လူကြည့်များသော ရုပ်ရှင်များ

အိုင်ပီအက်စ်အရာရှိဟောင်း ဗိုင်ဂျာယန်သီမှာ အာဂျွန်ဆိုတဲ့သားတစ်ယောက်မွေးလာတယ်။ အာဂျွန်ကလည်း သူ့အမေလိုအိုင်ပီအက်စ်တစ်ယောက်ဖြစ်ဖို့ ကြိုးစားခဲ့ပေမဲ့ ရာဇဝတ်သားတွေကို ကိုယ့်နည်းကိုယ်ဟန်တဲ့ရှင်းပစ်တတ်တဲ့ ဂိုဏ်းစတားတစ်ယောက်ဖြစ်လာတယ်။ ရဲအလုပ်ကိုဝင်ပါလို့ဆိုပြီး မကျေနပ်တဲ့ကော်မစ်ရှင်နာအသစ်က အာဂျွန်အခုလိုက်နေတဲ့ မူးယစ်ဆေးဂိုဏ်းကိုမိရင် အပြစ်ဝန်ခံပြီး သူတို့အလုပ်ကိုဝင်မစွက်ဖက်ဖို့ပြောတာနဲ့ အာဂျွန်လည်းသဘောတူလိုက်တယ်။ လူဆိုးတွေကိုပညာပေးတဲ့သူဆိုပေမဲ့ ရာဇဝတ်မှုတွေကျူးလွန်နေရတာမို့လို့ အာဂျွန့်အမေ ဗိုင်ဂျာယန်သီက လက်မခံနိုင်ဘူးဖြစ်နေတယ်။ တစ်နေ့ ဗိုင်ဂျာယန်သီ့ကိုလက်စားချေဖို့ ပါတန်ရောက်လာချိန်မှာ မာမားဘွိုင်းလေးအာဂျွန်သူ့အမေကိုကယ်ဖို့ ကြိုးစားရပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

ဒေ့ဗ် ဒေါ့ဂလက်စ်က လော့စ်အိန်ဂျလိစ်က ရှေ့နေတစ်ယောက်ဖြစ်ပြီး အရမ်းအလုပ်များလို့ မိသားစုကိုသိပ်ပြီးအချိန်မပေးနိုင်တဲ့သူပါ သူ့သမီး ကာလီက တိရိစ္ဆာန်တွေကိုနှိပ်စက်နေတဲ့ ဆေးကုမ္ပဏီကိုတရားစွဲတဲ့အမှုမှာ ပါဝင်နေပါတယ် တရားစွဲဆိုမှုအတွင်းမှာ ဒေ့ဗ်က တရုတ်နိုင်ငံကတန်ဖိုးထားရတဲ့ Khyi Yang Po ဆိုတဲ့ အသက် ၃၀၀ ရှိပြီဖြစ်တဲ့ခွေးရဲ့မျိုးရိုးဗီဇကို မှားထိုးခံရပြီး ခွေးတစ်ကောင်လိုပြောင်းလဲသွားပါတယ် အဲဒီအချိန်မှာ ဖခင်တစ်ယောက်အနေနဲ့ မိသားစုရဲ့ မမြင်နိုင်တဲ့အပိုင်းတွေကိုလည်း မြင်နိုင်ခဲ့ပါတယ် ဒေ့ဗ်က မိသားစုနဲ့အလုပ်ကြား အပြောင်းအလဲဖြစ်နေချိန်မှာ ဆေးကုမ္ပဏီရဲ့ မလိုလားအပ်တဲ့အကြောင်းအရာတွေကို ရှာတွေ့ပြီး ဖော်ထုတ်နိုင်ပါ့မလား သူရော အရင်လိုပြန်ဖြစ်နိုင်ပါ့မလားဆိုတာကို ပေါ့ပေါ့ပါးပါးလေးနဲ့ ရသစုံစွာကြည့်ရှုရမှာပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yuri ဖြစ်ပါတယ်

လူဖီတို့ ကောက်ရိုးဦးထုပ် ပင်လယ်ဓားပြ အဖွဲ့ဟာ အလာဘတ်စတာနိုင်ငံရဲ့ မင်းသမီးလေး ဗီဗီနဲ့ တွေ့ပြီး ကန္တရာနိုင်ငံရဲ့ အရှုပ်အထွေးတွေကို ကူညီဖြေရှင်းပေးပါတော့တယ်။ ကန္တာရနိင်ငံ အလာဘတ်စတာဟာ ခရိုကိုဒိုင်းရဲ့ ယုတ်မာမှုတွေကြောင့် ဘုရင်နဲ့ ပြည်သူကြား အထင်အမြင်လွဲမှားမှုတွေဖြစ်ပြီး ပုန်ကန်မှုတွေဖြစ်ကာ နိုင်ငံဖရိုဖရဲဖြစ်နေချိန် ခရိုကိုဒိုင်းက ဝင်သိမ်းဖို့ ကြံစည်ထားတာ ဖြစ်ပါတယ်။ ဒါပေမယ့် မင်းသမီး ဗီဗီဟာ ကောက်ရိုးဦးထုပ်တို့ အဖွဲ့ရဲ့ အကူအညီနဲ့အတူ ခရိုကိုဒိုင်းကို နှိမ်နှင်းပြီး အလာဘတ်စတာနိုင်ငံကြီးကို ဘယ်လိုပြန်လည်ကယ်တင်မလဲဆိုတာ ကြည့်ရှုခံစားရမှာပဲ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ taku-chan ဖြစ်ပါတယ်

ရုပ်ရှင်ရူး ဗက်ဟန်တစ်ယောက်က ဇာတ်ညွှန်းရေးဆရာဒါရိုက်တာတစ်ယောက်ဖြစ်ချင်ခဲ့ပြီး သူရေးထားတဲ့ဇာတ်ညွှန်းကို ထုတ်လုပ်သူက အကြိမ်ကြိမ်အခါခါပြင်နေတဲ့အတွက် သဘောမကျခဲ့ပါဘူး။ ရိုက်ကွင်းမှာမတော်တဆမှားယွင်းမှုဖြစ်သွားပြီ ဒါရိုက်တာနဲ့ထုတ်လုပ်သူက သူ့ကိုလက်မခံတဲ့အချိန်မှာတော့ သူ့ကိုယ်ပိုင်ငွေနဲ့ ရုပ်ရှင်ထုတ်လုပ်ဖို့စိတ်ကူးပါတော့တယ်။ "ငွေရှိချင်ရင် ဘဏ်ကိုဓားပြတိုက်ပေါ့"ဆိုတဲ့သူငယ်ချင်းဖြစ်သူရဲ့စကားအတိုင်း ဘဏ်ကငွေတွေကို လိုဏ်ခေါင်းတူးဖောက်ထွင်းယူဖို့ကြိုးစားပြီး ရုပ်ရှင်ရိုက်ဖို့ကြံစည်ပါတော့တယ်။ လိုဏ်ခေါင်းတူးရင်းမထင်မှတ်တဲ့ ကြောက်စရာလျှို့ဝှက်ချက်ကြီးကို သိလိုက်ရချိန်မှာတော့ ဘာတွေဆက်ဖြစ်မလဲဆိုတာကို စောင့်ကြည့်ရမယ့် Rating 6.8/10 အိန္ဒိယ ဟာသဒရမ်မာ ဇာတ်ကားကောင်းတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

