လူကြည့်များသော ရုပ်ရှင်များ

ဂျယ်ဂယူဦးဆောင်တဲ့ လူမိုက်ဂိုဏ်းက ရဲတွေရဲ့လက်ကထွက်ပြေးလာရပါတယ်။ သင်္ဘောနဲ့ နိုင်ငံကူးပြေးဖို့ စဉ်းစားပေမဲ့ ဆိပ်ကမ်းမှာတင် ဖမ်းမိသွားမှာစိုးပြီး ကြံရာမရတဲ့အဆုံး ဘုန်းကြီးကျောင်းတစ်ခုမှာ တစ်ပတ်လောက် ဝင်ပုန်းကြဖို့ တွေးခဲ့ကြပါတယ်။ ဘုန်းကြီးကျောင်းမှာ ကျောင်းထိုင်ဘုန်းကြီးကလက်ခံပေမဲ့ စရောက်ကတည်းက ပြဿနာရှာနေကြတာမလို့ ကျန်တဲ့ကိုယ်တော်တွေနဲ့တော့ မတည့်ကြပါဘူး။ တစ်ပတ်ပြည့်လာတဲ့တိုင်အောင် ပြန်လို့ဖြစ်မဲ့အရိပ်အယောင်မမြင်ရတာမလို့ ဘုန်းကြီးကျောင်းမှာ ဆက်နေခွင့်တောင်းတာကို ကျန်တဲ့ဘုန်းကြီးတွေက လက်မခံကြတာမလို့ ဘုန်းကြီးအဖွဲ့နဲ့ ဂျယ်ဂယူတို့ဂိုဏ်းစတားအဖွဲ့တွေ ပြိုင်ပွဲလုပ်ရင်း ဘယ်လိုတွေ ခွီးကြရမလဲဆိုတာ... ဒီကားကိုအညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

၁၈ရာစု အစောပိုင်းမှာ စကော့တ်လန် နိုင်ငံရဲ့ ရောဂါကပ်ဘေးတွေအပြင် ထိပ်တန်းခေါင်းဆောင်တွေရဲ့လောဘတွေကြောင့် ဘဝပျက်နေကြရတဲ့ အခြေခံ ပြည်သူတွေ အမေရိကကို ကူပြောင်းပြီး လွတ်မြောက်ဖို့ကြိုးစားကြရတယ်။ အမိမြေကိုချစ်တဲ့ တောင်ပေါ်သား အုပ်စုထဲက ရှင်သန်ဖို့ရုံးကန်ရင်း ရင်ဆိုင်နေရတဲ့အခက်ခဲတွေဒဏ်က လွတ်မြောက်ဖို့ ဦးဆောင်ကြိုးပမ်းပေးတဲ့ တကယ့် သမိုင်းဝင် ရောဘတ် ရွိုင်း မဂ္ဂရီဂေါ အကြောင်းကို ဇာတ်လမ်းကောင်းတစ်ပုဒ်အနေနဲ့ ချဲကားအသက်သွင်း ထားရာမှာ ယောက်ျားကောင်းတစ်ယောက်ရဲ့ ဂုဏ်သိက္ခာကိုတန်ဖိုးထား ရှေ့တန်းတင်လွန်းလို့ ကြုံရတဲ့ ပဠိပခတွေ အစတေးခံရတာတွေ ပေးစပ်ရတာတွေအပြင် ပါရမီဖြည့်ဖတ် ဇနီးတစ်ယောက်ရဲ့ ချစ်ခြင်းမေတ္တာတရား ပါးနပ်လိမ္မာစွာ ပံ့ပိုးပေးမှုတွေကို မင်းသားကြီး Liam Neeson နဲ့ မင်းသမီး Jessica Lange တို့ အတွဲညီညီ ပါဝင်သရုပ်ဆောင်ထား တဲ့ Rob Roy 1995 ဟာစံချိန်မှီ ဇာတ်ကားကောင်းတစ်ပုဒ် ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ ကိုရွှေပိုသာကဲ ဖြစ်ပါတယ်

Comedy ‌ဇာတ်ကားကောင်းတွေ လိုက်ရှာနေကြလား " Policy 2025 " နဲ့မိတ်ဆက်ပေးချင်ပါတယ် ဇာတ်လမ်းအကျဉ်းကတော့ စည်းကမ်းတင်းကြပ်ပြီး အရမ်းလက်ပေါက်ကပ်တဲ့ အာမခံလုပ်ငန်းပိုင်ရှင် သူဌေးကြီးတစ်ဦးရဲ့အကြောင်းပါ သူ့လုပ်ငန်းခွင်မှာ လက်အောက်ငယ်သားတွေအပေါ် အပြောကြမ်းပြီး ကောင်းကွက်တွေကို ထုတ်ပြချီးကျူးလေ့မရှိပါဘူး မိသားစုဝင်တွေအပေါ်မှာလည်း အမြဲစိတ်တိုပြီး လိုအပ်တာထက်ပိုတင်းကြပ်တာမို့ စိတ်သဘောထားကောင်းပေမဲ့ သူ့အနားရှိသူတိုင်းက မွန်းကြပ်ရပါတယ် ဒီလိုအခြေအနေတွေများလာတဲ့အခါ ဘယ်သူကမှ သည်းမခံနိုင်တော့ပါဘူး ဒီအခါမှာ တင်းကြပ်လွန်းတဲ့သူဌေးကြီးကို ဘယ်သူတွေဘယ်လိုလက်စားချေကြမလဲ ? သူဌေးကြီးရော ပြောင်းလဲသွားမှာလား ? ဘဝမှာတကယ်ပဲ စိတ်အရင်းခံကောင်းရုံနဲ့ လုံလောက်လား ထုတ်ပြတတ်ဖို့ရော မလိုအပ်ဘူးလားဆိုတဲ့အကြောင်းအရာတွေကို ဟာသရှုထောင့်ကနေမြင်ရမှာမို့ ကြည့်ရှုသင့်တဲ့ ပညာပေးဟာသကားအဖြစ် မိတ်ဆက်ပေးလိုက်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

အိန္ဒိယနိုင်ငံရဲ့ အစဉ်အလာအရ ဇာတ်မြင့်ဇာတ်နိမ့်ခွဲခြားကြပုံကိုရိုက်ထားတဲ့ ဇာတ်ကားတစ်ကားဖြစ်ပါတယ်။ ဇာတ်ကားထဲမှာ အဓိက အမှုကြီးသုံးမှုဖြစ်ခဲ့တယ်။ ပထမအမှုက ဇာတ်နိမ့်တွေကို ဇာတ်မြင့်တွေက အစုလိုက်အပြုံလိုက်သတ်တဲ့အမှု။ ဒုတိယက ဆာဂါဆိုတဲ့သူက သူ့အခက်အခဲကိုဖြေရှင်းဖို့ မတက်သာတဲ့အဆုံး သူငယ်ချင်းဒက်စ်နဲ့ ပေါင်းပြီး ဘက်စ်ကားကို ဓါးပြတိုက်တာ မရည်ရွယ်ဘဲ ဘက်စ်ကားမီးလောင်ပြီး ကားပေါ်ကလူတွေ အများကြီး သေဆုံးမှု။ တတိယအမှုက ရန်သူကို ကလဲ့စားချေဖို့ ဗုံးထောင်တာ အပြစ်မဲ့ပြည်သူ အများကြီးသေဆုံးသွားမှု။ ဒီထဲမှာ အဓိကမင်းသားကတော့ ဒုတိယအမှုက ဆာဂါပါ။ မရည်ရွယ်ပဲ ဖြစ်သွားပေမယ့် ပြည်သူတွေရဲ့နာကြဉ်းမှုကြောင့် သေဒဏ်ပေးဖို့ စီရင်ချက်ချခံလိုက်ချိန်မှာ ဆာဂါ့ကို ဘယ်သူတွေက ကူညီမှာလဲ။ နောက်ဆုံးမှာ တကယ်ပဲ သူငယ်ချင်းနှစ်ယောက်လုံး သေဒဏ်ပေးခံရမှာလား ဆိုတာကို သနားစဖွယ်ကြည့်ရမယ့် တကယ့်ကို မျက်ရည်ခြူတဲ့ ဇာတ်ကားလေးပဲ ဖြစ်ပါတယ်။ ဒီဇာတ်ကားမှာ ဆာဂါအဖြစ် အိန္ဒိယဒါရိုက်တာTeja၊ ဆူစီလာအဖြစ် မင်းသမီး Tanmai နဲ့ သူငယ်ချင်း ဒက်စ်အဖြစ် မင်းသား Pawon Ramesh တို့က ပါဝင်သရုပ်ဆောင်ထားပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

