ရုပ်ရှင်အသစ်များ

Martin Scorsese ထုတ်လုပ်ပြီး Rodrigo Cortes ရိုက်ကူးတဲ့ Thriller/ Comedy စပိန်စကားပြော ရုပ်ရှင်ဇာတ်ကား ဖြစ်ပါတယ်။ ကိုယ်ဝန်လွယ်ထားတဲ့ ချစ်ရသူဇနီးဆုံးပါးပြီး ၁၀လအကြာ ... ‘အန်’တစ်ယောက် ဘဝမှာဘာကိုမှ ဆုံးဖြတ်ချက်မချချင်တော့ဘဲ သူ့ရဲ့လွတ်လပ်ခွင့်ကို လက်လွှတ်ဖို့ ဆုံးဖြတ်ချက်ချလိုက်ပါတော့တယ်။ သူ့ဘေးမှာရှိနေပေးတဲ့ ညီမလုပ်သူနဲ့ စိတ်ရောဂါကုဆရာဝန်တို့လည်း စိတ်ပျက်ရုံမှအပ သူတို့လည်းဘာမှမလုပ်ပေးနိုင်ကြတော့ဘူး။ အန်က သူ့ဘဝကို အကျဉ်းထောင်ထဲမှာပဲ ကုန်ဆုံးချင်တယ်ဆိုပြီး ထောင်ကျနိုင်မယ့် ပြစ်မှုမှန်သမျှ ကျူးလွန်တော့တယ်။ ညီမလုပ်သူက သူထောင်မကျရေး အသည်းအသန်လိုက်ကြိုးပမ်း၊ သူက ထောင်ဒဏ် နှစ်များများကျဖို့အတွက် စဉ်းစားမိသမျှ အကုန်လုပ်နဲ့။ အမှုတွေဘယ်လောက်ထိ သူကျူးလွန်မလဲ။ သူ့ဆန္ဒတွေ ပြည့်မြောက်မလားဆိုတာကတော့...။ အညွှန်းနဲ့ ဘာသာပြန်ကိုတော့ LYKZ က တင်ဆက်ထားပါတယ်။

Balcony (လသာဆောင်)ကနေ ကြည့်နေပြီး ကိုယ်တိုင်လှုပ်ရှားတာထက် သူများကို မှတ်ချက်ပေးပြီး ဘဝကို ဖြတ်သန်းနေတဲ့အကြောင်းကို သရော်ထားတဲ့ Dark Comedy အမျိုးအစား ပြင်သစ်ရုပ်ရှင်ပါ။ Social Media မှာ Spectator ဖြစ်နေတာကို ဆက်စပ်သရော်ထားပါတယ်။ ပြင်သစ်နိုင်ငံမှာ အပူလှိုင်းဖြတ်နေစဉ်အတွင်း Marseille မြို့လေးက သူငယ်ချင်း မိန်းကလေးသုံးယောက်အကြောင်းကို သရုပ်ဖော်ထားတာပါ။ ရူဘီက social media မှာအစွန်းရောက်ဖျော်ဖြေချင်တဲ့သူ၊ နီကိုးလ်က စာရေးဆရာ၊ အယ်လိစ်က သရုပ်ဆောင်...သူတို့သုံးယောက်က ပူနေတုန်း တစ်အိမ်ထဲမှာလာစုပြီး မျက်နှာချင်းဆိုင်အိမ်က ယောကျာ်းကို လသာဆောင်ပေါ်ကနေ စပ်စုတွတ်ထိုးနေကြတာပါ။ ဒီလိုနဲ့ အဲဒီယောကျာ်းနဲ့ခင်သွားရာကနေ သူ့အိမ်ကို အလည်သွားပြီး ခြောက်ခြားဖွယ်ရာ အဖြစ်ဆိုးနဲ့ကြုံရမှာပါ။ အကြောင်းရင်းမသိဘဲ ဒီပြဿနာကို ဖြေရှင်းဖို့ကြိုးစားရင်း သူတို့ဘဝကိုပြောင်းလဲစေမယ့် အတွေးတွေဝင်လာတာကိုပါ မြင်ရပါမယ်။ ပြင်သစ်ကားတွေထုံးစံအတိုင်း nude scenes တွေပါတာမို့ မိသားစုနဲ့ကြည့်ဖို့ မသင့်တော်ပါဘူး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဇာတ်လမ်းစစချင်း ရွာတစ်ရွာရဲ့ ငွေရှင်ကြေးရှင်လို့ထင်ရသူ သခင်ကန့်ဆိုသူရဲ့ စပါးကျီက မီးလောင်ပါတယ်။ မီးရှို့တဲ့လူတွေက ရွာရဲ့ကာလသားတွေဖြစ်ကာ မှိုစားပြီး ရှို့လိုက်ကြတာဖြစ်တယ်။ ဒါကိုတော့ ဝေါ်တာဆိုတဲ့ ဇာတ်လိုက်တစ်ဦးတည်းကသာ သိထားတာဖြစ်တယ်။ ဒီလိုနဲ့ သိပ်မကြာဘူး... သခင်ကန့်ဆီကို မြေပုံရေးဆွဲသူတစ်ဦး ရောက်လာကာ သူတို့ရွာရဲ့ မြေမျက်နှာသွင်ပြင်တွေကို လိုက်လံမှတ်သားပြီး အမည်ပေးတဲ့အလုပ်တွေကို လုပ်ပါတော့တယ်။ သူနဲ့ရှေ့ဆင့်နောက်ဆင့်ဆိုသလို လူစိမ်းသုံးဦးကလည်း ရွာအနီးကိုရောက်လာပါတော့တယ်။ ရွာကမွေးထားတဲ့ ကြက်တွေငှက်တွေကို ဖမ်းစားတဲ့အတွက် သခင်ကန့်က ဦးစီးဦးဆောင်ပြုပြီး ယောက်ျားသား ၂ဦးကို ထိပ်တုံးခတ်အပြစ်ပေးလိုက်တယ်။ အမျိုးသမီးကိုတော့ ကတုံးတုံးပြီး လွှတ်ပေးလိုက်တော့တယ်။ သူ့စပါးကျီကိုလည်း ဒီလူတွေပဲ မီးရှို့တာဖြစ်ရမယ်လို့ စွပ်စွဲပြီး တစ်ရွာလုံးက သူတို့အပေါ်မောက်မာရိုင်းစိုင်းကြတော့တယ်။ ဒါကို ဇာတ်လိုက်က မတရားမှန်းသိပေမယ့် အမှန်ကိုထုတ်ပြောခြင်းလည်း မရှိခဲ့ဘူး။ ဒါက သူတို့ရွာလေးပျက်သုဉ်းခြင်းရဲ့ အစ ဖြစ်လာပါတော့တယ်။ သည်းထိတ်ရင်ဖိုအမျိုးအစား မဟုတ်ဘဲ ဒရမ်မာဖြစ်ပါတယ်။ အညွှန်းနဲ့ ဘာသာပြန်ကိုတော့ LYKZ က တင်ဆက်ထားပါတယ်။

