လူကြည့်များသော ရုပ်ရှင်များ

Ka Pae Ranasingramဇာတ်ကားမှာတော့ ရာနာဆင်းခ်ျဂမ်ဟာ ရွာသားတွေအတွက် အမြဲရပ်တည်ပေးကာ ရွာသားတွေပြသာနာကို အမြဲဖြေရှင်းပေးနေသူဖြစ်တယ်။မိန်းမချောလေးအာရီရာနာချီဟာ ရာနာဆင်းခ်ျဂမ်နဲ့ မေတ္တာမျှသွားပြီး လက်ထပ်လိုက်ကြကာ မိသားစုဘ၀ကို တည်ထောင်ခဲ့တယ်။ မိသားစုရှိသွားတဲ့ရာနာဟာ ငွေရှာဖို့ ဒူဘိုင်းကို ထွက်သွားခဲ့တယ်။တစ်နေ့မှာတော့ ရာနာဆင်းခ်ျဂမ်သေသွားပြီဆိုတဲ့ သတင်းကဘဲ အာရီရာနာချီတို့ဆီရောက်လာခဲ့တယ်။ဒူဘိုင်းကနေ ရာနာဆင်းခ်ျဂမ်ရဲ့အလောင်းကို မိသားစုဆီကို ပြန်မပို့ပေးတဲ့အတွက် အာရီရာနာချီဟာ ယောကျာ်းအလောင်းကို ပြန်ရဖို့အတွက် နည်းမျိုးစုံနဲ့ကြိုးစားရပါတော့တယ်။အာဏာပိုင်တွေကပါ လျစ်လျူရှုထားတဲ့ သာမန်ပြည်သူတစ်ယောက်ဖြစ်တဲ့ ရာနာဆင်းခ်ျဂမ်းအလောင်းရော မိသားစုဆီပြန်ရောက်နိုင်မလားဆိုတာ ကြည့်ရှုကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

ထိုင်းနိုင်ငံ အထက်တန်းကျောင်းတစ်ကျောင်းက ကျောင်းသားလေးတစ်စုက စာမေးပွဲဖြေခါနီး အမှတ်ကောင်းအောင် မယ်နက်ဖရာနတ်စင်မှာ သွားပြီး ဆုတောင်းကြတာပါ။ အဲ့ထဲက နစ်ခ် ဆိုတဲ့တစ်ယောက်က မယ်နက်ဆိုတာ တကယ်ရှိရဲ့လားဆိုပြီး စိန်ခေါ်လိုက်ရာကနေ သူငယ်ချင်းတွေအုပ်လိုက်ကြီး အတိတ်ဘဝဆီကို ပြန်ရောက်သွားကြပါတော့တယ်။ မယ်နက်ဟာ သူမခင်ပွန်းဖြစ်သူ မာ့ခ်ကို တမ်းတလွမ်းဆွတ်ရင်း သေဆုံးခဲ့ရသူဖြစ်တာမို့ ကျောင်းသားလေးတွေကို သူ့ခင်ပွန်းကိုရှာစေ‌ဖို့ လွှတ်လိုက်ပါတော့တယ်။ ဒီလိုနဲ့ ကျောင်းသားလေးတွေက မာ့ခ်ကို ပြန်ရှာတွေ့လာတဲ့အခါမှာတော့... မယ်နက်နဲ့ မာ့ခ်တို့ကြားက ကြီးမားနဲ့ ချစ်ခြင်းမေတ္တာ၊ မယ်နက်ရဲ့ မကျွတ်မလွတ်ဘဝမှာ ခံစားရတဲ့ ဒုက္ခတွေကို တုန်လှုပ်ခြောက်ခြားဖွယ် သနားဂရုဏာသက်ဖွယ် ရိုက်ကူးပြထားတဲ့ ထိုင်းဇာတ်လမ်းတွဲလေးတစ်ခုပဲ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ngwe Hnin Khaine ဖြစ်ပါတယ်

အခု မိတ်ဆက်ပေးမယ့်ကားကတော့ အသားစားပြီး ထူးခြားတဲ့ မျိုးစိတ်ကွဲပင့်ကူကြီးနဲ့ မိသားစုတစ်စုရဲ့အသက်လုပွဲဖြစ်ပါတယ်။ ခြေလေးချောင်းထက်ပိုတဲ့ သတ္တဝါတွေနဲ့ သူငယ်ချင်းမလုပ်သင့်ဘူးဆိုတာလေးကို ပုံဖော်ထားတာပါ။ ဇာတ်လမ်းအကျဉ်း~ပထွေးဖြစ်သူအီသန်နဲ့ မိခင်ဟယ်သာတို့ နောက်အိမ်ထောင်ပြုပြီး မွေးကင်းကလေးလေးကို ဂရုစိုက်နေရတဲ့အတွက် သင်းကွဲလိုဖြစ်နေတဲ့ ရှားလက်...အီသန်က သူဆွဲတဲ့ကာတွန်းစာအုပ်တွေကတစ်ဆင့် ရှားလက်နဲ့ connect ဖို့ကြိုးစားပေမယ့် ဖအေရင်းကို မမေ့နိုင်တဲ့အပြင် အလုပ်များနေတဲ့ မိဘတွေကြောင့် အထီးကျန်နေတဲ့ရှားလက်က သူကောက်ရလာတဲ့ ပင့်ကူပေါက်လေးကို သူငယ်ချင်းအဖြစ် မွေးထားခဲ့ပါတယ်။ နာမည်ကိုတောင် စတင်းလို့ပေးထားပါသေးတယ် ဒါမဲ့ အဲ့ပင့်ကူလေးက ရက်ပိုင်းအတွင်း နှစ်ဆကြီးထွားလာပြီး သူတို့တိုက်ခန်းအဆောက်အအုံက အိမ်နီးချင်းတွေပါ တစ်ယောက်ပြီးတစ်ယောက်ပျောက်ကုန်တဲ့အခါမှာတော့ စတင်းရဲ့သရုပ်မှန်ကိုသိသွားပြီး မိသားစုကိုကယ်ဖို့ ကြိုးပမ်းရပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

