ရုပ်ရှင်အသစ်များ

ပိတ်ရက်မှာ အပန်းဖြေရင်းကြည့်ဖို့ Christmas Love Story လေး တင်ဆက်ပေးလိုက်ပါပြီ။ ယုံကြည်မှု အချစ်နဲ့ မိသားစုက အဓိကပဲဆိုတာကို မက်ဆေ့ပေးချင်တဲ့ Christmas Magic ဇာတ်ကားလေးဖြစ်ပါတယ်။ အယ်လန်နာတို့မိသားစုဟာ မျိုးဆက်သုံးဆက် ဆက်တိုက် သူတို့ကန်ဆက်မြို့တော်ရဲ့ ဘောလုံးအသင်း Chiefs ကို အားပေးခဲ့ပြီး ဒီအသင်းကြောင့်ပဲ သူတို့ဘိုးဘွားတွေက အားကစားကွင်းထဲမှာ ဖူးစာဆုံခဲ့ပါတယ်။ ဒီထက်ပိုလေးနက်စေတာက အယ်လန်နာရဲ့အဘိုးပိုင်တဲ့ဦးထုပ်ကို ခရစ္စမတ်မှာဆောင်းရင် Chiefs အသင်းက ပွဲမှာနိုင်တယ်ဆိုပြီး သူတို့မိသားစုက ယုံကြည်နေတာကြောင့်ပါ။ Chiefs ပရိသတ်အကြီးစားတွေမို့ တစ်မိသားစုလုံး တစ်နှစ်တာပရိသတ်ဆုရဖို့ ကြိုးပမ်းနေကြရင်းနဲ့ အကဲဖြတ်ဒါရိုက်တာဒဲရစ်ခ်နဲ့ အယ်လန်နာတို့ စတင်ဆုံစည်းရပါတယ်။ ဦးထုပ်ရဲ့ခရစ္စမတ်ပဉ္စလက်ကို ယုံကြည်တဲ့ အယ်လန်နာက သူတို့ဇာတ်လမ်းနဲ့ ပရိသတ်ဆုရသွားတဲ့အခါ အရာအားလုံးအတွက် ကံတရားကို ပိုယုံကြည်လာပြီး မထင်မှတ်ဘဲ ဦးထုပ်ပျောက်သွားတဲ့အခါ ဘယ်လိုဆက်ဖြစ်မလဲဆိုတာ ဆက်လက်ရှုစားပေးကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

"ယောကျ်ားတစ်ယောက်ချစ်မိပြီဟေ့ဆိုရင် တစ်လောကလုံးက ဝိုင်းပြီးဆန့်ကျင်ကြတော့တာပဲ" အချစ်ဆိုတာကို ပတ်စပို့စာအုပ်တစ်ခုသာသာ သဘောထားတဲ့ ဧည့်လမ်းညွှန်ကောင်လေးတစ်ယောက်မှာ အိပ်မက်လေးတစ်ခုရှိသတဲ့။ နိုင်ငံခြားသူတစ်ယောက်ကို အပိုင်ကြံပြီးရင် ဥရောပကိုပြောင်းရွှေ့နေထိုင်ရဖို့ပါတဲ့။ အချစ်ကိုပေါ့တန်တန်သဘောထားတဲ့ ဒီကောင်လေးဆီကို အချစ်စစ်က တန်းတန်းမတ်မတ်ရောက်ချလာတဲ့အခါ.. ဒီအချစ်က အချစ်စစ်တို့လမ်းစဉ်အတိုင်း သာယာဖြောင့်ဖြူးတဲ့လမ်းတစ်ခုမဟုတ်တဲ့အခါ... ပြောင်းလဲသွားတဲ့ယောကျ်ားတစ်ယောက်အတွက် အချစ်က ဘယ်လိုစိန်ခေါ်မှုမျိုးတွေနဲ့ စစ်မှန်မှုကို စမ်းသပ်လေမလဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

ဒီနှစ်ခရစ္စမတ်မှာ စောင့်မျှော်နေကြသူတွေအများကြီးရှိတဲ့ နာမည်ကြီးသရုပ်ဆောင်တွေနဲ့ရိုက်ကူးထားတဲ့ ဆန်တာကလော့စ်ပြန်ပေးဆွဲခံရတဲ့ဇာတ်ကားကောင်းကြီးကိုတော့ အခုအချိန်မှာတင်ဆက်ပေးလိုက်ပါပြီ။ဇာတ်ကားနာမည်ကတော့ တော်တော်များများသိပြီးကြတဲ့အတိုင်း Red One ဖြစ်ပြီး လက်ရှိ IMDb Rating 6.8 အထိရရှိထားပါတယ်။သရုပ်ဆောင်တွေအနေနဲ့ကလည်း မိတ်ဆက်ပေးနေစရာကိုမလိုလောက်အောင် ဟောလီး၀ုဒ်လူထွားကြီး Dwayne The Rock Johnson တို့ လူချောကြီးကပ္ပတိန်အမေရိက Chris Evans တို့အပြင်တခြားသောနာမည်ကြီးသရုပ်ဆောင်တွေများစွာပါဝင်ထားတဲ့အတွက်ဒီခရစ္စမတ်အတွက်အချိန်ပေးပြီးကြည့်ရတာတန်စေမဲ့ဇာတ်ကားကောင်းတစ်ကားဖြစ်ပါတယ်။အထက်မှာပြောခဲ့တဲ့အတိုင်းဆန်တာကလော့စ်ပြန်ပေးဆွဲခံရတဲ့အဓိကဇာတ်လမ်းကဘယ်ကစတာလဲဆိုရင်တော့ ဂျက်ခ်လို့ခေါ်တဲ့အလွတ်တမ်း ဟက်ကာဆရာကြီးတစ်ယောက် ဆန်တာကလော့စ်ရဲ့တည်နေရာကိုရှာပေးလိုက်မိရာကနေစတာပါပဲ။သူကိုယ်တိုင်ကတော့ ခိုင်းလို့သာလုပ်ရတာ ဆန်တာကလော့စ်နဲ့သက်ဆိုင်နေမှန်းမသိပေမဲ့ မြောက်ဝင်ရိုးစွန်းက ဆန်တာကလော့စ်ရဲ့စခန်းကြီးအဖောက်ခံရပြီး ပြန်ပေးဆွဲခံလိုက်ရပါတော့တယ်။အဲ့ဒါကြောင့်ကျန်ခဲ့တဲ့ ဆန်တာရဲ့ကိုယ်ရံတော်ကြီး ကယ်လ်က ဆန်တာ့ကိုပြန်ရှာဖို့ကြိုးစားရင်း ဂျက်ခ်ကိုတွေ့သွားပြီး သူစခဲ့တဲ့အရှုပ်ထုပ် သူ့ကိုပြန်ရှင်းခိုင်းရင်းနဲ့ နှစ်ယောက်သား ဆန်တာကယ်ဆယ်ရေးစစ်ဆင်ရေးကိုဘယ်လိုတွေအတူဆောင်ရွက်သွားကြမလဲဆိုတာကိုရှုစားရမဲ့ ဇာတ်ကားကောင်းမျှော်နေသူတွေအတွက် သတင်းက

