လူကြည့်များသော ရုပ်ရှင်များ

ဒီတစ်ခါတင်ဆက်ပေးမယ့် ဇာတ်ကားလေးကတော့ သိပ်မကြာခင်ကမှ ထွက်ရှိထားတဲ့ Indian Thriller/Drama ဇာတ်ကားကောင်းလေးဖြစ်တဲ့ Tekka(2024) ပဲဖြစ်ပါတယ် IMDb 6.2/10 ရရှိထားပြီး လူမျိုးရေးခွဲခြားမှု လူတန်းစားခွဲခြားမှုကြားမှာ မြေစာပင်ဖြစ်ခဲ့ရတဲ့ လူတစ်ဦးရဲ့ လက်တုံ့ပြန်မှုကို ပုံဖော်ရိုက်ကူးထားတာပဲဖြစ်ပါတယ် ဇာတ်လမ်းအကျဉ်းကတော့ လူတန်းစားခွဲခြားမှုကြောင့် ဒိုင်းမွန်းကုမ္ပဏီကနေ အလုပ်ပြုတ်ခဲ့ရတဲ့ အီကလက်အာလန်တစ်ယောက် အလုပ်ပြန်ရဖို့ ကလေးတစ်ဦးကို ပြန်ပေးဆွဲခဲ့ပါတယ် သူ့တောင်းဆိုချက်က သူ့ကို ဒီအလုပ်မှာ ပြန်ခန့်ပေးဖို့ဆိုတဲ့ အကြောင်းပြချက်တစ်ခုပါပဲ သမီးဖြစ်သူ ပြန်ပေးဆွဲခဲ့ရတာကို သိသွားတဲ့ မိခင်ဖြစ်သူ အီရာတစ်ယောက်လည်း အီကလက်ရဲ့သားဖြစ်သူကို ထပ်မံပြန်ပေးဆွဲပြီး လက်တုံ့ပြန်ခဲ့ပါတယ် မိဘနှစ်ယောက်ကြားက သားသမီးတွေအတွက် လက်တုံ့ပြန်မှုတွေကို ရင်ခုန်စိတ်လှုပ်ရှားဖွယ်ကြည့်ရှုရမယ့်အပြင် ရဲမေ မာယာရဲ့ ပြန်ပေးသမားတွေနဲ့ အပေးအယူ ညှိနှိုင်းမှုတွေကိုလည်း မျက်ဝါးထင်ထင်တွေ့မြင်ရင်း မမျှော်လင့်ထားတဲ့ အခြေအနေတွေကို စိတ်ဝင်တစားကြည့်ရှုရမှာဖြစ်လို့ လက်မလွှတ်တမ်းစောင့်ကြည့်ပေးကြပါဦးရှင့် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Lynn Haymann ဖြစ်ပါတယ်

၂၀၂၄ ခုနှစ်ရဲ့ရုပ်ရှင်ကားပေါင်းများစွာထဲက သေချာပေါက် ကြည့်သင့်တဲ့ ရုပ်ရှင်တစ်ကားကို တင်ဆက်လိုက်ပါတယ်။ ဒီရုပ်ရှင်ကတော့ ကမ္ဘာကျော် ဂီတပြဇာတ်ကြီး Wicked ကို ရုပ်ရှင်အဖြစ် ပြန်အသက်သွင်းထားတဲ့ Musical အမျိုးအစားရုပ်ရှင်ပါ။ ဒါရိုက်တာJon M. Chu ရိုက်ကူးထားပြီး Cynthia Erivo, Ariana Grande နဲ့ Michelle Yeoh တို့ ပါဝင်ထားပါတယ်။ ဒီဂီတဇာတ်လမ်းကို တေးရေးဆရာ Stephen Schwartz က စာရေးဆရာ Gregory Maguire ရဲ့ The Life and Times of the Wicked Witch of the West စာအုပ်ကို အခြေခံပြီးရေးသားခဲ့တာပါ။ အဲဒီစာအုပ်ရဲ့ မြစ်ဖျားခံရာဖြစ်တဲ့ မူလ Classic ရုပ်ရှင် ၁၉၃၉ ခုနှစ်ထွက် The Wizard of Oz ကားထဲက Dorathyလေး Oz တိုင်းပြည်မရောက်ခင် Timeline ကိုအခြေခံထားတယ်.. The Wizard of Oz ထဲက wicked witch of the west ဖြစ်တဲ့ စုန်းမကြီး အယ်ဖာဘာရဲ့ မူလ အော်ရယ်ဂျင်နောက်ခံ ဇာတ်ကြောင်းနဲ့ ဗီလိန်တစ်ယောက် ဘယ်လိုဖြစ်လာလဲဆိုတာကို Prequel Film အနေနဲ့ ရိုက်ထားတာဖြစ်ပါတယ်။ ဒီရုပ်ရှင်အကျဉ်းကတော့... လူတွေအထင်လွဲပြီး ကြောက်ကြတဲ့ အစိမ်းရောင် မှော်ဆရာမလေး အယ်ဖာဘာ နဲ့ လူတိုင်းချစ်ကြတဲ့ ကောင်မလေး ဂလင်ဒါတို့ မှော်ကျောင်းကြီးမှာ သူငယ်ချင်းဖြစ်သွားကြပါတယ်။ သူတို့နှစ်ယောက်ဟာ အော့ဇ်တိုင်းပြည်ရဲ့ မှော်ဆရာကြီးနဲ့ တွေ့ဖို့ သွားကြရင်း မထင်ထားတဲ့ စွန့်စားခန်းတွေ ဖြစ်ပေါ်လာပုံနဲ့ ကြောက်စရာစုန်းမဆိုးကြီး ပေါ်ပေါက်လာပုံကို ပြသထား

