လူကြည့်များသော ရုပ်ရှင်များ

ဇာတ်လမ်းလေးကတော့ အမေရိကန်နဲ့ ဂျာမန်တို့ရဲ့ မောမဒီရှေ့တန်းမှာ အမေရိကန်တွေအရေးနိမ့်ပြီး သုံးပန်းအဖြစ်အဖမ်းခံထားရတဲ့တပ်သားတွေကို မသတ်ပစ်ခင် ပြဿနာတက်ကြပြီး တပ်သားအချို့လွတ်မြောက်သွားကြပါတယ်။လွတ်သွားတဲ့တပ်သား၄ယောက်ဟာ အမေရိကန်စခန်းတစ်ခုခုကိုပြန်ဖို့ကြိုးစားနေရင်း ကင်ထောက်ဖို့လွှတ်လိုက်တဲ့ လေယာဉ်တစ်စီးသူတို့နားကို ပျက်ကျလာရာကနေ အရေးပါတဲ့ သတင်းတစ်ခုရထားကြောင်းသိသွားချိန်မှာတော့ ထိုတပ်သားကို မန်ဟိုင်မြို့က အမေရိကန်ပင်မစခန်းတစ်ခုကိုပို့ဖို့ကြိုးစားရင်းနဲ့ပဲ လမ်းတစ်လျှောက်မှာ သူတို့ကြုံတွေရမယ့်အဖြစ်အပျက်တွေနဲ့ ဂျာမန်စစ်ကြောင်းကြီးကိုရော ဖြတ်ကျော်သွားနိုင်မှာလားဆိုတာကို ဇာတ်လမ်းလေးကိုကြည့်ရှုခံစားလိုက်ကြပါအုံး... ဒီဇာတ်ကားကိုအညွန်းနဲ့ဘာသာပြန်ပေးသူကတော့ innocent sheep ဖြစ်ပါတယ်

ဒီဇာတ်ကားလေးကတော့ Sapta Sagaradaache Ello - Side Aရဲ့နောက်ဆက်တွဲ ဇာတ်ကားလေးပဲဖြစ်ပါတယ်။၁၀နှစ်အကြာမှာ မာလ်နူတစ်ယောက် ထောင်ထဲကနေ ထွက်လာနိုင်ခဲ့ပေမဲ့ ချစ်ရသူပါရီရာလ်ကတော့ အခြားအမျိုးသားတစ်ယောက်နဲ့လက်ထပ်ကာ ကလေးတစ်ယောက်တောင် မွေးထားခဲ့ပြီပဲဖြစ်တယ်။မာလ်နူတစ်ယောက် အတိတ်ကိုစွန့်လွှတ်ပြီး ဘ၀သစ်မှာ ရှင်သန်ဖို့အတွက် နောက်ဆုံးအကြိမ်အနေနဲ့ ပါရီရာလ်ကို တိတ်တိတ်လေးသွားကြည့်ဖို့ ဆုံးဖြတ်ခဲ့တယ်။ အဲ့အချိန်မှာ ပါရီရာလ်ဘ၀ဟာ မာနူလ်ထင်ထားသလို မသာယာနေတာကို သိရှိသွားခဲ့တယ်။စီးပွားပျက်သွားတဲ့ယောကျာ်းကြောင့် ကလေးတစ်ယောက်နဲ့အတူရုန်းကန်နေရတဲ့ပါရီရာလ်ကို မြင်သွားပြီးနောက်မှာတော့ မာလ်နူဟာ ပါရီရာလ်ရဲ့နောက်ကနေလိုက်လံစောင့်ရှောက်ပြီး ပါရီရာလ်လိုချင်တဲ့ဘ၀လေးပိုင်ဆိုင်နိုင်ဖို့အတွက် ကူညီပေးနေခဲ့တယ်။အဲ့အချိန်မှာဘဲ ထောင်ထဲက ရန်သူတော်ကြီးက မာနူလ်ကို လက်စားချေဖို့ ရောက်လာချိန်မှာတော့ မာနူလ်တစ်ယောက် ချစ်ရသူပါရီရာလ်ကို ကာကွယ်စောင့်ရှောက်နိုင်ပါ့မလား။ပါရီရာလ်ရဲ့ဘ၀ကိုရော ‌ပျော်ရွှင်အောင်ဖန်တီးပေးနိုင်ပါ့မလားဆိုတာကို ကြည့်ရှူပေးကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

တစ်နေ့ ဝန်ကြီးတစ်ဦးရဲ့နေအိမ်အနီးရေကန်ထဲမှာ ပလက်စတစ်အိတ်ထဲထုတ်ထားတဲ့ အသတ်ခံထားရပြီးဖြစ်တဲ့ ဦးခေါင်းခွံတစ်ခုရယ် ဆံပင်အချို့နဲ့ အသားအစအနတွေကိုတွေ့ခဲ့ရပါတယ် ဒါပေမယ့် ခန္ဓာကိုယ်အစိတ်အပိုင်းတွေကိုတော့ မတွေ့ခဲ့ရပါဘူး ထိုသတင်းထွက်ပေါ်လာတဲ့ အချိန်မှာတော့ ရဲတပ်ဖွဲ့ကနေ အသတ်ခံရသူကဘယ်သူလဲ လူသတ်သမားကကော ဘယ်သူဖြစ်မလဲ ဘာကြောင့်ဒီလိုမျိုးရက်ရက်စက်စက်သတ်သလဲဆိုတာကိုစုံစမ်းဖို့ ဖြစ်လာခဲ့ပါတော့တယ် တစ်ဖက်မှာလည်း မေဂါဆိုတဲ့အမျိုးသမီးဟာ အိမ်အသစ်တစ်ခုကိုအိမ်ပြောင်းလာခဲ့ပါတော့တယ် ဒါပေမယ့်သူပြောင်းလာခဲ့တဲ့ အိမ်အတွင်းမှာ မူမမှန်တာတွေ တစ်နေ့တစ်ခြားဖြစ်လာခဲ့ပြီး ခြောက်ခြားစရာတွေ ဆက်တိုက်ကြုံလာတဲ့အခါမှာတော့ စပြီးတော့အဖြေရှာခဲ့ပါတော့တယ် ဒီကားကိုတော့စိတ်လှုပ်ရှားစရာကောင်းစွာနဲ့ ပဟေဌိဆန်ဆန်ကြည့်ရှုရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shwe Yee ဖြစ်ပါတယ်

ဒီတစ်ခါမိတ်ဆက်ပေးချင်တဲ့ဇာတ်ကားလေးကတော့ Sci-Fi, Thriller အမျိုးအစားဖြစ်ပြီး သံသယစိတ်ကြောင့် ပြောင်းလဲတတ်တဲ့ လူ့သဘောသဘာဝကို ဖော်ပြထားတဲ့ ဇာတ်ကားလေးဖြစ်ပါတယ်။ ဇာတ်လမ်းအကျဉ်းကတော့ ကီရာဟာ ဇီဝအင်ဂျင်နီယာတစ်ယောက်ဖြစ်ပြီး I.S.S အာကာသသုတေသနစခန်းမှာ တာဝန်ထမ်းဆောင်ဖို့ စေလွှတ်ခံခဲ့ရပါတယ်။ သူ့ရဲ့ပထမဆုံး အတွေ့အကြုံဖြစ်တဲ့အတွက် အရမ်းစိတ်လှုပ်ရှားနေသလို စိုးရိမ်ပူပန်မှုတွေကလည်း ပြည့်နှက်နေခဲ့တာပေါ့။ I.S.S အာကာသသုတေသနစခန်းကို အမေရိကန်နဲ့ရုရှားက ပူးပေါင်းဆောင်ရွက်နေတာဖြစ်တဲ့အတွက် အမေရိကန်အာကာသယာဉ်မှူးတွေပါဝင်သလို ရုရှားအာကာသယာဉ်မှူးတွေလည်း ပါဝင်ပါတယ်။ အားလုံးက အသစ်ရောက်လာတဲ့ကီရာကို ဆောင်ရန်ရှောင်ရန်တွေမှာပြီးတဲ့နောက် အာကာသထဲက အရမ်းလှတဲ့မြင်ကွင်းတစ်ခုကိုပြသခဲ့ပါတယ်။ အဲဒီအချိန်မှာပဲ ကမ္ဘာပေါ်မှာ မီးတောင်ပေါက်ကွဲမှုလိုလိုမီးရောင်တွေကို မြင်တွေ့ခဲ့ရပြီး တကယ်တော့ အဲဒီမီးရောင်တွေဟာ အမေရိကန်နဲ့ရုရားကြားမှာနျူကလီးယား စစ်ပွဲဖြစ်နေတာပါ။ အဲဒီအဖြစ်အပျက်ပြီး သိပ်မကြာခင်မှာပဲ ဆက်သွယ်ရေးလိုင်းတွအားလုံး ပြတ်တောက်သွားပြီး အားလုံးဟာ ဘာလုပ်လို့ ဘာကိုင်ရမှန်းမသိ ဖြစ်ကုန်ပါတော့တယ်။ ဒါပေမဲ့ ဆက်သွယ်ရေးလိုင်းတွေမပြတ်ခင်မှာ အမေရိကန်ဘက်က လျှို့ဝှက်အမိန့်တစ်ခု ရခဲ့သလို ရုရှားဘက်ကလည်း လျှို့ဝှက်အမိန့်တစ်ခုရခဲ့ပါတယ်။ အဲဒီအမိန့်ကတော့ I.S.S အာကာသသုတေသနစခန်းကို ဘာနည်းနဲ့ဖြစ်ဖြစ် ထိန်းချုပ်ဖို့ပါပဲ။ အရင

