ရုပ်ရှင်အသစ်များ

အိန္ဒိယနိုင်ငံရဲ့ အစဉ်အလာအရ ဇာတ်မြင့်ဇာတ်နိမ့်ခွဲခြားကြပုံကိုရိုက်ထားတဲ့ ဇာတ်ကားတစ်ကားဖြစ်ပါတယ်။ ဇာတ်ကားထဲမှာ အဓိက အမှုကြီးသုံးမှုဖြစ်ခဲ့တယ်။ ပထမအမှုက ဇာတ်နိမ့်တွေကို ဇာတ်မြင့်တွေက အစုလိုက်အပြုံလိုက်သတ်တဲ့အမှု။ ဒုတိယက ဆာဂါဆိုတဲ့သူက သူ့အခက်အခဲကိုဖြေရှင်းဖို့ မတက်သာတဲ့အဆုံး သူငယ်ချင်းဒက်စ်နဲ့ ပေါင်းပြီး ဘက်စ်ကားကို ဓါးပြတိုက်တာ မရည်ရွယ်ဘဲ ဘက်စ်ကားမီးလောင်ပြီး ကားပေါ်ကလူတွေ အများကြီး သေဆုံးမှု။ တတိယအမှုက ရန်သူကို ကလဲ့စားချေဖို့ ဗုံးထောင်တာ အပြစ်မဲ့ပြည်သူ အများကြီးသေဆုံးသွားမှု။ ဒီထဲမှာ အဓိကမင်းသားကတော့ ဒုတိယအမှုက ဆာဂါပါ။ မရည်ရွယ်ပဲ ဖြစ်သွားပေမယ့် ပြည်သူတွေရဲ့နာကြဉ်းမှုကြောင့် သေဒဏ်ပေးဖို့ စီရင်ချက်ချခံလိုက်ချိန်မှာ ဆာဂါ့ကို ဘယ်သူတွေက ကူညီမှာလဲ။ နောက်ဆုံးမှာ တကယ်ပဲ သူငယ်ချင်းနှစ်ယောက်လုံး သေဒဏ်ပေးခံရမှာလား ဆိုတာကို သနားစဖွယ်ကြည့်ရမယ့် တကယ့်ကို မျက်ရည်ခြူတဲ့ ဇာတ်ကားလေးပဲ ဖြစ်ပါတယ်။ ဒီဇာတ်ကားမှာ ဆာဂါအဖြစ် အိန္ဒိယဒါရိုက်တာTeja၊ ဆူစီလာအဖြစ် မင်းသမီး Tanmai နဲ့ သူငယ်ချင်း ဒက်စ်အဖြစ် မင်းသား Pawon Ramesh တို့က ပါဝင်သရုပ်ဆောင်ထားပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

အမျိုးအမည်မသိတဲ့ Monster Horror ကားဖြစ်ပြီး ဒီကောင်ကြီးနဲ့ အသက်လုရင်ဆိုင်ရတဲ့ မိသားစုရဲ့ ရုန်းကန်လှုပ်ရှားရပုံတွေကို ကြည့်ရမှာပါ။ ဒရူးတို့လင်မယားနဲ့ ကလေးနှစ်ယောက်ဟာ မိသားစုတွေ့ဆုံပွဲအတွက် ဇနီးဖြစ်သူရဲ့ မွေးရပ်မြေကို ပြန်လာခဲ့ပါတယ်။ အဲဒီဒေသတစ်ဝိုက်မှာ လူစိမ်းတွေ လမ်းအလွယ်တကူ ပျောက်တတ်ပြီး အာဏာပိုင်တွေကလည်း ဘာမှ ထိထိရောက်ရောက်မလုပ်ပေးပါဘူး။ ဒရူးတို့မိသားစုလည်း လမ်းပျောက်လို့ စမ်းတဝါးဝါးသွားရင်းကနေ ကားအက်ဆီးဒင့် ဖြစ်ပါတယ်။ သူတို့သတိရလာတဲ့အခါမှာတော့ ဘယ်မှန်းမသိတဲ့နေရာမှာ ချုပ်နှောင်ခံရပြီး မျက်နှာဖုံးစွပ်လူက မကောင်းဆိုးဝါးကို လူသားအရှင်လတ်လတ် ဖမ်းကျွေးတဲ့ အဖြစ်ကြီးနဲ့ ရင်ဆိုင်ရပါတယ်။ ဒီသတ္တဝါအတွက် သားကောင်ဖြစ်နေတဲ့ သူတို့မိသားစု ကြောက်စရာအန္တရာယ်ကနေ လွတ်မြောက်ဖို့ ကြိုးစားတာကို အဆုံးထိ အားပေးလိုက်ကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

Noise (2025) ဒီတစ်ခါတင်ဆက်ပေးမှာကတော့ စိတ်လှုပ်ရှားဖွယ် ကြည့်ရှုရမယ့် သည်းထိတ်ရင်ဖိုကားလေးဖြစ်ပါတယ် ဇာတ်လမ်းအကျဥ်းကတော့ ဂျူယောင်းနဲ့ (Lee Sun Bin) ဂျူဟွီး (Han Soo A) ညီအစ်မနှစ်ယောက်က တိုက်ခန်းအသစ်ဆီ အိမ်ပြောင်းလာကြပါတယ် အစ်မဖြစ်သူ ဂျူယောင်းက အကြားအာရုံချို့တဲ့သူတစ်ဦးပါ တစ်နေ့မှာတော့ သူ့ညီမ ဂျူဟွီးက တိုက်ခန်းအပေါ်ထပ်က ထူးဆန်းတဲ့အသံတွေ ကြားရတယ်လို့ သူ့အစ်မကိုပြောလာပါတယ် ဒါပေမယ့် သူ့အစ်မက သူ့ညီမဖြစ်သူရဲ့ စကားကိုမယုံခဲ့ပါဘူး တစ်နေ့မှာတော့ ညီမဖြစ်သူ ဂျူဟွီးက ပျောက်ဆုံးသွားပါတော့တယ် အစ်မဖြစ်သူက ညီမကိုလိုက်ရှာရင်း ဘယ်လိုထူးဆန်းတာတွေ ကြုံတွေ့ရမလဲ သူတို့ပြောင်းလာတဲ့ တိုက်ခန်းမှာလည်း ဘယ်လိုအရာတွေ ဖုံးကွယ်နေလည်းဆိုတာကို စိတ်လှုပ်ရှားဖွယ် ကြည့်ရှုရမယ့် ဇာတ်ကားလေးဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Myint Thuzar Lin ဖြစ်ပါတယ်

