လူကြည့်များသော ရုပ်ရှင်များ

2022 မှာ ထွက်ရှိခဲ့တဲ့ Gods Country ဆိုတဲ့ ရုပ်ရှင် ဇာတ်ကားလေးကတော့ မိန်းမတစ်ယောက်ရဲ့ စိတ်နေစိတ်ထား အပြုအမူတွေနဲ့ ရဲရင့်မှုတွေကို အခြေခံပြီး ရိုက်ကူးထားတဲ့ ဇာတ်ကားလေးပဲ ဖြစ်ပါတယ်။ နတ်ဘုရားတွေက လူသားတွေ အားလုံးကို ကယ်တင်ပေးနိုင်မယ်လို့ ယုံကြည်နေတဲ့ အမေဖြစ်သူအပေါ် တာဝန်နဲ့ ဝတ္တရားတွေ ပျက်ကွက်ခဲ့ပြီး အလုပ်ကိုပဲ ပို အာရုံစိုက်ခဲ့မိရာက အမေဖြစ်သူ သေဆုံးသွားပြီးမှ ရခဲ့တဲ့ နောင်တတွေနဲ့ ဘဝကို တစ်ယောက်တည်း ဖြတ်သန်းနေရာက ဘယ်လို အခက်အခဲတွေ ကြုံတွေ့ရမလဲ။ သူမ အနားမှာ ရှိနေတဲ့ သူမယုံကြည်ထားတဲ့ သူတွေကကော သူမအပေါ်တကယ်ကောင်းနိုင်ပါ့မလား။တရားမျှတမှုတွေ ၊ သနားကြင်နာမှုတွေကို မြတ်နိုးတဲ့ သူမရဲ့ ဘဝမှာ အတိုက်အခိုက်တွေ ကို ဘယ်လို အဆုံးသတ်မှာလဲ။ မတရားမှုတွေ ကို ဘယ်လို လက်တုံ့ပြန် အနိုင်ယူ နိုင်မလဲ ဆိုတာတော့ ဇာတ်ကားလေးထဲမှာပဲ ကြည့်ရှု ရမှာပဲ ဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

ရဲအရာရှိမာဖီနဲ့ အရာရှိလူးဝစ်ဟာ Detroid က လူဆိုးအဖွဲ့ကို လိုက်ဖမ်းခဲ့တယ်။ လူဆိုးအဖွဲ့ကို ခြေရာခံမိတဲ့အချိန် သူတို့နှစ်ယောက်တည်းဖြစ်နေတဲ့အတွက် တပ်ကူတောင်းပြီး အဲဒီအဖွဲ့ရှိတဲ့နေရာကို လိုက်သွားခဲ့တယ်။ ထုံးစံအတိုင်းပါပဲ တပ်ကူက အမြန်ရောက်မလာနိုင်ခဲ့ဘူး။ မာဖီက လူဆိုးတယောက်ကို ဖမ်းမိခဲ့ပေမယ့် အင်အားတောင့်တဲ့လူဆိုးအဖွဲ့နဲ့ ရင်ဆိုင်ရတာဖြစ်လို့ ရက်ရက်စက်စက်အသတ်ခံလိုက်ရတယ်။ သေဆုံးသွားတဲ့ မာဖီကို အိုစီပီကုမ္ပဏီက စက်ရုပ်ရဲအဖြစ် ဖန်တီးလိုက်တယ်။ စက်ရုပ်ရဲမာဖီက ရာဇဝတ်ကောင်တွေကို ဘယ်လိုနှိမ်နင်းမလဲဆိုတာကိုတော့ ဆက်လက်ပြီးခံစားကြည့်ရှုလိုက်ပါဦး။ ဇာတ်လမ်းအညွှန်းနဲ့ ဘာသာပြန်သူကတော့ Marip Pan ဖြစ်ပါတယ်

ဒီတစ်ခေါက် ဇာတ်ကားလေးကတော့ Netflix က ရိုက်ကူးထားတဲ့ ပြင်သစ် ရုပ်ရှင်လေးပဲ ဖြစ်ပါတယ်။ ညီအစ်ကိုလေးယောက်ရှိတဲ့ မိသားစုမှာ အငယ်ဆုံး ညီလေးဖြစ်တဲ့ အီဒီယာက သေဆုံးသွားခဲ့ပြီး ရဲတွေက သ တ်သွားခဲ့တယ်ဆိုတဲ့ ရုပ်သံဖိုင်ထွက်လာတဲ့နောက်မှာ ညီအစ်ကိုသုံးယောက်က မတူညီတဲ့ လှုပ်ရှားမှုတွေ စတင် လုပ်ဆောင်ပါတယ်။ သူတို့လှုပ်ရှား‌မှုတွေက သူတို့နေထိုင်တဲ့ အိမ်ယာကို ပျက်ဆီးမှု အဓိကရုဏ်းတွေ ဖြစ်လာစေပါတော့တယ်။ သူတို့ ညီအငယ်ဆုံးကို သ တ်လိုက်တာ တကယ်ပဲ ရဲတွေလား ဒီ ဆူပူမှုတွေကရော အဆုံးသတ်မှာ ဘယ်လို ပြီးဆုံးသွားမှာလဲဆိုတာကို စိတ်ဝင်တစား ကြည့်ရှုရမယ့် ဇာတ်ကားလေး တစ်ကားပဲ ဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

