လူကြည့်များသော ရုပ်ရှင်များ

၂၀၀၀ခုနှစ်က ထွက်ရှိခဲ့တဲ့ ဒီဇာတ်လမ်းလေးကတော့ Legends of Blue Sea, My Love from another Star တို့က မင်းသမီး ဂျွန်ဂျီဟျွန်းရဲ့ စိတ်ကူးယဥ် အချစ်ဇာတ်လမ်းလေးပဲဖြစ်ပါတယ်။ အေးအေးငြိမ့်ငြိမ့် ဇာတ်အိမ်မျိုးကြိုက်တဲ့ ပရိသတ်တွေ အကြိုက်တွေ့စေမယ့် ဇာတ်လမ်းလေးပါ။ ဆွန်းဟျွန်းက ရေကန်ဘေးမှာရှိတဲ့ 'အီလ် မာရယ်' ဆိုတဲ့ အိမ်ကလေးကို ပြောင်းလာသူပါ။ ဒါပေမဲ့ ဆောက်ပြီးကာစ အသစ်စက်စက် အိမ်ကလေးရဲ့ စာတိုက်ပုံးထဲမှာ စာတစ်စောင်ရှိနေတာကို တွေ့ခဲ့ရတယ်။ စာကို ဖွင့်ကြည့်လိုက်တဲ့အခါမှာတော့ လာမယ့် ၂နှစ်တာကာလမှာ ရှိနေတဲ့ အမျိုးသမီးဆီက ပို့လာတဲ့စာ ဖြစ်နေခဲ့တယ်။ ဆွန်းဟျွန်းက အမျိုးသမီး လိပ်စာမှားပို့တာလားဆိုတဲ့အတွေးနဲ့ စာပြန်ရာကနေ နှစ်ယောက်သား အပြန်အလှန် ပုံမှန် စာအဆက်အသွယ် လုပ်ဖြစ်သွားခဲ့တယ်။ ဒီလိုနဲ့ ထူးဆန်းတဲ့ ၂နှစ်တာ အချိန်ကွာဟမှုကို အဖြေရှာရင်း စာတိုက်ပုံးကြောင့်ဆိုတာကို သိလိုက်ရပါတော့တယ်။ စာလေးတွေ ဖလှယ်ရင်းကနေ စခဲ့တဲ့ အချိန်စက်ဝန်းတစ်ခုစီက သူတို့နှစ်ယောက် မိတ်ဆွေအဖြစ်ပဲ ဆက်ရှိသွားမလား၊ တကယ်ဆုံစည်းကြမလားဆိုတာကို Il Mare ဆိုတဲ့ ဇာတ်လမ်းလေးမှာ ကြည့်ရှုခံစားနိုင်ပါပြီ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ JuneRose ဖြစ်ပါတယ်

အားလုံးကို တင်ဆက်ပေးချင်တဲ့ ဇာတ်ကားလေးကတော့ The Debt Collector ဆိုတဲ့ ဇာတ်ကားလေးပါ။ French ဆိုတဲ့လူဟာ အကျပ်အတည်းကနေလွတ်မြောက်ဖို့ Tommy ဆိုတဲ့ လူအတွက် အလုပ်လုပ်ပေးဖို့ဖြစ်လာပါတယ်။ ပထမဆုံးအလုပ်စဆင်းတဲ့ ရက်မှာပဲ Sue ဆိုတဲ့ အသက်ကြီးကြီး ပါတနာနဲ့ တွေ့ပါတယ်။ စာရင်းထဲမှာ ပါတဲ့နာမည်စာရင်းတွေအတိုင်း တစ်အိမ်ဝင် တစ်အိမ်ထွက် တံခါးခေါက်ကာ Tommy ကိုပေးရမယ့်အကြွေးတွေကို လိုက်ကောက်ကြပါတယ်။ လွယ်လွယ်ကူကူကောက်ရတယ်ထင်ရင်တော့ မှားသွားမှာပေါ့ ပရိတ်သတ်ကြီး။ Tommy က နာမည်တွေရဲ့ ဘေးမှာ နံပါတ်လေးတွေ တပ်ပေးထားပါတယ်။ ၁၀ ဆိုရင် အပြင်းအထန်သတိပေးခြင်း သာဖြစ်ပြီး နံပါတ်လျော့လာနဲ့အမျှ ရင်ဆိုင်ရတာတွေကလည်း ပိုပြီး ပြင်းထန်လာပါတယ်။ နောက်ဆုံးမှာတော့ Barbosa ဆိုတဲ့ သူဌေးနဲ့ တွေ့ပြီး သူအလိုရှိတဲ့ အိုင်းရစ်ကောင်လေးကို နံပါတ် ၁ ပေးပြီး ရင်ဆိုင်ဖို့ အလုပ်အပ်လာပါတယ်။ အမြဲတမ်းလူညီခဲ့တဲ့ ဒီပါတနာနှစ်ယောက်ဟာ ဘယ်လိုမျိုးရင်ဆိုင်ပြီး ဘယ်လိုဇာတ်သိမ်းမလဲဆိုတာကတော့ တကယ်ကို စိတ်လှုပ်ရှားစရာပါ။ ဒါကြောင့် ဇာတ်လမ်းရဲ့ အဆုံးသတ်ကို သိချင်တယ်ဆိုရင်တော့ ဒီကားလေးကို ကြည့်ပေးကြဖို့ တိုက်တွန်းပါတယ်ခင်ဗျာ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Andrea Linn ဖြစ်ပါတယ်

