လူကြည့်များသော ရုပ်ရှင်များ

ရာဒီကာဆိုတဲ့ ဂျာနယ်လစ်မလေးတစ်ယောက်။ သူ့‌အစ်ကိုက မိုးပျံလမ်းပေါ်က ဘလောက်တုံးတွေကိုဖယ်ပြီး ဂငယ်ကွေ့ကွေ့တဲ့သူတွေကြောင့် မတော်တဆအသက်ဆုံးရှုံးသွားရတယ်။ အဲဒါကြောင့်ပဲ ဂငယ်ကွေ့ကွေ့တဲ့သူတွေကို ထောက်လှမ်းပြီး သူတို‌့‌ေကြာင့်ဖြစ်တဲ့နစ်နာမှု‌ေတွကို ဆောင်းပါး‌တစ်ပုဒ်ရေးဖို့လုပ်နေတယ်။ အဲဒီလိုနဲ့တစ်နေ့ လူသတ်မှုမှာသံသယယရှိသူအဖြစ် သူဖမ်းခံရတယ်။ အကြောင်းကတော့ သူ့စာအုပ်ထဲမှာရေးထားတဲ့သူအကုန်လုံး ကိုယ့်ကိုကိုယ် သတ်သေကုန်ကြလို့ပဲ။ ဒီလောက်ဆိုတိုက်ဆိုင်တာမဖြစ်နိုင်ဘူးဆိုပြီး ရဲတွေကစုံစမ်းမှုလုပ်ကြတယ်။ တကယ့်တရားခံကဘယ်သူလဲ တကယ်ပဲ ရာဒီကာလား တခြားဘယ်သူဖြစ်ဦးမလဲဆိုတာကို ဒီU-turnဆိုတဲ့ကားလေးမှာ စိတ်ဝင်တစားကြည့်ရှူလိုက်ပါဦး။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ ac ဖြစ်ပါတယ်။

ပင်လယ်ပျော်တဲ့ ဆာဘတ်စတန်တိုစုံတွဲက ရေငုပ်နည်းပြလုပ်ရင်း ပင်လယ်အောက်ခြေက အဖိုးတန်ပစ္စည်းလေးတွေရှာရင်း ဘဝကိုအပူအပင်မရှိဖြတ်သန်းနေကြတယ်။ အေးချမ်းနေတဲ့ သူတိုနှစ်ယောက်ဆီကို ဧည့်သည်စုံတွဲတစ်တစ်တွဲရောက်လာပြီး ရေငုပ်နည်းပြလုပ်ပေးဖို ငှားခဲ့တယ်။ ရည်ရွယ်ချက်ကတော့ သင်္ဘောပျက်ပေါ်က ရတနာတွေကိုရှာကြည့်ဖိုပေါ့။ ဒါပေမဲ့ တကယ်တမ်းတော့ ဧည့်သည်နှစ်ယောက်က ဆာဘတ်စတန်တိုထင်ထားသလိုမျိုး ရိုးသားတဲ့သူတွေ မဟုတ်တဲ့အခါ....... ။ ဇာတ်လမ်းအညွှန်းနဲ့ ဘာသာပြန်သူကတော့ marip pan ဖြစ်ပါတယ်

စစ်မှန်တဲ့ ပန်းချီဆရာတစ်ယောက်ဖြစ်ဖို့ ဘာတွေ ကျင့်သုံးရမလဲ။ အနုပညာကို ဘယ်လို တန်ဖိုးထားလက်ခံရမလဲ။ ပန်းချီ အနုပညာအပေါ် ပန်းချီဆရာတွေ ရှုမြင်ပုံ၊ တွေးခေါ်ပုံနဲ့ ခံယူချက်တွေကို စုံစုံလင်လင် ထည့်သွင်းရိုက်ကူးထားတဲ့ကားဖြစ်ပါတယ်။ ကားလ်နာဂဲလ်ဆိုတဲ့ ပန်းချီဆရာဟာ ရုပ်သံလွှင့်ရုံတစ်ခုရဲ့ တိုက်ရိုက် ပန်းချီရေးတဲ့ရှိုးအစီအစဉ်တင်ဆက်သူဖြစ်ပါတယ်။ သူက တစ်ချိန်တုန်းက နာမည်ကြီးခဲ့ပေမယ့် လက်ရှိအချိန်မှာတော့ အသက်ကြီးလာလို့အပြင် ကြည့်ရှုနှုန်းတွေပါ ကျလာတဲ့အတွက် ရုပ်သံလွှင့်ရုံက ရှိုးကိုကယ်တင်ဖို့ ငယ်ရွယ်တဲ့ ပန်းချီဆရာမတစ်ယောက်ထပ်ထည့်ပြီး ရှိုးကို ကားလ်နဲ့ ဆက်လုပ်စေပါတယ်။ ကားလ်က သူ့ရည်းစားဟောင်းနဲ့ လမ်းခွဲပြီးတည်းက သူ့ပန်းချီလက်ရာကိုကြိုက်တဲ့ကောင်မလေးတွေနဲ့လည်း ဇာတ်လမ်းတွေရှုပ်ခဲ့ပါတယ်။ သူ့ရည်းစားဟောင်းကလည်း ရုပ်သံလွှင့်ရုံမှာပဲ အလုပ်လုပ်ပြီးတော့ မကြာခင်နောက်တစ်နေရာကို ပြောင်းရတော့မှာပါ။ ရှိုးမှာ ပြိုင်ဘက်လိုမျိုးတစ်ယောက်ရောက်လာတဲ့အခါမှာ ကားလ်က ရှိုးအတွက်ရန်ပုံငွေရဖို့ နည်းလမ်းရှာပြီး လေလံပွဲလုပ်ပေမယ့် မအောင်မြင်ပါဘူး။ ကားလ်ရဲ့ အကြီးမားဆုံးဆန္ဒကတော့ သူတို့မြို့ရဲ့ အနုပညာပြတိုက်ကြီးမှာ သူ့လက်ရာကို ထားချင်တာပါ။ အဲ့အတွက် ပြတိုက်မှာ မရှိသေးတဲ့ ပန်းချီကားကိုပဲ ထပ်ခါထပ်ခါရေးနေခဲ့ပါတယ်။ ပြတိုက်မှူးတွေ့ခဲ့ရင် လိုချင်မလားဆိုတဲ့ မျှော်လင့်ချက်နဲ့ပါ။ ဒီအချက်ကပဲ သူ့ကို လူတွေ ငြီးငွေ့လာစေတာပါ။ မျှော်မှန်းထားသလို