အာဝုအထီးလေးတွေရဲ့ အိပ်မက်ဆိုးက ဘာဖြစ်မလဲ။ ဝှေးသင်းခံရမှာ ကြောက်တာပါ။ ဇာတ်လမ်းကတော့ ဘူးလ်ဆိုတဲ့ ခွေးလေးက ဝှေးသင်းခံရမှာကြောက်တဲ့စိတ်ကြောင့် သူ့သခင်တွေ အိမ်ကနေ ထွက်ပြေးသွားပါတော့တယ်။ ဘူးလ်က အိမ်မှာရှိတဲ့ ဖွားအေလုပ်သူရဲ့ ခြေထောက်ကိုဖက်ပြီး မကြာခဏဆိုသလို မဖွယ်မရာပြုတဲ့အတွက် ဘူးလ်ရဲ့ သခင်က ဒီလိုဆုံးဖြတ်ချက်ချလိုက်ရတာ ဖြစ်ပါတယ်။ ဘူးလ်ဘက်ကကြည့်ရင်တော့ သူကလူပျိုကြီး.... အဲ... ခွေးပျိုကြီးပဲ ဖြစ်နေသေးကာ သူ့အိမ်ဘေးက ခွေးမလေးကိုလည်း ကျိတ်ကြိုက်နေပါသေးတယ်။ ဖြစ်ချင်ရာဖြစ် ငါတော့ ဝှေးသင်းမခံနိုင်ဘူးဟေ့ ဆိုပြီး ထွက်ပြေးတာမှာ သူ့သူငယ်ချင်း သုံးကောင်ကလည်း သူနဲ့အတူတူ လိုက်ပါလာကြပါတော့တယ်။ မြို့ထဲလျှောက်သွားရင်း ကြောင်တွေ ခြောက်ချက်ကုတ်တာခံရ၊ တိရိစ္ဆာန်ထိန်းသိမ်းရေးအဖွဲ့က လိုက်ဖမ်းတာခံရနဲ့ ဘူးလ်တို့တသိုက်ရဲ့ စွန့်စားခန်းကို ရှုစားကြည့်ပေးပါဦး။ အန်နီမေးရှင်းဖြစ်ပေမယ့်လို့ ပြကွက်တွေကြောင့်ရော အသုံးအနှုန်းကြောင့်ရော ကလေးငယ်တွေ မကြည့်သင့်ပါဘူး။ အညွှန်းနဲ့ ဘာသာပြန်ကိုတော့ LYKZ က တင်ဆက်ထားပါတယ်။

ဒီဇာတ်ကား​လေးက​​​တော့ သကြားစက်ရုံကြီးမှာ အလုပ်သွားလုပ်ကြမယ့် ရာသီအလိုက်အလုပ်သမားတစ်ဖွဲ့ရဲ့ဖြစ်ရပ်ဆိုးကို ဇာတ်လမ်းဆင်ရိုက်ကူးထားခြင်းဖြစ်ပါတယ်။ ကြံပင်​​တွေရိတ်သိမ်းချိန်​ရောက်တဲ့အချိန် စက်ရုံလုပ်သား​တွေ ​ခေါ်ယူ​လေ့ရှိပါတယ်။ ​​ဝေးလံ​ခေါင်သီတဲ့​နေရာမှာ အလုပ်လုပ်ရတယ်ဆို​ပေမဲ့ ​​​စရိတ်ငြိမ်းပြီး လုပ်ခလစာ​ကောင်းတဲ့အ​တွက် အန်ဒါတို့သူငယ်ချင်းအဖွဲ့လည်း အိမ်မက်ကိုယ်စီနဲ့ ထွက်လာခဲ့ကြပါတယ်။ ဒါ​ပေမဲ့ အဲဒီသကြားစက်ရုံကြီးမှာ ထူးဆန်းတဲ့ညမထွက်ရအမိန့်ချမှတ်ထားပြီး မီး​လောင်မှု​ကြောင့် လူ​သေဆုံးထားတယ်ဆိုတဲ့အ​ကြောင်း သိလိုက်ရတဲ့အပြင် လူသားမဟုတ်တဲ့ မူလ​နေထိုင်သူ​တွေပါ ရှိတယ်ဆိုတဲ့အ​ကြောင်း သိလိုက်ရတဲ့အခါ........အန်ဒါတို့ သူငယ်ချင်း​တွေကြုံ​တွေ့ရမယ့် ဖြစ်ရပ်ဆိုး​တွေကို ​ခြောက်ခြားစရာဇာတ်ကွက်များနဲ့အတူ ခံစားကြည့်ရှုရမယ့် အင်ဒို​ဟော်ရာဇာတ်ကား​​ကောင်း​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

Smurf တို့ရဲ့ ရွာလေးဆီကို အဖွဲ့ဝင်အသစ်လေးတစ်ယောက်ဖြစ်တဲ့ နာမည်မရှိတဲ့ Smurf (No Name Smurf) ရောက်ရှိလာပါတယ်။ သူဟာ သူ့မှာ ထူးဆန်းတဲ့ မှော်စွမ်းအင်တွေ ပိုင်ဆိုင်ထားတယ်လို့ ယုံကြည်နေချိန်မှာပဲ မထင်မှတ်ထားတဲ့ အမှားအယွင်းတစ်ခု ဖြစ်ပွားခဲ့ပါတယ်။ သူ့ရဲ့ စွမ်းအားတွေကြောင့် နှစ်ပေါင်းများစွာ အစပျောက်နေတဲ့ ဗီလိန်ကြီး ရာဇမဲလ် (Razamel) က Smurf ရွာကို ရှာတွေ့သွားပါတော့တယ်။ ဗီလိန်ကြီး ဂါဂမဲလ် ရဲ့ ညီဖြစ်တဲ့ ရာဇာမဲလ်ဟာ စကြဝဠာတစ်ခုလုံးကို အမှောင်ဖုံးလွှမ်းပြီး အပိုင်စီးဖို့ ကြိုးစားနေသူဖြစ်ပြီး၊ သူဟာ Papa Smurf ကို ဖမ်းဆီးခေါ်ဆောင်သွားခဲ့ပါတယ်။ ဒီလိုနဲ့ပဲ နာမည်မရှိ Smurf လေးဟာ Smurfette, Hefty, Brainy တို့လို သူငယ်ချင်းတွေနဲ့အတူ Papa Smurf ကို ကယ်တင်ဖို့အတွက် စွန့်စားခန်းခရီးရှည်ကြီးတစ်ခုကို စတင်ထွက်ခွာရပါတော့တယ်။ သူတို့ရဲ့ ခရီးလမ်းမှာ ပါရီမြို့ကြီးကနေ ကမ္ဘာအသီးသီးကို ဖြတ်သန်းရမှာဖြစ်ပြီး မထင်မှတ်ထားတဲ့ မိတ်ဆွေသစ်တွေ၊ အန္တရာယ်မျိုးစုံနဲ့ ရင်ဆိုင်ရမှာပါ။ ဒီအဖြစ်အပျက်အားလုံးရဲ့ အစဟာ သူ့ကြောင့်ဖြစ်တယ်လို့ ခံစားနေရတဲ့ နာမည်မရှိ Smurf တစ်ယောက် သူ့ကိုယ်သူ သံသယတွေဝင်လာတဲ့အခါမှာတော့ သူဟာ တကယ့်သူရဲကောင်းတစ်ယောက် ဖြစ်လာနိုင်ပါ့မလား? သူတို့ရဲ့ စွန့်စားခန်းတွေ ဘယ်လိုအဆုံးသတ်မလဲ? Smurf တို့တတွေ Papa Smurf ကို အောင်မြင်စွာ ကယ်တင်နိုင်ပါ့မလားဆိုတာကိုတော့ ရင်ခုန်စိတ်လှုပ်ရှားစွာနဲ့ ဆက်လက်စောင့်ကြည့်ရမှာပဲ

