လူကြည့်များသော ရုပ်ရှင်များ

မိသားစုဖြစ်ကြတဲ့ ဖရက်ဒရစ်... ရှီရင်နဲ့ သားဖြစ်သူ လူးကပ်စ်တို့ဟာ အိမ်အသစ်တစ်လုံးကို ဝယ်ယူလိုက်ကြတယ် ရှီရင်တစ်ယောက်ကတော့ ဖရက်ဒရစ်ရဲ့ ဇနီးအသစ်ဖြစ်ပြီး လူးကပ်စ်လေးရဲ့ မိထွေးလောင်းလည်းဖြစ်ပါတယ်။ အဲ့အိမ်ကိုဝယ်ယူပြီးတဲ့နောက်ပိုင်းသူတို့တွေကြားမှာ ဘယ်လိုထူးဆန်းတာတွေဖြစ်လာခဲ့မလဲ... ဘယ်လိုခြောက်ခြားစရာတွေကြုံခဲ့ရမလဲအဲ့အိမ်မှာနေခဲ့တဲ့အရင်မိသားစုဝင်တွေရော ဘယ်လိုအဖြစ်အပျက်မျိုးတွေကြုံတွေ့ခဲ့ရတာလဲ မိထွေးဖြစ်သူ ရှီရင်နဲ့ လင်ပါသားလေး လူးကပ်စ်တို့ရဲ့ ဆက်ဆံရေးကရော ဘယ်လိုအခြေအနေရှိလာမလဲ Horrorရုပ်ရှင်ဆိုပေမယ့်ဇာတ်လမ်းအဆုံးသတ်ကလည်း လေးလေးနက်နက် အဆုံးသတ်ပေးထားတာမို့ ကြည့်ရှူသူတွေအတွက် ကျေနပ်စရာဖြစ်စေမှာပါ ရုပ်ရှင်ချစ်သူတွေအတွက် ကြည့်သင့်တဲ့ ဇာတ်ကားကောင်းတစ်ခုလို့ပြောချင်ပါတယ်... ဇာတ်လမ်းအညွှန်းနဲ့ ဘာသာပြန်သူကတော့ LuLu ဖြစ်ပါတယ်

2004 ခုနှစ်က Dhoom ထွက်ခဲ့ပြီးအတော်လေးအောင်မြင်မှုရခဲ့တာကြောင့် ဒုတိယမြောက်ထွက်လာတဲ့ကားလေးပါ။ဒီကားထဲမှာလဲ ဂျေးဆစ်ထ်ဆိုတဲ့ရဲသားက ခိုးပြီးတိုင်း 'အေ'ဆိုတဲ့အမှတ်အသားကို ချန်ထားခဲ့တဲ့သူကိုလိုက်ဖမ်းခဲ့ရပြန်ပါတယ်။ ခိုးယူမှုတွေကအရင်ကထက်ပိုများလာပြီးခိုးသွားတဲ့ပစ္စည်းတွေကလဲ ရှားပါးတဲ့ပစ္စည်းတွေဖြစ်တာကြောင့် အထက်ကဖိအားပေးလာခဲ့ပါတယ်။သူ့ဘက်ကနိုင်သလောက်အစွမ်းကုန်လုပ်နေခဲ့ပေမယ့် အကူအညီလိုလာတာကြောင့် တစ်ခါကသူ့ကိုကျေးဇူးဆပ်စရာရှိဖူးသူကိုအကူအညီတောင်းဖို့ဖြစ်လာခဲ့ပါတယ်။ ဆူနဲဟ်ရီက'အေ'ဆိုသူဘယ်သူလဲဆိုတာကိုကူညီဖော်ထုတ်ပေးရင်း ဂျေးဒီဆစ်ထ်ဆိုတဲ့ရဲသားဘက်ကအနိုင်ရသွားမလား ဒါမှမဟုတ် 'အေ'ဆိုတဲ့လူကပဲအနိုင်ရပြီး သူရဲအလုပ်ကနေနှုတ်ထွက်သွားရမလားဆိုတာကိုကြည့်ရှုရမှာပါ။2006ခုနှစ်ကရိုက်ကူးထားပေမယ့် အက်ရှင်ဇာတ်ကွက်တွေထိမိစွာပါဝင်တဲ့ ဇာတ်ကားမို့လို့ကြည့်ရှုသင့်တဲ့ဇာတ်ကားကောင်းလေးတစ်ကားပါပဲ။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Zen ဖြစ်ပါတယ်။

ဒီတစ်ခါတင်ဆက်ပေးချင်တာကတော့ Arabic ဇာတ်ကားလေးပါ။ မာရန်နဲ့နာဆာဆိုတဲ့ မောင်နှစ်မနှစ်ယောက် သူ့အဖေမဂင်္လာပွဲတက်ဖို့ ရီရတ်ကနေ ဒူဘိုင်းကိုသွားကြတယ်။ ဒါပေမဲ့ သူတို့ဘိုကင်တင်ထားတဲ့ လေယာဉ်ကပယ်ဖျက်လိုက်တာမို့ သွားဖို့အခက်ကြုံနေတယ်။ ဖအေဖြစ်သူကလည်း မရောက်ရောက်အောင်လာခဲ့ဆိုတော့ သူတို့လည်းမတတ်နိုင်ဘဲ ကားလမ်းကိုရွေးလိုက်ရတယ်။ကားနဲ့သွားရင် ခရီးရှည်သလို လမ်းတစ်လျှောက်ကလည်း လူခြေတိတ်တယ်။ အဲဒီလိုသွားကြရင်း မောင်နှစ်မနှစ်ယောက်ရဲ့ လမ်းခရီးသာယာနိုင်ပါ့မလားဆိုတာ ကြည့်ရှူခံစားလိုက်ကြပါဦး။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ Lilly ဖြစ်ပါတယ်။

