ရုပ်ရှင်အသစ်များ

ဒီတစ်ခါတင်ဆက်ပေးမယ့် ကားလေးကတော့ မင်းသားကြီး Hyun Bin အဓိကပါဝင်ထားတဲ့ အန်ဂျောင်ဂွန်းကို အခြေခံပြီး ရိုက်ကူးထားတဲ့ ဖြစ်ရပ်မှန်ဇာတ်ကားကောင်းလေး တစ်ကားဖြစ်ပါတယ် ဇာတ်လမ်းအကျဥ်းကတော့ ၁၉၀၅ခုနှစ်မှာ ဂျပန်က ကိုရီးယားကို အူလ်ဆာသဘောတူစာချုပ်မှာ လက်မှတ်ထိုးဖို့ အတင်းစေခိုင်းခံခဲ့ရပါတယ် အဲ့တာနဲ့ နိုင်ငံရဲ့ သံတမန်ရေးရာ အခွင့်အလမ်းတွေ ပိတ်ပင်ခံရပြီး ကိုရီးယားကျွန်းဆွယ်တစ်ခုလုံးက ဂျပန်ကိုလိုနီလက်အောက်ကို ကျရောက်သွားခဲ့ရပါတယ် အန်ဂျောင်ဂွန်းဦးဆောင်တဲ့ တော်လှန်ရေးတပ်ဖွဲ့က ကိုလိုနီအကြမ်းဖက် ဖိနှိပ်မှုရဲ့သင်္ကေတဖြစ်တဲ့ ဂျပန်အင်ပါယာရဲ့ ဧကရာဇ်ကို လုပ်ကြံဖို့ စီစဥ်ပါတော့တယ် အန်ဂျောင်ဂွန်က စစ်ဆင်ရေးမှာလိုအပ်တဲ့ အရာတွေကို ရုရှားနိုင်ငံအနှံ့သွားပြီး သတင်းအချက်အလက်နဲ့ ရဲဘော်တွေ စုဆောင်းခဲ့ပါတယ် လွတ်လပ်ရေးရဖို့အတွက် တိုက်ခိုက်ကြသူများရဲ့ ရဲစွမ်းသတ္တိနဲ့ ရည်မှန်းချက်အတွက် မကြောက်မရွံ့ အသက်ကို စတေးရဲတဲ့သတ္တိနဲ့ လုယူခံရတဲ့ အမိမြေပြန်ရဖို့ တိုက်ပွဲဆင်နွှဲသူများရဲ့ စိတ်ဓာတ်ကို လေးလေးစားစားနဲ့ ကြည့်ရှူရမှာဖြစ်ပြီး စိတ်ကျေနပ်မှုရရှိစေမယ့် ဖြစ်ရပ်မှန်ကားလေးတစ်ကားပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Myint Thuzar Lin ဖြစ်ပါတယ်

ဒီဇာတ်ကားလေးကတော့ ကိုရီးယားမှာမာစတာဘွဲ့ယူဖို့ကြိုးစားနေတဲ့ အိုင်လာဟိုင်းယာဆိုဖီယာဆိုတဲ့ မိန်းကလေးတစ်ယောက်အကြောင်းကို ရိုက်ကူးထားခြင်း ဖြစ်ပါတယ်။ အိုင်လာအနေနဲ့ အားကိုးရတဲ့ဖခင်ကိုဆုံးရှုံးကာ ဖခင်ဖြစ်သူညီမနဲ့ အတူနေရဖို့ဖြစ်လာခဲ့ပါတယ်။ အိုင်လာ့အဒေါ်ဟာ မကောင်းတဲ့အလုပ်ကို လုပ််ကိုင်နေတဲ့သူဖြစ်ပြီး ဒီဒုက္ခတွင်းထဲကနေ လွတ်မြောက်အောင် အိုင်လာ့ငယ်သူငယ်ချင်းဖြစ်ပြီး အိုင်လာ့ကို တိတ်တခိုးချစ်နေရတဲ့ ဇီဒန့်အကူအညီနဲ့လွတ်မြောက်ဖို့ ကြိုးစားခဲ့ပေမယ့် အားကိုးရတဲ့ တစ်ဦးတည်းသော သူငယ်ချင်းဇီဒန့်ကို ဆုံးရှုံးလိုက်ရပြီးတဲ့နောက် ပညာသင်ဆုကိုပါ လက်လွှတ်ခဲ့ရတဲ့ အိုင်လာ သူ့ဘဝရည်မှန်းချက်ပြည့်ဖို့ ဘယ်လိုကြိုးစားရုန်းကန်ခဲ့ရလဲဆိုတာကို ခံစားကြည့်ရှုရမယ့် အင်ဒိုကားလေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဂါဒစ်ဆင်းက သူ့သားလေးကို မြေကွက်တစ်ခုအမွေပေးချင်တော့ ကြိုးကြိုးစားစားအလုပ်လုပ်ရှာတယ်။ တစ်နေ့ သူ့အလုပ်ရှင်ကိုပြဿနာလာရှာတဲ့သူကို သတ်မိလိုက်တော့ အလုပ်ရှင်က ကျေးဇူးတင်ပြီး နယ်မြေ ၁၇ ကို ဂါဒစ်ဆင်းကိုအပိုင်ပေးလိုက်တယ်။ ဂါဒစ်လည်းဝမ်းသာအားရနဲ့ သူ့သားလေးကိုပြန်ပြီးအမွေပေးလိုက်တယ်။ တစ်ဖက်မှာ ‌ပိုက်ဆံရရင်ဘာမဆိုလုပ်ပြီး လူသတ်ဖို့လည်းဝန်မလေးတဲ့တွန်ဒီလတ်က ဂါဒစ်ဆင်းကို သတ်ပြီး သူတို့မြေကိုလုယူလိုက်တယ်။ အဖေအသတ်ခံရလို့မကျေနပ်တဲ့ပါဂတ်က သူ့ကိုအရှင်ထားရင် တစ်နေ့ကျတွန်ဒီလတ်ဘဝကိုဖျက်ဆီးမယ့်အကြောင်း ကြိမ်းဝါးတယ်။ တွန်ဒီလတ်လည်း ပါဂတ်ကို ကလေးပဲလို့လျှော့တွက်ပြီးတော့ နောက် ၁၅ နှစ်ကြာတဲ့အခါ သူ့ဆီပြန်လာခဲ့လို့ပြောလိုက်တယ်။ ပါဂတ်လည်း သူ့အဖေကိုရက်ရက်စက်စက်သတ်ခဲ့တဲ့ တွန်ဒီလတ်ကိုလက်စားချေဖို့ ၁၅နှစ်လုံးကြိုးစားလာခဲ့တယ်။ ငွေအင်အား လူအင်အားပိုသာတဲ့ တွန်ဒီလတ်ကို ပါဂတ်တစ်ယောက် လက်စားချေပြီး သူ့မိသားစုဂုဏ်သိက္ခာကိုပြန်ဆယ်နိုင်ပါ့မလားဆိုတာ ဒီရုပ်ရှင်ထဲမှာ စိတ်ဝင်တစားကြည့်ရှုရမှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

