ရုပ်ရှင်အသစ်များ

နိုင်ငံတွင်းရုပ်ရှင်ဆုပေးပွဲမှာ ဆုပေါင်း၇၀ ကျော်နဲ့ နိုင်ငံတာရုပ်ရှင်ပွဲတော်မှာ ၃၈ဆု သိမ်းပိုက်နိုင်ခဲ့ပြီး အဘက်ဘက်က ကဏ္ဍစုံကနေဆုတွေရခဲ့တဲ့ ဇာတ်ကားကောင်းတစ်ကားပါ ဇာတ်လမ်းကို စိတ်ကျန်းမာရေးဆေးရုံတစ်ရုံကစထားပြီးတော့ ရုတ်တရက်ပဲ အရာရာပြည့်စုံတဲ့ ကောင်မလေးတစ်ယောက်ရဲ့ နေ့စဥ်ဘဝကို ပြသပြန်ပါတယ် နောက် ကလေးအရွယ်ကောင်မလေး ဆယ်ကျော်သက်အရွယ်.. ဇာတ်ကအဲဒီလိုပြနေပေမယ့် တစ်ကယ်တမ်းတော့ ကောင်မလေးတစ်ယောက်ထဲရဲ့ဘဝပါပဲ သူကတော့စိတ်ရောဂါခံစားနေရတဲ့ စင်ဒူဆိုတဲ့ကောင်မလေးပါ ကြည့်ကာစတော့ အချစ်ရူးနေတဲ့ကောင်မလေးတစ်ယောက်လို ထင်ရပေမယ့် တကယ်အဖြစ်အမှန်ကဘာများလဲ စင်ဒူဘာကြောင့် ဒီလိုတွေဖြစ်သွားရတာလဲ နောက်ဆုံးမှာ အကြောက်တရားကနေ ရုန်းထွက်နိုင်မလား ၂၁ရာစု မိဘတွေအနေနဲ့လည်း ကြည့်သင့်တဲ့ကားတစ်ကားလို့ မှတ်ချက်ပေးပါရစေ ရခဲ့တဲ့ဆုတွေနဲ့ ထိုက်တန်လား ကြည့်ရအောင်ပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Sora ဖြစ်ပါတယ်

တစ်ခါတုန်းက အရှင်သခင်အပေါ် အရမ်းသစ္စာစောင့်သိလွန်းတဲ့ နန်းတော်ရဲ့သော့ထိန်းကြီးဘာရို့စ်ဆိုတဲ့လူတစ်ယောက်ရှိသတဲ့။ နယ်မြေလုပွဲတွေဖြစ်ပြီး အရှင်သခင်တွေ အသက်လုပြေးရမဲ့အချိန်ကျမှ သူ့အရှင်ဟာ ချန်ထားရစ်ခဲ့ရတော့မဲ့ သူ့ရတနာတွေကို ဒီအတိုင်းထားရစ်ခဲ့ရမှာကို​​​​ကြောက်တာကြောင့် မှော်ပညာရှင်တွေကို နည်းလမ်းတစ်ခုထုတ်ခိုင်းခဲ့တယ်။ နောက်တော့ ထွက်လာခဲ့တဲ့ဖြေရှင်းနည်းက သစ္စာအရှိဆုံးလူယုံကို တစ္ဆေတစ်ကောင်အဖြစ်နဲ့ ရတနာတွေကိုစောင့်ရှောက်ဖို့ ထားရစ်ခဲ့ရမယ်တဲ့လေ။ အဲ့ဒီမှာပဲ အရှင်သခင်ဖြစ်သူဟာ ဘာရို့စ်ကိုရွေးချယ်ခဲ့တယ်။ သစ္စာစောင့်သိတဲ့ ဘာရို့စ်ကလည်း ကျေကျေနပ်နပ်လက်ခံခဲ့ပြီး သူ့အရှင်နဲ့ အမွေဆက်ခံသူပြန်လာမဲ့အချိန်ကို ရာစုနှစ်ပေါင်းများစွာစောင့်ဆိုင်းနေပါတော့တယ်။ သစ္စာခံဘာရို့စ်တစ်ယောက် သူ့ရဲ့တာဝန်ကို ကျေပွန်ဖို့အတွက် ဘာတွေပေးဆပ်ခဲ့ရသလဲဆိုတာကို ကြေကွဲဖွယ်ကြည့်ရှုရမှာဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

Rating 8.2/10 အထိရရှိထားတဲ့အိန္ဒိယ ဒရမ်မာအက်ရှင်တော်လှန်ရေးဇာတ်ကားကောင်းတစ်ကားပဲဖြစ်ပါတယ်။ အိန္ဒိယနိုင်ငံရဲ့ လူမျိုးရေးခွဲခြားမှု ဇာတ်နိမ့်ဇာတ်မြင့်ခွဲခြားဆက်ဆံမှုတွေ ၊ အရင်းရှင်ခေတ်မှာ မြေရှင် ယာရှင်တွေရဲ ကျွန်ပြု ခိုင်းစေခြင်းကို ခံရတဲ့အလုပ်သမားတွေ ၊နားချိန်အိပ်ချိန်မရှိ အလုပ်လုပ်ပေးရတဲ့အလုပ်သမားတွေရဲ့ဘဝ၊ စက်ရုံတွေမှာ လုပ်ခလစာနည်းပါးလှတဲ့ အလုပ်သမားတွေရဲ့ဘဝ အဲဒီလိုအဖိနှိပ်ခံဘဝတွေကို လူအခွင့်အရေး တန်းတူညီမျှ အခွင့်အရေးရရှိဖို့အတွက် တော်လှန်ရေးကိုစတင်ကြမယ့် ပီရူမောလ်တို့ဇနီးမောင်နှံ၊ ယခင်ကသာမန်ကျောင်းဆရာဘဝ ဆရာပီရူမောလ်ကနေတစ်ဆင့် သူစာသင်ကြားပေးတဲ့ရွာလေးမှာ သူ့မျက်စိရှေ့မှာပဲ အာဏာရှင်တစ်စုရဲ့ ယုတ်မာမှုကြောင့် အသတ်ဆုံးရှုံးခဲ့ကြရတဲ့ ကာရူပါတို့စုံတွဲကိုမြင်တွေ့ပြီး တော်လှန်ရေးလောကထဲကိုခြေစုံပစ်ဝင်ခဲ့ရာကစလို့ ဘဝရဲ့အခက်အခဲမျိုးစုံကိုရင်ဆိုင်လာရသူတစ်ဦး၊ အာဏာရှင်အစိုးရနဲ့ လက်ပါးစေ ရဲတစ်စုကလည်း အရင်းရှင်တွေဘက်လိုက်ပြီး အမှုဆင်ယုတ်မာကောက်ကျစ်ကြပုံတွေကို အံတကြိတ်ကြိတ်နဲ့ ကြည့်ရှုခံစားရမယ် ဇာတ်ကားကောင်းလေးတစ်ကားဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