IMDb Rating 7.0 အထိရရှိထားတဲ့တော်တော်ကြည့်လို့ကောင်းတဲ့ ပြစ်မှု သည်းထိပ်ရင်ဖိုဇာတ်ကားလေးတစ်ကားကိုတင်ဆက်ပေးလိုက်ပါတယ်။ဇာတ်ကားလေးရဲ့နာမည်ကတော့ The Last Stop In Yuma County ဖြစ်ပြီး ယူမာဆိုတဲ့ကောင်တီစီရင်စုကအထွက်နောက်ဆုံးကားရပ်တဲ့နေရာလေးတစ်ခုမှာဖြစ်သွားခဲ့တဲ့အဖြစ်အပျက်တွေကိုတွေ့ရမှာပဲဖြစ်ပါတယ်။အဲ့ဒီမှာဘာတွေဖြစ်ခဲ့လဲဆိုတာကိုပြောရရင်တော့အဲ့ဒီနေ့မနက်သာယာအေးချမ်းတဲ့အချိန်လေးမှာသမီးလေးရှိရာကိုသွားဖို့လူတစ်ယောက်ကားမောင်းလာတာကနေစရမှာပါပဲ။ခရီးသွားနေရင်းနဲ့ခုနကပြောခဲ့တဲ့နေရာကိုရောက်တဲ့အခါမှာတော့ဆီဝင်ဖြည့်မှရတော့မှာမလို့ဆီဆိုင်ကိုဝင်ခဲ့တဲ့အခါမှာ ဖြစ်ချင်တော့ဆိုင်မှာဓာတ်ဆီကတစ်စက်မှမကျန်အောင်ကုန်နေပြီး ဆီသယ်ကားရောက်လာမှာကိုစောင့်နေတဲ့အချိန်နဲ့သွားတိုးပါတော့တယ်။အဲ့ဒါနဲ့ပဲဆီဆိုင်ဘေးကစားသောက်ဆိုင်မှာသွားစောင့်နေတုန်းဘဏ်ဓားပြနှစ်ယောက်ကလဲသူ့လိုပဲဓာတ်ဆီကားလာတာကိုစောင့်ဖို့ဆိုင်ထဲဝင်ချလာပါတော့တယ်။ အဲ့ဒီလူကလည်းကားထဲမှာဘဏ်ဓားပြမှုသတင်းကိုကြားထားရတော့မျက်စိပျက်မျက်နှာပျက်တွေဖြစ်ပြီး ဆိုင်ကစားပွဲထိုးမလေးကိုပြောလိုက်တော့ ဓားပြတွေကသိသွားပြီးသူတို့ကိုပုံမှန်အတိုင်းနေပြီး ဆီကားလာတာကိုစောင့်ဖို့ခြိမ်းခြောက်ထားပါတော့တယ်။ဒီလိုနဲ့ဓားပြတွေနဲ့သူတို့နှစ်ယောက်လုံးလည်ချာလည်လိုက်နေရင်း သူတို့လိုပဲဆီဖြည့်ဖို့ဆိုင်ထဲလာကြတဲ့သူတွေတဖြည်းဖြည်းများလာတဲ့အခါမှာတော့ဘာတွေဆက်ဖြစ်ကြမလဲဆိုတာကိုတစ်ကားလုံးပရိသတ်အာရုံကိုဖမ်းစားထားနိုင

ဘောလီးဝုဒ် အချိန်ခရီးသွားကားလေးနဲ့မိတ်ဆက်ပေးပါရစေ။ အာပူရ်ဗာဆိုတဲ့ကောင်လေးတစ်ယောက်ဟာ ပြဇာတ်မှာအချိန်ပိုင်းလုပ်ရင်း ချစ်ရသူနဲ့လည်း စိုပြေမှာအိုကေနေခဲ့ပါတယ်၊ တစ်ရက် အာပူရ်ဗာတစ်ယောက် နားနေခန်းထဲနားနေရင်း အဘိုးကြီးတစ်ယောက်ဟာ အာပူရ်ဗာဆီရောက်လာပြီး သေသွားတဲ့သူ့အဖေဟာ ရှင်နေသေးမှန်းလာပြောတယ်။ အာပူရ်ဗာ မယုံကြည်နိုင်ဖြစ်ပြီး ကိစ္စတွေကို မေ့ထားဖို့လုပ်နေခဲ့ပေမဲ့ အဲ့ပဘိုးကြီးဟာ အာပူရ်ဗာနောက်ကိုအမြဲလိုက်​နေတာကြေင့် အာပူရ်ဗာကိုခေါင်းစားစေခဲ့ပါတယ်၊ ဘာလို့ အဘိုးကြီးက အာပူရ်ဗာနောက်ကိုလိုက်နေတာလဲ၊ အာပူရ်ဗာနဲ့ဘယ်လိုပတ်သက်နေလဲ၊ အာပူရ်ဗာနောက်ပိုင်းဘာတွေဆက်ဖြစ်မလဲဆိုတာတော့ ဒီဇာတ်ကားလေးမှာကြည့်ရှုလိုက်ပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ စုဝင်းပြည့်ဖြစ်ပါတယ်

ကမ္ဘာကြီးကို Kun လို့ခေါ်တဲ့ဂြိုလ်သားတွေ ကျူးကျော်လာလို့ လူသားတွေဟာ ကမ္ဘာမြေပေါ်မှာ မနေနိုင်တော့ဘဲ မြေအောက်မှာ မြေအောက်မြို့တွေ တည်ပြီး နေလာခဲ့တာ နှစ် ၂၀ နီးပါးရှိသွားခဲ့ပါပြီ။ Giant Kun ကျူ‌းကျော်၀င်ရောက်လာတဲ့နေ့က ဖခင်ဖြစ်သူရဲ့ စွန့်ပစ်ခြင်းကို ခံခဲ့ရနဲ့ လူငယ်လေး Mo Fei ဟာ သာမန်လူတွေ မသွားရဲတဲ့ အပေါ်ကနေ ပစ္စည်းတွေ သွားရှာပြီး မှောင်ခိုးဈေးမှာ ရောင်းနေတဲ့ မှောင်ခိုသမားလေး ဖြစ်လာခဲ့ပါတယ်။ လူသားတွေကလည်း Kun တွေကို ပြန်တိုက်ဖို့အတွက် အမြဲမပြတ်ကြိုးစားနေကြပြီး တကယ့် အဆုံးဖြတ်ပေးမယ့်တိုက်ပွဲမှာတော့ လူသားမျိုးနွယ်ကို ကာကွယ်‌ေပးရမယ့်တာ၀န်က မှောင်ခိုသမားလေးရဲ့ လက်ထဲကို ကျရောက်လာ‌ပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

