Landung Simatupang ပါဝင်သော ဇာတ်ကားများ

Cerita Lila (2026) IMDb Rating (7.9) ဒီဇာတ်ကားလေးကတော့ အင်ဒိုနီးရှား သရဲကားကောင်းကောင်းလေးကို ကြည့်ချင်တဲ့သူတွေအတွက် အကြိုက်တွေ့စေမဲ့ ဟော်ရာဇာတ်ကားကောင်းလေးပဲဖြစ်ပါတယ်။ ဇာတ်လမ်းအကျဉ်းကတော့ တာရီဆိုတဲ့အမျိုးသမီးမှာ သမီးလေးတစ်ယောက်ရှိပြီးတော့ သူမဟာ တစ်ကိုယ်တည်းမိခင်ဖြစ်ကာ အိမ်ခြံမြေအကျိုးဆောင်အဖြစ် လုပ်ကိုင်နေသူ ဖြစ်ပါတယ်။ တာရီဟာ သူ့ယောက်ျားနဲ့ ကွာရှင်းဖို့ တရားရုံးတက်ပြီးတဲ့အချိန်မှာ ရှေ့နေငှားခတွေနဲ့ စုဆောင်းထားသမျှ ငွေတွေ အကုန်ကုန်သွားခဲ့ပြီး လချုပ်နဲ့ ငှားနေတဲ့အိမ်ကနေ ဆင်းရဖို့ ဖြစ်လာပါတော့တယ်။ တစ်ဖက်မှာလည်း တရားရုံးရက်ချိန်းတွေကြောင့် အလုပ်ခဏခဏ ပျက်ကွက်ပြီး အလုပ်ထုတ်ခံရမလို ဖြစ်တဲ့အတွက် သူဌေးကို တောင်းပန်ရာကနေ သူဌေးက နောက်ဆုံးအခွင့်အရေးအနေနဲ့ အိမ်တစ်လုံးကို ဈေးပေါပေါနဲ့ အရောင်းတင်ထားကြောင်း၊ အဲဒီအိမ်ကို တစ်ပတ်အတွင်း ရောင်းထွက်အောင် လုပ်နိုင်ရင် အလုပ်ပြန်ခန့်မှာဖြစ်ကြောင်း ပြောခဲ့ပါတယ်။ ဒီလိုနဲ့ တာရီနဲ့ သူ့သမီးဟာ တိုက်ခန်းကနေ ဆင်းရတဲ့အတွက် သူ့ကိုရောင်းခိုင်းထားတဲ့ အိမ်လေးမှာပဲ ခိုးနေပြီး တစ်ပတ်အတွင်း ရောင်းထွက်အောင် ရောင်းဖို့ ဖြစ်လာပါတော့တယ်။ ဒီတော့ သူဌေးက ဘာလို့ အဲဒီအိမ်ကို ဈေးပေါပေါနဲ့ ရောင်းခိုင်းတာလဲ၊ သူတို့သားအမိ အဲဒီမှာ ခိုးနေတဲ့အတောအတွင်း‌မှာရော ဘာတွေဖြစ်လာမလဲဆိုတာကို စိတ်ဝင်စားဖွယ်ရာ ကြည့်ရှုရမှာဖြစ်ပါတယ်။ File size… (1 GB) / (560 MB) Quality…. WEB-DL 1080p HEVC / 720p Format…. mkv/mp4 Genre…. Horror Duration…. 01:46:39 Subtitle…. Myanmar Subtitle (Hardsub)

A Letter to My Youth (2026) IMDb Rating (7.1) Raitng 7.1/10 အထိရထားတဲ့ အင်ဒိုနီးရှားစကားပြော ဒရမ်မာ ကားကောင်းလေးပါ။ မိဘမဲ့ဂေဟာကနေ ကြီးပြင်းလာပြီး အောင်မြင်တဲ့ မိသားစုဘဝတစ်ခုကို တည်ထောင်ထားခဲ့တဲ့ အဲလက်စ်ဟာ တစ်နေ့ သူ့လူငယ်ဘဝကို ပြန်လည်စဉ်းစားမိပြီး စာတစ်စောင် ရေးဖို့ဆုံးဖြတ်လိုက်ပါတယ်။ ငယ်ငယ်ကသူတို့မိဘဂေဟာလေးမှာ အဲလက်စ်က အသက်ကြီးဆုံးကလေးဖြစ်နေခဲ့ပြီး မွေးစားဖို့ပယ်ချခံခဲ့ရတာ ခဏခဏပါပဲ။ နောက်ဆုံးတော့ သူတို့ဂေဟာလေးကိုထောက်ပံ့နေတဲ့ရန်ပုံငွေလည်းမလောက်တော့ဘဲ အကုန်လုံးလမ်းဘေးရောက်တော့မယ့် ဒုက္ခကနေ သူတို့ဘာသာ ဘယ်လိုပြန်ကယ်တင်ရင်း ဘဝရဲ့စိန်ခေါ်မှုတွေကို ဖြတ်သန်းကျော်ဖြတ်သွားမလဲဆိုတာကို ခံစားချက်အပြည့်နဲ့ အဲလက်စ်ရဲ့ငယ်ဘဝက မိဘမဲ့ဂေဟာကအတူဖြတ်သန်းခဲ့တဲ့ သူငယ်ချင်းတွေ ညီအစ်ကိုမောင်နှမတွေနဲ့ ပျော်ရွှင်ခြင်း၊ ချစ်ခြင်း၊ လွမ်းဆွေးခြင်းတွေကို အတူတူခံစားကြည့်ကြပါဦး။ File size… (8 GB) / (2 GB) / (1.2 GB) Quality…. WEB-DL 4K HEVC / WEB-Rip 1080p HEVC / 720p Format…. mkv/mp4 Genre…. Drama Duration…. 02:15:58 Subtitle…. Myanmar Subtitle (Hardsub)