ကဲ အားလုံးပဲစောင့်မျှော်နေကြတဲ့ Moana 2 ကိုတင်ဆက်ပေးလိုက်ပါပြီ။Moana ဆိုတာကတော့ 1 ထွက်ရှိကတည်းက The Rock ကြီးရဲ့အသံသရုပ်ဆောင်တွေ ဇာတ်လမ်းဇာတ်ကွက်ကောင်းပုံတွေကြောင့် လူကြီးလူငယ်မရွေး မိတ်ဆက်ပေးစရာမလိုအောင်ကိုအောင်မြင်မှုတွေရရှိထားပြီးသားဖြစ်ပါတယ်။ဒီတစ်ခေါက်ဆက်လက်ထွက်ရှိလာတဲ့ Moana 2 မှာလည်း IMDb Rating 7.0 အထိဆွတ်ခူးထားနိုင်ပြီး တစ်ကားထွက်ပြီးမပုပ်သွားတဲ့ ကောင်းမြဲကောင်းနေဆဲဂုဏ်ကို ဆက်ထိန်းထားနိုင်တုန်းပဲဖြစ်ပါတယ်။အားလုံးပဲသိထားပြီးတဲ့အတိုင်း 1 မှာတုန်းက မိုအာနာက မာဝီနဲ့အတူတူစွန့်စားခန်းတွေထွက်ခဲ့ပြီးနောက်ပိုင်း မိုအာနာတို့ရွာလည်း ပင်လယ်ထဲပြန်ထွက်လာခဲ့ကြပြီး တဖြည်းဖြည်းနဲ့စိုပြည်စိမ်းလန်းလာခဲ့ပါတယ်။မိုအာနာကတော့လမ်းကြောင်းရှာဖွေသူအနေနဲ့ မတွေ့ဖူးသေးတဲ့ ကျွန်းတွေကိုဆက်လက်ရှာဖွေနေပြီး သူတို့လူမျိုးတွေအပြင် တခြားလူတွေကိုရှာဖို့စိတ်ဆန္ဒပြင်းပြနေတုန်းပါပဲ။ဒီလိုနဲ့သိပ်မကြာခင်မှာ တိုတိုင်ဆိုတဲ့ဂုဏ်ပုဒ်ရထားတဲ့ သူ့ရှေ့ကကြီးမြတ်တဲ့လမ်းကြောင်းရှာဖွေသူရဲ့ခရီးစဉ်ကို ဆက်နှင်ဖို့ဖြစ်လာပါတော့တယ်။အဲ့ဒီခရီးစဉ်ကဘာလဲဆိုရင်တော့ သူလိုက်ရှာနေတဲ့လူတွေနဲ့သူတို့ကို နတ်ဘုရားတစ်ပါးက ကျိန်စာတိုက်ပြီးခွဲခြားထားတဲ့အတွက် အဲ့ဒီနတ်ဘုရားဖွက်ထားတဲ့ကျွန်းကြီးကိုရှာဖွေရမှာပဲဖြစ်ပါတယ်။ဒီလိုနဲ့မိုအာနာတစ်ယောက် ဘိုးဘေးတွေပေးအပ်တဲ့တာဝန်ကို ထမ်းဆောင်ဖို့ရွက်လွှင့်ရင်း မာဝီနဲ့ရောဘယ်လိုပြန်ဆုံကြမလဲ သူ့ရဲ့တာဝန်ကြီးကိုရော အောင်မြင်

သရဲနဲ့ဖြဲမခြောက်ဘဲ တွေးရင်းနဲ့ကိုတစိမ့်စိမ့်ကျောချမ်းနေရမဲ့ Horror ဇာတ်ကားနောက်တစ်ကားကိုတင်ဆက်ပေးလိုက်ပါပြီ။ဇာတ်ကားနာမည်ကတော့ The Intruder ဖြစ်ပြီး လက်ရှိ IMDb Rating 5.2 အထိရရှိထားပါတယ်။ဇာတ်ကားလေးရဲ့အစမှာတော့ မိဘနှစ်ပါးပိုင်တဲ့အိမ်ကိုတစ်ယောက်တည်းပြောင်းလာတဲ့ မိုက်ကယ့်ကိုတွေ့ရမှာဖြစ်ပြီး ရောက်တာသိပ်မကြာခင်မှာပဲ ညဖက်တွေဆို အိမ်ထဲမှာတစ်ယောက်ယောက်ရှိနေသလိုခံစားနေရပြီး တံခါးဖွင့်သံတွေ ခြေသံတွေလည်းကြားနေရပါတယ်။ဒီအကြောင်းတွေကိုသူ့အိမ်နီးချင်းဖြစ်တဲ့ ဂျိုးကိုပြောပြပေမဲ့သူ့မှာအိပ်မပျော်တဲ့ရောဂါလိုဖြစ်နေတာကြောင့် ခဏအိပ်တဲ့အချိန်အတွင်းမှာ အိပ်မက်ဆိုးတွေ ထင်ယောင်ထင်မှားတွေဖြစ်တယ်လို့သာ ပြန်လည်ဖြည့်တွေးခဲ့ရပါတယ်။ဒါပေမယ့် သူ့အိမ်ထဲကကျောချမ်းစရာတွေက တစ်နေ့ထက်တစ်နေ့ပိုပိုဆိုးလာတဲ့အခါမှာတော့ မိုက်ကယ်တစ်ယောက် သံသယစိတ်တွေပိုပိုဖြစ်လာပြီး လူလည်းရူးချင်သလိုဖြစ်လာပါတော့တယ်။ဒါကြောင့်ဇာတ်ကားနာမည်အတိုင်း သူ့အိမ်ထဲကိုညတိုင်း ဖောက်ထွင်းဝင်နေတဲ့ ကျူးကျော်သူကတကယ်ရှိနေတာလား မိုက်ကယ်ရဲ့ထင်ယောင်ထင်မှားတွေပဲလားဆိုတာကို အထက်မှာပြောခဲ့သလိုပဲ တစိမ့်စိမ့်နဲ့ကျောချမ်းပြီးရှုစားရမဲ့စိတ်ဝင်စားစရာ သည်းထိပ်ရင်ဖိုဇာတ်ကားကောင်းလေးတစ်ကားဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

