လူကြည့်များသော ရုပ်ရှင်များ

နော်ဝေးမှာ အခြေကျဖို့ ကြိုးစားနေတဲ့ Chatterjee အိမ်တော်ရဲ့ သားဖြစ်သူ အနီရုဟ်နဲ့ ချွေးမဖြစ်သူ ဒေဘီကာထံကနေ ကလေးနှစ်ယောက်ကို နော်ဝေးအစိုးရက ယူသွားပါတယ်။ ယူသွားရတဲ့ အကြောင်းရင်းကတော့ မိဘနှစ်ဦးက ကလေးတွေကို စောင့်ရှောက်နိုင်တဲ့အရည်အချင်းမရှိတဲ့အတွက်ကြောင့် ကလေးလူမှုဖူလုံရေးအဖွဲ့အစည်း Velfredက ခေါ်ဆောင်သွားခြင်းဖြစ်တယ်လို့ ဆိုပါတယ်။ ကလေးနှစ်ယောက်ကို မခွဲနိုင်တဲ့ ဒေဘီကာက နော်ဝေးဘက်က ချပေးတဲ့ရှေ့နေနဲ့ ကလေးတွေကို ပြန်ခေါ်ဖို့အတွက် ကြိုးစားခဲ့ပါတယ်။ ဒါပေမဲ့ ဒီလိုကလေးတွေကို ခေါ်ပြီးနောက်မှာတော့ နော်ဝေးအစိုးရရယ် တရားရုံးတော်ရယ် အဖွဲ့အစည်းတွေရယ်က ပေါင်းကြံထားတဲ့ စီးပွားရေးတစ်ခုဆိုတာကို သိသွားတဲ့အချိန် ဒေဘီကာတစ်ယောက် အနိုင်မရနိုင်မှန်းသိလျက်နဲ့ နော်ဝေးနိုင်ငံနဲ့ယှဉ်ပြီး မိခင်တစ်ယောက်ရဲ့အစွမ်းကို ဘယ်လိုမျိုးပြသမလဲဆိုတာကို ကြည့်ရှုရမယ့်ဇာတ်လမ်းလေးပဲဖြစ်ပါတယ်။။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

ဇာတ်လမ်းအကျဉ်းကတော့ ဂီတကိုအရူးအမူးစွဲလမ်းနေပြီး ဂီတသမားဖြစ်ချင်နေတဲ့ မီဂေးလ်ဆိုတဲ့ကောင်လေးတစ်ယောက်ရှိပါတယ်။ သူ့မိသားစုကတော့ ဂီတကိုအရမ်းမုန်းတီးနေကြတာပါ။ ဒီလိုမုန်းနေကြတဲ့အကြောင်းအရင်းကတော့ မီဂေးလ်ရဲ့အဘီဖြစ်သူဟာ ဂီတကြောင့် မိသားစုကိုထားခဲ့တဲ့အတွက်ကြောင့်ပါပဲ။ သူ့ရဲ့အိပ်မက်တွေကိုလက်မခံတဲ့မိသားစုတွေနဲ့ အတူနေနေရတာ မီဂေးလ်အတွက်မလွယ်ကူခဲ့ပါဘူး။ တစ်နေ့မှာတော့ ကွယ်လွန်သူနေ့ပွဲတော်ညမှာ ဂီတပြိုင်ပွဲတစ်ခုကျင်းပမယ်လို့ သိလိုက်ရတာအခါ မီဂေးလ်က ဝင်ပြိုင်ချင်ပေမယ့် သူ့မိသားစုတွေက လက်မခံခဲ့ပါဘူး။ ဒီလိုနဲ့ မီဂေးလ်ဟာ ကွယ်လွန်သူနေ့ပွဲတော်ညမှာ သူ့ခံစားချက်တွေကို အဘီဖြစ်သူရဲ့ဓာတ်ပုံရှေ့မှာရင်ဖွင့်ရင်း သူ့အဘီရဲ့ဂစ်ကိုယူလိုက်တဲ့အခါမှာ တမလွန်ကမ္ဘာကြီးကိုရောက်သွားပါတော့တယ်။ တမလွန်ကမ္ဘာကြီးမှာ မီဂေးလ်တစ်ယောက်တွေကြုံတွေ့ရမလဲ။ သူ့အိပ်မက်တွေကိုရော အကောင်အထည်ဖော်နိုင်ပါ့မလားဆိုတာကို သီချင်းကောင်းကောင်းလေးတွေအတူ ကြည့်ရှုခံစားရမယ့် ဇာတ်ကားလေးတစ်ကားဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ MCEC ဖြစ်ပါတယ်

ဒီတစ်ခါ ကြည့်ရှုရမယ့် ဇာတ်လမ်းလေးကတော့ အသွင်ပြောင်းမြွေ မဟုတ်တဲ့ အသွင်ပြောင်းဝံပုလွေကို ကြည့်ရှုရမှာပဲ ဖြစ်ပါတယ်။ လမ်းဆောက်လုပ်ရေးစီမံကိန်းအတွက် အရူနာချယ်ကို ရောက်လာတဲ့ ညီအစ်ကိုနှစ်ယောက်ဖြစ်တဲ့ ဘာစကီနဲ့ ဂျေဒီ။ လမ်းကို တောဘေးကနေ ဆောက်လို့ရပေမယ့် ဒီစီမံကိန်းကနေ အမြတ်ထုတ်ဖို့အတွက် တောအလယ်ကနေ လမ်းဖောက်ဖို့စီစဉ်နေတဲ့ ဗာစကီက ဒေသခံတွေကို နည်းလမ်းမျိုးစုံနဲ့ဖြားယောင်းခဲ့ပါတယ်။ ဒါပေမဲ့လည်း တောကို စောင့်ရှောက်နေတဲ့ ဗိုင်းရပ်စ်‌တစ်မျိုးဖြစ်တဲ့ ဝံပုလွေအသွင်ပြောင်းစေတဲ့ ပိုးက ဗာစကီထံကို ကူးစက်သွားတဲ့ အချိန်မှာတော့ ဘယ်လိုတွေဆက်ဖြစ်မလဲဆိုတာအပြင်..... ဘယ်သူတွေက ဘာစကီရဲ့သားကောင်ဖြစ်လာမလဲ။..... ဒီရောဂါပိုးကနေကောလွတ်မြောက်နိုင်ပါ့မလား ဒါမှမဟုတ် ဘာစကီတစ်ယောက် တစ်သက်လုံး အသွင်းပြောင်းဝံပုလွေပဲ ဆက်ဖြစ်သွားမလားဆိုတာကို ကြည့်ရှုရမယ့် လျှို့ဝှက်ဆန်းကြယ်မှုတွေနဲ့ပြည့်နေတဲ့ ဇာတ်လမ်းလေးပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

