ရုပ်ရှင်အသစ်များ

မိန်းကလေးတွေရဲ့ဘ၀မှာ အရေးအကြီးဆုံးမရှိမဖြစ်ပါဝင်နေတဲ့အရာတစ်ခုကိုပြောပါဆိုရင်တော့ Skincare ပစ္စည်းတွေနဲ့ Skincare လုပ်တာလို့ပြောရမှာပါပဲ။အဲ့ဒါကြောင့်ပဲ ဒီလိုအရမ်းအရေးကြီးတဲ့ထုတ်ကုန်ပစ္စည်းတွေကိုအပြိုင်အဆိုင်စတင်ထုတ်လုပ်လာခဲ့ကြတာ အခုဆိုရင်နိုင်ငံပေါင်းစုံ Brand ပေါင်းစုံနဲ့ရေတွက်လို့တောင်မရနိုင်တော့ပါဘူး။ဒီလိုနဲ့ပဲ Skincare လောကကြီးကအပြိုင်အဆိုင်တွေအရမ်းများလာပြီး မသမာမှုတွေ ဒုစရိုက်မှုတွေများစွာလည်းပေါ်ပေါက်ခဲ့ပါတယ်။အခုတင်ဆက်ပေးမဲ့ဇာတ်ကားလေးထဲမှာတော့အဲ့ဒီပြိုင်ဆိုင်မှုတွေကြားမှာဖြစ်ပျက်ခဲ့တဲ့ ဖြစ်ရပ်မှန်အပေါ်မှာအခြေခံထားတဲ့စိတ်ဝင်စားစရာအဖြစ်အပျက်တွေကိုတွေ့ရမှာပဲဖြစ်ပါတယ်။ဇာတ်ကားနာမည်က မှန်းနေစရာမလိုလောက်အောင် Skincare ပဲဖြစ်ပြီး IMDb Rating 6.1 အထိရရှိထားပါတယ်။ဟုပ်ဂိုးလ်မန်းဆိုတဲ့အမျိုးသမီးက Skincare လုပ်ပေးတဲ့ဆိုင်တစ်ဆိုင်ဖွင့်ထားခဲ့ပြီး နှစ်ပေါင်းများစွာကြိုးစားခဲ့ပြီးတဲ့နောက်မှာသူ့ကိုယ်ပိုင် Skincare ပစ္စည်းတွေကိုထုတ်လုပ်နိုင်ခဲ့ပါတယ်။တီဗီအစီအစဉ်တွေကအစ ဆိုရှယ်မီဒီယာတွေအထိသူ့ကိုလူသိများစိတ်ဝင်စားနေခဲ့ကြပြီး သူ့ဘ၀အတွက်အမြင့်ဆုံးအချိန်ကိုရောက်ရှိလို့နေခဲ့ပါတယ်။ဒါပေမယ့် ကံဆိုးချင်တော့သူ့ဆိုင်ရှေ့တည့်တည့်မှာ တခြား Skincare ဆိုင်အသစ်လာဖွင့်ခဲ့ပါတယ်။အဲ့ဒီမှာတင်သူ့အတွက်ပြိုင်ဖက်ပေါ်လာခဲ့ပြီး သိပ်မကြာခင်မှာတင်သူ့ဘ၀ရဲ့အမြင့်ဆုံးအချိန်ကနေဟိုးအောက်ဆုံးကိုထိုးကျသွားတဲ့အခါမှာတော့ ဟုပ်တစ်ယောက်

ဒဏ္ဍာရီဆန်ဆန်ပုံပြင်တစ်ပုဒ် နားထောင်ရသလိုမျိုး မိသားစုနဲ့အတူ ပေါ့ပေါ့ပါးပါးကြည့်ရမယ့် မှော်ကားဖြစ်ပါတယ်။ ဒီကားကို ဇာတ်လိုက်မင်းသားနှစ်ယောက်ကပဲ ဒါရိုက်တာလုပ် စာရေးဆရာလုပ်ပြီး ရိုက်ကူးထားတာပါ။ ရှေးရှေးတုန်းက အရပ်သား‌တွေကို မှော်ပညာသုံးခွင့်ပိတ်ပင်ထားတဲ့ အလယ်ရီယွန်တိုင်းပြည်မှာ ဟောကိန်းတစ်ခုရှိခဲ့ပါတယ်။ တစ်နေ့ကျရင် အကြီးအကဲတွေ လျှို့ဝှက်ထားတဲ့အကြွင်းမဲ့မှော်နှင်တံကို ကျေးတောသူမိန်းကလေးက ကိုင်ဆောင်ပြီး အင်ပါယာကို ရွှေခေတ်ဆီ လမ်းပြပေးလိမ့်မယ်တဲ့။ လက်ရှိမှာ အင်ပါယာက သုံးပိုင်းကွဲနေပြီး ညီအစ်မသုံးယောက်က တစ်ခုစီအုပ်ချုပ်ပါတယ်။ သူတို့ထဲ ‌အကောက်ကျစ်ဆုံး ဘုရင်မဝင်ဒိုလင်က သုံးခုလုံးကို သူတစ်ယောက်တည်းအုပ်စိုးချင်တဲ့အတွက် နှင်တံရဖို့ တိတ်တဆိတ်အားထုတ်နေခဲ့ပါတယ်။ တစ်ချိန်တည်းမှာပဲ ဟောကိန်းထဲက မိန်းကလေးပေါ်ထွက်လာပြီး ဘုရင်မဘက်ကတပ်မှူးနဲ့ ရေတပ်ကပ္ပတိန်ကပါ ထိုမိန်းကလေးဆီ သစ္စာခံပြီး နှင်တံရှာဖွေဖို့ ခရီးစဉ်စတဲ့အခါ...ဘုရင်မရဲ့အနှောင့်အယှက်တွေကြားကနေ သူတို့သုံးယောက်ရဲ့ ခရီးစဉ်အောင်မြင်ပြီး မှော်ပညာရဲ့ရွှေခေတ်ကို ရောက်နိုင်မလားဆိုတာ ဆက်လက်အားပေးနိုင်ပါပြီ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

Jimmy Carrဆိုတဲ့နာမည်က stand-up comedy show ပရိသတ်တွေအတွက်တော့ မစိမ်းတဲ့နာမည်တစ်ခုပါ။ stand-up comedianတွေရဲ့ ထုံးစံအတိုင်းပဲ ဒီတစ်ခါမှတော့ ထေ့လုံးငေါ့လုံးတွေ အများအပြားနဲ့ showပွဲလေးကို တင်ဆက်ပေးလိုက်ပါပြီ။ အရင်ကလည်း ထိမိလွန်းတဲ့ဟာသတွေကြောင့် ခဏခဏဝေဖန်ခံရတဲ့ဂျင်မီတစ်ယောက် သူဘာလို့ မတောင်းပန်တာလဲ။ ဒီလိုဝေဖန်ပြစ်တင်ခံရရင် ဘယ်လိုရင်ဆိုင်မလဲစတဲ့ ဘဝရဲ့ အတွေ့အကြုံတွေပါ ဝေမျှရင်းတစ်ခွန်းဆိုတစ်ခွန်း ဒတ်ခနဲထိအောင် ပြောနိုင်လွန်းတဲ့ ဂျင်မီတစ်ယောက် ဒီတစ်ခါရှိုးမှာရော ဘာအကြောင်းအရာတွေ ဆွေးနွေးသွားမလဲ။ ဘယ်လိုဖြစ်ရပ်တွေကို ပရိသတ်တွေနဲ့မျှဝေသွားမလဲ။ ဒီတစ်ခါမှာရော ဘယ်လိုထိရှလွယ်တဲ့အကြောင်းအရာတွေနဲ့ ရှယ်ဖဲ့ပြမလဲဆိုတာ အတူရှုစားကြရအောင်ပါ။ ဇာတ်လမ်းအညွှန်းနဲ့ ဘာသာပြန်သူကတော့ Eunice ဖြစ်ပါတယ်။