တမီးလ်နာဒူဇာတ်လမ်း အက်ရှင်ဟာသဇာတ်လမ်းတစ်ပုဒ်ပါ အကျင့်ပျက်ခြစားမှုတွေဖြစ်နေတဲ့ ၁၉၈၇ ခုနှစ်မှာ ကျင့်ဝတ်စည်းကမ်းတွေ လေးစားလိုက်နာတဲ့ နိုင်​​ငံရေးခေါင်းဆောင်တစ်ဦးဟာကျမ်းသစ္စာကျိန်ဆိုတဲ့နေ့မှာပဲ ချော်လဲရင်း ကိုမာဝင်သွားခဲ့ပါတယ် သူတပည့်က ကျိန်ဆိုမယ့်နေ့မှာကလေးမွေးတော့ ကောင်းချီခံပြီး နာမည်မှည့်ပေးဖို့ ယူလာတဲ့ကလေးက သေးပေါက်ချလို့ နင်းမိရာက ချော်လဲခဲ့တာပါ နှစ်တွေကြာလို့ ခေါင်းဆောင်ပြန်နိုးလာတဲ့အချိန် အဲဒီကလေးကတော့ မွှေကောင်းစွာနဲ့ အကျင့်ပျက်ခြစားတဲ့ ဘဏ္ဍာရေးဝန်ကြီး ဖြစ်နေတာပါ သူ့ပါတီကလူတွေကလည်း သူတည်ထောင်ခဲ့တာနဲ့ ဆန်ကျင်ဘက်တွေဖြစ်နေတော့ ခေါင်းဆောင် ပေါက်ကွဲပါလေရော တစ်ဖက်မှာလည်း မကောင်းတာကိုတောင် စည်းမျဉ်းနဲ့လုပ်တတ်တဲ့ ဂုရုနဲ့ သူ့တပည့်တွေက စိတ်ကူးယဥ်ချစ်သူသေရတဲ့တရားခံဆိုပြီး ဝန်ကြီးကို ပြန်ပေးဆွဲဖို့ကြိုးစားတဲ့အခါ.. နိုင်ငံရေးကားဆိုရအောင်ပျင်းရတာမဟုတ်ပဲ အလွဲပေါင်းမျိုးစုံနဲ့ အက်ရှင်ဟာသကားလေးပါဗျ.. ဒီဇာတ်ကားကိုအညွန်းနဲ့ဘာသာပြန်ပေးသူကတော့ Sora ဖြစ်ပါတယ်

ဖြစ်ရပ်မှန်ကိုအခြေခံထားတဲ့ မှုခင်းဇာတ်ကားတစ်ကားပါ ဇာတ်လမ်းက သမီးပျောက်လို့လိုက်ရှာနေကြတဲ့ မိဘတွေက ရဲစခန်းသုံးခုဆက်တိုက် သတင်းပို့နေပေမယ့် ထုံးစံတစ်ခုကိုလက်ကိုင်ထားပြီး အပိုင်နယ်မြေစခန်းကို သွားခိုင်းနေတာနဲ့ ရှေ့မရောက်ဖြစ်နေပါတယ် မနက်မိုးလင်းတော့ ကောင်မလေးက တံတားပေါ်က ခုန်ချပြီးသတ်သေခဲ့တဲ့အလောင်းကိုပဲ ရှာတွေပါတယ် ခက်တာက အကြောင်းပြချက်မရှိတာပါပဲ ပတ်ဝန်းကျင်ကလည်း မယုံကြည်နိုင်ပေမယ့် အမှုပိတ်လိုက်ရတယ်ပဲ ပြောပါတော့ ၆လလောက်ကြာပြီးတဲ့ ဆရီဘာလာဆိုတဲ့ သတင်းထောက်မလေးက အမှုကို လူစိတ်ဝင်စားမှုအပေါ်အသုံးချရင်း ပြန်ဖော်ဖို့လုပ်ပါတယ် သူ့ချစ်သူ အာနန်ဆိုတဲ့ ရဲထဲဝင်ဖို့ကြိုးစားနေတဲ့ကောင်လေးကအမှုကိုကူညီပြီး အဖြေရှာပါတော့တယ် အာနန်ကလည်း ဆရီဘာလာဆိုတဲ့မိခင်သေဆုံးမှုကြောင့်စိတ်ပိုင်းဆိုင်ရာပြဿနာတက်နေသူပါ ချစ်သူကိုတောင် မိခင်နဲ့နာမည်တူလို့ ချစ်ခွင့်ပန်ခဲ့တာပါတဲ့ မာရင်းက တကယ်ပဲသတ်သေခဲ့တာလား အာနန်တစ်ယောက် တူးဆွရင်းနဲ့ ဘာတွေတွေ့ရတော့မလဲ မထင်ထားတဲ့ဖြစ်ရပ်မှန်တွေထွက်ပေါ်လာတော့မှာလား... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Sora ဖြစ်ပါတယ်

ဒီတစ်ခါတင်ဆက်ပေးမယ့်ဇာတ်လမ်းလေးကတော့ Rating 8.8/10 အထိရရှိထားတဲ့အိန္ဒိယချစ်ခြင်းမေတ္တာဖွဲ့ ဒရမ်မာကိုဟာသလေးနည်းနည်းရောထားတဲ့ ဇာတ်လမ်းကောင်းလေးပဲဖြစ်ပါတယ်။ ဗီယမ်ဆိုတဲ့ ရွာကျောင်းကဆရာမလေးက လယ်သမားလေး ဂျန်ယာနဲ့ ချစ်ကြိုက်လက်ထပ်ခဲ့ပြီးတော့ မိသားစုထဲကိုဝင်လာခဲ့ပါတယ်။ မိသားစုထဲမှာသားအကြီးဆုံးဖြစ်ပြီး လုပ်ငန်းတွေကိုကိုယ်တိုင်လုပ်ကိုင်ရတဲ့ ဂျန်ယာရဲ့ ကြီးမားလှတဲ့ မိသားစုကြီးအတွင်းမှာ ဆရာမလေးဗီယမ်ကပျော်ရွှင်နိုင်ပါ့မလား။ မမျှော်လင့်တဲ့ကံကြမ္မာတွေ ဝင်ရောက်လာတဲ့အခါမှာတော့ မိသားစုအတွက်ဗီယမ်က ဘယ်လိုဆုံးဖြတ်ချက်တွေချသွားမလဲဆိုတာကို ကြည့်ရမယ့် ချစ်မေတ္တာဖွဲ့ဇာတ်လမ်းလေးပဲဖြစ်ပါတယ်။ ရိုးရာဓလေ့ထုံးစံတွေအရ အမျိုးသမီးတွေက ယောကျာ်းတွေစီးပွားရေးဝင်ပါတာမျိုး အပြင်အလုပ်လုပ်တာမျိုးကို တားမြစ်ချင်ကြတဲ့ ရှေးဆန်တဲ့ အယူအဆများကို မေတ္တာမပျက်ပဲ ဂျန်ယာနဲ့ ဗီယမ်က ဘယ်လိုကျော်လွှားကြမလဲဆိုတာကို ကြည့်ရှုရင်း အိန္ဒိယရဲ့ ဓလေ့ထုံးစံများကိုပါလေ့လာနိုင်တဲ့အတွက် လက်မလွတ်တမ်းစောင့်ကြည့်ရမယ့်ဇာတ်ကားကောင်းလေးပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

