Shine Tom Chacko ပါဝင်သော ဇာတ်ကားများ

Comrade Kalyan (2026) ရဲဘော်ကာလျန် မင်းသား ဆရီဗစ်ရှ်နူး(Sree Vishnu) နဲ့ မင်းသမီး မာဟီမာ နမ်ဘီယာ(Mahima Nambiar) တို့သရုပ်ဆောင်ထားကြတဲ့ အိန္ဒိယ တေလူဂူ ခေတ်နောက်ခံ အက်ရှင်-ဟာသ ရုပ်ရှင်ဇာတ်ကားကို တင်ဆက်ပေးပါရစေ။ ဇာတ်လမ်းကို ၁၉၉၀ ပြည့်လွန်နှစ်များဆီက အန်ဒရာပရာဒေ့ရှ်နဲ့ အိုဒီရှာနယ်စပ်မှာရှိတဲ့ ကွန်မြူနစ်လှုပ်ရှားမှုအားကောင်းတဲ့ ရွာတစ်ရွာမှာ အခြေခံထားပါတယ်။ကာလျန်ဟာ အဲဒီရွာမှာ ရုပ်ရှင်ရုံအဟောင်းတစ်ခုကို ငှားရမ်းရိုက်ကူးပြသနေတဲ့ ရိုးရိုးရှင်းရှင်း လူငယ်တစ်ဦးပေါ့။ ရွာသူရွာသားတွေရဲ့ ကွန်မြူနစ် စိတ်ဓာတ်ထက်သန်မှုကို အခွင့်ကောင်းယူပြီး နာရာယာနာ မူရ်သီရဲ့ရုပ်ရှင်တွေကို ရုံတင်ပြသရင်း ဝင်ငွေရှာနေသူပါ။ တစ်နေ့မှာ ကာလျန်ဟာ အိုဒီယာ ရွာသူမလေး ဆီတာရာနဲ့ ချစ်ကြိုက်မိသွားပါတယ်။ ဒါပေမဲ့ ဆီတာရာ ရဲ့မိသားစုမှာ ကြီးမားတဲ့ ကြွေးမြီပြဿနာ ရှိနေမှန်း သိလိုက်ရသည့်အခါ ကာလျန် က အဲဒီ့ကြွေးမြီတွေကို ဆပ်ပေးဖို့ နည်းလမ်းရှာရပါတော့တယ်။ ကြွေးမြီပြဿနာကို ဖြေရှင်းဖို့နဲ့ ဆီတာရာ အချစ်ကို ရရှိဖို့အတွက် ကာလျန် တစ်ယောက် နာဇာလိုက် အဖွဲ့တွေနဲ့ ပတ်သက်မိသွားပြီး နိုင်ငံရေးသမားတစ်ဦးကို ပြန်ပေးဆွဲတဲ့အစီအစဉ်ထဲအထိ ပါဝင်မိသွားတဲ့အခါ ရွာတစ်ရွာလုံးနဲ့ ရဲတပ်ဖွဲ့ကြားမှာ ရှုပ်ထွေးဆန်းပြားပြီး ရယ်စရာဖြစ်ရပ်များ ဆက်တိုက်ပေါ်ပေါက်လာရပါတော့တယ်....။ File size… 2.6 GB / 1.6 GB Quality…WEB DL 1080p HEVC/ 720p Format…mkv/ mp4 Duration….2h 25m Subtitle….Myanmar Subtitle (Hard Sub)

Dhoomakethu (2026) “‌ေ သခြင်းသံသရာထဲက မင်္ဂလာပွဲ” IMDb - 7.4/10 အောင်သွယ်တော်ကောင်းမှုနဲ့ မိန်းမလှလေးကို မင်္ဂလာဆောင်ရခါပါမှ မင်္ဂလာဦးညချည်း အထိတ်တလန့် ဖြတ်သန်းနေရတဲ့ ကူတန်။ မင်္ဂလာပွဲနေ့ မနက်ခင်းမှာ မူးကြောင်မူးကြောင်နဲ့ နိုးလာပြီး ဖြစ်ပျက်သမျှက အရင်ရက်က ကြုံခဲ့ဖူးတယ်လို့ ခံစားနေရတဲ့ သတို့သား ကူတန်။ အိပ်မက်ဆိုးတွေနဲ့ မင်္ဂလာဦးညကို ကျော်ဖြတ်ဖို့ ဘယ်လောက်ပဲ ကြိုးစားကြိုးစား ဒီညကိုပဲ တထပ်တည်း ပြန်ပြန်ရောက်နေတဲ့အခါ...။ ကီရာလာကောင်းကင်ယံမှာ နှစ်ပေါင်း ၃,၀၀၀ကြာမှ တစ်ကြိမ်ပြန်လည်ပေါ်ထွက်လာတဲ့ ကြယ်တံခွန်ကြီးနဲ့လည်း ဆက်စပ်နေပုံရတဲ့ ဒီထူးဆန်းတဲ့ အချိန်သံသရာထဲကနေ ကူတန် ဘယ်လိုကြိုးစားကျော်ဖြတ်နိုင်မလဲဆိုတာ...။ File size… 1.5 GB / 970 MB Quality…WEB DL 1080p HEVC/ 720p Format…mkv/ mp4 Duration…. 2h 2m Subtitle….Myanmar Subtitle (Hard Sub)

Ankam Attahasam (2026) အသစ်ထွက် မာလျာလမ် ဂိုဏ်းစတားအက်ရှင်ရုပ်ရှင်သစ်တစ်ခုကို ထပ်မံတင်ဆက်ပေးပါရစေ။ ထရီဗန်ဒရမ်မြို့ကြီးထဲက အာဂျေးဆိုတဲ့ အချစ်ကို ကိုးကွယ်တဲ့ လူငယ်လေးတစ်ယောက်။ ဂိုဏ်းစတားတစ်ယောက်ရဲ့သမီးကိုကြိုက်မိပြီး မနိုင်တဲ့ဝန်တွေကိုထမ်းဖို့ဖြစ်လာတဲ့အခါ။ ချစ်ရတဲ့မိန်းကလေးကို အကြောင်းတစ်ခုကြောင့်ဆုံးရှုံးလိုက်ရပြီးနောက်ပိုင်း အာဂျေးတစ်ယောက် ထရီဗန်ဒရမ်မြို့ရဲ့ မြေအောက်လောကထဲရောက်သွားပြီး သာမန် လူလတ်တန်းစား လူငယ်လေးတစ်ယောက်ဟာ သူ့ရဲ့ အတိတ်က ဖြစ်ရပ်တွေ၊ သစ္စာဖောက်မှုတွေနဲ့ ဂိုဏ်းစတာ အပြိုင်အဆိုင်တွေကြားမှာ ရှင်သန်နိုင်ဖို့ ရုန်းကန်ရင်းကနေ ရက်စက်တဲ့ ဒွန်တစ်ယောက်အဖြစ် တဖြည်းဖြည်း ပြောင်းလဲသွားပုံနဲ့၊ ကလဲ့စားချေပုံတွေကို အကြမ်းပတမ်းတွေ့မြင်ကြရမှာဖြစ်ပါတယ်။ File size… 2 GB / 1.2 GB Quality…WEB DL 1080p HEVC/ 720p Format…mkv/ mp4 Duration…. 2h 6m Subtitle….Myanmar Subtitle (Hard Sub)

Derby (2026) ကြုံရ ဆုံရ IMDb 7.7 ၁၂ တန်းကြီးပြီး တက္ကသိုလ်ရောက်တာနဲ့ ဆရာကြီးတွေဖြစ်ပြီလို့ ခံယူထားကြတဲ့ အာဂျွန်တို့အဖွဲ့ ။မှန်းချက်နဲ့ နှမ်းထွက် တက်တက်စင်အောင်လွဲတာကတော့ ပထမနှစ်လေးတွေကို ပညာပြဖို့ချောင်းနေတဲ့ ဒုတိယနှစ် တတိယနှစ် စီနီယာတွေနဲ့မှ တည့်တည့်ကြီးပွဲသွားဖြစ်ပါလေရော။ အစကတော့ ခိုင်းတဲ့အတိုင်းလုပ်ပေးနေပေမဲ့ ကြာလာတော့ ပြန်ခုခံမယ်ဆိုပြီး အနိုင်ကျင့်ခံတွေ တစ်အုပ်စုပေါင်းပြီး အဖွဲ့တစ်ဖွဲ့ဖြစ်လာခဲ့တယ် စီနီယာ ဂျူနီယာအဖွဲ့ အားပြိုင်ကြရင်း မောင်မယ်သစ်လွင်ကြိုဆိုပွဲကစပြီး သူ့ထက်ငါ နာမည်ရဖို့ ဘယ်လိုအခွီတစ်သိုက်တွေနဲ့ ကြည့်ရမလဲဆိုတာကိုတော့..။ File size… 3.28 GB / 1.95 GB Quality…WEB DL 1080p HEVC/ 720p Format…mkv/ mp4 Duration….2h 14m Subtitle….Myanmar Subtitle (Hard Sub)

Velleppam (2026) အလွဲတစ်သိုက် မိသားစုအတွက်နဲ့ ကိုယ့်ရဲ့အိပ်မက်တွေကို စတေးခဲ့ရတဲ့ ဆာရာနဲ့ ဘာအလုပ်အကိုင်မှမရှိဘဲ လွင့်ချင်တိုင်းလွင့်နေတဲ့ မောင်ဖြစ်သူ ဂျိုစီမွန်တို့ရဲ့ ဘဝဇာတ်ကြောင်းကို အလွဲလေးတွေနဲ့ ဟာသနှောပြီး ရိုက်ကူးထားတာဖြစ်ပါတယ် တစ်နေ့မှာတော့ ဘုရားကျောင်းမှာ ပန်းချီလာဆွဲတဲ့ ကာလီနာဆိုတဲ့ မိန်းကလေးရောက်လာပြီး ဂျိုစီမွန်ရဲ့ ပျင်းရိစရာကောင်းတဲ့ နေထိုင်မှုပုံစံကို ပြောင်းလဲပစ်ဖို့ စိန်ခေါ်လိုက်တဲ့အခါမှာတော့ မောင်နှမနှစ်ယောက်စလုံးရဲ့ ဘဝထဲကို မထင်မှတ်ထားတဲ့ အပြောင်းအလဲတွေ ဝင်ရောက်လာပါတော့တယ် ဒါ့အပြင် နိုင်ငံရေးသမားတစ်ယောက်ရဲ့ နောက်ကွယ်က စောင့်ကြည့်မှုကိုပါ ခံနေရတဲ့ သူတို့မောင်နှမတစ်သိုက် အခက်အခဲတွေကြားကနေ သူတို့ရဲ့ ပန်းတိုင်ကို ဘယ်လိုလှမ်းကိုင်မလဲ မုန့်လုပ်ငန်းလေးတစ်ခုကို အခြေခံပြီး လူငယ်တို့ရဲ့ ရုန်းကန်မှုနဲ့ သံယောဇဉ်အကြောင်းကို ဟာသလေးနှောပြီး ပုံဖော်ထားတဲ့ ဇာတ်လမ်းကောင်းတစ်ခုပဲ ဖြစ်ပါတယ် File size… 2 GB / 1.05 GB Quality…WEB DL 1080p HEVC/ 720p Format…mkv/ mp4 Duration….2hr 6mins Subtitle….Myanmar Subtitle (Hard Sub)