Dosa Musyrik (2024) အင်ဒိုနီးရှား သရဲကားတွေရဲ့ ထုံးစံအတိုင်း... အစ္စလာမ်ဘာသာရေး ရှုထောင့်ကနေ တားမြစ်ထားတဲ့ "မိစ္ဆာတွေကို ကိုးကွယ်ခြင်း၊ ကဝေအတတ်နဲ့ အောက်လမ်းနည်းလမ်းတွေ သုံးစွဲခြင်း" ရဲ့ ဆိုးကျိုးတွေကို ဘာသာရေးနောက်ခံနဲ့ ထိထိမိမိ ရိုက်ပြထားလို့ ပရိသတ်တွေအတွက် အထူးအကြိုက်တွေ့စေမှာပါ။ ဇာတ်လမ်းကတော့ အကြွေးတွေ အဆမတန် ဝိုင်းဝိုင်းလည်နေပြီး အသည်းအသန် ငွေလိုနေတဲ့ Nugie ဆိုတဲ့ လူငယ်တစ်ယောက်အကြောင်းကနေ စတင်ထားပါတယ်။ သူ့မှာ ရောဂါဝေဒနာကို အပြင်းအထန် ခံစားနေရပြီး ကာလရှည်ကြာ အိပ်ရာထဲလဲနေတဲ့ မိခင်အိုကြီးလည်း ရှိနေတာကြောင့် စိတ်သောကတွေရောက်နေသူဖြစ်ပါတယ်။ နောက်ဆုံးမှာတော့ နူဂီဟာ သူ့အမေရဲ့ ရောဂါကို ကုသပေးနိုင်ဖို့နဲ့ လမ်းစရှာဖို့အတွက် ကျေးရွာတွေကြားမှာ တန်ခိုးကြီးတယ်လို့ နာမည်ကြီးတဲ့ စုန်းကဝေ၊ အောက်လမ်းဆရာကြီး Mbah Narto ဆီကို သွားရောက်ခဲ့ပါတယ်။ ဒါပေမဲ့ အောက်လမ်းဆရာကြီးရဲ့ အိမ်ကို ရောက်တဲ့အခါမှာတော့ နူဂီဟာ ဆရာကြီးရဲ့ စည်းစိမ်ဥစ္စာတွေကို မြင်ပြီး လောဘဇော တက်လာပါတော့တယ်။ သူဟာ ဆရာကြီးဆီကနေ ငွေတွေကို ခိုးယူဖို့ ကြိုးစားခဲ့ပေမဲ့ အခွင့်မသာဘဲ... ဆရာကြီးရဲ့ သဘာဝလွန်လျှို့ဝှက် ဓားမြှောင်ကျောက်ရုပ်ကို ခိုးယူပြီး ပြန်လည်ရောင်းချဖို့ ဆုံးဖြတ်လိုက်ပါတော့တယ်။ ဒါပေမဲ့ အဲဒီလို ခိုးယူမိလိုက်တာဟာ ဘာသာရေးအရ ကြီးမားတဲ့ အပြစ်ကို ကျူးလွန်မိသလို ဖြစ်သွားပြီး... အဲ့ဒီရှေးဟောင်းဓားမြှောင်ထဲမှာ ရာစုနှစ်ချီ ပိတ်လှောင်ခံထားရတဲ့ မိစ္ဆာနတ်ဆိုး "Ni Larapati" ကို မသိလိုက်ဘဲ လွတ်မြောက်သွားစေခဲ့ပါတယ်။ အဲဒီအချိန်ကစပြီး နူဂီရဲ့ ဘဝထဲကို သွေးပျက်စရာ ကောင်းလှတဲ့ သဘာဝလွန် ခြောက်လှန့်မှုတွေ အစီအရီ ရောက်ရှိလာပါတော့တယ်။ ပိုပြီးဆိုးဝါးတာကတော့ နူဂီတစ်ယောက်တည်း ခြောက်လှန့်ခံရရုံတင်မကဘဲ... သူ့ရဲ့ မိသားစုနဲ့ သူ့ပတ်ဝန်းကျင်က အပြစ်မဲ့လူတွေပါ တစ်ယောက်ပြီးတစ်ယောက် သွေးပျက်စရာ ကောင်းလောက်အောင် အသက်ဆုံးရှုံးရပါတော့တယ်။ နူဂီတစ်ယောက် ဒီမိစ္ဆာမကြီးရဲ့ ရက်စက်လှတဲ့ ကျိန်စာတိုက်ပွဲကနေ ဘယ်လိုမျိုး ဘာသာရေး၊ တရားဓမ္မတွေနဲ့ ပြန်လည်တိုက်ဖျက်ပြီး အသက်ရှင်အောင် ရုန်းကန်မလဲဆိုတာကို ကြည့်ရှုရမှာ ဖြစ်ပါတယ်။

It's Official... (2025) IMDb Rating (7.7) အဖေရုတ်တရက်ဆုံးသွားလို ပူဆွေးကြေကွဲနေရတဲ့ Marni တစ်ယောက် နောက်ထပ်အံ့ဩကြေကွဲစရာနဲ့ ရင်ဆိုင်ရပါတော့တယ်။ အဲဒါကတော့ Mar အဖေရဲ့ သေတမ်းစာထဲက နောက်ဆုံးဆန္ဒက သူ့ရဲ့အလောင်းရှေ့မှာ Mar ကို Marno ဆိုတဲ့ ကောင်လေးတစ်ယောက်နဲ့ လက်ထပ်ပေးဖိုပါပဲ။ Marno ဆိုတာက Mar အဖေ အကြွေးတွေအများကြီးတင်နေတဲ့သူ့သူငယ်ချင်းရဲ့ သားဖြစ်ပြီး Mar အဖေက အကြွေးကြေဖို သူ့သမီးကို Marno နဲ့ ပေးစားခဲ့တာပဲဖြစ်ပါတယ်။ ဒီထက်ပိုဆိုးစေတာကတော့ Mar မှာ Adi ဆိုတဲ့ ချစ်သူတစ်ယောက်ရှိနေတာပါပဲ။ ဒီလိုနဲ့ Mar တစ်ယောက် သူ့အဖေဆန္ဒအတိုင်း မိသားစုအကြွေးတွေကိုကယ်တင်ဖို မရင်းနှီးတဲ့သူနဲ့လက်ထပ်မလား ဒါမှမဟုတ် ချစ်သူအပေါ်မှာ သစ္စာစောင့်သိသွားမလားဆိုတာကိုတော့ ဒီဟာသဇာတ်လမ်းလေးထဲမှာ ဆက်လက်ကြည့်ရှုလိုရပါပြီ။ File size… (1.4 GB) / (780 MB) Quality…. WEB-DL 1080p HEVC / 720p Format…. mkv/mp4 Genre…. Comedy,Drama Duration…. 02:06:06 Subtitle…. Myanmar Subtitle (Hardsub)

Hotel Sakura (2025) +++++++++ Hotel Sakura ဆိုတဲ့ဇာတ်ကားလေးကတော့ ကြည့်နေရင်းဘာတွေဖြစ်ကုန်တာလဲ ဆိုပြီးအထိ ထိုင်စဥ်းစားရမယ့် plot twist နဲ့ အင်ဒိုနီးရှားဟော်ရာ(Pyshological Horror) ကားလေးဖြစ်ပြီး ကြောက်စရာကောင်းတာလဲကြည့်ချင်တယ် plot twistကလဲအကြမ်းစားမှ ကြိုက်တယ်ဆိုတဲ့သူတွေမဖြစ်မနေကြည့်သင့်တဲ့ကားပါ။ Long weekend ကိုကြိုက်တဲ့သူတွေကြည့်သင့်တဲ့ကားမျိုးဖြစ်ပြီး long weekend လိုplot twistကိုမှ ကြည့်ပြီးတာတောင်နားမလည်နိုင်တဲ့ထိ upgrade မြှင့်ထားတဲ့ကားလေးပါ။ ဇာတ်လမ်းအကျဥ်း ဆာရာဆိုတဲ့ ကောင်မလေးဟာ မိခင်ရဲ့သေဆုံးမှုကြောင့် အတိတ်ရဲ့အရိပ်မည်းကနေ မရုန်းထွက်နိုင်ဖြစ်နေပြီး သူ့အမေနဲ့ပြန်တွေ့ဖို့မျှော်လင့်ကြိုးစားနေခဲ့ပါတယ်။ တစ်ရက်တော့ သူ့အတန်းမှာ ဆရာမကပရလောကယုံကြည်မှုဆိုင်ရာအကြောင်းဆွေးနွေးပြီးအပြန်မှာ အယ်လ်ဒိုရာဆိုတဲ့ကောင်လေးကဆာရာရဲ့ခံစားချက်ရိပ်မိပြီး သူ့ညီမဝိညာဉ်နဲ့စကားပြောဖို့သွားတည်းခဲ့တဲ့ ဟိုတယ်အကြောင်းလမ်းညွှန်ပေးလိုက်တော့ ဆာရာလဲသူ့သူငယ်ချင်းနစ်ခ်ဒီ ဆိုသူနဲ့ ၃ညတာ သွားတည်းပါတော့တယ်။ ဟိုတယ်ကိုရောက်တော့ ဘယ်လိုတွေဆက်ဖြစ်မလဲဆိုတာကတော့ဆက်လက်ကြည့်ရှုခံစားလိုက်ကြပါဗျာ။ File Size… (717MB) / (530MB) Quality… WEB-DL 1080p HEVC /720p Format…mkv / mp4 Duration…1h 40m Genre …Horror Subtitle….Myanmar Subtitle (Hard Sub)