ဒီကားကတော့ အတိုဆုံးပြောရရင် ခြေနှစ်ချောင်းမကယ်ကောင်းဆိုတဲ့ စကားပုံကို သရုပ်ဖော်ထားတာပါ။ သနားလို့ ကယ်ထားမိရာကနေ ရှိတာဆုံးပြီး လူပါ မသေရုံတမယ် ကံဆိုးသွားတဲ့ ကလေးသူငယ်၀န်ဆောင်မှုဌာနက ၀န်ထမ်း အမ်မလီရဲ့ ဖြစ်ရပ်ကို ရှုစားရမှာ ဖြစ်ပါတယ်။ အမ်မလီက နေ့စဉ် အလုပ်မှာ မိသားစု အိမ်တွင်းရေးပြသာနာတွေ အကျပ်အတည်းတွေ ကလေးသူငယ်နှိပ်စက်တဲ့အမှုတွေကို တွေ့ဆုံဖြေရှင်းရပါတယ်။ 39 ခုမြောက် ကေ့စ်မှာတော့ ထူးဆန်းတဲ့မိသားစု 3 ယောက်နဲ့ ကြုံတွေ့ရပါတယ်။ ကလေးမလေး လီလီက အပြင်ပန်းဒဏ်ရာမရှိပေမယ့် ဒုက္ခရောက်နေသလိုမျိုး ခံစားမိနေတာပါ။ မိဘနှစ်ယောက်ကလည်း အမ်မလီနဲ့တွေ့ရတာကို သဘောကျပုံမပြပါဘူး။ တစ်ညမှာတော့ မိဘတွေက လီလီကို oven ထဲ ထည့်ပြီး မီးရှို့မယ်လုပ်တုန်း အမ်မလီရောက်လာပြီး ကယ်တင်နိုင်ခဲ့ပါတယ်။ လင်မယားနှစ်ယောက်ကတော့ ထောင်ထဲရောက်သွားတာပေါ့။ အစက လီလီကို မွေးစားမိဘရှာပေးဖို့ စီစဉ်ထားပေမယ့် အမ်မလီက လီလီတိုက်တွန်းတာရော သနားတာကြောင့်ပါ အိမ်ခေါ်ပြီး မွေးစားဖြစ်သွားပါတယ်။ လီလီရောက်လာပြီးနောက်ပိုင်းမှာ မူမမှန်တာတွေ စဖြစ်လာပြီး အမ်မလီ့နားက လူတွေ သေသွားတဲ့အခါ...လီလီက ဘာလဲ...သူ့မိဘတွေက သူ့ကိုဘာလို့ သတ်ဖို့လုပ်တာလဲ... အမ်မလီဆီက သူဘာလိုချင်နေတာလဲဆိုတာ...ကိုယ်တိုင်ကိုယ်ကျ ဆက်ကြည့်လို့ရပါပြီ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai K K ဖြစ်ပါတယ်

ဒီဇာတ်ကားလေးကတော့ ဂျက်ကီချမ်းမင်းသားကြီးပါဝင်သရုပ်ဆောင်ထားတဲ့ဇာတ်ကားပဲဖြစ်ပါတယ် ကိစ္စကြီးတစ်ခုကို လျှို့ဝှက်လုပ်ဆောင်ဖို့ပြန်လာတဲ့ဟွမ်ဟွေ့ အဲဒီကိစ္စနဲ့စပ်လျဥ်းပြီးချစ်သူကောင်မလေးရဲ့အဖေရုတ်တရက်အသတ်ခံရပြီး စစ်ဆေးကြည့်တဲ့အခါ ထိုသူဟာအကျဥ်းသားဖြစ်ပြီးထူးဆန်းတာတော့ ၃လအကြာထဲကသေဆုံးပြီးသားသူဖြစ်နေပါတယ်.... အကျဥ်းထောင်ဆိုတာဘယ်သူမှမရောက်ဖူးချင်ပေမဲ့ လူတချို့ကတော့ အမှုဖော်ထုတ်ချင်လို့တမင်ထောင်ထဲသွားရာမှ... ဘယ်လိုမျိုးအရာတွေတွေ့ရမလဲဆိုတာကတော့ အက်ရှင်ဆန်ဆန် ရင်ခုန်စိတ်လှုပ်ရှားစွာကြည့်ရမှာပဲဖစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Error ဖြစ်ပါတယ်

Joramဒီဇာတ်ကားမှာတော့ ဒါလ်ဆုဟာ မွေးရပ်မြေကို စွန့်ပစ်ကာ မိန်းမဖြစ်သူဗာလ်လိုနဲ့မွေးကင်းစလသားအရွယ်သမီးလေးဂျိုလ်ရမ်နဲ့အတူ ဆောက်လုပ်‌ရေးခွင်မှာ အလုပ်လုပ်ပြီးတော့ အသက်ရှင်ရုန်းကန်နေရသူတစ်ယောက်ဖြစ်တယ်။ဗာလ်လိုက မွေးရပ်မြေကို ပြန်ချင်ပေမဲ့ ဗာလ်ဆုရဲ့အတိတ်က လုပ်ရပ်တွေကြောင့် မွေးရပ်မြေကို ပြန်လို့မရဖြစ်နေခဲ့တယ်။တစ်နေ့မှာတော့ အမည်မသိလူတွေက ဗာလ်ဆုတို့အိမ်ရောက်လာပြီး ဇနီးဖြစ်သူဗာလ်လိုကို သတ်ဖြတ်သွားခဲ့တဲ့အပြင် ရဲတွေကလဲ ဗာလ်ဆုကို လူသတ်သမားအဖြစ်လိုက်လံဖမ်းဆီးနေတာကြောင့် သမီးလေးဂျိုလ်ရမ်ကိုခေါ်ကာ မွေးရပ်မြေကို ပြန်လာခဲ့တယ်။ ဗာလ်ဆုရဲ့ အတိတ်ကလုပ်ရပ်တွေကြောင့် သူတို့မိသားစုကိုလက်စားချေဖို့အတွက် မွေးရပ်မြေမှာ စောင့်နေတဲ့လူရှိကြောင်းကို မသိတဲ့ဗာလ်ဆုတစ်ယောက်ဟာ မွေးရပ်မြေကို ထွက်ပြေးသွားချိန်မှာတော့ ဗာလ်ဆုတို့သားအဖအန္တရာယ်ကင်းပါ့မလား။ဗာလ်ဆုတို့မိသားစုကို သတ်ချင်နေတာကရော ဘယ်သူဖြစ်နိုင်မလဲဆိုတာကို ကြည့်ရှုပေးကြပါအုံး။ ဒီဇာတ်ကားကိုအညွန်းနဲံ့ဘာသာပြန်ပေးသူကတော့ Nora ဖြစ်ပါတယ်