နာမည်အတိုင်း Gay Interest, Queer ရုပ်ရှင်ကိုမှ တစ်ချိန်က ဂျိမ်းစ်ဘွန်းမင်းသားကြီး Daniel Craig က အဓိကဇာတ်လိုက်အဖြစ် သရုပ်ဆောင်ထားပါတယ်။ 1950 ခုနှစ်ပိုင်းကို အခြေတည်ထားပြီး အသက်40ကျော်အရွယ် ဘိန်းစွဲနေတဲ့ Daniel တစ်ဖြစ်လဲ လီဟာ အမေရိကကနေ မက္ကဆီကိုစီးတီးကို ရောက်လာပြီး အမေရိကန်အသိုင်းအဝိုင်းလေးနဲ့ပဲ အဆက်အသွယ်လုပ်နေပြီး အထီးကျန်နေပါတယ်။ အဲဒီမှာပဲ ယူဂျင်းဆိုတဲ့ကောင်လေးနဲ့တွေ့ပြီး သံ‌ယောစဉ် တွယ်သွားပါတယ်။ အကျဉ်းချုပ်ပြောရရင် queer တစ်ယောက်ရဲ့ အထီးကျန်မှု သူများတွေနဲ့ ပေါင်းသင်းဆက်ဆံဖို့ ခက်ခဲတာနဲ့ depression လိုမျိုး ရှုပ်ထွေးတဲ့ ခံစားချက်တွေကို ဖော်ပြချင်တာဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒီဇာတ်ကားလေးကတော့ တစ်ခေတ်တစ်ခါက နာမည်ကြီးခဲ့တဲ့ ထိုင်း horror ကား Pee Mak ကို အင်ဒိုနီးရှားဗားရှင်းအနေနဲ့ ပြန်လည်ရိုက်ကူးထားတာဖြစ်ပါတယ်။ ကန်မက်ဟာ ဇနီးဖြစ်သူ ကိုယ်ဝန်သည်ဆာရီကို ထားခဲ့ပြီး တိုင်းပြည်တာဝန်ထမ်းဆောင်ဖို့ စစ်တိုက်ထွက်ခဲ့ရပါတယ်။ ကန်မက်တို့စစ်တိုက်သွားနေတဲ့အချိန် တယောက်တည်းကျန်နေခဲ့ရတဲ့ ဆာရီဟာ ကိုယ်ဝန်ပျက်ကျရာကနေ အသက်ပါပေးဆပ်လိုက်ရပါတယ်။ သို့ပေမယ့် ခင်ပွန်းဖြစ်သူ ကန်မက်ကို စိတ်မချတာကြောင့် သရဲဘဝနဲ့ စောင့်မျှော်နေခဲ့ပါတယ်။ စစ်ပွဲပြီးလို့ နေအိမ်ကိုပြန်လာကြတဲ့ ကန်မက်တို့သူငယ်ချင်းအဖွဲ့နဲ့ ကန်မက်ဇနီးဆာရီတို့ကြားက ချစ်စဖွယ်အလွဲလေးတွေ၊ သူငယ်ချင်းအပေါ်ထားတဲ့ ရဲ​ဘော်ရဲဘက်စိတ်ဓာတ်၊ သိပ်ချစ်ကြတဲ့ ကန်မက်တို့လင်မယားရဲ့ချစ်ခြင်းတို့ကို စိတ်ဝင်စားဖွယ် ထိတ်လန့်ဖွယ်ဇာတ်ဝင်ခန်းများနဲ့ ကြည့်ရှုရမှာပဲ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

အခုတင်ဆက်ပေးချင်တဲ့ဇာတ်လမ်းလေးကတော့ တခြားကားတွေနဲ့မတူထူးခြားတဲ့ Musical Drama လေးဖြစ်ပါတယ် မိသားစုတစ်ခုက ဆားတွင်းတစ်ခုမှာ ဇိမ်ခံပစ္စည်းတွေအပြည့် ဆေးအပြည့် အစားအသောက်တွေအပြည့်နဲ့ အပြင်လောကနဲ့မထိတွေ့ဘဲနေထိုင်နေတာ ဆယ်စုနှစ်ကျော်ကြာပါပြီ အဲ့မိသားစုကသားဖြစ်သူကတော့ မွေးလာကတည်းကအခုထိကို နေရောင် ကောင်းကင်နဲ့ အပြင်လောကကိုပါမထိတွေ့ဖူးပါဘူး အဲ့ဒီလိုအပြင်လောကနဲ့မထိတွေ့တာကြာပြီဖြစ်တဲ့မိသားစုဆီကို သူစိမ်းမိန်းကလေးတစ်ယောက်ရောက်လာတဲ့အခါ ဘာတွေဖြစ်မလဲဆိုတာ သီချင်းအေးအေးလေးတွေနဲ့ကြည့်ရှုရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

TNT ပြစ်မှုဆိုင်ရာအဖွဲ့အစည်းဟာ နိုင်ငံတကာရင်းနှီးမြုပ်နှံမှုရှယ်ယာဈေးကွက်ကို ကျူးကျော်ဖို့အတွက် AI နည်းပညာကျွမ်းကျင်သူကို ပြန်ပေးဆွဲခဲ့ပြီး အလုပ်ထွက်ကာဇာတ်မြုပ်နေထိုင်တဲ့ ATO အဖွဲ့အစည်းရဲ့ အထူးအေးဂျင့်ဟောင်း ကျန်းယာမိန်ဟာ သူ့ခင်ပွန်းဖြစ်သူကို ကယ်တင်ဖို့ မဖြစ်မနေ အရှုပ်ထုတ်ထဲပါ၀င်ဖို့ဖြစ်လာခဲ့ပါတယ် ဒီလိုနဲ့ အထူးအေးဂျင့်အဖွဲ့ထဲပြန်၀င်လာခဲ့ပြီး မစ်ရှင်ပြီးမြောက်အောင် ကြိုးပမ်းရတဲ့အခါ ဘယ်လိုတွေဆက်ဖြစ်လာမလဲဆိုတာ ကြည့်ရှုလိုက်ပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Jacob ဖြစ်ပါတယ်