တည်းခိုခန်းတစ်ခုတွင် အမျိုးသမီးအလောင်းတစ်ခုကိုတွေရှိရာမှ စုံသမ်းစစ်ဆေးမှုတွေပြုလုပ်ခဲ့ရာ ဆေးရုံမှ အလုပ်သင်သမားတော်တစ်ဦးဖြစ်ကြောင်း ရဲများက အတည်ပြုနိူင်ခဲါသည်။ စုံစမ်းစစ်ဆေးမှုအတွင်း ရဲအရာရှိများဖြစ်သည့် လုထင်၏မိဘများက အမှုတွင်ပါဝင်ပတ်သက်နေကြောင်းတွေ့ရှိခဲ့သည်။ သို့သော် လူသတ်မှု၏နောက်ကွယ်တွင် ကြေကွဲဖွယ်အတိတ်တစ်ခုကိိုရှာတွေေ့ခဲ့ပြီး အခြားတစ်ယောက်ရှိနေကြောင်း သိလိုက်ရသည် ဘာသာပြန်အညွှန်းရေးသားသူမှာ NayChiiဖြစ်ပါသည်

ဘရာဇီးနိုင်ငံ၊ ရီယိုဒီဂျနေးရိုးမြို့က ဖာဗယ်လာဆိုတဲ့ ဆင်းရဲသားရပ်ကွက်မှာ ဖြစ်ပျက်ခဲ့တဲ့ ဒုစရိုက်မှုတွေ ဆေးအရောင်းအဝယ်သမားတွေနဲ့ မကောင်းမှုတွေကြီးစိုးနေတဲ့ လက်နက်ကိုင်အဖွဲ့အစည်းတွေအကြောင်းကို ရိုက်ကူးထားတာပါ။ ဖြစ်ရပ်မှန်တွေနဲ့ Number One ဆိုတဲ့စာအုပ်ကို မှီငြမ်းထားပြီး လူဆိုးဂိုဏ်းခေါင်းဆောင်ရဲ့မိန်းမဖြစ်လာတဲ့ ရေဘက်ကာရဲ့ဘဝအကြောင်းကို ရှုစားရမှာပါ။ ကိုးနှစ်အရွယ်မှာ ဆေးသမားအဘွားကနေ သူဆေးဝယ်တဲ့ဂိုဏ်းဆီ ရောင်းစားခံရတဲ့ ရေဘက်ကာဟာ ငယ်ငယ်တည်းက မသမာမှုတွေ ကိုကိန်းတွေ ဆေးခြောက်တွေနဲ့ မစိမ်းပါဘူး။ သူ့ကိုမွေးစားထားတဲ့ ခေါင်းဆောင်အာမိုရိုဆိုက ပညာသင်ပေးပြီး သူ့လုပ်ငန်းမှာ ခိုင်းစားခဲ့ပါတယ်။ နောက်ပိုင်းမှာ ရေဘက်ကာတစ်ယောက် အချစ်နဲ့တွေ့သွားပြီး သူတို့အသိုင်းအဝိုင်းမှာလည်း ခေါင်းဆောင်အပြောင်းအလဲတွေ၊ သစ္စာဖောက်တာတွေနဲ့ ကြုံရတာကို ရင်ဆိုင်ဖြေရှင်းရမှာပါ။ မက္ကဆီကိုတို့ လက်တင်အမေရိကတို့က မူးယစ်ဂိုဏ်းတွေ crime တွေနဲ့မတူတဲ့ vibe နဲ့ action တွေကို ကြည့်ရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

စုံထောက်ဇာတ်ကားကောင်းတွေကြိုက်တတ်ရင် လုံးဝလက်လွှတ်မခံပါနဲ့ 2024 မှာထွက်ခဲ့တဲ့ "Chaalchitro"ဆိုတဲ့ဇာတ်ကားကတော့ ကာလကတ္တားရဲ့အကြီးကျယ်ဆုံးကွင်းဆက်လူသတ်မှုအ‌ကြောင်း ရိုက်ကူးထားပါတယ် အကြောင်းအမျိုးမျိုးကြောင့် မင်္ဂလာပွဲပျက်သွားတဲ့ မိန်းမပျိုများဟာ ညတွေမှာရက်စက်စွာ သတ်ဖြတ်ခံကြရပါတယ် သေဆုံးပြီးနောက်မှာလည်း "နတ်ဘုရားမ"ပုံစံဆင်ယင်ပြီး နံရံမှာချိတ်ဆွဲခံကြရတယ်... တစ်ဘက်မှာ ဒီအမှုတွေကိုစုံစမ်းဖော်ထုတ်မယ့် ထိပ်တန်းရဲအရာရှိ "ကာနစ်ရှ်ကာ" ဒီလိုကွင်းဆက်သတ်ဖြတ်မှုတွေကို သူဖော်ထုတ်နိုင်ပါ့မလား? လူသတ်ကောင်ကိုဖမ်းဆီးနိုင်ပါ့မလား? စိတ်ဝင်စားဖွယ် စုံစမ်းစစ်ဆေးမှုတွေအပြင် လူသတ်သမားတွေရဲ့အတွေးကိုပါ ရှုထောင့်အမျိုးမျိုးရိုက်ကူးထားတာမို့ ကြည့်ရတာတန်တဲ့ဇာတ်ကားဖြစ်ဖို့ အာမခံပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ဒန်နီဒိုလင်စကီဟာ တစ်ချိန်တုန်းက လုပ်ကြံသတ်ဖြတ်တဲ့နေရာမှာ ပြိုင်ဘက်ကင်း နာမည်ကျော်တစ်ယောက်ပါ။ ဒါမဲ့ သူ့လုပ်သက်အနှစ် 30ကျော်လာပြီး ဒဏ်ရာရလို့ခွဲစိတ်မှုလုပ်ရချိန်မှာ သူ့ကုမ္ပဏီက သူ့ကို Gen Z မျိုးဆက်သစ် လူငယ် ဝီလ်‌ဘော့နဲ့ အတူတွဲပြီး မစ်ရှင်လုပ်ခိုင်းပါတယ်။ သက်ကြားအိုဖြစ်နေတဲ့ ဒိုလင်စကီက သူ့ကိုယ်သူ အတွေ့အကြုံရှိပြီး အတော်ဆုံးလို့ ထင်နေသေးတဲ့အတွက် သူနဲ့အသက်လည်းကွာ တွေးခေါ်ပုံလည်း မတူတဲ့ ဝီလ်ဘော့နဲ့ တကျက်ကျက်ပါပဲ။ ဒါမဲ့ ဒိုလင်စကီရဲ့ အတွေ့အကြုံနဲ့ ဝီလ်ဘော့ရဲ့ အရည်အချင်းတွေကို ပေါင်းစပ်လိုက်ရင်တော့ သူတို့က အဖွဲ့ကောင်းဖြစ်နေတာပါ။ သူတို့အတူ မစ်ရှင်လုပ်ရာကနေ ကွဲပြဲသွားမလား ပါတနာဖြစ်သွားမလားဆိုတာကတော့ စောင့်ကြည့်မှ သိရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူက‌တော့ Shune Lai KK ဖြစ်ပါတယ်