Dies Irae (2025)"အမျက်တော်နေ့" IMDb - 7.3/10 အသစ်ထွက်ရှိလာတဲ့ မလေယာလမ်သည်းထိတ်ရင်ဖိုရုပ်ရှင်ကို တင်ဆက်ပေးလိုက်ပါတယ်။ ရိုဟန်က ဖခင်ဖြစ်သူတည်ထောင်ထားတဲ့ ဆောက်လုပ်ရေးကုမ္ပဏီတစ်ခုမှာ ဗိသုကာပညာရှင်ဝင်လုပ်ရင်း ဘ၀ကို အေးဆေးဖြတ်သန်းနေသူတစ်ယောက်။ တစ်နေ့ ကျောင်းတုန်းကသူငယ်ချင်းတွေနဲ့ ပါတီတစ်ခုမှာတွေ့ရင်း အတန်းဖော်ဖြစ်သူ ကာနီ သူ့ကိုယ်သူသတ်သေသွားတဲ့သတင်းကိုသိလိုက်ရတယ်။ ခင်မင်ခဲ့ဖူးသူဖြစ်တာမို့ နောက်ရက် အသုဘသွားမေးချိန်မှာ ကာနီရဲ့ ကလစ်အနီလေးကိုယူခဲ့မိလိုက်တယ်။ အဲဒီမှာပဲ မမြင်ရတဲ့အရာတစ်ခုက ညဘက်တွေ အိပ်မရအောင် အနှောင့်အယှက်ပေးရုံကနေ ခန္ဓာကိုယ်ထိခိုက်အောင်ထိ အနှောင့်အယှက်ပေးလာခဲ့ပါတယ်။ ဘာကြောင့်လဲ အဖြေကိုသိချင်တဲ့ ရိုဟန်တစ်ယောက် ကာနီ ဘာလို့သတ်သေခဲ့လဲဆိုတဲ့ အကြောင်းအရင်းကို သည်းကြီးမဲကြီး လိုက်ရှာပါတော့တယ်။ File size… 1.6 GB / 800 MB Quality…WEB DL 1080p HEVC/ 720p Format…mkv/ mp4 Duration….1h 56m Subtitle….Myanmar Subtitle (Hard Sub)

Meesha (2025) "မီရှာ" ဒီတစ်ခါမိတ်ဆက်ပေးမဲ့ မီရှာဇာတ်လမ်းကတော့ သစ်တောအတွင်းမှာဖြစ်ပွားခဲ့တဲ့ စိတ်ဝင်စားဖွယ် အက်ရှင်ဇာတ်ကားကောင်းတစ်ပုဒ်ဖြစ်ပါတယ် ။ ဇာတ်ဆောင် မစ်ဒွန်တစ်ယောက် သစ်တောအတွင်းမှာ အရေးကြီးတဲ့ တရားမဝင်လှုပ်ရှားမှုများကို ဖော်ထုတ်ဖို့အတွက် စီမံကိန်းတစ်ခုကို သူငယ်ချင်းများနဲ့ စတင်လှုပ်ရှားခဲ့ပါတယ် ။ ဒီဇာတ်လမ်းမှာ အဓိကအားဖြင့် ရန်သူတွေနဲ့ သစ်တောတွင်းအခြေအနေများကို မိတ်ဆက်ထားပြီး မီဒွန်နဲ့သူရဲ့သူငယ်ချင်းတွေကြားမှာရှိတဲ့ ယုံကြည်မှု ၊ အချစ် ၊ လုပ်ဆောင်နိုင်စွမ်းတွေကို အခြေခံထားပြီး ဖော်ပြထားတာဖြစ်ပါတယ်။ ပြဿနာတွေကိုကြိုးစားဖြေရှင်းကြရင်း နောက်ဆုံးမှာ သစ်တောတွင်းမှ လွတ်မြောက်ပြီး ဘဝသစ်တစ်ခုကို စတင်ကြနိုင်မလား။ မီဒွန်နဲ့သူငယ်ချင်းတွေ အခက်အခဲတွေကို ဘယ်လိုဖြေရှင်းကြမလဲဆိုတာ ဒီဇာတ်လမ်းမှာ စိတ်ဝင်စားဖွယ်ကြည့်ရှုရမှာဖြစ်ပါတယ်။ ( အညွှန်းနဲ့ဘာသာပြန် B-Team ဖြစ်ပါတယ်။) File size…2.3 GB / 1.1 GB Quality…WEB DL 1080p HEVC/ 720p Format…mkv/ mp4 Duration…2h 11m Subtitle….Myanmar Subtitle (Hard Sub) Encoder…B Coder Translated by B Team

Soothravakyam (2025)(မြတ်ဆရာ) IMDb: 8.6/10 ဒီဇာတ်လမ်းကတော့ အကြမ်းဖျင်းအားဖြင့် ရာဇဝတ်မှုနှင့် စိတ်လှုပ်ရှားစရာတွေပေါင်းစပ်ထားတဲ့ ရုပ်ရှင်တစ်ပုဒ်ဖြစ်ပြီး ကျောင်းစာသင်ကြားမှုနဲ့ ရဲဝန်ထမ်းဘဝကို ပေါင်းစပ်ပြသထားပါတယ်။ ပလက်ကန် တိုင်းရင်းကျေးရွာတစ်ခုမှာ ရှိုင်းတွန် ချက်ကိုက ရဲအဖြစ် တာဝန်ထမ်းဆောင်ရင်း ကျောင်းသားများကို စာသင်ကြားတဲ့ တီချယ်တစ်ဦးလည်း ဖြစ်ပါတယ်။ သူ့ရဲ့ အထူးနည်းလမ်းတွေကြောင့် ကျောင်းဆရာမ နီမီရှာနဲ့ ပြဿနာတွေ ဖြစ်ပေါ်သွားပါတယ်။ ကျောင်းသားတစ်ယောက် ရာဇဝတ်မှုတစ်ခုနဲ့ ဆက်နွယ်လာတဲ့အခါ ခရစ်စတိုက သူ့ရဲ့ နည်းလမ်းတွေကို အသုံးချပြီး တရားမျှတမှုနဲ့ ပညာရေးကို ချိတ်ဆက်ဖြေရှင်းရန် ကြိုးစားရပါတော့တယ်။ (အညွှန်းနဲ့ဘာသာပြန်ကိုတော့ B-Teamမှတင်ဆက်ထားပါတယ်) File size…1.7 GB / 700 MB Quality…WEB DL 1080p HEVC/ 720p Format…mkv/ mp4 Duration….1h 48m Subtitle….Myanmar Subtitle (Hard Sub) Translated by B Team

Alappuzha Gymkhana (2025)"အာလာပူဇာ အားကစားရုံ" ဘောက်ဆင်ဖိုက်တင်ခန်းတွေကြည့်ရတာကြိုက်တဲ့ အိန္ဒိယရုပ်ရှင်ပရိသတ်တွေအတွက် အသစ်ထွက်ထားတဲ့ မာလျာလမ်စကားပြော အားကစား ဟာသဒရာမာရုပ်ရှင်လေးကို တင်ဆက်ပေးချင်ပါတယ်။ ဒီရုပ်ရှင်ကိုတော့ Manjummel Boys လိုမျိုး ငယ်သူငယ်ချင်းတွေကိုလွမ်းစရာ သည်းထိတ်ရုပ်ရှင်ကိုရိုက်ကူးခဲ့တဲ့ ဒါရိုက်တာ ခါလစ်ရာမန်က ပဲ့ကိုင်ထားတာပါ။ ဇာတ်လမ်းကတော့ အပြင်ကျောင်းတစ်ကျောင်းမှာ တက်ပြီး ကောလိပ်ဝင်ခွင့်ဖြေနေတဲ့ သူငယ်ချင်းတစ်သိုက် အုပ်စုလိုက်ကြီး စာမေးပွဲကျကြပါတယ်။ သူတို့သူငယ်ချင်းအဖွဲ့ဟာ စာလည်းမလုပ်၊ ကောလိပ်ဝင်ဖို့လည်းဂရုမစိုက်ဘဲ အရက်သောက်လိုက် စော်ပတ်လိုက်နဲ့ အာဝါဒါးလုပ်နေကြတာပါ။ ဒါပေမဲ့ သူတို့ထဲက သူငယ်ချင်းတစ်ယောက်က ကံကောင်းထောက်မပြီး ကောလိပ်ဝင်ခွင့်အောင်သွားတဲ့အတွက် မခံချင်စိတ်နဲ့ စာမလုပ်နိုင်ရင်လည်း အားကစားလုပ်နိုင်တယ်ဆိုပြီး ဘောင်ဆင်လို့ခေါ်တဲ့ အင်္ဂလိပ်လက်ဝှေ့ထိုးဖို့ကြံစည်ပြီး သူတို့မြို့က အားကစားရုံမှာ စာရင်းသွားသွင်းကြပါတယ်။ ပြည်နယ်အဆင့် အားကစားသမားဖြစ်ရင် အော်တိုမစ်တစ် ကောလိပ်ဝင်ခွင့်ရတဲ့သဘောရှိတဲ့အတွက် သူတို့လေလွင့်ကျောင်းသားတစ်သိုက် ကောလိပ်ဝင်ဖို့ကြိုးစားရင်း ဝါသနာကို ရှာတွေ့သွားပုံတွေ၊ အခက်အခဲတွေကို ရင်ဆိုင်ကျော်ဖြတ်ကြပုံတွေ၊ လက်ဝှေ့ထိုးခန်း ခပ်မိုက်မိုက်တွေကို စိတ်အားတက်ဖွယ်ရာ ရိုက်ကူးတင်ဆက်ထားတဲ့ ရုပ်ရှင်ကောင်းလေးဖြစ်တဲ့အတွက် CM Bollywood Team ကနေ ညွှန်းဆိုဘာသာပြန်တင်ဆက်ပေးလိုက်ပါတယ်...။ File size…2.4 GB / 1.2 GB Quality…WEB DL 1080p HEVC / 720p Format…mkv/mp4 Duration….2h 19min Subtitle….Myanmar Subtitle (Hard Sub) Encoder….YK Translated by CM Bollywood Team

Abhilasham (2025) "ငယ်ချစ်ဦး" ရင်ကိုအေးစေမယ့် မလေယာလမ် ရိုမန့်/ဒရာမာဇာတ်လမ်းလေးတစ်ပုဒ်ကို တင်ပေးလိုက်ပါတယ် မလေယာလမ် ဇာတ်ကားဖြစ်တာနဲ့အညီ ရိုးရိုးစင်းစင်း သဘာဝကျစွာပဲ တင်ဆက်ထားပါတယ် အဘီလာ့ရှ်မှာ လုပ်ငန်းကောင်းကောင်း အရွယ်ကောင်းရှိနေပေမဲ့ ကျန်နေသေးတဲ့ အတွင်းဝေဒနာတချို့ကြောင့် အိမ်ထောင်မကျနိုင်သေးပါဘူး တစ်ရက်တော့ ငယ်ရွယ်စဉ်ကျောင်းသားဘဝက သူကြိတ်ပြီးသဘောကျခဲ့တဲ့ လက်ရှိ သမီးတစ်ယောက်အမေ ငယ်ချစ်ဦး ရှီရင်... သူ့ယောကျာ်းကိုဆုံးရှုံးလိုက်ရတဲ့ သတင်းကြားတဲ့အခါမှာ အခွင့်အရေးနောက်တစ်ကြိမ် အဘီလာ့ရှ်အတွက် ဖြစ်လာမလား ပရိသတ်တို့ပဲ ခံစားကြည့်ရှုလိုက်ပါဦး အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ် File size… 1.6 GB / 800 MB Quality…WEB DL 1080p HEVC/ 720p Format…mkv/ mp4 Duration….1h Subtitle….Myanmar Subtitle (Hard Sub) Encoder….YK Translated by CM Bollywood Team