ကမ္ဘာကြီးပေါ်မှာဖြစ်ပေါ်လာမဲ့ကပ်ဆိုးတွေအန္တရာယ်ဆိုးတွေကိုစိတ်ကူးပုံဖော်ပြီးရိုက်ကူးထားတဲ့ဇာတ်ကားတွေအများကြီးရှိပါတယ်။ဒီကားကတော့တရုတ်နိုင်ငံကရိုက်ကူးထားတဲ့သဘာဝဘေးအန္တရာယ်စိတ်ကူးယဉ်ပုံဖော်ဇာတ်ကားပဲဖြစ်ပါတယ်။အနာဂတ်မှာနေမင်းကြီးကအရွယ်အစားတဖြည်းဖြည်းနဲ့ကြီးလာပြီးတော့နေအဖွဲ့အစည်းတစ်ခုလုံးကိုဝါးမြိုတော့မှာဖြစ်ပါတယ်။ဒီလိုနဲ့နေအဖွဲ့အစည်းထဲကဂြိုလ်တွေထဲမှာတစ်လုံးအပါအဝင်ဖြစ်တဲ့ကမ္ဘာဂြိုလ်ကနေအဖွဲ့အစည်းထဲကနေထွက်သွားဖို့ကြိုးစားပါတော့တယ်။ဘယ်လိုနည်းလမ်းနဲ့လဲဆိုတော့ကမ္ဘာတစ်ဝှမ်းမှာတွန်းအားပေးအင်ဂျင်တွေကိုတပ်ထားပြီးကမ္ဘာကြီးကိုရွေ့လျားအောင်လုပ်ခဲ့ကြပါတယ်။ဒါပေမယ့်ကံဆိုးချင်တော့ဂျုပီတာဂြိုလ်ကိုကျော်ဖြတ်တဲ့နေရာမှာဂျုပီတာဂြိုလ်ရဲ့ဆွဲအားကိုမခံနိုင်တဲ့အတွက်တွန်းကန်အင်ဂျင်တွေလဲအကုန်ပျက်စီးကုန်ပြီးလူသားမျိုးနွယ်အဆုံးသတ်ကိုရောက်လုခါနီးဖြစ်တဲ့အချိန်မှာကမ္ဘာကြီးကိုကယ်တင်ဖို့အတွက်ကယ်ဆယ်ရေးအဖွဲ့တွေကကြိုးစားကြပုံကိုတွေ့မြင်ရမှာပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

18+ တွေပါဝင်တာကြောင့် မိသားစုနဲ့တော့အတူမကြည့်သင့်ပါဘူး။ ဒီဇာတ်လမ်းကတော့ အိမ်ထောင်ရေးဖောက်ပြန်တဲ့ဇာတ်လမ်းအကြောင်းပါ။ သူတို့ရဲ့လိုအင်မပြည့်တဲ့အခါမှာ လိုအင်ပြည့်ဖို့ ဖြည့်ပေးနိုင်တဲ့သူဆီကိုသွားကြပါတယ်။ မယားကလည်းဖောက်ပြန် လင်ကလည်းဖောက်ပြန် အဲ့ဒီလိုဖောက်ပြန်ပြီးတော့ သူတို့ရဲ့ဘဝကိုရှေ့ဆက်ကြပါတယ်။ အဲ့ဒီလိုဖောက်ပြန်နေထိုင်ပြီးတော့ သူတို့ရဲ့ဘဝတွေကို ဘယ်လိုပေးဆပ်ရယူပြီးနေထိုင်ကြမလဲဆိုတာကိုတော့ ဇာတ်လမ်းထဲမှာကြည့်ရှုခံစားပေးပါဦး။ ဇာတ်လမ်းအညွှန်းနဲ့ ဘာသာပြန်သူကတော့ Morph ဖြစ်ပါတယ်

ဒီကားထဲမှာတော့ခရစ်ကတ်အသင်းထဲဝင်နိုင်ဖို့ ကြိုးစားနေတဲ့ကစားသမား 'ဆတ်ယ'ဟာ ဘဝမှာခရစ်ကတ်ကိုသဘောအကျဆုံးဖြစ်ခဲ့ပေမဲ့ နီရှားဆိုတဲ့မိန်းကလေးနဲ့တွေ့ပြီးနောက်မှာတော့ အရာအားလုံးပြောင်းလဲသွားခဲ့ပါတယ်။ ခရစ်ကတ်နဲ့အတူနီရှားကလဲသူ့ဘဝတစ်စိတ်တစ်ပိုင်းဖြစ်လာခဲ့ပြီး တစ်ဘက်မှာလဲသူ့ကိုအရိပ်တကြည့်ကြည့်နဲ့ ချစ်နေခဲ့တဲ့မိန်းကလေးတစ်ယောက်လဲရှိနေခဲ့ပါတယ်။နီရှားကသူ့ကိုထားပစ်ခဲ့ပြီးနောက် သူဟာအရက်သမားလုံးလုံးဖြစ်ပြီး နီရှားကိုသာတောင့်တနေခဲ့ပါတယ်။ဒါပေမဲ့အရက်သမားဖြစ်နေတဲ့ သူ့ကိုလက်ထပ်ယူခဲ့ပြီး ချစ်လာဖို့မျှော်လင့်နေခဲ့တဲ့ ရှာဗန်နီဟာလဲလက်မလျှော့တမ်းစောင့်နေဆဲပါ။ ဆတ်ယက သူ့ကိုငယ်ငယ်တည်းကတိတ်တခိုးသဘောကျနေခဲ့တဲ့ ရှာဗန်နီရဲ့ တစ်ဖက်သတ်အချစ်နဲ့ကိုယ်ချစ်ရတဲ့သူ နီရှားကြား ဗျာများရင်းနောက်ဆုံးမှာ ဘယ်သူ့ကိုရွေးချယ်သွားမလဲ။တစ်ဖက်သတ်အချစ်ပဲအထမြောက်မလား သူ့ကိုထားပစ်ခဲ့တဲ့သူ‌ဆီပဲပြန်သွားမလားဆိုတာကိုအချစ်,မိဘမေတ္တာနဲ့အိမ်ထောင်ရေးအပြင် တခြားရသစုံပါခံစားရစေဖို့ အခုလိုပဲ ညွှန်းပေးလိုက်ရပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Zen ဖြစ်ပါတယ်။

