ရုပ်ရှင်အသစ်များ

ဂျနီဖာလိုးပက်ဇ်တို့ ရှမ်းကြီး(Shang-Chi) မင်းသား Simu Liu တို့ Kingsman ရုပ်ရှင်ဇာတ်ကားနဲ့လူသိများကြတဲ့ဇာတ်ပို့ကြီး Mark Strong တို့အပြင်တခြားသောနာမည်ကြီးသရုပ်ဆောင်ပေါင်းများစွာပါဝင်သရုပ်ဆောင်ထားတဲ့စိတ်ကူးယဉ်သိပ္ပံအာသာကရုပ်ရှင်တစ်ကားကိုတင်ဆက်ပေးလိုက်ပါတယ်။ဇာတ်ကားနာမည်ကတော့ Atlas ဖြစ်ပြီး IMDb Rating 5.6 ရရှိထားပါတယ်။အခုခေတ်မှာ AI တွေကအလွန်တိုးတက်လာတဲ့အတွက်အရမ်းလဲအသုံးတည့်သလို AI တွေကိုကြောက်နေကြတဲ့လူတွေကတော့ရှိတုန်းပါပဲ။ဒီဇာတ်ကားထဲမှာ AI ကိုလူသားပုံစံဖြစ်အောင်ဖန်တီးနိုင်တဲ့အဆင့်တွေတောင်ရောက်နေပြီးနည်းပညာအရမ်းတိုးတက်နေတဲ့အချိန်ကာလတစ်ခုကိုရောက်နေပါပြီ။ဒါပေမယ့်လူတော်တော်များများကြောက်နေကြတဲ့အတိုင်း AI လူသားတွေထဲကဟာလန်ဆိုတဲ့တစ်ယောက်ကအရမ်းတိုးတက်လွန်ပြီးလူသားတွေကိုသတ်ဖြတ် မျိုးတုန်းအောင်အမြစ်ဖြတ်ဖို့လုပ်ပါတော့တယ်။ဒါပေမယ့်အဲ့တုန်းကသူတိုးတက်စအချိန်ဖြစ်နေတဲ့အတွက်ရှုံးနိမ့်ပြီးတခြားဂြိုလ်ကိုထွက်ပြေးခဲ့ပါတော့တယ်။အဲ့ဒီနောက်ပိုင်းမှာတော့ဟာလန်ကသူ့ကိုယ်သူအင်အားကြီးအောင်ကြိုးစားခဲ့ပြီး AI တွေကိုအသုံးချကာစစ်တပ်တွေဖန်တီးပြီးလူသားတွေနဲ့မကျေပွဲပြန်နွှဲဖို့လုပ်လာတဲ့အခါမှာတော့ ဟာလန်ရှိရာဂြိုလ်ကိုသွားပြီးတစ်ခါတည်းနဲ့အမြစ်ဖြတ်ဖို့ကြိုးစားပုံတွေနဲ့ လူသားတွေနဲ့ AI တွေကတကယ်ပေါင်းစပ်နေနိုင်သွားပါ့မလားဆိုတာကိုအမြင်တစ်မျိုးနဲ့စိတ်ဝင်စားစရာကောင်းအောင်ရိုက်ကူးပြသထားတဲ့ဇာတ်ကားကောင်းတစ်ကားပဲဖြစ်ပါတယ်။ ဒီဇာတ်ကား

Maidaanဇာတ်ကားကတော့ 1956အိုလံပစ်ဘောလုံးပွဲနဲ့ ဂျာကာတာအာရှကစားပွဲမှာ အိန္ဒိယဘောလုံးအသင်းကို ရွှေတံဆိပ်ရအောင် ကြိုးစားပေးခဲ့တဲ့ ဘောလုံးနည်းပြရာဟင်လ်အကြောင်း ရိုက်ကူးထားတဲ့ ဖြစ်ရပ်မှန်အားကစားဇာတ်လမ်းတစ်ပုဒ်ဖြစ်ပါတယ်။ရာဟင်လ်ရဲ့ တစ်ခုတည်းသောဘ၀ရည်မှန်းချက်တစ်ခုက အိန္ဒိယအသင်း နိုင်ငံတကာပြိုင်ပွဲမှာ ရွှေတံဆိပ်ဆွတ်ခူးနိုင်ဖို့ပဲဖြစ်တယ်။ရာဟင်လ်တစ်ယောက် သူ့တစ်ဘ၀တစ်လျှောက်လုံး အိန္ဒိယအသင်းအတွက်ဘဲ မြုပ်နှံခဲ့ပေမဲ့ အသင်းရဲ့ရလဒ်ကောင်းတွေက မသိသာတာကြောင့် ကိုးနှစ်အကြာမှာ ရာဟင်လ်ကို နည်းပြနေရာကနေ ဘောလုံးအစည်းအရုံးက ဖြုတ်လိုက်ခဲ့တယ်။အဲ့အချိန်မှာဘဲ ရာဟင်လ်တစ်ယောက် သူ့မှာအဆုတ်ကင်ဆာရှိနေမှန်း သိသွားခဲ့တယ်။ရာဟင်လ်တစ်ယောက် အရာအားလုံးကို လက်လျှော့လိုက်မယ်လို့ တွေးလိုက်ချိန်မှာဘဲ သူမသေခင် အိန္ဒိယအသင်းကို ရွှေတံဆိပ်ရအောင် ကူညီပေးဖို့ ဆုံးဖြတ်လိုက်ခဲ့တယ်။ရာဟင်လ်တစ်ယောက် အိန္ဒိယအသင်းကို နိုင်ငံအဆင့်မှီဘောလုံးအသင်းတစ်သင်းဖြစ်အောင် ဘယ်လိုပျိုးထောင်ပေးမလဲဆိုတာ ကြည့်ရှူကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

ထောင်ပြောင်းရွှေ့တဲ့လမ်းမှာ ထွက်ပြေးလာတဲ့ ကွင်းဆက်လူသတ်သမား၂ယောက်နဲ့ အကြမ်းဖက်သမား ၁ယောက် ငြိမ်သက်အေးချမ်းတဲ့တောင်တန်းပေါ်က ရွာလေးတစ်ရွာမှာ နေထိုင်ကြတဲ့သက်ကြီးရွယ်အိုတွေ ရိုင်းစိုင်းယုတ်မာပြီး နှလုံးသားမဲ့တဲ့ အကျဉ်းသမား၃ယောက်ကြောင့် နေ့ချင်းညချင်း သွေးမြေခခဲ့ရတဲ့ရွာငယ်လေးမှာ အဲဒီည မိဘအိမ်ပြန်လာတဲ့မိန်းမငယ်လေး “ယူဂျင်း”၊ အဖော်လိုက်လာခဲ့တဲ့သူငယ်ချင်း”ဟယ်ဝန်း” နဲ့ အတိတ်က လူဆိုးဂိုဏ်းတစ်ခုကိုချေမှုန်းခဲ့ဖူးတဲ့ ဆေးမြစ်တူးသမားအဖိုးအိုတစ်ယောက်တို့ ရက်စက်ကြမ်းကြုတ်လှတဲ့လူသတ်သမား မုဒိမ်းသမားထောင်ပြေး ၃ယောက်နဲ့ ရင်ဆိုင်တွေ့ကြရတဲ့အခါမှာတော့…. ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thant Sin ဖြစ်ပါတယ်

