အက်ရှင်ကားများ

Bruce Wayne ဟာ ငယ်ငယ်က လင်းနို့တွေကို ကြောက်တတ်တဲ့ကလေးတစ်ယောက်ပါ။ သူ့မိဘတွေဖြစ်တဲ့ Thomas Wayne နဲ့ Martha Wayne တို့က Wayne Enterprises ကို ပိုင်ဆိုင်တဲ့ သန်းကြွယ်သူဌေးတွေ ဖြစ်ပါတယ်။ တစ်နေ့ ကပွဲသွားကြည့်ရာမှာ Bruce ကြောက်လာလို့ မိသားစုလိုက် စောစောပြန်ခဲ့ကြတယ်။ အပြန်လမ်းမှာ Joe Chill ဆိုသူက ဓားပြတိုက်ပြီး သူ့မိဘနှစ်ပါးကို သတ်သွားခဲ့တာကြောင့် Bruce ဟာ ဝိန်းမိသားစုရဲ့ အိမ်တော်ထိန်း Alfred Pennyworth ရဲ့ လက်ပေါ်မှာ ကြီးပြင်းလာခဲ့ရပါတယ်။ မိဘတွေကို ဆုံးရှုံးခဲ့ရတဲ့ Bruce က ဒုစရိုက်လောကကို ချေမှုန်းဖို့ ရည်ရွယ်ပြီး မြေအောက်လောကထဲ ကိုယ်တိုင်ဝင်ရောက်သွားတယ်။ အဲဒီမှာ အရိပ်အဖွဲ့ရဲ့ခေါင်းဆောင် Ra’s al Ghul နဲ့ တွေ့ပြီး ပညာသင်ယူခဲ့ပါတယ်။ လူတစ်ယောက်ဖြစ်တဲ့ Bruce Wayne အနေနဲ့ အမြဲရှိနေနိုင်မှာ မဟုတ်လို့ တစ်ချိန်က ကိုယ်ကြောက်ခဲ့တဲ့ လင်းနို့ကို သင်္ကေတအဖြစ် ရွေးချယ်လိုက်တယ်။ နောက်ပိုင်း အရိပ်အဖွဲ့ရဲ့ လုပ်ရပ်တွေကို နားလည်လာတဲ့အခါမှာတော့ ကိုယ့်မြို့ကို ကာကွယ်ဖို့ ရင်ဆိုင်ရပါတော့တယ်။ Batman မှာ ထူးခြားတဲ့ သဘာဝလွန်စွမ်းအားမရှိဘဲ တိုက်ခိုက်ရေးစွမ်းရည်၊ ဉာဏ်ရည်နဲ့ နည်းဗျူဟာတွေကို အားကိုးရပါတယ်။ သူ့ဘေးမှာ အိမ်တော်ထိန်းနဲ့ လူယုံဖြစ်တဲ့ Alfred Pennyworth၊ နည်းပညာပိုင်း ကူညီပေးတဲ့ Lucius Fox၊ ငယ်သူငယ်ချင်း Rachel Dawes နဲ့ နောင်မှာ ရဲမင်းကြီးဖြစ်လာမယ့် James Gordon တို့ ရှိနေကြတယ်။ DC Comics ဇာတ်ကောင်ကို

ဒယ်ဗာလန်ကာဆိုတဲ့ မြို့လေးကို ဘာဆီရက်ဒီနဲ့ ဆစ်ဟပ်ပါဆိုတဲ့ ဂန်းစတားနှစ်ယောက်က အုပ်စိုးထားပါတယ်။ သူတို့ရဲ့ဆရာကြီးဖြစ်တဲ့ ဥပဒေအရာရှိ ဆီဗာရက်ဒီ ကွယ်လွန်သွားပြီးနောက် နှစ်ယောက်စလုံးက နိုင်ငံရေးအာဏာရဖို့ အပြိုင်ကြိုးစားလာကြတယ်။ မြို့ခံတွေက သူတို့ကို မုန်းလည်းမုန်း၊ ကြောက်လည်းကြောက်ကြပေမယ့် ဘယ်သူမှ ပြန်မလှန်ရဲကြဘူး။ ဂန်ဂါရာဂျူးကတော့ အဲဒီမြို့မှာ သူငယ်ချင်းတွေနဲ့ ပေါက်ကရတွေလုပ်ရင်း နေတတ်တဲ့ လူငယ်တစ်ယောက်ပါ။ ဥမာဒေဝီဆိုတဲ့ ရဲမေလေး ရောက်လာတဲ့အခါ သူငယ်ချင်းတွေရဲ့အကူအညီနဲ့ သူက လိုက်ပိုးပါတော့တယ်။ တစ်နေ့မှာတော့ သူ့အဖေကို စော်ကားတဲ့ ဆစ်ဟပ်ပါရဲ့လူတွေကို ဂန်ဂါရာဂျူးက ရိုက်နှက်လိုက်တယ်။ အဲဒီကနေ ဂန်းစတားတွေလက်အောက်မှာ ဖိနှိပ်ခံနေရတဲ့ မြို့ခံတွေက အုံကြွလာပြီး သူ့ကို ဂန်းစတားတွေထက်တောင် အစွမ်းရှိသူလို့ ထင်ကာ ထောက်ခံမြှောက်စားကြပါတော့တယ်။ မြို့ခံတွေသာမက ချစ်သူရဲမေလေးကပါ သူ့ကို ဆရာ့ဆရာကြီးလို့ ထင်နေချိန်မှာ ဂန်ဂါရာဂျူးဟာ ဂန်းစတားနှစ်ဖွဲ့ရဲ့ အာဏာလုပွဲကြားကို ရောက်သွားပါတယ်။ ဒီအခြေအနေကို သူဘယ်လိုကိုင်တွယ်မလဲဆိုတာနဲ့အတူ သူငယ်ချင်းတွေရဲ့ ကူညီပံ့ပိုးမှုတွေကို ဟာသရောပြီး ပြထားတယ်။ တစ်ဖက်မှာလည်း အာဏာရှင်တွေလက်အောက်က မြို့ခံတွေရဲ့ဘဝနဲ့ သူတို့ကြုံရတဲ့ ရက်စက်မှုတွေကို ဖော်ပြထားပါတယ်။