"လျှောက်တဲ့လမ်းကြောင်းကို ​ပြောင်းရင်ပြောင်းမယ်။ ဒါပေမဲ့ ပန်းတိုင်ကိုတော့ ဘယ်တော့မှမပြောင်းဘူး" ဒီဇာတ်လမ်းလေးဆိုရင် အိန္ဒိယနိုင်ငံမှာ အမှန်တကယ်ဖြစ်ပျက်နေတဲ့ အကြောင်းအရာတွေကို မီးမောင်းထိုးရိုက်ကူးပြထားတဲ့ ပညာပေးဇာတ်လမ်းလေးတစ်ပုဒ်ဆိုလည်းမမှားပါဘူး။ ဆေးကျောင်းတက်ချင်တဲ့ရည်မှန်းချက်ပြင်းပြတဲ့ "တီ"ဆိုတဲ့ကောင်လေးဟာ NEETစာမေးပွဲကို အဆင့်အနိမ့်ပိုင်းနဲ့ ဖြေဆိုအောင်မြင်ခဲ့ပေမဲ့ ဆေးကျောင်းဝင်ခွင့်နေရာကိုတော့ မရခဲ့ရှာဘူး။ ဒါပေမဲ့ စိတ်ဓာတ်ကြံ့ခိုင်လှတဲ့သူဟာ နောက်နှစ်မှ အမှတ်များအောင်ပြန်ဖြေမယ်ဆိုပြီး ကိုယ့်ကိုယ်ကိုယ်နှစ်သိမ့်ခဲ့ပေမဲ့ အဆုံးကျတော့ ဒီဝင်ခွင့်စီစဉ်တဲ့စနစ်ကြီးထဲမှာ လိမ်လည်မှုတစ်ခုရှိနေတာကို သိလိုက်ရပါတော့တယ်။ ဒါကို မခံမရပ်နိုင်ဖြစ်နေတဲ့ "တီ"ဟာ ဒီလိမ်လည်မှုကြီးရဲ့နောက်ကွယ်က တရားခံတွေကို အရေးယူနိုင်ဖို့အတွက် သဲလွန်စတွေလိုက်ရှာဖွေရင် အလိမ်ပေါ်အလိမ်ဆင့်နေတဲ့ လိမ်လည်မှုကြီးတစ်ခုနဲ့ ကြုံတွေ့လိုက်ရပါလေရော...။ သူသိထားတဲ့ အမှန်တရားက အလုံးစုံမဟုတ်ဘဲ တစ်စိတ်တစ်ပိုင်းပဲဆိုတာကို သိလိုက်ရတဲ့အချိန် "တီ"ဆိုတဲ့လူငယ်လေးတစ်ယောက် ဒီဆိုးရွားယုတ်မာတဲ့စနစ်ဆိုးကြီးကို ဘယ်လို​တိုက်ဖျက်မလဲဆိုတာကို စိတ်လှုပ်ရှားစွာကြည့်ရှုရမှာပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

Kil Bill လို Romance , Revenge ခံစားချက်မျိုးကိုရစေမဲ့အပြင် နောက်ပိုင်းရုပ်ရှင်တချို့မှာမြင်တွေ့နေရတဲ့ မင်းသမီးချော Charlotte Kirk ရဲ့အလှအပတွေကိုအသားပေးရိုက်ကူးထားတဲ့အသစ်ထွက်ရှိလာတဲ့ Duchess ဆိုတဲ့ဇာတ်ကားလေးကိုတင်ဆက်ပေးလိုက်ပါတယ်။အက်ရှင်တွေ သွေးထွက်သံယိုတွေ 18+ ခန်းလေးတွေနည်းနည်းပါတဲ့အတွက် ကလေးတွေတော့မကြည့်သင့်ပါဘူး။စကားလက်ဆိုတဲ့ကောင်မလေးတစ်ယောက်က သူ့ရဲဆွဲဆောင်မှုရှိမှုကိုအသုံးချပြီး ခါးပိုက်နှိုက်ကာအသက်မွေးဝမ်းကြောင်းနေရတဲ့ကောင်မလေးတစ်ယောက်ဖြစ်ပါတယ်။တစ်ညမှာတော့သူခါးပိုက်နှိုက်နေတာကိုရော့ဘ်ဆိုတဲ့မာဖီးယားလူဆိုးတစ်ယောက်မြင်သွားပြီး စကားလမ်းကြောင်းစဖြစ်ခဲ့ကြပါတော့တယ်။စစချင်းတုန်းကတော့ စကားလက်ကလက်ရှိလုပ်ကိုင်နေတဲ့အလုပ်လေးဘုံပျောက်သွားမှာနဲ့ လူဆိုးတစ်ယောက်ဖြစ်တဲ့အတွက်ကြောက်နေတာကြောင့်ငြင်းပယ်ခဲ့ပေမဲ့ ရော့ဘ်ရဲ့ဇွဲရှိမှုနဲ့ယောက်ျားပီသမှုတွေကြောင့်မျောပါသွားခဲ့ပါတော့တယ်။ဒီလိုနဲ့နောက်ပိုင်းမှာသူတို့နှစ်ယောက်တွဲဖြစ်ခဲ့ကြပြီး စကားလက်လည်းရော့ဘ်လုပ်ငန်းတွေရဲ့တစ်စိတ်တစ်ပိုင်းမှာပါဝင်လာခဲ့ပါတော့တယ်။စစချင်းတုန်းကတော့ပိုက်ဆံတွေချမ်းချမ်းသာသာနဲ့ပျော်ပျော်ရွှင်ရွှင်နေထိုင်ခဲ့ကြပေမဲ့ ဒုစရိုက်အလုပ်လုပ်တဲ့အတွက် တန်ဖိုးကြီးကြီးမားမားပေးဆပ်ရမဲ့နေ့တစ်နေ့ရောက်လာခဲ့တဲ့အခါမှာတော့ဘာတွေဆက်ဖြစ်မယ်ဆိုတာကိုစိတ်ဝင်တစားကြည့်ရှုရမဲ့အက်ရှင်ကားကောင်းတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ

ဒီတစ်မိတ်ဆက်ပေးချင်တဲ့ဇာတ်ကားလေးကတော့ ဘဝအမောတွေကိုပြေပျောက်စေမယ့် ရုပ်ရှင်သရုပ်ဆောင်လည်းဖြစ် ဟာသလူရွှင်တော်လည်းဖြစ်တဲ့ Adam Sandler ရဲ့ ဇာတ်ကားလေးဖြစ်ပါတယ်။ ဒီဇာတ်ကားလေးထဲမှာ Adam Sandler ဟာ ဟာသရှိုးတစ်ခုကို အလွဲလွဲအချော်ချော်နဲ့ ရောက်သွားခဲ့ပြီး ဘယ်လိုပြက်လုံးတွေ၊ ဘယ်လိုသီချင်းတွေနဲ့ ပရိသတ်တွေကို ဖမ်းစားမလဲဆိုတာကို ကြည့်ရှုရမှာဖြစ်လို့ ကိုယ်တိုင်ကြည့်ရှုခံစားကြည့်ဖို့ တိုက်တွန်းလိုက်ပါရစေ။ ဒီဇာတ်ကားကို အညွန်းနဲ့ဘာသာပြန်ပေးသူကတော့ MCEC ဖြစ်ပါတယ်