သက္ကရာဇ် ၁၆၂၀ ပြည့်နှစ်မှာ မိန်မစိုးချုပ်ကြီးဝေ့ကျုံးရှန်ဟာ "မိန်းမစိုးဂိုဏ်း" ဆိုပြီး ကိုယ်ပိုင်ဂိုဏ်းတစ်ဂိုဏ်းကို တည်ထောင်ခဲ့တယ်။ ဧကရာဇ်ချုံးကျန်း အာဏာရလာတော့ ဂိုဏ်းကို စပြီးရှင်းလင်းခဲ့တယ်။ ရှင်းလင်းရေးလုပ်ငန်းစဉ်အတွင်း ရာထူးနိမ့်အရာရှိလေး သုံးယောက်ဟာ တခြားသူတွေ မလုပ်ချင် မလုပ်နိုင်တဲ့တာ၀န်တွေကို ထမ်းဆောင်နေရတယ်။ လျိုကျိန်းရှင်း- ရာထူးတိုးမည်ဆိုလျင် ဘာမဆို လုပ်နိုင်သူ။ ရှန်လျန့်- ရှာလို့ ရသမျှငွေတွေကို စုပြီး ဆောင်ကြာမြိုင်က အထက်တန်းစား ပြည့်တန်ဆာတစ်ယောက်ရဲ့ လွတ်လပ်မှုကို ၀ယ်ပေးချင်‌ေနသူ။ ကျင်းယီချွမ်း- အရာရှိကို သတ်ပြီး အရာရှိနေရာမှာ အစားထိုး ခိုး၀င်နေသော ရာဇ၀တ်သားသူခိုး။ အထက်တန်းစား အရာရှိများရဲ့ကစားပွဲထဲ ကြားညှပ်ခဲ့ရတဲ့ တန်ဖိုးမဲ့လွန်းတဲ့ဘ၀မှာ အရာရှိ၀တ်စုံ၀တ် မင်းကြီး ပေးအပ်ထားတဲ့ ဓါးရှည်ကို လွယ်ထားပြီး အသက်ရှင်နေနိုင်ဖို့ ကြိုးစားနေကြရတဲ့ အိမ်မက်ကိုယ်စီနဲ့ သူတို့သုံးယောက်ရဲ့ Brotherhood ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

Romeo ဇာတ်ကားလေးမှာတော့ လီလာဟာ နာမည်ကြီးမင်းသမီးဖြစ်လာဖို့ အမြဲအိမ်မက်နေခဲ့ပေမဲ့ စည်းကမ်းတင်းကြပ်လွန်းတဲ့အဖေကြောင့် အလုပ်လုပ်တယ်လို့ လိမ်ပြောကာ ချန်နိုင်းမှာ မင်းသမီးဖြစ်ဖို့ ကြိုးစားနေခဲ့တယ်။တစ်နေ့မှာတော့ လီလာ မင်းသမီးလုပ်နေမှန်း အဖေဖြစ်သူက သိသွားပြီးတော့ အိမ်မှာပိတ်ထားပြီး ယောကျာ်းပေးစားဖို့ စီစဉ်လိုက်ပါတော့တယ်။အာရူလ်က အသက်၃၅နှစ်ရှိတာကြောင့် မိဘတွေက အိမ်ထောင်ပြုဖို့ အတင်းတိုက်တွန်းနေပေမဲ့ အချစ်စစ်ကိုရှာဖွေချင်သေးတာကြောင့် လာကမ်းလှမ်းသမျှ သတို့သမီးတိုင်းကို ငြင်းပယ်ခဲ့တယ်။ အာရူလ်တစ်ယောက် လီလာကို မြင်မြင်ချင်းချစ်မိသွားတဲ့အချိန်မှာတော့ လက်ထပ်ဖို့ကမ်းလှမ်းချိန်မှာ သဘောတူလိုက်တော့တယ်။ချစ်ရသူနဲ့လက်ထပ်လိုက်ရလို့ ပျော်ရွင်နေတဲ့ အာရူလ်ရဲ့အပျော်တွေကို လီလာဟာ ကွာရှင်းစာချုပ်တစ်စောင်နဲ့ ဖျက်စီးပစ်လိုက်ခဲ့တယ်။လီလာနဲ့မကွာရှင်းချင်တဲ့ အာရူလ်တစ်ယောက် လီလာသူ့ကိုချစ်လာအောင် ကြိုးစားရပါတော့တယ်။လက်ထပ်ပြီးမှ မိန်းမအချစ်ရအောင် ကြိုးစားနေတဲ့ အာရူလ်တစ်ယောက်ကို လီလာပြန်ချစ်လာပါ့မလားဆိုတာကို ကြည့်ရှုကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

ဒီကားကတော့ ဘင်္ဂလားဒေ့ရှ်နိုင်ငံဘယ်လိုမျိုး ဖြစ်တည်လာလဲဆိုတာ အဖြစ်မှန်ကိုအခြေခံရိုက်ကူးထားတဲ့ ဇာတ်ကားကောင်းတစ်ကားဖြစ်ပါတယ် ဘင်္ဂလားဒေ့ရှ်နိုင်ငံဟာ အရင်တုန်းက ပါကစ္စတန်နိုင်ငံမှာ အရှေ့ပိုင်းပါကစ္စတန်နဲ့ အနောက်ပိုင်းပါကစ္စတ်ဆိုပြီး နိုင်ငံကြား ကွဲလွဲမှုတွေဖြစ်နေစဉ်မှာ အရှေ့ပိုင်းပါကစ္စတန်ဖြစ်တဲ့ ဘင်္ဂလားဒေ့ရှ်နိုင်ငံကို အစိုးရကနေပြီး မတရားဖိနှိပ်အုပ်ချူပ်ခဲ့ပါတယ် ဒါကိုမကျေနပ်တဲ့ပြည်သူတွေဟာ လွတ်လပ်ခွင့်ကိုတောင်းဆိုလာကြပါတယ် အိန္ဒိယနိုင်ငံအစိုးရကနေလည်း ဘင်္ဂလားဒေ့ရှ်အတွက် လွတ်လပ်ရေးဘက်မှာ ရပ်တည်ခဲ့ပါတယ် ဒီအခြေအနေအတွက် စစ်ဆင်ရေးတစ်ခုလုပ်ဖို့ ရိုမီယိုအာလီလို့ခေါ်တဲ့ သာမန်အရပ်သားတစ်ဦး စပိုင်လုပ်ဖို့ဖြစ်လာချိန်မှာ ဘယ်လိုမျိုးလုပ်ဆောင်သွားမလဲဆိုတာ ကြည့်ရှုရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shwe Yee ဖြစ်ပါတယ်