ဒီတစ်ခေါက်မှာတော့ 2008 ခုနှစ်ထဲကထွက်ရှိထားတဲ့ စစ်ပွဲတွေ တိုက်ပွဲတွေနဲ့ ရင်ဖိုစိတ်လှုပ်ရှားစွာ ကြည့်ရှုရမယ့် action movie လေးဖြစ်တဲ့ An Empress And The Warriors ဆိုတဲ့ ရုပ်ရှင်ဇာတ်ကားလေးကို မိတ်ဆက်ပေးချင်ပါတယ်။ ဒီဇာတ်ကားလေးကတော့ တိုင်းပြည်ရဲ့ ဩဇာအာဏာ ရော၊ရဲစွမ်းသတ္တိတွေရော ပြည့်စုံတဲ့ ဘုရင်နတ်ရွာစံသွားတဲ့အခါ အရိုက်အရာထီးနန်းဆက်ခံဖို့ အငြင်းအခုန်တွေကြားက တစ်ဦးတည်းသော သမီးဖြစ်သူက ဆက်လက် အုပ်ချုပ်ခဲ့ရပါတယ်။ စစ်ပွဲတွေနဲ့ ငြိမ်းချမ်းမှုမရှိတဲ့ တိုင်းပြည်ကြောင့် ပြည်ပရန်တွေကို အစဉ်အမြဲတိုက်ထုတ်နေရတဲ့ကြားမှ နန်းတော်တွင်း အချင်းချင်းပုန်ကန်ပြီး အာဏာလုမှုတွေကြောင့် အသက်ပေါင်းများစွာ စတေးရပုံတွေ၊ တရားမျှတမှုအတွက် အသက်ကို ရင်းပြီး တိုက်ခိုက်ပုံတွေကို ကြည့်ရှူရမှာပါ။ စစ်သည်စစ်သားပေမယ့် ချစ်ခြင်းမေတ္တာအပေါ် နူးညံ့ပုံလေးတွေနဲ့ တိုင်းပြည်အတွက် ကိုယ်ကျိုးစွန့်ပြီး ချစ်ခင်သူတွေကို စွန့်လွှတ်ရပုံတွေကို ရသမျိုးစုံရအောင် ရိုက်ကူးပေးထားတဲ့ action ဇာတ်ကားကောင်းလေးပဲ ဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

Horror, mystery ကားဖြစ်ပါတယ်။ 2014 တုန်းက ကား Last Ship ရဲ့ remake film ပါ။ ဘာသာရေးအယူအဆအလွဲတွေ ကိုးကွယ်မှုတွေ ယဇ်ပူဇော်တာမျိုးတွေကို အဓိကဖော်ပြထားတာပါ။ သွေးသံရဲရဲသတ်ဖြတ်တာတွေ ကြောက်စရာသေဆုံးမှုတွေပါလို့ အသည်းငယ်တဲ့သူတွေ မကြည့်ခင်စဉ်းစားသင့်ပါတယ်။ ဂျက်ဆီကာဆိုတဲ့ ရဲအရာရှိအသစ်က သူ့အဖေရဲအရာရှိသေဆုံးတဲ့အကြောင်းရင်းကို ရှာဖို့ ညဆိုင်းတာ၀န်ကို သူ့အဖေလုပ်ခဲ့တဲ့ ရဲစခန်းဟောင်းမှာစောင့်ဖို့ တောင်းဆိုခဲ့ပါတယ်။ အဲ့စခန်းဟောင်းက ဘယ်သူမှမရှိတော့ဘဲ ညဘက်ကို တာ၀န်အရစောင့်ရတာပါ။ ဂျက်ဆီကာရဲ့အဖေက လုပ်ဖော်ကိုင်ဖက်တွေကို ပစ်သတ်ပြီး သူ့ကိုယ်သူလည်း ပစ်သတ်ခဲ့တာပါ။ သူ့အမေကိုမေးပေမယ့်လည်း မပြောပြခဲ့ပါဘူး။ သူသိခဲ့သလောက်အရ သူ့အဖေက လူကောင်းဖြစ်တဲ့အတွက် ဒါကိုအဖြေရှာဖို့ ဆုံးဖြတ်လိုက်တာပါ။ စခန်းဟောင်းမှာ စောင့်နေရင်းနဲ့ အိမ်ခြေရာမဲ့လူတစ်ယောက် စခန်းထဲ ခိုး၀င်လာရာကစပြီး ကြောက်စရာအဖြစ်အပျက်တွေစတင်ပါတော့တယ်။ သူ့အဖေဖြေရှင်းခဲ့တဲ့ အုပ်စုလိုက်လူသတ်မှုနဲ့ဆိုင်တဲ့အရာတွေကို တွေ့ခဲ့ပါတယ်။ ထင်ယောင်ထင်မှားဖြစ်ပြီး ကြောက်စရာမြင်ကွင်းတွေကိုလည်း မြင်နေရပါတယ်။ ဂျက်ဆီကာရဲ့မိသားစုက ဒီဖြစ်ရပ်တွေနဲ့ ဘယ်လိုပတ်သက်နေတာလည်း၊ သူ့ကိုဖုံးကွယ်ထားတဲ့ လျှို့ဝှက်ချက်က ဘာဖြစ်မလဲ၊ ဂျက်ဆီကာနောက်ကို ဘယ်သူတွေလိုက်နေလဲဆိုတာကတော့ သည်းထိတ်ရင်ဖိုစွာ ဆက်လက် အဖြေရှာကြည့်ပါဉီး။ ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်

ဇာတ်လမ်းအကျဉ်းကတော့ ပစိဖိတ်သမုဒ္ဒရာထဲကို ဥက္ကာခဲတွေ အစုလိုက်အပြုံလိုက် ပြုတ်ကျတာကနေကမ်းရိုးတန်းဒေသက မြို့တွေထဲကိုပါ ပြုတ်ကျလာခဲ့ပါတယ်။ အဲဒီတော့ အမေရိကန်စစ်တပ်က ပြည်သူတွေကိုဘေးလွတ်ရာရွှေ့ပြောင်းဖို့ မရိန်းတပ်ဖွဲ့တွေကို တာဝန်ပေးခဲ့ပါတယ်။ ဒါပေမဲ့ ဥက္ကာခဲတွေပြုတ်ကျရုံတင်မကပဲ ကမ္ဘာမြေကိုကျူးကျော်ဖို့ ဂြိုလ်သားတွေပါလာတော့ တပ်စိတ်၊ တပ်ခွဲ၊ တပ်ရင်းတွေအားလုံး သေကြေပျက်စီးခဲ့ပြီး မရိန်းတပ်စုလေးတစ်ခုသာ အသက်ရှင်ကျန်ရစ်ခဲ့ပါတယ်။ ဒီတော့ အဲဒီမရိန်းတပ်စုလေးဟာ မြို့ထဲမှာပိတ်မိနေတဲ့လူတွေကို ဘယ်လိုကယ်တင်မလဲ။ ဂြိုလ်သားတွေကိုရော ရင်ဆိုင်နိုင်ပါ့မလားဆိုတာကို စိတ်ဝင်တစားကြည့်ရှုခံစားရမယ့်ဇာတ်ကားလေးဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ MCEC ဖြစ်ပါတယ်

