လူကြည့်များသော ရုပ်ရှင်များ

* Movie Request ထဲကဇာတ်ကားဖြစ်ပါတယ် ယခုတစ်ခေါက် တင်ဆက်ပေးမယ့် ဇာတ်ကားလေးကတော့ 1984 ခုနှစ်က ထွက်ရှိခဲ့တဲ့ Splash ဆိုတဲ့ဇာတ်ကားလေးပဲဖြစ်ပါတယ်။ ဒီဇာတ်ကားမှာ ဇာတ်ကားကြည့်ရတာကို နှစ်သက်သူတွေ မသိသူမရှိတဲ့ ကမ္ဘာကျော်သရုပ်ဆောင်မင်းသားကြီး တွမ်ဟန့်ကိုယ်တိုင် ပါ၀င်သရုပ်ဆောင်ထားတာမို့ အထူးတလည်ညွှန်းပေးစရာမလိုတဲ့ ဇာတ်ကားလေးပဲဖြစ်ပါတယ်။ ဇာတ်ကားလေးရဲ့အစမှာတော့ အယ်လန်တို့ မိသားစုဆိုဟာ ကိတ်ကော့ဒ်ဆိုတဲ့ကျွန်းဆွယ်လေးမှာ အပန်းဖြေခရီးထွက်နေတာပါ။ ဒါပေမယ့် ရုတ်တရက် အယ်လန်ဟာ သင်္ဘောပေါ်ကနေ ပင်လယ်ထဲကို ပြုတ်ကျသွားတဲ့အချိန်မှာ ရေထဲမှာ ကောင်မလေးတစ်ယောက်ကို မြင်လိုက်ပါတယ်။ ဒါပေမယ့်ငယ်ရွယ်သေးတဲ့အယ်လန်ရဲ့စကားကို ဘယ်သူ့မှမယုံပဲ ဒီတိုင်းပြီးသွားပါတယ်။ ဒီလိုနဲ့ အယ်လန်အရွယ်ရောက်လာတဲ့အခါ အဖေဖြစ်သူရဲ့လုပ်ငန်းဖြစ်တဲ့သစ်သီးဒိုင်လုပ်ငန်းကို ဦးစီးလုပ်ကိုင်ပါတော့တယ်။ အစ်ကိုဖြစ်သူဖရက်ဒီကတော့ မိန်းမလိုက်စားပြီး မိန်းမကျမ်းကြေနေပေမယ့် အယ်လန်ကတော့ relationship တစ်ခုကို ဘယ်လိုထိန်းသိမ်းရမလဲဆိုတာကိုတောင် မသိတဲ့လူတစ်ယောက်ပါ။ သူ့နှလုံးသားက မခံစားတတ်ဘူးလို့ အယ်လန် တွေးထားပေမယ့် ဘ၀အတွက် အမျိုးသမီးတစ်ယောက်ကိုတော့ အသည်းအသန်လိုချင်နေတဲ့သူပါ။ ဒါနဲ့ပဲ သူ ငယ်ငယ်က မတော်ဆဆဖြစ်ခဲ့တဲ့ကိတ်ကော့ဒ်ကျွန်းဆွယ်ဆီကို ပြန်သွားတဲ့အချိန်မှာ ကံဆိုးပြီး လှေနစ်ပါတော့တယ်။ ဒါပေမယ့် အယ်လန် သတိရလာတဲ့အခါမှာ ဘေးကိုကြည့်လိုက်တော့ ကုန်းပေါ်ရောက်နေပြီး ရေ

ဂန်ဟျွန်းဆူဟာ သာမန်လူငယ်လေးတစ်ယောက်ဖြစ်ပြီး စတော့ရှယ်ယာဈေးကွက်မှာ ရှိသမျှပိုက်ဆံတွေ အကုန်ရှုံးသွားခဲ့ပါတယ်။ အဲဒီနောက်မှာတော့ သူဟာ အိမ်ထဲကအိမ်ပြင်မထွက်ဘဲ စတော့ရှယ်ယာအကြောင်းကို ၅ နှစ်တိတိ အသေအချာလေ့လာပြီး ကျွမ်းကျင်တဲ့ Day Trader တစ်ယောက် ဖြစ်လာခဲ့ပါတယ်။ တစ်နေ့မှာတော့ သူဟာ လူမိုက်ဂိုဏ်းခေါင်းဆောင်ဟောင်း ဟွမ်ဂျုံးဂုတို့အဖွဲ့ရဲ့ အကွက်ဆင်ထားတဲ့ စတော့ရှယ်ယာကစားပွဲတစ်ခုကို မသိဘဲ ဝင်နှောင့်ယှက်မိရာကနေ ပြဿနာစပါတော့တယ်။ ဟွမ်ဂျုံးဂုက သူ့ကိုသတ်မဲ့အစား စတော့ရှယ်ယာလိမ်လည်မှုကြီးတစ်ခုမှာ ပါဝင်ဖို့ အကျပ်ကိုင်ခိုင်းစေခဲ့ပါတယ်။ ငွေကြေးခဝါချသူတွေ၊ လျှို့ဝှက်ရင်းနှီးမြှုပ်နှံသူတွေနဲ့ လူလည်တွေစုပြီး အကွက်ဆင်ကြတဲ့အခါ လောဘတွေနောက်ကွယ်က သစ္စာဖောက်မှုတွေကို ဆက်တိုက်မြင်တွေ့ရမှာပါ။ ဇာတ်လမ်းရဲ့ အလှည့်အပြောင်းတွေက မြန်ဆန်လွန်းတာကြောင့် နောက်ဆုံးမှာ ဘယ်သူက အနိုင်ရသွားမလဲ? ဘယ်သူက သစ္စာဖောက်သွားမလဲဆိုတာကို ဇာတ်သိမ်းအထိ ရင်တမမနဲ့ ခန့်မှန်းရခက်အောင် တင်ဆက်ထားပါတယ်။ စတော့ရှယ်ယာဈေးကွက်ရဲ့ အမှောင်ဘက်ခြမ်းကို စိတ်လှုပ်ရှားဖွယ် မှုခင်းဇာတ်လမ်းအဖြစ် ရိုက်ကူးထားတာဖြစ်လို့ Crime/Thriller အမျိုးအစား ကြိုက်နှစ်သက်သူတွေ လက်မလွှတ်သင့်တဲ့ ဇာတ်ကားတစ်ကား ဖြစ်ပါတယ်။ ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတယ်။

တစ်ခါတလေမှာ ဘဝဆိုတာ ကိုယ်မမျှော်လင့်ထားတဲ့ အချိန်မှာပဲ အဆိုးဆုံး အတားအဆီးတွေကို ပေးလာတတ်ပါတယ်။ အခုတင်ဆက်ပေးလိုက်တဲ့ ရုပ်ရှင်ကားလေးဟာ ရိုးရိုးရှင်းရှင်း အချစ်ဇာတ်လမ်းတစ်ခုထက် ပိုပါတယ်။ သွေးအေးစရာကောင်းတဲ့ လူဆိုးဂိုဏ်းတွေကြား၊ အသက်ရှင်ဖို့ ရုန်းကန်နေရတဲ့ အချိန်အခါမျိုးမှာ ကိုယ့်ရဲ့ ချစ်သူ၊ ကိုယ့်ရဲ့ အသက်ထက်တောင် တန်ဖိုးထားရတဲ့သူအတွက် ဘယ်လောက်အထိ စွန့်လွှတ်နိုင်မလဲဆိုတာကို ဒီကားက ပီပီပြင်ပြင် ရိုက်ပြသွားပါတယ်။ လှည့်ကွက်တွေ၊ အသက်ရှူမှားလောက်တဲ့ အခိုက်အတန့်တွေကြားထဲမှာ အချစ်ဆိုတဲ့ တရားက ဘယ်လိုမျိုး အသက်ဝင်နေလဲဆိုတာကို ရသစုံခံစားရမှာပါ။ ဒီကားက ရိုးရိုးအက်ရှင်ကားတွေနဲ့ မတူဘဲ ဇာတ်လမ်းတစ်လျှောက်လုံးမှာ စိတ်လှုပ်ရှားမှုတွေကို တရစပ်ပေးစွမ်းနိုင်ပါတယ်။ အဓိကဇာတ်ကောင်တွေရဲ့ အပြန်အလှန် စကားပြောဆိုမှုတွေ၊ သံသယတွေ၊ အသက်သေဆုံးနိုင်ခြေရှိတဲ့ အခြေအနေမျိုးမှာတောင် သူတို့ရဲ့ ခံယူချက်တွေကို ထည့်သွင်းရိုက်ကူးထားတာက ပရိသတ်တွေကို ဇာတ်လမ်းထဲမှာ အပြည့်အဝ နစ်မွန်းသွားစေမှာပါ။ အထူးသဖြင့် အချစ်နဲ့ တာဝန်ကျေမှု၊ မိမိချစ်သူအပေါ်ထားတဲ့ သစ္စာတရားတွေက ရုပ်ရှင်တစ်ကားလုံးရဲ့ အသက်သွေးကြောပါပဲ။ ဒီကားကို ကြည့်ပြီးရင်တော့ အချစ်ဆိုတာ ကိုယ့်အတွက်ပဲ မဟုတ်ဘဲ အခက်အခဲဆုံးအချိန်တွေမှာတောင် အတူရှိပေးဖို့၊ အနစ်နာခံဖို့ဆိုတာကို နားလည်လာပါလိမ့်မယ်။ ဘဝမှာ ဘယ်လောက်ပဲ ခက်ခဲတဲ့ အခြေအနေတွေနဲ့ ကြုံတွေ့ပါစေ၊ သစ္စာရှိမှုနဲ့ ရဲရင့်မှုသာ