အခု မိတ်ဆက်ပေးမယ့်ကားကတော့ အသားစားပြီး ထူးခြားတဲ့ မျိုးစိတ်ကွဲပင့်ကူကြီးနဲ့ မိသားစုတစ်စုရဲ့အသက်လုပွဲဖြစ်ပါတယ်။ ခြေလေးချောင်းထက်ပိုတဲ့ သတ္တဝါတွေနဲ့ သူငယ်ချင်းမလုပ်သင့်ဘူးဆိုတာလေးကို ပုံဖော်ထားတာပါ။ ဇာတ်လမ်းအကျဉ်း~ပထွေးဖြစ်သူအီသန်နဲ့ မိခင်ဟယ်သာတို့ နောက်အိမ်ထောင်ပြုပြီး မွေးကင်းကလေးလေးကို ဂရုစိုက်နေရတဲ့အတွက် သင်းကွဲလိုဖြစ်နေတဲ့ ရှားလက်...အီသန်က သူဆွဲတဲ့ကာတွန်းစာအုပ်တွေကတစ်ဆင့် ရှားလက်နဲ့ connect ဖို့ကြိုးစားပေမယ့် ဖအေရင်းကို မမေ့နိုင်တဲ့အပြင် အလုပ်များနေတဲ့ မိဘတွေကြောင့် အထီးကျန်နေတဲ့ရှားလက်က သူကောက်ရလာတဲ့ ပင့်ကူပေါက်လေးကို သူငယ်ချင်းအဖြစ် မွေးထားခဲ့ပါတယ်။ နာမည်ကိုတောင် စတင်းလို့ပေးထားပါသေးတယ် ဒါမဲ့ အဲ့ပင့်ကူလေးက ရက်ပိုင်းအတွင်း နှစ်ဆကြီးထွားလာပြီး သူတို့တိုက်ခန်းအဆောက်အအုံက အိမ်နီးချင်းတွေပါ တစ်ယောက်ပြီးတစ်ယောက်ပျောက်ကုန်တဲ့အခါမှာတော့ စတင်းရဲ့သရုပ်မှန်ကိုသိသွားပြီး မိသားစုကိုကယ်ဖို့ ကြိုးပမ်းရပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဘောလီးဝုဒ် အချိန်ခရီးသွားကားလေးနဲ့မိတ်ဆက်ပေးပါရစေ။ အာပူရ်ဗာဆိုတဲ့ကောင်လေးတစ်ယောက်ဟာ ပြဇာတ်မှာအချိန်ပိုင်းလုပ်ရင်း ချစ်ရသူနဲ့လည်း စိုပြေမှာအိုကေနေခဲ့ပါတယ်၊ တစ်ရက် အာပူရ်ဗာတစ်ယောက် နားနေခန်းထဲနားနေရင်း အဘိုးကြီးတစ်ယောက်ဟာ အာပူရ်ဗာဆီရောက်လာပြီး သေသွားတဲ့သူ့အဖေဟာ ရှင်နေသေးမှန်းလာပြောတယ်။ အာပူရ်ဗာ မယုံကြည်နိုင်ဖြစ်ပြီး ကိစ္စတွေကို မေ့ထားဖို့လုပ်နေခဲ့ပေမဲ့ အဲ့ပဘိုးကြီးဟာ အာပူရ်ဗာနောက်ကိုအမြဲလိုက်​နေတာကြေင့် အာပူရ်ဗာကိုခေါင်းစားစေခဲ့ပါတယ်၊ ဘာလို့ အဘိုးကြီးက အာပူရ်ဗာနောက်ကိုလိုက်နေတာလဲ၊ အာပူရ်ဗာနဲ့ဘယ်လိုပတ်သက်နေလဲ၊ အာပူရ်ဗာနောက်ပိုင်းဘာတွေဆက်ဖြစ်မလဲဆိုတာတော့ ဒီဇာတ်ကားလေးမှာကြည့်ရှုလိုက်ပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ စုဝင်းပြည့်ဖြစ်ပါတယ်

Romeo ဇာတ်ကားလေးမှာတော့ လီလာဟာ နာမည်ကြီးမင်းသမီးဖြစ်လာဖို့ အမြဲအိမ်မက်နေခဲ့ပေမဲ့ စည်းကမ်းတင်းကြပ်လွန်းတဲ့အဖေကြောင့် အလုပ်လုပ်တယ်လို့ လိမ်ပြောကာ ချန်နိုင်းမှာ မင်းသမီးဖြစ်ဖို့ ကြိုးစားနေခဲ့တယ်။တစ်နေ့မှာတော့ လီလာ မင်းသမီးလုပ်နေမှန်း အဖေဖြစ်သူက သိသွားပြီးတော့ အိမ်မှာပိတ်ထားပြီး ယောကျာ်းပေးစားဖို့ စီစဉ်လိုက်ပါတော့တယ်။အာရူလ်က အသက်၃၅နှစ်ရှိတာကြောင့် မိဘတွေက အိမ်ထောင်ပြုဖို့ အတင်းတိုက်တွန်းနေပေမဲ့ အချစ်စစ်ကိုရှာဖွေချင်သေးတာကြောင့် လာကမ်းလှမ်းသမျှ သတို့သမီးတိုင်းကို ငြင်းပယ်ခဲ့တယ်။ အာရူလ်တစ်ယောက် လီလာကို မြင်မြင်ချင်းချစ်မိသွားတဲ့အချိန်မှာတော့ လက်ထပ်ဖို့ကမ်းလှမ်းချိန်မှာ သဘောတူလိုက်တော့တယ်။ချစ်ရသူနဲ့လက်ထပ်လိုက်ရလို့ ပျော်ရွင်နေတဲ့ အာရူလ်ရဲ့အပျော်တွေကို လီလာဟာ ကွာရှင်းစာချုပ်တစ်စောင်နဲ့ ဖျက်စီးပစ်လိုက်ခဲ့တယ်။လီလာနဲ့မကွာရှင်းချင်တဲ့ အာရူလ်တစ်ယောက် လီလာသူ့ကိုချစ်လာအောင် ကြိုးစားရပါတော့တယ်။လက်ထပ်ပြီးမှ မိန်းမအချစ်ရအောင် ကြိုးစားနေတဲ့ အာရူလ်တစ်ယောက်ကို လီလာပြန်ချစ်လာပါ့မလားဆိုတာကို ကြည့်ရှုကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

