ရုပ်ရှင်အသစ်များ

အားဝါ၊ အားကော့နဲ့ အားဖေးတို့ဟာ Traid ဂိုဏ်းတစ်ခုက ဖာကွမ်ဆိုသူရဲ့ တပည့်တွေဖြစ်ကြပြီး သံယောဇ‌ဉ်ကြီးကြတယ်။ ဆရာဖြစ်သူဖာကွမ် ဂိုဏ်းချုပ်အဖြစ်အရွေးခံရတော့မယ့်အချိန်မှာ သူတို့ ၃ ယောက်ဟာ အမှားတစ်ခုကို လုပ်လိုက်မိရာကနေ ပြဿနာအကြီးအကျယ်တက်သွားခဲ့ရပြီး အားလုံးရဲ့အသက်အန္တရာယ်စိုးရိမ်ရမယ့် အခြေအနေကိုရောက်ကုန်တာကြောင့် သူတို့ညီအစ်ကိုသုံးယောက် ဘယ်လိုတွေဖြေရှင်းကြရမလဲ... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ရှူးလို့ခေါ်တဲ့ကောင်မလေးဟာသူနာပြုကျောင်းသူတစ်ယောက်ဖြစ်ပြီး မိခင်ဖြစ်သူနဲ့မပြေလည်မှုတွေရှိနေတဲ့သူလဲဖြစ်ပါတယ် ရှူးဟာသူမရဲ့ချစ်သူကောင်မလေးနဲ့အတူနေထိုင်လျက်ရှိပါတယ် တစ်နေ့မှာတော့ ရှူးဟာဝေးလံခေါင်ဖျားလှတဲ့အိုင်ဟာလန်ကရွာလေးတစ်ရွာမှာအဘွားတစ်ယောက်ကိုပြုစုစောင့်ရှောက်ဖို့တာဝန်ပေးခြင်းခံခဲ့ရပါတယ် တောတောင်ထဲက‌မှောင်မှောင်မိုက်မိုက်အိမ်မှာပက်ခ်လို့ခေါ်တဲ့အဘွားအိုကိုပက်ခ်တစ်ယောက်ပြုစုစောင့်ရှောက်ပေးရာမှာဘယ်လိုအခက်အခဲတွေကြုံရမလဲ အကြောက်လွန်ရောဂါသည်ဖြစ်ပြီး ရူးနေတယ်လို့ရွာသားတွေကသတ်မှတ်ထားတဲ့အဘွားအိုရဲ့ဂျီကျမှုတွေကိုရှူးတစ်ယောက်သည်းခံနိုင်ပါ့မလား လျှို့ဝှက်ဆန်းကြယ်မှုတွေများပြားလှတဲ့အိမ်ကြီးထဲမှာပက်ခ်နဲ့ရှူးတို့ဘယ်လိုနှစ်ပါးသွားကြမလဲ သည်းထိတ်ရင်ဖိုဇာတ်လမ်းဆိုပေမဲ့ အရမ်းအော်ဟစ်ပြီးကြောက်စရာကောင်းရတာမျိုးမဟုတ်ပဲ ငြိမ့်ငြိမ့်ကလေးအသည်းတလှပ်လှပ်ခြောက်ခြားစွာနဲ့ကြည့်ရှုရမှာပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yuri ဖြစ်ပါတယ်