Robinhood (2025) ရော်ဘင်ဟုဒ် ရော်ဘင်ဟုဒ်ဆိုတာနဲ့ လူချမ်းသာတွေဆီက ခိုးယူ လုယက် ဖောက်ထွင်းလို့ မရှိဆင်းရဲသား‌တွေကို ထောက်ပံ့သူအနေနဲ့ မသိသူမရှိလောက်အောင် နာမည်ကြီးပါတယ် ဒီဇာတ်လမ်းလေးထဲမှာလည်း မိဘမဲ့ဂေဟာက ရမ်ဆိုတဲ့ကလေးလေးက လူချမ်းသာတွေဆီက လုယူလို့ သူတို့ဂေဟာကို ထောက်ပံ့ဖို့ အကြံရလာပါတယ် အဲဒီလိုကနေ တစ်စတစ်စနဲ့ တခြား မိဘမဲ့‌ဂေဟာတွေကိုပါ ထောက်ပံ့လာနိုင်ပါတယ် ကလေးဘဝငယ်ရွယ်စဉ်မှာ အဆင်ချောနေခဲ့ပေမဲ့ ကြီးပြင်းအရွယ်ရောက်လာလို့ အာဏာပိုင် အထက်လူကြီးတွေနဲ့ ထိပ်တိုက်တွေ့ဆုံလာချိန်မှာတော့ သူ့ကိုသာမိသွားရင် မိဘမဲ့ကလေးတွေကို သူခိုးတွေအနေနဲ့ဆက်ဆံခံရမှာကို တွေးပူမိသွားတဲ့အတွက် ဒီလုပ်ရပ်ကနေ အနားယူလို့ ပုံမှန်အလုပ်တစ်ခုလုပ်ဖို့ ဆုံးဖြတ်လိုက်ပါတယ် အဲဒီလိုနဲ့ လုံခြုံရေးအေဂျင်စီတစ်ခုမှာ အလုပ်လျှောက်ပါတော့တယ် နီရာဗာဆူဒေ့ဗ် ဆိုတာကတော့ ထိပ်တန်းဆေးဝါးကုမ္ပဏီပိုင်ရှင်ကြီး ဗာဆူ‌ဒေ့ဗ်ရဲ့ သမီးချောလေးပါ သူဘာလုပ်လုပ် သူ့အဖေနာမည်ကိုပဲ ယူကြပြီး သူ့ကိုအသိအမှတ်မပြုကြတာ‌မို့ သူ့အဖေအရိပ်အောက်ကနေ ထွက်ဖို့ စဉ်းစားမိပါတော့တယ် တစ်နေ့တော့ ရွာတစ်ရွာမှာ နိုင်ငံတကာ မူးယစ်ဆေး ရောင်းဝယ်ဖောက်ကားလို့ တရားမဝင် ကုန်ကူးသန်းနေပါတယ်ဆိုတဲ့သတင်း ထွက်လာပါတယ် ဒီလိုနဲ့ပဲ လုံခြုံရေးတာဝန်ယူထားရတဲ့ ရမ်နဲ့ ဆေးဝါးအလုပ်နဲ့ဆက်စပ်နေသူ နီရာတို့ တွေ့ဆုံဖို့ဖြစ်လာပါတယ် ခေတ်သစ်ရော်ဘင်ဟုဒ်ကိုမှ မှုခင်း သည်းထိတ်ရင်ဖို အပြင်ကို ရယ်မောဖွယ်ရာဟာသလေးရောနှောထားတဲ့ ဒီဇာတ်လမ်း လေးမှာ ရော်ဘင်ဟုဒ်(ခေါ်) ရမ်ဆိုတဲ့သူရဲ့ ဘဝဇာတ်ကြောင်းနဲ့စိတ်ထားလေးကို တွေ့မြင်ရမှာမို့ ကြည့်ရှုခံစားပေးကြပါဦး ( အညွှန်းနဲ့ ဘာသာပြန်တွေကတော့ Alex~KKKZ~Zwe Yan~Cym~STAR တို့ပဲဖြစ်ပါတယ် ) File size…2.6 GB / 1.2 GB Quality…WEB DL 1080p HEVC / 720p Format…mkv/mp4 Duration….2h 30min Subtitle….Myanmar Subtitle (Hard Sub) Encoder….YK Translated by Alex~KKKZ~Zwe Yan~Cym~STAR

Good Bad Ugly (2025)"ကောင်း ဆိုး ရုပ်ဆိုး" မင်းသားကြီး အာဂျိသ်ကူးမားနဲ့ အသံဩဩနဲ့မင်းသား အာဂျွန်ဒါ့စ်တို့ရဲ့ အသစ်ထွက် တမီစကားပြော အက်ရှင်ဟာသ ရုံတင်ရုပ်ရှင်လေးကို ပရိသတ်တွေအတွက် တင်ဆက်ပေးလိုက်ပါတယ်။ ဒီရုပ်ရှင်ထဲမှာတော့ မင်းသားကြီး အာဂျိသ်ကူးမားရ်က အေကေဆိုတဲ့ ဂန္ထဝင်လူဆိုး ဂိုဏ်းစတားကြီးပေါ့။ အေကေဟာ တစ်ချိန်တုန်းက လူတကာ ရဲတကာ ဖိန့်ဖိန့်တုန်အောင် ကြောက်ခဲ့ရတဲ့ ဂိုဏ်းစတားကြီးဖြစ်ခဲ့ပေမဲ့ သားလေးမွေးလာပြီးတဲ့နောက်မှာ သူ့ကိုယ်သူ အဖမ်းခံလိုက်ပြီး လူကောင်းအဖြစ် ပြုပြင်ဖို့ ကြိုးစားနေတဲ့သူပါ။ ထောင်ကထွက်လာပြီးနောက်ပိုင်းမှာ ဘဝကို အေးအေးချမ်းချမ်းနဲ့ ဖြတ်သန်းဖို့ကြိုးစားပေမဲ့ အတိတ်ကရန်သူတွေက သားဖြစ်သူကို ပြန်ပေးဆွဲလာတဲ့အချိန်မှာတော့ ဂျွန်ဝစ်ဆန်ဆန်ပဲ ဂိုဏ်းစတားအဖြစ်ပြန်ခံယူပြီး ပွဲကြမ်းပုံတွေကို ဒီရုပ်ရှင်ထဲမှာ မြင်တွေ့ခံစားကြရမှာပါ...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size… 8.4 GB / 2.7 GB /1.4 GB Quality…WEB DL 1080p HEVC/ 720p Format…mkv/ mp4 Duration….2h 19min Subtitle….Myanmar Subtitle (Hard Sub) Encoder….YK Translated by CM Bollywood Team

Daaku Maharaaj (2025)"ဒါကူမဟာရာ့ဂျ်" တောင်ပိုင်းမင်းသားကြီး နန်ဒါမူရီနဲ့ ဘော်ဘီဒိုးတို့လို ဂန္ထဝင်သရုပ်ဆောင်ကြီးတွေရဲ့ အသစ်ထွက် အက်ရှင်ဒရာမာရုပ်ရှင်ကို ပရိသတ်တွေအတွက် တင်ဆက်ပေးချင်ပါတယ်။ အရင်ဆုံးပြောရရင် ဒီကားက ရုပ်ငြိမ်ဓာတ်ပုံတွေ တော်တော်လှပါတယ်။ ဇာတ်လမ်းကတော့ ကျောင်းအုပ်ဆရာကြီးတစ်ယောက်ရဲ့မြေး ဗိုင်ရှ်နာဗီဆိုတဲ့ မိတဆိုးကလေးမလေးဟာ မထင်မှတ်ထားဘဲ သူ့ရဲ့ခွေးလေး သေသွားတဲ့အတွက် သူ့ခွေးလေးကို သဝာ်တဲ့တရားခံကို ရဲတိုင်ရာကနေ လူဆိုးဂိုဏ်းကြီးတစ်ခုကို ရန်စမိသလိုဖြစ်သွားခဲ့ပါတယ်။ အဲဒီလိုဖြစ်ပြီး ဗိုင်ရှ်နာဗီလေး အသက်အန္တရာယ်တွေ ကြုံလာရတဲ့အတွက် ထောင်ကျနေတဲ့ သူ့ရဲ့ဖခင် မဟာရာ့ဂျ်က ထောင်ဖောက်ပြေးလာပြီး သူ့သမီးရဲ့အိမ်မှာ ဒရိုက်ဗာအယောင်ဆောင်ကာ သမီးဖြစ်သူကို ကာကွယ်ပေးဖို့ကြိုးစားပါတယ်။ မဟာရာ့ဂျ်ကတော့ တချိန်က အင်မတန်နာမည်ကြီးခဲ့တဲ့ ဂိုဏ်းစတားတစ်ယောက်ဖြစ်ပြီး သူ့သမီးကို ကာကွယ်ဖို့ကြိုးစားရင်း နောက်ကလိုက်နေတဲ့ ရဲစုံထောက်တစ်ယောက်နဲ့လည်း ရင်ဆိုင်ရပုံတွေကို ဒီရုပ်ရှင်ထဲမှာ မြင်ကြရမှာဖြစ်ပါတယ်...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size…2.8 GB / 1.4 GB Quality…WEB DL 1080p HEVC / 720p Format…mkv/mp4 Duration….2h 30m Subtitle….Myanmar Subtitle (Hard Sub) Encoder….YK Translated by CM Bollywood Team

Nadikar" (2024) " စိန်ခေါ်မှုနဲ့အောင်မြင်မှု" တစ်ခြားဒရမ်မာဇာတ်ကားတွေနဲ့မတူညီဘဲ ဒီဇာတ်လမ်းမှာမြင်တွေ့ရမှာကတော့ အောင်မြင်မှုတွေက ရလာတဲ့စိတ်ဖိစီးမှုတွေ၊ လူအများရဲ့အမြင်၊ အနုပညာနဲ့ပုဂ္ဂိုလ်ရေးကြားက အခက်အခဲတွေ ၊ ပြောင်းလဲဖို့လိုအပ်တဲ့အချိန်မှာ ခံစားရတဲ့ စိုးရိမ်မှုတွေ မျှော်လင့်ချက်တွေအကြောင်းကို ဒီဇာတ်လမ်းမှာ အနုပညာဆန်ဆန် ကြည့်ရှုရမှာဖြစ်ပါတယ်။ ဒီဇာတ်လမ်းမှာတော့ ရုပ်ရှင်မင်းသား ဒေးဗစ်ရဲ့ ဘဝနဲ့အနုပညာလမ်းကြောင်းမှာ ကြုံတွေ့ရတဲ့စိန်ခေါ်မှုတွေကို အဓိကရိုက်ကူးထားတာဖြစ်ပါတယ်။ ဒေးဗစ်က အောင်မြင်တဲ့ မင်းသားတစ်ယောက်ဖြစ်တာနဲ့အညီ လူအများရဲ့အားပေးမှုကိုလည်းရရှိထားသူတစ်ယောက်ဖြစ်ပါတယ်။ တစ်နေ့မှာ သူ့ရဲ့အောင်မြင်မှုတွေ ကျဆင်းလာပြီး သူက သူ့သရုပ်ဆောင်မှုကိုတိုးတက်စေဖို့အတွက် သူ့ကိုသင်ကြားပေးနိုင်မဲ့ ပညာရှင်တစ်ဦးကို ဌားခဲ့ပါတယ် ။ ပညာရှင်ဆီက အနုပညာတွေသင်ယူပြီးနောက်မှာ ဒေးဗစ်ဘဝ အပြောင်းအလဲတွေနဲ့ကြုံတွေ့ရပါတော့တယ်။ ပညာရှင်တစ်ယောက်ဌားပြီးနောက် ဒေးဗစ်ရဲ့သရုပ်ဆောင်စွမ်းရည်တွေ တိုးတက်ပြီး အောင်မြင်မှုတွေ ပြန်ရလာမလား.... ဒေးဗစ်ရဲ့အနုပညာလမ်းကြောင်း ဖြောင့်ဖြူးပါ့မလားဆိုတာ ဒီဇာတ်လမ်းမှာ ကြည့်ရှုပေးပါဦး ( အညွှန်းနဲ့ဘာသာပြန်ကတော့ CM Bollywood Team ဖြစ်ပါတယ် ) File size… 2.4 GB / 1.2 GB Quality…WEB DL 1080p HEVC/ 720p Format…mkv/ mp4 Duration….2h 22m Subtitle….Myanmar Subtitle (Hard Sub) Encoder….YK Translated by CM Bollywood Team