အက်ရှင်ကားကောင်းကောင်း မျှော်နေတဲ့အိန္ဒိယပရိသတ်ကြီးအတွက် တောင်ပိုင်းဇာတ်ကြမ်းကားတစ်ခု တင်ဆက်ပေးချင်ပါတယ် အရင်ခေတ်ဇာတ်ကားတွေရဲ့ အငွေ့အသက်ကို အပြည့်အဝရတဲ့အပြင် ရိုက်ချက်တွေကလည်း ခေတ်မှီတာမို့ အက်ရှင်ကားပရိသတ်တွေ အကြိုက်တွေ့ကြမှာ သေချာပါတယ် ဇာတ်လမ်းလေးကတော့...နီလာ ရဲ့ အဖေက ကရာတေးဆရာပါ သူ့ကို ငယ်ငယ်လေးတည်းက အနိုင်ကျင့်တာခေါင်းငုံ့မခံဖို့ မတရားမှုတွေလက်ပိုက်မကြည့်တတ်ဖို့ အဖေက ဆုံးမပေးခဲ့ပါတယ် ဆုံးမပေးတဲ့အပြင် တိုက်ခိုက်ရေးပညာကိုလည်း တစ်ဖက်ကမ်းခတ် သင်ပေးလိုက်ပါသေးတယ်...အဖေနဲ့သမီးကပဲ ကြမ်းတာလားဆိုတော့ မဟုတ်ပါဘူး။ သူတို့မာမီကလည်း ကရာတေးပညာရှင်တစ်ယောက်ပါ။ ဖိုက်တာမိသားစုဆိုတော့ ထစ်ခနဲရှိတွယ်နေကျလုပ်ရင်း နီလာတစ်ယောက် သတို့သားကို ရှာမတွေ့နိုင်သေးပါဘူး။ သူ့အမေက သမီးလေးကို မိန်းမသားပီပီ နေရာတကာလက်မပါဖို့ ဆုံးမနေရင်း နီလာ တစ်ယောက် မတရားမှုကို ခေါင်းငုံ့မခံ ဖြေရှင်းဖို့ ထုံးစံအတိုင်း လူတစ်ယောက်ကို တွယ်ထုတ်လိုက်ပါတယ်။ သူတွယ်ထုတ်လိုက်တဲ့လူရဲ့နောက်ကွယ်မှာ သပွတ်အူအရှုပ်ထုပ်ကြီး ရှိနေတဲ့အခါမှာတော့..... အက်ရှင်ကားဆိုပေမယ့် ဇာတ်လမ်းအချိတ်အဆက်တွေက မိုက်တဲ့အပြင် မိသားစုသုံးယောက် Aura Farm တဲ့ အကွက်တွေကလည်း အရမ်းကြမ်း မင်းသမီးလေးနှစ်ယောက်ကလည်း ကြမ်းတမ်းပြနေပေမယ့် ရုပ်လေးတွေလည်း ချောချောလှလှလေးတွေဆိုတော့ အက်ရှင်ကားကိုမှ ဇာတ်လမ်းဇာတ်ကွက်ကောင်းကောင်းကြိုက်သူတွေ လက်မလွတ်သင့်တဲ့ ဇာတ်ကားလေ

ဒီတစ်ခါမှာတော့ စန္ဒယားကီးခလုတ်တွေရဲ့ တုန်ခါမှုနဲ့အတူ ဘဝရဲ့ အနိမ့်အမြင့် သံစဉ်တွေကို ရင်ထဲတငြိမ့်ငြိမ့်နဲ့ စီးမျောခံစားရမယ့် "Tuner" ဆိုတဲ့ ဒရမ်မာကားကောင်းလေးတစ်ကားနဲ့ မိတ်ဆက်ပေးချင်ပါတယ်။ ဇာတ်လမ်းလေးကတော့ ဆူညံသံတွေကို ထိခိုက်ခံစားရလွယ်တဲ့ (Hyperacusis) ဝေဒနာရှိပေမဲ့ အဲဒီထူးခြားတဲ့ အကြားအာရုံကြောင့်ပဲ စန္ဒယားတွေကို အနုစိတ်ဆုံးအထိ တိတိကျကျညှိပေးနိုင်တဲ့ ပါရမီရှင် အသံညှိဆရာ လူငယ်လေး နီကီ ရဲ့ ဘဝကနေ စတင်ထားပါတယ်။ သူက သူ့ရဲ့ဖခင်လိုပဲ လေးစားရတဲ့ ဝါရင့်အသံညှိဆရာကြီး ဟာရီ ရဲ့ လက်အောက်မှာ ပညာသင်ရင်း ဘဝကို အေးအေးချမ်းချမ်း ဖြတ်သန်း‌နေတဲ့သူတစ်ယောက်ပါ။ ဒါပေမဲ့ တစ်ရက်မှာတော့ ဆရာဖြစ်သူ ဟာရီတစ်ယောက် ရုတ်တရက် နှလုံးရောဂါအပြင်းအထန်ဖြစ်ပြီး ဆေးရုံတက်ရတာကြောင့် ကြီးမားတဲ့ ဆေးရုံစရိတ်တွေနဲ့ အကြွေးတွေဟာ နီကီ့အပေါ် ကျရောက်လာပါတော့တယ်။ ဆရာ့ရဲ့ ဆေးဖိုးတွေကို ဆပ်ပေးဖို့အတွက် အသည်းအသန်ငွေလိုလာတဲ့အချိန်မှာပဲ... သူ့ရဲ့ထူးခြားလွန်းတဲ့ အကြားအာရုံပါရမီကို သတိထားမိသွားတဲ့ လုံခြုံရေးကုမ္ပဏီအယောင်ဆောင် ဓားပြအဖွဲ့တစ်ဖွဲ့က မီးခံသေတ္တာတွေကို အသံနားထောင်ပြီး လျှို့ဝှက်ကုဒ်ဖျက် ဖွင့်ပေးဖို့ ကမ်းလှမ်းလာခဲ့ပါတယ်။ ဒီလိုနဲ့ဆရာ့အပေါ်ထားတဲ့ သံယောဇဉ်ကြောင့် ရာဇဝတ်မှုလောကထဲ ခြေစုံပစ်ဝင်ရင်း စန္ဒယားတီးခတ်တဲ့ကျောင်းသူလေး ရူသီ နဲ့ပါ မထင်မှတ်ဘဲ အချစ်ဇာတ်လမ်း စတင်ခဲ့ရပါတယ်။ ဇာတ်လမ်းရဲ့ အလှည့်အပြောင်းတွေကြားထဲမှာပဲ ရိုးသားတဲ့ အသံ

ဒီကားဟာ ၂၀၀၉ ခုနှစ်က ထွက်ရှိခဲ့ပြီး ပရိသတ်တွေကို မျက်ရည်ဖြိုင်ဖြိုင်ကျစေခဲ့တဲ့ ရင်နင့်ဖွယ် ကိုရီးယား Melodrama ရုပ်ရှင်ကားကြီး တစ်ကားဖြစ်ပါတယ်။ ဇာတ်လမ်းကတော့ လူးဂဲရစ်ရောဂါ (ALS - ကြွက်သားအားနည်းပြီး တဖြည်းဖြည်း လေဖြတ်သွားသည့်ရောဂါ) ကို ခံစားနေရတဲ့ ဂျုံဝူးနဲ့ နာရေးကူညီမှုလုပ်ငန်း လုပ်ကိုင်သူ ဂျီဆူးတို့ရဲ့ အချစ်ဇာတ်လမ်း ဖြစ်ပါတယ်။ ဂျုံဝူးဟာ သူ့ရဲ့ရောဂါကြောင့် ဘဝကို လက်လျှော့ထားသလို ဖြစ်နေပေမဲ့ ငယ်ချစ်ဖြစ်သူ ဂျီဆူးနဲ့ ပြန်လည်ဆုံတွေ့ချိန်မှာတော့ သူတို့နှစ်ဦးကြားထဲမှာ နက်ရှိုင်းတဲ့ သံယောဇဉ်တွေ စတင်ဖြစ်ပေါ်လာခဲ့ပါတယ်။ အိမ်ထောင်ရေးကံမကောင်းဘဲ နှစ်ကြိမ်တိုင်တိုင် ကွာရှင်းထားရတဲ့ ဂျီဆူးဟာ ဂျုံဝူးရဲ့ ရောဂါအခြေအနေကို သိရှိထားပေမဲ့လည်း သူ့အနားမှာပဲ အဖော်ပြုပေးဖို့ ဆုံးဖြတ်ပြီး လက်ထပ်ခဲ့ကြပါတယ်။ ရောဂါအခြေအနေ တဖြည်းဖြည်း ဆိုးရွားလာပြီး ခန္ဓာကိုယ်တစ်ခုလုံး လှုပ်ရှားမရတော့တဲ့အထိ ဖြစ်လာတဲ့ ဂျုံဝူးနဲ့ သူ့အပေါ် နောက်ဆုံးအချိန်အထိ မေတ္တာမပျက်ဘဲ ပြုစုစောင့်ရှောက်ပေးမဲ့ ဂျီဆူးတို့ရဲ့ စိတ်မကောင်းဖွယ်ရာ ရုန်းကန်ရမှုတွေကို ရင်နင့်စဖွယ် ပုံဖော်ထားပါတယ်။ ဒီကားမှာ မင်းသားကြီး Kim Myung-min ဟာ ALS ဝေဒနာရှင်တစ်ယောက်ရဲ့ ပုံစံအစစ်အမှန်အတိုင်း ပေါ်လွင်စေဖို့အတွက် ကိုယ်အလေးချိန်ကို ၂၀ ကီလိုဂရမ်ကျော်အထိ ဝိတ်အကျခံခဲ့ပါတယ်။ ဇာတ်လမ်းပြီးခါနီးအချိန်မှာ သူ့ရဲ့ ပိန်လှီခြောက်ကပ်သွားတဲ့ ခန္ဓာကိုယ်ပုံစံဟာ ပရိသတ်

