လူကြည့်များသော ရုပ်ရှင်များ

ဒီတစ်ခါတင်ဆက်ပေးချင်တာကတော့ IMDb-7 နဲ့ ခရမ်းချဉ်သီးပုပ် 81% ရထားတဲ့ ပြင်သစ် -ဟာသ/အက်ရှင်အမျိုးအစား - Taxi ဆိုတဲ့ နာမည်ကျော်ရုပ်ရှင်ဖြစ်ပါတယ်။ ဇာတ်လမ်းစစချင်းမှာ ပီဇာပို့တဲ့ ‘ဒန်နီရယ်’ဆိုတဲ့လူငယ်လေးက အလုပ်ကထွက်ပြီး တက္ကစီကားဆွဲတဲ့အလုပ်ကို ပြောင်းလုပ်ပါတယ်။ သူ့ဝါသနာက ပြိုင်ကားမောင်းချင်တာဖြစ်ပေမယ့် အကြောင်းကြောင်းကြောင့် တက္ကစီဆွဲတဲ့အလုပ်ကိုပဲ လုပ်ရပါတယ်။ အမြန်လိုတဲ့ခရီးသည်နဲ့ တွေ့တဲ့အခါကျ သူ့အစွမ်းတွေ ထုတ်ပြဖို့အတွက် အခါအခွင့်သင့်သလိုပါပဲ။တစ်နာရီမိုင် ၃၀ လို့ သတ်မှတ်ထားတဲ့နေရာကို ၁၂၀-၁၃၅ အဲ့လောက်နှုန်းတွေနဲ့မောင်းပစ်တာပါ။ သူမောင်းတဲ့ကားကတော့ ပြင်သစ်နိုင်ငံထုတ် Peugeot ဆိုတဲ့ကားလေးပါ။ တစ်ရက်ကျ ‘အီမီလီယံ’ ဆိုတဲ့ ရဲတစ်ယောက်ကို ရဲမှန်းမသိဘဲ သူသွားလိုတဲ့နေရာကိုလိုက်ပို့ပေးမိပြီးနောက် အီမီလီယံက သူ့ကို သူတို့ရဲ့ ယာဉ်ထိန်းရဲဌာနကြီးက ဖမ်းမမိတဲ့သတ်မှတ်နှုန်းကျော်အောင်မောင်းတတ်တဲ့ ကားသမားမှန်း သိသွားပါတော့တယ်။ အီမီလီယံကကားမမောင်းတတ်တဲ့အတွက် ဒန်နီရယ်ရဲ့ လိုင်စင်ကို သိမ်းပစ်လိုက်ပြီး သူအမှုလိုက်တဲ့နေရာတွေကို ကားမောင်းပြီးလိုက်ပို့ခိုင်းပါတော့တယ်။ လိုင်စင်ပြန်လိုချင်တဲ့ ဒန်နီရယ်အဖို့ရဲတွေကို ကြည့်မရပေမယ့် ကန့်လန့်ကန့်လန့်ဖြစ်ပြီး ရဲတွေလတ်တလောအမှုလိုက်နေတဲ့ကွင်းဆက် ဘဏ်ဓားပြတိုက်မှုတွေကို လိုက်လံဖမ်းဆီးပေးရပါတော့တယ်။ ဂျာမန်လူဆိုးတွေစီးတဲ့ ဂျာမန်နိုင်ငံထုတ် မာစီဒီးစ်ကြီးကို ပြင်သစ်နိုင်ငံထုတ် Peuge

Horror လောကမှာတော်တော်နာမည်ကြီးသွားခဲ့တဲ့ Smile ရဲ့နောက်ဆက်တွဲ Smile 2 ထွက်ရှိလာပြီဆိုတော့ Horror ချစ်သူတွေအတွက်တော့ သတင်းကောင်းပါပဲ။ပထမကားမှာတုန်းက IMDb Rating 6.5 အထိရရှိခဲ့ပြီး အခုဒုတိယကားမှာ 7.1 အထိရရှိထားတယ်ဆိုတာတော့ ပိုကောင်းလာတယ်လို့ပြောရမှာပါပဲ။အောင်မြင်မှုကိုဆက်ထိန်းသိမ်းနိုင်ပြီး ပထမကားလောက်ကောင်းသေးလားဆိုတာကိုတော့ကြည့်ရှုသူကိုယ်တိုင်ပဲဆုံးဖြတ်ရမှာပါ။ပထမတစ်ကားကိုကြည့်ပြီးတဲ့လူတွေလည်း တော်တော်များများရှိပြီးလောက်သလို မကြည့်ရသေးတဲ့သူတွေအတွက် ဇာတ်လမ်းအကျဉ်းလေးပြန်နွှေးပေးလိုက်ချင်ပါတယ်။Smile မှာအဓိကကြောက်ရမှာက ကိုယ့်ရဲ့စိတ်ကိုစားသုံး ပြောင်းလဲပစ်နိုင်ပြီး နောက်ဆုံးမှာ ကိုယ့်ကိုယ်ကိုယ်သတ်သေအောင်လုပ်တဲ့ ကပ်ပါးကောင်လိုအရာကြီးကိုဖြစ်ပါတယ်။အဲ့ဒါကလက်ခံကောင်သေသွားလို့သေလားဆိုတော့လည်းမသေပဲနဲ့ ကိုယ့်ကိုယ်ကိုယ်သတ်သေတဲ့လူကိုမြင်လိုက်ရတဲ့လူဆီကိုဆက်လက်ကူးစက်ရင်းနဲ့ လူတစ်ယောက်ပြီးတစ်ယောက် ဇာတ်ကားနာမည် Smile ဆိုတဲ့အတိုင်း ပြုံးပြုံးကြီးသေအောင်လိုက်လုပ်နေတာပဲဖြစ်ပါတယ်။အခုတင်ဆက်ပေးမဲ့ 2 မှာဆိုရင်လည်းစလာကတည်းကအဲ့ဒီအဖြစ်အပျက်တွေကိုစမြင်တွေ့ရမှာဖြစ်ပြီး လူးဝစ်ဆိုတဲ့ဆေးသမားကောင်လေးဆီ စတင်ကူးစက်သွားပါတော့တယ်။ဒီဇာတ်လမ်းမှာအဓိကဇာတ်ကောင်ကတော့ နိုင်ငံကျော်အဆိုတော် စကိုက်ရိုင်လေဖြစ်ပြီး ဖြစ်ချင်တော့သူက ကူးစက်ခံထားရတဲ့လူးဝစ်ဆီမှာမူးယစ်ဆေးဝယ်သုံးနေကျဖြစ်နေပါတယ်။ဒီလိုနဲ့ စကိုက်တစ်ယောက် လူးဝစ်ကူးစက်ခံရပြီ