The Siege at Thorn High (2025) IMDb - 7.7/10 2027ခုနှစ်...၊ အင်ဒိုနီးရှားလူ့အဖွဲ့အစည်းမှာ လူမျိုးရေးခွဲခြားမှုတွေနဲ့ အဓိကရုဏ်းကြီးတွေဖြစ်နေကြချိန် ဆိုးရွားတဲ့ကျောင်းသားတွေချည်း စုထားတယ်လို့ နာမည်ကြီးတဲ့ ကျောင်းကိုမှပြောင်းလာခဲ့တဲ့ တရုတ်-အင်ဒိုကပြား ကျောင်းဆရာတစ်ယောက်။ လူမျိုးရွေးခွဲခြားမှုကြောင့်ဖြစ်လာတဲ့ နောက်ထပ်အဓိကရုဏ်းတွေကြောင့် ကျောင်းကနေစစ်တလင်းလိုဖြစ်လာချိန်မှာ အသက်ရှင်သန်ဖို့အရေး အားသွန်ခွန်စိုက် ကြိုးစားကြပုံ‌တွေကို အသည်းယားဖွယ်မြင်တွေ့ကြရမှာပဲဖြစ်ပါတယ် (အညွှန်းနဲ့ ဘာသာပြန်ကတော့ iTeAmပဲဖြစ်ပါတယ်) File size… 1.6 GB / 800 MB Quality…WEB DL 1080p HEVC/ 720p Format…mkv/ mp4 Duration….1h 58m Subtitle….Myanmar Subtitle (Hard Sub) Encoder….B coder Translated by iTeAm

Singsot: Siulan Kematian (2025) IMDb Rating (6.7) ရိုးရာယုံကြည်မှုအစွဲအလန်းတွေဟာ အစွန်းရောက်တဲ့အထိ ဖက်တွယ်ထားဖို့အဆင်မပြေဘူးဆိုပေမယ့် တစ်ခါတစ်လေမှာပစ်ပယ်ထားလို့မရတဲ့အရာမျိုးတွေရှိနေတတ်ပြန်ပါသေးတယ်။ အီပန်းဆိုတဲ့ကောင်လေးကတော့ အဘိုးအဘွားတွေ ဆုံးမလေ့ရှိတဲ့နေဝင်ရီတရောအချိန်မှာလေမချွန်နဲ့ဆိုတဲ့ တားမြစ်ချက်ကိုဖောက်ဖျက်ခဲ့မိလို့ အိမ်မက်ဆိုးတွေအကြိမ်ကြိမ်မက်၊ မမြင်အပ်တဲ့အရာတွေကိုထပ်တလဲလဲမြင်ရာကနေပြီး လိပ်ပြာငယ်လာတဲ့နောက် တစ်ဖက်လောကမှာရှိတဲ့ မကောင်းဆိုးဝါးဖုတ်သရဲက လူလဲဖို့ကြိုးစားလာတဲ့အထိ အသက်အန္တရာယ်ကြုံတွေ့ခဲ့ရပါတယ်။ ဒါတွေအားလုံးဟာ သူတို့ရွာက ပတေးဆိုတဲ့ လူတစ်ယောက်ရွာအစွန်တောအုပ်ထဲကို ငှက်သွားဖမ်းရာကနေ မမြင်အပ်တဲ့တစ်စုံတစ်ရာရဲ့ဖမ်းဆီးခေါ်သွားမှုကို ခံခဲ့ရပြီးပြန်ရောက်အလာမှာ အိပ်ယာပေါ်မလှုပ်မယှက်ပက်လက်ဘ၀ကိုရောက်သွားတဲ့ဖြစ်ရပ်ကနေ စတင်ခဲ့ပါတယ်။ ခင်ပွန်းဖြစ်သူကို ဒီဘ၀ကနေ လွတ်မြောက်ဖို့ပတေးရဲ့ဇနီးကဖြစ်တဲ့နည်းနဲ့ကြိုးစားတော့မှာဖြစ်တဲ့အတွက် ဒီဖြစ်ရပ်တွေဟာ အီပန်းနဲ့တကွတစ်ရွာလုံးနဲ့ပါ ဘယ်လိုဆက်စပ်ဂယက်ရိုက်လာမလဲ? အီပန်းတစ်ယောက်ရော လူစားလဲခံရမယ့် အန္တရာယ်ကနေလွတ်မြောက်နိုင်ပါ့မလားအစရှိတာတွေကိုသဲထိတ်ရင်ဖိုရှုစားကြရမယ့် ဟော်ရာကားကောင်းတစ်ကားပါပဲ။ (အညွှန်းနဲ့ဘာသာပြန်ကတော့ Alias ဖြစ်ပါတယ်။) File size…(1.1 GB) / (550 MB) Quality….WEB-DL 1080p HEVC / 720p Format…. mkv/mp4 Genre….Horror Duration….01:15:47 Subtitle….Myanmar Subtitle (Hardsub) Encoder….Double K Translated by Alias

The secret recipe aka Rahasia Rasa 2025 အရသာရဲ့အရသာ ရေဆာဆိုတာ မဟာရာဆာစားသောက်ဆိုင်ရဲ့ စားဖိုမှူးကြီး၊ တစ်နည်းပြောရရင် နာမည်ကြီးအီတလီစားသောက်ဆိုင်ရဲ့ ခေါင်းဆောင်စားဖိုမှူးပေါ့။ သူ့ရဲ့အိပ်မက်ကတော့ အင်ဒိုကနေတစ်ဆင့် အီတလီမှာ စားသောက်ဆိုင်ဖွင့်ချင်တာဖြစ်ပြီးတော့ ဒီအတွက် အရင်းအနှီးထုတ်ပေးမယ့်သူကတော့ သူ့ရဲ့ချစ်သူလေးဒင်ဒါရဲ့အဖေ ဘရိုတို သူ့ရဲ့ယောက္ခထီးလောင်းလေးပေါ့။ ဒါပေမဲ့ ဟင်းလျာနဲ့ပတ်သက်ရင် ရေဆာနဲ့ မစ္စတာဘရိုတိုတို့ကြားမှာ ကွဲလွဲမှုက ကြီးမားနေပြန်ပါတယ်။ ရေဆာကတော့ အီတလီအစားအစာကို အားသန်ပြီး မစ္စတာဘရိုတိုကတော့ မျိုးချစ်ပီပီ အင်ဒိုအစားအစာကို တန်ဖိုးထားသူပေါ့။ ဒီလိုနဲ့ အီတလီစားသောက်ဆိုင်စာချုပ်အတွက် လက်မှတ်ထိုးမယ့်နေ့မှာ ဘရိုတိုက ရေဆာကို မူတီကာရာဆာဆိုတဲ့ လျှို့ဝှက်ဟင်းချက်နည်းစာအုပ်ပေးလိုက်ပါတယ်။ ဒီစာအုပ်က ဟင်းချက်နည်းတစ်ထောင်ရှိတာပေမဲ့ အခုတော့ တစ်ပိုင်းတစ်စပဲရှိတာပါ။ ‌ရေဆာအတွက် ဘရိုတိုရဲ့စမ်းသပ်မှုကတော့ မူတီကာရာဆာကို မှီငြမ်းပြီး မီနူးသစ်ထွင်ဖို့ပါပဲ။ ဒါပေမဲ့ ရေဆာတစ်ယောက် အဖြစ်ဆိုးတစ်ခုနဲ့ကြုံပြီး အရသာခံနိုင်စွမ်း ပျောက်ဆုံးသွားချိန်မှာတော့ (အညွှန်းနဲ့ဘာသာပြန်ကတော့ CM Team မှပဲဖြစ်ပါတယ်) File size… 1.2 GB / 600 MB Quality…WEB DL 1080p HEVC/ 720p Format…mkv/ mp4 Duration….2h 1min Subtitle….Myanmar Subtitle (Hard Sub) Encoder….YK Translated by CM Team

