လူကြည့်များသော ရုပ်ရှင်များ

သီရူဗာနန်သပူရမ်ဆိုတဲ့ နယ်မြို့လေးတစ်မြို့ကို ဘီနူနဲ့အာနန်ဆိုတဲ့ လင်မယားနှစ်ယောက်ပြောင်းလာတယ်။ ယူထားတာသိပ်မကြာသေးပေမယ့် အတော်ချစ်ကြတယ်ပေါ့။ မြို့ကလူဆိုးဂိုဏ်းတွေကြီးဆိုးနေပြီး ဥပဒေအထက်မှာ လူဆိုးတွေရှိနေတဲ့မြို့။ အဲဒီလိုနဲ့တစ်နေ့ အာနန်က သူ့မိန်းမဘီနူက တရားခံပြေးစာရင်းဝင်နေတယ်ဆိုတာ ကြားသိလိုက်ရတယ်။ သူ့မိန်းမကို အန္တရာယ်မဖြစ်စေချင်တာကြောင့် မိန်းမနောက်ကြောင်းကို သူလိုက်ရှင်းတယ်။ ဒါပေမဲ့ဘယ်လိုအရှုပ်တွေရှိနေလဲ ဘာတွေဖြစ်လာဦးမလဲဆိုတာကို ရသအစုံအလင်နဲ့ကြည့်ရှူခံစားလိုက်ပါဦး။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ ac ဖြစ်ပါတယ်။

Marvel Fan တွေအားလုံးပဲစောင့်မျှော်နေကြတဲ့ Black Panther Wakanda Forever ထွက်လာခဲ့ပါပြီ။ဒီကားကိုကြာချိန် ၂ နာရီကျော်သုံးနာရီနီးပါးနဲ့ Marvel ကားတွေကိုမျှော်နေကြတဲ့သူတွေအတွက်တော့တဝကြီးကြည့်ရှူရမှာပဲဖြစ်ပါတယ်။ဇာတ်လမ်းအကျဉ်းချုပ်ကတော့ဘုရင်တီချာလာသေသွားပြီးတဲ့အချိန်မှာသူ့အမေဖြစ်တဲ့ဘုရင်မကြီးကပဲဝါကန်ဒါကိုဆက်လက်အုပ်ချုပ်ခဲ့ပါတယ်။တစ်နေ့မှာတော့ဝါကန်ဒါကိုသူစိမ်းတစ်ယောက်ကကျူးကျော်လာခဲ့ပါတယ်။အဲ့ဒီသူစိမ်းကရေအောက်ကမ္ဘာထဲကလာတာဖြစ်ပြီး သူတို့ဆီက ဗိုက်ဘရေနီယမ်တွေကိုဗိုက်ဘရေနီယမ်ရှာတဲ့စက်နဲ့အမေရိကန်တွေကရှာဖွေဖို့ကြိုးစားခဲ့တဲ့အတွက် ဗိုက်ဘရေနီယမ်တွေအကြောင်းကိုကမ္ဘာကသိသွားအောင်လုပ်ခဲ့တဲ့တရားခံဖြစ်တဲ့ဝါကန်ဒါကလူတွေကိုအဲ့ဒီစက်ကိုတီထွင်ခဲ့တဲ့သိပ္ပံပညာရှင်ကိုဖမ်းပြီးသူတို့ဆီပို့ခိုင်းဖို့လာပြောခဲ့တာဖြစ်ပါတယ်။ဒီလိုနဲ့အဲ့ဒီသိပ္ပံပညာရှင်ကိုဝါကန်ဒါစစ်သူကြီးအိုကိုရဲနဲ့မင်းသမီးရှူရီတို့နှစ်ယောက်သားသွားရှာခဲ့ကြပါတယ်။သူတို့ရှာချင်နေတဲ့သူကိုတွေ့သွားပေမဲ့လဲလမ်းမှာသူတို့မသိတဲ့ စွမ်းအားကြီးတဲ့သူတွေရဲ့တိုက်ခိုက်ခြင်းကိုခံခဲ့ရပြီး မင်းသမီးရှူရီအဖမ်းခံခဲ့ရပါတယ်။မင်းသမီးရှူရီအဲ့ဒီကိုရောက်သွားတဲ့အခါမှာတော့သူတို့ရဲ့အကြံအစည်တွေကထင်တာထက်ကိုပိုဆိုးရွားနေတာကိုသိခဲ့ရပါတယ်။ဒီလိုနဲ့ဝါကန်ဒါကလူတွေကမင်းသမီးရှူရီကိုကယ်တင်ဖို့ကြိုးစားရင်းနဲ့သူတို့ရဲ့အကြံအစည်တွေကိုတားဆီးနိုင်ပါ့မလားဆိုတာကိုကြည့်ရှူရမှာပဲဖြစ်ပါတယ်။ ဇာတ်လမ်းအညွှန်းနဲ့

ဒီကားလေးကတော့ ၂၀၀၆ခုနှစ်က ထွက်ရှိခဲ့တဲ့ အက်ရှင်ဟာသကားလေးပါ။ ဂိုဏ်းစတား ဂယ်ဒူရှစ်ဟာ တက္ကသိုလ်က ဘွဲ့မရခင် အထက်တန်းကျောင်းမှာ တန်းပြဆရာအဖြစ် တာဝန်ထမ်းရဖို့ ဖြစ်လာခဲ့တယ်။ သူ့လက်အောက်ကလူကို တက္ကသိုလ်ကိုယ်စားတက်ခိုင်းထားခဲ့တာမို့ ကျောင်းမှာ စာရိတ္တသင်ပေးရတဲ့အခါ တိုင်ပတ်တော့တာပေါ့။ ဖြစ်ချင်တော့ အထက်တန်းမအောင်သေးတဲ့ သူတို့ရဲ့ ဂိုဏ်းချုပ်ကြီးကလည်း သူ့အတန်းထဲကကျောင်းသားဖြစ်နေတာကို သိလိုက်ရပြန်တယ်။ အဲ့ဒါအပြင် အထက်တန်းကျောင်းရဲ့ ကျောင်းအုပ်ချုပ်ရေးပိုင်းမှာ ခြစားမှုတွေ ရှိနေတာကို သိလိုက်ရတဲ့အခါ... ဒူရှစ်တစ်ယောက် ကျောင်းဆရာဘဝနဲ့ ဂိုဏ်းစတားဘဝကို ဘယ်လိုစခန်းသွားမလဲဆိုတာ ဟာသလေးနှောပြီး ရိုက်ကူးထားတဲ့ My Boss My Teacher ဆိုတဲ့ ဇာတ်လမ်းလေးကို M Sub Movie မှာ ကြည့်ရှုနိုင်ပါပြီ။ ဇာတ်လမ်းအညွှန်းနဲ့ ဘာသာပြန်သူကတော့ June Rose ဖြစ်ပါတယ်

