ရုပ်ရှင်အသစ်များ

၁၉၆၆ ခုနှစ်ကတည်းက ဥရောပချန်ပီယံလစ်မှာ ဖိုင်နယ်မတက်ရတဲ့ အင်္ဂလန်နိုင်ငံဟာ ၂၀၂၁ ခုနှစ်မှာ အိမ်ရှင်နိုင်ငံအဖြစ်ကျင်းပပြီး ဒုတိယအကြိမ်ဖိုင်နယ်ကိုတက်လှမ်းသွားပါတယ် ခုနှစ်ပေါင်းကြာမှဖိုင်နယ်တက်လာပြီး ဖလားကလက်တကမ်းမှာတင်ဆိုတော့ တစ်နိုင်ငံလုံးအုတ်အုတ်နင်းနင်းဖြစ်ပြီး အားပေးကြမ်းကြတာကို မှတ်တမ်းတင်ရိုက်ကူးထားတဲ့ဇာတ်လမ်းလေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

ဇာတ်သိမ်းအထိ တရားခံဘယ်သူဘယ်ဝါမှန်းသေချာမသိရတဲ့ စိတ်ဝင်စားစရာကောင်းတဲ့ရဲစုံထောက်ဇာတ်ကားကောင်းမျိုးတွေကြည့်ရှုချင်သူတွေအတွက် Crescent City ဆိုတဲ့ဇာတ်ကားကောင်းလေးတစ်ကားကိုတင်ဆက်ပေးလိုက်ပါတယ်။ပုံမှန်ကြည့်နေကျစုံထောက်ကားတွေနဲ့မတူပဲ အချိုးအကွေ့ပေါင်းများစွာ လှည့်ကွက်ပေါင်းများစွာနဲ့ပြည့်နှက်နေတဲ့အတွက်ကြည့်ရှုသူစိတ်ကိုသေချာဆွဲဆောင်နိုင်မှာတော့အမှန်ပါပဲ။လစ်တဲရော့ခ်ဆိုတဲ့မြို့ကလေးမှာ လူသတ်မှုတွေဆက်တိုက်ဖြစ်နေခဲ့ပြီး အလောင်းတွေကလည်းတစ်ခုပြီးတစ်ခုပေါ်ထွက်လာနေခဲ့ပါတယ်။ရဲတွေအလွယ်တကူဖြေရှင်းလို့မရအောင်လက်စလက်နချန်ထားခဲ့တတ်တဲ့ကွင်းဆက်လူသတ်သမားဖြစ်နေတဲ့အတွက်ဖမ်းမိဖို့နေနေသာသာ လူသတ်သမားကိုသိဖို့ဆိုတာတောင်ဝေးလို့နေခဲ့ပါတယ်။ဒါပေမယ့်အဲ့ဒီလူသတ်သမားမှာထူးခြားတာတစ်ခုကတော့သူ့သားကောင်တွေအားလုံးကိုခေါင်းဖြတ်သတ်ပြီး အရုပ်ခေါင်းတစ်ခုချန်ချန်ထားခဲ့တာပါပဲ။ဒီတော့လစ်တဲရော့ခ်ရဲဌာနကအဲ့ဒီအမှုကိုဖြေရှင်းဖို့အတွက်ဌာနမှာအတော်ဆုံးအတွဲဖြစ်တဲ့ ဘရိုင်ယန်နဲ့လုခ်ကိုတာဝန်ပေးခဲ့ပါတော့တယ်။ဒါပေမယ့်လူသတ်သမားရဲ့ပိရိမှုကြောင့်အမှုဖြေရှင်းဖို့ကြန့်ကြာနေတဲ့အတွက်တော်ဆာကအေးဂျင့်ဂျက်ကလင်းဝါးတားကိုပါစေလွှတ်ပြီးအတူဖြေရှင်းခိုင်းခဲ့ပါတော့တယ်။ဒီလိုနဲ့သူတို့ ၃ ယောက်အရုပ်ခေါင်းတွေချန်ထားတတ်တဲ့ ရက်စက်တဲ့ကွင်းဆက်သမားကိုအတူလိုက်လံစုံစမ်းရှာဖွေရာကနေ မမျှော်လင့်ထားတဲ့ဘယ်လိုအရာတွေကိုကြုံတွေ့လာရမယ်ဆိုတာကိုကြည့်ရှုရမဲ့ဇာတ်ကားကောင်းတစ်ကားပဲဖြစ်ပါတယ်။

အက်ရှင်ကားပရိသတ်တွေအတွက် Gunner ဆိုတဲ့အက်ရှင်ဇာတ်ကားကောင်းတစ်ကားကိုတင်ဆက်ပေးလိုက်ပါတယ်။Thor မင်းသား Chris Hemsworth ရဲ့အစ်ကိုဖြစ်တဲ့ Luke Hemsworth နဲ့ Morgan Freeman တို့အပြင်တခြားသောနာမည်ကြီးသရုပ်ဆောင်ပေါင်းများစွာပါဝင်သရုပ်ဆောင်ထားပါတယ်။လီဂန်နာဆိုတဲ့စစ်သားဟောင်းတစ်ယောက်ကသူ့ရဲ့ရဲရင့်မှုကြောင့်သမ္မတကြီးကိုယ်တိုင်ကတောင်ဂုဏ်ပြုဆုချီးမြှင့်ထားသူတစ်ယောက်ဖြစ်ပါတယ်။တစ်ခုလိုချင်ရင်တစ်ခုပေးဆပ်ရတယ်ဆိုတဲ့အတိုင်းပဲတိုက်ပွဲတွေကိုသွားနေတဲ့အချိန်မှာမိန်းမနဲ့ကလေးတွေကိုထားခဲ့ရတဲ့အတွက်သူပြန်လာချိန်မှာတော့မိသားစုနဲ့ဆက်ဆံရေးကသိပ်အဆင်ပြေမနေခဲ့ပါဘူး။အဲ့ဒါကြောင့်သားတွေနဲ့အဆင်ပြေဖို့အတွက်စခန်းချခရီးထွက်ဖို့လုပ်ခဲ့ပြီး တောထဲမှာသွားလာနေကြတဲ့အချိန်မှာ မမျှော်လင့်ပဲနဲ့မူးယစ်ဆေးဓာတ်ခွဲခန်းကြီးတစ်ခုကိုသွားတွေ့ပါတော့တယ်။အဲ့ဒီမှာရုန်းရင်းဆန်ခတ်တွေဖြစ်ကုန်ပြီးလူဆိုးတွေကသူ့သားတွေကိုဖမ်းခေါ်သွားပါတော့တယ်။သူ့သားတွေနောက်ကိုပြန်လိုက်သွားရအောင်လည်း မူးယစ်တိုက်ဖျက်ရေးအဖွဲ့ကဆရာကြီးတွေကသူ့ကိုတရားခံဆိုပြီးဖမ်းထားလိုက်တဲ့အခါမှာတော့သူ့သားတွေကိုပြန်ရဖို့ပိုဝေးသထက်ဝေးသွားပါတော့တယ်။ဒီလိုနဲ့ဂန်နာတစ်ယောက်သူ့သားတွေကိုပြန်ခေါ်နိုင်ဖို့အတွက်တရားဥပဒေတွေကိုဘယ်လိုချိုးဖောက်ပြီးဘယ်လိုအစွမ်းကုန်ကြိုးစားသွားမယ်ဆိုတာကိုတွေ့ရမဲ့အက်ရှင်ဇာတ်ကားကောင်းလေးတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