အခုတစ်ခေါက် ဇာတ်ကားလေးကတော့ The Rae The Exorcistဆိုတဲ့ Horror အမျိုးအစား ထိုင်းသရဲကားလေးပဲ ဖြစ်ပါတယ်။ ထိုင်းနိုင်ငံမြောက်ပိုင်းက အကြီးဆုံး ကက်သလစ်ရွာဖြစ်တဲ့ ထာ့ရဲရွာလေးတစ်ရွာမှာ လွန်ခဲ့တဲ့နှစ်ပေါင်း လေးဆယ်က သရဲကြီး ပြန်ပေါ်လာပြီး ရွာသူတစ်ယောက်ကို ဝင်ပူးကာ တစ်ရွာလုံး ထိတ်လန့်ကြောက်ရွှံ့မှုတွေ ကြုံနေရပါတယ်။ ရိုးရာဓလေ့နည်းလမ်းတွေနဲ့ နတ်ကတော်တစ်ယောက်က သရဲနှင်ပေးပေမယ့် မအောင်မြင်ဘဲ ပိုဆိုးသွားခဲ့ပါတယ်။ ဒါကြောင့် ခရစ်ယာန်ဂိုဏ်းချုပ်ကနေ ဘုန်းတော်ကြီးတစ်ပါးဖြစ်တဲ့ ဖာသာပေါင်လိုကို အဲဒီရွာကို စေလွှတ်ကာ ရွာရဲ့ ပြဿနာကို ဖြေရှင်းခိုင်းပါတယ်။ ဒါပေမဲ့ ဖာသာ့မှာလည်း အတိတ်က အမှားတွေ မိခင်ဖြစ်သူရဲ့ သေဆုံးမှုတွေကနေ အရှုပ်ထုပ်ထဲ ဝင်မိပြီး သရဲနှင်ရာမှာ အဆင်မပြေ ဖြစ်နေပါတယ် ဒီလိုနဲ့ လမ်းလွဲနေတဲ့ နတ်ကတော်နဲ့ အတိတ်အမှားကြောင့် ဘုရားသခင်ထံကနေ ခွင့်လွှတ်မှု တောင်းခံနေတဲ့ ဘုန်းတော်ကြီးတို့ ပူးပေါင်းကာ ရွာရဲ့ဒုက္ခကို ကယ်တင်ရာမှာ ဘာတွေဖြစ်လာမှာလဲ.... ဘုန်းတော်ကြီးနဲ့ နတ်ဆရာတို့က သရဲပူးခံနေရတဲ့ ရွာသူလေး မာလီကို ကယ်တင်နိုင်ပါ့မလား... ဒီလိုစိတ်ဝင်စားစရာတွေနဲ့ အရှေ့မြောက်ပိုင်းဒေသရဲ့ ဘာသာရေး ယုံကြည်မှု သရဲနှင်ထုတ်ပုံတွေကို အခြေခံပြီး ရိုက်ကူးထားတဲ့ စိတ်ဝင်စားစရာ ထိုင်းဇာတ်ကားကောင်းတစ်ကားပဲ ဖြစ်ပါတယ်။

တရုတ်ရုပ်ရှင်လောကရဲ့ ထူးခြားတဲ့ လက်ရာတစ်ခုဖြစ်တဲ့ "မျက်မမြင်နှိပ်နယ်ရေး" (Blind Massage) ရုပ်ရှင်ကားဟာ ပုံမှန်ရုပ်ရှင်တွေနဲ့မတူဘဲ မျက်မမြင်တွေရဲ့ လောကကို အလွန်နက်နဲပြီး စိတ်ခံစားမှုပြင်းထန်စွာ ရိုက်ကူးပြထားတဲ့ ဇာတ်ကားကောင်းတစ်ခု ဖြစ်ပါတယ်။ ဒီကားထဲမှာ မျက်မမြင်နှိပ်နယ်ရေးစင်တာတစ်ခုက ဝန်ထမ်းတွေရဲ့ ဘဝ၊ သူတို့ရဲ့ ချစ်ခြင်းမေတ္တာ၊ လောဘ၊ ဒေါသနဲ့ ရှင်သန်မှုအတွက် ရုန်းကန်နေရတဲ့ ပုံရိပ်တွေကို အနုပညာမြောက်စွာ ပုံဖော်ထားပါတယ်။ ဇာတ်လမ်းရဲ့ အနှစ်သာရက အပြင်ပန်း မြင်နေရတဲ့ အရာတွေထက် မမြင်နိုင်တဲ့ ခံစားချက်တွေက ပိုပြီး တကယ့်အရှိတရားနဲ့ နီးစပ်နေတယ်ဆိုတာကို ပရိသတ်တွေ ခံစားမိစေမှာပါ။ ဇာတ်ကောင်တစ်ယောက်ချင်းစီရဲ့ ဘဝလမ်းကြောင်းတွေဟာ အတက်အကျများပြီး ကိုယ်ချင်းစာစိတ်ကို အပြည့်အဝ နှိုးဆွပေးနိုင်တာကြောင့် ကြည့်ရှုသူတွေကို ဇာတ်လမ်းထဲမှာ နှစ်မြှုပ်သွားစေမယ့် ကားမျိုးဖြစ်ပါတယ်။ ဒီရုပ်ရှင်ကားကို ကြည့်သင့်တဲ့ အဓိကအကြောင်းအရင်းကတော့ လူ့ဘဝရဲ့ အမှောင်နဲ့ အလင်းကြားက ကွာဟချက်ကို မျက်မမြင်တွေရဲ့ မျက်လုံးနဲ့ မြင်တွေ့နိုင်ဖို့ပါပဲ။ သာမန်မျက်မြင်တွေ လျစ်လျူရှုထားတတ်တဲ့ စိတ်ခံစားမှုတွေကို သူတို့က ဘယ်လောက်ထိ သိမ်မွေ့စွာ ခံစားနေရသလဲဆိုတာကို ဒီကားမှာ အသက်ဝင်အောင် တင်ပြထားပါတယ်။ ဒါ့အပြင် လောင်ယဲ့ (Lou Ye)ရဲ့ လက်ရာဖြစ်တဲ့အတိုင်း ရိုက်ကူးမှုပုံစံနဲ့ ဇာတ်လမ်းအသွားအလာဟာ အလွန်သဘာဝကျပြီး တကယ့်လက်တွေ့ဘဝကို ရုပ်ရှင်ထဲမှာ ခံစားနေရသ

အပန်းဖြေခရီးထွက်ရင်း သဘာဝတရားရဲ့ ကြောက်မက်ဖွယ်ရာ အန္တရာယ်တစ်ခုနဲ့ ရင်ဆိုင်ရရင် ဘယ်လိုလုပ်မလဲ။ ၂၀၂၆ ခုနှစ်ရဲ့ သည်းထိပ်ရင်ဖို Survival Horror ဇာတ်ကားသစ်ဖြစ်တဲ့ "Hungry" ဟာ အမေရိကန်ပြည်နယ် လူးဝီးစီးယားနားရဲ့ စိမ့်တောလမ်းကြောင်းတွေထဲမှာ ရိုက်ကူးထားတာပါ။ ဇာတ်လမ်းကတော့ ရေပေါ်မှာ လှေစီးပြီး တောရိုင်းတိရစ္ဆာန်တွေကို ကြည့်ရှုဖို့ စိတ်အားထက်သန်နေတဲ့ ခရီးသွားအုပ်စုတစ်စုအကြောင်းပါ။ သူတို့ဟာ သာမန် ခရီးသွားလမ်းကြောင်းကနေ ခွဲထွက်ပြီး ပိုမိုထူးခြားတဲ့ အတွေ့အကြုံကို ရဖို့ ကြိုးစားရင်းနဲ့ စိမ့်တောရဲ့ ရေပြင်အောက်မှာ ပုန်းအောင်းနေတဲ့ အန္တရာယ်ကြီးတစ်ခုကို မရည်ရွယ်ဘဲ နှိုးဆွမိလိုက်ပါတော့တယ်။ အဲဒါကတော့ နယ်မြေပိုင်နက်ကို အလွန်အမင်း စောင့်ရှောက်တတ်တဲ့၊ အလွန်ကြီးမားပြီး ရက်စက်တဲ့ Hippopotamus ကောင်ကြီးပါပဲ။ ဒီဇာတ်ကားမှာတော့ ပုံမှန် မြွေ၊ မိကျောင်းတွေနဲ့ ရိုက်လေ့ရှိတဲ့ ဇာတ်လမ်းတွေထက် ပိုမိုဆန်းသစ်တဲ့ တိရစ္ဆာန်အန္တရာယ်ကို မြင်တွေ့ရမှာပါ။ ရေပြင်အောက်မှာ ပုန်းခိုနေတဲ့ အကောင်ကြီးရဲ့ ရုတ်တရက် တိုက်ခိုက်မှုကြောင့် သူတို့ရဲ့ လှေပျက်စီးသွားပြီးတဲ့နောက်မှာတော့ လွတ်မြောက်ဖို့ လမ်းစမရှိတော့တဲ့ ခရီးသွားတွေဟာ အသက်ရှင်သန်ဖို့အတွက် အသည်းအသန် ရုန်းကန်ရပါတော့တယ်။ ဇာတ်ကားတစ်လျှောက်လုံးမှာ စိမ့်တောရဲ့ အမှောင်ဖုံးနေတဲ့ လေထု၊ ဟစ်ပိုကောင်ကြီးရဲ့ ခြေရာလက်ရာမပြ တိုက်ခိုက်မှုတွေနဲ့အတူ ကြည့်ရှုသူတွေကို အသက်ရှူမှားလောက်အောင် တင်းမာမှ