ဘက်ဒ်ဟာ သွေးစုပ်ကောင်မုဆိုးများသမဂ္ဂကနေ ထုတ်ပယ်ခံထားရပြီး တစ်ကိုယ်တော် အလုပ်လုပ်နေတဲ့ မုဆိုးတစ်ယောက်ပါ။ သူတို့လို မုဆိုးတွေက သွေးစုပ်ကောင်တွေကို သတ်ပြီး အစွယ်တွေ နှုတ်ရောင်းရင်း အသက်မွေးကြတယ်။ မှောင်ခိုဈေးမှာတော့ ဈေးနှိမ်ခံရပြီး သမဂ္ဂဝင်ဖြစ်မှ ဈေးကောင်းရသလို အာမခံလည်း ရပါတယ်။ ဘက်ဒ်က ဒီအလုပ်ကို လျှို့ဝှက်လုပ်နေတာကြောင့် ဇနီးနဲ့ကလေးနဲ့ ခွဲနေရပြီး ငွေရေးကြေးရေးလည်း အဆင်မပြေဘူး။ တစ်နေ့မှာ ဇနီးက ကလေးကျောင်းလခအတွက် ဒေါ်လာ ၅၀၀၀ နဲ့ သွားထိန်းအစွပ်လုပ်ဖို့ နောက်ထပ် ဒေါ်လာ ၅၀၀၀ လိုတယ်လို့ ပြောလာပါတယ်။ ဒါနဲ့ ဘက်ဒ်လည်း သမဂ္ဂထဲ ပြန်ဝင်ခွင့်ရဖို့ ကြိုးစားပြီး သွေးစုပ်ကောင်များများ သတ်ကာ ငွေရှာဖို့ လုပ်လာတော့တယ်။ ဒါပေမဲ့ သူသတ်လိုက်တဲ့ သွေးစုပ်ကောင်က ဩဇာရှိတဲ့ မိသားစုတစ်စုနဲ့ ဆွေမျိုးတော်နေပါတယ်။ အဲဒီမိသားစုက လက်စားချေဖို့ သူ့နောက်လိုက်လာတဲ့အခါ ငွေရှာနေတဲ့ ဘက်ဒ်အတွက် အန္တရာယ်ပါ တိုးလာတယ်။ ဂျေမီဖောက်စ်က ဘက်ဒ်အဖြစ် သရုပ်ဆောင်ထားပြီး စနုဒေါ့နဲ့ ဒေ့ဖရန်ကိုတို့လည်း ပါဝင်တဲ့ အက်ရှင်ဟာသဇာတ်ကားပါ။

ကောက်ဝ်နဲ့ ဖွန်တို့ဟာ မိုးနည်းပြီး ရေရှားတဲ့ ထန်တဝမ်ရမ်ခရိုင်မှာ ကြီးပြင်းလာခဲ့ကြသူတွေပါ။ ကောက်ဝ်ရဲ့အဘိုး ဝပ်က ဒေသခံတွေ ရေအတွက် မပူရအောင် အမြဲကြိုးစားနေခဲ့ပေမဲ့ တစ်နေ့မှာ ဆုံးပါးသွားပါတယ်။ အဲဒီနောက် YouTuber ဖွန်က ဒီမြေမှာ ရေထွက်အောင် လုပ်နိုင်သူကို ဘတ်တစ်သန်း ဆုပေးမယ်ဆိုပြီး စိန်ခေါ်တဲ့ vlog တစ်ခု တင်လိုက်တယ်။ လူအမျိုးမျိုး လာယှဉ်ပြိုင်ကြတဲ့အထဲမှာ ကောက်ဝ်၊ ဂျိန်နဲ့ ရိုတို့အဖွဲ့လည်း ပါလာပါတယ်။ အဖွဲ့တွေက မြေအောက်ရေရှိမယ့်နေရာကို သူ့ထက်ငါအရင် တွေ့ဖို့ ရှာနေကြတုန်း ရေကြောက်တဲ့ မြေအောက်တွားသွားသတ္တဝါကြီး နိုးလာပြီး သောင်းကျန်းပါတော့တယ်။ ဧရာမပုတ်သင်ကြီးက လူတွေကို လျင်လျင်မြန်မြန် ဖမ်းယူသွားပြီး သူ့ဂူထဲမှာ မာကျောတဲ့ သလိပ်ခဲတွေနဲ့ ချုပ်ထားတယ်။ ကောက်ဝ်လည်း ပုတ်သင်ကြီးကို ဖမ်းပြီး လူတွေကို ကယ်ထုတ်ဖို့ ဦးဆောင်ကြိုးစားရပါတော့တယ်။

အက်လူးအရ်ဂျွန်နဲ့ ပူဂျားဟစ်ဂဒေတို့ ပါဝင်ထားတဲ့ ဒီဇာတ်ကားထဲက အဓိကဇာတ်ကောင်ဟာ ငယ်ငယ်ကတည်းက မတရားမှုကိုမြင်ရင် လက်ပိုက်ကြည့်မနေနိုင်တဲ့သူပါ။ ရာဇဝတ်သားတွေကိုလည်း သတ်ပစ်ချင်လောက်အောင် မုန်းတီးတယ်။ အဖိုးပြောခဲ့တဲ့ စကားကို မှတ်သားထားပြီး ရဲအရာရှိတစ်ယောက်နဲ့ ပူးပေါင်းကာ ရာဇဝတ်သားတွေကို လျှို့ဝှက်ရှင်းလင်းနေပါတယ်။ သူတို့ပစ်မှတ်ထားခံရတဲ့ ရာဇဝတ်သားတွေက အသက်ရှင်ခွင့် မရကြဘူး။ လူတွေအမြင်မှာတော့ သူက ဧည့်ခံကျွေးမွေးရေးလုပ်ငန်းလုပ်တဲ့ မိသားစုက ပုဏ္ဏားမျိုးရိုးဝင်တစ်ယောက်ဖြစ်ပြီး အပြစ်ကင်းတဲ့သူတစ်ယောက်ပါ။ ဒီလိုဘဝနှစ်မျိုးနဲ့ နေနေရင်း လူထောင်ချီဆီက ငွေတွေကို လိမ်လည်အမြတ်ထုတ်ဖို့ ကြံနေသူတစ်ယောက်နဲ့ ထိပ်တိုက်တွေ့လာတယ်။ တစ်ဖက်လူကလည်း ကိုယ်အဆင်ပြေရင် ဘယ်သူဘာဖြစ်ဖြစ် ဂရုမစိုက်ဘဲ လမ်းမှာ ဝင်နှောင့်ယှက်သူမှန်သမျှကို အပြတ်ရှင်းတတ်သူပါ။ ဒီနှစ်ယောက် ဆုံလာတဲ့အခါ ဘယ်လိုတွေဆက်ဖြစ်မလဲဆိုတာ တွေ့ရမှာပါ။