Maharani (2024)"မဟာရာနီ" ၂၀၂၄ ခုနှစ်က ထွက်ရှိခဲ့တဲ့ မာလျာလမ်စကားပြော ဟာသရုပ်ရှင်တစ်ခုကို ပရိသတ်တွေအတွက် တင်ဆက်ပေးချင်ပါတယ်။ ဒီရုပ်ရှင်လေးရဲ့ နမူနာဟာဆိုရင် ယူကျုပေါ်မှာ ကြည့်ရှုသူ ၁ သန်းခွဲတောင် ရရှိခဲ့တာပါ။ ကီနာဆယ်ရီဆိုတဲ့ ရွာလေးတစ်ရွာမှာ တော်တော်လေး ဘရုတ်ကျတဲ့ ညီအစ်ကိုနှစ်ယောက်ရှိပါတယ်။ သူတိုညီအစ်ကိုနှစ်ယောက်မှာ အကြီးကောင်က အမြဲတမ်း ရည်းစားပူမိနေပြီး အငယ်ကောင်ကတော့ ရွာထဲက မိန်းကလးတိုင်းနဲ့ ပတ်ရှုပ်နေတဲ့ ပလေးဘွိင်းဖြစ်ပါတယ်။ တစ်နေ့မှာတော့ သူတိုညီအစ်ကိုဟာ ကိစ္စတစ်ခုကြောင့် လူတစ်ယောက်နဲ့ ပြဿနာတက်ရာကနေ တစ်ရွာလုံး ရုန်းရင်းဆန်ခတ်တွေဖြစ်တဲ့ထိ ကိစ္စတွေ ကြီးကျယ်ကုန်ပါတယ်။ သူတိုတွေ ဘယ်လိုပြဿနာတွေဖြစ်ကြတာလဲ၊ ညီအစ်ကိုနှစ်ယောက် ဘယ်လိုတလွဲတွေလုပ်ကြတာလဲ၊ ဘာတွေဆက်ဖြစ်မှာလဲဆိုတာကို ဒီရုပ်ရှင်ထဲမှာမြင်တွေ့ကြရမှာပါ...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size… 2.19 GB / 1.1 GB Quality…WEB DL 1080p HEVC/ 720p Format…mkv/ mp4 Duration….2h 7m Subtitle….Myanmar Subtitle (Hard Sub) Encoder….YK Translated by CM Bollywood Team

Iyer In Arabia 2025 ခေတ်သစ်တိုက်ပွဲ Imdb 4.6 ဒီကားမှာတော့ ခုခေတ်ကြုံ‌တွေ့နေကျဖြစ်တဲ့ ရှေးရိုးစွဲအတွေးရှိတဲ့လူကြီးတွေနဲ့ ခေတ်ရေစီးကြောင်းကိုလိုက်တဲ့အတွေးရှိတဲ့ လူငယ်တွေကြား ဖြစ်နေကျ ပြဿနာတွေလိုပါပဲ ခေတ်နောက်ပြန်ဆန်တဲ့ အယူအဆရှိသူ ဖခင် ဆရီနီဗာဆာအိုင်ယာနဲ့ သမိုင်းပါမောက္ခဖြစ်ပြီး ဘာသာတရားကို သိပ်မယုံကြည်တဲ့ ဇနီးဂျန်ဆီရာနီတို့အကြောင်းပါ သူတို့ရဲ့သား ရာဟူးလ်ကဒူဘိုင်းမှာ အလုပ်လုပ်နေပြီး ဘာသာခြား မိန်းကလေးတစ်ဦးနဲ့ လက်ထပ်ဖို့ စီစဉ်နေကြောင်း သိလိုက်ရတဲ့အခါမှာ ဇာတ်လမ်းက စတင်လာပါတယ် သားဖြစ်သူရဲ့ ဆုံးဖြတ်ချက်ကို လက်မခံနိုင်တဲ့ ရှေးရိုးစွဲအိုင်ယာက ဒီလက်ထပ်ပွဲကို တားဆီးဖို့အတွက် သူ့သားဆီ ခရီးထွက်လာပါတော့တယ် ဒီခရီးစဉ်အတွင်းမှာ အိုင်ယာက မတူကွဲပြားတဲ့ ယဉ်ကျေးမှုတွေနဲ့ ဓလေ့ထုံးစံတွေကို တွေ့ကြုံရင်း သူ့ရဲ့ ခိုင်မာတဲ့ ယုံကြည်မှုတွေ ဘယ်လိုဖြစ်သွားမလဲဆိုတာကို ဟာသနှောပြီး ရိုက်ကူးထားပါတယ် ဒီရုပ်ရှင်ထဲမှာတော့ လူတွေရဲ့ ယုံကြည်မှု ယဉ်ကျေးမှု ကွဲပြားမှုနဲ့ လူတစ်ဦးချင်းစီရဲ့ အတွေးအခေါ်တွေ ပြောင်းလဲနိုင်ပုံကိုပါ ပုံဖော်တင်ဆက်ထားပါတယ် ( အညွှန်းနဲ့ ဘာသာပြန်တွေကတော့ CM Bollywood Team ပဲဖြစ်ပါတယ် ) File size… 2.5 GB / 1.1 GB Quality…WEB DL 1080p HEVC/ 720p Format…mkv/ mp4 Duration….2h 20min Subtitle….Myanmar Subtitle (Hard Sub) Encoder….YK Translated by CM Bollywood Team

Thaanara (2024) "အမှုပွေတဲ့ ညတစ်ည" ခေတ်ကျပ်ကြီးထဲမှာ စိတ်ညစ်စရာတွေ ခဏဖယ်ထားပြီး ခဏတာရယ်မောရစေမဲ့ ဘောလိဝုဒ်ရုပ်ရှင်တစ်ပုဒ်နဲ့ မိတ်ဆက်ပေးချင်ပါတယ်။ မတူညီတဲ့ ဘ၀အဖုံဖုံကို အတည်အ‌ပေါက်လိုလိုနဲ့ ဟာသနှောပြီး တင်ဆက်ထားတာ ဖြစ်ပါတယ်။ စစချင်းမှာပါလာတဲ့ နိုင်ငံရေးအကြောင်းတွေကိုကြည့်ပြီး အတည်အပေါက်လို့တော့ မထင်လိုက်ပါနဲ့ဦး။ နောက်ပိုင်း အခွီတွေချည်း ဆက်တိုက်လာမှာပါ။ ဇာတ်လမ်းမှာ အတိုက်အခံပါတီအမတ်တစ်ဦးဖြစ်တဲ့ အာဒါ့ရှ်ဟာ အလုပ်ခရီးတစ်ခုဗန်းပြပြီး အမိုက်စားစကီလေးတစ်ဗွေနဲ့ အိမ်ကိုပြန်လာပါတယ်။ဖြစ်ချင်တော့ သူခရီးသွားတဲ့ သတင်းကြောင့် သူ့အိမ်မှာ သူခိုးတစ်ယောက်‌ရောက်နေပါတယ်။ သူခိုးကလည်း အိမ်ရှင်တွေမရှိတာကြောင့် စားလိုက်သောက်လိုက် ထင်တိုင်းကျဲနေတော့တာပေါ့။ အာဒါ့ရှ်နဲ့ စကီလေးတို့ အိမ်ရောက်လာချိန်မှာတော့ စည်းစိမ်ယစ်နေတဲ့ သူခိုးခမျာ ဘုံပျောက်ပါတော့တယ်။ အဲဒီနောက် မမျှော်လင့်ဘဲ အိမ်ကို နောက်ထပ်ရောက်ချလာသူကတော့ အာဒါ့ရှ်ရဲ့မိန်းမပါပဲ။ ဒီလိုနဲ့ အိမ်တစ်လုံးထဲမှာ လွှတ်တော်အမတ်ရယ်၊ စကီလေးတစ်တစ်‌ဗွေရယ်၊ အမတ်ဇနီးရယ်၊ သူခိုးတစ်ယောက်ရယ် ဘယ်လိုတွေ ဆက်စခန်းသွားကြမလဲ၊ ဘယ်လိုတွေ ကမောက်ကမဖြစ်ကုန်မလဲဆိုတာကို ရယ်ရယ်မောမော ပေါ့ပေါ့ပါးပါး ကြည့်ရှုကြရမှာ ဖြစ်ပါတယ်။ (ဒီဇာတ်လမ်းအတွက် အညွှန်းနဲ့ဘာသာပြန်ကတော့ CM Bollywood team ပါ။) File size… 1.8 GB / 980 MB Quality…WEB DL 1080p HEVC/ 720p Format…mkv/ mp4 Duration….1h 58m Subtitle….Myanmar Subtitle (Hard Sub) Encoder….YK Translated by CM Bollywood team

Devara: Part 1 (2024) "ဒေဗာရာ" IMDb - 6.4/10 ဘောလိ၀ုဒ်ပရိသတ်တို့ စောင့်မျှော်နေကြတဲ့ တောင်ပိုင်းမင်းသား N.T.Rama Rao Jr၊ ဟင်ဒီမင်းသားကြီး ဆေ့ဖ်အလီခန်းတို့ရဲ့ ရုပ်ရှင်ကားကြီးကို တင်ဆက်ပေးလိုက်ပါတယ်။ တစ်လအတွင်း အိန္ဒိယက ခရစ်ကတ်ကမ္ဘာ့ဖလားပွဲကို လက်ခံကျင်းပရတော့မယ်။ ဒါပေမဲ့ အကြမ်းဖက်အဖွဲ့အစည်းရဲ့ ကြီးမားတဲ့တိုက်ခိုက်မှုတစ်ခုရှိတာကို သတင်းရထားခဲ့ရော။ ဒီမှာပဲ သံသယတရားခံတွေကို လိုက်ဖမ်းတဲ့အချိန် တကယ့်ခေါင်းဆောင်ကို ဘယ်မှာမှရှာလို့မရ။ သတင်းရဖို့အတွက်သွားရမဲ့နေရာက ပင်လယ်နီလို့ခေါ်တဲ့ ပင်လယ်ကမ်းစပ်တစ်နေရာက ရွာတစ်ခု။ ရန်သူရဲ့သွေးတွေနဲ့ ရဲရဲနီနေခဲ့လို့ ပင်လယ်နီလို့ခေါ်တဲ့နေရာ။ အဲဒီနေရာက ဒေသခံတွေချစ်ကြတဲ့ ဒေဗာရာဆိုတဲ့လူတစ်ယောက်အကြောင်း။ ဘောလိ၀ုဒ်အက်ရှင်ဇာတ်ကြမ်းနှစ်ခြိုက်သူတွေ သဘောတွေ့စေမှာမို့ ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ CM Bollywood Teamဖြစ်ပါတယ်) File size… 3.4 GB / 1.8 GB Quality…WEB DL 1080p HEVC/ 720p Format…mkv/ mp4 Duration….2h 56m Subtitle….Myanmar Subtitle (Hard Sub) Encoder….YK Translated by CM Bollywood Team

Vivekanandan Viralanu (2024) ဗီဗက်ကန်နန်ဒန်‌ကျော်ကြားနေပြီ ဒါရိုက်တာ Kamal ရဲ့ငါးနှစ်အကြာမှပြန် Come Back တဲ့ အသစ်စက်စက် Comedy ကား‌လေးတစ်ကားကိုတင်ဆက်ပေးချင်ပါတယ် သာမန်လူတစ်ယောက်ဖြစ်တဲ့ ဗီဗစ်ကန်နန်ဒန်တစ်ယောက် သူ့ရဲ့သာမာန်ဘဝလေးမှာပဲနေထိုင်ရင်း ရုတ်တရက်ဆိုသလို ညတွင်းချင်းပဲ အင်တာနက်ပေါ်မှာ ကျော်ကြားသွားပါတော့တယ် နာမည်ကောင်းနဲ့တော့မဟုတ်ပါဘူး နာမည်ဆိုးကြီးနဲ့ပါ ဒီလိုဖြစ်ရတာသူ့အပြစ်လို့မဆိုသာပေမဲ့သူ့အပြစ်လဲမကင်းပြန်ပါဘူး ဗီဗက်ကန်တစ်ယောက် ပူပူနွေးနွေးအိမ်ထောင်ကျထားခါစဖြစ်ပေမဲ့ တွေ့သမျှအချောလေးတိုင်းနဲ့ပယော်ပရည် လုပ်ချင်နေတဲ့အကျိုးဆက်လို့လဲပြောလို့ရပါတယ် ဒီကိစ္စကဘယ်လောက်ထိကြီးသွားသလဲဆိုရဲတွေပါပါဝင်လာတဲ့အထိပါပဲ ဗီဗက်ကန်တစ်ယောက် သူအစစ်အမှန်နဲ့ လူအများသိထားတဲ့သူ ဘဝနှစ်ခုကို ဘယ်လိုချိန်သားကိုက်အောင်ချိန်ညှိဖို့ကြိုးစားသွားမှာလဲ? ပြဿနာတွေကိုရောအဆုံးမှာဖြေရှင်းနိုင်ပါ့မလား? ဆိုတာ ရင်တစ်ထိပ်ထိပ်နဲ့ ဟာသနှောရင်းကြည့်ရှုရမှာပါ (အညွှန်းနဲ့ဘာသာပြန် CM Bollywood Team မှဖြစ်ပါတယ်) File size… 1.88 GB/ 1 GB Quality…WEB DL 1080p HEVC/ 720p Format…mkv/ mp4 Duration….2h 1m Subtitle….Myanmar Subtitle (Hard Sub) Encoder….YK Translated by CM Bollywood Team