ဒီရုပ်ရှင်ဇာတ်လမ်းကတော့ ဒုတိယကမ္ဘာစစ်ရဲ့ နော်ဝေတော်လှန်ရေးခေါင်းဆောင် ‘ဂွန်နာဆွန်စတက်ဘီ’ ရဲ့ အကြောင်းကို ရိုက်ကူးတင်ဆက်ထားတာဖြစ်ပါတယ်။ ဆွန်စတက်ဘီက နော်ဝေနိုင်ငံသားတွေထဲမှာ အလေးစားထိုက်ဆုံး ဂုဏ်သရေရှိပုဂ္ဂိုလ်တစ်ဦးဖြစ်ပြီး စစ်တပ်ကချီးမြှင့်တဲ့ War cross ဆုတံဆိပ်မှာဆိုရင် ဓားသုံးလက်ပါရှိတဲ့ဆုကို သူတစ်ဦးတည်းကသာ ရရှိခဲ့တာဖြစ်ပါတယ်။ ဆွန်စတက်ဘီက ပို့ချမှုတစ်ခုပြုလုပ်ရင်း အတိတ်က သူ့ရဲ့ တော်လှန်ရေးခရီးကြမ်းကို ပြန်ပြောင်းအမှတ်ရတဲ့ပုံစံမျိုး တင်ဆက်ထားတာဖြစ်တယ်။ ဆွန်စတက်ဘီဟာ စစ်ပညာကို မသင်ယူခဲ့ဖူးပါဘဲနဲ့ သူဟာ တော်လှန်ရေးခေါင်းဆောင် တစ်ယောက်ဖြစ်လာခဲ့တယ်။ နာဇီတွေက သူဘယ်သူလဲဆိုတာကိုသိရဖို့အတွက် သူ့ရဲဘော်ရဲဘက်များစွာကို ညှင်းပန်းနှိပ်စက်ခဲ့ပြီးနောက် သူထွက်ပြေးရတဲ့အကြောင်းတွေ၊ စစ်ဆင်ရေးဖော်ဆောင်ပုံတွေကို ပြသထားတယ်။ ယနေ့ခေတ်လူငယ်တွေက သူ့ရဲ့ တချို့တချို့သော လုပ်ရပ်တွေအတွက် ဘာလို့အကြမ်းမဖက်တဲ့နည်းလမ်းကို မရွေးချယ်တာပါလဲလို့ မေးလာတဲ့အခါမှာတော့ သူ့ရဲ့ အဖြေကဘယ်လိုဖြစ်မလဲ။ အညွှန်းနဲ့ ဘာသာပြန်ကိုတော့ Leon K Zaw ကတင်ဆက်ထားပါတယ်။

"မင်းက ပြစ်မှုကျူးလွန်ပြီးမှ အပြစ်ကြွေးဆပ်ဖို့အတွက် ထောင်ထဲကိုရောက်လာခဲ့တဲ့ ငါတို့နဲ့မတူဘူး။ မင်းက အပြစ်ကြွေးဆပ်ပြီးမှ ပြစ်မှုကျူးလွန်ရမဲ့ လူမျိုးပဲ" မတရားစွပ်စွဲခံရပြီးထောင်ချခံရတဲ့ လူနာတင်ကားမောင်းသူ သီလာဂန်ဟာ တစ်သက်တစ်ကျွန်းထောင်ဒဏ်ချမှတ်ခံခဲ့ရပြီး ဆယ့်လေးနှစ်အကြာမှာတော့ အာမခံနဲ့ လွတ်ရက်နှစ်ပတ်ရခဲ့တယ်။ ထောင်ထဲမှာ ကောင်းကောင်းမွန်မွန်ပြုမူနေထိုင်ခဲ့တဲ့အတွက် အပေါင်းအဖော်ထောင်သားတွေကတောင် သူ့ကို အရမ်းလေးစားကြတဲ့အထိပါပဲ။ ဒီလိုဖြောင့်ဖြောင့်မတ်မတ်နေလာခဲ့တဲ့ သူဟာ အချိန်ကျလာတဲ့အခါမှာတော့ အခွင့်အရေးကိုအမိအရဆုပ်ကိုင်ပြီး သူ့ရန်သူတွေကို လက်စားချေဖို့ ကြိုးစားပါတော့တယ်။ ဆယ့်လေးနှစ်ကြာအစီအစဉ်ဆွဲခဲ့တဲ့ သူ့ရဲ့အစီအစဉ်က အောင်မြင်နိုင်ပါ့မလား...။ ရဲတွေရဲ့ ၂၄နာရီစောင့်ကြည့်စစ်ဆေးမှုအောက်ကနေ သူ ဘယ်လိုရုန်းထွက်ပြီး ရန်သူတွေကို လက်စားချေမလဲဆိုတာကို ရင်တထိတ်ထိတ်နဲ့ ကြည့်ရှုရမဲ့ဇာတ်လမ်းကောင်းတစ်ခုဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

ဒီတစ်ခါ တမူထူးခြားတဲ့ မှတ်တမ်းရုပ်ရှင်လေးတစ်ခုကို ယူဆောင်လာပါပြီ ဂြိုလ်သားတွေရှိတာကိုယုံကြတဲ့လူရှိလား UFO လို့သိကြတဲ့ ဂြိုလ်သားယာဉ်ကို ထောက်လှမ်းရေးအင်ဂျင်စီနှစ်ခုက လွှတ်တော်မှာ ဖော်ထုတ်ဖို့ကြိုးစားမှုအကြောင်းရိုက်ထားတဲ့ မှတ်တမ်းရုပ်ရှင်လေးမလို့ ကြည့်ကို ကြည့်ရှုသင့်တဲ့အထဲပါပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

မင်းသားကြီး Denzel Washington နဲ့ Mark Wahlberg တို့ ပါဝင်သရုပ်ဆောင်ထားတဲ့ Action/ Comedy ဇာတ်ကားလေးဖြစ်ပြီး IMDb – 6.7 လောက်အထိ ရရှိထားတဲ့ ရုပ်ရှင်ကားတစ်ခုဖြစ်ပါတယ်။ ဇာတ်လမ်းကတော့ - ‘ဘော်ဘီ’နဲ့ ‘စတစ်ဂ်’တို့ နှစ်ယောက်လုံးက ‘ပါပီဂရက်ကို’လို့ခေါ်တဲ့ မူးယစ်ရာဇာကြီးတစ်ယောက်ကို အမှုဆင်ဖမ်းချင်တဲ့အတွက် အသွင်ယူထားကြတဲ့ အေးဂျင့်နှစ်ယောက် ဖြစ်ပါတယ်။ သူတို့နှစ်ယောက်အလုပ်လုပ်ပေးတဲ့ အဖွဲ့အစည်းနှစ်ခုက မတူတဲ့အတွက် တစ်ယောက်ကိုတစ်ယောက် အသွင်ယူအေးဂျင့်တွေမှန်းမသိကြဘဲ နှစ်ယောက်သား ပေါင်းမိနေကြတာပါ။ ဖြစ်ချင်တော့ ပါပီဂရက်ကိုနဲ့ သူတို့နှစ်ယောက် လဲလှယ်မှုတစ်ခုလုပ်ကြရာမှာ ပါပီဂရက်ကိုဘက်က သူတို့တောင်းဆိုသလို ကိုကင်းတွေ မပေးလာဘဲ ငွေသားတွေပဲ ထုတ်ပေးလာတဲ့အတွက် အမှုကလည်းဆင်လို့မရတဲ့ အခြေအနေကိုရောက်သွားပါတော့တယ်။ ဒီတော့ သူတို့နှစ်ယောက်သားက ကိုယ့်အကြံအစည်နဲ့ကိုယ် ပါပီဂရက်ကိုငွေအပ်တဲ့ ဘဏ်ကိုဓားပြတိုက်ကြဖို့ စီစဉ်ကြတဲ့အခါ ... သူတို့နှစ်ယောက် တစ်ယောက်အပေါ်တစ်ယောက် သစ္စာဖောက်ရမယ့်အခြေအနေကို ကြုံကြိုက်လာတဲ့အခါ ... ဘယ်လိုတွေဆက်ဖြစ်မလဲဆိုတာကို ရှုစားကြည့်ပါဦး။ အညွှန်းနဲ့ ဘာသာပြန်ကိုတော့ Leon K Zaw ကတင်ဆက်ထားပါတယ်။