ရုပ်ရှင်ရဲ့ အဖွင့်ကိုတော့ မော်စကိုအခြေစိုက် နိုင်ငံတကာကော်ပိုရေးရှင်းရုံးတစ်ခုကို လက်နက်ကိုင်လူတစ်စုက ဝင်စီးတာနဲ့ စထားတယ်။ ဝန်ထမ်းတွေအားလုံးကို ဗန်ကားတွေပေါ်ပစ်တင်ပြီး ဓားစာခံအဖြစ် ခေါ်သွားပြီး၊ ရုရှားနိုင်ငံရဲ့ တောအုပ်ကြီးတစ်ခုအလယ် အလုပ်ကြမ်းစခန်းဆီကို ပို့ဆောင်ခံလိုက်ရတော့တယ်။ ကုမ္ပဏီတွေကပိုက်ဆံပေးလာရင်တော့ လွှတ်ပေးမယ်၊ အဲဒီအချိန်မတိုင်ခင်အထိတော့ ကျွေးထားရတာနဲ့တန်အောင် အလုပ်ကြမ်းလုပ်စေ ပေါ့။ ဖမ်းဆီးခံရတဲ့သူတွေထဲမှာ ဟင်နရီဆိုတဲ့လူတစ်ယောက်က လျှပ်စစ်အင်ဂျင်နီယာဖြစ်လို့ဆိုပြီး တစ်ရက် လူဆိုးခေါင်းဆောင်က သူ့ကိုရေဒီယိုတစ်လုံးခေါ်ပြင်ခိုင်းတော့တယ်။ အဲဒီမှာ ကာ့ထ်နဲ့ အန်သိုနီဆိုတဲ့ အကျဉ်းသား ၂ ယောက်က ထွက်ပြေးကြဖို့ ကြံစည်နေကြတော့ ဟင်နရီကို ရေဒီယိုပြင်ရင်း ကားသော့ခိုးခဲ့၊ မင်းကိုပါ ငါတို့အပြင်ခေါ်ထုတ်ပေးမယ်ဆိုပြီး ဆွယ်တော့တယ်။ ကုမ္ပဏီတွေဘက်ကလည်း ပိုက်ဆံပေးမယ့်ပုံမပေါ်၊ သူတို့ခမျာ ရုရှားတောအုပ်ထဲမှာပဲ သေရတော့မယ့်ကိန်းဆိုက်နေတော့ ဟင်နရီက သော့ခိုးပေးလိုက်တယ်။ ညဘက်ကြီး တခြားလူတွေလည်း လွတ်ကြ၊ သူတို့လည်းပြေးကြနဲ့ပေါ့။ တကယ်တော့သူတို့က သူတို့ရောက်နေတဲ့နေရာကိုလည်း သေချာသိတာမဟုတ်ဘူးရယ်၊ ဖင်လန်နယ်စပ်ထိ ရောက်အောင်ပြေးမယ်ဆိုပြီး စွတ်ပြေးနေကြတာ။ ဆိုက်ဘေးရီးယားစိမ့်မြေလွင်ပြင်ကို ဖြတ်ပြေးကြရမယ့် သူတို့ သုံးယောက်သား ရုရှားတွေလက်ထဲကရော လွတ်ပါ့မလား... အချင်းချင်းဘယ်လိုတွေ သစ္စာဖောက်ကြမလဲ... ရာသီဥတုပြင်

ဒါရိုက်တာဂင်ဂျုံရယ်ဟာ ဇာတ်ညွှန်းရေးဖို့အတွက် အနောက်ဘက်ကမ်းခြေကိုသွားချင်တာမလို့ သူ့မိတ်ဆွေ ချန်းဝုကို အတင်းခေါ်ခဲ့ပါတယ်။ ချန်းဝုက စစချင်းတော့ ငြင်းခဲ့ပေမဲ့ သူ့ကောင်မလေး မွန်းဆုကို ခေါ်လာလို့ရမယ်ဆိုတဲ့ သဘောတူညီချက်ကြောင့် လိုက်ဖြစ်သွားပါတယ်။ ချန်းဝုကသာ ကောင်မလေးလို့မိတ်ဆက်ပေးထားပေမဲ့ မွန်းဆုဘက်ကတော့ သူက ချန်းဝုရဲ့ကောင်မလေးမဟုတ်ဘူးဆိုပြီး အတိအလင်းငြင်းပါတော့တယ်။ အဲဒီအချိန် လက်တည့်စမ်းချင်တဲ့ ဒါရိုက်တာဂင်ဂျုံရယ်ကလည်း ကောင်မလေးကိုအတင်းဝင်လုံးပါတော့တယ်။ ၂ယောက်သား ချန်းဝုမသိအောင် အတူအိပ်ပြီးတဲ့နောက်မှာ ဂင်ဂျုံရယ်တစ်ယောက် နောက်ရက်ကျ အချိုးတွေပြောင်းသွားပါတော့တယ်။ ဒီနောက်ပိုင်းမှာတော့ ဂင်ဂျုံရယ်က တခြားကောင်မလေးတစ်ယောက်ကိုပါ လိုက်ပြီးခြေရှုပ်တဲ့အချိန် ဘာတွေဆက်ဖြစ်မလဲဆိုတာ... ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