Adios Amigo(2024) နှုတ်ဆက်ပါတယ် သူငယ်ချင်း သြဂုတ်လအတွင်း လောလောလတ်လတ်ထွက်ထားတဲ့ ဘောလီးဝုဒ်ဟာသ ဒရမ်မာကားလေးကို တင်ဆက်သွားမှာပဲဖြစ်ပါတယ်။ မိခင်ဖြစ်သူ ဆေးရုံတင်ထားရလို့ သောကဗျာများနေရပြီး ဆေးရုံစရိတ်အတွက်ပူပန်နေရတဲ့သူနဲ့ ဥစ္စာကြွယ်ဝလှပြီး ဘဝကိုပေါ့ပေါ့ဖြတ်သန်းနေတဲ့သူ..ဘဝအခြေအနေမတူလှတဲ့လူနှစ်ယောက် ဥဒဟိုသွားလာနေကြတဲ့ ဘတ်စ်ကားမှတ်တိုင်လေးတစ်ခုမှာ ဆုံစည်းခဲ့ကြပြီး ခရီးတစ်ခုတည်းသွားဖြစ်ခဲ့ရာမှာတော့ ဘာတွေဖြစ်လာမှာလဲ... IMDB 6.1/10 ရရှိထားပြီး အခြေအနေမတူတဲ့ လူနှစ်ယောက်ရဲ့ဘဝကို ခံစားကြည့်ရှူရမယ့် ကားလေးဖြစ်လို့ ကြည့်ရှုလိုက်ပါဦးနော်။ (ဘာသာပြန်နဲ့ အညွှန်းကိုတော့ CM Bollywood Team က ခံစားရေးသားထားပါတယ်) File size… 2.69GB / 1.25GB Quality…WEB DL 1080p HEVC/ 720p Format…mkv/ mp4 Duration….2h 36m Subtitle….Myanmar Subtitle (Hard Sub) Encoder….YK Translated by CM Bollywood Team

Little Hearts 2024 ငယ်နုတဲ့နှလုံးသား နေ့စဉ်ဘဝရဲ့ပြဿနာတွေကြားမှာ ဟာဒယရွှင်ဆေးကို တောင့်‌တနေသူတွေအတွက် မလေယာလမ် အချစ်ဟာသကားလေးကို တင်ဆက်ပေးလိုက်ပါတယ်။ ဟာသဖောဖောသီသီနဲ့ သားအဖနှစ်ယောက်ရဲ့ ‌အလွဲလေးတွေကို ဟာသနှောပြီးရိုက်ကူးပုံဖော်ထားတာဖြစ်လို့ ပေါ့ပေါ့ပါးပါးရုပ်ရှင်ကြည့်ချင်သူတွေ သဘောတွေ့မှာပါ။ မွေးမွေးပြီးချင်းမှာပဲ အမေဆုံးသွားတဲ့ မိတဇိုးလေးစီဘီ၊ အမေမရှိတဲ့ စီဘီရဲ့ဘဝမှာ ဘေဘီကပဲအဖေရော အမေပါ တာဝန်ယူခဲ့ရတာပေါ့။ ဘေဘီအဖေအလုပ်လုပ်တဲ့ စိုက်ခင်းပိုင်ရှင် ဂျွန်ဆန်က အလုပ်ရှင်ရော ငယ်သူငယ်ချင်းပါဖြစ်နေတဲ့သူ့အတွက် သားသမီးတွေလည်း မောင်နှမလို ဖြစ်နေကြတာပါ။ ဒါပေမဲ့ အနားယူတဲ့အရွယ်ရောက်ကာမှ ဘေဘီရဲ့နှလုံးသားက တစ်ဖန်ပြန်နိုးထဖို့ဖြစ်လာတဲ့အပြင် ယူကေက ဂျွန်ဆန်ရဲ့သားနဲ့သူကိုယ်တိုင်လည်း အချစ်နဲ့ဆုံတွေ့လာရတဲ့အခါ... (အညွှန်းနဲ့ဘာသာပြန်ကတော့ CM Bollywood Teamမှပဲဖြစ်ပါတယ်) File size… 1.8GB / 973MB Quality…WEB DL 1080p / 720p Format…mp4 Duration….2h 16m Subtitle….Myanmar Subtitle (Hard Sub) Encoder….YK Translated by CM Bollywood Team

Malayalee From India 2024 ကြုံရဆုံရ ဒီဘဝ IMDb - 6.1/10 Heavy plotတွေပဲကြည့်ရတာ ရိုးအီနေသူတွေအတွက် ပေါ့ပေါ့ပါးပါးနဲ့ ဟာသခပ်များများပါတဲ့ ရိုးရှင်းတဲ့ဇာတ်လမ်းကောင်းလေးတစ်ခု တင်ဆက်ပေးလိုက်ပါတယ်။ ဒီဇာတ်လမ်းကတော့ ယဉ်ကျေးမှုမတူ လူမျိုးမတူ အတွေးအမြင်မတူတဲ့ ဆရာတပည့်နှစ်ယောက်ကြားက သံယောဇဉ်အကြောင်းလေးကို ပုံဖော်ထားတာပါ။ မလေယာလီသား ဂိုပီဟာ သူငယ်ချင်းနဲ့ပေါင်းပြီး ပြဿနာအိုးလုပ်နေတဲ့ ဇိုးတစ်ယောက်၊ ဒီလိုနဲ့ အရေးအခင်းတစ်ခုမှာ သူငယ်ချင်းနှစ်ယောက် ပဲလှော်ကြားဆားညှပ်အဖြစ်ရောက်ပြီး ဂိုပီတစ်ယောက် နိုင်ငံခြားမှာ အလုပ်သွားလုပ်ဖို့ ပို့ခံလိုက်ရပါတော့တယ်။ ဖြစ်ချင်တော့ ဂိုပီရဲ့ဆရာက ပါကစ္စတန်လူမျိုး အိန္ဒိယနဲ့ပါကစ္စတန်ရဲ့ ရန်စတွေက အခုထိလည်း မငြိမ်းသေးတာမလို့ ဘုနဲ့ဘောက်ဖြစ်ရတဲ့ထဲ ဆရာသမားက မလေယာလီသားတစ်ယောက် တစ်ပတ်ရိုက်တာခံရဖူးတာကြောင့် မလေယာလီသားကို ပိုပြီးတော့ မျက်စိဆံပင်မွေးစူးနေတဲ့အခါ.... အလွဲလွဲအချော်ချော်နဲ့ ဘယ်လောက်ပဲမတည့်အတူနေဖြစ်နေပါစေ အရေးကြုံလာတော့ သွေးစည်းရသလိုပဲ ဒီဆရာတပည့်နှစ်ယောက်လည်း ရန်ဖြစ်ငြင်းခုန်ရင်းနဲ့ ဘယ်လိုသံယောဇဉ်တွယ်လာကြမလဲ။ ဘဝကပေးတဲ့အတွေ့အကြုံတွေကြောင့် ဇိုးလေးဂိုပီတစ်ယောက်ရော လူကောင်းတစ်ယောက်ဖြစ်လာမလားဆိုတာ ရှုစားကြပါဦး။ (အညွှန်းနဲ့ဘာသာပြန်ကတော့ CM Bollywood Team မှပဲဖြစ်ပါတယ်) File size… 1.8GB / 946MB Quality…WEB DL 1080p / 720p Format…mp4 Duration….2h 40m Subtitle….Myanmar Subtitle (Hard Sub) Encoder….YK Translated by CM Bollywood Team

Thundu (2024) ရဲအရာရှိဘေဘီ IMDb-5.7/10 ကျွန်တော်တို့ ပတ်ဝန်းကျင်မှာ စိတ်သဘောထားကောင်း ရိုးသားကြိုးစားပေမဲ့ လုပ်သမျှတလွဲတွေချည်းဖြစ်နေတဲ့သူတွေမြင်ဖူးကြမှာပါ သူတို့လုပ်လိုက်တိုင်း ရယ်ရခက် စိတ်ဆိုးရခက်တွေချည်းပဲ ရဲအရာရှိဘေဘီဆိုတာလည်း အဲဒီလိုလူစား။ ဘေဘီက ရဲအရာရှိ ၊ သူ့ဇနီးက ကလေးတွေအိမ်ခေါ်သင်ပေးတဲ့ဆရာမ ၊ သူ့သားက ၁၁ တန်းကျောင်းသား၊ တစ်တန်း‌လုံးကကျောင်းသားတွေအတွက် ခိုးစာပုံစံမျိုးစုံလုပ်ပေးလို့ ဆရာမကဘေဘီ့ကိုလှမ်းတိုင်တာပေါ့ ၊ ဘေဘီကလည်း အလျင်စလိုထွက်လာရင်း စစ်ဆေးရေးဂိတ်မှာဖမ်းထားတဲ့ သုံးဘီးတက်မောင်းပြီး ယာဉ်တိုက်မှုဖြစ်။ နောက်ရက်မှာ အက်ဆီးဒင့်အမှုကိုစစ်မေးပြီးအပြန် ခွေးဝင်တိုက်ပြီးလဲ သူ့နောက်ကအရာရှိလက်ကျိုးပြီး တိုက်ခံရလို့ သေသွားတဲ့ခွေးကလည်း ဗိုက်ထဲမှာကလေးရှိနေတဲ့ ရဲခွေး...။ ဒီလိုအလွဲလွအချော်ချော်နဲ့ဘေဘီဟာ သူ့နောက်မှလာပြီး စာမေးပွဲတွေအောင် ရာထူးတွေတက်သွားတဲ့အငယ်တွေကြား သူလည်းရာထူးတက်ချင်လို့ စာမေးပွဲ ဝင်ဖြေဖို့လုပ်တော့တာပဲ။ အသက်ကကြီးနေတဲ့ကြားက အမြဲလွဲချော်နေတဲ့ဘာဘီတစ်ယောက် သူလိုချင်တဲ့ရာထူးတိုးရသွားမလား။ ဝါးလုံးကွဲ ရယ်မောရတဲ့ကားမဟုတ်ဘဲ ရိုးသားဖြူစင်တဲ့လူတစ်ယောက်ရဲ့ တလွဲတချော်လေးတွေနဲ့ ပြုံးမိစေမဲ့ ဇာတ်ကားတစ်ကားပါ။ အညွှန်းနှင့် ဘာသာပြန်သူတွေကတော့ BpL ~ V ~ Alex ~ ToMo တို့ပဲဖြစ်ပါတယ် File size…1.5GB /  771MB Quality…WEB DL 1080p /720p Format…mp4 Duration….2h 5m Subtitle….Myanmar Subtitle (Hard Sub) Encoder….YK Translated by BpL ~ V ~ Alex ~ ToMo