Artificial Intelligence Matrix ဒီဇိုင်းပညာရှင် ဒေါက်တာကျူးရုန်ဟာ တစ်ဦးတည်းသောသမီးဖြစ်သူ ကားမတော်တဆမှုကြောင့် ‌ဆုံးပါးသွားပြီးတဲ‌့နောက်မှာ လုပ်လက်စအလုပ်တွေကို ထားခဲ့ပြီး အဆုံးစီရင်သွားခဲ့တယ်။ သူရဲ့နာမည်ကြီးတည်ထွင်မှုနှစ်ခုကတော့ ထျန်းရုန်နဲ့ထျန်းရိ chips တွေဖြစ်ပြီး သူသေဆုံးသွားပြီးတဲ့နောက်မှာတော့ သူရဲ့ဖန်တီးမှု အေအိုင်တွေဟာ သန္ဓေပြောင်းသွားခဲ့ပြီး လူသားတွေကို အပြတ်ရှင်းထုတ်မယ့် အေအိုင်တော်လှန်ရေးဖြစ်လာပါတော့တယ်။ နှစ်တွေကြာသွားပြီးတဲ့နောက်မှာ ကာကွယ်ရေးအဖွဲ့က ကပ္ပတိန်ကျင်းရိဆိုသူနဲ့အဖွဲ့ဟာ တာ၀န်ကြောင့် မာကျူံးတောင်ဆီ သွားတဲ့လမ်းခုလပ်မှာ စက်ရုပ်ခွေးလေးပိုင်တဲ့ ကောင်မလေးတစ်ယောက်နဲ့ဆုံပါတော့တယ်။ ဒီဇာတ်ကားကို အညွန်းနဲ့ဘာသာပြန်ပေးသူကတော့ Su ဖြစ်ပါတယ်

Koteeဇာတ်ကားမှာတော့ ကိုလ်တီဟာ ရိုးသားဖြောင့်မတ်ပြီး သမာအာဇီ၀နည်းလမ်းနဲ့ဘဲ ငွေရှာပြီး မိသားစုကို စောင့်ရှောက်နေသူဖြစ်တယ်။ကိုယ်ပိုင်တက္ကစီလေး၀ယ်ချင်လို့ ကိုလ်တီတစ်ယောက် ဂျာနာတာမြို့က ငွေတိုးချေးစားလူမိုက်ဆာဗ်ကာဆီကနေ ငွေချေးခဲ့တယ်။ဆာဗ်ကာက လက်ဖြောင့်တဲ့သေနတ်သမားတစ်ယောက်ကို ရှာနေပြီးတော့ ကိုလ်တီရဲ့အရည်အချင်းကိုတွေ့ကာ ကိုလ်တီကို သေနတ်သမားလုပ်ဖို့ အပေးအယူတစ်ခုကမ်းလှမ်းခဲ့တယ်။ဒုစရိုက်မှုတွေနဲ့ မပတ်သတ်ချင်တဲ့ ကိုလ်တီဟာ ဆာဗ်ကာရဲ့ ကမ်းလှမ်းချက်ကို ငြင်းပယ်ခဲ့တယ်။ဆာဗ်ကာက သူ့ကမ်းလှမ်းချက်ကို ငြင်းပယ်ခဲ့တဲ့ကိုလ်တီကို ပြသာနာတက်အောင်လုပ်ပြီး အကြွေးနွံထဲနစ်ပြီး သူ့အပေးအယူကိုလက်ခံလာအောင် အတင်းအကြပ်စေခိုင်းခဲ့တယ်။အကြွေးနွံနစ်ပြီး မိသားစုနဲ့ဘဲ့ခြိမ်းခြောက်ခံလာရတဲ့ ကိုလ်တီတစ်ယောက် သူနေချင်တဲ့ရိုးသားဖြောင့်မတ်တဲ့ဘ၀မှာ ဆက်နေနိုင်ပါ့မလား။ဆာဗ်ကာရဲ့ကမ်းလှမ်းမှုကို လက်ခံပြီးတော့ ဒုစရိုက်အလုပ်တွေလုပ်ရတော့မှာလားဆိုတာကို ကြည့်ရှူကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

ဒီတစ်ခါ တင်‌ဆက်ပေးချင်တဲ့ ရုပ်ရှင်ဇာတ်ကားလေးကတော့ အက်ရှင်ဒရာမာဇာတ်ကား‌ကောင်းလေးဖြစ်တဲ့ Indian 2 ပဲ ဖြစ်ပါတယ်။ ဇာတ်လမ်းအကျဉ်း Indian 2 ဟာ 1996 ခုနှစ်တုန်းက ထွက်ခဲ့တဲ့ Indian ရဲ့ နောက်ဆက်တွဲဇာတ်ကားဖြစ်ပြီးတော့ ဒီကားမှာလည်း အဓိကဇာတ်ကောင် ဆေနာပသီကို ထပ်မံတွေ့ရမှာဖြစ်ပါတယ်။ ဆေနာပသီဟာ အကြမ်းဖက်မှု၊ အကျင့်ပျက်ခြစားမှုလုပ်ငန်းတွေကို တိုက်ထုတ်ပေးတဲ့ တမန်တော်လူမှုအသိုင်းအဝိုင်းကို ဂရုစိုက်ပေးတဲ့သူအနေနဲ့ နာမည်ကြီးခဲ့ပါတယ်။ Indian 2 အတွက် ဇာတ်လမ်းကတော့ အကျင့်ပျက်ခြစားမှုတွေကို တိုက်ထုတ်ရင်း ပြည်သူ့အခွင့်အရေး‌တွေကို ပြန်လည်ကာကွယ်ဖို့ ဆေနာပသီဟာ နောက်ထပ် စိန်ခေါ်မှုများနှင့် ရင်ဆိုင်ရမှာပါ။ ဒီကား‌မှာ‌တော့ ဆေနာပသီဟာ လူဆိုးတွေနဲ့ တိုက်ခိုက်ဖို့ အရွယ်အိုသွားပေမဲ့လည်း စွမ်းသေးကြောင်းဆိုတာကို ဦးစားပေးရိုက်ကူးပေးထားပါတယ်။ ဒီဇာတ်ကားမှာ ဘယ်လိုမျိုး အက်ရှင်ဇာတ်ဝင်ခန်းတွေ တွေ့ရဦးမလဲဆိုတာကိုတော့ ပရိသတ်ကြီးက ကြည့်ရှုအားပေးကြပါဦးနော်။ အညွှန်းနဲ့ ဘာသာပြန်ကတော့ Kaelyn ဖြစ်ပါတယ်။