ပုရိသတွေအသည်းစွဲ မင်းသမီးလေး Sydney Sweeney ပါဝင်သရုပ်ဆောင်ထားတဲ့ ကားလေးလာပါပြီ။ လူသဘော လူ့မနော လူတွေရဲ့ ဗီဇစရိုက်တွေကို မကွယ်မဝှက်ဘဲမြင်ရမယ့် ဖြစ်ရပ်မှန်ကိုအခြေခံထားတဲ့ ဇာတ်ကားလေးတစ်ခုပါ။ ဇာတ်လမ်းအစမှာ တတိယကမ္ဘာစစ်ကြီးအပြီး အဖက်ဖက်မှာ ဆုတ်ယုတ်လာတဲ့ လူသားတွေနဲ့ လောကကြီးကို စိတ်ကုန်လာတဲ့ ဒေါက်တာ ဖရစ်ဒရစ် ရီတာနဲ့ ပါတနာ ဒိုရာတို့ဟာ လူသူမရှိတဲ့ နေရာတစ်ခုမှာ သီသန့်အခြေချဖို့ ဖလော်ရီရန်နာ ကျွန်းကိုရောက်လာရာကစပါတယ်။ ကျွန်းပေါ်မှာ သီးသန့်နေထိုင်ရင်း သူ့ရဲ့ဝါဒနဲ့ ပတ်သက်ပြီး လူထုကိုအသိပညာပေးဖို့ဆိုပြီး ဒေါက်တာရီတာက စာအုပ်တစ်အုပ်ရေးသားပါတယ်။ ရေးသားပြီး စာတိုက်ကနေ ကမ္ဘာပေါ်က စာနယ်ဇင်းတိုက်တွေစီ ပို့ရာမှ ဒေါက်တာရီတာရဲ့ အယူအဆတွေ နေပုံထိုင်ပုံတွေဟာ လူတွေရဲ့ စိတ်ဝင်စားမှုကိုခံလာရပါတယ်။ ဒါကို ဒေါက်တာရီတာက မသိပါဘူး။ ဒီလိုနဲ့ တစ်နေ့မှာ ရီတာရဲ့ အတွေးအခေါ်တွေကို အရမ်းလေးစားတဲ့ ဝစ်မန်းတို့မိသားစုဟာ ရီတာတို့ရဲ့ ကျွန်းပေါ်ကို အခြေချဖို့လိုက်လာပါတယ်။ သီးသန့်နေချင်လို့ ကျွန်းပေါ်ပြောင်းနေပါတယ်ဆိုမှ သူ့နောက်လိုက်လာတဲ့လူတွေရှိတာကို ရီတာက မကြိုက်ပါဘူး ဒါကြောင့် ‌ရောက်လာတဲ့ ဝစ်မန်းတို့ကို ပညာပြပါတော့တယ်။ ဒီအချိန်မှာ ‌ကျွန်းမှာ အပန်းဖြေစခန်းဆောက်မယ်ဆိုပြီး မြို့ဝန်ကတော် တစ်ယောက်က ရောက်ချလာပြန်ပါတယ်။ သူတို့သုံးဦးရဲ့ ပြိုင်ဆိုင်မှုတွေ၊ သစ္စာဖောက်မှူတွေ လူတွေရဲ့ ကောက်ကျစ်မှုတွေ ဖုံးကွယ်မထားတဲ့ လူ့သဘော စရိုက်တွေကို

ဒီဇာတ်ကားက နက်တလီဆိုတဲ့ မိန်းကလေးတစ်ယောက်အကြောင်းပေါ့။ သူက အိမ်အသစ်တစ်လုံးကို လာကြည့်တယ်။ အဲဒီအိမ်က နှစ်ပေါင်းများစွာကြာအောင် ရောင်းမထွက်ဘဲဖြစ်နေတာ။ အရင်ပိုင်ရှင်တွေက အဲဒီအိမ်မှာပဲ သေဆုံးခဲ့ကြပြီး ထူးဆန်းတဲ့ ဖြစ်ရပ်တွေလည်း အများကြီးဖြစ်ခဲ့ဖူးတယ်လို့ သိရတယ်။ နက်တလီ အိမ်ထဲရောက်ပြီး မကြာခင်မှာပဲ ထူးဆန်းတဲ့အရာတွေ စဖြစ်လာတယ်။ အိမ်က သူ့ကို ခြောက်လှန့်နေသလိုမျိုး ခံစားရတယ်။ ဖုန်းဆက်ပြီး အကူအညီတောင်းပေမဲ့ ဘယ်သူမှ မယုံကြဘူး။ နောက်ဆုံးတော့ ရဲတစ်ယောက်ရောက်လာပြီး နက်တလီကို ကူညီဖို့ ကြိုးစားတယ်။ ဒါပေမဲ့ ရဲကလည်း အိမ်ထဲမှာပဲ ပျောက်သွားတယ်။ နက်တလီက အိမ်ထဲကနေ ထွက်ပြေးဖို့ ကြိုးစားရင်း အသက်ရှင်ဖို့ ရုန်းကန်ရတယ်။ အဲဒီအိမ်ထဲမှာပဲ ကလေးမွေးဖွားခဲ့ရတယ်။ ဆေးရုံရောက်တော့ နက်တလီကို တိုက်ခိုက်ခဲ့တဲ့သူက လုံခြုံရေးအမြင့်ဆုံး စိတ်ရောဂါကုဆေးရုံကနေ ထွက်ပြေးလာတဲ့သူဖြစ်ပြီး သူက ၁၉၂၉ ခုနှစ်မှာ အဲဒီအိမ်မှာ မွေးခဲ့တယ်လို့ သိရတယ်။ သူက အိမ်ကို စွဲလမ်းနေပြီး အိမ်ရှိနေသရွေ့ သူလည်း ရှိနေဦးမယ်လို့ ထင်နေတာ။ နက်တလီဟာ ဒီထူးဆန်းတဲ့အခြေအနေတွေကြားကနေ ဘယ်လိုရုန်းထွက်ပြီး သူ့ကလေးကို ကာကွယ်မလဲဆိုတာကို ဒီဇာတ်လမ်းမှာ ကြည့်ရှုရမှာဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yin Yin Mon ဖြစ်ပါတယ်