ဒီကားလေးကတော့ ၂၀၂၂ခုနှစ် ဩဂုတ်လတုန်းကမှ ထွက်ရှိထားတဲ့ အက်ရှင်ကားလေးပါ။ ၁၉၈၀ ဂွမ်ဂျူအရေးအခင်းဖြစ်ပြီး နောက်ပိုင်းကာလကို ဇာတ်အိမ်တည်ရိုက်ကူးထားတာပါ။ ပတ်ဖြောင်ဟိုနဲ့ ဂင်ဂျောင်ဒိုတို့ဟာ တောင်ကိုရီးယားထောက်လှမ်းရေးအေဂျင်စီက အေးဂျင့်တွေပါ။ နှစ်ယောက်က အလုပ်မှာရာထူးကြီးတာချင်းလည်းတူတဲ့ အပြိုင်အဆိုင်တွေပေါ့။ တစ်နေ့တော့ သူတို့အေဂျင်စီထဲမှာရှိနေတဲ့ မြောက်ကိုရီးယားစပိုင်ကို ဖမ်းရဖို့ဖြစ်လာပါတော့တယ်။ သူလျှိုဖမ်းဖို့ အပြိုင်အဆိုင် ကြိုးစားကြရင်း ဖုံးကွယ်ထားတဲ့အမှန်တရားက ပေါ်လာတဲ့အခါ... ထင်မှတ်မထားတဲ့ ဇာတ်ကွက်အလှည့်အပြောင်းတွေနဲ့ စပိုင်ဇာတ်လမ်းကောင်းကောင်း ကြိုက်သူတွေ အကြိုက်တွေ့မယ့် ဇာတ်လမ်းလေးပါ။ The Hunt ဆိုတဲ့ ဒီဇာတ်လမ်းလေးကို M Sub Movie မှာ ကြည့်ရှုခံစားနိုင်ပါပြီ။ ဇာတ်လမ်းအညွှန်းနဲ့ ဘာသာပြန်သူကတော့ June Rose ဖြစ်ပါတယ်

IMDb rating အနေနဲ့ 6.6 ရရှိထားပြီး ခပ်ဆန်းဆန်းစိတ်၀င်စားစရာ‌ကောင်းတဲ့ sci-fi ဇာတ်လမ်းတစ်ပုဒ်နဲ့ မိတ်ဆက်ပေးပါရစေ။ ကမ္ဘာကြီးရဲ့ရှေ့အနာဂတ်၊ ဂေဟစနစ်ပျက်စီးပြီးတဲ့ခေတ်မျိုးကို စိတ်ကူးယဉ်ရိုက်ကူးထားတာဖြစ်ပါတယ်။ အဲဒီခေတ်မှာ အသက်ရှင်ဖို့ရုန်းကန်နေကြတဲ့ လူသားတွေကလွဲပြီး သက်ရှိတွေမရှိကြတော့ပါဘူး။ ဗက်စ်ပါဆိုတာကတော့ အဲဒီခေတ်မှာနေထိုင်တဲ့ အသက် ၁၃ နှစ်အရွယ် ပါရမီရှင်ကောင်မလေးပါ။ ‌ အဲဒီခေတ်မှာတောင် လူချမ်းသာတွေနေထိုင်ရာမြို့ကြီးတွေနဲ့ ဗက်စ်ပါတို့လိုတောထဲမှာနေတဲ့ လူမွဲတွေဆိုပြီး ကွဲပြားနေပါသေးတယ်။ ဗက်စ်ပါတို့ဟာ လူချမ်းသာတွေနေထိုင်ရာ စီတဒဲလ်ကို၀င်ခွင့်မရကြပါဘူး။ အ‌ကြောသေနေတဲ့ အဖေဖြစ်သူနဲ့နေထိုင်ရရှာတဲ့ ဗက်စ်ပါကတော့ အဲဒီမြို့ကြီးက ဓာတ်ခွဲခန်းမှာအလုပ်လုပ်ရဖို့ အိပ်မက်မက်နေသူပေါ့။ ကမ်မလီယာလို့ခေါ်တဲ့မိန်းကလေးတစ်ယောက် ဗက်စ်ပါတို့ဆီ ရောက်လာချိန်မှာတော့ အပြောင်းအလဲတွေစတင်လာပါတော့တယ်။ ဗက်စ်ပါတို့ အသက်ရှင်ရပ်တည်ရေးအတွက် ဘယ်လိုရုန်းကန်ကြမလဲ၊ ဘယ်လိုအန္တရာယ်တွေ ရင်ဆိုင်ရမလဲဆို‌တာတော့ ဆက်လက်ကြည့်ရှုလိုက်ပါနော်။ ဇာတ်လမ်းအညွှန်းနဲ့ ဘာသာပြန်သူကတော့ Scarlett-Joe ဖြစ်ပါတယ်

စာရေးဆရာမ ကလယ်ရေဗာဟာ သူ့ရဲ့နောက်ရေးမဲ့စာအုပ်အတွက်အကြံဉာဏ်တွေထွက်မလာဘဲ အခက်တွေ့နေခဲ့တာကြောင့် AIနည်းပညာနဲ့လည်ပတ်နေတဲ့ စာရေးသူတွေအတွက်ဆိတ်ငြိမ်အိမ်ရာမှာ ရက်၃၀ ကြာစာသွားရေးဖို့စာရင်းပေးသွင်းလိုက်ပါတယ်။ အဲဲဒီအိမ်ရာမှာ သူနဲ့အတူနေပေးပြီး သူ့ကိုကူညီပေးမဲ့ ရီတာဆိုတဲ့ AIစက်ရုပ်တစ်ရုပ်ရှိပါတယ်။ တစ်ရက်မှာ တစ်အိမ်လုံးကိုထိန်းချုပ်ထားတဲ့ဆော့ဖ်ဝဲမှာ ဗိုင်းရပ်စ်ဝင်သွားပြီး ကမောက်ကမဖြစ်ကုန်ပါတယ်။ အပြင်လောကနဲ့ပါ အဆက်အသွယ်ပြတ်သွားခဲ့တဲ့အပြင် အိမ်တံခါးဖွင့်နိုင်တဲ့သူကလည်း သူ့ရဲ့အကူစက်ရုပ် ရီတာတစ်ယောက်ပဲရှိပါတယ်။ ဒါပေမဲ့ ရီတာကလည်းသူ့ရဲ့ထိန်းချုပ်မှုစနစ်အောက်မှာမရှိတော့ဘဲ လုပ်ချင်ရာလုပ်ပြီးမူမမှန်ဖြစ်လာခဲ့ပါတယ်။ အိမ်ထဲမှာပိတ်မိနေတဲ့ကလယ်တစ်ယောက် ဘယ်လိုစိတ်ဆင်းရဲစရာတွေနဲ့ကြုံတွေ့လာရဦးမလဲ။ အိမ်ထဲကနေလွတ်မြောက်အောင်ကြိုးစားနိုင်ပါဦးမလားဆိုတာကို ဒီဇာတ််ကားထဲမှာကြည့်ရှူကြရမှာပါ။ ဒီဇာတ်လမ်းရဲ့ အညွှန်းနဲ့ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