ဒီတစ်ခေါက် နာဇီရုပ်ရှင်က ဟစ်တလာ ဂျာမနီမှာ ကြီးစိုးနေတဲ့ကာလမှာ ဘာသာရေးရှုထောင့်အရ အဓိကဇာတ်ကောင် သင်းအုပ်ဆရာက‌နေ လုပ်ကြံရေးသမားအဖြစ် ပြောင်းလဲသွားတဲ့ ဘွန်ဟော့ဖာရဲ့ Biography အနေနဲ့ ရိုက်ကူးတင်ဆက်ထားပါတယ်။ ဟစ်တလာက သူ့ကိုယ်သူ ဘုရားသခင်ထက် ကြီးမြတ်တယ်လို့ သတ်မှတ်ပြီး ဂျာမနီဘာသာရေးကို ပြောင်း၊ ခရစ်ယာန်ဘုရားကျောင်းတွေမှာ သူ့စကားတွေ ချိတ်နဲ့ အာဏာသုံးပြီး အမျိုးမျိုးလျှောက်လုပ်နေတဲ့အချိန် ဂျာမန်သင်းအုပ်ဆရာ ဘွန်ဟော့ဖာက ဖိနှိပ်ညှင်းပန်းခံနေရတဲ့ ဂျူးတွေဖက်က ရပ်တည်ပြီး ဘာသာရေးမှာ ခြယ်လှယ်မခံရဖို့ တရားဟောခဲ့ပါတယ်။ ဟစ်တလာကို ဆန့်ကျင်တဲ့ဘုန်းတော်ကြီးတွေက ညှင်းပန်းနှိပ်စက်တဲ့စခန်းတွေ ရှေ့တန်းတွေ အပို့ခံရပြီး ဘွန်ဟော့ဖာကလည်း သူ့လုံခြုံရေးကြောင့် နိုင်ငံကနေ ထွက်သွားရပေမယ့် နောက်ဆုံးမှာ ဟစ်တလာကို လုပ်ကြံမယ့် အစီအစဉ်ထဲပါပြီး မအောင်မြင်ဘဲ ကြိုးပေးခံခဲ့ရပါတယ်။ လူမျိုးတုန်း သတ်ဖြတ်ခံနေရတဲ့ ဂျူးတွေကို ကာကွယဖို့ သူ့ရဲ့အားထုတ်မှု အနစ်နာခံမှုက ဂျာမနီသမိုင်းကြောင်းမှာ တစ်ထောင့်တစ်နေရာက ပါဝင်နေမှာပါ။ ဒီဇာတ်ကားကို အညွန်းနဲ့ ဘာသာပြန်ပေးသူကတော့ Shune Lai KK ဖြစ်ပါတယ်

"Gold" ဒီလိုနာမည်နဲ့ နိုင်ငံပေါင်းစုံက သူတို့ ရွှေတံဆိပ်ဆုရတဲ့အကြောင်းကို အကျယ်တဝင့်နဲ့ အတုယူဖွယ်ရိုက်ပြကြပါတယ် ဒါကတော့မလေးရှားနိုင်ငံ၂၀၂၀တိုကျိုအိုလံပစ်မှာ ရွှေတံဆိပ်ဆုရခဲ့တဲ့အကြောင်းပါ အားသာချက်ကတော့ ဇာတ်လမ်းကရှည်ပေမယ့် အကြောင်းအရာမထပ်တာပါပဲ ရှဲ့မိသားစုက တရုတ်ရိုးရာတိုင်းရင်းဆေးခန်းဖွင့်ပြီးနေတဲ့မိသားစုပါ အဲဒီမိသားစုရဲ့သားအငယ်ဆုံးလေး ကျွန်တော်တို့ရဲ့ဇာတ်လိုက်ရှဲ့လင်ဟောက်က ငယ်ငယ်ကတည်းက ရာရှစ်စီဒက်ခ်ဆိုတဲ့ ကြက်တောက်ရိုက်တဲ့ ကစားသမားကို idolတင်ပြီး ကြက်တောင်ကို အရူးအမူးစွဲလမ်းနေပါတယ် ဒါပေမယ့်ကံဆိုးစွာနဲ့ ခြေထောက်ဒဏ်ရာကြောင့်သူ့idolကြီးက ကြေးတံဆိပ်ပဲရခဲ့ပါတယ် မိခင်လုပ်သူသဘောမတူပေမယ့် လင်ဟောက်ကတော့ ဖခင်လုပ်သူရဲ့ ပံ့ပိုးမှုနဲ့ ငယ်ကတည်းက ကြက်တောင်ရိုက်ကစားသမား ရှုံးပွဲမရှိတဲ့သူဖြစ်လာပါတယ် ဒါပေမယ့်ရုတ်တရက် မသန်မစွမ်းရောဂါဆိုပြီး လင်ဟောက်မှာအခြေအနေပြောင်းလဲလာတော့ လူကောင်းကြီးကနေ ဘယ်လိုအခြေအနေဖြစ်သွားခဲ့တာလဲ သူ့အိပ်မက်တွေအောင်မြင်ပါမလား ဘာအလှည့်အပြောင်းတွေ ထပ်ရှိမလဲ သူ့idolနဲ့ဆုံပြီးဘာဆက်ဖြစ်မလဲ ဇာတ်အိမ်ကိုမပျင်းရအောင်ရိုက်သွားတဲ့ကားကောင်းလေးမို့ ကြည့်ရှုကြပါဦး ဒီဇာတ်ကားကိုအညွန်းနဲ့ဘာသာပြန်ပေးသူကတော့ Sora ဖြစ်ပါတယ်

