ရုပ်ရှင်အသစ်များ

ကိုယ်အယုံကြည်ဆုံးလူဆီကနေ သစ္စာဖောက်ခံရတဲ့ ခံစားချက်ကို အသက်နဲ့ရင်းပြီး ကြုံတွေ့ရတဲ့ ဟောလီးဝုဒ်စတား လော်ရန်လိန်းဆိုတဲ့ မိန်းကလေးရဲ့ ဇာတ်လမ်းဖြစ်ပါတယ်။ လော်ရန်က အသက်ရှစ်နှစ်အရွယ်တည်းက သရုပ်ဆောင်လုပ်ခဲ့ပြီး လူကြိုက်များတဲ့ တီဗီရှိုးကတစ်ဆင့် နာမည်ကျော် ဟောလီးဝုဒ်မင်းသမီး ဖြစ်လာပါတယ်။ သူတို့လောကထုံးစံအတိုင်း နောက်ကွယ်မှာတော့ အဲဒီရှိုးထဲက အဖေနေရာသရုပ်ဆောင်တဲ့ အိမ်ထောင်သည်မင်းသားကြီးနဲ့ လော်ရန်က ဖောက်ပြန်နေတာပါ။ ကံဆိုးပြီး လော်ရန်ရဲ့ဖုန်း hack ခံရလို့ အချက်အလက်တွေ ပေါက်ကြားကုန်တဲ့အပြင် ကိုယ်ဝန်ရှိကြောင်း positive ဖြစ်နေတဲ့ စမ်းသပ်တံပုံပါ leak ဖြစ်သွားတော့ ပွဲဆူသွားပါတယ်။ Scandal ကြောင့် တောထဲက Airbnb မှာ ခဏလာရှောင်တဲ့ လော်ရန်က သူယုံကြည်တဲ့လူ သစ္စာဖောက်တာအပြင် ဘယ်လို ဘေးအန္တရာယ်တွေ ကြုံဦးမလဲဆိုတာ ဆက်လက်အားပေးကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

၁၇ ရာစု မဂိုအင်ပါယာရဲ့ တန်ခိုးအာဏာထွန်းတောက်နေချိန်… ပြည်သူတွေရဲ့ မျှော်လင့်ချက်တို့ မှေးမှိန်နေချိန်မှာ ဒဏ္ဍာရီလာ သူရဲကောင်းတစ်ယောက် ပေါ်ထွက်လာခဲ့ပါတယ်။ သူဟာ ဥပဒေရဲ့အပြင်ဘက်ကနေ ရပ်တည်ပြီး အုပ်စိုးရှင်တို့ရဲ့ မတရားမှုကို ဆန့်ကျင်သူ၊ ဆင်းရဲသားတို့ရဲ့ အားကိုးရာဖြစ်လာသူပါ။ သူ့ရဲ့အဓိကပန်းတိုင်ကတော့ သာမန်မဟုတ်ပါဘူး။ မဂိုဘုရင်ရဲ့ ပလ္လင်ပေါ်က ကမ္ဘာကျော် "ကိုဟီနူး" စိန်ကြီးကို ပြန်လည်ယူငင်ပြီး ပြည်သူတွေအတွက် တရားမျှတမှုကို ဆောင်ကြဉ်းပေးဖို့ ဖြစ်ပါတယ်။ ဒီရည်မှန်းချက်ဟာ သူ့ရဲ့ဓားသွားထက် သူ့ရဲ့ခွန်အားဗလထက် ပိုမိုကြီးမားတဲ့ စိတ်ဓာတ်ကြံ့ခိုင်မှုကို တောင်းဆိုနေပါတယ်။ ဒီဇာတ်လမ်းမှာ အင်အားကြီးမားတဲ့ရန်သူကို လက်နက်နဲ့ ရင်ဆိုင်ရုံသာမက ယုံကြည်ချက်၊ ဇွဲလုံ့လနဲ့ ပြည်သူတွေရဲ့ စိတ်ဓာတ်ခွန်အားကိုပါ အရင်းတည်ပြီး တိုက်ခိုက်ရမဲ့ မော်ကွန်းတစ်ပုဒ်ဖြစ်ကြောင်း ဖော်ညွှန်းနေပါတယ်။ ခမ်းနားတဲ့သမိုင်းနောက်ခံမှာ ရင်ခုန်စရာကောင်းတဲ့ စွန့်စားခန်းတွေနဲ့အတူ အင်ပါယာတစ်ခုလုံးကို တစ်ယောက်တည်း ထိပ်တိုက်ရင်ဆိုင်မဲ့ သူရဲကောင်းတစ်ဦးရဲ့ ဇာတ်လမ်းကို ကြည့်ရှုရမှာ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Clara Sol ဖြစ်ပါတယ်

ဒီဇာတ်ကား​လေးက​တော့ ​အသစ်ထွက်ထားတဲ့ ထိုင်းဘုန်းကြီးဟာသကား​လေး ဖြစ်ပါတယ်။ ​ပေါ့​ပေါ့ပါးပါးနဲ့ စိတ်အပန်း​ပြေ​​​စေမယ့်​ဖျော်​ဖြေ​ရေး ဇာတ်ကား​လေးပါ။ ဇာတ်လမ်းအစမှာ​တော့ ဦးဇင်းဂျက်တို့ ဘုန်းကြီး​​ကျောင်းက ဘုရားပစ္စည်း​တွေကို သူခိုးဝင်ခိုးရာက​နေ ဇာတ်လမ်းကို အစပြုထားပါတယ်။ သူခိုး​နောက်ကိုလိုက်ဖို့ ဆိုင်ကယ်စီးကျွမ်းတဲ့ ဦးဇင်းဂျက် ကြိုးစားခဲ့​ပေမယ့် မ​အောင်မြင်ပဲ ​သင်္ကန်းဝတ်နဲ့ ဆိုင်ကယ်စီးတာ မသင့်​တော်ဘူးဆိုကာ ကျောင်းထိုင်ဘုန်းကြီးက​နေ လူထွက်ခိုင်းပါ​တော့တယ်။ ဘုန်းကြီးလူထွက် ခွန်ဂျက်တစ်​ယောက် လူဝတ်လဲပြီး ဘန်​ကောက်ကိုတက်လာကာ ဘဝကိုရုန်းကန်ရပုံ၊ ငယ်ဖြူဘုန်းကြီးမို့ ​လောကီ​ရေးရာဘဝနဲ့ အခက်အခဲ​တွေ ရင်ဆိုင်ရပုံကို ဟာသ​နှောရိုက်ကူးထားတဲ့ ထိုင်းဟာသကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဒီတစ်ခါမှာတော့ ရိုးရာဓလေ့နဲ့ပတ်သက်တဲ့ ဇာတ်ကားကောင်းတစ်ခုနဲ့ မိတ်ဆက်ပေးပါရ‌စေ " Paradha 2025 " ပါ ဒီဇာတ်ကားမှာ အမျိုးသမီးတွေရဲ့ ဘဝကို ရှင်းလင်းစွာ ထင်ဟပ်ပြသထားပါသေးတယ် ဇာတ်လမ်းအကျဉ်းကတော့ အိန္ဒိယရဲ့ရွာတစ်ရွာမှာ အမျိုးသမီးတွေဟာ အပျိုပေါ်ဝင်ချိန်ကစပြီး ခြုံပုဝါတစ်ထည်ကို တစ်သက်လုံးခြုံကြရပါတယ် သူတို့ရဲ့မျက်နှာကို အဖေ၊ ယောက်ျား၊ သား၊ အစ်ကိုမောင်တွေကလွဲပြီး ဘယ်သူ့ကိုမှမမြင်စေရပါဘူး ဒီရိုးရာဓလေ့ရဲ့နောက်ကွယ်မှာ သမိုင်းအစဉ်အလာတစ်ခုရှိခဲ့ပါတယ် ဒီဓလေ့ကိုချိုးဖောက်ပြီး ပုဝါမခြုံတဲ့အမျိုးသမီးရှိခဲ့ရင် ရွာမှာ ကလေးအသေပဲမွေးတယ်ဆိုတဲ့ ကျိန်စာရှိခဲ့ပါတယ် ဒါကြောင့် မတော်တဆဖြစ်စေ၊ တမင်ဖြစ်စေ ပုဝါကိုချွတ်မိသူမှန်သမျှ ရွာရဲ့မယ်တော်ရှေ့မှာ စတေးခံကြရပါတယ် တစ်နေ့မှာတော့ မြို့ကရောက်လာတဲ့ ဓာတ်ပုံဆရာတစ်ဦးကြောင့် ထိုရွာသူတစ်ဦး ဓလေ့ထုံးတမ်းကို ချိုးဖောက်သလို ဖြစ်ခဲ့ရပါတယ် သူမ ဘာတွေဆက်ရင်ဆိုင်ရမလဲ? ဒီပြဿနာကိုရော ဘယ်လိုဖြေရှင်းသွားမလဲ? မတူညီတဲ့ ဓလေ့ရိုးရာ‌များကို လေ့လာရမယ့်အပြင်မိန်းမသားတစ်ဦးရဲ့ဘဝနဲ့ စိတ်ဓာတ်ကြံ့ခိုင်ပုံတွေကိုပါ ကြည့်ရှုရမှာဖြစ်တာကြောင့် လက်မလွှတ်သင့်တဲ့ ဇာတ်ကားကောင်းတစ်ပုဒ်ပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