မေလ ၂၁ ရက်နေ့မှာ မေရီဆိုတဲ့ကောင်မလေး ဗီဇက်ကမ်းခြေမှာအသတ်ခံခဲ့ရတယ်။ လူထုနဲ့မီဒီယာတွေရဲ့ဖိအားပေးမှုနဲ့ စီအိုင်ဘက်စကာက သတင်းထောက်တစ်ယောက်ကိုစိန်ခေါ်ပြီး လူသတ်သမားကို ၁ပတ်အတွင်းဖမ်းနိုင်ဖမ်း မဟုတ်ရင် အလုပ်ထွက်မယ်လို့ကတိပေးလိုက်တယ်။ အဲဒီမှာစီအိုင်ဘက်စကာက မေရီရဲ့အမှုကို ရှီကာကူလမ်ရှားလော့ဟုမ်းဆိုတဲ့ ပုဂ္ဂလိကစုံထောက်ဆီလွှဲပြောင်းပေးလိုက်ပြီး အမှုကိုဖြေရှင်းဖို့တစ်ပတ်အချိန်ပေးလိုက်တယ်။ ဟုမ်းဟာ ရဲမေလက်ရှမီရဲ့အကူညီနဲ့ စုံစမ်းစစ်ဆေးပြီး ဒီအမှုမှာသံသယရှိသူ ၇ယောက်ပါဝင်နေတာကို သိလိုက်ရတယ်။ အဲဒီထဲမှာ ဖုန်းရုံဆိုင်ပိုင်ရှင်၊ မိဘမဲ့ဂေဟာက စေတနာ့အကျိုးဆောင်၊ အလုပ်ဆိုင်းငံ့ခံထားရတဲ့ရဲအရာရှိ၊ ဂျာစီဆိုတဲ့အမျိုးသမီးတစ်ဦးနဲ့ တံငါသည် ၃ဦးတို့ပါဝင်ပါတယ်။ မေရီ့ကိုသတ်ခဲ့တဲ့ တရားခံက ဒီ ၇ယောက်ထဲမှာပါလား၊ ဟုမ်းက ဒီအမှုကိုဘယ်လိုဖြေရှင်းမှာလဲနဲ့ ဟုမ်းတစ်ယောက် စုံထောက်ဖြစ်ခဲ့ရတဲ့အကြောင်းရင်းတွေကို စိတ်ဝင်စားဖို့ကောင်းအောင် ဟာသနှောပြီးရိုက်ကူးထားတဲ့ မှုခင်းဇာတ်ကားကောင်းတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

Rating 7.2/10 အထိရရှိထားတဲ့အိန္ဒိယလက်စားချေအက်ရှင်ဇာတ်ကြမ်း ကားကောင်းလေးတစ်ကားပဲဖြစ်ပါတယ်။ အက်ဒစ်တူမိသားစုက ကာရာလာပြည်နယ်က ရွှေရောင်းဝယ်ရေးမိသားစုများထဲမှ အကျော်ကြားဆုံးမိသားစုတစ်စုဖြစ်ပါတယ်။ မမျော်လင့်တဲ့အဖြစ်အပျက်တစ်ခုက အက်ဒစ်တူမိသားစုဆီကို တုန်လှုပ်ခြောက်ခြားစရာ ရောက်ရှိလို့လာပါတယ်။ အဲဒါကတော့မိသားစုထဲက အငယ်ဆုံးညီဖြစ်သူက လူမဆန်စွာ ရက်ရက်စက်စက်အသတ်ခံလိုက်ရတာပါ။ အိမ်ထောင်ဦးစီးအစ်ကိုကြီးဖြစ်သူ ဂျော့က ညီဖြစ်သူသေဆုံးမှုအတွက် အမှန်တရားကိုဖော်ထုတ်ရန်စုံစမ်းစစ်ဆေးမှုကိုစတင်ခဲ့ပါတယ်။ တစ်ချိန်ထဲမှာပဲ မိသားစုထဲက မွေးစားသားဖြစ်သူ မာကိုကလည်း သူ့နည်းသူဟန်နဲ့ မတရားမှုရဲ့တရားခံကိုရှာဖွေဖော်ထုတ်ဖို့ ကြိုးစားပြန်ပါတော့တယ်။ ကြမ်းကြမ်းတမ်းတမ်းနဲ့သွေးသံရဲရဲ တိုက်ခိုက်ထိုးကြိတ်ခန်းများများနဲ့ လုံးဝကို မပျင်းရစေတဲ့ အက်ရှင်ဇာတ်ကားကောင်းလေးဖြစ်လို့ မလွတ်တမ်းစောင့်ကြည့်ဖို့အတွက် တင်ဆက်ပေးလိုက်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