မင်းသားကြီး Hugh Grant အဓိကပါဝင်သရုပ်ဆောင်ထားတဲ့ Psycho Horror ဖြစ်ပြီး ဘာသာရေးနဲ့ပတ်သက်တဲ့ အယူဝါဒတွေ ယုံကြည်မှုတွေ ရွေးချယ်မှုတွေကို ကျယ်ကျယ်ပြန့်ပြန့် တွေ့ရမှာဖြစ်ပါတယ်။ သာသနာပြုတာဝန်ထမ်းဆောင်နေတဲ့ စစ္စတာမိန်းမငယ်လေးနှစ်ယောက်က ခရစ်ယာန်ဘာသာကို ယုံကြည်သက်ဝင်အောင် လှည့်လည်ဆောင်ရွက်ရပါတယ်။ မိုးတွေရွာပြီး မုန်တိုင်းကျတဲ့တစ်နေ့မှ သူတို့နဲ့ဆွေးနွေးဖို့ ဖိတ်ခေါ်ထားတဲ့ လူကြီးအိမ်ကို သွားမိရာကနေ ကံဆိုးတော့တာပါပဲ။ ဒီထူးဆန်းတဲ့လူကြီးက စလာတည်းက ဘာသာရေးနဲ့ပတ်သက်တဲ့ ထူးထူးဆန်းဆန်းမေးခွန်းတွေ မေးပြီး စစ္စတာနှစ်ယောက်ကတော့ အိမ်ပြန်လို့မရတော့ဘဲ အိမ်ကြီးထဲမှာ ပိတ်မိနေပါတော့တယ်။ အိမ်ထဲကနေ ထွက်ရဖို့ ဒီလူရဲ့ ယုံကြည်မှုကို စမ်းသပ်တဲ့ဂိမ်းမှာ ပါဝင်ကစားရပါတော့တယ်။ IMDB rating 7.2/10 ရထားပြီး ဘာသာတရားနဲ့ပတ်သက်တဲ့ ယုံကြည်မှုနဲ့သံသယတွေကို ဘုတ်ဂိမ်းတွေ ကွဲပြားတဲ့ အယူဝါဒတွေ ကျော်ကြားတဲ့ဂီတတွေနဲ့ နှိုင်းယှဉ်ပြထားတာမို့ ပရိသတ်တွေဘက်က ပြန်လည်သုံးသပ်ဆင်ခြင်နိုင်မှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

အောက်လမ်းတွေ စုန်းတွေ ကဝေတွေနဲ့ပတ်သတ်ရင် ရုပ်ရှင်လောကမှာနာမည်အကြီးဆုံးအနောက်တိုင်းနိုင်ငံတွေထက်တောင် ပိုကောင်းအောင်ချပြနိုင်တဲ့ အင်ဒိုနီးရှားရဲ့ သည်းထိပ်ရင်ဖိုဇာတ်ကားအသစ်လေးတစ်ကားကိုတင်ဆက်ပေးလိုက်ပါပြီ။ဇာတ်ကားနာမည်ကတော့ Respati ဖြစ်ပြီး လက်ရှိ IMDb Rating 5.9 အထိရရှိထားပါတယ်။ဒီဇာတ်ကားရဲ့အဓိကဇာတ်ကောင်ကတော့ ဇာတ်ကားနာမည်အတိုင်း ရက်စ်ပါတီဆိုတဲ့ကျောင်းသားလေးတစ်ယောက်ဖြစ်ပြီး သူကတော့ တခြားလူတွေရဲ့အိပ်မက်တွေထဲကိုဝင်ကြည့်နိုင်တဲ့အစွမ်းရှိသူတစ်ယောက်ပဲဖြစ်ပါတယ်။ဒါပေမယ့်သူမြင်တွေ့ရသမျှအိပ်မက်တွေအားလုံးက သေဆုံးခြင်းနဲ့သက်ဆိုင်နေတဲ့ ထိတ်လန့်စရာအိပ်မက်ဆိုးတွေပဲဖြစ်နေတဲ့အတွက် အဲ့ဒီအစွမ်းကိုရပြီးကတည်းကသူ့မှာကောင်းကောင်းမွန်မွန်အိပ်ပျော်တဲ့ညဆိုပြီးမရှိခဲ့ပါဘူး။အဲ့ဒီထက်ပိုထူးဆန်းနေတာက အခုရက်ပိုင်းဖြစ်နေတဲ့ လည်ပင်းညှစ်ခံရပြီး သေဆုံးခဲ့ရတဲ့လူတွေအားလုံးကို သူ့အိပ်မက်ထဲမှာမြင်တွေ့နေခဲ့ရတာပါပဲ။အဲ့ဒါတွေကိုမသိချင်ဟန်ဆောင်ပြီးနေခဲ့ပေမဲ့ သူတို့ကျောင်းကို ဂူလန်ဆိုတဲ့ ထူးဆန်းတဲ့ကောင်မလေးတစ်ယောက်ပြောင်းလာပြီးနောက်မှာ အဲ့ဒီကောင်မလေးကလည်း ဒီကိစ္စတွေနဲ့မကင်းတဲ့သူဖြစ်နေတဲ့အတွက် သူတို့နှစ်ယောက်ပူးပေါင်းပြီး ဒီအိပ်မက်ဆိုးတွေကနေ ရှောင်မပြေးတော့ပဲ ထိပ်တိုက်ရင်ဆိုင်ရင်းနဲ့မှ ဒီလိုသေဆုံးမှုတွေရဲ့နောက်ကွယ်မှာဘယ်လိုအရာတွေရှိနေမယ်ဆိုတာကို စိတ်ဝင်စားစရာရှုစားရမှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ

မီးသတ်သမားတွေဘဝအကြောင်းကို စုံထောက်ဆန်ဆန်အရသာမျိုးနဲ့ ကြည့်ရမယ့်ဇာတ်ကားလေးဖြစ်ပါတယ် မီးသတ်သမားခေါင်းဆောင် ဗစ်ကယ်က အသက်စွန့်ပြီး မီးသတ်၊လူတွေကိုကယ်နေပေမယ့်လည်း သူ့သားရဲ့ လေးစားခြင်းကိုမခံရသူပါ သူ့သားက ဦးလေးဖြစ်သူ ရဲသားကိုပဲ အထင်ကြီးသူ ဒီလိုမျိုး မိသားစုရေးရာကိစ္စလေးတွေနဲ့ ဗစ်ကယ်ဟာ သူ့မြို့မှာ ထူးဆန်းတဲ့မီးလောင်မှု‌တွေ ဆက်တိုက်ဖြစ်လာတဲ့အခါ စုံစမ်းဖြေရှင်းပုံတွေ၊ မီးသတ်သမား‌တွေရဲ့ အနစ်နာခံဘ‌ဝ‌တွေအကြောင်းကို ဒီကားမှာကြည့်ရှုရမှာပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Guu ဖြစ်ပါတယ်

"ထပ်ခါထပ်ခါသေဆုံးပြီး ထပ်ခါထပ်ခါပြန်မွေးဖွားလာရရင်တောင် မင်းအပေါ်တင်နေတဲ့အကြွေးကို ငါပြန်ဆပ်မယ် ပိုရူဗာ..." ရဲတွေလိုက်မဖမ်းနိုင်တဲ့ ရာဇဝတ်သားတွေကို ကိုယ်စားလိုက်ဖမ်းပေးရတဲ့ ကြေးစားအမဲလိုက်သမားနှစ်ယောက်ဖြစ်ကြတဲ့ ဖရန်စစ်နဲ့ကော့တ်..။ တစ်နေ့မှာ လိုက်ဖမ်းရင်း ထိပါးလို့မဖြစ်တဲ့လူတစ်ယောက်ကို သတ်မိသွားခဲ့တယ်။ ဒါပေမဲ့ ပိုဆိုးတာက သူတို့သတ်လိုက်မိတာကို အသက်ငယ်ငယ်လူထူးဆန်းကောင်လေးတစ်ယောက်က မြင်သွားခဲ့တယ်။ ဒီလိုနဲ့ အဲ့ဒီကောင်လေးကို သူတို့ခေါ်သွားရဖို့အကြောင်းဖန်လာတာပေါ့။ ဒါပေမဲ့ ဖရန်စစ်ကတော့ ဒီကောင်လေးကို စတွေ့ကတည်းက ထူးဆန်းတဲ့ခံစားချက်တစ်ခုကို ခံစားခဲ့ရတယ်။ ဘယ်ကလာလို့ ဘယ်သူမှန်းမသိရတဲ့ ဒီကောင်လေးက ရုတ်တရက်ကြီး ထင်မထားတာတွေ ထလုပ်တတ်တဲ့အတွက် သူ့စိတ်ထဲ ပိုထူးဆန်းနေတော့တာပေါ့။ ဒီကောင်လေးက ဘယ်သူလဲ။ ဘယ်ကလာတာလဲ။ ဖရန်စစ်ကရော ဒီကောင်လေးကိုမြင်ကတည်းက ဘာလို့ထူးဆန်းတဲ့ခံစားချက်တစ်ခုကို ခံစားနေမိတာလဲ...။ သူတို့ရဲ့ပတ်သက်မှုက ဘာလဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

ဒီဇာတ်ကားကတော့ တူရကီဇာတ်ကားတစ်ကားဖြစ်ပြီး ဖာတစ်ဆိုတဲ့ ဂီတပညာရှင်တစ်ယောက်နဲ့ ကမ်ရူဆိုတဲ့ တရားလွှတ်တော်ရှေ့နေတို့ရဲ့ ကြောင်နဲ့ကြွက်လိုရန်ဖြစ်နေရင်းကနေ Romance ဆန်တဲ့ဘက်ကိုရောက်သွားတဲ့ အချစ်ကားလေးပဲဖြစ်ပါတယ် အစ္စတန်ဘူလ်မှာနေတဲ့ ကမ်ရူက ကွာရှင်းအမှုတစ်ခုကြောင့် အစ်ဇမီးယားမြို့ကိုသွားရတဲ့အချိန်မှာ အဖေ့ရဲ့တောင်းဆိုမှုကိုမလွန်ဆန်နိုင်တဲ့ ဖာတစ်ဆိုတဲ့ ဂီတပညာရှင်နဲ့တွေ့ဆုံခဲ့တာပါ ကမ်ရူက အလုပ်တစ်ခုလုပ်ရင် သေချာအစီအစဥ်ဆွဲပြီးမှာလုပ်လေ့ရှိတဲ့သူပါ သူများရဲ့ခံစားချက်ကိုနားမလည်နိုင်ပဲ သူမရဲ့အမြင်ကသာ အမြဲတမ်းမှန်တယ်လို့ယူဆထားတဲ့သူလို့ပြောလို့ရပါတယ် အမှုကြောင့်ရုန်းရင်းဆန်ခတ်ဖြစ်နေခဲ့တဲ့ တစ်နေ့တာကိုတူတူဖြတ်သန်းရင်း နောက်ဆုံးအမှုပြီးသွားတဲ့အချိန်မှာ အစ္စတန်ဘူလ်ကိုပြန်ဖို့လုပ်တဲ့အချိန်မှာ သူတို့ရဲ့ပရော်ဖက်ရှင်နယ်အလုပ်နဲ့ အချင်းချင်းအပေါ်အမြင်တွေကိုပြောင်းလဲစေနိုင်တဲ့ ဖြစ်ရပ်တွေကိုကြုံတွေ့ရတဲ့အခါ ဖာတစ်အပေါ်မှာရှိတဲ့သူမရဲ့ခံစားချက်ကိုနားလည်သွားမလားဆိုတာ ကြည့်လိုက်ကြပါဦးနော် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu ဖြစ်ပါတယ်