2022ခုနှစ်ထွက် ဇာတ်ကားကောင်းလေးတစ်ကားနဲ့ မိတ်ဆက်ပေးပါရစေ။ မာနဗ့်ဆိုတဲ့ နာမည်ကြီးအက်ရှင်မင်းသားတစ်ယောက်။ သူ့နယ်ပယ်မှာ အတော်နာမည်ရပြီး အောင်မြင်ကျော်ကြားနေတဲ့သူ။ သူ့အလုပ်ပေါ်မှာလည်း စိတ်ရောကိုယ်ပါနှစ်ပြီး လုပ်ကိုင်တတ်တယ်။ အဲဒီလိုနဲ့တစ်နေ့ရိုက်ကွင်းကို ဗစ်ကီဆိုတဲ့ကောင်လေးတစ်ယောက်လာလည်တယ်။ ဗစ်ကီဆိုတာနယ်နယ်ရရတော့မဟုတ်ဘူး။ အဲဒီမြို့မျက်နှာဖုံးရဲ့ညီဆိုတော့ ဆိုးချင်တိုင်းဆိုးပေါ့။ အလုပ်ရှုပ်နေပါတယ်ဆိုတဲ့အချက်နဲ့ မာနဗ့်က ထွက်မတွေ့ဘူး။ အလုပ်ပြီးတော့လည်း ကားသစ်‌ေရာက်ပြီမလို့ စောင့်နေတဲ့လူကိုမေ့ပြီး ကားစမ်းမောင်းတယ်။ စောင့်နေရတဲ့ဗစ်ကီခမျာဒေါသပုန်ထပြီး သူ့နောက်လိုက်တယ်။ လမ်းတစ်‌ေနရာမှာ နှစ်ယောက်စကားများကြရင်း ဗစ်ကီကိုမတော်တဆသတ်မိသွားတယ်။ အဲဒီနောက် မာနဗ့်တစ်ယောက် အက်ရှင်ဟီးရိုးပီပီ ဘယ်လိုအကွက်တွေထုတ်သုံးမလဲ ကြည့်ရှူလိုက်ပါဦး။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ ac ဖြစ်ပါတယ်။

ဘဝဆိုတဲ့အရာကြီးကို ပေါ့ပေါ့းပါးပါးနဲ့ဖြတ်သန်းကြတဲ့ ပြည့်တန်ဆာတွေစုနေတဲ့နေရာကို ကောင်မလေးတစ်ယောက်ရောက်လာခဲ့တယ်။ မကောင်းမှုဆိုဘာမှမလုပ်ဖူးဘူးဆိုတဲ့ ပန်းနုသွေးလေးပေါ့။ ဒါပေမဲ့ သူရောက်လာတဲ့နေ့ကစပြီး အဲဒီမှာ လူသတ်မှုတွေဆက်တိုက်ဖြစ်လာတဲ့အခါ...သေချာတာတော့ မိသားစုနဲ့အတူကြည့်လို့မရတဲ့ဇာတ်ကားပါ၊ Warning .... 18+ ဇာတ်ဝင်ခန်းများပါဝင်သောကြောင့် ကလေးသူငယ်များ၊ မိသားစုဝင်များနဲ့ ကြည့်ရှုရန်မသင့်တော်ပါ။ ဇာတ်လမ်းအညွှန်းနဲ့ ဘာသာပြန်သူကတော့ Marip Pan ဖြစ်ပါတယ်

ဒီကားလေးကတော့ ၂၀၂၀တုန်းက ထွက်ရှိခဲ့တဲ့ သည်းထိတ်ရင်ဖို ဟာသကားလေးဖြစ်ပါတယ်။ ပူပူနွေးနွေး လက်ထပ်ပြီးစ မင်္ဂလာဦးကာလမှာ အဘက်ဘက်က ပြည့်စုံပြီး ဇနီးအပေါ်အလေးထားဂရုစိုက်ပေးတတ်လွန်းတဲ့ ခင်ပွန်းသည်ကြောင့် အပျော်ကြီးပျော်နေရတဲ့ ဆိုဟီး။ ဒါပေမဲ့ အဲဒီအပျော်တွေမှ မဆုံးခင်မှာ ခင်ပွန်းဖြစ်သူရဲ့ ကြောက်စရာလျှို့ဝှက်ချက်ကြီးကို သိလိုက်ရတော့တယ်။ ဆိုဟီးတစ်ယောက် သူ့ရဲ့ပြဿနာကို တစ်ယောက်တည်းကြိတ်ဖြေရှင်းဖို့ကြိုးစားရာက သူ့ရဲ့ကျောင်းနေဖက်သူငယ်ချင်းတွေပါ အဲဒီအဖြစ်ထဲ ဘုမသိဘမသိ ရောပါလာတဲ့အခါ အလွဲတွေတန်းစီပြီး စတင်လာပါတော့တယ်။ ခင်ပွန်းဖြစ်သူရဲ့ လျှို့ဝှက်ချက်က ဘာတွေဖြစ်မလဲ၊ ဆိုဟီးကရော သူ့ပြဿနာသူ ဖြေရှင်းနိုင်ပါ့မလားဆိုတာကို ရယ်မောစိတ်လှုပ်ရှားစွာ ကြည့်ရှုရမယ့် Night of the Undead။ ဇာတ်လမ်းအညွှန်းနဲ့ ဘာသာပြန်သူကတော့ June Rose ဖြစ်ပါတယ်

