လူကြည့်များသော ရုပ်ရှင်များ

အလယ်ပိုင်းလွင်ပြင်ဒေသကို ကျင်းလူမျိုးများတိုက်ခိုက်သိမ်းပိုက်လိုက်သောအခါ လွင်ပြင်ဒေသတစ်ခုလုံးအိုးမဲ့အိမ်မဲ့ဖြစ်ကာ ပျက်စီးကြရသည်။ ထိုအချိန်တွင် စစ်ဖုန်းကျားဒေသရှိ သူရဲကောင်းရှင်ချီကျီနှင့် အသက်ရှင်ကျန်ရှိသူတစ်စုတို့သည် လက်ကျန်ပြည်သူ့ကာကွယ်ရေးတပ်များကို ပေါင်းစည်းကာ အင်အားအဆမတန်များပြားသော ကျင်းတပ်များကိုတိုက်ထုတ်ရန် ကြိုးစားကြတော့သည်။ တရုတ်ပြည်ရှိ သူရဲကောင်းများ လွတ်လပ်ရေးအတွက်တိုက်ပွဲဝင်ခဲ့ကြသည့်စစ်သည်များအား ဂုဏ်ပြုသည့်အနေဖြင့်ရိုက်ကူးထားသော ရုပ်ရှင်ကောင်းတစ်ခုဖြစ်ပါသည်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Honey ဖြစ်ပါတယ်

ဘယ်တော့မှမရိုးတဲ့ Comedy movie တွေကို စောင့်မျှော်နေကြသူများ အသစ်ထပ်ထွက်ပါပြီ " Single 2025 "ပါ ( Title ကြည့်ရုံနဲ့ ကိုယ့်အကြောင်းရိုက်ထားတဲ့ကားမှန်း သိလောက်ရောပေါ့ 🤸🏻‍♀️ ) ဟုတ်ပါတယ် တစ်ဘဝလုံးဂေါ်မစွံတဲ့ စင်ဂယ်ကြီးဗီဂျေး‌အကြောင်းပါ သိပ်ချစ်တဲ့သူငယ်ချင်းက ရည်းစားရသွားလို့ မနာလိုအားကျဖြစ်ပြီး စင်ဂယ်ဘဝကလွတ်ဖို့ ဘုရားမှာဆုတောင်းခဲ့ပါတယ် ဘုရားက မိန်းမလှလေး၂ယောက်နဲ့ဆုံတွေ့ပေးပါတယ် တစ်ယောက်ကိုသူကကြိုက်ပြီး နောက်တစ်ယောက်ကသူ့ကိုကြိုက်တာပါ သုံးပွင့်ဆိုင်အချစ်ဇာတ်လမ်းကြား ဗီဂျေးဘယ်သူ့ကိုရွေးမလဲ ? လူပျိုကြီးဇာတာပါတဲ့ဗီဂျေးတစ်ယောက် တကယ်ပဲစွံသွားမလားဆိုတာ ရယ်မောပျော်ရွှင်ဖွယ်ကြည့်ရှုရမှာပါ ပေါ့ပေါ့ပါးပါးဟာသကားလေးမို့ ဒီတစ်ပတ်ပိတ်ရက်အတွက် ကြိုရွေးထားလိုက်တော့နော် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

လူ့ဘဝကို ရုန်းကန်လှုပ်ရှား အလုပ်နှစ်ခုကိုပြိုင်တူလုပ်ပြီး မကျန်းမာတဲ့သမီးလေးတစ်ယောက်ကိုစောင့်ရှောက်ရတဲ့ တစ်ကိုယ်တော်မိခင်ဖြစ်တဲ့ဂျနိုက်ယာ သူမကတော့ သူ့သမီးလေးဆေးစရိတ်ကျောင်းစရိတ်တွေကိုရှာဖို့ နေ့မအိပ်ညမအိပ်နဲ့အလုပ်နှစ်ခုကိုပြိုင်တူလုပ်ရသူပါ ဆေးဖိုးစရိတ်တွေကြီးတဲ့ကြား အိမ်လခပါမပေးနိုင် အလုပ်ကလည်းထုတ်ခံလိုက်ရတဲ့အခါမှာတော့ သူမရဲ့စိတ်တွေမွန်းကြပ်လာပြီး စိတ်လွတ်ကာ အကြမ်းဖက်မှုအဖြစ်ပြောင်းသွားပြီး ဘဏ်တစ်ခုမှာ ဓားပြတိုက်တဲ့တရားခံဖြစ်လာပါတော့တယ် ဒါပေမယ့်သူမဘဝနဲ့ခံစားရတာတွေကို သိရှိသွားပြီးနောက် သူမနဲ့ဓားစာခံတွေကြားက ဆက်သွယ်မှုလေးဖြစ်သွားပြီး ဂျနိုက်ယာတစ်ယောက် ဘယ်လိုနှစ်ပါးသွားမလဲဆိုတာ ရင်ခုန်စွာ တမူထူးခြားကြည့်ရှုရမယ့်ဇာတ်လမ်းလေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

ဒီတစ်ခေါက်မှာတော့လူဖီတို့ကောက်ရိုးဦးထုပ်အဖွဲ့ဟာကမ္ဘာ့အကြီးမားဆုံးဖျော်ဖြေရေးမြို့တော်ဂရန်းတဲဆိုရိုကိုရောက်ရှိသွားပါတယ်။ဂရန်းတဲဆိုရိုဟာရွှေတွေအပြည့်နဲ့ရွေတွေနဲ့တည်ဆောက်ထားတဲ့လောင်းကစားမြို့တော်ကြီးပဲဖြစ်ပါတယ်။ဒီမြို့တော်ကြီးမှာလောင်းကစားကိုဗန်းပြပြီးဘယ်လိုတွေလှည့်စားခံနေကြရလဲဘယ်လိုတွေလွတ်လပ်မှုကိုဆုံးရှုံးနေကြရလဲလူဖီတို့ကရောဘယ်လိုစွန့်စားခန်းတွေဖွင်ပြီးလွတ်လပ်မှုကိုဆောင်ကျဉ်းပေးမလဲဆိုတာရင်ခုန်စိတ်အားတက်ဖွယ်ကြည့်ရှုရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ taku-chan ဖြစ်ပါတယ်