ဇာတ်လမ်းအကျဥ်းမပြောခင် ဘယ်ရုပ်ရှင်အမျိုးအစားကိုကြိုက်တဲ့သူဖြစ်ပါစေ ဒီကားလေးကိုကြည့်သင့်ကြောင်း အရင်ညွှန်းပါရ‌စေ " Superboys of Malegaon 2025 " ပါ 2024 မှာ မိတ်ဆက်ခဲ့ပြီး 2025မှာထွက်ရှိခဲ့ပါတယ် Rating 7.8/10 ရထားတာမို့ ကြည့်မိရင်မှားမယ်မထင်ပါဘူး ဇာတ်လမ်းကတော့ မာလီဂါဝန်ဆိုတဲ့ရွာလေးရဲ့ သူငယ်ချင်းတစ်သိုက်အကြောင်းကို အခြေခံရိုက်ကူးထားတာပါ ဒီသူငယ်ချင်းတစ်သိုက်မှာ ဒါရိုက်တာလုပ်ဖို့ဝါသနာပါတဲ့ "နာဆာ"ကြောင့် သူငယ်ချင်းအားလုံးစုပြီး ရုပ်ရှင်ရိုက်ကူးဖြစ်ခဲ့ပါတယ် မြို့ကြီးလိုမဖွံ့ဖြိုးတဲ့ရွာငယ်လေးမှာ သူတိူ့ဘယ်လိုရိုက်ကူးမှုတွေလုပ်ကြမှာလဲ? လူငယ်တွေရဲ့သဘာဝ အိပ်မက်နောက်ကိုလိုက်ကြပုံတွေ ၊ "သူငယ်ချင်းဆက်ဆံရေး"ရဲ့ အဓိပ္ပာယ်တွေ၊ ရုပ်ရှင်အနုပညာရပ်ဝန်းရဲ့ အနှစ်သာရတွေကို ပေါ့ပေါ့ပါးပါးနဲ့ ရသစုံစွာကြည့်ရမှာပါ (ပေါ့ပါးပေမဲ့ ခပ်ပေါ့ပေါ့လုံးဝမဟုတ်ဘူးနော်) Relax time အတွက်ရော Movie date အတွက်ရော ရွေးချယ်သင့်တဲ့ကားမို့ လက်မလွှတ်စေချင်ပါဘူး ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ဒီတစ်ခေါက် တင်ဆက်ပေးချင်တဲ့ ဇာတ်ကားကတော့ 地球最后的夜晚 /"Long Day’s Journey into Night" (2018) ဆိုတဲ့ဇာတ်ကားလေးပဲ ဖြစ်ပါတယ်။ Long Day’s Journey into Night ဟာ တရုတ်ဒါရိုက်တာ Bi Gan ရိုက်ကူးထားတဲ့ ရုပ်ရှင်ဖြစ်ပြီး ကမ္ဘာ့ရုပ်ရှင်ပွဲတော်တွေမှာ အောင်မြင်မှုအကြီးအကျယ်ရရှိခဲ့တဲ့ ဇာတ်ကားတစ်ကားပဲ ဖြစ်ပါတယ်။ ဇာတ်လမ်းအကျဉ်း လော်ဟုန်ဝူ ဆိုတဲ့ အတိတ်တွေထဲကနေ ရုန်းမထွက်နိူင်တဲ့ ကောင်လေးတစ်ယောက်ဟာ နှစ်အတော်ကြာပြီးနောက် မှာ သူ့ရဲ့ ရင်ထဲက မေ့လို့မရတဲ့ မိန်းကလေးတစ်ယောက် ဝမ်ရှီးဝိန် ကိုရှာဖွေရန် သူ့ရဲ့ဇာတိမြို့ဖြစ်တဲ့ ခိုင်လီမြို့ ကိုပြန်လည်ရောက်ရှိလာခဲ့ပါတယ်။ သူမဟာ သူ့ဘဝထဲက ထူးခြားဆုံးအမှတ်တရလေးတွေနဲ့ ရောထွေးနေသူဖြစ်ပါတယ်။သူဟာ ဇာတိမြို့ကို ပြန်ရောက်လာတဲ့အချိန်မှာ ဝမ်ရှီးဝိန်ကို ရှာဖွေရင်း အတိတ်ကမှတ်ဉာဏ်များနဲ့ ရောထွေးသွားပြီး မှတ်ဉာဏ်နဲ့ အိပ်မက်ကြားက အရိပ်အယောင်တွေအဖြစ် ဖန်တီးကာ အမြင်အာရုံနဲ့ စိတ်ခံစားမှုတွေရှုပ်ထွေးသွားခဲ့ပါတယ်။ လော်ဟုန်ဝူ က ဝမ်ရှီးဝိန်ကို ရှာတွေ့နိူင်ပါ့မလား သူ့ရဲ့ အတိတ်မှတ်ဉာဏ်တွေကရော ရုန်းထွက်နိူင်ပါ့မလားဆိုတာ ကြည့်ရှု့ပေးပါဦးနော်။ အညွှန်းနဲ့ ဘာသာပြန်သူကတော့ NayChii ဖြစ်ပါတယ်။

ကယ်ရာလာမြို့မှာ လူတွေဆက်တိုက်အသတ်ခံနေရတယ်။ အသတ်ခံရတဲ့လူတွေက သက်ကြီးရွယ်အိုတွေချည်းပဲ။ သူတို့အလောင်းကိုရှာတွေ့တဲ့အချိန် သူတို့ပါးစပ်မှာငှက်ပျောသီးတစ်လုံးစီ စို့ထားတာကိုတွေ့ရတတ်တယ်။ အဲဒီလိုနဲ့ ကယ်ရာလာက ငှက်ပျောသီးကွင်းဆက်လူသတ်မှုကနာမည်ကြီးလာတယ်။ အဲဒါနဲ့ရဲတွေလည်း ကွင်းဆက်လူသတ်သမားကို အသည်းသန်ရှာရတော့တယ်။ ကွင်းဆက်လူသတ်သမားရဲ့ စိတ်ကိုနားလည်ဖို့ ကျွမ်းကျင်စိတ်ရောဂါပညာရှင်တွေနဲ့ပါ ဆွေးနွေးတိုင်ပင်ကြတယ်။ တစ်ဘက်မှာလည်း တစ်မြို့လုံးကိုဒုက္ခပေးလေ့ရှိတဲ့ အူမေ့ရှ်ကို ရဲတွေမသင်္ကာဖြစ်လာကြတယ်။ အဲဒီအချိန်လူသတ်သမားကလည်း အဘိုးကြီးတစ်ယောက်ကိုသတ်ဖို့ကြံစည်နေပြီ။ အူမေ့ရှ်မှာ ဂျက်ဆီဆိုတဲ့ကောင်မလေးရှိပြီး သူတို့ဆက်ဆံရေးက ပျက်စီးသွားတာမကြာသေးဘူး။ တစ်နေ့ အူမေ့ရှ်ရယ်၊ ဂျက်ဆီရယ်၊ ကွင်းဆက်လူသတ်သမားရယ်၊ နောက်ထပ်ပစ်မှတ်ဖြစ်မယ့်အဖိုးကြီးရယ်၊ ကားသမားနဲ့စပယ်ယာရယ် ဘတ်စ်ကားတစ်စီးပေါ်မှာ ပိတ်မိသွားကြပြီး ဘယ်လိုတွေဆက်ဖြစ်မလဲဆိုတာတော့ ဒီအိန္ဒိယဟာသကားလေးထဲမှာ ဆက်လက်စောင့်ကြည့်ပေးကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