၂၀၂၃ ခုနှစ် မေလ ၁ ရက်နေ့မှာ ကိုလံဘီယမ်တောတွင်း လေယာဉ်ပျက်ကျမှု ဖြစ်ပွားပြီးနောက် ရက်ပေါင်း ၄၀ တိတိ အသက်ရှင်ခဲ့တဲ့ ကလေး ၄ယောက်ကို ရှာဖွေခဲ့တဲ့ မှတ်တမ်းတင်ရုပ်ရှင်ဖြစ်ပါတယ်။ လက်စလီတို့မိသားစုက ပထွေးဖြစ်သူ ဘိုဂိုတာမြို့ကို လေယာဉ်နဲ့လိုက်လာစဉ် လေယာဉ်က ကိုလံဘီယမ်တောတွင်း ပျက်ကျသွားခဲ့တယ်။ မိခင်နဲ့ လေယာဉ်မှူးတွေက နေရာမှာပဲ ပွဲချင်းပြီးသေဆုံးခဲ့ရတဲ့အတွက် ၁၃နှစ်အရွယ် အကြီးဆုံးသမီးဖြစ်တဲ့ လက်စလီက အစ်မကြီးအမိရာဆိုတဲ့အတိုင်း ၉နှစ်အရွယ် ညီမငယ် ၅နှစ်အရွယ် မောင်ငယ်တို့ရဲ့ လက်ကိုဆွဲ၊ ၁၁လအရွယ် ကလေးငယ်ကို ချီပိုးပြီး တောထဲကထွက်ဖို့ လမ်းရှာခဲ့တယ်။ လေယာဉ်ပျက်ကျရာ ကိုလံဘီယမ်သစ်တောက လူသူအရောက်အပေါက်မရှိသေးတဲ့အပြင် သစ်ပင်တွေရဲ့အမြင့်ဟာ မီတာ ၄၀လောက်ထိ ရှိပြီး သားရဲတိရစ္ဆာန်ပေါများတဲ့ မိုးသစ်တောဖြစ်တယ်။ လေယာဉ်ပျက်ကျသွားတယ်လို့ သတင်းစရချိန်မှာ လေတပ်နဲ့ ကယ်ဆယ်ရေးရဟတ်ယာဉ်တွေက တောအုပ်ပေါ်မှာ ခေါက်တုံ့ခေါက်ပြန်ပျံသန်းခဲ့ပေမယ့်လို့ ဘာကိုမှမတွေ့ခဲ့ကြရဘူး။ ဒီတော့ အထူးတပ်ဖွဲ့က မြေပြင်ကယ်ဆယ်ရေးဆိုပြီးဆင်းလာတယ်။ တစ်ဖက်မှာ မိသားစုနဲ့ ရင်းနှီးရာရင်းနှီးကြောင်း တိုင်းရင်းသားရှာဖွေရေးအဖွဲ့တွေကလည်း တောနင်းပြီးရှာပေးကြတယ်။ ရှာဖွေရေးအဖွဲ့ တောထဲစဝင်လာကတည်းက မိုးသက်လေပြင်းတွေကျပြီး တစ်ယောက်တည်း အဖွဲ့တွေကွဲ၊ မျက်စိလည်စေတဲ့အထိ တောခြောက်တယ်။ ဆိုင်ရာပိုင်ရာတွေကို တောင်းပန်စကားဆိုမှ အဖွဲ့သားတွေနဲ့ ပြန်ဆုံဆည်းခွင့်ပြုတယ်

ဗီဆခပတ်နမ်ဆိပ်ကမ်းမှာ မှောင်ခိုသမားဆိုင်မွန်က ရွှေနဲ့အကောင်းစားနာရီတွေကို သူ့လက်ထောက်ဒါယယ်နဲ့အတူ ကုန်သွယ်တဲ့အလုပ်လုပ်တယ်။ သူ့သားအာဂျွန်က သူ့အလုပ်ကိုဆက်မယူဘဲ အကောက်ခွန်အရာရှိပဲလုပ်တယ်။ သူတို့အလုပ်သမားတွေထဲမှာ ရဲအသွင်ယူထားတဲ့ဒါယယ့်ကိုမိသွားပြီး အသတ်ခံလိုက်ရပြီးတော့၊ သူတို့အဖွဲ့ထဲမှာရှိတဲ့နောက်ထပ် အသွင်ယူရဲကိုရှာနိုင်ရင် ၂ကုဋေပေးမယ်ဆိုပြီး ဆုကြေးထုတ်ပေးလိုက်တယ်။ တစ်ဘက်ကချန်နိုင်းမှာ ဒေဗာကတည်းခိုခန်းတစ်ခုဖွင့်ထားတယ်။ သူ့သူငယ်ချင်းရာဂျာရှယ်ကာ ဆုံးသွားပြီလို့ကြားလိုက်ရတဲ့အချိန် ဈာပနကိုလိုက်သွားပြီး သူ့သူငယ်ချင်းဆုံးတာက ရိုးရိုးတန်းတန်းမဟုတ်ဘဲသိလိုက်ရတယ်။ ထပ်ပြီးတော့ အဲဒီသေဆုံးမှုက ဆိုင်မွန်တို့နဲ့သက်ဆိုင်နေမှန်းသိလိုက်ရချိန်မှာ သူတို့အဖွဲ့နဲ့ထိပ်တိုက်ရင်ဆိုင်ဖို့လုပ်တယ်။ အဲဒီလိုနဲ့ ဆိုင်မွန်တို့လုပ်ငန်းကြီးရဲ့နောက်ကွယ်ကအမှန်တရားကို ထပ်တူးဖော်မိလိုက်ချိန် ဘာဆက်ဖြစ်မလဲဆိုတော့ ဒီဇာတ်လမ်းမှာ စောင့်ကြည့်လို့ရပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