၂၀၁၉-၂၀၂၀ နောက်ပိုင်း တစ်ကမ္ဘာလုံး Covid-19 ဒဏ်ခံစားရတဲ့ကာလမှာ လူတိုင်းလိုလိုဟာ ရုပ်ပိုင်းနဲ့စိတ်ပိုင်းဆိုင်ရာ ဝေဒနာပေါင်းစုံကို ခံစားခဲ့ကြရတာပါ။ ဒီရုပ်ရှင်ကတော့ အဲဒီကာလကြီးကို ကျောရိုးတည်ပြီး ပြဿနာမျိုးစုံနဲ့ စိတ်မွန်းကျပ်နေကြတဲ့ လူ ၄ ယောက်ရဲ့စိတ်ထွက်ပေါက်ရှာပုံကို ဟာသနဲ့ဒရာမာနှောပြီး ရိုက်ကူးထားတာ ဖြစ်ပါတယ်။ မိဘနှစ်ပါးကိုဆုံးရှုံးပြီး ကပ်ရောဂါကာလကြောင့် မွေးကင်းစသမီးလေးနဲ့ပါ ခွဲနေရတဲ့ ဆိုရီနာ... ရည်းစားနဲ့ကွဲပြီး အထီးကျန်မွန်းကျပ်နေတဲ့ အေမီ... အကြွေးပတ်လည်ဝိုင်းနေရတဲ့ကြား ကိုဗစ်ကာလမှာ အလုပ်တွေမဖြစ်မြောက်တာကြောင့် ပီဇာလိုက်ပို့ နေရတဲ့ လန်နီ.... လူတွေနဲ့ခပ်ကင်းကင်းနေတတ်ပြီး အပြင်ပန်းမှာ ခက်ထန်သလောက် အတွင်းမှာကြိတ်ပြိုလဲနေရတဲ့ ဒေးလ်.... တစ်နေ့မှာတော့ အကြောင်းကိစ္စတွေ တိုက်ဆိုင်ပြီး ကိုယ့်ဒုက္ခတွေနဲ့ကိုယ် ပြိုလဲနေကျတဲ့ သူတို ၄ ဦးဟာ အေမီရဲ့အိမ်မှာ မထင်မှတ်ဘဲ ဆုံရဖို့ဖြစ်လာပါတယ်။ အဲဒီအခါမှာ ‌မွန်းကျပ်နေတဲ့သူတိုရဲ့စိတ်တွေကို ထွက်ပေါက်ပေးဖို့အတွက် ဆေးချမိရာကနေ ဆေးလွန်ပြီး စိတ်ကူးနဲ့လက်တွေ့ ရောထွေးကုန်ပါတယ်။ အဲဒီကနေ စိတ်ကူးယဉ်ကမ္ဘာတွေထဲ လွင့်မျောသွားကြပြီး သူတိုရဲ့မသိစိတ်ကဖြစ်လာတဲ့ နောင်တတရားတွေ စိတ်ဒဏ်ရာတွေ ပေါ်ထွက်လာပါတော့တယ်။ ဒီလိုနဲ့ သူတိုရဲ့စိတ်ဒဏ်ရာတွေ ဘယ်လိုရင်ဆိုင်ကြမလဲ၊ ဆေးလွန်နေတဲ့သူတွေအနေနဲ့ မသိစိတ်က လိုရာစွဲဖန်တီးထားတဲ့ စိတ်ကူးယဉ်ကမ္ဘာကြီးထဲက လွတ်မြောက်နိုင်လာ

ဒီတစ်ခေါက်ဇာတ်လမ်းကတော့ ဆန်းတယ်လို့ဆိုရပါမယ်။ နှစ်သန်းပေါင်းများစွာကုန်ဆုံးပြီး ကမ္ဘာပျက်ကပ်ဆိုက်လို့ လူသားမျိုးနွယ်တွေ မျိုးတုန်းသွားတဲ့အချိန် ကမ္ဘာပေါ်ကျန်ခဲ့တဲ့ ဉာဏ်ရည်ရှိ ဗော်ယာနဲ့ အာကာသထဲကဂြိုလ်တုတို့ အွန်လိုင်းမှာ ချိတ်ဆက်မိပြီး လူသားတွေရဲ့ နေထိုင်မှုပုံစံ၊ ဘဝနဲ့ အချစ်ကို နားလည်ဖို့ သင်ယူလေ့လာတဲ့ ဇာတ်အိမ်ဖြစ်ပါတယ်။ ‌ဗော်ယာက အင်တာနက်ကတစ်ဆင့် လူသားတွေအကြောင်း ရှာဖွေပြီး သူ့ကိုယ်သူ မီ(Me) ဂြိုလ်တုကို အိုင်အမ်(Iam)လို့ သတ်မှတ်လိုက်ပါတယ်။ မီက သူသဘောကျတဲ့ ဘလော့ဂါစုံတွဲ ဒေဂျာနဲ့လီယံတို့ရဲ့ ဗီဒီယိုတွေကိုကြည့်ပြီး သူတို့အတိုင်း လိုက်လုပ်ဖို့ ကြိုးစားပါတယ်။ ဉာဏ်ရည်မြင့်တဲ့ AI နည်းပညာသုံး စက်ပစ္စည်းနှစ်ခုက လူသားခံစားချက်တွေကို နားလည်ပြီး ဆင့်ကဲပြောင်းလဲသွားကာ ဘဝတစ်ခု အတူတည်ဆောက်ကြပုံကို ရှုစားရမှာပါ။ Me အဖြစ် Kristen Stewart နဲ့ Iam အဖြစ် Steven Yeun တို့ပါဝင်သရုပ်ဆောင်ထားပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒီကားလေးကတော့ ဖြစ်ရပ်မှန်ကို အခြေခံထားတာဖြစ်ပါတယ်။ ဒီကားကို 2024 Decကမှ စပြီးထုတ်လွှင့်ခဲ့တာဖြစ်ပြီး မီးသတ်သမားတွေရဲ့ ကိုယ်ကျိုးစွန့် အနစ်နာခံမှုတွေကို လေးစားဖွယ်တွေ့ကြရမဲ့ ဇာတ်ကားကောင်းလေးပဲဖြစ်ပါတယ်။ ချောဝန်းဆိုတဲ့ကောင်လေးဟာ စစချင်းမှာတော့ မီးသတ်အဖွဲ့ထဲကို တက်ကြွစွာဝင်လာခဲ့ပါတယ်။ အလုပ်စဝင်တဲ့နေ့မှာတင် မီးသတ်တဲ့နေရာဆီလိုက်သွားရပြီး တလွဲတွေလုပ်တာမလို့ အဆူခံခဲ့ရပါတော့တယ်။ ဒီလိုနဲ့ အဆင်ပြေနေရင်းမှာပဲ သူတို့နဲ့တစ်ဖွဲ့တည်းက သူနဲ့ရင်းနှီးတဲ့အစ်ကိုက မီးလောင်တဲ့နေရာမှာ လူကယ်ပေးရင်း သေဆုံးသွားခဲ့ပါတယ်။ ဒီဖြစ်ရပ်ကနေ ရုန်းမထွက်နိုင်တဲ့ ချောဝန်းကိုတော့ အဖွဲ့ဦးစီးက 3/4လလောက် ပေးနားလိုက်ပြီး စိတ်ပြင်ဆင်ဖို့အချိန်ပေးလိုက်ပါတော့တယ်။ ချောဝန်းတစ်ယောက် ဒီအလုပ်မှာ ဆက်ပြီး ရေရှည်နေလို့ရပါ့မလား ..?? ရှေ့ဆက်ကြုံလာရမဲ့ ခရီးလမ်းမှာ ဘယ်လိုအခက်အခဲတွေ စောင့်ကြိုနေမလဲဆိုတာ... ဒီကားကို အညွှန်းနဲ့ ဘာသာပြန်ဆိုသူကတော့ Huihui ဖြစ်ပါတယ်။

