Koki Uchiyama ပါဝင်သော ဇာတ်ကားများ

Meiji ခေတ်နောက်ခံ Historical Romance & Thriller နာမည်ကြီး Manga ကို Anime အဖြစ် ထွက်ရှိလို့လာခဲ့ပါပြီ။ JoJo နဲ့ Fire Force တွေလိုမျိုး Anime ကောင်းတွေကို ကိုင်တွယ်ပေးခဲ့တဲ့ David Production ကနေ ထုတ်လုပ်ပေးထားတာပါ။ ဇာတ်လမ်းလေးကလည်း ထူးခြားပါတယ်။ Satoko Kirigaya ဆိုတဲ့ ကောင်မလေးက မျိုးရိုးမြင့် အထက်တန်းစားမိသားစုနွယ်ဖွားတစ်ယောက်။ ဒါပေမဲ့ ပြင်းထန်တဲ့ရောဂါရှိနေပြီး အသက်ရှည်ရှည် နေရတော့မယ့်သူတော့ ဟုတ်မနေဘူး။ ဒီမှာတင် မိသားစုထဲက လျှို့ဝှက်ကြံစည်မှုတစ်ခုကြောင့် ပြန်ပေးဆွဲခံလိုက်ရပြီး အသတ်ခံရမယ့်ဘဝကို ရောက်ရှိသွားတော့တယ်။ သူ့ကို လာသတ်မယ့်လူဆိုတာ သွေးအေးရက်စက်တဲ့ Shinpei Goto ဆိုတဲ့ အမျိုးသား။ ဒီမှာတင် Satoko Kirigaya က လူသတ်သမား Shinpei Goto ကို အံ့ဩစရာကောင်းတဲ့ ကမ်းလှမ်းမှုတစ်ခု လုပ်လိုက်ပါတော့တယ်။ "ငါ့ကို မသတ်နဲ့... နင်လိုချင်သလောက် စည်းစိမ်ဥစ္စာ အရာအားလုံးပေးမယ် ငါနဲ့ လက်ထပ်လိုက်ပါ" ဆိုပြီး ပြောလာတော့ Shinpei Goto ရဲ့ ရွေးချယ်မှုကနေတဆင့် ဘယ်လိုမျိုး စိတ်ဝင်စားစရာ သည်းထိတ်ရင်ဖို အချစ်ဇာတ်လမ်းတစ်ပုဒ် ဖြစ်ပွားလာမလဲဆိုတာကို အပတ်စဉ် စောင့်မျှော် အားပေးလိုက်ကြရအောင်နော်....။

Love Through a Prism (2026) IMDB - 8.2/10, MyAnimeList - 8.5/10 နာမည်ကြီး Boys Over Flowers ဒါမှမဟုတ် F4 ဆိုပြီး လူသိများတဲ့ဇာတ်လမ်းကို ရေးဆွဲခဲ့တဲ့ ဆရာမ Yoko Kamio ရဲ့ နောက်ထပ်လှပတဲ့ဇာတ်လမ်းတစ်ပုဒ်ကို AOT တို့ Spy X Family တို့ရဲ့ ပဲ့ကိုင်ရှင် WIT Studio ကနေ ၁၉၀၀ ပြည့်နှစ် အင်္ဂလန်နောက်ခံရှုခင်းတွေ ဂျပန်နဲ့ နိုင်ငံခြားသားဇာတ်ကောင်တွေကို လှပတဲ့ Visual တွေ Animation တွေနဲ့ ဖန်တီးပေးထားပြီး Netflix ကနေ ၂၀၂၆ မှာ ထုတ်လွှင့်ပေးထားတဲ့ Anime စီးရီးကောင်းလေး ဖြစ်ပါတယ်။ ဇာတ်လမ်းလေးကတော့ ၁၉၀၀ ကျော်ကာလကို အခြေခံထားပါတယ်။ Lili ဆိုတဲ့ ဂျပန်မလေးဟာ ကီမိုနိုဆိုင်ရှင်ရဲ့တစ်ဦးတည်းသောသမီးဖြစ်ပေမဲ့လည်း ပန်းချီပညာကို စိတ်ပါဝင်စားလွန်းတာကြောင့် အလုပ်ကို အမွေဆက်ခံစေချင်တဲ့အမေဖြစ်သူနဲ့ အတိုက်အခံတွေလုပ် ၆ လအတွင်း ကျောင်းမှာ အဆင့် ၁ ဖြစ်ရမယ်တို့ မဟုတ်ရင် ရွာပြန်အိမ်ထောင်ပြုရမယ် ဘာညာစသဖြင့် ကတိကဝတ်တွေနဲ့ရော အစိုးရအထောက်အပံ့နဲ့အတူ အင်္ဂလန်နိုင်ငံ လန်ဒန်မြို့က အနုပညာကျောင်းကို ရောက်ရှိလာခဲ့ပါတယ်။ အဲဒီမှာတင် ငတ်တစ်လှည့် ပြတ်တစ်လှည့်နဲ့ Lili တစ်ယောက် သူ့ကတိအတိုင်း ကျောင်းမှာ အသေအလဲ ကြိုးစားရပါတော့တယ်။ ဒါပေမဲ့ အဲဒီမှာ ထူးဆန်းပြီး အရည်အချင်းရော ပါရမီပါရှိတဲ့ Kit ဆိုတဲ့ အင်္ဂလန်သားကောင်လေးနဲ့ ဆုံခဲ့ရပါတော့တယ်။ ဒီ Kit ဆိုတဲ့ကောင်လေးက ဖြစ်သလိုနေနေပေမဲ့လည်း ပါရမီရှိတာကြောင့် ကျောင်းမှာ အမြဲတမ်း အဆင့် ၁ ဖြစ်နေတဲ့သူပေါ့။ ဒါကြောင့် Lili အနေနဲ့ Kit ကို လိုက်လံယှဉ်ပြိုင်ရာကနေ သူတို့နှစ်ဦးကြား ထူးခြားတဲ့ ခံစားချက်တွေ မွေးဖွားပြီး ဇာတ်လမ်းဖြစ်လာပါတော့တယ်။ Kit ကို ငယ်စဉ်ကတည်းက လက်ထပ်ရမယ်ဆိုပြီး ကြံစည်ထားတဲ့ လူကုံထံအသိုင်းအဝန်းက Cathrine တို့ Lili လိုမျိုး ဂျပန်ကနေ အစိုးရအထောက်အပံ့နဲ့ ထပ်မံရောက်ရှိလာတဲ့ ပန်းပုဆရာလေး Shin တို့လည်း အချစ်ဇာတ်လမ်းတွေထဲ ပါဝင်ထားတဲ့အပြင် သူငယ်ချင်းတွေဖြစ်တဲ့ Dorothy တို့ Joffery တို့ Peter တို့ကလည်း ပံ့ပိုးပါဝင်ထားတာမို့ ဘာတွေဆက်ဖြစ်ကြမလဲဆိုတာကို သမိုင်းကြောင်းတွေရော အနုပညာဟန်ပန်တွေနဲ့ရော ဇာတ်ကောင်တွေရဲ့ခံစားချက်နဲ့အတူ အိပ်မက်နဲ့ချစ်ခြင်းမေတ္တာတွေကြား ရုန်းကန်ရပုံတွေကို ကြည့်ရှုခံစားရမှာ ဖြစ်ပါတယ်။