ဘောလီးဝုဒ်ပရိသတ်ကြီးရဲ့အချစ်တော် မင်းသမီး ဂန်ဂူဘိုင်လို့အများသိကြတဲ့ Alia Bhattရဲ့အသစ်ထွက်အက်ရှင်ကားသစ်ပါ ဒီကားထဲမှာတော့ မင်းသမီးက သူ့မောင်လေးကိို သက်စွန့်ဆံဖျားနဲ့ကယ်တင်ရမှာပဲ ဆပ်တရာတို့မောင်နှမ ငယ်သေးတဲ့အရွယ်မှာပဲ အဖေလုပ်သူက သူတို့မျက်စိရှေ့မှာတင် တိုက်ပေါ်ကခုန်ချပြီး သတ်​​သေသွားခဲ့တာပါ အဲဒီကတည်းက ဆပ်တရာကမောင်ဖြစ်သူ အန်ကူကို မျက်စအောက်က အပျောက်မခံတော့ဘူးပဲ အန်ကူအရွယ်ရောက်လာတော့ ကြိုးစားတဲ့လူငယ်တစ်ယောက်အနေနဲ့ ​ ကြိုးစားလုပ်တဲ့ပရောဂျက်တစ်ခုကြောင့် ဦးလေးဖြစ်သူအဆက်အသွယ်နဲ့ ဟန်စီဒေါင်သွားကိုနိုင်ငံရပ်ခြားခရီးသွားရပါတယ် ကံဆိုးသွားနဲ့ပဲသူများနိုင်ငံမှာ မူးရစ်ဆေးအမှုနဲ့အဖမ်းခံလိုက်ရတဲ့အပြင် ကြီးလေးတဲ့အပြစ်ဒဏ်ကိုပါ ခံရတယ်ဆိုတာ ဆပ်တရာ သိလိုက်ရတဲ့အခါ ဆပ်တရာ သူ့မောင်လေးကို ဘယ်လိုကယ်ထုတ်မလဲ ကယ်ထုတ်ဖို့ကြိုးစားရင်းနဲ့ ဘာတွေ ဆက်ဖြစ်ကြမလဲ ကြည့်ရှုပေးကြပါဦးဗျာ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Sora ဖြစ်ပါတယ်

Actor တွေအနေနဲ့ Varun Tej နဲ့ မင်းသမီး Meenakshi Chaudhary တို့က အက်ရှင်ဆန်ဆန် ပါဝင်ထားတာဖြစ်ပါတယ် ဇာတ်အိမ်အနေနဲ့ ၁၉၅၀ နှောင်းပိုင်းအချိန်တွင်တည်ထားပြီး ဗာဆူဟာ မိခင်ဖြစ်သူနဲ့အတူ ဒုက္ခသည်အဖြစ်ပြောင်းရွေ့ဝင်ရောက်လာကာ စားစရာကိုလုယက်စားသောက်ရင်း တစ်ရက်မှာ လူသတ်မှုဖြစ်ပွားပြီး လူငယ်ထိန်းသိမ်းရစခန်းသို့ပို့ဆောင်ခံခဲ့ရပါတယ် မကောင်းဆိုးဝါးတို့အကြားကြီးပြင်းခဲ့ရသူပီပီ မကောင်းသောခံယူချက်များက သူ့ထံတွင်ပြည့်နေပါတယ် အသက်ပြည့်ချိန်ထောင်မှထွက်လာပြီးနောက် ငယ်ဘဝကိုနာကျဉ်းကာ ဖြစ်နိုင်သမျှ တိုးတက်ဖို့ကြိုးစားရင်း အိန္ဒိယနိုင်ငံရေးအရှုပ်တော်ပုံတွေကြား ဘယ်လိုဖြတ်ကျော်မလဲဆိုတာကိုတော့ ဇာတ်လမ်းလေးထဲမှာပဲ စီးမျောခံစားကြည့်လိုက်ပါဦးခင်ဗျာ ဒီဇာတ်ကားကိုအညွန်းနဲ့ဘာသာပြန်ပေးသူကတော့ ThuTa ဖြစ်ပါတယ်

အကောင်းနဲ့အဆိုး အားပြိုင်မှုဟာ လောကကြီးရဲ့နယ်ပယ်အသီးသီးမှာရှိတတ်စမြဲပါ။ ဖျက်ဆီးသူဆိုတာရှိမှလည်း ကယ်တင်ရှင် ပေါ်လာရတာက လောကသဘာဝပဲကိုး။ ဒီဇာတ်လမ်းလေးထဲမှာလည်း ဖွံ့ဖြိုးတိုးတက်မှုနောက်ကျတဲ့ ရွာလေးတစ်ရွာမှာ ရွာသူရွာသားတွေကို ပညာတတ်ကြီးဖြစ်စေချင်တဲ့ ကျောင်းဆရာတွေရှိကြသလို ရွာထဲမှာ ပညာတတ်တွေများလာမှာကို မလိုလားတဲ့ လူတစ်စုလည်း ရှိနေကြပါတယ်။ အဲ့ဒါကြောင့်ပဲ ဒီလူတစ်စုဟာ ရွာထဲမှာရှိတဲ့ စာသင်ကျောင်းကို နည်းအမျိုးမျိုးနဲ့ ဖျက်ဆီးပစ်ဖို့ ကြိုးစားပါတော့တယ်။ ဒါပေမဲ့ မျိုးဆက်တစ်ဆက်ပြီးတစ်ဆက် ကြိုးစားလိုက်တိုင်း ဒီကျောင်းကိုကယ်တင်မဲ့ကျောင်းဆရာတွေက ပေါပေါ်လာတဲ့အတွက် သူတို့ရဲ့အကြံက အကြိမ်ကြိမ်ကျရှုံးခဲ့ရတာပေါ့။ နှစ်ပေါင်းများစွာတည်ရှိလာခဲ့တဲ့ ဒီအားပြိုင်မှုကြီးဟာ အဆုံးမှာ ဘယ်လိုအဆုံးသတ်သွားမလဲ.... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