ဒီဇာတ်ကား​လေးက​တော့ အက်ရှင်ကားကြိုက်တဲ့သူအတွက် အင်ဒိုအက်ရှင်ဇာတ်ကားအကြမ်းစား​လေးဖြစ်ပါတယ်။ ​ယောက်ျားဖြစ်သူ ရန်ပွဲမှာ​သေဆုံးသွားလို့ တစ်ချိန်လုံးအရက်​သောက်, ​လောင်းကစားလုပ်​နေတဲ့ အ​မေကို စိတ်နာပြီး တတ်ထားတဲ့ကိုယ်ခံပညာကို အသုံးချကာ မ​ကျေနပ်ချက်​တွေကို လက်သီးနဲ့​​​ဖြေရှင်းတတ်တဲ့ ခပ်မိုက်မိုက်​ကျောင်းသူ​​ ကောင်မ​​လေးတစ်​ယောက်အ​​ကြောင်းပါ။ မိန်းက​လေး​တွေအ​ပေါ် မတရားအနိုင်ကျင့်တာကို လက်မခံပဲဝင်ပါတတ်လို့ ​ပြဿနာတက်ပြီး ကျောင်းခဏခဏထုတ်ခံ​နေရတဲ့ သတ္တိခဲ​လေးအ​ကြောင်းကို ဇာတ်လမ်းဆင်ရိုက်ကူးထားပါတယ်။ ကိုယ်ခံပညာအ​ကြောင်းကို အ​ခြေခံရိုက်ကူးထားတဲ့ ဘဝသရုပ်​ဖော်အက်ရှင်ကားမို့ အက်ရှင်ကားကြိုက်တဲ့သူ​တွေအတွက် ​ရွေးချယ်သင့်တဲ့ဇာတ်ကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ပြန်ပေးဆွဲကားဆိုတဲ့အတိုင်း ထူးထူးခြားခြား လှည့်ကွက်နဲ့ ဇာတ်မျောစေမယ့် ကားလေးကို ပြသပါ့မယ်။ ကြည့်မိရင် နောင်တရမယ့်ကားမဟုတ်သလို ချစ်သူနှစ်ယောက်ရဲ့ သစ္စာတရားကိုပါမြင်ရမှာပါ။ ချစ်သူနှစ်ယောက်က သူငယ်ချင်းတွေနဲ့ခရီးထွက်လာတော့ ဂြိုလ်သားအသံလိုမျိုး အစိမ်းရောင်အလင်းရောင်ကြီးက ချစ်သူကို ခေါ်သွားတာမြင်ပြီးနောက် ရဲတွေနဲ့ ဘယ်လိုပြန်ရှာမလဲ ရှာတွေ့ပါ့မလား။ ဂြိုလ်သားဆိုတာ တကယ်ရှိတာလား။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bella ဖြစ်ပါတယ်

ဥပဒေမဲ့လက်နက်ကိုင်တွေကြီးစိုးရာ မိုတူပါလီဒေသနဲ့ အနီးပတ်ဝန်းကျင်က ရွာတွေမှာ အတင်းအဓမ္မမြေယာသိမ်းဆည်းခြင်း၊ လူသတ်အကြမ်းဖက် နှိပ်စက်ခြင်းတွေကို ခံစားနေရပြီး ‌ဒေသခံပြည်သူအများက ဒုက္ခရောက်နေခဲ့ကြပါတယ်။ ဒေသခံရဲနဲ့ ဝန်ကြီးကိုယ်တိုင်က အကျင့်ပျက်လာဘ်စားပြီး ကယ်သူမဲ့ရွာသူရွာသားများအတွက် ခရီးသွားတစ်ဦးပေါ်လာချိန်မှာတော့ အရာအားလုံးကို ပြောင်းပြန်လှန်ပစ်လိုက်သလို အခြေအနေတွေက ပြောင်းလဲသွားပါတော့တယ်။ မထင်မှတ်ဘဲပေါ်လာတဲ့ ခရီးသည်ရဲ့သရုပ်မှန်က ဘာဖြစ်မလဲ မတရားမှုတွေကယ်တင်ပေးမှာလဲ။ခပ်ကြမ်းကြမ်းခပ်ရမ်းရမ်း အက်ရှင်ကားများကို ကြိုက်နှစ်သက်တဲ့ပရိတ်သတ်ကြီးအတွက် IMDb 6.3/10 အထိရရှိထားတဲ့ အိန္ဒိယအက်ရှင်ဇာတ်ကြမ်းကားကြီးက ဇာတ်လမ်းဇာတ်အိမ်ကောင်းကောင်းနဲ့ တင်ဆက်ပေးထားတာမို့ လက်မလွတ်တမ်းကြည့်ရှုဖို့ တိုက်တွန်းလိုက်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