အိမ်ထောင်ရေးကားကောင်းတစ်ကားဖြစ်တာမို့ လက်လွတ်မခံကြဖို့ပြောလိုက်ပါရစေ။ အိမ်ထောင်တစ်ခုတည်မြဲဖို့ဆိုတာ မလွယ်ပါဘူး။ဒီအိမ်ထောင်ကိုတည်မြဲအောင်ဘယ်လိုတွေလုပ်ရမလဲ ဘာတွေကိုလုပ်သင့်လဲ ဘယ်လိုအကြောင်းတွေကြောင့်နားလည်မှုတွေလွဲနေလည်းဆိုတာ ဒီကားလေးက မြင်သာအောင်ပြပေးမှာပါ။ကြားသုံးကြားမဝင်ကောင်းဘူးဆိုသလိုပဲ လင်မ‌ယားကြားမှာ ယုလီဆိုတဲ့ကောင်မလေးဝင်ရောက်လာတဲ့အခါမှာတော့ ဘယ်လိုမျိုးတွေဆက်ဖြစ်မလဲ အဲ့ဒီလင်မယားကကော ပြသနာဖြစ်ပြီး ကွာရှင်းမှာလား ပြန်ပေါင်းထုတ်မလားဆိုတာကိုတော့ ဒီကားလေးထဲမှာ ကြည့်ရှုလိုက်ကြပါဦးနော်။ ဇာတ်လမ်းအညွှန်းနဲ့ ဘာသာပြန်သူကတော့ Htet ဖြစ်ပါတယ်

Chucky တို့ Annabelle တို့လိုမျိုးစိတ္တဇအရုပ်တွေကိုကြိုက်တဲ့သူတွေအတွက်နောက်ထပ်အရုပ်တစ်ရုပ်ထပ်ပေါ်လာပြန်ပါပြီ။ဒီတစ်ရုပ်ရဲ့နာမည်ကတော့ M3GAN (မက်ဂန်) လို့ခေါ်ပါတယ်။ဇာတ်လမ်းအကျဉ်းချုပ်ကတော့ကေဒီဆိုတဲ့ကောင်မလေးတစ်ယောက်ကသူမရဲ့မိဘတွေနဲ့ခရီးသွားနေရင်းနဲ့ယာဉ်တိုက်မှုဖြစ်ပြီးမိဘနှစ်ပါးလုံးဆုံးပါးသွားခဲ့ပါတယ်။အဲ့ဒီအခါမှာသူ့အဒေါ်ဖြစ်တဲ့ဂမ်မာကယာယီအုပ်ထိန်းသူအဖြစ်နဲ့သူမကိုခေါ်ထားခဲ့ပါတယ်။ဂမ်မာကအဲ့ဒီအချိန်မှာအရမ်းခေတ်စားနေတဲ့ကလေးတွေအတွက်စကားပြန်ပြောနိုင်တဲ့အရုပ်တွေကိုထုတ်လုပ်တဲ့ကုမ္ပဏီတစ်ခုမှာလုပ်နေတာပဲဖြစ်ပါတယ်။သူမကအဲ့ဒီအရုပ်တွေထက်ပိုသာတဲ့ AI နည်းပညာသုံးထားတဲ့လူလိုမျိုးစက်ရုပ်တစ်ရုပ်ကိုထုတ်လုပ်နိုင်ခဲ့ပါတယ်။အဲ့ဒီစက်ရုပ်ကတော့မက်ဂန်ပဲဖြစ်ပါတယ်။ဒီလိုနဲ့မက်ဂန်ကိုမရောင်းချသေးခင်တူမဖြစ်တဲ့ကေဒီနဲ့စမ်းသပ်ခဲ့ရာမှာတော့အစပိုင်းမှာတော့အဆင်ပြေပေမဲ့ နောက်ပိုင်းမှာမထင်မှတ်ထားတဲ့ကြောက်လန့်စရာကောင်းတဲ့အဖြစ်အပျက်တွေဖြစ်လာခဲ့ပါတော့တယ်။ဒီကားလေးကလဲရိုးရိုးလေးနဲ့သည်းထိတ်ရင်ဖိုအရသာကိုခံစားချင်တဲ့သူတွေအတွက်ဇာတ်ကားကောင်းတစ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

ဒီကားလေးကတော့ ဒီလထဲမှာပဲ ထွက်ရှိထားတဲ့ စိတ်ကူးယဥ်သိပ္ပံ ဒရာမာကားလေးပါ။ ကမ္ဘာဂြိုလ်ရဲ့ ရာသီဥတုအကြီးအကျယ်ပြောင်းလဲမှုကြောင့် အာကာသထဲမှာ နေကြရတဲ့ ၂၂ရာစုကာလကို ဇာတ်အိမ်တည်ထားပါတယ်။ အာကာသထဲမှာ နေထိုင်ကြရင်း ပြည်တွင်းစစ်ဖြစ်ကြတဲ့အခါ မဟာမိတ်တပ်ဖွဲ့ကို ကပ္ပတိန် ယွန်းဂျောင်အီက ဦးဆောင်ခဲ့တယ်။ ဒါပေမဲ့ ယွန်းဂျောင်အီဟာ နောက်ဆုံးစစ်ဆင်ရေးကို မအောင်မြင်လိုက်ဘဲ ကိုမာဝင်သွားခဲ့တာမို့ စစ်ပွဲကြီးဟာလည်း အဆုံးမသတ်နိုင်ဘဲ နှစ်ပေါင်း ၄၀ကျော်အောင် ရှည်ကြာခဲ့တာပေါ့။ ခရိုနွိုက်ဆိုတဲ့ AI ကုမ္ပဏီက ယွန်းဂျောင်အီရဲ့ ဦးနှောက်ဒေတာတွေကို အသုံးပြုပြီး တိုက်ပွဲဝင် AI ဖန်တီးပြီးတော့ စစ်ပွဲကိုအဆုံးသတ်ဖို့ ကြိုးစားခဲ့တယ်။ အဲဒီ ဂျောင်အီ ပရောဂျက်ကို ဦးဆောင်သူ သုတေသီက ယွန်းဂျောင်အီရဲ့ သမီးဖြစ်သူ ယွန်းဆောဟျွန်းပါပဲ။ ယွန်းဆောဟျွန်းက ဂျောင်အီပရောဂျက်ကို အောင်မြင်ပြီး တစ်ချိန်က အမေဖြစ်သူရဲ့ ဂုဏ်သိက္ခာကို အဖတ်ဆယ်နိုင်မလားဆိုတာကို Jung E ဆိုတဲ့ ဇာတ်လမ်းလေးမှာ ကြည့်ရှုခံစားနိုင်ပါပြီ။ ဇာတ်လမ်းအညွှန်းနဲ့ ဘာသာပြန်သူကတော့ June Rose ဖြစ်ပါတယ်

