လူကြည့်များသော ရုပ်ရှင်များ

အင်ပါယာကြီးကို ပိုင်ဆိုင်တဲ့ ဘုရင်တစ်ပါးက စိတ်ငြိမ်းချမ်းမှုကို ရရှိနိုင်ဖို့အတွက် မိခင်တစ်ပါးလို ကာကွယ်‌ပေးပြီး ဦးလေးတစ်ယောက်လို စောင့်ရှောက်ပေးနိုင်တဲ့ ကျောက်တုံးတစ်တုံးကို နန်းတော်ထဲ ဆောင်ယူခဲ့ပါတယ်။ ဒီပန်ဂျူလီနတ်ဘုရားကတော့ ရွာတစ်ရွာကို စောင့်ရှောက်ပေးနေတဲ့အတွက်ကြောင့် နန်းတော်ကို ယူလာတဲ့အတွက် နတ်ဘုရားရဲ့ ရွာသားတွေကို နယ်မြေပေးရမယ်ဆိုပြီး‌အပေးအယူလုပ်ခဲ့ပါတယ်။ နှစ်ပေါင်းများစွာကြာလာတဲ့အခါမှာတော့ ဘုရင်ကြီးရဲ့ မျိုးဆက်တစ်စုက မြေတွေကို ရွာသားတွေဆီက ပြန်ယူဖို့ ကြံစည်ခဲ့ပါတယ်။ အဲ့အချိန်မှာ အစိုးရကလည်း သစ်တောထဲမှာ နေထိုင်တဲ့သူတွေကို ပိုင်နက်ကျူးကျော်တယ်လို့ စွပ်စွဲခဲ့ပါတယ်။ ဒီလိုသာဆိုရင် ရွာသားဖြစ်သူတွေက‌ကော သူတို့နယ်မြေကို ဘယ်လို ကာကွယ်မလဲ။ မြေပိုင်ရှင်တွေကကော နတ်ဘုရားနဲ့ ကတိကဝတ်ကို ဖယ်ရှားတဲ့အတွက် ဘာတွေဖြစ်မလဲ ။ အစိုးရကကော ဘယ်လို ပါဝင်ပတ်သက်နေမလဲဆိုတာကို ကြည့်ရှုရမယ့် ဇာတ်ကားလေးပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

Tad The Lost Explorer And The Emerald Tablet (2022) ကားလေးကတော့ Animation ဇာတ်ကားလေးပါ။ Tad ဆိုတဲ့ ရှေးဟောင်းသုတေသနပညာရှင်တစ်ယောက်က အီဂျစ်ကျောက်တလားတစ်ခုကို ဖွင့်သွားမိပါတယ်။ အဲဒီကျောက်တလားကို ကာကွယ်ထားတဲ့ကျိန်စာတွေကြောင့် Tad ရဲ့သူငယ်ချင်းဖြစ်တဲ့ မံမီရယ် ဂျက်ဖ်ရယ် ဘယ်လ်ဇိုနီရယ် (၃)ယောက်ဟာ ကျိန်စာမိသွားခဲ့ပါတယ်။ သူငယ်ချင်းတွေရဲ့ကျိန်စာကိုဖျက်နိုင်ဖို့အတွက် Tad တစ်ယောက် မြစိမ်းကျောက်ပြားရှာပုံတော် ဖွင့်ရပါတော့တယ်။ Tad တစ်ယောက် ဒီရှေးဟောင်းပစ္စည်းကို အောင်အောင်မြင်မြင်ရှာဖွေနိုင်ပါ့မလား။ သူ့ရဲ့စိတ်ကူးထဲကဆန္ဒအတိုင်း လူအများရဲ့အသိအမှတ်ပြုခြင်းကို ခံရပါ့မလားဆိုတဲ့ဇာတ်လမ်းဇာတ်ကွက်တွေနဲ့ Adventure ဇာတ်ကားလေးကို စိတ်ဝင်စားဖွယ်ကြည့်ရှုရမှာ ဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ NaNa ဖြစ်ပါတယ်

ဂျနီဖာနဲ့ဗနက်ဆာကတစ်ယောက်နဲ့တစ်ယောက်အရမ်းချစ်ကြတဲ့သူငယ်ချင်းတွေဖြစ်ပါတယ်။ဒါပေမယ့်ဂျနီဖာတစ်ယောက်ဆုံးပါးသွားတဲ့အချိန်မှာဗနက်ဆာတစ်ယောက်အထီးကျန်ဝမ်းနည်းစွာနဲ့တစ်ယောက်တည်းကျန်ခဲ့ရပါတော့တယ်။သူမရဲ့နေ့ရက်တွေကမလှပတော့သလိုသူငယ်ချင်းဖြစ်သူဆုံးပါးသွားတဲ့အတွက်ခက်ခဲတဲ့အချိန်တွေကိုဖြတ်သန်းနေရတာဖြစ်ပါတယ်။ဒါပေမယ့်တစ်နေ့ကျတော့သူမရဲ့ရှေ့မှာဂျနီဖာကဝုန်းဒိုင်းကြီးပေါ်လာခဲ့ပါတယ်။ဒါပေမယ့်အဲ့ဒါကဂျနီဖာမဟုတ်ပါဘူး။ဂျနီဖာရဲ့ပုံစံကိုယူထားတဲ့တခြားဂြိုလ်ပေါ်ကဂြိုလ်သားတစ်ယောက်ပဲဖြစ်ပါတယ်။သူဒီကမ္ဘာမြေကိုလာတာကလူသားမျိုးစိတ်ရဲ့အကြောင်းကိုလေ့လာဖို့ဖြစ်ပြီးသဘောတူတယ်ဆိုရင်သူ့ရဲ့အချစ်ဆုံးသူငယ်ချင်းဖြစ်တဲ့ဂျနီဖာနဲ့နှစ်ရက်အတူတူအချိန်ကုန်ဆုံးရမယ်လို့အပေးအယူလုပ်ခဲ့ပါတယ်။ဗနက်ဆာတစ်ယောက်ကြောက်ကြောက်လန့်လန့်နဲ့ဂျနီဖာပုံတူပွားထားတဲ့ဂြိုလ်သားနဲ့အတူတူနှစ်ရက်တာကိုဘယ်လိုအတူတူဖြတ်သန်းကြမလဲဆိုတာကိုကြည့်ရှုရမဲ့ဇာတ်ကားလေးတစ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