MMA လက်ဝှေ့ဟောင်းသမားတစ်ယောက်က ပြိုင်ပွဲအတွင်းတစ်ဖက်ပြိုင်ပွဲဝင်ကို ထိုးလိုက်ရာကနေ သေဆုံးသွားရတဲ့အခါ တစ်ဖက်မိသားစုအပေါ် အပြစ်တင်စိတ်ကြောင့် လက်ဝှေ့ကိုတောင်ဆက်မကစားတော့ဘဲ ပျောက်ကွယ်သွားပါတော့တယ် နှစ်ကြာတော့ သူကြောင့်သေဆုံးသွားတဲ့လူရဲ့ သားဖြစ်သူကို လူဆိုးဂိုဏ်းတွေလက်ထဲက ကယ်ပေးဖို့အကြောင်းဖန်လာတဲ့အခါမှာတော့ သူသတ်လိုက်မိတဲ့လူရဲ့ မိသားစုအပေါ် အကြွေးဆပ်နိုင်မလား ဆိုတာ ပြင်သစ်ဂိုဏ်းတွေအကြောင်းရိုက်ကူးထားတဲ့ကားလေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

မြို့ငယ်လေးရဲ့ သိပ်အပျင်းကြီးတဲ့လူတစ်ယောက်... အလုပ်လည်းမလုပ်ဘူး အရက်သောက်ပြီး ငါးဖမ်းထွက်နေတတ်ပေမဲ့ သိပ်ချစ်ဖို့ကောင်းတဲ့မိသားစုလေး သူပိုင်ဆိုင်ထားတယ် ဒီတစ်ခေါက်ကတော့ Action ကားခပ်မိုက်မိုက်တစ်ခုနဲ့ မိတ်ဆက်ပေးပါမယ် Daveed 2025 ဖြစ်ပါတယ် အပေါ်ကမိတ်ဆက်နဲ့ Action movie ဆိုတာနဲ့ ဆက်စပ်လို့မရပေမဲ့ အဲဒါကဇာတ်ကားရဲ့အနှစ်သာရပါ မိန်းမပြုစုတာခံပြီး သိပ်အပျင်းကြီးတဲ့ သာမာန်အရပ်သားတစ်ယောက်ရဲ့ နောက်ကြောင်းမှာ ဘယ်လောက်အံ့ဩစရာ သမိုင်းတွေရှိနေလဲ? ထပ် Spoil လုပ်ရရင် Boxingကို နှစ်သက်သူများအတွက် အရွေးချယ်သင့်ဆုံးဇာတ်ကားပါပဲ Action ခန်းတွေကို အကွက်ကျကျနဲ့ တစ်ဝကြီးကြည့်ရှုရမှာ‌မို့ လက်မလွှတ်ကြနဲ့နော် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ရုပ်ရှင်နာမည်အတိုင်း ကလေးခိုးတဲ့အဖွဲ့အစည်းကြောင်းရိုက်ထားတဲ့ ဖြစ်ရပ်မှန်ဇာတ်ကားပဲဖြစ်ပါတယ်။ ရထားစီးလာတဲ့ညီလေးကို အစ်ကိုဖြစ်သူကဘူတာရုံမှာသွားကြိုတယ်။ ညီဖြစ်သူ ဘူတာရုံမှာကလေးသူခိုးနဲ့ဝင်တိုက်မိပြီး ကလေးသူခိုးလို့အစွပ်စွဲခံရတယ်။ အဲဒါနဲ့သူမခိုးကြောင်း၊ သူဝင်တိုက်မိတဲ့သူက ခိုးသွားတဲ့သူဖြစ်နိုင်ခြေရှိကြောင်းပြောတော့ ရဲတွေက ညီအစ်ကိုနှစ်ယောက်ကိုမျက်မြင်သက်သေအဖြစ်ခေါ်ထားလိုက်တယ်။ အဲဒါနဲ့ညီဖြစ်သူက အခိုးခံရတဲ့ကလေးကို လိုက်ကူရှာပေးဖို့ဆုံးဖြတ်ရင်း ညီအစ်ကိုနှစ်ယောက်လည်း ပြဿနာတောထဲဝင်ပါမိသွားသလို ကလေးသူခိုးအဖွဲ့စည်းကြီးကိုလည်းတူးဖော်မိသွားပါတယ်။ ဖြစ်ရပ်မှန်ဇာတ်လမ်းလည်းဖြစ်သလို ညီအစ်ကိုနှစ်ယောက်အသက်ရှင်ပါ့မလား၊ ကလေးပြန်ရှာတွေ့ပါ့မလား၊ ဒီအဖွဲ့စည်းကဘယ်လောက်ကြီးလဲဆိုတာ တစ်ကားလုံးရင်တထိတ်ထိတ်ကြည့်ရမှာမို့လို့ ကြည့်ရှုရတာတန်မယ့်ကားဆိုတာ အာမခံပးရင်း ဒီကားလးကိုညွှန်းလိုက်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