၁၄ ရာစု ဘိုဟီးမီးယားနယ်မြေကို နောက်ခံထားပြီး စစ်သူရဲ ယန်ဇစ်ဇကာရဲ့ အစောပိုင်းစွန့်စားခန်းတစ်ခုကို ရိုက်ကူးထားပါတယ်။ ချားစ်ဘုရင် စတုတ္ထ နတ်ရွာစံပြီးနောက် နယ်မြေအတွင်းမှာ အုပ်စုတွေ ကွဲလာသလို ဘာသာရေးဘက်မှာလည်း ရောမက ပုပ်ရဟန်းမင်းနဲ့ ပြင်သစ်ဘုရင်လက်အောက်က ပုပ်ရဟန်းမင်းဆိုပြီး နှစ်ဖက်ကွဲနေတယ်။ သားတော် ဝင်ဆယ်ဆလက်စ်က နန်းတက်ရမှာဖြစ်ပေမဲ့ ရောမက ပုပ်ရဟန်းမင်းဆီမှာ နန်းတက်ပွဲခံဖို့ လိုနေပါတယ်။ ဒါကြောင့် ဘိုဟီးမီးယားကနေ ရောမအထိ ခရီးထွက်ရမယ်။ ဝင်ဆယ်ဆလက်စ်မှာတော့ ကြွေးမြီတွေများနေပြီး ခရီးအတွက် ရဲမက်စရိတ်နဲ့ စားစရိတ်ကိုတောင် ချေးငှားရမယ့် အခြေအနေပါ။ ငွေချေးနေကျ သူကြွယ်အရှင် ရိုဆင်ဘာ့ဂျ်ကလည်း ထပ်မချေးတော့တဲ့အတွက် အကျပ်ရိုက်နေတယ်။ နောက်ဆုံးမှာ ရိုဆင်ဘာ့ဂျ်ရဲ့ ဇနီးလောင်း လေဒီကတ်သရင်းကို ပြန်ပေးဆွဲပြီး ငွေတောင်းဖို့ ကြံစည်ပါတော့တယ်။ ဒီတာဝန်က ကြေးစားစစ်သည် ယန်ဇစ်ဇကာဆီ ရောက်လာတာပါ။ ကတ်သရင်းကို ပြန်ပေးဆွဲဖို့ ဇစ်ဇကာ အောင်မြင်နိုင်မလား၊ ဝင်ဆယ်ဆလက်စ်ရဲ့ အကြံကရော ထင်သလောက် လွယ်လွယ်ပြီးသွားမလား။ နောက်ကွယ်မှာ နိုင်ငံရေးနဲ့ ဘာသာရေးအရှုပ်အထွေးတွေ ရှိနေပြီး တိုက်ခိုက်သတ်ဖြတ်မှုတွေကြား ဆက်ရင်ဆိုင်ကြရပါတယ်။

ကယ်ရီ၊ မက်ဆင်း၊ အေဂျေ၊ စကွစ်ရှ်၊ ရုသ်၊ ဝေါလ်တာတို့အပါအဝင် လူရှစ်ယောက်ဟာ ဘာတွေကြုံရမယ်မှန်း မသိဘဲ OctoGames ဆိုတဲ့ ကစားပွဲထဲ ဝင်ပါမိကြပါတယ်။ ရေဘဝဲရဲ့ လက်တံရှစ်ခုကို ကိုယ်စားပြုထားတဲ့ ဒီပွဲမှာ လူရှစ်ယောက်က ဂိမ်းရှစ်မျိုး ကစားကြရမှာပါ။ ကစားနည်းတွေက ကလေးကစားနည်းတွေဖြစ်ပေမဲ့ ရှုံးသွားသူတွေ ပေးဆပ်ရမှာက ကိုယ့်အသက်နဲ့ ဘဝဖြစ်နေတယ်။ ဒီလူသတ်ကစားပွဲကို ဖန်တီးထားသူက follower သန်းရာချီရှိတဲ့ နာမည်ကျော် YouTuber ဂျက်စ်ပရိုပါ။ ပါဝင်သူတွေက ဂိမ်းရဲ့သရုပ်မှန်ကို သိသွားချိန်မှာ နောက်ပြန်ဆုတ်လို့ မရတော့ဘဲ အသက်ရှင်ကျန်ဖို့ ရုန်းကန်ကြရပါတော့တယ်။ ဘယ်သူတွေ ဆက်ရှင်သန်ပြီး ဘယ်သူတွေ ရှုံးနိမ့်သွားမလဲဆိုတဲ့ ပဟေဠိနဲ့အတူ အခက်အခဲကြားမှာ ပေါ်လာတဲ့ သံယောဇဉ်နဲ့ ကိုယ်ချင်းစာတရား၊ ကောက်ကျစ်မှုနဲ့ တစ်ကိုယ်ကောင်းဆန်မှု၊ လူတွေရဲ့ ရူးသွပ်မိုက်မဲမှုတွေကို ထိတ်လန့်စရာ ကစားပွဲတွေကြားမှာ တွေ့ရပါတယ်။

တိုလု့စ်ရဲတပ်ဖွဲ့ရဲ့ မူးယစ်ဆေးဝါးမှုခင်းအဖွဲ့ခေါင်းဆောင် ဆယ်ရာဟာ ပြင်သစ်နဲ့ စပိန်ကြား ကူးသန်းရောင်းဝယ်နေတဲ့ မူးယစ်မှောင်ခိုရာဇာတွေကို အကွက်ဆင်ပြီး တစ်ပြုံတည်းဖမ်းဖို့ ပြင်ဆင်နေပါတယ်။ တစ်ချိန်တည်းမှာပဲ ပြင်သစ်က ဆေးရုံတစ်ရုံမှာ ကလေးနှစ်ယောက် အသတ်ခံရပြီး အမှုစစ်ရစ်ချက်က အဲဒီအမှုကို စုံစမ်းနေတယ်။ လူသတ်မှုက မူးယစ်ရာဇာတွေနဲ့ ဆက်နွှယ်နေနိုင်တယ်လို့ သံသယရှိလာတဲ့အခါ ဆယ်ရာနဲ့ ရစ်ချက်တို့ ပူးပေါင်းပြီး ဒုစရိုက်သမားတွေကို ဖမ်းဖို့ ကြိုးစားကြပါတယ်။ ရဲတွေဘက်က အကွက်ဆင်သလို ဒုစရိုက်သမားတွေကလည်း ပြန်တုံ့ပြန်ကြရင်း စုံစမ်းဖမ်းဆီးမှုမှာ မထင်မှတ်ထားတဲ့ အလှည့်အပြောင်းတွေ ကြုံလာရတယ်။

နာဂဂျွန်နာအခီနယ်နီနဲ့ ဆိုနလ်ချောင်ဟန်တို့ ပါဝင်ထားတဲ့ ဒီအက်ရှင်ဇာတ်ကားမှာ ဗစ်ကရမ်နဲ့ ပရီယားတို့ဟာ ဒူဘိုင်းမှာ တာဝန်ကျနေတဲ့ အင်တာပိုလ်အရာရှိတွေပါ။ အလုပ်တွဲလုပ်နေကြသလို ချစ်သူတွေလည်း ဖြစ်ကြပါတယ်။ ဗစ်ကရမ်ကတော့ အတိတ်က ဖြစ်ရပ်ဆိုးတစ်ခုကြောင့် ဒေါသကို မထိန်းနိုင်ဘဲ ခံစားချက်နောက်လိုက်ပြီး ပေါက်ကွဲလွယ်သူ ဖြစ်နေတယ်။ တာဝန်တစ်ခု ထမ်းဆောင်နေတုန်း လွဲချော်မှုတစ်ခု ဖြစ်ခဲ့ပြီး အဲဒီကနေ သူတို့နှစ်ယောက် လမ်းခွဲသွားကြပါတယ်။ ဗစ်ကရမ်ကလည်း ဒုစရိုက်လောကကို အမြစ်ပြတ်ရှင်းပစ်ဖို့ ဆုံးဖြတ်လိုက်တယ်။ အဲဒီဆုံးဖြတ်ချက်ကို အကောင်အထည်ဖော်နေချိန်မှာပဲ သူ့မိသားစု အန္တရာယ်နဲ့ကြုံလာပြီး အသက်အန္တရာယ် ခြိမ်းခြောက်ခံရတော့တာပါ။