ဒီဇာတ်ကားကတော့ အခုခေတ်ကြီးမှာ တော်တော်များများကြားဖူးနေကြမယ့် HDဖြန့်ပြီးငွေညှစ်တယ်ဆိုတဲ့ ကိစ္စနဲ့ပတ်သက်ပြီး ပညာပေးရိုက်ကူးထားတဲ့ဇာတ်ကားဖြစ်ပါတယ်။ ဒီလိုကိစ္စတွေနဲ့ ငွေညှစ်ပြီးလုပ်ကိုင်စားသောက်နေတဲ့ဂိုဏ်းတစ်ခုကို ရဲတပ်ဖွဲ့က ဘယ်လိုမျိုးတွေစုံစမ်းစစ်ဆေးမလဲဆိုတာကို ဇာတ်လမ်းထဲမှာ မြှုပ်ကွက်လေးတွေ ဒရမ်မာလေးတွေနဲ့အတူတူ အက်ရှင်ဆန်ဆန် ကြည့်ရှုကြရမှာဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yoon Cherry Kyaw ဖြစ်ပါတယ်

သူပြောနေကျစကားက " ငါးမိနစ်အတွင်း ဖြစ်လာသမျှ ကျနော့်တာဝန်ထား။ ငါးမိနစ်ကျော်တာနဲ့ ကိုယ့်ကိစ္စကိုယ်ရှင်းတော့" သူ့ကို ကောင်လေးလို့ပဲ ခေါ်ကြတယ်။ သူက သိုသိပ်တယ်။ ကားပြင်တယ်။ ရုပ်ရှင်ထဲမှာ စတန့်ကားမောင်းတယ်။ ဓားပြတိုက်တဲ့သူတွေကို ကားအငှားမောင်းပေးတယ်။ အဲဒီလိုထူးဆန်းတဲ့လူတယောက်ရဲ့နှလုံးသားက အိမ်ထောင်သည် မိန်းကလေးကိုမှ ချစ်မိသွားတယ် ဆိုပါတော့။ ဒီတော့ သူဘယ်လို ဆက်လုပ်မလဲဆိုတာကို ကြည့်ရှုခံစားကြည့်လိုက်ပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Marip Pan ဖြစ်ပါတယ်

ယခုတင်ဆက်မဲ့ ဇာတ်ကားလေးကတော့ အက်ရှင်ကြိုက်တဲ့လူတွေအတွက်ပါ ဇာတ်ကားထဲမှာ စစ်သည်တော်သေတ္တာကို လေ့ကျင့်ရေးကျောင်းမှာ ကျောင်းအုပ်က တာဝန်ယူစောင့်ရှောက်ပေးထားရပါတယ် ကျောင်းမှာအရမ်းတော်တဲ့ Casey နဲ Masazuka တို့ထဲက ဘယ်သူက ကျောင်းအုပ်ဖြစ်မလဲ ဘယ်သူက စစ်သည်တော်သေတ္တာကိုရမလဲဆိုတာကို အက်ရှင်ဆန်ဆန်ဇာတ်လမ်းတွဲကို ကြည့်ရှုရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Alice ဖြစ်ပါတယ်

ဇာတ်ကားလေးကတော့ သိပ္ပံလွန်ကားကြိုက်သူတွေ ကြိုက်နှစ်သက်ကြမယ့် ဇာတ်ကားလေးပါ ကျောင်းမှာ ကိုယ်ခံပညာသင်တဲ့ ကျောင်းဆရာ အာမန်က တစ်နေ့မှာ သစ်ပင်တစ်ပင်ကနေ စွမ်းအားတွေ ရုတ်တရက် ရရှိသွားပါတယ် သူတို့မြို့ကိုဝယ်ပြီး စက်ရုံဆောက် စက်ရုံထွက်အညစ်အကြေးတွေကို စွန့်ပစ်ချင်နေတဲ့ သူဌေးတစ်ယောက်ရှိပါတယ် သူ့အမေက သူ့မြေကို အဲဒီသူဌေးဆီမရောင်းတော့ မယ်ဟိုသာဆိုတဲ့သူဌေးက သူ့အမေကို သတ်မယ်လို့ခြိမ်းခြောက်ပါတော့တယ် သူ့စွမ်းအားတွေကိုအသုံးပြုပြီး သူ့မြို့နဲ့ သူ့အမေကို ဘယ်လိုကာကွယ်သွားမလဲ လူတွေစည်းကမ်းမဲ့ပစ်လိုက်တဲ့ အမှိုက်တွေကြောင့် ဘယ်လိုတွေဒုက္ခရောက်မလဲဆိုတာ ဒီဇာတ်ကားလေးက ပညာပေးရိုက်ကူးထားတာမလို့ ကြည့်ရှုသင့်တဲ့ဇာတ်ကားကောင်းလေးပါ