ဇာတ်ကားမှာတော့ ဂျိုလ်ဆီတစ်ယောက် မြို့ကရန်ပွဲတိုင်းမှာ လိုက်ရန်ဖြစ်နေလို့ လူတိုင်းက သူ့ကိုကြောက်ကြပေမဲ့ ဂျိုလ်ဆီဘ၀မှာ အကြောက်ဆုံးလူကတော့ သူ့အမေဘဲဖြစ်တယ်။တစ်နေ့မှာ ဂျိုလ်ဆီတစ်ယောက် သူငယ်ချင်းဂျယ်ရီရဲ့ အချစ်ရေးမှာ၀င်ပါပြီး ဂျယ်ရီရည်းစားအင်ဒူလ်ရဲ့အိမ်ကိုသွားပြီးတော့ အင်ဒူလ်ဦးလေးတွေနဲ့ ရန်ဖြစ်ပြီး အင်ဒူလ်ကိုခိုးလာပေးပေမဲ့ ဂျယ်ရီက အင်ဒူလ်ကို လက်မခံခဲ့တာကြောင့် ဒုက္ခရောက်နေပါတော့တယ်။အင်ဒူလ်မိသားစုကလဲ ဂျိုလ်ဆီကို အမှုဖွင့်ထားတာကြောင့် ဂျိုလ်ဆီတစ်ယောက် အင်ဒူလ်ကို မိဘအိမ်ပြန်ပို့ပေးဖို့လုပ်ပေမဲ့ အင်ဒူလ်ငြင်းဆန်မှုကြောင့် အင်ဒူလ်အလုပ်လုပ်တဲ့ချန်နိုင်းကို ရောက်လာခဲ့တယ်။အဲ့အချိန်မှာဘဲ ဂျယ်ရီဟာ လူမိုက်ဂိုဏ်းကြီးတစ်ခုရဲ့ လျို့၀ှက်ချက်ကို သိသွားပြီး အသတ်ခံလိုက်ရတဲ့အပြင် အင်ဒူလ်ကိုပါ လူမိုက်တွေက သတ်ဖို့စီစဥ်နေတာကြောင့် မွေးရပ်မြေကို ပြန်လို့မရတဲ့ ဂျိုလ်ဆီတစ်ယောက် အင်ဒူလ်ကို ကာကွယ်ပေးဖို့ဖြစ်လာခဲ့တယ်။သူအကျွမ်းတ၀င်မရှိတဲ့မြို့ပြကြီးချန်နိုင်းမှာ အန္တရာယ်များတဲ့လူမိုက်တွေလက်ထဲကနေ အင်ဒူလ်ကို ဂျိုလ်ဆီတစ်ယောက်ကာကွယ်နိုင်ပါ့မလားဆိုတာကို ကြည့်ရှူကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ Lord of War လေးကိုဘာသာပြန်တင်ဆက်ပေးလိုက်ပါတယ် သမာအာဇီဝနဲ့ရှာဖွေရင် ငွေရှာရခက်ပြီး တရားမဝင်နဲ့ငွေရှာရင်‌ရှာရလွယ်တဲ့လောကကြီးမှာ ယူရီအော်လော့ဆိုတဲ့လူတစ်ယောက်က အူဇီသေနတ်တစ်လက်ကိုအရောင်းအဝယ်လုပ်ရင်းနဲ့ကနေ လက်နက်ရောင်းဝယ်မှုကနေ ငွေရှာလွယ်တယ်ဆိုတာတွေ့သွားပြီး လက်နက်ရောင်းဝယ်ရေးလောကကြီးထဲဝင်သွားပါတော့တယ် လက်နက်ရောင်းဝယ်သူတွေရဲ့ ပျော်ရွှင်မှုကစစ်ပွဲဖြစ်ပြီး ယူရီတစ်ယောက်ကတော့ သွေးအေးတိုက်ပွဲအတွင်းအချီကြီးပေါက်ချမ်းသာသွားပြီး ပိုများတဲ့လက်နက်တွေ စစ်လေယာဉ်တွေပါ တရားမဝင်ကုန်သည်လုပ်ပါတော့တယ် အဲ့နောက်သူ့ရောင်းဝယ်မှုတွေက ဘယ်နိုင်ငံတွေကြားမှာလုပ်မလဲ ဘယ်လိုနည်းတွေနဲ့ တရားမဝင်ကနေ တရားဝင်ဖြစ်အောင်လုပ်သွားပြီး နောက်ဆုံးသူ ဆုံးရှုံးသွားတာဘာဖြစ်မလဲဆိုတာ သမိုင်းလက်တွေ့ကျကျ စစ်ပွဲတွေအကြောင်းပါကြည့်ရမယ့်ဇာတ်ကားလေးမလို့ လက်လွှတ်မခံကြည့်ရှုသင့်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

မှုခင်းစုံထောက်ကားတွေကို နှစ်သက်သူတွေအဖို့ ရတနာသိုက်တစ်ခုလို့ဆိုရလောက်တဲ့ဇာတ်လမ်းတစ်ခုရောက်လို့လာပါပြီ။ ဒီဇာတ်လမ်းလေးဟာ ၂၀၂၄ခုနစ်ထွက် Crime Thrillerအမျိုးအစားဖြစ်ပြီး အကွက်ကျကျကြိုတင်စီစဉ်ထားတဲ့ရာဇဝတ်ကို သဲလွန်စတစ်ခုကနေ တစ်ခုကိုချိတ်ဆက်ပြီးတွေးတောစေနိုင်မဲ့ဇာတ်အိမ်မျိုးလည်းဖြစ်ပါတယ်။ ဇာတ်လမ်းရဲ့အစကို ကုမ္ပဏီရုံးခန်းတစ်ခုမှာစတင်ထားပြီး ဒီရုံးခန်းထဲမှာ စုံစမ်းစစ်ဆေးမှုတွေလုပ်ပြီး ဒီရုံးခန်းနဲ့ပဲအဆုံးသတ်ပြသွားခဲ့ပါတယ်။ ကုမ္ပဏီရဲ့အမ်ဒီဖြစ်တဲ့ဂျွန်ဟာ သန့်စင်ခန်းထဲမှာ ရုတ်တရက်ကြီးလဲကျသေဆုံးသွားခဲ့ရာက စုံစမ်းစစ်ဆေးကြည့်တဲ့အခါ ရဲအရာရှိတွေက မသင်္ကာစရာတွေရှိနေ​တာကို ခံစားမိခဲ့ပါတယ်။ ဒီလိုနဲ့ အခင်းဖြစ်ပွားချိန်တုန်းက ဒီရုံးထဲမှာရှိနေခဲ့တဲ့လူတွေတစ်ယောက်ချင်းစီတိုင်းကို ရုံးထဲမှာပဲစုံစမ်းစစ်မေးမှုတွေလုပ်ပါတော့တယ်။ အဲ့ဒီလိုကနေ အသေးငယ်ဆုံးအချက်အလက်လေးတွေက သဲလွန်စတွေဖြစ်လာတဲ့အခါ အဲ့ဒီသဲလွန်စနောက်ကိုလိုက်ရင်း ဘယ်လိုအဖြစ်မှန်တွေကိုဖော်ထုတ်မိကြမလဲ။ အဖြစ်မှန်က ဘယ်လိုအမှန်တရားတွေကိုသယ်ဆောင်ထားမလဲဆိုတာကို မှုခင်းစုံထောက်ကားတွေရဲ့ထုံးစံအတိုင်း အချိတ်အဆက်မိမိ ရင်တမမနဲ့ကြည့်ရှုကြရမှာပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