ဒီတစ်ခေါက်မှာတော့ စိတ်လှုပ်ရှားစရာ Political - Action ကားတွေကိုကြိုက်တတ်တဲ့ ပရိတ်သတ်ကြီးအတွက် ဇာတ်ကားကောင်းတစ်ပုဒ်နဲ့ မိတ်ဆက်ပေးပါမယ် " Taandob 2025 " ပါ Rating 7.9/10 ရှိတာမို့ rating မြင့် movie တစ်ခုပါပဲ ဇာတ်လမ်းအကျဉ်းကတော့ ရုပ်မြင်သံကြားသတင်းချန်နယ်တစ်ခုကို အကြမ်းဖက်သမားတစ်ဦးက ဝင်ရောက်တိုက်ခိုက်ခဲ့တယ် ရုံးဝန်ထမ်းများစွာကို ဓားစာခံအဖြစ်ဖမ်းဆီးထားပြီး သူလုပ်သမျှအရာတိုင်းကိုလဲ နိုင်ငံတစ်ဝှမ်းကို Live လွှင့်ပြသထားပါတယ် အဲဒီနောက်မှာတော့ ရဲချုပ်တွေ၊ ဝန်ကြီးတွေနဲ့ အတော်ဆုံးသတင်းထောက်ကို သူနဲ့လာဆွေးနွေးဖို့ ခြိမ်းခြောက်ခဲ့တယ် သူဘာကို လိုချင်တာလဲ ? သူ့မှာဘာအကြောင်းပြချက်တွေရှိနေလဲ? ဒါ့အပြင် အချိန်ကြာမြင့်စွာ လိုက်လံဖမ်းဆီနေခဲ့တဲ့ အလိုအရှိဆုံး အကြမ်းဖက်သမားမီခိုင်းလ်ကလည်း ဒီအမှုမှာ ပါဝင်ပတ်သက်နေပါသေးတယ်တဲ့ ဘယ်လိုမျိုးလဲ? လှည့်ကွက်တွေများစွာပါဝင်တာကြောင့် ဇာတ်လမ်းအဆုံးကို ကြိုမခန့်မှန်းနိုင်ဘဲ စိတ်ဝင်တစားကြည့်ရှုရမှာဖြစ်လို့ ညွှန်းပေးလိုက်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ကမ္ဘာပေါ်မှာ အလုံခြုံဆုံးလို့ သတ်မှတ်ခံထားရတဲ့ အန့်ဝပ် စိန်စင်တာမှာ လုံခြုံရေးစည်းမျဉ်းတွေကို ကျော်လွန်ပြီး ခိုးယူမှုကြီးတစ်ခု ဖြစ်ပွားခဲ့ပါတယ်။ ခိုးယူခံရတဲ့ ပမာဏက ဒေါ်လာ သန်း ၁၀၀ ကျော် တန်ဖိုးရှိတဲ့ စိန်တွေ၊ ရွှေတွေနဲ့ အခြားလက်ဝတ်ရတနာတွေပါ။ အခုထိ ဘယ်သူ့လက်ထဲမှာ ရှိနေလဲဆိုတာကိုတောင် မသိရသေးပါဘူး။ ဒီခိုးယူမှုကြီးနောက်ကွယ်မှာ "ကျူရင်ကျောင်းတော်ကြီး" လို့ခေါ်တဲ့ အီတလီလူမျိုး သူခိုးအဖွဲ့ ပါဝင်ပတ်သက်နေတယ်ဆိုတာကို တွေ့ရှိခဲ့ရပါတယ်။ ဒီရုပ်ရှင်မှာတော့ ခိုးယူမှုရဲ့ ဦးဆောင်သူ လီယိုနာဒို နိုတယဘာတိုလို ကိုယ်တိုင်ကနေ ဘယ်လိုစီစဉ်ခဲ့တယ်၊ ဘယ်လိုဖောက်ထွင်းခဲ့တယ်ဆိုတာကို ပထမဆုံးအကြိမ်အဖြစ် ဖွင့်ဟပြောပြသွားမှာပါ လုံခြုံရေး ကင်မရာတွေကို ဘယ်လို လှည့်စားခဲ့တယ်၊ အာရုံခံကိရိယာတွေကို ဘယ်လိုဖျက်ဆီးခဲ့တယ်၊ အကာအကွယ် စနစ်တွေကို ဘယ်လိုကျော်ဖြတ်ခဲ့တယ်ဆိုတာကို သူ့ရဲ့ပါးနပ်တဲ့ စီမံမှုတွေနဲ့အတူ ရင်ခုန်စိတ်လှုပ်ရှားဖွယ် ကြည့်ရှုရမှာဖြစ်ပါတယ် ဒီရုပ်ရှင်ဟာ ပရိသတ်တွေအတွက် Ocean's Eleven လိုမျိုး ခိုးမှုရုပ်ရှင်တွေကို ကြည့်ရသလိုမျိုး ခံစားချက်မျိုးကို ပေးစွမ်းနိုင်မှာဖြစ်ပြီး၊ တကယ့်ဖြစ်ရပ်မှန်အပေါ် အခြေခံထားတာကြောင့် ပိုပြီး စိတ်ဝင်စားစရာကောင်းနေမှာမို့ အဆုံးထိ အသည်းတယားယားနဲ့ကို ကြည့်ရှုရမှာဖြစ်ပါတယ်ခင်ဗျာ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Theo ဖြစ်ပါတယ်

ရမ်တစ်ယောက် ကိစ္စရှိလို့ရွာတစ်ရွာကိုသွားရင်း ညသန်းခေါင် တောနက်ထဲကဖြတ်သွားရဖို့အကြောင်းပေါ်လာတယ်။ တောနက်ထဲခရီးဆက်ရင်း အလယ်လောက်မှာလူတစ်ယောက်နဲ့ဆုံတယ်။ အဲဒီလူကလည်း ခရီးပန်းရင် သူ့တည်းမှာနားလို့ရတယ်ဆိုပြီးဖိတ်တယ်။ အဲဒါနဲ့ရမ်လည်း တဲမှာတစ်ညတည်းမယ်ဆိုပြီး တဲထဲဝင်သွားပြီး အေးဆေးအနားယူတာပေါ့။ ဒါပေမဲ့ နောက်တစ်နေ့မနက်နိုးလာတဲ့အချိန်မှာ ရမ့်ကိုဗြိတိသျှတပ်သားတွေက ကြိုးပေးဖို့အတွက် ဆွဲခေါ်သွားတာကိုခံလိုက်ရတယ်။ ရမ်လည်း မနေ့ကနဲ့ဒီနေ့နဲ့နေရာက မတူတော့တော့ သူ့ကိုယ်သူလည်းဘာဖြစ်မှန်းမသိတော့ဘူးပေါ့။ ရမ်တစ်ယောက် ဘယ်ကမ္ဘာကိုရောက်သွားတာလဲ၊ သူတွေ့ခဲ့တဲ့သူက လူလားဘာလဲ၊ ရမ် သူ့ရဲ့ပုံမှန်ဘဝကိုပြန်သွားနိုင်မှာလားဆိုတာ ဒီ mystery, thriller ကားလေးက ကြည့်ရှုသူတွေကို ဇာတ်အဆုံးထိဆွဲခေါ်သွားပေးနိုင်မှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