The Forbidden Camp: Mass Possession (2024) "မသွားအပ်သော အရပ်" ဖြစ်ရပ်မှန်အခြေခံထားတဲ့ အင်ဒိုနီးရှား ဟော်ရာဇာတ်လမ်းလေးကို တင်ဆက်လိုက်ပါတယ် ၂၀၁၆ မှာ တောထဲ စခန်းချခရီးထွက်ကြတဲ့ ကျောင်းသားတွေအုပ်စုလိုက် မကောင်းဆိုးဝါး ဝင်ပူးခံရတဲ့အဖြစ်အပျက်ကို ပြန်လည်ပုံဖော်ထားတာလို့ သိရပြီး ဇာတ်လမ်းအကျဉ်းကတော့ ရီနီဟာ အမောမခံနိုင်တဲ့ ပန်းနာရောဂါသည်ဆိုပေမဲ့ သူတို့ကျောင်းက ကင်းထောက်လူငယ်တွေ နှစ်စဉ်သွားကြတဲ့ တောတွင်းစခန်းချခရီးကို လိုက်မယ်ပြင်ရာမှာ ဖြစ်ချင်တော့ နှစ်စဉ်သွားနေကျနေရာအစား တားမြစ်နယ်မြေတစ်ခုကိုမှ ဇွတ်သွားကြဖို့ ဆုံးဖြတ်လိုက်ကြတဲ့အခါ ဘယ်လိုမျိုး သွေးပျက်ခြောက်ခြားစရာ ခြောက်လှန့်မှုမျိုး ကြုံရမှာလဲ ဒီဟော်ရာဇာတ်ကားလေးထဲမှာ ဆက်လက်ကြည့်ရှုပေးပါဦး အညွှန်းနဲ့ ဘာသာပြန်ကတော့ CM Team မှ ဖြစ်ပါတယ် File size… 1.4 GB / 751 MB Quality…WEB DL 1080p HEVC/ 720p Format…mkv/ mp4 Duration….1h 51mins Subtitle….Myanmar Subtitle (Hard Sub) Encoder….YK Translated by CM Team

Tulang Belulang Tulang (2024) IMDb Rating (7.1) "Tulang Belulang Tulang" က ဒါရိုက်တာ Sammaria Simanjuntak ရိုက်ကူးခဲ့တဲ့ အင်ဒိုနီးရှားဇာတ်လမ်းတစ်ပုဒ်ဖြစ်ပါတယ်။ Batak ယဥ်ကျေးမှုရိုးရာကို ဒရမ်မာ၊ ဟာသ၊ စွန့်စားခန်းတွေနဲ့ ပေါင်းထားပြီး Batak ဒေသရဲ့ တန်ဖိုးထားရာဖြစ်တဲ့ Toba ကန်နဲ့ ရှုခင်းတွေရဲ့ အလှအပတွေကိုပါ ပေါ်လွင်အောင် ရိုက်ကူးထားပါတယ်။ Plot summary: Mangokal Holi ပွဲလိုခေါ်တဲ့ Batak လူမျိုးတွေရဲ့ ရိုးရာကတော့ သေသွားပြီးတဲ့ ဘိုးဘေးတွေရဲ့အရိုးကို Toba ကန်ဆီကို ပြန်သယ်ဆောင်ကြတဲ့ စျာပနပွဲဖြစ်ပါတယ်။ Batak မိသားစုတစ်စုက သူတို့ဆုံးသွားတဲ့ အဘေးရဲ့ အရိုးတွေကိုသယ်ပြီး Mangokal Holi ပွဲအတွက် Toba ကန်ဆီကို မိသားစုတစ်စုလုံး ခရီးထွက်ခဲ့ကြတယ်။ ဒါပေမဲ့ လေယာဥ်ကအဆင်း အိတ်မှားပြီး သူတို့အဘေးရဲ့ အရိုးတွေထည့်ထားတဲ့အိတ်က တစ်ယောက်ယောက်ဆီကို ပါသွားလေရဲ့။ မိသားစုတစ်စုလုံးလည်း သူတိုအဘေးရဲ့အရိုးတွေကို စျာပနအမီသယ်သွားဖို့ အိတ်ပျောက်ရှာတဲ့ခရီးထွက်ရာက ဘယ်လိုအန္တရာယ်တွေ တလွဲတချော်တွေ ဆက်ဖြစ်မလဲဆိုတာကိုတော့ ဒီပရမ်းပတာဟာသအပြည့်နဲ့ ဇာတ်လမ်းလေးမှာ ဆက်လက်ကြည့်ရှုနိုင်ပါတယ်။ (အညွှန်းနဲ့ဘာသာပြန်ကတော့ Thwal Htoo Zin ဖြစ်ပါတယ်။) File size…(1.6 GB) / (700 MB) Quality….WEB-DL 1080p HEVC / 720p Format…. mkv/mp4 Genre….Adventure,Comedy,Drama Duration….01:36:09 Subtitle….Myanmar Subtitle (Hardsub) Encoder….Double K Translated by Thwal Htoo Zin