Oppenheimer တို့ Die Hart တို့လိုနာမည်ကြီးဇာတ်ကားတွေမှာဇာတ်ပို့အနေနဲ့ဇာတ်လမ်းကိုပံပိုးပေးခဲ့တဲ့ ရင်းနှီးနေသလိုလည်းမဟုတ် စိမ်းနေသလိုလည်းမဟုတ်တဲ့မျက်နှာနဲ့မင်းသား Josh Hartnett ကိုယ်တိုင် ဇာတ်ဆောင်အဖြစ်သရုပ်ဆောင်ထားတဲ့သည်းထိပ်ရင်ဖိုဇာတ်ကားကောင်းလေးတစ်ကားကိုတင်ဆက်ပေးလိုက်ပါတယ်။ဇာတ်ကားနာမည်ကတော့ Trap ဖြစ်ပြီးလက်ရှိ IMDb Rating 6.2 အထိရရှိထားပါတယ်။ဒီဇာတ်လမ်းကိုအဓိကဆွဲဆောင်သွားတာကတော့စိတ္တဇကွင်းဆက်လူသတ်သမားနဲ့ အရမ်းချစ်ခင်ခံရတဲ့အိမ်ထောင်ဦးစီးတစ်ယောက် အဖေကောင်းတစ်ယောက်ရဲ့ဇာတ်ကောင်နှစ်ခုကို Mood Swing တွေသေချာပြောင်းလဲပြီးပီပြင်အောင်သရုပ်ဆောင်နိုင်ခဲ့တဲ့ Josh ရဲ့သရုပ်ဆောင်ချက်တွေကြောင့်ပဲဖြစ်ပါတယ်။ဇာတ်လမ်းအစမှာတော့ကူးပါးနဲ့ရိုင်လေဆိုတဲ့သားအဖနှစ်ယောက်ပျော်ပျော်ပါးပါး သမီးဖြစ်သူအရမ်းကြိုက်တဲ့အဆိုတော်တစ်ယောက်ရဲ့ရှိုးပွဲကိုသွားနေကြတာကိုတွေ့ရမှာဖြစ်ပါတယ်။စစချင်းမှာတော့အားလုံးသာယာအဆင်ပြေပျော်ရွှင်နေခဲ့ပေမဲ့ ခဏအကြာမှာတော့ပွဲလုပ်တဲ့နေရာကို ရဲတွေရော အထူးတပ်ဖွဲ့တွေပါရောက်လာပြီးဝိုင်းထားလိုက်ပါတော့တယ်။သူတို့ရဲ့စစ်ဆင်ရေးကတော့ ဒီနေ့အဲ့ဒီရှိုးပွဲမှာသေချာပေါက်ရှိနေမ‌ဲ့ ကွင်းဆက်လူသတ်သမားကိုထောင်ချောက်ဆင်ဖမ်းဖို့ပါပဲ။ဒီလိုနဲ့အမှတ်မထင်ကူးပါးကအဲ့ဒီရဲတွေကိုတွေ့သွားတဲ့အချိန်မှာ သူ့သမီးနဲ့ပျော်နေတဲ့အပျော်တွေပျောက်သွားပြီး ဒီနေရာကနေထွက်သွားနိုင်ဖို့ပဲစတင်ကြိုးစားနေခဲ့ပါတော့တယ်။ဘာကြောင့်ဆိုတာကိုတော့ရိပ်မိနေလောက်ပ

ကားချစ်သူဝါသနာရှင်များအတွက် စိတ်ဝင်စားစရာကောင်းမဲ့ အသိပညာလည်းရစေမဲ့ Biography ဇာတ်ကားလေးတစ်ကားကိုတင်ဆက်ပေးလိုက်ပါတယ်။ဇာတ်ကားကတော့တခြားမဟုတ်ပါဘူး တစ်ခေတ်တစ်ခါကလမ်းကြမ်းကားပြိုင်ပွဲတွေမှာ အကောင်ကြီးတွေဖြစ်ခဲ့တဲ့ Audi နဲ့ Lancia တို့ကြားကအားပြိုင်မှုတွေကိုကွက်ကွက်ကွင်းကွင်းမြင်တွေ့နိုင်အောင်ရိုက်ကူးတင်ဆက်ထားတဲ့ဇာတ်ကားပဲဖြစ်ပါတယ်။နာမည်ကလည်း Race For Glory : Audi Vs Lancia ပဲဖြစ်ပြီး IMDb Rating 5.8 အထိရရှိထားပါတယ်။၁၉၈၂ ခုနှစ်ပတ်ဝန်းကျင်လောက်မှာ လမ်းကြမ်းကားပြိုင်ပွဲတွေကအရမ်းခေတ်စားလာခဲ့ပြီးကမ္ဘာ့နံပါတ် ၁ တီဗီအားကစားဖြစ်လာခဲ့ပါတယ်။ပြိုင်ပွဲတွေကဒီလိုနာမည်ကြီးလာတာနဲ့အမျှ ကားကုမ္ပဏီတွေကလည်းပြိုင်ပွဲတွေမှာအနိုင်ရဖို့အတွက်သူတို့ကားတွေကိုအကောင်းဆုံးအဆင့်မြှင့်အပြိုင်အဆိုင်ထုတ်လုပ်လာခဲ့ကြပါတယ်။အဲ့ဒီထဲကမှပြိုင်ဆိုင်မှုအပြင်းထန်ဆုံးကတော့ Audi နဲ့ Lancia ကားကုမ္ပဏီ ၂ ခုပဲဖြစ်ပါတယ်။Audi တွေလမ်းကြမ်းကားပြိုင်ပွဲလောကထဲဝင်လာကတည်းက Lancia အတွက်ရှုံးနိမ့်မှုတွေပဲတောက်လျှောက်ကြုံတွေ့ခဲ့ရပါတယ်။အဓိကအကြောင်းအရင်းကတော့ဂျာမန်ကုမ္ပဏီဖြစ်တဲ့ Audi က Four-Wheel လေးဘီးမောင်းစနစ်ကိုဦးအောင်တီထွင်သုံးစွဲနေနိုင်လို့ပဲဖြစ်ပါတယ်။အဲ့ဒီနည်းပညာကိုရဖို့ဆိုတာတော်ရုံလွယ်ကူတာမဟုတ်တဲ့အတွက် Lancia အတွက်ကတော့အနိုင်ရဖို့ခက်ခဲသထက်ပိုခက်ခဲနေခဲ့ပါတယ်။ဒါပေမယ့် Lancia ရဲ့မလျှော့သောဇွဲနဲ့ပြင်းထန်တဲ့လုံလတို့ပေါင်းစည်းပြီး နှစ်ဘီးမောင်းက

ကိုးရီးယားရုပ်ရှင်ချစ်သူတွေအတွက် မြောက်ကိုးရီးယားနဲ့တောင်ကိုးရီးယားစစ်တပ်ကြားကစိတ်ဝင်စားစရာအဖြစ်အပျက်လေးတစ်ခုကိုစိတ်ကူးယဉ်တင်ဆက်ရိုက်ကူးထားတဲ့ဇာတ်ကားလေးတစ်ကားကိုတင်ဆက်ပေးလိုက်ပါတယ်။ဇာတ်ကားနာမည်ကတော့ Escape ဖြစ်ပြီး IMDb Rating 6.6 အထိရရှိထားပါတယ်။မြောက်ကိုးရီးယားဆိုတာလူ့အခွင့်အရေးချိုးဖောက်ခံရတဲ့ စည်းကမ်းတင်းကြပ်တဲ့ဖိနှိပ်တဲ့နိုင်ငံအဖြစ်နာမည်ဆိုးနဲ့ကျော်ကြားတာလူတိုင်းအသိပါပဲ။အဲ့ဒီမှာနေနေရတဲ့သာမန်အရပ်သားတွေရဲ့ဘ၀တွေတောင်ကြမ်းတမ်းခက်ခဲနေတဲ့အတွက် စည်းကမ်းတင်းကြပ်တဲ့ စစ်တပ်ထဲကစစ်သားတွေရဲ့ဘ၀ဆိုရင်တော့မတွေးရဲလောက်စရာပါပဲ။အဲ့ဒါကြောင့်ပဲလွတ်လပ်တဲ့တောင်ကိုးရီးယားကိုထွက်ပြေးဖို့ကြိုးစားခဲ့ပြီးအောင်မြင်ခဲ့တဲ့သူတွေရှိသလို မအောင်မြင်ခဲ့တဲ့လူတွေလည်းရှိပြီး အခါအခွင့်ရတာနဲ့လစ်ဖို့ကြိုးစားနေတဲ့လူတွေလည်းတစ်ပုံကြီးပါပဲ။အဲ့လိုတောင်ကိုးရီးယားကိုထွက်ပြေးဖို့ကြိုးစားနေတဲ့လူတွေထဲမှာ အင်ဂယူနမ်ဆိုတဲ့မြောက်ကိုးရီးယားတပ်စုမှူးတစ်ယေ‌ာက်လည်းအပါအဝင်ပါပဲ။သူ့ဘ၀မှာ သူနေထိုင်ရာမြောက်ကိုးရီးယားသံဆူးကြိုးခြံစည်းရိုးရဲ့တစ်ဖက်ခြမ်းကတောင်ကိုးရီးယားကိုထွက်ပြေးဖို့အမြဲတမ်းစိတ်ကူးနေခဲ့သူဖြစ်ပြီးတစ်နေ့မှာတော့သူ့စိတ်ကူးတွေအောင်မြင်ဖို့အတွက်အကောင်အထည်စဖော်ပြီးတပ်ပြေးခဲ့ပါတော့တယ်။တပ်ပြေးမှုဆိုတာတော်တော်ကြီးလေးတဲ့အတွက်သူ့နောက်ကိုလိုက်ဖမ်းတဲ့အထက်အရာရှိတွေကလည်းလိုက်ဖမ်းရင်း ဘယ်လိုအခက်အခဲတွေကြုံရပြီး အောင်မြင်စွာထွက်ပြေးသွားနိုင်ပါ့