ရစ်ဂ်စ်က အမြင်မတော်တာတွေ့ရင် ကိုယ့်ကိစ္စဟုတ်ဟုတ် မဟုတ်ဟုတ် ဝင်ပါတတ်သူပါ။ တတိယပိုင်းမှာလည်း ဘယ်သူ့စကားကိုမှ နားမထောင်ဘဲ စွန့်စားရင်း ပြဿနာတွေထဲ ဝင်မိနေတုန်းပဲ။ သူ့တွဲဖက် ဆာဂျင်မာတော့ဖ်ကတော့ ပင်စင်ယူဖို့ ရှစ်ရက်ပဲ ကျန်တော့ပေမယ့် ရစ်ဂ်စ်ကြောင့် အေးအေးဆေးဆေး မနေရဘဲ ပြေးလွှားပစ်ခတ်နေရဆဲ ဖြစ်ပါတယ်။ ရဲဘက်သုံး အမာခံသံချပ်ကာကားတစ်စီး အခိုးခံရတာကို သူတို့နှစ်ယောက် ဝင်တားကြရာက လက်နက်မှောင်ခိုလုပ်နေတဲ့ ဂိုဏ်းတစ်ခုနဲ့ ထိပ်တိုက်တွေ့သွားတယ်။ ပင်စင်ယူရက် နီးလာတဲ့ မာတော့ဖ်လည်း တွဲဖက်ဖြစ်သူနဲ့အတူ နောက်ထပ်အရှုပ်အရှင်းတွေထဲ ပါသွားတော့တာပါ။

Bruce Willis သရုပ်ဆောင်ထားတဲ့ အက်ဟာ အသွင်ယူပြီး လျှို့ဝှက်စုံစမ်းနေတုန်း ပြဿနာတက်ခဲ့လို့ ရာထူးချခံထားရတဲ့ FBI အေးဂျင့်တစ်ယောက်ပါ။ တစ်ဖက်မှာတော့ အော်တစ်ဇင်ရှိတဲ့ ဆိုင်မွန်ဆိုတဲ့ ကလေးတစ်ယောက်က မာကျူရီလို့ခေါ်တဲ့ လျှို့ဝှက်ကုဒ်ကို မတော်တဆ ဖော်ထုတ်မိသွားပါတယ်။ အဲဒီကစပြီး ဆိုင်မွန်ရဲ့အသက်ပါ အန္တရာယ်ရှိလာတော့တယ်။ ဆိုင်မွန်နဲ့ အက်တို့ တွေ့ဆုံကြတဲ့အခါ ဘာတွေဖြစ်လာမလဲ။ ကုဒ်ဖော်မိတဲ့ ကလေးတစ်ယောက်ကို ဘာကြောင့် ဒီလောက်အသည်းအသန် သတ်ချင်နေကြတာလဲ၊ ဆိုင်မွန်ကရော အန္တရာယ်တွေကြားကနေ အသက်ရှင်လွတ်မြောက်နိုင်ပါ့မလားဆိုတဲ့ မေးခွန်းတွေနဲ့ ဇာတ်လမ်းဆက်သွားပါတယ်။

Gotham မြို့ကို ကာကွယ်ပေးနေတဲ့ Batman က ဒီတစ်ခါမှာတော့ Joker နဲ့ ရင်ဆိုင်ရပါတယ်။ Joker က ငွေကြေးနဲ့ အာဏာရဖို့ ကြိုးစားနေတဲ့ ရန်သူမျိုး မဟုတ်ဘူး။ လူတွေကို ဒုက္ခပေးပြီး မြို့တစ်မြို့လုံး ပျက်စီးရှုပ်ထွေးသွားတာကိုပဲ လိုချင်နေသူပါ။ သူ့ကိုတားဖို့ဆိုတာ Batman အနေနဲ့ ပုံမှန်လုပ်နေကျနည်းတွေနဲ့ မလုံလောက်တော့ပါဘူး။ Joker ရဲ့ အကြံတွေကို ဖော်ထုတ်ဖို့ ကြိုးစားရင်း Batman ရဲ့ စုံထောက်ဉာဏ်နဲ့ တိုက်ခိုက်နိုင်စွမ်း နှစ်မျိုးစလုံးကို မြင်ရမှာပါ။ Heath Ledger သရုပ်ဆောင်ထားတဲ့ Joker က ဘာလိုချင်တာလဲဆိုပြီး ခန့်မှန်းရခက်နေတာက ဇာတ်လမ်းကို ပိုတင်းကျပ်စေတယ်။ Christian Bale ရဲ့ Batman နဲ့ သူတို့နှစ်ယောက် ရင်ဆိုင်ကြပုံကို Christopher Nolan က မှုခင်းနဲ့ အက်ရှင်ဇာတ်လမ်းအဖြစ် ချိတ်ဆက်ထားတာဖြစ်လို့ တိုက်ခိုက်ခန်းတွေကြည့်ရသလို ဘယ်သူက ဘယ်လိုအကွက်ရွှေ့မလဲဆိုတာကိုလည်း စောင့်ကြည့်ရပါတယ်။

နော်ဝေးမှာ တောင်တွေထဲ ရထားလမ်းဖောက်ဖို့ ဥမင်တူးနေကြရင်း ဘီလူးကြီးတစ်ကောင် နိုးထလာပါတယ်။ လက်ရှိခေတ်မှာ ပေါ်လာတဲ့ ဒီဘီလူးကို ရင်ဆိုင်နိုင်ဖို့ သူ့နောက်ကြောင်းနဲ့ တိုက်ခိုက်နိုင်မယ့် နည်းလမ်းတွေကို လေ့လာရှာဖွေကြရတာပါ။ နော်ဝေးပုံပြင်တွေထဲက ဘီလူးကို အခြေခံထားတဲ့ စိတ်ကူးယဉ် အက်ရှင်စွန့်စားခန်းရုပ်ရှင်ဖြစ်ပါတယ်။ အဲဒီပုံပြင်တွေထဲမှာ ခရစ်ယာန်သာသနာ စတင်ပြန့်ပွားလာချိန် လူတွေနဲ့ ဘီလူးတွေ တိုက်ပွဲဖြစ်ပြီး ဘီလူးတွေ မျိုးတုံးသွားခဲ့တယ်လို့ ဆိုကြတယ်။ ဘီလူးတွေက ခရစ်ယာန်တွေကို မုန်းတယ်၊ ဘုရားကျောင်းတွေကို ကျောက်တုံးကြီးတွေနဲ့ ပစ်ပေါက်တယ်၊ နေရောင်ထိရင် ကျောက်ဖြစ်ပြီး သေဆုံးသွားတယ်ဆိုတဲ့ အကြောင်းတွေလည်း ပါရှိပါတယ်။ ရုပ်ရှင်ထဲမှာတော့ ဒဏ္ဍာရီထဲက ဘီလူးကြီးတစ်ကောင်နဲ့ လူတွေ လက်တွေ့ရင်ဆိုင်ရတဲ့အခါ ဘယ်လိုတုံ့ပြန်ကြမလဲဆိုတာကို ပြထားတယ်။