အိမ်ထောင်သက်၅နှစ်အကြာမှာ စိတ်သဘောထားမတိုက်ဆိုင်မှုတွေကြောင့်ကွာရှင်းခဲ့ကြတဲ့ ဒေးဗစ်နဲ့ဂျော်ဂျာတို့ဟာ သမီးဖြစ်သူလီလီကိုတော့ သူတို့ဖြစ်စေချင်တဲ့အတိုင်းရှေ့နေတစ်ယောက်ဖြစ်အောင် ပြုစုပျိုးထောင်ခဲ့ကြပါတယ်။ ဘွဲ့ရပြီးနောက်နေ့မှာတော့ လီလီက ဘာလီကျွန်းမှာအပန်းသွားဖြေရင်း ဘီလီကျွန်းသားဂီဒေးနဲ့တွေ့ပြီး လက်ထပ်ဖြစ်တဲ့အထိချစ်သွားခဲ့ကြပါတယ်။ သမီးဖြစ်သူလက်ထပ်တော့မဲ့အကြောင်းကိုကြားလိုက်ရတာနဲ့ တွေ့တာနဲ့ရန်ဖြစ်တတ်တဲ့ဒေးဗစ်နဲ့ဂျော်ဂျာတို့ ဘာလီကျွန်းအထိလိုက်သွားကြပါတော့တယ်။ လက်ထပ်ခြင်းရဲ့အဆုံးက ကွာရှင်းပြတ်စဲခြင်းလို့ခံယူထားတဲ့မိဘနှစ်ပါးက သမီးဖြစ်သူကိုလက်မထပ်ဖြစ်အောင်လုပ်ပြီး ပြန်ခေါ်လာဖို့ တိုင်ပင်ထားကြတာပေါ့။ သူတို့တိုင်ပင်ထားတဲ့အတိုင်းဖြစ်လာပါ့မလား။ မိဘမေတ္တာကိုဖော်ကျူးပြထားသလို လူငယ်တွေရဲ့လွတ်လပ်မှုကိုရိုက်ကူးပြထားတဲ့ကားတစ်ကားဖြစ်ပါတယ်။ အထူးခြားဆုံးကတော့ ဘာလီကျွန်းရဲ့ရင်သပ်ရှုမောဖွယ်ကောင်းတဲ့ရှုခင်း တွေကိုကြည့်ရှုကြရမှာဖြစ်ပြီး ဘာလီလူမျိုးတွေရဲ့ရိုးရာယဉ်ကျေးမှုတွေကိုလည်း ကြည့်ရှုကြရမှာပါ။ ဒီဇာတ်လမ်းရဲ့အညွှန်းနဲ့ ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

ဒီတစ်ခါတင်ဆက်ပေးချင်တဲ့ ဇာတ်ကားလေးကတော့ တစ်ခေတ်တစ်ခါကနာမည်ကြီးခဲ့တဲ့ ဇာတ်ကားလေးပါ။ Dhoom 2 ,3 ထိထွက်ထားပြီး အတော်အတန်လည်း နာမည်ရခဲ့တဲ့ဇာတ်ကားပါ။ Bollywood ပရိတ်သတ်မှန်ရင် မသိသူမရှိကြပါဘူး။ ဇာတ်လမ်းအကျဉ်းလေးကတော့ ဂျေးဆိုတဲ့ရဲအရာရှိတစ်ယောက်။ မကောင်းမှုမှန်သမျှကို တိုက်ထုတ်၊ လောကကြီးမှာကောင်းမှုက အမြဲတမ်းအနိုင်ရတယ်လို့ ခံယူထားတဲ့သူတစ်ယောက်။ သူနေထိုင်တဲ့မြို့လေးမှာ လုယက်မှုတွေ ခပ်စိပ်စိပ်‌ဖြစ်လာတယ်။ လုယက်သူတွေက ခိုးကြောင်ခိုးဝှက်မဟုတ်ဘဲ နေ့ခင်းကြောင်တောင်တင် ပေါ်တင်ခိုးပြီး ပေါ်တင်ဆိုင်ကယ်နဲ့ထွက်ပြေးကြတယ်။ ဆိုင်ကယ်စီးကျွမ်းကြတာမို့ သူတို့ကို ဆိုင်ကယ်အဖွဲ့လို့နာမည်ပေးထားတယ်။ ဒီလိုမျိုး လူတွေကိုမလှိမ့်တပတ်လုပ်တာတော်တ‌ဲ့ သူခိုးတွေကို ဒုစရိုက်မှုနှိမ်နင်းတာတော်တဲ့ ဂျေးတစ်ယောက် အမိဖမ်းနိုင်မလားဆိုတာ ၊ သူခိုးနဲ့ရဲ ကြားအားပြိုင်မှုကို ကြည့်ရှူရမှာပါ။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ Lilly ဖြစ်ပါတယ်။

ဒီကားလေးကတော့ LGBT ကို အသားပေးရိုက်ကူးထားတဲ့ ဇာတ်ကားလေးတစ်ကားပဲ ဖြစ်ပါတယ်။ ဘော်ဘီ ဆိုတဲ့ ဂေး စာရေးဆရာတစ်ယောက်က LGBTQ ပြတိုက်တစ်ခုကို ဖွင့်ဖို့ အတွက် ကြိုးစားပြင်နေတဲ့သူတစ်ဦးပါ။ သူက ဂေးတစ်ယောက်ဖြစ်ပေမယ့် ဂေးတွေကို မယုံဘူး အချစ်က အချစ်မဟုတ်ဘူးဆိုတဲ့ ခံယူချက်တွေနဲ့ ဘဝကို တစ်ယောက်တည်း စမက်ကျကျ တစ်ယောက်တည်း ဖြတ်သန်းရင်း အယ်ရွန်ဆိုတဲ့ ရှေ့နေတစ်ယောက်နဲ့ တွေ့ခဲ့ပါတယ် ။ သူကလဲ ဂေးတစ်ယောက်ဖြစ်ပြီး relationship တစ်ခုကို အတည်တကျမတည်ဆောက်ချင်တဲ့ သူတို့နှစ်ဦးကြား ဘယ်လို ခံစားချက်တွေ ပေါ်လာမလဲ ပြတ်ိုက်ကို ဖွင့်ဖို့ ဘော်ဘီတစ်ယောက် အခက်ခဲတွေကြား ဘယ်လို ကြိုးစားမလဲ ဆိုတာ ပေါ့ပေါ့ပါးပါး ကြည့်ရှုရမယ့် romance comedy ဇာတ်ကားလေးတစ်ကားပဲဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