မင်းသားကြီးတွေနဲ့ အပီကြမ်းမဲ့ ပလော့တွစ် အကြမ်းစားနဲ့ အက်ရှင် ဇာတ်ကားကောင်း Bruce Wills,Morgen freeman, Ben Kingsley, Josh Hartnett , Lucy Liu အစရှိသည့် နာမည်ကြီး မင်းသား မင်းသမီးများကို တစ်စုတစ်စည်းထဲ ကြည့်ရှုနိုင်မဲ့ ဇာတ်ကားကောင်း ဇာတ်လမ်းအကျဉ်း “ကံဆိုးမ သွားရာ မိုးလိုက်လို့ရွာ” ဆိုတဲ့ စကားပုံလိုပဲ ကံဆိုးသူ မောင်ရှင်လေး စလက်ဗင်တစ်ယောက် ထီးမပါတဲ့ နေ့မှာ မိုးမိပါတော့တယ်။ အလုပ်ကပြုတ်၊ တိုက်ခန်းကနေ မောင်းချခံရ၊ ရည်းစားကလည်း ဖောက်ပြန်နဲ့ ဒါတင် မကသေးဘဲ စိတ်လွတ်လက်လွတ် သူငယ်ချင်းဆီ သွားနေမှ သူငယ်ချင်းအစား လူမှားပြီး လောင်းကစားကြွေးတွေ ဒေါ်လာ သောင်းနဲ့ချီ ဆပ်ပေးရဖို့ ဖြစ်လာပါတော့တယ်။ အကြွေးရှင်တစ်ယောက်က လူတစ်ယောက်ကို သတ်ပေးရင် သူ့အကြွေးတွေကို ချေပေးမယ်လို့ ကမ်းလှမ်းလာပါတော့တယ်။ ဒါနဲ့ စလက်ဗင်လည်း “တုံးတိုက်တိုက် ကျားကိုက်ကိုက်” ဆိုပြီး လူသတ်ဖို့ ကြံစည်လိုက်ပါတော့တယ်။ ဒါပေမဲ့ ကိစ္စတွေက ဒီလောက် ရိုးရှင်း မနေခဲ့ပါဘူး။ နှံကောင်က ပိုးကောင်ကို ချောင်းနေတဲ့အချိန် ငှက်က နှံကောင်ကို ပြန်ချောင်းနေခဲ့တာပါ။ ဒါပေမဲ့ ဘုရားသခင်က စလက်ဗင်အတွက် ဘေးကနေ ကူညီပေးဖို့ စုံထောက် လုပ်ရတာ ကြိုက်တဲ့ မှုခင်းဆရာဝန်မလေး လင်ဆေးကို ပို့ပေးခဲ့ပါတယ်။ အများကြီး သိလာလေ ပြဿနာက ထင်သလောက် မရိုးရှင်းမှန်း သိလာလေ အခါမှာ သူတို့ နှစ်ယောက်ပေါင်းပြီး ဒီကိစ္စကို ဖြေရှင်း သွားနိုင်မလား? စလက်ဗင်တစ်ယောက် အခုလို ဘေး

သင်က ရင်ခုန်စိတ်လှုပ်ရှားစရာကောင်းပြီး တောင်တက်ခြင်းရဲ့ အနှစ်သာရကို အသားပေးထားတဲ့ ဇာတ်ကားမျိုးကို ရှာနေတယ်ဆိုရင်တော့ ဒီဇာတ်ကားက သင့်အတွက် အကောင်းဆုံးပါပဲ။ ဟိမဝန္တာတောင်တန်းတွေရဲ့ အေးစက်စက် အလှတရားကြားမှာ ဖုံးကွယ်ထားတဲ့ လျှို့ဝှက်ချက်တစ်ခုနဲ့ အသက်စွန့်ရမယ့် တောင်တက်ခရီးကြမ်းတစ်ခုအကြောင်းကို ဒီဇာတ်ကားက ပုံဖော်ပြသသွားမှာပါ။ လေယာဉ်ပျက်ကျမှုနောက်ကွယ်က နိုင်ငံရေးပယောဂတွေ၊ အာဏာမက်မောသူတွေရဲ့ ရက်စက်မှုတွေနဲ့အတူ ကိုယ့်ရဲ့ တပည့်အရင်းအချာတွေကို ကယ်တင်ဖို့ ကြိုးစားရတဲ့ ကပ္ပတိန်တစ်ယောက်ရဲ့ သတ္တိတွေကို ဒီဇာတ်ကားမှာ အသက်ဝင်စွာ ခံစားရမှာပါ။ အောက်ဆီဂျင်ပြတ်လပ်တဲ့ "သေမင်းနယ်မြေ" ထဲက အသက်ရှင်ဖို့ ရုန်းကန်မှုတွေ၊ အဆုံးသတ်တိုင်းမှာ အစပျိုးခြင်းအသစ် ရှိတယ်ဆိုတဲ့ ဒဿနတွေကိုပါ ပေါင်းစပ်ထားတာမို့ တောင်တက်ရုပ်ရှင် ကြိုက်နှစ်သက်သူတွေအတွက် လက်မလွှတ်သင့်တဲ့ ဇာတ်ကားကောင်းတစ်ခု ဖြစ်ပါတယ်။ ပိုက်ဆံ၊ ဂုဏ်သိက္ခာနဲ့ အသက်ရှင်ခြင်းဆိုတဲ့ အဓိပ္ပာယ်တွေကို အပြန်အလှန် ချိန်ထိုးပြသွားတာက ဇာတ်လမ်းကို ပိုပြီး တန်ဖိုးရှိသွားစေပါတယ်။ ဇာတ်လမ်းရဲ့ အဆုံးသတ်က သင့်ကို မျက်ရည်ဝဲစေမလား၊ ဒါမှမဟုတ် ဘဝရဲ့ အဓိပ္ပာယ်ကို ပြန်တွေးစေမလားဆိုတာကို M Sub Movie Channel မှာ အခုပဲ ဝင်ရောက်ကြည့်ရှုလိုက်ပါ။

အခုတစ်ခေါက် ဇာတ်ကားလေးကတော့ Oh My Ghost Becoming Li Hu ဆိုတဲ့ ထိုင်းဟာသ နန်းတွင်းကားလေးပဲ ဖြစ်ပါတယ်။ သဲအူနဲ့သူရဲ့သားကွိုင်တို့ဟာ တရုတ်ပြည်ကို အချိန်ခရီးသွားရင်း ကြုံတွေ့ရတဲ့ ရယ်မောဖွယ်ရာ အခက်အခဲတွေကို ရိုက်ကူးထားတဲ့ အချိန်ခရီးသွားကားလေး ဖြစ်ပါတယ် ထိုင်းနိုင်ငံရဲ့ နာမည်ကြီး Oh My Ghostဇာတ်ကားတွေထဲက နောက်ထပ်အသစ်ထွက်ရှိလာတဲ့ ဇာတ်ကားလေး ဖြစ်ပါတယ်။ တရုတ်ပြည် သာ့ရှန်းပြည်မှာ မိဖုရားခေါင်ကြီးလီဟူ အဆိပ်ခတ်ပြီး လုပ်ကြံခံလိုက်ရပါတယ် မိဖုရားကြီး လုပ်ကြံခံရမှုဟာ တိုင်းပြည် အရှုပ်အထွေး ဖြစ်စေမှာစိုးတဲ့အတွက် မိဖုရားကြီးနဲ့ ရုပ်ချင်းတူတဲ့ သဲအူက မိဖုရားခေါင်ကြီး နေရာမှာ အစားဝင်ဖို့ဖြစ်လာပါတယ်။ နန်းတွင်းရဲ့ အရှုပ်တော်ပုံကြားမှာ မလည်မဝယ်နဲ့ ရောက်လာတဲ့ သဲအူတို့သားအမိ အလွဲပေါင်း သောင်းခြောက်ထောင်နဲ့ သာ့ရှန်းပြည်ကို ဝင်မွှေပါတော့တယ် ကြင်ယာတော်တွေကြားက ယုတ်မာမှု မနာလို ဝန်တို ပြိုင်ဆိုင်မှုတွေ နန်တွင်းမိန်းမဆိုးကြီး ထန်ကုန်းကုန်းရဲ့ နောက်ကွယ်က ယုတ်မာပုံတွေ အာဏာကို လိုချင်တပ်မက်ကြတဲ့ အိမ်ရှေ့စံမင်းသားနေရာကို အပြိုင်လုကြတဲ့ မိဖုရားငယ်တွေရဲ့သားတွေ...စတဲ့ နန်းတွင်းရေးရာတွေ အပြင် လုပ်ကြံခံရပြီး သေသွားတဲ့ မိဖုရားငယ်လေး ကျောက်လုရှီးရဲ့ဝိညာဥ်က မကျွတ်လွတ်ဘဲ သရဲမဖြစ်ကာ ပြန်လည်လက်စားချေပုံတွေ စတဲ့ ဒီလိုစိတ်ဝင်စားစရာတွေကို ကြည့်ရဖိုရမယ့်အပြင် မိဖုရားခေါင်ကြီးလီဟူ အတုနဲ့ အစစ် အားပြိုင်ပုံတ