ဖခင်ရဲ့ဆန္ဒကို ဖြည့်ဆည်းချင်တဲ့ လူငယ်တစ်ယောက်ဟာ မိခင်ရဲ့လမ်းညွှန်မှုနဲ့ ရိုးရိုးသားသား ကြိုးစားရင်း ဆေးပညာဘွဲ့ ရလာပါတယ်။ အဲဒီနောက် ကူအာနိုးဆေးရုံမှာ အလုပ်သင်ဆင်းဖို့ ဟိုင်ဒရာဘတ်ကနေ ကူအာနိုးကို ပြောင်းလာတယ်။ အဲဒီမှာ FM တစ်ခုမှာ အလုပ်လုပ်နေတဲ့ မိတဆိုးမိန်းကလေးတစ်ယောက်နဲ့ တိုက်ခန်းတစ်ခုမှာ ဆုံဖြစ်ကြပါတယ်။ သူမက ကိုယ်ကြုံခဲ့ရတဲ့ အဖြစ်အပျက်တွေကို ဇာတ်လမ်းဆင်ပြီး ထုတ်လွှင့်တတ်သူဖြစ်လို့ မဟာလက်ရှ်မီးရဲ့ ဝီစီသံလို့ အမည်တွင်နေသူပါ။ ဆရာဝန်လေးကတော့ ရန်သူဖြစ်နေရင်တောင် လူနာကို ကုသပေးရမယ်ဆိုတဲ့ ကျင့်ဝတ်ကို လက်ကိုင်ထားသူဖြစ်ပါတယ်။ အဲဒီခံယူချက်အတိုင်း ကုသပေးနေရာက ကူအာနိုးမြို့မှာ ဩဇာရှိတဲ့ ဂုရုဆိုသူနဲ့ ဆုံလာတဲ့အခါ သူ့ဘဝမှာ ဘယ်လိုအပြောင်းအလဲတွေ ဖြစ်လာမလဲဆိုတာ ဆက်တွေ့ရမှာပါ။ Modern Love Hyderabad ထဲက အက်ဒ်ဟီနဲ့ Uppena ထဲက ကာရီသီတို့ ပါဝင်ထားတဲ့ အက်ရှင်မှုခင်းဇာတ်ကားဖြစ်ပြီး ကြမ်းတမ်းတဲ့ တိုက်ခိုက်ခန်းနဲ့ သတ်ဖြတ်ခန်းတွေ ပါဝင်ပါတယ်။

စွမ်းရည်ချင်း မတူညီတဲ့ ကမ္ဘာများစွာရဲ့ အလယ်ဗဟိုမှာ ကမ္ဘာအားလုံးကို ထိန်းထားပေးတဲ့ ထောက်တိုင်ကြီးတစ်ခု ရှိပါတယ်။ အဲဒီထောက်တိုင် မရှိတော့ရင် ကမ္ဘာတွေဟာ အမှောင်ကျပြီး မီးလောင်ပျက်စီးကုန်မှာပါ။ ဝေါ်တာဆိုတဲ့ မကောင်းဆိုးဝါးနဲ့ အရေခွံခြုံသူတွေကတော့ ထောက်တိုင်ကို ဖျက်ဆီးဖို့ ကြံစည်နေကြတယ်။ စိတ်ထားသန့်စင်တဲ့ ကလေးတွေကို ဖမ်းဆီးပြီး သူတို့ဆီက စိတ်စွမ်းအင်ကို ထုတ်ယူကာ ထောက်တိုင် တဖြည်းဖြည်း အားနည်းလာအောင် တိုက်ခိုက်နေကြပါတယ်။ တစ်နေ့မှာ စိတ်စွမ်းအင် အလွန်မြင့်တဲ့ ဂျိတ်ချန်ဘာကို အရေခွံခြုံသူတွေ ရှာတွေ့သွားတယ်။ သူတို့ ဖမ်းဖို့ရောက်လာချိန်မှာ ကြိုတင်အကြားအမြင်ရထားတဲ့ ဂျိတ်က ထွက်ပြေးပြီး ထောက်တိုင်ကို ကာကွယ်သူ သေနတ်သမားကို လိုက်ရှာပါတယ်။ အဲဒီသေနတ်သမား ရိုလန်ကလည်း သူ့အဖေကို သတ်သွားတဲ့ ဝေါ်တာကို လက်စားချေဖို့ လိုက်ရှာနေတာပါ။ ဂျိတ်နဲ့ တွေ့ဆုံပြီးနောက် ရိုလန်ဟာ ဝေါ်တာကို ရှာဖို့ ဂျိတ်ရဲ့ စိတ်စွမ်းအင်အကူအညီကို ယူလိုက်တယ်။ ဝေါ်တာ ကြောက်ရတဲ့ နောက်ဆုံးမျိုးဆက် သေနတ်သမားနဲ့ ဝေါ်တာကိုယ်တိုင် ဖမ်းချင်နေတဲ့ ကလေးတို့ဟာ ဒီလိုနဲ့ အတူပူးပေါင်းမိကြပါတယ်။ Stephen King ရဲ့ ဝတ္ထုကို အခြေခံပြီး ဒါရိုက်တာ Nikolaj Arcel ရိုက်ကူးထားတဲ့ စိတ်ကူးယဉ် အက်ရှင်စွန့်စားခန်းရုပ်ရှင်ဖြစ်ကာ ကြာချိန် တစ်နာရီခွဲကျော် ရှိပါတယ်။