အခုတခေါက်ကတော့ မူးယစ်ဆေးသုံးစွဲသူတွေအကြောင်း စိတ္တဇဆန်ဆန်ရိုက်ထားထားတဲ့ကိုရီးယားဇာတ်ကားကောင်းလေးပါ.... ဇာတ်လမ်းအညွှန်း ဂန်ထယ်ယောင်းလို့ခေါ်တဲ့ကောင်လေးဟာ အိပ်မပျော်တဲ့ရောဂါကိုခံစားနေရတဲ့ ခပ်မိုက်မိုက်လူငယ်ကောင်လေးတစ်ယောက်...လူတစ်ကိုယ် စိတ်နှစ်ခုပေါင်းစပ်နေတဲ့ ထူးခြားဖြစ်စဥ်ခံစားနေရတဲ့သူတစ်ယောက်ပေါ့ .... လွန်ခဲ့တဲ့သုံးနှစ်က မူးယစ်ဆေးအမှုကိုစုံးစမ်းရင်း အလွတ်တန်းဂျာနယ်လစ်သတင်းထောက်တစ်ယောက်ဟာ မူးယစ်ဆေးစွဲသူဖြစ်သွားပြီး သေဆုံးသွားခဲ့တာလား မသေဆုံးပဲဂန်ထယ်ယောင်အဖြစ်ဟန်ဆောင်ပြီး အမှုမှန်ပေါ်အောင်လုပ်ဆောင်နေတာလား ဘယ်သူကအစစ်မှန်လဲဆိုတာကို ပဟေဠိရှာရင်း ကြည့်ရှုကြရအောင်နော်...18+ အခန်းတွေပါတာမလို့ မိသားစုနဲ့အတူမကြည့်သင့်ပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Error ဖြစ်ပါတယ်

ဆစ်ဒူဆိုတဲ့ကောင်လေးတစ်ယောက်ဟာ ဂိမ်းကုမ္ပဏီတစ်ခုမှာ အလုပ်လုပ်ရင်း ချစ်ရတဲ့သူ မော့ခ်ရှာ နဲ့ အသင့်အတင့်ဘဝကိုဖြတ်သန်းနေပါတယ်။ အနေအေးလှတဲ့ ဆစ်ဒူမှာ ရာဟူးလ်ဆိုတဲ့သူငယ်ချင်းတစ်ယောက်လည်းရှိပြီး ဆစ်ဒူအတွက်တော့ ရာဟူးလ်ရော မော့ခ်ရှာရောကပါအရာရာပါ။ ဒါပေမဲ့ တစ်ရက်မှာတော့ မော့ခ်ရှာနဲ့ ရာဟူးလ်တို့နှစ်ယောက်ပေါင်းကာ ဆစ်ဒူရဲ့ပရောဂျက်ကိုကြားဖြတ်ခုတ်လုယူပြီး ဆစ်ဒူကိုသစ္စာဖောက်ခဲ့ကြပါတယ်။ ဆစ်ဒူဟာဆိုးရွားလှတဲ့ ကံကြမ္မာကိုကြံ့ကြံ့ခံရင်း နောက်ဆုံးမှာတော့ ကိုယ့်ကိုယ်ကိုယ်အဆုံးစီရင်ဖို့ အကြောင်းဖန်လာခဲ့ပါတယ်၊ သူ့ရဲ့ဘဝအကြောင်းကို ရီဝေဝေတွေးနေရင်းပဲ ဖုန်းတစ်ခုဝင်လာခဲ့ပြီး ဆစ်ဒူကိုဂိမ်းကစားရင်း ပိုက်ဆံရနိုင်မယ့်တာဝန်တွေပေးခဲ့ပါတယ်။ ပထမတော့ အသေးစားတာဝန်လေးတွေလုပ်ရင်း ဆစ်ဒူတစ်ယောက်အေးဆေးပိုက်ဆံတွေဝင်နေပေမဲ့ နောက်ပိုင်းဘယ်လိုတာဝန်တွေရလာမလဲ၊ ဒီဂိမ်းကိုစတင်သူတွေကဘယ်သူတွေဖြစ်မလဲ၊ ဆစ်ဒူတစ်ယောက် ဘယ်လိုကံကြမ္မာတွေဆက်ကြုံတွေ့ရမလဲဆိုတာတော့ ဒီဇာတ်လမ်းလေးမှာ ကြည့်ရှုလိုက်ပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ စုဝင်းပြည့် ဖြစ်ပါတယ်

ကမ္ဘာကြီးကို ဖျက်စီးဖို့ သတ္တဝါကြီးတစ်ကောင် ပေါ်လာတဲ့အချိန်မှာ ရိုးသားကြိုးစားတဲ့ ဖိုးသခွားပုလိပ်အသစ်လေးတစ်ယောက်ဟာ ခိုင်ဖုန်းမြို့ကို ရောက်လာပါ‌တယ်။ သူဟာ အလုပ်တာ၀န်ကျေပွန်ပြီး ဖြောင့်မတ်တဲ့သူဖြစ်တာကြောင့် စခန်းထဲက လူတွေက‌တော့ သဘောမကျလို့ ‌ပေါက်ကရတာ၀န်တွေပေးပြီး လူဆိုးတွေ လိုက်ဖမ်းခိုင်းတယ်။ လူဆိုးတွေကို လိုက်ဖမ်းရင်း ပုလိပ်လေးဟာ ထူးခြားတဲ့စွမ်းအင်တွေ ပိုင်ဆိုင်တဲ့ လူတစ်စုနဲ့ဆုံဖြစ်ပါတော့တယ်။ အဲ့ဒီလူတစ်စုဟာ ဝူယင်းမျိုးနွယ်စု၀င်တွေ ဖြစ်ကြပြီး ကမ္ဘာကြီးကို သတ္တဝါဆိုးကြီးလက်ထဲကနေ ကာကွယ်နိုင်အောင် သွမ့်ကျားဆိုတဲ့ ကိရိယာတစ်ခုကို အမြဲတမ်းလိုက်ရှာနေကြပြီး သူတို့တွေရဲ့နောက်ဖြစ်လာမယ့် ခေါင်းဆောင်သစ်ဆိုသူကိုလည်း လိုက်ရှာနေကြပါတယ်။ ပုလိပ်လေးဟာ ထိုအဖွဲ့က လူတွေကို သတ္တဝါကြီးတစ်ကောင်ရဲ့လက်ထဲကနေ ကယ်တင်ပေးလိုက်တာကြောင့် ခြေတစ်ဖက်နဲ့ လက်တစ်ဖက် ဆုံးရှုံးလိုက်ရပါတော့တယ်။ Adventure, Chinese Historical Fantasy အမျိုးအစားဖြစ်ပြီး နာမည်ကြီး သရုပ်ဆောင်တွေအများကြီးပါ၀င်ကာ Nomination ၇ ခုမှာ ဆုကြီးတစ်ခု ရရှိထားပါတယ်။ စိတ်လှုပ်ရှားစရာစွန့်စားခန်းတွေကို ဟာသဆန်ဆန်နဲ ပေါ့ပေါ့ပါးပါးလေး ကြည့်လို့ကောင်းတဲ့ဇာတ်ကားမျိုးလေးပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