အမျိုးအမည်မသိတဲ့ Monster Horror ကားဖြစ်ပြီး ဒီကောင်ကြီးနဲ့ အသက်လုရင်ဆိုင်ရတဲ့ မိသားစုရဲ့ ရုန်းကန်လှုပ်ရှားရပုံတွေကို ကြည့်ရမှာပါ။ ဒရူးတို့လင်မယားနဲ့ ကလေးနှစ်ယောက်ဟာ မိသားစုတွေ့ဆုံပွဲအတွက် ဇနီးဖြစ်သူရဲ့ မွေးရပ်မြေကို ပြန်လာခဲ့ပါတယ်။ အဲဒီဒေသတစ်ဝိုက်မှာ လူစိမ်းတွေ လမ်းအလွယ်တကူ ပျောက်တတ်ပြီး အာဏာပိုင်တွေကလည်း ဘာမှ ထိထိရောက်ရောက်မလုပ်ပေးပါဘူး။ ဒရူးတို့မိသားစုလည်း လမ်းပျောက်လို့ စမ်းတဝါးဝါးသွားရင်းကနေ ကားအက်ဆီးဒင့် ဖြစ်ပါတယ်။ သူတို့သတိရလာတဲ့အခါမှာတော့ ဘယ်မှန်းမသိတဲ့နေရာမှာ ချုပ်နှောင်ခံရပြီး မျက်နှာဖုံးစွပ်လူက မကောင်းဆိုးဝါးကို လူသားအရှင်လတ်လတ် ဖမ်းကျွေးတဲ့ အဖြစ်ကြီးနဲ့ ရင်ဆိုင်ရပါတယ်။ ဒီသတ္တဝါအတွက် သားကောင်ဖြစ်နေတဲ့ သူတို့မိသားစု ကြောက်စရာအန္တရာယ်ကနေ လွတ်မြောက်ဖို့ ကြိုးစားတာကို အဆုံးထိ အားပေးလိုက်ကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒီတစ်ခေါက်တင်ဆက်ပေးမယ့် ဇာတ်ကားလေးကတော့ Legend Of Deification 2020 ဆိုတဲ့ ဒဏ္ဍာရီလာသူရဲကောင်း ကျန်းကျီယာရဲ့အကြောင်း ရိုက်ကူးထားတဲ့ ဇာတ်ကားလေးပဲ ဖြစ်ပါတယ်။ ဇာတ်လမ်းအကျဉ်း ရှန်းမင်းဆက်ရဲ့ နောက်ဆုံးနှစ်များမှာ အမြီးကိုးချောင်းမြေခွေးမိစ္ဆာ ကျိုးဝိန်ဟာ လူလောကကိုဆင်းသက်လာပြီး ဧကရာဇ်ကျိုးရဲ့ မိဖုရားစူးသာ့ကျီအဖြစ်ဟန်ဆောင်ဟာ မြေခွေးမျိုးနွယ်စုနဲ့အတူ လောကြီးကို ဖျက်စီးသောင်းကျန်းခဲ့ပါတယ်။ လူသားမျိုးနွယ်တွေကို ကယ်တင်ဖို့အတွက် ကျင်းရွှီနန်းဆောင်မှ နတ်စစ်သည်များစုစည်းကာ လူလောကသို့ သွားရောက်ကယ်တင်ခဲ့ပါတယ်။ထိုအထဲမှာ ကျင်းရွှီနန်းဆောင်ရဲ့ တပည့်ကြီး ကျန်းကျီယာလည်း ပါဝင်ပြီး သူဟာ ကျိုးဝိန်ကို အနိူင်ယူပြီး ချေမှုန်းနိူင်ခဲ့ပါတယ်။သို့သော် ကျန်းကျီယာဟာ မိစ္ဆာကို သတ်ဖြတ်ဖို့ အမိန့်ပေးခံရချိန်မှာ ကာကွယ်ရမဲ့ကိစ္စတစ်ချို့ကြောင့် ကျိုးဝိန်ကို မသတ်နိူင်ခဲ့တဲ့အတွက် ကောင်းကင်ဘုံစည်းကမ်းများချိုးဖောက်မှုနှင့် ပေ့ဟိုင်မှာ အကျဉ်းချခံရန်ပြစ်ဒဏ်ပေးခံရပါတယ်။ ကျန်းကျီယာဟာ ကျိုးဝိန်ကို ဖမ်းဆီးနိူင်ခဲ့ပေမယ့် ဘာကြောင့် မသတ်နိူင်ခဲ့ရတာလဲ..? သူကာကွယ်ရမယ့် အကြောင်းအရာက ဘာဖြစ်မလဲ …? ကျိုးဝိန်ကရောဘာကြောင့် သုံးလောကကို ဖျက်စီးဖို့ကြိုးစားရတာလဲဆိုတာ ဇာတ်ကားလေးနဲ့ အတူ ကြည့်ရှု့ခံစားပေးပါဦးနော်။ အညွှန်းနဲ့ ဘာသာပြန်သူကတော့ Nay Chii ဖြစ်ပါတယ်။