ဒီနေ့မှာပဲ Netflix ကနေ ထွက်ရှိလာတဲ့ ဒီ Anime ဇာတ်ကားလေးဟာ ၁၉၅၃ ခုနှစ်က ဂျပန်နိုင်ငံရဲ့ ဂန္ဓဝင် Manga တစ်ခုဖြစ်တဲ့ မန်ဂါဆရာကြီး Osamu Tezuka ရဲ့ Princess Knight ကို ကိုးကားပြီး ဒီနေ့ခေတ် ဒီနေ့ဟန်နဲ့ အသစ်ပြန်လည် ရေးဆွဲဖန်တီးထားတဲ့ ဇာတ်လမ်းလေးတစ်ပုဒ်ပဲ ဖြစ်ပါတယ်...။ ဒါရိုက်တာ Yuki Igarashi ဆိုတာလည်း JJK တို့ Frieren တို့နဲ့ တခြား Anime ကောင်းတွေကို ကိုင်ပေးခဲ့ဖူးတဲ့ Animator တစ်ယောက်ပဲဖြစ်ပါတယ်။ ဇာတ်လမ်းလေးပြောပြပေးရမယ်ဆိုရင် ကမ္ဘာကြီးမှာ Nergal ဆိုတဲ့ လူတိုင်း ကြောက်ရွံ့ရတဲ့ ပြာပုံဘုရင်ကြီးဆိုတဲ့ ကပ်ဘေးဒုက္ခ ဆိုက်ကပ်လျက်ရှိပါတယ်။ တစ်နေ့မှာတော့ Silver Land တိုင်းပြည်မှာ ဒီ Nergal ကပ်ဘေးကျရောက်လာပြီး မင်းသမီးလေးတစ်ပါးဖြစ်တဲ့ Sapphire က သူ့အဖော်ဖြစ်သူနဲ့အတူ လွတ်မြောက်လာပြီး တခြားတိုင်းပြည် Gold Land မှာ ကြုံသလိုလုပ်စားပြီး အသက်ရှင်သန်အောင် ရုန်းကန်နေထိုင်နေခဲ့ပါတယ်။ အဲဒီမှာ ဘဝကိုဇာတ်မြုပ်ပြီး မိုင်းတွင်းအဖွဲ့လေးတစ်ဖွဲ့နဲ့ အတူတူလုပ်ကိုင်ပြီး အဆင်ပြေနေတဲ့အချိန်ကျမှ အဲဒီမှာလည်း Nergal ပေါ်ပေါက်လာပြီး Sapphire အနေနဲ့လည်း စွမ်းအားတစ်ခု ရလာခဲ့တဲ့အချိန်မှာတော့ အရင်ကလို ကြောက်ပြီး ထွက်ပြေးခဲ့တဲ့ ကောင်မလေးမဖြစ်ချင်တော့ပဲ Ribbon Hero - Princess Knight ဆိုပြီး ဖဲကြိုးမင်းသမီး စစ်သည်တော်လေးအဖြစ် ဘယ်လိုတွေ မားမားမတ်မတ် ကာကွယ်သွားမလဲ အဲဒီ Gold Land တိုင်းပြည်ကြီးက ပြည်သူတွေကို တကယ်တမ်း Nergal လက်ကနေ ဘယ်လိုမျိုး ရှောင်နေသလဲဆိုတာတွေကို Animation အလန်းစားတွေနဲ့ ကြည့်ရှုခံစားသွားရမှာပဲ ဖြစ်ပါတယ်....။

ဒီကောင်လေးကတော့ Bandai ကနေ ထွက်ရှိလာမယ့် "Sword Art Online: Echoes of Aincrad" ဂိမ်းအတွက် ပရိုမို Epilogue ရုပ်ရှင်လေးပါ။ သူက Sword Art Online ဇာတ်လမ်းကမ္ဘာထဲကဖြစ်ပြီး Kirito တို့ Asuna တို့ ပါဝင်ပေမဲ့လည်း SAO ကို မကြည့်ဖူးတဲ့လူတွေလည်း ကြည့်လို့ အဆင်ပြေတဲ့ Stand alone ရုပ်ရှင်ဇာတ်လမ်းလေး ဖြစ်လို့ စိတ်ချလက်ချ Enjoy လုပ်နိုင်ပါတယ်။ ဒီ SAO ကိုတော့ ပုံမှန် Anime တွေဆွဲတဲ့ A-1 Pictures ကမဟုတ်ပဲ Polygon Pictures ကနေ 3D CGI စတိုင်နဲ့ ဖန်တီးပေးထားတာပါ။ ဇာတ်လမ်းလေးကတော့ Sword Art Online ဂိမ်းဆိုတာ ဂိမ်းထဲကို လူတွေရောက်သွားပြီး နောက်ကွယ်က မသမာသူတွေကြောင့် ဂိမ်းထဲကလူတွေ အပြင်ပြန်မထွက်နိုင်ပဲ ဂိမ်းထဲမှာသေရင် အပြင်မှာပါ သေနေကြလို့ ဒုက္ခရောက်နေတဲ့ကာလ။ အဲဒီမှာ အပြင်မှာလည်း လူချင်းသိကြတဲ့ Emirun ဆိုတဲ့ကောင်မလေးနဲ့ Rex ဆိုတဲ့ကောင်လေးတို့ဟာ ဒီဂိမ်းထဲမှာပဲ ပြန်တွေ့ဆုံခဲ့ကြတယ်။ အဲဒါ ၂ ယောက်သား ပါတီတွေ ဘာတွေဝင်ပြီး ဒီလောကြီးထဲ Explore လုပ်နေတုန်း Player Killer ဆိုပြီး ကစားသမားတွေကို လိုက်သတ်နေတဲ့ အမည်းရောင်ဓားသမားနဲ့ ဆုံကြတဲ့အခါ သူတို့တစ်ဖွဲ့လုံး အကုန်လစ်သွားပြီး Emirun နဲ့ Rex တို့ပဲ ကျန်ခဲ့ပါတော့တယ်။ ဒီတော့ ဒီ အမည်းရောင်ဓားသမားကို လိုက်ရှာပြီး ပြန်လက်စားချေဖို့အတွက် တိုက်ခိုက်ရေးမလုပ်နိုင်ပေမဲ့ ဉာဏ်ကောင်းတဲ့ Rex ရယ် တစ်ခုခုဆို ထစ်ခနဲရှိ ခေါင်းမသုံးပဲ ဝင်လုံးချင်တဲ့ Emirun ဆိုတဲ့ကောင်မလေးတို့က နာမည်ကြီး ဓားသမားဖြစ်တဲ့ Asuna ဆိုတဲ့ ကောင်မလေးကိုလိုက်ရှာ ဆရာတင်ပြီး လေ့ကျင့်ရေးဆင်းကာ နောက်ပိုင်း ဘယ်လိုမျိုး လက်စားချေကြမလဲ အောင်မြင်မလား၊ တကယ့်အဖြစ်မှန်တွေက ဘယ်လိုလဲဆိုတာကို ကြည့်ရှုသွားရမှာပဲ ဖြစ်ပါတယ်....။

Milky Subway: The Galactic Limited Express (2026) ဇာတ်လမ်းကတော့ စကြဝဠာထဲမှာ ကိုယ်ပိုင်အစွမ်းအစတွေ ရှိကြတဲ့ စွမ်းအားရှင်နှစ်ဦးဖြစ်တဲ့ ချီဟာရု နဲ့ ဆိုင်ဘော့ဂ် စက်ရုပ်လူသား မာကီနာ တို့အကြောင်းကနေ စတင်ထားပါတယ်။ သူတို့နှစ်ဦးဟာ အာကာသရဲ့ တင်းကြပ်လှတဲ့ ဥပဒေတွေကို ချိုးဖောက်မိခဲ့ကြတဲ့အတွက်... ပြစ်ဒဏ်အဖြစ် အာကာသထဲမှာ ခရီးနှင်နေတဲ့ ဂလက်ဆီအမြန်ရထားကြီး ပေါ်မှာ တခြားသော အာကာသရာဇဝတ်ကောင် ဥပဒေချိုးဖောက်သူတွေနဲ့အတူ တူတူ "ရထားသန့်ရှင်းရေး အလုပ်ကြမ်း" လုပ်ဖို့ စီရင်ခြင်း ခံရပါတော့တယ်။ ဒါပေမဲ့ သူတို့တွေ ရထားပေါ်မှာ အမှိုက်လှဲ၊ သန့်ရှင်းရေးလုပ်ရင်း ပြစ်ဒဏ်ကျခံနေတုန်း... မထင်မှတ်ဘဲ အဆိုပါ အာကာသရထားကြီးဟာ လမ်းကြောင်းချော်ပြီး အန္တရာယ်များလှတဲ့ အာကာသရဲ့ အဆုံးမဲ့အမှောင်ထု နက်ရှိုင်းရာဆီကို ဇောက်ထိုး ထိုးဆင်းသွားပါတော့တယ်။ အဲဒီနောက်မှာတော့ ရထားပေါ်က ဝန်ထမ်းတွေ၊ ရာဇဝတ်ကောင်တွေအားလုံး အသက်ရှင်လွတ်မြောက်ဖို့အတွက် ကမောက်ကမတွေကြားကနေ ဘယ်လိုမျိုး စည်းလုံးပြီး ရုန်းကန်ကြမလဲဆိုတာကို အပိုင်းတိုလေးတွေနဲ့ ရိုက်ပြထားပါတယ်။