နာမည်ကျော် Manga နဲ့ Anime စီးရီးကို Live Action အဖြစ်ပြန်အသွင်းထားတဲ့ Fullmetal Alchemist ရဲ့ နောက်ဆုံးထွက်ရုပ်ရှင်သစ်ကို တင်ဆက်ပေးချင်ပါတယ်။ အရင်ကထွက်ထားတဲ့ရုပ်ရှင်တွေမှာ အဲရစ်တို့ညီအစ်ကို သူတို့ခန္ဓာကိုယ်ကိုပြန်ရယူဖို့ ကြိုးပမ်းခဲ့တာကို မှတ်မိကြမှာပါ။ ဒီကားသစ်မှာတော့ တကယ့်ဆရာကြီးထွက်လာပါပြီ။ သူ့အဖေရဲ့ဖုံးကွယ်ထားတဲ့ အတိတ်ကအမှန်တရားတွေလည်း ထွက်ပေါ်လာပါတယ်။ အဲရစ်တို့မိသားစု၊ သူငယ်ချင်းမိတ်ဆွေတစ်စုဟာ ရင်ဆိုင်ရခက်လှတဲ့ ကမ္ဘာဖျက်မယ့်ရန်သူတော်ကြီးကို ရင်ဆိုင်တိုက်ခိုက်ပုံတွေဟာ တကယ့်ကိုမြိုင်ဆိုင်လှပါတယ်။ ဘယ်သူတွေစတေးခံရပြီး ဘယ်သူတွေ ရှင်ကျန်ရစ်ကြမလဲ၊ အဲရစ်တို့ညီအစ်ကိုရဲ့ ခန္ဓာကိုယ်ပြန်ရနိုင်မလားဆိုတာကိုတော့ ကိုယ်တိုင်တ၀ကြီး ဆက်လက်ကြည့်ရှုလိုက်ကြပါနော်။ ဇာတ်လမ်းအညွှန်းနဲ့ ဘာသာပြန်သူကတော့ Scarlett-Joe ဖြစ်ပါတယ်

Control ဆိုတဲ့ ရုပ်ရှင်ဇာတ်ကားလေးကတော့ 2022 မှာ ထွက်ရှိခဲ့တဲ့ ဇာတ်ကားကောင်းလေး တစ်ကားပဲ ဖြစ်ပါတယ်။ အမျိုးသမီး တစ်ယောက်က ရုတ်တရက် ဘယ်နေရာမှန်းမသိတဲ့ နေရာတစ်ခုမှာ ဖမ်းချုပ်ထားခံရပြီး သမီးဖြစ်သူနဲ့ ခြိမ်းခြောက်ပြီး စမ်းသပ်မှုတွေ လုပ်တာ ခံရတဲ့အခါ။ စမ်းသပ်မှုတွေအားလုံးက စိတ်နဲ့ ထိန်းချုပ်မှုကို ဘာလို့ အခြေခံထားပြီး သူ့ရဲ့ မှတ်ဉာဏ်တွေအားလုံးကကော ဘာလို့ ပျောက်ဆုံးနေရတာလဲ။ တစ်ဆ တစ်ဆ ပေါ်လာတဲ့ သူ့ရဲ့ မှတ်ဉာဏ်တွေထဲက သူ့ဘဝ အကြောင်းအရာတွေကကော ဘာတွေ ဖြစ်မလဲ။ နောက်ဆုံး စမ်းသပ်တဲ့ အဆင့်အထိ ပြီးဆုံးအောင်လုပ်နိုင်ပါ့မလား။ သမီး‌ဖြစ်သူကိုကော ကယ်တင်နိုင်ပါ့မလား။ သူ့မှာရော တကယ်ပဲ စိတ်နဲ့ အရာဝတ္ထုတွေကို ထိန်းချုပ်နိုင်တဲ့ စွမ်းအင်က ရှိနေတာလား။ နောက်ဆုံး ဘယ်လို အဆုံးသတ်မျိုးနဲ့ ရင်ဆိုင်ရမလဲ ဆိုတာတော့ ဇာတ်ကားလေးထဲမှာပဲ ကြည့်ရှုရမှာဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

ဒီဇာတ်လမ်းဟာဆိုရင် Gilbert Galvan Jrဆိုတဲ့လုယက်သမားတစ်ယောက်ရဲ့ဖြစ်ရပ်မှန်ဘဝကိုအခြေခံရိုက်ကူးထားတာဖြစ်ပါတယ်။ Gilbert Galvan Jr အနေနဲ့ မင်းသားကြီး Josh Duhamel ကသရုပ်ဆောင်ထားတာဖြစ်ပါတယ်။ သူရဲ့ဘဝကိုပြောပြရမယ်ဆိုရင် Gilbertဟာ လိမ်လည်မှုတွေကြောင့် ထောင်ကျခဲ့တာတောင် ထောင်ကနေထွက်ပြေးလာခဲ့ပါတယ်။ သူ့ရဲ့ခံယူချက်လိုဖြစ်နေတာတစ်ခုက တောင်ဘက်မှာပြဿနာတက်ရင်မြောက်ဘက်ကိုပြေးမယ်ဆိုတာပါပဲ။ အဲဒီလို ထောင်ပြေးဘဝနဲ့ကြုံရာကျပန်းလျှောက်သွားနေရင်း သူ့ရဲ့ဘဝလက်တွဲဖော်နဲ့တွေ့ဆုံလာရတဲ့အခါ ငွေအမြန်ရနိုင်တဲ့နည်းဖြစ်တဲ့ ဘဏ်ကိုလုယက်တဲ့အလုပ်နဲ့ သူတို့နှစ်ယောက်ရဲ့ဘဝကိုရှေ့ဆက်ကြတာပေါ့။ သူအဲဒီလိုဘဏ်တွေကိုလုယက်တာကိုဘယ်အထိဆက်လုပ်သွားမှာလဲ။ သူအမြဲတမ်းထွက်ပြေးလွတ်မြောက်နိုင်မှာလား။ သူ့ရဲ့လက်တွဲဖော်ကရော သူ့ရဲ့အလုပ်အကိုင်ကိုသိသွားရင် လက်ခံပေးနိုင်ပါ့မလား။ ကျွမ်းကျင်လုယက်သမားကြီး Gilbert Galvan Jrရဲ့ ဘဝဇာတ်ကြောင်းအမှန်ကိုကြည့်ရှုကြရမဲ့ ဇာတ်ကားတစ်ကားဖြစ်ပါတယ်။ ဒီဇာတ်လမ်းရဲ့ အညွှန်းနဲ့ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