Taster ဆိုတာ အကြီးအကဲခေါင်းဆောင်တစ်ယောက် စားမယ့်အစာကို အဆိပ်ခတ်ထားမှာစိုးလို့ အရင်ဦးဆုံး မြည်းစမ်းပေးရတဲ့သူတွေကို ခေါ်ပါတယ်။ ဒီထဲက မြည်းစမ်းသူအမျိုးသမီးတွေကတော့ ဟစ်တလာအတွက် အသက်နဲ့ရင်းပြီး မြည်းပေးရတဲ့သူတွေပါ။ ရိုဆာဆူအာက မိဘနှစ်ပါးလုံးမရှိတော့တဲ့အချိန် သူ့ယောကျာ်းရဲ့မြို့မှာ ယောက္ခမတွေနဲ့အတူ လာနေခဲ့ပါတယ်။ စစ်ကြီးအတွင်းမို့ ဂျာမန်ယောကျာ်းသားတွေအားလုံး ရှေ့တန်းရောက်နေပြီး ကျန်ခဲ့တဲ့အိမ်သူတွေကလည်း လင်ယောကျာ်းတွေကိုမျှော်ရင်း အလုပ်လုပ်ရပါတယ်။ သူတို့နေတဲ့မြို့မှာ ဟစ်တလာက တောထဲ ခံတပ်စွဲထားတဲ့အတွက် ရိုဆာတို့မိန်းမသားတွေကို မြည်းစမ်းတဲ့အလုပ်ပေးခဲ့ပါတယ်။ ဘယ်နေ့ အဆိပ်မိပြီးသေရမလဲ စိုးကြောက်ရင်း စစ်ဘေးအန္တရာယ်နဲ့အတူ နေထိုင်ရတဲ့ အမျိုးသမီးတွေရဲ့ ဒုက္ခတွေကို မြင်ရမှာပါ။ ဒီဇာတ်လမ်းက အဲဒီတုန်းက တစ်ဦးတည်းသော အသက်ရှင်ကျန်ရစ်တဲ့ Taster ဖြစ်ပြီး 2014 မှာ‌ အသက် 97 နှစ်နဲ့ဆုံးသွားတဲ့ အမျိုးသမီးကို အခြေခံထားတာမို့ True story ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ငယ်ရွယ်ပြီး လွတ်လပ်မှုကို မြတ်နိုးတဲ့ ကောင်လေးတစ်ယောက်နဲ့ သူ့ဘဝထဲကို ရုတ်တရက်ဝင်ရောက်လာတဲ့ ကောင်မလေးတစ်ယောက်ရဲ့ ရင်ခုန်စရာ ဇာတ်လမ်းတစ်ပုဒ်ကို တွေ့ရပါမယ်။ သူတို့နှစ်ယောက်ရဲ့ ဆုံတွေ့မှုက ရိုးရှင်းသလောက် သူတို့ရဲ့ ဆက်ဆံရေးကတော့ မြို့ပြဘဝလိုပဲ ရှုပ်ထွေးလှပါတယ်။ တစ်ဖက်မှာလည်း နှစ်ပေါင်းများစွာ အတူလက်တွဲလာခဲ့တဲ့ သက်လတ်ပိုင်းအရွယ် ဇနီးမောင်နှံတစ်စုံရဲ့ အေးစက်စပြုနေပြီဖြစ်တဲ့ အိမ်ထောင်ရေးကို မီးမောင်းထိုးပြထားပါတယ်။ တစ်ယောက်ကိုတစ်ယောက် ချစ်နေသေးရဲ့လား၊ ဒါမှမဟုတ် အလေ့အထတစ်ခုကြောင့် အတူဆက်ရှိနေကြတာလားဆိုတဲ့ မေးခွန်းတွေနဲ့အတူ သူတို့ရဲ့ ဇာတ်လမ်းက ပရိသတ်ကို အတွေးပွားစေမှာပါ။ ဒါ့အပြင် အလုပ်နဲ့ဘဝကြားမှာ လုံးပန်းနေရရင်း မထင်မှတ်ဘဲ ရောက်လာတဲ့ ရင်သွေးလေးကြောင့် အချစ်ရေးမှာ အလှည့်အပြောင်းတွေကြုံတွေ့ရတဲ့ စုံတွဲတစ်တွဲရဲ့ ကြိုးစားရုန်းကန်မှုတွေကိုလည်း လက်တွေ့ကျကျ မြင်တွေ့ရမှာ ဖြစ်ပါတယ်။ ဒီဇာတ်လမ်းလေးတွေအားလုံးကို နောက်ခံတေးဂီတသံစဉ်အေးအေးလေးတွေနဲ့အတူ တစ်ခန်းချင်းစီ ပုံဖော်သွားတာက ဒီရုပ်ရှင်ရဲ့ အသက်ပါပဲ။ တစ်ခါတစ်လေမှာ စကားလုံးတွေထက် ဂီတက လူတွေရဲ့ ခံစားချက်ကို ပိုပြီးထိထိမိမိ ပြောပြနိုင်တယ်ဆိုတာကို သက်သေပြနေသလိုပါပဲ။ ဒီရုပ်ရှင်က အချစ်ဆိုတာ ပန်းခင်းလမ်းတစ်ခုတည်းမဟုတ်ဘဲ တစ်ခါတလေမှာ လမ်းကြမ်းတွေကိုလည်း ဖြတ်သန်းရတတ်ကြောင်း၊ ဆုံးရှုံးမှုတွေ၊ နားလည်မှုလွဲတာတွေ၊ ဒုတိယအခွင့်အရေးတွေနဲ့ ပြည့်နှက်နေတဲ့ မြ