၂၀၁၆ ခုနှစ်က ထွက်ရှိခဲ့တဲ့ မင်းသား Ben Affleck ရဲ့ ‘စာရင်းကိုင်’ရုပ်ရှင်အဆက်ဖြစ်ပါတယ်။ ယူအက်စ်ဘဏ္ဍာရေးဌာန (ဖင်းဆန်း)ရဲ့ ဒုညွှန်မှူးဟောင်း ရေးကင်း (J.K. Simmons) က ဆိုင်တစ်ခုမှာ လူသတ်သမားတစ်ဦးနဲ့ တွေ့ဆုံပြီး လွန်ခဲ့တဲ့ ၈နှစ်က ပျောက်ဆုံးသွားခဲ့တဲ့ သားအမိ နှစ်ယောက်ကို ရှာခိုင်းတာနဲ့ ဇာတ်လမ်းကို စထားတယ်။ ဒါပေမဲ့ ဆိုင်အပြင်ဘက်မှာ အသင့်စောင့်နေတဲ့ လူသတ်သမားတွေက ရေးကင်းနောက်ကို လိုက်လာပြီး သူ့ကို သတ်လိုက်ပါတော့တယ်။ ဒီတော့ ရေးကင်းရဲ့ အလောင်းကိုအတည်ပြုဖို့အတွက် ဖင်းဆန်းရဲ့ လက်ရှိ ဒုညွှန်မှူး မက်ဒီနာက ရောက်လာခဲ့တယ်။ ရေးကင်းဟာ အသတ်ခံရနီး နောက်ဆုံးအချိန် လက်ဖျံမှာ “စာရင်းကိုင်ကိုရှာပါ” ဆိုတဲ့ စာတစ်ကြောင်းပဲ ရေးခဲ့လေတော့ မက်ဒီနာတစ်ယောက် စာရင်းကိုင် ခရစ်ရှန်ဝုဖ်ကို ရှာဖွေရတော့တယ်။ သူမရဲ့ ဘော့စ် ဘယ်လိုအမှုကိုသွားစုံစမ်းလို့ အသတ်ခံရသလဲ။ သားအမိနှစ်ယောက်ကို လိုက်ရှာရုံနဲ့ အဖြောင်ခံရလောက်အောင် နောက်ကွယ်ကအရှုပ်တော်ပုံက ဘာတွေဖြစ်မလဲ။ ခရစ်နဲ့အတူတူ ခရစ်ရဲ့ ညီ ဘက်စ်တန် (Jon Bernthal) ကပါ ဘယ်လိုတွေ ကူညီပေးကြမလဲ။ အညွှန်းနဲ့ ဘာသာပြန်ကိုတော့ LYKZ က တင်ဆက်ထားပါတယ်။

တရုတ်ပြည်ကနေ ဂျပန်တွေစစ်ဆုတ်ခွာသွားပြီးတဲ့နောက် တရုတ်ပြည်မြောက်ပိုင်းမှာ တောပုန်းတွေဟာ ထကြွသောင်းကျန်းနေကြပါတယ်။ဒါကြောင့် PLA တရုတ်ပြည်သူ့လွတ်မြောက်ရေးတပ် (People's Liberation Army) အဖွဲ့များနဲ့ သူကုန်အဖွဲ့များဟာ တိုက်ပွဲများ ဆက်လက်ဖြစ်ပွားနေကြပါတယ်။သူပုန်အဖွဲ့တွေထဲမှာသိမ်းငှက်ဘုရင်ရဲ့ အဖွဲ့ဟာ လူအင်အား လက်နက်အင်အား အတောင့်တင်းဆုံးဖြစ်ပြီး ရက်စက်ကြမ်းကြုတ်တဲ့သူ တစ်ယောက်လဲဖြစ်ပါတယ်။ သိမ်းငှက်ဘုရင်ရဲ့ တပ်ဖွဲ့တည်နေရာဟာ အလွန်မြင့်မားတဲ့ချောက်ကမ်းပါးပေါ်မှာတည်ရှိပြီး သူတို့နဲ့ ရင်ဆိုင်တိုက်ပွဲဖြစ်မယ်ဆိုရင် ရှုံးနိမ့်ဖို့က ရာခိုင်နှုန်းများပါတယ်။ ဒါကြောင့် PLA တရုတ်ပြည်သူ့လွတ်မြောက်ရေးတပ် (People's Liberation Army) ရဲ့ခေါင်းဆောင်တွေဟာ နည်းပရိယာယ်တွေသုံးဖို့ လိုအပ်လာပါတော့တယ်။PLA တပ်ဖွဲ့ရဲ့ ခေါင်းဆောင် 203ရဲ့ တပ်ဖွဲ့ဟာ လူအင်အားနည်းသော်လည်း တပ်ဖွဲ့ကောင်းတစ်ဖွဲ့ဖြစ်ပါတယ်။ ထို့ကြောင့် တပ်ခေါင်းဆောင်နှင့်အတူ တိုက်ပွဲဝင်လာသော ယန်ဇီရုံဟာ ရန်သူတွေကို အနိူင်တိုက်ရန်အတွက် ရန်သူဌာနချုပ်ဖြစ်သော ကျားတောင်ထဲသို့ ဝင်ရောက်ပြီး သူလျှိုလုပ်ဖို့ အစီအစဉ်တစ်ခုဆွဲခဲ့ပါတော့တယ်။သူတို့ရဲ့ အစီအစဉ်တွေက အောင်မြင်ပါ့မလား အခြေအနေတွေက ဘယ်လိုပြောင်းလဲသွားမလဲဆိုတာနဲ့ သူရဲကောင်းတို့ရဲ့ ရဲစွမ်းသတ္တိ ၊ စွန့်လွှတ်အနစ်နာခံမှု တို့ကို ဇာတ်အိမ်ခိုင်ခိုင်နဲ့ ရိုက်ကူးထားသော ဇာတ်ကားကောင်းလေးပဲဖြစ်ပါတယ်။ အညွှန်းနဲ့ ဘာသာပြန်သူကတေ

ဒီတစ်ခါမှာတော့လူဖီတို့တိုက်ခိုက်ရမယ့်ရန်သူဟာ ပင်လယ်ဓားပြမဟုတ်တော့ဘဲရေတပ်ဗိုလ်ချုပ်ဟောင်းပါ။ ဒီကားမှာဆိုရင်တော့ ဘယ်သူကဗီလိန်လဲလို့တောင်ပြောရခက်အောင် ကိုယ့်ခံယူချက်အတိုင်းကိုယ့်နှလုံးသားအတိုင်း အဆုံးထိကိုယ်လုပ်ချင်တာကိုလုပ်တတ်တဲ့ လူနှစ်ယောက်ရဲ့ တိုက်ပွဲပါ။ ဒီတိုက်ပွဲကနေ ကြည့်နေတဲ့ပရိသတ်တွေရော ဘယ်လိုစိတ်ခွန်အားတွေရမလဲ။ ကောက်ရိုးဦးထုပ်အဖွဲ့သားတွေရော ဒီတစ်ခေါက်စွန့်စားခန်းကိုဘယ်လိုကျော်ဖြတ်ကြမလဲဆိုတာ လိုက်ပါစီးမျောရင်းအတူစွန့်စားခန်းဖွင့်ကြရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ taku-chan ဖြစ်ပါတယ်