Rooban ဇာတ်ကားမှာတော့ ရှန်မူဂမ်ဟာ ဇနီးဖြစ်သူနဲ့ လက်ထပ်ထားတာနှစ်ပေါင်းများစွာရှိနေပေမဲ့ သားသမီးမထွန်းကားတာကြောင့် သူ့ကို ရွာထဲကလူတွေက အမြဲလှောင်ပြောင်နေခဲ့တယ်။ရှန်မူဂမ်တစ်ယောက် ကလေးလိုချင်လို့ စိတ်ညစ်နေတုန်းမှာ တောထဲပျားသွားဖွပ်ရင်းနဲ့ တောထဲမှာစွန့်ပစ်ခံထားရတဲ့ ကလေးတစ်ယောက်ကို ကောက်ရခဲ့တယ်။စွန့်ပစ်ခံထားရတဲ့ကလေးကို ရှန်မူဂမ်တို့ လင်မယားဟာ ခေါ်ယူမွေးစားပြီးတော့ မာနီဆိုတဲ့ နာမည်မှည့်ပေးခဲ့တယ်။မာနီတစ်ယောက် ရှန်မူဂမ်တို့လင်မယားနဲ့ ပျော်ပျော်ရွှင်ရွှင်ကြီးပြင်းလာခဲ့တယ်။ တစ်နေ့မှာတော့ ရှန်မူဂမ်တို့ရွာမှာ မုဆိုးတွေက တိရစ္ဆာန်တွေကို အမဲလိုက်သတ်ဖြတ်နေတာကြောင့် အစိုးရက သစ်တောအရာရှိတွေကို ခန့်အပ်ထားလဲ ထိန်းမရဖြစ်နေခဲ့တယ်။တစ်နေ့မှာတော့ မုဆိုးတွေ တောထဲမှာ အမဲလိုက်နေရင်းနဲ့ ကျားတစ်ကောင်ကိုတွေ့သွားပြီး ကျားတိုက်ခိုက်တာခံလိုက်ရတာကြောင့် တစ်ရွာလုံး ကျားရန်ကို ကြောက်ရွံ့နေခဲ့ရတယ်။အစိုးရကလဲ ရွာသားတွေ လုံခြုံရေးအတွက် ကျားကိုဖမ်းဆီးဖို့ ကြိုးစားနေပေမဲ့ မဖမ်းနိုင်ဖြစ်နေတာကြောင့် ဒုက္ခများနေခဲ့တယ်။ရှန်မူဂမ်ကလဲ မိသားစုစား၀တ်နေရေးအတွက် တောထဲမှာ ပျားဖွပ်ဖို့သွားရတဲ့အချိန်မှာတော့ ကျားရန်ကနေ ဘေးကင်းနိုင်ပါ့မလားဆိုတာကို ကြည့်ရှူကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

ကျိန်စာတွေ ကျမ်းသစ္စာတွေကိုယုံကြည်တဲ့သူရှိသလိုမယုံကြည်တဲ့သူတွေလည်းရှိကြပါတယ်။ဒါတွေကဟိုးအရင်ခေတ်အဆက်ဆက်ကတည်းကရှိလာခဲ့တဲ့အယူအဆတွေဖြစ်ပြီးအခုအချိန်အထိဘယ်သူမှသေသေချာချာအဖြေမဖော်ထုတ်နိုင်ကြသေးပါဘူး။အခုတင်ဆက်ပေးမဲ့ Moei : The Promised ဆိုတဲ့ထိုင်းရုပ်ရှင်ကားထဲမှာလည်း နတ်တွေ ဘိုးဘေးတွေ ကျိန်စာတွေ ကတိသစ္စာတွေအကြောင်းကိုရှုထောင့်တစ်မျိုးနဲ့ရိုက်ကူးပြသထားတာကိုတွေ့ရမှာဖြစ်ပါတယ်။အဲလစ်ဆိုတဲ့အမျိုးသမီးတစ်ယောက်ကငယ်ငယ်ရွယ်ရွယ်နဲ့အိမ်ထောင်ကျခဲ့ပြီး သားလေးတစ်ယောက်မွေးဖွားခဲ့ပါတယ်။ဒါပေမယ့်အဲ့ဒီသားလေးမွေးလာဖို့အတွက်ယောက်ျားဖြစ်သူရဲ့နိုရာဘိုးဘေးတွေဆီမှာကလေး ၁၅ နှစ်ပြည့်ရင်ပြန်လာပြီး နိုရာမျိုးရိုးကိုဆက်ခံခိုင်းမယ်လို့ကျမ်းသစ္စာဆိုခဲ့ရပါတယ်။အဲ့ဒီသားလေး ၁၅ နှစ်ပြည့်ခါနီးမှာတော့ယောက်ျားဖြစ်သူဆုံးသွားပြီး အဲလစ်ကလည်းသူ့ရဲ့တစ်ဦးတည်းသောသားလေးကိုအဆုံးရှုံးမခံနိုင်တဲ့အတွက်ကျမ်းသစ္စာကိုမသိချင်ယောင်ဆောင်နေခဲ့ပါတော့တယ်။ဒီလိုနဲ့သူတို့သားအမိနှစ်ယောက်အပေါ်မှာမကောင်းတဲ့အရာတွေဖြစ်ပျက်လာတဲ့အပြင် သားဖြစ်သူကလည်းအဲ့ဒီကျမ်းသစ္စာဆိုခဲ့တဲ့အိမ်ကြီးကိုသွားချင်တယ်လို့ပြောလာခဲ့တဲ့အတွက် သူတို့သားအမိနှစ်ယောက်အဲ့ဒီကိုသွားကြပြီးနောက်ပိုင်း သူတို့အတွက်ဘယ်လိုကံကြမ္မာတွေစောင့်ကြိုနေမလဲဆိုတာကိုသည်းထိပ်ရင်ဖိုကြည့်ရှုရမဲ့ ထိုင်းHorror ကားတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

ဒီမှတ်တမ်းရုပ်ရှင်ကတော့ RRRဇာတ်လမ်းရဲ့ပဲ့ကိုင်ရှင် ဒါရိုက်တာရာဂျာမိုလီရဲ့အောင်မြင်မှုလမ်းကြောင်းကိုလျှောက်လှမ်းရာလမ်းတစ်လျှောက် ကြုံတွေ့ခဲ့ရတဲ့အကြောင်းအရာတွေကို သူ့ရဲ့မိသားစုတွေလုပ်ဖော်ကိုင်ဖက်တွေကို အင်တာဗျူးမေးတဲ့ပုံစံလေးနဲ့တင်ဆက်ထားတဲ့ မှတ်တမ်းရုပ်ရှင်တစ်ပုဒ်ပဲဖြစ်ပါတယ်။ ဒီမှတ်တမ်းရုပ်ရှင်ထဲမှာ ရာဂျာမိုလီရဲ့မအောင်မြင်ခင်ကာလအပိုင်းအခြားတုန်းက ရုန်းကန်ခဲ့ရပုံတွေနဲ့ RRRမတိုင်ခင် ရိုက်ကူးခဲ့တဲ့နာမည်ကြီးဇာတ်လမ်းတွေဖြစ်တဲ့ ဘိုင်ရာဗာနဲ့ဘာဟူဘလီဇာတ်လမ်းတွေရဲ့ ရိုက်ကွင်းနောက်ကွယ်က အဖြစ်အပျက်တွေအပါအဝင် ဒီဇာတ်လမ်းတွေဖြစ်မြောက်လာဖို့ ဘယ်လိုကြိုးစားခဲ့ရသလဲဆိုတာကိုပါ အစုံအလင်ဖော်ပြထားပါတယ်။ တောင်ပိုင်းရုပ်ရှင်လောကကနေ ဟောလီးဝုဒ်အတင့်အထိရောက်အောင် ဒီလိုအောင်မြင်မှုကိုရဖို့အတွက် ဒီပုဂ္ဂိုလ်တွေ ဘယ်လိုတွေပေးဆပ်ပြီး ဘယ်လိုကြိုးစားခဲ့ရသလဲဆိုတာကို အတုယူဖွယ်ကြည့်ရှုရမဲ့မှတ်တမ်းရုပ်ရှင်တစ်ပုဒ်ဆိုလည်းမမှားပါဘူး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