ဒုတိယကမ္ဘာစစ်အကြောင်းကိုမှဂန္တဝင်မင်းသားကြီး Brat Pitt သရုပ်ဆောင်ထားတဲ့ Old But Gold ဟောင်းပေမဲ့ကောင်းနေဆဲဖြစ်တဲ့ Fury ဆိုတဲ့ဇာတ်ကားကိုတင်ဆက်ပေးလိုက်ပါတယ်။ဇာတ်လမ်းအကျဉ်းချုပ်ကတော့အမေရိကန်တွေကဟစ်တလာဦးဆောင်တဲ့ဂျာမနီစစ်တပ်ကိုနောက်ဆုံးအနေနဲ့အပြင်းအထန်ထိုးစစ်ဆင်ခဲ့တဲ့ကာလအကြောင်းကိုရိုက်ကူးထားတာပဲဖြစ်ပါတယ်။အဲ့ဒီလိုထိုးစစ်ဆင်နေတဲ့ထဲမှာအရေးပါတဲ့တပ်ဖွဲ့တစ်ခုကတော့ဆာဂျင်ဒွန်ကော်လီရာဦးဆောင်တဲ့တင့်ကားတပ်ဖွဲ့ပဲဖြစ်ပါတယ်။သူ့ရဲ့ဦးဆောင်မှုတွေနဲ့ပြောင်မြောက်လှတဲ့စစ်နည်းဗျူဟာတွေကြောင့်ဒွန်ကနာမည်ကြီးတဲ့လူတစ်ယောက်လဲဖြစ်ပါတယ်။သူ့ရဲ့တပ်သားတွေနဲ့လဲအရမ်းစည်းလုံးပြီးစစ်ဆင်ရေးတိုင်းနီးပါးကိုအောင်မြင်အောင်ထမ်းဆောင်နိုင်တဲ့လူပဲဖြစ်ပါတယ်။ဒီကားထဲမှာတော့ဒွန်ဦးဆောင်တဲ့တင့်ကားတပ်ဖွဲ့ကဂျာမနီတွေကိုချေမှုန်းပုံတွေကိုအထူးကြည့်ရှုရမှာဖြစ်ပြီးစစ်ပွဲအတွင်းမှာကြုံတွေ့ရတဲ့ဝမ်းနည်းစရာပျော်ရွင်စရာရသပေါင်းစုံကိုတွေ့မြင်ရမှာပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

ဒီဇာတ်လမ်းလေးဟာ 1990 ခုနှစ်ကထွက်ရှိခဲ့တဲ့ ဇာတ်လမ်းပဲဖြစ်ပါတယ် ဇာတ်လမ်းထဲတွင်ပါဝင်တဲ့ ဗယ်နဲ့အာရ်တို့ဟာ သူတို့မြို့လေးမှာ လက်သမားတွေအဖြစ်ကြုံရာအလုပ်လိုက်လုပ်ရင်းနေထိုင်ကြပါတယ်၊ ဒါပေမယ့်သူတို့ဟာ ဒီအလုပ်တွေကိုစိတ်ကုန်ပြီး မြို့ကြီးကိုတက်ကာ အလုပ်လုပ်ဖို့ကြံရင်း မြို့အထွက်မှာ ထူးဆန်းတဲ့လူသေမှုတွေကိုကြုံတွေ့ရပါတော့တယ်၊ ဒီလူသေမှုတွေကို ဘယ်လိုအရာတွေကလုပ်ထားဖြစ်မလဲ အဲ့အရာတွေလက်ကလွတ်အောင် ဘယ်လိုတိုက်ထုတ်သွားကြမလဲဆိုတာကိုတော့ ဇာတ်လမ်းလေးကို အဆုံးထိကြည့်ရှု ခံစားလိုက်ကြပါအုံး... ဇာတ်လမ်းအညွှန်းနဲ့ ဘာသာပြန်သူကတော့ innocentsheep ဖြစ်ပါတယ်

ထိုင်းသမိုင်းကြောင်းထဲက မင်းသမီး ဆူရီယိုထိုင်းအကြောင်းကို ပုံဖော်ထားတဲ့ကားဆိုပေမယ့် ထိုင်းနိုင်ငံအတွင်းမှာ ပြိုကွဲနေတာတွေနဲ့ အဓိကက ဗမာဘုရင်နဲ့ စစ်ဖြစ်တဲ့အကြောင်းကို ရိုက်ထားတာပါ။ မင်းသမီးဆူရီယိုထိုင်းဟာ ငယ်စဉ်ထဲက သူ့နိုင်ငံနဲ့လူမျိုးကို ကာကွယ်ချင်စိတ်ပြင်းတဲ့သူပါ။ သူမက ငယ်စဉ်ထဲက ကစားဖော် သခင်ပီရန်နဲ့ အရွယ်ရောက်တဲ့အခါ ချစ်ကျွမ်း၀င်ခဲ့ပါတယ်။ ဒါပေမယ့် ဆင်ဖမ်းပွဲတစ်ခုမှာ မင်းသားတီရန်က သူမကိုတွေ့ပြီး စုံမက်တဲ့အတွက် လက်ဆက်ဖို့ တောင်းခံခဲ့ပါတယ်။ မင်းသမီးက ချစ်ရတဲ့သူရှိပေမယ့် တိုင်းပြည်အတွင်းမှာ ပဠိပက္ခဖြစ်ပြီး မတည်မငြိမ်ဖြစ်မှာစိုးတဲ့အတွက် လက်ခံလိုက်ရပါတယ်။အဲချိန် တိုင်းပြည်ထဲမှာ ကျောက်ရောဂါကူးစက်နေပြီး ပြည်သူတွေ သေကြပျက်စီးကြပါတယ်။ မင်းကြီးကိုယ်တိုင် ရောဂါခံစားရပြီး နတ်ရွာစံသွားပါတယ်။ ဗမာတပ်တွေကလည်း နယ်စပ်မှာ လာတိုက်နေတဲ့အတွက် ဒုတိယမင်းကြီး ချိုင်ရာဂျက အာဏာသိမ်းပြီး ထီးနန်းဆက်ခံခဲ့ပါတယ်။ ဒါပေမယ့်လည်း ချိုင်ရာဂျရဲ့ မိဖုရားက သူ့ကိုဆက်ပုန်ကန်ဖို့ ကြံစည်ပါတယ်။ သူမက တိုင်းပြည်ကို သူမတို့မင်းဆက်ကလူတွေပဲ အုပ်ချုပ်စေချင်တာပါ။ ဒါကြောင့် ချိုင်ရာဂျကိုအဆိပ်ခတ်ပြီး သူမအကြံကို အကောင်အထည်ဖော်ခဲ့ပါတယ်။ ဆူရီယိုထိုင်းရဲ့ခင်ပွန်းမင်းသားတီရန်ကိုပါ သတ်ဖို့လာပေမယ့် ဘုန်းကြီး၀တ်နေတာဖြစ်ပြီး ချိုင်ရာဂျက အမိန့်ချကာကွယ်ပေးခဲ့တဲ့အတွက် မအောင်မြင်ခဲ့ပါဘူး။ တိုင်းပြည်အတွင်းမှာလည်း စည်းလုံးမှုပြိုကွဲနေပြီး မြောက်ပို