မူလန်လို့ပြောလိုက်တာနဲ့တရုတ်နိုင်ငံကစစ်သည်တော်အမျိုးသမီးသူရဲကောင်းကိုလူတိုင်းပြေးမြင်ကြမှာအသေအချာပါပဲ။ငယ်ငယ်တုန်းကကြည့်ခဲ့ရတဲ့မူလန်ကာတွန်းကားတွေကလူတော်တော်များများရဲ့ဘ၀တွေမှာနေရာယူထားခဲ့ပြီးစိတ်ဓာတ်ခွန်အားတက်ကြွစရာဖြစ်ခဲ့ပါတယ်။အပြင်လောကရဲ့တရုတ်သမိုင်းကြောင်းမှာတော့မူလန်ဆိုတဲ့သူရဲကောင်းကတကယ်မရှိခဲ့ပေမဲ့ယနေ့ထိတိုင်သူ့ကိုလေးစားဂုဏ်ပြုပြီးပုံရိပ်တွေကိုရှင်သန်အောင်ထိန်းသိမ်းထားနေကြတုန်းပါ။အခုတင်ဆက်ပေးမဲ့ 2020 တုန်းကထွက်ရှိခဲ့တဲ့ Matchless Mulan ဆိုတဲ့ဇာတ်ကားကလဲမူလန်အကြောင်းရိုက်ကူးထားတဲ့ဇာတ်ကားတွေထဲကတစ်ကားဖြစ်ပါတယ်။ ဇာတ်ကြောင်းကိုတော့တော်တော်များများသိပြီးကြပေမဲ့မရင်းနှီးသေးတဲ့သူတွေအတွက်အကျဉ်းချုပ်အနေနဲ့ပြောပြပေးပါ့မယ်။မူလန်ဆိုတာကဝေတိုင်းပြည်မှာနေထိုင်နေတဲ့စစ်သည်တော်ဟောင်းတစ်ဦးရဲ့သမီးဖြစ်သူဖြစ်ပြီး တခြားမိန်းကလေးတွေနဲ့မတူပဲသူကရဲရင့်သလိုဓားရေးမှာလဲကျွမ်းကျင်ပါတယ်။သူတို့တိုင်းပြည်ကိုရိုရန်တွေကျုးကျော်တိုက်ခိုက်လာပြီးနောက်မှာတော့စစ်ရေးအင်အားလိုအပ်လာတဲ့အတွက်အမျိုးသားတွေတစ်အိမ်တစ်ယောက်တာဝန်ထမ်းဆောင်ဖို့အမိန့်ကျလာခဲ့ပါတော့တယ်။အဲ့ဒီခေတ်ကစစ်တပ်မှာအမျိုးသားတွေပဲတာဝန်ထမ်းဆောင်ခွင့်ရှိပြီးအမျိုးသမီးတွေကိုစစ်တပ်ထဲမှာတွေ့ရင်အပြစ်ဒဏ်ကကြီးမားပေမဲ့ ဖခင်ဖြစ်သူရဲ့ကျန်းမာရေးကြောင့် အိမ်ကိုမပြောပဲယောက်ျားလေးအနေနဲ့တာဝန်ထမ်းဆောင်ဖို့ထွက်ခွာခဲ့ပါတော့တယ်။အဲ့ဒီနောက်မှာတော့သူ့ရဲ့စစ်ရေးကျွမ်းကျင်မှုနဲ့ရဲရင့်မှ

ဒရာမာဇာတ်ကားကိုမှ တမူထူးခြားလှတဲ့ဇာတ်အိမ်မျိုးနဲ့ကြည့်ချင်တဲ့သူတွေအဖို့ ၂၀၁၂ ခုနှစ်တုန်းကထွက်ရှိခဲ့တဲ့ Gabi ဆိုတဲ့ဇာတ်ကားလေးနဲ့ မိတ်ဆက်ပေးချင်ပါတယ်။ ဒီဇာတ်ကားလေးမှာ မင်းသားဂျိုဂျင်မိုနဲ့ မင်းသမီးကင်ဆိုယွန်တို့ပါဝင်ထားပြီး Russian Coffee ဆိုတဲ့ ဝတ္ထုကို ပြန်လည်ရိုက်ကူးတင်ဆက်ထားတာဖြစ်ပါတယ်။ ဇာတ်လမ်းအကျဉ်းကတော့ အီလီရီချဲ့နဲ့တန်ယာတို့ဟာ ငယ်ငယ်လေးကတည်းက အတူတူကြီးပြင်းလာကြပြီး သိပ်ချစ်ကြတဲ့ချစ်သူတွေပါ။ သူတို့ဟာ ဥရောပ ကုန်တင်ရထားတွေဆီက ကော်ဖီစေ့တွေကို ဓားပြတိုက်ပြီး မင်းမျိုးမင်းနွယ်တွေကို ပြန်ရောင်းချတဲ့အလုပ်ကိုလုပ်ရင်း အသက်မွေးနေကြတာပါ။ ဒါပေမဲ့ တစ်နေ့မှာတော့ သူတို့ဓားပြတိုက်လိုက်တဲ့ရထားဟာ သာမန်ကုန်တင်ရထားမဟုတ်ပဲ ရုရှားစစ်ရထား ဖြစ်ပါတယ်။ ဒီတော့ ရုရှားအာဏာပိုင်တွေဟာ သူတို့နှစ်ယောက်ကို ကွက်မျက်ပစ်ဖို့အတွက် အသည်းအသန်လိုက်ရှာပါတော့တယ်။ အီလီရီချဲ့နဲ့တန်ယာတို့ဟာ ရှောင်တိမ်းဖို့ ကြိုးစားပေမယ့် ရုရှားတွေဆီမှာ အဖမ်းခံလိုက်ရပြီး အသတ်ခံရလုနီးနီးမှာ ဂျပန်တွေက ရုရှားဘက်ကို ရွှေချောင်းတွေပေးပြီး လက်လွဲယူသွားခဲ့ပါတယ်။ တကယ်တော့ ဂျပန်တွေဟာ အီလီရီချဲ့နဲ့တန်ယာတို့ရဲ့အရည်အချင်းကိုအသုံးချပြီး ကော်ဖီကြိုက်တဲ့ ဂျိုဆွန်းဘုရင်ကို အဆိပ်ခတ်လုပ်ကြံမယ့် ဂါဘီစစ်ဆင်ရေးကိုအကောင်အထည်ဖော်ဖို့ပါပဲ။ အဲဒီတော့ အီလီရီချဲ့နဲ့တန်ယာတို့ဟာ ဂါဘီစစ်ဆင်ရေးကို အကောင်အထည်ဖော်နိုင်ပါ့မလား။ သူတို့နှစ်ယောက်ရဲ့အချစ်ရ