" တင်တောင်းငွေကြောင့်စိတ်ညစ်နေပါသလား? ပတ်တွန်ဘူကိုလာခဲ့ပါ " ဘယ်လူမျိုး၊ဘယ်ဘာသာဝင်ပဲဖြစ်ဖြစ် လက်ထပ်ထိန်းမြားကြတဲ့အခါ ကိုယ့်လက်တွဲဖော်ကို တင်တောင်းယူကြရပါတယ် တင်တောင်းငွေနဲ့ရွှေငွေပစ္စည်းများခြင်းဟာ ဂုဏ်ယူစရာတစ်ခုဖြစ်တဲ့အလျောက် ချစ်သူကိုတန်ဖိုးထားချင်သူများအတွက် ခေါင်းစားစရာတစ်ခုလည်းဖြစ်ပါတယ် "ပတ်တွန်ဘူ"ဆိုတာက ဒါနဲ့ပတ်သက်ပြီး အခက်အခဲဖြစ်နေသူ သတို့သားများကို ကူညီပေး‌နေတဲ့ ကုမ္ပဏီတစ်ခုပါ ဒီမှာ မျိုးရိုးမြင့်ဆရာဝန်မလေးကို လက်ထပ်ခွင့်တောင်းချင်နေတဲ့ မန်နေဂျာလေး အစ်ကျန် အဆင့်အတန်းချင်းမတူလို့ မိန်းကလေးဘက်ကသဘောမတူတဲ့အခါ အစ်ကျန်တစ်ယောက်ဘယ်လိုဖြေရှင်းမှာလဲ? တစ်ဖက်မှာလဲ တင်တောင်းငွေမရှိလို့ အခက်အခဲဖြစ်နေတဲ့ အစ်ကျန်ကို ပတ်တွန်ဘူကုမ္ပဏီက ဘယ်လိုကူညီသွားမလဲ? မိသားစုနှစ်ခုရဲ့ပဋိပက္ခတွေ၊ လူငယ်တွေရဲ့ကြိုးစားမှုနဲ့ချစ်ခြင်းမေတ္တာတွေကို ဇာတ်အိမ်မြူးမြူးလေးတွေ့မြင်ရမယ့်အပြင် အချစ်နဲ့ ငွေကြေးယှဉ်ပြိုင်တဲ့အခါ ဘယ်အရာအနိုင်ရမလဲဆိုတာကို ဟာသရှုထောင့်ဘက်က ရယ်မောစွာကြည့်ရှုရမှာမို့ လက်မလွှတ်သင့်တဲ့ဇာတ်ကားကောင်းလေးပါရှင် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

သဘာဝဘေးအန္တရာယ် အမျိုးအစားဇာတ်ကားတစ်ခု ဖြစ်ပါတယ်။ ဇာတ်ကားထဲက အဖြစ်အပျက်က အတော်ကျယ်ပြန့်တယ် ဆိုရမှာဖြစ်ပြီး ဥရောပတခွင်လုံးမှာ ဖြစ်တဲ့သဘောပါ။ ဥရောပမြောက်ပိုင်းနဲ့ အလယ်ပိုင်းတို့မှာ မီးတောင်တွေ အဆက်မပြတ်ပေါက်ကွဲရာကနေ မြေငလျင်တွေပါ ဆက်တိုက်လှုပ်နေတယ်။ မီးတောင်ကနေ ထွက်လာတဲ့ ပြာငွေ့တွေက တိမ်တွေအဖြစ်ပါ ပြောင်းလဲလာပြီး နေရောင်ကို လုံးဝဖုံးကွယ်သွားပြီးတော့ အပူချိန်က သုညဒီဂရီဆဲလ်စီးယပ်စ်အောက် ရောက်လာတယ်။ ဥရောပမှာ နေထိုင်လို့မဖြစ်တော့တာကြောင့် အမေရိကန်နိုင်ငံသား လင်မယားနှစ်ယောက်က သူတို့ကလေးတွေကို ပဲရစ်မြို့ကနေ ကယ်ထုတ်ဖို့ အစွမ်းကုန်ကြိုးစားကြတယ်။ သဘာဝဘေးအန္တရာယ်ကားတွေထဲမှာ ကြိုက်တဲ့အချက်က ဘယ်အချိန် ဘယ်နေရာကနေ ဘာတွေဖြစ်မလဲဆိုတာကို စောင့်ကြည့်ရတာပါပဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ nanda tun kyaw ဖြစ်ပါတယ်

App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ Magnificent Warriors လေးကိုဘာသာပြန်တင်ဆက်ပေးလိုက်ပါတယ် Michelle Yeoh နုစဉ်က ရိုက်ထားတဲ့ ဂျပန်တော်လှန်ရေးကားတစ်ကားကို တင်ဆက်ပေးလိုက်ပါတယ်။ ဂျပန်တွေ တရုတ်ပြည်ကိုကျူးကျော်နယ်ချဲ့နေချိန်မှာ ဖော့မိန်မိန်ဆိုသူ အမျိုးသမီးငယ်လေးဟာ ဖျတ်လတ်တက်ကြွပြီး ရဲစွမ်းသတ္တိရှိသူတစ်ယောက်။ အဖိုးဖြစ်သူရဲ့တာ၀န်ပေးမှုကြောင့် ဂျပန်တွေဆီမှာ သူလျှိုလုပ်နေတဲ့ ယောင်တာ့ဆိုသူကို သွားခေါ်ရဖို့ဖြစ်လာခဲ့တယ်။ ယောင်တာ့ရှိရာ ခါယီမြို့မှာ သူတို့ဘက်တော်သား အေ့ဂျင့် ကောင်းကင် ၀၀၁ ဆိုသူတစ်ယောက်ရှိနေပြီး ထိုလူကိုသိရဖို့က အဖွဲ့အစည်းက သတ်မှတ်‌ေပးထားတဲ့နာရီတစ်လုံးသာ ရှိပြီး နာရီကိုအားကိုးရင်း လိုက်ရှာနေတဲ့ မိန်မိန်ဟာ လေလွင့်သူလူလိမ်တစ်ယောက်ကိုမှ သူတို့အေ့ဂျင့်အဖြစ် ထင်မှတ်သွားခဲ့တဲ့နောက်မှာတော့...။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ဒီရုပ်ရှင်ဇာတ်လမ်းလေးကတော့ ၂၀၂၃ ခုနှစ်က ထွက်ရှိခဲ့တဲ့ My Fault ဆိုတဲ့ ဇာတ်ကားရဲ့ အဆက်ဖြစ်ပါတယ်။ စပိန်စကားပြော Romance/ Drama လူငယ်အချစ်ဇာတ်ကားလေးတစ်ခုပါ။ ပထမကားရဲ့ အဆုံးသတ်မှာ နိုအာနဲ့ နစ်ခ်တို့ နှစ်ယောက်က မိဘတွေတားတဲ့ကြားက ချစ်သူအဖြစ် လက်တွဲလိုက်ကြဖို့ သဘောတူလိုက်တဲ့အတွက် နစ်ခ်ရဲ့ဖခင်က နစ်ခ်ကို ဆန်ဖရန်စစ္စကိုက ရှေ့နေရုံးတစ်ခုမှာ အလုပ်သင်ဆင်းဖို့ စေလွှတ်လိုက်ပါတော့တယ်။ ဒီလိုနဲ့ တစ်နှစ်ကြာသွားပြီးနောက် နိုအာက အသက် ၁၈ နှစ်ပြည့်ပြီး ကောလိပ်ဆက်တက်ဖို့အတွက် ပြင်ဆင်တယ်။ နစ်ခ်ကလည်း ဆန်ဖရန်စစ္စကိုကနေ ပြန်လာပြီးနောက် သူ့ချစ်သူနားမှာပဲ နေဖို့ဆုံးဖြတ်လိုက်ကာ အဲ့မြို့မှာပဲ တိုက်ခန်းတစ်ခုနဲ့ သီးသန့်နေထိုင်လိုက်တော့တယ်။ အလုပ်ကိုတော့ သူ့အဖေရဲ့ ကုမ္ပဏီမှာပဲ ရှေ့နေအဖြစ် အလုပ်သင်ဆင်းလိုက်ပါတယ်။ နစ်ခ်အနေနဲ့ အရင်လိုခပ်ဆိုးဆိုးသူဌေးသားလေး မလုပ်တော့မယ့်အကြောင်း၊ ပြိုင်ကားမောင်းတာတွေ၊ ရန်ဖြစ်တာတွေ၊ မိန်းကလေးတွေနဲ့ ပွေလီရှုပ်တာတွေ စတဲ့အကျင့်ဆိုးမှန်သမျှ ပြင်ဆင်တော့မယ့်အကြောင်း နိုအာကိုလည်း ကတိပေးထားတယ်။ ဒါပေမဲ့ သူတို့နှစ်ယောက်ကို မိဘတွေက အတင်းအကြပ်ခွဲကြဖို့ စီစဉ်ကြတဲ့အခါ.... နစ်ခ်ရဲ့ အလုပ်မှာ သူနဲ့အတူတူအလုပ်သင်ဆင်းတဲ့ ရှေ့နေမလေးက နစ်ခ်ကို ရေလာမြောင်းပေးတွေလုပ်လာတဲ့အခါ... နိုအာက ပထမနှစ် ကောလိပ်ကျောင်းသူလေးဖြစ်တဲ့အတွက် ကိုယ်ဖိရင်ဖိ စောင့်ရှောက်ပေးချင်တဲ့ စီနီယာကိုကြီးက ပေါ်လာတဲ့အခါ..