လောကမှာ အိမ်ထောင်ရှိတဲ့မိန်းမသားတိုင်း ယောက္ခမဆိုတာရှိကြမှာပါ ချွေးမတိုင်းရဲ့အိပ်မက်ဆိုးကလည်း ယောက္ခမဖြစ်နေတတ်ပါတယ် ဒါပေမဲ့ အိမ်ထောင်ရေးတစ်ခုမှာ သူမကိုဖယ်ထားလို့မရသလို သာယာပျော်ရွှင်တဲ့မိသားစုဘဝအတွက် အရေးကြီးတဲ့သူလည်းဖြစ်ပြန်ပါတယ် မီနာနဲ့ဆာဟက်က ကြင်စဦးဇနီးမောင်နှံတွေပါ မိဘမရှိတော့တဲ့မီနာတစ်ယောက် လက်ထပ်ပြီးချိန်မှာတော့ ဆာဟက်အမေနဲ့ထိပ်တိုက်တွေ့ဆုံပါတော့တယ် သူတို့နှစ်ဦးအကြားဘာတွေဖြစ်ကြမလဲ? ယောက္ခမဆိုတာလည်းမိဘပဲမို့ ချွေးမတစ်ယောက်နေနဲ့ မီနာဘယ်လိုကိုင်တွယ်မှာလဲ? အိမ်ထောင်ရေးမှာကြုံတွေ့ရတတ်တဲ့အခက်အခဲတွေကိုရော ဖြေရှင်းနိုင်မလား? ဇနီးမောင်နှံနှစ်ဦးကြားက၁၅၀၀အချစ် မိဘနဲ့သားသမီးကြားက ၅၂၈မေတ္တာအပြင် ယောက္ခမဆိုတာ တကယ့်အိပ်မက်ဆိုး‌ရော ဟုတ်ရဲ့လား? ဒါတွေကို ရယ်ရွှင်ဖွယ်ရိုက်ကူးတင်ဆက်ထားပြီး သင်ခန်းစာယူစရာအများကြီးပါတာမို့ ဆက်ဆက်ကြည့်ရှုပေးကြပါရှင် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

အင်တာနက်ခေတ်ကြီးမှာ အွန်လိုင်း dating app တွေတစ်ဆင့် အပျော်ရှာကြတာတွေက အဆန်းမဟုတ်တော့ပါဘူး။ ဒါကြောင့်ပဲ ၈နှစ်လောက်တွဲလာတဲ့ရည်းစားနဲ့ ပြတ်သွားတဲ့ အီဗာကို သူ့မွေးနေ့မှာ သူငယ်ချင်း‌တွေက dating app ကတစ်ဆင့် ရည်းစားရှာဖို့ အကြံပေးခဲ့ပါတယ်။ ဒါပေမဲ့ သူတို့မြို့မှာ ကွင်းဆက်လူသတ်သမားက ဒီ app တွေကတစ်ဆင့် အမျိုးသမီးတွေနဲ့ဒိတ်ပြီး သတ်ပစ်တဲ့အမှုတွေ ဖြစ်နေပါတယ်။ ထူးဆန်းတာက လူသတ်သမားက ခြေရာလက်ရာ ဘာမှမကျန်သလို အသတ်ခံရသူ အမျိုးသမီးတွေရဲ့ ဖိနပ်တစ်ဖက်ကိုလည်း ဆုအဖြစ် ယူသွားတတ်ပါတယ်။ အီဗာကတော့ သူငယ်ချင်းတွေကောင်းမှုနဲ့ app ကနေ အပျော်ရည်းစားထားမိပါတယ်။ ဒါမဲ့ သူနဲ့ပတ်သက်မိတဲ့ ယောကျာ်းသုံးယောက်လုံးက အီဗာနားထောင်နေကျ podcast ထဲက ကွင်းဆက်လူသတ်သမားပုံစံနဲ့ ကိုက်ညီနေတဲ့အခါ...ဘယ်သူက လူသတ်သမားလဲ သိရဖို့ စုံထောက်ပါတော့တယ်။ တကယ့်တရားခံအစစ်က ဘယ်သူလဲသိရဖို့ အခုပဲ ကြည့်လိုက်ပါနော်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဇာတ်လမ်းအညွှန်းလေးကတော့ ငါးတန်းကတည်းက ဗိုလ်လောင်းသင်တန်းကျောင်းကို ကွင်းဆင်းလေ့လာရေးသွားရပြီးဗိုလ်လောင်းတွေရဲ့ စစ်ချီသံ…ယူနီဖောင်း…ရိုင်ဖယ်နဲ့ကိုယ်နေဟန်ထားတွေကိုကြည့်ပြီး စစ်သားတစ်ယောက်ဖြစ်ဖို့ ဆုံးဖြတ်ခဲ့သူတစ်ယောက်ဖြစ်တဲ့မူကွန်၊မိခင်ကြီး အတန်တန်တားနေတဲ့ကြားက ချစ်သူလေးရဲ့ အားပေးမှုနဲ့အတူ လက်ရွေးစင်တပ်ဖွဲ့ထဲဝင်ဖို့ ကြိုးစားခဲ့တဲ့ မူကွန်၊ချစ်ရတဲ့သမီးနဲ့မိန်းမ၊ မိသားစုကိုပစ်ထားခဲ့ပြီး တပ်ခွဲမှူးအသစ်အနေနဲ့ နယ်စပ်အနီးတစ်နေရာမှာ တာဝန်ကျချိန် လွှတ်တော်ကိုအကြမ်းဖက်တိုက်ခိုက်မှုနဲ့ အကြမ်းဖက်သမားတစ်ယောက်ကို သေဒဏ်ပေးပြီးတဲ့နောက်အကြမ်းဖက်သမားတွေဘက်က တိုက်ခိုက်မှုတွေ ပိုမိုဆိုးရွားလာတဲ့အခါမှာတော့… ဘယ်လိုတွေ ဆက်ဖြစ်မလဲဆိုလဲ ဇာတ်လမ်းလေးထဲမှာ ကြည့်လိုက်ပါရှင့် ဒီဇာတ်ကားကိုအညွန်းနဲ့ဘာသာပြန်ပေးသူကတော့ M-Sub Movie Team မှဖြစ်ပါတယ်

Exumaလို ရုပ်ရှင်ပုံစံဆန်း‌ဆန်းမျိုးကိုမှသဘောကျတဲ့ပရိသတ်တို့အတွက် The Sin ဆိုတဲ့ရုပ်ရှင်လေးကအကြိုက်တွေ့စေမှာပါ။ ရှီယောင်းဆိုတဲ့အကမေဂျာ ကျောင်းသူတစ်ယောက်ဟာ အကရုပ်ရှင်ပရောဂျက်တစ်ခုအတွက်ကမ်းလှမ်းခံရပြီး မြို့နဲ့ဝေးတဲ့ကျောင်းပျက်ကြီးတစ်ခုကိုရောက်လာခဲ့ရာကဇာတ်လမ်းစခဲ့ပါတယ်။ စရောက်ရောက်ချင်းမှာပဲထူးဆန်းနေခဲ့ပြီး တက္ကသိုလ်ကအတန်းဖော်တစ်ယောက်နဲ့လည်းအတူသရုပ်ဆောင်ဖို့ဖြစ်လာခဲ့တယ်။ဒါ့အပြင်ပြဿနာက သူမအပါအဝင်ရိုက်ကူးရေးအဖွဲ့သားတွေအားလုံး ဒါရိုက်တာကြီးဘာတွေလုပ်နေလဲဆိုတာမသိခဲ့သလို ပဟေဠိဖြစ်စရာ‌တွေများခဲ့ရာက တစ်နေ့မှာတော့ ငါးထပ်တိုက်ခေါင်မိုးထပ်ရိုက်ကွင်းကနေ ထုတ်လုပ်ရေးအဖွဲ့ကတစ်ယောက်ခုန်ချပြီးသေဆုံးရာက ပြန်အသက်ပြန်ဝင်လာကာ ‌ဗြောင်းဆန်မှုတွေစတင်ခဲ့ပါတော့တယ်။ ပုံမှန်ဇွန်ဘီဇာတ်လမ်းတွေနဲ့မတူဘဲ ‌အောက်လမ်း၊ဝိညာဉ်၊ကျင့်စဉ်စတာတွေနဲ့ ပတ်သက်ပြီးအလေးပေးရိုက်ကူးထားရင်း "မုန်းတီးခြင်းကနေပေါ်ပေါက်လာတဲ့နတ်ဆိုးဝိညာဥ်ကို ဒီလောကကြီးရဲ့အင်အားနဲ့လုံးဝမသတ်နိုင်ပါဘူး"ဆိုတဲ့အတိုင်း နာကျင်မှုကနေပေါက်ဖွားလာတဲ့အမုန်းအာဃာတတွေကဘယ်လောက်အတိုင်းအတာအထိကြီးထွားလောင်မြိုက်လာခဲ့မလဲဆိုတာကို plot twist များနဲ့ ရင်ခုန်စိတ်လှုပ်ရှားဖွယ်ရာကြည့်ရှုဖို့ M-Sub Movie ကနေတင်ဆက်ပေးလိုက်ရပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Hnin Yee ဖြစ်ပါတယ်

ဒီနှစ်က အင်ဒိုhorrorတွေအပြိုင်အဆိုင်ထွက်ကြတဲ့နှစ်ပါ ရိုးရာတွေ တစ္ဆေပုံပြင်တွေကိုသုံးပြီး စိတ်ဝင်စားစရာဇာတ်လမ်းတွေ ထုတ်ပြတတ်တဲ့ အင်ဒိုကဒီတစ်ခေါက်တင်ဆက်ပေးမှာက လမ်ပြာဆိုတဲ့ သရဲကားပါဗျ စစချင်းမှာတော့ ၁၉၀၀ပြည့်နှစ် စံအိမ်ကြီးတစ်အိမ်က စပါတယ် ချမ်းသာခြင်းတွေ လှပခြင်းတွေနဲ့ ပြည့်နေတဲ့ အမျိုးသမီးလှလှလေးတစ်ယောက်ကို ခင်ပွန်းဖြစ်သူနဲ့ လူတစ်စုက မီးရှို့သတ်နေတာပါ တကယ်တော့ မိန်းမလှလေးက လမ်ပြာဝင်ပူးနေတဲ့ နတ်ဆိုတစ်ကောင်ပါ ဒါပေမယ့် သူတို့နတ်ဆိုးကို မနှိမ်နင်းနိုင်ခဲ့ပါဘူး အဲဒီခေတ်ကနေ ဒီဘက်ခေတ် ချောချောလှလှကောင်မလေး တစ်ယောက်ရဲ့ မင်္ဂလာပွဲပြင်နေတဲ့ဆီရောက်သွားပါတယ် ကဲဘာတွေဆက်ဖြစ်ကြမှာလဲ ဒီဇာတ်လမ်းက အဆုံးထိဆွဲဆောင်မှုရှိရှိလှည့်ကွက်တွေနဲ့ ရိုက်ထားပြီး စိတ်ဝင်စားစရာကောင်းတဲ့ ဇာတ်ကွက်တွေနဲ့သရဲကားကောင်းတစ်ကားပါ ရှုစားကြပါဦးဗျ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Sora ဖြစ်ပါတယ်