အမှန်တရားကိုမြတ်နိုးတဲ့ သတင်းထောက်မလေးချာလီနဲ့ နိုင်ပွဲဆက်နေတဲ့ မွေထိုင်းဖိုက်တာလေးဂျက်တို့မောင်နှမနှစ်ယောက်က မိဘတွေမရှိတော့တဲ့နောက် တစ်ယောက်နဲ့တစ်ယောက် ကိုင်းကျွန်းမှီ ကျွန်းကိုင်းမှီ အတူနေလာခဲ့တာပေါ့။ ဒါပေမဲ့ လက်ရှိမှာ ဂျက်ဦးစီးနေတဲ့ သူတို့အဖေရဲ့ အားကစားရုံပိုင်ဆိုင်မှု အမည်ပေါက်ကိစ္စနဲ့ သူတို့ဘဝထဲကမေ့ထားတဲ့အဖေနဲ့တွေ့ရဖို့ လမ်းစပေါ်လာတဲ့အခါ... ဖြစ်ချင်တော့ ဒေါသမထိန်းနိုင်တဲ့ ချာလီတစ်ယောက် လက်ပါမိလို့ အလုပ်ကနေ ဆိုင်းငံ့ခံထားရချိန်လည်းဖြစ်တော့ မောင်ဖြစ်သူဂျက်ရဲ့ အဆွယ်ကောင်းမှုနဲ့ ထိုင်းနယ်စပ်အလွန်မှာရှိတဲ့ မြန်မာနိုင်ငံက ခန်ထောက်အကျဉ်းထောင်ကို အဖေနဲ့တွေ့ဖို့ ရောက်လာပါတော့တယ်။ ဒါပေမဲ့ အဖေနဲ့ထောင်ဝင်စာလာတွေ့ဖို့လုပ်ရင်း မောင်နှမနှစ်ယောက် မူးယစ်မှောင်ခိုမှုနဲ့စွပ်စွဲခံရပြီး အကွက်ဆင်ဖမ်းဆီးခံရလိုက်ရပါတော့တယ်။ လူဖြူတွေကိုမုန်းတီးနေတဲ့ ဒီထောင်ကြီးထဲက လွတ်မြောက်ဖို့ တစ်ခုတည်းသောနည်းလမ်းက သူတို့ရဲ့အမွေဖြစ်တဲ့ ကိုယ်ခံပညာကို အသုံးချရဖို့ဖြစ်လာချိန်မှာ မောင်နှမနှစ်ယောက်လုံး အကျဉ်းထောင်ထဲက လက်ဝှေ့ထိုးသတ်ပွဲမှာ ယှဉ်ပြိုင်ဖို့ကြိုးစားရင်း ဘယ်လိုရုန်းကန်ရမလဲဆိုတာ ရှုစားကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eunice ဖြစ်ပါတယ်

ဒီတစ်ခါမှာတော့ ပရိသတ်ကြီးကို Horror Comedy ဇာတ်ကားကောင်းလေးဖြစ်တဲ့ Munjya နဲ့ မိတ်ဆက်ပေးပါရစေ။ IMDb rating အနေနဲ့ဆိုရင်တော့ 6.8 ရရှိထားတာပဲဖြစ်ပါတယ်။ ဒီဇာတ်ကားလေးဟာ မဟာရက်ရှ်တရီယန်ရိုးရာပုံပြင်ကို အခြေခံပြီး ရိုက်ကူးထားတာပါ။ ဇာတ်လမ်းအကျဉ်းလေးကို ပြောပြရရင်တော့ ၁၉၅၂ ခုနှစ်တုန်းက ကွန်ကန်ရွာက ဂို့တယာဆိုတဲ့ ကောင်လေးဟာ သူ့ထက် ၇ နှစ်ကြီးတဲ့ မွန်နီဆိုတဲ့ ကောင်မလေးကို ချစ်မိနေခဲ့ပါတယ်။ ဒါပေမဲ့ မွန်နီက တခြားလူနဲ့ လက်ထပ်မှာကို သိတော့ အောက်လမ်းသုံးပြီး မွန်နီနဲ့ လက်ထပ်ဖို့ ကြိုးစားခဲ့ပေမဲ့ ဂို့တယာကိုယ်တိုင်ပဲ သေသွားခဲ့ရပါတယ်။ ဂို့တယာဟာ သေသွားပြီးတဲ့နောက်မှာတော့ မွန်ဂျာလို့ အမည်ရတဲ့ နတ်ဆိုးဖြစ်သွားပါတော့တယ်။ ဆယ်စုနှစ်များစွာ ကြာပြီးတဲ့နောက် ပူနဲမြို့က ဘစ်တူးလို့ ခေါ်တဲ့ ဆံသသမားလေးဟာ ဝမ်းကွဲဖြစ်သူ စေ့စပ်ပွဲကြောင့် သူ့အမေ အဘွားနဲ့အတူ အမျိုးတွေရှိတဲ့ ကွန်ကန်ရွာကို ပြန်သွားခဲ့ပါတယ်။ တစ်ရက်မှာတော့ ဘစ်တူးဟာ ဦးလေးဖြစ်သူနဲ့ စကားများရင်း ကျိန်စာသင့်နေတဲ့ နေရာကို သွားမိရာကနေ မွန်ဂျာ ဝင်ပူးတာတွေ ခံရသလို မွန်ဂျာက ဘစ်တူးချစ်ရတဲ့ ကောင်မလေးနဲ့ လက်ထပ်ဖို့ ကြိုးစားလာတဲ့ အချိန်မှာတော့......မွန်ဂျာက ဘယ်လိုနတ်ဆိုးမျိုးလဲ ဘာလို့ သူက နတ်ဆိုးဖြစ်သွားရတာလဲ ဘစ်တူးကရော မွန်ဂျာ့ကို တားနိုင်ပါ့မလား သူတို့နှစ်ယောက်ကရော ဘယ်လိုမျိုးပတ်သက်မှုတွေ ရှိတာလဲဆိုတာကိုတော့ ပရိသတ်ကြီးက ဒီဇာတ်ကားလေးထဲမှာ ကြည့်ရှုအားပေးကြပါဦးရှင်