ဂျာနယ်လစ် ရှီအိုရိ အိတိုတစ်ယောက် သူမကိုယ်တိုင် ကြုံတွေ့ခဲ့ရတဲ့ လိင်ပိုင်းဆိုင်ရာ အကြမ်းဖက်မှုကို စစ်ဆေးမှုတစ်ခု ပြုလုပ်ခဲ့ပါတယ်။ သူမရည်ရွယ်ချက်ကတော့ အာဏာရှိနေတဲ့ တရားခံကိုတရားစီရင်ဖို့ပါပဲ။ သူမရဲ့ အမှုကို မရပ်မနားတမ်း ဖော်ထုတ်ဖို့ ကြိုးစားခြင်းကြောင့် ဂျပန်မှာရှေးရိုးစွဲနေတဲ့ တရားစီရင်ရေးနဲ့ လူ့အသိုင်းအဝိုင်းကို မီးမောင်းထိုးပြနိုင်ခဲ့ပါတယ်။ ဒီရုပ်ရှင်ကားဟာ အဖြစ်မှန်ကိုရိုက်ကူးထားတဲ့ မှတ်တမ်းတင်ရုပ်ရှင်ကားတစ်ခုဖြစ်ပြီး အကောင်းဆုံးမှတ်တမ်းတင်ရုပ်ရှင်ကား အော်စကာဆုအတွက် နာမည်စာရင်းဝင်ထားတဲ့ ရုပ်ရှင်ကားတစ်ခုလည်းဖြစ်ပါတယ်။ လိင်ပိုင်းဆိုင်ရာ အကြမ်းဖက်ခံရတဲ့ မိန်းမတစ်ယောက် ဘယ်လိုမျိုးတွေ့ကြုံခံစားရသလဲဆိုတာကို ပေါ်လွင်အောင်ရိုက်ပြထားပေးပါတယ်။ ရုပ်ရှင်ထဲမှာဆိုရင် တရားခံကိုအပြစ်ပေးနိုင်ခဲ့ကြပါတယ်။ တကယ့်လက်တွေ့မှာရော မုဒိန်းမှုတွေမှာ တရားခံကို အပြစ်ပေးနိုင်မလား။ လူ့အသိုင်းအဝိုင်းက မုဒိန်းကျင့်ခံလိုက်ရပါတယ်ဆိုပြီး ထုတ်ပြောလာတဲ့ မိန်းမသားတွေကို ဘယ်လိုထင်ကြသလဲ။ ရသွားတဲ့ဒဏ်ရာက အချိန်ဘယ်လောက်ကြာမှ ပျောက်သွားမှာလဲ။ တကယ်ပဲ ပျောက်ရော ပျောက်သွားဦးမှာလား။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Pan ဖြစ်ပါတယ်

သိပ္ပံစိတ်ကူးယဉ်ဇာတ်ကားတွေကိုကြိုက်နှစ်သက်တဲ့ ရုပ်ရှင်ချစ်ပရိသတ်များအတွက် မကောင်းဘူးဆိုတဲ့အထဲမှာမပါတဲ့ ကြည့်ပျော်ရှုပျော်ရှိတဲ့ဇာတ်ကားလေးတစ်ကားကိုတင်ဆက်ပေးလိုက်ပါပြီ။ဇာတ်ကားနာမည်ကတော့ Distant ဖြစ်ပြီး လက်ရှိ IMDb Rating 5.7 အထိရရှိထားပါတယ်။အဓိကဇာတ်အိမ်တည်ထားတာကတော့ အာကာသထဲမှာမိုင်းတွင်းတူးတဲ့ယာဉ်ပျံကြီးတစ်စီးပျက်ကျပြီး ဘာမှန်းညာမှန်းမသိတဲ့ဂြိုလ်တစ်ခုအပေါ်ကိုရောက်သွားတာပဲဖြစ်ပါတယ်။ယာဉ်ပျံကြီးပျက်ကျတာဆိုးဝါးလွန်းတဲ့အတွက် အသက်ကယ်တောင့်တွေနဲ့တောင်မှ အသက်ရှင်ကျန်သူဆိုလို့ စစချင်းမှာအန်ဒီဆိုသူတစ်ယောက်ပဲရှိခဲ့ပါတယ်။လမ်းမှာတွေ့သမျှအသက်ကယ်ယာဉ်တောင့်တွေလည်းအကုန်စုတ်ပြတ်သတ်နေပြီး ဘယ်သူနဲ့မှလည်းဆက်သွယ်လို့မရခဲ့ပါဘူး။အသက်ရှင်ကျန်သူတစ်ယောက်နဲ့တွေ့ပေမဲ့လည်း လျှို့ဝှက်ဆန်းကြယ်စွာနဲ့ပဲ မျက်စိတစ်မှိတ်မှာတင်ပျောက်သွားတဲ့အတွက် ရူးချင်သလိုဖြစ်နေတဲ့ အန်ဒီလည်းကံကောင်းထောက်မချင်တော့ နာအိုမီဆိုတဲ့ကောင်မလေးတစ်ယောက်နဲ့အဆက်အသွယ်ရခဲ့ပါတော့တယ်။နာအိုမီကအသက်ကယ်တောင့်ထဲမှာခြေထောက်ညှပ်ပိတ်မိနေတာဖြစ်ပြီး အန်ဒီ့ကိုအကူအညီလှမ်းတောင်းတဲ့အတွက် အန်ဒီတစ်ယောက် သူ့ရဲ့ကျန်ရှိတဲ့ လက်ကျန်အောက်ဆီဂျင်လေးကို နာအိုမီ့ကိုကယ်ဖို့သုံးမလား ယာဉ်ပျံပျက်ကြီးဆီသွားပြီး သူ့ကိုယ်သူကယ်တင်ဖို့သုံးသွားမလားဆိုတာကို စိတ်ဝင်စားစရာရှုစားရမဲ့ ဇာတ်ကားကောင်းလေးတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

မလေးရှားက ဒီနှစ်ထဲအားကစားကားတွေအများကြီးထွက်လာပါတယ် နောက်ထပ်ဖြစ်ရပ်မှန်အခြေပြုအားကစားဇာတ်လမ်းပါ 2013 မြန်မာနိုင်ငံမှာ ကျင်းပတဲ့ ဆီးဂိမ်းပြိုင်ပွဲမှာ အစ်ဇတီတို့ မလေးရှားအသင်းက ကြေးတံဆိပ်နဲ့ ကျေနပ်ခဲ့ရပြီး အသင်းအတွင်းပဋိပက္ခတွေ ဆက်တိုက်ဖြစ်လာပါတယ် အချင်းချင်းမကျေနပ်မှုတွေနဲ့ လုပ်ဆောင်ချက်တွေ ကျလာပြီး အဆင်မပြေဖြစ်လာတော့ နည်းပြလုပ်တဲ့သူတွေ တစ်ဦးချင်းပြဿနာအပေါ် အဖြေရှာရပါပြီ ကံကောင်းစွာနဲ့ လူသစ်တစ်ယောက်ထပ်ရပေမယ့် လူသစ်က အိန္ဒိယလူမျိုးဖြစ်နေပြီး စည်းစနစ်တကျမသင်ခဲ့ရတော့ ထပ်တိုးပြဿနာနဲ့ ရင်ဆိုင်ရပြန်ပါတယ် USကပြန်လာတယ်ဆိုပြီး မာနကြီးနေတဲ့ ချန်တယ်ကလည်း အသင်းမှာမျိုးစုံံ မွှေပါတော့တယ် တကယ်တော့ အကုန်လုံးက ဖြေရှင်းရမယ့်ကိုယ်ပိုင်ပြဿနာလေးတွေရှိနေကြတာပါ သူတို့ဖြေရှင်းနိုင်မလား ၂နှစ်အကြာ ၂၀၁၅ ခုနှစ်စင်္ကါပူမှာကျင်းပတဲ့ဆီးဂိမ်းမှာ မလေးရှားက ဘယ်လိုအလှည့်အပြောင်းတွေနဲ့ ရွှေတံဆိပ်ဆုကို ရသွားမလဲ... မလေးရှားနိုင်ငံတော်သီချင်းက မှားယွင်းပြန်ဆိုမိသော် ဘာသာပြန်သူရဲ့ အားနည်းချက်ပါဗျ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Sora ဖြစ်ပါတယ်