ဒီတစ်ခေါက်မှာတော့ မင်းသမီး Liu Yifeiနဲ့ မင်းသားSong Seung-heonတို့ပါဝင်သရုပ်ဆောင်ထားတဲ့ The Third Way of Love (第三种爱情) ဆိုတဲ့ Romantic Dramaကားလေကို တင်ဆက်ပေးလိုက်ပါတယ်နော်။ "လောကမှာ အချစ်သုံးမျိုးရှိတယ်တဲ့ တချို့အချစ်တွေက ချစ်ခဲ့တယ်...ဒါပေမယ့် မပိုင်ဆိုင်နိူင်ဘူး... တချို့လူတွေက ဘဝထဲရောက်လာဖို့ပဲ ရည်ရွယ်ထားပြီး အတူရှိနေဖို့တော့မဟုတ်ခဲ့ဘူးလေ" ဇာတ်လမ်းအကျဉ်း အောင်မြင်တဲ့ရှေ့နေကျိုးယွဲ့ဟာ ဒါရိုက်တာလင်ချီကျန်း နဲ့ မမျှော်လင့်ဘဲ ဆုံတွေ့ခဲ့ရပါတယ်။မတူညီတဲ့ ဘဝနောက်ခံနဲ့ လူမှုအဆင့်အတန်းကြားက ကွာခြားချက်တွေရှိပေမယ့် သူတို့နှစ်ဦးဟာတဖြည်းဖြည်း ချစ်မိသွားခဲ့ပါတယ်။သို့သော် အချစ်တစ်ခုတည်းနဲ့ ဘဝကို ဆုံးဖြတ်လို့မရတဲ့အခြေအနေတွေ မိသားစုတာဝန်တွေ လက်တွေ့ဘဝရဲ့ဖိအားတွေက သူတို့နှစ်ဦးရဲ့ အချစ်လမ်းခရီးကို အခက်အခဲမျိုးစုံနဲ့ ပြည့်နှက်စေခဲ့ပါတယ်။ဒီဇာတ်ကားလေးထဲမှာဆိုရင်တော့ ကျိုးယွဲ့နဲ့လင်ချီကျန်းတို့ရဲ့ အချစ်နဲ့ တာဝန်၊ ဆန္ဒနဲ့ လက်တွေ့ဘဝကြားမှာရွေးချယ်ရမယ့် လူနှစ်ယောက်ရဲ့အချစ်ဇာတ်လမ်းကို ရိုမန်တစ်ဆန်ဆန် ပုံဖော်ထားတဲ့ ဇာတ်ကားကောင်းတစ်ကား ဖြစ်ပါတယ်။ ဒဏ္ဍာရီပုံပြင်တွေထဲမှာ အချစ်ရဲ့နည်းလမ်း သုံးမျိုးရှိတယ်တဲ့ ပထမတစ်မျိုးက "ပျော်ရွှင်စွာပေါင်းဖက်ခွင့်ရတာ" ဒုတိယတစ်မျိုးက "အချင်းချင်းလုံးဝမေ့ပစ်လိုက်ပြီး လွတ်လပ်စွာရှင်သန်တာ" တတိယတစ်မျိုးကတော့... အချစ်တွေထဲမှာ အနာကျင်ရဆုံးနဲ့ ဝမ်းနည်းစရာအကောင်းဆုံးဖြ

“တည်ရှိနေကြောင်း သက်သေမပြနိုင်တဲ့အရာတွေက စိတ်ကူးယဉ်သက်သက်ပါပဲ” သိပ္ပံပညာရှင်တွေ အခုထိ လက်ဆုပ်လက်ကိုင် သက်သေမပြနိုင်သေးတဲ့အရာတွေထဲမှာ ဂြိုဟ်သားတွေလည်း ပါပါတယ်။ အာကာသ‌ထဲက တခြားဉာဏ်ရည်မြင့် သတ္တဝါတွေနဲ့ ဆက်သွယ်နိုင်ဖို့က သူတို့ရဲ့ အကြီးမားဆုံး ဆန္ဒ တစ်ခုဖြစ်ပြီး အယ်လီအတွက်လည်း အတူတူပါပဲ။ ငယ်စဉ်ကတည်းက မြင့်မားတဲ့ ဉာဏ်ရည်နဲ့ အရာရာကို မေးခွန်းထုတ်တတ်တဲ့ ကျိုးကြောင်းဆီလျော်ပြီး မျက်စိနဲ့ မြင်ရတဲ့အရာကိုပဲ ယုံကြည်တဲ့ ရည်မှန်းချက်ကြီးလွန်းတဲ့ မိန်းကလေးတစ်ယောက်ပါ။ သူ့အသက်နဲ့ ရင်းပြီးတောင် ရှာဖွေချင်တဲ့ “ လူသားတွေက ဘယ်ကရောက်လာလဲ? ဘယ်လိုရည်ရွယ်ချက်တွေနဲ့လဲ?” အစရှိတဲ့ မေးခွန်းတွေကို တစ်ရက်မှာတော့ ကောင်းကင်က ပြန်ဖြေပေးခဲ့ပါတယ်။ အာကာသထဲက ပို့လွှတ်လိုက်တဲ့ ဆူညံသံတစ်ခုနဲ့ စွမ်းဆောင်ရည်မြင့် ရုပ်သံတစ်ခုက သူ့ကိုသာမက တစ်ကမ္ဘာလုံးကိုပါ တုန်လှုပ်ချောက်ချားသွားစေပါတယ်။ ဘာသာရေးသမားတွေကတော့ ဘုရားသခင်ရဲ့ သတင်းစကား တချို့ကတော့ ကမ္ဘာမြေကို ကျူးကျော်မဲ့ ခြိမ်းခြောက်စာ စသည် ထင်မြင်ချက်တွေထဲမှာ အယ်လီကတော့ သူ့မေးခွန်းတွေအတွက် အဖြေရတော့မှာမို့ စိတ်လှုပ်ရှားနေခဲ့တာပါ။ ဒီရလာတဲ့ ပို့လွှတ်ချက်ကို အမျိုးမျိုး ခွဲခြမ်းစိတ်ဖြာပြီးတဲ့နောက်မှာ ဘာမှန်း မသိရတဲ့ စက်တစ်မျိုးရဲ့ တည်ဆောက်ရေး ပုံစံ ဖြစ်နေခဲ့ပါတယ်။ ဒီစက်က ဘာအတွက်လဲ? ဒီပုံကြမ်းကို ပို့လိုက်ရတဲ့ ရည်ရွယ်ချက်ကရော တကယ်တော့ ဘာများ ဖြစ်မလဲ?

ဒီဇာတ်ကားလေးကတော့ မြို့ကြီးပြကြီးမှာ ကိုယ်ပိုင်လက္ခဏာ ပျောက်ဆုံးနေပြီး သာမန်ဘဝလေးကို ဖြတ်သန်းနေတဲ့ လူငယ်လေးတစ်ယောက်နဲ့ နိုင်ငံတော်အဆင့် အရာရှိဖြစ်ဖို့ ရည်မှန်းချက်ကြီးမားတဲ့ မိန်းကလေးတစ်ယောက်တို့ကြားက အချစ်ဇာတ်လမ်းကို အစပျိုးထားပါတယ်။ သူတို့နှစ်ယောက်ရဲ့ ဆန့်ကျင်ဘက်ဖြစ်နေတဲ့ ဘဝရည်မှန်းချက်တွေ၊ နေထိုင်မှုပုံစံတွေကြားမှာ ချိုမြိန်တဲ့ အချစ်ရေးလေး ပေါ်ပေါက်လာခဲ့ပေမဲ့ လက်တွေ့ဘဝရဲ့ အခက်အခဲတွေနဲ့ ဖိအားတွေက သူတို့ရဲ့ဆက်ဆံရေးကို ပြင်းပြင်းထန်ထန် စမ်းသပ်လာပါတယ်။ ရည်မှန်းချက် ကြီးကြီးမားမားမရှိတဲ့ ကောင်လေးနဲ့ အောင်မြင်ချင်စိတ် ပြင်းပြလွန်းတဲ့ ကောင်မလေးတို့ရဲ့ ကြားက ပွတ်တိုက်မှုတွေကတစ်ဆင့် ကြည့်ရှုသူကို ဇာတ်လမ်းထဲမှာ စီးမျောသွားစေမဲ့ ဆွဲဆောင်မှုအပြည့်ပါတဲ့ ဇာတ်ကားကောင်းတစ်ကား ဖြစ်ပါတယ်။ အချစ်ရေးမှာ နာကျင်စွာ လမ်းခွဲလိုက်ရပြီးနောက်မှာတော့ ကောင်လေးဟာ သူ့ရဲ့ဝမ်းနည်းမှုတွေကို ခွန်အားအဖြစ်ပြောင်းလဲပြီး မြို့အတွက် အသက်သွေးကြောဖြစ်တဲ့ ရေကန်ကြီးတစ်ခုကို ကယ်တင်ဖို့ ကြိုးစားပါတော့တယ်။ ဒီလို လူမှုအကျိုးပြု လှုပ်ရှားမှုတွေကို တက်တက်ကြွကြွ လုပ်ဆောင်လာတဲ့အခါမှာတော့ အကျင့်ပျက် နိုင်ငံရေးသမားတွေ၊ သြဇာအာဏာကြီးမားသူတွေနဲ့ ထိပ်တိုက်ရင်ဆိုင်ရပြီး ဇာတ်လမ်းက ရိုးရှင်းတဲ့ ရိုမန်တစ်အချစ်ကားလေးကနေ လူမှုရေးနဲ့ တရားမျှတမှုဆိုင်ရာ အားပြိုင်မှုတွေဆီ အရှိန်အဟုန်ပြင်းပြင်း ကူးပြောင်းသွားပါတယ်။ သူကရော အခက