The Fragrant Flower Blooms With Dignity Romantic Anime ကားလေးကြည့်ဖို့ရှာနေရင် ဒီကားလေးကိုညွှန်းပေးချင်ပါတယ် ဇာတ်လမ်းအကျဉ်းကတော့ လုံးဝမတည့်ကြတဲ့ Chidoriအထက်တန်းကျောင်းနဲ့ ဘေးချင်းကပ်ရပ်မှာ Kikyo ဆိုတဲ့ မိန်းကလေးကျောင်းဆိုပြီး ရှိပါတယ် Kikyo မိန်းကလေးကျောင်းမှာဆိုရင် ကျောင်းသူအများစုက ချမ်းသာပြီး ဂုဏ်သိက္ခာရှိတဲ့ မိသားစုတွေကနေ ဆင်းသက်လာကြတာပါ Chidoriအထက်တန်းကျောင်းကတော့ လုံးဝဆန့်ကျင်ဘက် ဂျလေဘီငကြောင် ကျောင်းသားတွေချည်းပါပဲ တစ်နေ့မှာတော့ Chidoriကျောင်းက ကြမ်းတမ်းတဲ့အသွင်အပြင်နဲ့ စိတ်သဘောထားနူးညံ့တဲ့ အထက်တန်းဒုတိယနှစ်ကျောင်းသား Rintaro Tsumugi ဟာ သူတို့မိသားစုဖွင့်ထားတဲ့ ကိတ်မုန့်ဆိုင်မှာ ဝင်ကူရင်း Kaoruko Waguriလို့ခေါ်တဲ့ ဈေးဝယ်ကောင်မလေးနဲ့ တွေ့ဆုံရဖို့အကြောင်းဖန်လာပါတယ် Tsumugi အကြောင်းပြောရမယ်ဆိုရင်တော့ သူ့ရဲ့ ကြမ်းကြမ်းတမ်းတမ်းစရိုက်ကြောင့် လူတွေက သူ့ကိုလူဆိုးကောင်ဆိုပြီး မကောင်းမြင်ကြပြီး တုန်နေအောင်ကြောက်ကြသလောက် ကွယ်ရာမှာအတင်းတွေလည်းပြောကြပါသေးတယ် Tsumugi နဲ့ ထိပ်တိုက်တွေ့တဲ့သူတိုင်းက ကြောက်ပြီးထွက်ပြေးကြတဲ့အထိပါပဲ Foodieလေးတစ်ယောက်ဖြစ်တဲ့ Waguriက Tsumugiတို့ဆိုင်မှာ ကိတ်မုန့်တွေအများကြီးကို တစ်ယောက်တည်းလာစားနေတုန်း Tsumugiနဲ့ထိပ်တိုက်တွေ့ပါတော့တယ် Tsumugiကလည်း ကောင်မလေးတစ်ယောက်တည်းအများကြီးမှာစားထားတာကိုမြင်ပြီးလန့်... Waguriကလည်း ရှက်ပြီးလန့်ပြီး ထွက်ပြေးသွားပါတယ် နောက်တစ်ရက်မှာတော့ ကောင်မလေးက လန့်ပြီးထွက်ပြေးသွားရတဲ့အတွက် တောင်းပန်တဲ့အနေနဲ့ ကောင်လေးဆိုင်က ကိတ်မုန့်ကို ကောင်လေးကိုပြန်ပြီးဝယ်ကျွေးလိုက်ပါတယ် ဒီလိုနဲ့ အပြန်လမ်းမှာ Tsumugiကို ကြည့်မရတဲ့ကောင်တွေက ကောင်မလေးကို Tsumugiရဲ့ကောလာဟလတွေအတင်းတုတ်တော့ ကောင်မလေးက လူတစ်ယောက်ကို အပေါ်ယံကြည့်ပြီးမဆုံးဖြတ်ဖို့ပြောတော့ ကောင်မလေးကို ဝိုင်းအနိုင်ကျင့်ကြပါတယ် အနိုင်ကျင့်နေတုန်း Tsumugiနဲ့တွေ့သွားတော့ အနိုင်ကျင့်တဲ့ကောင်တွေလည်း ထွက်ပြေးခဲ့ရပါတော့တယ် ကောင်လေးလည်း ကောင်မလေးကိုစိတ်မချတာနဲ့ ဘူတာထိလိုက်ပို့ပေးရင် း လမ်းမှာ ကောင်မလေးက ကောင်လေးကို ဟိုးအရင်ကတည်းကတွေ့ဖူးကြောင်း ဘာညာဘာညာတွေ ပလီပလာကြရင်းနဲ့ကောင်မလေးက နောက်လည်းဆိုင်ကိုလာပြီး ကိတ်မုန့်အတူတူစားကြမယ်လို့ကတိပေးရင်း အီစီကလီရိုက်သွားပါတယ် နောက်ရက်ကျ ကျောင်းမှာကောင်လေးက ကောင်မလေးအကြောင်းတွေးနေရင်း ပြတင်းပေါက်ကနေလှမ်းကြည့်လိုက်တော့ကောင်မလေးက သူတို့ကျောင်းနဲ့ဘေးချင်းကပ်ရပ်က လုံးဝမတည့်ကြတဲ့ မိန်းကလေးကျောင်းကဖြစ်နေပါတယ် လုံးဝမတည့်ကျတဲ ဆန့်ကျင်ဘက်ကျောင်းနှစ်ကျောင်းက ကောင်လေးနဲ့ကောင်မလေးဟာ ဘယ်လိုအခက်အခဲတွေရင်ဆိုင်ပြီး ဘယ်လိုတစ်တီတူးကြမလဲဆိုတာ ရင်ခုန်စွာစောင့်ကြည့်ရမှာဖြစ်ပါတယ် File size…  370 MB (Appx;)@Episode Quality… WEB DL 1080p Format… mp4 Duration…. 24m @Episode Genre ..... Animation, Anime , Drama ,Comedy Subtitle…. Myanmar Subtitle (Hard Sub)

