လူကြည့်များသော ရုပ်ရှင်များ

ဒီရုပ်ရှင်ဇာတ်ကားလေးတော့ လူ့လောကမှာ ဖြစ်တတ်တဲ့ အဖြစ်အပျက် အကြောင်းအရာတွေကို အခြေပြုပြီး ရိုက်ကူးထားတဲ့ ရုပ်ရှင်ဇာတ်ကားလေး ဖြစ်ပါတယ်။ ကလေးတစ်ဖက်နဲ့ ဒုက္ခရောက်နေတဲ့ အမျိုးသမီးငယ် တစ်ယောက်ကို ကူညီဖေးမခြင်း မရှိဘဲ လိုအပ်မှုတွေကို အခွင့်ကောင်းဝင်ပြီး အခွင့်အရေး ယူတတ်တဲ့ လူတွေရဲ့ မကောင်းတဲ့ စိတ်ဓာတ်တွေနဲ့ အဲ့လူတွေကိုမုန်းတီးတဲ့ စိတ်နဲ့ နေထိုင်ရင်း ဘယ်လို ပြန်လည် လက်စားချေမလဲ ၊ လူတွေမသိနိုင်တဲ့ သူ့ကြုံ‌တွေ့ရတဲ့သူ့ရဲ့ဘဝကရော ဘယ်လိုတွေ ဖြစ်မလဲဆိုတာ ဇာတ်ကားလေးထဲမှာပဲ ကြည့်ရှုရမှာ ဖြစ်ပါတယ်။ ကြည့်ရှုနေရင်းနဲ့ကို ဘယ်လို အလှည့်အပြောင်း အချိုးအကွေ့တွေနဲ့ ကြုံတွေ့ရဦးမလဲ ဆိုပြီး ကြိုမသိနိုင်အောင် စိတ်ဝင်တစားကြည့်ရှုရမယ့် ဇာတ်ကားကောင်းလေးပဲ ဖြစ်ပါတယ်။ Warning --- (18+ ဇာတ်ဝင်ခန်းများအနည်းငယ်ပါဝင်သောကြောင့် မိသားစုဝင်များ၊ ကလေးသူငယ်များနှင့်အတူ ကြည့်ရှုရန်မသင့်တော်ပါ) ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

အနုပညာနဲ့အသက်မွေးဝမ်းကြောင်းပြုရတာဟာ အတက်အကျမြန်သလိုနာမည်ကြီးလာဖို့ဆိုတာကလည်း ထင်သလောက်လွယ်ကူတဲ့ကိစ္စတော့မဟုတ်ပါဘူး။အူရ်မီလာ မန်ဂျူရှရီးဆိုတဲ့အမျိုးသမီးဟာ ဂီတအနုပညာပိုင်းမှာ အကျော်အမော်တစ်​ယောက်ဖြစ်ခဲ့ပြီး အကြောင်းကြောင်းကြောင့် အနုပညာလောကကိုကျောခိုင်းခဲ့ရပါတယ်။ အူရ်မီလာအိမ်ထောင်ကျပြီးနောက်မှာခင်ပွန်းသေဆုံးသွားတာကြောင့် အမြွှာလေးနှစ်ယောက်နဲ့ကျန်ရစ်ခဲ့ရပါတယ်။အမြွှာလေးနှစ်ယောက်ကိုမွေးဖွားချိန်မှာလည်း တစ်ယောက်သာအသက်ရှင်ကျန်ခဲ့ပြီးသမီးလေးကို 'ကွာလာ'လို့အမည်ပေးခဲ့ပါတယ်။ 'ကွာလာ့'အမေဖြစ်သူကဂီတအနုပညာတွေကို သမီးထံလက်ဆင့်ကမ်းသင်ပြပေးခဲ့ပြီး ထူးချွန်ထက်မြက်စေချင်စိတ်ပြင်းပြခဲ့ပါတယ်။မိခင်စကားကိုတစ်သွေမတိမ်းနားထောင်တဲ့ ကွာလာတစ်ယောက်အဆိုပညာကို အာရုံစိုက်ကြိုးစားသင်ယူခဲ့ပေမယ့် တစ်နေ့မှာတော့ဂျာဂန်ဆိုတဲ့လူငယ်တစ်ယောက်က မိသားစုထဲရုတ်ချည်းဝင်ရောက်လာခဲ့ပါတယ်။ ဂျာဂန်ဟာအဆိုကောင်းသူဖြစ်ပြီးယောင်္ကျားလေးလဲဖြစ်တာမို့ မိခင်ဖြစ်သူဟာဂျာဂန့်ကို ကွာလာ့ထက်ပိုအလေးပေးနေတယ်လို့ခံစားမိလာတဲ့ 'ကွာလာ'တစ်ယောက်၊ ဂျာဂန့်ထက်တော်အောင် မိခင်သတိထားမိစေဖို့ကြိုးစားပြရင်း အိပ်မက်မှားတွေနောက်လျှောက်လာမိတဲ့အခါ ဘယ်လိုအဆုံးသတ်ဖြစ်သွားမလဲဆိုတာကိုရသမျိုးစုံဖြင့် ခံစားကြည့်ရှုရမှာဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Zen ဖြစ်ပါတယ်။

Drishyam1 ကြည့်ဖူးရင်တော့ ဒီကားကိုမသိတဲ့သူမရှိလောက်ပါဘူး။ ၁ထွက်ပြီးတော့ ထွက်လာတဲ့၂ကလည်း ပစ်ရက်စရာမရှိပါဘူး။ ၁လိုပဲရဲတွေနဲ့ပြည်သူ‌တွေကို ဗီဂျေးတစ်ယောက်ဘယ်လိုလက်တစ်လုံးခြားလှည့်စားသွားမလဲဆိုတာ ကြည့်ရှူကြရမှာပါ။ ဇာတ်လမ်းအကျဉ်းကတော့ ဗီဂျေးဆိုတဲ့လူတစ်ယောက် လေးတန်းတောင်မအောင်တဲ့ ကေဘယ်လုပ်ငန်းပိုင်ရှင်။ သူ့ဘဝကို ရုပ်ရှင်ကြည့်ရင်းပဲကုန်ဆုံးနေတာ။ အဲဒီလိုနဲ့တစ်နေ့သူ့ဘဝမှာ ကံဆိုးမိုးမှောင်ကြီးတစ်ခုနဲ့ ကြုံလာတဲ့အခါ သူဘယ်လိုကိုင်တွယ်ဖြေရှင်းသွားမလဲဆိုတာ ကြည့်ရှူရမှာပါ။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ Lilly ဖြစ်ပါတယ်။