ယခုတင်ဆက်မဲ့ကာတွန်းကားဇာတ်လမ်းကတော့.. ကံဆိုးလွန်းတဲ့ကောင်မလေးတစ်ယောက်နဲ့ ကြောင်လေးအကြောင်းဖြစ်ပါတယ် ဘာလုပ်လုပ် ဘယ်သွားသွား အမြဲကံဆိုးနေတဲ့ကောင်မလေးတစ်ယောက် နဲ့ လူ့ကမ္ဘာကြီးကိုလာပြီးတော့ ကံကောင်းမှုတွေ‌ခေါ်ဆောင်လာပေးတဲ့ ကြောင်တစ်ကောင်နဲ့တွေ့တဲ့အခါမှာ.. သူ့သူငယ်ချင်းညီမလေးကို မွေးစားအောင်လို့ သူ့ကံဆိုးမှုတွေနဲ့ ကူညီနိုင်ပါ့မလား သူ့ရဲ့ ကံတရားကိုဘယ်လိုရှာဖွေမလဲဆိုတာကိုစောင့်ကြည့်ရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Alice ဖြစ်ပါတယ်

ဒီကားလေးက Rating လေးနည်းတယ်လို့ပြောလို့ရပေမယ့် ကြည့်စရာမရှိဘဲ ပျင်းနေတဲ့လူတွေအတွက်တော့ လုံးဝကွက်တိပါပဲ။ အဖေ အမေနဲ့အဆက်အသွယ်မရှိတစ်ယောက်ထဲ ဖြစ်သလိုရုန်းကန်နေတဲ့ ကောင်မလေးတစ်ယောက်ကို သူ့အဖေရဲ့ သူငယ်ချင်းဖြစ်သူဆိုသူကနေ ဖုန်းဆက်လာပါတယ်။ သူ့အတွက် သူ့အဖေက လှေတစ်စီး အမွေပေးခဲ့တယ် လို့ပြောပြီးတော့ လာယူခိုင်းပါတယ်။ အဲ့ဒီကနေ ဘယ်လိုဆက်ဖြစ်မလဲဆိုတာတော့ စောင့်ကြည့်ကြပါခင်ဗျ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Xavier Zy ဖြစ်ပါတယ်

ဒီဇာတ်ကားလေးကတော့ ဩဂုတ် ၅ရက်နေ့ကမှ လောလောလတ်လတ် ထွက်ရှိထားတဲ့ သည်းထိတ်ရင်ဖို အက်ရှင်ဇာတ်ကားလေးပါ။ ဒီအမ်ဇီဆိုတဲ့ သန္ဓေပြောင်း ဗိုင်းရပ်စ်တစ်မျိုးကြောင့် မြောက်ကိုရီးယားနဲ့ အမေရိကန်မှာ ပွက်လောရိုက်နေချိန် လီကာတာဆိုတဲ့လူဟာ တောင်ကိုရီးယားမှာရှိတဲ့ မိုတယ်တစ်ခုမှာ နိုးလာခဲ့တယ်။ သူ နိုးလာချိန်မှာ မှတ်ဉာဏ်တွေပျောက်ဆုံးနေပြီး စီအိုင်အေက သူ့နောက်ကို လိုက်နေတဲ့အပြင် သူ့နားထဲမှာ အတပ်ခံထားရတဲ့ စက်ကနေ အမျိုးသမီးအသံတစ်ခုက ဘာလုပ်ရမယ်ဆိုတဲ့ ညွှန်ကြားချက်တွေ ပေးနေပြန်တယ်။ အဲဒီအသံရဲ့ ညွှန်ကြားချက်အရ သူဆောင်ရွက်ရမယ့် တာဝန်က စီအိုင်အေ ပြန်ပေးဆွဲသွားတဲ့ ဗိုင်းရပ်စ်ကုသဆေး ထုတ်လုပ်ရာမှာ အချက်အချာဖြစ်တဲ့ ဟာနာဆိုတဲ့ ကလေးမလေးကို သူ့အဖေ ဆေးသုတေသီရှိနေတဲ့ မြောက်ကိုရီးယားဆီ ဘေးကင်းကင်းပြန်ပို့ပေးဖို့ပဲဖြစ်ပါတယ်။ ဒါပေမဲ့ တာဝန်ကို ဆောင်ရွက်နေစဥ်မှာ ဟာနာနောက်ကို လိုက်နေသူတွေ တစ်ယောက်မကရှိနေတာကို သိလိုက်ရပြီး ဘယ်သူ့ကိုမှ ယုံကြည်လို့မရနိုင်ဖြစ်လာတော့တယ်။ အဲ့ဒါအပြင် ကိစ္စကြီးတစ်ခုလုံးရဲ့ နောက်ကွယ်မှာ နိုင်ငံရေးအမြတ်ထုတ်မှုတွေကလည်း ရှိနေပြန်ပါသေးတယ်။ ဒီတော့ ကာတာတစ်ယောက် ဟာနာကို မြောက်ကိုရီးယားအထိ ဘေးကင်းကင်းပြန်ပို့ပေးနိုင်ပါ့မလား၊ အဖျက်ခံလိုက်ရတဲ့ သူ့မှတ်ဉာဏ်တွေနဲ့ ပတ်သက်ပြီးတော့ရော ဘာဇာတ်လမ်းတွေရှိမလဲဆိုတာကို Carter ဆိုတဲ့ ဇာတ်လမ်းလေးမှာ ရင်တထိတ်ထိတ်နဲ့ ကြည့်ရှုခံစားလိုက်ကြပါဦး။ ဒီဇာတ်ကားကိုအညွန်းနဲ့ဘာသာပြန်