ပရိသတ်ကြီးကို ဒီတစ်ခါ တင်ဆက်ပေးချင်တာကတော့ 2022 က ထွက်ခဲ့တဲ့ DJ Tillu ဇာတ်ကားလေးရဲ့ အဆက်ဖြစ်တဲ့ Tillu Square ဆိုတဲ့ Netflix ဇာတ်ကားလေးပဲ ဖြစ်ပါတယ်။ဒီကားလေးထဲမှာတော့ Siddu Jonnalagadda နဲ့ Anupama Parameswaran တို့က အဓိက ပါဝင်သရုပ်ဆောင်ပေးထားပါတယ်။ ဇာတ်လမ်းအကျဉ်းလေးကတော့ ရာဒီကာနဲ့ ပတ်သက်မိပြီး ပြဿနာကြား ရောက်ခဲ့ရတဲ့ တီလူတစ်ယောက် နောက်ထပ်ပါတီပွဲတစ်ခုမှာ လီလီဆိုတဲ့ ကောင်မလေးနဲ့ One night stand နေမိရာကနေ အရင်ပြဿနာထက် ပိုဆိုးတဲ့ စစ်ဆင်ရေးမှာ ပါဝင်ခဲ့ရပါတယ်။ ဖြစ်ချင်တော့ ဒီစစ်ဆင်ရေးမှာ လီလီက ဦးဆောင်ပါဝင်နေပါတယ်။ ဒီစစ်ဆင်ရေးမှာတော့ တီလူက အိန္ဒိယနိုင်ငံရဲ့ အလိုအရှိဆုံး နံပါတ်တစ် ရာဇဝတ်သားကို ဖမ်းပြီး ရှင်းပစ်ရမှာဖြစ်ပါတယ်။ ဘဝကို ပျော်ပျော်ပါးပါးနေတတ်တဲ့ ဒီဂျေတီလူတစ်ယောက် ဒီစစ်ဆင်ရေးကို ပြီးအောင် လုပ်နိုင်ပါ့မလား နောက်ထပ်ရော ဘယ်လိုမျိုး ပြဿနာတွေ ကြုံရဦးမလဲဆိုတာကိုတော့ ဒီဇာတ်ကားလေးထဲမှာ စောင့်မျှော်ကြည့်ရှုအားပေးကြပါဦးရှင်။ အညွှန်းနဲ့ ဘာသာပြန်ကတော့ Kaelyn ပဲ ဖြစ်ပါတယ်။

ဒီကားလေးကတော့ မင်းသား Park Bo gumနဲ့ မင်းသမီးBae Suzyတို့ ပါဝင်သရုပ်ဆောင်ထားကြပြီး အရင်လကမှထွက်ထားတဲ့ Sci-fi movieအမျိုးအစားလေးပါ။ တိုးတက်လာတဲ့ AIနည်းပညာနဲ့အတူ AIရဲ့အကောင်းအဆိုးတွေကို ရိုက်ကူးပြသထားတဲ့အပြင် 528မေတ္တာ၊ 1500မေတ္တာတို့ ရောနှောပါဝင်နေတဲ့ ဇာတ်ကားလေးဖြစ်ပါတယ်။ ဒီကားကိုအညွှန်းနဲ့ ဘာသာပြန်ဆိုသူကတော့ Huihui ဖြစ်ပါတယ်။

ကဲ ကိုဗီဂျေးစည်သူရဲ့ ပရိသတ်ကြီးရေ ဒီတစ်ခါမှာတော့ Netflix ဇာတ်ကားကောင်းလေးဖြစ်တဲ့ ဗီ‌ဂျေးစည်သူရဲ့ Maharaja ဆိုတဲ့ ဇာတ်ကားလေးကို တင်ဆက်ပေးပါရစေရှင် ဒီဇာတ်ကားလေးကတော့ IMDb rating အနေနဲ့ 8.7 ရရှိထားတဲ့အပြင် plot လေးကလည်း စိတ်ဝင်စားဖို့အရမ်းကောင်းတာမလို့ လက်မလွှတ်တမ်းကြည့်ရှုရမဲ့ ဇာတ်ကားလေးပဲ ဖြစ်ပါတယ်ရှင် ဇာတ်လမ်းအကျဉ်းကို ပြောပြရမယ်ဆိုရင်တော့ မဟာရာဂျာဆိုတဲ့ ဆံသဆရာဟာ သူရဲ့ သမီးဖြစ်သူဂျိုသီနဲ့ နှစ်ယောက်တည်း တူတူနေကြပါတယ်။ သူတို့အိမ်မှာလည်း သူ့သမီးဖြစ်သူရဲ့ အသက်ကယ်တင်ရှင် လက်ခ်ရှမီးဆိုတဲ့ သံအမှိုက်ပုံ‌လေးလည်း ရှိလို့နေပါတယ်။ တစ်ရက်မှာတော့ ဖောက်ထွင်းရေးသမားသုံးယောက်က သူ့အိမ်ကို ဖောက်ထွင်းဝင်ရောက်ရင်း လက်ခ်ရှမီးကို ခိုးသွားတဲ့ အချိန်မှာတော့.... မဟာရာဂျာက ရဲစခန်းမှာ တိုင်ချက်ဖွင့်ရင်း ရဲတွေကလည်း လူလား အရာဝတ္ထုလား သေချာမသိတဲ့ လက်ခ်ရှမီးကို လိုက်ရှာရာကနေ ဘာတွေများ ဆက်ဖြစ်သွားမလဲဆိုတာ ဒီဇာတ်ကားလေးထဲမှာ စောင့်မျှော်ကြည့်ရှုအားပေးကြပါဦးရှင် အညွှန်းနဲ့ ဘာသာပြန်ကတော့ Kaelyn ပဲ ဖြစ်ပါတယ်

Avengers ထဲမှာ Falcon နေရာကသရုပ်ဆောင်တဲ့နာမည်ကြီးမင်းသား Anthony Mackie ကရုပ်ရှင်ထဲမှာတင်မကပဲအပြင်လောကမှာပါ စူပါဟီးရိုးတစ်ယောက်ဖြစ်ပါတယ်။ဘာလို့အဲ့လိုပြောရတာလဲဆိုတာကို အခုတင်ဆက်ပေးမဲ့ Shark Beach with Anthony Mackie ဆိုတဲ့တီဗီအစီအစဉ်လေးတစ်ခုကိုခဏလောက်အချိန်ပေးကြည့်လိုက်ရင်သိလာရမှာပါ။သူကအမေရိကန်လူဝီစီယားနားမှာမွေးပြီးကြီးပြင်းလာခဲ့သူတစ်ဦးဖြစ်ပြီး ငယ်ငယ်လေးကတည်းကငါးမျှားတာကိုခုံမင်နှစ်သက်ခဲ့သူတစ်ဦးပဲဖြစ်ပါတယ်။နောက်ပိုင်းမှာအလုပ်အကိုင်တွေနဲ့နယူးယောက်မှာနေထိုင်ခဲ့ရပြီး လူဝီစီးယားနားကိုပြန်လာတဲ့အချိန်မှာတော့ သူကျင်လည်ခဲ့တဲ့ငါးမျှားခဲ့တဲ့နေရာတော်တော်များများမှာငါးမန်းတွေသောင်းကျန်းနေပြီးတော့ ငါးဖမ်းသမားတွေဖမ်းထားတဲ့ငါးတွေကိုဖြတ်ခုတ်လုနေတဲ့ဆိုတဲ့သတင်းကိုကြားခဲ့ရပါတော့တယ်။အဲ့ဒါကြောင့်ငါးဖမ်းသမားတွေအရမ်းနစ်နာရပြီးအခက်အခဲတွေကြုံတွေ့နေရတဲ့အတွက်ဒီအခက်အခဲတွေကိုဖြေရှင်းပေးဖို့တစ်နေရာပြီးတစ်နေရာသွားကာအဖြေရှာပုံတွေအပြင်လူဝီစီယားနားနဲ့သူ့ကြားကအမှတ်တရတွေသံယောဇဉ်တွေကိုတွေ့ရမဲ့အပြင် ဒီအစီအစဉ်လေးကိုကြည့်ပြီးသွားရင်ငါးမန်းတွေပေါ်မှာမြင်နေတဲ့ကိုယ့်အမြင်တွေပြောင်းလဲသွားနိုင်တာမလို့စူးစမ်းလေ့လာကြည့်ရှုလို့ကောင်းမဲ့တစ်ခါလောက်တော့ကြည့်သင့်တဲ့ Documentry ပုံစံရိုက်ကူးထားတဲ့တီဗီအစဉ်အစဉ်ကောင်းတစ်ခုပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