ဒိုင်ယာနာ နိုင်ယာ့ထ်ဆိုတဲ့ မာရသွန်ရေကူးချန်ပီယံဟာ သူမ အသက် ၂၈နှစ်အရွယ်မှာ ကျူဘားကနေ ဖလော်ရီဒါကို ပင်လယ်ကနေ တဆင့် ရေကူးဖြတ်သန်းဖို့ ကြိုးစားခဲ့ပါတယ် ဒါပေမဲ့ သူ မအောင်မြင်ခဲ့ဘဲ ရေကူးခြင်းအားကစားကနေ သူ အနားယူခဲ့ပါတယ် နှစ် ၃၀ နီးပါး အကြာ အသက် ၆၁ နှစ်အရွယ်မှာ သူမဟာ ထိုမစ်ရှင်ကို ပြန်ပြီး ကြိုးစားချင်ခဲ့ပါတယ် ကျူဘားကနေ ဖလော်ရီဒါကို ပင်လယ်မာရသွန်ရေကူးတဲ့ စိန်ခေါ်မှုကို သူ ပြန်ပြီး လုပ်ချင်ခဲ့ပါတယ် ထိုသို့စိန်ခေါ်မှုကို ကြိုးစားတဲ့ လမ်းစဉ်တစ်လျှောက်မှာ ဒိုင်ယာနာရဲ့ အချစ်ဆုံးသူငယ်ချင်း ဘွန်နီက နည်းပြအဖြစ် ပါဝင်ပြီး ကူညီခဲ့ပါတယ် ဒီဇာတ်ကားလေးထဲမှာ ဘွန်နီဟာ ဒိုင်ယာနာဘေးမှာ ဘယ်လိုအခြေအနေမျိုးမှာ ဖြစ်ဖြစ် တူတူ ရှိနေပေးခဲ့ပါတယ် ဘွန်နီဟာ သူမအနားမှာ အသက် ၃၀ အရွယ်တွေကတည်းကနေ အခုချိန် နှစ် ၃၀ကျော်အကြာထိ အရာရာ အတူတူ လုပ်ပြီး ကျော်ဖြတ်သန်းလာခဲ့တဲ့ အမျိုးသမီးနှစ်ယောက်ရဲ့ ခိုင်မာတဲ့ သံယောဇဉ်ကို မြင်တွေ့ရမဲ့ ဖြစ်ရပ်မှန်ကို အခြေခံရိုက်ကူး တင်ဆက်ထားတဲ့ Biographical drama လေး ဖြစ်ပါတယ် ဒီကားကိုအညွှန်းနဲ့ ဘာသာပြန်ဆိုသူက Henny ဖြစ်ပါတယ်။

Octopussy (1983) က 13 ခုမြောက် ဂျိမ်းစ်ဘွန်း ဇာတ်ကားဖြစ်ပြီး 007 အဖြစ် Roger Moore ကသရုပ်ဆောင်ထားပါတယ် ဂျိမ်းစ်ဘွန်းက ဖာဘာဂေးဥအတုနဲ့တွေ့ရှိခဲ့တဲ့ အေးဂျင့်ဖော်ဟောင်း 009 ရဲ့ သေဆုံးမှုကိုစုံစမ်းခဲ့ပါတယ် ဘွန်းက ဥကိုအတုနဲ့လဲလှယ်တဲ့လေလံပွဲတစ်ခုကို ခြေရာခံရင်း ချမ်းသာကြွယ်ဝတဲ့အာဖဂန်မင်းသား ကာမယ်လ်ကမ်နဲ့ အော့တိုပတ်စီ (ရေဘဝဲ) အမည်ရှိတဲ့လျှို့ဝှက်ဆန်းကြယ်တဲ့ အမျိုးသမီးတစ်ယောက်နဲ့ ဆက်စပ်နေကြောင်းတွေ့ရှိခဲ့ပါတယ် အနောက်ဂျာမနီမှာ ရတနာတွေကို ခိုးသွင်းပြီး နျူးကလီးယားဗုံးဖောက်ခွဲဖို့ ကမ်နဲ့ ပူးပေါင်းခဲ့တဲ့ ဆိုဗီယက်ဗိုလ်ချုပ် အောလော့ဖ်လည်း ဒီကိစ္စမှာပါဝင်နေခဲ့ပါတယ် ဘွန်းက အနောက်ဂျာမနီရှိ အမေရိကန်လေတပ်အခြေစိုက်စခန်းကို နျူကလီယားလက်နက်သယ်ဆောင်ဖို့ အော့တိုပတ်စီ (ရေဘဝဲ)ရဲ့မှောင်ခိုလုပ်ငန်းကိုအသုံးပြုဖို့ စီစဉ်ထားတဲ့ ကမ် နဲ့ အောလော့ဖ်ရဲ့ ကွက်ကွက်ကို ဖော်ထုတ်နိုင်ခဲ့တဲ့အချိန်မှာ အဲ့ပေါက်ကွဲမှုက နာတိုအား လက်နက်ဖျက်သိမ်းရေးသို့ တွန်းပို့ဖို့ရည်ရွယ်ပြီး ဆိုဗီယက်ယူနီယံကို အသာစီးထားခဲ့ပါတယ် ဂျိမ်းစ်ဘွန်းဇာတ်ကားကတော့ အထွေအထူးပြောနေစရာမလိုအောင် စိတ်ဝင်စားဖို့ကောင်းတဲ့ပုံစံကိုမြင်သေချာပါတယ် ဒီကားကိုအညွှန်းနဲ့ ဘာသာပြန်ဆိုသူက Phyu ဖြစ်ပါတယ်။

ဒီရုပ်ရှင်ကတော့ ဂျိမ်းစ်ဘွန်းဇာတ်ကားတွေထဲမှာ ၁၂ ကားမြောက်ဖြစ်ပြီး မင်းသားကြီး Roger Moore က MI6 ရဲ့ လျှို့ဝှက်အေးဂျင့် ဘွန်း၊ ဂျိမ်းစ်ဘွန်းအဖြစ် ပါဝင်သရုပ်ဆောင်ထားတာပဲ ဖြစ်ပါတယ်။ IMDb rating ကတော့ ၆.၇ လောက်ထိ ရှိပါတယ်။ ဇာတ်လမ်းအကျဉ်းမှာ - ဗြိတိသျှတွေရဲ့ အချက်အလက်စုဆောင်းရေးဆိုင်ရာသင်္ဘော ‘စိန့်ဂျော်ဂျီ’က အိုင်အိုနီယန်းပင်လယ်မှာ ထောက်လှမ်းရေးလုပ်ဆောင်နေရင်း နစ်မြှုပ်သွားခဲ့ပါတယ်။ သင်္ဘောပေါ်မှာတော့ အေတက်ခ်ဆိုတဲ့ စနစ်တပ်ဆင်ထားပြီး ဖြစ်ချင်တော့ အဲ့စနစ်နဲ့ ဗြိတိသျှရေတပ်က ရေငုပ်သင်္ဘောတွေအားလုံးကို ဒုံးကျည်ပစ်လွှတ်အောင် အမိန့်ပေးနိုင်တာပါပဲ။ သင်္ဘောက နစ်မြှုပ်သွားပြီးနောက် အဲ့စနစ်က ပျက်စီးသွားလားလည်း မသိရ - ဆိုဗီယက်တွေ သိသွားမှာစိုးလို့ သင်္ဘောပျက်ကို ပေါ်ပေါ်ထင်ထင်လည်း မရှာရဲတဲ့ ဗြိတိသျှရေတပ်ဗိုလ်ချုပ်ကြီးနဲ့ ကာကွယ်ရေးဦးစီးချုပ်တို့ ခေါင်းခဲရပါပြီ။ စိန့်ဂျော်ဂျီရဲ့တည်နေရာကို ဆိုဗီယက်တွေမသိစေဘဲ သိုသိုသိပ်သိပ် စုံစမ်းဖို့အတွက် ‘ဆာ တင်မိုသီ ဟာဗလော့ခ်’ဆိုတဲ့ ပင်လယ်ရေအောက်ရှေးဟောင်းယဉ်ကျေးမှု လေ့လာသူတစ်ဦးကို အကူအညီတောင်း အလုပ်ခိုင်းခဲ့သော်ငြား သင်္ဘောတည်နေရာကို သတင်းမပို့နိုင်ခင်မှာ သူက အဖြောင်ခံလိုက်ရပါတော့တယ်။ နောက်ဆုံးတော့ ထုံးစံအတိုင်း သူတို့ရဲ့ အတော်ဆုံးစပိုင် ၀၀၇ ကို ဆင့်ခေါ်ကာ သင်္ဘောပျက်တည်နေရာကို ရှာဖို့ စေခိုင်းတဲ့အခါ ကိုယ်တွေရဲ့ ဇာတ်လိုက်ကျော်ကြီး ဂျိမ်းစ်ဘွန်