ဒီဇာတ်ကား​လေးက​​တော့ ဆို​ရော့လို့​ခေါ်တဲ့​​အောက်လမ်းအတတ်နဲ့ပြုစားခံရတဲ့အ​​ကြောင်းကို ဇာတ်လမ်းဆင်ရိုက်ကူးထားတဲ့ အင်ဒိုနီးရှား​ဟော်ရာကား​လေး ဖြစ်ပါတယ်။ ဟာနစ်ဖ်နဲ့ အစ််စ်တီတို့ ညီအစ်မဟာ ​မွေးရပ်​မြေကိုစွန့်ခွာပြီး ဆူရာဘာယာမြို့ကို​​ ပြောင်း​ရွှေ့နေထိုင်ကြသူ​​တွေ ဖြစ်ပါတယ်။ မိဘနှစ်ပါးထူးဆန်းစွာဆုံးပါးသွားတဲ့​​နောက် ​ဒေါ်​လေးဖြစ်သူအကူအညီနဲ့ မြို့ကိုတက်လာကာ ဘဝကိုရုန်းကန်​နေကြတဲ့သူ​တွေပါ။ တစ်​နေ့ သူတို့ဆီကို ​မွေးရပ်​မြေက သူတို့ဦး​လေးဖြစ်သူ နာမကျန်းဖြစ်​နေ​ကြောင်းနဲ့ ပြန်လာ​တွေ့ဖို့ဆက်သွယ်လာတာ​ကြောင့် ငယ်စဥ်ကတည်းက ပစ်ထားခဲ့တဲ့ သူတို့အိမ်ကြီးဆီကို ပြန်လာကြတဲ့အခါ.....သဘာဝလွန်ဖြစ်ရပ်ဆန်း​​တွေကြောင့် နာကျင်ခံစား​နေရတဲ့ သူတို့ဦး​လေးဟာရ်, သူတို့ကို​တွေ့ချင်ရတဲ့အ​​ကြောင်းရင်းက ဘာလဲ...ဆို​ရော့ကျိန်စာကို ဘယ်သူလုပ်ကြံထားတာလဲ....သူတို့ညီအစ်မ ဒီကျိန်စာဆိုးအန္တရာယ်က​နေ ရုန်းထွက်နိုင်ပါ့မလားဆိုတာကို ထိတ်လန့်ဖွယ်ရာဇာတ်ဝင်ခန်းများစွာနဲ့ ခံစားကြည့်ရှုရမယ့် အင်ဒို​ဟော်ရာကား​လေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

အသစ်စက်စက် အိန္ဒိယဟော်ရာကားကောင်းလေးနဲ့မိတ်ဆက်ပေးချင်ပါတယ်။ အိုဒယ်လာဆိုတဲ့ရွာမှာ မင်္ဂလာပွဲမတိုင်ခင်ညမှာ သတို့သမီးတွေကိုပြန်ပေးဆွဲပြီး အဓမ္မပြုကျင့်တတ်တဲ့ တီရူပါသီဆိုတဲ့ လူတစ်ယောက်ရှိပါတယ်။ သူ့လုပ်ရပ်တွေကဆိုးရွားလာတော့ သူ့မိန်းမကိုယ်တိုင်ပဲ သူ့ကိုခေါင်းဖြတ်သတ်လိုက်တယ်။ တီရူပါသီကြောင့် ရွာတစ်ခုလုံးဒုက္ခရောက်ခဲ့ရတော့ ရွာသူကြီးပုဏ္ဏားကြီးတို့ဦးဆောင်ပြီး တီရူပါသီ့ဝိဉာဉ်ကို အရက်စက်ဆုံးနည်းနဲ့ပြစ်ဒဏ်ပေးဖို့ တစ်ရွာလုံးကအစီရင်တွေလုပ်ကြတယ်။ ဒါပေမဲ့အပြစ်ပေးခံရတဲ့ တီရူပါသီပြန်လွတ်မြောက်လာပြီးတော့ တစ်ရွာလုံးကိုလက်စားပြန်ချေပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

အခုတစ်ခေါက်မှာတော့ IMDb 8.4အထိရထားတဲ့ မိဘမေတ္တာဖွဲ့ဇာတ်လမ်းလေးကို တင်ဆက်သွားမှာပါ။ ဂီဟွန်းဟာ အမေဖြစ်သူနဲ့အတူ ခေါက်ဆွဲဆိုင်လေးကိုဖွင့်နေတဲ့သူပါ။ သူ့မှာ ဂျီအွန်းဆိုတဲ့ညီမလေးတစ်ယောက်ရှိပြီး Idolဖြစ်ဖို့အတွက် Trainingဆင်းနေတဲ့သူပါ။ ဂျီအွန်းကတော့ သူ idolလုပ်ဖို့ကို အမေကတားနေတဲ့အတွက် အိမ်နဲ့ပြဿနာတက်ပြီး အိမ်ကထွက်လာခဲ့ပါတယ်။ ဒါပေမဲ့ အမေကတော့ သူ့ကိုစိတ်မကွက်ဘဲ တစ်လတစ်ခါ သူတို့ကုမ္ပဏီဆီကို သွားကြည့်ရှာပါတယ်။ ဂျီအွန်းရဲ့စိတ်ထဲမှာ အမေက အစ်ကိုကို အလိုလိုက်လို့ မုန်းတီးနေခဲ့ပြီး ကုမ္ပဏီမှာတော့ သူ့အမေတွေ အစ်ကိုတွေကိုမသိချင်ယောင်ဆောင်ခဲ့ပါတယ်။ တစ်ရက်တော့ အမေဖြစ်သူမှာ အယ်ဇိုင်းမားရောဂါဖြစ်လာခဲ့ပါတယ်။ အယ်ဇိုင်းမားဖြစ်နေပေမဲ့ အမေတစ်ယောက်ရဲ့ သားသမီးအပေါ်ထားတဲ့မေတ္တာတရားတွေကို ကြည့်ရှုကြရမဲ့ ဇာတ်ကားကောင်းလေးပဲဖြစ်ပါတယ်။ ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