ဂျက်ဆိုတဲ့ကောင်လေးက သူများနဲ့ မတူဘဲထူးခြားတဲ့အရည်အချင်းတွေရှိပေမဲ့ တစ်လွဲတွေလုပ်တတ်တဲ့အကျင့်နဲ့ သူများနဲ့မတူတဲ့ရှုထောင့်ကနေ လုပ်တဲ့တဲ့စရိုက်တွေကြောင့် ဘယ်နေရာမှာ မှ အံဝင်ခွင်ကျမဖြစ်ဘဲ အလုပ်လက်မဲ့ဖြစ်နေပါတယ်။ သူ့သားဖြစ်သူ ဘာတွေလုပ်နေလဲဆိုတာကို သိချင်တဲ့ ဖခင်ဖြစ်သူက စုံထောက်အေဂျင်စီတစ်ခုကို ငွေပေးပြီး သူ့သားအကြောင်းတွေ လိုက်လံစုံစမ်းခိုင်းပါတော့တယ်။ စုံထောက်အေဂျင်စီက စုံထောက်မလေး အက်ဖ်ရှန်က ဘယ်လိုတစ်လွဲနည်းလမ်းတွေနဲ့ ဂျက်ကို စုံစမ်းထောက်လှမ်းမလဲ။ ဂျက်ရဲ့အန္တိမရည်မှန်းချက်ကတော့ အိန္ဒိယနိုင်ငံကာကွယ်ရေးနဲ့စောင့်ကြည့်လေ့လာရေးအဖွဲ့ (RAW) အဖွဲ့ရဲ့ အဖွဲ့ဝင်တစ်ဦးဖြစ်ချင်တာပါ။ အေးဂျင့်ကောင်းတစ်ဦးဖြစ်ဖို့ အကြမ်းဖက်တွေရဲ့စစ်ဆင်ရေးတစ်ခုထဲကို ဝင်ပါမိရာကစပြီး ဘယ်လိုအလွဲတွေနဲ့ကြုံလာရမလဲဆိုတာကို ဟာသနှောပြီးရိုက်ကူးထားတဲ့ အိန္ဒိယဟာသအက်ရှင် စွန့်စားခန်းအပြည့်နဲ့ ဇာတ်ကားကောင်းလေးတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

ပြင်သစ်စကားပြော Thriller/ Crime ရုပ်ရှင်အမျိုးအစားဖြစ်ပါတယ်။ အသက် ၁၅ နှစ်အရွယ် လေစီယာဆိုတဲ့ ကောင်မလေးက အဒေါ်ဖြစ်သူနဲ့ ရွာမှာပဲ အတူတူနေရသူဖြစ်တယ်။ မိခင်ဖြစ်သူက ဆုံးပါးသွားပြီဖြစ်သော်လည်း ဖခင်ဖြစ်သူမှာ လူဆိုးဂိုဏ်းကြီးကြီးတစ်ခုရဲ့ ဂိုဏ်းခေါင်းဆောင်ဖြစ်တော့ တစ်နေရာပြီးတစ်နေရာ လှည့်လည်သွားလာနေသူဖြစ်တယ်။ တစ်ရက် ဂိုဏ်းကလူတစ်ယောက်က သူမကိုလာခေါ်တယ်။ ကျောင်းပိတ်ရက်မှာ သူမဖခင်နဲ့အတူတူ အချိန်ဖြုန်းဖို့ပေါ့။ ဒါပေမဲ့ ဆယ်ကျော်သက်အရွယ် သူမက ရွာမှာပဲချစ်သူနဲ့ပလူးပလဲနေချင်တာကို ကျွန်းပေါ်မှာ လူဆိုးဂိုဏ်းနဲ့ အချိန်ဖြုန်းရမယ်ဆိုတော့ကာ ... ဖခင်ကိုလည်း မကြည်ဖြူတော့ဘူး။ သိပ်မကြာပါဘူး... လူဆိုးဂိုဏ်းအချင်းချင်းတိုက်ပွဲတွေ ဖြစ်လာတဲ့အခါမှာ သားအဖနှစ်ယောက်ရဲ့ ဆက်ဆံရေးက ဘယ်လိုတွေဖြစ်လာမလဲ.... သူမရော တိုက်ပွဲကြားကနေ လွတ်မြောက်ပါ့မလား.... အညွှန်းနဲ့ ဘာသာပြန်ကိုတော့ LYKZ က တင်ဆက်ထားပါတယ်။

" လူကြမ်းကြီးလည်း ချစ်တတ်ပါတယ် " ဆိုတာ ဒီလိုဇာတ်ကားမျိုးကိုပြောတာဖြစ်မယ် >< ဒီတစ်ခါမှာ အမိုက်စား Action- Romance ကားနဲ့မိတ်ဆက်ပေးပါမယ် " Retro 2025 " ပါ Rating 7.3/10 တောင်ရထားပါတယ် ငယ်စဥ်ကတည်းက လုံးဝမရယ်တတ်တဲ့ လူကြမ်းကြီးပါရီနဲ့ သူချစ်ရတဲ့ တိကုဆရာဝန်မလေး ရုမီနီရဲ့အကြောင်းပေါ့ လူကြမ်းကြီးရဲ့အားရစရာ ဖိုက်တင်ခန်းတွေ၊ မာဖီယားဂိုဏ်းတွေ၊ စွန့်စားခန်းတွေကို အကွက်ကျကျနဲ့ တစ်ဝကြီးကြည့်ရမယ့်အပြင် ကြမ်းတာရမ်းတာလုံးတာမကြိုက်တဲ့ ရုမီနီအတွက် လူကြမ်းကြီးပြောင်းလဲပေးနိုင်မလားဆိုတာကို ရသစုံစွာကြည့်ရမှာမို့ မျက်စိမှိတ်ရွေးရင်တောင်မမှားနိုင်တဲ့ ဇာတ်ကားကောင်းတစ်ပုဒ်ပါပဲ ဒီဇာတ်ကားကို အညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