ဆန်ဒါနဲ့ လီလာဟာ ငယ်သူငယ်ချင်းတွေဖြစ်ကြပြီး အကြောင်းတစ်ခုခုကြောင့် ကွဲကွာသွားခဲ့ကြပါတယ်။သူတို့နှစ်ဦး ပြန်တွေ့ဖို့အကြောင်းဖန်လာချိန်မှာတော့ လီလာ့မှာ လက်ထပ်ဖို့ရည်ရွယ်ထားတဲ့ လူတစ်ယောက် ရှိနေခဲ့ပါတယ်။ဒါပေမယ့် လီလာနဲ့အဲ့လူနဲ့ကြားမှာ ပြဿနာတစ်ခုကြောင့် လမ်းခွဲပြီး ဆန်ဒါနဲ့တွဲခဲ့ပါတယ်။ ဆန်ဒါက ဟိန္ဒူဘာသာဝင်ဖြစ်ပြီး လီလာက ခရစ်ယာန်လူမျိုး ဖြစ်တဲ့အတွက်ကြောင့်မလို့ သူတို့နှစ်ဦးကို နှစ်ဖက် မိဘတွေက သဘောမတူမှာစိုးလို့ အလိမ်အညာတွေ ဖန်တီးယူခဲ့ကြတယ်။ လီယာမှာ ကိုယ်ဝန်ရှိနေတယ်လို့ ပြောပြီး ဆန်ဒါကတော့ ကလေးမရနိုင်တဲ့ ယောက်ျားတစ်ဦးဆိုပြီး ကိုယ်စီလိမ်ပြောခဲ့ပါတယ်။ ဘာသာမတူပဲချစ်တဲ့စိတ်တစ်ခုတည်းနဲ့သာလက်ထပ်ချင်ကြတဲ့သူတို့နှစ်ယောက်ဟာ ဒီလိုလိမ်ညာမှုအကြီးစားကြီးကိုတကယ်ပဲ အမှန်တရားကိုမပေါ်စေပဲနဲ့လက်ထပ်သွားနိုင်ပါ့မလား ဒါမှမဟုတ် အမှန်တရားဆိုတာတစ်နေ့ပေါ်တယ်ဆိုတဲ့အတိုင်းပေါ်လာလိမ့်မလား တွေးဆဆနဲ့ကြည့်ရှုရမယ့်ကားလေးပါ။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

Terrifier 2 လဲထွက်လာပြီဆိုတော့ 2017 ခုနှစ်မှာထွက်ခဲ့တဲ့ Terrifier 1 လေးကိုပြန်ခံစားကြည့်လိုက်ရအောင်။ကောင်မလေးနှစ်ယောက်ကဟောလိုးဝင်းညတစ်ညမှာအပြင်လျှောက်သွားရင်းနဲ့ကြောင်တောင်တောင်လူပြက်တစ်ယောက်ကိုတွေ့ခဲ့ပါတယ်။သူတို့အိမ်ပြန်ဖို့လုပ်တဲ့အချိန်မှာကားဘီးပေါက်နေခဲ့တဲ့အတွက်အမဖြစ်သူကိုလှမ်းခေါ်ပြီးကားထဲမှာပဲစောင့်ခဲ့ကြပါတယ်။ဒါပေမယ့်အဲ့ဒီအချိန်မှာသူတို့မသိလိုက်တာကသူတို့မြို့ရဲ့အကြီးမားဆုံးလူသတ်မှုကြီးဖြစ်လာတော့မယ်ဆိုတာပါပဲ။အဲ့ဒီလိုနဲ့အဲ့ဒီလူပြက်ကလူတွေကိုလိုက်တစ်ယောက်ပြီးတစ်ယောက်လိုက်သတ်ဖြတ်ခဲ့ပါတယ်။အဲ့ဒီလူပြက်ကဘာလို့လူတွေလိုက်သတ်နေတာလဲ သူ့လက်ကနေရောလွတ်မြောက်နိုင်ပါ့မလားဆိုတာကိုကြည့်ရှုရမဲ့ Thriller ကားတစ်ကားပဲဖြစ်ပါတယ်။ဒီကားထဲမှာပါဝင်တဲ့မြင်ကွင်းတွေကအရမ်းဆိုးဝါးပြီးကြောက်ဖို့ကောင်းတာကြောင့်ကလေးတွေနဲ့နှလုံးရောဂါရှိတဲ့သူတွေကြည့်ဖို့မသင့်တော်ပါဘူး။ဒါပေမယ့် Thriller ကိုကြိုက်နှစ်သက်တဲ့သူတွေအတွက်ဆိုရင်တော့ ဇာတ်ကားကောင်းတစ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

လူတိုင်းမှာစွဲလမ်းခြင်းကိုယ်စီရှိကြပါတယ်။ကိုယ့်ကိုကိုယ်ဘယ်အရာကိုမှမစွဲလမ်းဘူးလို့ပြောနေပေမဲ့လဲမသိစိတ်ကတစ်ခုမဟုတ်တစ်ခုကိုတော့စွဲလမ်းနေကြမှာပါပဲ။ဒီဇာတ်ကားမှာလဲစွဲလမ်းခြင်းရဲ့အန္တရာယ်ကြီးမားမှုအကြောင်းကိုရိုက်ကူးပြသထားတာပဲဖြစ်ပါတယ်။ပုလဲဆိုတဲ့လယ်တောထဲမှာနေတဲ့ကောင်မလေးကရုပ်ရှင်ကြယ်ပွင့်တစ်ယောက်ဖြစ်လာဖို့နဲ့သူနေထိုင်တဲ့လယ်တောထဲကထွက်သွားဖို့ကိုစွဲလမ်းနေတဲ့သူတစ်ယောက်ဖြစ်ပါတယ်။သူမကအမေဖြစ်သူနဲ့လူမမာအဖေဖြစ်သူတို့နဲ့နေထိုင်နေပြီးနေ့စဉ်နဲ့အမျှစိတ်ဆင်းရဲနေရတဲ့သူတစ်ယောက်ဖြစ်ပါတယ်။ဒါပေမယ့်သူ့ဘဝထဲကိုမျှော်လင့်ချက်တွေပေးမဲ့ကောင်လေးတစ်ယောက်ရောက်လာခဲ့ပါတယ်။ဒါပေမယ့်ကောင်လေးတွေရဲ့ထုံးစံအတိုင်းသူမကိုပလေးလိုက်တဲ့အခါနဂိုတည်းကစိတ်ဒဏ်ရာရနေတဲ့ပုလဲကမထင်ထားခဲ့တဲ့အရာတွေကိုလုပ်ခဲ့ပါတယ်။ဒီလိုနဲ့တဖြည်းဖြည်းစိတ္တဇဆန်လာပြီးဘာတွေဆက်ဖြစ်လာမလဲသူမရဲ့အိပ်မက်ကိုရောအကောင်အထည်ဖော်နိုင်ပါ့မလားဆိုတာကိုကြည့်ရှုရမဲ့ဇာတ်ကားလေးတစ်ကားပဲဖြစ်ပါတယ်။Horror Scene တွေမပါပဲနဲ့ကြက်သီးထအောင်ကြောက်ဖို့ကောင်းတဲ့ရိုက်ချက်တွေကိုကြည့်ရမဲ့ Thriller ကားပါ။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