ဒီဇာတ်ကားလေးကတော့ IMDb Rate 5.8ရရှိထားပြီး ဘာသာပြန်သူကိုယ်တိုင် ပြီးလို့ပြီးမှန်းမသိတဲ့အထိ စီးမြောခံစားပြီး ဘာသာပြန်လို့ကောင်းတဲ့ ဇာတ်လမ်းတစ်ပုဒ်ပဲဖြစ်ပါတယ်။ လူသားမျိုးနွယ်တွေဟာ တိုင်းပြည်တစ်ခုမဖြစ်လာခင်မှာ မျိုးနွယ်စုလိုက် နေထိုင်ပြီး စုန်းအတတ်တွေလဲ တတ်ကြတာပေါ့။ အဲဒီလိုနဲ့ အင်အားကြီးလေ နယ်မြေအပိုင်သိမ်းနိုင်လေဖြစ်လာတဲ့ စနစ်က ကျယ်ပြန့်လာတော့ ဧကရာဇ်ပြည့်ရှင် "ဟျော့ကောဆဲ"ဟာ "အောက်ထာ"ဆိုတဲ့ စုန်းအတတ်ပညာရှင် ကြီးစိုးတဲ့ မျိုးနွယ်စုကို အနိုင်တိုက်ပြီး ရှီလာပြည်ကြီးကို ထူထောင်လိုက်ကာ "အောက်ထာ"ကို ချိတ်ပိတ်လိုက်ပေမဲ့ အကြီးအကဲ "အောက်ထာ"ရဲ့ဝိညာဥ်ကတော့ နှစ်ပေါင်းထောင်ချီတာတောင် ရန်ငြိုးမပြေတဲ့အပြင် အာဃာတတွေက တစ်စတစ်စ ကြီးမားလာပါတယ်။ ဘုရင်မ "ဂျင်ဆောင်း"(Kim Hye Ri)လက်ထက်မှာ ရှီလာပြည်ဟာ သက်တမ်းထောင်ချီ ရှိလာပေမဲ့ ပုန်ကန်သူတွေကြောင့် အင်အားယိမ်းယိုင်လာပါတယ်။ အဲဒီလိုနဲ့ ပုန်ကန်သူတွေကို ခုခံရှင်းလင်းဖို့ စစ်သူကြီး "ဘီဟာရန်း"(Jung Joon Ho)က သွားရောက်ရချိန်မှာ သူ့ရဲ့ကောင်မလေး "ဂျာအွန်းဘီ"(Kim Hyo Jin)တစ်ယောက် စစ်သူကြီးအပေါ် မလိုမုန်းထားသူတွေကြောင့် အသတ်ခံရကိန်းစိုက်လာပါတယ်။ ကံကောင်းတယ်လို့ပဲ ဆိုရမလား၊ ကံဆိုးတယ်လို့ပဲ ဆိုးရမလား မသိတာကတော့ "ဂျာအွန်းဘီ"တစ်ယောက် အသက်ဘေးကနေ လွတ်သွားပေမဲ့ ဟိုးအရင်ကတည်းက ချိတ်ပိတ်ခံထားရတဲ့ "အောက်ထာ"ရဲ့ဝိညာဥ်ကို လွှတ်ပေးမိသလိုဖြစ်သွားပါလေရော။ "အောက်ထာ"ရဲ့ဝိညာဥ်ဟာ

ဒီဇာတ်ကား​လေးက​​တော့ အင်ဒိုနီးရှားနိုင်ငံ ဆူရာဘာယာမြို့က ​သရဲ​ခြောက်တဲ့တိုက်ခန်းအ​ကြောင်းကိုရိုက်ကူးထားတဲ့ ဖြစ်ရပ်မှန်သရဲကား ဖြစ်ပါတယ်။ ဆူရာဘာယာမြို့ရဲ့ ဆက်စ်မာယာတိုက်ခန်း ၆ လွှာမှာ ​သေဆုံးသွားတဲ့​နေထိုင်သူ မိခင်နဲ့က​လေးတို့ဟာ မကျွတ်မလွတ်ပဲရှိ​နေပြီး ​ခြောက်လှန့်​နေပါတယ်။ ဒါ​ကြောင့် တိုက်ခန်းပိုင်ရှင်လင်မယားဟာ ၆ လွှာကို ပိတ်ထားပြီး ဒီသတင်းကိုဖုံးကွယ်ထားပါတယ်။ တစ်​​နေ့ သရဲ​ခြောက်တဲ့တိုက်ခန်း​ရဲ့အောက်ထပ်က အခန်းကို ​ရေယိုစိမ့်​နေတာမို့ အခန်းပိုင်ရှင်က ပိုင်ရှင်အမျိုးသမီီးကို သွား​ပြောမယ့် စိတ်​ကျေနပ်​အောင် ​ဆောင်ရွက်မ​ပေးတာ​ကြောင့် ကိုယ်တိုင် ၆ လွှာကိုတက်ကြည့်ခဲ့ပါတယ်။ သူမရဲ့အ​ပေါ်ထပ်အခန်းကို ဝင်သွားမိတဲ့အချိန် သရဲမဆီက ​လေးရက်နဲ့​နေဝင်ချိန်ဆိုပြီး ​ပြောသံကိုကြားလိုက်ရပြီး​​နောက် ​လေးရက်​မြောက်​နေ့မှာပဲ ထူးဆန်းစွာအပိုင်းပိုင်းပြတ်ပြီး ​သေဆုံးသွားခဲ့ရပါတယ်။ မာယာက​တော့ ဂျာကာတာမှာ​နေထိုင်ပြီး အ​​မေ့လက်လုပ်လက်ရင်းစား​သောက်ဆိုင်​လေးကို ဦးစီး​နေသူပါ။ ညီမဖြစ်သူမီယာကို​​​စောင့်​ရှောက်ရင်း မိခင်​ဆေးကုစရိတ်ကိုပါ ရှာ​ဖွေဖို့ရုန်းကန်​နေရတဲ့သူပါ။ မာယာတို့ဆိုင်​လေးကလည်း အ​ရောင်းပါးတာမို့ ကျပ်တည်းစွာ​နေထိုင်ရပါတယ်။ ​ဆေးရုံတင်ထားတဲ့အ​မေ နာတာရှည်​ရောဂါနဲ့ဆုံးပါးပြီး​နောက် သတင်းစာကတဆင့် ဆက်စ်မာယာတိုက်ခန်းမန်​​နေဂျာရာထူးကို ​လျှောက်ဖို့ဖြစ်သွားပါတယ်။ မာယာချစ်သူ ရဲအုပ်ရိုင်ယန်က