ကယ်ဒါဟာ အမဲ‌လိုက်မျိုးနွယ်စုခေါင်းဆောင်ရဲ့ သားတစ်ဦးဖြစ်ပေမယ့် နှလုံးလှသူတစ်ဦးဖြစ်တာကြောင့် အဖေဖြစ်သူရဲ့ နေရာကို ဆက်ခံဖို့ တုံ့ဆိုင်းနေခဲ့ရသူတစ်ဦးဖြစ်ပါတယ်။ တစ်နေ့မှာ မျိုးနွယ်စုနဲ့ အမဲလိုက် ထွက်ကြရင်း သားကောင်တွေရဲ့ တိုက်ခိုက်ခံရမှုကြောင့် ကယ်ဒါကို သေဆုံးသွားပြီလို့ မျိုးနွယ်စုတစ်ခုလုံးက မှတ်ယူခဲ့ကြပါတယ်။ ဒါပေမယ့် ကယ်ဒါဟာ ရှင်ကျန်နေပြီး ဒဏ်ရာရနေတဲ့ မြေခွေးတစ်ကောင်ကို ပြုစုပေးရင်း ရင်းနှီးလာခဲ့ပါတယ်။ လူသူမရှိတဲ့ ရေခဲပြင်ဒေသထဲ မြေခွေးတစ်ကောင်နဲ့ အန္တရာယ်တွေကို ကယ်ဒါတစ်ယောက် ဘယ်လိုရင်ဆိုင်မလဲ အိမ်ကိုရော ဘယ်လို ခက်ခက်ခဲခဲ ပြန်ရမှာလဲဆိုတာကို စိတ်ဝင်တစားကြည့်ရှုရပြီး မြေခွေးနဲ့ကယ်ဒါတို့ကြား ဖြစ်‌ပေါ်လာတဲ့သံယောဇဉ်လေးကိုပါ ကြည်နူးဖွယ်ကြည့်ရှုရမယ့် ဇာတ်ကားကောင်းလေးတစ်ကားပဲဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

ဒီဇာတ်ကားကတော့ ဖြစ်ရပ်မှန်ကိုအခြေခံပြီးရိုက်ထားတဲ့ ဇာတ်လမ်းဖြစ်ပါတယ်။ ဇာတ်လမ်းအကျဥ်းကတော့ ဝီလီယံဘွိုင်းနဲ့ ကလိုတာ သိပ်ချစ်ကြတဲ့ချစ်သူတွေဖြစ်ကြတယ်။ ဒါပေမဲ့ ထုံးစံအတိုင်း သဘောမတူတဲ့အတွက် သူတို့နှစ်ာက် အတူထွက်ပြေးကြတယ်။ ဒါပေမဲ့ အဲဒီလိုထွက်ပြေးတဲ့အချိန်မှာ ဝီလီယံဘွိုင်းက မတော်တဆ ကလိုတာရဲ့အဖေကို သတ်မိသွားတယ်။ ကလိုတာကို နားလည်ပေးတဲ့အမေဖြစ်သူက သူတို့နှစ်ယောက်ကို ထွက်ပြေးခွင့်ပေးခဲ့တယ်။ ဒါပေမဲ့ အမေရိကန်အရာရှိတွေက ဝီလီယံဘွိုင်းကို လူသတ်သမားအဖြစ် လိုက်ဖမ်းတဲ့အခါ သဲကန္တာရထဲမှာ ဝီလီယံနဲ့ကလိုတာ လူအုပ်ကြီးလက်က လွတ်မြောက်နိုင်ပါ့မလား။ ဇာတ်လမ်းအညွှန်းနဲ့ ဘာသာပြန်သူကတော့ Marip Pan ဖြစ်ပါတယ်

ဟဂ်ဂူးကတော့ လူ (၁၃) ယောက်ကို ဆယ်မိနစ်အတွင်း သတ်ဖြတ်ခဲ့တဲ့ အကြမ်းဖက်သမားဆိုပြီး စွပ်စွဲခံရပါတယ်။ အဲ့ပြစ်မှုကြောင့် သေမိန့်ချခံလိုက်ရပါတယ်။ ဟဂ်ဂူးကို ထောင်ပြောင်းရမယ့်အချိန်မှာ ရဲအရာရှိဆီက သေနတ်ကို လုယူပြီး "Spring Shine" အဆောက်အအုံထဲက တိုက်ခန်းတစ်ခုကို ဝင်ပြေးခဲ့ပါတယ်။ အဲ့တိုက်ခန်းထဲမှာ လူတိုင်းက ရူးနေတယ်လို့ သတ်မှတ်ထားတဲ့ ယာ့သ်ရာ့စင်ဟာရဲ့ဇနီးဖြစ်သူ ဆန်ချီစင်ဟာ ရှိနေခဲ့ပါတယ်။ ဒါဆို ဆန်ချီက တကယ်ပဲ စိတ္တ‌ဇရောဂါဖြစ်နေတာလား....။ ဂူးကကော တကယ်ပဲ လူသတ်မှု ကျူးလွန်ခဲ့တာလား ....။ ‌အားလုံးရဲ့နောက်ကွယ်က အမှန်တရားက ဘာများဖြစ်မလဲ ..ဆိုပြီး ရင်တထိတ်ထိတ်နဲ့ ကြည့်ရှု့ရမှာဖြစ်ပြီး လောင်ရမယ့် ကားလေးဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