ဒီဇာတ်လမ်းလေးဟာဆိုရင် ဇာတ်နိမ့်ဇာတ်မြင့်ခွဲခြားမှုတွေကြောင့် လူတစ်ယောက်ရဲ့ဘဝက ဘယ်လောက်အထိပြောင်းလဲသွားနိုင်လဲဆိုတာကို ပညာပေးရိုက်ကူးထားတာဖြစ်ပါတယ်။ ဇာတ်နိမ့်တွေကို ဇာတ်မြင့်တွေနဲ့ တစ်တန်းတည်းအတူမထားရဘူးဆိုတဲ့ ရှေးရိုးအစဉ်အလာကြောင့် ဇာတ်နိမ့်တွေခမျာ အလုပ်လည်းကောင်းကောင်းမလုပ်ရသလို ပညာလည်း သင်ယူခွင့်မရကြရှာပါဘူး။ သူတို့ရဲ့မသိနားမလည်မှုကြောင့် ရွာထဲမှာ ကူးစက်ရောဂါတွေ ဖြစ်နေရတာကိုလည်း မသိဘဲ မယ်တော်က ဒဏ်ခတ်နေတာလို့ပဲ ယုံကြည်ထားကြတဲ့ရွာသားတွေက မယ်တော့်ကို ယဇ်ပူဇော်ဖို့အတွက် သိုးတစ်ကောင်ကို ၁၂နှစ်တိတိ ကျွေးမွေးစောင့်ရှောက်ခဲ့ကြတယ်။ ဒါပေမဲ့ ယဇ်ပူဇော်ပွဲမလုပ်ခင် နှစ်လအလိုမှာပဲ အဲ့ဒီသိုးက ပျောက်သွားခဲ့ရတဲ့အခါ သိုးထိန်းဖြစ်တဲ့ ဂန်ဂါကိုပဲ ရွာသားတွေက ဝိုင်းအပြစ်တင်ကြတော့တာပေါ့။ သူ့အပေါ်အာခံနေတဲ့ ဂန်ဂါရဲ့လုပ်ရပ်တွေကို မနှစ်မြို့တဲ့ ဇာတ်မြင့်အကြီးအကဲကလည်း သိုးကိုရှာမတွေ့ရင် သူ့သမီးကို ယဇ်ပူဇော်လိုက်မယ်ဆိုပြီး ခြိမ်းခြောက်ပါတော့တယ်။ ဂန်ဂါတစ်ယောက် သူ့သမီးကိုကယ်တင်ဖို့အတွက် အခက်အခဲတွေကြားက ဘယ်လိုရုန်းကန်မလဲ။ သူဖြစ်စေချင်တဲ့အတိုင်း ရွာသူရွာသားတွေရဲ့အယူသီးမှုကိုရော ဖယ်ရှားပစ်နိုင်ပါ့မလား။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

အခုတင်ဆက်ပေးမဲ့ 2073 ဆိုတဲ့ဇာတ်ကားလေးကတော့ ဇာတ်ကားလို့တောင်ပြောလို့ရပါ့မလားမသိပါဘူး။ဘာလို့လဲဆိုတော့ ဒီထဲမှာအဓိကတွေ့မြင်ရမှာက သာမန်မြင်တွေ့နေရသလို မင်းသားမင်းသမီးတွေ စကားပြောနေကြတာမျိုးမဟုတ်ပဲ လက်ရှိ ကမ္ဘာပေါ်မှာဖြစ်ပျက်နေတဲ့ အရင်တုန်းကဖြစ်ပျက်ခဲ့တဲ့ နိုင်ငံရေးအကြောင်းတွေကို အဓိကထားပြီး အောက်ခြေကလူတွေသတိထားသင့်တဲ့ သတိပြုသင့်တဲ့ ပြဿနာတွေ အထက်ကလူတွေရဲ့အကြောင်းတွေ ကမ္ဘာပေါ်မှာ အချမ်းသာဆုံး အာဏာအရှိဆုံး သူဌေးကြီးတွေရဲ့အကြောင်းတွေကိုချက်ကျလက်ကျပေါင်းစပ်ပြသထားလို့ပဲဖြစ်ပါတယ်။ဒီထဲမှာကမ္ဘာလုံးဆိုင်ရာနဲ့ပတ်သတ်တဲ့အတွက် နိုင်ငံတွေတော်တော်များများအကြောင်းအစုံအလင်ပါဝင်ပြီး အနည်းအကျဉ်းတော့ ကိုယ်မသိသေးတဲ့ဗဟုသုတတွေရနိုင်တဲ့အတွက် စိတ်ဝင်စားရင်ရှုစားကြည့်ဖို့ညွှန်းပေးလိုက်ချင်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

Philomena Cunk ရဲ့ Mockumentary တွေကို ကြိုက်နှစ်သက်ကြတဲ့လူတွေအတွက် Cunk က တစ်ဖန်ပြန်ရောက်လာပြန်ပါပြီ။ ဒီတစ်ခါမှာတော့ သူမရဲ့ ရှာဖွေမှုက ဘဝရဲ့အဓိပ္ပါယ်ဆိုတာ ဘာလဲတဲ့။ ဒီကမ္ဘာကြီးက ပျက်စီးယိုယွင်းစပြုလာပြီး လူသားတွေကို စက်ယန္တရားတွေနဲ့ တဖြေးဖြေး အစားထိုးလာကြပါပြီ။ ကွန်ပြူတာတွေ အေအိုင်တွေနဲ့.. လူသားတွေအတွက် ဘဝကြီးရဲ့ အဓိပ္ပါယ်က ဘာလဲလို့ မေးခွန်းထုတ်စရာ ဖြစ်လာတယ်။ ဒါကို Cunk က ကွမ်တမ်ရူပဗေဒ၊ နတ္ထိဝါဒ၊ အတ္တဘဝအမှန်ဝါဒ စသဖြင့်.. စသဖြင့်.. ရှုပ်ထွေးလှတဲ့ အယူအဆတွေ သဘောတရားတွေကို ဖြေရှင်းမှုပြုရင်း သူမရဲ့ရှာဖွေမှုကို ပြုလုပ်ပြပါလိမ့်မယ်။ ဘစ်ဘန်းမဟာပေါက်ကွဲမှုကြီး အကြောင်းက စလို့ လူ့ခန္ဓာကိုယ် ဇီဝဗေဒအကြောင်း၊ ဘုရားသခင်ရဲ့ ဖန်ဆင်းမှုတွေအကြောင်း၊ အနုပညာလက်ရာတွေအကြောင်း အစရှိတဲ့ ကိစ္စရပ်တွေကို သူမနဲ့အတူတူ စူးစမ်းရင်း ဘယ်နာမည်ကျော်တွေကို roast ဦးမလဲဆိုတာ ကြည့်ရှုလိုက်ပါဦး။ အညွှန်းနဲ့ ဘာသာပြန်ကိုတော့ Leon K Zaw ကတင်ဆက်ထားပါတယ်။