သဘာဝလွန် လျှို့ဝှက်ဆန်းကြယ်တဲ့ ဇာတ်လမ်းတွေကို ကြိုက်သူများအတွက် Strange Tales of Mountain Travelers မှာဆိုရင် ဒေသတွင်းပုံပြင်၊ ရင်ထိတ်စရာ အကြောင်းအရာတွေနဲ့ အက်ရှင်တွေ ပါ၀င်ပါတယ်.. ဇာတ်လမ်းကတော့ တောင်ပေါ်ခရီးသွား Lin Qingyang က Dulong ကျေးရွာမှာ ဖြစ်ပေါ်နေတဲ့ သရဲအမှုနဲ့ လူသတ်မှုတွေကို စုံစမ်းဖို့ လာရောက်ခဲ့ပါတယ်.. စုံစမ်းရင်းနဲ့ လျှို့ဝှက်ထားတဲ့ အတိတ်ကဖြစ်ရပ်တွေအပြင် ဓားပြရဲ့ယုတ်မာဆိုးညစ်မှုတွေကိုပါသိလာရပါ‌တော့တယ်.. ဒီဇာတ်လမ်းကတော့ သဘာဝလွန် ခံစားမှုနဲ့ လျှို့ဝှက်မှုတွေကို စိတ်ဝင်စားဖွယ် ရိုက်ကူးထားတာဖြစ်ပြီး သဘာဝလွန် ဇာတ်လမ်းများကို ကြိုက်နှစ်သက်သူများကြည့်ရှုသင့်တဲ့ ဇာတ်ကားကောင်းလည်းဖြစ်ပါတယ်.. ဒီဇာတ်ကားကိုအညွန်းနဲ့ဘာသာပြန်ပေးသူကတော့ Jacob ဖြစ်ပါတယ်

ဒီဇာတ်ကားလေးကတော့ ၂၀၁၆ ခုနှစ်မှာဖြစ်ခဲ့တဲ့ ကျောင်းသားများအုပ်စုလိုက်ပူးကပ်ခံရတဲ့ဖြစ်ရပ်မှန်ကို အခြေခံရိုက်ကူးထားတဲ့ အင်ဒိုနီးရှား ဟော်ရာကားလေး ဖြစ်ပါတယ်။ တစ်နှစ်တစ်ကြိမ် စခန်းချခရီးထွက်ရတဲ့ အထက်တန်းကျောင်းတစ်ခုရဲ့ခရီးစဥ်အတွက် သွားနေကျနေရာမဟုတ်ပဲ ထူးဆန်းတဲ့နယ်မြေတစ်ခုကို သွားဖို့မှားယွင်းရွေးချယ်မိခဲ့ရာမှ ထူးခြားဆန်းကျယ်တဲ့ဖြစ်ရပ်ဆန်းများ ကြုံ​တွေ့ရပုံကို သည်းထိတ်ရင်ဖိုရိုက်ကွက်များနဲ့ စိတ်ဝင်စားဖွယ်ကြည့်ရှုရမှာ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

နာမည်ကြီးနေတဲ့ ကြောင်လေးကြည့်ချင်တယ်တောင်းဆိုလို့တင်ပေးလိုက်ပါတယ်

တရုတ်သိုင်း စုံထောက်ကား‌ေတွကို ကြိုက်နှစ်သက်သူ‌ေတွအတွက် ဒီတစ်ခါ တင်ဆက်ပေးလိုက်တာကတော့ Novoland အမည်ရ သိုင်းစာအုပ်ကိုပြန်လည်ရိုက်ကူးထားတဲ့ အမည်တူ Novoland ဇာတ်ကားပဲဖြစ်ပါတယ်။ နန်ဟွိုင်းမြို့က ယွင်ကျန်းတို့ဆရာတပည့်နှစ်ယောက်ဟာ သူတို့နဲ့ မရင်းနှီးတဲ့ သူဌေးအိမ်တစ်အိမ်ကနေ ပွဲတော်တစ်ခုအတွက် ဖိတ်စာရရှိခဲ့ပြီး စားကောင်းသောက်ဖွယ်တွေ အရက်တွေကို အလကားစားရမှာဖြစ်တာကြောင့် ပွဲတော်ကို သွားခဲ့ကြတယ်။ ပွဲတော်ဟာ အသုဘအခမ်းအနားတစ်ခုဖြစ်ပြီး မန္တာန်ရွတ်ဖတ်ပူဇော်တာတွေလည်းပါတယ်။ အသုဘကျင်းပနေရာကနေ အ‌လောင်းဟာထလာပြီး သူဌေးကြီးကို သတ်လိုက်တယ်။ သုံးသွားတဲ့လက်နက်ကလည်း ယွင်ကျန်းတို့ကိုင်တဲ့လက်နက်ဖြစ်နေတာမို့လို့ ယွင်ကျန်းတို့ဟာ အမှုပတ်ကာ မင်းသမီးဆီမှာ အဖမ်းခံလိုက်ရတယ်။ နန်ကျန်းမြို့မှာ လူတွေထူးဆန်းစွာသေနေပြီး ကြယ်လေးလုံးတန်းပြီမို့လို့ ကပ်ဘေးကြီးတစ်ခု ဆိုက်တော့မယ်လို့လည်း သတင်းတွေထွက်နေတယ်။ ချောက်ချခံရတဲ့ ယွင်ကျန်းတို့နဲ့ မင်းသမီးတို့ဟာ နောက်ပိုင်းမှာ အမှုကို အတူတူလိုက်ဖို့ဖြစ်လာတဲ့အခါ နောက်ကွယ်ကြိုးကိုင်နေတဲ့သူက ဘယ်သူဖြစ်မလဲဆိုတာကို ယွင်ကျန်းတို့နဲ့အတူ အဖြေရှာကြည့်လိုက်ပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