လိုချင်တဲ့ပန်းရှိရင် ချိုးပြီးတော့ဖြစ်ဖြစ် ရအောင်ယူရမှာပေါ့ဆိုသလိုမျိုး ဒီကားထဲက အာဒံရဲ့ နိုရန်အပေါ်ချစ်ခြင်းကလည်း ရယူပိုင်ဆိုင်လိုစိတ်သိပ်များတယ်။ ချစ်ရသူကို ဘယ်လိုနည်းနဲ့ဖြစ်ဖြစ် သိမ်းပိုက်ချင်တဲ့ အာဒံကိုပဲ အပြစ်ဆိုရမလား။ ပြန်ချစ်မပေးနိုင်တဲ့ နိုရန်ကိုပဲ အပြစ်ဆိုရမလား။ ဘယ်လိုမျိုးမှ အချစ်လို့ဆိုနိုင်မလဲ။ ချစ်ခြင်းမေတ္တာရဲ့အတိမ်အနက်ကို ဇာတ်အလှည့်အပြောင်းလေးနဲ့ ဒီကား‌ေလးမှာကြည့်ရှူလိုက်ပါဦး။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ ac ဖြစ်ပါတယ်။

ဒီတစ်ခေါက် ရုပ်ရှင်ဇာတ်ကားလေးကတော့ အကုန်လုံး သဘောကျကြတဲ့ အစိမ်းရောင်ဘီလူးကြီး ရှရန့် ကားလေး ဖြစ်တဲ့ Shrek Forever after ကားလေးပဲ ဖြစ်ပါတယ်။ ရှရန့် တစ်ယောက် မင်းသမီးလေး ဖီအိုနာကို အချစ်စစ်အနမ်းပေးပြီး မိသားစု ဘဝလေး ထူထောင်နေတဲ့ အချိန် ဘယ်လို ပျော်ရွှင်မှုတွေ ဘယ်လို မိသားစုပြသနာလေးတွေနဲ့ ကြုံတွေ့ရမလဲ ပျော်စရာကောင်းတဲ့ မိသားစု ဘဝကိုရထားပေမယ့် အရင်လို လူအများက ကြောက်ရွံပြီး လွတ်လွတ်လပ်လပ်နေရတဲ့ ဘီလူးဘဝကို တစ်ရက်လောက်ပြန်လိုချင်လို့ ရမ်ပယ်စတော့စကင် ဆိုတဲ့ မှော်ဆရာလေးဆီမှာ အပေးအယူစာချုပ်ချုပ်လိုက်မိတဲ့ အခါ၊ သူလိုချင်တဲ့ နေ့တစ်နေ့ရဖို့ သူ့ဘဝကြီးနဲ့ ချီပြီး ဘာတွေပြန်ပေးဆပ်ရမလဲ ၊ မရှိတော့မှ တန်ဖိုးသိပြီး သူ့ရဲ့ ပျော်စရာကောင်းတဲ့ မိသားစုဘဝလေးတွေ သူ့ကိုချစ်တဲ့ သူငယ်ချင်း မိတ်ဆွေတွေနဲ့ အရင်လိုလေး ပြန်နေနိုင်ဖို့ စာချုပ်ဖျက်ပယ်ဖို့ ဘာတွေလိုအပ်မလဲ၊ ရမ်ပယ် ရဲ့ ပါးနပ်လွန်းတဲ့ နည်းလမ်းတွေ မှော်ပညာတွေကို ဘယ်လို အန်တုပြီး စာချုပ်ဖျက်ပယ်ဖို့ အစွမ်းကုန်ကြိုးစားသွားမလဲ၊ သူ့ရဲ့ ပျော်ရွှင်စရာ မိသားစု ဘဝလေးကိုရော ပြန်ပြီး ရနိုင်ပါ့မလား ဆိုတာ ဇာတ်ကားလေးထဲမှာပဲ အတူတူ ကြည့်ရှူကြရအောင်။ Animation ရုပ်ရှင် ဇာတ်ကားတွေကို ကြိုက်နှစ်သက်တဲ့ သူတွေအတွက်တော့ တကယ့်ကို ဇာတ်ကားကောင်းလေးပါပဲနော်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

ပီတာပန်ဇာတ်လမ်းဟာ ဟိုးအရင် ကာတွန်းဗားရှင်းနဲ့တည်းက ကလေးတွေအကြိုက်အသည်းစွဲ ဇာတ်ကောင်ပါ။ ကာတွန်းကားကနေ အောင်မြင်လာပြီး လူတွေနဲ့ ပြန်ရိုက်ခဲ့တာပါ။ ပီတာပန်ဆိုရင် ကလေးတိုင်း မသိတဲ့သူမရှိသလောက်ပါပဲ။ သူရဲ့မိတ်ဆွေ နတ်သမီးလေး တင်ကာဘဲလ်ကလည်း Disney ကနေ သီးသန့်ကာတွန်းကား‌တွေ ထုတ်ပေးတဲ့ထိ လူသိများခဲ့ပါတယ်။ ၀င်ဒီဟာ သူ့မောင်လေးတွေကို ညဘက်အိပ်ရာ၀င်ပုံပြင်တွေ ပြောပြလေ့ရှိပါတယ်။ သူ့အိပ်မက်က ကြီးလာရင် ၀တ္ထုရေးတဲ့သူဖြစ်ချင်တာပါ။ အဒေါ်ဖြစ်သူကတော့ သိပ်သဘောကျတဲ့အပြင် ၀င်ဒီကို အရွယ်ရောက်လာပြီးဆိုပြီး သင်ပေးစရာရှိတာ လုပ်စရာရှိတာတွေ စတင်ပါတော့တယ်။ ၀င်ဒီ့အဖေကိုလည်း လူ၀င်ဆန့်ဖို့ ပါတီတွေ တက်ခိုင်းပါတယ်။ တစ်ညမှာ ၀င်ဒီအိပ်ပျော်နေတုန်း ကောင်လေးတစ်ယောက် သူမတို့ အခန်းထဲရောက်လာတာကနေ ဇာတ်လမ်းစတာပါ။ အဲ့ကောင်လေးက ပီတာပန်ဖြစ်ပြီး ညဘက် ၀င်ဒီပုံပြင်ပြောပြာတာကို လာနားထောင်တဲ့သူပါ။ ပီတာပန်က ၀င်ဒီတို့မောင်နှမတစ်သိုက်ကို သူနေတဲ့ Neverland ကို ခေါ်သွားပါတယ်။ Neverland မှာ သူတို့တွေ ဘယ်လိုအထူးအဆန်းတွေ၊ စွန့်စားခန်းတွေကြုံတွေ့ရမလဲ၊ အားလုံးသိကြတဲ့ ပီတာပန်ရဲ့ ရန်သူတော်ကြီး ကပ်ပတိန်ဟု့ခ်နဲ့ ဘယ်လိုရင်ဆိုင်ကြမလဲ၊ ၀င်ဒီတို့‌တွေ နောက်ဆုံးမှာ အိမ်ပြန်ရောက်လာပါ့မလား။ ကလေးဘ၀ကို ပြန်အမှတ်ရစေမယ့်ကားလေးဖြစ်လို့ မလွတ်တမ်း ကြည့်လိုက်ကြရအောင်။ ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်

