုန်းက အကောင်း..၊ ဘေးမှာ တစ်ယောက်ယောက်လာရပ်နေမှ ဖောင်းဒိုင်း ဖောင်းဒိုင်း ထလုပ်ကြတဲ့ ဇာတ်ကွက်တွေ ထွက်လာနိုင်တယ်..။ ဒီတော့ ကြိုတင်ပြီးတော့ သတိပေးလိုက်ရပါတယ်..။ ဇာတ်လမ်းအကြောင်းကို ဆက်ပြီးပြောရရင်တော့ ရသခံစားမှုမျိုးကို တိုက်ရိုက်ချပြထားတဲ့ဇာတ်လမ်းမျိုးမဟုတ်လို့ နည်းနည်း ပျင်းစရာကောင်းပြီး အီနိုင်တယ်..။ နားမလည်ခြင်းသဘောတွေက အနုပညာကို ခံစားတတ်သူတွေအတွက်တော့ အထွေအထူးတော့ မဟုတ်လှဘူးဆိုတော့ခံစားမှု အရသာကသာ အဓိကပဲဆိုရင် တစ်ခါလောက် ကြည့်သင့်တယ်..။ အမျိုးသမီးတစ်ယောက်ရဲ့ ငယ်ရွယ်မှုနဲ့ ငယ်ရွယ်မှုအလွန်ဖြတ်သန်းရပုံ နှစ်ခု ယှဉ်ပြိုင်တင်ဆက် ပြသထားပုံထဲမှာ အဆင်မပြေမှုတွေကိုလည်း မြင်ရမယ်..။ လိင်မှုတွေလည်း မြင်ရမယ်..။ သားသမီးတွေရဲ့ ဗာဟီရ ဝတ္တရားတွေဆီကနေ ရုန်းထွက်သွားချင်စိတ်တွေကိုရော..။ ​ဒီဇာတ်ကားထဲမှာတော့ က္ကထိယတွေ မကောင်းပါဘူး..။ ဒီဇာတ်ကားထဲမှာကို ပြောတာ..။ ဒါပေမဲ့လည်း က္ကထိယတွေမကောင်းတာ မှန်ပေမဲ့လို့ ဒီဇာတ်ကားကြောင့်ပဲ မိခင်တွေရဲ့ အနစ်နာခံရမှုတွေကိုလည်း ပြန်လည် သုံးသပ်မိစေမှာပါ..။ အဲ့ဒီအခါမှာ မိခင်တစ်ယောက်ရဲ့ အနစ်နာခံခဲ့ရမှုတွေကို ရရှိခဲ့တဲ့သူတွေကလည်း ကျေးဇူးတင်စိတ်ကို ခံစားရပြီးတော့..၊ ဒီလို မရရှိခဲ့ဖူးသူတွေကလည်း မိသားစုတစ်ခုကို လက်လွတ်စပယ် တည်ဆောက်ဖို့ကို ဆင်ခြင်မိစေမှာပါ..။ တစ်ယောက်တည်းအမြင်အရ ဒီဇာတ်လမ်းရဲ့ အကောင်းတကာ့ အကောင်းဆုံးအချက်ကတော့ ကလေးတစ်ယောက်အမေ မမ အရမ်းမိုက်ပါတယ်..။ သူ့မျက်နှာရဲ့ညှို့ဓာတ်က သိပ်ကို အားပြင်းလွန်းလို့ ဘာသာပြန်နေရင်း ရှေ့မရောက်တော့တဲ့အထိပါပဲ..။ သူ့ခန္ဓာနဲ့ မျက်နှာနှစ်ခုတည်းနဲ့တင် ကြည့်ဖို့ လုံလောက်တဲ့ ဇာတ်ကားတစ်ကားမို့ ဒေါင်းလုဒ်ဆွဲကြည့်ပါလို့ ညွှန်းလိုက်ရပါတယ်..။ (ဘာသာပြန်နဲ့ အညွှန်းရေးသားသူကတော့ ရှင်းမာန်ထက်မြက်ပါ) File size…(2 GB)/(1 GB)/(500 Mb) Quality….Webrip 1080p / 720p / 480p Format…mp4 Duration….02:01:00 Genre...Drama Subtitle….Myanmar Subtitle (Hardsub) Encoder….Mr. Anderson Translated by Shin Mann Htet Myat