2019 ခုနှစ်တုန်းက ထွက်ရှိခဲ့တဲ့ လူစိတ်ဝင်စားခံခဲ့ရတဲ့ တီဗီကာတွန်းစီးရီးလေးတစ်ခုရှိပါတယ်။နာမည်ကတော့ Fox and Hare ဖြစ်ပြီး ချစ်စရာကောင်းတဲ့တိရစ္ဆာန်လေးတွေ တစ်ဦးအပေါ်တစ်ဦး အရမ်းချစ်ပြီး ရိုင်းပင်းကူညီကြတဲ့သူငယ်ချင်းတွေအကြောင်းကို ကလေးတွေအတွက်သင့်တော်အောင်ရိုက်ကူးထားပေးတဲ့အတွက် တော်တော်ရေပန်းစားသွားခဲ့ပါသေးတယ်။အခု 2024 ခုနှစ်မှာတော့ ဒီ Series လေးကိုအသက်ပြန်သွင်းတဲ့အနေနဲ့ဇာတ်ကားလေးအနေနဲ့ရိုက်ကူးတင်ဆက်ပေးလိုက်ပါတယ်။နာမည်ကိုတော့ Fox & Hare Save the Forest လို့နာမည်ပေးထားပြီး လက်ရှိ IMDb Rating 6.1 အထိရရှိထားပါတယ်။ဒီဇာတ်ကားလေးရဲ့အဓိကဇာတ်ဆောင်တွေကတော့ ဇာတ်ကားနာမည်အတိုင်း မြေခွေးနဲ့တောယုန်တို့ဖြစ်ပြီး သူတို့က သစ်တောကြီးတစ်ခုထဲမှာ တခြားသောသူတို့ရဲ့ သူငယ်ချင်းတိရစ္ဆာန်လေးတွေနဲ့အတူတူ ပျော်ပျော်ရွှင်ရွှင်နေထိုင်နေကြတာဖြစ်ပါတယ်။ဒါပေမယ့်တစ်နေ့မှာတော့ ဖျံတစ်ကောင်ပေါ်ထွက်လာခဲ့ပြီး နှစ်ပေါင်းများစွာကြာရှည်အောင် ဆောက်လုပ်လာခဲ့တဲ့ သူ့ရဲ့ရေကာတာကြီးပြီးဆုံးသွားတာကိုတွေ့ရမှာဖြစ်ပါတယ်။အဲ့ဒီရေကာတာကြီးကြောင့် မြေခွေးနဲ့တောယုန်တို့ရဲ့ တောအုပ်လေးမှာရေကြီးတဲ့ပြဿနာတွေကြုံလာရပါတော့တယ်။အဲ့ဒီကိစ္စကိုအရင်ဆုံးသိပြီး စုံစမ်းတဲ့သူကတော့ ညစောင့်ဇီးကွက်ဖြစ်ပြီး နောက်နေ့မနက်မှာပြန်မလာတော့တာကြောင့် မြေခွေးနဲ့တောယုန်တို့အတူလိုက်ရှာကြရင်း ဒီရေကာတာကြီးကိုတွေ့လိုက်ရတဲ့အခါမှာ ဘယ်လိုတွေတုံ့ပြန်ကြမလဲ ဖျံကရောဘယ်လိုကောက်ကျစ်တဲ့စိတ်က

Sumala (2024) ဇာကားဟာ အင်ဒိုနီးရှားနိုင်ငံ၊ ဆီမာရမ် ဒေသက တစ်ကယ့်အဖြစ်အပျက်တစ်ခုနဲ့ ဒဏ္ဝာရီလာ ပုံပြင်တစ်ခုကိုရောနှောအခြေခံထားတဲ့ ဖြစ်ရပ်မှန်တစ်ပိုင်း ဇာတ်လမ်းလေးပဲဖြစ်ပါတယ်။ ဖြစ်ရပ်မှန်အဖြစ်အပျက်က‌တော့ ၁၉၄၈ ခုနှစ်မှာဖြစ်ခဲ့တာပါတဲ့။ ဆီမာရမ်ဒေသက ဆိုဂျီမန်နဲ့ ဆူလက်စထရီတို့လင်မယားက အိမ်ထောင်သက် ၁၁ နှစ်ရှိပေမယ့် ကလေးမရသေးတော့ စိတ်ညစ်နေကြပါတယ်။ တစ်နေ့မှာ ဆိုဂျီမန်ရဲ့ဦးလေးရောက်လာပြီး သူ့မြေတွေကို ဦးလေးကိုရောင်းဖို့ပြောပါတယ်။ ဒါပေမယ့် ဆိုဂျီမန်က မရောင်းနိုင်ဘူးပြောတော့ သူ့အားနည်းချက်ဖြစ်တဲ့ ကလေးမရသေးတဲ့ကိစ္စကို သရော်သလို လှောင်သလိုလုပ်ပြီး ပြန်သွားပါလေရော့။ ဆိုဂျီမန်လည်း ဦးလေးကိုစိတ်တိုတာနဲ့ မိန်းမဖြစ်သူကိုပါရောပြီး ဒေါသထွက်တာ မင်းကလေးမွေးနိုင်ရင်မွေးနိုင် မမွေးနိုင်ရင် နောက်မိန်းမထပ်ယူမယ်ဆိုပြီး ခြိမ်းခြောက်ပါလေရော့။ သူ့မိန်းမလည်း စိတ်တွေထူပူပြီး အိမ်ပြင်ထွက်လာရာမှာ ခြံထဲကအလုပ်သမားနှစ်ယောက်ပြောသံကြားပြီး အောက်လမ်းဆရာမတစ်ယောက်က ကလေးရအောင် လုပ်ပေးနိုင်တယ်ဆိုတာ သိသွားတယ်။ သူလည်း အဲဒီအောက်လမ်းဆရာမဆီသွားပြီး အကူအညီတောင်းတယ်။ အောက်လမ်းဆရာမက ကလေးလိုချင်တယ်ဆိုရင် ဒီတိုင်းတော့မရဘူး အစီအမံနဲ့အပေးအယူတွေလုပ်ရမယ်။ အမွှာကလေးနှစ်ယောက်မွေးပေးနိုင်မှရမယ်။ တစ်ယောက်က နတ်ဆိုး (မာရ်နတ်)ရဲ့ကလေးဖြစ်ပြီး တစ်ယောက်ကတော့ လူသားကလေးဖြစ်မယ်။ ဒါပေမယ့် နတ်ဆိုး (မာရ်နတ်)ရဲ့ကလေးကိုပါ လူသားကလေးနဲ့တူတူ ညီညီမျ