ဘရန်နန်က Night Out ထွက်နေတဲ့သူ့သမီးကိုသူ့မိန်းမလင်ဒါနဲ့အတူလိုက်ရှာရင်းနဲ့ပါတီပွဲတစ်ခုမှာသူ့သမီးကိုသွားပြန်ခေါ်လာခဲ့ပါတယ်။ပြန်လာတဲ့လမ်းမှာအရှိန်ပြင်းပြင်းနဲ့သူ့ကိုကျော်တက်သွားတဲ့ကားကိုသူကရန်လုပ်ပါတော့တယ်။အဲ့ဒီမှာတင်တခြားကားသမားကဒေါသထွက်ပြီးသေနတ်နဲ့ပစ်လိုက်တာသူ့မိန်းမသေသွားပြီးသူ့သမီးလဲဆွံအနားမကြားဖြစ်သွားပါတော့တယ်။အဲ့ဒီလိုနဲ့နောက်တစ်နှစ်လောက်ကြာတော့သူ့ဆီမှာအလုပ်လာအပ်တဲ့သူရှိခဲ့ပါတယ်။သူလုပ်ပေးရမဲ့အလုပ်ကတော့အိမ်ကြီးရှေ့ကမြေကိုတူးပေးဖိုပဲဖြစ်ပါတယ်။အစကသမီးနဲ့ခရီးအတူထွက်မလိုလက်မခံခဲ့ပေမယ့်ပိုက်ဆံတွေအများကြီးပုံပေးတဲ့အခါမှာတော့ဘရန်နန်မငြင်းနိုင်ပဲဖြစ်သွားခဲ့ပါတယ်။သူ့ကိုအလုပ်အပ်တဲ့သူကနံရံတွေကိုမထိဖိုမှာထားခဲ့ပေမဲ့သူ့သမီးကမကြားရတော့နံရံကိုသွားဖြိုမိတဲ့အခါမှာပိုက်ဆံတွေအများကြီးကိုတွေ့လိုက်ရပါတော့မတယ်။အဲ့ဒါကိုဖုံးဖိဖိုသူမြိုထဲမှာဆေးသွားဝယ်ပြီးပြန်လာတဲ့အချိန်ကစလိုသေနတ်ထောက်ခံရပြီးအလုပ်ကိုဆက်လုပ်ရတော့ပါတယ်။သူတိုဘာလိုအဖမ်းခံခဲ့ရတာလဲဒီလိုအခြေအနေကနေဘယ်လိုရအောင်ရုန်းထွက်မလဲဆိုတာကိုသည်းထိပ်ရင်ဖိုကြည့်ရှုရမဲ့ဇာတ်ကားလေးတစ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

Action-Thriller မှာ ဒရမ်မာလေးနှောပြီး မိခင်မေတ္တာနဲ့ မိသားစုအဓိပ္ပါယ်ကိုပြထားတဲ့ ဇာတ်လမ်းကောင်းလေးတစ်ပုဒ်ပါ။ တစ်သက်စာပြင်မရတော့တဲ့အမှားကို ကျူးလွန်မိတဲ့ မိခင်တစ်ယောက်ရဲ့အဖြစ်ကို အက်ရှင်ခပ်ကြမ်းကြမ်းလေးနဲ့ ရိုက်ပြထားပါတယ်။ ဟန်နာဟာ အတိတ်ကတစ်စုံတစ်ရာကြောင့် ချောင်ကျတဲ့ကျွန်လေးမှာ သမီးငယ်ဗီးနဲ့အတူ လာရောက်နေထိုင်သူပါ။ လူးဆိုတဲ့ဘွားတော်ကြီးကတော့ ဟန်နာတို့သားအမိရဲ့အပေါက်ဆိုးဆိုး မြေပိုင်ရှင်ပေါ့။ တစ်နေ့ သူတို့နေထိုင်ရာကျွန်းမှာ မုန်တိုင်းကြီးတိုက်ခတ်ပါတယ်။ မုန်တိုင်းတိုက်လို့ မီးတွေပျက်သွားတဲ့ညမှာ ဟန်နာရဲ့သမီးငယ်ဗီးလေး ရုတ်တရက်ပျောက်ဆုံးသွားပါတော့တယ်။ သမီးဇောနဲ့သွေးရူးသွေတန်းဖြစ်နေတဲ့ ဟန်နာဟာ လူးဆီသွားပြီး သူ့သမီးပြန်ပေးဆွဲခံရကြောင်း ပြောပါတယ်။ လူးကလည်း မဆိုင်းမတွဘဲ ဟန်နာနဲ့အတူ ဗီးကိုရှာဖို့ လိုက်လာခဲ့ပါတယ်။ အဲဒီလိုနဲ့ လူးနဲ့ဟန်နာတို့နှစ်ဦး ဘယ်လိုအန္တရာယ်တွေကိုရင်ဆိုင်ရမလဲ၊ ဗီးကိုခေါ်သွားတာဘယ်သူလဲ၊ ပြန်ရောတွေ့ပါ့မလားဆိုတာကို စောင့်ကြည့်ရင်း လူးရဲ့လုံး၀မထင်မှတ်ထားတဲ့ အတိတ်ကအဖြစ်တွေကိုလည်း တအံတဩကြည့်ရှုကြရမှာပါ။ MDb rating လည်း 6.1 ရရှိထားတာမို့ ကြည့်ဖြစ်အောင် ကြည့်လိုက်ပါနော်။ ဇာတ်လမ်းအညွှန်းနဲ့ ဘာသာပြန်သူကတော့ Scarlett-Joe ဖြစ်ပါတယ်