ဇာတ်လမ်းက အိမ်ထောင်ရေး ပျက်ဆီးနေတဲ့ ဘန်နဲ့ သူ့ဇနီး (Llana Barron နဲ့ Bryan Scamman တို့ သရုပ်ဆောင်) ရဲ့ ဘဝအကြောင်း။ သူတို့ နှစ်ယောက်က အိမ်ထောင်ရေး အဆုံးသတ်ဖို့ ရုန်းကန်နေရင်း၊ ရုတ်တရက် အိမ်ထဲမှာမကောင်းဆိုးဝါး ပေါ်လာတယ်။ ဒီမကောင်းဆိုးဝါးက သူတို့ရဲ့ စိတ်ဒဏ်ရာ၊ ဒေါသနဲ့ ကြောက်စိတ်တွေကို အသုံးချပြီး အိမ်ထဲကို ကြောက်စရာ အခန်းတွေ ဖန်တီးလိုက်တာ။ ဘန်က အိမ်ထဲမှာ ထူးဆန်းတဲ့ အရိပ်တွေ၊ အသံတွေ ကြားရင်း သူ့ဇနီးကို သံသယ ဝင်လာပြီး၊ သူတို့ နှစ်ယောက်ရဲ့ ဆက်ဆံရေး ပိုရှုပ်ထွေးသွားတယ်။ တစ်ခါဆို မကောင်းဆိုးဝါးက အိမ်ထဲက ပစ္စည်းတွေကို ရွေးပြီး သူတို့ကို ကြောက်အောင် လုပ်တယ်။ ဥပမာ၊ အိပ်ရာထဲ လှဲနေရင်း ရုတ်တရက် အခန်းထဲ အေးစက်စက် လေတိုက်လာပြီး မကောင်းဆိုးဝါးက သူတို့ရဲ့ အတိတ်အမှတ်တရတွေကို ပြန်ပြပြီး စိတ်ရှုပ်အောင်လုပ်တယ်။ ဘန်က ဒီမကောင်းဆိုးဝါးကို ဖယ်ရှားဖို့ ကြိုးစားရင်း မတော်တဆ အိမ်ထဲမှာ ပိတ်မိနေရတယ်။ နောက်ဆုံးမှာ သူတို့နှစ်ယောက်က အိမ်ထောင်ရေး ပြဿနာတွေကို ရင်ဆိုင်ရင်း မကောင်းဆိုးဝါးကို အနိုင်ယူနိုင်မလား ဆိုတာ စိတ်ဝင်စားစရာ အဆုံးသတ်ပါ။ ဒီဇာတ်ကားက အိမ်ထောင်ရေးပျက်ဆီးမှုရဲ့ ကြောက်စိတ်ကို ဟော်ရာနဲ့ရောထားတဲ့ ဇာတ်လမ်းမျိုးပါ။ ဒီဇာတ်ကားက ၁ နာရီ ၃၆ မိနစ်လောက် ကြာပြီး Mehran C. Torgoley က ဒါရိုက်တာလုပ်ထားတယ်။ အဓိက သရုပ်ဆောင်တွေက Llana Barron၊ Bryan Scamman၊ Minna Brighton နဲ့ Bienvenido Colón တို့ ပါဝင်ပါတယ်။ စိတ်

ကွင်းဆက်လူသတ်သမား mystery တွေနဲ့ ထူးမခြားနားတဲ့ ဇာတ်အိမ်ဖြစ်ပေမယ့် ဆုတွေအများကြီး ရထားတာမို့ Horror fan တွေ ကြည့်သင့်ပါတယ်။ Slasher Horror တွေရဲ့ထုံးစံ ကျောင်းကပွဲတွေ ဆယ်ကျော်သက်ပြဿနာတွေနဲ့ အချစ်ရေးတွေ ပါပါတယ်။ ဟန်နာတို့မြို့လေးမှာ လွန်ခဲ့တဲ့နှစ်နှစ်ကစပြီး သူတို့ကျောင်းက ဝန်ထမ်းတွေနဲ့ကျောင်းသားတွေကို ပစ်မှတ်ထားသတ်ဖြတ်တဲ့ မျက်နှာဖုံးစွပ်လူသတ်သမား ပေါ်လာပါတယ်။ ထုံးစံအတိုင်း ရဲတွေကလည်း တရားခံမဖော်နိုင်ဘဲ မဖြေရှင်းရသေးတဲ့ အမှုအဖြစ်ရှိနေတုန်းမှာ နောက်ထပ် လူသတ်မှုတွေ ပေါ်ပေါက်လာပါတယ်။ ဒီအမှုကို assignment အဖြစ် ဟန်နာတို့စိတ်ပညာဆရာက ပေးတဲ့အခါ ဟန်နာတို့အဖွဲ့က စုံစမ်းရင်း ဟိုလူလိုလို ဒီလူလိုလိုနဲ့ နောက်ဆုံးမှာ တရားခံအစစ်က မထင်ထားတဲ့သူဖြစ်နေတာကို တွေ့ရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ပင်ဆယ်ဗေးနီးယားပြည်နယ်၊ မေဘရွတ်မြို့လေးမှာ တစ်ညမှာ တတိယတန်းကျောင်းသား ၁၇ ယောက် ည ၂:၁၇ မှာ အိမ်ကနေ ရုတ်တရက် ထပြေးပြီး ပျောက်သွားတယ်။ တစ်ယောက်တည်း ကျန်ခဲ့တာက အက်လက်စ် (Cary Christopher) ဆိုတဲ့ ကလေးလေး။ ဒီထူးဆန်းတဲ့ ဖြစ်ရပ်က မြို့လေးကို ကမောက်ကမ ဖြစ်စေပြီး လူတွေက ဆရာမလေး ဂျူစတင်း (Julia Garner) ကို “စုန်းမလား” ဆိုပြီး သံသယဝင်ကုန်တယ်။ ဂျူစတင်းက ဒီအမှုကို ဖြေရှင်းဖို့ ကြိုးစားရင်း စိတ်ဓာတ်ကျ၊ အရက်ပြန်သောက်မိပြီး ရဲအရာရှိ ပေါလ် (Alden Ehrenreich) နဲ့ ရှုပ်ထွေးတဲ့ အချစ်ဇာတ်လမ်းထဲ ဝင်မိတယ်။ တစ်ဖက်မှာလည်း ပျောက်သွားတဲ့ ကလေးတစ်ယောက်ရဲ့ အဖေ အာချာ (Josh Brolin) က သူ့ဘာသာသူ စုံစမ်းရင်း ထူးဆန်းတဲ့ လျှို့ဝှက်ချက်တွေ ဖော်ထုတ်လာတယ်။ အက်လက်စ်ရဲ့ အိမ်မှာ ထူးဆန်းတဲ့ အမျိုးသမီးတစ်ယောက်နဲ့ ကလေးတွေရဲ့ လှုပ်ရှားမှုတွေကို အာချာနဲ့ ဂျူစတင်း အိပ်မက်ထဲမှာ မြင်လာကြတယ်။ ဒါ ဘာကြောင့်များလဲ တစ်ခါဆို ဂျူစတင်းက အက်လက်စ်အိမ်ကို စောင့်ကြည့်ရင်း မတော်တဆ ကားထဲ အိပ်ပျော်သွားပြီး အက်လက်စ်ရဲ့ အမေက သူ့ဆံပင်တစ်မျှင်ကို ဖြတ်ယူသွားတာ ဒီဆံပင်က ဘာအတွက်လဲဆိုတာ စဉ်းစားရင်း ကြောက်စရာလျှို့ဝှက်ချက်တွေ ထွက်ပေါ်လာတယ်။ ဒီဇာတ်ကားက ကလေးတွေ ပျောက်ဆုံးမှုရဲ့ နောက်ကွယ်က စုန်းအတတ်တွေ၊ လူတွေရဲ့ ကြောက်စိတ်တွေကို ရောယှက်ပြီး သည်းထိတ်ရင်ဖိုစရာ ဖန်တီးထားတယ်။ ဒီဇာတ်ကားက ၂ နာရီခွဲလောက် ကြာပြီး ၂၀၂၅ သြဂုတ် ၈ မှာ ရုံတင်ခဲ့ပါတယ် ဝမ်းနည်းကြေကွဲမှု၊

ဒီဇာတ်ကား​လေးက​တော့ ​ကီကီဆိုသူအမျိုးသမီးတစ်​ယောက်ရဲ့ဘဝဇာတ်​ကြောင်းကို ရိုက်ကူးထားတဲ့ ဘဝသရုပ်​ဖော်ဇာတ်လမ်း​လေးပါ။ ခင်ပွန်းဖြစ်သူ ရုတ်တရက်ကွယ်လွန်သွားလို့ ကူကယ်ရာမဲ့​နေတဲ့ ကီကီတစ်​ယောက် သမီး​လေးနဲ့အတူ ​ဘဝကိုရုန်းကန်ရပုံကို ဘာသာ​ရေးဆိုင်ရာအချက်အလက်များနဲ့ ထည့်သွင်းပုံ​ဖော်ရိုက်ကူးထားတဲ့ အင်ဒိုနီးရှားဒရမ်မာဇာတ်ကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