ဒီဇာတ်ကား​လေးက​​​တော့ ဖြစ်ရပ်မှန်ဇာတ်လမ်း​လေးကို အ​ခြေခံရိုက်ကူးထားတဲ့ အင်ဒို​ဟော်ရာကား​လေးဖြစ်ပါတယ်။ ညားခါစစုံတွဲကို ကွဲကွာ​စေချင်လို့ ​အောက်လမ်းပညာနဲ့ ကျိန်စာတိုက်ခံထားတဲ့အ​ကြောင်းကို ရိုက်ကူးထားခြင်းဖြစ်ပါတယ်။ မာယာနဲ့ ဒွန်မာတို့ဟာ သူငယ်ချင်းမကရည်းစားမကျဆက်ဆံ​ရေးရှိထားတဲ့ သူငယ်ချင်း​တွေပါ။ မာယာဟာ အိမ်​ထောင်ပြုပြီး သာယာတဲ့မိသားစုဘဝကို အမြန်ဆုံးတည်​ဆောက်ချင်သူဖြစ်ပြီး သူ့ကိုတကယ်မြတ်နိုးတယ်ဆိုရင် သူ့အ​ဖေဆီလာ​​တောင်းရမ်းယူဖို့ ဒွန်မာကို ​ပြောခဲ့ပါတယ်။ ဒွန်မာက​တော့ ​ငွေ​ကြေးစု​ဆောင်းပြီးမှ လက်​ထပ်ရ​အောင်ဆိုကာ သူတို့ဘွဲ့ယူတဲ့​နေ့မှာပဲ သူ့ရွာ​​လေးကို ပြန်သွားခဲ့ပါတယ်။ ဒီလိုနဲ့ မာယာ့ကို လက်ထပ်ယူချင်တဲ့ အန်ဒီဆိုတဲ့အမျိုးသားတစ်ဦး မာယာ့ဘဝထဲကို​ ရောက်လာခဲ့ပါတယ်။ မိဘ​တွေကလည်း သ​ဘောတူကြည်ဖြူလို့ သူတို့နှစ်ဦး​ရွှေလက်တွဲခဲ့ပါတယ်။ မာယာတို့လက်ထပ်တဲ့ကာလအပိုင်းအခြားကို ​သေချာရိုက်ပြထားပြီး အချိန်နဲ့အမျှ သူတို့အိမ်​ထောင်​​ရေးမှာ အတိုက်အခိုက်​တွေ​ပေါ်လာပြီး ရုန်းကန်ရပုံ၊ သူတို့အိမ်​ထောင်​ရေးကို ပြိုကွဲ​စေချင်တဲ့သူ​တွေရဲ့ကျိန်စာကို သူတို့ရင်ဆိုင်ရပုံ၊ သဘာဝလွန်ဖြစ်ရပ်ဆန်း​တွေ ကြုံ​တွေ့ရပုံစသဖြင့် ထိတ်လန့်စရာဇာတ်ဝင်ခန်းများစွာနဲ့ ခံစားကြည့်ရှုရမှာပဲ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဒီဇာတ်ကား​လေးက​​တော့ ပုံမှန်ကြည့်​နေကျ သရဲကား​တွေက​နေ ကွဲထွက်​နေတဲ့ အင်ဒို​ horror ကား​လေးဖြစ်ပါတယ်။ ဇာတ်လမ်းဇာတ်ကွက်ဖန်တီးထားမှုက လက်​တွေ့အပြင်ဘဝမှာ ကြားဖူးနားဝရှိကြတဲ့ ပုံစံမျိုး​တွေမို့ ပိုပြီး​ထိတ်လန့်ခြောက်ခြား​စေရမှာပါ။ အဓိကဇာတ်လိုက်​​ဖြစ်တဲ့ အယ်ဝီနာဟာ အ​ကြွေးပတ်လည်ဝိုင်း​နေပြီး သူ့ကိုမလိုမုန်းတီး​နေတဲ့ အ​မေနဲ့ ပြဿနာအိုး အစ်ကိုရီအန်း၊ သားဖြစ်သူ ဂျိုဒီတို့နဲ့အတူ ဘဝကိုရုန်းကန်​နေရတဲ့သူပါ။ အယ်ဝီနာ့အ​မေက​တော့ လက်မထပ်ပဲက​လေး​မွေးခဲ့တဲ့ အယ်ဝီနာ့အ​ပေါ် မျက်မုန်းကျိုး​နေခဲ့ပါတယ်၊ အ​ကြွေးပတ်လည်ဝိုင်း​နေတဲ့ သူတို့မိသားစုကိုမှ ကံကြမ္မာဆိုးဝင်ပြီး သားဖြစ်သူဂျိုဒီကို မ​​တော်တဆမှုနဲ့ ​ဆေးရုံတင်ဖို့ဖြစ်လာတဲ့အချိန်....ဖခင်ဖြစ်သူရဲ့မိတ်​ဆွေ​ဟောင်းဆိုသူမှ လူသူကင်း​ဝေးတဲ့ပါတိတ်စက်ရုံတစ်ရုံမှာ အလုပ်လုပ်ဖို့ကမ်းလှမ်းလာတဲ့အချိန်....အ​ခြေအ​နေအရပ်ရပ်​ကြောင့် အဲဒီစက်ရုံကို အလုပ်သွားလုပ်ဖို့ အယ်ဝီနာ ဆုံးဖြတ်ခဲ့ရပါတယ်၊ အယ်ဝီနာ​ရောက်သွားတဲ့ အဲဒီပါတိတ်စက်ရုံကြီးက ဘယ်လိုမျိုးဖြစ်​နေမလဲ၊ သူ မြင်​နေရတာ​​တွေက လက်​​တွေ့လား ပုံရိပ်​ယောင်​တွေလား အ​နှောင့်ပ​ယောဂ​တွေပါ​နေမလားဆိုတာကို ထိတ်လန့်​ခြောက်ခြားဖွယ် ဇာတ်ကွက်များ​နဲ့ ခံစားရမယ့် အင်ဒို horror ကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ငြိမ့်ငြိမ့်လေးနဲ့ မိဘမေတ္တာကို ခံစားရမယ့် မလေးရှားရုပ်ရှင်ဖြစ်ပြီး Rating လည်းကောင်းတာမို့ ကြည့်ရတာ တန်ပါတယ်။ အာကစ်တို့မိသားစုမှာ သူ့ဘိုးဘေးတွေလက်ထက်တည်းက အသက် 18နှစ်ပြည့်ရင် အတိတ်ကို ခရီးသွားနိုင်တဲ့ စွမ်းရည်ပိုင်ဆိုင်ကြပါတယ်။ အမှားတွေကို ပြန်ပြင်ဆင်ခွင့်ရတာပေါ့။ ဒါမဲ့ စည်းကမ်းချက်လေးတွေရှိပြီး လိုက်နာရပါတယ်။ ဖြစ်ကိုဖြစ်လာမယ့် ကံတရားကို လက်မခံဘဲ တိုက်ခိုက်ဖို့ ကြိုးစားရင်တော့ တန်ကြေးပြန်ပေးရမှာပါ။ အထူးသဖြင့် အသက်အန္တရာယ်နဲ့ဆိုင်တဲ့ ဖြစ်ရပ်တွေမှာပေါ့။ အာကစ်ရဲ့အဖေက လမ်းသွားရင်း ဓားပြတိုက်တာကို ကူညီပေးလို့ အသက်ဆုံးရှုံးသွားတာကို မကယ်နိုင်လို့ ပူဆွေးနေရင်း သူချစ်တဲ့သူနဲ့ ဆုံတဲ့အခါမှာ ဘဝကို အသစ်တဖန်ပြန်စနိုင်ခဲ့ပါတယ်။ ဒါပေမဲ့ ကံကြမ္မာကို ရှောင်လွှဲမရတာမို့ ချစ်ရသူ‌တွေကို အသက်ဘေးကနေ ကယ်ဖို့ အကြိမ်ကြိမ် ကြိုးစားတဲ့အာကစ်တစ်ယောက် နောက်ဆုံးမှာ သဘောပေါက်လက်ခံသွားတာကို လိုက်ပါစီးမျောခံစားပေးရမှာ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဝီဆန်ကိုစံအိမ်ဆိုတာက ​ရှေး​ဟောင်းပစ္စည်း​တွေကို ရူးသွပ်စွာစု​ဆောင်းတဲ့သူ​ဌေးကြီးတစ်ဦးပိုင်ဆိုင်တဲ့စံအိမ်ဖြစ်ပါတယ်။ ဒီစံအိမ်ကြီးကို ပြတိုက်အဖြစ်အသွင်​ပြောင်းဖို့ ကြိုးစားခဲ့​ပေမယ့် အ​​ခြေအ​နေတချို့​​ကြောင့် ​​နှောင့်​နှေးခဲ့ရပါတယ်။ ဒါ​ကြောင့် သူ​ဌေးကြီးက ​သေတမ်းစာအ​နေနဲ့ သားနဲ့သမီးဖြစ်တဲ့ ရန်ဒီနဲ့ဘီအန်းကို တာဝန်​ပေးခဲ့ပါတယ်။ စံအိမ်ကြီးကို ပြတိုက်အ​ဖြစ်​ပြောင်းလဲဖို့ အလုပ်အပ်ခံရတဲ့ ပ​​ရောဂျက်လုပ်မယ့်အဖွဲ့ စစ်တမ်း​​ကောက်ယူဖို့​ရောက်လာခဲ့ပြီး သူတို့အားလုံးစံအိမ်ကြီးမှာပဲ ​​နေထိုင်ဖို့ဖြစ်လာခဲ့ပါတယ်။ အဲဒီ​နေ့ညမှာပဲ စံအိမ်ကြီးရဲ့လျှို့ဝှက်ခန်းမ​တော်တဆပွင့်သွားခဲ့ရာက အဲဒီအခန်းထဲက ကျိန်စာသင့်ပစ္စည်းတစ်ခုက သူတို့ထဲကတစ်​ယောက်ကို ပူးကပ်သွားခဲ့ပါ​တော့တယ်။ ဒီ​စိတ်​ခြောက်ခြားစရာဖြစ်ရပ်ဆိုးကြီးကို သူတို့အဖွဲ့ရင်ဆိုင်ဖို့ဖြစ်လာရပြီး မ​​မေ့နိုင်စရာညတစ်ညအဖြစ် ကြုံ​တွေ့လာရတဲ့အခါမှာ​တော့....... ထိတ်လန့်​ခြောက်ခြားဖွယ်ရာ သတ်ဖြတ်ခံရမှု ဇာတ်ဝင်ခန်းများစွာနဲ့ သည်းထိတ်ရင်ဖိုစွာ ခံစားကြည့်ရှုရမယ့် အင်ဒို​ဟော်ရာကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဒီဇာတ်ကား​လေးက​တော့ အင်ဒိုနီးရှားဒဏ္ဍာရီလာ ဝီဝီဂွန်ဘယ်ဆိုတဲ့ က​​လေးဖမ်းစားတတ်တဲ့နတ်ဆိုးကို အ​ခြေခံပြီးရိုက်ကူးထားတဲ့ ​ဟော်ရာကား​လေးဖြစ်ပါတယ်။ ဝီဝီဂွန်ဘယ်ဆိုတာ ​နေဝင်ချိန်အပြင်ဘက်မှာ ကစား​နေတဲ့က​လေး​တွေ ဖမ်း​ခေါ်သွားတတ်တယ်ဆိုတဲ့ ဒဏ္ဍာရီပုံပြင်​​တွေရှိပါတယ်။ ဒီဇာတ်လမ်း​လေးထဲမှာ​​တော့ ခင်ပွန်းဖြစ်သူဆုံးပါးသွားပြီး သားသမီးနှစ်​​ယောက်နဲ့ရုန်းကန်​နေရတဲ့မိသားစုတစ်စုကို ပုံ​ဖော်ထားပါတယ်။ ရာမန်နဲ့ဆာရီဆိုပြီး သားသမီးနှစ်​ယောက်ရှိ​ပေမယ့် အိမ်​ထောင်ဦးစီးတာဝန်ကို ယူထားရတဲ့ရာမန်တို့မိခင်ဟာ သားသမီးနှစ်​ယောက်ကို ​နွေး​နွေး​ထွေး​ထွေးမဆက်ဆံ​ပေးနိုင်ခဲ့ပါဘူး။ ရာမန်က ​ကောလိပ်​​ကျောင်းသားအရွယ်ဖြစ်ပြီး ဆာရီက​တော့ မူလတန်း​ကျောင်းသူဖြစ်ပါတယ်။ တစ်​နေ့မှာ ဆာရီတို့သူငယ်ချင်းတစ်စု တူတူပုန်းတမ်းကစားရင်းက​နေ ဆာရီတစ်​ယောက်​ပျောက်ချင်းမလှ ​ပျောက်ဆုံးသွားခဲ့ပါတယ်။ ဆာရီ့ကို လိုက်ရှာဖို့ ရာမန်တို့သူငယ်ချင်း​တွေကြိုးစားကြပုံ၊ ဆာရီ​ပျောက်ဆုံးသွားတယ်လို့ ယူဆရတဲ့ သရဲ​​ခြောက်တယ်ဆိုတဲ့ အိမ်ကြီးထဲမှာ လိုက်ရှာကြပုံနဲ့ ဝီဝီဂွန်ဘယ်နတ်ဆိုးနဲ့ ဘယ်လိုရင်ဆိုင်တိုက်ခိုက်ကြမလဲ၊ ဆာရီ့ကို ​​ဘေးကင်းကင်းနဲ့ရှာ​တွေ့နိုင်ပါမလားဆိုတာကို ရင်ခုန်စိတ်လှုပ်ရှားစွာခံစားကြည့်ရှုရမယ့် အင်ဒို​ဟော်ရာဇာတ်ကား​ကောင်း​လေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဒီဇာတ်ကား​လေးက​တော့ မ​ကောင်းမှုဆိုတာ ဆိတ်ကွယ်ရာမရှိဆိုတဲ့အတိုင်း အပြစ်လုပ်ခဲ့ရင် ပြန်လည်​ပေးဆပ်ရ​ကြောင်းကို ပညာ​ပေးအ​နေနဲ့ ရိုက်ကူးထားတဲ့ အင်ဒို​ဟော်ရာကား​လေးဖြစ်ပါတယ်။ ဂျာဗားအလယ်ပိုင်း ​ဝေးလံ​ခေါင်သီတဲ့​နေရာမှာ မန်ဂွန်ဆာရီဆိုတဲ့​ကျေးရွာ​လေး ရှိပါတယ်။ ​လျှပ်စစ်မီးမရှိတဲ့ ဒီရွာ​လေးကို ​သု​တေသနစာတမ်းပ​ရောဂျက်အ​​နေနဲ့ ​လေအားလျှပ်စစ်ထုတ်​ပေးနိုင်ဖို့ ကျောင်းသား ၄ ​ယောက် လက်​တွေ့လာဆင်းခဲ့ပါတယ်။ တစ်ရွာလုံးကလည်း ​ကျေးရွာတိုးတက်​ရေးအတွက် ကူညီ​ပေးကြတဲ့ ​သူတို့ ၄ ​ယောက်ကို ​မော်ကွန်းကမ္ပည်းထိုးပြီး မှတ်တမ်းတင်ထားခဲ့ကြပါတယ်။ သူတို့ကို ​​ဖျော်​ဖြေ​ပေးဖို့ ရွာရဲ့မိန်းမ​လှလေး ရွန်ဂိန်က​ချေသည် ဆူလက်စ်တရီက တာဝန်ယူထားပါတယ်။ သူတို့ကိုဂုဏ်ပြု​ပေးတဲ့ အဲဒီညမှာပဲ မ​​တော်တဆမှုဖြစ်ပွားပြီး ဆူလက်စ်တရီနဲ့ အီမန်တို့ချစ်သူနှစ်ဦး အသတ်ခံလိုက်ရပါတယ်။ ​ ကျောင်းသား ၄ ​ယောက်ထဲက ဘယ်သူသတ်ခဲ့တာဖြစ်မလဲ၊ ဆူလက်စ်တရီတစ်​ယောက် သူ့ကိုသတ်သွားတဲ့သူကို ဘယ်လိုလက်စား​ချေမလဲဆိုတာကို သည်းထိတ်ရင်ဖိုဇာတ်ဝင်ခန်းများစွာနဲ့ ခံစားကြည့်ရှုရမယ့် အင်ဒို​ဟော်ရာဇာတ်ကား​ကောင်း​​လေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးတာကတော့ Brandon ဖြစ်ပါတယ်