Scarlet (2025) IMDB - 6.3/10, MyAnimeList - 6.3/10 ၂၀၂၅ ခုနှစ် ရုံတင် Anime ရုပ်ရှင်တွေထဲက ဇာတ်လမ်းကောင်းလေးတစ်ကား ထွက်ရှိလို့လာခဲ့ပါပြီ။ ဒီကားကို ရိုက်ကူးပေးခဲ့တဲ့ ဒါရိုက်တာ Mamoru Hosoda ဆိုတာက Mirai တို့ Wolf Children တို့ The Girl Who Leapt Through Time တို့ Summer Wars တို့လို Anime ဇာတ်ကားကောင်းတွေကို ရိုက်ကူးခဲ့သူပါပဲ။ ဒီရုပ်ရှင်လေးထဲမှာတော့ 2D 3D ပေါင်းစပ်ရိုက်ကူးထားပြီး Visual အလှတရားတွေရယ် Soundtrack အမိုက်တွေ သီချင်းအကောင်းတွေ ခံစားနိုင်ဦးမှာပါ။ ဇာတ်လမ်းလေးကတော့…. ၁၆ ရာစုနှောင်းပိုင်း ဒိန်းမတ်နိုင်ငံမှာ အများပြည်သူက ချစ်ခင်လေးစား ကြည်ညိုပြီး စစ်မက်ဖြစ်ပွါးတာကို မလိုလားတဲ့ ဘုရင်တစ်ပါး အုပ်ချုပ်နေပါတယ်။ ဒါပေမဲ့ သူနဲ့ အယူဝါဒချင်း မတူညီ စိတ်သဘောထားချင်း မတူညီတဲ့ ညီတော်ဖြစ်သူက မနာလိုဝန်တိုပြီး တိုင်းပြည်ရော မိဖုရားကိုရော သိမ်းပိုက်ပြီး အစ်ကိုတော်ကို ကွပ်မျက်လိုက်ပါတယ်။ ဖခင်ဖြစ်သူ အသတ်ခံရတာကို မြင်လိုက်ရတဲ့ Scarlet တစ်ယောက် သူ့ဦးရီးတော်ကို လက်စားချေဖို့ ဘဝတလျှောက်လုံး ဓားပညာတွေခိုးသင်ပြီး အသက်အရွယ်ရလာချိန် လက်စားချေတဲ့အခါမှာတော့ ထင်သလိုဖြစ်မလာပဲ သူပဲ သေဆုံးသွားခဲ့ရပါတယ်။ ဒါပေမဲ့လည်း ပြန်နိုးထလာတဲ့အခါမှာတော့ Scarlet တစ်ယောက် သေခြင်းနဲ့ရှင်ခြင်း အတူတူဖြစ်တည်နေတဲ့ ထူးဆန်းတဲ့ဘုံကမ္ဘာတစ်ခုကို ရောက်နေပါတော့တယ်။ ဒီနေရာမှာပဲ ၂၁ ရာစု ဂျပန်ပြည်က ဆေးအကူဝန်ထမ်းကောင်လေး Hijiri နဲ့ တွေ့ဆုံပြီး တစ်ဖက်က အာဃာတတွေနဲ့ ပူလောင်နေတဲ့ Scarlet နဲ့ ဆန့်ကျင်ဖက်ဖြစ်သူ Hijiri တို့ ဒီကမ္ဘာကြီးထဲမှာ ဘယ်လိုတွေ စွန့်စားပြီး ဘာတွေကြုံဆုံကြမလဲဆိုတာကို စိတ်ဝင်စားဖွယ် ကြည့်သွားရမယ့်အပြင် Scarlet တစ်ယောက် အောင်မြင်စွာ လက်စားချေနိုင်သွားမလား၊ Hijiri နဲ့ရော ဘာဇာတ်လမ်းလေးတွေ ဖြစ်ပေါ်လာမလဲ၊ ဒီကမ္ဘာထဲကနေ ပြန်လည်လွတ်မြောက်နိုင်ပါ့မလားဆိုတာကတော့...............။

100 Meters (2025) IMDB - 7.8/10, MyAnimeList - 8.3/10 ဇာတ်ကားနာမည်အတိုင်း မီတာ ၁၀၀ တာတိုအပြေးပြိုင်ပွဲကို အခြေခံထားတဲ့ Anime ရုံတင်ကားသစ်လေးကို အသစ်ထွက်ရှိလာတာကြောင့် တင်ဆက်ပေးချင်ပါတယ်။ မီတာ ၁၀၀ ပြေးပွဲဆိုတာ တကယ်ကို တစ်ဖာလုံ ဒါမှမဟုတ် ဘတ်စ်ကားမှတ်တိုင် တစ်မှတ်တိုင်စာတောင်မရှိတဲ့ တာတိုပြေးပွဲ ဖြစ်ပါတယ်။ အားလုံးသိကြတဲ့ ကမ္ဘာ့အမြန်ဆုံး အူစိန်ဘော့ကြီး ပြိုင်တဲ့ပြိုင်ပွဲဆိုလည်း မမှားဘူးပေါ့ဗျာ။ အားကစားနဲ့ ပတ်သက်ပြီး Anime တွေ မခေဘူးဆိုတာ Haikyuu တို့ Slam Dunk တို့က သက်သေသာဓက ရှိပြီးသားပါ။ ဇာတ်လမ်းအကျဉ်းလေး ပြောရမယ်ဆိုရင်တော့ Togashi ဆိုတဲ့ကောင်လေးဟာ ငယ်စဉ်ကတည်းက မွေးရာပါ ပါရမီရှင်ခြေထောက်နဲ့ အရမ်းမြန်တဲ့ ၆ တန်းအရွယ် အပြေးသမားလေးတစ်ယောက်ပေါ့။ တစ်ရက်မှာ သူတို့ကျောင်းကို Komiya ဆိုတဲ့ ထူးဆန်းတဲ့ကောင်လေးတစ်ယောက် ပြောင်းလာခဲ့တယ်။ သူကလည်း ပြေးရတာကို နှစ်သက်ပေမဲ့ နည်းလမ်းမကျ ဘာမကျဖြစ်နေတော့ Togashi က ခင်တွယ်ပြီး သူ့ကို နည်းလမ်းတွေပြ လမ်းညွန်ပြီး သူငယ်ချင်းတွေ ဖြစ်သွားခဲ့တာပေါ့။ အဲဒီမှာတင် တဖြည်းဖြည်း တတ်ကျွမ်းလာတဲ့ Komiya က ပါရမီရှင် Togashi ကိုပါ ယှဉ်နိုင်လောက်တဲ့ထိ တိုးတက်လာပါတယ်။ ဒါပေမဲ့လည်း တစ်ရက်ကျ Komiya ဟာ ရုတ်တရက် ထပ်ပြီး ကျောင်းပြောင်းသွားခဲ့ပါတော့တယ်။ အဲဒီကနေစလို့ Togashi အနေနဲ့ ကလေးဘဝ၊ အထက်တန်းကျောင်းသားဘဝနဲ့ လူငယ် ၂၀ ကျော် အားကစားဘဝ ၃ ခုလုံးမှာ ဒီ ငယ်သူငယ်ချင်း Komiya နဲ့ ပြိုင်ဖက်အဖြစ်ဖြစ် ပြန်ပြန်တွေ့ဆုံယှဉ်ပြိုင်ရပြီး မီတာ ၁၀၀ ပြေးပွဲကို ဘယ်လို အဓိပ္ပာယ်ဖော်ပြသွားမလဲဆိုတာကို ရိုက်ကူးထားတဲ့ ဇာတ်လမ်းကောင်းလေး ဖြစ်ပါတယ်။ ဇာတ်လမ်းမှာ ဒီသူငယ်ချင်းနှစ်ယောက်အပြင် ဂျပန်နိုင်ငံက အတော်ဆုံး စံချိန်တင် ကစားသမားရော သူ့လောင်းရိပ်မိနေရတဲ့ အသက်ကြီးကြီး ကစားသမားရော တခြား ထူးချွန်တဲ့အားကစားတွေကိုပါ Side character အနေနဲ့ အတွေးအခေါ် ဒဿနကောင်းတွေနဲ့ ဖော်ကျူးထားလို့ ပညာတွေလည်း ရစေနိုင်ပါတယ်။ 100 Meters က အားကစားကိုသာမက ဒီ မီတာ ၁၀၀ ဆိုတာ လူတစ်ယောက်ရဲ့ တိုတောင်းတဲ့ဘဝခရီးလမ်းကိုလည်း ပုံဖော်ထားတာကို မြင်နိုင်ပါတယ်။ ဒါ့အပြင် နောက်ခံတေးဂီတတွေဆိုလည်း ပြေးတဲ့အချိန်တွေမှာ လိုက်ဖက်ညီမှုရှိနေတာကြောင့် ယှဉ်ပြိုင်တဲ့အခန်းတွေဆို ရုပ်လုံးကြွ အသက်ဝင်စေတာမို့ လာရောက်ကြည့်ရှုဖို့ ဖိတ်ခေါ်လိုက်ရပါစေလား...။