စူပါမန်းရဲ့ခွေး ခရစ်ပတိုနဲ့ သူ့သူငယ်ချင်း အေ့စ်တို့ကို အဓိကထားပြီး DC စူပါဟီးရိုးတွေရဲ့ အိမ်မွေးတိရစ္ဆာန်လေးတွေအကြောင်း ရိုက်ကူးထားတဲ့ အန်နီမေးရှင်းပါ။ ခရစ်ပတိုအဖြစ် The Rock၊ အေ့စ်အဖြစ် ကယ်ဗင်ဟာ့တို့က အသံသရုပ်ဆောင်ထားကြပြီး ဘတ်မန်းနေရာမှာ ကီရာနူးရိဗ်၊ စူပါမန်းနေရာမှာ ဂျွန်ကရာဆင်းစကီးတို့ ပါဝင်ထားပါတယ်။ တိရစ္ဆာန်လေးတွေရဲ့ စွန့်စားခန်းတွေကို အက်ရှင်နဲ့ ဟာသရောစပ်ပြီး မိသားစုအတူ ကြည့်နိုင်တဲ့ပုံစံနဲ့ တင်ဆက်ထားတာပါ။ လက်စ်လူသာရဲ့ စမ်းသပ်ခန်းကနေ လွတ်လာတဲ့ လူလူဆိုတဲ့ ပူးလေးဟာ စူပါစွမ်းအားတွေ ရသွားပြီး ဂျက်စတစ်လိဂ်တစ်ဖွဲ့လုံးကို ဖမ်းထားလိုက်တယ်။ လူလူက လက်စ်လူသာကို ကယ်တင်ပြီး ကမ္ဘာကြီးကို အုပ်စိုးဖို့အထိ ကြံစည်နေတာပါ။ ဒီအခါ ခရစ်ပတိုတို့ စူပါတိရစ္ဆာန်အဖွဲ့က ပူးပေါင်းပြီး ဖမ်းဆီးခံထားရသူတွေကို ဘယ်လိုကယ်တင်ကြမလဲဆိုတာ ဆက်ကြည့်ရမှာဖြစ်ပါတယ်။

အာရှေးကူမာ သရုပ်ဆောင်ထားတဲ့ အာရန်ဟာ ဘာသာတရားနဲ့ ဘုရားကို အယုံအကြည်မရှိတဲ့ ရှေးဟောင်းသုတေသနပညာရှင်တစ်ယောက်ပါ။ အချက်အလက်ရှိပြီး သက်သေပြနိုင်တဲ့အရာကိုပဲ ယုံတတ်သူဖြစ်ပါတယ်။ အရှင်ရာမကို ကိုးကွယ်ယုံကြည်သူတွေကတော့ ရမ်ဆက်တူတံတားကို အရှင်ရာမ တည်ဆောက်ခဲ့တာလို့ ယုံကြည်ထားကြတယ်။ အစိုးရဘက်က ကုန်သွယ်ရေးကိစ္စတစ်ခုအတွက် အဲဒီတံတားကို ဖြိုချဖို့ စီစဉ်လာတဲ့အခါ ပြည်သူတွေက ကန့်ကွက်ဆူပူလာကြပါတယ်။ ဒီအခြေအနေမှာ ရမ်ဆက်တူဟာ လူဖန်တီးထားတဲ့တံတားမဟုတ်ဘဲ သဘာဝအလျောက် ဖြစ်တည်လာတာဖြစ်ကြောင်း သက်သေပြဖို့ အာရန်ကို တာဝန်ပေးလာတယ်။ တံတားကို ထိန်းသိမ်းချင်တဲ့ ပြည်သူတွေရဲ့ ယုံကြည်မှု၊ အစိုးရရဲ့ စီးပွားရေးရည်ရွယ်ချက်နဲ့ အာရန် ရှာဖွေဖော်ထုတ်ရမယ့် အထောက်အထားတွေကြားမှာ အငြင်းပွားမှုတွေ ဖြစ်လာပါတော့တယ်။

ဘရုစ်ဟာ အိမ်ထဲမှာပဲ နေလာတာ ရှစ်နှစ်ရှိပြီဖြစ်သလို Batman လည်း Gotham မြို့ကနေ ပျောက်ကွယ်နေပါတယ်။ Harvey Dent ကျူးလွန်ခဲ့တဲ့ လူသတ်မှုတွေကို Batman လုပ်ခဲ့တယ်လို့ လူတွေက ယုံကြည်နေကြဆဲပါ။ Dent ကို အကြောင်းပြုပေါ်လာတဲ့ ဥပဒေကြောင့် ဂိုဏ်းဖွဲ့ကျူးလွန်တဲ့ ရာဇဝတ်မှုတွေ ပပျောက်နေချိန်မှာပဲ Gotham ကို ခြိမ်းခြောက်မယ့် ရန်သူသစ်က လှုပ်ရှားနေပြီဖြစ်ပါတယ်။ Bane က CIA ထိန်းသိမ်းထားတဲ့ နျူကလီးယားရူပဗေဒပညာရှင်တစ်ယောက်ကို ဖမ်းခေါ်သွားတယ်။ တစ်ဖက်မှာလည်း ဘရုစ်ရဲ့အိမ်မှာ Harvey Dent အမှတ်တရပွဲ ကျင်းပနေတုန်း Selina Kyle က ခိုးဝင်ပြီး ဘရုစ်အမေရဲ့ လည်ဆွဲကို ယူသွားပါတယ်။ ဒါပေမယ့် သူ့ရဲ့ တကယ့်ပစ်မှတ်က လည်ဆွဲထက် ဘရုစ်ရဲ့ လက်ဗွေဖြစ်နေကြောင်း ဘရုစ်က ရိပ်မိပြီး စုံစမ်းလာတယ်။ လက်ဗွေကို ရသွားတဲ့ Selina ဟာ ပွဲတက်လာတဲ့ လွှတ်တော်အမတ်တစ်ယောက်ကိုပါ ပြန်ပေးဆွဲပြီး သူ့ကို လက်ဗွေခိုးခိုင်းသူနဲ့ တွေ့ဖို့ ခေါ်သွားပါတယ်။ ဒီကိစ္စကို လိုက်စုံစမ်းတဲ့ Gordon က အဖမ်းခံရပြီး Bane နဲ့ ရင်ဆိုင်တွေ့ရတယ်။ Bane ဟာ Gotham မြို့ရဲ့ မြေအောက်ရေမြောင်းတွေထဲမှာ တပ်စွဲထားတာပါ။ Gordon က လွတ်အောင် ထွက်ပြေးနိုင်ခဲ့ပြီး ရဲအရာရှိ John Blake က သူ့ကို တွေ့သွားကာ ဆေးရုံပို့ပေးခဲ့ပါတယ်။ Alfred ကလည်း Bane နဲ့ပတ်သက်တဲ့ အကြောင်းတွေကို ဘရုစ်ဆီ ပြောပြလာတယ်။ Bane ဟာ ဘရုစ်ကို အရင်က ပညာသင်ပေးခဲ့တဲ့ Ra's Al Ghul ရဲ့ တပည့်ဖြစ်ပြီး သူ့ရည်ရွယ်ချက်က Gotham ကို