ပါမောက္ခအီဂျောင်အင်နဲ့ သူ့ဇနီးသည်တို့ဟာ အလုပ်ကနေအနားယူပြီး အနားယူဖို့အတွက် နယ်ဘက်က တိတ်ဆိတ်အေးချမ်းတဲ့အိမ်လေးကိုဝယ်ယူလိုက်ကြပါတယ်။ စစချင်းတော့ အဆင်ပြေနေခဲ့ပေမဲ့ သူတို့ဘေးကအိမ်မှာ ဆရာဝန်လင်မယားနေတယ်ဆိုတာ သိကြပြီး တစ်ခါမှ မမြင်ရတာမလို့ ထူးဆန်းနေခဲ့ပါတယ်။ သူတို့အနေနဲ့လည်း ဒီတိုင်း အိမ်အလည်သွားရင် မယဉ်ကျေးရာကျမှာစိုးပြီး စာလေးတစ်စောင်ပို့ပြီး အိမ်လာလည်ဖို့ ဖိတ်ခဲ့ပါတော့တယ်။ နောက်ရက်ကျ ညနေ ၄နာရီအချိန်မှာ သူတို့ဆီကို ဘေးအိမ်က ဆရာဝန်ဆိုတဲ့လူကြီး ရောက်လာခဲ့ပါတော့တယ်။ ၄နာရီကနေ ၆နာရီထိုးတဲ့အထိ ဘာစကားတစ်ခွန်းမှမပြောဘဲ တိုက်တဲ့လက်ဖက်ရည်သောက်ပြီး မေးသလောက်ပဲဖြေပြီး ပြန်သွားခဲ့ပါတယ်။ နောက်နေ့တွေမှာလည်း ၄နာရီထိုးပြီဆို အဲဒီဆရာဝန်ရောက်လာတတ်ပြီး တံခါးမဖွင့်ရင်လည်း တဒုံးဒုံး ထုရိုက်နေတတ်ပါတယ်။ ဘာမေးမေး "ဟုတ်တယ် မဟုတ်ဘူး" ပဲ ဖြေတဲ့လူမလို့ သူတို့အနေနဲ့လည်း ကြာလာတော့ စိတ်ကျဉ်းကျပ်လာခဲ့ပေမဲ့ ဧည့်ဝတ်မကျေမှာစိုးပြီး သည်းခံလာခဲ့ပါတယ်။ တဖြည်းဖြည်းနဲ့ စိတ်ကျဉ်းကျပ်လာတာမလို့ ဘယ်လိုဖြေရှင်းရမလဲဆိုတာစဉ်းစားရင်း ဘာတွေကြုံတွေ့လာရမလဲဆိုတာ... ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