နာမည်ကျော်ဖက်ရှင်မော်ဒယ်တစ်ယောက်ဖြစ်ပြီး အရမ်းကိုလှပတဲ့ ဂျနီဖာဟာ အောင်မြင်မှုတွေရရှိနေသလို တစ်ဖက်မှာ သူ့နောက်ကိုတိတ်တဆိတ်နောက်ယောင်ခံလိုက်နေသူတွေရှိနေတာကိုလည်း သူခံစားမိနေပါတယ်။ ဒါပေမဲ့ဒီအတိုင်းထားထားလိုက်ပြီး တစ်ရက်မှာတော့ ကလပ်မှာ သူသောက်မဲ့ခွက်ထဲကို လူတစ်ယောက်ကဆေးခတ်လိုက်ပါတယ်။ သတိရလာတဲ့အခါ မှောင်မည်းပြီးအလုံပိတ်ဖြစ်နေတဲ့ မြေအောက်ခန်းထဲကိုရောက်နေမှန်းသူသိလိုက်ရပါတယ်။ အဲဒီနေ့ကစလို့ သူ့ကိုဖမ်းထားတဲ့psychoအရူးဟာ နေ့တိုင်းစိတ်ပိုင်းဆိုင်ရာ ရုပ်ပိုင်းဆိုင်ရာခြိမ်းခြောက်နှိပ်စက်မှုတွေကိုလုပ်လာပါတယ်။ အရူးတစ်ပိုင်းလိုဖြစ်လာတဲ့ ဂျနီဖာဟာ ဘေးအခန်းမှာသူ့လိုပဲပိတ်လှောင်ခံရသူတစ်ယောက်ရှိနေတယ်ဆိုတာသိသွားပါတယ်။ မျှော်လင့်ချက်မဲ့နေကြတဲ့သူတို့နှစ်ယောက် အတူပေါင်းပြီး အဲဒီစိတ္တဇအရူးလက်ထဲကနေလွတ်မြောက်နိုင်ပါ့မလား။ ဒါမှမဟုတ် ဘယ်လိုအလှည့်အပြောင်းတွေနဲ့ကြုံရဦးမလဲ။ ဒီဇာတ်လမ်းရဲ့အညွှန်းနဲ့ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

ဒီကားလေးထဲမှာဆိုရင် Chuy ဆိုတဲ့သူက ခရစ္စမတ်နဲ့ သူ့မွေးနေ့ကိုမုန်းနေတဲ့သူတစ်ယောက်ပါ။ အဲ့လိုနဲ့ ခရစ္စမတ်နေ့ရောက်တော့ အိမ်သားတွေနဲ့ရန်ဖြစ်ပြီး အရက်ဆိုင်ကိုလာခဲ့ရာမှ ဆန်တာကလော့စ်နဲ့တွေ့ပြီး သူ့အမှားတွေကို ချေပဖို့ မှော်ဂါထာရွတ်ပြီး ခရစ္စမတ်ရောက်တိုင်း ပြုပြင်ဖို့ အပြစ်ပေးပါတော့တယ် ။ အဲ့လိုနဲ့ Chuy တစ်ယောက်အဲ့ဂါထာကို ပျောက်အောင် ဘယ်လိုမျိုးတွေ လုပ်ဆောင်သွားမလဲ သူ့မိသားစုနဲ့ကော ဘယ်လိုဆက်ဖြစ်သွားမလဲဆိုတာကိုတော့ ဒီကားလေးထဲမှာ ကြည့်ရှုလိုက်ကြပါဦးနော်။ ဇာတ်လမ်းအညွှန်းနဲ့ ဘာသာပြန်သူကတော့ Htet ဖြစ်ပါတယ်

အမြွှာတွေအဖြစ်နဲ့မွေးလာခဲ့ကြတဲ့ ညီအစ်ကိုနှစ်ယောက်ဟာ မွေးပြီးပြီးချင်းဆေးရုံမှာတင် ရုန်းရင်းဆန်ခတ်ဖြစ်တာတွေကြောင့် တစ်ကွဲတစ်ပြားစီဖြစ်ခဲ့ကြပါတယ်။ မိဘဖြစ်သူတွေက ပျောက်သွားတဲ့သားတစ်ယောက်ရှာကြပေမဲ့ မတွေ့ခဲ့ကြပါဘူး။ မိဘရင်းတွေလက်ထဲမှာ အချစ်ခံရင်းကြီးပြင်းလာခဲ့တဲ့ ဂျွန်မာကတော့ ကမ္ဘာကျော်ဂီတမှူးဖြစ်လာပေမဲ့ အရက်သမားမိန်းမတစ်ယောက်ဆီမှာမွေးစားခံခဲ့ရတဲ့ဘွန်မာကတော့ ကြမ်းကြမ်းတမ်းတမ်းကြီးပြင်းလာရပြီး လူဆိုးတွေရဲ့ပစ်မှတ်ထားတာကိုခံနေရတဲ့သူဖြစ်လာပါတယ်။ ရုပ်ချင်းဆင်မှုတွေကြောင့် ကမ္ဘာကျော်ဂီတမှူးနဲ့ ဆိုးပေတေဘွန်မာတို့ လူချင်းမှားပြီး ဘယ်လိုအရှုပ်အထွေးတွေဖြစ်လာမလဲ။ ကိုယ်နဲ့တစ်ပုံစံတည်းတူတဲ့သူကိုတွေ့လိုက်ရတဲ့သူတို့ညီအစ်ကိုနှစ်ယောက်ကရော ဘယ်လိုတုံ့ပြန်မှုတွေဖြစ်လာမလဲဆိုတာကိုဟာသခန်းတွေနဲ့ကြည့်ရှုကြရမှာဖြစ်ပါတယ်။ ဒီဇာတ်လမ်းရဲ့ အညွှန်းနဲ့ ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