ဆစ်ဒူဆိုတဲ့ကောင်လေးတစ်ယောက်ဟာ ဂိမ်းကုမ္ပဏီတစ်ခုမှာ အလုပ်လုပ်ရင်း ချစ်ရတဲ့သူ မော့ခ်ရှာ နဲ့ အသင့်အတင့်ဘဝကိုဖြတ်သန်းနေပါတယ်။ အနေအေးလှတဲ့ ဆစ်ဒူမှာ ရာဟူးလ်ဆိုတဲ့သူငယ်ချင်းတစ်ယောက်လည်းရှိပြီး ဆစ်ဒူအတွက်တော့ ရာဟူးလ်ရော မော့ခ်ရှာရောကပါအရာရာပါ။ ဒါပေမဲ့ တစ်ရက်မှာတော့ မော့ခ်ရှာနဲ့ ရာဟူးလ်တို့နှစ်ယောက်ပေါင်းကာ ဆစ်ဒူရဲ့ပရောဂျက်ကိုကြားဖြတ်ခုတ်လုယူပြီး ဆစ်ဒူကိုသစ္စာဖောက်ခဲ့ကြပါတယ်။ ဆစ်ဒူဟာဆိုးရွားလှတဲ့ ကံကြမ္မာကိုကြံ့ကြံ့ခံရင်း နောက်ဆုံးမှာတော့ ကိုယ့်ကိုယ်ကိုယ်အဆုံးစီရင်ဖို့ အကြောင်းဖန်လာခဲ့ပါတယ်၊ သူ့ရဲ့ဘဝအကြောင်းကို ရီဝေဝေတွေးနေရင်းပဲ ဖုန်းတစ်ခုဝင်လာခဲ့ပြီး ဆစ်ဒူကိုဂိမ်းကစားရင်း ပိုက်ဆံရနိုင်မယ့်တာဝန်တွေပေးခဲ့ပါတယ်။ ပထမတော့ အသေးစားတာဝန်လေးတွေလုပ်ရင်း ဆစ်ဒူတစ်ယောက်အေးဆေးပိုက်ဆံတွေဝင်နေပေမဲ့ နောက်ပိုင်းဘယ်လိုတာဝန်တွေရလာမလဲ၊ ဒီဂိမ်းကိုစတင်သူတွေကဘယ်သူတွေဖြစ်မလဲ၊ ဆစ်ဒူတစ်ယောက် ဘယ်လိုကံကြမ္မာတွေဆက်ကြုံတွေ့ရမလဲဆိုတာတော့ ဒီဇာတ်လမ်းလေးမှာ ကြည့်ရှုလိုက်ပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ စုဝင်းပြည့် ဖြစ်ပါတယ်

ဒီဂျေတီလူးရဲ့နောက်ထပ်ဇာတ်ကားပါ နိုင်ငံတကာရာဇဝတ်ကောင်ကိုဖမ်းဖို့ကူညီရတယ် ဒါပေမယ့်သူမထင်ထားတာတွေဖြစ်လာပါတယ်ရာဇဝတ်ကောင်ရဲ့သူလျိုကရောဘယ်သူဖြစ်မလဲ ဒီဇာတ်ကားကိုအညွန်းနဲ့ဘာသာပြန်ပေးသူကတော့ စုဝင်းပြည့်ဖြစ်ပါတယ်

**Abigail** ရုပ်ရှင်ဟာ Horror, Thriller တွေကို ကြိုက်နှစ်သက်သူတွေအတွက်တော့ Vampire ဇာတ်လမ်းမျိုးကိုမှ ချောက်ချောက်ချားချား ကြည့်ရှုကြရမှာဖြစ်ပါတယ်။ ဇာတ်လမ်းကတော့ အဖွဲ့တစ်ဖွဲ့က အသက် (၁၂) နှစ်အရွယ် ချစ်စရာ ဘဲလေးအကမယ်တစ်ယောက်ကို ပြန်ပေးဆွဲဖမ်းခေါ်သွားရာကနေ ကြုံတွေ့လာရတဲ့ အန္တရာယ်တွေအကြောင်း ရိုက်ကူးတင်ဆက်ထားတာပါ။ ဇာတ်လမ်းအစမှာတော့ သီချင်းလေးနဲ့အတူ လှလှပပ က‌နေတဲ့ ကလေးမလေး **အက်ဘီဂေးလ်** ကို တွေ့မြင်ရမှာပါ။ မကြာခင်မှာပဲ ဖရန့်ခ် ဦးဆောင်တဲ့အဖွဲ့ကနေ သူ့ကို မေ့ဆေးထိုးပြီး ပြန်ပေးဆွဲ ဖမ်းခေါ်သွားပါတယ်။ အဲဒီကနေ သူတို့ရဲ့ခေါင်းဆောင်ရှိရာ ခဏတာ ပုန်းအောင်းမဲ့ အိမ်ကြီးတစ်အိမ်ဆီကို ရောက်သွားတဲ့အခါမှာတော့ ကောင်မလေးကို သီးသန့်အခန်းတစ်ခုမှာထားပြီး သူ့အဖေကို ငွေလှမ်းတောင်းဖို့ လုပ်ကြပါတယ်။ အဲဒီကနေတစ်ဆင့် ကောင်မလေးအဖေရဲ့နာမည်က ပုံပြင်တွေထဲက သွေးစုပ်ဖုတ်ကောင်ရဲ့နာမည်နဲ့တူနေမှန်း သိသွားတဲ့အခါမှာတော့ မယုံတဲ့သူရှိသလို ယုံတဲ့သူကလည်း ကြောက်လန့်ပြီး အဖွဲ့ထဲမှာ စိတ်ဝမ်းကွဲကုန်ပါတော့တယ်။ နောက်တော့ အဖွဲ့သားတွေ သေကုန်ရာကနေစလို့ သူတို့ဖမ်းခေါ်လာတဲ့ကောင်မလေးက တကယ့် သွေးစုပ်ဖုတ်ကောင် ဖြစ်နေမှန်းပါ သိသွားကြတဲ့ အခါမှာတော့.... ဖရန့်ခ်တို့အဖွဲ့က အိမ်ကြီးထဲမှာ သွေးစုပ်ဖုတ်ကောင်ရဲ့ရန်ကနေ ဘယ်လိုရှင်သန်အောင် နေကြမလဲ.. အဲဒီအိမ်ကြီးထဲကနေရာ လွတ်အောင် ဘယ်လိုလုပ်ကြမလဲ... သူတို့ကို ဒီအိမ်ကြီးထဲရောက်လာအောင် လုပ်ခဲ့တဲ့သ