Horror ချစ်သူတွေအတွက်ကျားဖြန့်(အွန်လိုင်းလိမ်လည်မှု)နဲ့ Horror တို့ကိုပေါင်းစပ်ရိုက်ကူးထားတဲ့ကျောချမ်းစရာဇာတ်ကားလေးတစ်ကားကိုတင်ဆက်ပေးလိုက်ပါတယ်။ဇာတ်ကားနာမည်ကတော့ Visher ဖြစ်ပြီး Conjuring တို့လို Masterpiece တော့မဟုတ်ပေမဲ့သူ့ဟာနဲ့သူတော့ကြည့်လို့ကောင်းတဲ့အနေအထားမှာရှိပါတယ်။ဇာတ်လမ်းအစမှာတော့ကျားဖြန့်အလုပ်လုပ်ပြီးတော့လူတွေကိုလိုက်လိမ်စားနေတဲ့အိန္ဒိယလူမျိုးတစ်ယောက်ကိုတွေ့ရမှာဖြစ်ပြီးသူကခြေထောက်မသန်စွမ်းတဲ့လူတစ်ယောက်ပါ။သူ့ကိုယ်သူတော့လုံလောက်တဲ့ပိုက်ဆံရရင်ရပ်မယ်လို့ပြောနေပေမဲ့လောဘမီးဆိုတာတော်ရုံနဲ့အတောသတ်နိုင်တဲ့မီးမျိုးတော့မဟုတ်ပါဘူး။ဒီလိုနဲ့တစ်နေ့မှာတော့ရုသ်ဆိုတဲ့ကောင်မလေးတစ်ယောက်ကိုလိမ်လည်ဖို့အလှည့်ကျလာခဲ့ပါတယ်။ကျားဖြန့်တွေရဲ့ထုံးစံအတိုင်းတစ်ဖက်လူရဲ့ကွန်ပြူတာတွေ အင်တာနက်တွေထဲကိုဝင်လို့ရအောင်လုပ်ပြီးနောက်မှာ ရုသ်ဖက်မှာရှိတဲ့လုံခြုံရေးကင်မရာတွေ ကွန်ပြူတာကင်မရာတွေအကုန်လုံးကိုမြင်နိုင်ခဲ့ပါတော့တယ်။ဖြစ်ချင်တော့ကောင်မလေးရဲ့ရုပ်ရည်ကိုကြည့်ပြီးလိမ်တောင်မလိမ်ရက်တော့ပဲနဲ့လိမ်တဲ့သူကိုယ်တိုင်ကလည်းမိန်းမလိုချင်နေတဲ့သူဆိုတော့စကားတွေဖောင်ဖွဲ့ဖြစ်ခဲ့ကြပါတော့တယ်။ဒါပေမယ့်သူမြင်နေရတဲ့ကင်မရာမှာထူးဆန်းတဲ့အရာတွေတွေ့တာတို့ ရုသ်ကိုယ်တိုင်ကလည်းထူးဆန်းတဲ့သရဲလိုမျိုးအရာတွေကြုံတွေ့နေရကြောင်းတွေကိုပြောပြခဲ့ပြီးနောက်မှာတော့အဲ့ဒီညကသူတို့နှစ်ယောက်အတွက်ခြောက်ခြားစရာညတစ်ညအဖြစ်ဘယ်လိုပြောင်းလဲသွားမယ်ဆိုတာကို Jumpscare တ

ရင်တထိတ်ထိတ်နဲ့ကြည့်ရှုရမဲ့ မှုခင်းဇာတ်လမ်းလေးတစ်ပုဒ် ရောက်လာပြန်ပါပြီ။ မိန်းမသားတွေဆိုရင် အထင်မကြီးတတ်တဲ့ လူတွေရဲ့အယူအဆကို အခွင့်ကောင်းယူပြီး တစ်နိုင်ငံလုံးမှာရှိတဲ့ရဲဌာနတစ်ခုလုံးကို အရူးလုပ်သွားတဲ့ သာမန်အိမ်ရှင်မတစ်​ယောက်ရဲ့ထက်မြက်မှုကို ဖော်ပြထားတဲ့ ဇာတ်လမ်းလေးတစ်ပုဒ်ဖြစ်ပါတယ်။ "ဆာဗီ"ဆိုတဲ့မိန်းကလေးဟာ အပြစ်မရှိဘဲ တစ်သက်တစ်ကျွန်းထောင်ဒဏ်ပေးခံခဲ့ရတဲ့ ခင်ပွန်းဖြစ်သူကိုကယ်တင်ဖို့အတွက် သာမန်လူတွေမတွေးရဲတဲ့ ထောင်ဖောက်မှုတစ်ခုကိုကျူးလွန်ဖို့ အကြောင်းဖန်လာခဲ့တယ်။ သာမန်ထောင်ဖောက်မှုတွေမှာ ထောင်ထဲကနေလွတ်မြောက်ဖို့ကြိုးပမ်းကြတာဖြစ်ပြီး ဒါကတော့ ထောင်အပြင်ဘက်ကနေ ကြိုးကိုင်ခြယ်လှယ်ပြီး ရဲတွေပါအရူးလုပ်နိုင်ခဲ့တဲ့အထိ အကွက်ချခဲ့တဲ့အကြောင်းကို တစ်စက္ကန့်မလပ် ရင်တထိတ်ထိတ်နဲ့ကြည့်ရှုရမဲ့မှုခင်းဇာတ်လမ်းကောင်းလေးတစ်ခုဖြစ်ပါတယ်။ မှုခင်းဇာတ်လမ်းကြိုက်သူတွေအဖို့ မကြည့်မိရင် နောင်တရသွားစေမဲ့ဇာတ်လမ်းမျိုးပါပဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