ဒီတစ်ခါမှာတော့ Action , Thriller အသားပေးmovieတစ်ခုနဲ့ မိတ်ဆက်ပေးပါ့မယ်။ အာရွှတ်အမည်ရတဲ့ အထူးတပ်ဖွဲ့ဝင်ဖြစ်သူနဲ့ သူ့ရဲ့လုပ်ဖော်ကိုင်ဖက် အမ်မရီသာဟာ ရူပီးကုဋေ၂၀၀၀လုယက်မှုကို လက်သည်ဖော်ဖို့ တာဝန်ကျလာပါတယ်။ ဒါပေမဲ့ ဒီလုယက်မှုဟာ ရိုးရှင်းမနေဘဲ ရွိုင်းအုပ်စုဆိုတဲ့အဖွဲ့အစည်းကြီးနဲ့ မသိမသာဆက်စပ်နေတဲ့အခါ အရာရာက ခေါင်းခဲစရာဖြစ်လာပါတော့တယ်။ ရွိုင်းအုပ်စုရဲ့နောက်ကွယ်က အထက်လူကြီးတွေရဲ့အားပြိုင်မှုတွေကို စိတ်ဝင်စားစွာကြည့်ရှုရမှာဖြစ်ပါတယ်။ အက်ရှင်ဇာတ်ဝင်ခန်းကိုရူးသွပ်တဲ့သူတွေအတွက် ဒီဇာတ်ကားဟာ‌ရွှေပါပဲ။လှည့်ကွက်များစွာပါတဲ့အတွက် စိတ်ဝင်တစားကြည့်လို့ရမဲ့ ရုပ်ရှင်ကောင်းတစ်ခုဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yoon Cherry Kyaw ဖြစ်ပါတယ်

ဒီကားလေးကတော့ Predator ရုပ်ရှင်စီးရီးထဲက ဇာတ်ကားသစ်လေးတစ်ကားပဲဖြစ်ပါတယ်။ အခုခေတ် Predator မဟုတ်ဘဲ လွန်ခဲ့တဲ့ နှစ်ပေါင်း၃၀၀လောက်က Predator ပဲဖြစ်ပါတယ်။ သေနတ်တွေမရှိသေးတဲ့ မန်ချီကိုလူမျိုးတွေနဲ့ ပေါ်ခါစသေနတ်တွေ ကိုင်ထားတဲ့ ပြင်သစ်မုဆိုးတို့ Predator ကြီးကို ဘယ်လိုတိုက်ခိုက်ခဲ့ကြောင်း ရိုက်ကူးထားတဲ့ ဇာတ်ကားဖြစ်ပါတယ်။ တစ်ကားလုံးပဲ အပြီအပြင် ချတဲ့အခန်းတွေကိုပဲ အများဆုံးရိုက်ကူးထားတာကြောင့် Action ကြိုက်သူတွေတစ်ဝကြီးကြည့်ရှုရမယ့် ဇာတ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Adrian ဖြစ်ပါတယ်

ဒီတစ်ခေါက်ညွှန်းပေးချင်တဲ့ ဇာတ်ကားလေးကတော့ နိုင်ငံတကာ Film festival တွေမှာ Awards တွေအများကြီးကို ပိုင်ဆိုင်ထားပြီး Oscar nominee ဝင်ခဲ့တဲ့ France Animated film, "I Lost My Body" ဆိုတဲ့ ဇာတ်ကားပဲ ဖြစ်ပါတယ်။ ဒီ Film မှာ စမ်းသပ်ခန်းက လွတ်ထွက်လာတဲ့ လက်လေးတစ်ဖက်ဟာ သူ့ရဲ့ ပျောက်ဆုံးသွားတဲ့ ခန္ဓာကိုယ်ကို ပြန်လိုက်ရှာတဲ့ ခရီးစဉ်တစ်လျှောက်ကို ပြသထားပါတယ်။ တစ်နည်းအားဖြင့် ပြောရမယ်ဆိုရင်တော့ ကိုယ့်ကိုယ်ကို ပြန်ရှာဖွေတဲ့ ခရီးစဉ်လေးပဲ ဖြစ်ပါတယ်။ ဒီလိုလိုက်ရှာတဲ့အချိန်မှာ အတိတ်က မှတ်ညဏ်တွေ စိတ်ကူးအိပ်မက်တွေကို ပြန်လည်အောက်မေ့ရင်း နာကျင်ဝမ်းနည်းရတဲ့ ခွဲခွာရခြင်းတွေကို ကျော်လွှားနိုင်ဖို ကြိုးစားပုံကို Self-reflection ပုံစံနဲ့ တင်ဆက်ပေးထားတာပဲ ဖြစ်ပါတယ်။ အဲဒီလက်လေးတစ်ဖက်ဟာ သူရှာဖွေနေတဲ့ သူ့ခန္ဓာကိုယ်နဲ့ ပြန်ဆုံနိုင်မလား ဆိုတာကိုတော့ ဇာတ်ကားထဲမှာ ဆက်လက်ကြည့်ရှုပေးကြပါဦးနော် ဒီဇာတ်ကားကိုအညွန်းနဲ့ဘာသာပြန်ပေးတာကတော့ Andrea Linn ဖြစ်ပါတယ်