လတ်တလောထွက်ရှိထားတဲ့ BollyWood ဇာတ်ကား​ကောင်းတွေထဲကတစ်ကားဖြစ်တဲ့ KGF Chapter-2ဟာဆိုရင် ရော့ကီး ဆိုတဲ့လူတစ်ဦးရဲ့အကြောင်းကိုအသားပေးရိုက်ကူးထားတာဖြစ်ပါတယ် ဒုစရိုက်မှုတွေကိုထမင်းစားရေသောက်ကျူးလွန်နေတဲ့သူ့ကို လူအများစုကဘုရားသခင်လိုကိုးကွယ်ကြပါတယ်။ရာဇဝတ်သားကို ဘာအကြောင်းကြောင့်များပြည်သူတွေကဘုရားသခင်လိုကိုးကွယ်နေရသလဲ သူကရောဘာအကြောင်းကြောင့်ဒီလိုရာဇဝတ်မှုတွေလုပ်နေရတာလဲ ဆိုတာကိုအရင်ခေတ်နဲ့ယခုခေတ်ရောနှောကာ ကြည့်ရှုရမဲ့ ဇာတ်ကားကောင်းလေးတစ်ကားဖြစ်ပါတယ်။ ဂိုဏ်းစတားတစ်ယောက်လိုရာဇဝတ်ကောင်ဖြစ်နေပေမဲ့လဲ မြတ်နိုးရတဲ့မိန်းကလေးအပေါ်ဂရုစိုက်မှုတွေကိုလဲ ပေးအပ်ဖို့မမေ့တဲ့ ချစ်ခြင်းမေတ္တာအကြောင်းလဲအနည်းငယ်စီပါဝင်မှာမို့လို့ ဇာတ်လမ်းထဲတသတသနစ်မျောကာကြည့်ရှုစေနိုင်ဖို့ အခုလိုပဲညွှန်းပေးလိုက်ရပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Zen ဖြစ်ပါတယ်။

နာမည်ကြီးသတင်းထောက်အာနန်အီန်ဂလာလီးက အဲလ်ဒိုရာဒိုဆိုတဲ့ စာအုပ်ကိုထုတ်ခဲ့ပေမယ့် အိန္ဒိယအစိုးရက အဲဒီစာအုပ်ကို ကော်ပီပါမကျန်အောင် အကုန်မီးရှို့ဖျက်စီးလိုက်ပါတယ်။ ဒါပေမယ့် ရုပ်ရီင်သတင်းဌာနတစ်ခုက သူ့ကိုအင်တာဗျူးပြီး စာအုပ်အကြောင်းမေးပါတော့တယ်။ သတင်းထောက်အာနန်က သူ့စာအုပ်အုပ်ထဲမှာရေးထားတဲ့ KGF နိုင်ငံအကြောင်းကို ပြောပြတဲ့ပုံစံနဲ့ ဇာတ်လမ်းကိုစထားပါတယ်။ ဆူရ်ရားဗရ်ဒါးန်က ရွှေထွက်တဲ့မြို့ကိုရှာတွေ့သွားတဲ့နေ့မှာ ရော်ကီကမွေးဖွားလာပါတယ်။ ရော်ကီရဲ့အမေက ‌မသေခင် ရော်ကီကို ချမ်းသာကြွယ်ဝတဲ့လူအဖြစ်နဲ့ပဲသေဖို့ မှာသွားခဲ့ပါတယ်။ ရော်ကီကငယ်ငယ်ကတည်း ဘုံဘေမြို့ကိုတစ်ယောက်တည်း တက်လာပြီး ဘုံဘေက နာမည်ကြီး‌‌ ရွှေအရောင်းအဝယ်လုပ်တဲ့ ဂိုဏ်နှစ်ဂိုဏ်းထဲက ရှီတ်တီးရဲ့ညာလက်ရုံးဖြစ်သွားပါတော့တယ်။ ဒါပေမယ့် ရှီတ်တီးဆီကပစ္စည်းဝယ်တဲ့လူတွေက ရှီတီးကို ရော်ကီက သူ့ထက်ကျော်သွားလိမ့်မယ်ဆိုတာမျိုးတွေပြောပြီး သွေးထိုးပါတော့တယ်။ ရှီတ်တီးကလည်း အဲဒီစကားတွေကြောင့် ရော်ကီကိုရှင်းဖို့သွားတဲ့အချိန်မှာ ရှီတ်တီးကိုယ်တိုင်က ရိုသေရတဲ့ ဘန်ဂလောရ်ကနာမည်ကြီးလူမိုက်ဂိုဏ်းခေါင်းဆောင်ဖြစ်သူ ရာဂျန်ဒရားဒေစိုင်းက ရော်ကီကိုအလုပ်အပ်ဖို့ရောက်လာတယ်။ လုပ်ခိုင်းတဲ့အလုပ်က ရွှေမြို့ပိုင်ရှင် ဆူရ်ယားဗရ်ဒါးန်ရဲ့သားဖြစ်သူ ဂရူဒါးကိုသတ်ဖို့ဆိုတော့... ရော်ကီကဂရူဒါးကိုသတ်နိုင်သွားမလား။ ကြားထဲဘယ်လိုအခက်အခဲတွေကြုံရဦးမလဲ။ KGF ဆိုတဲ့ ရွှေနိုင်ငံကရော ဘယ်လိုနိုင်ငံမ

ဒီဂျေတီလူးရဲ့နောက်ထပ်ဇာတ်ကားပါ နိုင်ငံတကာရာဇဝတ်ကောင်ကိုဖမ်းဖို့ကူညီရတယ် ဒါပေမယ့်သူမထင်ထားတာတွေဖြစ်လာပါတယ်ရာဇဝတ်ကောင်ရဲ့သူလျိုကရောဘယ်သူဖြစ်မလဲ ဒီဇာတ်ကားကိုအညွန်းနဲ့ဘာသာပြန်ပေးသူကတော့ စုဝင်းပြည့်ဖြစ်ပါတယ်