The Haunting of Bly Manor (2020) (Only on Bioscope) IMDB : 7.4 Rotten Tomatoes : 88% Genre : Horror / Mystery The Haunting of Bly Manor ကတော့ Horror လောကမှာ နာမည်ကြီးဒါရိုက်တာတစ်ယောက်ဖြစ်တဲ့ Mike Flanagan ကိုယ်တိုင်ရေး / ကိုယ်တိုင်ရိုက်ထားတဲ့ “The Haunting…” Series ရဲ့ ဒုတိယမြောက် Series ဖြစ်ပါတယ်။ ၂၀၁၈ ခုနှစ်မှာထွက်ခဲ့တဲ့ The Haunting of Hill House ဟာ ဝေဖန်သူတွေကြားထဲမှာရော တော်တော်လေး အောင်မြင်ခဲ့ပြီး မဂ္ဂဇင်းတော်တော်များများရဲ့ Top Ten စာရင်းကို တက်လှမ်းခဲ့တဲ့ ဇာတ်လမ်းတွဲဖြစ်ခဲ့ပါတယ်။ Rolling Stone Empire Variety Vulture IndieWire တို့မှာ Top 5 Top 10 ဝင်ခဲ့တဲ့ ဇာတ်လမ်းတွဲဖြစ်ပါတယ်။ Bly Manor ကတော့ Hill House ထွက်ပြီး ၂ နှစ်အကြာမှာ ထွက်ခဲ့တဲ့ ဇာတ်လမ်းတွဲဖြစ်ပါတယ်။ Hill House က မင်းသား၊ မင်းသမီးတွေတော်တော်များများ ပါဝင်သရုပ်ဆောင်ထားတာကြောင့် ကြည့်ရတာ တမျိုးဆန်းနေမှာပါ။ Bly Manor ဟာ Gothic အမျိုးအစားဖြစ်ပြီး Slow-Burn Series တစ်ခုဖြစ်တာကြောင့် ဇိမ်နဲ့ ကြည့်ရမယ့် ဇာတ်လမ်းတွဲတစ်ခုဖြစ်ပါတယ်။ Hill House က Rating အရရော ကျော်ကြားမှုအရရော Bly Manor ထက်သာတယ်ဆိုပေမဲ့ တချို့ကတော့ Bly Manor ကို ပိုပြီးအကြိုက်တွေ့ကြပါတယ်။ ဘာလို့လဲဆိုတာကိုတော့ နှစ်ခုလုံးကြည့်ပြီး ခံစားကြည့်လိုက်ကြပါ။ The Haunting of Hill House ကိုလည်း Bioscope မှာ တင်ထားပါတယ်ခင်ဗျာ။ ဇာတ်ညွှန်း ဒန်နီကလေတန်ဆိုတာ အင်္ဂလန်မှာ အကြောင်းကြောင်းကြောင့် လာနေထိုင်တဲ့ အမေရိကန်သူလေးဖြစ်ပါတယ်။ တစ်ရက်မှာတော့ ဝင်းဂရေ့ဗ်မိသားစုှမှ ဟင်နရီ ဝင်းဂရေ့ဗ်က ကလေးထိန်းလိုကြောင်း ကြေညာတစ်ခုကိုတွေ့ပြီး အလုပ်လာလျှောက်ခဲ့ပါတယ်။ ဒန်နီမတိုင်ခင် ကလေးထိန်းကတော့ ကိုယ့်ကိုယ်ကို သ-တ်သေသွားတာဖြစ်ပါတယ်။ ဆိုတော့ အတိုချုံးပြောရရင် ဒန်နီအလုပ်ရသွားခဲ့ပါတယ်။ ဒါပေမဲ့ ဒန်နီထင်ထားသလိုမျိုး မြို့ကြီးမှာလုပ်ရတာမဟုတ်ပဲ ကျေးလက်မှာတည်ရှိတဲ့ ဘလိုင်းဆိုတဲ့ အိမ်ကြီးရခိုင်မှာ သွားလုပ်ရမှာဖြစ်ပါတယ်။ “Horror အလယ်ဗဟိုက ကလေးတွေဖြစ်တယ်” ဆိုတဲ့အတိုင်း အဲဒီမှာ ကလေးနှစ်ယောက်ရှိတယ်။ ဝင်းဂရေ့ဗ်မိသားစုအမွေခံ မိုင်းလ်စ်နဲ့ ဖလော်ရာ… ကလေးနှစ်ယောက်ပဲ ခြောက်တာလား၊ ဒန်နီကပဲ ကြောက်တာလား၊ အိမ်ကြီးကပဲဖောက်တာလား၊ ဒါမှမဟုတ် အိမ်ကြီးဘေးနားက ရေကန်ကြီးကပဲ ညဆို ပုံစံပြောင်းသွားတာလားမသိပေမဲ့ ဒန်နီအတွက် အိမ်ကြီးမှာလုပ်ရတာ ထင်သလိုမဟုတ်ပဲ အခက်အခဲတွေတွေ့လာရပါတော့တယ်။ ဒန်နီကိုယ်တိုင်ကလည်း အတိတ်မှာ မေ့မရတဲ့ စိတ်ဒဏ်ရာတွေကရှိနေတော့ တော်တော်လေးကို အခက်တွေ့ခဲ့ပါတယ်။ ဒီလိုနဲ့ ဘယ်လိုမျိုးရှေ့ဆက်သွားမှာလဲ။ ကလေးနှစ်ယောက်က ဘာတွေလျှို့ဝှက်ထားတာလဲ၊ အိမ်ကြီးရဲ့ မာယာကဘာလဲ… တကယ်ပဲ ကလေးတွေက လျှို့ဝှက်ထားတာလား၊ ဒန်နီကိုယ်တိုင်ပဲ စိတ်ထင်နေတာလားဆိုတာကိုတော့ အပိုင်း ၉ ပိုင်းနဲ့ ခံစားကြည့်လိုက်ကြပါ။ တစ်ခုသတိပေးချင်တာကတော့ မျက်ရည်ခိုင်ကြပါစေပါပဲ။ File size… 1 GB / 500 MB Quality… BluRay 1080p / 720p Format… mp4 Duration…. 50m Genre ..... Horror Subtitle…. Myanmar Subtitle (Hard Sub)

IMDb Rating 7.5/10 ထိရရှိထားပါတယ် . . . #Unicode February လကုန်ခါနီးမှာ ရုံတင်သွားတဲ့ ပရိတ်သတ်တွေစောင့်မျှော်နေတဲ့ The Invisible Man ကတော့ အကြည်ထွက်ရှိလို့ လာပါပြီ။ ဒီကားကလည်း ပရိတ်သတ်အကြိုက်ဖြစ်စေခဲ့တဲ့ နောက်ထပ် ဟော်ရာ ရုပ်ရှင်ကားကောင်းတစ်ကားပါပဲ။ ဇာတ်ကားက နာမည်အတိုင်းပါပဲ ကိုယ်ပျောက်နိုင်တဲ့လူတစ်ယောက်အကြောင်းပါ။ ဇာတ်လမ်းအစမှာ ဆယ်စီလီရယ် ဆိုတဲ့ မိန်းကလေးဟာ သူ့ကို အရာရာချုပ်ကိုင်ထားချင်တဲ့ ရည်းစားဖြစ်သူ အေဒရီယန်ကို