ရင်နင့်စရာကောင်းတဲ့ ဖြစ်ရပ်မှန်ကို အခြေခံထားပြီး IMDb Rate 7.1အထိ ရရှိထားတဲ့ ဇာတ်လမ်းတစ်ပုဒ်ကို မိတ်ဆက်ပေးချင်ပါတယ်။ ဇာတ်လမ်းအကျဥ်းကတော့.. ဒယ်ဂူဆိုတဲ့ နယ်လေးမှာ နေတဲ့ ကလေးငါးယောက်ဟာ ကင်းလိပ်ချောဖမ်းဖို့ဆိုပြီး နံနက်စောစော ထွက်သွားပေမဲ့ ပြန်မလာဘဲ ပျောက်သွားခဲ့တော့ မိဘတွေခမျာ ရင်ထုမနာဖြစ်ရင်း အလုပ်အပျက်ခံ၊ မိသားစုအပျက်ခံပြီး ကလေးတွေကို လိုက်ရှာရပါတော့တယ်။ အယောက်သုံးသိန်းကျော် လိုက်ရှာပေးပေမဲ့ လုံးဝကို ဘာသဲလွန်စမှ ရှာမတွေ့ခဲ့လို့ လက်လျှော့ခဲ့ရတာ ၄နှစ်ကျော်လာချိန်မှာပဲ အမ်ဘီအက်စ် ဆိုးလ်ရဲ့ ထုတ်လုပ်သူဂန်(Park Yong Woo)ဟာ အမှားတစ်ခုလုပ်မိပြီး ဒယ်ဂူဆီ လွင့်လာပါတယ်။ ထုတ်လုပ်သူဂန်ဟာ သူ ဆိုးလ်ကို ပြန်ဖို့ အောင်မြင်မဲ့ အမှုကြီးကြီးကို ရှာရင်း ကလေး ၅ ယောက် ပျောက်ဆုံးမှုကို အစတုန်းက သိပ်စိတ်မဝင်စားခဲ့ပေမဲ့ အမျိုးသားတက္ကသိုလ်ရဲ့ ပါမောက္ခဟွမ်(Ryu Seung Ryong)ဆီကနေ ထပ်မံဆက်စပ်မိချိန်မှာတော့ လုံးဝ စိတ်ဝင်စားသွားပြီး ပါမောက္ခဟွမ်နဲ့အတူ အမှုစုံစမ်းကြပါတော့တယ်။ သူတို့နှစ်ယောက်ဟာ ကလေးမိဘတစ်ယောက်ကို လူသတ်သမားလို့ သံသယဝင်ပြီး အိမ်အနှံ့တူးရှာခဲ့ပေမဲ့ အလွဲကြီးလွဲသွားခဲ့ပါလေရော။ အဲဒီလိုနဲ့ပဲ ဆယ်စုနှစ်တစ်ခု ကျော်လာချိန်မှာ ထုတ်လုပ်သူဂန်ဟာ ဒီအမှုကို တစ်ခါထပ်လိုက်ပြန်ပါတယ်။ ဒီတစ်ခါမှာတော့ ပါမောက္ခဟွမ်နဲ့ မပေါင်းဘဲ အရင်တုန်းက ကူပေးဖူးတဲ့ စုံထောက်ဘတ်(Sung Dong Il)နဲ့ ပေါင်းစုံစမ်းပါတော့တယ်။ ထုတ်လုပ

Noise (2025) ဒီတစ်ခါတင်ဆက်ပေးမှာကတော့ စိတ်လှုပ်ရှားဖွယ် ကြည့်ရှုရမယ့် သည်းထိတ်ရင်ဖိုကားလေးဖြစ်ပါတယ် ဇာတ်လမ်းအကျဥ်းကတော့ ဂျူယောင်းနဲ့ (Lee Sun Bin) ဂျူဟွီး (Han Soo A) ညီအစ်မနှစ်ယောက်က တိုက်ခန်းအသစ်ဆီ အိမ်ပြောင်းလာကြပါတယ် အစ်မဖြစ်သူ ဂျူယောင်းက အကြားအာရုံချို့တဲ့သူတစ်ဦးပါ တစ်နေ့မှာတော့ သူ့ညီမ ဂျူဟွီးက တိုက်ခန်းအပေါ်ထပ်က ထူးဆန်းတဲ့အသံတွေ ကြားရတယ်လို့ သူ့အစ်မကိုပြောလာပါတယ် ဒါပေမယ့် သူ့အစ်မက သူ့ညီမဖြစ်သူရဲ့ စကားကိုမယုံခဲ့ပါဘူး တစ်နေ့မှာတော့ ညီမဖြစ်သူ ဂျူဟွီးက ပျောက်ဆုံးသွားပါတော့တယ် အစ်မဖြစ်သူက ညီမကိုလိုက်ရှာရင်း ဘယ်လိုထူးဆန်းတာတွေ ကြုံတွေ့ရမလဲ သူတို့ပြောင်းလာတဲ့ တိုက်ခန်းမှာလည်း ဘယ်လိုအရာတွေ ဖုံးကွယ်နေလည်းဆိုတာကို စိတ်လှုပ်ရှားဖွယ် ကြည့်ရှုရမယ့် ဇာတ်ကားလေးဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Myint Thuzar Lin ဖြစ်ပါတယ်

အာဝုအထီးလေးတွေရဲ့ အိပ်မက်ဆိုးက ဘာဖြစ်မလဲ။ ဝှေးသင်းခံရမှာ ကြောက်တာပါ။ ဇာတ်လမ်းကတော့ ဘူးလ်ဆိုတဲ့ ခွေးလေးက ဝှေးသင်းခံရမှာကြောက်တဲ့စိတ်ကြောင့် သူ့သခင်တွေ အိမ်ကနေ ထွက်ပြေးသွားပါတော့တယ်။ ဘူးလ်က အိမ်မှာရှိတဲ့ ဖွားအေလုပ်သူရဲ့ ခြေထောက်ကိုဖက်ပြီး မကြာခဏဆိုသလို မဖွယ်မရာပြုတဲ့အတွက် ဘူးလ်ရဲ့ သခင်က ဒီလိုဆုံးဖြတ်ချက်ချလိုက်ရတာ ဖြစ်ပါတယ်။ ဘူးလ်ဘက်ကကြည့်ရင်တော့ သူကလူပျိုကြီး.... အဲ... ခွေးပျိုကြီးပဲ ဖြစ်နေသေးကာ သူ့အိမ်ဘေးက ခွေးမလေးကိုလည်း ကျိတ်ကြိုက်နေပါသေးတယ်။ ဖြစ်ချင်ရာဖြစ် ငါတော့ ဝှေးသင်းမခံနိုင်ဘူးဟေ့ ဆိုပြီး ထွက်ပြေးတာမှာ သူ့သူငယ်ချင်း သုံးကောင်ကလည်း သူနဲ့အတူတူ လိုက်ပါလာကြပါတော့တယ်။ မြို့ထဲလျှောက်သွားရင်း ကြောင်တွေ ခြောက်ချက်ကုတ်တာခံရ၊ တိရိစ္ဆာန်ထိန်းသိမ်းရေးအဖွဲ့က လိုက်ဖမ်းတာခံရနဲ့ ဘူးလ်တို့တသိုက်ရဲ့ စွန့်စားခန်းကို ရှုစားကြည့်ပေးပါဦး။ အန်နီမေးရှင်းဖြစ်ပေမယ့်လို့ ပြကွက်တွေကြောင့်ရော အသုံးအနှုန်းကြောင့်ရော ကလေးငယ်တွေ မကြည့်သင့်ပါဘူး။ အညွှန်းနဲ့ ဘာသာပြန်ကိုတော့ LYKZ က တင်ဆက်ထားပါတယ်။