ဒီတစ်ခေါက်မှာလည်း အရမ်းကိုကြည့‌်ကောင်းတဲ့ ဇာတ်ကားတစ်ကားကို တင်ဆက်ပေးလိုက်ပါတယ်။ အဓိကဇာတ်ဆောင်မင်းသားကြီးနှစ်ယောက်ရဲ့ သရုပ်ဆောင်ပိုင်းတွေကလည်း အားရစရာကြီးပါ။ မင်းသားကြီး Huang Bo နဲ့ Duan Yi Hong ပါ၀င်တဲ့ဇာတ်ကား‌ေတွတော်တော်များများက ကောင်းကြပါတယ်။ ဒီချန်နယ်ထဲမှာပဲ Huang Bo ရဲ့ The Island နဲ့ Duan Yi Hong ရဲ့ The Looming Storm ဆိုတဲ့ဇာတ်ကားကောင်းတွေကို ရှာကြည့်လို့ရပါတယ်။ ကျန်းဖုန်းဟာ နာမည်ကြီးစာရေးဆရာတစ်ယောက်ဖြစ်ပြီး သူ့စာအုပ်တွေဟာ ရုပ်ရှင်အဖြစ်ပြန်ရိုက်ကူးလောက်တဲ့ထိ ကျော်ကြားနေပြီ။ ဒါပေမယ့် သူဟာ အိမ်ထောင်ရေးအဆင်မပြေဖြစ်လို့ ကွာရှင်းဖို့ပါပြင်ဆင်နေပြီး မှတ်ဉာဏ်သခင်စင်တာဆိုတဲ့ နေရာတစ်ခုမှာ ကိုယ်မလိုချင်တဲ့ မှတ်ဉာဏ်အစိတ်အပိုင်းတွေကို ဖယ်လို့ရတယ်ဆိုလို့ သူမမှတ်မိချင်တော့တဲ့ မှတ်ဉာဏ်တချို့ကို သွားဖယ်လိုက်တယ်။ သူသွားဖယ်တဲ့နေ့မှာပဲ စင်တာမှာ အဓိကရုဏ်းဖြစ်ခဲ့လို့ သူ့မှတ်ဉာဏ်ချိ(ပ်)ပြားဟာ တခြားတစ်ယောက်နဲ့ လဲသွားခဲ့တာကို သူမသိလိုက်ဘူး။ ဖယ်ထုတ်လိုက်တဲ့သူ့မှတ်ဉာဏ်ကို ပြန်ထည့်ဖို့ဖြစ်လာတဲ့အချိန်မှာ သူမြင်နေရတာတွေက သူ့မှတ်ဉာဏ်တွေ မဟုတ်တော့ဘဲ လူသတ်မှုတစ်ခုနဲ့ ဆက်စပ်နေတာ သိလိုက်ရတယ်။ နောက်ပိုင်းမှာတော့ သူ့မှတ်ဉာဏ်တွေဟာ လူသတ်မှုတစ်ခုတည်းနဲ့ဆက်စပ်‌ေနရံုသာမကဘဲ လူတစ်ယောက်တည်းရဲ့မှတ်ဉာဏ်လားဆိုတာတောင် မသေချာတော့ဘူး။ ကျန်းဖုန်းရထားတဲ့မှတ်ဉာဏ်တွေက ဘယ်သူ့ရဲ့မှတ်ဉာဏ်တွေဖြစ်မလဲ။ ကျန်းဖုန်းနဲ့ရော ဘယ

လူ့ဘဝက မနက်ဖြန်ဘာဖြစ်မလဲဆိုတာတောင် ကြိုမသိနိုင်တဲ့ဖြစ်ရပ်တစ်ခုလိုပါပဲ ဒီဇာတ်ကားကတော့ ကိုလံဘီယာမိုးသစ်တောမှာ ရက်ပေါင်း ၄၀ ကြာ‌ပျောက်ဆုံးသွားတဲ့ မောင်နှမလေးယောက်အကြောင်းကို တကယ့်ဖြစ်ရပ်မှန်ကိုအခြေခံပြီးရိုက်ကူးထားတဲ့ဇာတ်ကားလေးပဲဖြစ်ပါတယ် လေယာဉ်ပျက်ကျပြီးနောက် ကိုလံဘီယာသစ်တောထဲမှာ ဟွေတိုတိုမျိုးနွယ်ရဲ့ဒေသခံတိုင်းရင်းသား ကလေး ၄ ယောက်က မိခင်သေဆုံးသွားတော့ လူသူမရှိတဲ့နေရာမှာရှင်သန်နိုင်ဖို့ စားစရာကိုကိုယ်တိုင်ရှာဖွေရုန်းကန်ခဲ့ရတာပေါ့ တောထဲမှာသောင်တင်နေလို့ ကယ်ဆယ်ရေးအဖွဲ့ကိုစောင့်ရင်း ဘိုးဘွားတွေသင်‌ပေးတဲ့အတိုင်း မရင်းနှီးတဲ့ပတ်ဝန်းကျင်မှာနေထိုင်ခဲ့ကြရပါတယ် သူတို့ကိုလိုက်ရှာနေကြတဲ့ လွန်ခဲ့တဲ့နှစ်ကအကျဉ်းချခံထားရတဲ့ သူတို့ရဲ့ရက်စက်ကြမ်းကြုတ်တဲ့အဖေ အပါအဝင် ဒေသခံတိုင်းရင်းသားတွေနဲ့ စစ်တပ်ကလည်း အသက်ရှင်သေးရဲ့လား သေဆုံးနေပြီလားမသိတဲ့ ကလေးတွေကို မျှော်လင့်ချက်ကြီးစွာနဲ့ရှာဖွေခဲ့ကြပါတယ် ဘာသာရေးအယူအဆတွေနဲ့ သူတို့တတ်နိုင်တဲ့နည်းလမ်းပေါင်းစုံနဲ့ ရှာဖွေခဲ့ကြတာပေါ့ ကလေးတွေမိသားစုရဲ့ဝမ်းနည်းပူဆွေးမှုကတော့အတိုင်းမသိပါပဲ ပျောက်ဆုံးနေတဲ့ ကလေး ၄ ယောက်ရဲ့သတင်းက နိုင်ငံတစ်ဝှမ်းကိုပျံ့နှံ့သွားပြီး လူအများရဲ့အာရုံစိုက်မှုနဲ့ စိုးရိမ်ပူပန်မှု ဝမ်းနည်းမှုနဲ့ ဆုတောင်းမေတ္တာပေးပို့မှုတွေကြောင့် ကလေးတွေကို အသက်ရှင်ရက်ပြန်တွေ့ပါ့မလားဆိုတာ..... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu ဖြစ်ပါတယ်

ဂျိုအီဟျွန်းဆိုတဲ့ကောင်လေးဟာ ကြီးပွားချင်တယ်ဆိုတဲ့အိပ်မက်တွေနဲ့ ယောအီဒိုကိုရောက်လာပြီး စတော့ရှယ်ယာအကျိုးဆောင်စလုပ်ခဲ့ပါတယ်။ စစချင်းမှာတော့ကော်မရှင်ခ ဘာကိုမှမရဘဲ လူသစ်လည်းဖြစ်တော့ မျက်နှာငယ်ခဲ့ရပါတယ်။ ဂျိုအီဟျွန်းတစ်ယောက်အရှုံးသမားပုံစံနဲ့ မူးကွဲနေတာကိုမြင်ပြီး အလုပ်ကစီနီယာတစ်ယောက်က Ticket ဆိုသူနဲ့မိတ်ဆက်ပေးခဲ့ပါတယ်။ အဲဒီအပြင် Ticketခိုင်းတဲ့အတိုင်းလုပ်တာနဲ့ ကော်မရှင်ခ မြိုးမြိုးမြက်မြက်ရမယ်ဆိုလို့ စမ်းကြည့်ရင်း ဘာတွေကြုံတွေ့လာရမလဲ? Ticketကြိုးဆွဲရာ ကရင်း ဂျိုအီဟျွန်းရဲ့အိပ်မက်တွေအကောင်အထည်ပေါ်လာပါ့မလားဆိုတာ... ဒီကားကိုအညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

တစ်နာရီခွဲလုံး မနားတမ်းခွီရမယ့် ဝါရင့်ဟာသသရုပ်ဆောင်ကြီးတွေပါဝင်ထားတဲ့ Fast 888လေးကို ထိုင်းဟာသပရိသတ်တို့အတွက် တင်ဆက်ပေးလိုက်ပါပြီဗျ။ ဒီကားလေးထဲမှာ အကြွေစောခဲ့ရတဲ့ မင်းသမီးကြီးTang Mo ကလည်း ဇာတ်လိုက်‌ကျော်ပွန်ရဲ့ဇနီးနေရာက ပါဝင်ထားတာဖြစ်လို့ Tang Moအလွမ်းပြေ ရှုစားလိုသူတွေလည်း ခုပဲ ကြည့်ရှုလိုက်ကြပါဦးစို့။ ဇာတ်လိုက်ကျော်ပွန်နဲ့ သူ့ရဲ့သူငယ်ချင်းဝင်တို့ဟာ ဘတ်စ်ကားနံပါတ် ၈၈၈ ရဲ့ ဒရိုက်ဘာနဲ့စပယ်ယာပေါ့။ ပွန်တစ်ယောက် အပြင်မှာဆို မိန်းမနိုင်ကြောင်းကြွယ်ပြီး လူတွေကြားမှာ ဟီးရိုးဝင်လုပ်တတ်ပေမဲ့ တကယ့်လက်တွေ့မှာ မိန်းမရှိခိုးသွားမကျိုး မယကဂိုဏ်းဝင်လေးပါ။ ဒီလိုနဲ့ တစ်နေ့ အရင်ခေတ်က မထသဘတ်စ်ကားတွေလိုပဲ Fast and Furiousလို ဘတ်စ်ကားချင်းပြိုင်မောင်းရင်းကနေ ကားပေါ်ပါလာတဲ့ ဗရုတ်သုတ်ခရီးသည်တစ်သိုက်အပြင် ကျော်ကြီးဟီးရိုးဝင်ဝင်လုပ်လို့ အငြိုးထားနေတဲ့လူတစ်စုနဲ့ အလွဲတွေဖြစ်လာတဲ့အခါမှာတော့ အလွဲပေါင်းသောင်းခြောက်ထောင်နဲ့ ဘယ်လိုအခွီတစ်လိုင်းတွေဖြစ်လာမလဲဆိုတာ ရှုစားကြပါဦးစို့။ ဒီကားကိုအညွှန်းနဲ့ ဘာသာပြန်ဆိုသူက Saturn ဖြစ်ပါတယ်။

ဒီကားကတော့ Black Comedy အမျိုးအစား ဇာတ်ကားဖြစ်ပြီး ဝေဖန်ရေးဆရာတွေရဲ့ ချီးကျူးမှုတွေကိုလည်း ရရှိထားပါတယ်။ ဇာတ်လမ်းဇာတ်အိမ်ကို‌ ပြောရမယ်ဆိုရင်တော့.....G-7 လို့ခေါ်ကြတဲ့ ချမ်းသာကြွယ်ဝတဲ့ ဒီမိုကရေစီနိုင်ငံ(၇)နိုင်ငံရဲ့ ခေါင်းဆောင်ဖြစ်သူတွေဟာ ကမ္ဘာ့အရေးအခင်းကိစ္စတစ်ရပ်အပေါ် တိုင်ပင်ဆွေးနွေးပြီး ထုတ်ပြန်ချက်တစ်ခု ပူးတွဲရေးသားဖို့ G-7 ထိပ်သီးအစည်းအဝေးကို တက်ရောက်ခဲ့ကြပါတယ်။ အစည်းအဝေးလုပ်နေစဉ်မှာ တောအုပ်ထဲလမ်းပျောက်သွားခဲ့ကြပြီး ပြန်လွတ်မြောက်မဲ့ ထွက်လမ်းကို ရှာဖွေကြရင်းနဲ့ အန္တရာယ်တွေနဲ့ ရင်ဆိုင်ရပုံကို တင်ဆက်ထားတာဖြစ်ပါတယ်။ ဒီကားကိုအညွှန်းနဲ့ ဘာသာပြန်ဆိုသူက Aung Myat Tun ဖြစ်ပါတယ်။

အခုတင်ဆက်ပေးမဲ့ဇာတ်ကားရဲ့ဒါရိုက်တာက အဲ့လိုသမိုင်းတွေကြောင့် ရှရှားတွေကိုမုန်းတီးပြီး ယူကရိန်းကိုကာကွယ်ခဲ့သူတွေကိုဂုဏ်ပြုသောအားဖြင့်ရိုက်ကူးထားတာဖြစ်ပါတယ်။ယူကရိန်းနိုင်ငံရဲ့ရုပ်ရှင်ဥပဒေကြောင့် တိုင်းတစ်ပါးဘာသာစကားတွေကို ၁၀ ရာခိုင်နှုန်းထက်ပိုထည့်သွင်းလို့မရတဲ့အတွက် ရှရှားတွေရဲ့အသံနေရာမှာယူကရိန်းအသံတွေထပ်ထည့်ထားရလို့မကျေနပ်ကြောင်းတွေပါပြောထားပါသေးတယ်။အဲ့ဒီကြောင့်ဒီကားထဲမှာ ကျူးကျော်သူရှရှားတွေကိုသွေးထွက်သံယိုရှယ်သမမှာဖြစ်တဲ့အတွက် ၁၈ နှစ်ပြည့်မှကြည့်ဖို့ပြောချင်ပါတယ်။ဇာတ်ကားနာမည်ကတော့ The Witch : Revenge ဖြစ်ပြီး လက်ရှိ IMDb Rating 5.4 အထိရရှိထားပါတယ်။ဇာတ်လမ်းအစမှာတော့အန်ဒရီနဲ့အိုလန်နာဆိုတဲ့အရာရာပြည့်စုံနေပြီး ပျော်ရွှင်စရာကောင်းတဲ့ မကြာခင်မှာလက်ထပ်တော့မဲ့စုံတွဲလေးကိုတွေ့ရမှာဖြစ်ပြီး သူတို့မှာအော့ဇီဆိုတဲ့ခွေးကလေးတောင်မွေးထားပါသေးတယ်။ဒါပေမယ့်ကံကြမ္မာကမျက်နှာသာမပေးချင်တော့ သိပ်မကြာခင်မှာပဲရှရှားကယူကရိန်းကိုကျူးကျော်စစ်တွေစလာပြီး နယ်စပ်နားမှာနေထိုင်တဲ့သူတို့စုံတွဲလည်းပြောင်းရွှေ့ရပါတော့တယ်။အိုလန်နာရဲ့အကြံပေးမှုကြောင့် အိုလန်နာ့အဒေါ်ဆီသွားတဲ့လမ်းမှာ ရှရှားစစ်သားတွေနဲ့တွေ့ခဲ့ပြီး ရှရှားတွေကကျူးကျော်သူတွေပီပီ ယုတ်မာဖို့ကြိုးစားတဲ့အတွက် စစ်တပ်မှာတာဝန်ထမ်းဆောင်ဖူးတဲ့အန်ဒရီက စစ်သားတွေအများကြီးနဲ့ရအောင်တိုက်ခိုက်ပြီး အိုလန်နာကိုသူ့အဒေါ်ဆီရောက်အောင်ပို့ပေးခဲ့ပါတော့တယ်။ဒါပေမယ့်ကျည်မှန်ထားတဲ့ဒဏ်ရာ