ပုံမှန်နဲ့မတူတင်ဆက်ပုံထူးခြားတဲ့ အိန္ဒိယဒရမ်မာအချစ်ဇာတ်လမ်းကောင်းလေးပဲဖြစ်ပါတယ်။ ကာသစ်ဆိုတဲ့ကောင်လေးက သူရည်ရွယ်ထားသူကောင်မလေးရဲ့ ပြဿနာများစွာကို အကူအညီပေးခဲ့ပြီးတဲ့နောက်မှာ ချစ်ခွင့်ပန်ဖို့စဉ်းစားနေတဲ့အချိန် သူ့ကောင်မလေးမှာ ကောင်လေးရှိနေတယ်လို့အထင်မှားသွားပါတယ်။ စိတ်ညစ်ညစ်နဲ့တစ်နေရာမှာ သူ့အဘိုးဖြစ်သူ သိမ်းဆည်းထားတဲ့ အချိန်ရွေ့လျားစက်ကိုတွေ့လိုက်ရပြီးတဲ့နောက် သူ့ချစ်တဲ့သူတွေ သူ့အနားကထွက်မသွားစေဖို့ အချိန်ရွေ့လျားစက်ကိုသုံးပြီး အတိတ်ကိုအချိန်ခရီးသွားချိန်မှာတော့ သူပြောင်းလဲချင်တဲ့အတိုင်း ကံကြမ္မာကိုပြောင်းလဲနိုင်မှာလား။ အချိန်ခရီးသွားရင်းနဲ့ သူတွေ့ခဲ့တဲ့ချစ်သူကရော လက်ရှိချစ်မိတဲ့မိန်းကလေးနဲ့အတူတူပဲလား။ အချိန်ခရီးသွားပြီးတော့ လက်ရှိကမ္ဘာကိုရော ပြန်ရောက်လာနိုင်ပါ့မလားဆိုတာကို စိတ်ဝင်တစားကြည့်ရှုရမယ့် အိန္ဒိယဇာတ်ကားကောင်းလေးပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