ဒီဇာတ်ကားလေးက‌တော့ နာမည်ကြီး ဂီတပညာရှင်တစ်ဦးဖြစ်တဲ့ Lydia Tár ရဲ့ ဇာတ်ကြောင်းကို ရိုက်ကူးထားတဲ့ ဇာတ်ကားလေးတစ်ကားပဲဖြစ်ပါတယ်။သူမဟာ အရည်အချင်းရှိတဲ့ တီးဝိုင်းခေါင်းဆောင်တစ်ယောက်ဖြစ်ပေမယ့် သူမကို ဆွဲချမယ့် လူတွေဆီက လုပ်ကြံခံလာရတဲ့အချိန် အခက်အခဲတွေနဲ့ စိတ်ဓာတ်ကျစရာတွေကို ကြုံတွေ့လာရပါတော့တယ် ။ သမီးလေးဖြစ်သူ Petra ကြောင့် စိတ်ဓာတ်တွေ ပြန်မြှင့်တင်ခဲ့ပြီး လူတွေ အသိအမှတ်ပြုအောက် ကြိုးစားခဲ့ရပုံ‌ကို ရိုက်ကူးပြသထားတဲ့ ဇာတ်ကားကောင်းလေးတစ်ကားပဲ ဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

ယခုတစ်ခါမိတ်ဆက်ပေးချင်တာကတော့ ၂၀၁၉ခုနစ်ကထွက်ရှိခဲ့တဲ့ ဇာတ်ကားဖြစ်ပါတယ်။ ရာဂူးဆိုတဲ့စီးပွားရေးသမားတစ်ယောက် လုပ်ငန်းလုပ်နေတာ၁၃ခုလောက်ရှိပေမယ့် မအောင်မြင်ခဲ့ဘူး။ ဆက်တိုက်ကိုကျရှုံးခဲ့တယ်။ မိန်းမဖြစ်သူက ကြည်ဖြူပေမယ့် မိသားစုတွေကတော့ မကြည်ဖြူချင်ကြတော့ဘူး။ အဲဒီလိုနဲ့တစ်နေ့ တရုတ်ကပြန်တော့ ကျားအားတိုးဆေးရောင်းတယ်။ စီးပွားရေးသမားပီပီ လှည့်ကွက်အမျိုးမျိုးနဲ့ပေါ့။ ဒါပေမဲ့ တစ်နေ့မှာ တရုတ်ဗိုလ်ချုပ်က သူ့ဆေးကိုသောက်လိုက်လို့ သေသွားတယ်။ တကယ်ပဲသူ့ဆေးကြောင့်လား တခြားကြောင့်လားဆိုတာ၊ စီးပွားရေးကားကောင်းလေးတစ်ခုမလို့ ကြည့်ရှူလိုက်ကြပါဦး။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ Lilly ဖြစ်ပါတယ်။

ဒီကားလေးကတော့ ၂၀၁၇က ထွက်ရှိခဲ့တဲ့ မင်းသား Hyun Bin ရဲ့ အက်ရှင်ဇာတ်လမ်းလေးပါ။ အင်ချောယောင်း (Hyun Bin) ဟာ မြောက်ကိုရီးယား အထူးစုံစမ်းစစ်ဆေးရေးအဖွဲ့က အရာရှိတစ်ယောက်ပါ။ ဒါပေမဲ့ အထက်အရာရှိရဲ့ နောက်ကျောဓားနဲ့ထိုးမှုကို ခံလိုက်ရပြီး ဇနီးဖြစ်သူနဲ့ ရဲဘော်ရဲဘက်တွေကို ဆုံးရှုံးလိုက်ရတယ်။ အဲဒီအရာရှိက ငွေစက္ကူအတုထုတ်ရာမှာသုံးတဲ့ ငွေစက္ကူပုံစံပြားတွေကိုယူပြီး တောင်ကိုရီးယားကို ထွက်ပြေးသွားတာကြောင့် ချောယောင်းတစ်ယောက် တောင်ကိုရီးယားအထိလိုက်ပြီး ပုံစံပြားတွေကို ပြန်ယူရဖို့ဖြစ်လာခဲ့တယ်။ တောင်ကိုရီးယားရဲတပ်ဖွဲ့နဲ့ ပူးပေါင်းပြီး တရားခံကိုဖမ်းရမယ့် ၃ရက်တာ လျှို့ဝှက်စစ်ဆင်ရေးကာလအတွင်းမှာ ချောယောင်းရဲ့ ပါတနာဖြစ်လာသူကတော့ အမြဲတမ်း အလွဲတွေနဲ့ တိုင်ပတ်နေတတ်တဲ့ စုံထောက် ဂန်ဂျင်းထယ်ဆိုသူပါပဲ။ စုံထောက် ဂန်ဂျင်းထယ်ကို အမျိုးသားထောက်လှမ်းရေးက ချောယောင်းကို သေချာစောင့်ကြည့်ပြီး မြောက်ကိုရီးယားရဲ့ စစ်ဆင်ရေးနောက်ကွယ်က တကယ့်ရည်ရွယ်ချက်အစစ်ကို ဖော်ထုတ်ဖို့ တိတ်တဆိတ် တာဝန်ပေးခဲ့တယ်။ အမိန့်နဲ့ လက်စားချေလိုစိတ်ကြားက အားပြိုင်မှု၊ တောင်နဲ့မြောက် စုံထောက်နှစ်ယောက်ကြားက အစွဲတွေနဲ့ သံသယတွေ၊ အလွဲတွေကြားမှာမှ သူတို့နှစ်ယောက်မှာ ရဲဘော်ရဲဘက်စိတ် ဘယ်လိုရှင်သန်ပေါက်ဖွားလာပြီး စစ်ဆင်ရေးအောင်မြင်အောင် ဘယ်လိုကြိုးပမ်းကြမှာလဲဆိုတာကို Confidential Assignment ဆိုတဲ့ ဇာတ်လမ်းလေးမှာ ကြည့်ရှုခံစားနိုင်ပါပြီ။ ဇာတ်လမ်းအညွှန်းနဲ့ ဘာသာ