၂၀၂၂ခုနှစ်ထွက် ဇာတ်ကားကောင်းလေးတစ်ခုနဲ့ မိတ်ဆက်ပေးပါရစေ။ ကိုယ်ခံပညာကိုရူးသွပ်နေတဲ့ အထစ်ကောင်လေးတစ်ယောက်။ အဖေဖြစ်သူကလည်း ကြိုးဝိုင်းထဲမှာပဲ အသက်စွန့်သွားခဲ့ရတယ်။ သူ့ရဲ့ချန်ပီယံဖြစ်ချင်တဲ့ အိပ်မက်ကတော့မပြည့်ဝခဲ့ဘူး။ အဖေဖြစ်သူရဲ့အိပ်မက်ကို အကောင်အထည်ဖော်နိုင်ဖို့ အမေနဲ့သား ကရီနာဂါကနေ မွန်ဘိုင်းကိုတက်လာခဲ့တယ်။ အိပ်မက်ကိုအကောင်အထည်ဖော်နေတုန်း နတ်ဆိုးလို့ဆိုရတဲ့ မိန်းကလေးကိစ္စပေါ်ပေါက်လာတယ်။ ကိုယ်ခံပညာထက်မိန်းကလေးကိစ္စကို ပိုအာရုံစိုက်မိလာတယ်။ ဒါပေမဲ့ သူစကားထစ်တာကို သိသွားတော့ ကောင်မလေးကစွန့်ပစ်ခဲ့တယ်။ အသဲခွဲခံလိုက်ရတဲ့ကောင်လေးတစ်ယောက် ချန်ပီယံဖြစ်ချင်တဲ့အိပ်မက်ကို အကောင်အထည်ဖော်နိုင်ပါ့မလားဆိုတာ ကြည့်ရှူလိုက်ကြပါဦး။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ Lilly ဖြစ်ပါတယ်။

ဒီတစ်ခေါက် ရုပ်ရှင်လေးကတော့ 2021 မှာ ထွက်ရှိခဲ့တဲ့ ဂျပန် animation movie တစ်ခုဖြစ်တဲ့ My Hero Academia ရဲ့ World Heroes' Mission ပဲ ဖြစ်ပါတယ် ။ လူသားမျိုးနွယ် ကာကွယ်မယ်ဆိုတဲ့ ရည်ရွယ်ချက်နဲ့ တစ်ယူသန်နေတဲ့ အကြမ်းဖက် အဖွဲ့တစ်ဖွဲ့ဖြစ်တဲ့ Humarise အဖွဲ့အစည်းကို အမြစ်ဖျက်ဖို့အတွက် တစ်ကမ္ဘာလုံးမှာ ရှိတဲ့ ဟီးရိုတွေက နေရာကိုယ်စု အုပ်စုခွဲပြီး တိုက်ခိုက်ခဲ့ကြပါတယ်။ Humarise အဖွဲ့က တည်ထွင်ထားတဲ့ Trigger Bomb တွေကို ဟီးရိုးတွေ ရှာဖွေပြီး လူသားတွေတွေကို ဘယ်လို ကူညီပေးသွားမလဲဆိုတာ ကြည့်ရှုရမယ့် animation ဇာတ်ကားကောင်းတစ်ကားပဲ ဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

ဒီကားလေးကတော့ ၂၀၂၀ခုနှစ်က ထွက်ရှိခဲ့တဲ့ စိတ်ကူးယဥ် သည်းထိတ်ရင်ဖို အက်ရှင်ကားလေးပဲဖြစ်ပါတယ်။ ကိုရီးယားကျွန်းဆွယ်မှာ တင်းမာမှုတွေနဲ့ စစ်ဖြစ်လုနီးပါး အခြေအနေရှိနေချိန် မြောက်ကိုရီးယား အမေရိကန်နဲ့ တောင်ကိုရီးယား ခေါင်းဆောင်တွေက မြောက်ကိုရီးယား ဝန်ဆန်းမှာတွေ့ဆုံပြီး မြောက်ကိုရီးယား နျူကလီးယားပြဿနာနဲ့ ငြိမ်းချမ်းရေး သဘောတူစာချုပ်အတွက် ဆွေးနွေးခဲ့ကြတယ်။ ဒါပေမဲ့ အဲဒီလို ဆွေးနွေးနေကြချိန်မှာ နျူကလီးယားလက်နက် စွန့်လွှတ်ပြီး ငြိမ်းချမ်းရေးစာချုပ်မှာ လက်မှတ်ရေးထိုးမှာကို မလိုလားတဲ့ မြောက်ကိုရီးယား အကြီးပိုင်းအရာရှိတစ်ယောက်က အာဏာသိမ်းလိုက်ပြီး သုံးနိုင်ငံခေါင်းဆောင်တွေကို ရေငုပ်သင်္ဘောပေါ် ဖမ်းဆီးခေါ်ဆောင်သွားခဲ့တယ်။ အဲဒီအခြေအနေကို ဖြေရှင်းဖို့ သက်ဆိုင်ရာနိုင်ငံတွေက ကြိုးစားရင်း ထင်မှတ်မထားတဲ့ လျှို့ဝှက်ကြံစည်မှုကြီး ပေါ်လာတဲ့အခါ... နိုင်ငံအချင်းချင်း ကူးလူးဆက်ဆံရာမှာ အမြဲတမ်းမိတ်ဆွေ၊ အမြဲတမ်းရန်သူဆိုတာ မရှိဘူးဆိုတဲ့အတိုင်း ကိုယ့်တိုင်းပြည်အကျိုးစီးပွားနဲ့ ယှဥ်လာရင် မဟာမိတ်အချင်းချင်းလည် မထင်ရင်မထင်သလို နောက်ကျောဓားနဲ့ထိုးတတ်တဲ့သဘောကို ပေါ်လွင်အောင်ရိုက်ကူးတင်ပြထားတာ တွေ့ရမှာပါ။ ဓားစားခံအဖမ်းခံလိုက်ရတဲ့ ခေါင်းဆောင်သုံးယောက် ဘေးကင်းကင်းနဲ့ လွတ်မြောက်နိုင်ပါ့မလား၊ ငြိမ်းချမ်းရေးသဘောတူစာချုပ်ကိုရော အောင်မြင်စွာချုပ်ဆိုနိုင်မှာလားဆိုတာကိုတော့ Steel Rain 2 : The Summit ဆိုတဲ့ ဇာတ်ကားလေးမှာ ရင်တထိ