ဒီဇင်ဘာလရောက်ရှိလာပြီဆိုတော့ ခရစ်ယာန်ပရိသတ်တွေအတွက်ကြည့်ရှုစရာဇာတ်ကားလေးတစ်ကားကိုထပ်မံတင်ဆက်ပေးလိုက်ပါတယ်။အားလုံးပဲသိကြတဲ့အတိုင်း ဒီဇင်ဘာလဆိုတာက ယေရှုခရစ်တော်မွေးဖွားတဲ့အချိန်ကာလဖြစ်တဲ့အတွက် မယ်တော်မာရိအကြောင်းကို မာရိရဲ့ရှုထောင့်ကနေရိုက်ကူးပြီးတင်ဆက်ထားတဲ့အတွက် ဇာတ်ကားနာမည်ကတော့ Mary ပဲဖြစ်ပါတယ်။အရင်တုန်းကလည်း ယေရှုခရစ်တော်တို့ မယ်တော်မာရိတို့နဲ့ပတ်သတ်တဲ့ဇာတ်ကားတွေ Series တွေအများကြီးထွက်ရှိလာပြီးပြီဆိုပေမဲ့ ဒီကားလေးကလည်း ဖြစ်ကတတ်ဆန်းရိုက်ကူးထားတာမဟုတ်ပဲနဲ့ မယ်တော်မာရိရဲ့ဘ၀မှာကိုယ်မသိလိုက်တဲ့ တချို့အသေးစိတ်အချက်လေးတွေ ယေရှုကိုမွေးဖွားဖို့အတွက်ငယ်စဉ်ကကြီးလာသည်အထိကျော်ဖြတ်ခဲ့ရတဲ့အခက်အခဲတွေကို စိတ်ကိုဆွဲဆောင်နိုင်အောင်ရိုက်ကူးထားတာဖြစ်တဲ့အတွက် ဒီဇင်ဘာလမှာကြည့်ရှုစရာအသစ်တစ်ခုတိုးစေမဲ့ ဇာတ်ကားကောင်းလေးတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

လူ့အဖွဲ့အစည်းပျက်စီးသွားတဲ့ အခါမှာ လူငယ်လေးတစ်ယောက်သူ့အဖေအသတ်ခံရမှု့နဲ့ သူ့ကောင်လေးအတွက်ဆေးတွေအခိုးခံရမှု့ကို ကိုင်တွယ်ဖြေရှင်းရမဲ့ကိစ္စပဲဖြစ်ပါတယ်

ကမ္ဘာပျက်ပြီးနောက် နှစ်များစွာကြာ အဖြစ်အပျက်တွေကိုအခြေခံထားပါတယ်

အေးဆေးလေးအနားယူပြီးကြည့်ရှုလို့ကောင်းမဲ့ ဒုတိယကမ္ဘာစစ်နှောင်းပိုင်း ဖြစ်ရပ်မှန် မိသားစုဒရာမာဇာတ်ကားကောင်းလေးတစ်ကားကိုတင်ဆက်ပေးလိုက်ပါတယ်။ဇာတ်ကားနာမည်ကတော့ The Children's Train ဖြစ်ပြီး လက်ရှိ IMDb 7.1 အထိရရှိထားတဲ့အတွက်လက်လွတ်မခံကြည့်ရှုသင့်တဲ့ဇာတ်ကားကောင်းလေးတစ်ကားလို့အရင်ညွှန်းပေးလိုက်ပါရစေ။ဒီကားကိုကြည့်ပြီးရင်ထဲမှာရသပေါင်းများစွာဖြစ်လာအောင် ပေးစွမ်းနိုင်တဲ့အပြင် ရိုက်ကူးထားတဲ့ဇာတ်လမ်းဇာတ်ကွက်ကလည်းအရမ်းကောင်းတာကြောင့်ဒရာမာချစ်သူတွေအတွက်ကတော့အကြိုက်တွေ့စေမှာပဲဖြစ်ပါတယ်။အထက်မှာပြောခဲ့သလိုပဲ ဒုတိယကမ္ဘာစစ်ပွဲပြီးတာမကြာသေးတဲ့အချိန် အီတလီမှာငတ်မွတ်ခေါင်းပါးခြင်းတွေနဲ့ကြုံတွေ့နေရပြီး ခက်ခဲကြပ်တည်းနေတဲ့မိသားစုတွေရှိခဲ့ပါတယ်။အလှအပ အပျော်အပါးဆိုတာတွေအသာထား တစ်နေ့တစ်နေ့ထမင်းနပ်မှန်ဖို့တောင်မနည်းရုန်းကန်နေရတဲ့အခြေအနေမှာ အဆိုးဆုံးခံစားရသူတွေကတော့ကလေးတွေပဲဖြစ်ခဲ့ပါတယ်။အဲ့ဒီထဲမှာအာမယ်ရီတို့သားအမိလည်းအပါအဝင်ဖြစ်ပြီး သူတို့လည်းအခက်အခဲများစွာနဲ့ရင်ဆိုင်နေခဲ့ရပါတယ်။ဒါပေမယ့်ကံကောင်းထောက်မစွာနဲ့ပဲ အဲ့ဒီအချိန်မှာ ကွန်မြူနစ်တွေက ကလေးတွေကိုမြောက်ပိုင်းပို့ပေးပြီး ကောင်းမွန်တဲ့ဘ၀မှာနေထိုင်ခွင့်ရအောင်လုပ်ပေးမယ်ဆိုတဲ့အခွင့်အရေးတစ်ခုရခဲ့ပါတော့တယ်။အဲ့ဒါကြောင့်အာမယ်ရီ့အမေလည်းရင်နာနာနဲ့ပဲသားဖြစ်သူကို မြောက်ပိုင်းသွားတဲ့ရထားကြီးနဲ့ကလေးတွေအများကြီးနဲ့အတူတူလွတ်ပေးလိုက်ပါတော့တယ်။ဒီလိုနဲ့အာမယ်ရီတစ်ယောက်မြောက်ပိုင်း