သူငယ်ချင်းဖြစ်သူတွေရဲ့ ခိုးရာလိုက်ပြေးရာမှာ ကူညီရင်း တွေ့ဆုံခဲ့ကြတဲ့ ဒေဗီနဲ့ ရှိုင်နာ ။ ဒေဗီကတော့ လုပ်တဲ့အလုပ်တိုင်းမှာ ထူးချွန်ပေမယ့် စိတ်မဝင်စားလို့ဆိုပြီး အလုပ်ထွက်ခဲ့တာ 32ခါရှိပါပြီ။ ရှိုင်နာကတော့ စိတ်ရောဂါအထူးကုဒေါက်တာမလေးဖြစ်ပါတယ်။ သူတို့နှစ်ဦးဟာ တစ်ဦးကိုတစ်ဦး ချစ်မိသွားခဲ့ပြီး လက်ထပ်ဖို့ထိ စီစဉ်ခဲ့ပါတယ်။ ဒါပေမယ့်လည်း တစ်နေ့မှာသူတို့နှစ်ဦး သဘောထားကွဲလွဲပြီး စကားများရာကနေ ဒေဗီတစ်ဦး ပျောက်ချင်းမလှ ပျောက်သွားခဲ့ပါတယ်။ နောက်မှာတော့ ဒေဗီက သန်းပေါင်းများစွာကို ခိုးယူတဲ့ ဓားပြတစ်ဦး ဖြစ်လာခဲ့ပါတယ်။ ဒေဗီ ပျောက်သွားပြီးတစ်နှစ်ကြာတော့ ဓားပြမှုတွေကို ကိုင်တွယ်နေတဲ့ အိန္ဒိယရဲ့ထိပ်တန်းရဲအရာရှိ ဟီမန်သျှူကို ‌ရှိုင်နာရဲ့အဖေက ရှိုင်နာနဲ့ လက်ထပ်ဖို့ မိဘတွေက တိုက်တွန်းခဲ့ပါတယ်။ ဒီလိုသာဆိုရင် ဓားပြကြီး‌ဒေဗီက ဘာလို့များ ခိုးယက်ခဲ့တာလဲ။ ဟီမန်သျှူကကော ဒီအမှုကို ဘယ်လိုကိုင်တွယ်မလဲ။ ဒေဗီနဲ့ရှိုင်နာ ချစ်သူနှစ်ဦးကော ပြန်လည် ပေါင်းစည်းနိုင်ပါ့မလားဆိုတာကို တွေးဆဆနဲ့ ကြည့်ရှုရမယ့် ဇာတ်ကားလေးပါ။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

လွန်ခဲ့တဲ့ရှစ်နှစ်က ပြန်ပေးဆွဲခံရရင်း သေဆုံးသွားတဲ့ ဇနီးဖြစ်သူအတွက်အမှန်တရားကို ရှာဖွေဖို့ ရဲစခန်းကို ခဏခဏ သွားနေရှာတဲ့ အန်ကယ်ဂျွန်။ အန်ကယ်ဂျွန်တစ်ယောက်က‌တော့ မိသားစုဝေယျာဝစ္စတွေ မေ့ချင်မေ့တတ်ပေမယ့် ရဲစခန်းကို နေ့စဉ်သွားဖို့ တစ်ကြိမ်မှ မပျက်ကွက်ခဲ့ပါဘူး။ ရှစ်နှစ်အကြာမှာတော့ အန်ကယ်ဂျွန်ရဲ့ဇနီးပြန်ပေးဆွဲခံရစဉ်ကနဲ့ တစ်ပုံစံတည်း တူတဲ့ နည်းလမ်းတွေနဲ့ ချဉ်းကပ်လာတဲ့ ပြန်ပေးဆွဲမှုတစ်ခု။ ဒီတစ်ကြိမ်မှာတော့ ချဉ်းကပ်ခံရတာက ကလေးငယ်လေးတစ်ယောက်ဖြစ်ပါတယ်။ ဒါဆိုရင် ကန့်လန့်ကာနောက်ကွယ်က တရားခံက ဘယ်သူများဖြစ်မလဲ။ ဘာကြောင့်များ ပြစ်မှုတွေကို ကျူးလွန်ရတာဖြစ်မလဲ။ အန်ကယ်ဂျွန်တစ်ယောက်ကကော ဇနီးအတွက် တရားမျှတမှုကို ရဲတွေနဲ့ပူးပေါင်းပြီး ဘယ်လို ရှာဖွေမလဲဆိုတာကို တွေ့မြင်ရမှာပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

စိတ်ရောဂါကုဆရာဝန် ဒေါက်တာရိုစ့်ကော်တာတစ်ယောက် ကျောင်းသူအရွယ် လူနာတစ်ယောက်ကို ကုသမှုလုပ်နေရင်း အဲ့မိန်းကလေးက သတ်သေသွားခဲ့တယ် အဲ့မိန်းကလေးက ကိုယ့်ဟာကိုယ် သတ်မသေခင်မှာ ရို့စ်ကို ပြုံးပြသွားခဲ့တယ် အဲ့အပြုံးကရော ဘယ်လိုအဓိပ္ပာယ်လဲ အဲ့အပြုံးရဲ့ နောက်ကွယ်မှာ ဘယ်လိုအကြောင်းတရားတွေရှိနေလဲဒေါက်တာရိုစ့်အတွက်ရော အဲ့အပြုံးကြောင့် ဘာတွေဖြစ်လာမလဲဆိုတာကတော့... ဇာတ်လမ်းအညွှန်းနဲ့ ဘာသာပြန်သူကတော့ LuLu ဖြစ်ပါတယ်