ဇာတ်ကားက ထူးဆန်းတဲ့ ကပ်ရောဂါတစ်ခုကြောင့် လူတွေရဲ့အရေပြားတွေ ပုံမှန်မဟုတ်ဘဲ ပြောင်းလဲလာပြီး ပတ်ဝန်းကျင်နဲ့ ပေါင်းစပ်သွားတဲ့အကြောင်း ရိုက်ပြထားပါတယ်။ ဒီရောဂါကူးစက်ခံရတဲ့သူတွေဟာ သေဆုံးသွားတာမဟုတ်ဘဲ၊ ပုံစံပြောင်းလဲပြီး သတ္တဝါတွေအဖြစ် ပြန်လည်မွေးဖွားလာကြပါတယ်။ ဇာတ်လမ်းအစမှာ ဟန်စ်နဲ့ ကက်ဆန်ဒရာတို့ဟာ လိင်ပိုင်းဆိုင်ရာစစ်တမ်းတစ်ခုကနေစပြီး ဆက်သွယ်မိကြပါတယ်။ ကက်ဆန်ဒရာဟာ မသန်စွမ်းကလေးတွေကို စောင့်ရှောက်သူဖြစ်ပြီး ဟန်စ်ကတော့ မသန်စွမ်းသူတစ်ယောက်ပါ။ ကပ်ရောဂါစဖြစ်လာတော့ အစိုးရကအပြင်မထွက်ရအမိန့်ထုတ်ပြီး စစ်တပ်က လုံခြုံရေးယူပါတယ်။ လူတွေဟာ အိမ်ထဲမှာပဲ ပိတ်မိနေပြီး တစ်ယောက်နဲ့တစ်ယောက် အဆက်အသွယ်ပြတ်တောက်လာပါတယ်။ ဟန်စ်နဲ့ ကက်ဆန်ဒရာတို့ဟာ သူတို့ရဲ့တိုက်ခန်းထဲမှာ အတူနေရင်း ဒီထူးဆန်းတဲ့ကပ်ရောဂါကို ရင်ဆိုင်ကြရပါတယ်။ သူတို့ပတ်ဝန်းကျင်က လူတွေလည်း ကူးစက်ခံရပြီး ပုံစံပြောင်းလဲလာကြပါတယ်။ ဒီရောဂါက မျက်လုံးချင်းဆုံတာနဲ့ ကူးစက်နိုင်တယ်လို့ ယုံကြည်ကြပါတယ်။ သူတို့နှစ်ယောက်ဟာ အသက်ရှင်ဖို့အတွက် နည်းလမ်းမျိုးစုံရှာဖွေရင်း တစ်ယောက်ကိုတစ်ယောက် အားပေးကြပါတယ်။ ဇာတ်လမ်းရဲ့အဓိကအချက်ကတော့ လူသားတွေရဲ့ ကြောက်ရွံ့မှု၊ အထီးကျန်မှု၊ ပြီးတော့ အသက်ရှင်ရပ်တည်ဖို့အတွက် ဘယ်လိုပြောင်းလဲနိုင်လဲဆိုတာကို ပြသထားပါတယ်။အဆုတ်ငါးပုံပြင်ကို ပြောပြခြင်းအားဖြင့် အသက်ရှင်ဖို့အတွက် ဘယ်လိုစွန့်စားရဲရမယ်ဆိုတာကိုပုံဆောင်ထားပါတယ်။ နောက်ဆုံးမှာတော့ သူတိ

နင်မိုတို့မိသားစုလေးယောက်က ချစ်ချစ်ခင်ခင်ရှိပြီး သာယာတဲ့မိသားစုပါ။ အငယ်ဆုံးလေး နင်မို့ကို တစ်မိသားစုလုံးကဝိုင်းချစ်ကြတယ်။ တစ်နေ့ သူတို့မြို့ရဲ့ဝန်ကြီးချုပ်အသတ်ခံရပြီးနောက်ပိုင်း နေရာအနှံ့အဓိကရုဏ်းတွေဖြစ်လာကြတယ်။ အဲဒါနင်မိုတို့သားအမိလည်း ဘေးလွတ်ရာကိုကားနဲ့ထွက်ပြေးရင်း ဟာနာဆယ်အရောက်မှာ ကားမှောက်ပြီး နင်မိုကလွဲလို့ တစ်မိသားစုလုံးဆုံးပါးသွားတယ်။ ဂယောင်ဂတမ်းလျှောက်သွားရင်း လယ်ကွင်းထဲမှာ နင်မိုလည်းလဲကျသွားတယ်။ မနက်ကျ နင်မို့ကိုရမ်ဆင်းက ရှာတွေ့သွားပြီး အိမ်ကိုခေါ်သွားတယ်။ သူ့မိသားစုကိုရှာမတွေ့တာနဲ့မွေးစားလိုက်တယ်။ ရမ်ဆင်းနဲ့အန်ဂရယ်ဂျိုတို့လင်မယားက နင်မို့ကိုသမီးအရင်းလိုချစ်ကြပြီး ဆူဟာနီလို့နာမည်ပေးလိုက်တယ်။ ဆူဟာနီက ညဘက်တွေဆို အရင်မိသားစုအကြောင်းအိပ်မက်ဆိုးတွေမက်လေ့ရှိတယ်။ အဲဒီလိုနဲ့တစ်နေ့ သူမိသားစုကိုရှာဖို့ထွက်လာတဲ့အချိန်မှာ ဘာဆက်ဖြစ်မလဲဆိုတာတော့ ဒီကားထဲမှာစောင့်ကြည့်ပေးကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