အာရှ Horror ဇာတ်ကားလို့ပြောလိုက်ရင် ဒီနောက်ပိုင်း အရည်အသွေးပိုကောင်းလာတဲ့ အင်ဒိုနီးရှား Horror ဇာတ်ကားတွေကလည်း မပါမဖြစ်ပါပဲ။ထိုင်းတွေလိုပဲ‌ ရိုးရာတွေ နတ်တွေနဲ့ပတ်သတ်တဲ့ Horror ဇာတ်ကားတွေကိုအမှီလိုက်ရိုက်ကူးနိုင်ခဲ့တဲ့အတွက် လူကြိုက်များနေရတာလည်းမဆန်းပါဘူး။အခုတစ်ခါမှာလည်း Thaghut ဆိုတဲ့ အင်ဒို Horror ဇာတ်ကားတစ်ကားကိုတင်ဆက်ပေးမှာဖြစ်ပြီး လက်ရှိ IMDb Rating 7.1 အထိ ရရှိထားတဲ့အတွက် ကြည့်မကောင်းမှာတော့စိတ်ပူနေစရာကိုမလိုပါဘူး။ဒီဇာတ်လမ်းကို အစပိုင်းမှာ နွန် ရင်းနဲ့ ဂက်စ်ဆိုတဲ့ ဘော်ဒါကျောင်းမှာနေထိုင်တဲ့ သူငယ်ချင်း ၃ ယောက်နဲ့အစပျိုးထားတာကိုမြင်တွေ့ရမှာဖြစ်ပါတယ်။နွန်ကတော့ တီဗီကနေလွှင့်တဲ့ အဘာမူလီယာဆိုတဲ့ အရာအားလုံးကိုကုသပေးနိုင်တဲ့လူတစ်ယောက်ကိုအရမ်းအားကျနေပြီး အဲ့လိုဖြစ်ချင်နေသူတစ်ယောက်ဖြစ်ပါတယ်။ဖြစ်ချင်တော့သိပ်မကြာခင်မှာပဲ အားလုံးကိုကုသပေးနိုင်တဲ့အဘာက သူ့ကိုယ်သူတော့မကုသနိုင်ပဲသေဆုံးသွားခဲ့တဲ့အပြင် သူ့အဖေဖြစ်နေဆိုတဲ့လျှို့ဝှက်ချက်ကိုပါသိလိုက်ရပါတော့တယ်။ဒီလိုနဲ့အဖေအကြောင်းကိုသေမှသိရတဲ့ နွန်က သူငယ်ချင်းတွေနဲ့အတူတူ ဈာပနတက်ရောက်ဖို့သွားခဲ့ကြပါတယ်။ဒါပေမယ့် အဖေဖြစ်သူရဲ့အကြောင်းကိုဒီထက်ပိုနက်နက်နဲနဲသိချင်နေတဲ့နွန်နဲ့ အဲ့ဒီနေရာကြီးရဲ့မကောင်းတဲ့အကြံအစည်တွေနဲ့ပေါင်းစည်းသွားတဲ့အခါမှာတော့ ဘယ်လိုကြောက်မက်ဖွယ်ရာတွေကြုံတွေ့ရဦးမယ်ဆိုတာကို စိတ်လှုပ်ရှားစွာရှုစားရမဲ့ဇာတ်ကားကောင်းလေးတစ်ကားပဲဖြစ်ပါတယ်။ ဒီဇာ

ကထိကဆရာဘာကတီက စာသင်ကြားရမှာ စည်းကမ်းတင်းကျပ်လွန်းသူပါ သူ့ရဲ့ အဲဒီတင်းကျပ်မှုတွေကြောင့် သမီးဖြစ်သူနီဆာက သူ့ကိုယ်သူသတ်သေသွားခဲ့လို့ ကျောင်းဝန်းထဲမှာ "လူသတ်သမား"ဆရာလို့ နာမည်ကြီးပါတယ် အာမယ်လ်တို့သူငယ်ချင်းလေးယောက် ကံဆိုးစွာနဲ့ပဲ ဆရာဘာကတီရဲ့ဘာသာကိုမှကျပါသတဲ့ သူတို့အရမ်းကြောက်ရပြီး ကောလဟလတွေ ပြည့်​နေတဲ့အဲဒီဆရာနဲ့မှ အချိန်ပိုပြန်တက်ရတော့မှာပါ တိတ်ဆိတ်နေတဲ့ကျောင်းဝန်းကြီးထဲ ည၇နာရီအချိန်မှာ အချိန်ပိုအတန်းတက်တော့ နောက်ကျခဲတဲ့ကထိကဆရာက အတော်လေးနောက်ကျမှ ရောက်လာပါတယ် စာသင်ချိန်၂နာရီအတွင်း အတန်းထဲကမထွက်ရဘူးလို့ ပြောပြီးစာစသင်တော့မလို့ပြင်တုန်း အဖွဲ့လိုက်စကားပြောခန်းမှာ စာရောက်လာတာက သူတို့ကထိကဆရာက နေ့လည်မှာ ကားမတော်တဆမှုနဲ့ ဆုံးပါးသွားတဲ့အကြောင်းပါ ကဲ ဘာတွေဆက်ဖြစ်မလဲ ၂နာရီမတိုင်ခင်ထွက်ပြေးခဲ့လို့ ဆရာရဲ့ကျိန်စာသင့်ပြီလား ဘာကတီကရော ဘာ​တွေစွဲလမ်းပြီးသရဲ​ဖြစ်ရတာလဲ သူ့သမီးနီဆာသေရတာတကယ်ပဲ သူ့ကြောင့်လား... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Sora ဖြစ်ပါတယ်