ဒီတစ်ခေါက် တင်ပြမယ့် ဇာတ်ကားလေးကတော့ ဖုန်းတစ်လုံးနဲ့ လိုက်လိမ်လည်နေတဲ့ Gilbert Chikli ရဲ့ ဇာတ်ကြောင်းပဲ ဖြစ်ပါတယ်။ ဒီကားလေးဟာ ရုပ်ရှင်ကားမဟုတ်ဘဲ Netflix က ရိုက်ကူးပြသထားတဲ့ TV show တစ်ခုပဲ ဖြစ်ပါတယ်။ ဒီထဲမှာဆိုရင် Gilbert Chikli ရဲ့ ဘဝဇာတ်ကြောင်း သူနဲ့ ပတ်သတ်ရာ ပတ်သတ်ကြောင်းတွေကို သူ့အကြောင်းမေးမြန်းထားတဲ့ အင်တာဗျူးတွေကို ကြည့်ရှုရမှာဖြစ်ပါတယ်။ ကမ္ဘာ့ top 3 လူလိမ်တွေထဲက တစ်ဦးဖြစ်တယ်ဆိုတဲ့ Gilbert Chikli က ဖုန်းလေးတစ်callနဲ့တင် ယူရို သိန်းသန်းပေါင်းများစွာကို ရအောင် လှည့်စားနိုင်တဲ့လူတစ်ဦးပဲဖြစ်ပါတယ်။ ဒီတော့ သူ့ရဲ့ လိမ်လည်နည်းတွေက ဘယ်လိုတွေလဲ ဉာဏ်ကောင်းပြီ ပါးနပ်လှတဲ့ လူလိမ်တစ်ဦးရဲ့ အဆုံးသတ်ကရော ဘယ်လိုဖြစ်မလဲဆို စိတ်ဝင်တစား ကြည့်ရှုရမှာပဲဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

အချစ်တွေနဲ့အစပြုခဲ့ပေမဲ့ အိမ်ထောင်သက်ကြာလာတဲ့အခါအရင်လိုအချစ်တွေဖြစ်မလာတော့ဘဲ တစ်ယောက်ကိုတစ်ယောက်အပြစ်တွေမြင်ပြီး စိတ်ပျက်လာကြတဲ့အခါ အိမ်ထောင်ရေးအက်ပလီကေးရှင်းတစ်ခုက သူတို့လင်မယားအတွက်မျှော်လင့်ချက်တစ်ခုအနေနဲ့ပေါ်လာပါတယ်။ အဲဒီအက်ပလီကေးရှင်းလေးရဲ့ပုံစံက လင်မယားနှစ်ယောက်မှာတစ်ယောက်ကိုတစ်ယောက်စိတ်ကျေနပ်အောင်လုပ်ပေးနိုင်ရင် မိုင်တွေတိုးလာတဲ့သဘောပါ။ ပြီးရင် ကိုယ်ရထားတဲ့မိုင်တွေနဲ့ လုပ်ချင်ရာလုပ်လို့ရတဲ့စနစ်တစ်ခါပေါ့။ အဲဒီမှာစတာက လင်မယားနှစ်ယောက်မိုင်တွေလုကြရင်း အရင်ကပိုပြီးဆက်ဆံရေးတွေဆိုးဝါးသွားမလား။ ဒါမှမဟုတ် အဆင်ပြေသွားကြမလားဆိုတာကိုကြည့်ရှုကြရမှာပါ။ ဒီဇာတ်လမ်းရဲ့ အညွှန်းနဲ့ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

ပေါ်လာတို့လင်မယားက ကလေးရဖို့အတွက် ကြိုးစားနေကြတဲ့သူတွေပါ။ တရက်မှာ လမ်းပေါ်မှာ ကလေးတယောက်နဲ့တွေ့ခဲ့တယ်။ အဲဒီကလေးက အသက်ခြောက်နှစ်အရွယ် ကောင်မလေးတယောက်။ ကျန်းမာရေးလည်း သိပ်မကောင်းရှာဘူး။ စကားလည်းမပြောတတ်ဘူး။ သူ့မိဘတွေ ဘယ်မှာနေမှန်းလည်း မသိဘူး။ ဒါကြောင့် လောလောဆယ် ပေါ်လာတို့အိမ်မှာ ခေါ်ထားလိုက်တယ်။ ထူးဆန်းတာက ကလေးမလေးက မြေဖြူစည်းတားထားတဲ့နေရာအတွင်းမှာပဲ နေတယ်။ အဲဒီစည်းအပြင်ကို ဘယ်တော့မှမထွက်ဘူး။ အဲလိုထူးဆန်းတဲ့တချို့ကိစ္စလေးတွေရှိတာကလွဲလို့ သူဟာပေါ်လာတို့လင်မယားနဲ့နေရတာ ပျော်ရွှင်နေတယ်။ ဒါပေမဲ့ တရက် ပေါ်လာရဲ့သူငယ်ချင်းက ပေါ်လာတို့ဆီ အလည်လာရင်း မနက်စာအတူစားကြတယ်။ သူစားလိုက်တဲ့ယိုထဲမှာ ဖန်ကွဲစတွေပါနေတယ်။ ဒါပေါ်လာက အမှုမဲ့အမှတ်မဲ့ပဲ ထားလိုက်တယ်။ ဒါပေမဲ့ ဒီတခါတော့ ပေါ်လာစားတဲ့ အစားအစာမှာပါ ဖန်ကွဲစပါလာခဲ့တယ်။ ပေါ်လာအရမ်းလန့်သွားပြီး ရေချိုးခန်းထဲပြေးသွားခဲ့တယ်။ သူပြန်ထွက်လာတဲ့အချိန်မှာ ကလေးမလေး မရှိတော့ဘူး။ ကလေးမလေး ဘယ်ရောက်သွားတာလဲ...ဘာတွေဖြစ်နေတာလဲဆိုတာကို ဆက်ပြီးတော့ ကြည့်ရှူခံစားလိုက်ပါ။ ဇာတ်လမ်းအညွှန်းနဲ့ ဘာသာပြန်သူကတော့ Marip Pan ဖြစ်ပါတယ်