အတင်းစွန့်ခွာထားခဲ့ပါတယ်။ အေဒရီယန်ဟာ အမြင်အာရုံပိုင်း ကင်မရာပိုင်းမှာ ကမ္ဘာ့အတော်ဆုံးလို့ပြောလို့ရတဲ့ သိပ္ပံပညာရှင်ပါ။ အေဒရီယန်ဟာ အစွဲအလန်းကြီးပြီး ခေါင်းမာလွန်းတဲ့သူ ဖြစ် တာမို့ ဆယ်စီလီရယ်ကို အလွတ်မပေးခဲ့ပါဘူး။ ဒါပေမယ့် အေဒရီယန် သေဆုံးသွားခဲ့ပြီးနောက်မှာတော့ ဆယ်စီလီရယ်တစ်ယောက် ဘဝသစ်ကို စိတ်ရှင်းရှင်းနဲ့စနိုင်လာခဲ့ပါပြီး။ ဒါပေမယ့် အေဒရီယန်ဟာ တကယ်သေတာမဟုတ်သလို ဆယ်စီလီရယ်ကို ဒုက္ခမျိုးစုံ ပေးပြီး သူ့ဆီကိုပြန်ရောက်လာဖို့ ကြောက်စရာကောင်းတဲ့ လုပ်ရပ်တွေလုပ် လာတဲ့အခါမှာတော့ ဇာတ်ကားထဲမှာ ဆက်လက်ကြည့်ရှုရမှာပဲဖြစ်ပါတယ် . . . Quality – 720p  Web-Dl Duration – 2 hrs 04 mins Subtitle – Myanmar Hardsub Format – Mp4 Genre : Horror, Mystery, Sci-Fi Source : 1080p.WEB-DL Translator – Littleneo Encoder – San Win Maung

The Haunting of Hill House (2018) IMDB : 8.5 Rotten Tomatoes : 93% Genre : Horror Modern Horror တွေမှာ သတ်မှတ်ချက်တစ်ခုရှိတယ်။ သတ်မှတ်ချက်မဟုတ်တောင် သတ်မှတ်ချက်လိုမျိုးဖြစ်နေတဲ့ဟာပေါ့လေ။ အဲဒါကတော့ “တိတ်ဆိတ်နေတဲ့ အခန်းထောင့်လေးတွေပါမယ်၊ ရုတ်တရတ်အသံကျယ်ကြီးတွေထွက်လာမယ်၊ အကောင်လိုက်ကြီးတွေ ဘွားကနဲပေါ်လာမယ်၊ Jumpscare တွေ တပြွတ်ကြီးထည့်ပြီး ပရိသတ် ရင်ခုန်သံကို မြန်အောင်လုပ်မယ်” အစရှိသဖြင့်ပေါ့။ ဒါပေမဲ့ Horror လောကမှာ Mike Flanagan ဆိုတဲ့ ဒါရိုက်တာတစ်ယောက်ရှိတယ်။ The Haunting of Hill House ကတော့ သူ့ရဲ့ Limited Series တွေထဲကတစ်ခုပေါ့လေ။ The Haunting of Hill House ဆိုတော့ မြန်မာလိုဆို “ဟေးလ်စံအိမ်” ကြီးအကြောင်းရိုက်ထားတာပေါ့လေ။ ဒီဇာတ်လမ်းတွဲအကြောင်းတင်ထားတဲ့ YouTube Video တစ်ခုအောက်မှာ “ဘာလို့လူတွေက ဒီဇာတ်လမ်းတွဲကို Horror ဆိုပြီးပြောနေကြတာလဲ။ ဒါက စိတ်ပိုင်းဆိုင်ရာ နှိပ်စက်တဲ့ ဇာတ်လမ်းတွဲဟ” ဆိုပြီး