ဒီတစ်ခါတင်ဆက်ပေးမယ့် ဇာတ်ကားလေးကတော့ သိပ်မကြာခင်ကမှ ထွက်ရှိထားတဲ့ Indian Thriller/Drama ဇာတ်ကားကောင်းလေးဖြစ်တဲ့ Tekka(2024) ပဲဖြစ်ပါတယ် IMDb 6.2/10 ရရှိထားပြီး လူမျိုးရေးခွဲခြားမှု လူတန်းစားခွဲခြားမှုကြားမှာ မြေစာပင်ဖြစ်ခဲ့ရတဲ့ လူတစ်ဦးရဲ့ လက်တုံ့ပြန်မှုကို ပုံဖော်ရိုက်ကူးထားတာပဲဖြစ်ပါတယ် ဇာတ်လမ်းအကျဉ်းကတော့ လူတန်းစားခွဲခြားမှုကြောင့် ဒိုင်းမွန်းကုမ္ပဏီကနေ အလုပ်ပြုတ်ခဲ့ရတဲ့ အီကလက်အာလန်တစ်ယောက် အလုပ်ပြန်ရဖို့ ကလေးတစ်ဦးကို ပြန်ပေးဆွဲခဲ့ပါတယ် သူ့တောင်းဆိုချက်က သူ့ကို ဒီအလုပ်မှာ ပြန်ခန့်ပေးဖို့ဆိုတဲ့ အကြောင်းပြချက်တစ်ခုပါပဲ သမီးဖြစ်သူ ပြန်ပေးဆွဲခဲ့ရတာကို သိသွားတဲ့ မိခင်ဖြစ်သူ အီရာတစ်ယောက်လည်း အီကလက်ရဲ့သားဖြစ်သူကို ထပ်မံပြန်ပေးဆွဲပြီး လက်တုံ့ပြန်ခဲ့ပါတယ် မိဘနှစ်ယောက်ကြားက သားသမီးတွေအတွက် လက်တုံ့ပြန်မှုတွေကို ရင်ခုန်စိတ်လှုပ်ရှားဖွယ်ကြည့်ရှုရမယ့်အပြင် ရဲမေ မာယာရဲ့ ပြန်ပေးသမားတွေနဲ့ အပေးအယူ ညှိနှိုင်းမှုတွေကိုလည်း မျက်ဝါးထင်ထင်တွေ့မြင်ရင်း မမျှော်လင့်ထားတဲ့ အခြေအနေတွေကို စိတ်ဝင်တစားကြည့်ရှုရမှာဖြစ်လို့ လက်မလွှတ်တမ်းစောင့်ကြည့်ပေးကြပါဦးရှင့် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Lynn Haymann ဖြစ်ပါတယ်

၂၀၂၄ ခုနှစ်ရဲ့ရုပ်ရှင်ကားပေါင်းများစွာထဲက သေချာပေါက် ကြည့်သင့်တဲ့ ရုပ်ရှင်တစ်ကားကို တင်ဆက်လိုက်ပါတယ်။ ဒီရုပ်ရှင်ကတော့ ကမ္ဘာကျော် ဂီတပြဇာတ်ကြီး Wicked ကို ရုပ်ရှင်အဖြစ် ပြန်အသက်သွင်းထားတဲ့ Musical အမျိုးအစားရုပ်ရှင်ပါ။ ဒါရိုက်တာJon M. Chu ရိုက်ကူးထားပြီး Cynthia Erivo, Ariana Grande နဲ့ Michelle Yeoh တို့ ပါဝင်ထားပါတယ်။ ဒီဂီတဇာတ်လမ်းကို တေးရေးဆရာ Stephen Schwartz က စာရေးဆရာ Gregory Maguire ရဲ့ The Life and Times of the Wicked Witch of the West စာအုပ်ကို အခြေခံပြီးရေးသားခဲ့တာပါ။ အဲဒီစာအုပ်ရဲ့ မြစ်ဖျားခံရာဖြစ်တဲ့ မူလ Classic ရုပ်ရှင် ၁၉၃၉ ခုနှစ်ထွက် The Wizard of Oz ကားထဲက Dorathyလေး Oz တိုင်းပြည်မရောက်ခင် Timeline ကိုအခြေခံထားတယ်.. The Wizard of Oz ထဲက wicked witch of the west ဖြစ်တဲ့ စုန်းမကြီး အယ်ဖာဘာရဲ့ မူလ အော်ရယ်ဂျင်နောက်ခံ ဇာတ်ကြောင်းနဲ့ ဗီလိန်တစ်ယောက် ဘယ်လိုဖြစ်လာလဲဆိုတာကို Prequel Film အနေနဲ့ ရိုက်ထားတာဖြစ်ပါတယ်။ ဒီရုပ်ရှင်အကျဉ်းကတော့... လူတွေအထင်လွဲပြီး ကြောက်ကြတဲ့ အစိမ်းရောင် မှော်ဆရာမလေး အယ်ဖာဘာ နဲ့ လူတိုင်းချစ်ကြတဲ့ ကောင်မလေး ဂလင်ဒါတို့ မှော်ကျောင်းကြီးမှာ သူငယ်ချင်းဖြစ်သွားကြပါတယ်။ သူတို့နှစ်ယောက်ဟာ အော့ဇ်တိုင်းပြည်ရဲ့ မှော်ဆရာကြီးနဲ့ တွေ့ဖို့ သွားကြရင်း မထင်ထားတဲ့ စွန့်စားခန်းတွေ ဖြစ်ပေါ်လာပုံနဲ့ ကြောက်စရာစုန်းမဆိုးကြီး ပေါ်ပေါက်လာပုံကို ပြသထား

ဒီရုပ်ရှင်ဇာတ်လမ်းကတော့ ဒုတိယကမ္ဘာစစ်ရဲ့ နော်ဝေတော်လှန်ရေးခေါင်းဆောင် ‘ဂွန်နာဆွန်စတက်ဘီ’ ရဲ့ အကြောင်းကို ရိုက်ကူးတင်ဆက်ထားတာဖြစ်ပါတယ်။ ဆွန်စတက်ဘီက နော်ဝေနိုင်ငံသားတွေထဲမှာ အလေးစားထိုက်ဆုံး ဂုဏ်သရေရှိပုဂ္ဂိုလ်တစ်ဦးဖြစ်ပြီး စစ်တပ်ကချီးမြှင့်တဲ့ War cross ဆုတံဆိပ်မှာဆိုရင် ဓားသုံးလက်ပါရှိတဲ့ဆုကို သူတစ်ဦးတည်းကသာ ရရှိခဲ့တာဖြစ်ပါတယ်။ ဆွန်စတက်ဘီက ပို့ချမှုတစ်ခုပြုလုပ်ရင်း အတိတ်က သူ့ရဲ့ တော်လှန်ရေးခရီးကြမ်းကို ပြန်ပြောင်းအမှတ်ရတဲ့ပုံစံမျိုး တင်ဆက်ထားတာဖြစ်တယ်။ ဆွန်စတက်ဘီဟာ စစ်ပညာကို မသင်ယူခဲ့ဖူးပါဘဲနဲ့ သူဟာ တော်လှန်ရေးခေါင်းဆောင် တစ်ယောက်ဖြစ်လာခဲ့တယ်။ နာဇီတွေက သူဘယ်သူလဲဆိုတာကိုသိရဖို့အတွက် သူ့ရဲဘော်ရဲဘက်များစွာကို ညှင်းပန်းနှိပ်စက်ခဲ့ပြီးနောက် သူထွက်ပြေးရတဲ့အကြောင်းတွေ၊ စစ်ဆင်ရေးဖော်ဆောင်ပုံတွေကို ပြသထားတယ်။ ယနေ့ခေတ်လူငယ်တွေက သူ့ရဲ့ တချို့တချို့သော လုပ်ရပ်တွေအတွက် ဘာလို့အကြမ်းမဖက်တဲ့နည်းလမ်းကို မရွေးချယ်တာပါလဲလို့ မေးလာတဲ့အခါမှာတော့ သူ့ရဲ့ အဖြေကဘယ်လိုဖြစ်မလဲ။ အညွှန်းနဲ့ ဘာသာပြန်ကိုတော့ Leon K Zaw ကတင်ဆက်ထားပါတယ်။