ဒီဇာတ်ကားလေးက ရုပ်ရှင်တစ်ကားထဲထွက်ထားတယ်ဆိုပေမယ့် ဇာတ်ကြောင်းကနည်းနည်းလေး သာမန်ထက်ပိုကျယ်ပြန့်တယ်လို့ထင်ရပါတယ်။ ဖြစ်ရပ်တစ်ခုကို အဘက်ဘက်ကနေ ရိုက်ပြထားသလိုခံစားရပါတယ်။ ဒီကားထဲမှာတော့ အမေတစ်ယောက်က သူ့မှာ 17 နှစ်အရွယ်သားတစ်ယောက်ပဲရှိပါတော့တယ်။ ဒါပေမယ့် တစ်နေ့မှာ သူ့ရဲ့သားက လေ့ကျင့်ကွင်းကနေ အိမ်ပြန်မလာခဲ့ပါဘူး။ ဒါကိုသူဘယ်လိုလိုက်ရှာမလဲ ဒီပြဿနာရဲ့နောက်ကွယ်မှာ ဘယ်လိုအရှုပ်ထုပ်တွေရှိနေဦးမလဲဆိုတာကိုကြည့်ရှုရမှာဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Xavier Zy ဖြစ်ပါတယ်

ယခုတင်ဆက်မဲ့ကားကတော့ ကောင်‌လေးနဲ့ကောင်မလေး ခရီးထွက်လာရကနေ သူတို့ငှားထားတဲ့နေရာအိမ်အခန်းမှာ တစ်ခြားအတွဲကပါ ရောက်နေတဲ့အချိန်.. သူတို့ အတူတူဆက်နေပြီးတော့ အားလပ်ရက်ကို ဘယ်လိုကျော်ဖြတ်ကြမလဲ နောက်နေ့ မနက်မှာ ကောင်‌‌လေးက နောက်တစ်တွဲက ကောင်မလေးနဲ့ ထွက်သွားကြတဲ့အချိန်မှာ ဘယ်လိုတွေ ဆက်ဖြစ်ကြမလဲဆိုတာကို စောင့်မျှော်ကြည့်ရှုရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Alice ဖြစ်ပါတယ်

2011 ခုနှစ်က ထွက်ရှိထားခဲ့တဲ့ Kuiba ဆိုတဲ့ ရုပ်ရှင်ကားလေးဟာဆိုရင် သိုင်းပညာကို အခြေခံရိုက်ကူးထားတဲ့ ရုပ်ရှင်ကားလေးပဲဖြစ်ပါတယ်။ ခူဘား ဆိုတာ လူတွေ အတွက်သာမက နတ်ဘုရားတွေ အတွက်ပါ ကြောက်မက်ဖွယ် ရန်သူတစ်ယောက်အနေနဲ့ တည်ရှိနေတာပါ။ နတ်ဘုရားတွေ တစ်ယောက်ပြီး တစ်ယောက် အသေခံတိုက်ရင်း ရှင်းလင်းနိုင်ခဲ့လဲ ခူဘား မျိုးဆက်က နှစ်ပေါင်း ၃၃၃ နှစ်ကြာတဲ့ အချိန်တိုင်း ပြန်ပြန်ပေါ်လာတတ်ပါတယ်။ အဲ့လိုနဲ့ နတ်ဘုရားတွေက ခြောက်ဆက်‌မြောက် ခူဘား ရဲ့ မွေးဖွားလာမယ့် အချိန်၊တည်နေရာတွေကို ကြိုတင်တွက်ချက်ပြီး ပေါ်ပေါက်လာခွင့်မရအောင် တိုက်ခိုက်မှု ပြုလုပ်ပါတော့တယ်။ ဒါပေမယ့် နတ်ဘုရားတွေ သတိမထား မိလိုက်ပဲ ခူဘားက လွတ်မြောက်သွားတဲ့ အချိန်မှာ တကယ်ဘဲ ခြောက်ဆက်မြောက် ခူဘား က လောကကြီး အတွက်ဆိုးကျိုးပြုနေဦးမှာလား။ ကိုယ့်ကိုယ်ကို ခူဘားမျိူးဆက်မှန်းတောင်မသိပဲ လောကကြီးကို ကောင်းကျိုး ‌မပေးတဲ့ ခူဘား ကို တိုက်ခိုက်နိုင်ဖို့ စိတ်စွမ်းအင်တွေရအောင် ကြိုးကြိုးစားစား လေ့ကျင့်နေတဲ့ ကလေးငယ်တစ်ဦးရဲ့ အံ့ဩစရာကောင်းတဲ့ ရင့်ကျက်မှုတွေ အဆင့်အတန်းခွဲခြားမှုတွေကို မလိုလားတဲ့စိတ်ဓာတ်တွေနဲ့ ဘယ်အရာကို မဆို မဆုတ်မနစ်ကြိုးစားတတ်တဲ့ စိတ်ဓာတ်တွေကို ပေါ်ပေါ်လွင်လွင်နဲ့ စိတ်ဝင်တစား ကြည့်ရှုရမယ့် animation ဇာတ်ကားကောင်းလေးပဲဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