လျှို့ဝှက်ဆန်းကြယ်ပြီး သည်းထိပ်ရင်ဖိုဖြစ်ရတဲ့ ဇာတ်ကားတွေကြိုက်လား ဒါဆိုရင်တော့ " Kanika 2025 " ကိုညွှန်းပေးပါရစေ ချစ်သူ့ရဲ့အလှည့်စားခံရပြီး မိမိကိုယ်ကိုအဆုံးစီရင်သွားတဲ့ သခင်မလေးကာနီကာ ပူဗရာရှီအိမ်တော်ကြီးမှာ သခင်မလေးရဲ့ဝိညာဉ်ဟာ သူ့ချစ်သူ့ကိုစောင့်မျှော်နေခဲ့ပါတယ် တစ်ဘက်မှာလည်း ဒီဆန်းကြယ်တဲ့အကြောင်းအရာကို စာရေးဆရာမတစ်ဦးက စာအုပ်ထုတ်ရေးသားဖို့လုပ်ခဲ့ပါတယ် ဒီအခါမှာ ကာနီကာသေဆုံးမှုရဲ့ဖြစ်ရပ်မှန်ကဘာလဲ ချစ်သူကဘယ်လိုလှည့်စားထားခဲ့လဲ ? ဒါတွေကို တဖြည်းဖြည်းသိလာရပြီး ကာနီကာဝိညာဉ်က အကူအညီတောင်းခံလာတဲ့အခါ... စာရေးဆရာမလေးဘယ်လိုဖြေရှင်းဖော်ထုတ်သွားမလဲဆိုတာကို စိတ်ဝင်တစားကြည့်ရှုရမှာမို့ လက်မလွှတ်သင့်တဲ့ ဇာတ်ကားကောင်းလေးပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ပြင်သစ်စကားပြော Thriller/ Crime ရုပ်ရှင်အမျိုးအစားဖြစ်ပါတယ်။ အသက် ၁၅ နှစ်အရွယ် လေစီယာဆိုတဲ့ ကောင်မလေးက အဒေါ်ဖြစ်သူနဲ့ ရွာမှာပဲ အတူတူနေရသူဖြစ်တယ်။ မိခင်ဖြစ်သူက ဆုံးပါးသွားပြီဖြစ်သော်လည်း ဖခင်ဖြစ်သူမှာ လူဆိုးဂိုဏ်းကြီးကြီးတစ်ခုရဲ့ ဂိုဏ်းခေါင်းဆောင်ဖြစ်တော့ တစ်နေရာပြီးတစ်နေရာ လှည့်လည်သွားလာနေသူဖြစ်တယ်။ တစ်ရက် ဂိုဏ်းကလူတစ်ယောက်က သူမကိုလာခေါ်တယ်။ ကျောင်းပိတ်ရက်မှာ သူမဖခင်နဲ့အတူတူ အချိန်ဖြုန်းဖို့ပေါ့။ ဒါပေမဲ့ ဆယ်ကျော်သက်အရွယ် သူမက ရွာမှာပဲချစ်သူနဲ့ပလူးပလဲနေချင်တာကို ကျွန်းပေါ်မှာ လူဆိုးဂိုဏ်းနဲ့ အချိန်ဖြုန်းရမယ်ဆိုတော့ကာ ... ဖခင်ကိုလည်း မကြည်ဖြူတော့ဘူး။ သိပ်မကြာပါဘူး... လူဆိုးဂိုဏ်းအချင်းချင်းတိုက်ပွဲတွေ ဖြစ်လာတဲ့အခါမှာ သားအဖနှစ်ယောက်ရဲ့ ဆက်ဆံရေးက ဘယ်လိုတွေဖြစ်လာမလဲ.... သူမရော တိုက်ပွဲကြားကနေ လွတ်မြောက်ပါ့မလား.... အညွှန်းနဲ့ ဘာသာပြန်ကိုတော့ LYKZ က တင်ဆက်ထားပါတယ်။

မှော်အတက်ပညာကို တားမြစ်ထာတဲ့ အာလာရီရွန်တိုင်းပြည်မှာ ဟိုးဘိုးဘေးခေတ်ကတည်းက ဟောကိန်းထုတ်ထားတဲ့ မှော်ပညာရွှေခေတ်ရောက်လာမယ်ဆိုတဲ့ ဟောကိန်းရှိပါတယ် အဲ့ဟောကိန်းထဲမှာ ရွာလေးတစ်ရွာကမိန်းကလေးငယ်တစ်ယောက်က ဓာတ်ကြီးလေးပါးကိုရှာပြီး ဝှက်ထားတဲ့မှော်တုတ်တံကိုယူနိုင်ရင် မှော်ရွှေခေတ်ဖြစ်လာမယ်လို့ဟောထားတော့ တစ်နေ့ဘုရင်မတပ်မှူးတစ်ယောက်က ဟောကိန်းထဲကအတိုင်းအသွင်ရှိတဲ့မိန်းကလေးတစ်ယောက်ကိုအမှတ်မထင်တောထဲမှာတွေ့လိုက်ရာက သူတို့နှစ်ယောက်ပူးပေါင်းပြီး မှော်တုတ်တံကိုယူဖို့စွန့်စားခန်းခရီးထွက်ပါတော့တယ် အဲ့ဒီနတ်မှော်တုတ်တံကို ဘုရင်မကလည်းလိုချင်နေတာမလို့ သူတို့ကိုဘယ်လိုအန္တရာယ်တွေပြုမလဲ အခက်အခဲတွေကြားက သူတို့ဘယ်လိုမှော်တုတ်တံရအောင်ယူကြမလဲဆိုတာ ကြည့်ရှုရမယ့်ဇာတ်လမ်းလေးဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

သူစိမ်းတစ်​ယောက်က ကိုယ့်အိမ်ထဲ ဝင်ဖို့လုပ်တဲ့အခါ သင်ဆိုရင်​ကော လက်ခံမှာလား။ ဒီဇာတ်ကားထဲမှာ​တော့ ရို့စ်နဲ့ ဆမ်မီရဲ့ အိမ်မှာ ပါတီပွဲ ကျင်းပတဲ့​တစ်နေ့ မဖိတ်ဘဲ ​ရောက်လာတဲ့သူတစ်​ယောက် ရှိပါတယ်။ သူက​တော့ ဟယ်လန် အမည်ရတဲ့ အဘွားအိုတစ်​ယောက်ပါ။ ကား​မောင်းပြီး ရို့စ်တို့ အိမ်​ရှေ့​ရောက်လာလို့ ရို့စ် ထွက်​တွေ့တဲ့အခါ သူ့အိမ်သူ ပြန်​ရောက်လို့ ဝင်ဖို့လုပ်​နေတာလို့ ပြောပါတယ်။ ​အိမ်မှား​နေကြောင်း ရို့စ်က ရှင်းပြ​ပေမဲ့ နားမဝင်ခဲ့ပါဘူး။ နောက်​တော့ ဘယ်လိုမှ ရှင်းပြမရဘဲ မှတ်ဉာဏ်ချို့ယွင်း​နေတဲ့ ဟယ်လန်ကို ရို့စ်က သနားပြီး အိမ်ထဲ ဝင်ခွင့်ပြုခဲ့ပါတယ်။ ဆမ်မီက ဒီကိစ္စကို သိသွားတဲ့အခါ သူစိမ်းကို အိမ်ထဲသွင်းလို့ ရို့စ်နဲ့ စကားများပါ​တော့တယ်။ ရို့စ်လည်း ဟယ်လန်ကို အိမ်ပြန်ပို့​ပေးဖို့ သူ​ရှာ​တွေ့တဲ့ ဖုန်းနံပါတ်ကို ဆက်သွယ်ရင်း သူငယ်ချင်းဖြစ်သူ ဘာဘရာက လာ​ခေါ်​ပေးမယ်​ပြောလို့ ဆက်လက် လက်ခံထားခဲ့ပါတယ်။ ​ဒီလို လက်ခံထားမိတာ နောက်ပိုင်းမှာ ပြဿနာ​တွေ တက်လာနိုင်မလား။ ဟယ်လန်​ကို ပြန်လာ​ခေါ်တဲ့လူ ရှိပါ့မလားဆိုတာကို​တော့ ကိုယ်တိုင်ပဲ ကြည့်ရှုခံစားပြီး အ​ဖြေရှာလိုက်ရ​အောင်။ အညွှန်း​ရေးသားသူနဲ့ ဘာသာပြန်မှာ Poe Yin Thar ဖြစ်ပါတယ်။