Jujutsu Kaisen Fan တွေအတွက် Movie လေးထွက်လာပါပြီ။ဒီထဲမှာတော့ရုတကသူငယ်ငယ်တုန်းကခင်ခဲ့တဲ့ရီကာဆိုတဲ့ကောင်မလေးရဲ့ကျိန်စာတိုက်ထားတာကိုခံနေရတဲ့အတွက်ဂျူဂျစ်စုကျောင်းမှာပညာသွားသင်ကြားပြီးတော့အဲ့ဒီကျိန်စာကိုဖယ်ရှားဖို့ကြိုးစားတာကိုတွေ့မြင်ရမှာဖြစ်ပါတယ်။ဒီထဲမှာတော့သူ့တွဲဖက်တွေကသူ့ဆရာဆန်တိုရိုဂိုဂျိုကလွဲရင်အရင်လူတွေမဟုတ်တော့ပါဘူး။ဒီကားမှာရုတကိုပန်ဒါ မာကီ တိုဂဲတို့နဲ့တွဲပြီးတွေ့ရမှာပဲဖြစ်ပါတယ်။သူကအဲ့ဒီကျိန်စာကိုဖယ်ရှားဖို့ကြိုးစားနေရင်းဆူဂုရုဆိုတဲ့ဂျူဂျစ်စုကျောင်းသားဟောင်းတစ်ယောက်ကဒီကမ္ဘာကြီးထဲကဂျူဂျစ်စုမှော်ဆရာတွေကလွဲရင်ကျန်တဲ့လူသားအားလုံးကိုသတ်ပစ်ဖို့ကြိုးစားတော့ပါတော့တယ်။ရုတကသူ့ရဲ့ကျိန်စာနဲ့သူ့ရဲ့သူငယ်ချင်းတွေနဲ့ပေါင်းပြီးဆူဂုရုကိုတားဆီးနိုင်ပါ့မလားဆိုတာကြည့်ရှုရမဲ့ကားလေးပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

1996 ခုနှစ် Balkans က မြို့လေးတမြို့မှာ စစ်တပ်တခုက တမြို့လုံးကို ရက်ရက်စက်စက် သတ်ဖြတ်ခဲ့တယ်။ ကောင်မလေးတချို့ကိုတော့ မသတ်ဘဲ အိမ်တအိမ်ကို ခေါ်လာတယ်။ အဲဒီမှာ နားမကြားတဲ့ကောင်မလေးတယောက်လည်း ပါတယ်။ သူတို့ကိုခေါ်လာတဲ့အိမ်က သူတို့တွေအတွက် ငရဲခန်းပါပဲ။ ကောင်မလေးတွေကို မူးယစ်ဆေးထိုးပေးပြီး လိင်လုပ်သားလုပ်ခိုင်းတယ်။ ညှင်းပမ်းနှိပ်စက်တယ်။ အဲဒီလိုလွတ်လမ်းမရှိတဲ့ ငရဲခန်းကနေ ဘယ်လိုထွက်ပြေးကြမလဲ။ မိသားစုနဲ့အတူကြည့်ဖို့တော့ မသင့်တော်ပါဘူး။ ဇာတ်လမ်းအညွှန်းနဲ့ ဘာသာပြန်သူကတော့ Marip Pan ဖြစ်ပါတယ်

ဒီဇာတ်လမ်းလေးကတော့ ပန်းချီကားပျောက်ဆုံးမှု လူသတ်မှုတွေကိုလိုက်ရင်း ဖြစ်ပျက်ခဲ့တဲ့အဖြစ်အပျက်တွေကို ဟာသဆန်ဆန်ရိုက်ကူးထားတဲ့ကားလေးဖြစ်ပါတယ်။ ဖလက်ချ်ဟာ ဘွန်စတန်ကိုရောက်တဲ့အချိန်မှာ အမျိုးသမီးတစ်ယောက်သေဆုံးနေတာကို တွေ့ခဲ့ရပါတယ်။ ရဲတွေကိုအကြောင်းကြားပြီးတဲ့အချိန်မှာတော့ သူဟာ သံသယရှိသူဖြစ်သွားခဲ့ပါတယ်။ သူဟာ ယောက္ခထီးလောက်ပြန်ပေးဆွဲခံရတာကို ပြန်ရွေးဖို့ ပျောက်ဆုံးသွားတဲ့ ပန်းချီကားကို ဘွန်စတန်မှာလာရှာတာဖြစ်ပါတယ်။ ဒီဇာတ်ကားလေးဟာ မြှုပ်ကွက်များပြီး စိတ်ဝင်တစားကြည့်ရှုရမယ့်အပြင် မင်းသားကြီးဂျွန်ရဲ့ ဟာသဆန်ဆန်သရုပ်ဆောင်မှုတွေကြောင့် ရယ်မောကြည့်ရှုရမယ့်ကားလေးပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Adrian ဖြစ်ပါတယ်

မွန်ဘိုင်းမြို့ရဲ့ စခန်းမှူး အာဒီယာ က သူ့သမီးနဲ့ဘဝကိုပျော်ရွှင်စွာဖြတ်သန်းနေသူပါ။ ပျော်တတ်တဲ့စရိုက်ရှိပေမဲ့ တစ်ဖက်မှာလည်း အလုပ်ခွင်အတွင်းလက်ရဲဇက်ရဲရှိသူဖြစ်ပါတယ်။ လူဆိုးလူမိုက်မှန်ရင် သတ်ပစ်ဖို့ဝန်မလေးတဲ့ရဲတစ်ယောက်ပါ။ ကျဆင်းနေတဲ့ အိန္ဒိယရဲတွေရဲ့ ဂုဏ်သိက္ခာကိုအဖက်ဆယ်ရင်း တစ်နေ့မှာတော့ မူးယစ်ဂိုဏ်းတစ်ခုရဲ့ အမွေဆက်ခံသူကို ပြစ်မှုတွေနဲ့ ပက်ပင်းမိပါတော့တယ်။ နဂိုကတည်းက စိတ်မရှည်သူပီပီ အာဒီယာ က အဲ့ဒီသူဌေးသားကိုသတ်ပစ်လိုက်မိပါတယ်။ ဒါပေမဲ့ တစ်ဖက်ဂိုဏ်းက အငြိုးထားပြီး သူ့ကို ထိပါးလာတဲ့အခါမှာတော့ သမီးဖြစ်သူကို ဆုံးရှုံးလိုက်ရပါတော့တယ်။ အပူမီးတောက်လောင်နေတဲ့ အာဒီယာတစ်ယောက် သားသမီးအတွက် သွေးကြွေးဆပ်မဲ့ဇာတ်ကွက်တွေကို အပီအပြင်ကြည့်ရှုရမှာဖြစ်ပါတယ်။ ဇာတ်ကားအညွှန်းနဲ့ ဘာသာပြန်သူကတော့ Yoon Cherry Kyawဖြစ်ပါတယ်