ဒီတစ်ခါတင်ဆက်သွားမယ့် Movie လေးက Don't go too far ဆိုတဲ့ 2018 ကထွက်ရှိထားတဲ့ ကိုရီးယား Drama လေးပါ။ ဒီ Drama လေးကတော့ Comedy Crime ပုံစံမျိုးဖြစ်ပါတယ်။ သူဌေးကြီးဂျောင်မှာ သားသမီး 4ဦးရှိပြီး သူသေဆုံးမယ့်ညမှာ ဖခင်ရဲ့ ‌အမွေဖြစ်တဲ့ 2Billions ကို ခွဲဝေကြရာကနေ ဇာတ်လမ်းစပါတယ်။ အဲ့ဒီညမှာပဲ မိသားစုရဲ့ ကလေးတွေကို ပြန်ပေးဆွဲသွားပါတယ်ဆိုတဲ့ ဖုန်းဝင်လာပြီး 2billions ကိုတောင်းပါတော့တယ်။ အမွေဆိုင်မောင်နှမတွေရဲ့ သဘောထားတွေ၊ လောဘတွေကို သဘာဝအတိုင်းထင်ဟပ်နေအောင် ရိုက်ပြထားပြီး ဇာတ်ကားပြီးသွားတာနဲ့ ကြည့်ရှုသူစိတ်ထဲ အတွေးတစ်ခုခုကျန်ခဲ့မယ့် Drama မျိုးပါ။ အမွေပိုက်ဆံဖြစ်တဲ့ 2 billions ကို ဘယ်လိုခွဲဝေကြမလဲ၊ ပြန်ပေးဆွဲသမားကိုပဲ ဒီတိုင်းပေးလိုက်ကြမလားဆိုတာကိုတော့ ဇာတ်လမ်းထဲမှာ ဆက်လက်ကြည့်ရှုပြီး အဖြေရှာကြရမှာပဲ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Andrea Linn ဖြစ်ပါတယ်

ဒီဇာတ်ကားလေးကတော့ သိပ္ပံနောက်ခံ Anime ဇာတ်ကားလေးပဲဖြစ်ပါတယ်။ ဇာတ်ကားလေးထဲမှာတော့ Ai နည်းပညာတွေနဲ့ ဖန်တီးထားတဲ့ မြို့တစ်မြို့ဟာ ကူးစက်ရောဂါတစ်ခုဖြစ်ပွားခဲ့ပြီး Safeguard တွေ Builder တွေက ကမ္ဘာကြီးကို အုပ်စိုးလာကာ လူတွေကို တရားမဝင်နေထိုင်သူတွေအဖြစ် သတ်မှတ်ပြီး မျိုးတုံးသတ်ဖြတ်ပါတော့တယ်။ ကျန်ရစ်တဲ့လူသားမျိုးနွယ်စုအနည်းငယ်ဟာ နှစ်ပေါင်းများစွာ အဆောက်အအုံတစ်ခုအတွင်းမှာပဲနေခဲ့ရပြီး အစာရေစာရှားပါးတဲ့အထိဖြစ်လာခဲ့ပါတယ်။ နောက်ပိုင်းမှာတော့ Net Terminal ရင်းမြစ်ရှိတဲ့သူက လိုက်ရှာဖွေနေတဲ့ ကီလီရောက်လာခဲ့ပါတယ်။ လူသားတွေ မြို့ကိုဘယ်လိုတိုက်ခိုက်ကြလဲ Net Terminal ရင်းမြစ်က ဘာလုပ်လို့ရလဲဆိုတာတွေကို ကြည့်ရှုမယ့် ဇာတ်ကားကောင်းလေးတစ်ကားဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Adrian ဖြစ်ပါတယ်

အာမခံရုံး စစ်ဆေးရေးအရာရှိ လီဂန်ဆူဟာ ဇနီးဖြစ်သူ သေဆုံးပြီးနောက်မှာ အကြီးအကျယ် စိတ်ဓာတ်ကျနေသူပါ။ သူ အလုပ်ပြန်ဝင်ချိန်မှာ ယာဥ်မတော်တဆမှုကြောင့် ကိုမာဝင်နေတဲ့ ဒန်မီဆို ဆိုသူ မျက်မမြင်အမျိုးသမီးရဲ့ အမှုကို စစ်ဆေးဖို့ ဖြစ်လာခဲ့တယ်။ ဒီလိုနဲ့ အမှုစစ်ဆေးဖို့ ဆေးရုံကိုသွားရင်း ဒန်မီဆိုရဲ့ မြောလွင့်နေတဲ့ ဝိဉာဉ်နဲ့ ဆုံတွေ့ခဲ့ရပါတော့တယ်။ ဝိဉာဉ်အဖြစ်ရှိနေတဲ့ ဒန်မီဆိုကတော့ အမြင်အာရုံချို့ယွင်းခြင်းမရှိပေမယ့် သူ့ကို မြင်နိုင်သူကတော့ လီဂန်ဆူတစ်ယောက်ပဲ ရှိပါတယ်။ လီဂန်ဆူတစ်ယောက် ဒန်မီဆိုရဲ့ တောင်းဆိုမှုကို ကူညီပေးရင်း ခက်ခဲတဲ့ဘဝကို ဘယ်လိုဆက်ရှင်သန်ရမယ်ဆိုတာ အဖြေရှာတွေ့နိုင်မလား၊ ကွယ်လွန်သူ ဇနီးသည်ကို လက်လွှတ်နိုင်မလားဆိုတာကို နင့်သီးလှပစွာ ရိုက်ကူးပုံဖော်ထားတဲ့ One Day ဆိုတဲ့ ဇာတ်လမ်းလေးကို MSub Movie မှာ ခံစားကြည့်ရှုနိုင်ပါပြီ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ June Rose ဖြစ်ပါတယ်