Lord Of The Rings ဆိုတဲ့ Series ကြီးကတော့ မကြည့်ဖူးရင်သာမကြည့်ဖူးမယ် မသိတဲ့လူကတော့ရှိမှာမဟုတ်ပါဘူး။ကမ္ဘာတစ်ဝှမ်းမှာလူကြိုက်တော်တော်များတဲ့ Series တစ်ခုဖြစ်သလို မြန်မာနိုင်ငံမှာလည်း ပရိသတ်ပေါင်းများစွာကိုပိုင်ဆိုင်ထားတာဖြစ်ပါတယ်။ဒါပေမယ့် အဲ့ဒီ Lord Of The Rings ကို လူသရုပ်ဆောင်တွေနဲ့ရိုက်ကူးထားတာတွေပဲတွေ့ဖူးပြီးတော့ Animation ကာတွန်းကားကိုတော့တွေ့ဖူးကြဦးမယ်မထင်ပါဘူး။ဘာလို့လဲဆိုတော့ 1978 နဲ့ 1980 ခုနှစ်တွေမှာပဲ Animation တွေထွက်ရှိခဲ့တာဖြစ်ပြီး အဲ့ဒီနောက်ပိုင်းလုံး၀မထွက်လာသေးလို့ပါပဲ။အခုမှ The Lord of the Rings: The War of the Rohirrim ဆိုတဲ့နာမည်နဲ့အကြာကြီးနေမှထပ်မံထွက်ရှိလာခဲ့တာဖြစ်ပြီး ပွဲဦးထွက်မှာ IMDb Rating 6.6 အထိရရှိထားပါတယ်။ဒီ Series တစ်လျှောက်လုံးကိုလူတွေနဲ့ပဲရှုစားခဲ့ရတဲ့အတွက် Animation နဲ့ပြောင်းကြည့်ရတာလည်း တစ်မျိုးတစ်ပါးတော့ကြည့်ကောင်းနေမှာဖြစ်ပါတယ်။ဒီထဲမှာတော့အဓိကအားဖြင့် ဘေလ်ဘိုဘက်ဂင်ဆီကို လက်စွပ်မရောက်လာခင် နှစ်ပေါင်း ၂၀၀ လောက်တုန်းက Timeline ကိုအဓိကတင်ဆက်ထားတာကိုတွေ့ရမှာဖြစ်ပြီး လက်စွပ်တွေသိပ်မတွင်ကျယ်ခင်ကာလတုန်းကတောင် တိုင်းပြည်အတွင်းမှာ အာဏာလုမှုတွေ အင်အားပြိုင်ဆိုင်မှုတွေကြုံတွေ့ခဲ့ရတာကို အတိတ်ကိုပြန်သွားပြီး စိတ်ဝင်စားစရာရှုစားရဦးမှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

ဒါကတော့ Documentary Flim အမျိုးအစားလေးပဲ ဖြစ်ပါတယ် ရိုက်ကူးထားတာလေးကတော့ ငယ်ငယ်ကတည်းက သီချင်းဆို၀ါသနာပါတဲ့ Yo Yo Honey Singhရဲ့ ငယ်စဥ်ကဘယ်လိုကြိုးစားခဲ့တာတွေ အခက်အခဲတွေကို ဘယ်လိုကြိုးစားခဲ့တာတွေ အိန္ဒိယBollywoodနဲ့ Pop သီချင်းလောကမှာ နာမည်ကြီးတစ်ယောက်ဖြစ်လာပြီး ကောလာဟလသတင်းအမှားတွေနဲ့အတူ ၇နှစ် ၈နှစ်လောက် musicလောကထဲက ပျောက်သွားတဲ့အကြောင်းအရင်းကို Documentry အနေနဲ့ ရိုက်ကူးတင်ပြထားတာဖြစ်ပါတယ် ဒီဇာတ်ကားလေးထဲမှာ Yo Yo Honey Singhရဲ့ ကြိုးစားမှူတွေနဲ့ ကောလာဟလဖြေရှင်းချက်တွေကို စိတ်၀င်တစားကြည့်ရှုရမှာ ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Henny ဖြစ်ပါတယ်