ကမ္ဘာကြီးထဲကအိမ်တိုင်းမှာဖင်းဆိုတဲ့ကောင်လေးတွေရှိတယ်ဆိုတာကိုသင်သိပါသလား။သူတို့ကပြောရရင်အိမ်ကိုစောင့်ရှောက်ပေးတဲ့အိမ်စောင့်နတ်တွေလိုပါပဲ။ဒါပေမယ့်သူတို့ကအရာဝတ္ထုတွေကိုထိတွေ့လို့ရတဲ့အတွက်အိမ်ကိုသန့်ရှင်းအောင်အမြဲနွေးထွေးအောင်လုပ်ပေးတဲ့အကောင်လေးတွေဖြစ်ပါတယ်။ပြီးတော့သူတို့ကိုလူတွေကလဲမမြင်ရပါဘူး။ဘာလို့လဲဆိုတော့ဖင်းတွေကိုလူတွေမမြင်စေရဘူးဆိုတဲ့စည်းမျဉ်းရှိလို့ပါ။အဲ့ဒီလိုအိမ်တိုင်းကိုသာယာအောင်လုပ်ပေးနေတဲ့ဖင်းတွေကြားထဲမှာတစ်ကောင်တည်းကွဲပြားပြီးဆိုးသွမ်းနေတဲ့ ဖင်းနစ်ဆိုတဲ့ဖင်းတစ်ကောင်လဲရှိပါတယ်။သူကသူ့အိမ်ကိုလာတဲ့သူတိုင်းကိုခြောက်လန့်မောင်းထုတ်တတ်ပြီးဘယ်မိသားစုမှအဲ့ဒီအိမ်မှာကြာကြာမနေနိုင်ပါဘူး။တစ်နေ့တော့သူတို့အိမ်ကိုခရစ္စတင်းဆိုတဲ့ကောင်မလေးရဲ့မိသားစုရောက်လာခဲ့ပါတယ်။ခရစ္စတင်းကတခြားကလေးတွေလိုမဟုတ်ပဲ စုံထောက်လုပ်ရတာကိုအရမ်းရူးသွပ်ပြီး ဉာဏ်လဲအရမ်းထက်မြက်တဲ့ကောင်မလေးဖြစ်ပါတယ်။ဒီတော့ဖင်းနစ်ကထုံးစံအတိုင်းခရစ္စတင်းကိုခြောက်လန့်ခဲ့ပေမဲ့ သူမကမကြောက်ခဲ့တဲ့အပြင်သူတို့ကသူငယ်ချင်းတွေဖြစ်သွားခဲ့ကြပါတယ်။အဲ့ဒီအချိန်မှာတိုက်ဆိုင်ချင်တော့သူတို့မြို့မှာဆိုးသွမ်းလွန်းတဲ့ဒုစရိုက်မှုတွေကိုလိုက်လုပ်နေတဲ့လူဆိုးတစ်ယောက်ရှိနေခဲ့ပါတယ်။ဒီတော့ခရစ္စတင်းနဲ့ဖင်းနစ်တို့နှစ်ယောက်မတည့်အတူနေဘယ်လိုပူးပေါင်းပြီးအဲ့ဒီလူဆိုးကိုဘယ်လိုဖော်ထုတ်မလဲဆိုတာကိုကြည့်ရှူရမဲ့ကာတွန်းကားလေးတစ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ E

ဒီကားလေးကတော့ ၂၀၀၉ခုနှစ်က ထွက်ရှိခဲ့တဲ့ အက်ရှင်ဒရာမာလေးပါ။ နယ်မြို့လေးတစ်မြို့က စုံထောက်တစ်ယောက်ဖြစ်တဲ့ ဂျိုဖီဆောင်းဟာ နွမ်းပါးတဲ့မိသားစုအတွက် ရုန်းကန်နေရသူပါ။ မိသားစုစားဝတ်နေရေးအတွက် အကျင့်ပျက်တဲ့လုပ်ရပ်တွေ လုပ်ရတဲ့အခါလည်း ရှိပါတယ်။ တစ်နေ့ တရားခံစစ်မေးရင်း အမှားလုပ်မိသွားတာကြောင့် ရာထူးကနေ သုံးလရပ်ဆိုင်းခံလိုက်ရတော့တယ်။ ဒီလိုနဲ့ ကြပ်တည်းနေတဲ့ မိသားစုအတွက် ကြံရာမရဖြစ်ရာကနေ ဇနီးဖြစ်သူ စုဆောင်းထားတဲ့ ငွေတွေအားလုံးကို နွားရိုင်းဝှေ့ပွဲမှာ သွားလောင်းလိုက်ပါလေရော။ ကံကောင်းထောက်မလို့ နွားပွဲမှာ နိုင်သွားခဲ့ပေမယ့် သူအနိုင်ရခဲ့တဲ့ လောင်းကြေးငွေတွေကို ဝရမ်းပြေးအကြီးစားတစ်ယောက်က လုယူသွားတဲ့အခါ... ဂျိုဖီဆောင်းတစ်ယောက် သူ့ရဲ့ငွေတွေ ပြန်ရအောင် လုပ်နိုင်ပါ့မလား၊ ဝရမ်းပြေးနဲ့ရော ဘယ်လိုနှစ်ပါးသွားကြမလဲဆိုတာကို Running Turtle ဆိုတဲ့ ဇာတ်လမ်းလေးမှာ ကြည့်ရှုခံစားနိုင်ပါပြီ။ ဇာတ်လမ်းအညွှန်းနဲ့ ဘာသာပြန်သူကတော့ June Rose ဖြစ်ပါတယ်

ညီမဖြစ်သူ ဂေါ့တမီက အမြင်အာရုံပြန်မရနိုင်တော့ဘူးဆိုပြီး သေကြောင်းကြံစည်သွားတာကို အစ်မဖြစ်သူက မယုံနိုင်ခဲ့ပါဘူး။ အဲ့ဒါနဲ့ပဲ အဲ့အမှုကို ဆက်လိုက်ရင်း ခင်ပွန်းဖြစ်သူ နီးလ်,ပါ ဆုံးသွားခဲ့ပြန်ပါတယ်။ နီးလ်က သူနဲ့ ဂေါ့တမီက ဖောက်ပြန်နေကြတာပါဆိုပြီး အသံနဲ့စာချန်ထားခဲ့ပါတယ်။ အဲ့အပြင် ဂါယာထရီတစ်ယောက် ညီမလိုမျိုး အမြင်အာရုံဆုံးရှုံးသွားပါတယ်။ ရဲတွေက ဒီပြစ်မှုတွေကို ကိုယ့်ကိုကိုယ်သေကြောင်းကြံစည်မှုလို့ပဲ ဆုံးဖြတ်ပြီးအမှုကို ပိတ်ပစ်လိုက်ပါတယ်။ တောင်ပေါ်လမ်းက တောလေးထဲမှာ နေထိုင်တဲ့သူတွေ ဖြစ်လို့ ပတ်ဝန်းကျင်ကအစ အေးတိအေးစက်နိုင်လှပါတယ်။ ဒီလို မှောင်မိုက်လှတဲ့နေရာမှာ အမြင်အာရုံဆုံးရှူးသွားတဲ့ ဂါယာထရီ‌တစ်ယောက် လူသတ်တရားခံကို ရဲတွေအကူအညီမပါဘဲ ဘယ်လိုရှာဖွေမလဲဆိုတာကို ရင်တထိတ်ထိတ်နဲ့ကြည့်ရှုရမယ့် ဇာတ်ကားလေးပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