အီဆူယွန်း(Park Ji Yeon) ဆိုတဲ့ရုပ်ရှင်မင်းသမီးတစ်ဦးက မတော်တဆမှုကြီးတစ်ခုကြောင့် အနားယူလိုက်ရပြီးတဲ့နောက် ရုပ်ရှင်လောကကိုပြန်လည်ဝင်ရောက်လာခဲ့ပါတယ်။ သို့ပေမယ့် အကျဘက်ကိုရောက်သွားတဲ့ ဆူယွန်းဟာ အဆောင်သီးသန့်တောင်နေထိုင်ခွင့်မရဘဲ တက်သစ်စမင်းသမီးတစ်လက်ဖြစ်တဲ့ ဆုန်းဂါယောင်းနဲ့ အတူနေထိုင်နေရပါတယ်။ ကျရှုံးခန်းရောက်နေတဲ့စီနီယာနဲ့ တက်သစ်စဂျူနီယာဆောင့်ကြွားကြွားတို့ကြားမှာ အဆင်မပြေမှုအဖုအထစ်ကလေးတွေကလည်း ရှိလို့နေပါသေးတယ်။ တစ်နေ့မှာဂါယောင်းဟာ ဆူယွန်းမသိလိုက်တဲ့အချိန်မှာပဲ အိမ်ထဲမှာသေဆုံးနေခဲ့ပါတယ်။ နဂိုကမှ စိတ်ကျရောဂါခံစားနေရတဲ့ဆူယွန်းဟာ ဂါယောင်းရဲ့အလောင်းကိုမြင်လိုက်ရတဲ့ခဏ အင်မတန်မှသွေးပျက်ခြောက်ခြားသွားခဲ့တဲ့နောက် သူကိုယ်တိုင်ပဲသတ်လိုက်မိပြီလို့ထင်မိသွားပါတော့တယ်။ အဲဒီနောက်မှာတော့… ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thant Sin ဖြစ်ပါတယ်

Daer ဇာတ်ကားလေးကတော့ အိန္ဒိယမိသားစုဇာလ်လမ်းကို အချစ် ဟာသနှောပြီးရိုက်ထားတာဖြစ်ပါတယ် အာဂျွန်တို့မိသားစု သူငယ်ငယ်ကလေးတည်းက အဖေဖြစ်သူဟာသူတို့ကိုထားပြီး အိမ်ကနေထွက်ပြေးသွားခဲ့ပါတယ် အာဂျွန်တစ်ယောက် သူ့အစ်ကိုစကားပဲနားထောင်ပြီး ကြီးပြင်းခဲ့ရာမှ တစ်နေ့တော့ အစ်ကိုဖြစ်သူက သူ့ကို အိမ်ထောင်ချပေးဖို့ ကြိုးစားပါတော့တယ် အစ်ကိုဖြစ်သူ ရှာပေးတဲ့ဒီပီကာဆိုတဲ့ မိန်းကလေးကို ချစ်မိသွားပြီး လက်ထပ်ပြီးတော့မှ ဒီပီကာဟာအိပ်နေရင်း ဟောက်တတ်တာကို သိသွားပါတော့တယ် အာဂျွန်တစ်ယောက် နဂိုတည်းကအအိမ်စက်သူဖြစ်တော့ ဒီပီကာနဲ့ အိမ်ထောင်ရေးကို ဘယ်လိုမျိုးဆက်လက်ထိန်းသိမ်းသွားမလဲ အာဂျွန်တို့မိသားစုရော ပျော်ပျော်ရွှင်ရွှင်နဲ့ပြန်ဆုံတွေ့နိုင်ကြပါ့မလားဆိုတာ ဒီကားလေးထဲမှာ ကြည့်ရှုရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shwe Yee ဖြစ်ပါတယ်

1890 နဲ့ 1900 ခုနှစ်တွေမှာ ဥရောပက ရွှေ့ပြောင်းနေထိုင်သူတွေဟာ အမေရိကကိုရောက်လာကြပါတယ်။ သူတို့တွေဟာ အင်္ဂလိပ်လို တစ်လုံးမှမပြောတတ်ကြတာမို့ အမေရိကမှာ အခက်အခဲတွေများစွာနဲ့ ကြုံကြရပါတယ်။ ရွှေ့ပြောင်းရောက်လာကြတဲ့သူတွေမို့ အမေရိကန်တွေကလဲ ခွဲခြားဆက်ဆံကြပါတယ်။ အဲ့လိုဒုက္ခရောက်နေတဲ့သူတွေ၊ မိဘမဲ့ကလေးငယ်တွေကို ကူညီပေးဖို့အတွက် Cabrini ဆိုတဲ့ သီလရှင်တစ်ပါးဟာ အီတလီကနေရောက်လာပါတယ်။ သူမဟာ အခက်အခဲတွေကြားထဲက ဒုက္ခရောက်နေတဲ့သူတွေကို ဘယ်လိုကူညီမလဲ။ အမေရိကရဲ့ လူမျိုးရေးခွဲခြားမှုတွေ၊ လူတန်းစားခွဲခြားမှုတွေ၊ ကျားမခွဲခြားဆက်ဆံမှုတွေကြောင့် ဘယ်လိုအခက်အခဲတွေ တွေ့ကြုံရမလဲဆိုတာကို ကရုဏာသက်ဖွယ် ကြည့်ရမှာဖြစ်ပါတယ်။ IMDb rating မှာ 7.8/10 ထိရရှိထားပြီးတော့ Rotten tomato မှာလဲ 98% ထိရရှိထားတဲ့ တကယ်ကြည့်လို့ကောင်းတဲ့ ဇာတ်ကားတစ်ကားဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Kyaw Khant Linn ဖြစ်ပါတယ်