**Abigail** ရုပ်ရှင်ဟာ Horror, Thriller တွေကို ကြိုက်နှစ်သက်သူတွေအတွက်တော့ Vampire ဇာတ်လမ်းမျိုးကိုမှ ချောက်ချောက်ချားချား ကြည့်ရှုကြရမှာဖြစ်ပါတယ်။ ဇာတ်လမ်းကတော့ အဖွဲ့တစ်ဖွဲ့က အသက် (၁၂) နှစ်အရွယ် ချစ်စရာ ဘဲလေးအကမယ်တစ်ယောက်ကို ပြန်ပေးဆွဲဖမ်းခေါ်သွားရာကနေ ကြုံတွေ့လာရတဲ့ အန္တရာယ်တွေအကြောင်း ရိုက်ကူးတင်ဆက်ထားတာပါ။ ဇာတ်လမ်းအစမှာတော့ သီချင်းလေးနဲ့အတူ လှလှပပ က‌နေတဲ့ ကလေးမလေး **အက်ဘီဂေးလ်** ကို တွေ့မြင်ရမှာပါ။ မကြာခင်မှာပဲ ဖရန့်ခ် ဦးဆောင်တဲ့အဖွဲ့ကနေ သူ့ကို မေ့ဆေးထိုးပြီး ပြန်ပေးဆွဲ ဖမ်းခေါ်သွားပါတယ်။ အဲဒီကနေ သူတို့ရဲ့ခေါင်းဆောင်ရှိရာ ခဏတာ ပုန်းအောင်းမဲ့ အိမ်ကြီးတစ်အိမ်ဆီကို ရောက်သွားတဲ့အခါမှာတော့ ကောင်မလေးကို သီးသန့်အခန်းတစ်ခုမှာထားပြီး သူ့အဖေကို ငွေလှမ်းတောင်းဖို့ လုပ်ကြပါတယ်။ အဲဒီကနေတစ်ဆင့် ကောင်မလေးအဖေရဲ့နာမည်က ပုံပြင်တွေထဲက သွေးစုပ်ဖုတ်ကောင်ရဲ့နာမည်နဲ့တူနေမှန်း သိသွားတဲ့အခါမှာတော့ မယုံတဲ့သူရှိသလို ယုံတဲ့သူကလည်း ကြောက်လန့်ပြီး အဖွဲ့ထဲမှာ စိတ်ဝမ်းကွဲကုန်ပါတော့တယ်။ နောက်တော့ အဖွဲ့သားတွေ သေကုန်ရာကနေစလို့ သူတို့ဖမ်းခေါ်လာတဲ့ကောင်မလေးက တကယ့် သွေးစုပ်ဖုတ်ကောင် ဖြစ်နေမှန်းပါ သိသွားကြတဲ့ အခါမှာတော့.... ဖရန့်ခ်တို့အဖွဲ့က အိမ်ကြီးထဲမှာ သွေးစုပ်ဖုတ်ကောင်ရဲ့ရန်ကနေ ဘယ်လိုရှင်သန်အောင် နေကြမလဲ.. အဲဒီအိမ်ကြီးထဲကနေရာ လွတ်အောင် ဘယ်လိုလုပ်ကြမလဲ... သူတို့ကို ဒီအိမ်ကြီးထဲရောက်လာအောင် လုပ်ခဲ့တဲ့သ

အီဆူယွန်း(Park Ji Yeon) ဆိုတဲ့ရုပ်ရှင်မင်းသမီးတစ်ဦးက မတော်တဆမှုကြီးတစ်ခုကြောင့် အနားယူလိုက်ရပြီးတဲ့နောက် ရုပ်ရှင်လောကကိုပြန်လည်ဝင်ရောက်လာခဲ့ပါတယ်။ သို့ပေမယ့် အကျဘက်ကိုရောက်သွားတဲ့ ဆူယွန်းဟာ အဆောင်သီးသန့်တောင်နေထိုင်ခွင့်မရဘဲ တက်သစ်စမင်းသမီးတစ်လက်ဖြစ်တဲ့ ဆုန်းဂါယောင်းနဲ့ အတူနေထိုင်နေရပါတယ်။ ကျရှုံးခန်းရောက်နေတဲ့စီနီယာနဲ့ တက်သစ်စဂျူနီယာဆောင့်ကြွားကြွားတို့ကြားမှာ အဆင်မပြေမှုအဖုအထစ်ကလေးတွေကလည်း ရှိလို့နေပါသေးတယ်။ တစ်နေ့မှာဂါယောင်းဟာ ဆူယွန်းမသိလိုက်တဲ့အချိန်မှာပဲ အိမ်ထဲမှာသေဆုံးနေခဲ့ပါတယ်။ နဂိုကမှ စိတ်ကျရောဂါခံစားနေရတဲ့ဆူယွန်းဟာ ဂါယောင်းရဲ့အလောင်းကိုမြင်လိုက်ရတဲ့ခဏ အင်မတန်မှသွေးပျက်ခြောက်ခြားသွားခဲ့တဲ့နောက် သူကိုယ်တိုင်ပဲသတ်လိုက်မိပြီလို့ထင်မိသွားပါတော့တယ်။ အဲဒီနောက်မှာတော့… ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thant Sin ဖြစ်ပါတယ်

တော်လှန်ရေးမရှိခဲ့တဲ့နိုင်ငံဆိုတာခပ်ရှားရှားပါပဲ။မတရားဖိနှိပ်ခံရတဲ့နိုင်ငံတိုင်းမှာတော်လှန်ရေးတစ်ခုမဟုတ်တစ်ခုကတော့အမြဲတမ်းရှိခဲ့မှာပါပဲ။တော်လှန်ရေးဆိုတာလဲ ဆန္ဒပြတော်လှန်ရေးတွေ ငြိမ်းချမ်းစွာတော်လှန်ရေးတွေ လက်နက်ကိုင်တော်လှန်ရေးတွေအစရှိသဖြင့်မျိုးစုံရှိပါတယ်။အခုတင်ဆက်ပေးမဲ့ Rose's War ဆိုတဲ့ဇာတ်ကားထဲမှာလဲ ၁၉ ရာစုနှောင်းပိုင်းမှာအမျိုးသမီးဖိနှိပ်မှုတွေ ယောက်ျားကြီးစိုးမှုတွေမြင့်တက်နေတဲ့အချိန်မှာ ချမ်းသာတဲ့အသိုင်းအဝိုင်းကလာတဲ့ရို့စ်ဆိုတဲ့ကောင်မလေးကသူပိုင်ဆိုင်တဲ့အရာအားလုံးကိုစွန့်လွှတ်ပြီးတော်လှန်ရေးခေါင်းဆောင်တစ်ယောက်ဖြစ်လာပုံတွေကိုတွေ့မြင်ရမှာပဲဖြစ်ပါတယ်။ IMDb Rating ကလဲ 6.4 အထိရရှိထားတဲ့အတွက်ကြည့်လို့မကောင်းမှာတော့စိတ်ပူစရာမလိုပါဘူး။အထက်မှာပြောခဲ့သလိုပဲရို့စ်ကဒီလိုဖိနှိပ်မှုတွေကိုမခံနိုင်လို့တော်လှန်ရေးသမားတစ်ယောက်ဖြစ်လာခဲ့ပြီး သူတို့ရဲ့တော်လှန်ရေးနည်းလမ်းကတော့တစ်မျိုးဆန်းပါတယ်။ခရိုနီတွေလိုမျိုးနယ်ချဲ့ဝါဒကိုကျင့်သုံးတဲ့သူဌေးတွေအိမ်ကိုအနုကြမ်းစီးပြီးတန်ဖိုးကြီးပန်းချီကားတွေအကုန်လုံးကိုသိမ်းယူတဲ့နည်းလမ်းနဲ့တော်လှန်ကြတာပါ။အဲ့ဒီကမှတစ်ဆင့်ရရှိထားတဲ့ပန်းချီကားတွေကိုအသုံးချပြီးသူတို့လိုချင်တဲ့တော်လှန်ရေးပန်းတိုင်ကိုအရောက်သွားနိုင်မလားဆိုတာကိုစိတ်လှုပ်ရှားစရာအကြောင်းအရာပေါင်းများစွာနဲ့ရိုက်ကူးတင်ဆက်ထားတဲ့ဇာတ်ကားလေးပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