ကိုရီးယားမှာ 2011 ခုနှစ်ကဖြစ်ခဲ့တဲ့ တကယ့်အဖြစ်အပျက်ကို ရိုက်ကူးထားတဲ့ဇာတ်လမ်းကောင်းတစ်ပုဒ်ပါ။ အစိုးရအဖွဲ့တွေ စီးပွားရေးလုပ်ငန်းရှင်တွေရဲ့ တာ၀န်မယူတတ်မှု၊ အပြစ်ကို မ၀န်ခံမှုနဲ့ အကျင့်ပျက်ခြစားမှုတွေကို ထင်ဟပ်စေတဲ့ ကားတစ်ကားပါ။ ဆရာ၀န်ဂျောင်ထယ်ဟွန်းနဲ့ ဇနီးတို့ဟာ သားလေးမင်ဝူးနဲ့ အေးအေးချမ်းချမ်းနေထိုင်နေတဲ့ မိသားစုလေးပါ။ သူ့ဇနီးဖြစ်သူမှာ အမှန်တရားဘက်ကရပ်တည်တဲ့ အစိုးရရှေ့နေ ညီမဖြစ်သူ ဟန်ယောင်းဂျူရှိပါတယ်။ ဒီလိုနဲ့တစ်နေ့မှာ သားလေးမင်ဝူးက နေမကောင်းဖြစ်ပါတယ်။ အိပ်ရာထဲလဲနေရာကနေ သက်သာလာတဲ့အတွက် ရေသွားကူးတုန်းမှာပဲ သတိလစ်သွားပါတယ်။ ဖခင်ရှိတဲ့ဆေးရုံရောက်လာပြီး စစ်ဆေးလိုက်တဲ့အချိန်မှာ မင်ဝူးရဲ့အဆုတ်တစ်ပိုင်းတစ်စက ခဲနေတာကို တွေ့ရပါတော့တယ်။ ဆရာ၀န်တွေပေါင်းပြီး အဖြေရှာပေမယ့် ဘာကြောက့်ဖြစ်တယ်ဆိုတာမသိရပါဘူး။ အဲ့အချိန်မှာပဲ တစ်ပူပေါ်နှစ်ပူဆင့်ဆိုသလို ဇနီးဖြစ်သူကပါ အိမ်ခဏပြန်ရင်း ရုတ်တရက်သေဆုံးသွားပါတယ်။ ဆရာ၀န်ခင်ပွန်းက မသင်္ကာလို့ အလောင်းခွဲစိတ်မှုလုပ်လိုက်တဲ့အခါ ဇနီးဖြစ်သူရဲ့အဆုတ်ကလည်း ၃ပုံ၂ပုံလောက် ကျောက်ခဲလို မာကျောနေတာတွေ့ရပါတယ်။ ဒီလိုနဲ့ ရောဂါရဲ့ ဇာစ်မြစ်ကိုသိရဖို့ ဂျောင်ထယ်ဟွန်းနဲ့ ခယ်မဖြစ်သူတို့ အတူတကွ အလားတူရောဂါသည်တွေကို လေ့လာစစ်တမ်း ကောက်ကြပါတယ်။ အဲ့ဒီအချက်အလက်တွေကနေ သူတို့ ဘာကိုသိရမလဲ၊ အလားတူရောဂါသည်တွေက ဘာကြောင့်သေဆုံးရတာလဲ၊ အမှန်တရားက ပေါ်ပေါက်လာမှာလား၊ နောက်ဆုံးမှာ တရားမျှတမှုက

ဗီလာပါလီဆိုတဲ့ရွာလေးတစ်ရွာ။ ဘေးမှာကျောက်မီးသွေးတွင်းတွေနဲ့ ဝန်းရံထားပြီး မီးခိုး‌ငွေ့တွေကြောင့် တွေ့ဖို့ခက်တဲ့ရွာလေး။ အဲဒီရွာမှာ ဆစ်ခ်လို့အမည်တွင်တဲ့ အရက်ဆိုင်လေးတစ်ဆိုင်ရှိတယ်။ ရွာသားတွေအတွက် အရက်ဆိုတာ ထုံးတမ်းစဉ်လာတစ်ခုလို အရက်သောက်တယ်ဆိုတာ ရွာမှာအလုပ်များဆုံးအလုပ်တစ်ခု။ မိုးလင်းမိုးချုပ် အရက်ဆိုင်မှာ ရွာသားတွေအကုန်သောင်တင်ကြတယ်။ အဲဒီလိုအရက်ဂျိုးရွာမှာ အရက်ဆိုင်ပိုင်ရှင်ကတော့ အာဏာကြီးပြီပေါ့။ သူတို့ရွာမှာငါးနှစ်တစ်ခါ ရွေးကောက်ပွဲလုပ်ပြီး ရွာသူကြီးရွေးလေ့ရှိတယ်။ ရွာသူကြီးဖြစ်လာတဲ့သူက အရက်ဆိုင်ကိုအုပ်ချုပ်ခွင့်ရှိမယ်။ အရက်ဆိုင်ဆိုတာ သူတို့ရွာသား‌ေတွ ကိုးကွယ်ကြတဲ့မြင့်မြတ်တဲ့အရာတစ်ပါးပဲ။ အဲဒီရွာမှာ ဆူရီနဲ့ ဒါရန်နီဆိုတဲ့ အရမ်းချစ်ကြတဲ့ သူငယ်ချင်းနှစ်ယောက်ရှိတယ်။ သေအတူရှင်မကွာ သူငယ်ချင်းနှစ်ယောက်ကြား မိန်းကလေးတစ်ယောက်ရောက်ရှိလာတော့ ဘာဆက်ဖြစ်ကြလဲဆိုတာ ကြည့်ရှူလိုက်ပါဦး။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ ac ဖြစ်ပါတယ်။

Ines နဲ့ Alex တို့ မောင်နှမနှစ်ယောက်ဟာ မိထွေးရဲ့ လက်ထဲမှာကြီးပြင်းခဲ့ရသူတွေပါ။ အငယ်မလေး Ines ဟာ သူ့အမေ ဆုံးပါးသွားပြီးကတည်းက ဘယ်သူနဲ့မှ ရင်းရင်းနှီးနှီးမနေတော့ဘဲတစ်ယောက်တည်းပဲနေပါတော့တယ်။ ဒါပေမယ့် တစ်နေ့မှတော့ စမ်းသပ်ခန်းထဲက ထွက်ပြေးလာတဲ့ ခြင်္သေ့ပေါက်လေး King နဲ့ တွေ့ပါတော့တယ်။ King ကို သူ့ရဲ့အရင်းနီးဆုံး အဖော်အဖြစ်သတ်မှတ်လိုက်ပြီး King ရဲ့ မိဘတွေရှိရာ အာဖရိက ကို ပြန်ပို့ပေးဖို့ ကြိုးစားပါတော့တယ်။ တစ်ဖက်မှာလည်း တစ်နိုင်ငံလုံးက King ကို လိုက်ရှာနေတဲ့အချိန် အကုန်လုံးနဲ့ရင်ဆိုင်ပြီး King ကို မွေးရပ်မြေဆီရောက်အောင် ဘယ်လိုပို့ပေးမလဲဆိုတာ….။လူသားနဲ့ တောရိုင်းတိရစ္ဆာန်အကြားက ချစ်ခြင်းမေတ္တာကို ခံစားကြည့်ရှုရမယ့် ရုပ်ရှင်ဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Wutyee ဖြစ်ပါတယ်