Kannur Squad(2023) "ကန်နူးရ်တပ်ဖွဲ့" IMDb-8.4/10 ဘတ်ဂျတ်ရူပီး ကုဋေသုံးဆယ်ကျော်သုံးထားပြီး ရုံတင်ငွေရူပီး ကုဋေတစ်ရာကျော်အထိ ပြန်လည်ရရှိခဲ့တဲ့ ရဲမှုခင်းကားကိုတင်ဆက်ပေးလိုက်ပါတယ်။ ၂၀၀၇-၂၀၁၃ကြားက ဖြစ်ခဲ့တဲ့အမှုနှစ်ခုကို အခြေခံပြီး ရိုက်ကူးထားတာဖြစ်ကြောင်း အဓိကဇာတ်ကောင်က အင်တာဗျူးတစ်ခုမှာ ဖြေကြားထားပါတယ်။ ဂျော့်ချ်ဆိုတဲ့ အရာရှိတစ်ယောက်ဦးဆောင်တဲ့ အဖွဲ့တစ်ခုဟာ တရားခံပြေးတွေကိုလိုက်လံဖမ်းဆီးရင်း ပုတ်သိုးဆွေးမြေ့နေတဲ့ အလောင်းတစ်ခုကို တွေ့ခဲ့ပါတယ်။ သေဆုံးတဲ့အလောင်းကို စစ်ကြည့်တော့လည်း ဘယ်သူဘယ်ဝါမှန်းမသိ။ အဲဒီနယ်တစ်ဝိုက်မှာကလည်း လူပျောက်တိုင်ထားတာကမရှိ။ လိုက်စုံစမ်းတော့လည်း လူရိုင်းမျိုးနွယ်စုကလိုလို ဘာလိုလိုနဲ့အမှုပိတ်သိမ်းရမလိုဖြစ်နေပါတယ်။ သတ်သေတဲ့အမှုဖြစ်ဖို့ ကိုးဆယ်ရာခိုင်နှုန်းထင်ပေါ်နေပေမယ့် တစ်ရာရာခိုင်နှုန်းမပြည့်တဲ့အတွက် အရာရှိဂျော့်ချ်တို့အဖွဲ့ဟာ ဒီအမှုကို လိုက်စုံစမ်းပါတော့တယ်။ လူသတ်မှုလား လူသေမှုလား။ သေဆုံးတဲ့သူက ဘယ်သူလဲ၊ ဘာကြောင့်လဲ။ ဒီလိုပဟေဠိတွေနဲ့ သို့လော သို့လော စိတ်ဝင်တစားကြည့်ရှုရမယ့် ရဲမှုခင်းကားကောင်းတစ်ကားပဲဖြစ်ပါတယ်။ ကြည့်ရှုအားပေးကြပါဦးလို့။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…3.1GB / 1.3GB Quality…1080p WEB DL / 720p Format…mp4 Duration….2h 41m Subtitle….Myanmar Subtitle (Hard Sub) Encoder….YK Translated by CM Bollywood Team

Christopher 2023 (IMDb 6.8/10) အိန္ဒိယရဲကားကောင်းကောင်းလေးကိုမျှော်နေကြတဲ့ ပရိသတ်ကြီးအတွက် မင်းသားကြီးမမ်မွတ်တီးရဲ့ နောက်ဆုံးထွက် ရဲကားအလန်းလေးနဲ့ မိတ်ဆက်ပေးပါရစေ အိန္ဒိယနိုင်ငံမှာ သိတဲ့အတိုင်း ဘာအမှုပဲဖြစ်ဖြစ် မုဒိမ်းကျင့်လူသတ်ရင်တောင် ငွေနဲ့မီးငြိမ်းသလို အမှုတွေပျောက်သွားအောင် လူအားငွေအားနဲ့ လုပ်နိုင်တာကို သိကြမှာပါ ဒီကိစ္စကို ရဲမှူးခရစ္စတိုဖာဖြေရှင်းတဲ့နည်းလမ်းကတော့ ရိုးရှင်းပါတယ် ဘယ်တရားရုံးမှပို့မနေပဲနဲ့ တရားခံတွေကို သူ့သေနတ်နဲ့ပဲ ကိစ္စတုံးပေးတာပါ ဆိုရှယ်မီဒီယာ ပြည်သူလူထုအားလုံးအတွက် ခရစ္စတိုဖာက ဟီးရိုးပါ ဒါပေမဲ့ မျှတတဲ့ဒီမိုကရေစီစစနစ်တစ်ခုမှာ တရားစီရင်ရေးမဏ္ဍိုင်ဆိုတာ မရှိလို့မရပါဘူး အဲ့ဒါကြောင့် အထက်ဌာနကနေ ခရစ္စတိုဖာကို စုံစမ်းစစ်ဆေးဖို့အတွက် အမျိုးသမီးအရာရှိတစ်ဦးကို တာဝန်ပေးအပ်လိုက်ပါတော့တယ် ခရစ္စတိုဖာရဲ့ မီးစတစ်ဖက်ရေမှုတ်တစ်ဖက် မှန်ကန်မျှတပေမဲ့ မညှာတာတတ်တဲ့ စရိုက်ကို အတိတ်ကစတူးဖော်ကြည့်မိတဲ့အခါ........ ဒီဇာတ်ကားလေးဟာ ဇာတ်လမ်းလေးက မြင်နေကျဆိုပေမဲ့ ဆက်ပြီးကြည့်ချင်လောက်အောင် လှည့်ကွက်လေးတွေကို သူ့နေရာနဲ့သူပါထားပြီး မင်းသားကြီးမမ်မွတ်တီးရဲ့ အိုဗာတွေသိပ်မပါ ရင့်ကျက်တဲ့ပုံစံနဲ့မို့ ကြည့်ရရှုရတာ စိတ်ဝင်စားဖို့ကောင်းပြီး မှုခင်းဒရာမာ ရဲအက်ရှင်ကြည့်ချင်တဲ့သူတွေအတွက် ဇာတ်အိမ်ကောင်းကောင်း သရုပ်ဆောင်ကောင်းကောင်း ဒီကားလေးကို လက်မလွှတ်ကြဖို့ လက်တို့ပေးပါရစေ File size…2.25GB / 1.1GB Quality…1080p True WEB DL /720p Format…mp4 Duration….2h 30m Subtitle….Myanmar Subtitle (Hard Sub) Encoder….YK Translated by Sai Thu Rein~ Zwe Yan Paing~ Khin Khin

Kurukkan (2023) IMDb-6.1/10 ဘတ်ဂျတ်ရူပီး၂ကုဋေကျော်အသုံးပြုရိုက်ကူးထားတဲ့ စိတ်ဝင်စားစရာမှုခင်းရုပ်ရှင် မလေယာလမ်ကားလေးကိုတင်ဆက်ပေးလိုက်ပါတယ်။ ဆိုရှယ်မီဒီယာပေါ်က နာမည်ကျော် ဆယ်လီတယောက် အသတ်ခံရတဲ့အမှုကိုလိုက်ရင်း မီဒီယာရှေ့မှာ အရှက်တကွဲဖြစ်ခဲ့တဲ့ ရဲအရာရှိက သူ့ဂုဏ်သိက္ခာကို ပြန်အဖတ်ဆယ်ဖို့အရေး အဲဒီလူသတ်မှုတရားခံကိုကြိုးစားပြီးရှာခဲ့တယ်။ သူ့စိတ်အထင်နဲ့ပဲ ဟာရီဆိုတဲ့လူကို လူသတ်တရားခံအဖြစ် စွပ်စွဲပြီးတဲ့နောက် ရုံးတော်မှာ ယုတ္တိရှိရှိနဲ့ မမှန်သက်သေထွက်ဆိုတတ်တဲ့ လူယုတ်မာတယောက်နဲ့ပေါင်းပြီး ဟာရီကို လူသတ်တရားခံအဖြစ်ဖမ်းခဲ့တယ်။ သက်သေအထောက်အထားတချို့ကလည်း ဟာရီဆီ့ကိုညွှန်ပြနေလေတော့ တရားခံအဖြစ်နဲ့ အမှုရင်ဆိုင်ရပါတော့တယ်။မဟုတ်မှန်းသိလာရက်နဲ့ သူ့ဂုဏ်သိက္ခာကိုအဖတ်ဆယ်ဖို့အရေး လုပ်ကြံဖန်တီးသူ ရဲအရာရှိနဲ့ တရားခံရိုးစွပ်ခံရသူဟာရီရဲ့ အပြစ်ကင်းကြောင်း သက်သေပြပုံတို့ကို စိတ်ဝင်စားဖွယ်ကြည့်ရှုရမှာပါ။ (အညွှန်းနဲ့ဘာသာပြန်သူတွေကတော့ Yunni~V~Zwe Yan~BpL~Moonတို့ပဲဖြစ်ပါတယ်) File size…1.8GB / 860MB Quality…1080p WEB DL / 720p Format…mp4 Duration….2h 5m Subtitle….Myanmar Subtitle(Hard Sub) Encoder….YK Translated by Yunni~V~Zwe Yan~BpL~Moon

Jigarthanda DoubleX (2023) IMDb-8.4/10 တောင်ပိုင်းပရိသတ်တွေ စောင့်မျှော်နေကြတဲ့ ဇာတ်အိမ်ခိုင်ခိုင်မာမာနဲ့ရိုက်ကူးပုံဖော်ထားတဲ့ ရုပ်ရှင်ကားကြီးထွက်လာခဲ့ပါပြီ။ Jigarthanda (2014)ဆိုပြီး ရှေ့မှာ တစ်ကားရှိပါတယ်။ ဒါက Prequelအနေနဲ့ထွက်ရှိလာခဲ့တာဆိုတော့ ရှေ့ကားကြည့်မထားရသေးလည်း ကြည့်လို့ရပါတယ်ဗျ။ ပထမကားမှာတုန်းက ဆုတွေအများကြီးရ Remakeရုပ်ရှင်တွေ အများကြီးပြန်ရိုက်ကြနဲ့ အောင်မြင်မှုတွေအများကြီးရရှိခဲ့ပါတယ်။ ၁၉၇၃ခုနစ်မှာ ရဲဖြစ်ချင်ပေမယ့် ကံတရားရဲ့ရက်စက်မှုကြောင့် ထောင်သားဖြစ်သွားရသူ လေးယောက်။ တစ်ဦးချင်းစီမှာ ထင်မှတ်မထားတဲ့အဖြစ်အပျက်တွေနဲ့အတူ ထောင်ထဲကိုရောက်လာခဲ့ရတာပါ။ အဲဒီလေးယောက်ကို ထောင်ထဲကထွက်ဖို့နဲ့ ရဲအဖြစ် တာဝန်ထမ်းဆောင်ဖို့အခွင့်အရေးကိုပေးပြီး အစိုးရအတွက် လျှို့ဝှက်လူသတ်မစ်ရှင်တွေ လုပ်ခိုင်းတဲ့အခါ။ ၁၉၇၅မှာ နိုင်ငံခြားမင်းသား Clint Eastwoodရဲ့ဖန်အကြီးစား လူမိုက်ခေါင်းဆောင်ကြီးက အက်ရှင်ဟီးရိုးမင်းသားတစ်လက်ဖြစ်ချင်ဖို့ကြိုးစားနေတဲ့အချိန်။ အဲဒီလို မတူညီတဲ့အခြေအနေ မတူညီကြတဲ့အဖြစ်အပျက်တွေကနေပြီး ဘယ်လိုတွေပေါင်းစပ် ဖြစ်ပေါ်လာမလဲဆိုတာ ပထမရုပ်ရှင်ကားကြီးထက် ပိုပြီးအောင်မြင်တဲ့ရုပ်ရှင်ကားဖြစ်မလားဆိုတာ ကြည့်ရှုခံစားကြပါဦး။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size....2.57GB / 1.74GB Quality…1080p WEB DL /720p Format…mp4 Duration….2h 52m Subtitle….Myanmar Subtitle (Hard Sub) Encoder….YK Translated by CM Bollywood Team