Hello ဒီတစ်ခေါက်မှာတော့ “Creation of the Gods II : Demon Force (2025)” ဆိုတဲ့ ဇာတ်ကားလေးကို တင်ဆက်ပေးသွားမှာပဲ ဖြစ်ပါတယ် ။ Creation of the Gods II: Demon Force (2025) ဟာ 2023 ခုနှစ် တရုတ်ရဲ့ ဝင်ငွေအကောင်းဆုံး ရုံတင်ဇာတ်ကားကြီးဖြစ်တဲ့ Creation of the Gods I: Kingdom of Storms ( 2023 ) အဆက် ဖြစ်ပြီး တရုတ်ပြည်ရဲ့ ဂန္တဝင်မြောက်ဝတ္ထုတစ်ခုဖြစ်တဲ့ နာမည်ကြီး စွန်းဝူခုန်းဝတ္ထု နဲ့ အပြိုင်နာမည်ကျော်ကြားတဲ့ ဂန္တဝင်မြောက်ဝတ္ထု 《封神演义》 (Fengshen Yanyi) ကို ပြန်လည်ရိုက်ကူးတင်ဆက်ထားတာပဲ ဖြစ်ပါတယ်။ ဇာတ်လမ်းအကျဉ်း မြေခွေးမိစ္ဆာစူးသာ့ကျီ၏ ညွှတ်ကွင်းအောက်မှာ နစ်မြောနေတဲ့ ယင်ရှို့ဟာ ဖခင်အပါအဝင် မိသားစုဝင် အားလုံးကို သတ်ကာ ဘုရင်အဖြစ် နန်းတက်ခဲ့ပါတယ်။ ဖခင်ရဲ့ ရက်စက်စွာလုပ်ကြံသတ်ဖြတ်မှုကြောင့် အသက်ပေးခဲ့ရတဲ့ ရှန်းတိုင်းပြည်ရဲ့ အိမ်ရှေ့စံမင်းသား ယင်ကျောက်ဟာ အငြိုးနဲ့ ဒေါသတရားကြောင့် အသက်ဓာတ်ပျောက်ကွယ်သွားဖို့ ငြင်းဆန်နေခဲ့ပြီး ခွန်လွန်တောင်မှ မသေမျိုးများ၏ကူညီမှုဖြင့် အသက်ပြန်ရှင်လာခဲ့ပါတယ်။ တစ်ဖက်မှာလည်း ယင်ကျောက်၏ မိတ်ဆွေဖြစ်သူ ကျီဖာဟာ ရှန်းတိုင်းပြည်ရဲ့ ဧကရာဇ်ယင်ရှို့ကို လုပ်ကြံခဲ့ပြီးနောက် ရှန်းတိုင်းပြည်နဲ့ ရှီချီဟာ စစ်ပွဲကြီးစတင်ခဲ့ပါတော့တယ်။ ရှန်းဘုရင်ရဲ့ အမိန့်နဲ့ ရှန်းစစ်သူကြီး တျန့်ချန်းယွီဟာ မိစ္ဆာစစ်သူကြီး(၄)ယောက်ကို ဦးဆောင်ပြီး ရှီချီကိုစစ်ချီတက်လာခဲ့ပါတော့တယ် ။ ထိုသို့ ရှီချီမြို့

ဒီတစ်ခါမိတ်ဆက်ပေးမှာကတော့ မာဖီးယားဂိုဏ်းထဲက ညီနောင်တွေကြားက သစ္စာရှိမှုနဲ့သံယောစဉ်အကြောင်း အဓိကအသားပေးထားတဲ့ မလေးရှားအက်ရှင်ကားဖြစ်ပါတယ်။ အရစ်ဖ်နဲ့ဂျာကီတို့က ညီအစ်ကိုရင်းတွေဖြစ်ပေမယ့် ကလေးဘဝမှာ မိသားစုကံမကောင်းဘဲ ဂျာကီကပါ အစ်ကိုမပီသလို့ အရစ်ဖ်က အိမ်ကထွက်လာပြီး အစ်ကိုလို လေးစားချစ်ခင်ရတဲ့ ဂက်စ်နဲ့အတူ ဂန်းစတားလုပ်နေခဲ့ပါတယ်။ ဂက်စ်က "နဂါး"လို့ခေါ်တဲ့ သူတို့ဂိုဏ်းရဲ့နောက်တက်မယ့်ခေါင်းဆောင်အဖြစ် အရွေးခံရပြီး ခေါင်းဆောင်သမီးနဲ့ပါ လက်ထပ်တော့မှာပါ။ ဒါပေမဲ့ လက်ထပ်ပွဲညမှာ သတို့သမီးအသတ်ခံရတဲ့အတွက် သံသယတွေပွားလာပြီး အရစ်ဖ်ကပါ နှစ်ရှည်လများကွဲနေတဲ့ အစ်ကိုနဲ့ပြန်ဆုံတဲ့အချိန်...သစ္စာနဲ့ ညီနောင်စိတ်ဓာတ်ကို စမ်းသပ်ခံရမယ့်ပွဲမှာ နောက်ဆုံးပိတ် ဘယ်သူတွေကျန်မလဲ သစ္စာဖောက်တာကရော ဘယ်သူဖြစ်မလဲဆိုတာ ရှုစားပေးကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

စိတ်ဝင်စားဖွယ် သိပ္ပံဇာတ်လမ်းကြိုက်သူတွေအတွက် "Site" လို့ အမည်ပေးထားတဲ့ ရုပ်ရှင်သစ်တစ်ခု ရပါပြီခင်ဗျာ ဒီရုပ်ရှင်ဟာ သာမန်ဇာတ်လမ်းတွေနဲ့ မတူဘဲ စိတ်လှုပ်ရှားစရာ ကောင်းပြီး ကြည့်ရှုသူတွေကို ဖမ်းစားနိုင်မယ့် ဇာတ်လမ်းတစ်ပုဒ် ဖြစ်ပါတယ် ဒီရုပ်ရှင်ရဲ့ အဓိက ဇာတ်ဆောင်ကတော့ နေးလ် ဘာဒို လို့ခေါ်တဲ့ အင်ဂျင်နီယာတစ်ဦး ဖြစ်ပါတယ် နေးလ် ဟာ စစ်တပ် စမ်းသပ်ရေးနေရာဟောင်းတစ်ခုကို စစ်ဆေးဖို့ သွားရာကနေ စိတ်ကို ပြောင်းလဲသွားစေတဲ့ ထူးခြားဆန်းကြယ်တဲ့ အချိန်လှိုင်းတစ်ခုနဲ့ ကြုံတွေ့လိုက်ရပါတယ် အဲဒီဖြစ်ရပ်နောက်ပိုင်းမှာတော့ နေးလ် ဟာ ပုံမှန်မဟုတ်တဲ့ မြင်ကွင်းတွေနဲ့ အတိတ်က နာကျင်စရာ အဖြစ်အပျက်တွေကို မကြာခဏ မြင်ယောင်လာပါတော့တယ်အဲဒီမြင်ကွင်းတွေထဲက အဖြစ်အပျက်တစ်ခုကြောင့် သူ့ရဲ့သားလေးဟာ မျက်စိကွယ်လုနီးပါး ဖြစ်ခဲ့ရတဲ့အခါမှာတော့ နေးလ်တစ်ယောက် ဟာ ဒီလျှို့ဝှက်ဆန်းကြယ်မှုတွေကို ဖော်ထုတ်ဖို့ ကြိုးစားပါတော့တယ် ဇာတ်လမ်းတစ်လျှောက်လုံးမှာ နေးလ် ဟာ သူ့ရဲ့ဘဝကို ဖျက်ဆီးနေတဲ့ အဲဒီအမြင်အာရုံတွေရဲ့ နောက်ကွယ်က အကြောင်းအရင်းကို ရှာဖွေရင်း စစ်တပ်စခန်းဟောင်းရဲ့ လျှို့ဝှက်ချက်တွေကို ဖော်ထုတ်ဖို့ ကြိုးစားရပါတော့တယ်။ ဒီလိုနဲ့ နေးလ်ဟာ ဒီအတိတ်ကအဖြစ်အပျက်တွေနဲ့ ဘယ်လိုပတ်သက်နေလဲ။ တစ်ခြားဘယ်သူတွေရောပါဝင်လာမလဲ။ ဘယ်လိုဖြေရှင်းကြမလဲ မျိုးဆက်တစ်ခုကနေ တစ်ဆက်သို့ ကူးစက်လာတဲ့ နာကျင်မှုတွေနဲ့ မိသားစုကို ပြန်လည် ထူထောင်ဖို့ ကြိုးစားရတဲ့ အကြောင်းအရာတွေကိ