ဟိုးရှေးရှေးတုန်းက...ထိုင်းဂီတယဥ်ကျေးမှုနဲ့ နိုင်ငံတော်ကိုတည်ဆောက်ချင်တဲ့ခေါင်းဆောင်က ထိုင်းဂီတကို ခွင့်ပြုချက်မရှိပဲ တီးခတ်ခွင့်မရှိကြောင်း ဥပဒေပြဌာန်းလိုက်ပါတယ်။ ခွင့်ပြုချက်မရှိပဲ တီးခတ်သူများကို ထိထိရောက်ရောက်အပြစ်ပေးနေတဲ့အချိန်ဖြစ်ပါတယ်။ ပေါင် ချတ်နဲ့ ကဲဝိုတာတို့ သူငယ်ချင်းသုံးယောက်ဟာ ချတ်အဖေရဲ့ဂီတကျောင်းလေးမှာ ကိုယ်နှစ်သက်တဲ့တူရိယာပညာကို သင်ယူခဲ့ပါတယ်။ အချိန်တန်အရွယ်ရောက်တဲ့အချိန်မှာ ပေါင်က စစ်တပ်ထဲကို ဝင်ရောက်သွားပြီး ချတ်နဲ့ကဲဝိုတာတို့က ဂီတကိုဆက်လုပ်ခဲ့ပါတယ်။ ဗိုလ်မှူးဖြစ်သွားတဲ့ ပေါင်က ထိုင်းဂီတကို တားမြစ်တဲ့ဥပဒေအတိုင်း ဆောင်ရွက်ဖို့ အမိန့်ရလာတဲ့အခါမှာတော့ငယ်စဥ်က သူငယ်ချင်းသုံးယောက်အတူသင်ယူခဲ့တဲ့ဂီတကျောင်းလေးကို ပိတ်သိမ်းဖို့ဖြစ်လာကြတဲ့အခါ ဘာတွေဆက်ဖြစ်မလဲ၊ အချင်းချင်း ညှိနှိုင်းမှုရနိုင်မလား၊ ထိုင်းဂီတကို ဆက်လက်ပုံဖော်သွားနိုင်မလားဆိုတာကို ရယ်စရာဟာသဇာတ်ကွက်များ၊ မိသားစုမိတ်ဆွေသူငယ်ချင်းသံယောဇဥ်များနဲ့အတူကြည့်ရှုရမယ့် ထိုင်း Comedy, Romance, Drama ဇာတ်ကားလေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ထိုင်းသရဲကားတွေထဲမှာ နာမည်ကြီးတဲ့ Tee Yod ခေါ် Death Whisperer လို့လူသိများကြတဲ့ဇာတ်ကားရဲ့ နောက်ဆက်တွဲ Death Whisperer 2 ထွက်ရှိလာခဲ့ပါပြီ။အထူးပြုလုပ်ချက်တွေကောင်းမွန်ပြီး အရမ်းကြီးဖြဲခြောက်စရာမလိုဘဲ ဇာတ်လမ်းဇာတ်ကွက်တွေကလည်းကောင်းတဲ့အတွက်ကြောင့် လူသိများခဲ့တာဖြစ်ပါတယ်။ဒုတိယဇာတ်ကားမှာလည်း IMDb Rating 7.0 အထိရရှိထားပြီးထုံးစံအတိုင်း အရှိန်မကျဘဲ ဆက်ကြည့်လို့ကောင်းနေတုန်းပါပဲ။ဒီဇာတ်ကားနှစ်ကားလုံးရဲ့အဓိကဇာတ်ကောင် မင်းသားကတော့ ရာ့ခ်ဖြစ်ပြီး ပထမကားမှာတုန်းက ရာ့ခ်က သူ့ညီမကိုမကောင်းဆိုးဝါးပူးကပ်တဲ့အတွက် မိသားစုရှိရာအိမ်ပြန်လာပြီး သူ့ညီမကိုကယ်တင်ပေးဖို့ကြိုးစားခဲ့တာကိုတွေ့ရမှာဖြစ်ပါတယ်။ဒါပေမယ့်ကံမကောင်းစွာနဲ့ပဲ သရဲကအရမ်းအစွမ်းထက်လွန်းတဲ့အတွက် ညီမဖြစ်သူကိုဆုံးရှုံးလိုက်ရပြီး အဲ့ဒီအချိန်ကစလို့ ရာ့ခ်တစ်ယောက် သူ့ညီမအတွက်လက်စားချေပေးဖို့နဲ့ ကျန်တဲ့မိသားစုဝင်တွေကိုထပ်မနှောင့်ယှက်နိုင်အောင် သရဲမုဆိုးလုပ်နေပြီး အဲ့ဒီသရဲမကိုမြေလှန်ရှာနေခဲ့ပါတော့တယ်။ဒီလိုနဲ့တစ်နေ့မှာ ဒွန်ခိုမုတ်ဆိုတဲ့ နာနာဘာ၀တွေ သဘာ၀လွန်အရာတွေကျက်စားတဲ့တောအုပ်ကြီးတစ်ခုထဲမှာ အဲ့ဒီသရဲမကိုနောက်ကွယ်ကထိန်းချုပ်နေတဲ့ဖုတ်ကောင်ရှိမှန်းသတင်းရခဲ့ပြီး ရာ့ခ်နဲ့တခြားသောသူတွေနဲ့အတူတူ အဲ့ဒီတောအုပ်ထဲမှာ ဖုတ်ကောင်ရှာကြပုံတွေ သရဲမကိုနှိမ်နင်းဖို့ကြိုးစားပုံတွေကို စိတ်ဝင်စားစရာဆက်လက်ရှုစားရဦးမဲ့ ဇာတ်ကားကောင်းလေးတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ

ဂျင်မီဆိုတာက အာမခံလိုက်ရောင်းတဲ့ ကိုယ်စားလှယ်တယောက်။ သူ့မှာ ဗီဗန်ဆိုတဲ့ ညီလေးတယောက်ရယ် နစ်ကီဆိုတဲ့ ချစ်သူကောင်မလေးတယောက်ရယ် ရှိတယ်။ ​မိဘတွေ မရှိတော့ပေမယ့် ဘဝကို ပျော်ပျော်ဖြတ်သန်းနေတဲ့သူတယောက်။ တရက် ညီဖြစ်သူရဲ့မွေးနေ့မှာ ညဘက် အပြင်မှာစားသောက်ပြီးအပြန် လူတယောက်ကို ကားနဲ့တိုက်မိပြီး ​အဲဒီလူသေဆုံးသွားခဲ့ရာက ကံဆိုးမိုးမှောင် ကျခဲ့ပါတယ်။ ဒါပေမဲ့ အလောင်းကို ပိပိရိရိဖျောက်ဖျက်နိုင်ခဲ့ပြီး ရဲတွေကိုလှည့်စားနိုင်ခဲ့ပေမယ့် သူသတ်လိုက်မိတဲ့သူက မူးယစ်ရာဇာရဲ့လူယုံတယောက်ဖြစ်နေပြီး မူးယစ်ရာဇာက သူ့ကိုခြေရာခံ လိုက်လာခဲ့ချိန်မှာတော့ ဘဝက ကပြောင်းကပြန် ပြန်ဖြစ်သွားခဲ့ပြန်ပါတယ်။ ဂျင်မီနောက်ကို ဘာကြောင့် မူးယစ်ရာဇာက အနံ့ခံလိုက်လာတာလဲ။ သူ သတ်လိုက်မိတဲ့သူက ဘာကြောင့် မူးယစ်ရာဇာအတွက် အရေးကြီးနေတာလဲဆိုတာ ဒီရုပ်ရှင်မှာ ဆက်လက်ရှုစားရမှာပါ.. ဒီရုပ်ရှင်မှာလဲ အိန္ဒိယရုပ်ရှင်တွေမှာ တွေ့မြင်နေကျ ရဲတွေရဲ့အကျင့်ပျက်ခြစားမှုတွေ ပူးပေါင်းကြံစည်မှုတွေနဲ့အပြင် ထင်မှတ်မထားတဲ့ အလှည့်အပြောင်းကိုလည်း မြင်တွေ့ရဦးမှာပါ။ ရုပ်ရှင်ဟာ low budget ဂူဂျာရက်ရုပ်ရှင်ဖြစ်ပေမယ့် သူ့အိုးသူ့ဆန် အတိုင်းအထွာထဲက နိုင်သလောက်ကြိုးစားပြထားတဲ့ မှုခင်းရုပ်ရှင်ဖြစ်တာကြောင့် မှုခင်းရုပ်ရှင်တွေသဘောကျတဲ့သူတွေအတွက်တော့ ၂၀၂၄ ခုနှစ်ထွက် ဒီရုပ်ရှင်က ဖျော်ဖြေမှုပေးနိုင်ဦးမှာပါ.. ဒီဇာတ်ကားကိုအညွန်းနဲ့ဘာသာပြန်ပေးသူကတော့ Tian ဖြစ်ပါတယ်