အသက်နှစ်ဆယ့်ငါးနှစ်အရွယ် 'အမ်မူး'ဆိုသူဟာ အသက်အရအိမ်ထောင်ပြုရမယ့်အရွယ်ဖြစ်ပြီမို့ အိမ်ကမိဘတွေက'အမ်မူး'ကိုဘေးချင်းကပ်အိမ်က အိမ်နီးနားချင်းရဲ့သားနဲ့မင်္ဂလာဆောင်ပေးခဲ့ပါတယ်။ 'အမ်မူး'နဲ့အဲ့အမျိုးသားနဲ့ကအရင်ကလည်းမသိကျွမ်းခဲ့ဖူးဘဲ အိမ်နားမှာနေတဲ့သူတစ်ယောက်ဖြစ်ရုံပါ။အမ်မူးတစ်ယောက်အိမ်ထောင်ကျပြီးနောက်ပိုင်းမှာ သူ့ခင်ပွန်းရာဗီးဆိုသူနဲ့ပျော်ရွှင်စွာနေထိုင်ခဲ့ကြပါတယ်။ တစ်နေ့မှာတော့ရာဗီးဟာအကြောင်းကိစ္စတစ်ခုအပေါ် ဒေါသထွက်လာပြီးစိတ်မကြည်မလင်ဖြစ်နေခဲ့ပါတယ်။ထိုနေ့မှအမှားလုပ်မိသူ 'အမ်မူး'ကဓားစာခံဖြစ်သွားခဲ့ပြီး 'ရာဗီး'ကသူ့ကိုလက်ပါမိသွားခဲ့ပါတယ်။အရိုက်ခံရတာမျိုးကိုကြုံတွေ့ပြီးနောက်ပိုင်း 'အမ်မူး'တစ်ယောက်ယောင်္ကျားဖြစ်သူကို ထိတ်လန့်လာကာ တဖြေးဖြေးစိုးရိမ်စိတ်ဝင်လာခဲ့ပါတယ်။ သူအခုလိုဖြစ်နေကြောင့်အမေဖြစ်သူနဲ့တိုင်ပင်ကြည့်ရင်း ယောင်္ကျားကအလုပ်လုပ်ရတဲ့အတွက်ပင်ပန်းလို့ ပုံချစရာသူတို့မိန်းမတွေပဲရှိတာမို့ အခုလိုဖြစ်တာလို့သူ့အဖွားကပြောခဲ့ပါတယ်တဲ့။အိမ်ထောင်ကျရင်တကယ်ပဲ မိန်းကလေးတွေဟာ ယောင်္ကျားလေးတွေဒေါသပုံကျရာနေရာတစ်ခုအဖြစ် ​ငြိမ်နေပေးသင့်တာလား ဒါမှမဟုတ်ငြိမ်မခံဘဲကိုယ်ပျော်ဖို့ကြိုးစားရုန်းကန်သင့်လား။ အချစ်, အိမ်ထောင်ရေးအပြင်တခြားရသစုံလည်းပါဝင်သေးတာမို့ အိမ်တွင်းအကြမ်းဖက်မှုလိုဇာတ်လမ်းမျိုးသွားတဲ့ 'အမ်မူး'ဆိုတဲ့အိန္ဒိယအမျိုးသမီးတစ်ယောက်အကြောင်းကိုစိတ်ဝင်စားဖွယ်ကြည့်ရှုနိုင်ရန် အခုလိုပဲ ညွှန်းပေးလိုက်ရပါတယ်။

စူဘာလက်ရှ်မီးဆိုတဲ့အမျိုးသမီးဟာ ရည်မှန်းချက်ကိုဓားရိုးသဖွယ်ဆုပ်ကိုင်ပြီးတော့ အရာရှိနေရာကို‌ ရောက်လာခဲ့တဲ့သူတစ်ယောက်ဖြစ်ပါတယ်။ စာအုပ်တစ်အုပ်လိုစည်းစနစ်ကျပြီး လာဘ်ပေးလာဘ်ယူတွေကိုဆန့်ကျင်တဲ့ အရာရှိစူဘာလက်ရှ်မီးဟာ သူမရည်မှန်းချက်ဖြစ်မြောက်လာတဲ့အခါမှာတော့ အကျင့်ပျက်ခြစားသူတွေကို ပညာပြပါတော့တယ်။ ဒါပေမဲ့ ရုတ်တရက်ကြီးတစ်နေ့မှာ သူမအသတ်ခံလိုက်ရတဲ့အခါမှာတော့ ..... မှုခင်းကားတွေရဲ့ထုံးစံအတိုင်း လက်သည်တရားခံကို ဇာတ်ကောင်တွေနဲ့ အတူတူရှာဖွေရမှာပါ။ ဒီဇာတ်ကားကိုစကြည့်မဲ့ ပရိတ်သတ်ကြီးကိုပြောချင်တာကတော့ ဘယ်သူ့ကိုမှ ယုံကြည်လို့မရဘူးဆိုတာပါပဲ။ ဤဇာတ်ကားကို ဘာသာပြန်ဆိုသူမှာ Yoon Cherry Kyawဖြစ်ပြီး အညွှန်းရေးသားသူမှာ Danny Kimဖြစ်ပါသည်။