"The 47" ဇာတ်ကားဟာ ၁၉၇၀ နှစ်ကုန်ပိုင်း စပိန်နိုင်ငံ ဘာစီလိုနာမြို့မှာ ဖြစ်ပျက်ခဲ့တဲ့ ဖြစ်ရပ်အပေါ် အခြေခံထားတဲ့ ဇာတ်ကားဖြစ်ပါတယ်။ တစ်ရွာမပြောင်း သူကောင်းမဖြစ် ဆိုတဲ့ စကားနဲ့အညီ တခြားရပ်ရွာကနေ ဘာစီလိုနာမြို့ကို ဗီတဲလ်တို့ မိသားစုရောက်ရှိလာခဲ့ကြပါတယ်။ ဒါပေမဲ့လည်း သူတို့ရောက်ရှိနေတဲ့နေရာဟာ ဘာစီလိုနာမြို့နားနဲ့ တောင်ကုန်းတစ်ခုခြားနေတဲ့အခါ..... ကိုယ်တိုင် အုတ်တစ်ချပ်ချင်း အပင်ပန်းခံတည်ဆောက်ခဲ့ရတဲ့ အိမ်လေးကနေ မခွာချင်ပေမယ့် ကြားမှာ တောင်ကြီးတစ်တောင်ခြားနေတဲ့အတွက် သူတို့နေရာလေးဟာ စီးပွားရေး၊ ကျန်းမာရေး၊ လူမှုရေး အဖက်ဖက်ကနေ ချွတ်ခြုံကျနေခဲ့ပါတယ်။ ဗီတဲလ်ဟာ အာဏာပိုင်တွေကို တောင်ကြီးကိုဖြတ်ပြီး ဘတ်စ်ကားလိုင်းတစ်ခုထောင်ပေးဖို့ အကြိမ်ကြိမ်တောင်းဆိုခဲ့ပေမယ့် အာဏာရဖို့သာ ထိုင်ခုံနေရာလုနေကြတဲ့ လူကြီးတွေကြောင့် အထမမြောက်ခဲ့ပါဘူး။ ဒီလိုနဲ့ ဘယ်သူ့ကိုမှ အားကိုးလို့မရတဲ့အခါ ကိုယ်ထူကိုယ်ထအားနဲ့ ဘယ်လိုအကြံဉာဏ်တွေ ထုတ်သွားမလဲ....သူမျှော်လင့်ထားသလို သူတို့ဆင်ခြေဖုံးရပ်ကွက်လေးရဲ့ သွားရေးလာရေး လွယ်ကူပါ့မလား......စတာတွေနဲ့အတူ ဒီဇာတ်ကားလေးမှာ ပင်စင်ယူခါနီး ယာဉ်မောင်းတစ်ယောက်ရဲ့ လောကကြီးအပေါ်ရှုမြင်တဲ့ အမြင်တွေကို ကွက်ကွက်ကွင်းကွင်း ရိုက်ပြထားတာမို့ လက်မလွှတ်တမ်းကြည့်သင့်တဲ့ ကားကောင်းလေးတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora Cohen ဖြစ်ပါတယ်

ခေါင်ခိုက်လှတဲ့ အီကွေဒိုရီယန်ဒေသတစ်ခုမှာ သာသနာပြုအဖွဲ့တစ်ဖွဲ့က တိုင်းရင်းသားလူ့အဖွဲ့အစည်းအတွင်း ဘာသာပြောင်းလာအောင် ဆောင်ရွက်ပေးနေစဉ် ... သာသနာပြုအဖွဲ့နဲ့ အတူလိုက်ပါလာတဲ့ အယ်လီယက်ဆိုတဲ့ ကောင်လေးက ဒေသခံလူမျိုးတွေ တားမြစ်ထားတဲ့ ဂူထဲကို ဝင်လိုက်မိတဲ့အခါ ... သက်တမ်းတော်တော်ကြာနေပြီဖြစ်တဲ့ နတ်ဆိုးတစ်ကောင်က အယ်လီယက်နောက်ကို လိုက်လာတဲ့အတွက် သာသနာပြုအဖွဲ့ရဲ့ ဘုန်းတော်ကြီးကပဲ နတ်ဆိုးကို နှင်နိုင်မလား၊ ရွာခံ နတ်ဆရာကြီးကပဲ ကူညီပေးနိုင်မလားဆိုတာကို ရှုစားကြည့်လိုက်ကြပါဦး။ အညွှန်းနဲ့ ဘာသာပြန်ကိုတော့ LYKZ က တင်ဆက်ထားပါတယ်။

စာရေးဆရာ Joe Hill ရဲ့ Abraham's Boy ဝတ္ထုတိုကို ဒါရိုက်တာ Natasha Kermani က ရုပ်ရှင်အဖြစ်ပြန်လည်ရိုက်ကူးထားတာ ဖြစ်ပါတယ်။သွေးစုပ်ဖုတ်ကောင်မုဆိုးကြီး အေဘရာဟမ် ဗန်ဟယ်ဆင်ရဲ့ဇာတ်​​ကြောင်းပေါ့။ ဒါကိုမှ ရှုထောင့်အသစ်နဲ့ Horror ဆန်ဆန်ပြန်ရိုက်ထားတာ ဖြစ်ပါတယ်။ အေဘရာဟမ်တစ်ယောက် သူ့ရဲ့သားနှစ်ယောက်ဖြစ်တဲ့ မက်စ် (Max) နဲ့ ရူဒီ (Rudy)၊ ပြီးတော့ ဇနီးဖြစ်သူ မီနာ (Mina) တို့နဲ့အတူ ကယ်လီဖိုးနီးယားကို ပြောင်းရွှေ့လာခဲ့ပါတယ်။ အဲဒီမှာ မိသားစုဘဝကို အသစ်ပြန်စဖို့ သူတို့မျှော်လင့်ခဲ့ပေမယ့် သွေးစုပ်ဖုတ်ကောင်က သူတို့နောက်ကို လိုက်လာတယ်လို့ သံသယဖြစ်လာတဲ့အခါ မထင်မှတ်ထားတဲ့ဇာတ်လမ်းမျိုးကို ကြည့်ရှုရမှာဖြစ်ပါတယ်။ ဒီရုပ်ရှင်ကတော့ အက်ရှင်များတဲ့ သွေးစုပ်ဖုတ်ကောင်ရုပ်ရှင်မျိုးကို မျှော်လင့်ထားရင်တော့ စိတ်ပျက်ရနိုင်ပါတယ်။ ဒါပေမယ့် ဖြည်းဖြည်းနဲ့ အတွေးနယ်ချဲ့ရတဲ့ စိတ်ပိုင်းဆိုင်ရာ ဒရာမာဇာတ်လမ်းတွေကို ကြိုက်နှစ်သက်သူတွေအတွက်တော့ ရှုထောင့်အသစ်တစ်ခုကို ပေးစွမ်းနိုင်မယ့် ရုပ်ရှင်တစ်ကား ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ edrikk ဖြစ်ပါတယ်