ဒီဇာတ်ကားလေးကတော့ လုပ်ငန်းတစ်ခုမှာ ငွေတွေ ဖောက်ထွင်းခံခဲ့ရတဲ့ ဖြစ်ရပ်မှန်အကြောင်းကို ပြန်လည်ရိုက်ကူးထားတာ ဖြစ်ပါတယ် ဒီဖောက်ထွင်းမှုဟာ ယူအက်စ် သမိုင်းမှာ အကြီးမားဆုံး ငွေသား ခိုးယူဖောက်ထွင်းမှု ဖြစ်ခဲ့ပါတယ် Empire State ဆိုတဲ့ ကုမ္ပဏီ တစ်ခုဟာ ငွေတွေကို နေ့စဉ် နေ့တိုင်း အထုပ်လိုက် သိမ်းရပါတယ် သိမ်းပြီးသားငွေကို မရေမတွက်ဘဲနဲ့ အခန်းထဲ လှောင်သိမ်းထားရတာပါ ထိုသေချာမစစ်ဆေးထားတဲ့ ငွေသိုလှောင်ခန်းကြီးကို လုံခြုံရေးကလည်း တင်းကြပ်စွာ မထားထားပါဘူး ထိုအခါမှာ အဲ့ကုမ္ပဏီကို အလုပ်ဝင်လုပ်ဖြစ်တဲ့ ခရစ် ပိုတာမိစ်ဟာ သူ့သူငယ်ချင်း လူမိုက်လေး အက်ဒီ အစွယ်ကောင်းမှုကြောင့် သူငယ်ချင်းနှစ်ယောက်ပေါင်းပြီး ခိုးဖို့ ဖြစ်လာခဲ့ကြပါတယ် အက်ဒီဟာ လူမိုက်လူနုံဖြစ်ပြီး ပါးစပ်လည်း ဖွာတတ်ပါတယ် ထို မလိုလားအပ်တဲ့ ပါးစပ်ဖွာရာကနေ ပြဿနာတွေ ဖြစ်လာပါတော့တယ် ဘယ်လိုတွေ ဖြစ်သွားကြလဲ ယူအက်စ်သမိုင်း အကြီးမားဆုံး ငွေသားအခိုးခံရမှုကြီးကို စိတ်ဝင်တစားနဲ့ ကြည့်ရှုကြရမှာပဲ ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Henny ဖြစ်ပါတယ်

"ပိုကောင်းတဲ့အနာဂတ်ကို မမြင်ရရင် တည်ဆောက်လိုက်ပါ" ဆိုတဲ့ tagline နဲ့ ဆန်းသစ်တဲ့ Sci-Fi, Fantasy ရုပ်ရှင်ကို ခံစားကြည့်လိုက်ပါ။ ဇာတ်လမ်းအကျဉ်းက နိုဘယ်ဆုရထားတဲ့ ဉာဏ်ကြီးရှင် scientist ဆီဇာက ရောမမြို့သစ်ကို သူဖန်တီးထားတဲ့နည်းပညာနဲ့ စိတ်ကူးယဉ်နိုင်ငံ Megalopolis အဖြစ် ပြောင်းလဲပစ်ချင်တယ်။ သူ့မှာ သူမတူတဲ့ ဖန်တီးနိုင်စွမ်းနဲ့ပါရမီရှိပြီး သူ့အိပ်မက်ကို အကောင်အထည်ဖော်ဖို့ ထောက်ပံ့ပေးမယ့် သူ့ဦး‌လေး ဘဏ်လုပ်ငန်းရှင်သူ‌ဌေးကြီးလည်း ရှိတယ်။ ဒါမဲ့ ရောမမြို့ရဲ့မြို့တော်ဝန်စစ်စီရိုက လက်ရှိအတိုင်းပဲထားချင်ပြီး ဆီဇာကို ဆန့်ကျင်နေတဲ့ အတိုက်အခံသမား...သူတို့ပဠိပက္ခထဲမှာ ကြားညှပ်မယ့်သူက စစ်စီရိုရဲ့သမီး ဆီဇာကိုချစ်မိတဲ့ ဂျူလီယာ...ဆီဇာမှာလည်း သူ့ကိုပြိုင်နေတဲ့ ဝမ်းကွဲအစ်ကိုရှိပြီး...သူတို့ရဲ့အနှောင့်အယှက် အခက်အခဲပြဿနာတွေကြားကနေ သူ့ Utopiaကို တည်ဆောက်နိုင်မလား ဆက်လက်ရှုစားလိုက်ပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

နာမည်ကြီး Star Wars မင်းသမီး Daisy Ridley ပါဝင်သရုပ်ဆောင်ထားတဲ့ တစ်ကားလုံးအသည်းတယားယား အံကြိတ်ပြီးကြည့်နေရမဲ့ Thriller ဇာတ်ကားကောင်းလေးတစ်ကားကိုတင်ဆက်ပေးလိုက်ပါတယ်။ဇာတ်ကားနာမည်ကတော့ Magpie ဖြစ်ပြီး လက်ရှိ IMDb Rating 6.0 အထိရရှိထားပါတယ်။ဇာတ်ကားလေးကရိုးရိုးအေးအေးလေးပေမဲ့ ကြည့်နေရင်းနဲ့ကိုဆက်ဆက်ကြည့်ချင်နေအောင်ဆွဲဆောင်နိုင်စွမ်းရှိပြီး မထင်မှတ်ထားတဲ့ Plot Twist တွေကိုလည်းချပြသွားဦးမှာဖြစ်တဲ့အတွက် လက်လွှတ်မခံကြည့်ရှုသင့်တဲ့ဇာတ်ကားတစ်ကားဖြစ်ပါတယ်။ဒီဇာတ်ကားရဲ့အဓိကဇာတ်ကောင်တွေကတော့ အန်နက်နဲ့ဘန်ဆိုတဲ့လင်မယားနဲ့ သူတို့ရဲ့သမီးဖြစ်သူတီလီတို့ရဲ့မိသားစုလေးပဲဖြစ်ပါတယ်။ဇာတ်လမ်းအစမှာတီလီက ရုပ်ရှင်ဇာတ်ကားတစ်ခုမှာကလေးသရုပ်ဆောင်အဖြစ်ပါဝင်ခွင့်ရလို့ပျော်ရွှင်နေကြတာကို စတွေ့ရမှာဖြစ်ပါတယ်။အဲ့ဒါကြောင့် တီလီရိုက်ကွင်းကိုသွားဖို့အတွက် အားယားနေတဲ့စာရေးဆရာယောင်ယောင်သူ့အဖေကနေ့တိုင်းလိုက်ပို့ပေးရင်းကနေ ရိုက်ကွင်းကမင်းသမီးနဲ့ရင်းနှီးသွားပါတော့တယ်။ဒါပေမယ့်အချိန်ကြာလာတော့ တီလီ့ကိုအကြောင်းပြုပြီးစလာတဲ့ရင်းနှီးမှုတွေကများလာပြီး ဖောက်ပြန်တဲ့အဆင့်ကိုရောက်သွားတဲ့အခါမှာတော့ သူ့ယောက်ျားဖောက်ပြန်နေကြောင်းကိုအန်နက်သိသွားမလား မင်းသမီးနဲ့အိမ်ထောင်သည်ယောက်ျားတစ်ယောက်ရဲ့ဖောက်ပြန်နေတဲ့ဆက်ဆံရေးကရော ဘယ်လိုတွေဆက်ဖြစ်သွားမလဲဆိုတာကိုကြည့်ရှုရမဲ့လျှို့ဝှက်သည်းဖိုဇာတ်ကားကောင်းတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူက

"ကြားသုံးကြားမဝင်ကောင်းဘူး"ဆိုတဲ့စကားအတိုင်း သူများအိမ်တွင်းရေးပြဿနာဆိုရင် လူတွေဟာ ဝင်ပါဖို့ လက်ရှောင်တတ်ကြပါတယ်။ ဒီလိုလျစ်လျူရှူမှုတွေကြောင့် အိမ်တွင်းအကြမ်းဖက်မှုတွေနဲ့ လင်မယားချင်းအလိုမတူပြုကျင့်မှုတွေက ရပ်တန့်သွားခြင်းမရှိပါဘူး။ အဲ့ဒီလိုပါပဲ ယောကျ်ားဖြစ်သူက သူ့မိန်းမ ဒါမှမဟုတ် သူ့ပါတနာကို မလိုမတူဘဲ ဆက်ဆံတာကို မုဒိမ်းမှုလို့ မသတ်မှတ်ကြတဲ့လူတွေလည်း ဒုနဲ့ဒေးပါ။ ဒီဇာတ်လမ်းလေးဟာဆိုရင် "လက်ထပ်ပြီးသွားရင်လည်းပဲ ကိုယ့်ခန္ဓာကိုယ်ကို ကိုယ်ပဲပိုင်တယ်၊ တရားဝင်လင်ယောကျ်ားတောင် မပိုင်ပါဘူး"ဆိုတဲ့အချက်ကို မီးမောင်းထိုးပြီး ပညာပေးထားတဲ့ဇာတ်လမ်းလေးတစ်ပုဒ်ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

ဒီရုပ်ရှင်ကတော့ ၂၀၀၄ ခုနှစ်မှာထွက်ရှိခဲ့တဲ့ Alien vs Predator ရဲ့ အဆက်ဖြစ်ပါတယ်။ ကမ္ဘာကနေထွက်သွားတဲ့ Predator ယာဉ်ပျံကြီးပေါ်မှာ Alien နဲ့ Predator မျိုးစပ်တစ်ကောင်က မွေးလာပြီးနောက် ယာဉ်ပျံပေါ်က Predator တွေကို လိုက်လံတိုက်ခိုက်တဲ့အတွက် အဲ့ယာဉ်ပျံကြီးက ကမ္ဘာကြီးပေါ်ကိုပြန်ကျလာပါတော့တယ်။ ယာဉ်ပျံပေါ်မှာက မျိုးစပ်တစ်ကောင်အပါအဝင် ဇီနိုမော့ဖ်တွေကလည်း ပါသေးတဲ့အတွက်ယာဉ်ပျံကပျက်ကျတဲ့အရှိန်နဲ့ ကမ္ဘာကြီးပေါ်ကို ပြန်ရောက်လာတဲ့အခါအကောင်တွေအကုန်လုံးကလွတ်သွားပါတော့တယ်။ အသက်မျော့မျော့ပဲကျန်ခဲ့တဲ့ နောက်ဆုံး Predator က သူမသေခင်အချိန်မှာ သူ့မျိုးနွယ်ကိုလှမ်းအကြောင်းကြားခဲ့တဲ့အတွက် ယာဉ်ပျံပျက်ကျရာ ကော်လိုရာဒိုကို Predator တစ်ကောင်ကထပ်လိုက်လာပြီး Alien မျိုးစပ်ကောင်နဲ့ ဇီနိုမော့ဖ်တွေကို လက်စဖျောက်ဖို့ ကြိုးစားတဲ့အခါ ဘာတွေဆက်ဖြစ်ကြမလဲဆိုတာကို ကြည့်ရှုပေးကြပါဦး။ အညွှန်းနဲ့ ဘာသာပြန်ကိုတော့ Leon K Zaw ကတင်ဆက်ထားပါတယ်။

ဒီတစ်ခါ မိတ်ဆက်ပေးမယ့်ရုပ်ရှင်ကတော့ Worst Fipm အနေနဲ့ နှစ်ဆုရထားပြီး Nominee ဝင်တဲ့ 4 ဆုလုံးကလည်း Worst Remake, Biggest Disappointment စသဖြင့် အဆိုးဆုံးရုပ်ရှင်တွေအတွက်ပဲ လျာထားခံရတဲ့ ရုပ်ရှင်ဖြစ်ပါတယ်။ ဂြိုလ်သားတွေနဲ့သားရဲကောင်တွေ စစ်ပွဲဖြစ်တဲ့နေရာကို စူးစမ်းလေ့လာတဲ့ လူသားတွေ တစ်နည်းအားဖြင့် သေချင်တဲ့လူတွေရောက်သွားပြီး ကြားညှပ်သွားတဲ့ဇာတ်လမ်းပါ။ ဝေလန်ဦးဆောင်တဲ့ စူးစမ်းလေ့လာရေးအဖွဲ့က အန်တာတိကတိုက်ရဲ့ လူမနေတဲ့ကျွန်းကနေ အပူပေါက်ကွဲမှုဖြစ်တာကို ရှာတွေ့ပြီး သွားရောက်လေလာဖို့လုပ်ပါတယ်။ သူတို့ကို လမ်းပြပေးဖို့ငှားတဲ့ လက်စ်က အဖွဲ့သားအားလုံးကို လေ့ကျင့်ပေးချိန်မလောက်လို့ အသင့်မဖြစ်သေးဘူးပြောတာကို သူများထက်စောရောက်ချင်တဲ့ ဝေလန်က နားမထောင်တဲ့အတွက် စတင်ထွက်ခွာလာပါတယ်။ ရောက်တာနဲ့ သူတို့သွားချင်တဲ့ ရေခဲပြင်အောက်က ပိရမစ်ဆီ တန်းဆင်းခဲ့ပါတယ်။ ပိရမစ်ထဲမှာ ထူးဆန်းတဲ့ ယဇ်ပူဇော်ခန်းဆောင်နဲ့ လက်နက်တွေ သတ္တဝါအရိုးတွေတွေ့ရပြီး ပြန်လမ်းမရှိတဲ့ စစ်ပွဲအလယ်ကို ရောက်သွားတဲ့အခါမှာတော့... ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်။

ခုနစ်ပြည်ထောင်မက လူအပေါင်းကစွဲလမ်းရတဲ့ ကချေသည်မလေး ပူလာဝတီ..။ ဧကရာဇ်မင်းတွေကိုယ်တိုင်က လိုချင်တသသဖြစ်ကြရတဲ့အလှပဂေးလေး။ ပြည့်ရတနာလို တန်ဖိုးရှိလှတဲ့မိန်းမလှလေးတစ်ယောက်ပေါ့။ တစ်နေ့မှာ ပူနေးမြို့ကိုသွားပြီး ကပြဖျော်ဖြေရဖို့အကြောင်းဖန်လာခဲ့တယ်။ ဒါပေမဲ့ ဘဝမှာ ပထမဆုံးအကြိမ်အဖြစ်နဲ့ သူမ စော်ကားခံခဲ့ရတယ်။ ပူနေးတစ်မြို့လုံးက လေးစားကြည်ညိုရတဲ့ စာပေပညာရှင်တစ်ဦးဟာ သူမကို ပြည့်တန်ဆာမလို့ သမုတ်လိုက်သတဲ့လေ။ အဲ့ဒါကြောင့် သူမကလည်း မခံမရပ်နိုင်ဖြစ်ပြီး စိန်ခေါ်ပွဲတစ်ခုကိုတောင်းဆိုပါတော့တယ်။ အဲ့ဒါကတော့ ဒီပြိုင်ပွဲမှာ သူရှုံးခဲ့ရင် စာပေပညာရှင်ရဲ့အိမ်မှာ အစေခံသွားလုပ်မှာဖြစ်ပြီး စာပေပညာရှင်ဘက်က ရှုံးခဲ့ရင်တော့ ​သူမရဲ့ခြေချင်းကိုဝတ်ခိုင်းပြီး တိရစ္ဆာန်တစ်ကောင်လို မြို့အနှံ့ဆွဲခေါ်သွားခံရမတဲ့လေ။ ဘဝနဲ့ရင်းထားရတဲ့ ဒီပြိုင်ပွဲမှာ ဘယ်သူကများနိုင်ပြီး ဘယ်သူကရှုံးလေမလဲ...။ ဇာတ်လမ်းအညွှန်းနဲ့ ဘာသာပြန်သူကတော့ Zed ဖြစ်ပါတယ်။