ခေတ်ပျက်နေတဲ့ အမေရိကန်အလယ်ပိုင်းဒေသကို သတင်းထောက်မလေးနဲ့ စီးပွားရေးသမားလိုလို ဘာလိုလို လျှို့ဝှက်ချက်တွေပြည့်နေတဲ့ ယောကျာ်းတ​ယောက်ရောက်လာတယ်။ ဒါပေမဲ့ အဲဒီနိုင်ငံကနေ ပြန်ထွက်သွားဖို့ ထင်ထားသလိုဖြစ်မလာတဲ့အခါ ဘယ်လိုတွေ ကြုံတွေ့ရမလဲ။ မိသားစုနဲ့အတူကြည့်ဖို့ အဆင်မပြေတဲ့ ဇာတ်ကားပါ။ ဇာတ်လမ်းအညွှန်းနဲ့ ဘာသာပြန်သူကတော့ Marip Pan ဖြစ်ပါတယ်

'အလူရီ'ဆိုတဲ့ဇာတ်ကားကတော့ အိန္ဒိယသမိုင်းကြောင်းမှာရှိခဲ့တဲ့ 'အလူရီ ဆီတာ ရာမ်မရာဂျူး'ရဲ့အတ္ထုပတ္တိကိုရိုက်ကူးထားတာဖြစ်ပါတယ်။ရဲဝန်ထမ်းတစ်ယောက်ဖြစ်တဲ့ ရာမ်ရာဂျူးဟာသာမာန်ရဲဝန်ထမ်းတွေထက် ထူးခြားတဲ့စိတ်ဓာတ်ရှိပြီး အကျင့်ပျက်ခြစားနေတဲ့ရဲမျိုးတွေကိုဆိုမလေးမစားပြုမူတတ်သူတစ်ဦးပါ။ အထက်လူကြီးဆိုရင်လေးစားသမှုနဲ့အလေးပြုရကြောင်း လူတိုင်းနားလည်ပြီးသားဖြစ်ပေမယ့် ရာမ်ရာဂျူးကတော့အထက်လူကြီးရဲ့အကျင့်ပျက်ခြစားမှုတွေကိုအကြောင်းစုံသိထားပြီးသားမို့ အလေးမပြုဘဲနေတတ်သူပါ။ပြည်သူတွေအမြဲအသင့်ရှိနေတဲ့ရာဂျူးဟာ တစ်နေ့မှာတော့ပြည်သူ့အတွက်တာဝန်ထမ်းဆောင်နေရင်း ပါကစ္စတန်အကြမ်းဖက်သမားတွေနဲ့ရင်ဆိုင်ရတဲ့အခြေအနေတစ်ရပ်ဖြစ်လာခဲ့ပါတယ်။ အိန္ဒိယနဲ့ပါကစ္စတန်တို့ကြားမသင့်မြတ်မှုတွေရှိနေသည့်ကြားက အခုလိုတည့်တိုးကြုံလာတဲ့အခါပါကစ္စတန်ဘက်ကရာဂျူးကိုအသက်အန္တရာယ်ပြုလာတဲ့အထိဖြစ်လာတဲ့အခါ ရာဂျူးဘယ်လိုဆက်လုပ်မလဲ တာဝန်သိရဲတစ်ယောက်ဖြစ်ဖို့အစွမ်းကုန်ကြိုးစားနိုင်ပါ့မလားဆိုတာကို ပုံပြင်ဖတ်နေရသလိုခံစားချက်မျိုးနဲ့အချစ်အကြောင်းအနည်းအကျဥ်းရောထွေးပါဝင်သည့် အတ္ထုပတ္တိဇာတ်လမ်းငယ်ကိုအခုလိုပဲ ညွှန်းပေးလိုက်ရပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Zen ဖြစ်ပါတယ်။

ဒီ Summit Fever ဆိုတဲ့ ရုပ်ရှင်ဇာတ်ကားလေးကတော့ 2022 ရဲ့ အောက်တိုဘာလ အတွင်းမှာပဲ လောလောလတ်လတ် ထွက်ရှိထားတဲ့ ရုပ်ရှင်ဇာတ်ကား ကောင်းလေးပဲ ဖြစ်ပါတယ်။ ညီမဖြစ်သူသေဆုံးမှုကြောင့် စိတ်ပင်ပန်းနေချိန်မှာ တောင်တက်ရင်းသာ အချိန်တွေကုန်ဆုံးပြီး ပြန်လည် ကုစားနိုင်ခဲ့တဲ့ အတွက် တောင်တက်ဝါသနာ ကို မစွန့်လွှတ်နိုင်ဘဲ အရာရာကို စွန့်လွှတ်ပြီး ဝါသနာအနောက် လိုက်ခဲ့တဲ့ အခါမှာ။ ခက်ခဲ ၊ ‌ကြမ်းတမ်းလွန်းတဲ့ တောင်တွေကို အဖော်တွေနဲ့ အတူတက်ရင်း ချစ်ရတဲ့သူတွေ တစ်ယောက်ပြီး တစ်ယောက် ‌သေဆုံးမှုတွေ မတော်တဆ မှုတွေကို မျက်စိရှေ့မှာ မြင်လာရတဲ့အခါ ။ ‌အခက်အခဲတွေ ကို အချင်းချင်းကူညီ ရိုင်းပင်းရင်း ဘယ်လို ကျော်ဖြတ်ကြမလဲ။ ကိုယ်ချစ်တဲ့ အလုပ်ကို လုပ်နေရင်း သေဆုံးရတာကို အမြတ်လို့ ယုံကြည်ထားတဲ့ သူတို့အတွက် နောက်ဆုံး အချိန်အထိ ဝါသနာ နောက်ကို လိုက်နိုင်ပါ့မလား။ ဘယ်လိုမျိုး အဆုံးသတ်သွားနိုင်မလဲ ဆိုတာ ကို ဇာတ်လမ်းလေးထဲမှာပဲ ကြည့်ရှုရမှာ ဖြစ်ပါတယ်။ ‌စွန့်စားမှုတွေ ၊ စိတ်လှုပ်ရှားစရာတွေကို ကြည့်ရတာ ကြိုက်နှစ်သက်တဲ့ သူတွေ အတွက်တော့ လက်မလွတ်တမ်းကြည့်ရှု သင့်တဲ့ ဇာတ်ကားကောင်းလေးပဲ ဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