အချစ်ကိုရှေ့တန်းတင်ပြီး အချစ်ကြောင့်ဘဝပျက်ခဲ့ရတဲ့ ကောင်လေးတစ်ယောက်အကြောင်းကိုရိုက်ကူးထားတဲ့ အိန္ဒိယ အချစ်ဒရမ်မာဇာတ်လမ်းကောင်းလေးပဲဖြစ်ပါတယ်။ တစ်ခဏတာတွေ့လိုက်ရုံမှာပဲ မိန်းကလေးတစ်ဦးကို ချစ်မိသွားတဲ့ အမ်ဘာ။ မိန်းကလေးလိုအပ်ချက်မှန်သမျှကို နောက်ကွက်ကနေတိတ်တဆိတ်ဖြည့်ဆည်းပေးပြီး တိတ်တိတ်လေးချစ်နေရုံနဲ့ ပျော်ရွှင်နေခဲ့တဲ့အမ်ဘာ၊ ချစ်သူကိုငေးကြည့်နေရရုံနဲ့ကျေနပ်နေခဲ့ပြီး ဖွင့်ဟဝန်ခံဖို့ဝန်လေးနေခဲ့တဲ့အမ်ဘာ ချစ်သူကောင်မလေးကလည်းသူချစ်နေတာကိုသိမှာပဲ အချစ်ဆိုတာတစ်ဦးနဲ့တစ်ဦးခံစားနားလည်နိုင်တဲ့အရာလို့ခံယူထားတဲ့အမ်ဘာက တစ်နေ့မှာချစ်သူဖြစ်သူက လက်ထပ်တော့မယ်ဆိုတာကိုသိလိုက်ရတဲ့နောက် ဘဝကြီးက ဘယ်လိုမျိုးပြောင်းလဲသွားမလဲ။ အရမ်းချစ်တတ်တဲ့သူတွေ အချစ်ကိုနောက်တစ်ကြိမ်ပြန်လည်မွေးဖွားတာမျိုးမရှိဘဲ ဒီအချစ်နဲ့ပဲ ဘဝကိုအဆုံးသတ်လိုက်တဲ့အကြောင်းကို ရိုက်ကူးတင်ဆက်ထားပြီး လွမ်းမောတသဖွယ်ကြည့်ရှုရမယ့် အချစ်ရိုမန့်ဇာတ်လမ်းကောင်းလေးတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

ဒီတစ်ခါမှာတော့ သားသားမီးမီးတို့အကြိုက်တွေ့စေမယ့် Tiddler ဆိုတဲ့ ကာတွန်းကားလေးနဲ့မိတ်ဆက်ပေးပါရစေ Tiddler က ငယ်ပေမယ့် စိတ်ကူးစိတ်သန်းကြီးမားတဲ့ငါးလေးဖြစ်ပြီး စာသင်ချိန်ကို မကြာခဏနောက်ကျလေ့ရှိတယ် နောက်ကျတဲ့အချိန်တိုင်းမှာလည်း သူ့ရဲ့သူငယ်ချင်းတွေနဲ့ ဆရာမကို သူ့ရဲ့စိတ်ကူးထဲမှာဖန်တီးထားတဲ့ ဇာတ်လမ်းတစ်မျိုးပြီးတစ်မျိုး ပြောပြခဲ့တယ် အဲဒါကို သူ့သူငယ်ချင်းတွေကတော့ မယုံကြပါဘူး တစ်နေ့မှာ Tiddler ကငါးဖမ်းပိုက်ကွန်ထဲ မတော်တဆရောက်သွားပြီး တစ်ယောက်ထဲယောင်လည်လည်ဖြစ်နေချိန် ဘယ်အရာကသူ့ကိုအိမ်ပြန်ပို့ပေးသွားမလဲဆိုတာ စိတ်ဝင်စားဖို့ကောင်းစွာနဲ့ကြည့်ရှုရမယ့် ဇာတ်ကားလေးပဲဖြစ်ပါတယ်နော် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yuri ဖြစ်ပါတယ်

Rating 7.7/10 အထိရထားတဲ့ အကြမ်းအရမ်းတွေနဲ့အက်ရှင်ဇာတ်ကားကောင်းလေး လာပါပြီ ။ လမ်းဘေးကကူလီသမားပွတ်ရ်ပါးဘဝကနေပြီး သစ်ထုတ်လုပ်ရေးအဖွဲ့ရဲ့ခေါင်းဆောင်ဖြစ်လာခဲ့တဲ့ပွတ်ရ်ပါး။ ဇနီးဖြစ်သူရဲ့စကား တစ်ခွန်းနဲ့ပြည်နယ်ဝန်ကြီးချုပ်ရာထူးအထိ ဘယ်လိုပြောင်းလဲခဲ့သလဲ။ ပွတ်ရ်ပါးက သစ်တွေတင်ပို့တဲ့ခေါင်းဆောင်တစ်ဦးဖြစ်ပြီး သာမန်အလုပ်သမားဘဝကနေ ထိပ်ဆုံးရောက်အောင်လှမ်းတက်လာနိုင်သူပါ။ နိုင်ငံတကာအထိ ဖြန့်ကျက် စီးပွားရှာနိုင်ခဲ့ပြီး ဂျပန်ကယာကူဇာတွေနဲ့အထိ ဘယ်လိုတိုက်ခိုက်ကျော်လွှားနိုင်ခဲ့သလဲ။ သူ့ရဲ့သစ်တွေသယ်ပို့ရာမှာ အတားအဆီးဖြစ်တဲ့ရဲအရာရှိ ရှီကာဝဘ်ကို ဘယ်လိုသင်ခန်းစာတွေပေးခဲ့သလဲ။ ပြိုင်ဘက်တွေကြားထဲမှာ သစ်အဖွဲ့အစည်းရဲ့ ခေါင်းဆောင်နေရာကို ဘယ်လိုရအောင်ယူခဲ့သလဲ။ပွတ်ရ်ပါးရဲ့ ကြမ်းကြမ်းရမ်းရမ်းတိုက်ခိုက်မှုတွေနဲ့ ကစားကွက် လှည့်ကွက်တွေကို အသည်းတယားယားနဲ့ကြည့်ရှုရမယ် အိန္ဒိယအက်ရှင်ဇာတ်လမ်းကောင်းတစ်ပုဒ်ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်