IMDb 8.5/10 IGN 7/10 ဒီစီးရီးကတော့ ဆရာAkira Toriyamaမကွယ်လွန်ခင် နောက်ဆုံးကိုင်ပေးသွားခဲ့တဲ့ ပရောဂျက်မလို့ မထွက်ခင်ကတည်းက မျှော်နေမိတယ်လို့ပြောရင်လည်းမမှားပါဘူး။ နည်းနည်းသောက်ကြီးသောက်ကျယ်ပြောရရင်တော့ Dragon Ballရဲ့သမိုင်းကြောင်းက အတော်ကိုကြီးပါတယ်။ Animeဆိုတာပေါ်တာကြာပြီဖြစ်ပေမဲ့ တကမ္ဘာလုံးမှာပါ animeတွေလူစသိခဲ့တာက Dragon Ballကြောင့်ပါ။ ပြီးတော့ Dragon Ballဟာ တရုတ်ဂန္ဓဝင်ဝတ္ထု Journey to the west ကို အခြေခံထားတာဖြစ်တဲ့အပြင် အရမ်းကိုပေါက်သွားခဲ့တာမလို့ တရုတ်ပြည်မကရုပ်ရှင်အဖွဲ့တဖွဲ့ဟာ ငါတို့ဆီကနေဇာတ်လမ်းယူထားတဲ့ကာတွန်းတောင်ပေါက်နေတာဆိုတော့ ငါတို့လည်းဘာလို့မရိုက်နိုင်ရမှာလဲဆိုပြီး အာရှမှာအရမ်းပေါက်ခဲ့တဲ့Journey to the west ဂန္ဓဝင်စီးရီးပေါ်လာခဲ့တာပါ။ ဒီစီးရီးရဲ့ဇာတ်လမ်းက အစပဲရှိသေးတော့ အကျဉ်းကိုတိုတိုပဲ ‌ပြောပြပါတော့မယ်။ မိစ္ဆာဘုရင်တပါးပေါ်လာပြီး Gokuတို့ဟာ အန္တရာယ်ပေးနိုင်တဲ့သူတွေအဖြစ်ကြောက်ရွံ့ပြီး Dragon Ballတွေကိုစုစည်းကာ Gokuတို့ကို အသက်ငယ်သွားအောင်ဆုတောင်းခဲ့ရာကနေ ဒီဇာတ်လမ်းဖြစ်လာတာပါ။ ကျန်တာတော့ တပတ်တခါအသစ်ထွက်မှမျှော်တော့နော်။ Season 1 Complete File Size :  600 MB Quality : WEB-DL 1080p Running Time : 1hr 40min Format : Mp4 Genre : Action, Adventure, Comedy Subtitle : Myanmar Subtitle (Hard Sub) Translated by : Dr Nyan Encode by : Thit San Khant

Wind Breaker (2024) Genre – Anime, Action, Adventure IMDB – 7.5/10 MyAnimeList – 7.9/10 လတ်တလောကမှ ထွက်ရှိထားပြီး Tokyo Revengers ထက် ကောင်းတယ်ဆိုပြီး သတင်းထွက်နေတဲ့ နောက်ထပ် ကျောင်းသားငဖိုက် Anime အသစ်လေးကို တင်ဆက်ပေးပါ့မယ်ဗျ။ အစပဲရှိသေးတာရော ဇာတ်လမ်းတည်ဆောက်ပုံ မတူတဲ့အတွက် TR ကောင်းမကောင်းဆိုတာတော့ ဖန်တွေကြား အငြင်းပွားစရာ ဖြစ်နေကြမှာပါ။ သိချင်ရင်တော့ ကိုယ်တိုင်ကြည့်ပြီး ဆုံးဖြတ်တာတော့ အကောင်းဆုံးပေါ့လေ။ ကျွန်တော့်အတွက်တော့ ဒီထဲက MC ဖြစ်တဲ့ Sakura က အစပိုင်းကတည်းက ကြမ်းနေပြီး TR က MC ဖြစ်တဲ့ Takemichi ထက်တော့ သာတယ်လို့ မြင်မိတယ် ဒါကလည်း TR မှာက Side character တွေက အဓိက ကြမ်းတာကြောင့်လည်း ဖြစ်ပါလိမ့်မယ်။ ဒီ Anime လေးကို Satoru Nii ရဲ့ Manga ဖြစ်တဲ့ Wind Breaker ကိုပဲ တိုက်ရိုက် Adaptation လုပ်ထားတာပါ။ ထုတ်လုပ်ထားတဲ့ Clover Work စတူဒီယိုကတော့ Spy X Family ကို ထုတ်လုပ်ပေးထားတဲ့ စတူဒီယိုကောင်းတစ်ခုပါပဲ။ ဇာတ်လမ်းအကျဉ်းကတော့ အောက်တန်းအကျဆုံး လူတိုင်းကအမုန်းဆုံး သောက်ဖက်မလုပ်ခံရဆုံး လူတွေဝိုင်းကျဉ်တာခံရဆုံးဆိုတဲ့ သာမန်လူနဲ့ မတူပဲ ဆံပင်က တစ်ဝက်တစ်ရောင်စီ မျက်လုံးကတစ်ဖက် တစ်ရောင်စီ ဖြစ်နေတဲ့ Sakura ဆိုတဲ့ လူပေလူတေလေး တစ်ယောက် Furin ဆိုတဲ့မြို့က Furin အထက်တန်းကျောင်းက လူဆိုးလူမိုက်များလွန်းလို့ နာမည်ကြီးနေတယ်ဆိုပြီး ကျောင်းတက်ဖို့ Furin မြို့ ရောက်လာပါတယ်။ သူ့စိတ်ထဲမှာလည်း အားနည်းတဲ့လူဆို အထင်မကြီး သန်မာတဲ့ကောင်တွေကိုလိုက်ရှာပြီး ချမယ် သူ့ကိုနိုင်ရင် သူ့ထက်သာတယ် ဒီလိုနဲ့ ထိပ်ဆုံးကိုတက်မယ်ဆိုတဲ့ ရည်ရွယ်ချက်နဲ့ ငဖိုက်လုပ်ဖို့ ရောက်လာတာ။ ရောက်ရောက်ချင်းမှာတင် ကော်ဖီဆိုင်က ကောင်မလေးတစ်ယောက်ကို လူမိုက်တွေ အနိုင်ကျင့်ရာကနေ ဝင်ကူမိရာက ဒီ Furin မြို့နဲ့ Furin အထက်တန်းကျောင်းလူမိုက်တွေဆိုတာ သူထင်ထားသလိုတွေ ဖြစ်မနေပဲ အကုန်လုံးက တလွဲဖြစ်နေတဲ့အခါမှာတော့…..။ File size…    400 MB Quality… Web-DL 1080p Format… mp4 Duration…. 24m Genre ..... Animation Subtitle…. Myanmar Subtitle (Hard Sub) Encoder…. Thit San Khant Translated by Thura Aung