ပြောထားတာလေးတောင် တွေ့လိုက်သေးတယ်။ ဒီဇာတ်လမ်းတွဲက ကြည့်တဲ့လူကို ဝမ်းနည်းအောင်လုပ်မယ့် Horror ဇာတ်လမ်းတွဲပါပဲ။ ဇာတ်ညွှန်း “ဟေးဟ်စံအိမ်” ဆိုတာ အဖက်ဖက်က ယိုယွင်းပျက်စီး နေတဲ့ ရဲတိုက်လိုမျိုး အိမ်ကြီးတစ်အိမ်ဖြစ်ပါတယ်။ ဒါပေမဲ့ ဒီအိမ်ကြီးကို ပြန်လည်ပြင်ဆင်ပြီး အလှဆင်မယ် ပြီးတော့ ရောင်းစားမယ်ဆိုတဲ့အကြံနဲ့ ခရိန်းမောင်နှံက သားသမီး ၅ ယောက်နဲ့အတူတူ ဟေးလ်စံအိမ် ဆီကိုပြောင်းလာခဲ့ပါတယ်။ ဟေးလ်စံအိမ်မှာ သူတို့နေလိုက်ရတာ ၁၉၉၂ ရဲ့ နွေရာသီရဲ့ တစ်စိတ်တပိုင်း ခဏတာကာလလေးပါပဲ။ ဒါပေမဲ့ သူတို့မောင်နှမ ၅ ယောက်ရလိုက်တဲ့ စိတ်ဒဏ်ရာကတော့ တစ်သက်လုံးပါသွားခဲ့ပါတယ်။ ဆယ်စုနှစ်တွေကြာပြီးတဲ့နောက်မှာ မောင်နှမ ၅ ယောက်ဟာ တစ်ယောက်ခြင်း ကွဲကြေခြင်း တစ်ခုခြင်းစီကို ရင်မှာပိုက်ပြီး လောကကြီးကို ရင်ဆိုင်နေရပါပြီ။ အကုန်လုံးမှာ ကွဲကြေတဲ့အတိတ်၊ မသေချာတဲ့ အနာဂတ်၊ ဝေဝါးနေတဲ့ ခြေလှမ်းတွေနဲ့ ပစ္စုန်ပန်ကာလမှာ အသက်မပါတဲ့ တစ္ဆေတွေလိုမျိုး ရှေ့ဆက်နေကြရပါတယ်။ ဒီလိုနဲ့ မထင်မှတ်ထားတဲ့ ကြေကွဲစရာဖြစ်ရပ်တစ်ခုကြောင့် မိသားစုတွေပြန်စုံခဲ့ပါတယ်။ အဲဒီမှာ သူတို့ရဲ့ အဖေ ဟုချ် ခရိန်းလည်းပါလာပါတယ်။ ဒါပေမဲ့ တစ်မိသားစုလုံးက သူ့အဖေကိုကြည့်မရပါဘူး။ ဖြစ်ပျက်ခဲ့တဲ့ အတိတ်က ပြဿနာတွေဟာ သူတို့အဖေကြောင့်လို့ ခေါင်းစဉ်တပ်ခဲ့ကြပါတယ်။ သူတို့အားလုံးစုံသွားတဲ့အချိန်မှာ ဆက်သွားရမယ့် ဦးတည်ချက်ကတစ်ခု ပဲရှိပါတော့တယ်။ အဲဒါကတော့ ဟေးလ်စံအိမ်ပါပဲ။ ဘာတွေဆက်ဖြစ်မှာလဲဆိုတာကို ခံစားကြည့်လိုက်ကြပါ။ ဒီ ဇာတ်လမ်းတွဲက နားလည်ရခက်တဲ့ ဇာတ်လမ်းတွဲမျိုးမဟုတ်ပေမဲ့ သေချာမကြည့်ရင်တော့ တချို့ပြချင်တဲ့ နေရာလေးတွေကို လွတ်ကောင်းလွတ်သွားနိုင်ပါတယ်။ ဘာလို့လဲဆိုတော့ Timeline နှစ်ခုကို ယှဉ်ပြတာတွေ ရှုပ်နေတဲ့ ပဟေဠိတွေကို တဖြည်းဖြည်းချင်း ရှင်းသွားတာတွေရှိတာကြောင့်မလို့ပါ။ သမာရိုးကျ Horror လိုမျိုး Horror Scene တွေကို ချပြတာမျိုးမဟုတ်ပဲ တဖြည်းဖြည်းချင်း ဆွဲခေါ်သွားတာမလို့ ဇိမ်နဲ့ကြည့်ရမယ့် ဇာတ်လမ်းတွဲမျိုးပါ။ အဲလိုမျိုး ဇိမ်နဲ့ကြည့်နေတုန်းပဲ “ဝုန်း” ဆို မထင်ထားတာတွေဖြစ်လာဦးမှာမလို့ ဇိမ်လည်းပျက်ဦးမယ့် ဇာတ်လမ်းတွဲမျိုးပါ။ ဒီကြားထဲကြောက်ရပါတယ်ဆိုမှ ဝမ်းကလည်းနည်းရသေး။ ဒါမျိုးလေးတွေလည်းလာမှာမလို့ ကြည့်ကိုကြည့်သင့်တဲ့ “One of the Greatest Horror Series of all time” ပါပဲခင်ဗျာ။ File size…   600 MB / 300 MB Quality… WEB-DL 1080p / 720p Format… mp4 Duration…. 50 m Genre ..... Horror / Drama Subtitle…. Myanmar Subtitle (Hard Sub)

၁၈၀၀ ပြည့်နှစ်ကာလကို နောက်ခံထားတဲ့ ဒီဇာတ်လမ်းမှာ ကဗျာဆရာ၊ စာရေးဆရာ အက်ဒ်ဂါအလန်ပိုးရဲ့ ပရိသတ်တစ်ယောက်ဟာ သူနှစ်သက်တဲ့ စာရေးဆရာရဲ့ စိတ်ကူးယဉ်လူသတ်ဇာတ်လမ်းတွေကို အခြေခံပြီး လူသတ်မှုတွေ ကျူးလွန်လာပါတယ်။ အဲဒီနောက် ပိုးရဲ့ချစ်သူကိုပါ ပြန်ပေးဆွဲသွားပြီး လူတစ်ယောက်သတ်ပြီးတိုင်း သူမရှိတဲ့နေရာကို လိုက်ရှာနိုင်ဖို့ သဲလွန်စတွေ ချန်ထားပေးတယ်။ ပိုးအတွက်တော့ သူရေးခဲ့တဲ့ ဇာတ်လမ်းတွေက တကယ့်လူသတ်မှုတွေအဖြစ် ပြန်ပေါ်လာသလို ချစ်သူရဲ့အသက်အတွက်ပါ ပူပန်နေရပြီဖြစ်ပါတယ်။ သဲလွန်စတွေကနေ လူသတ်သမားကို ဖော်ထုတ်နိုင်ပါ့မလား၊ ချစ်သူကိုရော အချိန်မီ ကယ်တင်နိုင်ပါ့မလား။ John Cusack နဲ့ Luke Evans တို့ ပါဝင်ထားတဲ့ ၂၀၁၂ ခုနှစ်ထွက် သည်းထိတ်ရင်ဖိုမှုခင်းဇာတ်ကားပါ။ ဇာတ်လမ်းက စိတ်ကူးယဉ်ဖြစ်ပေမယ့် အသုံးပြုထားတဲ့ ပိုးရဲ့ကဗျာတွေနဲ့ ဝတ္ထုဇာတ်လမ်းတွေကိုတော့ သူ့စာအုပ်တွေထဲကနေ ယူထားပါတယ်။

What’s Your Number?(2011) “ဘဝတစ်လျှောက် ပျှမ်းမျှချစ်သူအရေအတွက် 10.5 ဆိုတာ နည်းတာပေါ့” ဒီစကားကိုပြောခဲ့တဲ့လူကတော့ မဘဲစီမလေးအယ်လီပါပဲ။ ဒါပေမဲ့ အယ်လီတစ်ယောက် ဘဲတွေမှိုလိုပေါက်ရတာ အယ်လီအပြစ်ရယ်တော့လည်းမဟုတ်ပါဘူး။ ဘဲတွေက ထစ်ချုန်းမိုးလို ရေနံတူးဖို့လောက်သာ စိတ်အားထက်သန်ပြီးရင် ပျောက်ပျောက်သွားတာကြောင့်ရယ်ပါ။ ဒါပေမဲ့ ပလေးဂဲလေးအယ်လီတစ်ယောက် ဒါကိုစိတ်ထဲ အလေးအနက်မထားပါဘူး သူပလေးကိုယ်ပလေး ဝမ်းဂိုး တူးကမ်း သရီးရယ်ဒီလုပ်နေခဲ့တာပေါ့။ ဒါပေမဲ့ နောက်ဆုံးဘဲဘဲလေးရစ်ခ်ကျမှ အမေတွေနဲ့မိတ်ဆက်ပေးဖို့ ကြံရွယ်ပြီးမှ ထုံးစံအတိုင်း ရေနံမင်းသားလေးက ဘိုင့်ဘိုင့်လုပ်သွားတဲ့အပြင် နေရင်းထိုင်ရင်းအလုပ်ကပါ သူ့ကိုပဲကွက်ပြီးလူလျှော့ပါသတဲ့။ ဘဲရောအလုပ်ရှင်ကပါ ရင်ဝဆောင့်ကန်တာခံရတဲ့ အယ်လီတစ်ယောက် အလုပ်ကနေ ပစ္စည်းသိမ်း ပုံးလေးကိုင်လို့ရထားစီးရင်းနဲ့ “What’s your number”ဆိုတဲ့ ဆောင်းပါးတစ်ပုဒ်ကိုဖတ်မိပါတော့တယ်။ ဒီဆောင်းပါးလေးက ဘဲစီတော့ဘာဖြစ်လဲ You only live once ဆိုတဲ့အယ်လီကို အကြီးအကျယ်တုန်လှုပ်သွားစေပါသတဲ့။ ဘာဖြစ်လို့လဲဆိုတော့ ဆောင်းပါးထဲမှာ တစ်နိုင်ငံလုံးမှာရှိတဲ့ အမျိုးသမီးတွေရဲ့ ပျှမ်းမျှချစ်သူအရေအတွက်က ၁၀.၅ ဖြစ်ပြီး အယောက် ၂၀ နဲ့အထက်ဆို လင်မရတော့ဘူးလို့ စစ်တမ်းနဲ့အခိုင်အမာပြောထားလို့ပါပဲ။ ဘဲတွေမှိုလိုပေါက်ပေမဲ့ လင်တော့လိုချင်ရှာသေးတဲ့အယ်လီတစ်ယောက် exတွေတွက်ကြည့်တော့လည်း 19 ယောက်ဖြစ်နေတဲ့အခါမှာတော့… အယောက် 20 ကျော်ရင် လင်မရဘူးဆိုတဲ့စကားအပေါ်ကို အကြီးအကျယ်စိတ်စွဲနေရင်းနဲ့ နဂိုထဲက messed up love lifeမှာ အယ်လီတစ်ယောက် ဘာတွေလျှောက်လုပ်လို့ ဘယ်လိုတလွဲတချော်တွေလာဦးမလဲ။ မဘဲစီလိုပဲ စော်လိုက်လို့ပြေးနေရတဲ့ မောင်စော်ကြည်ကောလင်နဲ့ရော ဘယ်လိုဖူးစာဆုံမလဲ။ သူသံဓိဌာန်ချထားတဲ့ အယောက် 20 မြောက်လူဟာ သူရဲ့ဖူးစာရှင်ဆိုတဲ့စကားကိုရော တည်အောင်လုပ်နိုင်ပါ့မလားဆိုတာကို အတူတူကြည့်ရှုလိုက်ရအောင်ပါ။ Sexiest man alive ဆိုပြီး ပျိုမေတွေကိုပြုစားနေပြီး sold outသတင်းနဲ့ သစ်စိမ်းချိုးချိုးသွားတဲ့ Chris Evansရဲ့ Good reviewတွေပိုင်ဆိုင်ထားတဲ့ comedy romance ကားကောင်းလေးဖြစ်တာမလို့ ကြည့်ရှုခံစားရင်း ရယ်မောနိုင်ကြဖို့ တင်ဆက်ပေးလိုက်ပါတယ်။ File Size : (2.7GB)(1.1 GB) and (380 MB) Quality : Blu-Ray 1080p,720p Format…mp4 Duration…01:46:00 Genre : Comedy , Romance Subtitle : Myanmar Subtitle (Hard Sub) Translated by Jane Encoded by Phyo Pyae