ဒီကားက အမေရိကန်ကျောင်းတွေ ကောလိပ်တွေမှာ ကျောင်းသားတွေ ပြုမူတတ်တဲ့ ပုံစံတွေကို ဖော်ပြထားပါတယ်။ နောက်ဆုံးနှစ်ကျောင်းသား ဟာဗီယာက မက္ကဆီကိုသွေးနှော လူကောင်သေးသေးဖြစ်ပြီးတော့ အားကစားသမားတွေ လူချမ်းသာသားသမီးတွေ အနိုင်ကျင့်တာကို ခံနေရတယ်။ တစ်နေ့မှာ လှေကားပေါ်က ပြုတ်ကျပြီးတော့ ရုတ်တရက် စိတ်စွမ်းအားတွေ ရလာတယ်။ ကျောင်းကကျောင်းသားတွေကို လိုက်သတ်နေတဲ့ လူသတ်သမားကို အဲဒီအစွမ်းသုံးပြီး ရပ်တန့်ဖို့ ကြိုးစားရပါတော့တယ်။ ဇာတ်လမ်းအညွှန်းနဲ့ ဘာသာပြန်သူကတော့ Nanda Tun Kyaw ဖြစ်ပါတယ်။

ကမ္ဘာပေါ်မှာ အချစ်ဆိုတဲ့အရာကအကောင်းဆုံးဆိုပေမဲ့ အရမ်းလွန်ကဲလွန်းသွားရင်လည်းမကောင်းပါဘူး။ကိုယ့်ကိုမချစ်တဲ့လူတစ်ယောက်ကိုမှ ကိုယ့်ဖက်ကတစ်ဖက်သတ်အတင်းတွေလိုက်ချစ်နေမိရင်ပိုဆိုးပါသေးတယ်။အဲ့ဒီအခါကျတော့မလိုလားအပ်တဲ့ မဖြစ်သင့်တဲ့အရာတွေဖြစ်လာပြီး နောက်ဆုံးမှာတော့ဆိုးဝါးတဲ့ရလာဒ်တွေရလာတတ်ပါတယ်။အဲ့ဒီအကြောင်းအရာတွေကိုမျက်စိထဲကွင်းကွင်းကွက်ကွက်မြင်သာလာအောင်ရိုက်ကူးပြသထားတဲ့ ၂၀၁၄ ခုနှစ်တုန်းကထွက်ရှိခဲ့တဲ့ Broken Vows ဆိုတဲ့ဒရာမာဇာတ်ကားလေးကိုတင်ဆက်ပေးလိုက်ပါတယ်။တယ်ရာဆိုတဲ့အမျိုးသမီးတစ်ယောက်က မကြာခင်မှာမင်္ဂလာဆောင်တော့မှာဖြစ်တဲ့အတွက် သူတို့ရဲ့ထုံးတမ်းစဉ်လာအတိုင်း အပျိုအားလပ်ရက်ကို မိန်းကလေးတွေချည်းပဲဖြတ်သန်းခဲ့ပါတယ်။အဲ့ဒီအားလပ်ရက်အတွင်းမှာ တယ်ရာက ဘားမှာတွေ့တဲ့ ပက်ထရစ်ဆိုတဲ့လူတစ်ယောက်နဲ့မှားခဲ့မိပြီး နောက်နေ့မှာတော့အိမ်ကိုအမြန်ပြန်ပြေးလာခဲ့ပါတော့တယ်။သူ့ခင်ပွန်းလောင်းရှေ့မှာဘာမှမဖြစ်သလိုဟန်ဆောင်နေခဲ့ပေမဲ့ ပက်ထရစ်ကသူ့ကိုအရမ်းတွေစွဲလမ်းသွားပြီး အိမ်အထိလိုက်လာတဲ့အခါမှာတော့ပြဿနာတွေစလာခဲ့ပါတော့တယ်။ဒီလိုနဲ့တယ်ရာလည်း တဖြည်းဖြည်း မင်္ဂလာဆောင်ဖို့နီးလာပြီး ပက်ထရစ်ကလည်း သူ့ကိုမချစ်တဲ့တယ်ရာ့နောက်က တကောက်ကောက်လိုက်ရင်း မဖြစ်နိုင်တဲ့အချစ်တစ်ခုကိုဖန်တီးဖို့ကြိုးစားရင်းနဲ့ ဘာတွေဆက်ဖြစ်လာမယ်ဆိုတာကို စိတ်ဝင်စားစရာကောင်းအောင်ရိုက်ကူးထားတဲ့ ဒရာမာဇာတ်ကားလေးတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eaz

Action ကိုမှ Drama ပါးပါးလေးထည့်ထားတဲ့ ရာဇဝတ်မှုခင်းကားဖြစ်ပြီး မင်းသားကြီး Bruce Willis က ပင်စင်ယူတော့မယ့် ရဲအရာရှိဂျက်မိုစလီအဖြစ် ပါဝင်သရုပ်ဆောင်ထားပါတယ်။ ဂျက်က ပင်စင်ယူကာနီးမှာ နောက်ဆုံးမစ်ရှင်အဖြစ် သက်သေခံထွက်ဆိုမယ့် မျက်မြင်သက်သေအကျဉ်းသားအက်ဒီကို သူရှိတဲ့နေရာကနေ 16ဘလော့ဝေးတဲ့ တရားရုံးချုပ်ဆီ အချိန်မီပို့ပေးရမယ့်တာဝန် ယူလိုက်ရပါတယ်။ ဒါမဲ့ အက်ဒီကို သူခေါ်လာတဲ့လမ်းမှာ လက်နက်ကိုင်တစ်စုက နောက်ကလိုက်လာပြီး ပစ်ခတ်တဲ့အတွက် ဝရုန်းသုန်းကားဖြစ်သွားပါတယ်။ အဖြစ်မှန်က အက်ဒီက အကျင့်ပျက်ခြစားတဲ့ရဲအရာရှိတွေနဲ့ဆန့်ကျင်သက်သေခံရမှာဖြစ်ပြီး နယူးယောက်ရဲဌာနတစ်ခုလုံးက ဒီလိုမဖြစ်စေချင်တဲ့အတွက် အက်ဒီကို အသေပစ်သတ်ဖို့ ဆုံးဖြတ်ပြီး လိုက်လာတဲ့အခါ...အမှန်တရားဖော်ထုတ်ဖို့ ဂျက်က အက်ဒီ့ကို စွန့်စားကယ်တင်မှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