Rangabali(2023) IMDb-5.5/10 သူ့နာမည်က ရှိုး။တစ်ရွာလုံးရဲ့ အော်ကြောလန် အကုန်လုံးလက်မြှောက်ထားရတဲ့ ရှိုး။'ရှိုး'ဆိုတဲ့ဖဲကစားနည်းသိတယ်မလား။ဖိန့်ရတာလေ။ ဒီထဲက မင်းသားချောရှိုးတယောက်ကလည်း ဖိန့်တဲ့နေရာ တော်ကီထုတဲ့နေရာမှာတော့ ယှဉ်နိုင်သူမရှိ သူ့ကိုသတိမထားမိရင်လည်း မကြိုက်။ရွာထဲကရန်ပွဲတိုင်း သူမပါရင်မပြီး။ သူ့အဖေက ဆေးဆိုင်ပိုင်ရှင်၊ သားဖြစ်သူကို ဆိုင်ဦးစီးခိုင်းစေချင်ပေမယ့် ဝမ်းချူဆေးနဲ့ ရာသီအကိုက်အခဲပျောက်ဆေးမှားပေးပြီးကတည်းက အယုံအကြည်မရှိတော့လို့ မြို့တက်ပြီး စာသင်ခိုင်းတော့တာ၊ အဲဒီမှာစတွေ့တာပဲ၊ဘယ်သူနဲ့လဲဆို သိမ်သိမ်မွေ့မွေ့ဆရာဝန်မလေးတယောက်နဲ့ပေါ့။ ရွှေခြေကျင်းဝတ်ထားတောင် ဘာသံမှမမြည်အောင် ဘယ်သူမှသတိမထားမိအောင်ဝတ်ထားမယ့် ဆရာဝန်မလေးနဲ့ လည်ပင်းကဆွဲကြိုးကို လူတကာမြင်စေချင်လို့ ကြယ်သီးဟထားတဲ့ ဆရာကြီးရှိုးတို့တွေ့တဲ့အခါမှတော့။ တော်ကီကြွယ်တဲ့ ဆရာရှိုးတယောက် ဆရာဝန်မလေးကိုလည်း ရွာပင့်ပြီး သေတပန်သက်ဆုံး ဆေးပေးမီးယူလုပ်နိုင်မလားဆိုတာ တော်ကီလည်းသင် ပျော်လည်းရွှင်စွာနဲ့ ကြည့်လိုက်ရအောင်လေ။ (အညွှန်းနဲ့ဘာသာပြန်သူတွေကတော့ Yunni~V~Saii~BpLတို့ပဲဖြစ်ပါတယ်) File size…2.95GB / 1.37GB Quality…1080p  WEB DL /720p Format…mp4 Duration….2h 17m Subtitle….Myanmar Subtitle (Hard Sub) Encoder….YK Translated by Yunni~V~Saii~BpL

ချုံနွယ်တွေက လျှောက်လမ်းကိုတောင် ဖုံးနေတဲ့ ခြံကြီးတစ်ခြံထဲမှာ နွယ်တွေ ရစ်ပတ်နေတဲ့ အိမ်အိုကြီးနဲ့ ရေတွင်းပျက်တစ်လုံး ရှိပါတယ်။ ဒီခြံမှာ အခြောက်အလှန့်ကြမ်းတယ်လို့ နာမည်ထွက်နေလို့ မြို့ထဲကလူတွေက နေ့ခင်းဘက်တောင် ခြံရှေ့က မဖြတ်ရဲကြဘူး။ အရင်က ခြံပိုင်ရှင်ရဲ့သမီးဟာ အချစ်ကို ဆုံးရှုံးခဲ့ရလို့ ရေတွင်းထဲ ခုန်ချပြီး သေဆုံးသွားခဲ့တယ်။ အဲဒီနောက် ယောက်ျားတွေကို မုန်းတီးတဲ့ သရဲအဖြစ် ခြံကိုစောင့်နေပြီး တွေ့သမျှလူတွေကို ခြောက်လှန့်တယ်လို့ ဆိုကြပါတယ်။ ဒီအကြောင်းတွေကို မသိဘဲ ခြံကို ငှားမိသွားသူကတော့ စာရေးဆရာပေါက်စတစ်ယောက်ပါ။ ဈေးသက်သာတာနဲ့ နှစ်လစာငွေကြိုချေပြီး ငှားလိုက်မိတယ်။ သူ ဒီခြံမှာနေတယ်လို့ မိတ်ဆက်လိုက်တိုင်း လူတွေက ကြောက်လန့်ကုန်ကြပြီး သူကိုယ်တိုင်လည်း ချောက်ချားစရာတွေကို တဖြည်းဖြည်း ကြုံလာရပါတယ်။ တခြားနေရာကို ပြောင်းငှားဖို့လည်း ပိုက်ဆံမရှိတဲ့အခါ ဒီခြံထဲက မမြင်ရတဲ့သူနဲ့ ဘယ်လိုဆက်နေသွားရမလဲဆိုတာကို ကြည့်ရမှာပါ။

ဗီရာလပိုင်ရွာမှာ နေထိုင်ကြသူတွေဟာ အရက်ကို ရိုးရာတစ်ခုလို မှတ်ယူထားကြတဲ့အထိ စွဲလမ်းကြပါတယ်။ မသောက်ရရင် အလုပ်အကိုင်ပျက်ပြီး ထိုင်မှိုင်နေကြတဲ့အတွက် ရွာထဲက ဆစ်ခ်ဘား အရက်ဆိုင်မှာလည်း ဝယ်သူတွေ မပြတ်ပါဘူး။ ဒီဘားရဲ့ ငွေကိုင်ရာထူးကတောင် တစ်ရွာလုံးက အလေးစားရဆုံး ရာထူးတစ်ခု ဖြစ်နေတယ်။ အဲဒီရွာက ဒါရန်နီ၊ ဆူရီနဲ့ ဗန်လာနီတို့ဟာ ငယ်ငယ်ကတည်းက သူငယ်ချင်းတွေပါ။ ဒါရန်နီက ဗန်လာနီကို ကလေးဘဝကတည်းက ချစ်နေခဲ့ပေမယ့် သူမနဲ့ ဆူရီတို့ ချစ်နေကြတာကြောင့် ကိုယ့်အချစ်ကို စွန့်လွှတ်ပြီး သူငယ်ချင်းနှစ်ယောက်အတွက်ပဲ ကြည့်ပေးနေခဲ့ပါတယ်။ တစ်နေ့မှာတော့ ဗန်လာနီရဲ့မိဘတွေက သူမကို တခြားသူတစ်ယောက်နဲ့ အိမ်ထောင်ချပေးဖို့ စီစဉ်လာကြတယ်။ ဒါရန်နီက ဆူရီကို ရွာကကျင်းပတဲ့ ခရစ်ကတ်ပြိုင်ပွဲမှာ ဝင်ပြိုင်စေပြီး ဘားရဲ့ ငွေကိုင်ရာထူးရအောင် ကြိုးစားကြပါတယ်။ ဒါပေမဲ့ ပြိုင်ပွဲကျင်းပသူတွေက အနိုင်ရမယ့်သူကို ကြိုသတ်မှတ်ထားပြီးသားဖြစ်ကြောင်း သိလိုက်ရတဲ့အခါ ဒါရန်နီနဲ့ ဆူရီတို့အသင်းအတွက် အခက်တွေ့လာတော့တယ်။ ဒီလိုစီစဉ်ထားတဲ့ ပြိုင်ပွဲမှာ သူတို့ဘယ်လိုရင်ဆိုင်ကြမလဲ၊ လှည့်ကွက်တွေကို ကျော်ပြီး အနိုင်ရနိုင်ပါ့မလား။ Nani နဲ့ Keerthy Suresh တို့ ပါဝင်ထားတဲ့ Dasara ဟာ ဘတ်ဂျက် ၆၅ ကုဋေ သုံးစွဲထားပြီး ဝင်ငွေ ၁၁၅ ကုဋေ ပြန်ရခဲ့တဲ့ ဇာတ်ကားပါ။

အလုပ်ကို သေချာမလုပ်ဘဲ လိမ်လည်လှည့်စားနေကြတဲ့ ရဲစခန်းတစ်ခုမှာ ဘယ်သူ့ကိုမှ မကြောက်ဘဲ မှန်မှန်ကန်ကန်လုပ်တဲ့ ရဲအရာရှိတစ်ယောက်လည်း ရှိနေပါတယ်။ အဲဒီစခန်းကို ရာဟူလန်၊ အတိုကောက် ရာဟူးလို့ခေါ်တဲ့ ရဲဝန်ထမ်းအသစ်လေးက SI ရာထူးနဲ့ ရောက်လာတယ်။ တစ်နေ့ ဘတ်စ်ကားစီးရင်း ရာဟူးရဲ့ ပစ်စတို အခိုးခံလိုက်ရပါတယ်။ သူက အထက်ကို မတင်ပြဘဲ ကိုယ့်ဘာသာ လိုက်ရှာဖမ်းဖို့ ကြိုးစားတယ်။ ပျောက်သွားတဲ့ သေနတ်နောက်ကို လိုက်ရင်းနဲ့ပဲ COVID ကာလအတွင်း ဖြစ်ပွားခဲ့တဲ့ ဒုစရိုက်မှုတွေကို တစ်ခုပြီးတစ်ခု တွေ့လာပါတော့တယ်။ Shane Nigam၊ Shine Tom Chacko၊ Jean Lal နဲ့ Gayathrie တို့ အဓိကပါဝင်ထားတဲ့ မလယာလမ် မှုခင်းသည်းထိတ်ရင်ဖိုဇာတ်ကားဖြစ်ပါတယ်။ ဇာတ်လမ်းကို ရှုပ်ထွေးလွန်းအောင် ဖွဲ့ထားတာမျိုးမဟုတ်ဘဲ စုံစမ်းမှုနဲ့အတူ အလှည့်အပြောင်းတွေကို တစ်ဆင့်ချင်း ဖော်ပြသွားပါတယ်။

အမ်မလာဟာ ၂၀၁၈ ခုနှစ် ရေဘေးတုန်းက အင်တိုက်အားတိုက် ကူညီခဲ့လို့ သူရဲကောင်းမလေးလို့တောင် ခေါ်ဝေါ်ခံရတဲ့ ဆရာဝန်တစ်ယောက်ပါ။ နေ့ဘက်မှာ အလုပ်တွေနဲ့ ပုံမှန်ဖြတ်သန်းနေပေမယ့် ည ၁၁ နာရီထိုးတာနဲ့ သူတစ်ယောက်တည်းသိတဲ့ ခြောက်လှန့်မှုကို ရင်ဆိုင်ရတယ်။ ဘယ်အချိန် ဘယ်နေရာက ရိုက်ထားမှန်းမသိတဲ့ သူ့ရဲ့ကိုယ်ခန္ဓာပုံတွေ၊ မသင့်တော်တဲ့ ရှုထောင့်ကနေ ရိုက်ထားတဲ့ဓာတ်ပုံတွေနဲ့ ရိုင်းစိုင်းတဲ့စာတွေ အဆက်မပြတ် ရောက်လာတာပါ။ ဒီလိုနှောင့်ယှက်စာတွေနဲ့ပဲ သူ့ညတွေကို ဖြတ်သန်းနေရပါတယ်။ တစ်ဖက်မှာလည်း သူ့လက်ပေါ်မှာ ကြီးပြင်းလာပြီး ဆရာဝန်ဖြစ်ဖို့ ကြိုးစားနေတဲ့ မိန်းကလေးတစ်ယောက် ရှိတယ်။ အဲဒီကောင်မလေးဟာ ပြည့်တန်ဆာလုပ်ငန်း နှိမ်နင်းရေးအတွက် ဖမ်းဆီးနေတဲ့ လူအုပ်ကြားမှာ ရောပါသွားပြီး အဖမ်းခံလိုက်ရပါတယ်။ အဲဒီကနေ သူ့နောက်ကြောင်းတွေကိုပါ ဖော်ထုတ်ခံရပြီး လူသိရှင်ကြား အရှက်ခွဲခံရတော့တယ်။ ဒီကိစ္စကို သတင်းထောက်သူငယ်ချင်းနဲ့ ပူးပေါင်းဖြေရှင်းရင်း မမျှော်လင့်ထားတဲ့ အဖြစ်တွေ ထပ်ပေါ်လာတဲ့အခါ ဘယ်လိုရင်ဆိုင်ဖြေရှင်းကြမလဲ။