ကိုယ်နဲ့ပတ်သက်မှုလည်း မရှိ၊ ရင်းနှီးတဲ့သူလည်းမဟုတ် ၊ ဘာဆိုဘာမှ မဆိုင်တဲ့ အိမ်တစ်အိမ်မှာ ပိုင်ရှင်မရှိတဲ့အချိန်မှာ ကိုယ်က ပါတီပွဲတစ်ခုကြီးကြီးကျယ်ကျယ်လုပ်လိုက်တယ်ဆိုပါတော့။ ဘာတွေဖြစ်လာနိုင်မလဲ။ ကယ်ဗင်နဲ့ဒေမွန်က သန်းရှင်းရေးဝန်ထမ်းတွေ။ သူတို့ကို နာမည်ကျော်တစ်ယောက်ရဲ့အိမ်ကိုသန့်ရှင်းရေးလုပ်ဖို့တာဝန်ပေးလိုက်တယ်။ အဲဒီမှာပဲ သူတို့နှစ်ယောက်က ပိုင်ရှင်မသိအောင် အဲဒီအိမ်မှာ ပါတီပွဲလုပ်ဖို့စီစဥ်လိုက်ကြတယ်။ သာမန်ပါတီပွဲမဟုတ်ဘူးနော်။ နာမည်ကြီးအမျကြီးကိုဖိတ်ထားတဲ့ ဝက်ဝက်ကွဲကွဲပါတီပွဲ။ ကဲ ဘာဆက်ဖြစ်မလဲဆိုတာတော့ ဇာတ်လမ်းထဲမှာ ဆက်ကြည့်လိုက်ပါ။ ဇာတ်လမ်းအညွှန်းနဲ့ ဘာသာပြန်သူကတော့ Marip Pan ဖြစ်ပါတယ်

တက္ကသိုလ်‌မှာ အရမ်းနာမည်ကြီနေတဲ့ အချစ်ဆုံးသူငယ်ချင်းသုံးယောက် ဖြစ်တဲ့ စန်ဒူ၊ ဂေးလ် နဲ့ ဂါရာဝယ်။ ဂေးလ်ကတော့ ပြဿနာတွေကို ဖန်တီးပြီး အမြဲပုန်းနေတတ်ပါတယ် ။ ဂါရာဝယ်ကတော့ ကျောင်းသားဥက္ကဌဖြစ်ချင်တဲ့သူပါ။ စန်ဒူကတော့ သူ့သူငယ်ချင်းရှာထားတဲ့ ပြသနာတွေကို ဖြေရှင်းရင်း ရန်တွေဖြစ် အကျဉ်းထောင်တွေ ရောက်တဲ့အခါမှာ ဂါရာဝယ်က လိုက်ပြီး ဖြေရှင်းပေးတာပေါ့။ ဒီလို ဆိုးသွမ်းတဲ့ စန်ဒူကို ဆုံးမပြီး လမ်းပြပေးဖို့ စန်ဒူ့ဘဝထဲကို စီမရန်ဆိုတဲ့ ကောင်မလေးတစ်ယောက် ဝင်ရောက်လာပါတယ်။ ဒါပေမယ့်လည်း စီမရန်နဲ့အစ်ကိုတွေနဲ့ စန်ဒူတို့ကြားမှာ ပြဿနာတွေ ရှိနေခဲ့ပါတယ် ။ စန်ဒူတို့ ချစ်နေတာကို အစ်ကိုတွေ သိသွားတဲ့အခါ ဘယ်လို အခက်အခဲတွေ ပေါ်ပေါက်လာမလဲ ... ဆိုတာကို ရင်တထိတ်ထိတ်နဲ့ ကြည့်ရှုရမှာပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

ဂရေ့စ်လို့ခေါ်တဲ့ကောင်မလေးတစ်ယောက်ကငွေရေးကြေးရေးအခက်အခဲကိုတစ်ယောက်တည်းရင်ဆိုင်နေရပြီးအိမ်ငှားခတွေတခြားပေးစရာရှိတာတွေကိုပေးဖို့အတွက်ရှိတာလေးတွေပေါင်နှံနေရတဲ့သူတစ်ယောက်ဖြစ်ပါတယ်။တစ်နေ့မှာတော့ထုံးစံအတိုင်းပစ္စည်းပေါင်ဖို့အတွက်သွားခဲ့တဲ့အချိန်မှာတိုက်တိုက်ဆိုင်ဆိုင်ပဲအဲ့ဒီအပေါင်ဆိုင်ကိုဓားပြတွေကဓားပြဝင်တိုက်ပါတော့တယ်။အဲ့ဒီအချိန်မှာဓားပြတွေထဲက ကားသမားကထွက်ပြေးသွားတဲ့အတွက်ဆိုင်ထဲမှာတွေ့တဲ့ဂရေ့စ်ကိုခေါ်ပြီးကားမောင်းခိုင်းခဲ့ပါတော့တယ်။ဂရေ့စ်လဲသူတို့ရဲ့ဓားစာခံအဖြစ်ကားမောင်းပေးလာရင်းနဲ့လူသူကင်းမဲ့တဲ့တစ်နေရာအရောက်မှာတော့ကားပျက်သွားခဲ့ပါတော့တယ်။သူတို့လဲဘာဆက်လုပ်ရမလဲမသိပဲတိုင်ပတ်နေတုန်းမလှမ်းမကမ်းကအိမ်တစ်အိမ်ကိုတွေ့ခဲ့ပါတယ်။ဒီလိုနဲ့အဲ့ဒီအိမ်မှာသွားတည်းခဲ့ကြပါတယ်။ဒါပေမယ့်သူတို့ထင်ထားခဲ့သလိုမဟုတ်ပဲ ဒီအိမ်မှာအရမ်းကြောက်မက်ဖွယ်ကောင်းတဲ့အရာတွေနဲ့ပြည့်နှက်နေတာကိုသူတို့သိလိုက်ရတဲ့အချိန်မှာတော့သူတို့အတွက်အရမ်းနောက်ကျသွားခဲ့ပါပြီ။ဂရေ့စ်နဲ့ဓားပြသုံးယောက်ကြောက်ဖို့ကောင်းတဲ့နေရာမှာဘာတွေဆက်ဖြစ်ကြမလဲ သူတို့ထဲကဘယ်သူတွေကရောလွတ်မြောက်သွားမလဲဆိုတာကိုကြည့်ရှုရမဲ့ Horror ကောင်းတစ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