တိုကျိုမြို့မှာအရမ်းရေပန်းစားတဲ့ကစားပွဲတစ်ပွဲရှိပါတယ်။အဲ့ဒီပြိုင်ပွဲကတော့အဖွဲ့နှစ်ဖွဲ့ကပန်းတိုင်မှာရှိတဲ့အလံကိုရယူနိုင်ဖို့အတွက်ခုန်ပျံကျော်လွှားပြီးတော့ပြိုင်ဆိုင်ကြတဲ့ကစားပွဲပဲဖြစ်ပါတယ်။တစ်နေ့မှာတော့သူတို့နေထိုင်တဲ့တိုကျိုမြို့ကိုဘာမှန်းမသိတဲ့ပူဖောင်းတွေကျလာခဲ့ပါတယ်။အဲ့ဒါနဲ့ပဲတိုကျိုမြို့ကြီးထဲကလူတချို့ကတော့ရှောင်တိမ်းထွက်ပြေးသွားခဲ့ပါတယ်။ဟီဘီကီဆိုတဲ့ကောင်လေးကငရဲမီးတောက်အဖွဲ့ရဲ့အကောင်းဆုံးကစားသမားတစ်ယောက်ဖြစ်ပါတယ်။တစ်နေ့မှာတော့သူတို့ဆီကိုအူတာဆိုတဲ့ကောင်မလေးတစ်ယောက်ကဘယ်ကမှန်းမသိရောက်လာခဲ့ပါတယ်။အဲ့ဒါနဲ့အူတာကသူတို့ရဲ့အဖွဲ့သားဖြစ်လာပြီးပြိုင်ပွဲတွေလဲအတူတူဝင်ပြိုင်ခဲ့ပါတယ်။ဒါပေမယ့်အချိန်တန်ရင်အိမ်ပြန်ရမယ်ဆိုတဲ့အတိုင်းသူတို့နှစ်ယောက်ရဲ့လမ်းခွဲနှုတ်ဆက်ချိန်ကိုရောက်လာတဲ့အခါမှာတော့......... ဇာတ်ကားအညွှန်းနဲ့ ဘာသာပြန်သူကတော့ Eazy ဖြစ်ပါတယ်

Autism သမား လူးဝစ်မှာ ဒေလီယာဆိုတဲ့ အစ်မတယောက်ရှိတယ်။ သူတို့အဖေဆုံးကတည်းက ဒေလီယာကပဲ လူးဝစ်ကို စောင့်ရှောက်လာခဲ့တယ်။ လူးဝစ်ဘဝမှာ တွယ်တာစရာဆိုလို့ သူ့အစ်မတယောက်ပဲရှိတယ်။ တနေ့တော့ ဒေလီယာက အလုပ်ကိစ္စအတွက် တခြားမြို့ကို ပြောင်းဖို့ဖြစ်လာတယ်။ ဒါပေမဲ့ လူးဝစ်က သဘောမတူတဲ့အတွက် အငြင်းအခုန်ဖြစ်ပြီး ဒေလီယာက လူးဝစ်ကိုအရက်အတူသောက်ဖို့ပြောတယ်။ လူးဝစ်က အရက်သောက်ပြီးရင် သွေးဆိုးတတ်လို့ မသောက်ချင်ဘူး။ ဒါပေမဲ့ ဒေလီယာကတော့ အရက်သောက်ဖို့ ရေခဲသေတ္တာထဲက အရက်ပုလင်းကို သွားထုတ်တယ်။ ဒါပေမဲ့ လူးဝစ် သတိထားမိလိုက်တဲ့အချိန်မှာ ဒေလီယာက ကြမ်းပြင်ပေါ်မှာ သေနေပြီ။ အဲဒီအတွက် လူးဝစ် ထောင် ၅ နှစ်ကျခဲ့တယ်။ ဒါပေမဲ့ တရက်မှာတော့ သူ့ဆီကိုဧည့်သည်တယောက် အလည်လာတယ်။ အဲဒီအချိန်မှာ လူးဝစ်က ဒေလီယာသေတဲ့အကြောင်းရင်းနောက်မှာ သူမသိသေတဲ့ ကိစ္စတချို့ရှိနေတာကို သိလိုက်ရတဲ့အခါ....။ ဇာတ်ကားအညွှန်းနဲ့ဘာသာပြန်သူကတော့ Marip Pan ဖြစ်ပါတယ်

ဇာတ်လမ်းအကျဉ်းပြောရရင် အများပြည်သူလေးစားရတဲ့ ဝန်ကြီးချုပ် သူ့ရဲ့ကိုယ်ရံတော်တွေသတ်တာ ခံလိုက်ရတယ်။ အဲဒီကိုယ်ရံတော်ကဆစ်ခ်ဆိုတော့ ဆစ်ခ်တွေကို တစ်နိုင်ငံလုံးကမုန်းကြတယ်။ အဲဒီထဲဒေလီအဆိုးဆုံး။ ပိုဆိုးတာက အာဏာရူးကရာဇဝတ်သားတွေလွှတ်ပြီး ဆူပူအကြမ်းဖက်မှုတွေလုပ်ခိုင်းတယ်။ ဆူပူမှုတွေကြား ဆစ်ခ်တွေအသက်ရှင်ဖို ဘယ်လိုရုန်းကန်ရမလဲဆိုတာ ရင်တထိတ်ထိတ်နဲ့ ကြည့်ရှူရမှာ။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ Lilly ဖြစ်ပါတယ်။