ဒီဇာတ်ကားလေးကတော့ အစ္စလာမ်မိန်းကလေးဘော်ဒါကျောင်းတစ်ခုမှာ ဖြစ်ပျက်ခဲ့တဲ့စိတ်​​ခြောက်ခြားစရာဇာတ်လမ်းလေးဖြစ်ပါတယ်။ ဟယ်လီနာဆိုသူ ကျောင်းသူသစ်လေးဟာ အာရာဟီမူမိန်းက​လေးဘော်ဒါဆောင်ကို တက်ရောက်ခဲ့ပါတယ်။ သူဟာ ကျောင်းနဲ့အသားမကျသေးတာမို့ ကျောင်းစည်းကမ်းကိုလိုက်နာဖို့ အခက်အခဲဖြစ်နေခဲ့တာပါ။ ဘုရားဝတ်ပြုဖို့ အာရုံတက်အချိန် အိပ်ရာထရတာကိုလည်း အသားမကျဖြစ်ခဲ့ရပါတယ်။ ဒီလိုနဲ့ တစ်တန်းလုံးအပြစ်ပေးခံခဲ့ရပါတယ်။ ဒါကို မကျေ​န​ပ်တဲ့ အိုဘီတို့သူငယ်ချင်းအဖွဲ့ဟာ ဟယ်လီနာအပေါ် အငြိုးထားပြီး ရန်ရှာပါတော့တယ်။ ဒီကိုရန်ရှာရင်းက လက်လွန်သွားပြီး ဟယ်လီနာတစ်ယောက် ကားတိုက်ခံလိုက်ရပါတော့တယ်။ ဆေးရုံပေါ်ကပြန်ဆင်းလာတဲ့အချိန်မှာ ဟယ်လီနာတစ်ယောက် အရင်ပုံစံနဲ့မတူပဲ အမူအရာတွေ ပြောင်းလဲနေခဲ့ပါတယ်။ ကျောင်းကို ပြန်ရောက်လာတဲ့ဟယ်လီနာက တကယ့်ဟယ်လီနာအစစ်လား နတ်ဆိုးလား သူက ဘယ်လို​ခြောက်လှန့်ဦးမှာလဲဆိုတာကို ထိတ်လန့်ဖွယ်ဇာတ်ဝင်ခန်းများစွာနဲ့ ကြည့်ရှုရမယ့် အင်ဒိုဟော်ရာကားလေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဒီကားလေးက ၂၀၂၄ မှာထွက်လာတဲ့ နာမည်ကြီး Attack On Titan ရဲ့ နောက်ဆုံးတိုက်ပွဲကို ဇာတ်ကားပြန်ရိုက်ထားတာလေးပါ။ Armin တို့တပ်ဖွဲ့က Eren ရဲ့ RUMBLING ကို ဘယ်လိုတားကြမလဲဆိုတဲ့အကြောင်းပါ။ နောက်ဆုံးတိုက်ပွဲအကြောင်း ပြောထားတာမို့ အရှေ့က anime season ၄ ပိုင်းကို မကြည့်ထားရင် နည်းနည်းတော့ ကွင်းဆက်မမိပေမဲ့ ဒါလေးကိုကြည့်ရင် အရှေ့က season တွေကိုပါ ကြည့်ချင်လာပါလိမ့်မယ်။ season တွေကြည့်ထားတဲ့သူတွေအတွက်လည်း ဒါက recap တစ်ခုဆိုတာထက်ကို ပိုပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Pan ဖြစ်ပါတယ်

Agents (2024) ကတော့ တရုတ်နိုင်ငံရဲ့ တန်ဖိုးမဖြတ်နိုင်တဲ့ ကျောက်စိမ်းရတနာတစ်ခုကို တင်ယူပို့ဆောင်နေတဲ့လမ်းမှာ ဓားပြတိုက်ခံလိုက်ရတဲ့အချိန် အစိုးရတစ်ရပ်လုံးတုန်လှုပ်သွားတဲ့ အခြေအနေရောက်သွားတယ် အဲဒါကြောင့် ကျောက်စိမ်းလုယက်မှုကိုဖော်ထုတ်ဖို့ အေးဂျင့်နှစ်ယောက်ကို တာဝန်ပေးလိုက်ပါတယ် စုံစမ်းကြည့်လိုက်တော့ ဓားပြတိုက်တဲ့သူက အကြီးစားရာဇဝတ်သားကြီးဖြစ်နေတဲ့အခါ သူတို့တွေဘယ်လိုရင်ဆိုင်ကြမလဲ ဓားပြမှုရဲ့နောက်ကွယ်က ကြိုးကိုင်သူက ဘယ်သူဖြစ်နေမလဲ အေးဂျင့်နှစ်ယောက်ကြားမှာရော ဘာတွေဆက်ဖြစ်မလဲဆိုတာကို စိတ်ဝင်စားဖို့ကောင်းစွာရိုက်ကူးထားတဲ့ ရုပ်ရှင်ပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yuri ဖြစ်ပါတယ်

ဒီဇာတ်ကားလေးကတော့ ကိုယ်ကျိုးအတွက် အောက်လမ်းပညာကို အသုံးချမိလို့ အန္တရာယ်ကြုံတွေ့ရပုံကို ဇာတ်လမ်းဆင်ရိုက်ကူးထားပါတယ်။ ၁၉၈၀ ခုနှစ်ဝန်းကျင်ကာလကို ဇာတ်အိမ်တည်ထားပါတယ်။ ငယ်စဥ်ကလေးဘဝမှာ ကျောက်ကပ်ဝေသနာခံစားနေရတဲ့ အာဒီဟာ ခွဲစိတ်ကုသမှုခံယူပြီးတဲ့နောက်မှာ သူ့ရဲ့တတိယမျက်လုံးပွင့်သွားခဲ့ပါတယ်။ အာဒီအဖေက သူ့သားအခြေအနေကို ဘာသာရေးဆရာနဲ့ပြသခဲ့ပြီး အာဒီရဲ့ဆဌမအာရုံကို အမြင်ကျဥ်းအောင် လုပ်ပေးပါ​တော့တယ်။ ဒီလိုနဲ့ အာဒီတစ်ယောက် ကောလိပ်ကျောင်းသားအရွယ်ကို ရောက်လာခဲ့ပါတယ်။ အာဒီ့မှာ ရှီဖာနဲ့အာရစ်ဆိုတဲ့ ညီမလေးနဲ့ညီလေးတစ်ယောက်ပါရှိပါတယ်။ သူတို့မိသားစုဟာ စျေးကြီးထဲက အာဒီ့အဖေရဲ့ကုန်စုံဆိုင်အလုပ်နဲ့ စားဝတ်နေရေးကို ဖြေရှင်းနေရတာပါ။ အာဒီ့အဖေဆိုင်က ရောင်းအားကောင်းပြီး စျေးဝယ်သူမပြတ်တာကြောင့် မနာလိုသူများနေခဲ့ပါတယ်၊ အကြိမ်ကြိမ်အစီအရင်တွေနဲ့ ကျိန်စာတိုက်ခံနေရပါတယ်။ တစ်နေ့မှာ အာဒီ့အဖေ ဂျစ်တိုကို ပယောဂအနှောင့်အယှက်ဝင်ပြီး အာဒီတို့မိသားစု အောက်လမ်းအတတ်နဲ့ တိုက်ခိုက်ခံခဲ့ရပါတယ်။ ဒီလိုတိုက်ခိုက်ခံရမှုကို အာဒီတစ်ယောက် သူငယ်စဥ်ကရရှိခဲ့တဲ့ ဆဌမအာရုံအကူအညီနဲ့ ကိုင်တွယ်ဖြေရှင်းရပုံကို ထိတ်လန့်ခြောက်ခြားဖွယ်ဇာတ်ဝန်းခန်းများစွာနဲ့ ကြည့်ရှုရမယ့် အင်ဒိုဟော်ရာကားလေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