ဒီ Raththam ဇာတ်ကားလေးကတော့ တမီးလ်နာဒူမှာဖြစ်ပေါ်လာတဲ့ လူသတ်မှုတွေနဲ့ပတ်သတ်ပြီးနောက်ကွယ်က အဖွဲ့အစည်းကို ထုတ်ဖော်တာဖြစ်ပါတယ် မင်းသားကူမာဟာ မှုခင်းသတင်းထောက်တစ်ဦးဖြစ်ပါတယ် သူဟာသတင်းအတွက်အမှုစုံစမ်းနေရင်း သူ့မိန်းမဟာအိမ်မှာကိုယ်ဝန်နဲ့တစ်ဦးတည်းကျန်ခဲ့ပါတယ် တစ်နေ့သူ့မိန်းမဝေဒနာဖြစ်ချိန်မှာတော့ ဘယ်သူမှသူ့အနားမှာရှိမနေတဲ့အတွက် ဆုံးပါးသွားခဲ့ရပါတယ် ဒီအတွက်ကြောင့်အပြစ်ရှိသလိုခံစားရကာ သတင်းထောက်အဖြစ်အလုပ်ထွက်ခဲ့ပါတယ် ဒါပေမယ့် အယ်ဒီတာတစ်ဦးဖြစ်သလို ပိုင်ရှင်လည်းဖြစ်တဲ့ မင်းသားကူမာဟာ သူ့သမီးအတွက်ကြောင့်နဲ့ တဖန်ပြန်ပြီး ဂျာနယ်လစ်သတင်းထောက်လုပ်ခဲ့ပါတယ် အဲ့အချိန်မှာပဲမင်းသားကူမာဟာ ဘာသာရေး လူမျိုးရေးနဲ့ပတ်သတ်ပြီး မုန်းတီးရေးကနေပြီး လူသတ်မှုတွေဘာကြောင့်ဖြစ်ပေါ်လာရတာလဲ ထိုလူသတ်မှုတွေနောက်ကွယ်မှာ ဘယ်သူတွေကပါဝင်ပတ်သတ်နေလဲဆိုတာကို မင်းသားကူမာဟာ ဘယ်လိုမျိုးစုံစမ်းစစ်ဆေးဖော်ထုတ်သွားမလဲ အဲ့လိုမျိုးစုံစမ်းစစ်ဆေးနေတဲ့အချိန်မှာကော ဘယ်လိုအခက်အခဲတွေကို ရင်ဆိုင်ကြုံတွေပြီးဖြေရှင်းရမလဲဆိုတာကိ ကြည့်ရှုရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shwe Yee ဖြစ်ပါတယ်

ဒီတစ်ခါမိတ်ဆက်ပေးမယ့် ကားကတော့ နာမည်အတိုင်းခြေရှစ်ချောင်းနဲ့ ပင့်ကူတွေ အကြောင်းပါ။ ရိူရိုးသာမန်ပင့်ကူတော့မဟုတ်ပါဘူး chemicals တွေကြောင့် အရွယ်အဆမတန်ကြီးထွားလာတဲ့ ဧရာမပင့်ကူကြီးတွေပါ။ Mining အင်ဂျင်နီယာခရစ်စ်က မြို့ကထွက်သွားပြီး 10 နှစ်အကြာမှာ အဖေဖြစ်သူထားခဲ့တဲ့ မိုင်းတွင်းကို ပြန်ဖွင့်ဖို့လာခဲ့ပါတယ်။ အဲ့မိုင်းတွင်းက တစ်မြို့လုံးရဲ့အောက်မှာ ရှိပြီး အလုပ်မဖြစ်တော့လို့ ပိတ်ထားခဲ့တာကြာပါပြီ။ မြို့သားတွေလည်း အလုပ်အကိုင်ရှားပါးသွားပြီး စီးပွားရေးမကောင်းဖြစ်နေခဲ့တာပါ။ ဆမ်ကတော့ တစ်ခုလပ်ရဲမှူးအမျိုးသမီးဖြစ်ပြီး သား မိုက်ရယ် သမီး အက်ရှ်လီရယ်နဲ့နေပါတယ်။ ဆမ်နဲ့ ခရစ်စ်က ငယ်ငယ်တည်းက သိတဲ့သူတွေပါ။ ဒီကြောက်စရာဇာတ်လမ်းအစကတော့ toxic waste တွေသယ်လာတဲ့ကားပေါ်ကနေ စည်ပီပါတစ်လုံးရေကန်ထဲကျခဲ့ရာကနေ စပါတယ်။ အဲ့စည်က waste တွေက အနီးက ပင့်ကူရောင်းတဲ့ခြံက ပင့်ကူတွေဗိုက်ထဲရောက်သွားတဲ့အခါ... ပင့်ကူပေါင်းရာချီက အရွယ်အစား‌ကြီးလာပြီး မြို့လေးက လူတွေ တိရစ္ဆာန်တွေကို ပွဲတော်တည်တဲ့နောက်...ခရစ်စ်ရယ် ဆမ်ရယ်နဲ့ မြို့သားတွေ ဝိုင်းဝန်းပြီး ဒီသားစားပင့်ကူကြီးတွေကို ဘယ်လိုနှိမ်နင်းမလဲဆိုတာ ခုပဲ အားပေးရှုစားလိုက်ပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

သည်းထိတ်ရင်ဖိုဇာတ်လမ်းတွေကို ကြိုက်နှစ်သက်သူတွေအဖို့ 2006 ခုနှစ်တုန်းက ထွက်ရှိခဲ့တဲ့ Horror, Mystery အမျိုးအစား ကိုးရီးယားဇာတ်ကားလေးတစ်ကားနဲ့ မိတ်ဆက်ပေးချင်ပါတယ်။ ဇာတ်လမ်းအကျဉ်းကတော့ ဟျွန်းဆုဟာ အရမ်းလှပတဲ့ အထက်တန်းကျောင်းသူလေး တစ်ယောက်ဖြစ်ပြီး သူ့အမေကတော့ ပလပ်စတစ်ဆာဂျရီဆရာ၀န်ပါ။ ဟျွန်းဆုသူငယ်ချင်းတွေကတော့ နှာခေါင်းပြင်တဲ့သူပြင် မျက်နှာပြင်တဲ့သူနဲ့ လှချင်လွန်းလို့ လိုအပ်တာတွေမှန်သမျှ အကုန်ခွဲစိတ်ပြုပြင်ကြတဲ့သူတွေပါ။ သူတို့ဟာ ဟျွန်းဆုအမေဆီမှာ ခွဲစိတ်မှုခံယူပြီးနောက်ပိုင်း နဂိုပုံစံထက် အများကြီးပိုလှသွားတော့ ကျေနပ်နေကြတာပေါ့။ ဒါပေမယ့် သိပ်မကြာခင်မှာ ဟျွန်းဆုအမေဆီမှာ ခွဲစိတ်မှုခံယူဖူးသူတွေအားလုံး ထူးဆန်းတဲ့သဘာ၀လွန်ဖြစ်ရပ်တွေနဲ့ ကြုံတွေလာရပြီး ကိုယ့်ကိုယ်ကိုအဆုံးစီရင်သူတွေပါ ရှိလာတော့ ဟျွန်းဆုဟာ အိမ်ရဲ့မြေအောက်ခန်းထဲမှာ ဟိုဟိုဒီဒီမွှေနှောက်ရင်း သူ့မျက်နှာနဲ့ လုံး၀ချွတ်စွတ်တူနေတဲ့မိန်းကလေးတစ်ယောက်ရှိနေတယ်ဆိုတာ သိလိုက်ရပါတော့တယ်။ အဲဒီတော့ ထူးဆန်းတဲ့သဘာဝလွန်ဖြစ်ရပ်တွေရဲ့နောက်ကွယ်မှာ ဘာလျှို့ဝှက်ချက်တွေ ရှိနေမလဲ။ ဟျွန်းဆုနဲ့ချွတ်စွတ်တူနေတာကရော ဘယ်သူဖြစ်မလဲဆိုတာကို ရင်တထိတ်ထိတ်နဲ့ စိတ်ဝင်တစား ကြည့်ရှုခံစားရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ MCEC ဖြစ်ပါတယ်

တရုတ်သိုင်းကားကြည့်ရတာကြိုက်တဲ့သူတွေအတွက်တော့ ယခုတင်ဆက်ပေးမယ့်ဇာတ်လမ်းလေးဟာ စိမ်းနေမှာမဟုတ်ပါဘူး တရုတ်ပြည်ရဲ့ထိပ်တန်းမင်းသား ရှောင်ကျန်းနဲ့ဝမ်ရိပေါ်တို့ပါဝင်သရုပ်ဆောင်ခဲ့ကြတဲ့ ၂၀၁၉ ခုနှစ်ကထွက်ရှိခဲ့တဲ့ (The Untamed) အမှောင်လောကသိုင်းရာဇာဆိုတဲ့ ဇာတ်လမ်းတွဲကို အပိုင်းတိုလေးအနေနဲ့ရိုက်ထူးထားတာပါ နျဲ့အိမ်တော်အကြောင်းအသားပေးရိုက်ကူးထားတဲ့ နျဲ့မင်ကျွယ် နျဲ့ဟွိုက်စန်းတို့ညီအစ်ကိုတွေ ဓားဝိဉာဥ်ကိုဘယ်လိုနှိမ်နင်းမလဲ ကျင်းကွမ်းယောင်ကရော တကယ်ပဲကူညီပေးတဲ့သူလားဆိုတာကိုတော့ ဒီဇာတ်လမ်းလေးထဲမှာကြည့်ရှုလိုက်ကြရအောင်နော် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Error ဖြစ်ပါတယ်