ဒီတစ်ခေါက် ဇာတ်ကားလေးကတော့ အားလုံးကြည့်ဖူးကြတဲ့ ဝူခုံးကားထဲက ကာရိုက်တာ တစ်ခုဖြစ်တဲ့ ပါကျဲရဲ့ ဇာတ်လမ်းကို အကျယ်တဝင့် ရိုက်ကူးပြသထားတဲ့ ၂၀၂၀ မှာ ထွက်ရှိထားခဲ့တဲ့ The Pig King ဆိုတဲ့ ဇာတ်ကားလေးပဲဖြစ်ပါတယ်။ ဒီကားလေးထဲမှာ ပါကျဲဇာတ်ရုပ်ကို အရင်မြင်ဖူးနေကျ ပြောင်ချော်ချော်ဇာတ်ရုပ်မဟုတ်ဘဲ ကွဲလွဲစွာနဲ့ မြင်တွေ့ရမှာပါ ။ ကောင်းကင်တော်ရဲ့ စစ်သူကြီး ထရန်းပေါင်က သိကြားမင်းရဲ့ အမိန့်နဲ့ စွန်းဝူခုံးကို ချေမှုန်းဖို့ အတွက် စွန်းဝူခုံးကို ချုပ်ထားတဲ့ လက်ငါးချောင်းတောင်ကို စေလွှတ်ခြင်း ခံရပါတော့တယ်။ ထရန်းပေါင် က လက်ငါးချောင်းတောင် ဘယ် အရပ်မှာလဲ မသိဘဲ လိုက်ရှာရင်း ဘောင်ဆိုတဲ့ မိန်းကလေးနဲ့တွေ့ပြီး ချစ်ကျွမ်းဝင်ခဲ့ကြပါတယ် ။ ဒါပေမယ့် ကံကြမ္မာက သူတို့ ထင်ထားသလို မလွယ်ကူတဲ့အခါ အဆုံးသတ်မှာ ဘယ်လိုတွေ ကြုံတွေ့လာရမလဲဆိုတာ ကြည့်ရှူရမယ့် ဇာတ်ကားကောင်းလေးတစ်ကားပဲဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

ဘဝကိုရည်မှန်းချက်အပြည့်နဲ့ ဖြတ်သန်းနေတဲ့ မီလီဆိုတဲ့ကောင်မလေး။ ကနေဒါမှာအလုပ်သွားလုပ်ပြီး ပိုက်ဆံအများကြီးရှာမယ်ဆိုတဲ့ ရည်ရွယ်ချက်နဲ့ အဂင်္လိပ်စာကို အသေကြိုးစားတယ်။ စာသင်နေရင်းတစ်ဖက်မှာလည်း အချိန်ပိုင်းအလုပ်လုပ်နေရှာတယ်။ အဖေတစ်ခုသမီးတစ်ခုဘဝမို့ အဖေဖြစ်သူကိုသိပ်ချစ်ရတယ်။ အဖေတစ်မျက်နှာကိုပဲကြည့်ပြီး နေလာခဲ့တဲ့သ‌ူလေး။ သမီးအဖနှစ်ယောက်ဆက်ဆံရေးကလည်း နွေးထွေးကြင်နာမှုအပြည့်။ ပြောစရာမလိုဘဲ အကြည့်လေးနဲ့တင် ‌သဘောပေါက်နိုင်တဲ့ဆက်ဆံရေးတစ်ခု။ မြင်သူအားကျစရာပါ။ဒါပေမဲ့ အဲဒီလိုသာယာနေတဲ့ ဆက်ဆံရေးထဲ သူစိမ်းတစ်ယောက်ဝင်ရောက်လာခဲ့တယ်။ အဲဒါကတော့ ဆမ်မီဆိုတဲ့မီလီရဲ့ချစ်ရသူပေါ့။ ဒါပေမဲ့ဘဝဆိုတာ ဘာဖြစ်လာမယ်ကြိုတင်မသိနိုင်လေတော့ သူတို့မိသားစုလေးအဆင်ပြေပါ့မလား။ ဘာတွေများကြုံတွေ့ရဦးမလဲဆိုတာ ကြည့်ရှူလိုက်ပါဦး။ မေတ္တာဖွဲ့ဇာတ်ကားကောင်းလေးမို့ ကြည့်ရှူဖို့တိုက်တွန်းချင်ပါတယ်။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ Lilly ဖြစ်ပါတယ်။

ဝိဥာဥ်ဆိုင်ရာ အဖွဲ့အစည်းတစ်ခုက အလောင်းကောင်တစ်ခုကို အသက်ပြန်သွင်းဖို့လုပ်နေကြတယ်။ အလောင်းကောင်ကို အသက်ပြန်သွင်းတာက သိပ်ကိုအန္တရာယ်များတဲ့ကိစ္စဖြစ်တော့ ခေါင်းဆောင်သခင်မကြီးက အားနည်းလာခဲ့တယ်။ သခင်မကြီးက သူ့တပည်တွေကို သေချာမှာထားတာ တစ်ခုရှိတယ်။ အဲဒါကတော့ " အရှေ့တံခါးကို လုံးဝမဖွင့်ဖို့ဘဲ"။ ဒါပေမဲ့ အဲဒီအချိန်မှာ အရှေ့တံခါးခေါက်သံ ထွက်လာပြီး ဆွိုင့်ဆိုတဲ့ကောင်မလေးက တံခါးသွားဖွင့်လိုက်မိတဲ့နောက်မှာတော့ ဘယ်လိုကြောက်စရာကောင်းတဲ့အရာတွေ ဆက်ဖြစ်လာမလဲ.... ဇာတ်လမ်းအညွှန်းနဲ့ ဘာသာပြန်သူကတော့ Marip Pan ဖြစ်ပါတယ်

2020 မှာထွက်ရှိထားခဲ့တဲ့ Riders of Justice ဆိုတဲ့ ရုပ်ရှင်ဇာတ်ကားလေးကတော့ ရထားမတော်တဆမှု တစ်ခုကို အခြေခံပြီး ရိုက်ကူးထားတဲ့ ဇာတ်ကားလေးပဲ ဖြစ်ပါတယ်။ ရထားအတူစီးနင်းလာရင်း မတော်တဆမှုတွေနဲ့ တိုက်ဆိုင်မှုတွေ ရှိလာတဲ့အခါမှာ ရထားတိုက်ခတ်မှုက မတော်တဆမဟုတ်ဘူးလို့ ထင်လာတဲ့အခါ၊ မတော်တဆမှုရဲ့ နောက်ကွယ်မှာ တစ်ခုခုပါဝင်ပက်သတ်နေမယ်လို့ ယုံကြည်ပြီး လိုက်လံစုံစမ်းရင်း ဘယ်လိုအခက်အခဲတွေ ကြုံတွေ့ရမလဲ၊ ရထားမတော်တဆမှုကရော တကယ်ပဲ မတော်တဆမှု သက်သက်ပဲလား။ မိခင်သေဆုံးသွားတဲ့ သမီးတစ်ယောက်ရဲ့ ဖခင်ပေါ် စိမ်းကားမှု‌တွေနဲ့ ဖခင်တစ်ယောက်ရဲ့ မမြင်နိုင်တဲ့ ချစ်ခြင်းမေတ္တာတွေ၊မိတ်ဆွေတွေကြား သံယောဇဉ်တွေကို လေးလေးနက်နက် ရိုက်ပြထားတဲ့ ဇာတ်ကားကောင်းလေးပဲ ဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