"မလေးရှားကမ်းရိုးတန်းစောင့် : သိမ်းငှက်စစ်ဆင်ရေး" ဒါကတော့ Actionကားတွေ စစ်ကားတွေသဘောကျသူများအတွက် ဇာတ်ကားကောင်းတစ်ခုပါ ဒီဇာတ်ကားမှာ မလေးရှားနိုင်ငံရဲ့ပင်လယ်ပြင်ကိုကြီးကြပ်ပေးနေတဲ့ ရေတပ်မတော်‌အကြောင်းဂုဏ်ပြု‌သောအားဖြင့် ရိုက်ကူးထားပါတယ် ရေတပ်မတော်ရဲ့ မစ်ရှင်တွေ၊ တာဝန်စောင့်သိမှုတွေ၊ စစ်ဆင်ရေးတွေကို စိတ်ဝင်စားစွာကြည့်ရမယ့်အပြင် ကမ်းရိုးတန်းက တရားမဝင်မှောင်ခိုလုပ်ငန်းတွေကို ဘယ်လိုတိုက်ဖျက်သွားမလဲ? လူ့သဘာဝ ရန်ငြိုးရန်စတွေကြောင့် မိသားစုဝင်တွေပါထိခိုက်လာရချိန် အလုပ်တာဝန်နဲ့မိသားစုအရေးကို ဘယ်လိုကိုင်တွယ်ဖြေရှင်းမလဲ? လက်စားချေမှုတွေက‌ရော ပြီးဆုံးသွားမှာလား? ဒါတွေကို စိတ်ဝင်တစား တက်ကြွဖွယ်ကြည့်ရမှာမို့ လက်မလွှတ်သင့်တဲ့ ဇာတ်လမ်းကောင်းတစ်ခုပါရှင် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ဒီတစ်ခေါက်မှာတော့ ကြမ်းကြမ်းရမ်းရမ်းဇာတ်ကားလေးတစ်ပုဒ်ဖြစ်တဲ့ Pieta ရုပ်ရှင်ကိုတင်ဆက်ချင်ပါတယ်။ ၂၀၁၂မှာထွက်ရှိခဲ့တာဖြစ်ပြီး ငွေတိုးချေးသမားအီဂန်ဒိုရဲ့ရက်စက်မှုတွေကို ထိထိမိမိရိုက်ပြထားတာဖြစ်ပါတယ်။ အလွန်ရက်စက်ကြမ်းကြုတ်တဲ့အီဂန်ဒိုဆိုသူက လူတွေကိုအကြွေးဆယ်ဆတက်တဲ့အထိအတိုးနှုန်းမြင့်မြင့်နဲ့ချေးပြီး ပြန်မဆပ်နိုင်ရင်ဒုက္ခိတဖြစ်အောင်နည်းမျိုးစုံလုပ်ကာအာမခံတွေကိုယူတဲ့နည်းကိုသုံးတဲ့သူပါ။ မွေးကတည်းကအနှစ်၃၀လောက် တစ်ကောင်ကြွက်အနေနဲ့ ဘာကိုမှအကြောက် မေတ္တာဆိုတာကိုမသိဘဲရှင်သန်လာခဲ့ရာက တစ်နေ့မှာအမေဆိုသူပေါ်လာပြီး သူ့ရဲ့အတွေးတွေကိုပြန်ပြောင်းစေခဲ့ပါတယ်။ မိခင်မေတ္တာကိုစမြည်းစမ်းတတ်လာပြီး မိဘတွေရဲ့အဖြစ်ကိုစာနာတတ်လာပေမဲ့ အတိတ်ကအရိပ်မဲကြီးကလိုက်လံနှောင့်ယှက်လာတဲ့အခါမှာတော့ သူဘယ်လိုရုန်းထွက်မှာလဲ အမေဖြစ်သူနဲ့ရော ဘဝကိုအေးအေးချမ်းချမ်းဖြတ်သန်းနိုင်ပါ့မလားဆိုတာစောင့်မျှော်ကြည့်‌ရှုပေးဖို့ M-sub Movie မှာတစ်ဖန်ဘာသာပြန်တင်ဆက်ပေးလိုက်ရပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Hnin Yee ဖြစ်ပါတယ်

ဆောက်ဂျက် ၂၂၇ကိုမောင်းတဲ့ ကပ္ပတိန်ဝစ်တိတ်ကာကတော့ အရက်ဂျိုးဖြစ်ပြီး မူးယစ်ဆေးနဲ့ပါမကင်းတဲ့လူပါ တစ်နေ့သူ့လေယာဉ်ပျက်ကျတဲ့အခြေအနေရောက်ပြီး သူ့ကျွမ်းကျင်မှုကြောင့် လူအသက်တွေကိုကယ်နိုင်ခဲ့တာတောင် အရက်နဲ့မူးယစ်ဆေးကြောင့်ထောင်ကျဖို့ဖြစ်လာတဲ့အခါ ဟီးရိုးတစ်ယောက်အနေနဲ့ကနေ ဘယ်လိုဖြစ်သွားတာလဲဆိုတာ အားလုံးကြည့်ရှုရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

ဒီကားလေးကတော့ ဖြစ်ရပ်မှန်ကိုအခြေခံထားပြီးရိုက်ကူးထားတဲ့ကားလေးပါ။ ဟျွန်းဂျောင်ဟွာနဲ့ ရီဘွန်းနီတို့ဟာ တောင်နဲ့မြောက်ရဲ့တင်းနစ်ပြိုင်ဘက်ကစားသမားတွေဖြစ်ပါတယ်။ ဟျွန်းဂျောင်ဟွာကတော့ တောင်ကိုရီးယားချန်ပီယံဖြစ်ပြီး ရီဘွန်းနီကတော့ မြောက်ကိုရီးယားချန်ပီယံဖြစ်ပါတယ်။ သူတို့ပြိုင်ခဲ့တဲ့နောက်ဆုံးပြိုင်ပွဲမှာ ဟျွန်းဂျောင်ဟွာက ငွေတံဆိပ်ရပြီး ရီဘွန်းနီကတော့ ကြေးတံဆိပ်ရခဲ့ပါတယ်။ တရုတ်ဘက်က ရွှေတံဆိပ်ရသွားတာမလို့ ဟျွန်းဂျောင်ဟွာအနေနဲ့ ပိုပြီးကြိုးစားဖို့ဆုံးဖြတ်ခဲ့ပါတယ်။ နောက်ထပ် ကမ္ဘာ့ဖလားပြိုင်ပွဲကို ဂျပန်မှာပြိုင်ရမဲ့အချိန်မှာ တောင်နဲ့မြောက်တို့ပေါင်းပြီး ပေါင်းစည်းအသင်းအနေနဲ့ဝင်ပြိုင်ဖို့ အစိုးရဘက်က ဆုံးဖြတ်ခဲ့ပါတယ်။ အစကတည်းက ရန်ဘက်တွေအနေနဲ့နေလာခဲ့တဲ့ တောင်နဲ့မြောက်ကိုရီးယားတို့ ဘယ်လိုတွေညှိယူကြရမလဲ? သူတို့မျှော်မှန်းထားသလို အောင်မြင်နိုင်ပါ့မလား ဆိုတာ... ဒီကားကိုအညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