Sakaratul Maut 2024 ဝီရီယိုဟာ အဝေးမှာ အလုပ်လုပ်နေတဲ့ သူ့သမီးလေးဆီကို မိန်းမနဲ့အတူ သွားလည်ရင်းနဲ့ အပြန်လမ်းမှာ ကားမတော်တဆမှုကြောင့်နဲ့ သေခါနီးအခြေအနေနဲ့ ကိုမာဝင်နေပါတယ်။ ဆေးရုံစရိတ်တွေက ကြီးတဲ့အပြင် မျှော်လင့်ချက်ကလည်း မရှိသလောက်ဖြစ်နေလို မိသားစုဟာ ဝီရီယိုကို အိမ်မှာပဲ သက်သောင့်သက်သာနေရဖို ပြန်ခေါ်လာခဲ့တာပေါ့။ သမီးဖြစ်သူဟာလည်း အဖေ့ကြောင့်နဲ့ နယ်ပြောင်းလျှောက်ပြီးတော့ အိမ်မှာပြန်လာနေရင်း အဖေ့ကိုစောင့်ရှောက်ဖို့ဖြစ်လာခဲ့ပါတယ်။ ဒီအချိန်မှာ ဝီရီယိုရဲ့ ဒုတိယမိန်းမဖြစ်သူနဲ့ သားဖြစ်သူ တာဂျိုဟာလည်း ဝီရီယိုရဲ့အနားကို ရောက်လာခဲ့ပါတော့တယ်။ တာဂျိုဟာ အဖေ့ကို စိတ်ပူလိုလာတာမျိုးထက် အဖေသေရင်ရမယ့်အမွေတွေအတွက် လာတယ်ဆိုရင် ပိုမှန်ပါလိမ့်မယ်။ ဒုတိယမိန်းမကတော့ သူ့ယောက်ျားဘေးမှာနေရင်း ကုရ်အာန်ဖတ်လို့ပေးနေပါတော့တယ်။ သေအံ့ဆဲဆဲဖြစ်နေတဲ့ ဝီရီယိုတစ်ယောက်ကတော့ သူမသေခင် အမွေခွဲတဲ့ကိစ္စတွေကို ကြားပြီးတော့ အသေမဖြောင့်ပဲ ပြန်လည်နိုးထလာရင်းနဲ့ပဲ ......... ဝီရီယိုတစ်ယောက် ပြန်လည်နိုးထလာခဲ့တာ ကောင်းသောနိုးထခြင်းမျိုးလား ..... သူတိုအိမ်မှာရော ဘယ်လို ကြောက်ဖိုကောင်းတဲ့ အဖြစ်အပျက်တွေ ဖြစ်လာမလဲ ...... ဆိုတာကို ကြည့်ရှုရမယ့် ဟော်ရာဒရာမာကားလေးဖြစ်ပါတယ်။ (အညွှန်းနဲ့ ဘာသာပြန်ကတော့ ToMo~ Linn ~ Yunni~ KKKZ ဖြစ်ပါတယ်) File size…1.28 GB / 626 MB Quality…WEB DL 1080p HEVC / 720p Format…mkv/mp4 Duration….1h 47min Subtitle….Myanmar Subtitle (Hard Sub) Encoder….YK Translated by ToMo~ Linn ~ Yunni~ KKKZ

Indo horroပရိသတ်တို အကြိုက်တွေ့စေမယ့် အသစ်ထွက် ဇာတ်ကားသစ်လေးကို တင်ဆက်ပေးလိုက်ပါပြီ။ အခုနှစ်ပိုင်းတွေမှာ အင်ဒိုဟော်ရာလောကလည်း အဆင့်မြင့်လာပြီး လူကြိုက်များလာကြပြီဆိုတော့ ဒီကားလေးရော ဘယ်လိုလာမလဲ ရှုစားကြပါဦး။ ပါကူတာနာဂျဝါလိုခေါ်တဲ့ တောတွေတောင်တွေ ဝန်းရံနေတဲ့ မြိုငယ်လေးမှာ ဟာဒီနီလိုခေါ်တဲ့ ဆွန်ဒန်ကချေသည်တစ်ယောက် ရှိပါတယ်။ ဒါပေမဲ့ ရိုးရာကချေသည်ဖြစ်တဲ့ဟာဒီနီက နာမည် ဂုဏ်သတင်းတော့ မကောင်းလှပါဘူး။ ဟာဒီနီက ယောက်ျားတွေနဲ့ ပတ်အိပ်နေသလိုလို ပြည့်တန်ဆာပဲ လုပ်စားနေသလိုလို သတင်းတွေထွက်နေပြီး မကြာသေးခင်ကပဲ ဟာဒီနီဆီကပြန်လာပြီး ရုတ်တရက် နှလုံးဖောက်ပြီးသေသွားတဲ့ ကူစ်နိုဆိုသူကလည်းရှိနေတော့ သွားပုပ်လေလွင့်ပြောသူတွေ အတွက် ပြောစရာကြီးဖြစ်နေတာပေါ့။ အမေ့ရဲ့မကောင်းသတင်းတွေကြောင့် နင်ရမ်တစ်ယောက်လည်း အမေနဲ့ မကြာခဏပြဿနာတက်ရပေမဲ့ အမေဖြစ်သူရဲ့ ထူးဆန်းတဲ့ အပြုအမူတွေ လုပ်ရပ်တွေကို နင်ရမ်တစ်ယောက်လည်း နားမလည်နိုင်သလို မေးတော့လည်းဟာဒီနီကမဖြေပြန်ပါဘူး။ ဒီလိုနဲ့ သူတိုသားအမိနှစ်ယောက်ရဲ့ဘဝထဲကို ဂျာလူဆိုတဲ့ လူတစ်ယောက် ဝင်လာချိန်မှာတော့.... File size… (1.01GB) / (438MB ) Quality… WEB-DL 1080p HEVC / 720p Format…mkv / mp4 Duration….1h 40m Genre …..Horror Subtitle….Myanmar Subtitle (Hard Sub) Encoder….Min Wai Translated by Mary

Cigarette Girl (2023) Ep 1 to 5 (complete) IMDb Rating (8.1) / Rotten Tomatoes (96%) ဒီဇာတ်လမ်းတွဲလေးကတော့ 2023 ခုနှစ်က ထွက်ရှိခဲ့တဲ့ အင်ဒိုနီးရှား ဒရာမာ ဇာတ်လမ်းလေးဖြစ်ပါတယ်။ IMDb rating 8.1 ထိရထားတဲ့ Netflix Serie လေးလည်းဖြစ်ပါတယ်။ သရုပ်ဆောင်တွေအနေနဲ့ Dian Sastrowahdoyo , Ario Bayu, Arya Saloka တို့ကအဓိက ပါဝင်ထားပြီးတော့ Sashi Nandani ဖန်တီးထားပါတယ်။ ဇာတ်လမ်းအကျဉ်း Soeraja ဆိုတဲ့ Djagad Raya ဆိုတဲ့ တိမ်မြှုပ်တော့မယ့် ဆေးလိပ်စက်ရုံရဲ့ပိုင်ရှင်ဟာ သူမသေဆုံးခင် နောက်ဆုံးဆန္ဒအဖြစ် Jeng Yah ဆိုတဲ့ မိန်းကလေးကို သူ့ရဲ့အငယ်ဆုံးသားဖြစ်သူ Lebas ကို ရှာခိုင်းလိုက်ပါတယ်။ Lebas ကလည်း သူ့အစ်ကိုတွေဖြစ်တဲ့ Karim နဲ့ Tegar တို့အကူအညီနဲ့ Java ကျွန်းဆွယ်တစ်လျှောက်လိုက်ရှာပါတော့တယ်။ Djagad Raya ဆေးလိပ်တွေ အင်ဒိုနီးရှားရဲ့ နံပါတ်တစ်ဖြစ်လာတဲ့အကြောင်းနဲ့ သူတို့ဖခင်နဲ့ Jeng Yah ဆိုတဲ့ အမျိုးသမီးရဲ့ အချစ်ဇာတ်လမ်းတွေကို စိတ်ဝင်စားဖွယ်ကြည့်ရှုရမှာပဲဖြစ်ပါတယ်။ Rating ကောင်းကောင်း Asia Series တွေကြိုက်တဲ့ သူတွေအနေနဲ့ကတော့ လုံးဝကို လက်လွှတ်မခံသင့်တဲ့ ဇာတ်လမ်းတွဲလေးဖြစ်ပါတယ်။ (အညွှန်းနဲ့ဘာသာပြန်ကတော့ Nay ဖြစ်ပါတယ်။) File size… (700 MB) / (400 MB) Quality….WEB-DL 1080p HEVC / 720p Format…. mkv/mp4 Genre….Drama, History, Romance Duration….01:00:00 Subtitle….Myanmar Subtitle (Hardsub) Encoder….Benjamin Translated by Nay