(18+ အခန်းများပါတဲ့ အတွက် ကလေးငယ်များကြည့်ဖို့ မသင့်တော်ပါ။) ဒီဇာတ်လမ်းလေးကတော့ COVID-19 ကြောင့် Lockdown ချမှတ်လိုက်တဲ့အခါမှာ ပြိုလဲသွားသော အခြေခံလူတန်းစားတွေရဲ့ ဘဝအခြေအနေတွေကို ရိုက်ကူးထားတာပဲဖြစ်ပါတယ်။ ဒီဇာတ်လမ်းလေးထဲမှာတော့ လူတစ်ချို့က မိသားစုတွေနဲ့ မတွေ့ရတဲ့အတွက် စိတ်ညစ်နေပြီး ချစ်သူတွေ မတွေ့ရလို့ စိတ်ညစ်ကြတာတွေကို တွေ့ရမှာ ဖြစ်ပါတယ်။ ဒါ့အပြင် ဈေးကွက်ထဲက အခြေခံလူတန်းစားဖြစ်တဲ့ မက်ဟာတို့ မိသားစုကလည်း ရောဂါပိုးကြောင့် အပြင်ထွက်ပြီး စီးပွားမရှာနိုင်တော့တဲ့ အတွက် ရွာကို ခိုးပြန်ခဲ့ပါတယ်။ ရွာပြန်တဲ့လမ်းမှာ ရဲတွေ‌ေတွ့သွားမလား ရောဂါပိုးများ ကူသက်သွားမလား အဆာငတ်ပြီး သေသွားမလားဆိုတာကို ကြည့်ရှုရမှာဖြစ်ပြီး ပြည့်တန်ဆာ အလုပ်လုပ်ပြီး အမေဖြစ်သူကို ပိုက်ဆံပို့ပေးနေတဲ့ မက်ရူကကော Lockdown ကာလမှာ ဘယ်လို စီးပွားရှာမလဲဆိုတာကို တွေးတဆဆနဲ့ကြည့်ရှုရမှာပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

Relationship တစ်ခုမှာလှေနံနှစ်ဖက်နင်းတယ်ဆိုတာမကောင်းပါဘူး။အခန့်မသင့်ရင်ကြားထဲမှာတန်းလန်းကြီးဖြစ်နေတတ်ပါတယ်။ဒီဇာတ်ကားမှာလဲကာမပိုင်ယောက်ျားရှိလျက်နဲ့သူမရဲ့လုပ်ငန်းခွင်ကဂျက်ဖ်ဆိုတဲ့သူနဲ့ခိုးစားနေတဲ့ကမီးလ်ကိုတွေ့ရမှာပဲဖြစ်ပါတယ်။ကမီးလ်ရဲ့ခင်ပွန်းဖြစ်သူရနေးကနာမည်ကြီးတဲ့ပန်းချီဆရာတစ်ယောက်ဖြစ်ပြီးခပ်ရိုးရိုးအေးအေးကြီးနေတတ်တဲ့သူဖြစ်တဲ့အတွက်ကမီးလ်နဲ့ဂျက်ဖ်နဲ့နှစ်ပါးသွားကဖို့ကလဲလွယ်ကူလို့နေပါတော့တယ်။ဂျက်ဖ်ကလဲသူမနဲ့အထက်တန်းကျောင်းကတည်းကတွဲလာတဲ့သူဖြစ်တဲ့အတွက်သူမကိုအပိုင်လိုချင်ပြီးသိမ်းပိုက်ချင်နေတဲ့သူလဲဖြစ်ပါတယ်။ဂျက်ဖ်က ကမီးလ်ကိုသူ့ရဲ့ယောက်ျားကိုထားခဲ့ခိုင်းပြီးသူနဲ့လက်ထပ်ဖို့တောင်းဆိုတိုင်းလဲ ကမီးလ်ကငြင်းဆန်ခဲ့ပါတယ်။ဒီလိုနဲ့ဂျက်ဖ်က ရနေးကိုကမီးလ်နားကနေခွာသွားအောင်ပန်းချီကျောင်းသူလေးဖြစ်တဲ့သီယာကိုဆွဲဆောင်ဖို့ခိုင်းခဲ့တဲ့အခါမှာတော့ဘယ်လိုတွေဆက်ဖြစ်မလဲ သူတို့တွေကြားကရှုပ်ထွေးမှုတွေကရောအဆုံးသတ်မှာဘယ်လိုဖြစ်သွားမလဲဆိုတာကိုကြည့်ရှုရမဲ့ဇာတ်ကားတစ်ကားပဲဖြစ်ပါတယ်။ Warning --- 18+ ဇာတ်ဝင်ခန်းများပါဝင်သောကြောင့် မိသားစုဝင်များ၊ ကလေးသူငယ်များနှင့်အတူ ကြည့်ရှုရန်မသင့်တော်ပါ။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