ဒီကားလေးထဲမှာဆိုရင်တော့ အာဖရိကအမျိုးသမီးတစ်ဦးဟာ အလုပ်သစ်တစ်ခုကိုပြောင်းပြီး သူ့သားလေးကို အမေရိကန်ကိုခေါ်ချင်တာ သူ့ဆန္ဒပါ။ အာရှ်တစ်ယောက် အလုပ်သစ်မှာအလုပ်လုပ်ရင်းနဲ့ သူ့သားကို ပြန်ခေါ်လာနိုင်ပါ့မလား သူ့ရဲ့ကံကြမ္မာကြီးက ဘယ်လိုမျိုးတွေ စောင့်ကြိုနေဦးမှာလဲဆိုတာကိုတော့ ဒီကားလေးထဲမှာ ကြည့်ရှုလိုက်ကြပါဦးနော်။ ဇာတ်လမ်းအညွှန်းနဲ့ ဘာသာပြန်သူကတော့ Htet ဖြစ်ပါတယ်

မိဘတွေမရှိတော့တဲ့အတွက် ညီမလေးဖြစ်သူဘရင်ဒါကို အစ်မတစ်ယောက်ရဲ့မေတ္တာသာမကဘဲ မိဘမေတ္တာကိုပါ ပေးပြီး ချစ်ရှာတဲ့ အစ်မဖြစ်သူ ယာရှိုဒါ။ တစ်နေ့မှာတော့ ဘရင်ဒါက ပျောက်သွားပါတယ်။ ဘရင်ဒါကိုရှာပြီး ကယ်ဖို့အတွက် အငှားကိုယ်ဝန်ဆောင်ခြင်းကို ယာရှိုဒါ လက်ခံလိုက်ပြီး ‌အတိအကျပြောလို့မရတဲ့ နေရာတစ်ခုကို ရောက်သွားခဲ့ပါတယ်။ အဲ့မှာ လိုချင်တာ အစုံရပြီး တစ်ခြားသော အငှားကိုယ်ဝန်ဆောင် အမျိုးသမီးတွေနဲ့ တွေ့ဆုံရင်းနှီးခဲ့ပါတယ်။ အဲ့လိုနဲ့ တစ်‌နေ့မှာ သူငယ်ချင်းဖြစ်သူတစ်ယောက် လဲကျပြီး ကန့်သတ်ထားတဲ့ ဇုန်ထဲကို ခေါ်သွားပြီး အပြန်မှာတော့ ကလေးက ပျက်ကျသွားတဲ့အတွက် မိခင်ဖြစ်သူကို အိမ်ကို ပြန်လည် ပို့ဆောင်လိုက်ပြီလို့ပြောပါတယ်။ အဲ့ကစပြီး ထူးဆန်းတာတွေကို ယာရှိုဒါ စွန့်စားစုံစမ်းကြည့်တဲ့အခါမှာတော့ သန္ဓေသားတွေနဲ့ ပြန်လည်နုပျိုစေတဲ့ အလှကုန်ပစ္စည်းတွေ ထုတ်နေတာကို ရှာဖွေတွေ့ရှိခဲ့ပါတယ်။ ဒါဆို ယာရှိုဒါရဲ့ မူလရည်မှန်းချက်ဖြစ်တဲ့ ညီမဖြစ်သူကိုကော ရှာတွေ့နိုင်ပါဦးမလား။ ဒီလို တရားမဝင်တဲ့ သန္ဓေသားသုံး အလှကုန်တွေထုတ်တာကို ဘယ်လိုဖော်ထုတ်မလဲဆိုတာကို စိတ်ဝင်စားမှုအပြည့်နဲ့ကြည့်ရှုရမယ့် ဇာတ်ကားလေးပဲ ဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

နာမည်ကျော်စားဖိုမှူး ရိုးရိုးသားသားဖိုးသခွားလေး ဖရန့်ခ်မှာ သူသိပ်ချစ်ရတဲ့ သိပ်ကိုလှပတဲ့ လိုလာ ဆိုတဲ့ ချစ်သူရှိတယ်။ ဖရန့်ခ်က အချစ်ကြီးသလို သစ္စာလည်းရှိတဲ့သူပါ။ ဒါပေမဲ့ သူ့ချစ်ရတဲ့ လိုလာ ကတော့ သူနဲ့ဆန့်ကျင်ဖက် ယောကျာ်းလေးပေါင်းစုံနဲ့ ပျော်ပါးရတာကို ဝါသနာပါတဲ့သူဆိုတာ သူသိလိုက်ရတဲ့နောက် လိုလာနဲ့ လမ်းခွဲဖို့လုပ်ခဲ့တယ်။ အဲဒီအချိန်မှာပဲ လိုလာက သူယုံကြည်ရတဲ့သူတယောက်က သူ့ကိုအဓမ္မကျင့်ခဲ့ဖူးတဲ့အကြောင်း ပြောပြခဲ့တယ်။ ဆိုတော့ ဖရန့်ခ်ဟာ အစောလေးကပဲ လမ်းခွဲဖို့တွေဘာတွေ ပြောခဲ့တာကို ဘေးချိတ်ပြီး အဲဒီလူအကြောင်းကို စုံစမ်းပြီး ချစ်သူအတွက် ကလဲ့စားချေဖို့လုပ်ခဲ့တယ်။ တကယ်တမ်း အဲဒီလူဆီ ဖရန့်ခ်ရောက်သွားတဲ့အခါ ....သူသိထားတဲ့အကြောင်းရင်းတွေ ထပ်တူကျမနေတဲ့အခါ.....။ မိသားစုနဲ့အတူ ကြည့်ရှုဖို့မသင့်တဲ့ ဇာတ်ကားဖြစ်တယ်ဆိုတာတော့ သတိပေးချင်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Marip Pan ဖြစ်ပါတယ်