သင်ဟာလူတွေရဲ့ ဝေဖန်ချက်တွေကြောင့် လမ်းပျောက်နေတယ်လို ခံစားဖူးလား။ ဒါဆိုရင်တော့ လူတွေရဲ့ဝေဖန်ချက်က ကိုယ့်လမ်းကိုပိတ်ဆိုထားတာမဟုတ်ဘူးဆိုတာကို ရှရက်က သင်ပေးပါလိမ့်မယ်။ ဇာတ်လမ်းအကျဥ်းကတော့.. Far Far awayတိုင်းပြည်ကြီးက အင်မတန်သာယာပျော်ရွှင်တဲ့ တိုင်းပြည်ကြီးတစ်ပြည်ဖြစ်သတဲ့။ တစ်နေ့တော့ ရှင်ဘုရင် ဖားဘုရင်ဟာ ကျန်းမာရေးဆိုးရွားလာပြီး နတ်ရွာစံချိန်ရောက်လာတာပေါ့။ အဲဒီအခါမှာ သားမက်ဖြစ်သူ ရှရက်လက်ထဲကို တိုင်းပြည်ကိုအပ်လိုက်တယ်။ ဘုရင်ကြီးမှာ အမွေဆက်ခံမယ့် သားတစ်ယောက်လည်းရှိနေခဲ့တယ်။ ဒါကြောင့် ဘုရင်လုပ်ဖိုထက် မိသားစုကိုသာပိုပြီးအချိန်ပေးချင်တဲ့ ရှရက်က. ဘုရင့်သားတော်လေးကို ထီးနန်းအပ်ဖို အရှာထွက်ခဲ့တယ်။ ရှရက်တိုထွက်သွားတဲ့အချိန်မှာ Far Far Away တိုင်းပြည်ကြီးကို လူဆိုးအဖွဲရောက်လာပြီး အပိုင်သိမ်းလိုက်တဲ့အခါ ......။ ဇာတ်လမ်းအညွှန်းနဲ့ ဘာသာပြန်သူကတော့ Marip Pan ဖြစ်ပါတယ်

ရှရက်နဲ့ဖီအိုနာတို့ ဟန်နီးမွန်းက ပြန်လာတဲ့အခါ ဖီအိုနာရဲ့ တိုင်းပြည်ကို ပြန်လာခဲ့ကြပါတယ်။ ဖီအိုနာရဲ့ ဖခင် ဘုရင်ကြီးက မင်းသမီး ဖီအိုနာကို ဘီလူးတစ်ကောင်နဲ့ သဘောမတူနိုင်တာကြောင့် နတ်သမီး ရဲ့ သားဖြစ်သူနဲ့ ထိမ်းမြားပေးဖို့ တိတ်တဆိတ် စီစဉ်နေခဲ့ပါတယ်။ ဖီအိုနာနဲ့ အတူနေရဖို့ ဖီအိုနာ ဖခင်ရဲ့ ကောင်းချီးကို ခံယူရဖို့ ရှရက် တစ်ယောက် ဘယ်လို ကြိုးစားမလဲဆိုတာ 2004 ခုနှစ်က ထွက်ရှိထားတဲ့ Shrek 2 ဆိုတဲ့ ကာတွန်းကားလေးထဲမှာ ကြည့်ရှုရမှာပဲဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

1974 ခုနှစ်ကိုအ‌ခြေခံရိုက်ကူးထားတဲ့ဒီကားလေးက အိန္ဒိယနိုင်ငံမှာလွတ်လပ်ရေးရနိုင်ဖို့အတွက် ကြိုးစားနေကြတဲ့အချိန်ကာလကိုရိုက်ကူးထားတာပါ။အာမာရာဆွာရာ့ရှ်ဆိုတဲ့လွတ်လပ်ရေးအတွက် တိုက်ခိုက်နေတဲ့ပုဂ္ဂိုလ်ဟာ ဗြိတိန်တွေလက်အောက်က လွတ်အောင်တိုက်ခိုက်ပေးရင်း သေဆုံးသွားခဲ့ပါတယ်။ထိုအချိန်သူ့မှာ ဆန်ကေ့ရှ်ဝါရာနဲ့အာကေ့ရှ်ဝါရာလို့ခေါ်တဲ့ သားငယ်လေးနှစ်ယောက်ကျန်နေခဲ့ပါတယ်။ ခင်ပွန်းဖြစ်သူသေဆုံးပြီးတဲ့နောက် ဇနီးဖြစ်သူက ကလေးတွေကိုကာကွယ်နိုင်ရန်အမရပူရမ်ကိုပြောင်းရွှေ့ခဲ့ပါတယ်။အမရပူရမ်မြို့ဟာ ဒုစရိုက်လောကတွေနဲ့ဆက်နွယ်နေတဲ့မြို့ဖြစ်ပြီး တစ်နေ့မှာတော့ဆန်ကေ့ရှ်ဝါရာက မာဖီးယားဂိုဏ်းကလူနဲ့ပက်ပင်းတိုးသွားခဲ့ပါတယ်။ အဲ့ဒီနောက် အာကေ့ရှ်ဝါရာလဲ ဒီဒုစရိုက်လောကနဲ့ဆက်နွယ်ဖို့အကြောင်းဖန်လာကာ ရင်ဆိုင်ကြုံတွေ့ရတဲ့ပြဿနာတွေနဲ့အတူ တစ်ဘက်မှာလဲ အချစ်,မိဘမေတ္တာ, ညီအစ်ကိုသံယောဇဉ်တို့နှင့် ဇာတ်အိမ်ခိုင်စွာ ဇာတ်ကြမ်းကြမ်းလေးကိုကြည့်ရှုရမှာမို့ အခုလိုပဲညွှန်းပေးလိုက်ရပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Zen ဖြစ်ပါတယ်။