သူများကို သတ်မလား၊ ကိုယ်က အသတ်ခံမလားဆိုတဲ့ အတွေးနဲ့ ဘဝကို ဖြတ်သန်းလာတဲ့ မာဖီးယားတစ်ယောက်ဟာ ချစ်ရသူနဲ့ ဆုံပြီးနောက် သူ့ဘဝကို ပြောင်းလဲလိုက်ပါတယ်။ သမီးလေးတစ်ယောက်လည်း ရလာပြီး မိသားစုနဲ့အတူ ပျော်ပျော်ရွှင်ရွှင် နေနေခဲ့တယ်။ ဒါပေမယ့် အတိတ်က လုပ်ရပ်တွေကြောင့် မာဖီးယားဂိုဏ်းတစ်ခုက သူ့ကို ကလဲ့စားချေဖို့ ရောက်လာပြီး မိသားစုကို ရက်ရက်စက်စက် သတ်ဖြတ်လိုက်ပါတယ်။ သမီးဖြစ်သူ ဆိုဖီယာကတော့ အသက်မသေဘဲ လွတ်မြောက်ခဲ့တယ်။ အဲဒီနောက် သူတို့သားအဖနှစ်ယောက်က မိသားစုကို သတ်သွားသူတွေဆီက သွေးကြွေးပြန်တောင်းဖို့ ပြင်ဆင်လာကြပါတယ်။ Netflix ရဲ့ My Name Is Vendetta က သွေးထွက်သံယို အက်ရှင်ခန်းတွေနဲ့အတူ သားအဖနှစ်ယောက်ကြားက သံယောဇဉ်နဲ့ ချစ်ရသူတွေကို ဆုံးရှုံးလိုက်ရတဲ့ နာကျည်းမှုကို တွဲဖော်ပြထားတဲ့ မှုခင်းအက်ရှင်ဇာတ်ကားပါ။

လပ်ကီးဆင်းဟာ တိုက်ခန်းအရောင်းအဝယ်ကိစ္စတစ်ခုအတွက် နိုင်ငံခြားကနေ အိန္ဒိယကို ပြန်လာသူပါ။ သူ့ကို လေဆိပ်မှာ သွားကြိုရတာက တက္ကစီဝန်ဆောင်မှုလုပ်ငန်းမှာ ဒရိုင်ဘာလုပ်နေတဲ့ ဘာမီနီဖြစ်ပါတယ်။ ခရီးတစ်လျှောက် လပ်ကီးဆင်းက စကားတွေ မပြတ်ပြောပြီး ပျော်ပျော်ရွှင်ရွှင် နေတတ်သူတစ်ယောက်လို ပြုမူနေတယ်။ ဘာမီနီအပေါ်လည်း ခင်မင်နှစ်သက်ပုံပြလို့ အပြင်ပန်းကြည့်ရင် စကားရွှင်တဲ့ ကိုလူပျော်တစ်ယောက်လို့ပဲ ထင်ရပါတယ်။ အဲဒီလိုနဲ့ ဘာမီနီတို့ လင်မယားရဲ့ မင်္ဂလာနှစ်ပတ်လည်ပွဲကို သူလည်း လာမယ်ဆိုပြီး မရမက ပြောလာတယ်။ ပွဲကို ရောက်လာချိန်မှာတော့ ဘယ်လိုမှ မမျှော်လင့်ထားတဲ့ လုပ်ရပ်တစ်ခုကို လုပ်လိုက်ပါတယ်။ သူ ဘာလုပ်လိုက်တာလဲ၊ ဘာကြောင့် ဒီလိုလုပ်တာလဲ၊ ဘာမီနီကို ချဉ်းကပ်လာကတည်းက ဘယ်လိုအကြံအစည်တွေ ရှိနေတာလဲဆိုတဲ့ မေးခွန်းတွေ ပေါ်လာတော့တာပါ။ Malayalam မှုခင်းဇာတ်ကား Monster မှာ လပ်ကီးဆင်းအဖြစ် Mohanlal က သရုပ်ဆောင်ထားပါတယ်။

နဂါးတွေနဲ့ လူတွေ အဆင်ပြေပြေနေနိုင်သွားတဲ့နောက် Berk ရွာလေးက နဂါးတွေရဲ့ လုပ်အားအကူအညီနဲ့ ပိုတိုးတက်လာပြီး နဂါးပြိုင်ပွဲတွေတောင် ကျင်းပနေပါပြီ။ Hiccup ကတော့ သူ့နဂါးလေး Toothless နဲ့အတူ နယ်မြေသစ်တွေ လိုက်ရှာရင်း နေနေတယ်။ အသက်အရွယ်ရလာတဲ့ ဖခင် Stoick က သူ့ကို ရွာသူကြီးတာဝန် လွှဲပေးချင်ပေမယ့် Hiccup က ကိုယ့်ကိုယ်ကိုယ် ယုံကြည်မှုမရှိသေးတဲ့အတွက် ဒီတာဝန်ကို လက်ခံဖို့ ခက်နေပါတယ်။ တစ်နေ့မှာ Hiccup နဲ့ Astrid တို့ နယ်မြေတွေ လိုက်လေ့လာရင်း အစိမ်းရောင် ရေခဲတုံးကြီးတစ်ခုကို တွေ့သွားကြတယ်။ အဲဒီမှာပဲ Eret ဆိုတဲ့ နဂါးမုဆိုးက သူတို့ရဲ့ နဂါးတွေကို ဖမ်းဖို့ ကြိုးစားလာပါတယ်။ သူ့ရွာပျက်စီးသွားတဲ့အတွက် နဂါးတွေကို မနှစ်သက်တဲ့ Eret ဟာ Drago Bludvist ဆိုသူအတွက် နဂါးတွေ လိုက်ဖမ်းပေးနေတာပါ။ Hiccup နဲ့ Astrid တို့လည်း ဒီအကြောင်းကို အသိပေးဖို့ Berk ကို ပြန်လာခဲ့ကြတယ်။ သတင်းကြားတာနဲ့ Stoick က တစ်ရွာလုံးကို တပ်လှန့်လိုက်ပါတယ်။ သူက Drago နဲ့ အရင်က ရင်ဆိုင်ဖူးပြီး ရွာကို နဂါးတွေနဲ့ မီးရှို့ဖို့ ကြိုးစားခဲ့သူအဖြစ် သိထားတယ်။ Hiccup ကတော့ ဖခင်ရဲ့အမြင်ကို လက်မခံဘဲ Drago ကို စကားပြောဖြောင်းဖြနိုင်မယ်လို့ ယုံကြည်နေပါတယ်။ ဒါကြောင့် Eret ဆီမှာ ကိုယ့်သဘောနဲ့ကိုယ် သွားအဖမ်းခံပေမယ့် Eret က သူ့ကို မထိန်းထားနိုင်ခဲ့ဘူး။ အဲဒီနောက် Hiccup နဲ့ Astrid တို့ဟာ Valka ဆိုတဲ့ နဂါးစီးသူတစ်ယောက်ရဲ့ ဖမ်းဆီးတာကို ခံလိုက်ရပါတယ်။ Valka က တခ