သင်ဟာThriller ဇာတ်ကားကြိုက်သူဆိုရင်တော့ ဒီဇာတ်ကားကိုလက်မလွှတ်သင့်ပါဘူး။ အထူးသဖြင့်တော့ ပြန်ပေးဆွဲခံရပြီး ကယ်ထုတ်ရတဲ့ဇာတ်ကားကို ကြိုက်သူတွေဆိုရင်ပေါ့။ မြှားပစ်ချန်ပီယံ ကိတ်နဲ့ အက်ရှ်က အက်ရှ်ရဲ့ ဖောက်ပြန်မှုကြောင့် အိမ်ထောင်ရေးအဆင်မပြေဖြစ်နေကြတယ်။ ဒါပေမဲ့ မိဘနှစ်ပါးကို ပြန်လည်ပြေလည်စေချင်တဲ့ ဆာရာကြောင့် သူတို့အိမ်ထောင်ရေး ပြန်အဆင်ပြေဖို့ နှစ်ယောက်လုံးကြိုးစားနေကြတယ်။ ဒါကြောင့် သူတို့မိသားစု ရင်းနှီးမှုပြန်ရလာဖို့ ခရီးတခုထွက်လာကြတယ်။ ဒါပေမဲ့ သူတို့အဲဒီအိမ်ကိုရောက်တဲ့ညမှာပဲ သူတို့အိမ်ကို လူနှစ်ယောက်ဝင်လာပြီး အက်ရှ်ကိုဖမ်းသွားခဲ့တယ် ။ မြှားပစ်ချန်ပီယံ ကိတ် သူ့မိသားစုကို ကာကွယ်နိုင်မလားဆိုတာတော့.... ဇာတ်လမ်းအညွှန်းနဲ့ ဘာသာပြန်သူကတော့ Marip Pan ဖြစ်ပါတယ်

ဒီတစ်ခေါက်မှာလဲ ခွေခေတ်တုန်းက 90 Born အသည်းစွဲမင်းသမီးမင်းသားအကုန်ပါတဲ့ ဟာသအက်ရှင်ကားလေးတစ်ကားနဲ့ ပြန်ပီးမိတ်ဆက်ပေးပါဦးမယ် ‌ဇာတ်လမ်းလေးကရိုးရိုးလေးပါပဲ လူဆိုးဂိုဏ်းတစ်ခုကရှင်းပစ်ချင်တဲ့မိန်းကလေးတစ်ယောက်ကို ဟောင်ကောင်အထူးရဲ့အဖွဲ့က ကာကွယ်ပေးဖို့လိုအပ်တာပါ။ ဒါပေမယ် ရဲအဖွဲ့ရဲ့လုံခြုံတဲ့နေရာကတော့ လူပျိုကြီးတွေစုနေကြတဲ့နေရာဖြစ်နေတဲ့အခါမှာတော့ ဘယ်လိုဗယုတ်တွေဖြစ်လာမလဲဆိုတာ ရုပ်ရှင်ထဲမှာ လိုက်ပါစီးမျောရင်းဘ၀အမောတွေေဖြနိုင်ကြပါစေဗျာ။ ‌ အညွှန်းနဲ့ ဘာသာပြန်သူကတော့ Lwin Htoo Aung ဖြစ်ပါတယ်

ဖရက်ဒီဆိုတဲ့သက်လတ်ပိုင်းအရွယ်အမျိုးသားတစ်ဦးဟာ သွားဆရာဝန်အဖြစ်အသက်မွေးဝမ်းကြောင်းလုပ်ကိုင်ပါတယ်။သက်လတ်ပိုင်းအရွယ်သာရောက်လာခဲ့သော်လည်း Dating ဝက်ဘ်ဆိုက်တစ်ခုမှာရည်းစား ရှာနေခဲ့တာ ငါးနှစ်လောက်အချိန်ရှိခဲ့ပေမယ့် ကောင်မလေးတစ်ယောက်မှမရသေးတာမို့ ဘဝကိုအထီးကျန်စွာပဲ ဆက်ရှင်သန်နေခဲ့ရပါတယ်။ တစ်နေ့မှာတော့ အဒေါ်ဖြစ်သူနဲ့မင်္ဂလာပွဲတစ်ပွဲကိုသွားရင်း ကိုင်နာ့ဇ်ဆိုတဲ့ မိန်းကလေးကို မြင်မြင်ချင်း ချစ်မိသွားခဲ့ပါတယ်။ရေလာမြောင်းပေးလုပ်နေကြပြီး ကောင်မလေးကအိမ်ထောင်ကျပြီးသားအမျိုးသမီးတစ်ယောက်မှန်း ဖရက်ဒီသိသွားခဲ့ပေမယ့် ကောင်မလေးကိုတော့ အချစ်မပျက်ခဲ့ပါဘူး။ ဖရက်ဒီဟာပထမဆုံးချစ်မိသွားတဲ့မိန်းကလေးအတွက် နှစ်​ယောက်တစ်ကမ္ဘာတည်ဆောက်နိုင်ဖို့ မလုပ်သင့်တဲ့လုပ်ရပ်တွေအထိကျူး လွန်ပြီးခါမှ ကိုင်နာ့ဇ်ကသူ့ကိုလှည့်စားခဲ့တာမှန်း သိလိုက်ရတဲ့အခါ အချစ်အတွက်နဲ့ရူးမိုက်ခဲ့မိတဲ့ကိုယ့်ကိုယ်ကိုအပြစ်တင်မလား ဒါမှမဟုတ် ဒီလောက်ချစ်ခဲ့တာကိုသစ္စာဖောက်ရက်တဲ့ ကိုင်နာ့ဇ်ကို ကလဲ့စားချေမလား။ဖရက်ဒီရဲ့ရွေးချယ်မှုက ဘယ်တစ်ခုဖြစ်မလဲဆိုတာကို လိုက်ပါကြည့်ရှုရမယ့်ကားလေးပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Zen ဖြစ်ပါတယ်။

ဒီတစ်ခေါက်မှာလဲ မင်းသားကြီးဂျက်လီပါဝင်တဲ့ သိုင်းအက်ရှင်ရုပ်ရှင်ကားလေးနဲ့မိတ်ဆက်ပေးပါရစေ။ မန်ချူးနဲ့ ဂျပန်တွေကျူးကျော်မှုခံရတဲ့အချိန်မှာ တော်ဝင်မျိုးဆက်ရင်သွေးကို ပန်းနီဂိုဏ်းရဲ့အကူအညီနဲ့ ဂျပန်ကိုပို့ထားခဲ့ပါတယ်။ အရွယ်ရောက်လာတဲ့ မင်းအလောင်းအလျာဟာ ပန်းနီဂိုဏ်းရဲ့ခေါင်းဆောင်ဖြစ်လာပြီး ဘုန်းကြီးတစ်ပါးက သူ့ကို ဧကရာဇ်ဖြစ်ကြောင်း သူ့ဘေးမှာ သစ္စာဖောက်တစ်ယောက်နဲ့ကယ်မယ့်သူ တစ်ယောက်ရှိကြောင်း ဗေဒင်ဟောခဲ့ပါတယ်။ ဘုန်းတော်ကြီးရဲ့ဟောပြောချက်မှန်မလားမှားမလားတော့ ရုပ်ရှင်မှာပဲစီးမျောခံစားကြည့်ပါ။ သိုင်းအက်ရှင်တင်မကပဲဟာသနဲ့ မင်းသမီးချောတွေကြောင့်ကြည့်ရတန်ပါလိမ့်မယ်။ အညွှန်းနဲ့ဘာသာပြန်သူကတော့ Lwin Htoo Aung ဖြစ်ပါတယ်