Balcony (လသာဆောင်)ကနေ ကြည့်နေပြီး ကိုယ်တိုင်လှုပ်ရှားတာထက် သူများကို မှတ်ချက်ပေးပြီး ဘဝကို ဖြတ်သန်းနေတဲ့အကြောင်းကို သရော်ထားတဲ့ Dark Comedy အမျိုးအစား ပြင်သစ်ရုပ်ရှင်ပါ။ Social Media မှာ Spectator ဖြစ်နေတာကို ဆက်စပ်သရော်ထားပါတယ်။ ပြင်သစ်နိုင်ငံမှာ အပူလှိုင်းဖြတ်နေစဉ်အတွင်း Marseille မြို့လေးက သူငယ်ချင်း မိန်းကလေးသုံးယောက်အကြောင်းကို သရုပ်ဖော်ထားတာပါ။ ရူဘီက social media မှာအစွန်းရောက်ဖျော်ဖြေချင်တဲ့သူ၊ နီကိုးလ်က စာရေးဆရာ၊ အယ်လိစ်က သရုပ်ဆောင်...သူတို့သုံးယောက်က ပူနေတုန်း တစ်အိမ်ထဲမှာလာစုပြီး မျက်နှာချင်းဆိုင်အိမ်က ယောကျာ်းကို လသာဆောင်ပေါ်ကနေ စပ်စုတွတ်ထိုးနေကြတာပါ။ ဒီလိုနဲ့ အဲဒီယောကျာ်းနဲ့ခင်သွားရာကနေ သူ့အိမ်ကို အလည်သွားပြီး ခြောက်ခြားဖွယ်ရာ အဖြစ်ဆိုးနဲ့ကြုံရမှာပါ။ အကြောင်းရင်းမသိဘဲ ဒီပြဿနာကို ဖြေရှင်းဖို့ကြိုးစားရင်း သူတို့ဘဝကိုပြောင်းလဲစေမယ့် အတွေးတွေဝင်လာတာကိုပါ မြင်ရပါမယ်။ ပြင်သစ်ကားတွေထုံးစံအတိုင်း nude scenes တွေပါတာမို့ မိသားစုနဲ့ကြည့်ဖို့ မသင့်တော်ပါဘူး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒီတစ်ခေါက်မှာတော့ မိဘမေတ္တာ၊ သူငယ်ချင်းသံယောဇဉ်တွေနဲ့အတူ ရယ်မောကြရမဲ့ကားကောင်းလေးတစ်ကားကို မိတ်ဆက်ပေးသွားပါမယ်။ အီဂီဆဲရဲ့အဖေဖြစ်သူက လူဆိုးဂိုဏ်းဝင်ဖြစ်ပြီး ဖြစ်ရပ်တစ်ခုကြောင့် အီဂီဆဲက ငယ်ငယ်ကတည်းက အဖေဖြစ်သူကို မုန်းလာခဲ့ပါတယ်။ ဂီဆဲရဲ့အဖေဖြစ်သူကလည်း ထောင်ကျသွားတာမလို့ ငယ်ငယ်ကတည်းက ဟာသသရုပ်ဆောင်အလုပ်ကိုဝါသနာပါလို့ မြို့ကိုတက်သွားခဲ့ပေမဲ့ ၁၆နှစ်ကြာတဲ့တိုင်အောင် တီဗီမှာပါမလာခဲ့ပါဘူး။ ဒီလိုနဲ့နေလာရင်း သူသရုပ်ဆောင်မဲ့အစီအစဉ်ကပါ ဖျက်သိမ်းခံလိုက်ရတဲ့အပြင် အဖေဖြစ်သူသေဆုံးကြောင်းကိုပါ မွေးရပ်မြေကဖုန်းဆက်လာခဲ့ပါတယ်။ ဘဝမှာ အခက်ခဲဆုံးအချိန်ဖြစ်နေခဲ့ပြီး မွေးရပ်မြေကို ပြန်ရောက်လာတဲ့ဂီဆဲကို ဘယ်လိုအရာတွေက စောင့်ကြိုနေမလဲ? အဖေဖြစ်သူ အသတ်ခံရမှုမှာ ဘယ်သူတွေပါဝင်နေမလဲ? ဂီဆဲတစ်ယောက် မွေးရပ်မြေက သူငယ်ချင်းတွေ၊ အချစ်ဦးယောင်းရှင်းနဲ့အတူ ဘယ်လိုရယ်စရာဖြစ်ရပ်တွေ ကြုံရမလဲဆိုတာ ရသပေါင်းစုံနဲ့ကြည့်ရှုရမဲ့ကားလေးပါ။ ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

ဒီကားလေးမှာတော့ ထင်မထားလောက်တဲ့ ကြောက်စရာအကောင်းဆုံး ရိုက်ကွင်းရိုက်ကွက်တွေကို ရိုက်ကူးတင်ဆက်ထားပါတယ်။ ဇာတ်ကားအစမှာ ပေတေလေလွင့်နေတဲ့ လူငယ်တစ်ခုအကြောင်းကနေအခြေတည်ထားပါတယ်။ လူငယ်တစ်သိုက်ဟာ အိမ်ကထွက်ပြေးလာကြပြီး တည်းစရာနေရာရှာကြရာကနေ ဟိုတယ်အဟောင်းကြီးတစ်ခုဆီ ရောက်သွားပါတယ်။ အစပိုင်းမှာ​တော့ လူငယ်သဘာဝ ပျော်ကြပါးကြနဲ့ အပီအပြင် ကြည်နူးနေခဲ့ကြပါတယ်။ ဒါပေမဲ့လည်း သူတို့ အပျော်တွေဟာ ကြာရှည်မခံခဲ့ပါဘူး။ ဆံပင်တွေ ဖွေးဖွေးစွတ်ဖြူနေတဲ့ အဖိုးအဖွားနှစ်ယောက်ဟာ ဟိုတယ်အလယ်မှာ ဗြုန်းခနဲ ပေါ်လာပါတယ်။ အဲဒီနောက် ဂိမ်းတစ်ခုကို ကစားခိုင်းပြီး ဂိမ်းမှာ ရွေးချယ်မှုမှားတာနဲ့ အကုန် သတ်ဖြတ်ပစ်ပါတော့တယ်။ ဒီအချိန်မှာ သူတို့လူငယ်တစ်သိုက် လွတ်မြောက်အောင် ဘယ်လိုလုပ်မလဲ..... ကျောင်း​တော်က ရန်စတွေ.. ချောက်တွန်းတာတွေပါ ပါလာတဲ့အခါ..... ဂိမ်းပွဲကနေ လူသတ်ပွဲ ဖြစ်ပြီး သွေးသံရဲရဲ ကြောက်စရာကောင်းလှတဲ့ ကျောချမ်းစရာဇာတ်ကားမို့ သည်ထိတ်ရင်ဖို ကြိုက်နှစ်သက်သူတို့ လက်မလွှတ်သင့်တဲ့ ကားကောင်းတစ်ကားဖြစ်ပါတယ်။