ကိုယ်၀န်ဆောင်တာနဲ့ ပတ်သက်တဲ့ horror movie အမျိုးအစားဖြစ်ပါတယ်။ အမျိုးသမီးတိုင်းမှာ ရှိတဲ့ ဇီ၀နာရီအကြောင်းကို ရိုက်ကူးထားတာပါ အသက် 37 နှစ်အရွယ်အယ်လာဆိုတဲ့ အမျိုးသမီးဟာ အောင်မြင်တဲ့ အိမ်တွင်းပိုင်းအလှဆင်ဒီဇိုင်နာ ဖြစ်ပြီး သူမယောကျာ်းရယ် အဖေဖြစ်သူရယ်နဲ့ ပျော်ရွှင်စွာ ဘ၀ကို ဖြတ်သန်းနေတာပါ။ သူတို့မောင်နှံမှာ သားသမီးမရှိပါဘူး။ အထူးသဖြင့် အယ်လာက ကလေးမလိုချင်တာပါ။ယောက်ျားဖြစ်သူ အေဒန်ကလည်း ကလေးရှိတာမရှိတာက သူ့အတွက်ကိစ္စမရှိတဲ့အတွက် အဆင်ပြေနေပါတယ်။ သူမရဲ့ သူငယ်ချင်းတွေအားလုံးကတော့ ကလေးတွေကိုယ်စီနဲ့ဖြစ်ပြီး အယ်လာကိုပါ ကလေးယူစေချင်ကြတာပါ။ အယ်လာတို့ အဖေမျိုးဆက်က ဂျူးလူမျိုးတွေဖြစ်ပြီးတော့ ဒီနေ့အချိန်မှာ သိပ်မကျန်တော့တဲ့အတွက် သူတို့မိသားစု မျိုးဆက်ကို ထိန်းသိမ်းဖို့ အယ်လာကို ကလေးယူစေချင်တာပါ။ အယ်လာရဲ့အမေက သူမအရွယ်လောက်မှာ ရင်သားကင်ဆာနဲ့ ဆုံးသွားတဲ့အတွက် သူတို့မှာ တခြားသားသမီးလည်း မရှိပါဘူး။ အယ်လာက‌ ကလေးမလိုချင်ပေမယ့် သူမအဖေရယ် ပတ်၀န်းကျင်ရယ်က ပြောပါများလာတော့ ဆရာ၀န်နဲ့တွေ့ကြည့်ဖို့ဆုံးဖြတ်လိုက်ပါတယ်။ သူမနဲ့တွေ့တဲ့ ဆရာ၀န်က အခြေအနေစစ်ဆေးပြီး သူနဲ့သိတဲ့ ဆရာ၀န်ဆီ ပြန်ညွှန်းလိုက်ပါတယ်။ အဲ့ဒီဆရာ၀န်ကတော့ ဒေါက်တာစီမွန်စ်ပါတဲ့။ သူက အယ်လာရဲ့ ဇီ၀နာရီက ပျက်နေတာလို့ ယူဆပြီးပြင်ဖို့ ကြိုးစားပါတယ်။ အယ်လာကို ကလေးလိုချင်စိတ်ဖြစ်လာအောင် စိတ်ပိုင်းဆိုင်ရာ ကုထုံးတွေရော ဆေးဝါးတွေရော၊ အစားထိုးထည့်တဲ့နည်းသစ်တွေနဲ့

အတော်ဆုံးနဲ့ အကျွမ်းကျင်ဆုံး လုပ်ကြံသူတွေကို လေ့ကျင့်သင်ကြားပေးလေ့ရှိတဲ့ မျက်နှာဖုံးတပ်အဖွဲ့မှာ ငယ်စဉ်ကတည်းက ကြီးပြင်းလာခဲ့ရတဲ့ ချီကျွင့်ယွမ်... သူ့ရဲ့မျိုးနွယ်စုတစ်ခုလုံးဟာ ကြေးနီရတနာမြေပုံတစ်ခုကြောင့် တစ်မျိုးလုံးသုတ်သင်ခံလိုက်ရပြီး သူတစ်ယောက်တည်းအသက်ရှင်ကျန်ခဲ့ပါတယ်။ လက်စားချေချင်တဲ့စိတ်တွေနဲ့ ကြီးပြင်းလာခဲ့တဲ့ ချီကျွင့်ယွမ်ဟာ ရတနာမြေပုံနဲ့ပတ်သက်နေတဲ့ ရာထူးကြီးလူတစ်စုကို လုပ်ကြံသတ်ဖြတ်ဖို့ တာဝန်ပေးခံလိုက်ရပါတယ်။ ဒါပေမဲ့ မအောင်မြင်ခဲ့ဘဲ တိုင်းပြည်အရှုပ်အထွေးကြားမှာ လိုက်ဖမ်းတာခံနေရတဲ့ လုပ်ကြံသူတစ်ယောက် ဖြစ်လာတဲ့အခါ... ဒီအရှုပ်အထွေးတွေကြားကနေ ဘယ်လိုရုန်းထွက်မလဲ။ သူ့မိသားစုအတွက် လက်စားချေတာရော အောင်မြင်ပါ့မလား။ ဒီဇာတ်လမ်းရဲ့အညွှန်းနဲ့ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

အားလုံးသိကြတဲ့ အစိမ်းရောင် ရုပ်ဆိုးဆိုးဘီလူးလေး Shrek ရဲ့ ဇာတ်ကားဟောင်းလေးပဲဖြစ်ပါတယ်။ ပျော်စရာအဆုံးသတ်နဲ့ ကာတွန်းဇာတ်ကားကောင်းလေးဖြစ်တာကြောင့် ဘယ်အချိန်ကြည့်ကြည့်မရိုးနိုင်တဲ့အထဲမှာလည်း ပါပါတယ်။ ဇာတ်လမ်းအကျဉ်းကတော့ Shrek ဆိုတဲ့ ဘီလူးလေးက လူတွေနဲ့ဝေးတဲ့နေရာမှာ တစ်ကိုယ်တည်းနေတဲ့သူပါ။ တစ်နေ့မှာ ဒူလော့ခ်မြို့က အရှင် Farquaad ကဒဏ္ဍာရီသတ္တဝါတွေကို မြို့ကနေနှင်ထုတ်ပြီး Shrek နေတဲ့ ရွှံ့တောကို မောင်းထုတ်လိုက်ပါတယ်။ တစ်ယောက်တည်းနေလိုတဲ့ Shrek က အရှင် Farquaad ဆီသွားပြီး သူ့နေရာကိုပြန်ပေးဖို့တောင်းဆိုတော့ အရှင် Farquaad က သူ့ကို အပြန်အလှန်အနေနဲ့ တစ်ခုလုပ်ခိုင်းလိုက်ပါတယ်။ အဲဒါကတော့ ချော်ရည်တွေဝန်းရံထားပြီး မီးနဂါးကြီးစောင့်ကြပ်နေတဲ့ ရဲတိုက်ထဲမှာအကျဉ်းချခံထားရတဲ့ မင်းသမီးလေး Fiona ကို သွားကယ်ပေးဖို့ပါ။ ဒီတော့ Shrek အနေနဲ့မင်းသမီးလေး Fiona ကို ကယ်တင်နိုင်ပါ့မလား၊ သူတို့နှစ်ယောက် ဘယ်လိုတွေဆက်ဖြစ်မှာလဲဆိုတာကိုဇာတ်လမ်းထဲမှာပဲ ကြည့်ရှုလိုက်ပါ။ ဇာတ်လမ်းအညွှန်းနဲ့ ဘာသာပြန်သူကတော့ Nway Oo ဖြစ်ပါတယ်