မီယောင်းက ယောက်ျားလေးတွေကို အတည်မတွဲဘဲ အပျော်တွဲတတ်တဲ့လူပါ။ တွဲနေတဲ့ရည်းစားကိုပါဖြတ်သွားပြီး ရည်းစားအသစ်ထပ်ရှာပါတော့တယ်။ သူသီချင်းဆိုတဲ့ဆိုင်ကိုလာတဲ့ကောင်လေးကို ဂွင်ဖန်ပြီး ချဉ်းကပ်ပါတော့တယ်။ အဲဒီကောင်လေးနဲ့ရည်းစားတွေဖြစ် ရပ်သိရွာသိတွဲပြီး အမေဖြစ်သူရဲ့မွေးနေ့မှာ သူကိုယ်တိုင်ပဲ လက်ထပ်ခွင့်တောင်းလိုက်ပါတော့တယ်။ မီယောင်းမှာ အစ်မ၂ယောက် ဂျင်ယောင်းနဲ့ ဆွန်းယောင်းရှိပြီး အစ်မဂျင်ယောင်းကတော့ အိမ်ထောင်သည်ဆိုပေမဲ့ ဆွန်းယောင်းကတော့ ယင်ဖိုတောင် မသန်းဖူးတဲ့သူပါ။ သူ့ကောင်လေး ဆူဟျွန်းကလည်း ပလေးဘွိုင်းနည်းနည်းဆန်ပြီး ဆွန်းယောင်းကို စချဉ်းကပ်တဲ့အချိန် ဘာတွေဆက်ဖြစ်လာမလဲဆိုတာ.... ဒီကားမှာ 18+အခန်းနဲ့ အသုံးအနှုန်းလေးတွေပါတာမလို့ မိသားစုနဲ့ကြည့်ရှုဖို့မသင့်ပါဘူး။ ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

ဒီဇာတ်ကား​လေးက​တော့ ပုံမှန်မြင်​နေကျ​ဟော်ရာကား​​တွေက​နေ ကွဲထွက်​နေမယ့် အောက်လမ်းအတတ်စီရင်မှုများနဲ့ ​ အ​လောင်ဇာတ်ကားရသမျိုးကို ခံစားရမယ့် အင်ဒို​​ဟော်ရာကား​လေးပါ။ အိန်ဂျယ်ဟာ ငယ်ရွယ်စဥ်ကတည်းက မိခင်ဖြစ်သူရဲ့ဆုံးမစကားဖြစ်တဲ့ "ကိုယ်ဖြစ်ချင်တဲ့အရာ​တွေကိုရဖို့ ဘယ်သူ့ကိုမှ တားဆီးခွင့်မ​ပေးနဲ့" ဆိုတဲ့စကားကို လက်ကိုင်ထားပြီး​နေထိုင်​နေသူတစ်​ယောက် ဖြစ်ပါတယ်။ သူ​ဌေးဘူဟန်ရဲ့ ဒုတိယဇနီးအဖြစ်ခံယူပြီး စည်းစိမ်ချမ်းသာကို ခံစားလိုသူပါ။ သို့ပေမယ့် ရည်းစား​ဟောင်း လီယိုရဲ့လက်စား​ချေမှုကိုခံရပြီး ပြုစားခံရပါ​တော့တယ်။ ဒီလိုပြုစားခံရတာကို သိသွားတဲ့ အိန်ဂျယ်တစ်​ယောက် ဘယ်လိုတုံ့ပြန်မလဲ၊ ပထမဇနီးဖြစ်သူရဲ့တူကိုလည်း ​သွေးသားဆန္ဒအရ အပိုင်ရဖို့ နတ်ဆရာမဆီမှာ ​အောက်လမ်းအတတ်နဲ့ ပြုစားခဲ့ပါတယ်။ ဒီလိုလုပ်ရပ်​တွေကိုသိသွားတဲ့ ပထမဇနီးဖြစ်သူကိုလည်း ဒုက္ခ​ပေးဖို့ကြိုးစားပါ​တော့တယ်။ ဒီလိုနဲ့ ပထမဇနီးနဲ့ဒုတိယဇနီး အားပြိုင်ကြပုံ၊ ​အောက်လမ်းအစီအရင်​ကြောင့် ​ဘေးဒုက္ခ​ရောက်ကြရပုံကို ​ထိတ်လန့်ဖွယ်ရာ ဇာတ်ဝင်ခန်းများစွာနဲ့ ခံစားကြည့်ရှုရမှာပဲ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

လူတစ်ယောက်ဟာ သေကြောင်းကြံတဲ့ပုံစံမျိုးနဲ့သေသွားခဲ့ပေမဲ့ ရဲစခန်းဆီ အမျိုးသမီးတစ်ယောက်ကလာပြီးတော့ သူသတ်ခဲ့တာဆိုပြီး အဖမ်းခံတယ်။ သူဟာ အပြစ်သားတွေကိုအပြစ်ပေးတဲ့နတ်ဆိုးတရားသူကြီးရဲ့ဘက်တော်သားတဲ့။ သူက ကော့မန်ပန်းဆိုသူ လူတစ်ယောက်နဲ့ တွေ့ခွင့်တောင်းတယ်။ ကော့မန်ပန်းဟာ photographic memory ရှိလို့ သူကြုံတွေ့ဖူးသမျှကို ခရေစေ့တွင်းကျမှတ်မိနိုင်ပေမဲ့ သူရှေ့မှာတင် သူ့အမွှာညီကို သတ်သွားတဲ့လူသတ်သမားကို မမှတ်မိလို့ အရူးတစ်ပိုင်းဖြစ်နေတဲ့ အကြီးတန်းစစ်ဆေးရေးမှူးဟောင်းတစ်ဦး။ သူဟာ အဖမ်းလာခံသူ အမျိုးသမီးရဲ့ပြောပြချက်တွေနဲ့ လူသတ်သမားကိုရော သတ်ရတဲ့အကြောင်းအရင်းကိုပါ ဖော်ထုတ်သွားမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ဘာဆာဝါက ရုပ်ရှင်တွေထဲမှာ စတန့်နေရာကမျက်နှာမပြရဘဲ အက်ရှင်လုပ်ပြရတဲ့သရုပ်ဆောင်ပါ။ အရင်က သူ့ဦးလေးနဲ့အတူနေပြီး ဒုစရိုက်မှုလေးတွေ လုပ်ရလေ့ရှိတယ်။ ဒါပေမဲ့ ရဲတွေဆီမှာဓာတ်ပုံအရိုက်ခံရတာမကြိုက်ဘဲ ပရိတ်သတ်တွေဆီကပဲဓာတ်ပုံအရိုက်ခံရတာကြိုက်တော့ သူ့ဦးလေးဆီကထွက်လာလိုက်တယ်။ ဒါပေမဲ့တစ်နေ့ သူ့ဦးလေးဆီက သေရေးရှင်ရေးအလုပ်ရပါလေရော။ သူတို့လုပ်ရမှာက ကောင်မလေးတစ်ယောက်ကို နောက်နေ့မနက်ဖြန်အထိ စောင့်ရှောက်ပေးထားဖို့ပဲ။ သူတို့ကိုခိုင်းတဲ့သူက ဒုစရိုက်သမားရှန်ကာ။ အဲဒါနဲ့ အလုပ်လက်ခံပြီး ကောင်မလေးကိုကားပေါ်တင်ခေါ်လာပြီးအပြန်မှာ ဝိဉာဉ်တွေပဲရှိတဲ့ရွာတစ်ရွာဆီရောက်သွားတယ်။ အဲဒီရွာထဲကိုဝင်လို့ပဲရပြီး ပြန်ထွက်သွားလို့မရဘူး။ ဒါပေမဲ့အဲဒီရွာထဲမှာ ဘာဆာဝါတို့စီးလာတဲ့ကားနဲ့ကောင်မလေးပျောက်သွားချိန်မှာ မနက်ဖြန်ရှန်ကာ့ဆီကအဆော်မခံရဖို့ သရဲရွာမှာ ကောင်မလေးကိုပြန်လိုက်ရှာရမှာဆိုတော့ ဘာဆက်ဖြစ်မလဲဆိုတာ ရုပ်ရှင်ထဲမှာ စိတ်ဝင်တစားစောင့်ကြည့်ပေးကြပါဦးနော်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