မ​ကောင်းမှုမှန်သမျှ မလုပ်​တော့ဘဲ ရိုးသား ​ဖြောင့်မတ်စွာ ​နေထိုင်​တော့မယ့် သူအတွက် ကံတရားက သူ့ဘက် ပါနိုင်မလား။ တစ်ခါတုန်းက ပြစ်မှု ကျူးလွန်မိပြီး ​ထောင်ချခံရလို့ ပြန်လွတ်လာတဲ့ ယူဟာကို သူ့မိတ်​ဆွေ တစ်​ယောက်က အလုပ် လာကမ်းလှမ်းခဲ့ပါတယ်။ သူ​ပြောတဲ့ အလုပ်က ကလပ်မှာ လုံခြုံ​ရေးအ​စောင့် လုပ်ခိုင်းတာပါ။ ဘာမ​ကောင်းတာမှ မလုပ်ရတဲ့ပုံ​ ပေါ်တာမို့ သူလည်း လွယ်လွယ်နဲ့ အလုပ်ကို လက်ခံလိုက်ပါတယ်။ ဖြစ်ချင်​တော့ သူ သွားရတဲ့ ​​နေရာက ​မှောင်ခို အ​ရောင်းအဝယ် လုပ်ငန်း ဖြစ်​နေပါတယ်။ သူ အလုပ်စဆင်းတဲ့ ပထမ​နေ့မှာပဲ ကံဆိုးချင်​တော့ လူသတ်သမား အုပ်စု ​ရောက်ချလာပြီး ဝင်​ရောက်စီးနင်းပါ​တော့တယ်။ လူဆိုးဂိုဏ်း နှစ်ဖွဲ့ရဲ့ ရက်ရက်စက်စက် ​ချေမှုန်းကြတဲ့ ပွဲမှာ ​ချောင်ပိတ်မိသွား​တဲ့အခါ ယူဟာ တစ်​ယောက် ဘယ်ဘက် လိုက်မလဲ။ သူ့အတွက် လွတ်လမ်း​ကော ရှိမလားဆိုတာ ရင်ခုန်စွာ ​ကြည့်ရှုရမှာပါ။ ​သွေးသံ တရဲရဲ သတ်ဖြတ်တဲ့ ဇာတ်ကွက်​တွေ ပါဝင်ပြီး ကွက်ကွက်ကွင်းကွင်း မြင်​အောင် ရိုက်ကူးထားတာမို့ စိတ်ခိုင်သူ​တွေသာ ကြည့်ရှုဖို့ အကြံ​ပြုပါရ​စေ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Poe Yin Thar ဖြစ်ပါတယ်

ဒီဇာတ်ကားလေးကတော့ အင်ဒိုနီးရှားဟော်ရာကားလေး ဖြစ်ပါတယ်။ ဝမ်နင်းလို့ခေါ်တဲ့အမျိုးသမီးဟာ ဆိုင်ကယ်မတော်တဆမှုနဲ့ မိခင်ဖြစ်သူကို ဆုံးရှုံးလိုက်ရပြီး သမီးလေးပါ ထူးဆန်းစွာပျောက်ဆုံးသွားခဲ့ရသူပါ။ ယောက်ျားဖြစ်သူရဲ့ မကြင်နာမှုတွေနဲ့လောကဓံကို ကြံ့ကြံ့ခံရင်း ဘဝအမောတွေကို ကိုင်တွယ်ဖြေရှင်းရပုံ၊ ပျောက်ဆုံးနေတဲ့သမီးဖြစ်သူကို ကြိုးစားရှာဖွေရပုံကို စိတ်ခြောက်ခြားဖွယ်ဇာတ်ကွက်များနဲ့အတူ ခံစားကြည့်ရှုရမယ့် အင်ဒိုဟော်ရာကားလေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

Faultline 2024 ဟာ ပဟေဠိဆန်တဲ့thrillerဇာတ်ကားမျိုးပဲဖြစ်ပါတယ် ပိတ်ဂျ်တန်းနန်လို့ခေါ်တဲ့ ဥပဒေအကြံပေးရှေ့နေတစ်ယောက်ဟာ သဘောတူညီချက်တစ်ခုလုပ်ဆောင်ဖို့ သူမမရောက်တာအနှစ်၂၀လောက်ကြာနေပြီဖြစ်တဲ့ သူမရဲ့မွေးရပ်မြို့ကိုပြန်လည်ရောက်ရှိပြီး လွန်ခဲ့တဲ့အနှစ်၂၀ထဲက ဖြစ်ပေါ်ခဲ့တဲ့သူမအမေရဲ သေဆုံးမှုနောက်ကွယ်ကအချက်အလက်တစ်ခုကိုသတိထားမိရာက ရှုပ်ထွေးလှတဲ့ အမှန်တရားကိုဘယ်လိုဖော်ထုတ်သွားမလဲဆိုတာကို စိတ်ဝင်စားဖွယ်ကြည့်ရှုရမှာပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Leslie ဖြစ်ပါတယ်