တုံးဖန်းပုပိုင်ဆိုသူဟာ သိုင်းပညာမြင့်မားပြီး ရန်သူဒတ်ခ်ျစစ်သင်္ဘောတစ်စီးကို မြှုပ်ပစ်နိုင်သူ။ သူဟာ နာမည်ဆိုးနဲ့ကျော်ကြားနေတဲ့နတ်ဆိုး။ ချောက်ကမ်းပါးနက်ဆိုတာဟာ သူ့ပိုက်နက်ဖြစ်ပြီး‌ တော်ရုံလူမလာရဲ။ ဒါပေမဲ့ တုံးဖန်းပုပိုင်ဟာ ချောက်ကမ်းပါးနက်ပေါ်ကနေ ပြုတ်ကျသေဆုံးခဲ့လေပြီ။ သူသေသွားခဲ့ပေမဲ့ သူ့နာမည်က ရှင်သန်နေဆဲဖြစ်ပြီး နေရာတိုင်းမှာ တုံးဖန်းပုပိုင်‌ေတွ ပေါ်လာကြ တချို့တွေဆို သူ့ကိုနတ်ဘုရားလိုကိုးကွယ်နေကြတယ်။ သေချင်ယောင်ဆောင်ပြီး ကိုယ်ယောင်ဖျောက်နေတဲ့ တုံးဖန်းပုပိုင်ကို နန်းတွင်းအရာရှိတစ်ယောက်ဖြစ်တဲ့ကူးချန်းဖုန်းက အပြင်မှာ သူ့နာမည်ကိုသုံးပြီး အပြစ်မဲ့သူတွေကိုအန္တရာယ်ပြုနေကြကြောင်းပြောကာ ရှင်းပေးဖို့အတွက် တုံးဖန်းပုပိုင်ကို သိုင်းလောကထဲပြန်လည်ဆွဲခေါ်လာတော့ ဘယ်လိုမျိုးတွေ ဆက်ဖြစ်မလဲ။ တုံးဖန်းပုပိုင်ဆိုတာက စာရေးဆရာ Jing Yong ဖန်တီးထားတဲ့ဇာတ်ကောင်ဖြစ်ပြီး အထီးအမ သေချာသတ်မှတ်မထားလို့ ဇာတ်ကားကြည့်ရင်းစိတ်ရှုပ်မသွားကြပါနဲ့။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

"Nonna"ဆိုတာ အီတလီလို အဘွားလို့ အဓိပ္ပါယ်ရပြီး မိခင်ကွယ်လွန်ပြီးတော့ အမှတ်တရအဖြစ် ဘွားဘွားတွေနဲ့ အီတလီစားသောက်ဆိုင်ဖွင့်ဖို့ ကြိုးပမ်းတဲ့ ဂျိုးရဲ့စိန်ခေါ်မှုတွေကို တင်ဆက်ထားပါတယ်။ ဂျိုးက မက္ကင်းနစ်တစ်ယောက်ဖြစ်ပြီး သူ့အမေဆုံးသွားပြီးနောက်ပိုင်း ပူဆွေးနေရာကနေ မိခင်နဲ့အဘွားကို ဂုဏ်ပြုတဲ့အနေနဲ့ စားသောက်ဆိုင်ဖွင့်ဖို့ အကြံရခဲ့ပါတယ်။ ဂျိုးစိတ်ကူးက သူ့ဆိုင်ကိုလာတဲ့ ဧည့်သည်တွေကို အိမ်ချက်လက်ရာအတိုင်း ချက်ပြုတ်ပေးပြီး မိသားစုလိုမျိုး နွေးထွေးမှုရစေချင်တာပါ။ ဒီလိုနဲ့ သူ့အမေရဲ့အသိအကျွမ်း ဘွားဘွားတွေကိုစည်းရုံးပြီး ဆိုင်ဖွင့်ဖို့ လုံးပန်းပါတယ်။ ဂျိုးရဲ့အချစ်ဆုံးသူငယ်ချင်းကလည်း တတ်အားသရွေ့ ကူညီပါတယ်။ ဒါမဲ့ ကောက်ကာငင်ကာ ထလုပ်တာဖြစ်ပြီး ကိုယ်မကျွမ်းကျင်တဲ့ အပိုင်းဆိုတော့ အထစ်အငေါ့လေးတွေ ရှိတာပေါ့လေ။ နောက်ဆုံးမှာ အောင်မြင်တဲ့ အီတလီစားသောက်ဆိုင်လေး ဖြစ်လာပြီး အချစ်ကိုပါ တွေ့သွားတဲ့ဂျိုးအဖြစ် မြင်ရမှာပါ။ အဓိကအားဖြင့် ရိုးရာအမွေအနှစ်တွေ ဓလေ့ထုံးစံတွေကို ထိန်းသိမ်းသင့်ကြောင်း တိုက်တွန်းထားတာဖြစ်ပြီး မိသားစုနဲ့အတူ ကြည့်ဖို့ သင့်တော်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒီဇာတ်လမ်းမှာဆိုရင်တော့ လေယာဉ်မှူးတစ်ဦးဖြစ်သူ ဘီလီကွန်ဗင်တန်က အမေရိကန်လေကြောင်းကုမ္ပဏီရဲ့ လေယာဉ်မှူးတစ်ယောက်ဖြစ်လာခဲ့ပါတယ်။ ထိုအချိန်က ဗီယက်နမ်မှာစစ်ဖြစ်နေတဲ့အချိန်ဆိုလည်းဟုတ်ပါတယ်။ စစ်ပွဲတွေဖြစ်နေတဲ့အချိန်ကြားမှာ လေယာဉ်မှူးတွေကိုအသုံးချပြီး ဆေးတွေကိုမှောင်ခိုတင်သွင်းတဲ့အဖြစ်မျိုးဖြစ်လာတဲ့အခါ အမေရိကန်အစိုးရက အဲဒီကိစ္စတွေကိုစုံစမ်းဖို့ အမတ်တစ်ဦးကိုလွှတ်လိုက်ပါတော့တယ်။ အဲဒီလိုဖြစ်ရပ်တွေကြားကနေ ဘီလီက ဘယ်လိုမျိုး အဖြေရှာမလဲ ဘာတွေဆက်လက်ဖြစ်ပျက်သွားမလည်းဆိုတာကို စိတ်ဝင်စားဖွယ်ကြည့်ရှုရမယ့် ရုပ်ရှင်ကောင်းတစ်ခုပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ N ဖြစ်ပါတယ်

နဂါးနီလို့နာမည်ကြီးခဲ့ပြီး လူတိုင်းရှိန်ခဲ့တဲ့ဂန်းစတားအေကေက မိသားစုအတွက် ဂန်းစတားဘဝကိုလက်လျှော့ပြီး ထောင်ထဲဝင်ခဲ့ပါတယ်။ သူ့မှာ ဗီဟန်ဆိုတဲ့သားတစ်ယောက်ရှိပြီး သူ့သား ၁၈နှစ်ပြည့်မွေးနေ့မှာ ပြန်လာခဲ့မယ်လို့ကတိပေးခဲ့တယ်။ ဗီဟန် ၁၈နှစ်ပြည့်မွေးနေ့မတိုင်ခင်မှာ အေကေထောင်ကလွတ်လာပြီးတော့ အေကေနဲ့သူ့မိန်းမရာမယာတို့ စပိန်ကိုလိုက်သွားဖို့ပြင်တဲ့အချိန်မှာ သူတို့သားဗီဟန်ပြန်ပေးဆွဲခံလိုက်ရတယ်။ စပိန်ကိုရောက်တဲ့အခါမှာ ဗီဟန့်ကိုဆေးမှုနဲ့ဖမ်းထားတဲ့အကြောင်းသိလိုက်ရပြီး သက်သေလည်းလက်ပူးလက်ကြပ်မိထားတာမို့လို့ ထောင်ဒဏ်အများကြီးကျတော့မလိုဖြစ်နေပါတယ်။ အဲဒါနဲ့အေကေလည်း သူ့သားကိုဒီလိုထောင်ခြောက်တွေဆင်တာ သူနဲ့ရန်ငြှိုးရှိခဲ့လို့ဖြစ်နိုင်တယ်ဆိုပြီး အရင်ဂန်းစတားဘဝကို ပြန်သွားပြီးတော့ သူ့ကိုသူကိုယ်တိုင်ရအောင်ကယ်တင်ဖို့ကြိုးစားပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ‌ဖြစ်ပါတယ်