Fureru (2024) IMDB - 6.2/10, MyAnimeList - 6.8/10 အခုတစ်ခေါက် တင်ဆက်ပေးမယ့် ဇာတ်ကားလေးကတော့ 2024 က ထွက်ရှိခဲ့တဲ့ Fureru ဆိုတဲ့ Anime ကားလေးဖြစ်ပါတယ် ။ Anime ကိုမှ အေးအေးလေးနဲ့ Mystery ဘက်သွားတဲ့ ဇာတ်လမ်းလေးကို ကြည့်ချင်တဲ့သူတွေအတွက်တော့ ဒီဇာတ်ကားက အကြိုက်‌‌တွေ့စေမှာပါ။ ဇာတ်လမ်းလေးထဲမှာ Aki ဆိုတဲ့ကောင်လေးက အပြောအဆိုအပေါင်းအသင်းမတတ်တဲ့ ဘုကလန့်ပုံစံလေးပါ။ အဲ့ဒါကြောင့်လည်း သူဟာ ဘယ်သူနဲ့မှ မတည့်သလို ရန်လည်းခနခနဖြစ်တတ်သူလေးပါ အပြင်ပန်းမှာတော့ တလောကလုံးကို ဂရုမစိုက်တဲ့ပုံစံဖမ်းထားပေမယ့် တကယ်တမ်းတော့ စိတ်ထဲမှာ အထီးကျန်နေသူလေးတစ်ယောက်ပါ။ တစ်နေ့မှာ သူဟာ Fureru ဆိုတဲ့ ထူးဆန်းတဲ့အကောင်လေးတစ်ကောင်ကို တွေ့သွားပြီး Ryo, Yuta ဆိုတဲ့ကောင်လေးနှစ်ယောက်နဲ့ သူငယ်ချင်း ဖြစ်သွားပါတယ် ။တကယ်တော့ Fureru က သူ့နားကလူတွေကို တစ်ယောက်နဲ့တစ်ယောက် နားလည်ပြီး အဆင်ပြေအောင်လုပ်ပေးနိုင်တဲ့ အစွမ်းပိုင်ဆိုင်ထားတာပါ။ ဒါကြောင့်မို့ Aki, Ryo နဲ့ Yuta တို့ဟာ တစ်ယောက်နဲ့တစ်ယောက် ရန်ဖြစ်တာတွေမရှိပဲ အဆိုးမြင်တာတွေမရှိပဲ အရွယ်ရောက်တဲ့အထိ ပေါင်းသင်းနေနိုင်‌ပေမယ့် တစ်နေ့မှာတော့ သူတို့သူငယ်ချင်းသုံးယောက်ဘဝထဲ ကောင်မလေးနှစ်ယောက်ရောက်လာပြီး ထူးဆန်းတာတွေကြုံတွေ့လာရပါတော့တယ်။ အဲ့မှာပဲ သူတို့တွေအဆင်ပြေပြေနဲ့နေနိုင်နေကြတာဟာ တစ်ယောက်နဲ့တစ်ယောက် အဆိုးမမြင်ကြလို့မဟုတ်ပဲ Fureru ရဲ့လျှို့ဝှက်ချက်ကြောင့်ဆိုတာကို သိသွားပါတော့တယ်။ ဒီတော့ သူတို့ကို အဆင်ပြေအောင်လုပ်ပေးထားတဲ့ Fureru ရဲ့လျှို့ဝှက်ချက်ကဘာလဲ အဲ့ဒါတွေကိုသိသွားပြီးနောက်ပိုင်းမှာရော သူတို့တွေ အရင်လို ပျော်ပျော်ရွှင်ရွှင် အတူတူနေနိုင်ကြဦးမလားဆိုတာကို အတူစောင့်ကြည့်ရမှာပဲ ဖြစ်ပါတယ်နော်...။

Sport Anime မှာဆိုရင်တော့ Haikyu ကို မသိကြတဲ့လူ ရှားပါလိမ့်မယ်။ သူကတော့ ဘော်လီဘော အားကစားကို အခြေခံထားတဲ့ Anime ကောင်းတစ်ခု ဖြစ်ပါတယ်။ အခု ဒီ ရုပ်ရှင်လေးကတော့ Season 4 အပြီး တိုက်ရိုက်ဆက်စပ်ထားတဲ့ ရုပ်ရှင်လေးပါ။ နောက်ထပ် စီးရီးမလာတော့ပဲ Ending အဖြစ် နောက်ဆုံးရုပ်ရှင်နှစ်ကားထုတ်မယ်ဆိုပြီး ကြေငြာထားရာမှာ ဒီကောင်က ပထမကား ဖြစ်ပါတယ်။ ဒီကားထဲမှာတော့ မင်းသားတို့ Karasuno ကျီးနက်တွေ အစမ်းဆော့ကြည့်တိုင်း ဘယ်တော့မှအနိုင်မရတဲ့ ဟိုးအရင်ကတည်းက ပြိုင်ဖက်ဟောင်းအသင်း ကြောင်ရိုင်းတွေရဲ့ Nekoma အသင်းနဲ့ ပထမဆုံးအကြိမ်အဖြစ် အမျိုးသားပြိုင်ပွဲ တတိယအဆင့်မှာ တွေ့ဆုံယှဉ်ပြိုင်ကြတာကို ဦးစားပေး တင်ဆက်ထားပါတယ်။ Hinata အနေနဲ့လည်း ဘော်လီဘောအားကစားကို ပေါ့ပေါ့တန်တန် ကစားပေမဲ့ ဉာဏ်အသေပြေးတဲ့ Kenma နဲ့ ပွဲထဲမှာ ဘယ်လိုတွေ ပညာစမ်းကြဦးမလဲ ဘယ်လိုတွေ ဒီအဆင့်ကို ကျော်ဖြတ်ပြီး ဘယ်အသင်းက အနိုင်ရသွားဦးမလဲဆိုတာ ထုံးစံအတိုင်း စိတ်ဝင်စားဖွယ် ကြည့်ရှုရဦးမယ့် Haikyuu ရုပ်ရှင်လေး ဖြစ်ပါတယ်ဗျာ။ File Size :  914 MB, 490 MB Quality : WEB-DL 1080p / 720p Running Time : 1hr 25min Format : Mp4 Genre : Comedy, Drama, Sport Subtitle : Myanmar Subtitle (Hard Sub) Translated by : Thura Aung Encode by : Thit San Khant

Jujutsu Kaisen စီးရီးထဲက အဖြစ်အပျက်တွေ မတိုင်ခင်ကို ပြန်သွားထားတဲ့ ဒီရုပ်ရှင်က Yuta မှော်ဆရာတစ်ယောက် ဖြစ်လာခဲ့ပုံကို ပြောပြထားပါတယ်။ ငယ်ကျွမ်းဆွေ ကောင်လေးနဲ့ ကောင်မလေးနှစ်ယောက်ဟာ တစ်ယောက်ကိုတစ်ယောက် သိပ်ချစ်ကြတယ်။ အသက်ငယ်သေးပေမယ့် အရွယ်ရောက်လာရင် လက်ထပ်ကြမယ်လို့ စေ့စပ်လက်စွပ်လေး ဝတ်ပြီး ကတိပေးထားကြတာပါ။ ဒါပေမယ့် အဲဒီနောက်မှာ ကောင်မလေးက ဆိုးဆိုးရွားရွား ကားတိုက်ခံရပြီး ဆုံးသွားတယ်။ သေဆုံးသွားပေမယ့် သူတို့ကြားက အချစ်ကြောင့် ကောင်မလေးဟာ ကျိန်စာသင့်တစ္ဆေအဖြစ် ပြန်ပေါ်လာပါတော့တယ်။