ဒီဇာတ်ကား​လေးက​တော့ 2022 ခုနှစ်က ထွက်ရှိခဲ့တဲ့ ထိုင်ဝမ်ကား​လေးကို ထိုင်းဗားရှင်းအ​​နေနဲ့ ပြန်လည်ရိုက်ကူးထားခြင်းဖြစ်ပါတယ်။ တရုတ်ရိုးရာယုံကြည်မှု တ​​​​စ္ဆေမင်္ဂလာ​ဆောင်တစ်ခုကို အ​ခြေခံပြီး လူသားနဲ့ဝိညာဥ်ကြားက ​မေတ္တာကို ပုံ​ဖော်ထားတဲ့ ဇာတ်ကား​ကောင်း​လေးဖြစ်ပါတယ်။ မန့်ဟာ ရဲသတင်း​ပေးအ​နေနဲ့ လုပ်ကိုင်ပြီး ရဲဝန်ထမ်းဖြစ်ချင်​နေသူတစ်​ယောက် ဖြစ်ပါတယ်။ ဒါ​ပေမဲ့ အလွဲလွဲအ​ချော်​ချော်​​တွေ ဖြစ်တတ်လို့ မျက်နှာမရပဲ ​​ခြေ​ထောက်ရ​လေ့ရှိသူတစ်​ယောက်ပါ။ တစ်​နေ့ အမှတ်မထင် စာအိတ်နီတစ်ခုကို ​ကောက်ရမိရာက​​နေ သဘာဝလွန်ဆန်းကြယ်တဲ့ တ​စ္ဆေမင်္ဂလာ​​ဆောင်တစ်ခုကို ကျင်းပဖို့ဖြစ်လာပါတယ်။ တဖက်သတို့သမီး​လောင်းက မိန်းက​လေးမဟုတ်ပဲ ​ယောက်ျား​လေးတစ်​ယောက် ဖြစ်​နေတဲ့အခါ..... လိင်တူနှစ်သက်မှုကို မကြိုက်တဲ့ မန့်တစ်​ယောက် သရဲ​လေး တီတီ့အ​ပေါ် ဘယ်လိုဘယ်လိုသ​ဘောထားမလဲ၊ တီတီ့ရဲ့ မပြီး​မြောက်​သေးတဲ့ဆန္ဒ​တွေက ဘာ​​တွေဖြစ်မလဲ စသဖြင့် သူတို့ကြားက အလွဲ​လေး​တွေကို ​ပေါ့​​​​ပေါ့ပါးပါးခံစားကြည့်ရှုရမယ့် အက်ရှင်ဟာသဇာတ်ကား​ကောင်း​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဒိုင်နိုဆောနဲ့ လူသားတွေနဲ့ဇာတ်လမ်းကတော့ မပြီးဆုံးသေးဘဲ ၂၀၂၂ က ထွက်ရှိခဲ့တဲ့တဲ့ ''Jurassic World: Dominion '' နဲ့နောက် Rebirth အနေနဲ့ ထွက်ရှိလာတာဖြစ်ပါတယ်။ ဒီတစ်ခါမှာတော့ ပရိသတ်အသည်းစွဲမင်းသမီး Scarlet Johanson လည်း ပါဝင်သရုပ်ဆောင် ထားပါသေးတယ် အရှေ့ Dominion ရုပ်ရှင်ဖြစ်ပြီးတဲ့နောက် ၅ နှစ်အကြာမှာ ဇာတ်အိမ်တည်ထားပါတယ်။ ဆေးဖော်စပ်ရာမှာ အင်မတန်အစွမ်းထက်လှတဲ့ ဒိုင်နိုဆောတွေရဲ့မျိုးရိုးဗီဇနမူနာကို ယူဖို့အတွက် InGen ရဲ့ လျှို့ဝှက်သုတေသနကျွန်းဟောင်းတစ်ခုကို အထူးမစ်ရှင်နဲ့ အဖွဲ့တစ်ဖွဲ့ကို စေလွှတ်ခဲ့ပါတယ်။ ရေနေမျိုးစိတ်ဖြစ်တဲ့ မိုဆာဆောရပ်၊ ကုန်းနေမျိုးစိတ် တိုက်တန်နိုဆောရပ်နဲ့ ငှက်မျိုးနွယ် ကွက်ဇကုတ်လတ်ရဲ့မျိုးရိုးဗီဇတွေကို ယူရဖို့ဖြစ်ပါတယ်။ ဒါပေမယ့် လမ်းမှာ မိုဆာဆောရပ်တိုက်ခိုက်ခံရပြီး လှေမှောက်သွားတဲ့ မိသားစုကိုကယ်ပြီး ကျွန်းမှာပိတ်မိသွားရာကနေ ဒိုင်နိုဆောတွေကြားမှာ အသက်ရှင်ဖို့အတွက် အတူရင်ဆိုင်ရုန်းကန်ရပါတော့တယ်။ ကျွန်းပေါ်က မျိုးရိုးဗီဇပြောင်းလဲထားတဲ့ ပိုမိုအန္တရာယ်များတဲ့ ဒိုင်နိုဆောတွေရန်ကနေ ဘယ်လိုလွတ်မြောက်ပြီး သူတို့မစ်ရှင်ကို ဘယ်လိုလုပ်ဆောင်သွားမလဲဆိုတာကို ရင်ခုန်စိတ်လှုပ်ရှားစွာနဲ့ ကြည့်ရှုရမှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ edrikk ဖြစ်ပါတယ်

အိုထက်ဆွန်းကတော့ ပုံမှန်ဆို မျက်မှောင်ကုတ်ပြီး တစ်ဦးတည်းသီးသန့်နေတတ်တဲ့ ဘာသာပြန်ဆရာမတစ်ဦးပါ။ ဂေါ်မစွံအပျိုကြီးဖြစ်နေလို့ ညီမဖြစ်သူက သုတေသနပါမောက္ခတစ်ယောက်နဲ့ ဒိတ်လုပ်ဖို့မိတ်ဆက်ပေးခဲ့ပေမဲ့ သူ့အကြိုက်မဖြစ်နေခဲ့ပါဘူး။ ဒါပေမဲ့ ဒိတ်ပြီး နောက်နေ့မှာပဲ ထက်ဆွန်းရဲ့ပုံစံက အရင်လိုမဟုတ်တော့ဘဲ တက်တက်ကြွကြွနဲ့ ဂါဝန်လှလှလေးဝတ်ပြီး အလှတွေပြင်တတ်လာတဲ့ပုံစံ ပြောင်းသွားခဲ့ပါတယ်။ စာဒီဒီပို့ပြီး အလုပ်အကြောင်း promotionဆင်းနေတတ်တဲ့ မူလတန်းတုန်းက အတန်းခေါင်းဆောင်ကိုပါ စိတ်ရှုပ်စရာလို့မမြင်တော့ဘဲ Flirtတဲ့စကားတွေပြောလာပါတော့တယ်။ ထက်ဆွန်းဒီလိုဖြစ်သွားခဲ့ရတာက သုတေသနပညာရှင်ရဲ့ဓာတ်ခွဲခန်းက ကြွက်တွေကြောင့်ဖြစ်နေခဲ့ပြီး ထက်ဆွန်းဆီမှာ သေစေနိုင်တဲ့ ဗိုင်းရပ်စ်ပိုးကူးစက်ခံနေရလို့ ဒီလိုပြောင်းလဲသွားတာကိုပါ သိရှိသွားပါတော့တယ်။ အဲဒီရောဂါပိုးရဲ့ဇာစ်မြစ်ကိုသိတဲ့လူကလည်း ပါမောက္ခအီဂွန်း ဆိုတဲ့လူတစ်ဦးသာရှိပြီး သူတို့၂ဦးသား ဒီဗိုင်းရပ်စ်ဖြေဆေးကို ဘယ်လိုရှာဖွေသွားကြမလဲဆိုတာ ရယ်မောရင်း ကြည့်ရှုကြရမှာပါ။ ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