ဒီဇာတ်ကားလေးက Action, Crime, Thriller အမျိုးအစားဖြစ်ပါတယ်။ ဇာတ်လမ်းအကျဉ်းကတော့ ပြင်သစ်မှာ အကြမ်းဖက်တိုက်ခိုက်မှုတွေပေါ်ပေါက်လာတဲ့အတွက် အကြမ်းဖက်သမားကိုနှိမ်နှင်းဖို့ လုပ်သက်၂၀ရှိတဲ့ အထူးအေးဂျင့်ဖြစ်သူ အာဒမ်ကို တာဝန်ပေးခဲ့ပါတယ်။ သူ့တာဝန်ကတော့ အကြမ်းဖက်သမားနဲ့ အဆက်အသွယ်ရှိတဲ့ လူဆိုးဂိုဏ်းတစ်ခုကို အသွင်ယူပြီး ချဉ်းကပ်ဝင်ရောက်ဖို့ပါပဲ။ ဒီလိုနဲ့ အာဒမ်ဟာ လူဆိုးဂိုဏ်းထဲကိုရောက်သွားပြီး ခေါင်းဆောင်ဖြစ်သူ ဗစ်တာရဲ့ ယုံကြည်မှုကိုရနိုင်မလား။ အကြမ်းဖက်သမားကိုရော လိုက်ရှာပြီးရှင်းပစ်နိုင်ပါ့မလားဆိုတာ ကြမ်းတမ်းတဲ့အက်ရှင်ခန်းတွေနဲ့ ကြည့်ရှုခံစားရမယ့် ဇာတ်ကားလေးဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ MCEC ဖြစ်ပါတယ်

ဂန္တဝင်မင်းသားကြီးအာနိုးရဲ့ 1990 ခုနှစ်ကထွက်ခဲ့တဲ့သိပ္ပံဇာတ်ကားကောင်းတစ်ကားကိုပြန်လည်တင်ဆက်ပေးလိုက်ပါတယ်။အရမ်းကြာနေပြီဆိုပေမဲ့ကြည့်လို့ကောင်းတဲ့ဇာတ်အိမ်တွေ Effect တွေနဲ့ရိုက်ကူးထားတဲ့ဇာတ်ကားပဲဖြစ်ပါတယ်။ဇာတ်လမ်းအကျဉ်းချုပ်ကတော့ဒေါက်ဆိုတဲ့လူတစ်ယောက်ကအိပ်မက်ထဲမှာမားစ်ဂြိုလ်အကြောင်းကိုအမြဲတမ်းအိပ်မက်မက်နေခဲ့ပြီးအဲ့ဒီကိုအမြဲတမ်းသွားချင်နေတာပဲဖြစ်ပါတယ်။တစ်နေ့မှာတော့ကိုယ်သွားချင်တဲ့ခရီးကိုကိုယ်တိုင်သွားစရာမလိုပဲမှတ်ဉာဏ်တွေကနေတစ်ဆင့်သွားလို့ရမဲ့ရီကောကုမ္ပဏီရဲ့ကြေညာတစ်ခုကိုတွေ့ခဲ့ပါတော့တယ်။ဒီလိုနဲ့ဒေါက်တစ်ယောက်တွေဝေမနေတော့ပဲ အဲ့ဒီရီကောကုမ္ပဏီကိုသွားခဲ့ပါတော့တယ်။ဒါပေမယ့်လုပ်ငန်းစဉ်မှာအမှားအယွင်းတွေဖြစ်ခဲ့ပြီးသူ့ရဲ့မှတ်ဉာဏ်ဟောင်းတွေကိုပြန်ရလာပြီးစိတ်ကစဉ့်ကလျားတွေဖြစ်လာပါတော့တယ်။အဲ့ဒီလိုမှတ်ဉာဏ်နဲ့ခရီးသွားပြီးနောက်မှာတော့သူ့ရဲ့သာမာန်ဘဝတစ်ခုကမထင်မှတ်ထားတဲ့အရာတွေအများကြီးနဲ့တွေ့ကြုံလာရပါတော့တယ်။ဒီလိုနဲ့ဒေါက်တစ်ယောက်သူ့ဘဝရဲ့ဆန်းကြယ်တဲ့အရာတွေကိုဖြေရှင်းပြီးသူတကယ်တမ်းဘယ်သူဆိုတာကိုသိလာမလားဆိုတာကိုကြည့်ရှုရမဲ့ဇာတ်ကားတစ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

အခုတင်ဆက်ပေးမှာကတော့ တရုတ်မှုခင်းရုပ်ရှင်ပါ။ နောက်ထပ် crime,dramaအမျိုးအစားဇာတ်ကားကောင်းတစ်ကားပါပဲ။ ကျန့်တုဟာ အမှုပေါင်းများစွာကိုဖော်နိုင်ခဲ့ပြီး အရည်အချင်းရှိတဲ့ အမှန်တရားဘက်တော်သား ရဲအရာရှိတစ်ယောက်ပါ။ ချစ်ရတဲ့ဇနီးနဲ့ရှောင်ကျဲဆိုတဲ့သားလေးနဲ့ သာယာတဲ့ဘဝလေးဟာ ကြာရှည်မခံခဲ့ပါဘူး။ ဇနီးကွယ်လွန်ပြီးနောက်ပိုင်း အလုပ်တစ်ဖက်နဲ့ ရှောင်ကျဲကိုတစ်ယောက်တည်းခက်ခက်ခဲခဲစောင့်ရှောက်နေရတယ်။ တနေ့မှာရှောင်ကျဲကိုအနိုင်ကျင့်တဲ့ လူငယ်ကောင်လေးတွေကိုလိုက်ဆုံးမရင်း ဖမ်းမိခဲ့တဲ့လူရမ်းကားတစ်ယောက်က လူကုန်ကူးဂိုဏ်းခေါင်းဆောင်တစ်ယောက်ရဲ့သားဖြစ်နေပါတော့တယ်။ ကိုယ့်သွေးသားမှ သွေးသားထင်တတ်တဲ့criminalတွေရဲ့သဘာဝအတိုင်း ဂိုဏ်းခေါင်းဆောင်ကလည်း ရဲအရာရှိရဲ့သားကို ပစ်မှတ်ထားပါတော့တယ်။ အလုပ်ကိုသဲကြီးမဲကြီးလုပ်နေခဲ့မိတာကိုနောင်တရပြီး ဖခင်တာဝန်ကျေပွန်အောင်နေမယ်လို့ ဆုံးဖြတ်ပြီးကာမှ သားကပြန်ပေးဆွဲခံလိုက်ရတဲ့အခါ....ကျန့်တုတစ်ယောက် သူ့သားကိုအန္တရာယ်တွေကြားထဲကနေဘယ်လိုကယ်ထုတ်မလဲဆိုတာ ရင်တထိတ်ထိတ်နဲ့ကြည့်ရှုကြရမှာပါ။ ဒီဇာတ်ကားမှာ မင်းသမီးChen Yaoကလည်း အားဖြည့်ပါဝင်ပေးထားပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Helen Hnin ဖြစ်ပါတယ်