ဒီဇာတ်ကားမှာတော့ ကောက်ရိုးဦးထုပ်အဖွဲ့သားတွေ ကျွန်းတစ်ကျွန်းကို ကမ်းကပ်ကြတုန်း သင်္ဘောစောင့်ကြည့်ဖို့ နေခဲ့တဲ့ ဇိုရို ပျောက်သွားပါတယ်။ လူဖီတို့လည်း ဇိုရိုကို လိုက်ရှာရင်း ရေတပ်ကလည်း နောက်ကလိုက်နေတာကြောင့် ကျွန်းတစ်ကျွန်းမှာ ဝင်ခိုရင်း လူစုတွေ ကွဲကုန်ကြပါတယ်။ လူဖီနဲ့ အူဆော့ပ်တို့ကတစ်ဖွဲ့ ဆန်းဂျီနဲ့ ကျန်တဲ့လူတွေကတစ်ဖက် လူစုကွဲနေချိန် ဆန်းဂျီတို့ဟာ ရွာသားတွေနဲ့တွေ့ပြီး ရေတပ်ရဲ့ နိုင်ထက်စီးနင်းပြုမှုကို ရင်ဆိုင်ခဲ့ရပြီး ဇိုရိုက ရေတပ်ဒိုဂျိုဆိုတဲ့ လူတွေဘက်က ကူတိုက်ပေးတဲ့အပြင် ရွာရဲ့ အထွတ်အမြတ် ရတနာဘောလုံး ၃လုံးကိုပါ ယူသွားပါတော့တယ်။ ဒီတော့ ဒီဇာတ်လမ်းလေးမှာ လူဖီတို့ ဘာတွေ ရင်ဆိုင်ရမလဲ ဇိုရိုကရော ရေတပ်ဒိုဂျိုဆိုတဲ့လူတွေနဲ့ ဘယ်လိုပတ်သတ်မှုရှိတာလဲဆိုတာကို ဇာတ်ကားလေးကို ကြည့်ရင်း ကြည့်ရှုခံစား အဖြေရှာလိုက်ကြပါဦးနော်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ taku-chan ဖြစ်ပါတယ်

Netflix က စပိန်အချစ်ကားလေးတွေကို ကြည့်ရတာကြိုက်နှစ်သက်တဲ့လူတွေအဖို့ ဒီရုပ်ရှင်လေးကိုလည်း သဘောကျလိမ့်မယ်လို့ မျှော်လင့်ပါတယ်။ မင်းသား မင်းသမီးတွေလည်း ငယ်ငယ်ချောချောနဲ့ အချစ်ဇာတ်လမ်းလည်းဟုတ်သလို၊ Mystery ဆန်ဆန် ဇာတ်အချိုးအကွေ့လေးတွေလည်းပါတယ်။ ‘ဧရိုစ်’က လူငယ်ထောင်ထွက်တစ်ယောက်၊ သူ့ကိုထောင်ကနေ ထုတ်ပေးလာသူ၊ ကျိကျိတက်ချမ်းသာတဲ့စီးပွားရေးလုပ်ငန်းရှင် ‘ဘရုစ်’ မှာ ‘ရိစ်’ ဆိုတဲ့ သမီးငယ်လေးတစ်ယောက် ရှိတယ်။ ရိစ်ကို လူတစ်ယောက်က နောက်ယောင်ခံလိုက်ပြီး ခြိမ်းခြောက်စာတွေပို့တယ်၊ မတော်မလျော်ပုံတွေ ပို့တယ်ပေါ့။ ဒီတော့ ဘရုစ်က သူ့သမီးကို ကာကွယ်ပေးဖို့ဆိုပြီး ဧရိုစ်ကို ကိုယ်ရံတော်သဘောငှားလိုက်တာ။ အသက်ကလေးက မတိမ်းမယိမ်းကို ကိုယ်ရံတော်လုပ်ပြီး စောင့်ရှောက်ခိုင်းလိုက်တော့ ဧရိုစ်တစ်ယောက် အလုပ်တာဝန်တွေထက် ပိုပြီးကို စောင့်ရှောက်ချင်စိတ်တွေ ဖြစ်လာတာပေါ့။ ရိစ်ကလည်း သူဌေးသမီးနုနုထွတ်ထွတ်ကို ဒီလို ဂျစ်ကန်ကန် မိုက်တိမိုက်ကန်းလေးကို မမြင်ဖူးတော့ စိတ်ဝင်စားသွားရော။ ဒါပေမဲ့ ရိစ်ကို နောက်ယောင်ခံလိုက်ပြီး နှောင့်ယှက်နေသူက ပိုမိုရဲတင်းလာတဲ့အခါ....။ အညွှန်းနဲ့ ဘာသာပြန်ကတော့ LYKZ ဖြစ်ပါတယ်။