ကသောင်းကနင်းဖြစ်နေတဲ့ လောကကြီးကို အာဏာပိုင်တွေက မထိန်းချုပ်နိုင်တော့တဲ့အခါ ရာဇ၀တ်ကောင်တွေကို ဆုကြေးထုတ်ပြီး ဖမ်းခိုင်းပါတော့တယ်။ အဲ့ထဲမှာ Ghost Killer လို့ခေါ်တဲ့ ‌မျက်မမြင်‌ဓါးသမားတစ်ယောက်ဟာ သူ့မျက်လုံးကို ကုသဖို့ ၀ရမ်းပြေးတွေဖမ်းပြီး ဆုကြေးထုတ်ကာ ငွေစု‌ေ‌နပါတယ်။ တစ်နေ့ မှာတော့ သူ အရက်၀င်‌၀ယ်တဲ့ အိမ်တစ်အိမ်မှာ မင်္ဂလာပွဲကျင်းပမယ့်အိမ်ဖြစ်နေပြီး မင်္ဂလာပွဲနေ့မှာပဲ သတို့သားနဲ့ သတို့သမီးအစ်ကိုကို လူတစ်စုက လာသတ်သွားပြီး အသက်ရှင်ကျန်ရစ်တဲ့ သတို့သမီးကို ပေါ်ပေါ်ထင်ထင်ပဲ မဟုတ်မမှန်တာတွေကို စွပ်စွဲပါတော့တယ်။ တရားမျှတမှုကို မရနိုင်တဲ့ မိန်းကလေးအတွက် မျက်မမြင်ကြေးစားကြီးက တရားမျှမှုကို ရှာပေးဖို့ ဖြစ်လာတဲ့အခါ အင်အားကြီးအာဏာရှိတဲ့ မိသားစုတစ်စုနဲ့ ပတ်သတ်နေကြောင်း သိရပါတော့တယ်။ မျက်မမြင်ဓါးသမားကရော ဘယ်သူလဲ ။ မိန်းကလေးအတွက်ရော တရားမျှတမှုကို ဘယ်လိုရှာဖွေပေးသွားမလဲဆိုတာကိုတော့ တရုတ်သိုင်းကားချစ်မြတ်နိုးတဲ့ ပရိတ်သတ်တွေကပဲ ကိုယ်တိုင်ခံစားကြည့်ရှုလိုက်ပါတော့။ Eye for an Eye. A life for a life ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ Powder လေးကိုဘာသာပြန်တင်ဆက်ပေးလိုက်ပါတယ် လူသားဆန်ခြင်းနဲ့ နည်းပညာတိုးတက်မှုအကြောင်းကို နှိုင်းယှဉ်ပြထားတဲ့ classics ကားလေးနဲ့မိတ်ဆက်ပေးချင်ပါတယ်။ လူသားတွေရဲ့ ရက်စက်မှု ချစ်တတ်မှုနဲ့ ခွင့်လွှတ်မှုတွေကို မြင်သာအောင် ပုံဖော်ထားပါတယ်။ ဇာတ်လမ်ူအကျဉ်းက ရဲမှူးဒက်ဟာ ယာတောအိမ်က လူအိုကြီးသေဆုံးတာကို လာစစ်ဆေးရင်း မြေအောက်ခန်းမှာ ဆယ်ကျော်သက်အရွယ်ကောင်လေးကို တွေ့ခဲ့ပါတယ်။ ထူးခြားတာက အဲ့ကောင်လေးက တစ်ကိုယ်လုံးဖြူဆုတ်နေပြီး ဘာအမွေးအမျှင်မှလည်း မပါပါဘူး။ ရဲမှူးလည်း သူ့အသိဆရာမဂျက်စီကို ခေါ်လာပြီး ကောင်လေးနဲ့ ပေးတွေ့ပါတယ်။ သူ့နာမည်ကို ပေါင်ဒါလို့ ချစ်စနိုးခေါ်ကြပြီး ငယ်ငယ်တည်းက အတူနေတဲ့ အဘိုးအဘွားစုံတွဲက မွေးစားထားတာပါ။ ပေါင်ဒါက သူ့ရဲ့အသွင်အပြင်ကြောင့် အပြင်မထွက်ဖူးဘဲ လောကကြီးအကြောင်းကို စာအုပ်တွေကနေတစ်ဆင့် လေ့လာသင်ယူခဲ့တာပါ။ ဉာဏ်လည်းအရမ်းကောင်းပြီး သူ့ IQ က သတ်မှတ်ထားတဲ့ score ထက်တောင် ကျော်လွန်နေပါတယ်။ အုပ်ထိန်းသူမရှိတော့တဲ့ပေါင်ဒါကို ဂျက်စီက ကျောင်းပို့တဲ့အခါ သူ့ရဲ့သူမတူတဲ့အစွမ်းတွေကြောင့် ကျောင်းသားတွေ လန့်ကုန်ကြတာပေါ့။ လူ့အသိုင်းအဝိုင်းမှာ ဝင်ဆန့်ဖို့ကလည်း ခက်ခဲနေပါတယ်။ သာမန်လူနဲ့မတူဘဲ ကွဲထွက်နေပြီး အထီးကျန်ဝမ်းနည်းနေတဲ့ ပေါင်ဒါက လူသားတွေကို ဘယ်လို အသိပညာပေးခဲ့မလဲ...သူ့ရဲ့ထူးခြားတဲ့စွမ်းအင်တွေနဲ့ နောက်ဆုံး ending က ဘယ်လိုဖြစ်မလဲသိ