ဒီကားလေးကတော့ ၂၀၁၂ခုနှစ်က ထွက်ရှိခဲ့တဲ့ အချစ်ဟာသ ဒရာမာဇာတ်လမ်းလေးပဲ ဖြစ်ပါတယ်။ ဟျွန်းဆွန်း (Ji Sung) ဟာ သီချင်းရေးဆရာဖြစ်ဖို့ အိပ်မက်ကို အကောင်အထည်ဖော်ဖို့ ကြိုးပမ်းနေသူပါ။ သူ့ရဲ့ ၇နှစ်တာ တွဲလာတဲ့ချစ်သူက မရေရာတဲ့ အိပ်မက်နောက်လိုက်နေတဲ့ သူ့ကို စိတ်ပျက်လာတာကြောင့် လမ်းခွဲပြီး ရုပ်ရှိရေလျှံ ဘဲတစ်ယောက်နဲ့ တွဲသွားခဲ့တယ်။ ရည်းစားနဲ့ လမ်းခွဲရလို့ စိတ်ပျက်နေတုန်း တစ်ညမှာ ဖုန်းတစ်ကောလ် ဝင်လာခဲ့တယ်။ ဖုန်းထဲက အမျိုးသမီးက ဘာမပြောညာမပြောနဲ့ Phone Sex လုပ်ခိုင်းခဲ့တယ်လေ။ အမှန်က ဖုန်းဆက်လာတဲ့အမျိုးသမီးဟာ သူ့ချစ်သူဆီ ဖုန်းခေါ်ရင်း ဖုန်းနံပါတ် မှားနှိပ်မိခဲ့တာပါ။ ယွန်းဂျောင်းမှာလည်း သူ့ရဲ့ ၅နှစ်တာ အချစ်ရေးမှာ အဆင်မပြေမှုတွေ ရှိနေခဲ့ပါတယ်။ ဒီလိုနဲ့ အဆင်မပြေမှုတွေ ကိုယ်စီရှိနေသူနှစ်ယောက် ဖုန်းထဲကနေ ရင်ဖွင့်ဖော်မိတ်ဆွေတွေအဖြစ် စကားပြောကြရင်း အပြင်မှာတွေ့ဖြစ်ကြတဲ့အခါ... ဘာမှမဆိုင်တဲ့ သူစိမ်းနှစ်ယောက် အချင်းချင်း နားလည်မှုတွေနဲ့ အပြန်အလှန်ကူညီနှစ်သိမ့်ရင်း ချစ်မိသွားမှာလား၊ ဘယ်လိုဒရာမာတွေ ရှိလာမလဲဆိုတာကို Whatcha Wearing? ဆိုတဲ့ ဇာတ်လမ်းလေးမှာ ကြည့်ရှုခံစားနိုင်ပါပြီ။ ဇာတ်ကားအညွှန်းနဲ့ဘာသာပြန်သူကတော့ June Rose ဖြစ်ပါတယ်

မြို့လေးတစ်မြို့မှာ မိန်းကလေးငယ်လေးတွေ ဆက်တိုက်ပြန်ပေးဆွဲခံနေရတယ်။ ပြန်ပေးဆွဲခံထိပြီး သုံးလေးရက်ကြာရင် အလောင်းအဖြစ်နဲ့ပြန်ရတယ်။ ပြန်ရတဲ့အလောင်းကလည်း ကြည့်ရက်စရာမရှိအောင်ကို မုဒိန်းကျင့်ခံထားရတဲ့ အနေအထားတွေ့ရတယ်။ အလောင်းကနေ သဲလွန်စမရအောင်လည်း လူသတ်သမားက အလောင်းကိုဓာတုဆေးရည်တွေနဲ့ သေချာသန့်ထားတာကြောင့် သဲလွန်စလုံးဝရှာမရနေတဲ့ အခြေအနေ။ မဟာဆိုတဲ့အမျိုးသမီးရဲ့သမီး ကျောင်းကအပြန် ပြန်‌ပေးဆွဲခံလိုက်ရတယ်။ တကယ်ပဲခေတ်ထတဲ့ လူသတ်ကောင်က ပြန်ပေးဆွဲသွားတာလား ၊တခြားဘာပယောဂတွေပါဝင်ဦးမလဲ ဆိုတာကို plot twist ပေါင်းများစွာနဲ့ ကြည့်ရှူလိုက်ပါဦး။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ Lilly ဖြစ်ပါတယ်။

လူပေါင်း သန်း ၈၀၀ ကျော်နေထိုင်တဲ့ နိုင်ငံကြီးမှာ တရက်ကို မှုခင်းပေါင်း ၁၇၅၀၀ ကျော် ဖြစ်ပွားပါတယ်။ အဲဒီမှုခင်းတွေကို ဖြေရှင်းပေးတဲ့သူတွေကတော့ judges တွေပဲ ဖြစ်ပါတယ်။ Judge တယောက်ဖြစ်ဖို့ဆိုတာ အဘက်ဘက်က ပြည့်စုံတဲ့ စွမ်းရည်တွေရှိဖို့ လိုအပ်ပါတယ်။ Cassandra Anderson က judges ဖြစ်ဖို့အတွက် အကဲဖြတ်ခံဖို့ Judge Cheif က Judge Dredd ကို တာဝန်ပေးခဲ့တယ်။ သူတို့နှစ်ယောက်ရဲ့ တာဝန်က Peach Trees မှာ မူးယစ်ဆေးထုတ်လုပ်ရောင်းချတဲ့ Ma Ma ကို ရှင်းပစ်ဖို့ဖြစ်ပါတယ်။ အဲဒီနေရာကို ရောက်သွားတဲ့အခါ Peach Trees ကလူတွေက အဆောက်အဦတခုလုံးကို ပိတ်ချလိုက်ပြီး Judges နှစ်ယောက်ကို ပြန်လိုက်ဖမ်းပါတယ်။ ထွက်ပေါက်ပိတ်နေတဲ့ အဆောက်အဦထဲမှာ Dredd တို့နှစ်ယောက် လူဆိုးအဖွဲ့ကို ဘယ်လိုရှင်းလင်းပစ်မလဲဆိုတာကို စိတ်ဝင်တစားကြည့်ရှုနိုင်မယ့် သိပ္ပံအက်ရှင်ကားပဲ ဖြစ်ပါတယ်။ ဇာတ်ကားအညွှန်းနဲ့ဘာသာပြန်သူကတော့ Marip Pan ဖြစ်ပါတယ်