တူကရမ်ဆိုတဲ့ ရှေးဟောင်းသုတေသနပညာရှင် တစ်ဦးက ကောင်‌မလေးတွေကို ငြင်းဆိုခဲ့ပြီး သူ့အလှည့်ရောက်တော့ အငြင်းခံရမှာကို ဝဋ်လိုက်မှာ ကြောက်နေခဲ့ပါတယ်။ မဒ်ဟူရာကတော့ ရေဒီယိုဌာနက သီချင်းတောင်းဆိုသူတွေကို ပြန်လည် ဖြေကြားပေးရတဲ့ သူတစ်ယောက်ပေါ့။ သူတို့နှစ်ဦး မထင်မှတ်ဘဲ ဖုန်းမှားခေါ်ရင်း စခင်မင်သွားပြီး တွေ့ဆုံဖို့ ချိန်းတဲ့ အချိန်မှာတော့ နှစ်ယောက်စလုံးက သူတို့ကိုယ်စား တူဖြစ်သူ နဲ့ သူငယ်ချင်းဖြစ်သူကို သူတို့အဖြစ်ဟန်ဆောင်‌စေပြီး တွေ့စေခဲ့ပါတယ်။အချစ်မှာ ကြောက်ရွံ့နေတဲ့ သူတွေအတွက် နာကျင်မှုတွေက စောင့်ကြိုနေတာ ဖြစ်စဉ်ပါပဲ။ ဒါဆို သူတို့နှစ်ယောက်လုံးကော နာကျင်မှုတွေ နဲ့ အဆုံးသတ်မလား ကြောက်ရွံ့မှုတွေကို ဖယ်ရှားနိုင်ပါ့မလားဆိုတဲ့ အချစ်အားမာန်တို့ကို ရှုစားရမှာဖြစ်ပါတယ် ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

အခုတစ်ခါတင်ဆက်ပေးမှာကတော့ Ex ဆိုတဲ့ Thriller အမျိုးအစားဇာတ်ကားလေးပဲဖြစ်ပါတယ်။ ဆာရှာတစ်ယောက် ကတ်တယာကို လက်မလွှတ်ချင်လွန်းလို့ ပရိုပို့စ်လုပ် လက်ထပ်ခွင့်တောင်းပြီးချိန်မှာမှ ဆယ်တန်းတုန်းက ရည်းစားဟောင်းဆီက မထင်မှတ်ဘဲ မက်ဆေ့ဝင်လာခဲ့ပါတယ်။ ခြေမငြိမ်တတ်တဲ့အကျင့်လေးရှိတဲ့ဆာရှာကြောင့်လည်း အမြဲတမ်းကတောက်ကဆဖြစ်နေရတဲ့အတွဲရယ်ပါ။ ကတ်တယာရဲ့အနီးကပ်သူငယ်ချင်းဖြစ်သူ ဇိန်းကလည်း ဆာရှာရဲ့ခြေလှမ်းပျက်တဲ့အကြောင်းတွေကို တစ်နေ့တစ်မျိုးမရိုးရအောင် သူငယ်ချင်းဖြစ်သူကို သတင်းပို့လေ့ရှိပါတယ်။ စီးပွားရေးကြောင့်ရော မင်္ဂလာပွဲကြောင့်ရော ဆာရှာရဲ့သတင်းတွေကြောင့်ရော စိတ်ပင်ပန်းစရာတွေအားလုံးဖိစီးပြီး ကတ်တယာတစ်ယောက် nervous breakdown ဖြစ်ပြီး ဆေးရုံပါရောက်ရပါတော့တယ်။ ဆေးရုံရောက်ရတဲ့အကြောင်းက တကယ်ပဲ စိတ်ဖိစီးမှုဖြစ်သွားကြောင့်လား။ ဆာရှာမကောင်းကြောင်းပဲ သတင်းပို့တတ်တဲ့ ဇိန်းကရော သူငယ်ချင်းအစစ်ဟုတ်ရဲ့လား။ လက်ထပ်ခါနီးမှ ရုတ်တရက်ပေါ်လာတဲ့ရည်းစားဟောင်းကရော ဘာဇာတ်ကြောင်းတွေရှိနေခဲ့လဲ။ အဲဒီလိုဇာတ်ကွက်တွေနဲ့အတူ စိတ်လှုပ်ရှားဖွယ်ကြည့်ရှုရမှာပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ NaNa ဖြစ်ပါတယ်