ဒီဇာတ်ကားဟာ သာမန်လူသားနှစ်ယောက်ကြားက စိတ်ဝိညာဉ်ချင်း ထိတွေ့မိပုံနဲ့ လက်စားချေခြင်း အကြမ်းဖက်မှုနောက်ကွယ်က လူသားဆန်မှုတွေကို ရင်နင့်စရာ ရိုက်ကူးပြထားတဲ့ Drama Thriller ကားကောင်းတစ်ကား ဖြစ်ပါတယ်။ "ငါ့မှာ ထွက်ပေါက်တစ်ခုပဲ ရှိတော့တယ်!" လို့ အော်ဟစ်ရင်း အမှောင်လမ်းကို ရွေးချယ်ပြီး လူသတ်ဖို့အထိ ဆုံးဖြတ်ထားတဲ့ သတ္တိပဲရှိပြီး ဉာဏ်မရှိတဲ့ လူငယ်တစ်ယောက်။ သူ ရွေးချယ်ထားတဲ့ လမ်းမှားကြီးထဲကနေ ရုန်းထွက်နိုင်အောင်၊ အမှားမလုပ်မိအောင် ကိုယ့်နည်းကိုယ့်ဟန်နဲ့ လိုက်လံတားဆီးပေးနေတဲ့ စိတ်ကူးယဉ်ဆန်ပြီး သတ္တိနည်းတဲ့ လူလတ်ပိုင်းအမျိုးသားတစ်ယောက်။ သူတို့နှစ်ယောက်ဟာ မမျှော်လင့်ဘဲ ဆုံတွေ့မိရာကနေ တစ်ယောက်ကိုတစ်ယောက် နားလည်ပေးနိုင်တဲ့ "ခေါင်းနဲ့ကိုယ်ထည်" လို ဖြစ်လာခဲ့ကြပါတယ်။ လူငယ်လေးက သူ့ကို ရောင်းစားသွားတယ်ဆိုပြီး သစ္စာဖောက်အဖြစ် သတ်မှတ်ခဲ့ပေမဲ့ တကယ်တော့ ထိုအမျိုးသားကြီးဟာ လူငယ်လေးရဲ့ဘဝ မပျက်စီးသွားစေဖို့အတွက် လူအများကြားမှာ အရှက်အကွဲခံ၊ အရူးအလုပ်ခံ၊ နှာဗူးအလုပ်ခံပြီး ရဲခေါ်ဖို့ ကြိုးစားခဲ့တာပါ။ "နင် ငါ့ကို သတ်လိုက်ရင်သတ် မသတ်ရင်တော့ ငါက အဆုံးထိ ဆက်လုပ်သွားမှာ" အမုန်းတရားတွေနဲ့ အဆုံးထိ သွားမယ့် လူငယ်လေးကို "ငါက နင့်နောက်ကို လိုက်နေတာ နင့်အတွက် သက်သက်ပဲ၊ ငါ နင့်ကို ကူညီချင်ရုံ သက်သက်ပါ" ဆိုပြီး စေတနာအရင်းခံနဲ့ ကယ်တင်ဖို့ ကြိုးစားနေတဲ့ အမျိုးသားကြီးရဲ့ မေတ္တာတရားက အောင်မြင်သွားမလား? သူတို့နှစ်ယောက်ရ

အခုတစ်ခေါက် ဇာတ်ကားလေးကတော့ Horror နဲ့ Comedy ကို ပေါင်းစပ်ထားတဲ့ The Death Curseဆိုတဲ့ ဟောင်ကောင် ဇာတ်ကားကောင်းလေးပဲ ဖြစ်ပါတယ်။ ဖခင်ဖြစ်သူ သေဆုံးသွားပြီးနောက် မတူညီတဲ့ အမေတွေကနေ မွေးဖွားလာတဲ့ မောင်နှမ ရှစ်ယောက်က ပိုင်ဆိုင်မှု အမွေတွေကို ခွဲဝေယူဖို့ စည်းကမ်းချက်တွေနဲ့ လျှိုဝှက်ဆန်းကြယ်တဲ့ အိမ်ကြီးကို ရောက်လာကြပါတယ်။ ဒီဖအေတူမအေကွဲ မောင်နှမ ရှစ်ယောက်က အမွေတွေကို လာယူရာမှာ လွယ်လွယ်နဲ့တော့မရပါဘူး ဖခင်ကြီးရဲ့ သေတမ်းစာမှာ ပြောထားသလို ဒီမောင်နှမတစ်တွေက အလှည့်ကျ သန်းခေါင်ယံရောက်တာနဲ့ သူတို့ဖခင်အလောင်းကို အမွှေးတိုင် ထွန်းပေးရမှာပါ ဒီလို သန်းခေါင်ယံရောက်တိုင်း အမွှေးတိုင်ကို မပျက်မကွက် ၇ပတ်တိုင်တိုင် ၄၉ရက် ထွန်းပေးရမှာပါ ပျက်ကွက်ရင် အမွေ တပြားမှ ရမှာ မဟုတ်ပါဘူး ရှေးဟောင်းအိမ်ကြီးမှာ ညရောက်ရင် ထူးဆန်းတာတွေ ဖြစ်တတ်ပါတယ် ဒီအဖြစ်အပျက်တွေရဲ့ နောက်ကွယ်မှာ ဘာတွေရှိနေတာလဲ ဒီမောင်နှမ ရှစ်ယောက်ကရော အမွေတွေ ရယူနိုင်မှာလား အိမ်ကြီးထဲက လူသေမှု ရှုးသွပ်မှုတွေကရော သွေးရိုးသားရိုး ဟုတ်ရဲ့လား အရမ်းကြီးကြောက်နေရမှာ မဟုတ်ဘဲ ပေါ့ပေါ့ပါးပါး နဲ့ ကြည့်ရှုရမယ့် ဒီကား​လေးဟာ အချိန်ပေးပြီး ကြည့်ရှုသင့်တဲ့ စိတ်ဝင်စားစရာ ဟောင်ကောင်ရုပ်ရှင် ဇာတ်ကားကောင်းလေးပဲ ဖြစ်ပါတယ်။

တရားဥပဒေဆိုတာ အမှန်တကယ်ပဲ တရားမျှတမှု ရှိရဲ့လား။ ဒါမှမဟုတ် ငွေကြေးနဲ့ အာဏာရှိသူတွေအတွက်ပဲ အလုပ်လုပ်ပေးနေတဲ့ စနစ်တစ်ခုလား ဆိုတာကို မေးခွန်းထုတ်စရာဖြစ်လာစေမဲ့ အက်ရှင်ဒရာမာ ဇာတ်ကားကောင်းတစ်ကားနဲ့ မိတ်ဆက်ပေးချင်ပါတယ်။ ဒီဇာတ်ကားမှာ အသည်းအသန် နေမကောင်းဖြစ်နေတဲ့ သမီးလေးရဲ့ အသက်ကယ် ခွဲစိတ်မှုအတွက် လိုအပ်နေတဲ့ ရွှေတွေကို ရထားပေါ်မှာ အခိုးခံလိုက်ရတဲ့ ဖခင်တစ်ယောက်ရဲ့ အဖြစ်ကနေ စတင်ထားပါတယ်။ ရဲတွေက ရွှေကို ပြန်ရှာတွေ့ခဲ့ပေမဲ့လည်း တရားရုံးရဲ့ ရှုပ်ထွေးလှတဲ့ လုပ်ထုံးလုပ်နည်းတွေ၊ လာဘ်စားမှုတွေနဲ့ အကျင့်ပျက် ဥပဒေရေးရာစနစ်ကြီးကြားထဲမှာ ဘာမှမတတ်နိုင်တဲ့ ဖခင်တစ်ယောက် ရုန်းကန်ရင်း ပိတ်မိသွားတဲ့အခါ ပရိသတ်တွေကိုပါ ရင်တမမနဲ့ စိတ်လှုပ်ရှားလာအောင် ဆွဲခေါ်သွားနိုင်ပါတယ်။ ဥပဒေရဲ့ နှောင့်နှေးကြန့်ကြာမှုတွေအောက်မှာ အပြစ်မဲ့ပြည်သူတွေ မျက်ရည်ကျနေရချိန်၊ အကျင့်ပျက် ရှေ့နေတွေနဲ့ အာဏာပိုင်တွေက ဥပဒေကို သူတို့စိတ်ကြိုက် ကစားနေချိန်မှာတော့ ဘယ်သူမှ မျှော်လင့်မထားတဲ့ အလှည့်အပြောင်းတစ်ခု ရုတ်တရက် ထွက်ပေါ်လာပါတယ်။ မတရားမှုတွေ အထွတ်အထိပ်ရောက်နေတဲ့ တရားခွင်ထဲကို ရိုးရာယုံကြည်မှုတွေထဲက ဒေသခံ အစောင့်အရှောက် နတ်မင်းကြီးရဲ့ ကိုယ်ပွားလိုမျိုး ပြင်းထန်ကြမ်းကြုတ်တဲ့ အင်အားကြီးမားသူတစ်ယောက် ရောက်ရှိလာတဲ့အခါ... ဥပဒေက မပေးနိုင်တဲ့ တရားမျှတမှုကို သူက ဘယ်လိုနည်းလမ်းတွေနဲ့ ကြမ်းကြမ်းရမ်းရမ်း ဖော်ဆောင်သွားမလဲ၊ အကျင့်ပ