ဒီကားလေးကတော့ ၂၀၂၂ခုနှစ် ၈လပိုင်းမှာ ထွက်ရှိခဲ့တဲ့ သည်းထိတ်ရင်ဖို မှုခင်းဇာတ်လမ်းလေးပါ။ ယွန်းဆိုအွန်းက သားဖြစ်သူကို တစ်ယောက်တည်း ပြုစုပျိုးထောင်နေတဲ့ ရဲအရာရှိတစ်ယောက်ပါ။ တစ်နေ့မှာတော့ သူ့သား တက်ရောက်နေတဲ့ မူလတန်းကျောင်းက ကလေးမလေးတစ်ယောက် ပြန်ပေးဆွဲခံလိုက်ရပြီး ဆိုအွန်းက အဲဒီကလေးမလေးရဲ့ အမေအဖြစ်ဟန်ဆောင်ရင်း ပြန်ပေးဆွဲသူနဲ့ ညှိနှိုင်းရဖို့ ဖြစ်လာခဲ့တယ်။ ဒါပေမဲ့ အဲဒီအမှုနောက်လိုက်နေစဥ်အတွင်းမှာပဲ ဆိုအွန်းရဲ့သားလေးပါ ပြန်ပေးဆွဲခံလိုက်ရပြန်တယ်။ ဆိုအွန်းတစ်ယောက် ပြန်ပေးဆွဲသူနောက်လိုက်ရင်း ဒါက သာမန်ပြန်ပေးဆွဲမှုသက်သက် မဟုတ်ဘူးဆိုတာကို သိလိုက်ရတဲ့အခါ... ပြန်ပေးဆွဲသူနောက်လိုက်ရင်း ဆိုအွန်းတစ်ယောက် ဘာတွေကြုံတွေ့ရမလဲ၊ ဇာတ်လမ်းမှာ ဘယ်လိုလှည့်ကွက်တွေ ရှိလာမလဲဆိုတာကို Limit ဆိုတဲ့ ဇာတ်လမ်းလေးမှာ ရင်တထိတ်ထိတ်နဲ့ ကြည့်ရှုခံစားနိုင်ပါပြီ။ ဇာတ်လမ်းအညွှန်းနဲ့ ဘာသာပြန်သူကတော့ June Rose ဖြစ်ပါတယ်

ဒီကားလေးကတော့ ပြင်သစ်နဲ့စပိန် ဖက်စက်ရိုက်ကူးထားတဲ့ ဇာတ်ကားကောင်းလေးတစ်ကားဖြစ်ပါတယ်။ စပိန်နိုင်ငံရဲ့ တောင်ပေါ်မြို့လေးမှာ အခြေချနေထိုင်နေနေတဲ့ ပြင်သစ် လင်မယားနှစ်ယောက်က အိမ်နီးချင်း ညီအစ်ကို နှစ်ယောက်ရဲ့ အနိုင်ကျင့် လှောင်ပြမှုတွေကို ခံခဲ့ရပါတယ်။ ဘယ်လိုပဲ ဒုက္ခတွေ ခံရခံရ ဒါဟာ သူတို့ရဲ့ အိမ်ပဲ လို့ ခံယူထားတဲ့ အန်တွိုင်းတို့ လင်မယားရဲ့ အဆုံးသတ်က ဘယ်လိုဖြစ်မလဲ ။ သူတို့တွေကို ဘာလို့ မျက်မုန်းကျိုးနေရတာလဲ သူတို့ရဲ့ စပိန်နိုင်င်ငံပေါ် အကျိုးပြုမှုကရော ဘာတွေဖြစ်မလဲဆိုတာ စိတ်ဝင်စားဖွယ် ကြည့်ရှုရမယ့် ဇာတ်ကားကောင်းလေး တစ်ကားပဲဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

ဒီကားလေးကတော့ သူငယ်ချင်းတွေရဲ့သံယောစဉ်ချစ်မေတ္တာအကြောင်းကို ဖော်ကျူးထားတာပဲဖြစ်ပါတယ်။ သူငယ်ချင်းတွေကသာ စိတ်ရဲ့ခွန်အားပေးရာဖြစ်ပြီး ကိုယ်ဒုက္ခရောက်နေရင်တောင် သူငယ်ချင်းဖြစ်သူရဲ့ဆန္ဒကို ဖြည့်ဆည်းပေးကြတဲ့သူတွေ။ ဖိုးဖိုးဖွားဖွား အရွယ်ရောက်မှ အဲဗားရက်တောင်ကို တက်ပြီး သူငယ်ချင်းဘူပန်ရဲ့ ဆန္ဒကို ဖြည့်ဆည်းပေးချင်ပေမယ့် ဒီအသက်အရွယ်ဆို အိမ်မှာပဲ ထိုင်နေတာ အကောင်းဆုံးလို့ ပြောတဲ့သူတွေကို " မဟတ္တမဂန္ဒီကကော အသက် 77နှစ်ရောက်မှ အိန္ဒိယပြည်ကြီးလွတ်လပ်ရေးရအောင်လုပ်ပေးနိုင်ခဲ့တာ အိမ်မှာပဲထိုင်နေရင် လွတ်လပ်ရေးမရနိုင်ဘူး" ဆိုပြီး ပြောပြီး အသက်အရွယ်ကြီးတဲ့သူတွေကလည်း သူတို့စိတ်ဆန္ဒရှိတာကို လုပ်နိုင်တဲ့အကြောင်း။ မိဘတွေနဲ့သားသမီးတွေကြားက သဘောထားကွဲလွဲမှုတွေကို ဖော်ပြထားတဲ့အတွက် သူငယ်ချင်းတွေ မိသားစုတွေနဲ့အတူကြည့်ရင် အချင်းချင်းကြား နားလည်မှုတွေ ဖြစ်ထွန်းလာစေမယ့် ဇာတ်ကားလေးပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

အဖေ‌ဖြစ်သူက အစိုးရအလုပ်ကလွဲရင် သားဖြစ်သူ ဗာစကိုကို မလုပ်စေချင်လို့ အိမ်ရဲ့စီးပွားရေးဖြစ်တဲ့ပန်းဆိုင်မှာတောင် ကူမလုပ်ခိုင်းခဲ့ပါဘူး။သားဖြစ်သူကလည်း ကူမလုပ်ရတဲ့ အတူတူဆိုပြီး သူငယ်ချင်းတွေနဲ့ ပျော်လိုက် ဆော့လိုက် နဲ့ ဘဝကြီးကို ပေါ့ပေါ့ပါးပါး ဖြတ်သန်းနေခဲ့ပါတယ်။ ဗာစကိုက မတရားမှုတွေ မြင်ရင် ဝင်ပါပြီး ဖြေရှင်း‌ချင်ပေမယ့် အဖေဖြစ်သူက တားထားတဲ့အတွက် မဖြေရှင်းနိုင်ခဲ့ပါဘူး။ တစ်နေ့မှာတော့ ဒယ်ဟူလမ်းရဲ့ နာမည်ကြီး လူမိုက်တစ်ယောက်နဲ့ ရန်ပွဲစတင်ခဲ့ပြီး အဲ့ကနေတစ်ဆင့် ဗာစကိုတစ်ယောက် ဇာတိမှာပဲ ပုန်းကွယ်နေခဲ့ရပါတယ်။ နောက်မှာတော့ ဗာစကိုက DSPတစ်ယောက်ဖြစ်လာပြီး ရန်ပွဲကို ဖြေရှင်းဖို့ ဒယ်ဟူလမ်းမှာပဲ ‌တာဝန်ချထားပေးဖို့ တောင်းဆိုခဲ့ပါတယ်။ အဲ့အချိန်မှာ လူဆိုးဘိုင်ဒါကလည်း MLAဥက္ကဌဖြစ်လာခဲ့ပါပြီ။ ဒီလိုသာဆိုရင် ဗာစကိုတစ်ယောက် ဘယ်လိုတွေ လက်စားချေပြီး မတရားမှုတွေကို တိုက်ဖျက်မလဲဆိုတာကို ဟာသ‌လေးပါ ရောပြီး ကြည့်ရှုရမှာပဲ ဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