Violet Evergarden : The Movie(2020) IMDb Rating - 8.4/10 Rotten Tomatoes- 99% ဒီကားကိုတော့ အားလုံးသိကြမှာပါ။ Release Dateပြန်ပြန်ရွှေ့ခဲ့ရပေါင်းလည်း မနည်းပါဘူး။ 2019ကတည်းက ထွက်လာခဲ့သင့်ပေမယ့် Kyoto Animationစတူဒီယိုမီးရှို့ခံခဲ့ရတာကြောင့် 2020 ကိုမှ ထွက်လာနိုင်ခဲ့ပါတယ်။ April 2020မှာ ရုံတင်ဖို့ စီစဉ်ထားပေမယ် ကိုဗစ်-၁၉ကြောင့် September အထိ ထပ်ရွှေ့သွားပါတယ်။ အကြည်(CamRip)ကတော့ ဒီလမှ ထွက်လာတာပေါ့။ ဒီကားက 2018က ထွက်ခဲ့တဲ့ Violet Evergarden စီးရီးနဲ့ 2019တုန်းက ထွက်ခဲ့တဲ့ Violet Evergarden: Eternity and the Auto Memory Dollဇာတ်ကားရဲ့အဆက်ပါ အဆက်ဆိုပေမယ့်လည်း ရှေ့ကားတွေမကြည့်ဘဲ ဒီတိုင်းတန်းကြည့်လို့ရတဲ့ကားပါ ဇာတ်လမ်းအကျဉ်းကတော့… Violet Evergardenက စစ်ဖြစ်နေချိန်အတွင်းမှာ လက်နက်အနေနဲ့ အသုံးချခံခဲ့ရတဲ့ ကလေးစစ်သားတစ်ယောက်ပါ။ အဲ့စစ်ပွဲကြောင့်ပဲ သူလက်နှစ်ဖက်လုံးကို ဆုံးရှုံးခဲ့ရတဲ့သူပါ။ စစ်ပြီးသွားတဲ့နောက်မှာတော့ ဆုံးရှုံးလက်နှစ်ဖက်လုံးနေရာမှာ လက် အတု(စက်)ကိုအစားထိုးခဲ့တယ်။ နောက်တော့ စစ်တုန်းက သိခဲ့ရတဲ့ ဒုတိယဗိုလ်ချုပ်ကြီးအကူအညီနဲ့ စာပို့တဲ့ကုမ္ပဏီမှာ သူများအစား စာရေးပေးရတဲ့လူအနေနဲ့ အလုပ်လုပ်ခဲ့တာပါတယ်။ ဒီလိုနဲ့ Violet Evergardenဆိုတဲ့ နာမည်တစ်လုံးနဲ့ ကျော်ကြားလာတာပေါ့။ Violet က သူများတွေရဲ့ခံစားချက်တွေကို စကားလုံးတွေအနေနဲ့ ရေးသားပေးပြီး ရင်မှာ ခံစားနေတာတွေကို အရှိအတိုင်း ထုတ်ပြနိုင်ဖို့ ကူညီပေးနေမယ့် တစ်ဖက်မှာတော့ သူ့ခံစားချက်ကို သူကိုယ်တိုင် လျစ်လျူရှုနေမိခဲ့ပါတယ်။ Violet ကို”ချစ်တယ်” လို့ ပြောခဲ့တဲ့ ဗိုလ်မှူးGilbertဆိုတဲ့ လူတစ်ယောက်ရှိခဲ့တယ်။ သူက Violetအပေါ် မေတ္တာ စပြခဲ့တဲ့လူပဲလေ။ သူက စစ်ထဲမှာ Violet နဲ့တိုက်ပွဲဝင်ခဲ့ပေမယ့် ဒဏ်ရာတွေနဲ့ ကျန်ခဲ့တာပေါ့။ စစ်ပွဲပြီးတဲ့ နောက်တော့ ဗိုလ်မှူးနဲ့ပတ်သက်တဲ့ဘာအစအန မှ မတွေ့တော့ဘူး။ သေလား ရှင်လားတောင် မသိကြတော့ပေမယ့် နှစ်တွေကြာလာတော့ သူ့မိသားစုဝင်တွေက အစ သေပြီလို့ပဲ သတ်မှတ်လိုက်တယ်။ Violet အတွက်တော့ ကြာလာရင် မေ့သွားမှာပါဆိုတဲ့စကားက ဟာသကြီးဖြစ်နေတယ်။သူက ဗိုလ်မှူးတစ်နေရာ ရာမှာ အသက်ရှင်ကိုရှင်နေသေးတယ်လို့ ယုံတယ်။ ပြီးတော့ သူက ဒီကာလတစ်လျှောက်လုံးမှဋ ဗိုလ်မှူးပြောခဲ့တဲ့ “ချစ်တယ်”ဆိုတဲ့ စကားကို နားလည်ဖို့ကြိုးစားနေခဲ့တာ။ ဗိုလ်မှူးအကြောင်းတွေးမိတိုင်းလည်း သူ့ဆီရောက်စေချင်တဲ့ စာတွေကိုပုံမှန်ရေးတယ်။ ဒီလိုနဲ့ တစ်ရက်တော့ စာပို့တိုက်ကို ဗိုလ်မှူးလက်ရေးနဲ့ စာတစ်စောင်ရောက်လာတယ်။ ဗိုလ်မှူးကို Violet တစ်ယောက် ပြန်ဆုံနိုင်ပါ့မလား….. ဘာတွေ ဆက်ဖြစ်မလဲဆိုတာတော့ ကိုယ်တိုင်ပဲ ကြည့်ရှူလိုက်ပါ Ratingလည်း ကောင်းတာထက်ကို ပိုနေပြီးသားမလို့ ဇာတ်လမ်းမကောင်းမှာ စိတ်ပူစရာမလိုပါဘူး ကြည့်ရတန်တဲ့ Runtime 140minကြာ ဇာတ်ကားလေးပါ Translated by : Daniel Lawwei Encoded by : YK File Size : 2.3Gb and 1.3GB Quality : 1080p and 720p Duration :  2h 20mins