ဂိုင်းမန်လေဆိုတဲ့ လျှို့ဝှက်နက်နဲပြီး မြို့ကနာမည်အကြီးဆုံးနဲ့အတော်ဆုံး စပိုင်တစ်ယောက်က လူတစ်ယောက်ဆီက မြို့မှာအာဏာအကြီးဆုံးလူကိုသတ်ဖို့မစ်ရှင်ရလာတဲ့အခါမှာတော့ အိမ်ထောင်ရေးကအဆင်မပြေ အရက်တွေပဲသောက်နေပြီး စပိုင်အလုပ်ကိုအနားယူလိုက်ပြီဖြစ်တဲ့ မန်လေးတစ်ယောက် မစ်ရှင်ကိုပြန်လက်ခံပြီး ဘယ်လိုတွေနှစ်ပါးသွားမလဲဆိုတာ အူတက်အောင်ရီရတဲ့ ဟာသအက်ရှင်ကားမလို့ တင်ဆက်ပေးလိုက်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

ဇာတ်လမ်းအကျဥ်းမပြောခင် ဘယ်ရုပ်ရှင်အမျိုးအစားကိုကြိုက်တဲ့သူဖြစ်ပါစေ ဒီကားလေးကိုကြည့်သင့်ကြောင်း အရင်ညွှန်းပါရ‌စေ " Superboys of Malegaon 2025 " ပါ 2024 မှာ မိတ်ဆက်ခဲ့ပြီး 2025မှာထွက်ရှိခဲ့ပါတယ် Rating 7.8/10 ရထားတာမို့ ကြည့်မိရင်မှားမယ်မထင်ပါဘူး ဇာတ်လမ်းကတော့ မာလီဂါဝန်ဆိုတဲ့ရွာလေးရဲ့ သူငယ်ချင်းတစ်သိုက်အကြောင်းကို အခြေခံရိုက်ကူးထားတာပါ ဒီသူငယ်ချင်းတစ်သိုက်မှာ ဒါရိုက်တာလုပ်ဖို့ဝါသနာပါတဲ့ "နာဆာ"ကြောင့် သူငယ်ချင်းအားလုံးစုပြီး ရုပ်ရှင်ရိုက်ကူးဖြစ်ခဲ့ပါတယ် မြို့ကြီးလိုမဖွံ့ဖြိုးတဲ့ရွာငယ်လေးမှာ သူတိူ့ဘယ်လိုရိုက်ကူးမှုတွေလုပ်ကြမှာလဲ? လူငယ်တွေရဲ့သဘာဝ အိပ်မက်နောက်ကိုလိုက်ကြပုံတွေ ၊ "သူငယ်ချင်းဆက်ဆံရေး"ရဲ့ အဓိပ္ပာယ်တွေ၊ ရုပ်ရှင်အနုပညာရပ်ဝန်းရဲ့ အနှစ်သာရတွေကို ပေါ့ပေါ့ပါးပါးနဲ့ ရသစုံစွာကြည့်ရမှာပါ (ပေါ့ပါးပေမဲ့ ခပ်ပေါ့ပေါ့လုံးဝမဟုတ်ဘူးနော်) Relax time အတွက်ရော Movie date အတွက်ရော ရွေးချယ်သင့်တဲ့ကားမို့ လက်မလွှတ်စေချင်ပါဘူး ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ဒီဇာတ်ကား​လေးက​​တော့ ဆို​ရော့လို့​ခေါ်တဲ့​​အောက်လမ်းအတတ်နဲ့ပြုစားခံရတဲ့အ​​ကြောင်းကို ဇာတ်လမ်းဆင်ရိုက်ကူးထားတဲ့ အင်ဒိုနီးရှား​ဟော်ရာကား​လေး ဖြစ်ပါတယ်။ ဟာနစ်ဖ်နဲ့ အစ််စ်တီတို့ ညီအစ်မဟာ ​မွေးရပ်​မြေကိုစွန့်ခွာပြီး ဆူရာဘာယာမြို့ကို​​ ပြောင်း​ရွှေ့နေထိုင်ကြသူ​​တွေ ဖြစ်ပါတယ်။ မိဘနှစ်ပါးထူးဆန်းစွာဆုံးပါးသွားတဲ့​​နောက် ​ဒေါ်​လေးဖြစ်သူအကူအညီနဲ့ မြို့ကိုတက်လာကာ ဘဝကိုရုန်းကန်​နေကြတဲ့သူ​တွေပါ။ တစ်​နေ့ သူတို့ဆီကို ​မွေးရပ်​မြေက သူတို့ဦး​လေးဖြစ်သူ နာမကျန်းဖြစ်​နေ​ကြောင်းနဲ့ ပြန်လာ​တွေ့ဖို့ဆက်သွယ်လာတာ​ကြောင့် ငယ်စဥ်ကတည်းက ပစ်ထားခဲ့တဲ့ သူတို့အိမ်ကြီးဆီကို ပြန်လာကြတဲ့အခါ.....သဘာဝလွန်ဖြစ်ရပ်ဆန်း​​တွေကြောင့် နာကျင်ခံစား​နေရတဲ့ သူတို့ဦး​လေးဟာရ်, သူတို့ကို​တွေ့ချင်ရတဲ့အ​​ကြောင်းရင်းက ဘာလဲ...ဆို​ရော့ကျိန်စာကို ဘယ်သူလုပ်ကြံထားတာလဲ....သူတို့ညီအစ်မ ဒီကျိန်စာဆိုးအန္တရာယ်က​နေ ရုန်းထွက်နိုင်ပါ့မလားဆိုတာကို ထိတ်လန့်ဖွယ်ရာဇာတ်ဝင်ခန်းများစွာနဲ့ ခံစားကြည့်ရှုရမယ့် အင်ဒို​ဟော်ရာကား​လေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