မှော်အတက်ပညာကို တားမြစ်ထာတဲ့ အာလာရီရွန်တိုင်းပြည်မှာ ဟိုးဘိုးဘေးခေတ်ကတည်းက ဟောကိန်းထုတ်ထားတဲ့ မှော်ပညာရွှေခေတ်ရောက်လာမယ်ဆိုတဲ့ ဟောကိန်းရှိပါတယ် အဲ့ဟောကိန်းထဲမှာ ရွာလေးတစ်ရွာကမိန်းကလေးငယ်တစ်ယောက်က ဓာတ်ကြီးလေးပါးကိုရှာပြီး ဝှက်ထားတဲ့မှော်တုတ်တံကိုယူနိုင်ရင် မှော်ရွှေခေတ်ဖြစ်လာမယ်လို့ဟောထားတော့ တစ်နေ့ဘုရင်မတပ်မှူးတစ်ယောက်က ဟောကိန်းထဲကအတိုင်းအသွင်ရှိတဲ့မိန်းကလေးတစ်ယောက်ကိုအမှတ်မထင်တောထဲမှာတွေ့လိုက်ရာက သူတို့နှစ်ယောက်ပူးပေါင်းပြီး မှော်တုတ်တံကိုယူဖို့စွန့်စားခန်းခရီးထွက်ပါတော့တယ် အဲ့ဒီနတ်မှော်တုတ်တံကို ဘုရင်မကလည်းလိုချင်နေတာမလို့ သူတို့ကိုဘယ်လိုအန္တရာယ်တွေပြုမလဲ အခက်အခဲတွေကြားက သူတို့ဘယ်လိုမှော်တုတ်တံရအောင်ယူကြမလဲဆိုတာ ကြည့်ရှုရမယ့်ဇာတ်လမ်းလေးဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

ဒါက စပိန်နိုင်ငံမှာ 2017 ကတကယ်ဖြစ်ခဲ့တဲ့ ဖြစ်ရပ်မှန်ဇာတ်ကားလေးပါ။ ဇာတ်လမ်းအစမှာကတည်းက အလောင်းတစ်ခုကို တွေ့တယ်။ ‌အသတ်ခံရတဲ့သူက အာတူနိုဖြစ်ပြီး သူ့မှာ မာဂျဲလို့ခေါ်တဲ့ ငယ်ငယ်‌ချောချောဇနီးတစ်ယောက်ရှိတယ်။ မာဂျဲက နေ့ချိန်း ညချိန်းနဲ့ တစ်နေ့ကို အလုပ်နှစ်ခုလုပ်ရတဲ့ သူနာပြုမလေးပါ။ မာဂျဲက ရည်းစားလည်းများပြီး အပျော်လည်းမတ်တယ်။ စုံစမ်းစစ်ဆေးရေးအဖွဲ့တွေက မာဂျဲအပေါ်မှာ သံသယရှိနေကြတယ်။ ဒီလိုနဲ့စုံစမ်းရင်း ခင်ပွန်းဖြစ်သူကို တစ်ကယ်ပဲ မာဂျဲကသတ်လိုက်တာလား ဒါမှမဟုတ် တခြားသူက သတ်လိုက်တာလား ဆိုတာကို စိတ်ဝင်စားဖွယ်ကြည့်ရှုရမယ့် ထောက်လှမ်းရေးကားလေးဖြစ်ပါတယ်။ သတိ -- လိင်အသားပေးပြကွက်အချို့ပါဝင်သောကြောင့် 18 မပြည့်သူများ မကြည့်သင့်ပါ။ ဒီဇာတ်ကားမှာ မာဂျဲအဖြစ် မင်းသမီး Ivana Baquero၊ စုံထောက်အရာရှိ အီဗာ အဖြစ် မင်းသမီးကြီး Carmen Machi နဲ့ ဆယ်ဗာအဖြစ် မင်းသား Tristán Ulloa တို့က ပါဝင်ရိုက်ကူးထားပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက AWY ဖြစ်ပါတယ်။