ငယ်ငယ်တည်းက အတူရှိလာတဲ့ အချစ်ဆုံးသူငယ်ချင်းနှစ်ယောက်က အပြန်အလှန်ဖေးမပေးရင်း အခက်အခဲတွေ ပဋိပက္ခတွေကို ညှိနှိုင်းဖြေရှင်းကြပြီး သူတို့ကလေးတွေအတွက် ကြိုးစားတာကို ဖော်ကျူးထားတာပါ။ Single mom တွေရဲ့ အခက်အခဲ ကြောက်ရွံ့အားငယ်မှုတွေနဲ့ ကလေးတွေကို အလုပ်တစ်ဖက်နဲ့စောင့်ရှောက်ရတဲ့ မိခင်တွေရဲ့ စိတ်ကိုထင်ဟပ်နေပါတယ်။ ဒေါင်းန်နဲ့အီဒင်တို့က အရမ်းချစ်တဲ့သူငယ်ချင်းတွေဖြစ်ပြီး ဒေါင်းန်က သူ့အမျိုးသားနဲ့ဒုတိယကိုယ်ဝန်ရပြီး မီးဖွားပြီးကာစဖြစ်ပါတယ်။ အီဒင်ကတော့ လွတ်လွတ်လပ်လပ်နေတတ်ပြီး တစ်ရက်မှာ တစ်ညတာအဖော်နဲ့ မှားမိရာကနေ မထင်မှတ်ဘဲ ကိုယ်ဝန်ရသွားပါတယ်။ ပိုဆိုးတာက သူမှားခဲ့တဲ့လူက အစာနင်ပြီး ဆုံးသွားတာပါ။ အဲ့မှာပဲ Single Mom ဖြစ်ဖို့ ရွေးချယ်လိုက်တဲ့ အီဒင်က ဒေါင်းန်အကူအညီနဲ့ ကလေးလေးကို ရှောရှောရှူရှု‌မွေးဖို့ ပြင်ဆင်ရပါတော့တယ်။ တစ်ဖက်မှာလည်း ဒေါင်းန်က သူ့မိသားစုနဲ့သူဗျာများနေပြီး မအားလပ်အောင်ကို အလုပ်များနေခဲ့ပါတယ်။ ဒီလိုနဲ့ သူငယ်ချင်းတွေကြား ကတောက်ကဆဖြစ်ပြီး နောက်ဆုံးမှာ မိသားစုလိုဖြစ်နေတာမို့ ပြန်လည် သင့်မြတ်အောင် ကြိုးစားတာကို တွေ့ရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ရုပ်ရှင်လောကမှာဟောလီး၀ုဒ်ကိုလိုက်မှီဖို့အမြဲတမ်းကြိုးစားအားထုတ်ပြီး အသစ်အဆန်းတွေကိုချပြနေတဲ့ နိုက်ဂျီးရီးယားရုပ်ရှင်လောကရဲ့ Tokunbo ဆိုတဲ့ Netflix တန်းဝင်ဇာတ်ကားသစ်လေးတစ်ကားကိုထပ်မံတင်ဆက်ပေးလိုက်ပါတယ်။ဇာတ်ကားအမျိုးအစားကတော့အက်ရှင် ဒရာမာဖြစ်ပြီး ပြီးပြီးရောမဟုတ်ပဲ သေချာကြိုးစားအားထုတ်ပြီးရိုက်ထားတဲ့စိတ်လှုပ်ရှားစရာဇာတ်လမ်းဇာတ်ကွက်တွေကိုချပြထားတာတွေ့ရမှာဖြစ်ပါတယ်။တိုကွန်ဘိုဆိုတဲ့လူက ကားမောင်းတာအရမ်းကျွမ်းကျင်သူတစ်ဦးဖြစ်ပြီး အစိုးရလက်ချက်ကြောင့်ငွေကြေးကြပ်တည်းမှုကိုရင်ဆိုင်နေရတဲ့လူတွေအများကြီးထဲကတစ်ယောက်ဖြစ်ပါတယ်။အဲ့ဒါကြောင့်ပဲသူ့အရည်အချင်းကိုအသုံးချ‌ပြီး ရဲတွေမမိအောင်ကားတွေကိုမှောင်ခိုပို့ပေးရတဲ့အလုပ်ကိုလုပ်ကိုင်ဖြစ်ခဲ့ပါတော့တယ်။ဒါပေမယ့်သူ့ဘ၀ထဲကိုသားလေးတစ်ယောက်ရောက်လာခဲ့ပြီးနောက်မှာတော့အဲ့ဒီအလုပ်ကိုစွန့်လွှတ်ပြီး ကောင်းရောင်းကောင်းဝယ်လုပ်ကိုင်တဲ့လမ်းကိုရွေးချယ်ခဲ့ပါတော့တယ်။ဒါပေမယ့်ကံကြမ္မာကမျက်နှာသာမပေးတဲ့အခါမှာတော့ သူ့သားလေးကဆေးရုံကဆေးဝါးတွေနဲ့အသက်ဆက်နေရပြီး သူ့သားကိုကုသဖို့အတွက်ငွေတွေအများကြီးလိုအပ်လာခဲ့ပါတော့တယ်။ဒီလိုနဲ့မတတ်သာပဲ အလုပ်ရှင်ဟောင်းဆီမှာ အလုပ်သွားတောင်းတဲ့အခါမှာ မရလာပေမဲ့ နိုင်ငံအဆင့်နဲ့ချီတဲ့ဒုစရိုက်အလုပ်ကြီးတစ်ခုကသူ့လက်ထဲအလိုအလျောက်ရောက်လာတဲ့အခါမှာ သူ့သားလေးကိုကယ်တင်ဖို့အဲ့ဒီအလုပ်ကိုအောင်မြင်အောင်လုပ်နိုင်ပါ့မလား သူ့ခရီးစဉ်တစ်လျှောက်မှာရော ဘာတွေကြုံတွေ့သွားရမယ်ဆိုတာက

"Jama"ဆိုတာက ဇာတ်အဖွဲ့ကိုဆိုလိုတာဖြစ်တဲ့အတွက် ဇာတ်ကားနာမည်အတိုင်းပဲ ဒီဇာတ်လမ်းလေးဟာ ဇာတ်အဖွဲ့တစ်ခုကိုအခြေယူပြီး ဇာတ်အိမ်တည်ထားတာပဲဖြစ်ပါတယ်။ ဒီဇာတ်လမ်းလေးထဲမှာတော့ နယ်တကာလှည့်ပြီး လမ်းဘေးပြဇာတ်တွေဖျော်ဖြေနေတဲ့ နာမည်ကြီးဇာတ်အဖွဲ့တစ်ခုထဲမှာ ကလယာနန်လို့ခေါ်တဲ့ လူငယ်လေးက အမျိုးသမီးဇာတ်ကောင်တွေမှာပဲ သရုပ်ဆောင်ခွင့်ရတဲ့အတွက် အမေဖြစ်သူက သူ့သားကို ဘုရင်ဇာတ်ကောင်မှာ သရုပ်ဆောင်ဖို့ အမြဲတိုက်တွန်းပါတယ်။ ဒါပေမဲ့ ဇာတ်ဆရာက သူ့ကို ဘုရင်ဇာတ်ကောင်မှာသရုပ်ဆောင်ခွင့်မပေးဘဲ ချော့တစ်ခါခြောက်တစ်လှည့်နဲ့သိမ်းသွင်းထားပါတယ်။ တကယ်တော့ အဖွဲ့ထဲမှာ ဘုရင်နေရာသရုပ်မဆောင်ရတဲ့လူဆိုလို့ သူတစ်ယောက်တည်းပဲရှိတာပါ။ အကြောင်းပြချက်ကတော့ ဇာတ်ဆရာဘက်က သူ့ကိုမအောင်မြင်စေချင်တဲ့စိတ်နဲ့ တမင်မလုပ်ခိုင်းဘူးဆိုတာကို သိသွားတဲ့အခါ ကလယာနန်တစ်ယောက် ဒီဇာတ်ကောင်ကိုသရုပ်ဆောင်ရဖို့အတွက် ဘယ်လိုတွေကြိုးပမ်းမလဲဆိုတာကို အလွမ်းအဆွေးဆန်ဆန်ကြည့်ရမဲ့ဇာတ်လမ်းလေးတစ်ပုဒ်ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