လွတ်လပ်စွာပြောဆိုခွင့်ရဖို့အတွက် ချက်ကိုဆလိုဗားကီးယားရဲ့ သတင်းထောက်တွေ ဘယ်လိုမျိုးကြိုးစားရုန်းကန်ခဲ့ရလဲဆိုတာကို ရိုက်ကူးပြသထားတဲ့ Historical Thriller Drama ဇာတ်ကားကောင်းတစ်ခုကို တင်ဆက်ပေးချင်ပါတယ်။ IMDb ကလည်း 8.2 လောက်ရထားပြီး လက်ရှိမှာ ချက်ရုပ်ရှင်လောကရဲ့ ဒုတိယမြောက်ဝင်ငွေအကောင်းဆုံးရုပ်ရှင်ကားဆိုလည်းမမှားပါဘူး။ ဇာတ်လမ်းကတော့ သောမတ်စ်နဲ့ ပါဝယ်ဆိုတဲ့ ညီအစ်ကိုနှစ်ယောက်ကိုဦးတည်ထားတယ်။ ပါဝယ်က ကျောင်းသားအရွယ်ဖြစ်တဲ့အတွက် ပရာ့ဂ်နွေဦးမှာ တက်တက်ကြွကြွနဲ့ ပါဝင်သူတစ်ယောက်ပေါ့။ သောမတ်စ်ကတော့ နိုင်ငံရေးနဲ့ကင်းကင်းရှင်းရှင်းနေချင်ပါတယ်ဆိုမှ လွတ်လပ်စွာပြောဆိုခွင့်အတွက် တိုက်ပွဲဝင်နေတဲ့ တကယ့်နာမည်ကျော် မီလန်ဝိုင်နာ (သတင်းထောက်) ရဲ့ သတင်းဌာနမှာ အလုပ်ရသွားတော့တယ်။ တကယ်တော့ သူ့ကိုထောက်လှမ်းရေးက ညီလုပ်သူရဲ့ ပြစ်မှုတွေနဲ့ အကြပ်ကိုင်ပြီး ဝိုင်နာအနားကပ် သတင်းနှိုက်ခိုင်းတာ။ အစပိုင်းတော့ သူလည်းခိုင်းသမျှလုပ်ပေးပေမယ့် ပြောင်းလဲလာတဲ့ ပရာ့ဂ်ကို ညတွင်းချင်း ဆိုဗီယက်ယူနီယံနဲ့ ဝါဆောစာချုပ်ပါ စစ်တပ်တွေက ကျူးကျော်လာတဲ့အခါ... လက်နက်မဲ့ပြည်သူတွေ၊ ကျောင်းသားတွေကတောင် တင့်ကားတွေရှေ့မှာတန်းစီရပ်၊ အသက်ကိုရင်းပြီး ကာကွယ်ပေးနေတဲ့ သတင်းဌာနကြီးက သူ့လုပ်ဖော်ကိုင်ဖက်တွေကို သူသစ္စာဖောက်မလား.... သူ့ရဲ့ ရွေးချယ်မှုကဘယ်လိုဖြစ်မလဲ။ အညွှန်းနဲ့ ဘာသာပြန်ကတော့ Leon K Zaw ဖြစ်ပါတယ်။

ဒီဇာတ်ကားလေးကတော့ ဂျာမန်ဒဏ္ဍာရီသမိုင်းထဲက သူရဲကောင်းဖြစ်တဲ့ ဟာဂန်ရဲ့ ဘဝနဲ့ သူ့ရဲ့ အချစ်ဇာတ်လမ်းအကြောင်းကို စိတ်ကူးယဉ်ပုံဖော် ရိုက်ကူးထားတာ ဖြစ်ပါတယ် ဟာဂန်ဟာ ဂျာမန်ရဲ့ ဒဏ္ဍာရီဝင် သူရဲကောင်းကြီး ဖြစ်ပြီး မြောက်ဥရောပသမိုင်းမှာ မပါမဖြစ် ပုဂ္ဂိုလ်ပဲ ဖြစ်ပါတယ် ဒီဇာတ်ကားလေးထဲမှာတော့ သူသစ္စာခံတဲ့ တိုင်းပြည်ဖြစ်တဲ့ ဘာဂွန်ဒီတိုင်းပြည်မှာ ဖြစ်နေတဲ့ စစ်ပွဲတွေအကြောင်းကို ရိုက်ကူးထားပြီး သူသိပ်ချစ်ရတဲ့ သူ့အတွက် သူ့ရဲ့ အနစ်နာခံမှုတွေကိုလည်း ပေါ်လွင်အောင် ရိုက်ကူးထားပါတယ် ဒီဇာတ်လမ်းလေးကတော့ ဒဏ္ဍာရီဆန်တဲ့ အချစ်ဇာတ်လမ်းလေး တစ်ပုဒ်လို့လည်း ဆိုရပါမယ် ရှေးယခင်က ဒဏ္ဍာရီစိတ်ကူးယဉ်ဇာတ်လမ်းတွေ ကြိုက်နှစ်သက်သူအတွက် ကြည့်သင့်တဲ့ ဇာတ်ကားလေးပဲ ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Henny ဖြစ်ပါတယ်

ရှန်းဟိုင်းမှာ အာဏာအရ‌ှိဆုံး မူးယစ်ဆေးရောင်း၀ယ်ဖောက်ကားတဲ့ဂိုဏ်းကြီး ၂ ဂိုဏ်းရှိတယ်။ ချင်းလုံဂိုဏ်းနဲ့တစ္ဆေဂိုဏ်း။ ဂူတစ်ဂူထဲ ကျား ၂ ကောင်အောင်းလို့မရဆိုတဲ့အတိုင်း သူတို့ ၂ ဂိုဏ်းကလည်း တစ်ယောက်ကိုတစ်ယောက် အခွင့်သာတာနဲ့ ရှင်းထုတ်ပစ်ဖို့ပဲ တွေးနေကြပြီး မူးယစ်ဆေးကို အမြစ်ဖြုတ်ချင်နေတဲ့ ရဲသားကြီးတစ်ယောက်လည်းရှိနေတယ်။ ရဲသားကြီးက ဂိုဏ်းတွေကြားထဲကို သူလျှိုတစ်ယောက်ထည့်ပေးခဲ့ပြီး ထိုသူလျှိုဟာ တစ္ဆေဂိုဏ်းသား၀င်ဖြစ်နေပေမဲ့ သူချစ်ရတဲ့သူက ချင်းလုံဂိုဏ်းချုပ်ရဲ့ညီမဖြစ်နေသောအခါ ဂိုဏ်း ၂ ဂိုဏ်းနဲ့ ရဲတပ်ဖွဲ့ကြားက သူလျှိုတစ်ယောက် ဘယ်လိုမျိုး ဖြေရှင်းသွားမှာလဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ရှေ့နေမလေးလင်းဟာ သူ့အမေကို ပြန်ခေါ်ဖို့မွေးရပ်မြေကို ပြန်လာခဲ့ပါတယ်။ လင်းအမေဟာ လူကြီးရောဂါခံစားနေရပြီး သူတို့ရွာက ဘိုးဘွားရိပ်သာမှာ ဆေးကုသမှုခံယူရင်း နေထိုင်နေခဲ့ရတာပါ။ လင်းအနေနဲ့ အမေဖြစ်သူကို ကွာလာလမ်ပူကို ခေါ်ဖို့အကြိမ်ကြိမ်ကြိုးစားပေမယ့် လင်းအမေက မွေးရပ်မြေကနေ ထွက်မသွားချင်လို့ မတတ်သာပဲ ထားခဲ့ရတာပါ။ ဒီတစ်ခေါက် လင်းမွေးရပ်မြေကို ပြန်ရောက်တဲ့အချိန်မှာ လင်းအမေနဲ့ပတ်သက်ပြီး ထူးခြားမှုတွေကို ကြုံတွေ့လာရပါတော့တယ်။ လင်းတို့မိသားစုကို ခေတ်အဆက်ဆက်လိုက်ဒုက္ခပေးနေတဲ့ မကောင်းဆိုးဝါးသရဲမပါ။ ဒီသရဲမနဲ့ပတ်သက်ပြီး ဘယ်လိုခြောက်ခြားမှုတွေ ကြုံတွေ့ရမလဲ၊ လင်းအမေကို အဲဒီသရဲမလက်ကနေ လွတ်မြောက်အောင် ကယ်တင်ပေးနိုင်မလားဆိုတာကို ခံစားကြည့်ရှုရမယ့် မလေးရှား ဟော်ရာကားလေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