ထောင်ဖောက်ကားတွေကိုမှကြိုက်ပါတယ်ဆိုတဲ့သူတွေအတွက်ပိုစိတ်ဝင်စားစရာကောင်းသွားအောင် ဖြစ်ရပ်မှန်ထောင်ဖောက်ကားလေးတစ်ကားကိုတင်ဆက်ပေးလိုက်ပါတယ်။ဇာတ်ကားနာမည်ကတော့ Bosco ဖြစ်ပြီး IMDb Rating 6.2 ရရှိထားပါတယ်။ဒီဇာတ်ကားကို ၂၀၀၄ ခုနှစ်ကဆေးခြောက်လက်ဝယ်ပိုင်ဆိုင်မှုနဲ့ထောင်ဒဏ် ၃၅ နှစ်တောင်ချမှတ်ခံခဲ့ရတဲ့ ကွမ်တေးဘော့စ်ကိုအက်ဒမ်ဆိုတဲ့လူမည်းတစ်ယောက်ရဲ့ဘ၀ကိုအခြေခံပြီးပြန်လည်ရိုက်ကူးအသက်သွင်းထားတာပဲဖြစ်ပါတယ်။အက်ဒမ်ရဲ့ငယ်ဘ၀ကကြမ်းတမ်းခဲ့ပြီးအဖေကိုယ်တိုင်ကိုကမူးယစ်ဆေးရောင်းဝယ်တဲ့သူဖြစ်တဲ့အတွက်အက်ဒမ်တစ်ယောက်ဒီလမ်းစဉ်ကိုလိုက်ခဲ့တာကလဲမဆန်းပါဘူး။အက်ဒမ်ကဉာဏ်ကောင်းပေမဲ့လောကဓံတွေရဲ့ရိုက်ချက်ကြောင့်ဒီလောကထဲမှာပဲကျင်လည်ခဲ့ရပြီးအသက် ၂၀ လောက်မှာတော့အထက်မှာပြောထားခဲ့တဲ့အတိုင်းပဲထောင်ဒဏ် ၃၅ နှစ်ကျသင့်ခဲ့ပါတော့တယ်။ အမှန်တကယ်ကတော့အသေးစားမူးယစ်ဆေးမှုလေးကြောင့်ဒီလောက်နှစ်တွေအများကြီးအပြစ်ဒဏ်ခံရတာကတရားမျှတတယ်လို့တော့မဟုတ်လှပါဘူး။အဲ့ဒါကိုအက်ဒမ်ကသိတဲ့အတွက်တင်းနေတဲ့အပြင်ကိုမှအပြင်မှာကျန်ခဲ့တဲ့သူ့ကောင်မလေးမှာကိုယ်ဝန်ရှိနေပြီးအဖေတစ်ယောက်ဖြစ်လာတော့မယ်ဆိုတာကိုသိလိုက်ရတဲ့နောက်မှာတော့ထောင်ထဲဝင်တာမှမကြာသေးဘူး ထွက်ပြေးဖို့အတွက်နေ့တိုင်းအစီအစဉ်ဆွဲနေခဲ့ပြီး နောက်ဆုံးမှာအောင်မြင်နိုင်ပါ့မလား အဲ့ဒီအတောအတွင်းမှာရောဘယ်လိုအတွေ့အကြုံတွေကြုံတွေ့ရပြီးသူ့အတွက်ဘယ်လိုသင်ခန်းစာတွေရရှိခဲ့တယ်ဆိုတာကိုကြည့်ရှုရမဲ့ဖြစ်ရပ်မှန်ဇာတ်ကားကောင်းတစ်ကားပဲဖြ

ဒီတစ်ခါမိတ်ဆက်ပေးချင်တဲ့ဇာတ်ကားလေးကတော့ Sex Doll အရုပ်လေးနဲ့ လူသားတစ်ယောက်ရဲ့ကြားက ချစ်ခြင်းမေတ္တာကို ဟာသလေးတွေနဲ့ ပုံဖော်ထားတဲ့ Adult Comedy ဇာတ်လမ်းလေးဖြစ်ပါတယ်။ ဇာတ်လမ်းအကျဉ်းကတော့ အစ်သ်ဟာ ဆယ်ကျော်သက်အရွယ် တက္ကသိုလ်ကျောင်းသား တစ်ယောက်ဖြစ်ပြီး သူ့အဖေကတော့ ပွန်းလောကရဲ့ဘုရင်ကြီးလို့တင်စားရလောက်တဲ့ နာမည်ကျော်အပြာမင်းသားဖြစ်ပါတယ်။ တစ်နေ့မှာ အစ်သ်ရဲ့အဖေဟာ ရုပ်ရှင်ရိုက်ရင်း နှလုံးဖောက်ပြီး ကွယ်လွန်သွားတော့ အစ်သ်က တစ်ကောင်ကြွက်ဖြစ်သွားပါတော့တယ်။ နောက်တစ်နေ့မနက်ရောက်တော့ အစ်သ်ရဲ့အိမ်ရှေ့ကို စက္ကူဗုံးတစ်ခုရောက်နေပြီး စပ်စုချင်စိတ်နဲ့ဖွင့်ကြည့်လိုက်တဲ့အခါ ဉာဏ်ရည်တုပရိုဂရမ်ထည့်သွင်းထားတဲ့ အန်နာလို့ခေါ်တဲ့ Sex Doll အရုပ်လေးဖြစ်နေပါတယ်။ အဲဒီ Sex Doll အရုပ်ကို အစ်သ်ရဲ့ အဖေနဲ့ ဦးလေးချောင်တို့က ဘတ်သန်းတစ်ရာချေးပြီး တီထွင်ဖန်တီးထားတာဖြစ်ပြီး အစ်သ်ရဲ့ အဖေကို စမ်းသပ်အသုံးပြုဖို့ ပို့ပေးလိုက်တာဖြစ်ပါတယ်။ ဒါပေမဲ့ ပါဝင်ဖွင့်လိုက်တာက အစ်သ်ဖြစ်နေတဲ့အတွက် စနစ်က အန်နာရဲ့ပိုင်ရှင်အဖြစ် သတ်မှတ်လိုက်ပါတော့တယ်။ အဲဒီတော့ ဆယ်ကျော်သက်လေးအစ်သ်နဲ့ Sex Doll အရုပ်မလေး အန်နာတို့ဟာ ရှေ့ဆက်ပြီး ဘယ်လိုနှစ်ပါးသွားကြမလဲဆိုတာကို စိတ်ဝင်တစားကြည့်ရှုခံစားရမှာဖြစ်ပါတယ်။ (၁၈+ ဟာသကားဖြစ်တဲ့အတွက် အသက်မပြည့်သူတွေမကြည့်ရှုသင့်ပါ) ဒီဇာတ်ကားကိုအညွန်းနဲ့ဘာသာပြန်ပေးသူကတော့ MCEC ဖြစ်ပါတယ်