ဆယ်ရာလို့ခေါ်တဲ့ကောင်မလေးတစ်ယောက်ကသူ့မိဘတွေရဲ့နှစ်ပတ်လည်ညစာစားပွဲကိုသွားခဲ့ပါတယ်။ဒါပေမယ့်သူမထင်မှတ်ထားတဲ့ကြောက်လန့်စရာမြင်ကွင်းကိုမြင်ပြီးနောက်မှာတော့မေ့လဲသွားခဲ့ပြီးပြန်နိုးထလာချိန်မှာသူ့ယောက်ျားကိုတွေ့ခဲ့ရပါတယ်။သူ့လက်ကောက်ဝတ်တွေမှာလဲဘလိတ်ဓားရာတွေကိုတွေ့ရပြီးဘာတွေဖြစ်ခဲ့လဲဆိုတာကိုတစ်ခုမှမမှတ်မိတော့ဘူးဖြစ်နေပါတယ်။အဲ့ဒီလိုနဲ့ဆယ်ရာကပြန်မှတ်မိဖို့ကြိုးစားရင်းနဲ့ထူးဆန်းတဲ့အရာတွေတစ်ခုပြီးတစ်ခုကိုအိပ်မက်ထဲမှာမက်သလိုအပြင်မှာလဲမြင်တွေ့ခဲ့ရပါတယ်။နောက်ပိုင်းမှာသူ့ယောက်ျားကပါထူးဆန်းလာပြီးတော့သူမဘဝအတွက်နောက်ထပ်ကြောက်မက်ဖွယ်ရာအဖြစ်အပျက်တွေနဲ့ထပ်ကြုံတွေ့ခဲ့ရပါတယ်။တကယ်တမ်းတော့ဆယ်ရာကအတိတ်မေ့နေတာမဟုတ်ပဲမကောင်းဆိုးဝါးပူးကပ်ခြင်းခံနေရတာပါ။ဒီမကောင်းဆိုးဝါးကိုဆယ်ရာတစ်ယောက်တွန်းလှန်နိုင်မလား တကယ်တမ်းရောသူ့မိဘတွေကဘာတွေဖြစ်ခဲ့တယ်ဆိုတာကိုကြည့်ရှူရမဲ့သည်းထိပ်ရင်ဖို Horror ဇာတ်ကားတစ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

ဒီ အိန္ဒိယဇာတ်ကားလေးကတော့ horrorကြိုက်တတ်တဲ့သူတွေအတွက် စိတ်ဝင်စားစရာဇာတ်ကားလေးဖြစ်မှာပါ။ အူဒေးနဲ့ ရာဂီနီတို့ဟာ အားလပ်ရက်ခရီးအတွက် တက်တက်ကြွကြွနဲ့ပြင်ဆင်ခဲ့ကြပြီး ခရီးကိုစတင်ခဲ့ပါတယ်။ ခရီးစဉ်တစ်လျှောက်မှာလည်း မှတ်တမ်းတင်ရင်း လူငယ်သဘာဝ အထူးအဆန်းကိုမှ စမ်းသပ်ကြည့်ချင်ကြတဲ့အတွက် အိမ်အဟောင်းကြီးတစ်လုံးမှာ နေဖို့ စီစဉ်ခဲ့ကြပါတယ်။ ဒါပေမဲ့ အဲဒီအိမ်ကြီးမှာ အူဒေးတစ်ယောက် ထူးဆန်းတဲ့ဖြစ်ရပ်တွေနဲ့ စပြီးကြုံလာခဲ့ပါတယ်။ ဘယ်လိုဖြစ်ရပ်တွေဖြစ်မလဲ။ နောက်ကွယ်မှာ ဘာတွေရှိနေမလဲ။ သူတို့တွေရော ဘာတွေဆက်ဖြစ်ကြမလဲဆိုတာ စိတ်ဝင်တစား ကြည့်ရှုကြရမှာဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Yoon Cherry Kyaw ဖြစ်ပါတယ်

The Lost King ဆိုတဲ့ British history Comedy အမျိုးအစား ဇာတ်ကားလေးကတော့ နာမည်လေးအတိုင်းပဲ သမိုင်းကြောင်းမှာ ပျောက်ဆုံးနေတဲ့ ဘုရင်ကြီး Richard III ရဲ့အလောင်းကို ရှာဖွေဖော်ထုတ်တဲ့အကြောင်းကို ရိုက်ကူးထားတာဖြစ်ပါတယ်။ ဖြစ်ရပ်မှန်သမိုင်းကြောင်းအပေါ် အခြေခံထားပြီး ဖီလစ်ပါ လန်ဂလီ လို့ခေါ်တဲ့အမျိုးသမီးတစ်ယောက်ရဲ့ ကြိုးစားရှာဖွေဖော်ထုတ်မှုကြောင့် သမိုင်းကြောင်းမှာ ယုတ်မာကောက်ကျစ်တဲ့ဘုရင်အဖြစ် အားလုံးကအသိအမှတ်ပြုထားကြတဲ့ Richard III အဖြစ်ကနေ ဘဝမှာမတရားသဖြင့် ဝေဖန်ဆက်ဆံခံရပြီး မှားယွင်းစွာစီရင်ချက်ချထားခံရတဲ့ဘုရင်အဖြစ် သမိုင်းကြောင်းကို ပြောင်းပြန်လှန်နိုင်ခဲ့ပုံကို တင်ဆက်ပြသထားတဲ့ဇာတ်ကားလေးပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ NaNa ဖြစ်ပါတယ်

သင့်ကို ၁၇ နှစ်အရွယ် မြီးကောင်ပေါက်မလေးတယောက်ကို ခဏစောင့်ရှောက်ပေးဖို့ အပ်ထားမယ်ဆိုရင် ဘာတွေဖြစ်လာမယ်ထင်လဲ။ ဒီဇာတ်လမ်းမှာတော့ ဘဲကြီးက မိန်းမကိုသိပ်ချစ်တတ်တဲ့သူပေါ့။ အဲဒီမှာ ဘဲကြီးမိန်းမက ဂျယ်ဂျူကျွန်းကို သူ့သူငယ်ချင်းနဲ့အတူသွားလည်ချင်လို့ သူ့သူငယ်ချင်းရဲ့သမီးအပျိုပေါက်လေးကို သူ့ယောကျာ်းကို ခဏစောင့်ရှောက်ပေးထားဖို့ အပ်ထားခဲ့တယ်။ ဘဲကြီးကလက်မခံချင်ပေမယ့် မိန်းမကိုချစ်တော့ စောင့်ရှောက်ပေးဖို့လက်ခံလိုက်တယ်။ အဲဒီကစပြီး...ဘာတွေဆက်ဖြစ်မလဲဆိုတာကိုတော့ ဆက်လက်ကြည့်ရှုခံစားကြည့်လိုက်ပါ။ ဇာတ်လမ်းအညွှန်းနဲ့ ဘာသာပြန်သူကတော့ Lily ဖြစ်ပါတယ်