ဇာတ်လမ်းအကျဉ်းကတော့ စလန်လေယယ်နက်စ်ဟာ ယယ်နက်စ်မိသားစုရဲ့ငါးယောက်မြောက် မျိုးဆက်ဖြစ်ပြီး လွန်ခဲ့တဲ့နှစ်ပေါင်း၁၅၀က ကျိန်စာတစ်ခုကြောင့် သူ့ဘဝမှာ အမြဲတမ်း တလွဲတွေနဲ့ကြုံနေရပြီး ကံဆိုးနေသူပေါ့။ ကံဆိုးချက်ကတော့ သူ့ဟာသူလမ်းလျှောက်နေရင်းဘယ်ကရောက်လာမှန်းမသိတဲ့ဖိနပ်တစ်ရံက သူ့ခေါင်းပေါ်ကိုပြုတ်ကျလာပြီး ဖိနပ်ခိုးမှုနဲ့ အဖမ်းခံခဲ့ရပါတယ်။ ဆယ်ကျော်သက်လူငယ်အရွယ်ဖြစ်နေတဲ့အတွက် ထောင်မကျပဲ ဂရင်းလိတ်ခ်လို့ခေါ်တဲ့ လူငယ်ထိန်းသိမ်းရေးစခန်းကို အပို့ခံလိုက်ရပါတယ်။ ဂရင်းလိတ်ခ်စခန်းဟာ ကျန်တဲ့စခန်းတွေနဲ့မတူပဲ လူငယ်တွေကို ပြုပြင်ထိန်းသိမ်းရေးဆိုတဲ့ခေါင်းစဉ်အောက်မှာ နေ့တိုင်း တွင်းတစ်တွင်းစီ တူးခိုင်းနေကြတာပါ။ လူငယ်လေးတွေဟာ ကန္တာရရဲ့ ပူပြင်းလှတဲ့နေရောင်အောက်မှာ တွင်းတူးရင်း အဝါပြောက်ဖွတ်တွေနဲ့ ခလောက်မြွေတွေရဲ့ရန်ကိုလည်း ကြောက်ရပါသေးတယ်။ စတန်လေဟာ စခန်းမှာအသားကျအောင်ကြိုးစားနေထိုင်ရင်း ဇီးရိုးဆိုတဲ့ကောင်လေးတစ်ယောက်နဲ့ ခင်မင်သွားပါတယ်။ တစ်နေ့မှာတော့ ဇီးရိုးဟာ တွင်းမတူးချင်တော့တဲ့အတွက် ထွက်ပြေးသွားခဲ့ပါတယ်။ အစာမရှိရေမရှိတဲ့ ကန္တာရထဲကို တစ်ယောက်တည်းထွက်ပြေးသွားတဲ့အတွက် နောက်နေ့ကျတော့ စတန်လေပါ ဇီးရိုးကိုလိုက်ရှာဖို့ ထွက်ပြေးလာခဲ့ပါတယ်။ ဒီလိုနဲ့ သူတို့သိလိုက်ရတာက သူတို့စခန်းက ကြီးကြပ်ရေးမှူးဟာ တွင်းတွေကိုအကြောင်းမဲ့တူးခိုင်းနေတာမဟုတ်ပဲ လွန်ခဲ့တဲ့နှစ်ပေါင်းများစွာကမြှုပ်နှံခဲ့တဲ့ ရတနာကိုရှာနေတယ်ဆိုတာပါပဲ။ အဲဒီရတနာက

မွေးရာပါထူးခြားစွမ်းအင်တွေကြောင့် အဖွားဖြစ်သူနဲ့အတူ တောင်ပေါ်ဒေသမှာ ဇာတ်မြှုပ်နေခဲ့တဲ့ ခရစ်ရှ်နာမီရာ။ အဲ့စွမ်းအားတွေကြောင့်ပဲ ရွယ်တူသူငယ်‌ချင်းတွေရဲ့ ရှောင်ခွာခြင်းကို ခံရရင်း ‌ကျေးငှက်တိရစ္ဆာန်တွေနဲ့အတူ အဖော်လုပ်ကာ တောတောင်သဘာဝတရားတွေနဲ့ လိုက်လျောညီထွေနေခဲ့ရပါတယ်။ တစ်နေ့မှာတော့ ခရစ်ရှ်နာတို့ရွာကို လေ့လာရေးခရီးထွက်လာတဲ့ ကြိုးမဲ့ယာဉ်ကနေ ပျက်ကျလာတဲ့ ရှိုးတင်ဆက်သူလေး ပါရီရာနဲ့ တွေ့ဆုံခဲ့ရပါတယ်။ အဲ့ကတစ်ဆင့်ပါရီရာနဲ့ နီးစပ်ဖို့ ကြိုးစားရင်း စင်ကာပူကို သွားဖို့ ‌အကြောင်းဖန်လာခဲ့ပါတယ်။ ဒါဆို အဖွားဖြစ်သူကကော သူ့မြေးလေးကို အဝေးကို မလွှတ်ချင်ရတဲ့အကြောင်းရင်းကဘာဖြစ်မလဲ။ ဒါ့အပြင် ခရစ်ရှ်နာတစ်ယောက် ဘယ်လိုအခက်အခဲ‌ေတွနဲ့ ရင်ဆိုင်ရမလဲဆိုတာကို ကြည့်ရှူရမှာပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

ဥပဒေပြုလွှတ်တော်အဖွဲ့ဝင်တစ်ဦးဖြစ်တဲ့ မာစတာပါတီရီရာရဲ့ အန်ကယ်ဟွန်လို့ ခေါ်တဲ့ ပိန္နဲသီးနှစ်လုံးပျောက်ရှာပုံတော်ပဲ ဖြစ်ပါတယ်။ အဲ့ပိန္နဲသီးမှုကို ရှာရင်း သုံးရက်မြောက်နေ့မှာ ပိန္နဲသီးထက်အရေးကြီးတဲ့ ပြစ်မှုနောက်ကို လိုက်ဖို့ ကြုံလာခဲ့ပါတယ်။ ထက်ထက်မြက်မြက်ရှိတဲ့ ထောက်လှမ်းရေးမှူး မဒမ်မာဟီမာ, သူ့ရဲ့ ခင်ပွန်းလောင်းဖြစ်တဲ့ ဆူရက်ဟ်နဲ့ ကျန်တဲ့ အဖွဲ့သားတွေအားလုံးက ပိန္နဲသီးအမှူကို လိုက်စုံစမ်းရမယ့်သူတွေပါ။ ဒါပေမဲ့ ပိုအရေးကြီးတဲ့ ပြန်ပေးဆွဲခံရတဲ့အမှုကို သူတို့ဘယ်လိုမျိုး အောင်မြင်အောင် ထမ်းရွက်ကြရမလဲ။ မူလဇာတ်မြစ်ဖြစ်တဲ့ ပိန္နဲသီးတွေကိုကော ရှာတွေ့ပါ့မလားဆိုတာကို ကြည့်ရှုရမယ့် ဇာတ်လမ်းလေးပဲ ဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