ယခုတဖန်တင်ဆက်ပေးချင်တာကတော့ ဗီဂျေးကူမားရဲ့ ဗီဂျေးကူမားဇာတ်ကောင်ကိုယူပြီး ရိုက်ထားတ‌ဲ့ စူပါစတားနဲ့ပရိတ်သတ်ကြား ဆက်နွယ်မှုကို ဖော်ထုတ်ပြသတဲ့ ဇာတ်ကားလေးပဲဖြစ်ပါတယ်။ ဇာတ်လမ်းအကျဉ်းဆိုရရင် အွန်ပရာကတ်ဆိုတဲ့ လိုင်စင်အင်စပက်တာတစ်ယောက်။ သူက ဗီဂျေးကူမားရဲ့ အကြီးစားပရိတ်သတ် ဖန်စစ်စစ်ကြီး။ အဲဒီလိုနဲ့တစ်နေ့ သူနေတဲ့ဘိုပါလ်မြို့ကို ဗီဂျေးကူမားက ရိုက်ကွင်းရှိလို့လာတယ်။ ပရိတ်သတ်တစ်ယောက်အတွက်တော့ အခွင့်အရေးကြီးပေါ့။ ကံကြမ္မာကဖန်လာတော့ ဗီဂျေးကူမားက ယာဉ်မောင်းလိုင်စင်မဖြစ်မနေလုပ်ရမယ်။ အဲဒီအတွက်အွန်ပရာကတ်က တာဝန်ယူ‌ေပးရတယ်။ သူလိုင်စင်လုပ်‌ေပးမယ် ဒါပေမဲ့ ဗီဂျေးနဲ့အတူဆယ်ဖီလ်တစ်ပုံလောက် ရိုက်ခွင့်ပေးပါ‌ပေါ့။ အဲဒီလိုဆယ်ဖီလ်တစ်ပုံက‌နေ ဘာအရှုပ်ထုပ်တွေဖြစ်လာဦးမလဲဆိုတာ ကြည့်ရှူလိုက်ကြပါဦး။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ ac ဖြစ်ပါတယ်။

ဒီကားလေးကတော့ ၂၀၁၁ခုနှစ်မှာ ထွက်ရှိခဲ့တဲ့ ဖြစ်ရပ်မှန်ကိုးကား သည်းထိတ်ရင်ဖို ဒရာမာလေးပါ။ ၁၉၉၁ ခုနှစ် တစ်နေ့သောအခါမှာ ဒယ်ဂူရွာလေးက ကျောင်းသားလေး၅ယောက် တောင်ပေါ်တက်သွားရာကနေ ပျောက်ဆုံးသွားခဲ့တယ်။ လူအင်အား ရဲအင်အား သုံးသိန်းကျော်သုံးပြီး တစ်နိုင်ငံလုံးအနှံ့ ကလေးတွေကို လိုက်ရှာခဲ့ပေမဲ့ ၄နှစ်ကြာသွားတဲ့အထိ လူလည်းမတွေ့၊ သေဆုံးပြီလို့ သတ်မှတ်ရအောင်လည်း အလောင်းတောင်မတွေ့ခဲ့ရပါဘူး။ ဒီလိုနဲ့ ဆိုးလ်ကနေ ဒယ်ဂူကို ပြောင်းလာတဲ့ ရုပ်သံရိုက်ကူးရေး ပီဒီတစ်ယောက်က တက္ကသိုလ်က ပါမောက္ခတစ်ယောက်နဲ့ပေါင်းပြီး သောကရောက်နေတဲ့ ကလေးမိဘတွေကို တရားခံပါလို့ စွပ်စွဲပြီး နာမည်ကြီးရှိုးရိုက်ဖို့ပါ ကြိုးပမ်းလိုက်ပြန်သေးတယ်။ အဲ့ဒီကနေ နောက်ထပ် ၁၀နှစ်အကြာ မုန်တိုင်းအပြင်းအထန်ကျပြီးတဲ့နောက်မှာ ပျောက်ဆုံးနေတဲ့ ကလေးတွေရဲ့အလောင်းတွေ သူတို့ပျောက်သွားတဲ့ တောင်မှာတင် ပေါ်လာခဲ့တယ်။ ကလေးတွေရဲ့ သေဆုံးမှုဟာ သွေးရိုးသားရိုးဖြစ်မလား၊ လူသတ်မှုဖြစ်မလား၊ တရားခံကရော ဘယ်သူဖြစ်မလဲ၊ တရားခံကိုရော အောင်မြင်စွာ အပြစ်ပေးနိုင်ပါ့မလားဆိုတာကို The Children ဆိုတဲ့ ဇာတ်လမ်းလေးမှာ ခံစားကြည့်ရှုနိုင်ပါပြီ။ ဇာတ်လမ်းအညွှန်းနဲ့ ဘာသာပြန်သူကတော့ June Rose ဖြစ်ပါတယ်