မိန်းမဖြစ်သူ Cat ဟာ အချစ်ဆုံးသူငယ်ချင်းဖြစ်တဲ့ Marcos နဲ့ဖောက်ပြန်နေတာသိလိုက်ရပြီးနောက်မှာတော့ Borja တစ်ယောက် ကွာရှင်းဖို့လုပ်ပါတော့တယ်။ သူတို့နှစ်ပတ်လည်နေ့မှာ Marcos ကိုပါခေါ်ပြီး ၃ ယောက်သားမျက်နှာချင်းဆိုင်ရှင်းဖို့စီစဉ်ထားတာပါ။ ဒါပေမယ့် ကိစ္စတွေရှူပ်ထွေးကုန်ပြီး အိမ်ကိုလည်း အတွဲတစ်တွဲကဓါးမြ၀င်တိုက်တဲ့အခါ.. Cat တစ်ယောက်သေနတ်ပစ်ခံလိုက်ရပါတယ်။ ဒါပေမယ့် ရဲတွေက ကွာရှင်းဖို့ခြိမ်းခြောက်ထားတဲ့ Borja ကိုပဲသံသယရှိနေပါတော့တယ်။ အဲဒီအိမ်ထဲမှာဘာတွေဖြစ်ခဲ့တာလဲ.. Cat ကိုပစ်လိုက်တာ Borja မဟုတ်ဘူးဆိုတာ သူ့ကိုယ်သူသက်သေပြနိုင်ပါ့မလား။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Angelina ဖြစ်ပါတယ်

ဒီဇာတ်ကားလေးကအသစ်ထွက်ထားတဲ့ Sniper ကားကောင်းလေးတစ်ကားပဲဖြစ်ပါတယ်။ ဇာတ်လမ်းထဲမှာတော့ သချာ် ရူပ နဲ့ ဂေဟဗေဒပညာရှင်တစ်ယောက်က ဇနီးဖြစ်သူနဲ့အတူနေထိုင်ပါတယ်။ ဒါပေမယ့် တစ်နေ့မှာ စစ်သားတွေရောက်လာပြီး သူ့ရဲ့ဇနီးကိုသတ်ဖြတ်သွားတဲ့အခါမှ သူဘယ်လိုလက်စားချေဖို့ကြိုးစားမလဲဆိုတာကြည့်ရှုရမှာဖြစ်ပါတယ်။ ပစ်ခတ်တဲ့အခန်းတွေရောက်လာရင် ကြည့်နေတဲ့လူကပါ အသက်တောင်မရှူရဲအောင် စိတ်လှုပ်ရှားရတဲ့ကားမျိုးလေးဖြစ်လို့ ကြည့်ကြည့်ဖို့ အကြံပြုပါတယ်။ ဒီ ဇာတ်ကားကိုအညွန်းနဲ့ဘာသာပြန်ပေးသူကတော့ Xavier Zy ဖြစ်ပါတယ်

ယခုတင်ဆက်မဲ့ဇာတ်ကားကတော့ ပန်းပွင့်ကနေ ရတဲ့စွမ်းအားကိုလူဆိုးတွေ ခိုးယူရာကနေ စတေးမှုတွေ လုပ်ပြီးမှ ရလာတဲ့အမှောင်စွမ်းအားကို လုယူကြရာမှ ခေတ်ကာလ တစ်ခုနဲ့တစ်ခုမှာဘယ်လိုတွေ နှိမ်နှင်းကြမယ်.. တိုက်ခိုက်ကြမယ်ဆိုတာကို ကြည့်ရှုရမှာဖြစ်ပါတယ် ဒီ ဇာတ်ကားကိုအညွန်းနဲ့ဘာသာပြန်ပေးသူကတော့ Alice ဖြစ်ပါတယ်