သရဲကြိုက်တဲ့ပရိတ်သတ်ကြီးအတွက် "Sekawan Limo" ဆိုတဲ့ကားလေးနဲ့မိတ်ဆက်ပေးပါရစေ အဓိပ္ပာယ်ကတော့ "သူငယ်ချင်း၅ယောက်"တဲ့ "နောက်လှည့်မကြည့်ပါနဲ့ တစ်ခုခုလိုက်လာတတ်တယ်လို့" အဆိုရှိတဲ့ အင်ဒိုနီးရှားရဲ့ နာမည်ကြီးတောင်ဆီကို စူးစမ်းလေ့လာလိုတဲ့ လူငယ်တချို့တောင်တက်ခရီးစခဲ့ပါတယ် တောင်ပေါ်မှာပဲ အကြောင်းအမျိုးအမျိုးကြောင့် တောင်တက်လာတဲ့သူအချင်းချင်း တွေ့ဆုံမိရာက သူငယ်ချင်း၅ယောက်အဖွဲ့ ဖြစ်လာခဲ့ပါတယ် ဒါပေမဲ့ သူတို့ထဲကတစ်ယောက်က လူမဟုတ်ဘူးတဲ့ ဒါဆို အဲဒီတစ်ယောက်ကဘယ်သူလဲ "လှည့်မကြည့်နဲ့ တစ်ခုခုပါလာမယ်" ဆိုတဲ့အဆိုရဲ့ အဓိပ္ပာယ်ကရော ဘယ်လိုမျိုးလဲ တကယ်ပဲတစ်ခုခုပါလာတာလား? တောင်တက်ခရီးမှာ ကြုံလာတဲ့အခက်တွေကို တစ်ယောက်နဲ့တစ်ယောက်ဖေးမကူညီရင်း ရင်ဆိုင်ဖြေရှင်းပုံတွေ၊ တောတောင်သဘာဝရှူခင်းတွေကို ကြည့်ရှုရမယ့်အပြင် ထိတ်လန့်ခြောက်ခြားစရာတွေကို လူငယ်ဆန်ဆန် ဟာသနှောပြီးရိုက်ကူးထားတာမို့ ရသစုံတဲ့ ဇာတ်လမ်းကောင်းတစ်ပုဒ်အဖြစ် ညွှန်းပေးပါရစေရှင် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ကဲ အက်ရှင်ကားတွေကြည့်ရတာ ပျင်းနေပါပြီဆိုတဲ့ကုလားကားဖန်လေးတို့အတွက် ဒီနေ့တော့ အက်ရှင်ဇာတ်ဝင်ခန်းမပါဘဲ တစ်ကားလုံး ဉာဏ်ကိုအသုံးချသွားတဲ့ ကားလေးတင်ဆက်ပေးချင်တယ်နော်။ ဘာဘူဆိုတဲ့လူငယ်လေးက လူငယ်သဘာဝအရထိမ်းမြားလက်ထပ်ရမဲ့ အရွယ်ရောက်လာတဲ့အခါမှာ မိဘတွေစီစဉ်တဲ့မိန်းကလေးကို သွားတွေ့ဖို့အကြောင်းဖန်လာရပါတယ်။ မိဘတွေစီစဉ်ပေးတာဆိုပေမဲ့ ဒီမိန်းကလေးကို သူ့ဘက်ကမြင်မြင်ချင်းသဘောကျမိသွားပါတယ်။ကောင်မလေးဘက်ကလည်း သူ့ကိုမငြင်းလာတာမို့ အရာအားလုံးအဆင်ပြေချောမွေ့သွားပြီလို့ ဘာဘူထင်ခဲ့မိတာပါ။ အချစ်စစ်တို့လမ်းသည် မဖြောင့်ဖြူးဘူးဆိုတဲ့ထုံးစံအတိုင်း ဘာဘူနေတဲ့ရွာက ရေရှားလွန်းလို့ ရေရှိတဲ့နေရာမှာ ရေသွားခပ်ရင်း မိန်းမတွေမူးလဲပြီး သေဆုံးရတယ်ဆိုတဲ့ ရွာဆိုတာကို သိလိုက်ရတဲ့ကောင်မလေးရဲ့အဖေက သူ့သမီးဖြစ်သူကို စိုးရိမ်သွားပြီး လက်ထက်ဖို့ကို ချက်ချင်းပယ်ဖျက်လိုက်ပါတယ်။ အဲဒီကောင်မလေးကိုမှ အချစ်ကြီးချစ်မိသွားတဲ့ ဘာဘူတစ်ယောက်ဟာ ချစ်ရသူကို ရနိုင်ဖို့ရော တစ်ရွာလုံးရေပြတ်လပ်မှုဒဏ်ကနေ လွတ်ကင်းအောင်ဘယ်လိုလုပ်ဆောင်သွားလဲဆိုတာကို ကြည့်ရမဲ့ကားလေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ ban ban ဖြစ်ပါတယ်

မှုခင်းအကြီးကြီးတွေတစ်ခါမှမဖြစ်ဖူးတဲ့ ရွာလေးမှာ ကွင်းဆက်လူသတ်မှုနှစ်ခု ဖြစ်ပွားခဲ့တယ်။ ဖြစ်လေ့ဖြစ်ထမရှိတဲ့ကိစ္စမို့ ရွာလူကြီးအပါအဝင် တစ်ရွာလုံးလည်း အထိတ်တလန့်ဖြစ်နေကြတာပေါ့။ စုံစမ်းစစ်ဆေးရေးတွေ ဆက်လက်လုပ်ဆောင်နေတုန်းမှာပဲ နောက်ထပ်လူနှစ်ယောက် ဆက်တိုက်အသတ်ခံလိုက်ရတဲ့အခါ တစ်ရွာလုံးချောက်ချားကုန်ကြတာပေါ့။ ရဲအုပ်ရာ့ဂျ်ဘီးရ်ဆင်းရ်ကလည်း ဖြစ်နိုင်ခြေမှန်သမျှကိုတွက်ချက်ပြီး တရားခံကိုဖော်ထုတ်ဖို့ကြိုးစားပေမဲ့ တရားခံက လိုက်လေဝေးလေဖြစ်လာတဲ့အခါ အမှုကို ဘယ်ပုံဘယ်နည်းနဲ့ဖြေရှင်းလေမလဲ။ တကယ်တမ်းမှာရော နောက်ကွယ်ကတရားခံဟာ မှန်းချက်နဲ့နှမ်းထွက်ကိုက်ပါ့မလား။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်