cm ပရိသတ်ကြီးကို အင်ဒိုနီးရှား သရဲကား ကောင်းကောင်းလေး တစ်ကားနဲ့ မိတ်ဆက်ပေးချင်ပါတယ်။ ဒီဇာတ်ကားလေးကို ဂျာဗားကျွန်းဆွယ်စကားနဲ့ "Panggonan Wingit" လို့လည်း ခေါ်ပါတယ်။ ဇာတ်ကြောင်းက ရိန်နာနဲ့ ဖေးဆိုတဲ့ ညီအစ်မနှစ်ယောက်က ဖခင် ဆုံးပါးပြီးနောက်မှာ ဟိုတယ်တစ်လုံးကို အမွေ ရရှိခဲ့ပါတယ်။ ဒီဟိုတယ်ရဲ့ တတိယထပ်မှာ အခန်းနံပါတ်မရှိတဲ့ အခန်းတစ်ခန်းရှိနေတာပါ။ ဒီဟိုတယ် တတိယထပ်ကို မသွားဖို့ အဖွားဖြစ်သူက ပြောထားပေမယ့် ရိန်နာတစ်ယောက် ညဘက်ကြီး ငိုကြွေးသံတွေကြားလို့ ဒီအခန်းထဲကို ဝင်လိုက်တဲ့အခါ အခန်းထဲမှာ တစ်ကိုယ်လုံး ဆွတ်ဆွတ်ဖြူနေတဲ့ မိန်းကလေးတစ်ယောက် ရှိနေတာကို တွေ့လိုက်ရပါတယ်။ အဲဒီနောက်မှာတော့ ရိန်နာတို့ ညီအစ်မနှစ်ယောက် ကံကြမ္မာက ဘာတွေ ပြောင်းလဲသွားမလဲ။ ဒီကျိန်စာသင့်အခန်းထဲက မိန်းကလေးက ဟိုတယ်နဲ့ ဘာတွေပတ်သတ်မှု ရှိနေတာလဲ....။ File size…1.37GB / 665MB Quality…WEB-DL 1080p / 720p Format…mp4 Duration….1h 50m Genre ….. Horror , Thriller Subtitle….Myanmar Subtitle (Hard Sub) Encoder….Min Wai Translated by Aoi

24 Hours with Gapar (2024) ဒီရုပ်ရှင်ကို အင်ဒိုနီးရှား ဒါရိုက်တာက ရိုက်ကူးပြီး Netflix က ဖြန့်ချီပေးထားတာပါ။ IMDb rating – 5/10 ရရှိထားပါတယ်။ အရာရာပျက်ဆီးနေတဲ့ အနာဂတ် ကာလတစ်ခုမှာ ဇာတ်အိမ်တည်ထားပြီး တမူထူးခြားတဲ့ Action, Drama, Crime ဇာတ်လမ်းမျိုးကို ကြည့်ရှုရမှာပါ။ ဇာတ်လမ်းအကျဉ်းကတော့ ဂတ်စပါဆိုတဲ့ စုံထောက်တစ်ယောက်ဟာ နှလုံးက ညာဖက်မှာ ရောက်နေပြီး အသက်ရှင်ဖို့ အချိန် ၂၄ နာရီပဲ ကျန်ပါတော့တယ်။ အဲတော့ သူ မသေခင်လေးမှာပဲ ငယ်ငယ်က ပျောက်ဆုံးသွားခဲ့တဲ့ တစ်ဦးတည်းသော သူငယ်ချင်းဖြစ်သူ ကီရာနာ့ကို ရှာဖွေဖို့ ကြိုးစားပါတော့တယ်။ ဒီလိုနဲ့ စုံစမ်းရင်း ဝမ်အာလီဆိုတဲ့ လူဆိုးတစ်ယောက်နဲ့ ရင်ဆိုင်ဖို့ ဖြစ်လာပါတော့တယ်။ အဲဒါနဲ့ ဂတ်စပါလည်း အဖွဲ့တစ်ဖွဲ့စုပြီးတော့ ဝမ်အာလီ့ဆိုင်ကို ဝင်လုဖို့လုပ်ပါတယ်။ ဂတ်စပါဟာ ငယ်ငယ်က နားထောင်ခဲ့တဲ့ နတ်သမီးပုံပြင်တွေကို ယုံကြည်သူ ဖြစ်ပြီးတော့ ဝမ်အာလီ့ဆီမှာ ရောက်နေတဲ့ ဘူးအနက်လေးဟာ ဆုတောင်း ပြည့်အောင် လုပ်ပေးနိုင်မယ်လို့ ထင်မြင်နေပါတယ်။ ပုံပြင်နဲ့ လက်တွေ့ဘဝကို ယှဉ်ပြီး ဂတ်စပါရဲ့ မသေခင် နောက်ဆုံးကြိုးစားအားထုတ်မှု အောင်မြင်သွားမလား ဆိုတာကတော့..... အညွန်း နဲ့ ဘာသာပြန်ကတော့ Leonard Lin ပဲ ဖြစ်ပါတယ်။ Genre..... Action, Crime, Drama Quality…. 1080p | 720p File size… 1.1GB | 600MB Format… mp4 Duration…. 1h 38min Subtitle…. Myanmar Subtitle (Hardsub) Translator ..... Leonard Lin  Encoder ..... Aaron

Death Knot (2021) IMDb Rating (5.1) တစ်ခုသောညတစ်ညမှာ ဟာရီနဲ့ အီကာဆိုတဲ့ မောင်နှမနှစ်ယောက်ဟာ တစ်ခုတည်းသော အိမ်မက်ကို တစ်ချိန်တည်း တစ်ထပ်တည်းမြင်မက်ခဲ့ကြပါတယ်။ အဲ့ဒီအိမ်မက်ကတော့ သူတို့နှစ်ယောက်ရဲ့မိခင်ဟာ တောအုပ်ကြီးထဲက သစ်ပင်ကြီးတစ်ပင်မှာဆွဲကြိုးချသတ်သေသွားခဲ့ပြီး မသေခင်မှာ ဝေးဝေးနေလို့ပြောသွားခဲ့တာပါ။ နောက်တစ်နေ့မနက်မှာပဲ သူတို့ဦးလေးဆီက သူတို့မိခင်သေဆုံးကြောင်းအကြောင်းကြားလာတဲ့အတွက် ဇာတိရွာကိုပြန်ခဲ့ကြရပါတယ်။ ရွာကိုပြန်ရောက်ချိန်မှာတော့သူတို့ရဲ့မိခင်ဟာ တစ်ရွာလုံးက ရွံကြောက်ကြတဲ့ အောက်လမ်းဆရာမတစ်ဦးဖြစ်ပြီး ဘယ်သူမှ အဆက်အဆံမလုပ်လိုကြကြောင်း၊ သူတို့နှစ်ယောက်ကိုပါ မိခင်ရဲ့မျိုးဆက်ဖြစ်တဲ့အတွက် ဘယ်သူကမှ မပတ်သက်ချင်ကြောင်းတွေကို တစ်စတစ်စသိလာပြီး နောက်မှာတော့ရွာထဲမှာ သူ့အမေသေဆုံးပုံအတိုင်းထပ်တူဆွဲကြိုးချသေဆုံးမှုတွေ ဆက်တိုက်ဖြစ်ပေါ်လာပါတော့တယ်။ နာမည်ကျော် Pulung Gantung ဒဏ္ဍာရီကိုခပ်ပါးပါးအခြေခံထားတဲ့ ဇာတ်ကားနောက်တစ်ကားဖြစ်ပါတယ်။ ဒဏ္ဍာရီအလိုအရတော့ ပူလွန်ဂန်တွန်းဆိုတာ ကောင်းကင်ကနေ မြေပြင်ပေါ်ကျဆင်းလာတဲ့ မီးလုံးကြီးဖြစ်ပြီး အဲ့ဒီလမ်းကြောင်းနဲ့တိုက်ဆိုင်သူတွေဟာ စိတ်ဓာတ်ကျခြင်းတွေပြင်းပြင်းထန်ထန်ခံစားကြရပြီး ကိုယ့်ကိုယ်ကိုသတ်သေကြတယ်လို့အယူရှိပါတယ်။ ဒါဟာ အင်ဒိုနီးရှားရဲ့ကိုယ့်ကိုယ်ကိုသတ်သေမှုအမြင့်မားဆုံးဖြစ်တဲ့ ဂူနွန်ကီဒူးလ်ခရိုင်မှာနှစ်ပေါင်းများစွာကတည်းကရှိနေခဲ့တဲ့အယူဖြစ်ပြီး အခုချိန်ထိလည်း သက်ဝင်ယုံကြည်သူတွေရှိနေကြဆဲဖြစ်ပါတယ်။ လက်တွေ့နဲ့နီးစပ်မှုရှိမရှိကိုတော့ ကိုယ်တိုင်အဖြေရှာကြည့်ကြပါ။ File size… (910 MB) / (580 MB) Quality…. WEB-DL 1080p HEVC / 720p Format…. mkv/mp4 Genre…. Horror,Thriller Duration…. 01:40:38 Subtitle…. Myanmar Subtitle (Hardsub)