ပရိသတ်တွေထဲမှာပုတ်သင်ညိုကြောက်တတ်တဲ့သူတွေရှိလားမသိဘူး။အဲ့ဒါဆိုရင်တော့ဒီကားကိုကြည့်ဖို့တိုက်တွန်းလိုက်ချင်ပါတယ်။ဘာလို့လဲဆိုတော့ဒီကားထဲမှာကပရိသတ်တို့ကြောက်တဲ့ပုတ်သင်ညိုစိလေးတွေမဟုတ်ပဲဧရာမပုတ်သင်ညိုကြီးတွေပါနေလို့ပါပဲ။ဇာတ်လမ်းအစမှာတော့ကာအိုလို့ခေါ်တဲ့အဆိုတော်ကောင်လေးကသူ့အေဂျင်စီရဲ့အကျင့်ယုတ်မှုကြောင့်ဆေးမှုနဲ့နာမည်ပျက်ခဲ့ရပါတယ်။အဲ့ဒီလိုနဲ့ဘာဆက်လုပ်ရမယ်ဆိုတာမသိပဲလမ်းပျောက်နေတုန်း သူ့ရဲ့ငယ်သူငယ်ချင်း Youtuber ကောင်မလေးလုပ်တဲ့ဘတ်တစ်သန်းတန်ပြိုင်ပွဲတစ်ခုကိုတွေ့လိုက်ရပါတယ်။အဲ့ဒီပြိုင်ပွဲကဘာပြိုင်ပွဲလဲဆိုတော့သူတို့ရဲ့မွေးရပ်မြေဖြစ်တဲ့ရေရှားတဲ့မြို့လေးမှာရေကိုတွေ့အောင်လိုက်တူးဖော်ရမှာပဲဖြစ်ပါတယ်။အရင်ဆုံးရှာတွေ့တဲ့သူကဘတ်တစ်သန်းရမယ်ပေါ့။ဒီလိုနဲ့အပြိုင်အဆိုင်တွေတူးဖော်ကြရင်းနဲ့အစကပြောခဲ့တဲ့ပုတ်သင်ညိုအကြီးစားကြီးတွေနဲ့တွေ့ပြီးကြောက်စရာအဖြစ်အပျက်တွေကိုလဲရင်ဆိုင်ခဲ့ကြရပါတယ်။ကာအိုတို့သူငယ်ချင်းတွေအဲ့ဒီသတ္ဆဝါကြီးတွေကိုရင်ဆိုင်နိုင်ပါ့မလားသူတို့လိုနေတဲ့ရေကိုလဲရှာတွေ့သွားမလားဆိုတာကိုရင်တထိတ်ထိတ်နဲ့ကြည့်ရှုရမဲ့ဇာတ်ကားလေးတစ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

ရှေးဟောင်းတိုင်းပြည်ကြီးတစ်ခုဖြစ်တဲ့ အိန္ဒိယနိုင်ငံရဲ့ဟိမဝန္တာတောင်တန်းတွေပေါ်မှာ ရှေးယခင်က သူတော်စင်ကြီးတွေ ကျင့်ကြံအားထုတ်ကြတယ်။ တစ်နေ့မှာတော့ ကျင့်ကြံမှုနဲ့ထိုက်တန်တဲ့အရာတစ်ခု အလင်းတန်းတစ်ခုနဲ့အတူ ရောက်ရှိလာခဲ့တယ်။ အဲဒါကတော့ စွမ်းအင်တွေပဲ။ အပင်၊ သတ္တဝါ ကမ္ဘာမြေပေါ်ရှိသမျှအရာ‌ေတွရဲ့အစွမ်းတွေ သူတော်စင်ကြီးတွေ ရရှိသွားကြတယ်။ ဒါပေမဲ့ အဲဒီထဲစွမ်းအားအကြီးဆုံးက ဗာရာမာ့အက်စထရာ။ အင်အားအကြီးဆုံးအရာကို ပိုင်ဆိုင်ချင်လို့ ဘယ်လိုတိုက်ပွဲတွေဖြစ်ကြမလဲ ကြည့်ရှူလိုက်ပါဦး။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ Lilly ဖြစ်ပါတယ်။

ဒီဇာတ်လမ်းလေးကတော့ အာဖဂန်နစ္စတန်မှာ တာဝန်ထမ်းဆောင်ရင်း အိုင်အီးဒီဗုံးပေါက်ကွဲမှုကြောင့် ဦးနှောက်ထိခိုက်ဒဏ်ရာရရှိခဲ့ပြီး မိမိဘဝကို အရင်လိုပုံမှန်အတိုင်းပြန်ပြီးနေထိုင်နိုင်အောင် ကြိုစားရုန်းကန်တဲ့ လင်ဇီ ဆိုတဲ့ စစ်အင်ဂျင်နီယာမလေးအကြောင်းကို ဇာတ်လမ်းဆင် ရိုက်ကူးပြသထားတာ ဖြစ်ပါတယ်။ ထိခိုက်ဒဏ်ရာကြောင့် တာဝန်က ခတ္တအနားယူလိုက်ရတဲ့လင်ဇီတစ်ယောက် အထုပ်ဆွဲကာအိမ်ပြန်လာခဲ့ရပါတယ်။ မနေချင်လွန်းလို့ထွက်ပြေးခဲ့တဲ့အိမ်ကို မတတ်သာလို့ပြန်သွားရတဲ့အခါမှာတော့ လင်ဇီရဲ့ဦးနှောက်ရောဂါသက်သာသွားမှာလား ဒါမှမဟုတ် စိတ်ရောဂါပါတိုးသွားမှာလား။ အတိတ်အရိပ်ဆိုးရှိတဲ့ ဘဝတူအုတ်ကွိုင်ဆိုတဲ့မိတ်ဆွေတစ်ယောက်နဲ့ သိကျွမ်းကြပြီး တစ်ယောက်နဲ့တစ်ယောက်ချစ်ကျွမ်းဝင်ကြမှာလား ကူညီဖေးမကြမှာလား။ ဘဝမှာဖြစ်လေ့ဖြစ်ထရှိတဲ့ စိတ်ဆင်းရဲဖွယ်ရာအတွေ့အကြုံတွေအပေါ် အခြေတည်ပြီး ဘယ်လိုအားတင်းရှင်သန်ကြသလဲဆိုတဲ့အကြောင်းကို မပျင်းရိစေရဘဲ ခပ်အေးအေးလေးရိုက်ပြထားတဲ့ ကားကောင်းတစ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ NaNa ဖြစ်ပါတယ်