Avatara Purusha ဆိုတဲ့ဒီဇာတ်ကားလေးဟာ ၂၀၂၂ ခုနှစ်တုန်းက part 1 အနေနဲ့တစ်ခေါက်ထွက်ထားပြီး ဒီနှစ် ၂၀၂၄ မှာတော့ part 2 အနေနဲ့ နောက်တစ်ခေါက်ထပ်ထွက်ခဲ့ပါတယ်။ ပထမကားမှာတုန်းကတော့ သားဖြစ်သူကိုရှာရတဲ့အကြောင်းတွေကို မှော်ပညာရောနှောရင်းကြည့်ရှုခဲ့ရပါတယ်။ ဒီ part 2 မှာတော့ သားအစစ်ဖြစ်သူ ကာနာတစ်ဖြစ်လဲ ကူမာရာ တစ်ယောက် အိမ်ပြန်ရောက်လာတော့ သားအနေနဲ့ဟန်ဆောင်သရုပ်ဆောင်ဖို့ငှားထားတဲ့ အာနေးတစ်ယောက်ကတော့အိမ်ပေါ်က လစ်ထွက်လာရပါတယ်။ ဒါပေမဲ့လို့ သားအစစ်ဖြစ်သူ ကူမာရာဟာ တစ်ခုခုထူးဆန်းနေပြီး အမှောင်မှော်ဆရာကြီး ဒါကာရာဟာလည်း ''ထရီကူရှန် မာနီ'' ကိုရအောင်ယူဖို့ကြိုးစားနေပါတယ်။ မှော်ပညာအားပြိုင်မှုတွေကြား အိုဗာအိုက်တင်တစ်အားကြိုက်တဲ့ သရုပ်ဆောင်ကြီး အာနေး ဒါကာရာကိုဘယ်လိုတားဆီးမလဲ၊ အာနေးကို ''ရာမာ ဂျွိုက်'' တို့အိမ်ကရောပြန်လက်ခံမှာလားဆိုတာကိုတော့ဒီဇာတ်လမ်းလေးမှာကြည့်ရှုလိုက်ပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ စုဝင်းပြည့်ဖြစ်ပါတယ်

ဇာတ်ညွှန်းရေးဆရာတစ်ယောက်ကသူ့မိန်းမရဲ့စည်းစိမ်တွေကိုအပိုင်ကြံဖို့ကြိုးစားတဲ့ဇာတ်လမ်းပါလှည့်စားမှုတွေ ကြိုတင်စီစဉ်မှုတွေနဲ့အပိုင်တွက်ထားပေမယ့် တူတူကြံတဲ့တစ်ယောက်က တခြားအကြံအစည်တစ်ခုရှိနေတဲ့အခါဘယ်သူကစည်းစိမ်တွေကိုရသွားမလဲ ဒီဇာတ်ကားကိုအညွန်းနဲ့ဘာသာပြန်ပေးသူကတော့ စုဝင်းပြည့်ဖြစ်ပါတယ်

ငြိမ်သက်နေတဲ့ DC‌ Universe ကြီးကိုနောက်တစ်ခါပြန်လှုပ်နှိုးပေးလိုက်တဲ့ Justice League : Crisis On Infinite Earth Part Two ကိုတင်ဆက်ပေးလိုက်ပါပြီ။IMDb Rating အနေအထားအရတော့ Part One မှာ 6.3 အထိရရှိထားပြီး Part Two ကလောလောဆယ်မှာတော့ 5.5 အထိသာရရှိထားသေးပါတယ်။ဒါပေမယ့်လဲ DC Fan တွေအတွက်ကတော့ Rating တွေကိုထည့်တွက်နေစရာမလိုပဲစိတ်ဝင်စားစရာကောင်းတဲ့ကားတစ်ကားဖြစ်စေမှာတော့အမှန်ပါပဲ။ ဇာတ်လမ်းထဲမှာ Part One ကအဆက်အနေနဲ့စကြ၀ဠာကြီးထဲကကမ္ဘာအနှံ့မှာပြန့်ကျဲနေတဲ့ Justice League သူရဲကောင်းတွေအပြင် စကြ၀ဠာကြီးထဲကဖြစ်ရပ်ဆိုးတွေအားလုံးကိုစောင့်ကြည့်ပေးနေရတဲ့စောင့်ကြည့်သူ(Monitor) နဲ့ စိတ်ကိုထိန်းချုပ်နိုင်တဲ့စိတ္တဇပင်လယ်ဓားပြ(Psycho Pirate) တို့ကိုတစ်လှည့်စီတွေ့ရမှာဖြစ်ပါတယ်။စောင့်ကြည့်သူရဲ့တာဝန်ကကမ္ဘာတွေဆိုးဆိုးဝါးဝါးပျက်စီးတာကိုကြားဝင်မစွက်ဖက်ပဲစောင့်ကြည့်ပေးနေရတာဆိုပေမဲ့ ခရစ်ပ်တွန်ဂြိုလ်ကစူပါဂဲလ်သူ့ယာဉ်ပေါ်ရောက်လာပြီးနောက်ပိုင်းမှာတော့သူ့အတွက်အရာအားလုံးကပြောင်းလဲသွားပြီး ကမ္ဘာအားလုံးကိုပျက်စီးစေမဲ့ဖျက်ဆီးရေးလှိုင်းအန္တရာယ်ကိုသူကိုယ်တိုင်ကြားဝင်ပြီးတားဆီးပေးဖို့ဆုံးဖြတ်ချက်ချလိုက်တဲ့အခါမှာတော့စကြ၀ဠာကြီးရဲ့အနာဂတ်ကဘယ်လိုပြောင်းလဲသွားမလဲ တကယ်တမ်းဒီဇာတ်လမ်းရဲ့ဗီလိန်ကရောဘယ်သူဖြစ်နေမလဲဆိုတာတွေကိုစိတ်ဝင်တစားကြည့်ရှုရမှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

အနာဂတ်ကမ္ဘာကြီးမှာ သယံဇာတအရင်းအမြစ်တွေ ရှားပါးလာပြီး crisis ဖြစ်လာတဲ့ကာလကို ပုံဖော်ထားတဲ့ စိတ်ဝင်စားစရာ plot နဲ့ ဇာတ်ကားဖြစ်ပါတယ်။ အကျပ်အတည်းကြောင့် လူဦးရေလျှော့ချဖို့ ကမ္ဘာ့အစိုးရတွေက UN မှာ ဆုံးဖြတ်ပြီး Program တစ်ခု ဖန်တီးခဲ့ပါတယ်။ Enlistment - စစ်မှုထမ်းဖို့စာရင်းသွင်းရတာကို သူတို့က အခွင့်အလမ်းလို့ ခေါ်ကြပါတယ်။ရုရှားလိုနိုင်ငံကတော့ ဒီလုပ်ရပ်ကို ထောက်ခံပါတယ်။ အာရှနိုင်ငံတွေကို အပြစ်တင်သူတွေလည်း ၇ျိပါတယ်။ တကယ်တမ်းက စာရင်းသွင်းတယ်လို့ သုံးနှုန်းထားပေမယ့် လူဦးရေလျှော့ချဖို့ တစ်အိမ်တစ်ယောက် မနာကျင်စေဘဲ ဆေးထိုးသတ်တာပါ။ ဒီအတွက် အစိုးရကနေ ပုဂ္ဂလိကပိုင်ကုမ္ပဏီတွေကိုပါ ငှားထားပြီး procedure လို့ခေါ်တဲ့ လူသတ်တဲ့ လုပ်ငန်းစဉ်ကို သူတို့ target ပြည့်အောင် လုပ်ဆောင်ပါတော့တယ်။ အဲ့အချိန်မှာပဲ နာမည်ကျော် ရော့ခ်မိသားစုက မောင်နှံက သူတို့သားသမီးတွေ အလှည့်မရောက်ဖို့ နှစ်ယောက်သား စာရင်းပေးလိုက်ပြီး ညစာစားပွဲမှာ သားသမီးတွေကိုပြောတဲ့အခါ...အစိုးရဘက်က လူတွေ လာတဲ့အချိန် အမေဖြစ်သူက ထွက်ပြေးသွားလို့ ရော့ခ်မိသားစုဝင် အလောင်းတစ်လောင်း ထပ်ပေးရမယ်ဆိုတဲ့အခါ ကျန်တဲ့သားသမီးတွေ သေသင့်တဲ့လူကို ဘယ်လို ဆုံးဖြတ်ကြမလဲ... သိချင်ရင် ခုပဲ ရှုစားလို့ရပါပြီ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