အခုတစ်ခေါက်မှာတော့ IMDb 8.4အထိရထားတဲ့ မိဘမေတ္တာဖွဲ့ဇာတ်လမ်းလေးကို တင်ဆက်သွားမှာပါ။ ဂီဟွန်းဟာ အမေဖြစ်သူနဲ့အတူ ခေါက်ဆွဲဆိုင်လေးကိုဖွင့်နေတဲ့သူပါ။ သူ့မှာ ဂျီအွန်းဆိုတဲ့ညီမလေးတစ်ယောက်ရှိပြီး Idolဖြစ်ဖို့အတွက် Trainingဆင်းနေတဲ့သူပါ။ ဂျီအွန်းကတော့ သူ idolလုပ်ဖို့ကို အမေကတားနေတဲ့အတွက် အိမ်နဲ့ပြဿနာတက်ပြီး အိမ်ကထွက်လာခဲ့ပါတယ်။ ဒါပေမဲ့ အမေကတော့ သူ့ကိုစိတ်မကွက်ဘဲ တစ်လတစ်ခါ သူတို့ကုမ္ပဏီဆီကို သွားကြည့်ရှာပါတယ်။ ဂျီအွန်းရဲ့စိတ်ထဲမှာ အမေက အစ်ကိုကို အလိုလိုက်လို့ မုန်းတီးနေခဲ့ပြီး ကုမ္ပဏီမှာတော့ သူ့အမေတွေ အစ်ကိုတွေကိုမသိချင်ယောင်ဆောင်ခဲ့ပါတယ်။ တစ်ရက်တော့ အမေဖြစ်သူမှာ အယ်ဇိုင်းမားရောဂါဖြစ်လာခဲ့ပါတယ်။ အယ်ဇိုင်းမားဖြစ်နေပေမဲ့ အမေတစ်ယောက်ရဲ့ သားသမီးအပေါ်ထားတဲ့မေတ္တာတရားတွေကို ကြည့်ရှုကြရမဲ့ ဇာတ်ကားကောင်းလေးပဲဖြစ်ပါတယ်။ ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

ဒီဇာတ်ကား​လေးက​​တော့ အင်ဒိုနီးရှားနိုင်ငံ ဆူရာဘာယာမြို့က ​သရဲ​ခြောက်တဲ့တိုက်ခန်းအ​ကြောင်းကိုရိုက်ကူးထားတဲ့ ဖြစ်ရပ်မှန်သရဲကား ဖြစ်ပါတယ်။ ဆူရာဘာယာမြို့ရဲ့ ဆက်စ်မာယာတိုက်ခန်း ၆ လွှာမှာ ​သေဆုံးသွားတဲ့​နေထိုင်သူ မိခင်နဲ့က​လေးတို့ဟာ မကျွတ်မလွတ်ပဲရှိ​နေပြီး ​ခြောက်လှန့်​နေပါတယ်။ ဒါ​ကြောင့် တိုက်ခန်းပိုင်ရှင်လင်မယားဟာ ၆ လွှာကို ပိတ်ထားပြီး ဒီသတင်းကိုဖုံးကွယ်ထားပါတယ်။ တစ်​​နေ့ သရဲ​ခြောက်တဲ့တိုက်ခန်း​ရဲ့အောက်ထပ်က အခန်းကို ​ရေယိုစိမ့်​နေတာမို့ အခန်းပိုင်ရှင်က ပိုင်ရှင်အမျိုးသမီီးကို သွား​ပြောမယ့် စိတ်​ကျေနပ်​အောင် ​ဆောင်ရွက်မ​ပေးတာ​ကြောင့် ကိုယ်တိုင် ၆ လွှာကိုတက်ကြည့်ခဲ့ပါတယ်။ သူမရဲ့အ​ပေါ်ထပ်အခန်းကို ဝင်သွားမိတဲ့အချိန် သရဲမဆီက ​လေးရက်နဲ့​နေဝင်ချိန်ဆိုပြီး ​ပြောသံကိုကြားလိုက်ရပြီး​​နောက် ​လေးရက်​မြောက်​နေ့မှာပဲ ထူးဆန်းစွာအပိုင်းပိုင်းပြတ်ပြီး ​သေဆုံးသွားခဲ့ရပါတယ်။ မာယာက​တော့ ဂျာကာတာမှာ​နေထိုင်ပြီး အ​​မေ့လက်လုပ်လက်ရင်းစား​သောက်ဆိုင်​လေးကို ဦးစီး​နေသူပါ။ ညီမဖြစ်သူမီယာကို​​​စောင့်​ရှောက်ရင်း မိခင်​ဆေးကုစရိတ်ကိုပါ ရှာ​ဖွေဖို့ရုန်းကန်​နေရတဲ့သူပါ။ မာယာတို့ဆိုင်​လေးကလည်း အ​ရောင်းပါးတာမို့ ကျပ်တည်းစွာ​နေထိုင်ရပါတယ်။ ​ဆေးရုံတင်ထားတဲ့အ​မေ နာတာရှည်​ရောဂါနဲ့ဆုံးပါးပြီး​နောက် သတင်းစာကတဆင့် ဆက်စ်မာယာတိုက်ခန်းမန်​​နေဂျာရာထူးကို ​လျှောက်ဖို့ဖြစ်သွားပါတယ်။ မာယာချစ်သူ ရဲအုပ်ရိုင်ယန်က