ဆာဟီရ်က အိန္ဒိယရဲ့ခမ်းနားလှတဲ့ ဆပ်ကပ်အဖွဲ့ပိုင်ရှင်ဖြစ်ပါတယ်။ အဖေ့အတွက် လက်စားချေဖို့ ချီကာဂိုရဲ့ ဘဏ်ခွဲနှစ်ခုကို ဓားပြတိုက်ခဲ့ပါတယ်။ လုယက်မှူ နှစ်ကြိမ်ဖြစ်ပြီးတဲ့နောက်မှာတော့ တစ်ခြားမြို့အသစ်ကို ပြောင်းရွှေ့နေထိုင်ခဲ့ပါတယ် ဆာဟီရ်က တစ်နေရာကို ပျံသွားရင် နောက်တစ်နေရာကနေ ထွက်ပေါ်လာနိုင်တဲ့အထိ တော်ပါတယ်။ ဒါဆို သူက တကယ်ပဲ တော််နေတာလား ဒါမှမဟုတ် ဒီလောက်တော်ရတဲ့ လျှို့ဝှက်ချက်များ ရှိနေနိုင်မလား။ ဒါဆိုရင်ကော လျှို့ဝှက်ချက်က ဆာဟီရ်ရဲ့ အားနည်းချက်များ ဖြစ်နေမလား။ အဖေ့အတွက် လက်စားချေတာ အောင်မြင်ပြီး ကိုယ်ပိုင်နေရာလေးကို ပြန်လာနိုင်မလား။ ထိပ်တန်းရဲဖြစ်တဲ့ ဂျိုင်းကကော ဒီအမှုကို ဘယ်လို ကိုင်တွယ်မလဲ ၊ ဆာဟီရ်ကကော ဘယ်လိုလှည့်ကွက်တွေ သုံးမလဲ ဆိုတာကို ရင်သပ်ရှုမောဖွယ် ကြည့်ရှုရမှာဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

အဲရစ်ခ် ဟယ်လာ ဆိုတဲ့ FBI အေးဂျင့်ဟောင်းတစ်ယောက်ဟာ လျို့ဝှက်စမ်းသပ်ခန်းတစ်ခုက ကလေးတစ်ယောက်ကို ခိုးထုတ်မွေးထားခဲ့ပါတယ်။ အဲဒီကလေးမလေးဟန်နာ ကြုံတွေ့လာရမဲ့အခက်အခဲတွေအတွက်လည်း သူကိုယ်တိုင်က အထူးအဖွဲ့ဝင်တပ်သားဟောင်းပီပီ သမီးဖြစ်သူကိုလည်း လေ့ကျင့်သင်ကြားပေးထားခဲ့ပါတယ်။ ဟန်နာလေးအရွယ်ရောက်လာပြီး လူမြင်ကွင်းကိုထွက်ပြလာတဲ့အခါ FBI အဖွဲ့အစည်းက ဒီတိုင်းလွှတ်ထားပေးပါ့မလား။ စမ်းသပ်ခန်းထဲမှာမွေးဖွားလာခဲ့တဲ့ဟန်နာလေးကရော ဘယ်လိုထူးခြားမှုတွေရှိနေမလဲ။ သူကိုယ်တိုင်အဖေလို့ လက်ခံယုံကြည်ထားတဲ့သူကရော အမှန်ဟုတ်ရဲ့လား စတဲ့စိတ်ဝင်စားဖွယ်ရာ ဇာတ်လမ်းဇာတ်ကွက်တွေနဲ့ အက်ရှင်ဇာတ်ကားကောင်းကို ကြည့်ရှုရမှာဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ NaNa ဖြစ်ပါတယ်

ယခုတင်ဆက်မယ့်ကားလေးက သည်းထိပ်ရင်ဖို‌‌စရာကောင်းလှပါတယ် ဆောင်းရာသီသူငယ်ချင်းသုံးယောက်နှင်းလျှောစီးရင်းနဲ့မလိုလားအပ်တဲ့မတော်တဆမှူဖြစ်သွားခဲ့ပြီး‌‌ကေဘယ်ကား‌ပေါ်မှာပိတ်မိ‌နေကြပါတယ် သူငယ်ချင်းသုံးယောက်ဒီအခြေအနေတွေကိုဘယ်လိုကျော်ဖြတ်ကြမလဲ ဘယ်လိုဖြေရှင်းကြမလဲ နောက်ဆုံးမှာအသက်ရှင်ကြမလားဆိုတာကိုစောင့်မျှော်ကြည့်ရှုကြရမှာဖြစ်ပါတယ် ဇာတ်လမ်းအညွှန်းနဲ့ ဘာသာပြန်သူကတော့ Mt ဖြစ်ပါတယ်