Yodha အိန္ဒိယဇာတ်ကားက‌တေ့ာ အက်ရှင်ကားအမျိုးအစားဖြစ်ပါတယ် အိန္ဒိယနိုင်ငံရဲ့ ကြည်းတပ်,ရေတပ်,လေတပ်က အကောင်းဆုံးသူတွေနဲ့ ဖွဲ့စည်းတည်ထောင်ခဲ့တဲ့ Yodha တပ်ဖွဲ့အနေနဲ့ အိန္ဒိယနိုင်ငံစစ်ဆေးရေးတွေကို ဘယ်လိုမျိုးလုပ်ဆောင်သွားမလဲ Yodha တပ်ဖွဲ့ဝင်တစ်ဦးလည်းဖြစ်တဲ့ အာရွန်တစ်ယောက် သူ့အဖေကလည်း Yodha ရဲ့ခေါင်းဆောင်တစ်ဦးဖြစ်ခဲ့တဲ့အတွက် Yodha အထူးတပ်ဖွဲ့ကို ဖျက်သိမ်းခြင်းမခံစေချင်ခဲ့ပါဘူး ဒီလိုနဲ့တစ်နေ့ လေယာဉ်ပြန်ပေးဆွဲခံရတဲ့ဖြစ်စဉ်မှာ အာရွန်တစ်ယောက် ဗီအိုင်ပီလုံခြုံရေးတစ်ဦးအနေနဲ့လေယာဉ်ပေါ်မှာပါဝင်နေခဲ့ပြီး အိန္ဒိယနိုင်ငံထိပ်တန်း သိပ္ပံပညာရှင်ကို မကယ်တင်နိုင်ခဲ့တဲ့အခါ Yodha အထူးတပ်ဖွဲ့ကို ဖျက်သိမ်းပစ်လိုက်ရပါတယ် ဒီလိုနဲ့ အာရွန်တစ်ယောက် လေကြောင်းကွန်မန်ဒိုတစ်ဦးအဖြစ် ပြောင်းရွှေ့တာဝန်ယူလိုက်တဲ့အချိန်မှာ သူတာဝန်ကျတဲ့လေယာဉ်က ထပ်မံပြန်ပေးဆွဲခြင်းခံရတဲ့အခါ ရိုးရိုးပြန်ပေးဆွဲခြင်းမဟုတ်ဘဲ အိန္ဒိယ-ပါကစ္စတန် ငြိမ်းချမ်းရေးကို ချိုးဖောက်ဖို့ဖြစ်လာတဲ့အခါ အာရွန်တစ်ယောက်ဘယ်လိုမျိုး စစ်ဆင်ရေးကို ဆောင်ရွက်သွားမလဲဆိုတာ ကြည့်ရှုရမယ့် အက်ရှင်ကားကောင်းလေးတစ်ကားဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shwe Yee ဖြစ်ပါတယ်

ကောလိပ်တစ်ခုက အရှုပ်တွေကြားက သူငယ်ချင်းနှစ်ဦး၊ ငယ်ဘဝတည်းက ပတ်သက်ခဲ့ကြတဲ့ သူတို့နှစ်ဦးကြားက အားပြိုင်မှု၊ ဒါ့အပြင် ကောလိပ်ထဲမှာလည်း အပြိုင်အဆိုင်တွေကြောင့် ဖြစ်ကြရတဲ့ ရန်ပွဲတွေ အားပြိုင်မှုတွေ၊ ဒါတွေနဲ့ ပြည့်နှက်နေတဲ့ စိန့်မာတင်ကောလိပ်ကြီးရဲ့ ကျောင်းသားတွေကြားက ခင်မင်မှုတွေ ယှဥ်ပြိုင်မှုတွေ ရန်ပွဲတွေ အနာဂတ်တွေအကြောင်းကို ကြည့်ရှုရမှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ False Hope ဖြစ်ပါတယ်

မိန်းကလေးတွေအတွက်လင်ယူမှားလို့မဖြစ်ဘူးဆိုတာကိုရှေးခတ်ဇာတ်လမ်းဇာတ်ကွက်ကောင်းကောင်းလေးနဲ့သင်ခန်းစာပေးသွားမဲ့ Damsel ဆိုတဲ့ဇာတ်ကားကောင်းတစ်ကားကိုတင်ဆက်ပေးလိုက်ပါတယ်။IMDb Rating 6.3 ရရှိထားပြီးကြည့်လို့ကောင်းပြီးအချိန်ပေးရတာတန်တဲ့ဇာတ်ကားတွေထဲမှာအပါအဝင်ပဲဖြစ်ပါတယ်။မင်းသမီးအယ်လိုဒီရဲ့တိုင်းပြည်မှာငတ်မွတ်ခေါင်းပါးမှုတွေကြုံနေရပြီးပြည်သူတစ်ချို့ကလဲတိုင်းပြည်ကိုစွန့်ခွာကုန်ကြပါပြီ။ဒီလိုအခက်အခဲတွေကိုဖြေရှင်းဖို့အတွက်ဘုရင်ကြီးကအော်ရီယာဆိုတဲ့တိုင်းပြည်ကကမ်းလှမ်းမှုတစ်ခုကိုလက်ခံခဲ့ပါတယ်။အဲ့ဒီကမ်းလှမ်းမှုကတော့တခြားမဟုတ်ပဲအော်ရီယာတိုင်းပြည်ရဲ့မင်းသားလေးနဲ့မင်းသမီးအယ်လိုဒီကိုလက်ဆက်ပေးဖို့ပါပဲ။ဒီလိုလက်ဆက်ခြင်းအားဖြင့်စည်းစိမ်ဥစ္စာပေါကြွယ်၀တဲ့အော်ရီယာတိုင်းပြည်ကရွှေတွေကိုရမဲ့အပြင်သမီးဖြစ်သူကပါကောင်းကောင်းမွန်မွန်တင့်တင့်တယ်တယ်နေရမှာဖြစ်တဲ့အတွက်မကြာခင်မှာပဲအယ်လိုဒီတို့မိသားစုအော်ရီယာတိုင်းပြည်ကိုသွားရောက်ခဲ့ပါတော့တယ်။ မင်္ဂလာပွဲတွေအားလုံးအဆင်ပြေပြေပြီးမြောက်ပြီးအယ်လိုဒီရဲ့မိသားစုပြန်သွားပြီးနောက်မှာတော့သူတို့အပေါ်မှာကောင်းပြနေတဲ့အော်ရီယာတိုင်းပြည်ရဲ့တော်ဝင်မိသားစုကစိတ်ရင်းနဲ့မဟုတ်ပဲတခြားအကြံအစည်ရှိနေလို့ဆိုတာသိလိုက်ရတဲ့အချိန်မှာတော့အရမ်းနောက်ကျသွားပြီးအယ်လိုဒီအတွက်အိပ်မက်ဆိုးကြီးတစ်ခုစတင်လာခဲ့ပါတော့တယ်။ဒီလိုနဲ့လင်ယူမှားပြီးဒုက္ခအကြီးကြီးရောက်သွားခဲ့တဲ့အယ်လိုဒီတစ်ယောက် ဘယ်လိုဒုက္ခနဲ့ကြုံတွေ့ရမလဲ ရှ