The Greatest Story of Survival လို့ဆိုလိုက်တာနဲ့ ၁၉၁၄ ခုနှစ်မှာ တောင်ဝင်ရိုးစွန်းဒေသ အန္တာတိတ်ကို စူးစမ်းလေ့လာရေးထွက်ခဲ့သူ ‘ဆာ အန်းနက်စ် ရှက်ကယ်လ်တန်’ကိုပဲ ပြေးမြင်ကြမှာပါ။ သူနဲ့ ပတ်သက်ပြီး မှတ်တမ်းရုပ်ရှင်တွေ၊ ရုပ်ရှင်ဇာတ်လမ်းတွေလည်း အများအပြား ထွက်ရှိခဲ့ပါတယ်။ အဓိက,ကတော့ သူ့အဖွဲ့သား ၂၇ ယောက်အပေါ် သူ့ရဲ့ ခေါင်းဆောင်မှုကောင်းခဲ့တာတွေ၊ ရေခဲပင်လယ်ပြင်မှာ တစ်နှစ်နီးပါး ပိတ်မိပြီးနောက် ကုန်းတစ်တန်ရေတစ်တန်နဲ့ လူတွေနေထိုင်ရာ အရပ်ကို ပြန်ရောက်လာအောင် ကြိုးပမ်းကြရပုံတွေကို ဖော်ကျူးကြပါတယ်။ Documentary/ Adventure ရုပ်ရှင်အမျိုးအစားဖြစ်တဲ့ ဒီဇာတ်လမ်းမှာတော့ ‘တင်မ်ဂျားဗစ်’ဆိုတဲ့ ဩစတြေးလျံစူးစမ်းလေ့လာသူက ရှက်ကယ်လ်တန်သွားခဲ့တဲ့ လမ်းကြောင်းအတိုင်းပဲ ရေခဲပင်လယ်ပြင်မှာ သင်္ဘောညပ်သွားတာကစလို့ လှိုင်းကြမ်းတဲ့ တောင်ပင်လယ်ကို ပြန်ဖြတ်ပြခဲ့ပါတယ်။ တောင်ဂျော်ဂျီယာကျွန်းပေါ်က အက်ကွဲကြောင်းတွေ အပြည့်ရှိပြီး အန္တရာယ်သိပ်ကိုများတဲ့ ရေခဲတောင်တွေကိုလည်း သူ ခြေလျင်တက်ပြမှာပါ။ တစ်ဖက်မှာလည်း ရှက်ကယ်လ်တန်တို့ အဖွဲ့သားတွေ တောင်ဝင်ရိုးစွန်းဒေသမှာ ကြုံတွေ့ခဲ့ရပုံကို အသံသရုပ်ဆောင် Rupert Degas က ရှက်ကယ်လ်တန်နေရာကနေ ပါဝင်ပြီး အားဖြည့်ထားပါတယ်။ ဒီမှတ်တမ်းတင်ရုပ်ရှင်ကနေတဆင့် တင်မ်ဂျားဗစ် ပေးချင်တဲ့ သတင်းစကားကတော့ ဘယ်လိုနေရာကိုရောက်နေပါစေ အပြုသဘောဆောင်တဲ့ စိတ်နေစိတ်ထားကိုသာ ဆက်လက်မွေးမြူပြီး ကြိုးစားမ

ဂျပန် manga series ပရိသတ်တွေ အကြိုက်တွေ့မဲ့ sci-fi ပုံစံ ဂျပန်ကျောင်းသား ဟာသအက်ရှင်ဇာတ်လမ်းလေးနဲ့ မိတ်‌ဆက်ပေးချင်ပါတယ်။ နာမည်တူ manga series ကိုပဲ ရုပ်ရှင်အဖြစ် ပြန်အသက်သွင်းထားတာပါ။ ဇာတ်လမ်းအကျဉ်းကတော့ - ဂျပန်အလယ်တန်းကျောင်းတစ်ကျောင်းမှာ ကျောင်းသားတွေရဲ့အဆင့်လိုက် အတန်းခွဲလိုက်တဲ့အခါ အညံ့ဆုံးကျောင်းသားတွေဟာ ဘိတ်ချေးတန်းလို့ခေါ်ကြတဲ့ အတန်း E မှာ သွားစုနေပါတယ်။ အဲဒီအတန်းမှာ နာဂီဆာဆိုတဲ့ ကျောင်းသားလေးလည်း ပါ၀င်ပါတယ်။ တစ်နေ့တော့ သူတို့အတန်းကို ထူးဆန်းတဲ့ဆရာတစ်ယောက် ရောက်လာပါတယ်။ သူကတော့ ရေဘဝဲပုံစံကိုယ်ထည်ရှိတဲ့ စွမ်းအားမြင့်သတ္တဝါ ဂြိုလ်သားတစ်ယောက် ဖြစ်ပါတယ်။ ကျောင်းသားတွေက သူ့ကို ဆရာကိုရိုလို့ နာမည်ပေးထားကြပါတယ်။ ပိုထူးဆန်းတာကတော့ ကျောင်းသားတွေက ဆရာကိုရိုကို သတ်ရမှာဖြစ်ပြီး ဆရာကိုရိုက အတန်းစာတွေအပြင် သူ့ကိုသတ်နိုင်မဲ့နည်းတွေကိုလည်း လေ့ကျင့်ပေးပါတယ်။ အဲ‌ဒါကြောင့် သူတိုအတန်းကို လုပ်ကြံသတ်ဖြတ်ရေး စာသင်ခန်းလို့ ခေါ်ပါတယ်။ စွမ်းအားမြင့် ဂြိုလ်သတ္တဝါဆန်းဖြစ်တဲ့ ဆရာကိုရိုဟာ လကိုဖျက်ဆီးခဲ့ပြီး ကမ္ဘာမြေကိုလည်းဖျက်ဆီးပစ်မဲ့သူပါ။ ကမ္ဘာကိုမဖျက်ဆီးခင်မှာ သူ့ကိုသတ်ဖို့ အခွင့်အရေးပေးခဲ့ပေမဲ့ ကမ္ဘာပေါ်က ဘယ်လက်နက် ဘယ်လိုအရာကမှ သူ့ကိုမဖျက်ဆီးနိုင်ခဲ့ပါဘူး။ အဲဒါကြောင့် ဆရာကိုရိုဟာ အစိုးရနဲ့အပေးအယူလုပ်ပြီး ကျောင်းကအပယ်ခံ အတန်း E ကျောင်းသားတွေကို သူ့ကိုသတ်ဖြတ်နိုင်အောင် လေ့ကျင့်ပေးဖို့ ရွေးချယ်

*Vasco Da Gama* ဟာ ဒါရိုက်တာ RG Krishnan ရဲ့ ထူးခြားတဲ့ ဇာတ်လမ်းတစ်ပုဒ်ဖြစ်ပြီး လူမှုရေးသဘောတရားများကို ဟာသပေါင်းစပ်ကာ Parodyဆန်ဆန်ဖန်တီးထားပါတယ်။ ဇာတ်ဆောင် ဖြစ်တဲ့ Vasudevan ဟာ ကောင်းတာကိုမကောင်းတာလုပ် ၊ မကောင်းတာကိုအကောင်းလုပ်ပြီး နောက်ပြန်အလေ့အထနဲ့နေထိုင်တဲ့ လူ့အဖွဲ့အစည်းမှာနေထိုင်သူတဦးပါ။ ပုဂ္ဂိုလ်ရေးဆိုင်ရာ ဆုံးရှုံးမှုတစ်ခုကြုံရပြီးနောက်မှာ Vasco Da Gama အကျဉ်းထောင်ကိုရောက်ရှိသွားတဲ့ Vasu ဟာ အပြစ်ရှိသူတွေအတွက် ကောင်းကင်ဘုံလိုကောင်းတဲ့ နေရာတစ်ခုကို ရှာတွေ့သွားပါတော့တယ်။ ဒီ ထူးဆန်းတဲ့အကျင့်သဘာဝတွေနဲ့ပြည့်နေတဲ့settingနဲ့ကမ္ဘာကြီးမှာ ချစ်သူကိုပြန်လည်တွေ့ရှိပြီး သူဟာထူးခြားတဲ့ စိန်ခေါ်မှုအမျိုးမျိုးကိုရင်ဆိုင်ရပါတော့တယ်။ စိတ်ကူးများစွာနဲ့ အတွေးအမြင်သစ်အသစ်တွေကို ဖော်ပြထားကာ ဟာသနှောပြီးရိုက်ကူးထားတဲ့ *Vasco Da Gama* ဟာ တခြားရုပ်ရှင်တွေနဲ့မတူပဲ တမူထူးခြားတဲ့ဆွဲဆောင်မှုရှိနေမှာ အမှန်ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Htet Htet Aung ဖြစ်ပါတယ်