အရှေ့တောင်အာရှရုပ်ရှင်လောကမှာ ထိုင်းရုပ်ရှင်တွေ ဦးဆောင်နေတာများပေမယ့် 2021 ရုပ်ရှင်ပွဲတော်တွေမှာ ဆု ၁၂ ဆုနဲ့ ရှားရှားပါးပါး IMDB 7.5 လောက်ရထားတဲ့ အင်ဒိုနီးရှား လူငယ် Thriller ကားကောင်းလေးနဲ့ မိတ်ဆက်ပေးချင်ပါတယ် ဆာရန်နီဆိုတဲ့ ကောင်မလေးက နွမ်းပါးတဲ့မိသားစုကဖြစ်ပြီး ကွန်ပြူတာသိပ္ပံကို စကောလားရှစ်ပညာသင်ကြေးနဲ့တက်ရောက်ရမယ့် သူဖြစ်ပါတယ် သူက မာတာဟာရီဆိုတဲ့ ကျောင်းတွင်းပြဇာတ်အဖွဲ့ရဲ့ ဝက်ဆိုဒ်ဒီဇိုင်နာတစ်ယောက်ဖြစ်ပြီး နောက်ကွယ်ကနေ နည်းပညာပံ့ပိုးသူပါ... တစ်နေ့သူတို့ပြဇာတ်အဖွဲ့ကျောင်းကပွဲမှာ ဆုရပြီး ဂျပန်ကိုအာရှ တက္ကသိုလ်ပြဇာတ်ပြိုင်ပွဲ စေလွှတ်ခံရတာကြောင့် အဖွဲ့ဝင်တွေအားလုံး ပျော်မဆုံးဖြစ်နေကြပါတယ်...ဒါကိုအောင်ပွဲခံတဲ့အနေနဲ့ ပြဇာတ်ရေးဆရာ ရာမာရဲ့အိမ်မှာ အောင်ပွဲခံ ပါတီလုပ်ကြပြီး ဆာရန်နီလည်း မိဘတွေ မသွားခိုင်းတဲ့ကြားက အတင်းသွားခဲ့ပါတယ်...သူတစ်ညလုံးကဲခဲ့ပြီးနောက်နေ့ မှာတော့ အိမ်ကိုဘယ်လိုပြန်ရောက်နေလဲမသိနိုင်တော့ပါဘူး ပိုဆိုးတာက သူပါတီမှာကဲပြီး အမြင်မတော်တဲ့ပုံတွေကို တစ်ယောက်ယောက်က အွန်လိုင်းမှာတင်သွားပါတယ်...ဒီသတင်းကို စကောလားရှစ်ဘုတ်အဖွဲ့လည်းသိပြီး ဆုကိုပယ်ချလိုက်တဲ့အပြင် အိမ်ပေါ်ကပါ နှင်ချခံလိုက်ရပါတယ်.. ဆာရန်နီတစ်ယောက် သူတစ်ညတာ သတိလွတ်သွားတာကြောင့် ရုတ်တရက်အားလုံးဆုံးရှုံးသွားတာကို ဘယ်လိုအဖတ်ပြန်ဆယ်မလဲ နောက်ကွယ်က သူပုံတွေတင်လိုက်တဲ့သူက‌ရော ဘယ်သူလဲဆိုတာကိုတော့ ဒီဇာတ်လမ်းမှာ စိတ်ဝင်စားဖို့ကောင်းကောင်းနဲ့ လူငယ်ဆန်ဆန် ‌ဖြစ်တတ်တဲ့အမှားပေါင်းများစွာကို အာရှအငွေ့အသက်ဆန်ဆန်နဲ့ရိုက်ကူးထားပါတယ် ( ဇာတ်လမ်းအညွှန်းနဲ့ဘာသာပြန်ကို Thiha Yan Naing ကရေးသားထားပါတယ်) File size…(1.7 GB)/(1 GB)/(500 Mb) Quality….Webrip 1080p / 720p / 480p Format…mp4 Duration….02:10:00 Genre...Drama, Crime, Mystery Subtitle….Myanmar Subtitle (Hardsub) Encoder….Mr. Anderson Translated by Thiha Yan Naing

ရွာတစ်ရွာမှာ ကန်တီဆိုတဲ့ အမျိုးသမီးတစ်ယောက်ကို စုန်းမလို့ သမုတ်ပြီး နွားတင်းကုပ်ထဲ ပိတ်လှောင်စွန့်ပစ်ထားကြပါတယ်။ သူမရဲ့မျက်နှာက လူရုပ်မပီတော့တာရယ်၊ နိမိတ်ဆိုးတွေ ပေါ်နေတာရယ်ကြောင့် ရွာသူကြီးကအစ သူမကို ကြောက်လန့်နေကြတယ်။ အူမာကတော့ နတ်ဆိုးတွေကို ပူဇော်ပသမှုတွေနဲ့အတူ မွေးဖွားလာပြီး ထူးဆန်းတဲ့စွမ်းအားတွေ ရှိနေသူပါ။ အန္တရာယ်ကြုံတိုင်း လူစိတ်ပျောက်သွားပြီး အဲဒီစွမ်းအားတွေ ထွက်ပေါ်လာတတ်တယ်။ တစ်နေ့မှာ လူသတ်မှုတစ်ခုကို မျက်မြင်တွေ့လိုက်ရတာကြောင့် သူမကို နှုတ်ပိတ်ဖို့ လိုက်လာကြပါတယ်။ အဲဒီအဖြစ်ကနေ သူမ ဘာကြောင့် ဒီလိုမွေးဖွားလာရသလဲဆိုတဲ့ နောက်ကြောင်းကို သိလာရတယ်။ အူမာရဲ့ဘဝနောက်ကြောင်းမှာ ဘာတွေရှိနေသလဲ၊ စုန်းမလို့ သမုတ်ခံထားရတဲ့ ကန်တီရဲ့အဖြစ်မှန်ကရော ဘာလဲဆိုတာကို ဆက်ဖော်ပြထားတဲ့ Yasamin Jasem ပါဝင်သရုပ်ဆောင်ထားသော သရဲဇာတ်ကားပါ။