အကောင်းဆုံးလူသတ် Horror ကားတွေထဲကတစ်ကားအပါအဝင်ဖြစ်တဲ့ Scream ရဲ့ခြောက်ကားမြောက်ဇာတ်ကားထွက်လာခဲ့ပါပြီ။Horror ကားကောင်းကောင်းတွေကိုမျှော်လင့်နေတဲ့သူတွေအတွက်ကတော့သတင်းကောင်းပါပဲ။ဒီကားမှာလဲကြောက်လန့်စရာ Tempo တွေကကျမသွားပဲနဲ့အရင်ခံစားချက်အတိုင်းရင်တထိတ်ထိတ်နဲ့ကြည့်ရဦးမှာဖြစ်ပါတယ်။ဇာတ်လမ်းလေးရဲ့အကျဉ်းချုပ်ကတော့ထုံးစံအတိုင်း Scream 5 မှာတုန်းကအသက်ရှင်ကျန်ခဲ့တဲ့ဆမ်တို့လေးယောက်အတူတူကောလိပ်ကျောင်းလာတက်ခဲ့ကြပါတယ်။ဆမ်အတွက်စိတ်မကောင်းစရာကတော့အရင်ကဖြစ်ခဲ့တဲ့အဖြစ်အပျက်တွေကိုသူကလုပ်ခဲ့တယ်လို့ဝိုင်းစွပ်စွဲခံရတဲ့အပြင်ရှေ့မှာဖြစ်ခဲ့တဲ့စိတ်ဒဏ်ရာတွေကြောင့်ညီမဖြစ်သူအပေါ်မှာတင်းကြပ်မိနေတဲ့အတွက်နှစ်ယောက်သားမတည့်အတူနေဖြစ်နေကြပါတယ်။ဒီလိုနဲ့တစ်နေ့မှာတော့စနက်တံတစ်ခုကိုမီးညှိလိုက်သလိုပဲ သူတို့အတွက်ကံကြမ္မာကြီးကိုနောက်တစ်ကြိမ်ထပ်သယ်ဆောင်လာပေးမဲ့လူသတ်မှုတစ်ခုကစခဲ့ပါတော့တယ်။ဒီဇာတ်ကားမှာလဲလူသတ်သမားကဘယ်သူလဲဆိုတာကိုလှည့်ကွက်ပေါင်းများစွာနဲ့စိတ်ဝင်စားစရာကောင်းအောင်ကြည့်ရှူရဦးမှာပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

သရဲဇာတ်လမ်းတွေကို တင်ဆက်လေ့ရှိတဲ့ ယူကျူဘာ အူမေနဲ့ သူ့သူငယ်ချင်းတိုဟာ ချီရီဘွန်ဆိုတဲ့မြိုမှာ မှတ်တမ်းရုပ်ရှင်ရိုက်ဖိုပြင်ဆင်ခဲ့တယ်။ သူတိုရဲ့မှတ်တမ်းရုပ်ရှင်မှာ ပါဝင်ပေးဖို အကမေဂျာက သူငယ်ချင်းတွေကိုလည်း အကူအညီတောင်းခဲ့ကြတယ်။ အကမေဂျာက ကောင်မလေးတွေကလည်း ချီရီဘွန်က ပျောက်ဆုံးနေတဲ့အက အကြောင်းကို စာတမ်းပြုစုဖိုပြုလုပ်နေကြတော့ သူတိုနှစ်ဖွဲပေါင်းမိသွားပြီ ချီရီဘွန်ကိုထွက်လာခဲ့ကြတယ်။ သူတိုအဖွဲက အဲဒီအကအကြောင်းကို လေ့လာဖို အရင်က အဲဒီအကကို ကခဲ့တဲ့ အကကျောင်းမှာ တည်းခဲ့ကြတယ်။ အဲဒီကျောင်းမှာ သူတိုလေ့လာချင်တဲ့အကြောင်းအရာတွေနဲ့ပတ်သက်တာတွေ တော်တော်များများသိခဲ့ရတယ်။ ဒါပေမဲ့ အဲဒီအကကို ကခဲ့တဲ့သူတွေက ဘယ်ရောက်သွားကြလဲဆိုတာဘယ်သူမှ မသိကြဘူး။ ပြီးတော့ အဲဒီမှာ လုံးဝဖွင့်ကြည့်လိုမရတဲ့ သေတ္တာတစ်လုံးလည်းရှိနေခဲ့တယ်။ ဒါပေမဲ့ သူတိုတွေ အဲဒီသေတ္တာကို မတော်တဆဖွင့်မိသွားတဲ့အခါ......။ ဇာတ်လမ်းအညွှန်းနဲ့ ဘာသာပြန်သူကတော့ marip pan ဖြစ်ပါတယ်

ကိုလိုနီထဲက အလုပ်သမား Z က သူ့ရဲ့ ဖြစ်တည်မှုကို မေးခွန်းထုတ်နေရင်း စိတ်ညစ်နေတာပေါ့၊ တစ်ရက်မှာတော့ မင်းသမီးကို နှစ်သက်မိပြီး ထပ်တွေ့ရအောင် ကြိုးစားရာမှ ကိုလိုနီကို ပြောင်းလဲနိုင်တဲ့အထိကို သက်ရောက်မှုရှိသွားခဲ့တာကို ကြည့်ရှုရမှာပဲ ဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ cat ဖြစ်ပါတယ်

ယောက်ျားမာန်ကို ရှေ့တန်းတင်ပြီး အမျိုးသမီးတွေကို သားမွေးစက်လို သဘောထားတဲ့သူများ၊ အမျိုးသမီးဆိုတာ အိမ်မှုဝေယျာဝစ္စကလုပ်ဖို့ကလွဲရင် အိမ်ထဲကနေ ခြေတစ်လှမ်းတောင်မထွက်သင့်တယ်လို့ မြင်တဲ့သူများ၊ အမျိးသမီးတစ်ဦးရဲ့လုပ်ပိုင်ခွင့်တွေကို အလေးမထားတဲ့သူများထဲမှ Common Manဆိုတဲ့ လူသတ်သမားက ထူးချွန်တဲ့အမျိုးသမီးတွေဆိုကို သွေးကြောထဲမှာ သွေးတွေဆူပွက်လာတဲ့အထိ ဒေါသထွက်ကာ သွေးအေးအေးနဲ့ရိုက်နှက်ပြီး သတ်ပစ်‌ေလ့ရှိပါတယ်။ အဲ့အချိန် ဒူရ်ဂါဆိုတဲ့ သူလျှိုအထူးကိုယ်စားလှယ်အဖွဲ့ဝင်က အိမ်မှုကိစ္စတွေလုပ်ရင်း သူ့ရဲ့မစ်ရှင်ကို မေ့ပစ်ခဲ့ပါတယ်။ ဒါပေမယ့်လည်း အထက်လူကြီးတွေက ဒူရ်ဂါက ရှိသမျှကိုယ်စားလှယ်အဖွဲ့ဝင်‌အားလုံးထဲမှာ အသက်ရှင်ကျန်ရစ်တဲ့ တစ်ယောက်တည်း‌ေသာသူဆိုတာကို သိပြီး မစ်ရှင်ကို ပေးအပ်လိုက်တဲ့အချိန်မှာတော့ ဒူရ်ဂါက အိမ်မှုကိစ္စတစ်ဖက် နိုင်ငံ့တာဝန်တစ်ဖက်ကို ဘယ်လိုမျိုးထမ်းရွက်မလဲဆိုတာကို သည်းထိပ်ရင်ဖိုကြည့်ရှူရမယ့် ဇာတ်လမ်းလေးပဲ ဖြစ်ပါတယ်။ ။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။