အကြမ်းဖက်အဖွဲတစ်ခုကပြဇာတ်ရုံတစ်ခုမှာ ပြဇာတ်အဖွဲဝင်တွေကို ဓားစားခံအနေနဲ့ဖမ်းထားပြီး အကျပ်ကိုင်ခဲ့တယ်။ အဲဒီဓားစာခံတွေကို မတ်တဲရိုနဲ့သူ့အချစ်ဆုံးသူငယ်ချင်းတိုအဖွဲက သွားကယ်ခဲ့ကြတယ်။ ကံဆိုးစွာနဲ့ပဲ မတ်တဲရိုရဲ့သူငယ်ချင်းက ကျဆုံးသွားခဲ့တယ်။ အချစ်ဆုံးသူငယ်ချင်းကိုဆုံးရှုးလိုက်ရတဲ့ မတ်တဲရိုက နှစ်အကြာကြီး အားလုံးနဲ့အဆက်အသွယ်ဖြတ်ပြီးနေခဲ့တယ်။ ဒါပေမဲ့ မတ်တဲရိုက သူ့သူငယ်ချင်းသေဆုံးရတာဟာ သူ့ကြောင့်ပါဆိုတာကို ပြောပြဖို သူငယ်ချင်းရဲ့မိန်းမနဲ့ သမီးဖြစ်သယ အန်ဂျီဆီကို ထွက်လာခဲ့တယ်။ အဲဒါကြောင့်ပဲ စစ်ကထွက်ပြီး အေးအေးချမ်းချမ်းနေနေတဲ့ မတ်တဲရိုက အန်ဂျီရဲ့ ပထွေးရဲ့ အရှပ်ထုတ်ထဲ ဝင်ပါမိသွားတဲ့အခါ...။ ဇာတ်လမ်းအညွှန်းနဲ့ ဘာသာပြန်သူကတော့ marip pan ဖြစ်ပါတယ်

ချစ်သူသေဆုံးပြီးနောက် ပူဆွေးမှုကို ကျော်ဖြတ်ပြီး ဘ၀ကို ဆက်လက်ရှင်သန်ဖို့ ကြိုးစားနေတဲ့ အမျိုးသမီးနဲ့ အတိတ်က ဖြစ်ရပ်ကြောင့် အချစ်ကို အယုံအကြည်မရှိတော့တဲ့ အမျိုးသားတစ်ယောက်အကြောင်း romantic ဆန်ဆန် ကြည့်ရမှာပါ။ နာမည်ကျော် အဆိုတော့ Céline Dion နဲ့ အဓိကဇာတ်ကောင်မင်းသမီးရဲ့ ခင်ပွန်း Jonus Brothers အဖွဲ့က Nick Jonus လည်း ဧည့်သည်သရုပ်ဆောင်အနေနဲ့ ပါထားပါတယ်။ ဇာတ်လမ်းက မီရာဟာ သူ့ချစ်သူ ဂျွန်နဲ့ ပျော်ပျော်ရွှင်ရွှင် ဘ၀ကို ဖြတ်သန်းနေရာကနေ တစ်နေ့မှာ ဂျွန်က ကားတိုက်ခံရပြီး သေသွားပါတယ်။ မီရာ့ကို လက်ထပ်ခွင့်တောင်းမယ့် အစီအစဉ်လည်း ပျက်သွားပါတယ်။ မီရာက ချစ်သူကို မမေ့နိုင်ဘဲ ၂နှစ်လောက်ပူဆွေးနေပါတယ်။ မီရာက ကလေးစာအုပ်တွေ ပုံဆွဲထုတ်ဝေတဲ့ ပန်းချီဆရာမပါ။ ဒီလိုနဲ့ ချစ်သူဂျွန်ရဲ့ ဖုန်းနံပါတ်ကို သူမရဲ့ နေ့စဉ်ဘ၀ကို စာပို့နေခဲ့ပါတယ်။ တစ်ဖက်မှာလည်း ရော့ဘ်က မင်္ဂလာဆောင်ကာနီးမှာ ချစ်သူက ထားခဲ့တဲ့အတွက် အချစ်ကို မယုံကြည်တော့တဲ့သူပါ။ သူ့အလုပ်က အလုပ်အတွက်သုံးဖို့ ဖုန်းပေးတဲ့အခါ အဲ့ဖုန်းနံပါတ်က သေသွားတဲ့ ဂျွန်ရဲ့နံပါတ်ဖြစ်နေပါတယ်။ ဒီလိုနဲ့ မီရာပို့တဲ့စာတွေက ရော့ဘ်ဆီကို နေ့စဉ်ရောက်လာတဲ့အခါ.... ရော့ဘ်က သူ့ဆီစာပို့နေတဲ့သူကို ကြာတော့ စိတ်၀င်စားပြီးသိချင်လာတဲ့အတွက် တွေ့ဖို့ကြိုးစားတဲ့အခါ.... မီရာကလည်း အတိတ်ကိုမေ့ပျောက်ပြီး ဘ၀သစ်စဖို့ အချစ်သစ်ရှာဖို့ ကြိုးစားတဲ့အခါ.... သူတို့နှစ်ဉီး တကယ်ပဲ အချစ်ကို ပြန်ရှာတွေ့မလား၊ မီရာ

တိရစ္ဆာန်သုတေသနပညာရှင်တစ်ဦးကတိရစ္ဆာန်လေးတွေကိုလေ့လာရင်းနဲ့ဝက်ဝံကမွေးတဲ့လူသားကလေးလေးတစ်ယောက်ကိုတွေ့ခဲ့ပါတယ်။ဒီလိုနဲ့အဲ့ဒီကလေးလေးကိုမွေးစားခဲ့ပြီး ၂၅ နှစ်တာကြာမြင့်သွားခဲ့ပါတယ်။ကြီးပြင်းလာခဲ့တဲ့ဝက်ဝံကလေးလေးကအသက်ကြီးတဲ့အခါမှာ ၂၅ နှစ်သာရှိသေးပေမဲ့ အရွယ်ကတော့ ၅၂ နှစ်လောက်ထင်ရအောင်ကိုအိုမင်းနေပါတယ်။ဒါပေမယ့်ဝက်ဝံတစ်ကောင်ရဲ့ခွန်အားတွေစွမ်းအားတွေသူ့မှာအကုန်ရှိပြီးလူတိုင်းကိုလဲကူညီတတ်တဲ့ရိုးရိုးအအလူတစ်ယောက်ဖြစ်တဲ့အတွက်တစ်ရွာလုံးကလဲသူ့ကိုချစ်ခင်ကြပါတယ်။သူကရဲတစ်ယောက်လဲဖြစ်ခဲ့ဖူးပြီးသူ့ရဲ့အလွဲတွေကြောင့်အလုပ်ပြုတ်ခဲ့တဲ့လူတစ်ယောက်လဲဖြစ်ပါတယ်။တစ်နေ့မှာတော့သူ့ညီရဲ့ကောင်းမှုနဲ့အဖမ်းခံရပြီးနောက်မှာသူနဲ့ချွတ်စွပ်တူနေတဲ့လူဆိုးတစ်ယောက်ကိုဖမ်းဆီးဖို့အတွက်ရဲတစ်ယောက်အဖြစ်စစ်ဆင်ရေးပြန်လုပ်ခဲ့ရပါတော့တယ်။တကယ်တော့သူနဲ့ချွတ်စွပ်တူနေတဲ့လူဆိုးကသူမထင်မှတ်ထားတဲ့လူတစ်ယောက်ဖြစ်နေတာကိုသိလိုက်ရတဲ့အချိန်မှာတော့ဘာတွေဆက်ဖြစ်မလဲ သူ့ရဲ့စစ်ဆင်ရေးကရောအောင်မြင်သွားမလားဆိုတာကိုဟာသဆန်ဆန်ကြည့်ရှုရမဲ့ဇာတ်ကားလေးတစ်ကားပဲဖြစ်ပါတယ်။ ဇာတ်ကားဘာသာပြန်ဆိုသူနဲ့ အညွှန်းရေးသားသူကတော့ Eazy ဖြစ်ပါတယ်