ဒီဇာတ်ကားလေးကတော့ အထူးတလည်မိတ်ဆက်ပေးစရာလိုမယ်မထင်ပါဘူး။ HBO ကနေတင်ဆက်ပေးလိုက်တဲ့ လေဒီဂါဂါရဲ့Chromatica(2020) စတူဒီယိုအယ်လ်ဘမ်ဖျော်ဖြေပွဲလေးဖြစ်လို ထူးခြားဆန်းပြားတဲ့အပြင်အဆင်တွေ၊ သီချင်းကောင်းကောင်းလေးတွေနဲ့ လေဒီဂါဂါရဲ့Dancing Performance တွေကို အနှစ်အရသာအပြည့်ခံစားရမှာဖြစ်တဲ့အတွက်လက်မလွတ်တမ်းခံစားကြည့်ရှုဖို ညွှန်းဆိုပေးလိုက်ပါရစေ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ MCEC ဖြစ်ပါတယ်

IMDB – 7.3 လောက်ရရှိထားတဲ့ Horror/ Thriller ရုပ်ရှင်ဇာတ်ကားတစ်ခုဖြစ်ပါတယ်။ ဇာတ်လမ်းစစချင်းမှာ ညဘက် ဒန်နီ တစ်ယောက်တည်းရှိနေချိန် စိတ်ရောဂါဝေဒနာရှင်တစ်ယောက်က ဒန်နီရဲ့ အိမ်ထဲကို လူစိမ်းတစ်ယောက် ရောက်နေကြောင်း၊ ဒန်နီ ဒုက္ခရောက်တော့မှာဖြစ်ကြောင်းနဲ့ သူ့ကိုအိမ်ထဲ ဝင်ခွင့်ပြုဖို့ တောင်းဆိုတာကို မြင်တွေ့ရမှာပါ။ အဲ့ဒီနောက်မှာတော့ ဒန်နီတစ်ယောက် ရုပ်ပျက်ဆင်းပျက် ဖြစ်အောင်ကို သူမအိမ်ထဲမှာပဲ သူမ အသတ်ခံလိုက်ရပါတော့တယ်။ ဒန်နီမှာ ရုပ်ချင်းဆင်တူတဲ့ ဒါစီဆိုတဲ့ အမြွှာညီမတစ်ယောက်လည်းရှိပြီး သူမက အကြားအမြင်ရကာ အောက်လမ်းအတတ်လိုမျိုးကိုလည်း တတ်မြောက်ထားပါသေးတယ်။ ဒန်နီကိုသတ်တာက ဘယ်သူလဲ... ဘာအကြောင်းကြောင့်သတ်တာလဲ... စတာတွေကို အမြွှာညီမဖြစ်သူ ဒါစီက လိုက်လံဖော်ထုတ်ကာ သူမ တတ်ကျွမ်းထားတဲ့ပညာရပ်တွေနဲ့ ကလဲ့စားချေပုံကို စိတ်ဝင်တစား ကြည့်ရှုရမှာပဲ ဖြစ်ပါတယ်။ (အညွှန်းရေးသားသူနဲ့ ဘာသာပြန်သူကတော့ Leon K Zaw ဖြစ်ပါတယ်။)

Raayanဇာတ်ကားမှာတော့ ရာလ်ရန်ဟာ ညီငယ်လေးမူလ်သူနဲ့ မာလ်နီကမ်အပါအ၀င် မိသားစုရဲ့အငယ်ဆုံးညီမလေးဒူလ်ဂါကို အရမ်းချစ်တဲ့အကိုတစ်ယောက်ဖြစ်တယ်။တစ်နေ့မှာတော့ ရာလ်ရန်အမေနဲ့အဖေက ပြန်လာမယ်ဆိုပြီး မြို့တက်သွားပေမဲ့ မိဘတွေက ၂ရက်ကြာတာတောင် ပြန်မလာခဲ့ပါဘူး။မိဘ၂ပါးက ဆုံးပါးသွားတာလား သူတို့ကိုစွန့်ပစ်သွားတာလားတောင် သေချာမသိတဲ့အချိန်မှာ ရာလ်ရန်က ငယ်ငယ်ရွယ်ရွယ်လေးနဲ့ ညီ၂ယောက်လက်ကိုဆွဲ ညီမလေးကိုချီပြီး မြို့ကိုတက်ကာ အလုပ်လုပ်ပြီး မောင်နှမတွေကို စောင့်ရှောက်ခဲ့တယ်။ရာလ်ရန်ရဲ့ ဘ၀ရည်မှန်းချက်က ဒူလ်ဂါကို မိသားစုကောင်းနဲ့အိမ်ထောင်ချပေးပြီးတော့ ညီ၂ယောက်ကို ပညာတတ်ဖြစ်အောင် စာသင်ပေးဖို့ဘဲဖြစ်တယ်။ဒါပေမဲ့အလတ်ညီမူလ်သူက ကျောင်းကထွက်ပြီး ပြသာနာပေါင်းစုံလိုက်ရှာနေတာကြောင့် ရာလ်ရန်က သူမပတ်သတ်ချင်တဲ့လူမိုက်ဂိုဏ်းတွေနဲ့ ပတ်သတ်ခဲ့ရတယ်။မူလ်သူကြောင့် ဒုစရိုက်လူမိုက်ဂိုဏ်းတွေနဲ့ ပတ်သတ်ရပြီးနောက်မှာတော့ ရာလ်ရန်ဟာ ညီ၂ယောက်နဲ့ ရန်သူတွေဖြစ်သွားပြီး လူမိုက်ဂိုဏ်းတွေကလဲ ရာလ်ရန်ညီမလေးဒူလ်ဂါကို ပြန်ပေးဆွဲသွားခဲ့တယ်။ရာလ်ရန်တစ်ယောက် သူချစ်ရတဲ့ညီ၂ယောက်ကိုရော ပြန်တိုက်ခိုက်နိုင်ပါ့မလား။ညီမလေးဒူလ်ဂါကိုရော ပြန်ကယ်တင်နိုင်ပါ့မလားဆိုတာကို ကြည့်ရှူကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

အခုတစ်ခါ တင်ဆက်ပေးချင်တဲ့ ဇာတ်ကားလေးကတော့ Action Drama ဇာတ်ကားလေးဖြစ်တဲ့ Toofan ပဲဖြစ်ပါတယ်။ ဒီကားလေးမှာဆိုရင်တော့ Vijay Antony အဓိကပါဝင်သရုပ်ဆောင်ထားပြီး အခြားသောသရုပ်ဆောင်တွေလည်း များစွာပါဝင်ပါတယ်။ ဇာတ်လမ်းအကျဉ်းလေးကို ပြောပြရရင်တော့ အိန္ဒိယလျှို့ဝှက်အေဂျင်စီအဖွဲ့က ခေါင်းဆောင်ဖြစ်သူဟာ သူ့ရဲ့ အတော်ဆုံးအေးဂျင့်အန်သိုနီကို ဘယ်သူမှမသိစေတဲ့ ဘဝမျိုးမှာ ဘယ်သူ့ကိုမှ မခင်တွယ်ပါနဲ့လို့ မှာပြီး အန်ဒါမန်ကျွန်းတွေထဲက မြို့တစ်မြို့မှာ ထားရစ်ခဲ့ပါတယ်။ ဒီလိုနဲ့ တစ်ရက်ကျ ခွေးလေးတစ်ကောင်ကို ကယ်ရင်း သူဟာ ဆိုမယာဆိုတဲ့ ကောင်မလေးနဲ့ တွေ့ခဲ့ပါတယ်။ ဖြစ်ချင်တော့ ဆိုမယာဟာ ငွေတိုးချေးစားတဲ့ ဒါလီဆိုတဲ့ လူနဲ့ ပြဿနာတက်နေခဲ့ပါတယ်။ ဒါလီဆိုတဲ့ သူကလည်း မျိုးရိုးစဉ်ဆက်ချမ်းသာတဲ့အပြင် ရမ်းကားတတ်တဲ့သူမျိုးထဲမှာလည်း ပါနေတာကြောင့် လူတော်တော်များများကြောက်နေရတာပေါ့။ ဒါပေမဲ့လည်း အဲဒီလိုလုပ်နေတတ်တဲ့ ဒါလီ့ကို အမြင်မကြည်တဲ့ ရဲတစ်ယောက်က ဒါလီကို ဖမ်းဖို့ အခွင့်အရေးကို စောင့်နေခဲ့ပါတယ်။ ဖြစ်ချင်တော့ ဘားရ်မာဆိုတဲ့ ကောင်လေးတစ်ယောက်က ဒါလီ့လူပါဆိုပြီး ဒါလီ့နာမည်ကို သုံးမိရာကနေ ပြဿနာပေါင်းစုံတက်ရင်း အန်သိုနီတစ်ယောက် ဝင်ပါရတဲ့အခါမှာတော့....ဘာတွေများ ဆက်ဖြစ်ကြဦးမလဲဆိုတာကိုတော့ ပရိသတ်ကြီးက ကြည့်ရှုအားပေးကြပါဦးရှင်။ အညွှန်းနဲ့ ဘာသာပြန်ကတော့ Kaelyn ပဲဖြစ်ပါတယ်။