ဒီရုပ်ရှင်ကားလေးကတော့ ကိုရီးယားနိုင်ငံမှာ အရမ်းနာမည်ကြီးပြီး အောင်မြင်နေတဲ့ကားလေးပါ ဇာတ်လမ်းအကျဉ်းကတော့ လီဟွာရင်းက (Kim Go Eun) မျိုးရိုးစဉ်ဆက်ဆင်းသက်လာတဲ့ ထူးချွန်တဲ့ နတ်ဆရာမတစ်ဦးပါ ဘုံဂီက (Lee Do Hyun) ဟွာရင်းလက်အောက်မှာ အတူလုပ်ကိုင်နေတဲ့ နတ်ဆရာပါ တစ်နေ့မှာတော့ က အရမ်းချမ်းသာတဲ့ မိသားစုရဲ့ မွေးကင်းစကလေးက အကြောင်းမရှိဘဲ ဆက်တိုက်ငိုနေတော့ ဆေးကုသလည်းမရတဲ့အဆုံးမှာ ဟွာရင်းတို့ကိုခေါ်ခဲ့ပါတယ် ဟွာရင်းက ကလေးကိုတွေ့လိုက်တာနဲ့ တစ်ခုခုမကောင်းတဲ့ အငွေ့အသက်ကို ခံစားလိုက်ရပါတယ် ဒီလိုနဲ့ ဘိုးဘေးအုတ်ဂူကို ရွှေ့ဖို့ဖြစ်လာခဲ့ပြီး အဲ့အုတ်ဂူကို တူးဖော်မိတဲ့အခါ ဘာတွေဆက်ဖြစ်မလဲဆိုတာကို စိတ်ဝင်တစားကြည့်ရှုရမှာပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Myint Thuzar Lin ဖြစ်ပါတယ်

ကိုရီးယားတွေကနန်းတွင်းကားတွေကိုရှယ်ရိုက်တတ်ကြသလို ခေတ်ပေါ်ကားတွေမှာလဲနိုင်ငံတကာနဲ့ရင်ဘောင်တန်းနိုင်အောင်အမြဲတမ်းကြိုးစားချပြနေတာကိုတော့မငြင်းနိုင်ပါဘူး။တီထွင်ဆန်းသစ်တဲ့ဒီလိုအရာနှစ်ခုကိုပေါင်းစပ်ရိုက်ကူးလိုက်တဲ့အခါမှာတော့ Alienoid လိုတကယ်ကောင်းတဲ့ရုပ်ရှင်တစ်ကကားထွက်ချလာပါတော့တယ်။အဲ့ဒီ Alienoid ပထမဆုံးကားက 2022 ခုနှစ်မှာထွက်ရှိခဲ့ပြီးအခုအချိန်မှာတော့ ဒုတိယမြောက်ကားအနေနဲ့ Alienoid :The Return To The Future ဆိုပြီး IMDb Rating 6.6 နဲ့ထွက်ရှိလာတဲ့ဇာတ်ကားကိုတင်ဆက်ပေးလိုက်ပါတယ်။Alienoid လို့ပြောလိုက်ရင် ဂြိုလ်သားတွေ အရင်ခေတ်နဲ့လက်ရှိခေတ်တွေကိုအချိန်ခရီးသွားနဲ့ပေါင်းစပ်ထားတာတွေအပြင် တခြားထူးပေ့ဆန်းပေ့အရာတွေကိုတန်းမြင်ရမှာပဲဖြစ်ပါတယ်။ဒီတော့အချိန်မဆွဲပဲဒုတိယမြောက်ကားလေးရဲ့အကျဉ်းချုပ်အကြောင်းပြောရမယ်ဆိုရင်တော့ ဂြိုလ်သားတွေကဟိုးအရင်ခေတ်ကတည်းကသူတို့ရဲ့အကျဉ်းသားတွေကိုကမ္ဘာပေါ်ကလူတွေရဲ့ခန္ဓာကိုယ်ထဲမှာချုပ်နှောင်ထားကြတဲ့ဓလေ့ရှိခဲ့ပါတယ်။ ဒါပေမယ့်အကျဉ်းသားတွေရဲ့ထုံးစံအတိုင်းလွတ်လမ်းကိုမရရအောင်ရှာပြီးထိန်းချုပ်သူဆိုတဲ့စူပါဗီလိန်ကြီးကလွတ်မြောက်သွားပါတော့တယ်။လွတ်လာလို့မပြောင်းလဲသွားတဲ့အပြင် ဟာဗာလို့ခေါ်တဲ့အဆိပ်ငွေ့တိမ်တိုက်ကြီးတွေကိုသုံးပြီးကမ္ဘာပေါ်ကလူတွေအားလုံးကိုသတ်ပြီးအုပ်စိုးဖို့ကြံပါလေရော။အဲ့ဒါကြောင့်ထိန်းချုပ်သူဆိုတဲ့စူပါဗီလိန်ကြီးကိုနှိမ်နင်းဖို့အတွက်ရှေးခေတ်နဲ့လက်ရှိအနာဂတ်ကတာဝန်ရှိသူတွေဘယ်လ