ဒီကားလေးဟာ ၂၀၂၁ ခုနှစ်ကထွက်ရှိခဲ့တဲ့ documentary ဇာတ်လမ်းလေးတစ်ခုပါ။ IMDB rating လည်း 8.1 အထိရရှိထားပါတယ်။ အမျိုးသမီးတွေ ခွဲခြားဆက်ဆံခံရတာတွေ၊ အကြမ်းဖက်ခံရတာတွေ၊ အက်ဆစ်နဲ့ပက်ခံရတယ်ဆိုတာ အိန္ဒိတင်မကပဲ ကမ္ဘာတစ်ဝန်းမှာဖြစ်နေကြပါ။ ဒါပေမဲ့ အိန္ဒိယမှာ ဒီကိစ္စမှာ အလွန်ကိုများလွန်းလို့ ပြုပြင်လို့တောင်မရနိုင်ဘူးလို့ ထင်ကြပါတယ်။ စရီရှ်တီ ဘက်တီဆိုတဲ့ အမျိုးသမီးဟာကတော့ ဒီလိုမျိုးကိစ္စတွေပပျောက်စေနိုင်ဖို့အတွက် ၃၈၀၀ ကီလိုမီတာဝေးတဲ့ခရီးကို လမ်းလျှောက်ရင်းသူ့ဆန္ဒကိုထုတ်ဖော်ကိုလုပ်ခဲ့ပါတယ်။ လမ်းခရီးတစ်လျှောက် အလွှာပေါင်းစုံက အနိုင်ကျင့်ခံအမျိုးသမီးတွေနဲ့လည်းတွေ့ဆုံခဲ့ပြီး အမျိုးသမီးတွေ ပညာရလာစေဖို့၊ မျက်စိတွေပွင့်လာစေဖို့အတွက် ဟောပြောပွဲတွေလုပ်တာတွေကိုမြင်ရမှာပါ။ အကြမ်းဖက်မှု၊ အနိုင်ကျင့်မှုတွေကိုခံခဲ့ရတဲ့ အမျိုးသမီးတစ်ယောက်ချင်းစီရဲ့အကြောင်းနဲ့ ဒီအရာတွေကိုသူတို့ဘယ်လိုတွန်းလှန်ခဲ့လဲ၊ ဘယ်လိုဘဝသစ်တွေစခဲ့လဲဆိုတာ ဒီဇာတ်လမ်းလေးမှာကြည့်ရှုလို့ရပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ စုဝင်းပြည့်ဖြစ်ပါတယ်

Daer ဇာတ်ကားလေးကတော့ အိန္ဒိယမိသားစုဇာလ်လမ်းကို အချစ် ဟာသနှောပြီးရိုက်ထားတာဖြစ်ပါတယ် အာဂျွန်တို့မိသားစု သူငယ်ငယ်ကလေးတည်းက အဖေဖြစ်သူဟာသူတို့ကိုထားပြီး အိမ်ကနေထွက်ပြေးသွားခဲ့ပါတယ် အာဂျွန်တစ်ယောက် သူ့အစ်ကိုစကားပဲနားထောင်ပြီး ကြီးပြင်းခဲ့ရာမှ တစ်နေ့တော့ အစ်ကိုဖြစ်သူက သူ့ကို အိမ်ထောင်ချပေးဖို့ ကြိုးစားပါတော့တယ် အစ်ကိုဖြစ်သူ ရှာပေးတဲ့ဒီပီကာဆိုတဲ့ မိန်းကလေးကို ချစ်မိသွားပြီး လက်ထပ်ပြီးတော့မှ ဒီပီကာဟာအိပ်နေရင်း ဟောက်တတ်တာကို သိသွားပါတော့တယ် အာဂျွန်တစ်ယောက် နဂိုတည်းကအအိမ်စက်သူဖြစ်တော့ ဒီပီကာနဲ့ အိမ်ထောင်ရေးကို ဘယ်လိုမျိုးဆက်လက်ထိန်းသိမ်းသွားမလဲ အာဂျွန်တို့မိသားစုရော ပျော်ပျော်ရွှင်ရွှင်နဲ့ပြန်ဆုံတွေ့နိုင်ကြပါ့မလားဆိုတာ ဒီကားလေးထဲမှာ ကြည့်ရှုရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shwe Yee ဖြစ်ပါတယ်

1890 နဲ့ 1900 ခုနှစ်တွေမှာ ဥရောပက ရွှေ့ပြောင်းနေထိုင်သူတွေဟာ အမေရိကကိုရောက်လာကြပါတယ်။ သူတို့တွေဟာ အင်္ဂလိပ်လို တစ်လုံးမှမပြောတတ်ကြတာမို့ အမေရိကမှာ အခက်အခဲတွေများစွာနဲ့ ကြုံကြရပါတယ်။ ရွှေ့ပြောင်းရောက်လာကြတဲ့သူတွေမို့ အမေရိကန်တွေကလဲ ခွဲခြားဆက်ဆံကြပါတယ်။ အဲ့လိုဒုက္ခရောက်နေတဲ့သူတွေ၊ မိဘမဲ့ကလေးငယ်တွေကို ကူညီပေးဖို့အတွက် Cabrini ဆိုတဲ့ သီလရှင်တစ်ပါးဟာ အီတလီကနေရောက်လာပါတယ်။ သူမဟာ အခက်အခဲတွေကြားထဲက ဒုက္ခရောက်နေတဲ့သူတွေကို ဘယ်လိုကူညီမလဲ။ အမေရိကရဲ့ လူမျိုးရေးခွဲခြားမှုတွေ၊ လူတန်းစားခွဲခြားမှုတွေ၊ ကျားမခွဲခြားဆက်ဆံမှုတွေကြောင့် ဘယ်လိုအခက်အခဲတွေ တွေ့ကြုံရမလဲဆိုတာကို ကရုဏာသက်ဖွယ် ကြည့်ရမှာဖြစ်ပါတယ်။ IMDb rating မှာ 7.8/10 ထိရရှိထားပြီးတော့ Rotten tomato မှာလဲ 98% ထိရရှိထားတဲ့ တကယ်ကြည့်လို့ကောင်းတဲ့ ဇာတ်ကားတစ်ကားဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Kyaw Khant Linn ဖြစ်ပါတယ်