သူစိမ်းတစ်​ယောက်က ကိုယ့်အိမ်ထဲ ဝင်ဖို့လုပ်တဲ့အခါ သင်ဆိုရင်​ကော လက်ခံမှာလား။ ဒီဇာတ်ကားထဲမှာ​တော့ ရို့စ်နဲ့ ဆမ်မီရဲ့ အိမ်မှာ ပါတီပွဲ ကျင်းပတဲ့​တစ်နေ့ မဖိတ်ဘဲ ​ရောက်လာတဲ့သူတစ်​ယောက် ရှိပါတယ်။ သူက​တော့ ဟယ်လန် အမည်ရတဲ့ အဘွားအိုတစ်​ယောက်ပါ။ ကား​မောင်းပြီး ရို့စ်တို့ အိမ်​ရှေ့​ရောက်လာလို့ ရို့စ် ထွက်​တွေ့တဲ့အခါ သူ့အိမ်သူ ပြန်​ရောက်လို့ ဝင်ဖို့လုပ်​နေတာလို့ ပြောပါတယ်။ ​အိမ်မှား​နေကြောင်း ရို့စ်က ရှင်းပြ​ပေမဲ့ နားမဝင်ခဲ့ပါဘူး။ နောက်​တော့ ဘယ်လိုမှ ရှင်းပြမရဘဲ မှတ်ဉာဏ်ချို့ယွင်း​နေတဲ့ ဟယ်လန်ကို ရို့စ်က သနားပြီး အိမ်ထဲ ဝင်ခွင့်ပြုခဲ့ပါတယ်။ ဆမ်မီက ဒီကိစ္စကို သိသွားတဲ့အခါ သူစိမ်းကို အိမ်ထဲသွင်းလို့ ရို့စ်နဲ့ စကားများပါ​တော့တယ်။ ရို့စ်လည်း ဟယ်လန်ကို အိမ်ပြန်ပို့​ပေးဖို့ သူ​ရှာ​တွေ့တဲ့ ဖုန်းနံပါတ်ကို ဆက်သွယ်ရင်း သူငယ်ချင်းဖြစ်သူ ဘာဘရာက လာ​ခေါ်​ပေးမယ်​ပြောလို့ ဆက်လက် လက်ခံထားခဲ့ပါတယ်။ ​ဒီလို လက်ခံထားမိတာ နောက်ပိုင်းမှာ ပြဿနာ​တွေ တက်လာနိုင်မလား။ ဟယ်လန်​ကို ပြန်လာ​ခေါ်တဲ့လူ ရှိပါ့မလားဆိုတာကို​တော့ ကိုယ်တိုင်ပဲ ကြည့်ရှုခံစားပြီး အ​ဖြေရှာလိုက်ရ​အောင်။ အညွှန်း​ရေးသားသူနဲ့ ဘာသာပြန်မှာ Poe Yin Thar ဖြစ်ပါတယ်။

ဒီဇာတ်ကား​လေးက​တော့ အင်ဒိုနီးရှားရိုးရာယုံကြည်မှုဖြစ်တဲ့ ကလီဝန်အင်္ဂါ​နေ့မှာ သေဆုံးသွားတဲ့ မိသားစုအ​ကြောင်းကို အ​ခြေခံရိုက်ကူးထားပါတယ်။ ကလီဝန်အင်္ဂါ​နေ့မှာ လူ​သေသွားရင် ​သေဆုံးသူက ကျန်ရစ်သူမိသားစုကို ၅ရက်အတွင်း ​ခေါ်သွားတတ်တယ်လို့ ယုံကြည်ကြပါတယ်။ အဲဒီ​နေ့မှာ ​သေဆုံးခြင်းဟာ ကံဆိုး​စေတယ်လို့ ယူဆထားကြတာပါ။ ဒီလိုမျိုးကြုံ​တွေ့ရတဲ့အခါ ရိုးရာဓ​လေ့ပန်းကန်ခွဲခြင်းအစီအရင်ကို မိသားစုဝင်အားလုံးလုပ်​ဆောင်ကြရပါတယ်။ ရိုးရာဓ​လေ့ဆိုတာ မပယ်ရှား​ကောင်းဘူးဆိုတာနဲ့ ဒီလို​သေခြင်းတရားက ​နောက်ကလိုက်​နေတယ်ဆိုတာ တကယ်ပဲလား၊ တခြားအ​နှောင့်ပ​ယောဂ​တွေ​​ရော ပါဝင်ပတ်သက်​နေဦးမလားဆိုတာကို ထိတ်လန့်ဖွယ်ရာဇာတ်ဝင်ခန်း​တွေနဲ့ ခံစားကြည့်ရှုရမယ့် အင်ဒိုနီးရှား​ဟော်ရာကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ငယ္ငယ်က ပေါင်ချိန်ဇာတ်လမ်းတွဲတွေကို ကြိုက်နှစ်သက်တဲ့လူတွေရှိလား? ဒါဆိုရင်တော့ ဒီ ၂၀၂၂ မှာထွက်ရှိခဲ့တဲ့ Song Ci ဆိုတဲ့ဇာတ်ကားလေးက သင့်အတွက်ပါပဲ။ စုန့်စစ်ကတော့ ထင်ရှားတဲ့သေမှုသေခင်းစစ်ဆေးရေးအရာရှိတစ်ယောက်ဖြစ်ပြီး လတ်တလောမှာတော့ မင်းမျက်သင့်ပြီးဌာနကနေအနားယူထားတဲ့သူတစ်ယောက်ပါ။ တစ်နေ့မှာတော့ ရှောင်းဝမ်နဲ့ လွီကျန်းရှန့်ဆိုတဲ့ မောင်နှစ်မနှစ်ယောက်ကစုန့်စစ်ကို သူတို့ဒေသမှာဖြစ်ပေါ်နေတဲ့ နဂါးမင်းကျိန်စာတိုက်မှုကြောင့် လူတွေတစ်ယောက်ပြီးတစ်ယောက်သေနေတဲ့အမှုကို စုံစမ်းပေးဖို့ လာခေါ်ပါတော့တယ်။ တတ်သည့်ပညာ မနေသာဆိုသလို စုန့်စစ်တစ်ယောက် ရှောင်းဝမ်တို့အရပ်ကိုလိုက်ပြီး စုံစမ်းစစ်ဆေးကြည့်တဲ့အခါမှာတော့ အမှုကထင်ထားသလိုမရိုးရှင်းဘဲ နောက်ကွယ်မှာအင်အားကြီးတဲ့ကြိုးကိုင်သူတွေရှိနေမှန်း တစတစပေါ်ပေါက်လာတဲ့အခါ စုန့်စစ်နဲ့ မောင်နှစ်မနှစ်ယောက် အမှုမှန်ပေါ်အောင်ဘယ်လိုဖြေရှင်းကြမလဲဆိုတာကို စိတ်လှုပ်ရှားဖွယ်ကြည့်ရှုရမှာဖြစ်ပါတယ်။ သဲလွန်စတွေနောက်ကိုလိုက်ပြီး အမှုကိုဖြည်းဖြည်းချင်းဖြေရှင်းကြပုံကို ရင်တမမနဲ့ကြည့်ရှုရမှာမို့လို့ စုံထောက်ဇာတ်လမ်းတွေကြိုက်နှစ်သက်သူများအတွက် Song Ci ဆိုတဲ့ဇာတ်ကားလေးကို M-Sub Movie ကနေ တင်ဆက်ပေးလိုက်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Honey ဖြစ်ပါတယ်