သဘာဝတရားနဲ့ ကမ္ဘာမျိုးစုံကြား ချိတ်ဆက်နေမှုတွေကို လေ့လာတဲ့ အမျိုးသမီးတစ်ယောက်ရဲ့ အတွေ့အကြုံကို ဖော်ပြထားတဲ့ ဇာတ်ကားဖြစ်ပါတယ်။ ကေဟောလ်ဆိုတဲ့ အမျိုးသမီးက တောင်တက်သွားရင်း ကြုံခဲ့တဲ့အဖြစ်အပျက်တွေကြောင့် မှတ်ဉာဏ်ပျောက်သလိုဖြစ်နေတုန်းမှာ သူသွားခဲ့တဲ့တောထဲမှာ ပျောက်သွားတဲ့ cryptozoologist ဘက်ဗယ်လင်တိုင်းဆိုတဲ့အမျိုးသမီးနဲ့ ရုပ်ချင်းတူနေတာကို သိသွားပါတယ်။ ဘက်ရဲ့အလုပ်အကိုင်က ဒဏ္ဍာရီလာသတ္တဝါတွေ (Bigfoot, Yeti...)စတဲ့ သိပ္ပံနည်းကျ ရှိကြောင်း သက်သေမပြနိုင်တဲ့သတ္တဝါတွေကို လေ့လာတာပါ။ သူပျောက်သွားတာကတော့ ကနေဒါရဲ့ ဒဏ္ဍာရီလာသတ္တဝါ "Sooka" ကိုရှာရင်းနဲ့ပါ။ ကေကလည်း ဘက်အကြောင်းစုံစမ်းရင်း သူသွားတဲ့နေရာတွေ ပြန်သွားပြီး သူ့ရဲ့စိတ်ဖိစီးမှုတွေကို ကြုံတွေ့ရမှာပါ။ ဝေဖန်သူတချို့က ဇာတ်လမ်းရည်ရွယ်ချက်ပျောက်နေတယ် ဘာကိုပြချင်မှန်းမသိဘူးလို့ ဆိုတာမို့ ကိုယ်တိုင်ပဲ သုံးသပ်ကြည့်ပါနော်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ကြောက်တတ်တဲ့ကျောင်းသူလေး ယုံးအွန်း ဟာ ကျောင်းဂီတခန်းထဲမှာ သီချင်းဆိုနေရင်း ပဟေဠိဆန်ဆန် သေဆုံးသွားတယ်။ သေဆုံးသွားပေမယ့်လည်း ယုံးအွန်းရဲ့အသံကို သူ့အချစ်ဆုံးသူငယ်ချင်း ဆွန်းမင်း က ကြားနေရတယ်။ သဘာဝလွန်ဖြစ်ရပ်ကြောင့်လန့်သွားပေမယ့် ဆွန်းမင်းဟာ အခြေအနေနဲ့အသားကျအောင်လုပ်ပြီး သူငယ်ချင်းဖြစ်သူ ရုတ်တရက်သေဆုံးရတဲ့ အကြောင်းရင်းကို ရှာခဲ့ပါတယ်။ ကျောင်းဝင်းထဲမှာ သေဆုံးမှုတွေဆက်တိုက်ဖြစ်လာတဲ့အခါမှာတော့ ဆွန်းမင်းရဲ့သူငယ်ချင်းအပေါ်ယုံကြည်မှုဟာ တုန်လှုပ်သွားပါတယ်။ ယုံးအွန်းကပဲ လူသတ်မှုကိုကျူးလွန်တာလား။ တရားခံဟာ ရက်စက်တဲ့တခြားတစ်ယောက်ဖြစ်နေမလားဆိုတာ ရှုစားလိုက်ကြပါစို့။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ May Zaw ဖြစ်ပါတယ်

လူဆိုးအယောက်တစ်ရာနဲ့ချလည်း မင်းသားပဲနိုင်စေချင်တဲ့လူတွေအတွက် Action Drama အသစ်နဲ့ မိတ်ဆက်ပေးမယ် ဇာတ်လမ်းနာမည်က "Vaamana 2025" ဂူနာက မာဖီယားဂိုဏ်းချုပ်ရဲ့ လက်ရုံးတစ်ယောက် လူသူသိပ်မသိပေမဲ့ ပြိုင်ဘက်ဂိုဏ်းရဲ့တပည့်တွေကို တဖြည်းဖြည်းရှင်းပစ်နိုင်လို့ ပြိုင်ဘက်ခေါင်းဆောင်က သတိထားမိလာတယ် ဂူနာက လူဆိုးဆိုပေမဲ့ မကောင်းတဲ့လူတွေကိုရှင်းပစ်ပြီး ကောင်းတဲ့အလုပ်လုပ်တယ် မှန်ကန်တယ် တရားမျှတတယ် ဒီလိုနဲ့ ပြိုင်ဘက်ဂိုဏ်းချုပ်ကို ရှင်းပစ်နိုင်သည်အထိ ဖြစ်လာတဲ့အခါ သာမာန်လူဆိုးတစ်ယောက်မဟုတ်ဘဲ ဂူနာ့ရဲ့နောက်ကြောင်းတွေပေါ်လာခဲ့တယ် သူကတကယ်တမ်းဘယ်သူလဲ? ဘယ်အကြောင်းတွေက ဒီလောကထဲကိုရောက်လာစေတာလဲ? Plot တွေအရမ်းဆန်းသစ်နေတာမျိုးမဟုတ်ပေမဲ့ တဖြည်းဖြည်း ဇာတ်ရှိန်တက်ပြီး ကြည့်ကောင်းတာတာမို့ အပန်းပြေ Movie time အတွက်တော့ Recommend ပေးပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

တစ်​နေ့ မိုက်ကယ်နဲ့ သမီးဖြစ်သူ ကယ်ရန်တို့က အားလပ်ရက်ခရီးအ​နေနဲ့ အ​ဝေးကို ထွက်လာကြပါတယ်။ ဒါပေမဲ့ စီစဥ်ထားသလို ဖြစ်မလာဘဲ လမ်းမှာ ကားကလည်း ပျက်သွားပါတယ်။ အဲဒီအချိန် အနီးတစ်ဝိုက်မှာ ​ပျော်ဖို့ကောင်းမယ့် အရာတစ်ခု ပြုလုပ်ဖို့ ဆုံးဖြတ်လိုက်ပါတယ်။ ​ကြော်ငြာထဲ​ တွေ့မိတဲ့ ကစားနည်း တစ်မျိုးကို သူများ ညွှန်းလို့ ပါဝင်ကစားဖြစ်သွားပါတယ်။ အဲဒီကစားနည်း ပုံစံက​တော့ လူတစ်အုပ်စုကို အခန်းတစ်ခန်းထဲ ပိတ်ထားပြီး လွတ်​မြောက်ဖို့အတွက် ဝှက်ထားတဲ့ သဲလွန်စ​တွေကို ရှာ​ဖွေကာ ရုန်းထွက်ရမှာပါ။ မိုက်ကယ်နဲ့ ကယ်ရန်တို့ အဲဒီအိမ်ထဲ ​ရောက်သွား​တဲ့အခါ တခြားလူ​တွေနဲ့ ​ရောပြီး သဲလွန်စ လိုက်ရှာကြ​ပေမဲ့ တဖြည်းဖြည်းနဲ့ လူအ​သေအ​ပျောက် ရှိလာပါတယ်။ လွတ်လမ်းရှာ​​ပေမဲ့ မ​တွေ့​တော့တဲ့အခါ ဘယ်လိုလွတ်​မြောက်​အောင် လုပ်မလဲ။ အ​သက်ရှင်လျက် လွတ်လာနိုင်ပါ့မလားဆိုတာ စိတ်လှုပ်ရှားစွာ ကြည့်ရှုလိုက်ကြပါဦး။ ဒီဇာတ်ကားအတွက် အညွှန်း​ရေးသားသူနဲ့ ဘာသာပြန်မှာ Poe Yin Thar ဖြစ်ပါတယ်