ဟိုးတုန်းကတောင်ပေါ်မှာ အိမ်ကြီးတစ်အိမ်ရှိခဲ့သတဲ့ အဲ့အိမ်နောက်ကွယ်မှာ တကယ့်တကယ် ဘာတွေဖြစ်ခဲ့တာလဲ ဘယ်လိုဖြစ်ပုံတွေကြောင့် အစိုးရက လျှို့ဝှက်ထားခဲ့ရတာလဲ ချည်ထည်တွေနဲ့ကရော ဘာတွေပက်သက်နေလဲဆိုတာကို သတင်းထောက်မလေးတစ်ယောက်က စုံစမ်းရင်း ထွက်လာတဲ့အမှန်တရားတွေကို ပါးစပ်မပိတ်တမ်းကြည့်ရမှာပဲဖြစ်တာမို့ လက်လွှတ်မခံပဲစောင့်ကြည့်တော့နော် ဒီဇာတ်ကားကိုအညွန်းနဲ့ဘာသာပြန်ပေးသူကတော့ စုဝင်းပြည့်ဖြစ်ပါတယ်

Yuvaဇာတ်ကားမှာတော့ ယူလ်ဗာဟာ နပန်းချန်ပီယံတစ်ယောက်ဖြစ်လာဖို့ အိမ်မက်တွေရှိခဲ့ပေမဲ့ မသမာသူတွေလက်ချက်ကြောင့် သူ့အိမ်မက်တွေတစ်စစီဖြစ်သွားတဲ့အပြင် ဖခင်ဖြစ်သူရဲ့ ယုံကြည်မှုကိုပါ ဆုံးရှုံးသွားခဲ့တယ်။အိမ်ကထွက်လာပြီး ကောလိပ်ကျောင်းမှာ အဆောင်နေပြီး ကျောင်းတက်နေပေမဲ့ ကျောင်းက နယ်ခံကျောင်းသားတွေရဲ့အဆောင်နေကျောင်းသားတွေကို ဖိနှိပ်မှုကြောင့် ယူလ်ဗာတစ်ယောက် နယ်ခံကျောင်းသားတွေနဲ့ ရန်ပွဲတွေဖြစ်ပွားခဲ့တာမို့ ကျောင်းအုပ်က ယူလ်ဗာတို့အဖွဲ့ကို ကျောင်းရပ်နားလိုက်တော့တယ်။ယူလ်ဗာတစ်ယောက် အိမ်ကိုအရွဲ့တိုက်ပြီး ဆိုးသွမ်းချိန်မှာ ယူလ်ဗာအဖေရှန်ကာလ်ကလဲ မိသားစုရဲ့ငွေရေးကြေးရေးဖိအားတွေနဲ့ ယူလ်ဗာအမရဲ့လက်ထပ်ပွဲအကြွေးတွေကြောင့် စိတ်ဖိစီးနေခဲ့တယ်။ တစ်နေ့မှာ ယူလ်ဗာအဖေတစ်ယောက် အိမ်ကပျောက်သွားချိန်မှာတော့ အကြွေးရှင်တွေက အိမ်ကိုရောက်လာပြီး အိမ်ရဲ့တာ၀န်တွေက ယူလ်ဗာခေါင်းပုံရောက်လာပါတော့တယ်။ကောလိပ်မှာဆိုးသွမ်းနေတဲ့ ကောလိပ်ကျောင်းသားယူလ်ဗာတစ်ယောက် လူကြီးတစ်ယောက်ရဲ့တာ၀န်၀တ္တရားတွေကို တာ၀န်ယူပြီး မိသားစုကို စောင့်ရှောက်နိုင်ပါ့မလား။သူ့အိမ်မက်တွေကိုရော အကောင်အထည်ဖော်နိုင်ပါ့မလားဆိုတာကို ကြည့်ရှူကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

အချစ်ဒရာမာဇာတ်လမ်းကောင်းကောင်းလေးတွေကြည့်ချင်တဲ့သူတွေအတွက် Romantic ဆန်ဆန်ပြင်သစ်ဒရာမာကားလေးတစ်ကားကိုတင်ဆက်ပေးလိုက်ပါတယ်။ဇာတ်ကားလေးရဲ့နာမည်ကတော့ Love Divided ဖြစ်ပြီးလက်ရှိ IMDb Rating 5.9 ရရှိထားပါတယ်။ဇာတ်ကားလေးရဲ့မြန်မာလိုအဓိပ္ပာယ်ကပိုင်းခြားထားတဲ့အချစ်လို့အဓိပ္ပာယ်ရပြီး ဘယ်သူတွေရဲ့အချစ်ကိုဘယ်အရာကပိုင်းခြားထားတာလဲဆိုတော့ ဗလန်တီးနားနဲ့ဒေးဗစ်ဆိုတဲ့ကောင်လေးနဲ့ကောင်မလေးနှစ်ယောက်ကြားမှာနံရံတစ်ခုခြားထားတာပါ။ဟုတ်ပါတယ် တကယ့်နံရံကြီးခြားနေတာပါ။ဇာတ်လမ်းကဘယ်လိုစလဲဆိုရင် ဒေးဗစ်ဆိုတဲ့အိမ်ထဲကအိမ်ပြင်မထွက်တဲ့ Introvert ကောင်လေးတစ်ယောက်ရဲ့တိုက်ခန်းဘေးကို ဗလန်တီးနားဆိုတဲ့စန္ဒယားတီးတဲ့အနုပညာရှင်ကောင်မလေးပြောင်းလာရာကနေစပါတယ်။သူတို့အခန်းနှစ်ခုကြားကနံရံကအရမ်းပါးလွန်းတဲ့အတွက်ဒီဖက်တိုက်ခန်းကအီးပေါက်ရင်တောင်ဟိုဖက်ကိုကြားနေရတော့နှစ်ဖက်လုံးအတွက်အဆင်မပြေကြပါဘူး။ အဲ့လိုနဲ့စစချင်းမှာအပြန်အလှန်ဆူညံသံတွေနဲ့တိုက်ပွဲတွေဖြစ်ကြပြီးနောက်ပိုင်းမှာတော့မခံစားနိုင်တော့ပဲငြိမ်းချမ်းရေးယူလိုက်ကြပါတော့တယ်။အစမှာရန်သူတော်တွေလိုဖြစ်နေခဲ့ကြပေမဲ့နောက်ပိုင်းမှာတော့ဟိုဖက်ဒီဖက်နံရံတစ်ခုခြားပြီးစကားတွေပြောတာကြာလာတဲ့အခါမှာသံယောဇဉ်တွေတွယ်လာကြပြီးဘယ်လိုဒရာမာဇာတ်လမ်းလေးတွေဆက်ဖြစ်ကြမယ်ဆိုတာကိုကြည့်ရမှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်