ထူးထူးဆန်းဆန်းမကောင်းဆိုးဝါးကြီးတွေနဲ့ကြောက်စရာကောင်းတဲ့ဇာတ်ကားတစ်ကားကိုထပ်မံတင်ဆက်ပေးလိုက်ပါတယ်။ဇာတ်ကားနာမည်ကတော့ Hell Hole ဖြစ်ပြီး ရိုးရိုးတန်းတန်းဇာတ်ကားတွေကြည့်နေရလို့ပျင်းနေရင် အပျင်းပြေကြည့်ရှုသင့်တဲ့ဇာတ်ကားတစ်ကားဖြစ်ပါတယ်။ရေနံတူးဖို့အတွက်ဝေးလံခေါင်ဖျားတဲ့နေရာတစ်ခုကိုရောက်ရှိနေကြတဲ့ အမ်မလီရဲ့အဖွဲ့သားတွေကရေကြီးမှုကြောင့်လမ်းတွေရေမြှုပ်နေလို့ဘာမှမလုပ်ရပဲ ပစ္စည်းတွေရောက်လာမှာကိုထိုင်စောင့်နေရပါတယ်။နောက်ဆုံးမှာတော့လိုအပ်တဲ့ကားတွေ ပစ္စည်းတွေရောက်ရှိလာပြီး စတင်မြေတူးပါတော့တယ်။မြေစစတူးချင်းမှာပဲမြေကြီးထဲမှာလူတစ်ယောက်အသက်ရှင်လျက်ရှိနေတာကိုတွေ့လိုက်ရပြီး ချက်ချင်းတူးဖော်ကယ်ဆယ်ခဲ့ကြပါတယ်။ဒါပေမယ့်အဲ့ဒီလူကနှစ်ပေါင်းများစွာကြာအောင် မြေကြီးထဲမှာနေထိုင်ခဲ့ပြီးဘယ်လိုဖြစ်လို့အသက်ရှင်လျက်ရှိနေသေးတာလဲဆိုတာကတော့မေးခွန်းထုတ်စရာပါပဲ။ဒီလိုနဲ့အဖြေရှာနေကြတုန်း အဲ့ဒီလူရဲ့ခန္ဓာကိုယ်ထဲမှာရှိတဲ့ ကပ်ပါးကောင်ကတစ်ယောက်ပြီးတစ်ယောက်ကိုကူးစက်ကာ စခန်းတစ်ခုလုံးကိုမွှေနှောက်ရင်းနဲ့ အဲ့ဒီကပ်ပါးကောင်ရဲ့နောက်ကွယ်မှာဘယ်လိုစိတ်ဝင်စားစရာအကြောင်းအရာတွေရှိနေမယ်ဆိုတာကိုကြည့်ရှုရမဲ့ဇာတ်ကားတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

"Secret Lives of Orangutans" Documentaryကို ဒါရိုက်တာHuw Cordeyကရိုက်ကူးထားပြီး David Attenboroughကနောက်ခံစကားပြောတင်ဆက်ထားတဲ့ ဇာတ်လမ်းစားဖွယ် Documentary ဇာတ်ကားတခုဖြစ်ပါတယ်။ ဒီ Documentary ထဲမှာ ငါတိုဟာ အသက်၈နှစ်အရွယ် အီဒန် ဆိုတဲ့အော်ရန်ဟူတန်လေးတကောင် သူ့အမေနောက်ထပ်သားပေါက်လေးဆီ အာရုံပြောင်းသွားချိန်မှာ တကောင်ထဲရှင်သန်နိုင်အောင် ဘယ်လိုရုန်းကန်လဲဆိုတာကို မြင်ရမှာပါ။ အော်ရန်ဟူတန်တွေက ညတိုင်းသစ်ရွက်အိပ်ယာလေးတွေလုပ်ကြပြီး တကောင်နဲ့တကောင်ပုံစံမတူပဲ တခါတ‌လေ သစ်ရွက်ခေါင်းအုံးတွေလုပ်လေ့ရှိကြတာကိုပါ သင်ယူရဦးမှာပါ။ ခရီးသွားတာကအစ တိုက်ခိုက်တာနဲ့မိတ်လိုက်ဖိုအသင့်ဖြစ်နေပြီဆိုတာအထိ ပတ်ဝန်းကျင်ကိုကြိုပြောပြတတ်တဲ့ အလေ့အကျင့်လေးတွေကို စိတ်ဝင်စားဖွယ်ကြည့်ရှုရမဲ့ Documentary ဇာတ်လမ်းကောင်းလေးတပုဒ်ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ei Kay Khine ဖြစ်ပါတယ်

Kalki 2898-Adဇာတ်ကားမှာတော့ အနာဂတ်ကမ္ဘာကြီးဟာ ပျက်စီးကာ လေထုတွေ အဆိပ်သင့်၊ဂင်္ဂါမြစ်ကြီးလဲ ခမ်းခြောက်ပြီးတော့ လူတွေဟာ သေကြေပျက်စီးကုန်ကြတယ်။ဒါပေမဲ့အသက်၂၀၀ကျော်ကြာရှင်သန်နေတဲ့Superme Yaskinက Complexကိုတည်ထောင်ပြီးတော့ ကမ္ဘာပေါ်က ရင်းမြစ်စွမ်းအားတွေကို စုပ်ယူပြီးတော့ Complexထဲမှာ ထည့်ထားခဲ့တယ်။ငွေကြေးကြွယ်၀တဲ့လူတွေကတော့ Complexထဲမှာ ဇိမ်အပြည့်နဲ့နေနေရပေမဲ့ Complexအပြင်က လူသားတွေရဲ့ဘ၀ကတော့ အစားတစ်လုပ်အတွက် အချင်းချင်းလုယက်သတ်ဖြတ်နေခဲ့ရတယ်။ဘာလ်ရာဗာက နာမည်ကြီးစစ်သည်တော်တစ်ယောက်ဖြစ်ပေမဲ့ Complexထဲကိုသွားဖို့က သူ့အိမ်မက်ပဲဖြစ်တယ်။Complexထဲ၀င်ရဖို့ ဘာလ်တီရာတစ်ယောက်က Complexက ဆုကြေးငွေထုတ်ထားတဲ့ ရာဇ၀တ်သားတွေကို လိုက်လံဖမ်းဆီးနေခဲ့တယ်။Complexကို ဆန့်ကျင်နေတဲ့ရှန်ဘာလာက သူပုန်အဖွဲ့ဟာ ဘုရားသခင်က ပြန်လည်မွေးဖွားလာပြီးတော့ ကမ္ဘာကြီးကို ကယ်တင်မယ်လို့ ယုံကြည်နေခဲ့တဲ့လူတွေဖြစ်တယ်။တစ်နေ့မှာတော့ Complexကနေထွက်ပြေးလွတ်မြောက်သွားတဲ့ ကိုယ်၀န်ဆောင်အမျိုးသမီးတစ်ယောက်က ၀မ်းဗိုက်ထဲမှာ ဘုရားသခင်ကို လွယ်ထားရတယ်လို့ လူတိုင်းကယုံကြည်နေတာကြောင့် သူပုန်အဖွဲ့က ကယ်တင်သွားခဲ့တယ်။Complexကလဲ အဲ့အမျိုးသမီးကိုဖမ်းဆီးဖို့ ဆုကြေးငွေကြီးထုတ်ထားတော့ ဘာလ်တီရာကလဲ သူပုန်တွေနဲ့တိုက်ခိုက်ပြီး ကိုယ်၀န်သည်ကို ပြန်လည်ဖမ်းဆီးဖို့ ကြိုးစားပါတော့တယ်။ဒီပျက်စီးနေတဲ့ ကမ္ဘာကြီးရဲ့ ကယ်တင်ရှင်ကရော တကယ်ပေါ်လာမှာလား။ဘာလ်တီရာကရော သူ့အိမ်မက်ဖြစ်