2022ခုနှစ်ထွက် ဇာတ်ကားလေးတစ်ကားနဲ့ မိတ်ဆက်ပေးပါရစေ။ ဇာတ်လမ်းအစမှာတော့ ကားထဲကပစ္စ ည်း‌ေတွခိုးဖို့ကြံနေတဲ့ သူခိုးတစ်ယောက် ခိုးဖို့လာတယ်‌။ သူကပစ္စ ည်းအကြီးတွေခိုးတာမဟုတ်ဘဲ ‌အ‌သေးစားတွေပဲ ခိုးတဲ့သူခိုး။ လက်ကိုင်အိတ်တို့ ဖုန်းတို့ လက်တော့ပ်တို့ပဲ ခိုးတဲ့သူ။ မိန်းမရှိပြီးကိုယ်ဝန်လွယ်ထားနေရတဲ့ အခြေအနေ။ ခိုးဖို့လာပြီးကားထဲကိုဝင်တော့ ကားထဲမှာအဖိုးတန်တာဘာမှမရှိလို့ ပြန်ထွက်ဖို့လုပ်နေတဲ့အချိန် ကားတံခါးကလော့ကျသွားတယ်။ နည်းအမျိုးမျိုးနဲ့ကြိုးစားပေမယ့် တံခါးကပွင့်မလာဘူး။ ဘေးကဖြတ်သွားတဲ့လူတွေကို အကူအညီတောင်းတော့လည်း မကြားကြဘူး။ သူ့ကိုလည်းမမြင်ကြဘူး။ အဲဒီလိုအစာငတ်ရေငတ်နဲ့ တစ်ညကြာသွားတယ်။ ဘာ‌ကြောင့်သူအဲလိုပိတ်မိနေတာလဲ။ လူတွေသူ့ကိုမမြင်ရ မကြားရတာဘာကြောင့်လဲဆိုတာ မြှပ်ကွက်လေးတွေနဲ့မို့ ကြည့်ရှူလိုက်ပါဦး။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ Lilly ဖြစ်ပါတယ်။

Halloween ရာသီလဲရောက်ပြီဆိုတော့ ဒီတစ်ခါ တင်ဆက်ပေးမှာကတော့ 2022ခုနှစ်အတွင်းမှာ အသစ်စက်စက် ထွက်ရှိထားတဲ့ လျှို့ဝှက်ဆန်းကြယ်ပြီး ကြောက်စရာကောင်းတဲ့ထိပ်လန့်ဖွယ် ဇာတ်ကားကောင်းတစ်ခုဖြစ်တဲ့ The Inhabitant (2022) ပဲဖြစ်ပါတယ်။ 1892 ခုနှစ်မှာ သူမ၏မိထွေးနှင့်ဖခင်ကို ပုဆိန်ဖြင့်သတ်ခဲ့တဲ့ လစ်ဇီရဲ့ ဘိုးဘေးတွေကို အစွပ်စွဲခံရတဲ့ မိသားစုကျိန်စာဟာ နှစ်ပေါင်းများစွာ ခြောက်လှန့်နေခဲ့ပါတယ်။ သေဆုံးခြင်းနှင့် ကံဆိုးသောအခြေအနေများသည် မက်ဆာချူးဆက်ပြည်နယ်၊ Fall River မှာ ပလိပ်ရောဂါလိုပဲ မိသားစုတွေကို ဆက်လက်ခြောက်လှန့်နေခဲ့တာပါ။ ဘော်ဒန်ရဲ့ဆွေမျိုးသားချင်းဖြစ်တဲ့ တာရာက ဒဏ္ဍာရီရဲ့ ကြောက်မက်စရာကောင်းတဲ့ ဇာတ်လမ်းထဲကို ဆွဲသွင်းခံနေရချိန်ဖြစ်ပါတယ်။ ရုတ်တရက် တာရာက အိပ်မက်ဆိုးတွေ မက်ပြီး ထိုနေရာမှာပဲ မရှိသော အသံတွေကို ကြားလိုက်ရပါတယ်။ တာရာရဲ့မိခင်က ကုထုံးနဲ့ကုသဖို့အကြံပြုခဲ့ပြီးတော့ စိတ်ပညာဌာနက အဒေါ်ဖြစ်သူထံ သွားရောက်လည်ပတ်ဖို့ ပြောခဲ့ပါတယ်။ တာရာက လူသတ်ဖို့ တွန်းအားပေးခံရမလား လစ်ဇီက သူမဆီလာပြီးတော့ တကယ်ပဲ တီးတိုးပြောခဲ့တာလား တာရာက အခက်အခဲတွေကို ဖြတ်ကျော်ပြီး အားလုံးကို ကယ်တင်နိုင်ပါ့မလားဆိုတာတွေကို The Inhabitants (2022)မှာ စိတ်၀င်စားဖွယ် ကြည့်ရှုနိုင်မှာဖြစ်ပါတယ်။ ဇာတ်လမ်းဘာသာပြန် နဲ့ အညွှန်းကတော့ La Pyae Aung ဖြစ်ပါတယ်။

အမေရိကန်နိုင်ငံက စက်ရုပ်တွေ အသုံးပြုတာကို လက်မခံနိုင်သေးတဲ့ နိုင်ငံဖြစ်တယ်။ ဒီတော့ OCP ဟာ အမေရိကန်တွေ လက်ခံလာအောင် ခံစားချက်ရှိတဲ့စက်ရုပ်ကို တီထွင်ဖို့ ကြိုးစားလာကြတယ်။ မာဖီကတော့ ထုံးစံအတိုင်း ရဲအရာရှိပါပဲ။ သူ့အိမ်က ကားထဲမှာ လူဆိုးတွေလုပ်ကြံပြီး ဗုံးခွဲတာကို ခံလိုက်ရပြီး သေဆုံးခဲ့တယ်။ အဲဒီမှာပဲ အိုစီပီက မာဖီကို စက်ရုပ်အသွင်ဖန်တီးလိုက်ပြီး အမေရိကန်တွေ လက်ခံလာအောင် ကြိုးစားခဲ့တယ်။ ဒီဇာတ်လမ်းက ရှေ့က robocop ဇာတ်လမ်းတွေနဲ့ သိပ်မတူတာဖြစ်လို့ ပုံစံတမျိုးနဲ့ ကြည့်ရမှာပါ။ ဇာတ်လမ်းအညွှန်းနဲ့ ဘာသာပြန်သူကတော့ Marip Pan ဖြစ်ပါတယ်