ဒီမှတ်တမ်းရုပ်ရှင်လေးကတော့ ၂၀၀၉ ခုနှစ်မှာဖြစ်ပွားခဲ့တဲ့ ကော်လိုရာဒိုပြည်နယ်က Richard Heene မိသားစုကနေ ဟီလီယံဖြည့်ပြီးပန်းကန်ပြားပျံအတုပုံတီထွင်လုပ်ရာကနေ သားဖြစ်သူအငယ်ဆုံးလေးကပျောက်သွားပြီး အောက်ကအခန်းငယ်လေးထဲပါသွားတယ်အထင်နဲ့ အမေရိကန်တစ်ခုလုံးပါ ဂယက်ရိုက်သွားရတဲ့အမှုလေးပေါ့နော် ကလေးကိုတော့ အိမ်ထဲမှာပဲနောက်ကျပြန်တွေ့ပြီး မီဒီယာတွေနဲ့ ရဲတွေကို သူတို့ဘယ်လိုရင်ဆိုင်ရလဲ နောက်ဆက်တွဲဘယ်လိုတွေဖြစ်ပျက်လာလဲဆိုတာ စိတ်ဝင်စားဖွယ်နားထောင်ကြည့်ရှုရမယ့် မှတ်တမ်းရုပ်ရှင်လေးဖြစ်ပါတယ် ဒီဇာတ်ကားကို အညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

အူတက်အောင်ရယ်နေရမယ့် အက်ရှင်ဟာသ ကားလေးရပါပြီ ဂျက်က ပင်စင်ယူထားတဲ့ ရဲအရာရှိဟောင်းတစ်ယောက်ဖြစ်ပြီး ကိုယ်ခံပညာမှာတစ်ဖက်ကမ်းကျွမ်းကျင်သူတစ်ယောက်ပါ။ ပင်စင်ယူပြီး ဂျက်တစ်ယောက်ကတော့ မိမိတက်မြောက်ထားတဲ့ ကိုယ်ခံပညာကိုအသုံးချပြီး အသက်မွေးဝမ်းကြောင်းပြုကာ အေးရာအေးကြောင်း မုန့်စိမ်းပေါင်းလုပ်နေရာကနေ ရုတ်တရက်ပျောက်ဆုံးသွားတဲ့ အဆိုတော်မလေး တစ်ယောက်ကိုရှာပေးဖို့ အလုပ်အပ်ခံရပါတော့တယ်။ ဒီလိုနဲ့ ဂျက်တစ်ယောက် အဆိုမလေး ဂျဟာရီကိုရှာဖို့ ဂျဟာရီရဲ့ ရည်းစား မန်းနီးနဲ့တူတူ လိုက်ရာကနေ ဘယ်လိုဖုံးကွယ်ထားတဲ့ ပြသနာတွေကိုရှာတွေ့မလဲ ပေါ့ပေါ့ပါးပါးနေတတ်တဲ့ မန်းနီးနဲ့ရော ဘယ်လိုအူတက်အောင်ရယ်ရမလဲဆိုတာ ကြည့်ရှူရမှာဖြစ်ပါတယ်ခင်ဗျာ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Theo ဖြစ်ပါတယ်

ဒီဇာတ်ကား​လေးက​တော့ နာမည်အတိုင်း လျှို့ဝှက်ထားတဲ့ဟင်းချက်နည်းကို ရှာ​ဖွေမယ့် စားဖိုမှူး​ရေဆာရဲ့ ဘဝသရုပ်​​ဖော်အချစ်ဇာတ်လမ်း​လေး ဖြစ်ပါတယ်။ စားဖိုမှူး​ရေဆာဟာ အီတလီအစားအစာ​တွေကို ကျွမ်းကျင်စွာချက်ပြုတ်တတ်တဲ့ နာမည်ကြီးစားဖိုမှူးတစ်​ယောက်ဖြစ်ပြီး မဟာရာဆာဆိုင်ကို ဦးစီး​နေတဲ့ စားဖိုမှူး​​ခေါင်း​ဆောင် ဖြစ်ပါတယ်။ မဟာရာဆာဆိုင်ကို​တော့ ချစ်သူဖြစ်သူ ဒင်ဒါ့ဖခင် လုပ်ငန်းရှင်သူ​ဌေးကြီးဆူဘရိုတို ပိုင်ဆိုင်ပြီး မျိုးချစ်စစ်ဓါတ် ပြင်းထန်သူဖြစ်ပါတယ်။ နိုင်ငံခြားအစားအစာထက် ရိုးရာအင်ဒိုနီးရှားအစားအစာကို ခုံမင်သူဖြစ်ပါတယ်။ ​ရေဆာက​တော့ အီတလီမှာ စား​သောက်ဆိုင်ဖွင့်ဖို့ ရည်စူးထားသူဖြစ်ပြီး အိမ်မက်အတွက် ကြိုးစား​နေသူတစ်​ယောက်ပါ။ တစ်​နေ့ မဟာရာဆာအတွက် မီနူးအသစ်ဖန်တီး​ပေးဖို့ ဖူစ့်တီကာရာဆာဆိုတဲ့ ချက်ပြုတ်နည်း ၁၀၀၀ က​နေ ကိုးကားပြီး အင်ဒိုနီးရှားအစားအစာတစ်ခု ဖန်တီး​ပေးဖို့ဖြစ်လာတဲ့အချိန်.....ငယ်ဘဝစိတ်ဒဏ်ရာ​ကြောင့် ​ဒေသထွက်ဟင်းခတ်အ​မွှေးအကြိုင်အနံ့ကို မခံနိုင်တဲ့ ​ရေဆာတစ်​ယောက် ဘယ်လိုရင်ဆိုင်မလဲ၊ ဖူစ့်တီကာရာဆာရဲ့​နောက်ကွယ်က လျှို့ဝှက်ဆန်းကြယ်မှုက ဘာ​တွေလဲ၊ ​ရေဆာ့ရဲ့အချစ်​ရေးက​​ရော တည်မြဲနိုင်ပါ့မလားဆိုတာကို ခံစားကြည့်ရှုရမယ့် ဘဝသ​ရုပ်​​ဖော် အင်ဒိုဇာတ်ကား​ကောင်း​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