လူတွေနဲ့လူ့သဘောသဘာ၀တွေကိုကြည့်ရတာရိုးအီလာရင်ကြည့်ဖို့အတွက် အသစ်ထွက်ရှိထားတဲ့ Single Mother ကျားမေမေနဲ့ကျားပေါက်လေး ၄ ကောင်တို့အကြောင်းရိုက်ကူးတင်ဆက်ထားတဲ့အရင်တုန်းက Discovery ကြည့်ခဲ့ရသလိုခံစားချက်မျိုးနဲ့ကြည့်ရှုရမဲ့ Documentary လေးတစ်ခုကိုတင်ဆက်ပေးလိုက်ပါတယ်။Documentry ဆိုပေမဲ့ကျားတွေစကားမပြောကြတာကလွဲရင်ရသပေါင်းမျိုးစုံပေးနိုင်ပြီးအရမ်းကြည့်လို့ကောင်းတဲ့အတွက် IMDb Rating 7.9 နဲ့ Rotten Tomatoes 88% အထိပါရရှိထားတာဖြစ်ပါတယ်။နာမည်ကတော့ရိုးရိုးရှင်းရှင်း Tiger ပါပဲ။ဒီထဲမှာအဓိကတွေ့ရမဲ့ဇာတ်ဆောင်တွေကတော့အမ်ဘာဆိုတဲ့ကျားမေမေကြီးရယ်သူ့ရဲ့ကျားပေါက်လေး ၄ ကောင်ဖြစ်တဲ့ အိုင်ဗီ၊ရာဗီ၊ဂိုလု၊ချမ်းတို့ပဲဖြစ်ပါတယ်။သူတို့လေးတွေမွေးဖွားစဉ်အချိန်ကနေစပြီးကြီးပြင်းလာတဲ့အချိန်အထိကျားမေမေကြီးရဲ့ရုန်းကန်ရပုံတွေ သူ့ကလေးတွေကိုအမဲလိုက်နည်း အသက်ရှင်နေထိုင်နည်းတွေသင်ပေးပုံတွေနဲ့ တိရစ္ဆာန်တွေကြားကလူတွေထက်တောင်ပိုကြီးမားတဲ့ပေးဆပ်ခြင်းတရားတွေ မေတ္တာတွေကိုတွေ့မြင်ရမှာဖြစ်တဲ့အတွက်တစ်ခါလောက်တော့ကြည့်ဖူးသင့်တဲ့ Documentary တွေထဲမှာတစ်ခုအပါအဝင်ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

Shakhahaari ဇာတ်ကားမှာတော့ ရဲအရာရှိမဲလ်လီကာဂျူလ်နာတစ်ယောက် မိန်းမဖြစ်သူကျန်းမာရေးကြောင့် တာ၀န်ကျတဲ့ရဲစခန်းကနေ မွေးရပ်ကိုပြောင်းဖို့ လုပ်နေချိန်မှာဘဲ လူသတ်မှုတစ်ခုဖြစ်ပွားခဲ့တယ်။လူသတ်တရားခံဗီဂျေးလ်ကို ဖမ်းဆီးထားပြီးတော့ တရားရုံးတင်မဲ့အချိန်မှာတင် ဗီဂျေးလ်တစ်ယောက် ထွက်ပြေးလွှတ်မြောက်သွားခဲ့တယ်။တရားခံထွက်ပြေးသွားတဲ့အတွက် တာ၀န်ရွေ့ပြောင်းဖို့ကလဲ မဖြစ်နိုင်တော့တဲ့အတွက် မဲလ်လီကာဂျူလ်နာတစ်ယောက် ဗီဂျေးလ်ကို တစ်မြို့လုံးကို မြေလှန်ရှာဖွေရပါတော့တယ်။အဲ့အချိန်မှာတော့ သေနတ်ဒဏ်ရာကြီးနဲ့ ထွက်ပြေးသွားတဲ့ဗီဂျေးလ်ကို စားသောက်ဆိုင်ပိုင်ရှင်ဆူဘန်နာလ်က ၀ှက်ထားပေးခဲ့တယ်။ဗီဂျေးလ်ဟာ သူလူမသတ်ခဲ့ကြောင်း သူအပြစ်ကင်းကြောင်းကို ပြောပြခဲ့တာမို့ ဆူဘန်နာလ်ကလဲ ယုံကြည်နေခဲ့တယ်။မဲလ်လီကာဂျူလ်နာတစ်ယောက်လဲ မိန်းမကျန်းမာရေးကို ပူပင်နေရတဲ့အတွက် တစ်ဖက်မှာဗီဂျေးလ်ကိုရှာတွေ့ပါ့မလား။ဗီ‌‌ဂျေးလ်က တရားခံမဟုတ်ဘူးဆိုရင် လူသတ်မှုတရားခံကရော ဘယ်သူဖြစ်နိုင်မလဲ။ဆူဘန်နာလ်ကရော ၀ရမ်းပြေးဗီဂျေးလ်ကို ဘာလို့စွန့်စားပြီးကူညီနေရတာလဲဆိုတာကို ကြည့်ရှူကြပါအုံး။ ဇာတ်လမ်းအညွှန်းနဲ့ ဘာသာပြန်သူကတော့ Nora ဖြစ်ပါတယ်။

ဘောလုံး ရေကူး တင်းနစ် ဘတ်စကက်ဘောတို့လို့ပြောလိုက်ရင်အဲ့ဒါတွေကိုအားကစားတွေလို့လက်ခံထားကြပေမဲ့ တောင်တက်တယ်လို့ကြားလိုက်ရရင်တော့အဲ့ဒါကိုတော်ရုံတန်ရုံအားကစားလို့မသတ်မှတ်ကြပါဘူး။အမျိုးသမီးတောင်တက်တယ်ဆိုရင်ဟာသကြီးတစ်ခုလိုတောင်ပိုဖြစ်နေပါသေးတယ်။ဒါပေမယ့်အဲ့ဒီအယူအဆတွေကိုချိုးဖျက်ပေးခဲ့တဲ့ယောက်ျားတွေပဲတက်နိုင်ခဲ့သေးပြီးဘယ်အမျိုးသမီးမှမတက်နိုင်ခဲ့တဲ့ခက်ခဲတဲ့တောင်တော်တော်များများကိုတက်နိုင်ခဲ့တဲ့ပထမဆုံးအမျိုးသမီးတောင်တက်သမားတစ်ယောက်ရဲ့ဘ၀ဇာတ်ကြောင်းနဲ့သူမရဲ့အောင်မြင်မှုတွေအကြောင်းကိုရိုက်ကူးပြသထားတဲ့ Documentry ကိုတင်ဆက်ပေးလိုက်ပါတယ်။အမျိုးသမီးတောင်တက်လောကရဲ့စံထားရလောက်တဲ့ဂန္တဝင်ကြီးရဲ့နာမည်ကတော့ Sasha Digiulian ဖြစ်ပြီးသူက ၆ နှစ်သမီးလောက်ကတည်းကတောင်စတက်ခဲ့တာဖြစ်ပါတယ်။စစချင်းတုန်းကတော့တောင်တက်အားကစားရုံတွေထဲမှာပဲတက်ခဲ့ပြီး အဲ့ဒီကနေစပြီးသူ့ကိုယ်သူတောင်တက်ခြင်းကိုဘယ်လောက်တောင်ခုံမင်တယ်ဆိုတာကိုသိလာရပါတယ်။ ဒီလိုနဲ့တောင်တက်အားကစားရုံတွေထဲမှာပြိုင်ပွဲတွေဝင်ပြိုင်အနိုင်ယူခဲ့ပြီးတော့ အပြင်လောကကိုထွက်ပြီးတကယ့်တောင်တွေကိုတက်တဲ့အခါမှာလည်းအမျိုးသမီးတောင်တက်သမိုင်းမှာမှတ်ကျောက်တွေအများကြီးကျန်အောင်စွမ်းဆောင်နိုင်ခဲ့ပါတယ်။ဒါပေမယ့်ကျွမ်းကျင်ပရိုအားကစားသမားတွေရဲ့ဘ၀မှာရရှိတာတွေများသလိုပေးဆပ်ရတာတွေလည်းအများကြီးရှိပါတယ်။အဓိကအားဖြင့်ကတော့ခန္ဓာကိုယ်ကိုအရမ်းအသုံးပြုနေရတဲ့အားကစားတစ်ခုဖြစ်တဲ့အတွက်အသက် ၂၀ ကျော်မှာတင