ဒီဇာတ်ကား​လေးက​​​တော့ သကြားစက်ရုံကြီးမှာ အလုပ်သွားလုပ်ကြမယ့် ရာသီအလိုက်အလုပ်သမားတစ်ဖွဲ့ရဲ့ဖြစ်ရပ်ဆိုးကို ဇာတ်လမ်းဆင်ရိုက်ကူးထားခြင်းဖြစ်ပါတယ်။ ကြံပင်​​တွေရိတ်သိမ်းချိန်​ရောက်တဲ့အချိန် စက်ရုံလုပ်သား​တွေ ​ခေါ်ယူ​လေ့ရှိပါတယ်။ ​​ဝေးလံ​ခေါင်သီတဲ့​နေရာမှာ အလုပ်လုပ်ရတယ်ဆို​ပေမဲ့ ​​​စရိတ်ငြိမ်းပြီး လုပ်ခလစာ​ကောင်းတဲ့အ​တွက် အန်ဒါတို့သူငယ်ချင်းအဖွဲ့လည်း အိမ်မက်ကိုယ်စီနဲ့ ထွက်လာခဲ့ကြပါတယ်။ ဒါ​ပေမဲ့ အဲဒီသကြားစက်ရုံကြီးမှာ ထူးဆန်းတဲ့ညမထွက်ရအမိန့်ချမှတ်ထားပြီး မီး​လောင်မှု​ကြောင့် လူ​သေဆုံးထားတယ်ဆိုတဲ့အ​ကြောင်း သိလိုက်ရတဲ့အပြင် လူသားမဟုတ်တဲ့ မူလ​နေထိုင်သူ​တွေပါ ရှိတယ်ဆိုတဲ့အ​ကြောင်း သိလိုက်ရတဲ့အခါ........အန်ဒါတို့ သူငယ်ချင်း​တွေကြုံ​တွေ့ရမယ့် ဖြစ်ရပ်ဆိုး​တွေကို ​ခြောက်ခြားစရာဇာတ်ကွက်များနဲ့အတူ ခံစားကြည့်ရှုရမယ့် အင်ဒို​ဟော်ရာဇာတ်ကား​​ကောင်း​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဇာတ်လမ်းအစမှာ ရှေ့နေတစ်ယောက်ဖြစ်တဲ့ ဂျွန်နဲ့ သူ့မိသားစုက ဘဝသစ်တစ်ခု တည်ဆောက်ဖို့ ကြိုးစားကြပါတယ်။ သူတို့ရွေးချယ်လိုက်တာက ပင်လယ်ကမ်းစပ်က ရှုခင်းလှလှလေးနဲ့ အိမ်တစ်လုံးပေါ့။ အစပိုင်းမှာတော့ အရာအားလုံးက သူတို့စိတ်ကူးထားသလိုပါပဲ။ သာယာတယ်၊ အေးချမ်းတယ်၊ ပြီးတော့ မျှော်လင့်ချက်တွေနဲ့ ပြည့်နှက်နေတယ်။ ဒါပေမဲ့ အဲဒီအေးချမ်းမှုက ကြာရှည်မခံခဲ့ပါဘူး။ တစ်နေ့မှာတော့ ဘယ်ကမှန်းမသိတဲ့ဖရက်ဒီဆိုသူဆီကို လိပ်စာမပြည့်စုံတဲ့ စာတစ်စောင် ဂျွန်လက်ထဲကို ရောက်လာတယ်။ အစပိုင်းမှာတော့ သာမန်စာတစ်စောင်လို့ ထင်ခဲ့ပေမဲ့ နောက်ပိုင်းမှာတော့ အဲဒီစာတွေက အဆက်မပြတ် ရောက်လာပါတော့တယ်။ စာတွေထဲမှာ ဘာတွေပါလဲဆိုတာထက် အဲဒီစာတွေ ရောက်လာပြီးနောက်ပိုင်းမှာ သူတို့အိမ်မှာ ထူးဆန်းပြီး ကြောက်စရာကောင်းတဲ့ အဖြစ်အပျက်တွေ စတင်ကြုံတွေ့လာရတာပါပဲ။ ဂျွန်နဲ့ သူ့မိသားစုက သူတို့ရဲ့ စိတ်ငြိမ်းချမ်းရာ နေရာလေးက တဖြည်းဖြည်း သူတို့ကို ထောင်ချောက်ဆင်နေတဲ့ နေရာတစ်ခုအဖြစ် ပြောင်းလဲလာတာကို ထိတ်လန့်တကြား သိမြင်လာရပါတယ်။ ဒီထူးဆန်းမှုတွေရဲ့ နောက်ကွယ်မှာ ဘာတွေရှိနေမလဲ။ ဖရက်ဒီဆိုတာ ဘယ်သူလဲ။ သူ့ဆီပို့နေတဲ့ စာတွေက ဘာအဓိပ္ပာယ်လဲ။ အရေးကြီးဆုံးကတော့ သူတို့နေထိုင်နေတဲ့ အိမ်ကြီးမှာ ဘယ်လို လျှို့ဝှက်ချက်တွေ ဘယ်လို ဝမ်းနည်းကြေကွဲစရာ အတိတ်ဇာတ်လမ်းတွေ ကိန်းအောင်းနေမလဲဆိုတာကို ဇာတ်ကားက တစ်စချင်း ဖော်ထုတ်ပြသသွားမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Clara Sol

Smurf တို့ရဲ့ ရွာလေးဆီကို အဖွဲ့ဝင်အသစ်လေးတစ်ယောက်ဖြစ်တဲ့ နာမည်မရှိတဲ့ Smurf (No Name Smurf) ရောက်ရှိလာပါတယ်။ သူဟာ သူ့မှာ ထူးဆန်းတဲ့ မှော်စွမ်းအင်တွေ ပိုင်ဆိုင်ထားတယ်လို့ ယုံကြည်နေချိန်မှာပဲ မထင်မှတ်ထားတဲ့ အမှားအယွင်းတစ်ခု ဖြစ်ပွားခဲ့ပါတယ်။ သူ့ရဲ့ စွမ်းအားတွေကြောင့် နှစ်ပေါင်းများစွာ အစပျောက်နေတဲ့ ဗီလိန်ကြီး ရာဇမဲလ် (Razamel) က Smurf ရွာကို ရှာတွေ့သွားပါတော့တယ်။ ဗီလိန်ကြီး ဂါဂမဲလ် ရဲ့ ညီဖြစ်တဲ့ ရာဇာမဲလ်ဟာ စကြဝဠာတစ်ခုလုံးကို အမှောင်ဖုံးလွှမ်းပြီး အပိုင်စီးဖို့ ကြိုးစားနေသူဖြစ်ပြီး၊ သူဟာ Papa Smurf ကို ဖမ်းဆီးခေါ်ဆောင်သွားခဲ့ပါတယ်။ ဒီလိုနဲ့ပဲ နာမည်မရှိ Smurf လေးဟာ Smurfette, Hefty, Brainy တို့လို သူငယ်ချင်းတွေနဲ့အတူ Papa Smurf ကို ကယ်တင်ဖို့အတွက် စွန့်စားခန်းခရီးရှည်ကြီးတစ်ခုကို စတင်ထွက်ခွာရပါတော့တယ်။ သူတို့ရဲ့ ခရီးလမ်းမှာ ပါရီမြို့ကြီးကနေ ကမ္ဘာအသီးသီးကို ဖြတ်သန်းရမှာဖြစ်ပြီး မထင်မှတ်ထားတဲ့ မိတ်ဆွေသစ်တွေ၊ အန္တရာယ်မျိုးစုံနဲ့ ရင်ဆိုင်ရမှာပါ။ ဒီအဖြစ်အပျက်အားလုံးရဲ့ အစဟာ သူ့ကြောင့်ဖြစ်တယ်လို့ ခံစားနေရတဲ့ နာမည်မရှိ Smurf တစ်ယောက် သူ့ကိုယ်သူ သံသယတွေဝင်လာတဲ့အခါမှာတော့ သူဟာ တကယ့်သူရဲကောင်းတစ်ယောက် ဖြစ်လာနိုင်ပါ့မလား? သူတို့ရဲ့ စွန့်စားခန်းတွေ ဘယ်လိုအဆုံးသတ်မလဲ? Smurf တို့တတွေ Papa Smurf ကို အောင်မြင်စွာ ကယ်တင်နိုင်ပါ့မလားဆိုတာကိုတော့ ရင်ခုန်စိတ်လှုပ်ရှားစွာနဲ့ ဆက်လက်စောင့်ကြည့်ရမှာပဲ