( အဓိကဇာတ်ဆောင်ရဲ့ အတွင်းစိတ်ကိုယ်ပွားနေရာမှာ သရုပ်ဆောင်တဲ့သူက အပြင်မှာလူကြီး​ကားတွေရိုက်တဲ့မင်းသမီးဖြစ်တဲ့အပြင် TV-MA Rating ဖြစ်နေလို့ ကြမ်းတမ်းတဲ့ဇာတ်ဝင်ခန်းတချို့နဲ့ အသုံးအနှုန်းတွေတော့ ပါဝင်ပါတယ်။ ) လူတစ်ယောက်ရဲ့ ဘဝမှာ ပျော်ရွှင်မှု အစစ်အမှန်ကိုရရှိဖို့အတွက် ဘာတွေလုပ်ဖို့လိုအပ်သလဲ။ မဒယ်လယ်နာဆိုတဲ့ အမျိုးသမီးတစ်ယောက်ဟာ သူရဲ့ကိုယ်တိုင်ရေး အတ္ထုပ္ပတ္တိစာအုပ် တစ်အုပ်ကြောင့် နာမည်ကျော်ကြားနေတဲ့ စာရေးဆရာမတစ်ယောက်၊ သူ့ရဲ့ဘဝကို အားလုံးက ပြီးပြည့်စုံတယ်လို့ မြင်ကြလိမ့်မယ်၊ သူကိုယ်တိုင်လည်း အဲလိုပဲယူဆထားတယ်၊ ဒါပေမဲ့ အတွင်းနက်ထဲက မသိစိတ်ထဲမှာတော့ သူတကယ်ပျော်​မနေဘူး၊ သူပြီးပြည့်စုံတယ်လို့ ထင်ပြီး လုပ်နေတဲ့အရာတွေကြောင့် သူ့ရဲ့ပုံစံအစစ်အမှန်ကို ​ချောင်ထိုးထားရတယ် သူ့ကိုသိပ်ချစ်တတ်တဲ့ ခင်ပွန်းလောင်းရှိတယ်၊ မကြာခင်မှာ မင်္ဂလာဆောင်ရတော့မယ်၊ သူ့ရဲ့ဒုတိယမြောက်စာအုပ်ကို ထုတ်နိုင်ဖို့ ကြိုးစားနေတယ်၊ ဒါပေမဲ့ ယောက္ခမရဲ့ ပြီးပြည့်စုံတယ်လို့ထင်ရတဲ့ အကြိုက်တွေကို လိုက်လျောပေးရင်း သူ့ရဲ့တစ်စိတ်တစ်ပိုင်းက ပျောက်ဆုံးနေရတယ်၊ ဒုတိယမြောက်စာအုပ်အတွက်လည်း ဖိအားတွေနဲ့ ရေးဖို့အာရုံမစိုက်နိုင်ဘူးဖြစ်နေရတယ်၊ နောက်ဆုံး သူ့ခင်ပွန်းလောင်းနဲ့ အတူနေတဲ့အခါ အဆင်မပြေတာကိုတောင် ဖုံးကွယ်ထားရတယ် ဒီဇာတ်ကားက အီတလီကရိုက်ထားတဲ့ သာမန် အချစ်ဟာသ ဇာတ်လမ်းလေးတစ်ပုဒ်ပါပဲ၊ ဒါပေမဲ့ ဒီကားထဲမှာ ပေးချင်တဲ့ m

အေးချမ်းတိတ်ဆိတ်ပြီး ပြစ်မှုကင်းစင်တဲ့ ရွာလေးတစ်ရွာက ရဲစခန်းတစ်ခုဆီကို အတွေ့အကြုံမရှိသေးတဲ့ လူငယ်ရဲအရာရှိသစ်တစ်ယောက် တာဝန်ကျလာခဲ့ပါတယ်။ ဒါပေမဲ့ သူတာဝန်စတင်ထမ်းဆောင်ပြီး သိပ်မကြာခင်မှာပဲ ခြုံပုတ်တွေကြားထဲကနေ ပုပ်ပွနေတဲ့ အလောင်းတစ်လောင်းကို ရှာဖွေတွေ့ရှိခဲ့ရာကနေ ရွာလေးရဲ့အေးချမ်းမှုတွေ ရုတ်တရက် ပျက်သုဉ်းသွားခဲ့ရပါတယ်။ အဲဒီနောက်မှာတော့ ဒေသတွင်း ငွေရေးကြေးရေးကုမ္ပဏီကြီးတစ်ခု ဓားပြတိုက်ခံရမှုနဲ့အတူ နောက်ထပ် ထူးဆန်းတဲ့ လူသတ်မှုတွေပါ ဆက်တိုက်ဆိုသလို ထပ်ဖြစ်လာခဲ့ပါတယ်။ တစ်ခုနဲ့တစ်ခု မသက်ဆိုင်ဘူးလို့ ထင်ရတဲ့ ဒီဖြစ်ရပ်တွေနောက်ကွယ်မှာ ဘယ်လိုရှုပ်ထွေးတဲ့ မှုခင်းဇာတ်လမ်းတွေ ပုန်းကွယ်နေမလဲ... အထက်အရာရှိတွေရဲ့ ဖိအားပေးမှုတွေ၊ လုပ်ကြံဖန်တီးမှုတွေကြားထဲကနေ တရားခံအစစ်ကို ဖော်ထုတ်နိုင်မလားဆိုတာကတော့ ဇာတ်ကားထဲမှာ ဆက်လက်ကြည့်ရှုရမှာ ဖြစ်ပါတယ်။ အချိတ်အဆက်မိတဲ့ ဇာတ်လမ်းသွားတွေ၊ မထင်မှတ်ထားတဲ့ အလှည့်အပြောင်းတွေနဲ့အတူ စိတ်လှုပ်ရှားဖွယ် ရိုက်ကူးတင်ဆက်ထားတဲ့ မှုခင်းစုံထောက်ဇာတ်ကားကောင်းတစ်ကားဖြစ်လို့ လက်မလွှတ်တမ်း ကြည့်ရှုသင့်ပါတယ်။

ဇာတ်လမ်းဟာ မာရီယာဆေးရုံမှာဖြစ်ပွားတဲ့ ထူးဆန်းတဲ့ကိစ္စရပ်တစ်ခုကနေ စတင်ထားပါတယ်။ တစ်နေ့မှာ ဆေးရုံရဲ့ X-ray အခန်းထဲမှာ ချစ်တင်းနှောနေတဲ့ စုံတွဲတစ်တွဲရဲ့ ဓာတ်မှန်ပုံတစ်ပုံ ပေါက်ကြားသွားပါတယ်။ ဒီကိစ္စကြောင့် ဆေးရုံတစ်ခုလုံး ရုတ်ရုတ်သဲသဲဖြစ်သွားပြီး သူနာပြု ယွန်းယောင်းက ဒီဓာတ်မှန်ထဲကလူတွေဟာ သူနဲ့ သူ့ရဲ့ချစ်သူ ဆောင်းဝန်းတို့ ဖြစ်မယ်လို့ ထင်သွားပါတယ်။ ဒါပေမဲ့ နောက်တစ်နေ့မနက် ဆေးရုံကိုရောက်သွားတဲ့အခါ ယွန်းယောင်းနဲ့ ဆေးရုံရဲ့ ဒုဥက္ကဋ္ဌ ဒေါက်တာအီ တို့ကလွဲပြီး ကျန်တဲ့ဝန်ထမ်းတွေအားလုံး ဖျားတယ်ဆိုတဲ့ အကြောင်းပြချက်နဲ့ အလုပ်မဆင်းကြပါဘူး။ ဒေါက်တာအီကတော့ ဝန်ထမ်းတွေအားလုံးဟာ X-ray ဓာတ်မှန်ပိုင်ရှင်တွေဖြစ်လို့ လိမ်ပြီး အလုပ်မဆင်းတာလို့ သံသယဝင်နေပေမဲ့ ယွန်းယောင်းကတော့ လူတွေကို ယုံကြည်ကြည့်ဖို့ တိုက်တွန်းခဲ့ပြီး အကြောင်းမှန်ကိုသိရအောင် လိုက်စုံစမ်းကြပါတော့တယ်။ တစ်ချိန်တည်းမှာပဲ ဆိုးလ်မြို့တစ်ခွင်မှာ ကြီးမားတဲ့ မြေကျွံတွင်းကြီးတွေ အကြောင်းရင်းမရှိဘဲ ပေါ်လာပါတယ်။ အဲဒီအပြင် ယွန်းယောင်းဆီကို ဆောင်းဝန်းရဲ့ ချစ်သူဟောင်းရောက်လာပြီး ဆောင်းဝန်းဟာ အရင်က သူ့ကို ကိုယ်ထိလက်ရောက် ကျူးလွန်ဖူးတယ်လို့ ပြောပြတဲ့အခါမှာတော့ ယွန်းယောင်းရဲ့ စိတ်ထဲမှာ ချစ်သူအပေါ် ယုံကြည်မှုနဲ့ သံသယတွေ လွန်ဆွဲလာပါတော့တယ်။ ဒီကားဟာ သာမန်ရုပ်ရှင်တွေလို ပြဿနာတစ်ခုကို အဖြေရှာပြသွားတဲ့ ဇာတ်ကားမျိုး မဟုတ်ဘဲ ထူးဆန်းတဲ့ အဖြစ်အပျက်တွေကနေတစ်ဆင