Kumari 2022 (ကူမာရီ) IMDb - 6.4/10 ယခုတစ်ခါမှာတော့ အမုန်းတွေ အာဃာတတွေနဲ့ မျိုးဆက်တစ်ခုလုံးအပေါ်မှာ အငြိုးထားပြီး ကျိန်စာတွေတိုက်ခဲ့တဲ့ မလေယာလမ် ဟော်ရာဇာတ်ကားကောင်းလေးတစ်ကားကို တင်ဆက်ပေးလိုက်ရပါတယ်။ ဟိုးအရင်တစ်ချိန်တုန်းက ကာဟီရန်ဂတ်မိသားစုဆိုတာရှိပါတယ်။ ဒီမိသားစုကိုတော့ သူတို့နယ်မြေမှာ ဂုဏ်သိက္ခာရှိရှိနဲ့ ရွာသားအားလုံးကို ကြည့်ရှုစောင့်ရှောက်ပေးနေတဲ့ သခင်ကြီးသူပန်က အုပ်ချုပ်နေပါတယ်။ သူတို့ရွာရဲ့ ဘေးနားမှာ အီလီမာလာတောဆိုတာလည်းရှိနေပါတယ်။ ဒီတောကိုတော့ အီလီမာလာချာသန်ဆိုတဲ့ နတ်ဘုရားတစ်ပိုင်းက အုပ်ချုပ်နေတာပေါ့။ အီလီမာလာချာသန်မှာ သူသဘောကျရတဲ့ လူသားကလေးလေး ချိုကန်ဆိုတဲ့ မိဘမဲ့လေးတစ်ယောက်ရှိပါတယ်။ ချိုကန်ကတော့ တောထဲမှာပဲ တစ်ကိုယ်တည်းနေထိုင်ပြီး ရွာက ခိုင်းတာလေးတွေ လိုက်လုပ်ပြီး အသက်ဆက်နေရသူပေါ့။ ချိုကန့်ကို သခင်ကြီးသူပန်ရဲ့ ဇနီးဖြစ်သူက သဘောကျတဲ့အတွက် အစားအသောက်များခေါ်ခေါ်ကျွေးမွေးလေ့လည်းရှိပါတယ်။ ဒီလိုနဲ့တစ်နေ့မှာတော့ သခင်ကြီးတို့ပိုင်တဲ့ ရေကန်မှာ ရေချိုးတယ်ဆိုပြီး ချိုကန့်ကို သခင်ကြီးသူပန်က သတ်လိုက်ပါတော့တယ်။ ဒီအချိန်မှာပဲ ချိုကန့်ကိုချစ်မြတ်နိုးတဲ့ ချာပန်က ကာဟီရန်ဂတ်မိသားစုကို ကျိန်စာတိုက်ပြီး ဘေးဥပဒ်ဖြစ်အောင်ပြုလုပ်လိုက်ပါတော့တယ်။ ဒီနောက်ပိုင်းမှာတော့ ကာဟီရန်ဂတ်မိသားစုဟာ နတ်ဘုရားတွေကို ပြန်လည်ပူဇော်ပသရင်းနဲ့ ဒီကျိန်စာကနေ လွတ်မြောက်ဖို့ ကြိုးစားလာခဲ့ကြတာပေါ့။ ဒီလိုနဲ့ မျိုးဆက် ၁၂ဆက်မြောက်ကျော်လွန်လာတဲ့အခါမှာတော့ အဲဒီမိသားစုမှာတော့ သားအကြီး အချူသန်နဲ့ သားအငယ် ဒူရူဗန်ဆိုပြီးတော့ ရှိပါတယ်။ သားအငယ်ကိုတော့ လူတွေက ရူးနေတာဆိုပြီး ပြောကြပါတယ်။ ဒီလိုနဲ့ သားအငယ် ဒူရူဗန်ကို ကူမာရီဆိုတဲ့ ကောင်မလေးနဲ့ အိမ်ထောင်ချပေးလိုက်ပြီး ကူမာရီ သူတို့မိသားစုကို ရောက်လာတဲ့အချိန်ကနေ စတင်ကာ တစ်ချိန်က ကျိန်စာဇာတ်လမ်းက ပြန်လည်ပြီး အသက်ဝင်လာပါတော့တယ်။ ကူမာရီ ဒီအိမ်ကိုရောက်လာမှ အရင်က ဇာတ်လမ်းတွေ ဘယ်လို ပြန်လည်စတင်မလဲ ........ နှစ်ပေါင်းများစွာ တည်ရှိနေတဲ့ ကျိန်စာဇာတ်လမ်းကရော ပြီးဆုံးသွားနိုင်မှာလား ... ဆိုတာတွေကိုကြည့်ရှုရမယ့် ဇာတ်လမ်းကောင်းတစ်ပုဒ်ဖြစ်ပါတယ်။ (အညွှန်းနဲ့ ဘာသာပြန်ကတော့ ToMo ~ KKKZ ဖြစ်ပါတယ်) File size… 2.4 GB / 0.99 GB Quality…WEB DL 1080p HEVC/ 720p Format…mkv/ mp4 Duration….2h 17m Subtitle….Myanmar Subtitle (Hard Sub) Encoder….YK Translated by ToMo ~ KKKZ

Adithattu 2022 လောကဓံ Imdb 5.5 ဒီကားကတော့ ငါးဖမ်းသမားတွေရဲ့ ကမ်းမမြင် လမ်းမမြင်ပင်လယ်ပြင်ထဲဒုက္ခခံရပုံတွေကို ရင်တလှပ်လှပ်နဲ့ကြည့်ရှူရမှာပါ အတွေ့အကြုံရင့်ဆရာတစ်ယောက်နဲ့ ငါးဖမ်းသမား၇ယောက်တို့ ပင်လယ်နက်ထဲ ငါးဖမ်းထွက်ကြပါတယ် ငါးဖမ်းသမားတွေအဖို့ကတော့ငါးမရတဲ့အပိုင်းတွေလည်းရှိတာကြောင့် ငါးမရ ပိုက်ဆံမရဘဲအိမ်ပြန်ရတဲ့နေ့တွေက သူတို့အတွက်တော့ကံမကောင်းတဲ့နေ့ပဲပေါ့ ကိုယ်စီအခက်အခဲတွေနဲ့ စက်လှေပေါ်တက်လာကြတဲ့ သူတို့ .. အရင်ကသူတို့ရဲ့ အရမ်းတော်တဲ့ငါးဖမ်းခေါင်းဆောင်တစ်ယောက်ရှိပါတယ် ရှေ့ဆောင်လမ်းပြကောင်းလို့ ဘာတစ်ခုမှစိတ်ပူစရာမရှိဘဲ ခရီးအတွက်လည်းဘေးကင်း လူလည်းအဆင်ပြေပေမဲ့ အကျိုးအကြောင်းရေရေရာရာမရှိဘဲ အဲဒီခေါင်းဆောင်က ကြိုးဆွဲချသတ်သေသွားပါတယ် အလောင်းကတွေ့တဲ့သဲလွန်စနဲ့ အသတ်ခံရတယ်ဆိုပြီး ငါးဖမ်းသမားတွေကတော့ မှတ်ယူထားတာပေါ့ အသစ်တက်လာတဲ့ခေါင်းဆောင်နဲ့တော့ သူတို့တွေအဆင်မပြေကြပါဘူး နေရာတကာပိတ်ပင်ပြီး လက်ပေါက်ကပ်တဲ့အနေအထားကြောင့် ကတောက်ကဆလေးတွေရှိကြတယ် ဒါပေမဲ့လည်းတစ်ခရီးတည်းအတူထွက်လာဖို့အကြောင်းဖန်လာတော့ လှေပေါ်မှာဘယ်လိုကံဆိုးမှုတွေဖြစ်လာမလဲ သေဆုံးသွားတဲ့သူတို့ခေါင်းဆောင်ကရော သွေးရိုးသားရိုးလားဆိုတာ အဖြေရှာလိုက်ပါဦး ( အညွှန်းနဲ့ ဘာသာပြန်တွေကတော့ Yunni ~ V ~ Linn ~ KKKZ တို့ပဲဖြစ်ပါတယ် ) File size… 1.6 GB / 847 MB Quality…WEB DL 1080p HEVC/ 720p Format…mkv/ mp4 Duration….1h 34m Subtitle….Myanmar Subtitle (Hard Sub) Encoder….YK Translated by  Yunni ~ V ~ Linn ~ KKKZ

ကဲ သိပ်မကြာခင်ကမှ ရုံတင်သွားတဲ့ မင်းသားကြီး ဗီဂျေးရဲ့ Beast ကားသစ်လေးလာပါပြီ ဒီဇာတ်လမ်းမှာ ဗီဂျေးက Beast ဆိုတဲ့ နာမည်နဲ့လိုက်အောင် ဘယ်သူ့စကားမှနားမထောင် ကိုယ်မှန်တယ်ထင်တာကို လုပ်ပြီဟေ့ဆိုရင် ဝန်ကြီးချုပ်လည်းဂရုမစိုက်... အတော်လက်ရဲဇက်ရဲနိုင်ပြီး အသတ်အဖြတ်ရက်စက်တဲ့ သားရဲကြီး ရော(RAW)အေးဂျင့်ဟောင်းဗီရ်ရာဂဗ်.. တစ်ခါတုန်းက သူ့ဌာနက သူ့ကိုလှည့်စားလိုက်တာကို စိတ်နာပြီး တာဝန်ကနေ အနားယူသွားခဲ့တယ်... တစ်ရက် ချင်နိုင်းမြို့လည်ခေါင်က မောလ်တစ်ခုကို အကြမ်းဖက်သမားတွေက ဝင်စီးတယ်..ဖြစ်ချင်တော့ မောလ်ထဲမှာ ဗီရ်ရာဂဗ်ရှိနေတယ်... ဓါးစာခံရာကျော်ကို မောလ်အတွင်းမှာ ဖမ်းထားတဲ့အတွက် အစိုးရကယ်ဆယ်ရေးအဖွဲ့တွေက အထဲကိုဝင်ပြီး ကယ်လို့မရဘူးဖြစ်နေတယ်... အတွင်းမှာပိတ်မိနေတဲ့လူတွေထဲ ဗီရ်ရာဂဗ်ပါနေတယ်ဆိုတာ သိသွားတော့ သူ့ကိုလှမ်းအကူအညီတောင်းတယ်... ဒီလိုနဲ့ ဗီရ်ရာဂဗ်တစ်ယောက် အကြမ်းဖက်သမားတွေကြားထဲမှာ တစ်ပွေတည်း ဘယ်လိုတွေပွဲကြမ်းမလဲ.... ဓါးစာခံတွေကို ဘယ်လိုကယ်ထုတ်မလဲဆိုတာကို အက်ရှင်ခန်းတွေ အများကြီးနဲ့ စိတ်ဝင်တစားရှုစားလိုက်ကြပါဦးရှင့်... File size…8GB / 3.3GB / 1.5GB Quality…  1080p NF WEBDL / 720p Format…mp4 Duration….2h 35m Subtitle….Myanmar Subtitle (Hard Sub) Encoder….YK Translated by Taylor

အိန္ဒိယနိုင်ငံမှာ “Ayyankali Pada” လို့ ကိုယ့်အဖွဲ့ကိုယ် မိတ်ဆက်တဲ့ လူတစ်စုဟာ မြေယာကိစ္စတွေကို ကိုင်တွယ်တဲ့ အရာရှိတစ်ယောက်ရဲ့ ရုံးခန်းထဲ ဝင်လာကြပါတယ်။ သူတို့တောင်းဆိုတာက ကယ်ရလာဥပဒေပြုအဖွဲ့က ပြင်ဆင်ထားတဲ့ အာဒီဗာစီမြေယာအက်ဥပဒေကို ပယ်ဖျက်ပေးဖို့ပါ။ အရာရှိက လက်မခံတဲ့အခါ သူ့ကို ဓားစာခံအဖြစ် ဖမ်းထားလိုက်ကြတယ်။ သူတို့က မတရားမှုကို ရင်ဆိုင်တိုက်ခိုက်သူတွေလို့ ကိုယ့်ကိုယ်ကိုယ် ခံယူထားကြပါတယ်။ ကိုယ့်မြေ၊ ကိုယ့်တောအုပ်နဲ့ ကိုယ့်နေအိမ်ကို ထိပါးလာတဲ့ အာဏာပိုင်တွေကို တုံ့ပြန်ဖို့ ပြင်ဆင်နေသူတွေဖြစ်ပြီး ဒီဓားစာခံဖမ်းဆီးမှုကနေ သူတို့ရဲ့ တောင်းဆိုချက်တွေကို ရှေ့တင်လာတာပါ။ ဖြစ်ရပ်မှန်ကို အခြေခံထားတဲ့ ဒီဇာတ်လမ်းမှာ အာဏာရှိတဲ့ အစိုးရကို သူတို့ ဘယ်လိုရင်ဆိုင်ကြမလဲဆိုတာ ပြထားပါတယ်။