"Bang" ဟာ ရက်စက်ကြမ်းကြုတ်ပြီး နာမည်ကြီး ကြေးစားလူသတ်သမားတစ်ယောက်ရဲ့ ဘဝအလှည့်အပြောင်းကို ရိုက်ကူးထားတဲ့ အက်ရှင်ဇာတ်ကားကောင်းတစ်ကား ဖြစ်ပါတယ်။ ဇာတ်လမ်းအစမှာ အဓိကဇာတ်ကောင်ဖြစ်တဲ့ ကြေးစားလူသတ်သမားဟာ သူ့ရဲ့အသက်ကို ရန်သူတွေက လုပ်ကြံသတ်ဖြတ်ဖို့ ကြိုးစားရာကနေ သီသီလေးလွတ်မြောက်ခဲ့ပါတယ်။ ဒီအဖြစ်အပျက်က သူ့ရဲ့စိတ်ကို ပြောင်းလဲသွားစေခဲ့ပြီး အရင်ကလုပ်ခဲ့တဲ့ အမှားတွေအတွက် ခွင့်လွှတ်မှုကို ရရှိဖို့ ကြိုးစားပါတော့တယ်။ ဒီလိုနဲ့ သူဟာ သူကျင်လည်ခဲ့တဲ့ အဖွဲ့အစည်းကို သစ္စာဖောက်ပြီး လမ်းမှန်ပေါ်ပြန်လျှောက်ဖို့ ကြိုးစားခဲ့ပါတယ်။ ဒါပေမဲ့ သူ့ရဲ့ ဆုံးဖြတ်ချက်က သူ့ကို ပိုမိုကြီးမားတဲ့ အန္တရာယ်ကမ္ဘာထဲကို ဆွဲသွင်းလိုက်သလို ဖြစ်သွားခဲ့ပြီး အရင်က သူ့ရဲ့လုပ်ဖော်ကိုင်ဖက်တွေရဲ့ နံပါတ်တစ်ပစ်မှတ် ဖြစ်လာတဲ့အခါမှာတော့... အတိတ်က အရိပ်မည်းတွေကနေ ရုန်းထွက်ဖို့ကြိုးစားရင်း အသက်အန္တရာယ်နဲ့ ရင်ဆိုင်ရတဲ့အခါ ဘယ်လိုဆက်လက်ရှင်သန်ရပ်တည်မလဲဆိုတာကိုတော့ ဒီရုပ်ရှင်မှာ ကြည့်ရှုရမှာဖြစ်ပါတယ်။ အက်ရှင်ခန်းတွေ၊ သစ္စာဖောက်မှုတွေနဲ့ ဒရာမာဇာတ်ကွက်တွေကို ပေါင်းစပ်ရိုက်ကူးထားတာကြောင့် အက်ရှင်ဇာတ်ကားပရိသတ်တွေအတွက် လက်မလွှတ်သင့်တဲ့ ဇာတ်ကားတစ်ကားပါပဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ edrikk ဖြစ်ပါတယ်

အိမ်ဆိုတဲ့ အရာကို ကြည့်ရှုသူတို့ ဘယ်လိုအဓိပ္ပါယ် ဖွင့်ကြလဲ။ ဒီရုပ်ရှင်လေးထဲမှာတော့ အိမ်ဆိုတာက လုံခြုံနွေးထွေးမှုတွေပေးနိုင်ပြီး စိတ်သက်သာရာရစေတဲ့ တွယ်တာရာလေးပါတဲ့။ ဒါပေမဲ့ အဲလီဆိုတဲ့ ၁၀ တန်း ကျောင်းသူလေးအတွက်ကတော့ အိမ်ဆိုတာက အဲဒီလို ဟုတ်မနေခဲ့ပါဘူး။ သူမရဲ့ မဆင်မခြင် လုပ်ရပ်တစ်ခုကြောင့် မိခင်ဖြစ်သူက သေဆုံးသွားရသလို အစ်ကိုဖြစ်သူကလည်း ​ခြေမသန်မစွမ်းဖြစ်သွားတာကြောင့် ဖခင်ဖြစ်သူ အပါအဝင် ကျန်တဲ့အစ်ကို ၄ ယောက်လုံးရဲ့ မုန်းတီးခြင်းကို အဲလီတစ်ယောက် ခါးစည်းခံရပါတော့တယ်။ အိမ်မှာ မိသားစုနဲ့ အဆင်မပြေတဲ့အပြင် ကျောင်းမှာလည်း အနိုင်ကျင့်ခံရတဲ့ အဲလီတစ်ယောက် ဒီမွန်းကျပ်စရာကောင်းတဲ့ ဘဝကြီးကို ဘယ်လိုရှေ့ဆက်ကြမလဲဆိုတာကို Alie's Home ဆိုတဲ့ ဒီရုပ်ရှင်လေးကို တစ်ဝငိုဖို့ တစ်သျှူးလေးဆောင်ရင်း အတူလိုက်ပါ ကြည့်ရှုပေးကြပါဦးရှင်။ ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Vicky ဖြစ်ပါတယ်

ဗီကရန်ဆိုတာက သတ္တိရှိပြီးတရားမျှတမှုကိုလိုလားတဲ့ရဲအရာရှိပါ။ တစ်နေ့တော့ ACP အဖြစ်ဌာနတစ်ခုဆီ အစမ်းခန့်ကာလအတွက်ရောက်လာပါတယ်။ အဲဒီဒေသမှာ လကွယ်ညတိုင်းဖောက်ထွင်းမှုတွေဖြစ်လေ့ရှိတယ်။ နောက်ဆုံး ဗီကရန်ကအဲဒီအမှုကိုကိုင်ရပါတယ်။ လကွယ်ညတိုင်းမျက်နှာဖုံးတပ်ထားတဲ့လူတစ်စုက အိမ်တွေကိုဖောက်ထွင်းဝင်ပေမဲ့ ပိုက်ဆံဆိုမခိုးဘဲ ရွှေတွေကိုပဲခိုးသွားတတ်တယ်။ တစ်နေ့ မိသားစုဝင်သုံးယောက်ပဲရှိတဲ့အိမ်ကို လူတစ်စုဝင်ခိုးရင်း သမီးဖြစ်သူကိုမတရားပြုကျင့်သွားပေမဲ့ ဘာပစ္စည်းမှမခိုးသွားဘူး။ နောက်ရက်ပိုင်းလောက်ကြာတော့ အဲဒီအမှုကိုဗီကရန်သိသွားပြီး ဆက်လိုက်စုံစမ်းတဲ့အခါမှာ ဘာဆက်ဖြစ်မလဲ၊ ဒီသူခိုးအဖွဲ့ကဘယ်သူလဲ၊ သာမန်သူခိုးတွေလား ကိစ္စတစ်ခုခုကိုကြံစည်နေလားဆိုတာ ဒီကားထဲမှာစိတ်ဝင်စားစွာကြည့်ရှုရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