ဒီတစ်ခေါက်မှာတော့ စိတ်လှုပ်ရှားစရာ Political - Action ကားတွေကိုကြိုက်တတ်တဲ့ ပရိတ်သတ်ကြီးအတွက် ဇာတ်ကားကောင်းတစ်ပုဒ်နဲ့ မိတ်ဆက်ပေးပါမယ် " Taandob 2025 " ပါ Rating 7.9/10 ရှိတာမို့ rating မြင့် movie တစ်ခုပါပဲ ဇာတ်လမ်းအကျဉ်းကတော့ ရုပ်မြင်သံကြားသတင်းချန်နယ်တစ်ခုကို အကြမ်းဖက်သမားတစ်ဦးက ဝင်ရောက်တိုက်ခိုက်ခဲ့တယ် ရုံးဝန်ထမ်းများစွာကို ဓားစာခံအဖြစ်ဖမ်းဆီးထားပြီး သူလုပ်သမျှအရာတိုင်းကိုလဲ နိုင်ငံတစ်ဝှမ်းကို Live လွှင့်ပြသထားပါတယ် အဲဒီနောက်မှာတော့ ရဲချုပ်တွေ၊ ဝန်ကြီးတွေနဲ့ အတော်ဆုံးသတင်းထောက်ကို သူနဲ့လာဆွေးနွေးဖို့ ခြိမ်းခြောက်ခဲ့တယ် သူဘာကို လိုချင်တာလဲ ? သူ့မှာဘာအကြောင်းပြချက်တွေရှိနေလဲ? ဒါ့အပြင် အချိန်ကြာမြင့်စွာ လိုက်လံဖမ်းဆီနေခဲ့တဲ့ အလိုအရှိဆုံး အကြမ်းဖက်သမားမီခိုင်းလ်ကလည်း ဒီအမှုမှာ ပါဝင်ပတ်သက်နေပါသေးတယ်တဲ့ ဘယ်လိုမျိုးလဲ? လှည့်ကွက်တွေများစွာပါဝင်တာကြောင့် ဇာတ်လမ်းအဆုံးကို ကြိုမခန့်မှန်းနိုင်ဘဲ စိတ်ဝင်တစားကြည့်ရှုရမှာဖြစ်လို့ ညွှန်းပေးလိုက်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ဇာတ်လမ်းအစမှာတော့ ယောင်းဟီး၊ ဂယောင်းမင်းနဲ့ ဟန်ဆိုးတို့ သူငယ်ချင်း၃ယောက် ရှိုးပွဲသွားကြည့်ခဲ့ရင်း နောက်တစ်ရက်ကျတော့ ဂယောင်းမင်းက ပြန်ရောက်မလာခဲ့ပါဘူး။ ဂယောင်းမင်းနဲ့နောက်ဆုံးရှိခဲ့တဲ့လူက ယောင်းဟီးဖြစ်နေတာမလို့ ကျောင်းကလူတွေရော အတန်းပိုင်ဆရာကပါ ဂယောင်းမင်းပျောက်ဆုံးမှုက ယောင်းဟီးနဲ့တစ်နည်းနည်း ပတ်သက်နေလိမ့်မယ်လို့ တွက်ဆကြပါတယ်။ ရဲတွေဘက်ကလည်း ဂယောင်းမင်းခုန်ချသွားတယ်လို့ထင်ရတဲ့ မြစ်ထဲမှာ လိုက်ရှာရင်း အချိန်တဖြည်းဖြည်းကုန်လာခဲ့တော့ လက်လျှော့ချင်လာခဲ့ပါတယ်။ ယောင်းဟီးကတော့ ဂယောင်းမင်းပျောက်ဆုံးမှုက သူနဲ့ဘာမှမဆိုင်ကြောင်း၊ ဂယောင်းမင်းထက်တောင် သူက အရင်သတ်သေချင်စိတ်ဖြစ်ခဲ့တာပါဆိုပြီး တတွတ်တွတ်ပြောဆိုနေခဲ့ပါတယ်။ သူ့စကားကို မယုံကြည်ကြတဲ့လူတွေရဲ့ဖိအားတွေကြောင့် ယောင်းဟီးတစ်ယောက် ဘာတွေဆက်ဖြစ်လာမလဲ? ဂယောင်းမင်းပျောက်ဆုံးမှုမှာ ဘယ်လိုအကြောင်းအရာတွေရှိနေလောက်မလဲ? တကယ်ပဲ ယောင်းဟီးနဲ့ မပတ်သက်တာဟုတ်ပါ့မလားဆိုတာ ဒွိဟတွေနဲ့ ကြည့်ရှုရမဲ့ ကားလေးပါ။ ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

ဗီဂျေးရဲ့ဇာတ်ကားလေးပါ။ ဒီကားထဲမှာတော့ ကာဗာဒီကစားရတာကို အရမ်းကြိုက်တဲ့ ဗယ်လုဆိုတဲ့ကောင်လေးအဖြစ်နဲ့ သရုပ်ဆောင်ထားပါတယ်။ အဖေဖြစ်သူက ရဲဆိုပေမဲ့ သူငယ်ချင်းတွေနဲ့အတူပြဿနာကို အမြဲရှာနေတဲ့ကောင်လေးပါ။ မာဒူရီမြို့မှာ ထင်တိုင်းကြဲနေတဲ့ ဝန်ကြီးရဲ့သား မူသူပန်ဒီက မင်းသမီး ဒါနာလက်ရှ်မီးကို လက်ထပ်ဖို့အကျပ်ကိုင်လာတော့ မင်းသမီးက အမေရိကကိုထွက်ပြေးဖို့လုပ်ရင်း ဗယ်လုနဲ့တွေ့ပြီး ကယ်ထားလိုက်တယ်။ ဗယ်လုက မင်းသမီးကိုသူ့အိမ်မှာ သူ့မိသားစုတွေတောင်မသိအောင်ဖွက်ထားရင်း တစ်ဖက်မှာ အဖေဖြစ်သူရဲက သူ့သားမှန်းမသိဘဲ ပြန်ပေးဆွဲသမားကိုလိုက်ရှာနေတယ်။ ဝန်ကြီးသားနဲ့သူ့လူတွေကလည်း သူတို့နှစယောက်ကို အသည်းအသန်လိုက်ရှာကြတယ်။ ဒီလိုနဲ့ နောက်ဆုံးမှာ မင်းသမီးကို အမေရိကပို့လိုက်နိုင်မှာလား။ ဟိုလူတွေလက်ထဲ ပြန်ပါသွားမှာလား။ မင်းသားနဲ့မင်းသမီးကရော ပေါင်းစည်းရမှာလားဆိုတာကို ဟာသပြကွက်တွေရော ထိတ်လန့်စရာတွေနဲ့ပါ ကြည့်ရှုရမယ့်ဇာတ်ကားလေးဖြစ်ပါတယ်။ ဒီဇာတ်ကားမှာ ဗယ်လုအဖြစ် မင်းသား Vijay၊ ဒါနာလက်ရှ်မီးအဖြစ် မင်းသမီး Trisha Krishnan နဲ့ မူသူပန်နီအဖြစ် မင်းသားကြီး Prakash Raj တို့က ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