ဒီကားလေးကတော့ ၂၀၂၀ခုနှစ်က ထွက်ရှိခဲ့တဲ့ စိတ်ကူးယဥ်သိပ္ပံ အက်ရှင်ကားလေးပါ။ P1 Harmony အဖွဲ့ဝင် ၆ယောက်ကို မိတ်ဆက်တဲ့ ဇာတ်လမ်းလေးပေါ့။ လူတွေရဲ့ဒေါသနဲ့ သတ်ဖြတ်ချင်စိတ်ကို လှုံ့ဆော်ပေးတဲ့ အယ်လ်ကောရ်ဆိုတဲ့ ဗိုင်းရပ်စ်တစ်မျိုး ကမ္ဘာပေါ်ကျရောက်ခဲ့ပြီး ကမ္ဘာပျက်လုနီးပါး ဖြစ်ခဲ့ပါတယ်။ အဲဒီကပ်ဆိုးကို တားဆီးဖို့အတွက် အတိတ်၊ ပစ္စုပ္ပန်နဲ့ အနာဂတ်မှာ တကွဲတပြားစီ ရောက်ရှိနေကြတဲ့ P1H အဖွဲ့ဝင်၆ယောက် အချိန်ကာလတစ်ခုမှာ စုစည်းပြီး ကိုယ်စီမှာရှိတဲ့ သဘာဝလွန်စွမ်းအားတွေနဲ့ ကပ်ဆိုးကိုတားဆီးဖို့ ကြိုးပမ်းကြပုံကို ပုံဖော်ရိုက်ကူးထားတာပါ။ ဇာတ်လမ်းကောင်းကိုလည်းခံစားရင်း အဆင်လည်းငမ်းနိုင်မယ့် P1H : The Beginning of the New World ဆိုတဲ့ ဇာတ်ကားလေးကို M Sub Movie မှာ ကြည့်ရှုခံစားနိုင်ပါပြီ။ ဇာတ်လမ်းအညွှန်းနဲ့ ဘာသာပြန်သူကတော့ June Rose ဖြစ်ပါတယ်

ပါလာဗီဆိုတဲ့အမျိုးသမီးဟာ အိမ်ထောင်ရှင်မကောင်းပီသစွာနဲ့ ဘဝကို ပုံမှန်အတိုင်း ဖြတ်သန်းနေထိုင်နေသူတစ်ယောက် ဖြစ်ပါတယ်။ ဒါပေမဲ့တစ်နေ့မှာ သူ့ဘဝတစ်လျောက်လုံးသိုသိပ်လာခဲ့တဲ့ အကြီးမားဆုံးလျို့ဝှက်ချက်တစ်ခုဟာ အမှတ်မထင် ပေါက်ကြားသွားပါတော့တယ်။ အဲ့ဒီလျို့ဝှက်ချက်ကတော့ ပါလာဗီဟာ Lesbianတစ်ဦးဖြစ်တယ်ဆိုတာပါပဲ။LGBTQ+ ကျယ်ပြန့်လာတဲ့အခုလိုခေတ်ကြီးထဲမှာတောင် တစ်ချို့သူတွေကတော့ ကွယ်ဝှက်ပြီးပဲနေနေကြရတုန်းပါ။ အဲ့ဒီထဲမှာ ပါလာဗီလည်း တစ်ဦးအပါအဝင်ဖြစ်ပါတယ်။ ဆိုးဆိုးရွားရွားပြန့်နှံ့လာတဲ့သတင်းကြောင့် သူမရဲ့သားဖြစ်သူစီစဥ်ထားတဲ့ စေ့စပ်ပွဲက နှောင့်နှေးသွားပြီး နှစ်ဖက်မိဘအဆင်မပြေမှုတွေက စတင်လာပါတော့တယ်။ ပါလာဗီချစ်ခဲ့တာဘယ်သူ့ကိုလဲ ? အဖြစ်မှန်ပေါ်လာတဲ့အခါမှာ မိသားစုက ဘယ်လိုတုံ့ပြန်ကြမလဲ ? စေ့စပ်ပွဲလည်းအဆင်ချော‌ချာနဲ့ပြီးသွားပါ့မလား? အစရှိတဲ့မေးခွန်းပေါင်းစုံနဲ့ စီးမြောကြည့်ရှုရမှာ ဖြစ်ပြီးတော့ LGBTQ+တွေရဲ့ စိတ်ပိုင်းဆိုင်ရာခက်ခဲမှုတွေကို မီးမောင်းထိုးပြထားတဲ့ ဇာတ်ကားကောင်းတစ်ကားဖြစ်ပါတယ်။ ဤဇာတ်ကားကိုအညွှန်းရေး၍ ဘာသာပြန်ဆိုသူမှာ Danny Kim ဖြစ်ပါသည်။

Action thriller ကြိုက်တဲ့ပရိတ်သတ်တွေအကြိုက်တွေ့မယ့် ကားကောင်းလေးတစ်ခုပါ။ Die hard တို့ Bourne တို့လိုကားမျိုးနဲ့ ပုံစံတူတာကြောင့် စိတ်ပျက်ရမယ့်ကားမျိုးထဲတော့မပါပါဘူး။ ဂျွန်ကိန်းဟာ ကားမတော်တဆမှုကြောင့် မက်ဆီကန်ဆေးရုံပေါ်မှာ အတိတ်ကိုဘာကိုမှမမှတ်မိပဲနိုးလာခဲ့ပါတယ်။ ဘာမှမမှတ်မိပဲနိုးလာပေမယ့် နိုးလာတာနဲ့လူဆိုးဂိုဏ်းတွေကလာရှာပြီး သူခိုးခဲ့တဲ့သေတ္တာကိုပေးဖို့လာတောင်းကြပါတယ်။ ဒီလိုနဲ့ပဲဂျွန်ကိန်းတစ်ယောက် သူ့ရဲ့သရုပ်မှန်ကိုသိရဖို့ဘယ်လိုကြိုးစားရမလဲ.. လူတိုင်းအသည်းအသန်လိုချင်နေတဲ့ သူခိုးသွားတဲ့သေတ္တာကိုရောဘယ်လိုပြန်တွေ့မလဲ...ဆိုတာတွေကို action ခန်းမိုက်မိုက်လေးတွေအပြင် plot twist လေးတွေလည်းပါတာမလို့ လုံးဝမပျင်းရပဲနဲ့ စိတ်ဝင်တစားနဲ့ကြည့်ရှုရမှာပါ။ ဇာတ်လမ်းအညွှန်းနဲ့ ဘာသာပြန်သူကတော့ Sarah ဖြစ်ပါတယ်

