အခုဇာတ်လမ်းကတော့ အားလုံးနဲ့မစိမ်းလောက်မဲ့ တိုကျိုက ယာကူဇာဂိုဏ်းတွေအကြောင်းကို ရိုက်ပြထားတာပဲ ဖြစ်ပါတယ်။ ဇာတ်လမ်းစစချင်းမှာတော့ ဘဏ်တစ်ခု ဓားပြတိုက်ခံရတာကြောင့် ရဲတွေအလုပ်ရှုပ်နေတာကို အခွင့်ကောင်းယူပြီး ယာကူဇာဂိုဏ်းသားတွေ သောင်းကျန်းကြပုံကို တွေ့ရမှာပါ။ ဂိုဏ်းကြီးတစ်ခုရဲ့ ငွေမည်းတွေပျောက်ဆုံးသွားတဲ့ကိစ္စကြောင့် ကျန်ဂိုဏ်းတွေနဲ့ ယာကူဇာတွေအကုန်လုံး ဂယက်ထလို့ နေကြပါတယ်။ အဲဒီအချိန်မှာမှ တိုက်တိုက်ဆိုင်ဆိုင် ယာကူဇာလောကရဲ့ နာမည်ကျော် ယာကူဇာကြီး ကီယူတစ်ယောက်ဟာ ထောင်ကထွက်လာပြီး တိုကျိုမြို့ရဲ့လမ်းမတွေပေါ်မှာ ဆွေမျိုးသားချင်းလည်း မဟုတ်တဲ့ ကလေးမလေးတစ်ယောက်ကို အမေဖြစ်သူရှာဖို့ ကူညီပေးရင်း လေးနှစ်ကြာကင်းကွာခဲ့ရတဲ့ ယာကူဇာလောကနဲ့ ဘယ်လိုထပ်မံပတ်သက်မိပြီး ယာကူဇာပီပီ အစွမ်းတွေပြ ကြမ်းပြမလဲဆိုတာကိုတော့ Yakuza like a Dragon 1 ဆိုတဲ့ ဇာတ်လမ်းထဲမှာပဲ ဆက်လက် ကြည့်ရှုလိုက်ကြပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Runa ဖြစ်ပါတယ်
ဇာတ်ကားကြည့်ရန်