ထိုင်းနိုင်ငံက ဂူတစ်ခုထဲမှာ ဘောလုံးအသင်းက ကလေး ၁၂ ယောက်နဲ့ နည်းပြတစ်ယောက် ပိတ်မိသွားကြပါတယ်။ ကယ်ဆယ်ရေးသမားတွေ သူတို့ဆီ ရောက်လာတဲ့အထိ ခက်ခဲတဲ့အခြေအနေမှာ အသက်ရှင်အောင် နေကြရသလို ဂူအပြင်ဘက်မှာလည်း မိဘတွေက သားသမီးတွေအတွက် ပူပန်စွာ စောင့်ဆိုင်းနေကြရတယ်။ Thirteen Lives က ဒီဖြစ်ရပ်ကို ပြန်လည်သရုပ်ဖော်ထားတဲ့ ရုပ်ရှင်ပါ။ ကလေးတွေဆီ ရောက်အောင်သွားဖို့၊ သူတို့ကို ပြန်ခေါ်ထုတ်နိုင်ဖို့ ကြိုးစားကြရာမှာ ကယ်ဆယ်ရေးသမားတွေအပြင် ဒေသခံလယ်သမားတွေကနေ နိုင်ငံခြားက လာကူညီသူတွေအထိ ပါဝင်ခဲ့ကြပါတယ်။ ဇာတ်ကားက အဲဒီလူတွေရဲ့ အားထုတ်မှုတွေနဲ့အတူ ကယ်ဆယ်သူတွေ ခံစားနေရတဲ့ စိတ်ဖိစီးမှုကိုလည်း အလေးထားဖော်ပြထားတယ်။ မိဘတွေရဲ့ ပူပန်မှုကို ပြတဲ့နေရာမှာတော့ ဂူထဲပိတ်မိနေတဲ့ ကလေးတစ်ယောက်ရဲ့ မိခင်ဖြစ်သူ၊ ထိုင်းမှာနေထိုင်တဲ့ မြန်မာနိုင်ငံက ရှမ်းအမျိုးသမီးတစ်ယောက်ကို အဓိကထားပါတယ်။ ကယ်ဆယ်ရေးလုပ်ငန်းစဉ်တစ်ခုတည်းကို ပြထားတာတော့ မဟုတ်ပါဘူး။ ဒေသခံတွေရဲ့ နတ်နဲ့ပတ်သက်တဲ့ ယုံကြည်မှု၊ ကလေးတွေအတွက် ဆုတောင်းပေးတာနဲ့ အဆောင်တွေ ထည့်ပေးတာတို့လည်း ပါဝင်တယ်။ အဲဒီအပေါ် အင်္ဂလိပ်ကယ်ဆယ်ရေးသမားတွေရဲ့ တုံ့ပြန်ပုံကိုပါ တွဲပြထားတဲ့အတွက် အခြေအနေတစ်ခုကို ယဉ်ကျေးမှုမတူတဲ့ လူတွေ ဘယ်လိုလက်ခံကြသလဲဆိုတာကို တွေ့ရပါတယ်။ ဒါရိုက်တာက A Beautiful Mind ကို ရိုက်ကူးခဲ့တဲ့ Ron Howard ဖြစ်ပြီး Colin Farrell၊ Joel Edgerton နဲ့ Viggo Mortensen တို့ ပါဝင်ထားပါတယ်။ Lo

ကော့ထ်ဂျန်ထရီဟာ လူသတ်မှုနဲ့ နှစ်ရှည်ထောင်ဒဏ်ကျနေသူပါ။ တစ်နေ့မှာ စီအိုင်အေရဲ့ လျှို့ဝှက်တရားမဝင် စစ်ဆင်ရေးတွေမှာ အလုပ်လုပ်ပေးဖို့ အပေးအယူရပြီး ထောင်က လွတ်လာခဲ့တယ်။ အဲဒီနောက် အေးဂျင့်လောကမှာ Six ဆိုတဲ့နာမည်နဲ့ လူသိများလာပါတယ်။ တစ်ရက်မှာတော့ သူလုပ်ကြံရတဲ့ ပစ်မှတ်ဆီက မရသင့်တဲ့အချက်အလက်တွေ ရသွားခဲ့တယ်။ အဲဒီအခါ ကိုယ့်အဖွဲ့အစည်းကပါ သူ့ကို ပြန်လိုက်သတ်လာလို့ ထွက်ပြေးရတော့တာပါ။ သူ့နောက်ကို တရားမဝင် လိုက်သတ်ဖို့ အေဂျင်စီက ငှားလိုက်သူက နာမည်ဆိုးနဲ့ကျော်ကြားတဲ့ ကြေးစား လွိုက်ဟန်ဆန် ဖြစ်ပါတယ်။ Six အဖြစ် ရိုင်ယန်ဂို့စလင်းနဲ့ လွိုက်ဟန်ဆန်အဖြစ် ခရစ်စ် အီဗန်တို့ သရုပ်ဆောင်ထားပြီး နှစ်ယောက်ကြား အပြန်အလှန် လိုက်လံတိုက်ခိုက်ကြတဲ့ အက်ရှင်ဇာတ်လမ်းပါ။ နက်ဖလစ်ရဲ့ ဒီရုပ်ရှင်ကို ရက်ဆိုညီအစ်ကိုက ရိုက်ကူးထားပြီး အဗန်ဂျာဇာတ်ကားတွေရဲ့ ဇာတ်ညွှန်းဆရာတွေက ရေးသားထားပါတယ်။ အန်နာ ဒီအာမက်စ်၊ ဂျက်ဆီကာဟန်းဝစ်နဲ့ တမီးလ်သရုပ်ဆောင် Dhanush တို့လည်း ပါဝင်ထားပါတယ်။

ဗြိတိသျှကိုလိုနီအစိုးရက အိန္ဒိယကို သိမ်းပိုက်ထားတဲ့ကာလမှာ ရှမ်ရှေရားဆိုတဲ့ ခေါင်းဆောင် ဦးဆောင်တဲ့ ဓားပြအဖွဲ့တစ်ဖွဲ့ တောအုပ်ကြီးထဲမှာ ကျက်စားနေပါတယ်။ အာဏာရှိသူတွေကို မျက်နှာချိုသွေးတဲ့ အထက်တန်းလွှာတွေက ဇာတ်နိမ့်လို့ သတ်မှတ်ခံရသူတွေကို အပြင်းအထန် နှိမ်ကြတဲ့ခေတ်ပါ။ ရှမ်ရှေရားတို့က အဲဒီအထက်တန်းလွှာတွေဆီက လုယက်ပြီး ဆင်းရဲသားတွေကို ပြန်ဝေငှပေးကြတယ်။ ဒီလိုနဲ့ ရှမ်ရှေရားတို့အဖွဲ့ဟာ ဗြိတိသျှအစိုးရနဲ့ အပေးအယူလုပ်ပြီး လွတ်လပ်ခွင့်ရနိုင်တော့မယ့် အခြေအနေကို ရောက်လာပါတယ်။ ဇာတ်လမ်းက နှိပ်စက်ညှဉ်းပန်းခံရတဲ့ လူတစ်စု အင်အားကြီးအင်ပါယာကို တွန်းလှန်တဲ့အကြောင်းနဲ့ ခေါင်းဆောင်ကောင်းတွေရဲ့ စိတ်ထားကို အခြေခံထားတဲ့ အက်ရှင်၊ စွန့်စားခန်းနဲ့ ဒရာမာ ရုပ်ရှင်ပါ။ ရန်ဘီးကပူး ပါဝင်သရုပ်ဆောင်ထားပါတယ်။