ဇာတ်လမ်းစစချင်း ရွာတစ်ရွာရဲ့ ငွေရှင်ကြေးရှင်လို့ထင်ရသူ သခင်ကန့်ဆိုသူရဲ့ စပါးကျီက မီးလောင်ပါတယ်။ မီးရှို့တဲ့လူတွေက ရွာရဲ့ကာလသားတွေဖြစ်ကာ မှိုစားပြီး ရှို့လိုက်ကြတာဖြစ်တယ်။ ဒါကိုတော့ ဝေါ်တာဆိုတဲ့ ဇာတ်လိုက်တစ်ဦးတည်းကသာ သိထားတာဖြစ်တယ်။ ဒီလိုနဲ့ သိပ်မကြာဘူး... သခင်ကန့်ဆီကို မြေပုံရေးဆွဲသူတစ်ဦး ရောက်လာကာ သူတို့ရွာရဲ့ မြေမျက်နှာသွင်ပြင်တွေကို လိုက်လံမှတ်သားပြီး အမည်ပေးတဲ့အလုပ်တွေကို လုပ်ပါတော့တယ်။ သူနဲ့ရှေ့ဆင့်နောက်ဆင့်ဆိုသလို လူစိမ်းသုံးဦးကလည်း ရွာအနီးကိုရောက်လာပါတော့တယ်။ ရွာကမွေးထားတဲ့ ကြက်တွေငှက်တွေကို ဖမ်းစားတဲ့အတွက် သခင်ကန့်က ဦးစီးဦးဆောင်ပြုပြီး ယောက်ျားသား ၂ဦးကို ထိပ်တုံးခတ်အပြစ်ပေးလိုက်တယ်။ အမျိုးသမီးကိုတော့ ကတုံးတုံးပြီး လွှတ်ပေးလိုက်တော့တယ်။ သူ့စပါးကျီကိုလည်း ဒီလူတွေပဲ မီးရှို့တာဖြစ်ရမယ်လို့ စွပ်စွဲပြီး တစ်ရွာလုံးက သူတို့အပေါ်မောက်မာရိုင်းစိုင်းကြတော့တယ်။ ဒါကို ဇာတ်လိုက်က မတရားမှန်းသိပေမယ့် အမှန်ကိုထုတ်ပြောခြင်းလည်း မရှိခဲ့ဘူး။ ဒါက သူတို့ရွာလေးပျက်သုဉ်းခြင်းရဲ့ အစ ဖြစ်လာပါတော့တယ်။ သည်းထိတ်ရင်ဖိုအမျိုးအစား မဟုတ်ဘဲ ဒရမ်မာဖြစ်ပါတယ်။ အညွှန်းနဲ့ ဘာသာပြန်ကိုတော့ LYKZ က တင်ဆက်ထားပါတယ်။

ကမ္ဘာပေါ်မှာ အလုံခြုံဆုံးလို့ သတ်မှတ်ခံထားရတဲ့ အန့်ဝပ် စိန်စင်တာမှာ လုံခြုံရေးစည်းမျဉ်းတွေကို ကျော်လွန်ပြီး ခိုးယူမှုကြီးတစ်ခု ဖြစ်ပွားခဲ့ပါတယ်။ ခိုးယူခံရတဲ့ ပမာဏက ဒေါ်လာ သန်း ၁၀၀ ကျော် တန်ဖိုးရှိတဲ့ စိန်တွေ၊ ရွှေတွေနဲ့ အခြားလက်ဝတ်ရတနာတွေပါ။ အခုထိ ဘယ်သူ့လက်ထဲမှာ ရှိနေလဲဆိုတာကိုတောင် မသိရသေးပါဘူး။ ဒီခိုးယူမှုကြီးနောက်ကွယ်မှာ "ကျူရင်ကျောင်းတော်ကြီး" လို့ခေါ်တဲ့ အီတလီလူမျိုး သူခိုးအဖွဲ့ ပါဝင်ပတ်သက်နေတယ်ဆိုတာကို တွေ့ရှိခဲ့ရပါတယ်။ ဒီရုပ်ရှင်မှာတော့ ခိုးယူမှုရဲ့ ဦးဆောင်သူ လီယိုနာဒို နိုတယဘာတိုလို ကိုယ်တိုင်ကနေ ဘယ်လိုစီစဉ်ခဲ့တယ်၊ ဘယ်လိုဖောက်ထွင်းခဲ့တယ်ဆိုတာကို ပထမဆုံးအကြိမ်အဖြစ် ဖွင့်ဟပြောပြသွားမှာပါ လုံခြုံရေး ကင်မရာတွေကို ဘယ်လို လှည့်စားခဲ့တယ်၊ အာရုံခံကိရိယာတွေကို ဘယ်လိုဖျက်ဆီးခဲ့တယ်၊ အကာအကွယ် စနစ်တွေကို ဘယ်လိုကျော်ဖြတ်ခဲ့တယ်ဆိုတာကို သူ့ရဲ့ပါးနပ်တဲ့ စီမံမှုတွေနဲ့အတူ ရင်ခုန်စိတ်လှုပ်ရှားဖွယ် ကြည့်ရှုရမှာဖြစ်ပါတယ် ဒီရုပ်ရှင်ဟာ ပရိသတ်တွေအတွက် Ocean's Eleven လိုမျိုး ခိုးမှုရုပ်ရှင်တွေကို ကြည့်ရသလိုမျိုး ခံစားချက်မျိုးကို ပေးစွမ်းနိုင်မှာဖြစ်ပြီး၊ တကယ့်ဖြစ်ရပ်မှန်အပေါ် အခြေခံထားတာကြောင့် ပိုပြီး စိတ်ဝင်စားစရာကောင်းနေမှာမို့ အဆုံးထိ အသည်းတယားယားနဲ့ကို ကြည့်ရှုရမှာဖြစ်ပါတယ်ခင်ဗျာ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Theo ဖြစ်ပါတယ်

ရမ်တစ်ယောက် ကိစ္စရှိလို့ရွာတစ်ရွာကိုသွားရင်း ညသန်းခေါင် တောနက်ထဲကဖြတ်သွားရဖို့အကြောင်းပေါ်လာတယ်။ တောနက်ထဲခရီးဆက်ရင်း အလယ်လောက်မှာလူတစ်ယောက်နဲ့ဆုံတယ်။ အဲဒီလူကလည်း ခရီးပန်းရင် သူ့တည်းမှာနားလို့ရတယ်ဆိုပြီးဖိတ်တယ်။ အဲဒါနဲ့ရမ်လည်း တဲမှာတစ်ညတည်းမယ်ဆိုပြီး တဲထဲဝင်သွားပြီး အေးဆေးအနားယူတာပေါ့။ ဒါပေမဲ့ နောက်တစ်နေ့မနက်နိုးလာတဲ့အချိန်မှာ ရမ့်ကိုဗြိတိသျှတပ်သားတွေက ကြိုးပေးဖို့အတွက် ဆွဲခေါ်သွားတာကိုခံလိုက်ရတယ်။ ရမ်လည်း မနေ့ကနဲ့ဒီနေ့နဲ့နေရာက မတူတော့တော့ သူ့ကိုယ်သူလည်းဘာဖြစ်မှန်းမသိတော့ဘူးပေါ့။ ရမ်တစ်ယောက် ဘယ်ကမ္ဘာကိုရောက်သွားတာလဲ၊ သူတွေ့ခဲ့တဲ့သူက လူလားဘာလဲ၊ ရမ် သူ့ရဲ့ပုံမှန်ဘဝကိုပြန်သွားနိုင်မှာလားဆိုတာ ဒီ mystery, thriller ကားလေးက ကြည့်ရှုသူတွေကို ဇာတ်အဆုံးထိဆွဲခေါ်သွားပေးနိုင်မှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