Kill ဇာတ်ကားကတော့ မင်းသားချောLakshyaပါ၀င်သရုပ်ဆောင်ထားတဲ့ အမိုက်စားအက်ရှင်ဇာတ်ကားကောင်းတစ်ကားပဲဖြစ်ပါတယ်။ကွန်မန်ဒိုတပ်ဖွဲ့ခေါင်းဆောင်ကတ်ပတိန်အာမစ်လ်တစ်ယောက် စစ်ဆင်ရေးက ပြန်ပြန်လာချင်းမှာဘဲ ချစ်သူတူလ်လီကာစေ့စပ်ပွဲကို ကြားသိလိုက်ရတာကြောင့် တူလ်လီကာကိုခိုးပြေးဖို့အတွက် သူငယ်ချင်းဗီရှပ်လ်နဲ့ တူလ်လီကာရှိရာဆီကို ရောက်လာခဲ့တယ်။တူလ်လီကာတို့ စီးလာတဲ့ရထားမှာ အတူလိုက်စီးပြီး တူလ်လီကာကို လက်ထပ်ခွင့်တောင်းကာ ရထားပေါ်ကနေဆင်းရင် လက်ထပ်ဖို့စီစဥ်ခဲ့ကြတယ်။ကံဆိုးချင်တော့ အာလ်မစ်တို့စီးလာတဲ့ရထားတွဲကို ဓားပြတွေက ၀င်စီးကာ တူလ်လီကာကိုပါ ပြန်ပေးဆွဲသွားခဲ့တယ်။ဖုန်းလိုင်းတွေလဲ ပြတ်တောက်နေပြီး အပြင်‌လောကက ဘယ်သူမှ မကူညီနိုင်တဲ့အခြေအနေမှာ အာလ်မစ်တစ်ယောက် ဓားပြအယောက်၄၀ကျော်လောက်နဲ့ ရင်ဆိုင်ပြီးတော့ တူလ်လီကာကို အောင်မြင်စွာကယ်တင်နိုင်ပါ့မလားဆိုတာကို ကြည့်ရှူကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

ဒီတစ်ခါတင်ဆက်ပေးမှာကတော့ အမေရိကန် မှတ်တမ်းတင်ရုပ်ရှင်ဇာတ်လမ်းအမျိုးအစားဖြစ်ပါတယ်။ အကြောင်းအရာကတော့ အာကာသထဲကို ဒုံးပျံတွေပစ်လွှတ်ပြီး ဂြိုဟ်တုတွေကို လွှတ်တင်ဖို့ ကြိုးစားကြတဲ့ ကုမ္ပဏီနှစ်ခုရဲ့ ပူးတွဲတည်ထောင်သူနှစ်ယောက်အကြောင်းကို ယှဉ်ပြထားတာပါ။ တစ်ဦးကတော့ အက်စ်ထရာရဲ့ စီအီးအို ခရစ်ကမ့်ပ်ဖြစ်ပြီး သူက အာကာသယာဉ်တည်ဆောက်မှုဆိုင်ရာ ဘွဲ့ရရှိခြင်းမရှိခဲ့တာတောင် နာဆာအိမ်းစ်သုတေသနစင်တာမှာအလုပ်ရခဲ့သူပါ။ တကယ်ကိုတော်တဲ့ စွန့်ဦးတီထွင်သူတစ်ယောက်ဖြစ်ပြီး ပြောရင်ပြောတဲ့အတိုင်း အကောင်အထည်ဖော်နိုင်သူ အကြိမ်ကြိမ်လဲကျလည်း ပြန်ထနိုင်သူတစ်ယောက်ပါ။ နောက်တစ်ဦးကတော့ ရော့ကတ်လက်ဘ်ရဲ့ တည်ထောင်သူ နယူးဇီလန်သား ပီတာဘက်ခ်ပဲ ဖြစ်ပါတယ်။ ကျောထောက်နောက်ခံမရှိ အာကာသယာဉ်တည်ဆောက်မှုဆိုင်ရာ ဘွဲ့ရရှိခဲ့ခြင်း မရှိပေမယ့် စပေ့စ်အိက်စ်ရဲ့ ဖယ်ကွန်နိုင်းကို အမီလိုက်ယှဉ်နိုင်ဖို့ ပိုကြီးတဲ့ဒုံးပျံတွေကို ဆောက်လုပ်ဖို့ အစီအစဉ်ရေးဆွဲပြီး အကောင်အထည်ဖော်နေသူတစ်ယောက်ဖြစ်ပါတယ်။ ဂြိုဟ်တုတွေကို ဂြိုဟ်ပတ်လမ်းဆီ လွှတ်တင်နိုင်ခြင်းဖြင့် ကမ္ဘာမြေကို ဘယ်လိုကောင်းကျိုးတွေသယ်လာပေးနိုင်မလဲ.... ဂြိုဟ်တုတွေက ဘယ်လောက်တောင် အရေးပါသလဲ..... စီးပွားရေးလုပ်ငန်းရှင်တွေက ဒီလိုစွန့်စားရတဲ့လုပ်ငန်းမှာ ရင်းနှီးမြှုပ်နှံခြင်းဖြင့် အကျိုးအမြတ်ဘယ်လိုရလာနိုင်လဲ.... ဂြိုဟ်တုတွေကနေတဆင့် တစ်နိုင်ငံနဲ့ တစ်နိုင်ငံ စစ်ဘက်ဆိုင်ရာ အခြေအနေတွေကို ဘယ်လို

မိုးမျှော်တိုက်ကြီးတွေပေါ် စွန့်စားတက်ရတာကြိုက်တဲ့ လူနှစ်ယောက်ဆုံစည်းပြီး အချစ်ဇာတ်လမ်းဖြစ်ပေါ်လာတာပါ။ အန်ဂျလာနဲ့ အိုင်ဗန်တို့က ရုရှားလူမျိုး Skywalkers တွေဖြစ်ပြီး အိုင်ဗန်က သူ့ရဲ့သည်းထိတ်ရင်ဖို့ စွန့်စားခန်း‌တွေနဲ့ ဆိုရှယ်မီဒီယာမှာ နာမည်ကျော်ပါတယ်။ အန်ဂျလာက‌တော့ မိဘတွေက ဆပ်ကပ်ဖျော်ဖြေသူတွေဖြစ်ခဲ့လို့ သူ့ရဲ့ ဗီဒီယိုတွေမှာ ဂျွမ်းဘားကစားကွက်တွေထည့်ပြီး ပထမဆုံးအမျိုးသမီး Rooftopper အဖြစ် လူသိများလာတာပါ။ ဒီလိုနဲ့ အိုင်ဗန်က သတိထားမိသွားပြီး အန်ဂျလာကို သူနဲ့အတူပူးပေါင်းဖို့ ဖိတ်ခေါ်ခဲ့ပါတယ်။ အိုင်ဗန်ကတော့ ဒီအလုပ်ကို ဝါသနာသပ်သပ်မဟုတ်ဘဲ အသက်မွေးဝမ်းကြောင်းအဖြစ် ရွေးချယ်ထားပြီး အန်ဂျလာကိုလည်း အများကြီး သင်ပေးခဲ့ပါတယ်။ ထူးထူးဆန်းဆန်းအကြိုက်ချင်းတူတဲ့ သူတို့နှစ်ယောက် ချစ်သွားကြပြီး သူတို့တက်ဖူးသမျှ မိုးမျှော်တိုက်တွေထဲမှာ အခက်ဆုံး အမြင့်ဆုံးဖြစ်တဲ့ မလေးရှားက မာဒက်ကာရဲ့ ထိပ်ဆုံးကိုရောက်အောင် အခက်အခဲတွေကို ကျော်ဖြတ်ပြီး တက်တာကို ရှုစားရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်