၁၉၂၀ ခုနှစ်က အိန္ဒိယကို အင်္ဂလိပ်က ကိုလိုနီပြုပြီး အိန္ဒိယမျိုးနွယ်စုတစ်ခုကို အစုလိုက်အပြုံလိုက်သတ်ဖြတ်ခဲ့တယ်။ အဲ့ဒီမှာ မသေဘဲ လွတ်လာတဲ့သူတစ်ချို့က သီရိလင်္ကာဘက်ကို ထွက်ပြေးတိမ်းရှောင်ရင်း သူတို့ရဲ့မျိုးနွယ်စုကို ကာကွယ်ပေးမဲ့ ဘုရင်ပေါ်ထွက်လာဖို့ မျှော်လင့်ချက်နဲ့ စောင့်နေတာ မျက်မှောက်ခေတ်ရောက်သည်အထိပဲ။ တဖက်မှာ အစ်ကိုဖြစ်သူ ရှီဗာကို အရမ်းချစ်တဲ့ ဆူရီ ဆိုတဲ့သာမန်ရဲသားလေးတစ်ယောက်က ၁၂နှစ်သားကတည်းက ပျောက်သွားတဲ့ အစ်ကိုကို ၁၈နှစ်ကြာသည်အထိ လိုက်ရှာနေဆဲပဲ။ တစ်နေ့ အစ်ကိုဖြစ်သူကို ပြန်တွေ့ဖို့ အခွင့်အရေး ရခဲ့ပေမဲ့ တန်ရာတန်ကြေးအနေနဲ့ မစ်ရှင်တစ်ခုကို လုပ်ပေးဖို့ ထိုမျိုးနွယ်စုဆီရောက်သွားခဲ့ရချိန်မှာ ဆူရီတစ်ယောက် သူ့အစ်ကိုကို ပြန်ခေါ်ဖို့ ဘယ်လိုတွေ ကြိုးစားရမလဲ၊ မစ်ရှင်က ဘာလုပ်ပေးရတာလဲ၊ မျိုးနွယ်စုနဲ့ရော ဘယ်လိုတွေ ပတ်သက်လာရမလဲဆိုတာကို အစ်ကိုဖြစ်သူကို အရမ်းချစ်တဲ့ညီတစ်ယောက်ရဲ့ ခံစားချက်တွေကို ပေါ်လွင်အောင်ရိုက်ပြထားတဲ့ ကြည့်လို့ကောင်းတဲ့ ဇာတ်ကားလေးပဲ ဖြစ်ပါတယ်။ ဒီဇာတ်ကားမှာ ဆူရီအဖြစ် မင်းသား Vijay Deverakonda၊ ရှီဗာအဖြစ် မင်းသား Satyadev Kancharana နဲ့ ဒေါက်တာ မာဟူအဖြစ် မင်းသမီး Bhagyashri Borse တို့က အဓိကပါဝင်သရုပ်ဆောင်ထားတာဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

အစ္စရေးနဲ့အီရန်တို့ ဆယ်စုနှစ်ကြာအောင် ရန်လိုနေခဲ့ကြတယ်။ အစ္စရေးတွေက အီရန်ဆီကအမြဲတမ်းခြိမ်းခြောက်ခံနေရတယ်လို့ ခံစားကြရတယ်။ အဲဒါကြောင့်အီရန်တို့ နျူကလီးယားစွမ်းအင်ပိုင်ရှင်ဖြစ်မလာအောင် အစ္စရေးတို့ကအမြဲတမ်း အီရန်ရဲ့နျူကလီးယားသိပ္ပံပညာရှင်တွေကိုလုပ်ကြံကြတယ်။ အဲဒီမှာအီရန်ဘက်ကလည်း အစ္စရေးသံတမန်တွေကိုပစ်မှတ်ပြန်ထားလာတယ်။ အဲဒီလိုနဲ့တစ်ရက်မှာ ဘယ်ဘက်မှန်းမသိတဲ့အဖွဲ့တစ်ဖွဲ့က သံရုံးကားမှာဗုံးထောင်လိုက်လို့ အပြစ်မရှိတဲ့အိန္ဒိယကလေးမလေး အသက်ဆုံးရှုံးလိုက်ရတယ်။ အဲဒီကနေ အိန္ဒိယတို့က တရားခံတွေကိုရှာဖွေရင်း ဇာတ်လမ်းစတင်ပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

ရုတ်တရက် အလှည့်အပြောင်း ဇာတ်အိမ်တွေနဲ့ ပျော်စရာခရီးကနေ စိတ်မွန်းကြပ်စရာ မထင်မှတ်ထားတဲ့ အခြေအနေ ရောက်သွားတာကို ထပ်တူခံစားကြည့်ရှုရမယ့် Dark Comedy အမျိုးအစားပါ။ အိုင်းဇက်နဲ့အိုင်းရစ်စ်တို့က လေးလကြာတွဲပြီး အားလပ်ရက်ကို မြို့ပြင်က ယာတောအိမ်ဆီ အပန်းဖြေခရီးထွက်ခဲ့ပါတယ်။ တစ်နေကုန်ပျော်ပါးကြည်နူးပြီး ညဘက်မှာ အဝတ်ဗီရိုထဲတွေ့ရတဲ့ sex toys နဲ့ပါ ကစားခဲ့ကြပါသေးတယ်။ မနက်နိုးလာတဲ့အချိန် တရားဝင်အတည်တကျတွဲဖို့ ဆန္ဒရှိတဲ့ အိုင်းရစ်စ်က သူ့ဆန္ဒကို ဖွင့်ဟလာတဲ့အချိန် အိုင်းဇက်က relationship ထားရတာမျိုး မလုပ်ချင်တဲ့အတွက် အခြေအနေတင်းမာပြီး အိုင်းရစ်စ်က ညက ကစားထားတဲ့ လက်ထိပ်ခြေထိပ်တွေနဲ့ အိုင်းဇက်ကို ပြန်ခတပြီး အကျပ်ကိုင်ပါတယ်။ ဒီအနေအထားကြီးနဲ့ သူတို့နှစ်ယောက် ဆက်လက်ပြီး ဘာတွေဖြစ်ကြမလဲ...အိုင်းရစ်စ်က ဖိအားမပေးတတ်တဲ့ cool girl လား...အမျိုးစုံကြိုးခုန်ပြီး နောက်ဆုံး သူတို့လက်တွဲဖြစ်လားဆိုတာကတော့... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒီဇာတ်ကားလေးကတော့ အာဏာတွေ ပါဝါတွေအပြည့်ရှိတဲ့ နိုင်ငံရေးအကြီးအကဲတစ်ယောက်ဖြစ်ဖို့ ကြိုးစားရင်း တစ်ဖွဲ့နဲ့တစ်ဖွဲ့တိုက်ခိုက်တဲ့ ဇာတ်ကားလေးပဲဖြစ်ပါတယ်။ ဒီပတ် ဆိုတဲ့ကောင်လေးက သူများရဲ့လယ်တွေကိုငှားရမ်းလုပ်ကိုင်ရတဲ့ ဆင်းရဲသားလယ်သမားရဲ့သားဆိုပေမဲ့ သူ့ရဲ့ရည်မှန်းချက်ကတော့ အာဏာ ပါဝါအပြည့်ရှိတဲ့ နိုင်ငံရေးသမားဖြစ်ချင်တာပါ။ ဒါကြောင့် ရွေးကောင်ပွဲမှာ ဝင်ပြိုင်ဖို့ ဂိုဏ်းတစ်ခုဖွဲ့လိုက်တဲ့အခါ မာလစ် (သခင်ကြီး) ဆိုပြီး အင်အားကြီးလာတယ်။ တစ်ဖက်မှာ လက်ရှိလွှတ်တော်အမတ်ဖြစ်နေတဲ့ ဘယ်လာဆင့်က သူ့နေရာကို လူယူမှာကြောက်လာတဲ့အခါမှာ မာလစ်ကို ရှင်းပစ်ဖို့ နည်းမျိုးစုံသုံးတယ်။ မာလစ်က မိန်းမဖြစ်သူ ရှာလီနီကို အရမ်းချစ်ပေမယ့် ရှာလီနီက ယောက်ျားရဲ့ အသက်နဲ့ရင်းပြီးလုပ်ကြံသတ်ဖြတ်ခံရမယ့် အလုပ်ကြီးမို့ ရွေးကောက်ပွဲဝင်ပြိုင်ဖို့ကို လုံးဝသဘောမကျပါဘူး။ ဒီလိုနဲ့ မာလစ်တစ်‌ယောက် အရမ်းချစ်တဲ့မိန်းမစကားကို နားထောင်မှာလား သူ့ရည်မှန်းချက်အတိုင်း ဆက်သွားမလားဆိုတာကို နောက်ဆုံးမှာ လုံးဝထင်မထားတဲ့ လှည့်ကွက်တစ်ချို့နဲ့ အံ့အားသင့်ပြီး ကြည့်ရမယ့် ဇာတ်ကားလေးပဲဖြစ်ပါတယ်။ ဒီဇာတ်ကားမှာ ဒီပတ် ခေါ် မာလစ်အဖြစ် မင်းသား Rajkummar Rao၊ ဘာဒူနာအဖြစ် မင်းသား Anshumaan Pushkar နဲ့ ရှာလီနီ အဖြစ် မင်းသမီး Manushi Chhillar တို့က အဓိကပါဝင်သရုပ်ဆောင်ထားတာဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