ခရစ်စမတ်မှာပျော်ပျော်ပါးပါးကြည့်ပြီးတော့ရယ်မောနေရမဲ့ကားလေးတစ်ကားလာပါပြီ။ဒီကားလေးရဲ့အစမှာဟယ်ရင်တန်လို့ခေါ်တဲ့မိသားစုကကမ္ဘာပေါ်မှာအကောင်းဆုံးအရုပ်ဆိုင်ကြီးကိုပိုင်ဆိုင်ထားပါတယ်။ခရစ်စမတ်အချိန်မှာဆိုရင်ကလေးတွေကဒီအရုပ်ဆိုင်ကိုကမ္ဘာအနှံ့ကနေတောင်လာရတဲ့အထိကောင်းတဲ့အရုပ်ဆိုင်တစ်ဆိုင်ဖြစ်ပါတယ်။အဲ့ဒီဆိုင်ရှင်ဖြစ်တဲ့မစ္စတာဟယ်ရင်တန်ဆုံးပါးသွားတဲ့အခါမှာတော့သူ့ရဲ့သားဖြစ်သူဒဲရစ်ဟယ်ရင်တန်ကအဲ့ဒီအရုပ်ဆိုင်ကိုအမွေဆက်ခံခဲ့ပါတယ်။ဒီလိုနဲ့ခရစ်စမတ်အကြိုညတစ်ညဆိုင်သိမ်းနေတဲ့အချိန်မှာဟယ်ရင်တန်အရုပ်ဆိုင်မှာမစ္စတာဟယ်ရင်တန်ကိုဖမ်းပြီးတော့သူ့ရဲ့ညီမဖြစ်သူကိုပြန်ပေးငွေတောင်းတဲ့သူနှစ်ယောက်ရောက်လာပါတော့တယ်။ဒါပေမယ့်ဖြစ်ချင်တော့မစ္စတာဟယ်ရင်တန်တစ်ယောက်တည်းဆိုင်မှာရှိနေတာမဟုတ်ပဲတခြားဝန်ထမ်းတွေပါရှိနေခဲ့ပါတယ်။ဒီလိုနဲ့သူတို့ပြန်ပေးငွေတောင်းနေတဲ့အချိန်မှာဖြစ်လာတဲ့အလွဲတွေကိုရယ်မောဖွယ်ရာကြည့်ရှူရမဲ့ကားလေးဖြစ်ပါတယ်။လူဆိုးတွေကရောသူတို့လိုချင်နေတဲ့ပြန်ပေးငွေကိုရသွားမလား အဲ့ဒီပြန်ပေးငွေတောင်းတဲ့နောက်ကွယ်မှာရောဘယ်လိုကြီးမားတဲ့လျှို့ဝှက်ချက်တွေကိုကြည့်ရှူရမဲ့ဇာတ်ကားကောင်းလေးတစ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

ဒီတစ်ခါတင်ဆက်ပေးမှာကတော့ ကိုရီးယားရဲ့နာမည်ကျော်မင်းသား မင်းသမီးများပါဝင်သရုပ်ဆောင်ထားတဲ့ 6/45 ဆိုတဲ့ ဇာတ်ကားလေးဖြစ်ပါတယ်။ 6/45ဆိုတာကတော့ တောင်ကိုရီးယားရဲ့ထီလက်မှတ်ဖြစ်ပြီး အဲဒီထီလက်မှတ်လေးဟာ လေလွင့်ရာအတိုင်းပါသွားပြီး တောင်မြောက်နယ်စပ်စခန်းမှာ တာဝန်ကျနေတဲ့ တောင်ပိုင်းတပ်ကြပ်ကြီးဘတ်ချွန်းဝူဆီကိုရောက်လာခဲ့ပါတယ်။ ဖြစ်ချင်တော့အဲဒီထီလက်မှတ်ဟာ သန်းပေါင်းများစွာဆုကြေးရှိတဲ့ ပေါက်မဲလက်မှတ်ဖြစ်နေပါတယ်။ ဒါကိုတပ်ကြပ်ကြီးဘတ်ချွန်းဝူသိသွားတဲ့အခါ ငိုမလိုရယ်မလိုနဲ့အပျော်ကြီးပျော်နေတုန်း လေနဲ့ထပ်ပြီးလွင့်သွားပြန်ပါတယ်။ ထီလက်မှတ်လေးဟာ တောင်မြောက်နယ်နိမိတ်စည်းကိုကျော်ပြီး မြောက်ကိုရီးယားနယ်မြေထဲက မြောက်ပိုင်းစစ်သားလီယုံးဟိုလက်ထဲရောက်သွားပြန်ပါတယ်။ ထီလက်မှတ်ရဲ့ဆုကြေးငွေကိုပိုင်ဆိုင်ခွင့်ရဖို့ တောင်မြောက်နှစ်နိုင်ငံအကြား ဘယ်လိုပဋိပက္ခတွေဖြစ်လာမလဲ။ ဒါမှမဟုတ် ပူးပေါင်းသွားကြမလား။ နိုင်ငံလှည့်နေတဲ့ထီလက်မှတ်လေးကရော ဘယ်နေရာမှာအဆုံးသတ်သွားမလဲ။ ထီလက်မှတ်အရှုပ်တော်ပုံကို ရယ်စရာဟာသလေးတွေနဲ့ ကြည့်ရှုကြမှာဖြစ်ပါတယ်။ ဒီဇာတ်လမ်းရဲ့အညွှန်းနဲ့ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