ပထမဦးဆုံးအနေနဲ့ ကိုးရီးယားအနုပညာရှင်တွေက နိုင်ငံရဲ့အကြီးကျယ်ဆုံးအခက်ခဲဆုံးဖြစ်ခဲ့တဲ့ အချိန်ကာလကို ရုပ်ရှင်အဖြစ်နဲ့ အသက်သွင်းနိုင်တာကို ချီးကျူးရမှာပါပဲ... ဒီကားလေးမှာတော့ ၁၉၇၇ ခုနှစ်က ကိုးရီးယားနိုင်ငံမှာ ဖြစ်ခဲ့တဲ့ စီးပွားရေးကပ်ဆိုက်မှုအကြောင်းနဲ့ တစ်နိုင်ငံလုံး ပျက်စီးတော့မယ့် ကာလမှာတောင် စီးပွားရှာပြနိုင်သွားသူတွေ... ကိုယ်ကျိုးအတွက် နိုင်ငံရဲ့ အနာဂတ်ကိုပါ ချစတေးပစ်တဲ့ နိုင်ငံရေး သမားတွေအကြောင်းကို ထင်ထင်ရှားရှား ရိုက်ကူးပြထားပါတယ် စီးပွားရေးမဏ္ဍိုင်ပြိုလဲတော့မယ့် နိုင်ငံငယ်တစ်ခုကို အင်အားကြီးနိုင်ငံတွေက ဘယ်လိုဝင်ပြီးဂုတ်သွေးစုပ်သလဲဆိုလည်း ပါဝင်ပါတယ် K drama fan တွေနဲ့ ရင်းနှီးပြီးသားဖြစ်တဲ့ အမကြီး Kim Hye Su ရဲ့ ထက်မြက်သွက်လက်ပြီး ရဲဝံ့တဲ့ဇာတ်ရုပ်ကလည်း သူ့ရဲ့ Personality နဲ့ ကွက်တိပါပဲ... အချစ်တွေ အမုန်းတွေ အနမ်းတွေ မပါဝင်ပဲ ငွေကြေးတွေ... အကြွေးတွေနဲ့.... စီးပွားရေး... နိုင်ငံရေးကစားကွက်တွေအကြောင်း နှစ်သက်သူတွေအတွက်တော့ ကြည့်သင့်တဲ့ကားလေး တစ်ကားပါ Rating အနေနဲ့လည်း IMDb 6.7/10 ရရှိထားပါတယ်... ဒီကားကိုကြည့်ပြီး ခေတ်ပျက်သူဌေးဆိုတာ တကယ်ရှိတာပဲလို့ မှတ်သားလိုက်ရပါတယ် ... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Felix Yan ဖြစ်ပါတယ်

ဒီတစ်ခါ မိတ်ဆက်ပေးမှာကတော့ ၂၀၁၅ ခုနှစ်က ထွက်ရှိထားတဲ့ Indian horror ဇာတ်ကား Alone (2015) ပဲဖြစ်ပါတယ် IMDb 3.7 ရရှိထားပြီး ပုံမှန်ဇာတ်ကြောင်းတွေနဲ့ မတူထူးခြားတဲ့အတွက် review များစွာရရှိထားတဲ့ဇာတ်လမ်းလေးပဲဖြစ်ပါတယ် ဇာတ်လမ်းအကျဉ်းကတော့ ရင်ချင်းဆက်အမွှာညီအစ်မနှစ်ယောက်ဖြစ်တဲ့ အန်ဂျနာနဲ့ ဆန်ဂျနာတို့ဟာ အကြောင်းအရာတစ်ခုကြောင့် ခွဲစိတ်ဖို့ဖြစ်လာပြီး အန်ဂျနာက သေဆုံးသွားခဲ့ရပါတယ် ဆန်ဂျနာလည်း ဒီစိတ်ကြောင့် ဒီအိမ် ဒီမြို့နဲ့ဝေးရာကို ချစ်ရတဲ့သူ ကာဘီနဲ့ ထွက်သွားခဲ့ပေမယ့် မိခင်ဖြစ်သူရဲ့ကျန်းမာရေးကြောင့် ပြန်လာဖို့ဖြစ်လာပါတော့တယ် ခန္ဓာကိုယ်ချင်းဆက်နေတဲ့ညီအစ်မနှစ်ယောက်ဟာ စိတ်ပိုင်းဆိုင်ရာအရရော ဘယ်လောက်ထိ ဆက်စပ်နေမလဲ ဆန်ဂျနာတစ်ယောက် သူရှောင်ပြေးခဲ့တဲ့ အကြောက်တရားကို အဆုံးထိရင်ဆိုင်သွားနိုင်မလား ဆန်ဂျနာ ရှောင်ပြေးခဲ့ရတဲ့ အကြောင်းအရင်းအစစ်အမှန်က ဘာလဲဆိုတာကိုရော ရှာဖွေနိုင်မလားဆိုတာကို ရင်ခုန်စိတ်လှုပ်ရှားဖွယ်ကြည့်ရှုခံစားနိုင်မှာပဲ ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Lynn Haymann ဖြစ်ပါတယ်

20 ရာစုကနေ 21ရာစုကို ကူးပြောင်းကာနီး 1999 ခုနှစ် New Year အကြိုညမှာ ဖြစ်ခဲ့တဲ့ Y2K ကမ္ဘာပျက်ကပ်ဆိုးအကြောင်းကို ပုံဖော်ထားတာပါ။ ကျောင်းမှာ အရှုံးသမားတွေလို့သတ်မှတ်ထားတဲ့ ဒန်နီနဲ့ အီလိုင်းတို့သူငယ်ချင်းနှစ်ယောက်ဟာ နယူးရီးယားအကြိုညမှာ သတ္တိမွေးပြီး သူတို့နဲ့ရွယ်တူတွေပါတီလုပ်တဲ့နေရာဆီ သွားခဲ့ပါတယ်။ သန်းခေါင်ရောက်လို့ နှစ်သစ်ကူးတဲ့အချိန်မှာတော့ ကြောက်စရာအဖြစ်အပျက်တွေစဖြစ်လာပြီး ပါတီက လူတွေ တစ်ယောက်ပြီးတစ်ယောက် ‌သေကုန်ပါတယ်။ အီလိုင်းတို့လည်း အသက်လုပြေးပြီး လုံခြုံတဲ့နေရာမှာ ပုန်းနေကြပါတယ်။ နောက်မှသိရတာက ကွန်ပျူတာတွေထဲက Y2K ဗိုင်းရပ်စ်က စက်ပစ္စည်းတွေအားလုံးဆီကူးစက်ပြီး လူတွေကို ဒုက္ခပေးနေတာပါ။ စက်တွေကို လူတွေက တစ်လျှောက်လုံး အသုံးချလာခဲ့လို့ AI ကနေ လူသားတွေကို ကျွန်ပြုဖို့ ကြံစည်ထားတဲ့ အစီအစဉ်ကြီးဖြစ်နေပါတယ်။ ဒါကိုတားဆီးပြီး လူသားမျိုးနွယ်ကိုကယ်တင်ဖို့ အီလိုင်းတို့သူငယ်ချင်းတစ်စု ကြိုးပမ်းပုံကို ရှုစားရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒေဝီနဲ့ဆီနာ မောင်နှမနှစ်ယောက်ဟာ စိတ်ကျန်းမာရေးမကောင်းတဲ့ မိခင်နဲ့အတူနေရပါတယ် လောကကြီးကိုအရွဲ့တိုက်နေတဲ့ဆီနာကြောင့် မိခင်ကြီးကိုဒေဝီတစ်ယောက်တည်း ပြုစုရပါတယ် တစ်ညတော့ မျက်နှာဖုံးစွပ်ထားတဲ့လူတစ်စုရောက်လာပြီး ဒေဝီတို့သားအမိကို ဆီနာအကြောင်းလာမေးရင်းနဲ့ သူတို့အမေ အသတ်ခံလိုက်ရပါတယ် မအေဖြစ်သူမျက်စိရှေ့မှာတင် အရိုက်နှက်ခံသေသွားရတော့ ဒေဝီတစ်ယောက် ဖြေမဆည်နိုင်ဖြစ်နေရင်းနဲ့ သူ့အမေရဲ့ဝိဉာဥ်ကို ဒေဝီမကြာခဏမြင်လာရပါတယ် မမျှော်လင့်ထားတဲ့အဖြစ်အနေနဲ့ သူတို့ကို စွန့်ပစ်ခဲ့တဲ့အဖေဖြစ်သူကမိခင်သေဆုံးတဲ့အကြောင်း သတင်းမှာတွေ့ပြီးသူတို့ကိုလာခေါ်ပါတယ် အဖေကိုရောအစ်ကိုရော စိတ်နာပေမယ့် ရွေးချယ်စရာမရှိတဲ့ဒေဝီလည်း ဖခင်ခေါ်ဆောင်တဲ့ သူတို့ရဲ့အမွေစံအိမ်ကြီးကို လိုက်ပါခဲ့ရပါတယ် အမျိုးသမီးတွေပဲ ဦးဆောင်ရတဲ့ စီးပွားရေး မိဘနှစ်ပါးကွဲကွာရတဲ့အကြောင်းအရင်း မိခင်ဖြစ်သူကို တွေ့မြင်ရမှုတွေ အဖြေရှာစရာတွေ အများကြီးနဲ့ အမွေခံစံအိမ်ကြီးမှာ ဘာတွေရင်ဆိုင်ရမလဲ... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Sora ဖြစ်ပါတယ်