တစ်ခါတလေမှာ လူကောင်းလို့ထင်ထားတဲ့သူတွေက ပိုဆိုးဝါးကြပြီး မကောင်းဘူးလို့ထင်တဲ့သူတွက မထင်မှတ်လောက်အောင် ကောင်းနေတတ်ကြပါတယ်။ ဒီတစ်ခေါက်ပိတ်ရက်မှာ ပရိတ်သတ်ကြီးတို့ ကြည့်ရမဲ့ ကားကတော့ ၂၀၂၅ ခုနှစ်မှာ နာမည်ကြီးလူကြိုက်များတဲ့ ကလေးလူကြီးအကြိုက် နီကျား ကာတွန်းကားလေးဖြစ်ပါတယ်။ ဇာတ်လမ်းအစမှာတော့ ကပ်ဘေးအန္တရာယ်ကြီးပြီးတဲ့နောက်ပိုင်း နီကျားနဲ့ အောက်ပင်တို့ရဲ့ ဝိညာဉ်တွေကို ထိန်းသိမ်းနိုင်ခဲ့ပေမဲ့ သူတိုရဲ့ခန္ဓာကိုယ်တွေက မကြာမီ ပျက်သုဥ်းသွား တော့မှာပါ။ ကောင်းကင်နတ်မင်းကြီးရဲ့ တပည့်ဖြစ်သူ ထိုက်ယီဟာ ခုနစ်ရောင်ခြယ်ကြာပန်းနဲ့ သူတိုနှစ်ဦးကို ခန္ဓာကိုယ်ပြန်လည်တည်ဆောက်ဖို ကြိုးစားရာမှာ အခက်အခဲတွေနဲ့ ရင်ဆိုင်နေရပါတယ်။ နီကျားနဲ့ အောက်ပင်တို့ရဲ့ ကံကြမ္မာက ဘယ်လိုဖြစ်လာဦးမလဲ။ နောက်ထပ်တပည့်တစ်ဦးဖြစ်တဲ့ သစ္စာဖောက် ရှိန်ကုန်းပေါက်က ဖမ်းဆီးထားတဲ့ နဂါးမင်းလေးပါးကို လွှတ်ပေးလိုက်ပါတယ်။ ဒီလိုနဲ့ အရှေ့ပင်လယ်နဂါးမင်း အောက်ကွမ်းက လူသားအသွင်ပုံစံနဲ့ ပထမဆုံးအကြိမ် ထွက်ပေါ်လာခဲ့ပြီး "ငါသာတိုက်ပွဲစရင် ချိန်ထန်ဂိတ်ကို ကြက်ငှက်မကျန် ဖျက်ဆီးပစ်မယ်" လို ကြိမ်းဝါးခဲ့ပါတယ်။ ဒီတစ်ကြိမ်မှာတော့ နီကျားဟာ ချိန်ထန်ဂိတ်ကို ကာကွယ်ဖို့ ပင်လယ်နဂါးမင်းလေးပါးနဲ့ ဘယ်လို အပြင်းအထန် တိုက်ခိုက်ရမလဲဆိုတာ ... သူတို့ရဲ့ ချိန်ထန်ဂိတ်ကိုရော ဘာလို့လာတိုက်ခိုက်ကြတာလဲ.... အဲလိုတိုက်ခိုက်ခံရတဲ့ နောက်ကွယ်က တရားခံက ပရိတ်သတ်ကြီးတိ

ည‌ကင်းလှည့်ရဲတွေရဲ့ ဘဝကိုထင်ဟပ်ပြသထားတဲ့ ဇာတ်ကားလေး ဖြစ်ပါတယ်။ ခရစ္စမက်ညမှာ ယိုဟန်နာနဲ့ ဒင်နက် ဆိုတဲ့ရဲနှစ်ယောက်က ညကင်းလှည့်တာဝန်ကျတယ်။တစ်မြို့လုံးကို ပတ်သွားပြီး လမ်းမှာတွေ့တဲ့ပြဿနာတွေကို ဖြေရှင်းပေးရတာဖြစ်တယ်။ အဲ့ဒီညက ဆင်းရဲတဲ့ကောင်လေးနဲ့ ချမ်းသာတဲ့ကောင်မလေးတို့ ခိုးရာလိုက်ပြေးတဲ့ ကိစ္စမှာ ကောင်မလေးအစ်ကိုလူမိုက်တွေက ကောင်လေးကိုမြေလှန်ရှာကြတယ်။ ယိုဟန်နန်နဲ့ ဒင်နက်တို့က ဒါကိုဘယ်လို‌တွေဖြေရှင်းပေးမှာလဲ။ တစ်ညလုံး အမျိုးမျိုးသော ပြဿနာတွေကို နှစ်ယောက်သား မနားမနေဖြေရှင်းရင်း နောက်ဆုံးမှာ ခိုးရာလိုက်ပြေးတဲ့စုံတွဲအမှုက သူတို့နှစ်ယောက်ရဲ့ဘဝကို ဘယ်လိုတွေရိုက်ခတ်လာမလဲဆိုတာကို ဇာတ်ကားရဲ့အဆုံးသတ်မှာ အလှည့်အပြောင်းအနေနဲ့ ကြည့်ရမယ့် ဇာတ်ကားတစ်ကားဖြစ်ပါတယ်။ ဒီဇာတ်ကားမှာ ယိုဟန်နာအဖြစ် မင်းသား Dileesh Pothan နဲ့ ဒင်နက်အဖြစ် မင်းသား Roshan Mathew တို့က အဓိကပါဝင်သရုပ်ဆောင်ထားတာဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

ဂျာမန်စကားပြော ဒရမ်မာရုပ်ရှင်ဖြစ်ပါတယ်။ ၂၀၃၀ ပြည့်နှစ်ရောက်တဲ့အခါ ဆွစ်ဇာလန်နိုင်ငံမှာ သူနာပြုအင်အား ၃၀,၀၀၀ လောက် လိုအပ်လာနိုင်ပါတယ်။ လေ့ကျင့်ပြီးကျွမ်းကျင်သူနာပြုတွေဟာလည်း ၄နှစ်လောက် အလုပ်လုပ်ပြီးတာနဲ့ အလုပ်ထွက်ကုန်ကြတာပါ။ တကမ္ဘာလုံးမှာ သူနာပြုတွေမလုံလောက်မှုက ကမ္ဘာလုံးဆိုင်ရာကျန်းမာရေးပြဿနာကြီးတစ်ရပ် ဖြစ်လာပြီဖြစ်ပါတယ်။ WHO ရဲ့ ခန့်မှန်းချက်အရဆိုရင် ၂၀၃၀ ပြည့်နှစ်လောက်ရောက်ရင် သူနာပြုအင်အား ၁၃သန်းလောက် လိုအပ်လာတော့မှာဖြစ်ပါတယ်။ ဒီဇာတ်လမ်းမှာ ဖလော်ရီယာဆိုတဲ့ သူနာပြုလေးရဲ့ ညနေပိုင်းတာဝန်ချိန်တစ်ခုစာ ပင်ပင်ပန်းပန်းလှုပ်ရှားရပုံကို အဓိကပြသထားတယ်။ ကင်ဆာဌာနရဲ့ တာဝန်ချိန်တစ်ခုစာကိုပဲ ရိုက်ပြသွားတာ.. ရိုးရှင်းတယ်။ ဒါပေမဲ့ လူဟာ သူ့ရဲ့ လုံးလည်ချာလည်လိုက်နေပုံကို ကြည့်ရရင်း စိတ်ကမွန်းကြပ်လာတယ်။ ဆေးရုံက လူအင်အားမလောက်၊ သူနာပြု ၂ယောက်တည်းနဲ့ လူနာတွေအများကြီးကို ကြည့်ပေးရတာ။ လူနာတွေကလည်း သူတို့ရဲ့ ရောဂါကြောင့် စိတ်ဖိစီးရတဲ့အထဲ၊ သူနာပြုကမလောက်တော့ သူတို့လိုအပ်ချက်တွေကို အချိန်မီ မဖြည့်ဆည်းနိုင်၊ သူနာပြုတွေကိုပဲ ဖိဆဲ။ လူတွေရဲ့ အကျင့်စရိုက်တွေကိုလည်း ရိုက်ပြထားတာ ရယ်ရခက် ငိုရခက်ပဲ။ နောက်ဆုံးတော့ ဖလော်ရီယာတစ်ယောက် burnout ဖြစ်လာပြီး ဘယ်လိုတွေတုံ့ပြန်ဖြစ်မလဲ။ သူအမှားတွေရော လုပ်မိမှာလားဆိုတာကို သိချင်စိတ်ပေါ်လာစေနိုင်တဲ့ ရုပ်ရှင်တစ်ခုလို့ပဲ ညွှန်းချင်ပါတယ်။ အညွှန်းနဲ့ ဘာသာပြန်ကိုတော့ LYKZ က