သဘာဝတရားနဲ့ ကမ္ဘာမျိုးစုံကြား ချိတ်ဆက်နေမှုတွေကို လေ့လာတဲ့ အမျိုးသမီးတစ်ယောက်ရဲ့ အတွေ့အကြုံကို ဖော်ပြထားတဲ့ ဇာတ်ကားဖြစ်ပါတယ်။ ကေဟောလ်ဆိုတဲ့ အမျိုးသမီးက တောင်တက်သွားရင်း ကြုံခဲ့တဲ့အဖြစ်အပျက်တွေကြောင့် မှတ်ဉာဏ်ပျောက်သလိုဖြစ်နေတုန်းမှာ သူသွားခဲ့တဲ့တောထဲမှာ ပျောက်သွားတဲ့ cryptozoologist ဘက်ဗယ်လင်တိုင်းဆိုတဲ့အမျိုးသမီးနဲ့ ရုပ်ချင်းတူနေတာကို သိသွားပါတယ်။ ဘက်ရဲ့အလုပ်အကိုင်က ဒဏ္ဍာရီလာသတ္တဝါတွေ (Bigfoot, Yeti...)စတဲ့ သိပ္ပံနည်းကျ ရှိကြောင်း သက်သေမပြနိုင်တဲ့သတ္တဝါတွေကို လေ့လာတာပါ။ သူပျောက်သွားတာကတော့ ကနေဒါရဲ့ ဒဏ္ဍာရီလာသတ္တဝါ "Sooka" ကိုရှာရင်းနဲ့ပါ။ ကေကလည်း ဘက်အကြောင်းစုံစမ်းရင်း သူသွားတဲ့နေရာတွေ ပြန်သွားပြီး သူ့ရဲ့စိတ်ဖိစီးမှုတွေကို ကြုံတွေ့ရမှာပါ။ ဝေဖန်သူတချို့က ဇာတ်လမ်းရည်ရွယ်ချက်ပျောက်နေတယ် ဘာကိုပြချင်မှန်းမသိဘူးလို့ ဆိုတာမို့ ကိုယ်တိုင်ပဲ သုံးသပ်ကြည့်ပါနော်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဇစ်ဂီဆိုတဲ့ influencer မလေးတစ်ယောက်ဟာ Nature Oath ဆိုတဲ့မျိုးစေ့ထုတ်လုပ်ရေးကုမ္ပဏီတစ်ခုရဲ့ brand ambassador အဖြစ်ကမ်းလှမ်းခြင်းခံခဲ့ရပါတယ် ဒီလိုနဲ့ဇစ်ဂီဟာ အဲဒီ့ကုမ္ပဏီနဲ့စာချုပ်ချုပ်ဆိုပြီး ပထမနေ့မှာပဲ မွေးရပ်မြေကိုပြန်ဖို့အတွက်အကြောင်းဖန်လာခဲ့ပါတယ် ဇစ်ဂီကို brand ambassador အဖြစ်ကမ်းလှမ်းခဲ့တဲ့နောက်ကွယ်မှာ ဇစ်ဂီဆီကတစ်ခုခုအလိုရှိလို့အသုံးချခဲ့တဲ့အကြောင်းအရာတစ်ခုပေါ်လာတဲ့ပချိန်မှာတော့ ဇစ်ဂီတစ်ယောက်ဘာတွေရင်ဆိုင်ရမလဲ ကုမ္ပဏီကအလိုရှိနေတဲ့သူမရဲ့အဖိုးတန်အမွေတစ်ခုကိုထိန်းသိမ်းစောင့်ရှောက်နိုင်ပါ့မလားဆိုတာကို ပေါ့ပေါ့ပါးပါးလေးနဲ့ရသစုံစွာကြည့်ရှုရမှာပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yuri ဖြစ်ပါတယ်

အမေရိကန်အ‌နောက်ပိုင်းဇာတ်ကားဖြစ်ပြီး 1882 ခုနှစ် Wyoming ပြည်နယ်က အဖြစ်အပျက်တွေကို အခြေခံထားပါတယ်။ အထူးသဖြင့် အဲဒီခေတ်က တရားစီရင်ပုံနဲ့ သေဒဏ်ပေးတဲ့ဓလေ့ကို ပြချင်တာပါ။ မိဘတွေသေဆုံးသွားပြီး ဆွေမျိုးလည်းမရှိလို့ ညီငယ်လေးကို စောင့်ရှောက်နေရတဲ့ ဆယ်ကျော်သက်ကောင်လေး လူးကပ်စ်...ညီလေးကိုကာကွယ်ရင်း လူတစ်ယောက်သေသွားရာမှာ လူးကပ်စ်ကို အပြစ်ရှိတယ်ဆိုပြီး သေဒဏ်ချလိုက်ကြတယ်။ အဲဒီအချိန်မှာမှ သူတို့အမေရဲ့အဒေါ်ဖြစ်သူက လာတွေ့သလို နှစ်အတော်ကြာ ပျောက်နေတဲ့ အဘိုးရာဇဝင်လူဆိုးကြီး ဟာလန်ရက်စ်ကပါ သူ့ကိုလာကယ်ထုတ်သွားတယ်။ နှစ်ယောက်လုံးက အကျော်အမော်တွေဆိုတော့ မာရှယ်တွေက လိုက်နေတဲ့အပြင် ဆုကြေးထုတ်ထားလို့ ဆုကြေးမုဆိုးတွေကပါ အသည်းအသန်လိုက်ရှာနေကြတာပေါ့။ ကာယကံရှင်နှစ်ဦးသားကတော့ ပြေးရင်းလွှားရင်းနဲ့ပဲ အတိတ်က ဖြစ်ရပ်တွေ အမှတ်တရတွေကို ပြန်လည်ရှာဖွေရင်း‌ နောက်ဆုံးမှာ မြေးအဘိုးသံယောစဉ်ကို ဖော်ကျူးထားတဲ့ ဇာတ်လမ်းတစ်ပုဒ်ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒီဇာတ်လမ်းကတော့ စိန့်မာတင်ကောလိပ်ကိုအသစ်ရောက်လာတဲ့ ယူဝါရဲ့ဇာတ်လမ်းပဲဖြစ်ပါတယ်။ အဲဒီကျောင်းမှာ အရင်ကသူငယ်ချင်းဖြစ်ခဲ့ပေမဲ့ အခုရန်သူဖြစ်နေတဲ့ ကျောင်းရဲ့နာမည်ကြီးစီနီယာဇေဗီယာနဲ့ တွေ့လိုက်ရတယ်။ အတိတ်မှာရန်ကြွေးတွေရှိခဲ့တဲ့သူတို့ အခုမျက်နှာချင်းဆိုင်ပြန်တွေ့လိုက်ရချိန်မှာ ရင်ထဲကမီးတွေကပိုတောက်လာကြတယ်။ ကောလိပ်ရဲ့ပွဲတော်ကြီးနီးလာတော့ ယူဝါနဲ့ဇီတို့ကြားက ရန်ငြှိုးကလည်းပိုပိုတိုးလာတယ်။ ကောလိပ်ပွဲတော်ကို စီနီယာတွေကကျင်းပမယ် ဂျူနီယာတွေကကျင်းပမယ်နဲ့ ပဋိပက္ခတွေဖြစ်ပြီး တဖြည်းဖြည်း တခြားကျောင်းသားတွေပါလာပြီးတော့ စီနီယာတွေတစ်ဘက် ဂျူနီယာတွေတစ်ဘက်နဲ့ ကျောင်းတော်ရဲ့ရန်ပွဲကြီးကပိုပိုကြီးလာပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်