Painted Skin ဆိုရင် ပရိသတ်တွေအများကြီးက သိပြီးသားဖြစ်လောက်မှာပါ။ ၁၉၉၂ ခုနှစ်က‌နေစပြီး အမည်တူနဲ့ရုပ်ရှင်တွေထွက်လာခဲ့တာ အခုချိန်ထိပါပဲ။ ၂၀၀၈ ခုနှစ်ကထွက်ရှိခဲ့တဲ့ ရုပ်ရှင်ကိုတော့ မကြည့်ဖူးတဲ့သူ မရှိသလောက်ပါပဲ။ ဒီတစ်ခေါက်တင်ဆက်ပေးလိုက်တဲ့ ၂၀၂၂ ခုနှစ်ထွက် ရုပ်ရှင်မှာလည်း မူလဇာတ်ကြောင်းအတိုင်း လူ့အရေခွံ‌ခြုံထားတဲ့မိစ္ဆာမလေးက ပိုင်ရှင်ရှိပြီးသားယောကျာ်းတစ်ယောက်ကို ချစ်မိပြီး ဘယ်လိုကိစ္စတွေကိုလုပ်သွားမလဲဆိုတာကို ‌ကြည့်ရှု့ရမှာပါ။ လူ့မျက်နှာအရေခွံခြုံထားတဲ့ မိစ္ဆာမလေးရှောင်ရုန်တို့ဟာ ဆရာဖြစ်သူအတွက် လူသားစွမ်းအင်တွေစုဆောင်းပေးရင်း သူ့တို့ဆရာရှာခိုင်းထားတဲ့ သန့်စင်တဲ့ယန်းဓာတ်နဲ့ ယောကျာ်းတစ်ယောက်ကို လိုက်ရှာနေရတယ်။ မိစ္ဆာမလေးရှောင်ရုန်ဟာ ပန်းချီဆရာ၀မ်ဟွိုင်ချင်းကို တွေ့ပြီးနောက်မှာ ချစ်ကျွမ်း၀င်သွားခဲ့ပြီး ၀မ်ဟွိုင်ချင်းရဲအချစ်ကိုရဖို့ သူ ဘာတွေလုပ်ဆောင်သွားမလဲ... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

2000 ခုနှစ်တုန်းကထွက်ရှိခဲ့တဲ့ လူကြိုက်လည်းများခဲ့တဲ့ Gladiator ဆိုတဲ့ရောမဇာတ်ကားကို 19 Born တွေဆိုရင်တော့ မှတ်မိကြဦးမယ်ထင်ပါတယ်။အခုခေတ်လူငယ်တွေနဲ့အလှမ်းဝေးပေမဲ့ အဲ့ဒီခေတ်အခါတုန်းက တကယ်စိတ်ဝင်စားစရာကောင်းခဲ့ပြီး ရိုက်ကွင်းတွေ ဇာတ်လမ်းဇာတ်ကွက်တွေကိုလည်း သေချာပြင်ဆင်ရိုက်ကူးထားတဲ့အတွက် IMDb မှာ Rating 8.5 အထိတောင်ရပ်တည်ထားနိုင်ခဲ့တဲ့ဇာတ်ကားတစ်ကားဖြစ်ခဲ့ပါတယ်။အဲ့ဒီဇာတ်ကားကို ၂၄ နှစ်ခြားပြီး 2024 ခုနှစ်မှာတော့ Gladiator 2 ဆိုပြီး ရိုးရိုးရှင်းရှင်းနဲ့ဒုတိယမြောက်ကားကိုထပ်မံတင်ဆက်လိုက်ပါပြီ။ပထမကားပြန်ကြည့်ပြီးမှ ဆက်ကြည့်တာပိုကောင်းတယ်ဆိုပေမဲ့လည်း အချိန်မရှိတဲ့လူတွေအတွက်လည်း ၂ ကစကြည့်လို့အဆင်ပြေပါတယ်။အဓိကအားဖြင့်တော့ ပထမပိုင်းမှာ မင်းဆိုးမင်းညစ်ဖြစ်တဲ့ ကိုမိုဒက်စ်ကို ရောမစစ်သည်တော်ကြီး မက်ဆီမက်စ်ကလက်စားချေခဲ့ပြီးတဲ့နောက်မှာ သူလည်းဒဏ်ရာတွေနဲ့သေဆုံးသွားခဲ့ပါတော့တယ်။မက်ဆီမက်စ်မှာ မိဖုရားကြီးလူစီလာနဲ့ရထားတဲ့ လူးရှပ်စ်ဆိုတဲ့ သားတစ်ယောက်ကျန်ခဲ့သလို မကောင်းတဲ့မင်းတစ်ယောက်ဆင်းခဲ့ရပေမဲ့လည်း ရောမမှာပိုဆိုးတဲ့အုပ်ချုပ်သူတွေထပ်ပေါ်လာပါတော့တယ်။မိဖုရားကြီးကလူးရှပ်စ်ရဲ့အသက်အန္တရာယ်ကိုစိတ်ပူတဲ့အတွက် အဝေးကိုပို့ခဲ့ပေမဲ့ လူးရှပ်စ် အရွယ်ရောက်လာတဲ့အခါမှာ ကံတရားရဲ့စီမံမှုကြောင့် သူရှိရာကိုဆိုက်ဆိုက်မြိုက်မြိုက်ပြန်ရောက်လာပါတော့တယ်။ဒါပေမယ့်စစ်သုံ့ပန်းတစ်ယောက်အနေနဲ့ပြန်လာတာဖြစ်ပြီး အဲ့ဒီကနေမှတစ်ဆင့်သူ့ရဲ့တိုက်ရ