လူမျိုးရေးခွဲခြားတဲ့သမိုင်းတွေထဲမှာ ဂျာမန်တွေကဂျူးတွေကိုလူမျိုးရေးခွဲခြားခဲ့တဲ့အဖြစ်ကအကြီးမားဆုံးသမိုင်းတစ်ခုဖြစ်ခဲ့ပါတယ်။အဲ့လိုရက်စက်လှတဲ့ဖြစ်ရပ်တွေက ၁၉၄၀ လောက်မှာနာဇီတွေကအန့်ဝါ့မြို့ကိုသိမ်းပိုက်ထားခဲ့တဲ့ကာလမှာဖြစ်ပွားခဲ့တာဖြစ်ပြီး အဲ့ဒီအချိန်တုန်းကဆိုရင်ဂျူးတွေမှာပြေးစရာမြေနေစရာအိမ်တောင်မရှိကြပါဘူး။အခုတင်ဆက်ပေးမဲ့WILL ဆိုတဲ့ IMDb Rating 7.4 ရရှိထားတဲ့ဇာတ်ကားမှာ အဲ့ဒီတုန်းကသမိုင်းတွေကိုမျက်ဝါးထင်ထင်မြင်တွေ့ရအောင်ရိုက်ကူးပြသထားတာကိုတွေ့ရတာဖြစ်ပါတယ်။ရက်စက်ကြမ်းကြုတ်တဲ့ဂျာမန်တွေရှိသလိုဂျူးတွေအပေါ်မှာသနားကြင်နာတတ်တဲ့ဂျာမန်တွေလဲရှိကြပါသေးတယ်။ ဝေလ်ဆိုတဲ့ရဲအရာရှိဖြစ်တာမကြာသေးတဲ့ကောင်လေးတစ်ယောက်ကစစ်တပ်ရဲအရာရှိတစ်ယောက်ကဂျူးမိသားစုတစ်စုအပေါ်မှာရက်စက်ယုတ်မာနေတာကိုတွေ့ပြီးသည်းမခံနိုင်လို့ဝင်ပါလိုက်တဲ့အခါမှာအဲ့ဒီအရာရှိကသေသွားပါတော့တယ်။အဲ့ဒီအချိန်ကနေစပြီးဝေလ်ကဂျူးလူမျိုးတွေနဲ့တော်လှန်ရေးသမားတွေအပေါ်မှာတောက်လျှောက်ကူညီခဲ့ပြီး အဲ့ဒီအကြောင်းတွေကိုသူ့အထက်အရာရှိတွေသိသွားတဲ့အခါမှာတော့ဘာတွေဖြစ်မယ်ဆိုတာကိုစိတ်ဝင်စားစွာနဲ့ကြည့်ရှုရမဲ့သမိုင်းဇာတ်ကားကောင်းတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

ဒီဇာတ်ကားလေးကတော့ Willy Wonka ပထမဆုံးဇာတ်ကားလေးဖြစ်ပြီး ဟာသမင်းသားကြီး Gene Wilder က Willy Wonka အဖြစ်ပါဝင်သရုပ်ဆောင်ထားပါတယ်။ ဇာတ်လမ်းအကျဉ်းကတော့ Willy Wonka ဟာ ချောကလက်စက်ရုံတည်ထောင်ပြီး ဝန်ထမ်းတွေခန့်ကာ တစ်ကမ္ဘာလုံးကို ချောကလက်တွေ တင်ပို့ရောင်းချလာခဲ့ရာ တစ်နေ့မှာတော့ တခြားစီးပွားပြိုင်ဘက်တွေဟာ စက်ရုံဝန်ထမ်းအယောင်ဆောင်ပြီး Willy Wonka ရဲ့ လျှို့ဝှက်ချောကလက်လုပ်နည်းတွေကို ခိုးယူခဲ့ကြပါတယ်။ Willy Wonka က အဲဒီကိစ္စကိုရိပ်မိသွားတဲ့အခါ ဝန်ထမ်းတွေအားလုံးကို ပြန်လွှတ်ပြီး ချောကလက်စရုံကို ထာဝရပိတ်သိမ်းလိုက်ပြီလို့ ကြေညာခဲ့ပါတယ်။ အဲဒီအချိန်ကစလို့ စက်ရုံကြီးဟာ အသက်မဲ့သွားခဲ့ပြီး ၆ လလောက်အကြာမှာတော့ စက်ရုံကြီးဟာ ပြန်လည်ပတ်နေခဲ့ပါတယ်။ ထူးခြားတာက စက်ရုံဂိတ်တံခါးတွေဟာ ပိတ်ထားဆဲဖြစ်သလို လူဝင်လူထွက်လည်းမရှိပါဘူး။ တစ်နေ့မှာတော့ Willy Wonka က သူ့ရဲ့ချောကလက်တွေထဲမှာ ရွှေရောင်လက်မှတ် ငါးစောင်ကိုထည့်သွင်းထားပြီး ရွှေရောင်လက်မှတ်ကိုပိုင်ဆိုင်ရတဲ့သူက ချောကလက်စက်ရုံထဲတစ်နေ့တာလည်ပတ်ခွင့်ရမယ့်အပြင်၊ တစ်သက်တာချောကလက်ပံ့ပိုးမှုကိုရရှိမှာဖြစ်ပြီး ငါးယောက်ထဲက တစ်ယောက်ကကတော့ အထူးဆုကိုပါ ပိုင်ဆိုင်ခွင့်ရမှာပါ။ အဲဒီကြေညာချက်ကြောင့် လူတိုင်းဟာ ဝန်ကာချောကလက်တွေကို အလုအယက်ဝယ်ယူပြီး ရွှေရောင်လက်မှတ်ရှာပုံတော်ကြီးကို စတင်ကြပါတော့တယ်။ အဲဒီတော့ ရွှေရောင်လက်မှတ် ကံထူးရှင်ငါးယောက်က ဘယ်သူတွေဖြစ်မလဲ။ ချော

ထွက်တာနဲ့ Review ကောင်းတွေပလူပျံနေတဲ့အက်ရှင်မင်းသားကိုကတုံး Jason Statham ရဲ့ The Beekeeper ဆိုတဲ့ကားကိုတင်ဆက်ပေးလိုက်ပါပြီ။IMDb Rating 6.6 အထိရရှိထားပြီးကြည့်ရင်ကောင်းမလားမကြည့်ရင်ကောင်းမလားတွေဝေမနေပဲတန်းကြည့်လိုက်သင့်တဲ့အက်ရှင်ကားကောင်းတစ်ကားဖြစ်ပါတယ်။ကုလားကားတွေထဲမှာတစ်ယောက်နဲ့အများချတာကိုပျင်းတောင်ပျင်းသေးတယ်လို့ပြောနိုင်လောက်တဲ့ ပျားမွေးသမားတစ်ယောက်ဖြစ်တဲ့အက်ဒမ်ခလေးကသူ့အလုပ်ဟောင်းကနေအနားယူပြီးအဖော်မရှိတဲ့အဖွားကြီးတစ်ယောက်ရဲ့ဂိုထောင်လေးမှာငှားရမ်းပြီးပျားမွေးမြူနေပါတော့တယ်။ပြောရရင်နည်းနည်းရှုပ်မလားတော့မသိပေမဲ့သူ့အလုပ်ဟောင်းကလဲပျားမွေးသမားအလုပ်ပဲဖြစ်ပြီးအဲ့ဒီပျားမွေးသမားဆိုတာကိုသိတဲ့လူတွေကဖိန့်ဖိန့်တုန်အောင်ကြောက်နေရတဲ့လျှို့ဝှက်အေးဂျင့်တွေရဲ့နာမည်ဝှက်ပဲဖြစ်ပါတယ်။ ဒါပေမယ့်သူ့ကိုနေစရာစားစရာပေးပြီးကူညီပေးထားတဲ့အဖွားကြီးကလိုင်းပေါ်ကနေသူ့ငွေတွေတစ်ပြားမှမကျန်တော့အောင်အလိမ်ခံလိုက်ရတဲ့အခါမှာတော့ကိုယ့်ကိုယ်ကိုယ်သေကြောင်းကြံခဲ့ပါတော့တယ်။အဲ့ဒါကြောင့်ခလေးကသူ့ဘ၀မှာသူ့ကိုဂရုစိုက်ခဲ့ဖူးတဲ့တစ်ဦးတည်းသောလူကိုဒီလိုအဖြစ်ဆိုးနဲ့ကြုံရအောင်လုပ်ခဲ့တဲ့လူလိမ်တွေကိုအမြစ်ကနေပြီးကျူပင်ခုတ်ကျူငုတ်မကျန် ပျားသဘာ၀နဲ့ပြောရရင်ပျားအုံရဲ့ဘုရင်မကြီးအထိပါတက်ရှင်းရင်းနဲ့ တစ်နိုင်ငံလုံးနဲ့တစ်ယောက်ပါကြုံးတဲ့အထိရှယ်ကြမ်းတဲ့အက်ရှင်တွေတွေ့ရမဲ့တကယ်ကောင်းတဲ့အက်ရှင်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော

ထွက်တာနဲ့ Review ကောင်းတွေပလူပျံနေတဲ့အက်ရှင်မင်းသားကိုကတုံး Jason Statham ရဲ့ The Beekeeper ဆိုတဲ့ကားကိုတင်ဆက်ပေးလိုက်ပါပြီ။IMDb Rating 6.6 အထိရရှိထားပြီးကြည့်ရင်ကောင်းမလားမကြည့်ရင်ကောင်းမလားတွေဝေမနေပဲတန်းကြည့်လိုက်သင့်တဲ့အက်ရှင်ကားကောင်းတစ်ကားဖြစ်ပါတယ်။ကုလားကားတွေထဲမှာတစ်ယောက်နဲ့အများချတာကိုပျင်းတောင်ပျင်းသေးတယ်လို့ပြောနိုင်လောက်တဲ့ ပျားမွေးသမားတစ်ယောက်ဖြစ်တဲ့အက်ဒမ်ခလေးကသူ့အလုပ်ဟောင်းကနေအနားယူပြီးအဖော်မရှိတဲ့အဖွားကြီးတစ်ယောက်ရဲ့ဂိုထောင်လေးမှာငှားရမ်းပြီးပျားမွေးမြူနေပါတော့တယ်။ပြောရရင်နည်းနည်းရှုပ်မလားတော့မသိပေမဲ့သူ့အလုပ်ဟောင်းကလဲပျားမွေးသမားအလုပ်ပဲဖြစ်ပြီးအဲ့ဒီပျားမွေးသမားဆိုတာကိုသိတဲ့လူတွေကဖိန့်ဖိန့်တုန်အောင်ကြောက်နေရတဲ့လျှို့ဝှက်အေးဂျင့်တွေရဲ့နာမည်ဝှက်ပဲဖြစ်ပါတယ်။ ဒါပေမယ့်သူ့ကိုနေစရာစားစရာပေးပြီးကူညီပေးထားတဲ့အဖွားကြီးကလိုင်းပေါ်ကနေသူ့ငွေတွေတစ်ပြားမှမကျန်တော့အောင်အလိမ်ခံလိုက်ရတဲ့အခါမှာတော့ကိုယ့်ကိုယ်ကိုယ်သေကြောင်းကြံခဲ့ပါတော့တယ်။အဲ့ဒါကြောင့်ခလေးကသူ့ဘ၀မှာသူ့ကိုဂရုစိုက်ခဲ့ဖူးတဲ့တစ်ဦးတည်းသောလူကိုဒီလိုအဖြစ်ဆိုးနဲ့ကြုံရအောင်လုပ်ခဲ့တဲ့လူလိမ်တွေကိုအမြစ်ကနေပြီးကျူပင်ခုတ်ကျူငုတ်မကျန် ပျားသဘာ၀နဲ့ပြောရရင်ပျားအုံရဲ့ဘုရင်မကြီးအထိပါတက်ရှင်းရင်းနဲ့ တစ်နိုင်ငံလုံးနဲ့တစ်ယောက်ပါကြုံးတဲ့အထိရှယ်ကြမ်းတဲ့အက်ရှင်တွေတွေ့ရမဲ့တကယ်ကောင်းတဲ့အက်ရှင်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော

အိန္ဒိယရုပ်ရှင်ကားက စိတ်လှုပ်ရှားဖွယ်ဇာတ်လမ်းတစ်ခု ဖြစ်ပါတယ် ဒီကားက IMDB Rating 7.7ရရှိခဲ့တာဖြစ်ပါတယ်မျက်မမြင်မိန်းကလေးတစ်ယောက်က တစ်နေ့မှာ အမည်မသိလူတစ်ယောက်ရဲ့ မုဒိမ်းကျင့်ခြင်းကို ခံခဲ့ရပါတယ် အဲ့နေ့မှာ သူမရဲ့မိဘတွေလည်း မင်္ဂလာဆောင်ကိုသွားခဲ့သလို အိမ်က အစေခံကလည်း ဘဏ်ကိုသွားနေခဲ့တဲ့အတွက် ဘယ်သူမှလည်း မျက်မြင်သက်သေရှိမနေခဲ့ပါဘူး ဒါပေမယ့် ထိုမိန်းကလေးက ဒီအမှုကိုရဲဌာနကိုတင်ပြပြီး စုံစမ်းစစ်ဆေးခဲ့ပါတယ် တစ်ဖက်မှာလည်း ဒီအမှုကိုကိုင်တွယ်ဖြေရှင်းပေးမယ့် ရှေ့နေလည်းရှိမနေခဲ့ပါဘူး ထိုအချိန်မှာ ကိစ္စတစ်ခုကြောင့် ရှေ့နေ့အဖြစ်မှ ၅နှစ်ရပ်ဆိုင်းခြင်းခံခဲ့ရသူ မစ္စတာဗီဂျေးရာမိုဟမ်က ဒီအမှုကို လက်ခံဖို့အကြောင်းဖန်လာခဲ့ပါတော့တယ် ဒါဆိုဒီကားလေးထဲမှာ မျက်မမြင်မိန်းကလေးက တရားခံကိုဘယ်လိုမျိုးဖော်ထုတ်သွားမလဲ ရှေ့နေဗီဂျေးရာမိုဟမ်ကရော ဘယ်လိုမျိုးစွဲဆိုချက်တွေနဲ့ တရားခွင်မှာရင်ဆိုင်သွားမလဲဆိုတာ စိတ်လှုပ်ရှားဖွယ်ကြည့်ရှုရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shwe Yee ဖြစ်ပါတယ်

မင်းသားရန်ဘီးကပူးနဲ့ မင်းသမီးရာရှ်မီကားတို့ ပါ၀င်သရုပ်ဆောင်ထားတဲ့ Reviewကောင်းတွေနဲ့ နာမည်ကြီးအက်ရှင်ကားတစ်ကားပဲဖြစ်ပါတယ်။ဇာတ်လမ်းအကျဥ်းကတော့ အဖေ့မွေးနေ့ကိုဘဲ အမြဲစောင့်မျှော်နေပြီး အဖေကိုသာ အရေးကြီးဆုံးလို့မှတ်ယူထားတဲ့ ဗီဂျေးဟာ နိုင်ငံမှာအချမ်းသာဆုံးသူဌေးရဲ့တစ်ဦးသောသားတစ်ဖြစ်ပေမဲ့ တစ်ဘ၀လုံး အဖေ့မေတ္တာကို ငတ်လင့်နေရသူဖြစ်တယ်။ အဖေကို အရမ်းချစ်ပေမဲ့ ကြားထဲက ဂုန်းချောစကားတွေကြောင့် သားအဖဆက်ဆံရေးအဆင်မပြေတာကြောင့် မိန်းမဖြစ်သူဂီတာဂျာလီနဲ့ကလေး၂ယောက်နဲ့အတူ အမေရိကမှာနေထိုင်နေခဲ့တဲ့ ဗီဂျေးတစ်ယောက် တစ်နေ့မှာတော့ အဖေဖြစ်သူလုပ်ကြံခံလိုက်ရလို့ အိန္ဒိယကိုပြန်လာခဲ့ရတယ်။သူ့အဖေကိုထိတဲ့လူတွေကို လည်လှီးသတ်မယ်လို့ ကြွေးကြော်ခဲ့တယ် ဗီဂျေးဟာ သူ့မိသားစုရန်သူတွေကို လိုက်လံရှာဖွေသတ်ဖြတ်ပါတော့တယ်။ဒါပေမဲ့အဖေ့ကို ကာကွယ်ဖို့ကြိုးစားရင်းနဲ့ သူနဲ့ဂီတာဂျာလီတို့ ဖန်တီးထားတဲ့မိသားစုဘ၀လေးပါ ထိခိုက်လာချိန်မှာတော့ ဗီဂျေးတစ်ယောက် သူ့အဖေကိုကာကွယ်နိုင်ပါ့မလား။သူတို့မိသားစုရန်သူတွေကိုရော တိုက်ခိုက်နိုင်ပါ့မလားဆိုတာ ကြည့်ရှူကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