ဒီဇာတ်ကားလေးကတော့ ၂၀၁၉ခုနှစ်က ထွက်ရှိခဲ့တဲ့ Kim Go Eun နဲ့ Jung Hae In တို့ရဲ့ အချစ်ဒရာမာဇာတ်ကားလေးပါ။ ၁၉၉၄ခုနှစ်ရဲ့ တစ်ခုသောနေ့မှာ စတင်တွေ့ဆုံခဲ့ကြတဲ့ ထိန်းသိမ်းပြုပြင်ရေးစခန်းက လွတ်မြောက်လာသူ ဟျွန်းဝူ (Jung Hae In) နဲ့ မီဆူ (Kim Go Eun). တိုက်တိုက်ဆိုင်ဆိုင် အဲဒီနေ့က ယူယောဆိုတဲ့ အဆိုတော်တစ်ယောက် ရေဒီယိုအစီအစဥ်တစ်ခုကို ပထမဆုံး စတင်တင်ဆက်ထားတဲ့နေ့ ဖြစ်နေခဲ့ပြန်တယ်။ မီဆူက အစ်မအရင်းလိုဖြစ်နေသူ အွန်းဂျာနဲ့အတူ ပေါင်မုန့်ဆိုင်လေးဖွင့်ထားတာဖြစ်ပြီး နောက်ပိုင်းမှာ ဟျွန်းဝူက မီဆူတို့ပေါင်မုန့်ဆိုင်မှာ အချိန်ပိုင်းအလုပ် ဝင်လုပ်ခဲ့တယ်။ အစပိုင်းမှာ မီဆူက ဟျွန်းဝူကို ကြောက်သလိုလိုရှိခဲ့ပေမယ့် တဖြည်းဖြည်း ရင်းနှီးလာကြတဲ့အခါ သူတို့နှစ်ယောက်ကြားမှာ ခံစားချက်တွေဖြစ်လာကြတော့တယ်။ ဒါပေမဲ့ ဟျွန်းဝူက အတိတ်မှာဖြစ်ခဲ့တဲ့ မတော်တဆမှုကြောင့် သေရာပါမယ့် အပြစ်ရှိစိတ်ကို ခံစားနေရသူဖြစ်ပြီးတော့ အဲဒီအကြောင်း မီဆူတို့ကို ပွင့်ပွင့်လင်းလင်း ထုတ်ပြောပြခြင်းမရှိခဲ့ပါဘူး။ ဟျွန်းဝူရဲ့ မပွင့်လင်းမှုကြောင့် ဘယ်လိုပြဿနာတွေရှိလာမှာလဲ။ သူတို့နှစ်ယောက်ရဲ့ အချစ်ရေးကရော သာယာဖြောင့်ဖြူးပါ့မလား။ နှစ်ဦးသားစတွေ့တဲ့နေ့မှာ စတင်ခဲ့တဲ့ ရေဒီယိုအစီအစဥ်လေးကို အကြောင်းပြုပြီး နောက်ခံသီချင်းအေးအေးလေးတွေနဲ့ ငြိမ်ငြိမ်လေး ဆွဲခေါ်သွားမယ့် Tune In for Love ဆိုတဲ့ ဇာတ်လမ်းလေးကို M Sub Movie မှာ ခံစားကြည့်ရှုနိုင်ပါပြီ။ ဇာတ်လမ်းအညွှန်းနဲ့

၂၀၄၄ ခုနှစ်အထိအောင် အချိန်ခရီးသွားစက်တွေကို မတီထွင်ရသေးပါဘူး။ ဒါပေမယ့် ၂၀၇၄ ခုနှစ်မှာတော့ အချိန်ခရီးသွားစက်တွေကို တီထွင်နိုင်ပြီး တရားမဝင်အဖွဲ့အစည်းများက လျှို့ဝှက်အသုံးပြုကြလျှက်ရှိပါတယ်။ သူတို့အစဖျောက်ပစ်ချင်တဲ့သူတွေကို အချိန်ခရီးသွားစက်ကနေ ပြီးခဲ့တဲ့ နှစ် ၃၀ ကိုပြန်ပို့ပြီး အဲဒီမှာငှားထားတဲ့သေနတ်သမားတွေနဲ့ သတ်ခိုင်းလိုက်တာပါ။ ဂျိုးဟာ အနာဂတ်ကပေးပို့လာတဲ့သူတွေကို သတ်ပြီး အစဖျောက်ပေးရတဲ့ သေနတ်သမားတစ်ယောက်ပါ။ ဒါပေမယ့်တစ်နေ့မှာ သူသတ်ဖို့အတွက်သူ့ဆီကိုပို့လိုက်သူဟာ အနာဂတ်က သူပဲဖြစ်နေတဲ့အခါ ဘာတွေဆက်ဖြစ်ကြမှာလဲ။ အနာဂတ်ကဂျိုးနဲ့ လက်ရှိကာလရဲ့ဂျိုးတို့ ရန်သူလက်ကနေ ဘယ်လ်ိုလွတ်အောင်ရုန်းကန်ကြမလဲဆိုတာတွေကို ၂၀၁၂ ခုနှစ်မှာထွက်ရှိခဲ့တဲ့ Looper ဇာတ်ကားထဲမှာ သဲထိတ်ရင်ဖိုဖွယ် ကြည့်ရှုရမှာပဲဖြစ်ပါတယ်။ ဇာတ်လမ်းကို ဘာသာပြန်ဆိုပြီး အညွှန်းရေးသားသူကတော့ Ma Ma Chaw ဖြစ်ပါတယ်