မိန်းမလိုက်စားတဲ့ Charles နဲ့ ငွေမက်တဲ့ Elaine တို့ဟာ စက်ရုပ်ကိုယ်ပွားတွေ သုံးပြီးတော့လှည့်စားနေကြပါတယ်၊ တစ်ရက်မှာတော့ သူတို့ရဲ့ စက်ရုပ်ကိုယ်ပွားနှစ်ယောက် ဆုံတွေမိကြပြီး ချစ်ကျွမ်းဝင်သွားကြပါတော့တယ်၊ ခံစားချက်တွေကို လေ့လာပြီးတော့ တိုးတက်လာတဲ့ စက်ရုပ်နှစ်ယောက်ဟာ သူတို့ရဲ့ ပိုင်ရှင်တွေနဲ့ ဝေးရာကို လွတ်မြောက်နိုင်အောင် ကြိုးစားနေတာကို ပိုင်ရှင်တွေဖြစ်တဲ့ Charles နဲ့ Elaine တို့က လိုက်ဖမ်းရတာကို ကြည့်ရမှာပဲ ဖြစ်ပါတယ်။ ဇာတ်ကားကို ဘာသာပြန်ဆိုပြီး အညွှန်းရေးသားသူကတော့ cat ဖြစ်ပါတယ်

ဘတ်စကတ်ဘောသမားမိုက်ကယ်ဂျော်ဒန်နဲ့ Nike ကုမ္ပဏီတို့ ပထမဆုံစာချုပ်ချုပ်ဆိုတဲ့ ဇာတ်ကားဆိုလည်းမမှားပါဘူး။ Nike ကုမ္ပဏီဟာ ဘတ်စကတ်ဘောလောကမှာ အားကစားသမားကောင်းတွေမရှာနိုင်ပဲ အက်ဒီဒက်စ်တို့ ကွန်ဗက်တို့လို ကုမ္ပဏီနဲ့မယှဉ်ပြိုင်နိုင်ပဲ ဘတ်စကတ်ဘောလောကကနေ ထွက်ခွာသွားရတော့မယ့် ကုမ္ပဏီတစ်ခုပါ။အဲ့လိုနဲ့ မိုက်ကယ်ဂျော်ဒန်ကို ကုမ္ပဏီတွေအပြိုင်ဈေးပေးခေါ်တဲ့အခါမှာတော့ Nike ကုမ္ပဏီကလည်း ဈေးပေးခေါ်တဲ့အထိ ဖြစ်လာပါတယ်။ဂျော်ဒန်အမေကလည်း ပိုပေးနိုင်တဲ့ဘက်ကို အားသာနေပြီး ဂျော်ဒန်ကလည်း အက်ဒီးဒက်စ်ကို သွားဖို့အားသာနေပါတယ်။အဲ့လိုနဲ့ နောက်ဆုံးမှာ Nike ကုမ္ပဏီက ဂျော်ဒန်ကိုခေါ်နိုင်မှာလား အခြားကုမ္ပဏီတွေကဈေးပိုပေးပြီးခေါ်သွားနိုင်မလားဆိုတာ တစ်စုံတစ်ခုက ပြန်ထူဖို့ Sonny တို့ဘယ်လောက်ကြိုးစားခဲ့ရသလဲ စီးပွားရေးမှာ ဘယ်လောက်ထိပြိင်ဆိုင်မှုတွေများလဲဆိုတာကိုတော့ ဒီကားလေးထဲမှာ ‌ကြည့်ရှုလိုက်ကြပါဦးနော်။ ဇာတ်လမ်းအညွှန်းနဲ့ ဘာသာပြန်သူကတော့ Htet ဖြစ်ပါတယ်

မူးယစ်ဆေးမှုတွေကို လိုက်ပြီးထိန်းသိမ်းနေတဲ့ ရဲဝန်ထောက်ဒိုင်အာနာ။ တစ်နေ့မှာတော့ ဂိုဏ်းကြီးတစ်ဂိုဏ်းရဲ့ ကိုကင်းဆေးတွေကို ဖမ်းမိရရှိသွားတဲ့အခါမှာတော့ အင်အားကြီးတဲ့ လူမိုက်ဂိုဏ်းတွေက ဘယ်လိုမျိုးနဲ့ သူတို့ဆေးတွေ ပြန်ရအောင်ယူမလဲ။ မဒမ်ဒိုင်အာနာက မူးယစ်ဆေးအမှုတွေကို ဘယ်လိုကိုင်တွယ်မလဲ။ 2012ကတည်းကနေ ဆယ်နှစ်ဝာာ ထောင်ကျခဲ့တဲ့ ဘိုလာက စာရိတ္တကောင်းမွန်မှုကြောင့် အပြင်ကိုလွတ်လာတဲ့အခါမှာ... မွေးကတည်းက မတွေ့ခဲ့ရတဲ့ သမီးလေးကို ဘယ်လို အတားအဆီးတွေကြားက တွေ့နိုင်မလဲ။ ဒါတွေအပြင် မဒမ်ဒိုင်အာနာရဲ့ ထက်မြက်တဲ့ဦးဆောင်မှုတွေကို ကြည့်ရှူနိုင်မယ့် ဇာတ်လမ်းလေးပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