Lampor: The Flying Casket (2019) IMDb Rating (5.3) ဒီမှာခေတ်အဆက်ဆက်ရေပန်းစားခဲ့တဲ့ ပါးစပ်ပြောရာဇဝင်တွေထဲဇာတ်လိုက်တစ်ယောက်ဖြစ်တဲ့သုသာန်စောင့်မဖဲဝါဟာ ခေါင်းတလားကြီးထမ်းပြီး သူ့သားကောင်ရဲ့အိမ်ရှေ့မှာပစ်ချလိုက်ရင် အဲ့ဒီအိမ်က တစ်ယောက်သေတတ်တယ်ဆိုတဲ့ဇာတ်လမ်းလိုပဲ အင်ဒိုနီးရှားနိုင်ငံ ဂျာဗားအလယ်ပိုင်းမှာလည်း ခပ်ဆင်ဆင်ဒဏ္ဍာရီတစ်ခုရှိပါတယ်။ အဲ့ဒါကတော့ လမ်ပေါ်လို့ခေါ်တဲ့အခေါင်းပျံကြီးပါပဲ။ သူတို့အယူအဆအရတော့ အဲ့ဒီအခေါင်းပျံကို တောင်ပင်လယ်နတ်ဘုရားမ Nyi Roro Kidul ရဲ့လက်အောက်ခံသေမင်းတမန်တွေက ထမ်းပိုးလာပြီး အပြစ်ရှိသူတွေကိုလိုက်လံဖမ်းဆီးတတ်တယ်လို့ယုံကြည်ကြပါတယ်။ လမ်းပေါ်ဖမ်းဆီးသွားတာကိုခံရတဲ့သားကောင်တွေဟာ နောက်တစ်နေ့မှာ အလောင်းပြန်တွေ့ရင်တွေ့၊ မဟုတ်ရင် ရူးသွားတတ်ကြတယ်လို့ဆိုကြပါတယ်။ ဒီဇာတ်လမ်းမှာတော့ အက်ဒ်ဝင်နဲ့ နက်တာဆိုတဲ့ ဇနီးမောင်နှံဟာ နက်တာ့မိခင်ဖြစ်သူရဲ့နောက်ဆုံးအမှာစကားကိုဖခင်ဖြစ်သူဆီ အရောက်ပါးဖို့ရွာပြန်လာကြချိန်မှာ သူတို့ဖခင်ကြီးက ရုတ်တရက်နှလုံးဖောက်ပြီးသေဆုံးသွားတာနဲ့ကြုံရပါတယ်။ အဲ့ဒီအချိန်မှာပဲ သူတို့ရွာမှာ လမ်ပေါ် ပြန်ပြီးသောင်းကျန်းနေတဲ့အတွက် တစ်ရွာလုံးထိတ်လန့်ခြောက်ခြားနေတာကိုပါ သိလိုက်ရသလို ရွာသားတွေကလည်း လမ်ပေါ်ပြန်ရောက်လာတာကို နက်တာရဲ့အပြစ်လိုလိုစွပ်စွဲနေကြပါတယ်။ အက်ဒ်ဝင်ကတော့ အစပိုင်းမှာအယုံအကြည်မရှိခဲ့ပေမယ့် သူကိုယ်တိုင် နဖူးတွေ့ဒူးတွေ့ကြုံလိုက်ရသလို နက်တာ့ဖခင် သေဆုံးမှုရဲ့နောက်ကွယ်က ပဟေဠိတွေထူးခြားဆန်းကြယ်မှုတွေကို တစ်စတစ်စ ရိပ်စားမိလာခဲ့ပြီးနောက်..။ ဂျာဗားအလယ်ပိုင်း လန်ပေါ်ဒဏ္ဍာရီကိုအခြေခံပြီး Jump scare တွေ သွေးထွက်သံယိုတွေကိုအားမကိုးပဲဇာတ်လမ်းဇာတ်အိမ်ခိုင်ခိုင်ခံ့ခံ့၊ ခန့်မှန်းမရတဲ့လှည့်ကွက်တွေအပြည့်နဲ့ရှုစားရမယ့် ဇာတ်ကားကောင်းတစ်ကားဖြစ်ပါတယ်။ File size… (1 GB) / (730 MB) Quality…. WEB-DL 1080p HEVC / 720p Format…. mkv/mp4 Genre…. Drama,Horror Duration…. 01:35:20 Subtitle…. Myanmar Subtitle (Hardsub)

The Dancer (2011) aka Sang Penari 1960 ခုနှစ်များဝန်းကျင်က အင်ဒိုနီးရှားနိုင်ငံ၊ ကျေးလက်တောရွာလေးက ရိုးရာကချေသည်တစ်ယောက်ရဲ့ ဇာတ်လမ်းကို ရိုက်ကူးထားပြီးတော့ IMDb 7.3 ရထားတဲ့ ကားလေးပါ။ Nomination 7 ခုနဲ့ ဆု 4 ဆု ရထားတဲ့ ဇာတ်ကားပါ။ ကချေသည်တစ်ယောက်ရဲ့ စွန့်လွှတ်ရပုံ၊ ကျေးလက်ဓလေ့ထုံးတမ်းတွေ၊ ပညာမတတ်၊ စာမဖတ်တတ်တဲ့ ရွာသားတွေရဲ့ မသိနားမလည်ပုံတွေ၊ ရွာသားတွေရဲ့ မသိနားမလည်မှုကို အခွင့်ကောင်းယူတတ်တဲ့သူတွေ အကြောင်းကို လွမ်းမောဖွယ်ရာ ကြည့်ရှုရမှာပါ။ ဇာတ်လမ်းအကျဉ်းကတော့ Srintil နဲ့ Rasus က Dukuh Paruk ဆိုတဲ့ရွာလေးမှာ အတူတူကြီးပြင်းလာကြတဲ့ ငယ်ပေါင်းကြီးဖော် ချစ်သူတွေပါ။ Srintil ရဲ့ အဖေရောင်းတဲ့ ပြောင်းဖူးခေါပုတ်ကို စားမိလို့ ရွာကလူတွေနဲ့ ရွာကတန်ဖိုးထားရတဲ့ ကချေသည် သေဆုံးသွားတဲ့အတွက် Srintil ဟာ သူ့မိသားစုအတွက် ပြန်ပေးဆပ်ဖို့ ကချေသည်လုပ်ဖို့ ရွေးချယ်ခဲ့ပါတယ်။ Rasus ကတော့ Sritil ကချေသည်လုပ်တာကို သဘောမတူပါဘူး။ သူ့ချစ်သူ အဲလိုဖြစ်သွားလို့ စိတ်နာပြီး စစ်ထဲဝင်သွားတဲ့အချိန်မှာ သူတို့နှစ်ယောက် ဘယ်လိုဆက်ဖြစ်သွားမှာလဲဆိုတာကို ဒီဇာတ်ကားလေးထဲမှာပဲ ဆက်လက်ကြည့်ရှုကြပါ။ အညွှန်း နဲ့ ဘာသာပြန်ကတော့ Moh Moh ပဲ ဖြစ်ပါတယ်။ Genre..... Drama, Romance Quality…. 1080p | 720p File size… 2.1GB | 1GB Format… mp4 Duration…. 1h 52min Subtitle…. Myanmar Subtitle (Hardsub) Translator ..... Moh Moh Encoder ..... August