ဒီဇာတ်ကားလေးဟာဆိုရင်တော့ ဖြစ်ရပ်မှန်သမိုင်းကို ပြန်လည်ဆန်းသစ်ပုံဖော်ပေးထားတာပါ... တရုတ်ပြည် ရှန်မင်းဆက်ခေတ်က ဘုရင်ဝူတင်းနဲ့ ကြီးမြတ်လှတဲ့အမျိုးသမီးငယ်လေးအကြောင်း ဖော်ညွှန်းထားတာပဲဖြစ်ပါတယ် အမျိုးသမီးငယ်လေးရဲ့ ရဲရင့်မှုကိုအသားပေးဖော်ညွှန်းထားတာဖြစ်လို့ မိန်းကလေးပင်ဖြစ်လင့်ကစား ရဲရင့်လျှင် အမျိုးသားတွေထပ် ပြတ်သားရဲရင့်ကြောင်းတွေ့မြင်ရမှာပဲဖြစ်ပါတယ်... ဒဏ္ဍာရီပုံံပြင်တွေအရ ရှန်မင်းဆက်ကိုတည်ထောင်သူ ဘိုးဘေးကို မိဖုရားကဒဏ္ဍာရီလာငှက်ရဲ့ဥကိုစားသုံးပြီးနောက်မွေးဖွားခဲ့ပြီး... ဒဏ္ဍာရီလာငှက်ကို ရှန်မင်းဆက်ရဲ့အစောင့်ရှောက်အဖြစ်ခံယူထားတာပဲဖြစ်ပါတယ် ထိုငှက်ဟာ မိန်းကလေးတယောက်အနေနဲ့ပြန်လည်မွေးဖွားခဲ့ပြီး ရက်စက်ကြမ်းကြုတ်လှတဲ့ လော့မျိုးနွယ်စုရန်ကနေ ရှန်မင်းဆက်ကိုဘယ်လိုကာကွယ်စောင့်ရှောက်ပေးမလဲဆိုတာကိုတော့ အမျိုးသမီးတယောက်ရဲ့ ရဲရင့်မှုကိုဒီဇာတ်လမ်းလေးထဲမှာကြည့်ရှုပေးကြပါဦး​​​​နော် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Error ဖြစ်ပါတယ်

အကောင်းဆုံးလူသတ် Horror ကားတွေထဲကတစ်ကားအပါအဝင်ဖြစ်တဲ့ Scream ရဲ့ခြောက်ကားမြောက်ဇာတ်ကားထွက်လာခဲ့ပါပြီ။Horror ကားကောင်းကောင်းတွေကိုမျှော်လင့်နေတဲ့သူတွေအတွက်ကတော့သတင်းကောင်းပါပဲ။ဒီကားမှာလဲကြောက်လန့်စရာ Tempo တွေကကျမသွားပဲနဲ့အရင်ခံစားချက်အတိုင်းရင်တထိတ်ထိတ်နဲ့ကြည့်ရဦးမှာဖြစ်ပါတယ်။ဇာတ်လမ်းလေးရဲ့အကျဉ်းချုပ်ကတော့ထုံးစံအတိုင်း Scream 5 မှာတုန်းကအသက်ရှင်ကျန်ခဲ့တဲ့ဆမ်တို့လေးယောက်အတူတူကောလိပ်ကျောင်းလာတက်ခဲ့ကြပါတယ်။ဆမ်အတွက်စိတ်မကောင်းစရာကတော့အရင်ကဖြစ်ခဲ့တဲ့အဖြစ်အပျက်တွေကိုသူကလုပ်ခဲ့တယ်လို့ဝိုင်းစွပ်စွဲခံရတဲ့အပြင်ရှေ့မှာဖြစ်ခဲ့တဲ့စိတ်ဒဏ်ရာတွေကြောင့်ညီမဖြစ်သူအပေါ်မှာတင်းကြပ်မိနေတဲ့အတွက်နှစ်ယောက်သားမတည့်အတူနေဖြစ်နေကြပါတယ်။ဒီလိုနဲ့တစ်နေ့မှာတော့စနက်တံတစ်ခုကိုမီးညှိလိုက်သလိုပဲ သူတို့အတွက်ကံကြမ္မာကြီးကိုနောက်တစ်ကြိမ်ထပ်သယ်ဆောင်လာပေးမဲ့လူသတ်မှုတစ်ခုကစခဲ့ပါတော့တယ်။ဒီဇာတ်ကားမှာလဲလူသတ်သမားကဘယ်သူလဲဆိုတာကိုလှည့်ကွက်ပေါင်းများစွာနဲ့စိတ်ဝင်စားစရာကောင်းအောင်ကြည့်ရှူရဦးမှာပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

လွန်ခဲ့တဲ့၂၅နှစ်က Woodsboroမြို့လေးမှာရိုက်ကူးခဲ့တဲ့ ဖြစ်ရပ်မှန်horrorရုပ်ရှင်ထဲကအတိုင်း အဲမြို့လေးမှာနောက်ထပ်မျက်နှာဖုံးလူသတ်သမား ပြန်ပေါ်လာပါတယ်။ အဲဒီလူသတ်သမားဟာ အရင်မူရင်းဇာတ်လမ်းနဲ့ဆက်စပ်နေတဲ့သူတွေကို ရက်ရက်စက်စက်ဓားနဲ့ထိုးသတ်ပါတယ်။ သူ့ရဲ့ပထမဆုံးပစ်မှတ်ကတော့ Taraလို့ခေါ်တဲ့ ဆယ်ကျော်သက်အရွယ်ကောင်မလေးတစ်ယောက်ဖြစ်ပြီး ကံကောင်းထောက်မစွာနဲ့ အသက်ဘေးကနေလွတ်သွားခဲ့ပါတယ်။ သူ့အကြောင်းကိုကြားပြီး အဝေးမှာရှိနေတဲ့ သူ့အစ်မဖြစ်သူ Sam ရောက်ရှိလာတဲ့အခါ သူတို့ညီအစ်မနှစ်ယောက်လုံး မျက်နှာဖုံးလူသတ်သမားရဲ့ ဒုတိယအကြိမ်တိုက်ခိုက်ခြင်းကို ခံရပါတော့တယ်။ သူတို့တိုက်ခိုက်ခံရတဲ့အကြောင်းအရင်းနဲ့ ဘယ်သူကလူသတ်သမားဆိုတာကိုရှာဖို့ ကြိုးစားကြတဲ့အခါ Taraရဲ့သူငယ်ချင်းအဖွဲ့တစ်ဖွဲ့နဲ့ Samနဲ့အတူလိုက်လာတဲ့ သူ့ကောင်လေး Richie သူတို့အားလုံးဟာ လူသတ်သမားအဖြစ်သံသယရှိသူတွေဖြစ်လာကြပါတယ်။ သူတို့အချင်းချင်း ယုံမှားသံသယတွေနဲ့ တစ်ယောက်ကိုတစ်ယောက်စွပ်စဲဲကြရင်း လူသတ်သမားကလည်း သူတို့တစ်ယောက်ချင်းစီကို လိုက်သတ်နေတဲ့အခါ .... Sam နဲ့Tara ညီအစ်မနှစ်ယောက် ကြုံတွေ့ရမဲ့ ရက်စက်တဲ့သတ်ဖြတ်မှုတွေနဲ့အတူ လူသတ်သမားကိုနှိမ်နင်းနိုင်ဖို့ ကြိုးစားကြပုံတွေကို သည်းထိတ်ရင်ဖိုစွာနဲ့ကြည့်ရှုရမဲ့ Horror ကားကောင်းတစ်ကားဖြစ်ပါတယ်။ သွေးထွက်သံယိုခန်းများနဲ့ စိတ်ချောက်ချားဖွယ်ဇာတ်ဝင်ခန်းများ အများအပြားပါဝင်ကြောင်း ကြိုတင်အသိပေးပါရစေ။ ဒီဇာတ်လမ်းရဲ့ အည