ဒီတစ်ခေါက်မှာတော့ horror အမျိုးအစား fan လေးတွေအတွက် အင်ဒိုနီးရှား horror ကားလေးဖြစ်တဲ့ Deadly Love Poem ဆိုတဲ့ ရုပ်ရှင်ဇာတ်ကားလေးနဲ့ မိတ်ဆက်ပေးချင်ပါတယ်။ ‌၂၀၂၂ ကထွက်ရှိခဲ့တဲ့ ဒီရုပ်ရှင်ကားလေးကတော့ မိန်းကလေးတစ်ဦးရဲ့ ဘဝနဲ့ ကြုံတွေ့ရတဲ့ လူတွေအကြောင်းကို အခြေခံပြီး ရိုက်ကူးထားတာပဲ ဖြစ်ပါတယ်။ Ranum ဆိုတဲ့ ကောင်မလေးတစ်ယောက်က ဘဝမှာ ယောက်ျားလေးတွေဆီက အချိုသပ်တဲ့ စကားလုံးတွေနဲ့ ဖောက်ပြန်မှုတွေပဲခံရတဲ့အခါ သူတောင်မသိလိုက်တဲ့ အချိန်မှာပဲ သူနဲ့ ပက်သတ်တဲ့သူတွေက အသေဆိုးနဲ့ သေဆုံးမှုတွေဖြစ်လာတဲ့အခါ၊ဘယ်တော့မှ မြဲမြံတဲ့ မိသားစုဘဝမရဘဲ အမြဲကွဲကွာပြီး တစ်ခုလပ်ဖြစ်စေတဲ့ မိသားစုကျိန်စာကြောင့် သူတကယ်ချစ်တဲ့သူ အပေါ်ကိုရော ကျိန်စာက သက်ရောက်နိုင်မလား၊ အမြဲထူးဆန်းမှုတွေပဲ ကြုံနေရပြီး တစ်ယောက်ယောက်က ဘေးနားမှာ အမြဲအဖော်လုပ်ပေးနေသလို ခံစားရတဲ့ ခံစားချက်တွေကကော သူအမြဲမြင်နေတဲ့ အိပ်မက်ထဲမှာတွေ့တွေ့နေရတဲ့ ကလေးမလေးနဲ့ ဆိုင်နေမလား၊ အဲ့ကလေးမလေးကရော သူနဲ့ ဘယ်လိုပက်သတ်နေမလဲ ဆိုတာကို ဇာတ်ကားလေး‌ထဲမှာပဲ တစ်ခန်းချင်းကြည့်ရင်း အဖြေရှာကြရအောင်။ Horror/Thriller movie အမျိုးအစားလေးပေမယ့် ငြိမ့်ငြိမ့်လေးနဲ့ ဇာတ်လမ်းလေးအတိုင်း စည်းမြောရင်း ကြည့်ရှူရမယ့် ဇာတ်ကားကောင်းလေးတစ်ကားပါပဲနော်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

IMDb 7.3 ရထားပြီးတော့ ဆု 4 ဆုရထားတဲ့ ဇာတ်ကားတစ်ကားဖြစ်ပါတယ်။ ဇာတ်လမ်းအကျဉ်းကတော့ ဒုတိယကမ္ဘာစစ်ပြီးခါနီး နာဇီတွေ ဖင်လန်ကဆုတ်ခွာတဲ့အချိန်မှာလမ်းကြောင်းတစ်လျှောက်မှာရှိတဲ့ ရွာတွေမြို့တွေအားလုံးကို မြေလှန်မီးရှို့ဖျက်ဆီးခဲ့ပါတယ်။ သူတို့အပြန်လမ်းမှာပဲ တောထဲကနေ ရွှေရှာပြီးပြန်လာတဲ့ ဖင်လန်ကွန်မန်ဒိုစစ်သားဟောင်းအဘိုးကြီးတစ်ယောက်နဲ့ဆုံပြီး အဲဒီအဘိုးကြီးဆီက ရွှေတွေလု၊ လူသတ်ဖို့လုပ်ပါတယ်။ အဘိုးကြီးကကွန်မန်ဒိုစစ်သားဟောင်းဆိုတော့ နာဇီစစ်တပ်ကို တစ်ယောက်တည်း ဘယ်လိုရင်ဆိုင်သွားမလဲဆိုတာဇာတ်လမ်းထဲမှာပဲ ဆက်လက်ကြည့်ရှုကြပါ။ ဇာတ်လမ်းအညွှန်းနဲ့ ဘာသာပြန်သူကတော့ Nway Oo ဖြစ်ပါတယ်

သူငယ်ချင်းတွေကြားက ခိုင်မာတဲ့သံယောစဉ်တွေ၊ ခင်မင်ရင်းနှီးမှုတွေနဲ့ စွန့်လွှတ်အနစ်နာခံမှုတွေကို ကြည့်ချင်ရင်တော့ Disney က ဒီကားက အကောင်းဆုံးလို့ ပြောပါရစေ။ အဓိကဇာတ်ကောင်တွေက ဆယ်ကျော်သက်ကလေးတွေချည်းပဲ ဆိုပေမယ့် ရသမျိုးစုံပေးစွမ်းနိုင်တဲ့ ကားကောင်းတစ်ကားပါ။ ကေးလပ်နဲ့ သူငယ်ချင်းတစ်စုဟာ သူတို့မိဘတွေက လပေါ်က မိုင်းတွင်းမှာ လုပ်ရတဲ့အတွက် လပေါ်က အမိုးခုံးထဲမှာ နေရတဲ့ကလေးတွေပါ။ မိုင်းသမားတွေဟာ အလုပ်စပြီဆို အနှစ်၂၀စာချုပ်ချုပ်ရတဲ့အပြင် ကိုယ့်ရှေ့မျိုးဆက်က မစေ့ဘဲ တစ်ခုခုဖြစ်သွားရင် သားသမီးက ဆက်ပေါင်းလုပ်ရပါတယ်။ မတရားတဲ့ စာချုပ်ပေါ့။ပြီးတော့ မိဘတွေသေဆုံးရင် ကျန်တဲ့ကလေးကို ကမ္ဘာမြေကိုပြန်ပို့မယ်ဆိုတာလည်း ပါပါတယ်။ အဲ့ခရီးက ၇၅နှစ်ကြာအောင် အိပ်ပျော်ရင်းနဲ့သွားရမှာဖြစ်ပြီး ကမ္ဘာပေါ်ရောက်တဲ့အခါမှာ လက်ရှိအသက်အတိုင်းပဲ ရှိနေမှာဖြစ်ပါတယ်။ ကေးလပ်တို့ကလေးတွေက လပေါ်မှာပဲ မွေးပြီး ကြီးလာတာဖြစ်တဲ့အတွက် ကမ္ဘာမြေအကြောင်း ဘာမှမသိကြပါဘူး။ ကေးလပ်ရဲ့ ဖခင်က သူမသေဆုံးခင် အရင်က သူတစ်ခုခုဖြစ်ရင် သူပြောပြတဲ့နေရာကို ရောက်အောင်သွားပါဆိုပြီး တဖွဖွ ကတိတောင်းခဲ့ပါတယ်။ သူဖခင်ဆုံးသွားတဲ့အတွက် တာ၀န်ရှိသူတွေကလည်း ကေးလပ်ကို ပြန်ပို့ဖို့ စီစဉ်တဲ့အခါ...... ကေးလပ်က သူ့အချစ်ဆုံးသူငယ်ချင်းဒီလန်နဲ့ တိုင်ပင်ပြီး သူဒီမှာရှိနေတဲ့ရက်တွေအတွင်းကျန်သူငယ်ချင်းတွေနဲ့ သူ့အဖေပြောတဲ့နေရာကို ခရီးထွက်ဖို့ စီစဉ်ပါတော့တယ်။ သူတို့အဖွဲ့ကို မကြာခင်