ဒီတစ်ခါ တင်ဆက်ပေးချင်တဲ့ ဇာတ်ကားလေးကတော့ ၂၀၁၈ ခုနှစ်တုန်းက Thiruvananthapuram တိရစ္ဆာန်ရုံကနေ ထွက်ပြေးသွားတဲ့ ခြင်္သေ့တစ်ကောင်ရဲ့ တကယ့်ဖြစ်ရပ်မှန်လေးကို ရိုက်ကူးထားတဲ့ Grrr ဆိုတဲ့ ဇာတ်ကားလေးပဲ ဖြစ်ပါတယ်။ ဒီဇာတ်ကားကိုတော့ Jay K ရိုက်ကူးပေးထားပြီး Kunchacko Boban နဲ့ Suraj Venjaramoodu အပြင် တခြားသော သရုပ်ဆောင်တွေလည်း ပါဝင်သရုပ်ဆောင်ပေးထားပါတယ်။ ဇာတ်လမ်းအကျဉ်းလေးကတော့ ရဂျီမွန်နာဒါဆိုတဲ့ ကောင်လေးဟာ ရာချနာဆိုတဲ့ ကောင်မလေးနဲ့ ရည်းစားတွေပါ ဒါပေမဲ့ ရာချနာ့အဖေက နိုင်ငံရေးသမားဖြစ်တဲ့အပြင် အရမ်းလည်း စည်းကမ်းတင်းကြပ်ပါတယ်။ သူတို့ချင်း ကြိုက်နေတာကို အဖေဖြစ်သူက သဘောမကျလို့ ရာချနာက ရဂျီမွန့်ကို ခိုးပြေးဖို့ ပြောပါ လေရော။ အဲဒီ‌နောက်တော့ ရဂျီမွန်လည်း ရာချနာနဲ့ ခိုးပြေးဖို့ ချိန်းထားပေမဲ့ ချိန်းထားတဲ့ နေ့ ချိန်းထားတဲ့ အချိန် ချိန်းထားတဲ့ နေရာမှာ ရာချနာက ပေါ်မလာလို့ ရည်းစားဆီက အပစ်ခံရပြီ အထင်နဲ့ စိတ်ညစ်ပြီး အရက်သောက်ရင်း မူးရူးနေရာကနေ တိရစ္ဆာန်ရုံထဲက ခြင်္သေ့သားရဲတွင်းထဲကို ခုန်ဆင်းသွားပါတော့တယ်။ အဲဒီမှာ ရုံက ဝန်ထမ်းတွေထဲက အရာရှိတစ်ယောက်ကပါ ဝင်ကယ်ရင်း မီးသတ်တပ်ဖွဲ့တွေလည်း ပါလာသလို မီဒီယာကနေတဆင့် ဟိုးလေးတကျော်ကျော် ဖြစ်သွားတဲ့ အခါမှာတော့.... ဘာတွေများ ဆက်ဖြစ်ကြဦးမလဲ ဆိုတာကိုတော့ အချစ်ဟာသ အရောလေးနဲ့ ကြည့်ရှုခံစားပေးပါဦးလို့ တိုက်တွန်းပါရစေရှင်။ အညွှန်းနဲ့ ဘာသာပြန်ကတော့ Kaelyn ပဲဖြစ်ပါတယ်။

မြန်မာနိုင်ငံကော့သောင်းနားမှာ ကြယ်ငါးပွင့်အဆင့် MMA ဖိုက်တာတွေကို လေ့ကျင့်ပေးနေတဲ့ ရွှေကျားသင်တန်းကျောင်းကိုပိုင်ဆိုင်ပါတယ်။ နှစ်တိုင်းအဲ့မှာ ပြိုင်ပွဲလုပ်ပေးပြီး ဒီတစ်ခါမှာတော့ ပြိုင်ပွဲကို အယောင်ပြပြီး အလွန်အန္တရာယ်ရှိတဲ့ အဆိပ်ငွေ့တွေကို ရောင်းဝယ်ဖို့ စီစဉ်ထားတာပါ။ ဒါကို အမေရိကန်တွေဘက်က သတင်းရပြီး အဆိပ်ငွေ့ရှိတာ အတည်ပြုဖို့နဲ့ ဆက်လက်အရေးယူဖို့ရာ MMA ဖိုက်တာ တဖြစ်လဲအေးဂျင့်စကော့ရှစ်ဖ်ကို သင်တန်းကျောင်းဆီ ပြိုင်ပွဲဝင်အဖြစ် လွှတ်လိုက်ပါတယ်။ ဒီမစ်ရှင်ကို စကော့တစ်ယောက် အောင်မြင်မလားဆိုတာ ဆက်လက်ရှုစားပေးနိုင်ပါပြီ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒီဇာတ်ကားကို အက်ရှင်-စွန့်စားခန်းဇာတ်လမ်းတွေကြိုက်တဲ့ ပရိတ်သတ်တွေအကြိုက်ဖြစ်ပါလိမ့်မယ်။ ဇာတ်ကားထဲမှာ အရေးကြီးတဲ့ မစ်ရှင်တစ်ခုအတွက် သူ့ရဲ့အဖွဲ့ဟောင်းကို ပြန်လည်ပေါင်းစည်းတဲ့ အီရတ်စစ်ပြန်တစ်ဦးအကြောင်းကို ရိုက်ကူးထားတာဖြစ်ပါတယ်။ နတ်ဆိုးစစ်တပ်ကို တည်ထောင်ပြီး ကမ္ဘာကြီးကို ကမောက်ကမဖြစ်အောင်လုပ်ဖို့ စိတ်ပိုင်းဖြတ်ထားတဲ့ မိုက်ကယ်အမည်ရှိ နတ်ဆိုးတစ်ကောင်နဲ့ရင်ဆိုင်ရမှာပါ။ ဒီဇာတ်ကားဟာ အက်ရှင်၊ ဟာသအခိုက်အတန့်တွေနဲ့ ထူးခြားဆန်းပြားတဲ့ အထိအတွေ့တွေနဲ့ ပြည့်နှက်နေပြီး အစကနေ အဆုံးအထိ စိတ်လှုပ်ရှားစရာကောင်းတဲ့ ဇာတ်ကားတစ်ကားပဲဖြစ်လို့အားပေးကြည့်ရှုဖို့ထိုက်တန်တဲ့ ဇာတ်ကားကောင်းတစ်ကားပါ။ ဇာတ်လမ်းအညွှန်းနဲ့ ဘာသာပြန်သူကတော့ Thein Htike ဖြစ်ပါတယ်။