* Movie Request ထဲကဇာတ်ကားဖြစ်ပါတယ် မင်္ဂလာပါ M Sub Movie Channel ပရိသတ်ကြီးရေ... ဒီနေ့မှာတော့ ပရိသတ်ကြီးအတွက် ဟာသအလွဲတွေနဲ့အတူ ကြည့်ရှုရမဲ့ စိတ်လှုပ်ရှားစရာကောင်းလွန်းတဲ့ တရုတ်ရုပ်ရှင်ကားကောင်းတစ်ကားကို တင်ဆက်ပေးလိုက်ပါတယ်။ ဇာတ်လမ်းအကျဉ်း: ဒီဇာတ်ကားဟာ နှစ်ပေါင်း ၅၀၀ လောက် စောင့်ဆိုင်းလာခဲ့တဲ့ နတ်ဆိုး "တွစ်ဂီ" နဲ့ "ကြယ်ခုနစ်လုံးမိန်းကလေး"လို့ လူသိများတဲ့ ချိုက်ယင်းတို့ရဲ့ ရန်ငြိုးကို အဓိကထား ရိုက်ကူးထားတာပါ။ နတ်ဆိုးလောကရဲ့တံခါးကိုဖွင့်ဖို့ ကြံစည်နေတဲ့ မကောင်းဆိုးဝါးတွေကို တားဆီးဖို့အတွက် အဓိကဇာတ်ဆောင်တွေက အသက်စွန့်ပြီး တိုက်ပွဲဝင်ရမှာ ဖြစ်ပါတယ်။ ဇာတ်လမ်းထဲမှာ စိတ်ဝင်စားစရာအကောင်းဆုံးကတော့ ချိုက်ယင်းရဲ့ နတ်ဆိုးစွဲလမ်းမှုတွေ ပျောက်ကွယ်သွားဖို့အတွက် လျူချွန်းနဲ့ အတူနေပေးရမယ့် "အသက်စွန့်လက်ထပ်ပွဲ" စီစဉ်မှုတွေပဲ ဖြစ်ပါတယ်။ အသက်သေရေးရှင်ရေး ဖြစ်နေတဲ့အချိန်မှာပဲ အလွဲအချော် ဟာသတွေနဲ့ အချစ်ဇာတ်လမ်းကို ဘယ်လိုပုံဖော်သွားမလဲ ဆိုတာကိုတော့ ရုပ်ရှင်ထဲမှာပဲ ခံစားကြည့်ရှုလိုက်ပါ။

လကမ္ဘာပေါ်မှာ တစ်ယောက်တည်း တာဝန်ကျနေတဲ့ Sam Bell တစ်ယောက်အတွက် သူ့ရဲ့ ၃ နှစ်တာ စာချုပ်သက်တမ်းဟာ နောက်ဆုံး (၂) ပတ်သာ လိုတော့တယ်။ အိမ်ကိုပြန်ဖို့၊ သူ့မိသားစုနဲ့ ပြန်တွေ့ဖို့ တစ်ရက်ချင်းစီကို ရေတွက်နေတဲ့အချိန်မှာပဲ... သူ လုံးဝမမျှော်လင့်ထားတဲ့ ထူးဆန်းတဲ့ အဖြစ်အပျက်တစ်ခုနဲ့ ကြုံတွေ့လိုက်ရတယ်။ သူ့ရဲ့ တာဝန်ခရီးစဉ်ဟာ အမှန်တကယ်ပဲ သူထင်သလိုလား? လကမ္ဘာပေါ်မှာ သူ့ရဲ့ တစ်ဦးတည်းသော မိတ်ဆွေဖြစ်တဲ့ စက်ရုပ် "GERTY" ရဲ့ နောက်ကွယ်မှာ ဘာတွေ ဖုံးကွယ်ထားသလဲ? သူ့ကိုယ်သူတောင် ယုံကြည်လို့မရတော့တဲ့ အခြေအနေမှာ Sam တစ်ယောက် ဒီလျှို့ဝှက်ချက်တွေကို ဘယ်လို ရင်ဆိုင်ကျော်ဖြတ်မလဲ? တစ်ဦးတည်းသော သရုပ်ဆောင် Sam Rockwell ရဲ့ အံ့မခန်း သရုပ်ဆောင်ချက်တွေနဲ့အတူ စိတ်ပိုင်းဆိုင်ရာ Sci-Fi ဇာတ်လမ်းတစ်ပုဒ်ရဲ့ အကောင်းဆုံး လက်ရာတစ်ခုကို ခံစားကြည့်ရှုလိုက်ပါ။ ဒီဇာတ်ကားက ပေါက်ကွဲခန်းတွေ၊ တိုက်ခိုက်ခန်းတွေနဲ့ Sci-Fi မဟုတ်ပါဘူး။ တစ်ယောက်တည်းသော လူသားတစ်ယောက်ရဲ့ စိတ်ခံစားမှု၊ အထီးကျန်မှုနဲ့ အမှန်တရားကို ရှာဖွေရတဲ့ ဇာတ်လမ်းတစ်ပုဒ်ပါ။ ဇာတ်လမ်းရဲ့ အဆစ်အပိုင်းတိုင်းမှာ ပရိသတ်ကို "ဘာဆက်ဖြစ်မလဲ" ဆိုတဲ့ ရင်ခုန်သံနဲ့အတူ နောက်ဆုံးမှာ မျက်ရည်ကျရမလား၊ ကြက်သီးထရမလားဆိုတာကို ကိုယ်တိုင် ခံစားကြည့်ဖို့ တိုက်တွန်းချင်ပါတယ်။ ဘာသာပြန်ဆိုသူကတော့ Leo ဖြစ်ပါတယ်။

ဒီတစ်ခါမှာတော့ လူသားတစ်ယောက်ရဲ့ စိတ်ပိုင်းဆိုင်ရာ လိမ်ညာမှုတွေကနေတစ်ဆင့် ကမ္ဘာကြီးကို တုန်လှုပ်ခြောက်ခြားသွားစေခဲ့တဲ့ True-Crime/Psychological Documentary ကားအသစ်စက်စက်ကြီးတစ်ကားနဲ့ မိတ်ဆက်ပေးချင်ပါတယ်။ ဒါကတော့ ၂၀၂၆ ခုနှစ်မှာပဲ Netflix ‌ကနေ ထွက်ရှိလာတဲ့ "Maternal Instinct" ဆိုတဲ့ မှတ်တမ်းတင်ရုပ်ရှင်ကြီးပါပဲ။ ဒီကားထဲမှာ‌တော့ လူမှုကွန်ရက်ပေါ်က အတုအယောင် ကိုယ်ဝန်ဆောင်ပြသမှုနဲ့ ချစ်သူအပေါ် အလွန်အကျွံ စွဲလမ်းစိတ်ကြားကနေ ဖြစ်တည်လာတဲ့ ကြောက်မက်ဖွယ် လူသတ်မှုအစစ်အမှန်ကို အမှောင်ဘက်ခြမ်းကနေ ရိုက်ကူးပြသထားတာမို့လို့ True-crime movie တွေကို စိတ်ဝင်စားတဲ့သူတွေအတွက်တော့ လက်မလွှတ်သင့်တဲ့ ဇာတ်လမ်းမျိုးပါပဲ။ ဇာတ်လမ်းလေးကတော့ တကယ့်ဖြစ်ရပ်မှန်ကို အခြေခံထားတာဖြစ်ပြီး အဝေးပြေးလမ်းမပေါ်မှာ ပုံမှန်မဟုတ်ဘဲ မောင်းနှင်လာတဲ့ အမျိုးသမီးတစ်ယောက်ကို တက္ကဆက်ပြည်နယ် ရဲတပ်ဖွဲ့က တားဆီးစစ်ဆေးရာကနေ စတင်ထားတာပါ။ လမ်းဘေးမှာတင် ကလေးမွေးလာတာပါလို့ သွေးပျက်စရာကောင်းတဲ့ ဖိအားတွေကြားထဲကနေ လိမ်ညာထွက်ဆိုနေတဲ့ အဲဒီအမျိုးသမီးဟာ တကယ်တော့ ကိုယ်ဝန်အတုကြီးကို ၁၀ လလုံးလုံး ဟန်ဆောင်ပြီး ပတ်ဝန်းကျင်ကို လှည့်စားခဲ့တဲ့ တေလာ ပါကာ ပဲ ဖြစ်ပါတယ်။ သူဟာကိုယ်ဝန်တင်မကဘဲ သူ့ဘဝဇာတ်လမ်းတစ်ခုလုံးက အလိမ်အညာတွေနဲ့ ပြည်နှက်နေပြီးတော့ အဲဒီလိမ်ညာမှုကြီး ပေါက်ကွဲခါနီးအချိန်မှာတော့ သူမရဲ့သူငယ်ချင်းမလေးဖြစ်တဲ့ အမှန်တကယ် ကိုယ်ဝန်ရင့်မာရှိတဲ့ မိခင်လောင်းလ