Violet Evergarden (2018) IMDB - 8.4/10, MyAnimeList - 8.6/10 Kyoto Animation ကနေ အစွမ်းကုန် အားစိုက်ပေးထားတဲ့ Violet Evergarden ဇာတ်လမ်းတွဲဆိုတာက Anime လောကရဲ့အနုပညာလက်ရာတစ်ခုလို့ တင်စားလို့ရပြီးတော့ အင်မတန်လှပပြီး စိတ်လှုပ်ရှားစရာကောင်းတဲ့ စီးရီးတစ်ခုလည်း ဖြစ်ပါတယ်။ ကဗျာဆန်ဆန်ဆိုရရင် စစ်ပွဲတွေ အနိဠာရုံကြားထဲကနေမှ "ချစ်ခြင်းမေတ္တာ" သံယောဇဉ်ဆိုတဲ့ အဓိပ္ပာယ်ကို ရှာဖွေဖော်ထုတ်ရမယ့် Emotional ခရီးစဉ်လေးတစ်ပုဒ်ပေါ့။ ဇာတ်လမ်း ဇာတ်အိမ်ကတင် Emotional ဖြစ်စေရုံတင်မကပဲ ဇာတ်ဝင်ခန်းတိုင်းကလည်း ပန်းချီကားချပ်လေးတွေလို သဘာဝအလှအပတွေကို အသေးစိတ်ဖော်ကျူးပေးထားပါသေးတယ်။ ဒီဇာတ်လမ်းတွဲလေးက ဇာတ်လမ်းအနိမ့်အမြင့်အလိုက် အရမ်းကိုကောင်းမွန်တဲ့ နောက်ခံတေးဂီတလေးတွေရော ပါဝင်ပြီး နေ့စဉ်ဘဝကို တန်ဖိုးထားတတ်ဖို့ ခံစားတတ်ဖို့ သင်ကြားပေးပြီးတော့ စိတ်ကို နူးညံ့သွားစေမယ့် Healing Anime လေးဆိုရင်လည်း မမှားပါဘူး။ ဇာတ်လမ်းအကျဉ်းလေး ပြောရမယ်ဆိုရင်တော့ ဇာတ်လိုက်ဖြစ်တဲ့ Violet ဆိုတဲ့ကောင်မလေးဟာ လူမဆန်လွန်းတဲ့ ဘဝကို ခါးစည်းဖြတ်သန်းခဲ့ရသူပါ။ ငယ်စဉ်ကတည်းက စစ်တိုက်ဖို့ လက်နက်တစ်ခုအဖြစ်ပဲ လေ့ကျင့်ပေးထားခံရတဲ့ စက်ရုပ်သာသာ အသုံးချခံပါပဲ။ ဒါပေမဲ့ Major Gilbert ဆိုတဲ့လူဆီ တာဝန်ထမ်းဆောင်လိုက်ရတော့ Major ရဲ့ လူပီသစွာ ဆက်ဆံပေးမှု နွေးထွေးမှု လေ့ကျင့်မှုလေးတွေကြောင့် အားကိုးချစ်ခင်ရတဲ့လူအဖြစ် ရင်ထဲရောက်လာခဲ့တာပေါ့။ သို့ပေမဲ့လည်း ကံအကောင်းအကြောင်းမလှတဲ့အခါ စစ်ပွဲရဲ့ ရက်စက်မှုတွေကြား ကွဲကွာခဲ့ရပြီးတော့ ခွဲခွာရခါနီး Major က "မင်းကို ငါချစ်တယ်" လို့ ပြောသွားခဲ့ပါတယ်။ တစ်ဘဝလုံး စက်ရုပ်သာသာ စိတ်ခံစားချက်ဆိုတာ ရှိလည်းမရှိ သိလည်းမသိတဲ့ Violet အဖို့ ဒီစကားကို နားမလည်နိုင်ခဲ့ပါဘူး။ အဲဒီမှာတင် Major နဲ့ မိတ်ဆွေသူငယ်ချင်းဖြစ်သူက Violet ကို စစ်ပွဲကြီးလည်း ပြီးဆုံးသွားပြီ မင်းအနေနဲ့ လက်နက်ဖြစ်စရာမလိုတော့ဘူး ငါ့ဆီမှာ အလုပ်ဝင်ပါဆိုပြီး လူတွေရဲ့ကိုယ်စား ခံစားချက်တွေကို စကားလုံးတွေအဖြစ် ကူးပြောင်းပေးရတဲ့ Auto Memory Doll (ခေါ်) ကိုယ်စား စာရေးပေးသူတစ်ယောက် ဖြစ်လာပါရော။ ဆိုတော့ကား စိတ်ခံစားချက်တွေကို နားမလည်ရှာတဲ့ Violet တစ်ယောက် သူ့ Major ရဲ့ ချစ်တယ်ဆိုတဲ့စကားနောက်ကွယ်က အနက်အဓိပ္ပာယ်ကို နားလည်သက်ဝင်တာကြောင့် ချစ်ခြင်းမေတ္တာဆိုတာဘာလဲဆိုပြီး ဒီစာရေးပေးသူအလုပ်နဲ့အတူ ရှာပုံတော်ထွက်ဖို့ ဖြစ်လာတဲ့ ဇာတ်လမ်းရှည်လေးတစ်ပုဒ် ဖြစ်ပါတယ်။ ဒီဇာတ်လမ်းတွဲဟာ လူအမျိုးမျိုးရဲ့ဘဝဇာတ်ကြောင်းတွေနဲ့အတူ စက်ရုပ်သာသာ Violet တစ်ယောက် လူသားဆန်တဲ့ ခံစားချက်တွေကို ဘယ်လိုသင်ယူသွားမလဲဆိုတာကို မျက်ရည်ကျအောင် ဖမ်းစားနိုင်စွမ်းရှိတာမို့ ကျွန်တော့်လို မျက်ရည်လွယ်သူမျိုးဆို Tissue လေးပါ ဆောင်ထားရင်း ကြည့်ရှုခံစားဖို့ အကြံပေးလိုက်ပါရစေနော်...။

Anthem of the heart Naruse Jun ဆိုတဲ့ကောင်မလေးဟာ သူအမှတ်မထင်ပြောလိုက်တဲ့စကားကြောင့် သူ့မိဘတွေခွဲခွာသွားတာလို့ ယူဆထားပါတယ်။ အဖေဖြစ်သူထွက်သွားလို့ ငိုနေချိန်မှာ ကြက်ဥလေးတစ်လုံးပေါ်လာကာ ရှေ့လျှောက်သူ့စကားတွေကြောင့် သူ့ဘဝမပျက်စီးရအောင်ဆိုပြီး စကားမပြောနိုင်အောင်ကျိန်စာခတ်လိုက်ပါတော့တယ်။ အလယ်တန်းအရွယ်ရောက်လာတဲ့အခါ စန္ဒရားတီးတတ်သူ အတန်းဖော် ကောင်လေး Sakagami နဲ့ရင်းနှီးသွားပြီး Jun ဟာ စကားမပြောနိုင်ပေမယ့် သီချင်းဆိုလို့ရတယ်ဆိုတာ သိလိုက်ရပြီးနောက် သူပြောချင်တဲ့စကားတွေကို သီချင်းအဖြစ်ရေးဖို့ Sakagami ကို အကူအညီတောင်းပါတော့တယ်... Translated by :Pyi T Nyein Encoded by : YK Quality : 1080p and 720p File Size : 1.9Gb and 1.3Gb Duration : 1h 59mins Original Name : Kokoro ga sakebitagatterund

ဂျပန်စာရေးဆရာYuki Midorikiwaကရေးခဲ့ပြီး 2011မှာanimeအဖြစ်အသက်သွင်းခဲ့ပါတယ် ရိုမန်တစ်ဆန်တဲ့ဇာတ်လမ်းအမျိုးအစားဖြစ်ပြီး ရည်းစားမရှိတဲ့လူတွေဖီးလ်စေမယ့် ကားမျိုးပဲဖြစ်ပါတယ် ဟိုတာရုရဲ့အသက်ခြောက်နှစ်အရွယ်လောက်က ကျေးလတ်မှာရှိတဲ့ သူ့အဖိုးရဲ့ရွာနားကတောအုပ်ထဲလမ်းပျောက်ပြီး ဂင်လို့ခေါ်တဲ့မျက်နှာဖုံးနဲ့ လူထူးဆန်းလေးနဲ့စတင်တွေ့ဆုံခဲ့ပြီး နွေရာသီရောက်တိုင်း သူတို့နှစ်ယောက်က အတူဆုံလေ့ရှိပါတယ် ဂင်ရဲ့ထူးခြားမှုက သူ့အသားကိုလူတစ်ယောက်ထိတာနဲ့ ဂင်ဟာထာဝရပျောက်ကွယ် သွားရမှာပါ သူတို့ရဲ့ဆက်ဆံရေးတွေကဘယ်လိုရှုပ်ထွေးလာပြီးတော့ ဘယ်လိုဇာတ်သိမ်းမလဲ ဆိုတာကို ဒါရိုက်တာ Takahiro Omoriကသေချာရိုက်ပြထားပါတယ်ဗျ ဇာတ်လမ်းကိုစစတင်ချင်းမှာပဲ တစ်ဟုန်ထိုးအောင်မြင်မှုတွေ ရပြီးတော့ International Film Festival, Anime Contents Expo နဲ့ Anime Expo conventionတွေမှာပြသခွင့်ရခဲ့ပါတယ်66th Annual Mainichi Film Awardsဆုပေးပွဲမှanimation flim awardကိုလည်းရရှိထားတဲ့ကားကောင်းလေးပါ ကဲ အားပေးကြပါဦးဗျာ။ ( ဒီဇာတ်ကားလေးကို ဘာသာပြန်ပြီး အညွန်းပါရေးပေးတဲ့သူကတော ့ Si Thu ပဲ ဖြစ်ပါတယ်ခင်ဗျာ) File Size : (350 MB) Quality : WEBRip 720p Running Time : 1hr 42min Format : Mp4 Genre : Animation, Drama, Fantasy Subtitle : Myanmar Subtitle (Hard Sub) Translated by Si Thu Encoded by Kyaw Soe Han