Faster ကတော့ ၂၀၁၀ ကထွက်ရှိထားတဲ့ Dwayne Johnson ရဲ့ အကြမ်းစား အက်ရှင်ဇာတ်ကားလေးဖြစ်ပါတယ်။ မကြမ်းမှာတော့မပူပါနဲ့။ အစပိုင်းလေးကိုပဲကြည့်ပြီး ဘာလား ကြမ်းလှချည်လားဟလို့ ဖြစ်သွားမှာသေချာပါတယ်။ ထောင်ကထွက်ထွက်ချင်းပဲ သူက ပြေးတယ်။ ကားတစ်စီးပေါ်တက်တယ်။ သေနတ်ကိုခါးကြားထိုးတယ်။ မောင်းသွားပြီး အဆောက်အဦးတစ်ခုထဲဝင်သွားပြီး လူတစ်ယောက်ကို ဘာမပြောညာမပြော ပစ်သတ်လိုက်တယ်။ လွန်ခဲ့တဲ့ ဆယ်နှစ်က ဘဏ်ဓားပြမှုတစ်ခုမှာ ငါတို့တိုက်ယူလာတဲ့ ငွေတွေကို မင်းတို့လုယူပြီး ငါ့အစ်ကိုကို သတ်လိုက်တဲ့ သွေးကြွေးပြန်လာဆပ်တာကွလို့ ဒိုင်ယာလော့ အရှည်ကြီးနဲ့ ဇာတ်လမ်းကိုပြန်ပြောမနေဘဲ နှာတရှုံရှုံငိုမနေဘဲ ဒိုင်းဆိုပြီး တစ်ချက်တည်းပြီးသွားပါတယ်။ အဲဒီဘဏ်ဓားပြတိုက်တဲ့ ဇာတ်လမ်းကိုတော့ စုံထောက်တွေက ပြန်ပြီးထောက်လှမ်းနေတာတွေနဲ့ အတိတ်အကြောင်းပြန်တွေးတာတွေနဲ့ ပြန်ပြသွားပါတယ်။ သူ့အစ်ကိုကို သေအောင်လုပ်ခဲ့တဲ့ လူတွေကို လက်စားချေဖို့ ထောင်ထဲမှာ ဆယ်နှစ်လုံးလုံး ပြင်ဆင်လာခဲ့ပြီး ထွက်လာလာပြီးချင်း နာရီပိုင်းအကြာမှာ စာရင်းထဲကလူတစ်ယောက်ကို ဖျက်နိုင်လိုက်ပါတယ်။ သူ့စာရင်းကဘယ်လောက်ရှည်ပြီး ဘယ်လောက် မြန်မြန် အဆုံးသတ်နိုင်မလဲဆိုတာကိုတော့ ဇာတ်ကားမှာပဲကြည့်လိုက်ကြပါတော့။ ဇာတ်လမ်းအညွှန်းနဲ့ ဘာသာပြန်သူကတော့ d3mon ပဲဖြစ်ပါတယ်… File Size : (800 MB) and (400 MB) Quality : Blu-Ray 720p Running Time : 1hr 38min Format : Mp4 Genre : Action, Crime, Drama Subtitle : Myanmar Subtitle (Hard Sub) Source : 1080p.BluRay.x264-SECTOR7 Translated by d3mon Encoded by Thanhtike Zaw