Hello ဒီတစ်ခေါက်မှာတော့ “Creation of the Gods II : Demon Force (2025)” ဆိုတဲ့ ဇာတ်ကားလေးကို တင်ဆက်ပေးသွားမှာပဲ ဖြစ်ပါတယ် ။ Creation of the Gods II: Demon Force (2025) ဟာ 2023 ခုနှစ် တရုတ်ရဲ့ ဝင်ငွေအကောင်းဆုံး ရုံတင်ဇာတ်ကားကြီးဖြစ်တဲ့ Creation of the Gods I: Kingdom of Storms ( 2023 ) အဆက် ဖြစ်ပြီး တရုတ်ပြည်ရဲ့ ဂန္တဝင်မြောက်ဝတ္ထုတစ်ခုဖြစ်တဲ့ နာမည်ကြီး စွန်းဝူခုန်းဝတ္ထု နဲ့ အပြိုင်နာမည်ကျော်ကြားတဲ့ ဂန္တဝင်မြောက်ဝတ္ထု 《封神演义》 (Fengshen Yanyi) ကို ပြန်လည်ရိုက်ကူးတင်ဆက်ထားတာပဲ ဖြစ်ပါတယ်။ ဇာတ်လမ်းအကျဉ်း မြေခွေးမိစ္ဆာစူးသာ့ကျီ၏ ညွှတ်ကွင်းအောက်မှာ နစ်မြောနေတဲ့ ယင်ရှို့ဟာ ဖခင်အပါအဝင် မိသားစုဝင် အားလုံးကို သတ်ကာ ဘုရင်အဖြစ် နန်းတက်ခဲ့ပါတယ်။ ဖခင်ရဲ့ ရက်စက်စွာလုပ်ကြံသတ်ဖြတ်မှုကြောင့် အသက်ပေးခဲ့ရတဲ့ ရှန်းတိုင်းပြည်ရဲ့ အိမ်ရှေ့စံမင်းသား ယင်ကျောက်ဟာ အငြိုးနဲ့ ဒေါသတရားကြောင့် အသက်ဓာတ်ပျောက်ကွယ်သွားဖို့ ငြင်းဆန်နေခဲ့ပြီး ခွန်လွန်တောင်မှ မသေမျိုးများ၏ကူညီမှုဖြင့် အသက်ပြန်ရှင်လာခဲ့ပါတယ်။ တစ်ဖက်မှာလည်း ယင်ကျောက်၏ မိတ်ဆွေဖြစ်သူ ကျီဖာဟာ ရှန်းတိုင်းပြည်ရဲ့ ဧကရာဇ်ယင်ရှို့ကို လုပ်ကြံခဲ့ပြီးနောက် ရှန်းတိုင်းပြည်နဲ့ ရှီချီဟာ စစ်ပွဲကြီးစတင်ခဲ့ပါတော့တယ်။ ရှန်းဘုရင်ရဲ့ အမိန့်နဲ့ ရှန်းစစ်သူကြီး တျန့်ချန်းယွီဟာ မိစ္ဆာစစ်သူကြီး(၄)ယောက်ကို ဦးဆောင်ပြီး ရှီချီကိုစစ်ချီတက်လာခဲ့ပါတော့တယ် ။ ထိုသို့ ရှီချီမြို့

ဒီတစ်ခါမိတ်ဆက်ပေးမှာကတော့ မာဖီးယားဂိုဏ်းထဲက ညီနောင်တွေကြားက သစ္စာရှိမှုနဲ့သံယောစဉ်အကြောင်း အဓိကအသားပေးထားတဲ့ မလေးရှားအက်ရှင်ကားဖြစ်ပါတယ်။ အရစ်ဖ်နဲ့ဂျာကီတို့က ညီအစ်ကိုရင်းတွေဖြစ်ပေမယ့် ကလေးဘဝမှာ မိသားစုကံမကောင်းဘဲ ဂျာကီကပါ အစ်ကိုမပီသလို့ အရစ်ဖ်က အိမ်ကထွက်လာပြီး အစ်ကိုလို လေးစားချစ်ခင်ရတဲ့ ဂက်စ်နဲ့အတူ ဂန်းစတားလုပ်နေခဲ့ပါတယ်။ ဂက်စ်က "နဂါး"လို့ခေါ်တဲ့ သူတို့ဂိုဏ်းရဲ့နောက်တက်မယ့်ခေါင်းဆောင်အဖြစ် အရွေးခံရပြီး ခေါင်းဆောင်သမီးနဲ့ပါ လက်ထပ်တော့မှာပါ။ ဒါပေမဲ့ လက်ထပ်ပွဲညမှာ သတို့သမီးအသတ်ခံရတဲ့အတွက် သံသယတွေပွားလာပြီး အရစ်ဖ်ကပါ နှစ်ရှည်လများကွဲနေတဲ့ အစ်ကိုနဲ့ပြန်ဆုံတဲ့အချိန်...သစ္စာနဲ့ ညီနောင်စိတ်ဓာတ်ကို စမ်းသပ်ခံရမယ့်ပွဲမှာ နောက်ဆုံးပိတ် ဘယ်သူတွေကျန်မလဲ သစ္စာဖောက်တာကရော ဘယ်သူဖြစ်မလဲဆိုတာ ရှုစားပေးကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

စိတ်ဝင်စားဖွယ် သိပ္ပံဇာတ်လမ်းကြိုက်သူတွေအတွက် "Site" လို့ အမည်ပေးထားတဲ့ ရုပ်ရှင်သစ်တစ်ခု ရပါပြီခင်ဗျာ ဒီရုပ်ရှင်ဟာ သာမန်ဇာတ်လမ်းတွေနဲ့ မတူဘဲ စိတ်လှုပ်ရှားစရာ ကောင်းပြီး ကြည့်ရှုသူတွေကို ဖမ်းစားနိုင်မယ့် ဇာတ်လမ်းတစ်ပုဒ် ဖြစ်ပါတယ် ဒီရုပ်ရှင်ရဲ့ အဓိက ဇာတ်ဆောင်ကတော့ နေးလ် ဘာဒို လို့ခေါ်တဲ့ အင်ဂျင်နီယာတစ်ဦး ဖြစ်ပါတယ် နေးလ် ဟာ စစ်တပ် စမ်းသပ်ရေးနေရာဟောင်းတစ်ခုကို စစ်ဆေးဖို့ သွားရာကနေ စိတ်ကို ပြောင်းလဲသွားစေတဲ့ ထူးခြားဆန်းကြယ်တဲ့ အချိန်လှိုင်းတစ်ခုနဲ့ ကြုံတွေ့လိုက်ရပါတယ် အဲဒီဖြစ်ရပ်နောက်ပိုင်းမှာတော့ နေးလ် ဟာ ပုံမှန်မဟုတ်တဲ့ မြင်ကွင်းတွေနဲ့ အတိတ်က နာကျင်စရာ အဖြစ်အပျက်တွေကို မကြာခဏ မြင်ယောင်လာပါတော့တယ်အဲဒီမြင်ကွင်းတွေထဲက အဖြစ်အပျက်တစ်ခုကြောင့် သူ့ရဲ့သားလေးဟာ မျက်စိကွယ်လုနီးပါး ဖြစ်ခဲ့ရတဲ့အခါမှာတော့ နေးလ်တစ်ယောက် ဟာ ဒီလျှို့ဝှက်ဆန်းကြယ်မှုတွေကို ဖော်ထုတ်ဖို့ ကြိုးစားပါတော့တယ် ဇာတ်လမ်းတစ်လျှောက်လုံးမှာ နေးလ် ဟာ သူ့ရဲ့ဘဝကို ဖျက်ဆီးနေတဲ့ အဲဒီအမြင်အာရုံတွေရဲ့ နောက်ကွယ်က အကြောင်းအရင်းကို ရှာဖွေရင်း စစ်တပ်စခန်းဟောင်းရဲ့ လျှို့ဝှက်ချက်တွေကို ဖော်ထုတ်ဖို့ ကြိုးစားရပါတော့တယ်။ ဒီလိုနဲ့ နေးလ်ဟာ ဒီအတိတ်ကအဖြစ်အပျက်တွေနဲ့ ဘယ်လိုပတ်သက်နေလဲ။ တစ်ခြားဘယ်သူတွေရောပါဝင်လာမလဲ။ ဘယ်လိုဖြေရှင်းကြမလဲ မျိုးဆက်တစ်ခုကနေ တစ်ဆက်သို့ ကူးစက်လာတဲ့ နာကျင်မှုတွေနဲ့ မိသားစုကို ပြန်လည် ထူထောင်ဖို့ ကြိုးစားရတဲ့ အကြောင်းအရာတွေကိ