လူဖီတို့ ကောက်ရိုးဦးထုပ်အဖွဲ့ဟာ ရွက်လွှင့်ရင်း ပင်လယ်ဓားပြဘုရင် ဂိုးလ်ဒီရိုဂျာ ခေတ်က ရွှေခြင်္သေ့ ရှီကီနဲ့ ဆုံခဲ့ရာက ရှီကီဟာ နာမီရဲ့ လမ်းပြစွမ်းရည်ကို သဘောကျပြီး နာမီကို သူ့အဖွဲ့သားဖြစ်အောင် လုပ်ဖို့ ကြိုးစားပါတော့တယ်။ ဒါ့အပြင် ရှီကီရဲ့အကြံဟာ အိစ်ဘလူးကို ဖျက်ဆီးဖို့ပါ။ အိစ်ဘလူးသားတွေဖြစ်တဲ့ လူဖီတို့ကရော ဒါကို ဘယ်လို တားဆီးမလဲ နာမီကိုရော ဘယ်လို ကာကွယ်ကြမလဲဆိုတာ ရင်သပ်ရှုမောဖွယ် ကြည့်ရှုခံစားရင်း စွန့်စားခန်းဖွင့်ရမှာပဲ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ taku-chan ဖြစ်ပါတယ်

အရင်ခေတ်ကတည်းက ဘက်ဂျယ် ၊ရှီလာ၊ ဂိုဂူလျောတို့က ယှဉ်ပြိုင်သတ်ဖြတ်လာကြတာပါ။ သူတို့ထဲမှာမှ တရုတ်ထန်နိုင်ငံက အင်အားကြီးတာမလို့ ထန်နိုင်ငံကို အားပေးအားမြှောက်လုပ်ပြီး တစ်နိုင်ငံက တစ်နိုင်ငံကိုသိမ်းမလို့ကြံရွယ်နေကြပါတယ်။ ရှီလာက ထန်နိုင်ငံနဲ့ပူးပေါင်းပြီး ဘက်ဂျယ်ကိုတိုက်ခိုက်ပါတော့တယ်။ ရှီလာက စစ်သူကြီးချုပ် ဂင်ယူရှင်းက ရိက္ခာပို့ပေးရတဲ့အလုပ်ကိုလုပ်ရပါတယ်။ တစ်ဖက်မှာလည်း ဘက်ဂျယ်ရဲ့စစ်သူကြီး ဂယ်ဘဲ့ကလည်း ရိက္ခာမရောက်ဖို့အရေးကို တားရပါတော့တယ်။ ရိက္ခာကပဲ အချိန်မီရောက်သွားမလား? ဘက်ဂျယ်ဘက်ကပဲ အောင်အောင်မြင်မြင်တားလိုက်နိုင်မလားဆိုတာ..? ဒီကားလေးက စစ်ပွဲအတွင်းဖြစ်ရပ်တွေကို ဟာသနှောပြီး ရိုက်ကူးထားတဲ့ဇာတ်ကားလေးပါ။ ဒီကားလေးကို အညွန်းနဲ့ ဘာသာပြန်ဆိုသူက Huihui ဖြစ်ပါတယ်။

ဒီကားထဲမှာ ဒေါသတကြီးနဲ့အမှုလိုက်တတ်တဲ့ရဲအရာရှိအသစ်အာဂျွန်ဆာကာ့ကို Dark Web တစ်ခုပေါ်မှာ ဖြစ်ပျက်နေတဲ့လူသတ်မှုတစ်ခုကိုစုံစမ်းဖို့ခိုင်းလိုက်ပါတယ်။ ဇာတ်လမ်းရဲ့အစပိုင်းမှာ အာဂျွန်ဆာကာ့ကို ထောင်ထဲဖမ်းခေါ်သွားတာကိုရိုက်ပြထားတယ်။ CTK ဆိုတဲ့အဖွဲ့စည်းတစ်ခုက ပရဟိတအမည်ခံပြီး Dark Web ပေါ်မှာ ဒုစရိုက်တွေလုပ်နေတာပါ။ ဒါကို ရဲအရာရှိအာဂျွန်ဆာကာနဲ့ သူ့အဖွဲ့သစ်တို့စုံစမ်းရမှာပါ။ ဒါပေမဲ့ရဲအရာရှိအာဂျွန်ဆာကာက ဘယ်လိုလုပ်ထောင်ကျသွားခဲ့တာလဲ။ အာဂျွန်ဆာကာကိုယ်တိုင်လူသတ်နေတာကိုမြင်တော့ လုပ်ဖော်ကိုင်ဖက်ရဲမေကပါ မသင်္ကာဖြစ်သွားပါတော့တယ်။ ဒါဆိုရင် အာဂျွန်ဆာကာရဲ့သရုပ်မှန်ကဘာလဲ ဒီအဖွဲ့စည်းနဲ့ဘာဆက်စပ်မှုရှိလဲဆိုတာ ဒီမှုခင်းရုပ်ရှင်ကားကောင်းလေးမှာ ဆက်လက်ကြည့်ရှုပေးကြပါဦးနော်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်