OCP ဟာ လူတွေကို ပိုကောင်းတဲ့အနာဂါတ်ဖန်တီးပေးနိုင်ဖို့ Delta City ကို တည်ဆောက်နေပါတယ်။ ဒါပေမဲ့ တကယ်တမ်းတော့ သူတို့ရဲ့ကိုယ်ကျိုးစီးပွားရေးအတွက် ဆင်းရဲသားတွေနေထိုင်တဲ့ နေရာတွေကို မတရားသိမ်းပိုက်နေမှန်း သိလိုက်ရတဲ့အခါ ပြည်သူတွေက ပြန်လည်ခုခံလာကြတယ်။ OCP က ပုန်ကန်ပြည်သူတွေကို ရက်ရက်စက်စက် သတ်ဖြတ်အရေးယူလာတဲ့အခါ စက်ရုပ်မာဖီဟာ သူ့ကိုဖန်တီးထားတဲ့ OCP ကို ဆန့်ကျင်ပြီး ပြည်သူတွေကို ဘယ်လိုကာကွယ်ပေးမလဲဆိုတာကို ကြည့်ရမှာဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Marip Pan ဖြစ်ပါတယ်

သင်္ချာကိန်းဂဏန်းဟာ ကျောင်းစာထဲမှာပဲ အရေးပါတယ်လို့ထင်နေရင်တော့ သင်မှားသွားပါပြီ။ ဒီဇာတ်ကားထဲက အဓိကဇာတ်ဆောင်မက်သီက ကိန်းဂဏန်းတွေနဲ့တွက်ချက်ပြီး လူတစ်ယောက်ကို ပိပိရိရိသတ်နိုင်ပါတယ်။ အထက်လူကြီးအတွက် နိုင်ငံနဲ့ချီပြီး အရေးကြီးတဲ့ ပုဂ္ဂိုလ်တွေကို လုပ်ကြံပေးနေတဲ့သူတစ်ယောက်ပါ။ တစ်နေ့မှာတော့ မက်သီရဲ့ပိရိလွန်းတဲ့လုပ်ကြံမှုတွေကို အဖြေရှာနေတဲ့ အမှုစစ်ဟာ သင်္ချာဉာဏ်ကြီးရှင် တက္ကသိုလ်ကျောင်းသူတစ်ယောက်နဲ့ အမှတ်မထင်ပူးပေါင်းမိသွားပါတယ်။ ကိန်းဂဏန်းတွေကိုအခြေခံပြီး လက်သည်တရားခံရှာတဲ့ဇာတ်ကွက်တိုင်းက တွေးစရာအပြည့်နဲ့ စိတ်ဝင်စားစရာကောင်းနေမှာသေချာပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Yoon Cherry Kyaw ဖြစ်ပါတယ်

ခရက်ဂ်ဆိုတဲ့ ကောင်လေးက မြို့သေးသေးလေးတစ်မြို့မှာ အမေဆုံးပြီး နောက်ပိုင်း အဖေဖြစ်သူနဲ့ နေထိုင်ခဲ့ပါတယ်။ သူဟာ စာဖတ်ကောင်းသူတစ်ယောက်ဖြစ်ပြီး တစ်နေ့ ဘုရားကျောင်းမှာ ကျမ်းစာဖတ်ပြတာကို သူဌေးကြီးတစ်ယောက်က သဘောကျသွားခဲ့ပြီး သူ့ကို စာဖတ်ပြဖို့ လစာပေး ငှားခဲ့ပါတယ်။ ဒီလိုနဲ့ အချိန်တွေ ကြာလာတဲ့အခါ ကောင်လေးနဲ့ သူဌေးကြီး ရင်းနှီးလာကြတော့ ခရက်ဂ်က မစ္စတာ ဟယ်ရစ်ဂန်ကို ဖုန်းလေးတစ်လုံး လက်ဆောင်ပေးခဲ့ပါတယ်။ ထူးခြားတာက မစ္စတာ ဟယ်ရစ်ဂန် သေဆုံးသွားတဲ့အခါ ခရက်ဂ်က ဖုန်းလေးကိုပါ မြေရောမြှုပ်လိုက်ပေမယ့် သူ့ဆီကို စာတွေဝင်ပြီး ဖုန်းတွေက ဆက်တိုက်ဆက်နေခဲ့ပါတယ်။ ဘာကြောင့် ဒီလိုတွေ ဖြစ်နေရတာလဲ နောက်ကွယ်မှာရော ဘာတွေရှိနေမလဲဆိုတာ စိတ်ဝင်တစားကြည့်ရမယ့် horror အမျိုးအစား ဇာတ်ကားကောင်းလေးပဲ ဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

ဒီဇာတ်ကားကတော့ စက်ရုပ်ရဲမာဖီရဲ့ အဆက်ပဲဖြစ်ပါတယ်။ ဒီတခါမှာတော့ အိုစီပီကလူတွေက robocop 2 ကို ထပ်ပြီး ဖန်တီးခဲ့ကြတယ်။ ဒါပေမဲ့ အဲဒီစက်ရုပ်ရဲဟာ လူသားတွေကို ကူညီဖို့မဟုတ်ဘဲ ဖျက်ဆီးဖို့ဖြစ်လာတဲ့အခါ မာဖီက ဘယ်လိုရင်ဆိုင်သွားမလဲဆိုတာကို ကြည့်ရှုရမှာဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Marip Pan ဖြစ်ပါတယ်