ဒီဇာတ်ကားလေးကတော့ ကျိန်စာသင့်ဒဏ္ဍာရီလာဇာတ်လမ်းတစ်ပုဒ်က မျက်မှောက်ခေတ်အထိ သက်ရောက်နေတဲ့အကြောင်းကို ရိုက်ကူးထားတာပဲဖြစ်ပါတယ်။ ရွာတစ်ရွာမှာ မကောင်းဆိုးဝါးကြီးရဲ့မျိုးဆက်မပြန့်ပွားဖို့ ရှုဗန်ကာမိသားစုမှာ မိန်းကလေးမွေးရင် သတ်ပစ်ရတဲ့အစဉ်အလာဟာ ထိုမိသားစုအတွက် ကျိန်စာတစ်ခု ဖြစ်ခဲ့ပါတယ်။ အမ်ဘီကာရဲ့ယောက်ျား ရှုဗန်ကာဒက်ဂုတာက ထိုမိသားစုဝင်တစ်ယောက်ဖြစ်ပြီး သူတို့က ရွှယ်တာဆိုတဲ့ သမီးလေးတစ်ယောက်ကို မွေးဖွားခဲ့တယ်။ ဒါပေမဲ့ သူတို့က ထိုရွာနဲ့ဝေးတဲ့မြို့တစ်ခုမှာ အခြေချပြီး သမီးမွေးတာကိုလည်း ဘယ်သူ့ကိုမှ မပြောပြထားပဲ အစဉ်အလာကိုချိုးဖောက်ပြီး ကျိန်စာကို ရှောင်လွှဲနိုင်ဖို့ မျှော်လင့်နေကြပါတယ်။ ထိုရွာကို သမီးလေးကိုဘယ်တော့မှခေါ်မသွားဖို့ဆုံးဖြတ်ထားပေမဲ့ ခေါ်သွားရဖို့ ဘယ်လိုတွေအကြောင်းဖန်လာမလဲ၊ ကျိန်စာက သမီးလေးရွှယ်တာအပေါ် ဘယ်လိုတွေ သက်ရောက်လာမှာလဲ၊ ဒီကျိန်စာကို‌ရောလွတ်မြောက်နိုင်ပါ့မလားဆိုတာကို ရင်တုန်စရာခြောက်လှန့်မှုတွေနဲ့အတူ ကြည့်ရှုရမယ့် ဇာတ်ကားလေးပဲဖြစ်ပါတယ်။ ဒီဇာတ်ကားမှာ ဂျိုဒစ်အဖြစ် မင်းသားကြီး Ronit Roy၊ အမ်ဘီကာအဖြစ် မင်းသမီး Kajol နဲ့ ရွှယ်တာအဖြစ် မင်းသမီး Kherin Sharma တို့က အဓိကပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

"F1" ရုပ်ရှင်ဟာ ပြိုင်ကားပရိသတ်တွေအပြင် ရုပ်ရှင်ချစ်သူတွေပါ လက်မလွှတ်သင့်တဲ့ ဇာတ်ကားတစ်ကားပါပဲ။ နာမည်ကျော် မင်းသားကြီး Brad Pitt လည်း ပါဝင်ထားပြီး "Top Gun: Maverick" လို အောင်မြင်တဲ့ ရုပ်ရှင်ကို ရိုက်ကူးခဲ့တဲ့ ဒါရိုက်တာ Joseph Kosinski က တာဝန်ယူထားတာကြောင့် မြင်ကွင်းပိုင်းနဲ့ အသံပိုင်းမှာကတော့ ထိပ်တန်းအဆင့်ပါပဲ။ နာမည်ကျော် ဖော်မြူလာဝမ်း ဒရိုင်ဘာ Lewis Hamilton ကိုယ်တိုင် ပါဝင်ထုတ်လုပ်ထားတာကြောင့် ပြိုင်ကားလောကရဲ့ အတွင်းကျကျ အကြောင်းအရာတွေကို ပိုမိုပီပြင်စွာ မြင်တွေ့ရမှာ ဖြစ်ပါတယ်။ ဇာတ်လမ်းအကျဉ်း ၁၉၉၀ ခုနှစ်တွေတုန်းက နာမည်ကြီးခဲ့ပေမယ့် ပြင်းထန်တဲ့ မတော်တဆမှုတစ်ခုကြောင့် အနားယူခဲ့ရတဲ့ ဖော်မြူလာဝမ်း ဒရိုင်ဘာဟောင်း ဆန်နီဟေးစ် (Brad Pitt) တစ်ယောက် နှစ်ပေါင်းများစွာ ကြာပြီးနောက်မှာတော့ ပြိုင်ကားလောကထဲကို တစ်ကျော့ပြန် ဝင်ရောက်လာပါတယ်။ သူ့ရဲ့တာဝန်ကတော့ အင်အားနည်းပြီး အောင်မြင်မှုနဲ့ အလှမ်းဝေးနေတဲ့ အေပက်စ်ဂျီပီ အသင်းက တက်သစ်စ လူငယ်ဒရိုင်ဘာ ဂျော့ရှ်ဝါပီရာ (Damson Idris) ကို အကြံပေး၊ လမ်းညွှန်ပေးဖို့နဲ့ သူ့ရဲ့အသင်းဖော် ဖြစ်ပေးဖို့ပါပဲ။ မျိုးဆက်ဟောင်းရဲ့ အတွေ့အကြုံနဲ့ မျိုးဆက်သစ်ရဲ့ ထက်သန်တဲ့စိတ်ဓာတ်ကြားက ပေါင်းစပ်မှုကို ဇာတ်လမ်းမှာ မြင်တွေ့ရမှာဖြစ်ပြီး သူတို့နှစ်ဦးဟာ ပြိုင်ဘက်တွေအဖြစ်ရော၊ အသင်းဖော်တွေအဖြစ်ပါ စိန်ခေါ်မှုများစွာကို အတူတကွ ရင်ဆိုင်ကြရမှာ ဖြစ်ပါတယ်။ ပြိုင်ကွင်းပေါ်က အကြ