အဲလက်စ်နဲ့ တာတီယာနာတို့စုံတွဲက တစ်ရက်သူတို့စံအိမ်ကြီးမှာပဲ ပါတီပေးကြတယ်။ အဲ့ကို အဲလက်စ်ရဲ့ သူငယ်ချင်းတွေဖြစ်တဲ့ ဒလိုင်လာနဲ့ ပက်ထရီရှာဆိုတဲ့ ကောင်မလေး ၂ ယောက်ကလည်း လာကြတယ်။ တာတီယာနာက မြွေမြွေချင်းခြေမြင်တယ်ပြောရမလား ဒလိုင်လာရဲ့ ညုတုတုလေသံတွေနဲ့ ကြာပစ်တဲ့အကြည့်တွေကိုသတိထားမိတယ်။ အဲလက်စ်ကို ပြောပြပြန်တော့လည်း ဟိုက “သူငယ်ချင်းဖြစ်တာဖြင့် နှစ်ချီနေပြီ မင်းကိုက လျှောက်တွေးနေတာ ဘလာ ဘလာ” ဆိုပြန်ပြောတာပေါ့။ ဒီလိုနဲ့ ပါတီကိုလာတဲ့ ဧည့်သည်တွေပြန်သွားအပြီး စံအိမ်ကြီးမှာ ညဘက် သူတို့လေးယောက်ပဲကျန်တဲ့အချိန် တာတီယာနာကရေကူး၊ ဟိုသူငယ်ချင်းမ နှစ်ယောက်က အတင်းတုပ်နေချိန်.... ကောင်းကင်ကနေ အလင်းတန်းကြီးတစ်ခု ကျရောက်လာပြီး တာတီယာနာကို ခေါ်ဆောင်သွားတော့တယ်။ ဖြူစင်တဲ့ချစ်ခြင်းတွေနဲ့ သူငယ်ချင်းအုပ်စုလေး တာတီယာနာရဲ့ ပျောက်ဆုံးမှုကို လိုက်လံစုံစမ်းရင်း အန္တရာယ်တောထဲ ဝင်တိုးမိတဲ့အခါမှာတော့...။ ရုပ်ရှင်အမျိုးအစားကတော့ Sci-fi/ Horror ဖြစ်ပါတယ်။ အညွှန်းနဲ့ ဘာသာပြန်ကိုတော့ Leon K Zaw ကတင်ဆက်ထားပါတယ်။

ထူးခြားဆန်းပြားတဲ့အမှုတွေကို ဖော်ထုတ်ရတာကြိုက်ကြတဲ့ ပရိသတ်တွေက စုံထောက်တီးရန်ကျယ်ကား‌ေတွကို ကြည့်ဖူးပြီး သဘောကျကြမှာ အသေအချာပါပဲ။ လင်အန်းမြို့မှာ ထူးဆန်းတဲ့ဘုရားကျောင်းတွေပေါများလာကာ နတ်ဘုရားအသစ်တစ်ပါးကို ကိုးကွယ်သူတွေ များလာနေတယ်။ အ‌မျိုးသမီးငယ်လေးတွေ ပျောက်သွားတတ်တာကို တိုင်ကြားပေမဲ့ အရာရှိမင်းက အရေးမစိုက်တော့ လင်အန်းမြို့ဟာ အရင်ကလို စည်ကားပျော်စရာကောင်းမနေတော့။ တီးရန်ကျယ်တို့ ဆရာတပည့် ၃ ယောက်ဟာ လင်အန်းမြို့က ထူးဆန်းတဲ့ဘုရားကျောင်းတွေအကြောင်းကို မင်းကြီးရဲ့အမိန့်နဲ့ လာရောက်စုံစမ်းကြတာဆိုတော့ အမှန်တရားက ဘယ်လိုမျိုးဖြစ်နေမလဲဆိုတာက စိတ်၀င်စားစရာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ထူးဆန်းတဲ့ အချစ်ဇာတ်လမ်းလေး တစ်ပုဒ်ပါ ပြောရမယ်ဆိုရင်တော့ လူကုံထံနဲ့ ကလပ်တွေကြားမှာ ဖြစ်ပျက်တတ်တဲ့ အရာမျိုးလေးတွေကို ပုံဖော်ထားတာ ဖြစ်ပါတယ် ပြည့်တန်ဆာတွေရဲ့ ဘဝဟာ ဘယ်လို အသုံးချခံလိုက်ရလဲဆိုတာကို ဒရာမာ ဆန်ဆန် ဖော်ပြထားတာပဲ ဖြစ်ပါတယ် အန်နီခေါ် အနိုရာဆိုတဲ့ ကောင်မလေးဟာ ကလပ်မှာ အလုပ်လုပ်တဲ့ ပြည့်တန်ဆာမလေးပါ တစ်နေ့မှာ ရုရှားသူဌေးသား ဗန်ညာနဲ့ တွေ့ပြီးတော့ သူဌေးသားက သူ့ကို တစ်ပတ်တာ ငှားလိုက်ပါတော့တယ် နောက်တော့ မူးရူးပြီး အလိုလိုက်ခံထားရလို့ ပျက်စီးနေတဲ့ သူဌေးသားဟာ အန်နီကို လက်ထပ်မယ်ဆိုပြီး ဖြစ်လာပါတော့တယ် ဒါပေမဲ့ တကယ်ပဲ အန်နီကို အတည်တကျ ချစ်လို့ လက်ထပ်ခဲ့တာလား ခဏတာ အပျော်သာယာ လက်ထပ်ပြီး ပြည့်တန်ဆာတို့ရဲ့ ပုံမှန်ဇာတ်သိမ်းမျိုးနဲ့ပဲ ဇာတ်သိမ်းသွားမလားဆိုတာ မိန်းမသားတွေရဲ့ ဘဝဟာ ငွေကြေးအာဏာတွေထဲ လှည့်စားခံလိုက်ရမလားဆိုတဲ့ အကြောင်းကို ပေါ်လွင်အောင် ရိုက်ပြထားတာပဲ ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Henny ဖြစ်ပါတယ်