ဒီဇာတ်ကားလေးမှာတော့မှုခင်းဆိုင်ရာနဲ့ပတ်သက်တဲ့ဇာတ်ကွက်တွေကိုရင်ခုန်ဖွယ်မြင်တွေ့ရမှာဖြစ်ပြီး ထင်မှတ်မထားတဲ့လှည့်ကွက်တွေနဲ့ စိတ်လှုပ်ရှားစရာဇာတ်ကွက်တွေအပြင်ရုပ်ရှင်အကြောင်းအရာများလည်း ရောယှက်ပါဝင်ပါတယ်။ ဇာတ်လမ်းအစမှာတော့ နီတင်းဆိုတဲ့ရုပ်ရှင်ဝေဖန်ရေးသမားတစ်ဦးကိုသူ့အမျိုးသမီးက အိမ်မှာသေဆုံးလျက်တွေ့ရှိခဲ့ပါတယ်။တခြားအရာတွေထက် ဒီလူသေမှုကိုထူးခြားစေတာက လူသတ်သမား လူသေအလောင်းပေါ်ထွင်းထားခဲ့တဲ့နဖူးပေါ်ကကြယ်ပွင့်များနဲ့ သေသပ်လှတဲ့ ဓားနဲ့လှီးဖြတ်ရာများ ခန္ဓာကိုယ်အနှံ့ရှိနေခြင်းပါပဲ။ လူသတ်မှုကိုစုံစမ်းနေကျရဲမှုးက တမင်ကစားကာလိုက်သတ်နေသည့် လူသတ်မှုကိုတရားခံပေါ်အောင်ကြိုးစားရင်း လူသတ်တရားခံကို တကယ်ပဲဖမ်းမိနိုင်မလား။ဒီလိုလိုက်သတ်နေရတဲ့အကြောင်းအရင်းကရောဘာများလဲ။ နဖူးပေါ်ကကြယ်တွေရဲ့နောက်ကွယ်ကရော ဘယ်လိုစိတ်ဝင်စားစရာ အကြောင်းအရင်းမျိုးရှိနေမလဲဆိုတာကို ရင်တထိတ်ထိတ်နှင့်ကြည့်ရှုရမှာဖြစ်ပါတယ်။ရက်စက်စွာသတ်ဖြတ်သည့်အခန်းများပါဝင်တာမို့ ကလေးငယ်များနှင့်နှလုံးရောဂါအခံရှိသူများ ကြည့်ရှုရန်မသင့်တော်ပါ။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Zen ဖြစ်ပါတယ်။

2008ခုနှစ်၊နိုဝင်ဘာလ26ရက်နေ့တွင် အိန္ဒိယနိုင်ငံ မွန်ဘိုင်း၌ လုပ်ကြံခံရမှု(26/11) ကို အခြေခံပြီး ရိုက်ကူးထားတဲ့ ဇာတ်လမ်းလေးဖြစ်ပါတယ်။ အဓိကဇာတ်ဆောင်ဖြစ်တဲ့ ဒန်နီရယ်ခမ်းက အိန္ဒိယစစ်တပ်ကနေ အရှက်တကွဲနဲ့ ရာထူးကနေ ပယ်ချခြင်း ခံခဲ့ရပါတယ်။ ရှစ်နှစ်ကြာပြီးတဲ့နောက်မှာတော့ အရာရှိနှစ်ဦးက ဒန်နီရယ်ကို 26/11တိုက်ခိုက်မှုက ပါကစ္စတန်လူမျိုးဆယ်ဦးကို ပြန်လည်လက်စားချေနိုင်တာနဲ့ အရင်ရာထူးကို ပြန်လည်ပေးအပ်မယ်ဆိုပြီး ကမ်းလှမ်းခဲ့ပါတယ်။ ဒီလိုဆို ဒန်နီရယ်တစ်ယောက် နိုင်ငံကို သိမ်ငယ်စေခဲ့တဲ့လုပ်ကြံသူတွေကို မိမိနိုင်ငံမဟုတ်တဲ့ နိုင်ငံရပ်ခြားမှာ ဘယ်လိုလုပ်ကြံမလဲ။ မစ်ရှင်ကော အောင်မြင်နိုင်ပါ့မလားဆိုတာကို ရသအစုံအလင်နဲ့ ကြည့်ရှု့ရမှာပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

လူပုလေးတွေ မှင်စာတွေ ဘီလူးတွေပါတဲ့နတ်သမီးပုံပြင်တွေကိုဖတ်ဖူးပါသလား။အဲ့ဒီနတ်သမီးပုံပြင်တွေကိုရော အစစ်အမှန်လို့ထင်ပါသလား။နိုရာနဲ့သူမရဲ့အဖေတို့ကငယ်ငယ်လေးကတည်းကစွန့်စားခန်းတွေထွက်ခဲ့ကြတဲ့သူတွေဖြစ်ပါတယ်။သူမရဲ့အဖေကနိုရာကိုနတ်သမီးပုံပြင်တွေအများကြီးပြောပြခဲ့ပြီး သူမအကြိုက်ဆုံးကတော့ဘီလူးပုံပြင်ပဲဖြစ်ပါတယ်။သူမကြီးပြင်းလာတဲ့အခါမှာကျောက်ဖြစ်ရုပ်ကြွင်းသုတေသနပညာရှင်အဖြစ်အလုပ်လုပ်ခဲ့ပြီးတစ်နေ့မှာတော့သူမကိုနိုင်ငံတော်လုံခြုံရေးအတွက်ဆိုပြီးစစ်တပ်ကလာခေါ်ဆောင်သွားပါတယ်။ပြီးတော့မှသိလိုက်ရတာကသူမကိုထူးဆန်းတဲ့ဖြစ်ရပ်တစ်ခုကိုစုံစမ်းဖို့ခေါ်ဆောင်ခဲ့တာပဲဖြစ်ပါတယ်။ဒီလိုနဲ့နိုရာတစ်ယောက်သူမအဖေကိုပြန်သွားခေါ်ပြီးသားအဖနှစ်ယောက်စွန့်စားခန်းအတူပြန်ထွက်ခဲ့တဲ့အခါမှာတော့သူတို့ရဲ့နတ်သမီးပုံပြင်တွေထဲကတောင်အမြင့်လောက်ရှိတဲ့ဘီလူးကြီးကိုတွေ့ခဲ့ရပါတော့တယ်။အဲ့ဒီဘီလူးကြီးကဘယ်ကပေါ်ထွက်လာတယ် နိုင်ငံတော်ကရောအဲ့ဒီဘီလူးကြီးကိုဘယ်လိုဖြေရှင်းကြမယ် နိုရာတို့သားအဖနှစ်ယောက်ရောဘယ်လိုစွန့်စားခန်းတွေနဲ့ထပ်ကြုံတွေ့ကြရဦးမလဲဆိုတာကိုကြည့်ရှုရမဲ့ဇာတ်ကားတစ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်