မ​လေးရှား​ဟော်ရာကား ကြိုက်ကြတဲ့ ပရိသတ်ကြီးအတွက် ဇာတ်ကား​ကောင်း​လေးတစ်ကားနဲ့ မိတ်ဆက်​ပေးချင်ပါတယ်။ အခုနှစ်ထဲမှာ ​လော​လောလတ်လတ်ထွက်ထားတဲ့ ဇာတ်ကားသစ်​လေးပါ။ သန့်ရှင်း​ရေးသမားလို့ ​ပြောလိုက်တာနဲ့ ပုံမှန်အမှိုက်လှည်းပစ္စည်းသိမ်း၊ တောက်တိုမယ်ရလုပ်ရသူလို့ ထင်ကြမှာပါ။ ဒီဇာတ်ကား​​လေးထဲက ဇာတ်လိုက်​တွေက​တော့ ရိုးရိုး Cleaner သန့်ရှင်း​ရေးသမား​တွေ မဟုတ်ပဲ ​သေဆုံးသူ​တွေရဲ့​​နေရာကို သန့်ရှင်း​ရေးလုပ်​ပေးရတဲ့သူ​တွေပါ။ တ​နေ့ အလုပ်လုပ်ဖို့ထွက်လာကြရင်း အစီရင်ခံစာဖတ်ဖို့​မေ့လာခဲ့ပြီး တည်​နေရာတစ်ခုကလွဲ ဘာမှမသိတဲ့အိမ်ကြီးတစ်လုံးကို ​ရောက်ရှိသွားပါတယ်။ အစီရင်ခံစာကို မဖတ်ခဲ့ရတာမို့ ​ဆောင်ရန်​ရှောင်ရန်နဲ့ ​သေဆုံးမှုအ​ခြေအ​နေကို မသိပဲ အိမ်ကြီးထဲကို ဝင်သွားတဲ့အချိန် လူ​သေအ​လောင်း ၃ ​ယောက်ရဲ့နောက်ကွယ်က ​ခြောက်လန့်ဖွယ်ဖြစ်ရပ်​​​တွေနဲ့ နှစ်ပါးသွားရပုံကို စိတ်​ခြောက်ခြားဖွယ် ရိုက်ကူး​ပေးထားပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

အယ်လီယိုဆိုတဲ့ အသက် ၁၁ နှစ်အရွယ်ကောင်လေးဟာ ငယ်စဉ်ကတည်းက မိဘတွေဆုံးပါးသွားတဲ့အတွက် အော်ဂါဆိုတဲ့ အဒေါ်ဖြစ်သူနဲ့ပဲ ကြီးပြင်းလာခဲ့ရတာ ဖြစ်တယ်။ အော်ဂါက အာကာသယာဉ်မှူးဖြစ်ချင်တဲ့အိပ်မက်ကို တူလေးအတွက်စွန့်လွှတ်ခဲ့ရတယ်ဆိုတာကို သိနေတဲ့အယ်လီယိုက သူ့ကိုယ်သူ သူ့အဒေါ်ရဲ့ဘဝတက်လမ်းကို ပိတ်ဆို့နေတဲ့ အတားအဆီးတစ်ခုလို့သာ မြင်နေတော့တယ်။ ဒီတော့ သူကဂြိုဟ်သားတွေ သူ့ကိုလာခေါ်သွားဖို့အတွက် ကျောင်းလစ်ပြီးတော့တောင် ကမ်းခြေမှာ တစ်ယောက်တည်းထိုင်စောင့်နေတဲ့အထိ လုပ်တတ်တယ်။ တစ်နေ့မှာတော့ သူ့ရဲ့ဆန္ဒတွေက ပြည့်မြောက်သွားတယ်။ ကွန်မြူနီဗာ့စ်ဆိုတဲ့ အဖွဲ့အစည်းကဂြိုဟ်သားတွေက သူ့ကိုတကယ်ပဲ လာခေါ်ကြတယ်။ ပြဿနာက သူ့ကိုလာခေါ်တဲ့ ဂြိုဟ်သားတွေက သူ့ကိုကမ္ဘာ့ဂြိုဟ်ရဲ့ ခေါင်းဆောင်လို့ ထင်နေကြတာပဲ။ သူက ကလေးငယ်လေးဆိုတာကို ဘယ်သူမှမသိကြဘဲ သူတို့အဖွဲ့ကို လာရောက်တိုက်ခိုက်သိမ်းပိုက်တဲ့ စစ်ဘီလူးကြီးနဲ့ သံခင်းတမန်ခင်း ညှိနှိုင်းမှုပြုဖို့ စေလွှတ်လိုက်တဲ့အခါ ...။ ဒီရုပ်ရှင်က အပြုသဘောဆန်တဲ့မှတ်ချက်ကောင်းတွေ ရထားသော်ငြား ရုံတင်ဝင်ငွေကတော့ မှန်းချက်နဲ့နှမ်းထွက်မကိုက် ဖြစ်ခဲ့ရပါတယ်။ IMDb အနေနဲ့က ၆.၉ လောက်ရထားပြီး ခရမ်းချဉ်သီးပုပ်မှာကတော့ ၈၉% ဖြစ်ပါတယ်။ အညွှန်းနဲ့ ဘာသာပြန်ကိုတော့ LYKZ က တင်ဆက်ထားပါတယ်။

Comedy ‌ဇာတ်ကားကောင်းတွေ လိုက်ရှာနေကြလား " Policy 2025 " နဲ့မိတ်ဆက်ပေးချင်ပါတယ် ဇာတ်လမ်းအကျဉ်းကတော့ စည်းကမ်းတင်းကြပ်ပြီး အရမ်းလက်ပေါက်ကပ်တဲ့ အာမခံလုပ်ငန်းပိုင်ရှင် သူဌေးကြီးတစ်ဦးရဲ့အကြောင်းပါ သူ့လုပ်ငန်းခွင်မှာ လက်အောက်ငယ်သားတွေအပေါ် အပြောကြမ်းပြီး ကောင်းကွက်တွေကို ထုတ်ပြချီးကျူးလေ့မရှိပါဘူး မိသားစုဝင်တွေအပေါ်မှာလည်း အမြဲစိတ်တိုပြီး လိုအပ်တာထက်ပိုတင်းကြပ်တာမို့ စိတ်သဘောထားကောင်းပေမဲ့ သူ့အနားရှိသူတိုင်းက မွန်းကြပ်ရပါတယ် ဒီလိုအခြေအနေတွေများလာတဲ့အခါ ဘယ်သူကမှ သည်းမခံနိုင်တော့ပါဘူး ဒီအခါမှာ တင်းကြပ်လွန်းတဲ့သူဌေးကြီးကို ဘယ်သူတွေဘယ်လိုလက်စားချေကြမလဲ ? သူဌေးကြီးရော ပြောင်းလဲသွားမှာလား ? ဘဝမှာတကယ်ပဲ စိတ်အရင်းခံကောင်းရုံနဲ့ လုံလောက်လား ထုတ်ပြတတ်ဖို့ရော မလိုအပ်ဘူးလားဆိုတဲ့အကြောင်းအရာတွေကို ဟာသရှုထောင့်ကနေမြင်ရမှာမို့ ကြည့်ရှုသင့်တဲ့ ပညာပေးဟာသကားအဖြစ် မိတ်ဆက်ပေးလိုက်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်