ဒီဇာတ်ကားလေးကတော့ သူငယ်ချင်းနှစ်ယောက်ရဲ့ ပျော်ရွှင်စရာစွန့်စားခန်းလေးအကြောင်းပဲဖြစ်ပါတယ်။ ဘဝမှာ ငယ်ငယ်တုန်းကအတိုင်း ဘာမှမပြောင်းလဲသေးတဲ့ အရှုံးသမားလေး ချာလီဟာ ကျောင်းရဲ့ Queenနဲ့ အိမ်ထောင်ကျထားတယ်ဆိုပေမယ့် မယားပါသားနှစ်ယောက်ကို စောင့်ရှောက်နေရတာကလွဲရင် ဘာမှမခံစားရတဲ့ ကောင်လေးဖြစ်ပါတယ်။ တစ်ဖက်မှာတော့ မက်စ်ဆိုတဲ့လူဟာ ချာလီရဲ့ငယ်သူငယ်ချင်းဖြစ်ပြီး ချာလီကို ဒီလိုဘဝမျိုးထဲမှာ မကြည့်ရက်လို့ ကယ်တင်မယ့်လူတစ်ယောက်ပေါ့။ တစ်နေ့မှာ မက်စ်ဟာချာလီနဲ့အတူပျော်ပါးပြီးနောက် သေဆုံးမှုအတုကို ပြုလုပ်ခဲ့ပြီး ဘွတ်ချ်ရိုက်ဒါနဲ့ ရော်နယ်ပီ ဖစ်ရှ်မန်းဆိုတဲ့ လူနှစ်ယောက်အဖြစ်ပြောင်းလဲခဲ့ပါတယ်။ အစပိုင်းမှာတော့ အဆင်ပြေခဲ့ပေမယ့် ဘွတ်ချ်နဲ့ ရော်နယ်တို့နဲ့ ပြဿနာရှိတဲ့လူတွေ လိုက်သတ်တာကိုခံနေရတာကြောင့် ဘာကြောင့်ဒီလိုဖြစ်နေလဲဆိုတာကို အဖြေရှာရှင်း စွန်းစားခန်းတစ်ချို့ဖွင့်ခဲ့ရပါတယ်။ အရမ်းကောင်းတဲ့ ဇာတ်ကြောင်းတွေနဲ့အတူ ပျော်ရွှင်စရာလေးတွေကိုပါ ထည့်သွင်းရိုက်ကူးထားတဲ့ ဇာတ်ကားကောင်းလေးတစ်ကားဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Adrian ဖြစ်ပါတယ်

နာမည်ကျော် LIONS ပြိုင်ကားအဖွဲ့သည် သူတို့ရဲ့အဓိကယာဉ်မောင်းကို ဆုံးရှုံးပြီး သူ့ရဲ့နေရာမှာ အစမ်းမောင်ပြိုင်ကားယာဉ်မောင်းချန်ပီယံကို ထည့်သွင်းလိုက်ပါတယ် အဲ့ဒီအဖွဲ့ရဲ့ ကျဆင်းနေတဲ့ဂုဏ်ကျက်သရေကို ပြန်ယူသွားနိုင်မလား ပြိုင်ကားနဲ့ပက်သက်ပြီးဘယ်လိုတွေပြိုင်ကြမလဲဆိုတာတော့ ဒီကားလေးထဲမှာကြည့်ရှုလိုက်ကြပါဦးနော် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Lin Htet ဖြစ်ပါတယ်

အရက်ဆုံးမှာချင်တာကတော့ ဒီကားကိုကြည့်တော့မယ်ဆိုရင်လက်ကိုင်ပုဝါ ဒါမှမဟုတ် တစ်ရှူးတစ်ဗူးတော့‌ေဘးမှာ ဆောင်ထားသင့်ပါတယ် ။အရမ်း၀မ်းနည်းစရာကောင်းတဲ့ကားလေးမို့လို့ပါ။ အသက်၁၉အရွယ် ယွန်းယောင်းဆိုတဲ့ ကောင်မလေးဟာ အချိန်ပိုင်းအလုပ်လုပ်ရင်း အစိုးရဝန်ထမ်းစာမေးပွဲဖြေဖို့ ပြင်ဆင်နေပါတယ်။ ဉာဏ်ကောင်းတဲ့သူဖြစ်တဲ့အလျောက် သူငယ်ချင်းတွေလို ကျောင်းတက်ချင်ပေမယ့် မသန်စွမ်းမိခင်ကြီးအတွက် အစိုးရဝန်ထမ်းစာမေးပွဲ အောင်မြင်ဖို့သာ ဦးစားပေးနေရသူလေးဖြစ်ပါတယ်။ ငွေကြေးချို့တဲ့တာကလွဲရင် အမေဖြစ်သူနဲ့ ပျော်ရွှင်နေတဲ့ ယွန်းယောင်းတို့ဘဝထဲ ကံကြမ္မာမုန်တိုင်းတစ်ခု တိုက်ခတ်လာပါတော့တယ်။ မမျှော်လင့်ထားတဲ့ဖြစ်ရပ်ဆိုးတစ်ခုကြောင့် ယွန်းယောင်းတစ်ယောက် "နစ်နာသူ" ကနေ "လူသတ်သမား" ဖြစ်သွားပြီး မတရားသဖြင့် ထောင်ငါးနှစ် ကျခံခဲ့ရပါတယ်။ အကျဉ်းထောင်ထဲမှာ "ယွန်းယောင်း" ဆိုတဲ့နာမည်အစား "၂၀၃၇" ဆိုတဲ့ အကျဉ်းသားနံပါတ်ကို ခေါ်ဝေါ်သံနဲ့အတူ မျှော်လင့်ချက်မဲ့နေတဲ့ ကောင်မလေးကို ဇာတ်လမ်းကိုယ်စီရှိကြတဲ့ အကျဉ်းခန်းအဖော်တွေက ဘယ်လိုလက်ကမ်းကူညီပေးကြမလဲဆိုတာ ဒီကားလေးထဲမှာပဲ ဆက်လက်ကြည့်ရှုကြဖို့ တိုက်တွန်းလိုက်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shinmi ဖြစ်ပါတယ်